Students can use Class 6 Malayalam Kerala Padavali Question Answer and സാധ്യമെന്ത് Sadhyamenthu Summary in Malayalam to grasp the key points of a lengthy text.
Class 6 Malayalam Sadhyamenthu Summary
Sadhyamenthu Summary in Malayalam
സാധ്യമെന്ത് Summary in Malayalam
എഴുത്തുകാരനെ പരിചയപ്പെടുത്തുന്നു
മലയാളത്തിലെ പ്രമുഖനായ ഒരു കവിയാണ് മാധവൻ അയ്യപ്പത്ത്. തൃശ്ശൂർ ജില്ലയിലെ കുന്നംകുള ത്തിനടുത്ത് ചൊവ്വന്നരിൽ അയ്യപ്പത്ത് ലക്ഷ്മിക്കുട്ടിയ മ്മയുടെയും പെരിങ്ങോട്ട് കരുമത്തിൽ രാമുണ്ണിനായ രുടെയും മകനായി 1934 ഏപ്രിൽ 24ന് ജനനം. മദ്രാസ് യൂണിവേഴ്സിറ്റിയിൽ നിന്ന് ഇക്കണോമിക്സിൽ ബി. എ.യും ഇംഗ്ലീഷ് സാഹിത്യത്തിൽ എം.എ. യും എടു ത്തു. 1992 വരെ കേന്ദ്ര സർക്കാർ സേവനം. ജീവചരി ത്രക്കുറിപ്പുകൾ, കിളിമൊഴികൾ (കവിതാസമാഹാരം) ശ്രീനാരായണഗുരു (ഇംഗ്ലീഷ്) ധർമ്മപദം (തർജ്ജമ) തുടങ്ങിയവ പ്രധാന കൃതികളാണ്. 1988-ലെ കേരള സാഹിത്യ അക്കാദമി അവാർഡ്, 2008 ലെ ആശാൻ പ്രസ് തുടങ്ങിയ പുരസ്കാരങ്ങളും ലഭിച്ചിട്ടുണ്ട്.
കവിതാസാരം
വേവലാതിയാണപ്പോഴുമെങ്കിൽ
…………………………………….
ചമ്പകങ്ങൾ വിടർന്നാടി നിൽക്കേ
പ്രകൃതി നമുക്ക് എത്ര മനോഹരമായ കാഴ്ചകളാണ് ഒരുക്കിയിരിക്കുന്നത്. നമുക്ക് എപ്പോഴും വേവലാതി യാണെങ്കിൽ ഈ ജീവിതം കൊണ്ട് എന്തർത്ഥമാണു ള്ളത്. പുഞ്ചിരിച്ചു നിൽക്കുന്ന പ്രഭാതവും ചിറക് വിടർത്തുന്ന കിളിയും പൂക്കൾ നിറഞ്ഞ തോട്ടവുമെല്ലാം എത്ര മനോഹരമായ കാഴ്ചകളാണ്. ഈ സൗന്ദര്യ മൊന്നും ആസ്വദിച്ചു നിൽക്കാൻ നമുക്ക് നേരമില്ലേ
എന്നാണ് കവി നമ്മോട് ചോദിക്കുന്നത്. പുല്ലും പൂവും കിളിയുമുൾപ്പെടെയുള്ള പ്രകൃതി ഓരോ വേവലാതി യിലും നമ്മെ സമാശ്വസിപ്പിച്ചു കൊണ്ടിരിക്കും എന്നാ ണ് കവി പറയുന്നത്. നമുക്ക് കാഴ്ച വെയ്ക്കാനായാണ് കാട്ടുപുല്ലുകൾ മഞ്ഞുതുള്ളികളാകുന്ന മുത്തുകളേന്തി നിൽക്കുന്നത്. അമ്പലത്തിലെ നടവഴികളിൽ ചമ്പക ങ്ങൾ പൂത്തുലഞ്ഞു നിൽക്കുകയാണ്.
പൂക്കവിളിൽ പവിഴപ്പാളിയിൽ
………………………………………..
നോക്കി നിൽക്കുന്നു കാലികൾ പോലും!
ജീവിതപ്പാച്ചിലിനിടയിൽ നാം പലപ്പോഴും ഇതൊന്നും കാണുന്നില്ല. എന്നാൽ കുട്ടികൾ എല്ലാം ആസ്വദിക്കു ന്നു. പവിഴത്തുണ്ട് പോലുള്ള പൂങ്കവിളിൽ മോഹന സ്വപ്നങ്ങൾ പ്രകാശം വിതറുമ്പോൾ അമ്മമാരുടെ കൈവിരൽ ഉമ്മ വെച്ചു നടക്കുകയാണ് കുട്ടികൾ. അവർ പ്രകൃതി സൗന്ദര്യം ആസ്വദിച്ചാണ് നടക്കുന്ന ത്. എന്നാൽ കണ്ണടച്ചു ജപിച്ചു നടക്കുന്ന നാം വിണ്ണി ലെന്താണ് കൊതിക്കുന്നതെന്നാണ് കവി ചോദിക്കു ന്നത്. അൽപനേരം ഒന്നിരിക്കൂ എന്ന് പറഞ്ഞ് പുല്ലു പായ വിരിച്ചു താഴ്വര നമ്മെ വിളിക്കുകയാണ് എന്നെ ഒന്നു തലോടുക എന്ന് പറഞ്ഞുകൊണ്ട് താമരക്കുളം മാടിവിളിക്കുന്നു. എന്നാൽ നമ്മളാകട്ടെ നിൽക്കാതെ യുള്ള ജീവിതപ്പാച്ചിലിലാണ്. നമ്മുടെ ഓട്ടം കന്നുകാ ലികൾ പോലും നോക്കി നിൽക്കുകയാണ്.
നീരദത്തുണ്ടിലന്തിക്കതിർകൾ
………………………………….
അല്ലല്ലാണു നമുക്കുള്ളിലെങ്കിൽ
മേഘത്തുണ്ടുകളിൽ അസ്തമയ സൂര്യന്റെ രശ്മികൾ മഴവില്ല് വരച്ചു കളിക്കുമ്പോൾ, ആട് മേയ്ക്കുന്ന പെൺകിടാവ് എങ്ങ് നിന്നോ പാടുന്ന പാട്ടിൽ വെയിൽ അലിഞ്ഞു ചേരുമ്പോൾ കുന്നിന്റെ ചായിലെ പാറ നമ്മെ ഈ ഭംഗി ആസ്വദിക്കാൻ വിളിക്കുകയാണ്. നില്കാതെ ഓടുന്ന നമ്മെ നോക്കി കിളികൾ പരിഹ സിച്ചു ചിരിക്കുകയാണ്. രാത്രിയിലാകെ സുഗന്ധം പരത്തി മുല്ലപ്പൂക്കൾ വിരിഞ്ഞു നിൽക്കുമ്പോഴും മൃദുല രശ്മികൾ നീട്ടി നക്ഷത്രങ്ങൾ നമ്മെ നോക്കി ചിരി ക്കുമ്പോഴും സങ്കടമാണ് നമ്മുടെ ഉള്ളിലെങ്കിൽ,
ഇല്ല ശാന്തി ഹൃദന്തത്തിനെങ്കിൽ
………………………………………..
ജീവിതം കൊണ്ടു സാധ്യമെന്താവോ?
ഹൃദയത്തിന് ശാന്തിയില്ലെങ്കിൽ, ഉത്സവാഘോഷങ്ങൾ പോലും മത്സരത്തിന് മാത്രമാണെങ്കിൽ നമുക്ക് ഈ വിടർന്നു നിൽക്കുന്ന സൗന്ദര്യത്തിന്റെ ശോഭ ആസ്വ ദിക്കാൻ കഴിയില്ല. അന്തമില്ലാത്ത ഈ ജീവിതം പന്തയം പോലെയാണെങ്കിൽ പിന്നെ എന്താണ് ആഗ്രഹിക്കാ നുണ്ടാവുക? എപ്പോഴും വേവലാതിയാണെങ്കിൽ ജീവിതം കൊണ്ട് എന്താണ് സാധ്യമാവുക? പ്രകൃതി യുടെ സൗന്ദര്യനിധിയിലേക്ക് എപ്പോഴും നമ്മുടെ ശ്രദ്ധ പതിഞ്ഞു കൊണ്ടിരിക്കണം എന്ന ഓർമ്മപ്പെടുത്ത ലാണ് ഈ കവിത.
പദപരിചയം
വേവലാതി – പ്രശ്നം, വെപ്രാളം
ഉഷസ്സ് – പ്രഭാതം
പൂഞ്ചിറക് – മനോഹരമായ ചിറക്
ചമഞ്ഞ – അണിഞ്ഞൊരുങ്ങിയ
അവനി – ഭൂമി
ചമ്പകം – കടുത്ത മണമുള്ള പൂവുണ്ടാകുന്ന വൃക്ഷം
പവിഴം – രത്നങ്ങളിൽ ഒന്ന്
പൂങ്കിനാവ് – മനോഹരമായ സ്വപ്നം
ഒളി – ശോഭ
വിണ്ണ – ആകാശം
കാലികൾ – പശു, പോത്ത്, എരുമ, കാള, തുടങ്ങി യവ
നീരദം – മേഘം
അന്തി – സന്ധ്യ
നികരുക – അനുഭവിക്കുക
ശ്രീല – ശ്രീയുള്ള, ഐശ്വര്യമുള്ള
താരകൾ – നക്ഷത്രങ്ങൾ
അല്ലൽ – സങ്കടം, ദുഃഖം
ശാന്തി – ശാന്തത, ആശ്വാസം
വിലാസം – ലീല, ഭംഗി
ഫുമ്ലം – വിടർന്നത്
പുൽക്കുക – കെട്ടിപ്പിടിക്കുക
പന്തയം – സമ്മാനം നൽകുന്ന മത്സരം
കാമ്യം – ആഗ്രഹിക്കത്തക്ക
കതിര് – രശ്മി
മാരിവില്ല് – മഴവില്ല്
അല്ല – ഫുമ്ലം
മരീചി – രശ്മി
ഹൃദന്തം – ഉള്ള്
കാന്തി – ശോഭ
തെല്ല് – അൽപ്പം
അന്തം – അവസാനം
പര്യായം
പുഞ്ചിരി – സ്മിതം, മന്ദഹാസം, ഹസിതം
ഉഷസ്സ് – പ്രഭാതം, പുലർകാലം, പ്രത്യുഷം, പ്രാതഃകാലം
അവനി – ഭൂമി, ധരണി, ധരിത്രി, ധര, പൃഥ്വി
അമ്മ – മാതാവ്, ജനനി, ജനയിത്രി
കൈവിരൽ – അംഗുലി, കരശാഖ
ചെമ്പകം – ചാമ്പേയം, ഹേമപുഷ്പം
വിണ്ണ് – ആകാശം, ഗഗനം, വാനം
നീരദം – മേഘം, ജലദം, വാരിദം
അന്തി – സന്ധ്യ, പ്രദോഷം, സായംകാലം
കതിർ – രശ്മി, വീചി
ആട് – അജം, മേധം
വെയിൽ – ആതപം, ദ്യോതം, പ്രകാശം
പിരിച്ചെഴുതുക
വേവലാതിയാണപ്പോഴുമെങ്കിൽ – വേ വ ലാതി + എപ്പോഴും + എങ്കിൽ
നിൽക്കുമുഷസ്സും – നിൽക്കും + ഉഷസ്സും
പവിഴപ്പൊളിയിൽ – പവിഴ + പൊളി + ഇൽ
നീരദത്തുണ്ടിലന്തിക്കതിർകൾ – നീരദ + തുണ്ടിൽ + അന്തി + കതിർ + കൾ
മാത്രമാണെങ്കിൽ – മാത്രം + ആണ് + എങ്കിൽ
നമുക്കിടയെങ്കിൽ – നമുക്ക് + ഇട + എങ്കിൽ
വിഗ്രഹിക്കുക
കാട്ടുപുല്ലുകൾ – കാട്ടിലെ പുല്ലുകൾ
പൂങ്കവിളിൽ – പൂ പോലെയുള്ള കവിളിൽ
പൂങ്കിനാക്കളൊളി – പൂങ്കിനാക്കളുടെ ഒളി
കൈവിരൽത്തുമ്പിൽ – കൈവിരലിന്റെ തുമ്പിൽ
മുല്ലപ്പൂക്കൾ – മുല്ലയുടെ പൂക്കൾ