Practicing with Class 5 Malayalam Kerala Padavali Notes Pdf Unit 1 Chapter 1 മണ്ണിന്റെ കിനാവുകൾ Manninte Kinavukal Notes Questions and Answers Pdf improves language skills.
Manninte Kinavukal Class 5 Notes Questions and Answers
Class 5 Malayalam Kerala Padavali Notes Unit 1 Chapter 1 Manninte Kinavukal Question Answer
Class 5 Malayalam Manninte Kinavukal Notes Question Answer
ഈണത്തിൽ താളത്തിൽ
Question 1.
ആദ്യം എല്ലാവരും ഈ കവിത മൗനമായി ഒന്നോ രണ്ടോ തവണ വായിക്കൂ. ഇനി ചെറിയ ഗ്രൂപ്പുകളായി കവിതയ്ക്കു ചേരുന്ന ഈണത്തിൽ ചൊല്ലി അവതരിപ്പിക്കൂ. ഒരു ഗ്രൂപ്പിന്റെ അവതരണം മറ്റു ഗ്രൂപ്പുകൾ ശ്രദ്ധിച്ച് വിലയിരുത്തുക.
Answer:
• വ്യക്തിഗത വായന
• അക്ഷരസ്ഫുടത
• സംഘമായി ഈണം നൽകിയ അവതരണം
പൂക്കളെ പരിചയപ്പെടാം
Question 1.
കവിതയിൽ ഏതെല്ലാം പൂക്കളെക്കുറിച്ചാണ് പറഞ്ഞരിക്കുന്നത്? അവയുടെ വർണ്ണചിത്രം ചുവടെ കൊടുത്ത കളങ്ങളിൽ വരച്ച് പേരെഴുതുക.
Answer:
നോട്ടുപുസ്തകത്തിൽ ഒന്നോ രണ്ടോ പേജ് നിറയെ പൂക്കളുടെ ചിത്രം വരച്ച് നിറം കൊടുക്കുമല്ലോ
നമുക്കും പൂക്കളാകാം
Question 1.
പൂക്കളുടെ പേരുള്ള ഗ്രൂപ്പുകളായി മാറു
നിങ്ങൾക്ക് ലഭിച്ച പൂവിനെക്കുറിച്ച് കവിതയിൽ പറഞ്ഞിട്ടുള്ള വരികൾ കണ്ടെത്തി അവതരിപ്പിക്കൂ. അവ യുടെ സവിശേഷതകളും അവതരണത്തിൽ ഉൾപ്പെടുത്തുമല്ലോ.
Answer:
ഉദാ :
മുക്കുറ്റി – പൊൻവെയിലിൽ കുരുത്ത മുക്കുറ്റികൾ
ഗ്രൂപ്പ് മുക്കുറ്റി – നക്ഷത്രം പോലുള്ള കുഞ്ഞുമഞ്ഞപ്പൂക്കളുമായി മുറ്റത്തും തൊടിയിലുമൊക്കെ ഞങ്ങൾ ഓണക്കാലത്ത് വിരിഞ്ഞുനിൽക്കും. ദശപുഷ്പങ്ങളിൽ ഒന്നാണ്.
കോളാമ്പി – മഞ്ഞനക്ഷത്രമെന്നപോൽ വേലിയിൽ മഞ്ഞണിഞ്ഞു വിരിഞ്ഞ കോളാമ്പികൾ
ഗ്രൂപ്പ് കോളാമ്പി – പൂന്തോട്ടങ്ങളിലും പാതയോരങ്ങളിലുമൊക്കെ പൊൻ ചിരി തൂകി നിൽക്കുന്ന ഞങ്ങളെ നിങ്ങൾ കണ്ടിട്ടില്ലേ. എല്ലാ ദിവസവും ഞങ്ങൾ പൂക്കും. ചില്ലകളുടെ അറ്റത്ത് കുലകളായാണ് ഞങ്ങൾ ഉണ്ടാകുന്നത്.
കൃഷ്ണകിരീടം – രാജമുദ്രയണിഞ്ഞ ചെന്താരുകൾ
ഗ്രൂപ്പ് കൃഷ്ണ കിരീടം – നാട്ടിൻപുറങ്ങളിൽ സാധാരണയായി കണ്ടുവരുന്ന ഞങ്ങളെ ഓണപ്പൂക്കളത്തിൽ ഉപയോഗിക്കാറുണ്ട്. കിരീടത്തിന്റെ ആകൃതിയിലാണ്.
ഞങ്ങളുടെ പൂങ്കുല. അതുകൊണ്ടാണ് രാജമുദ്രയണിഞ്ഞ ചെന്താരുകൾ എന്ന് പറഞ്ഞിരുന്നത്.
ഓർത്തു ചൊല്ലാം
Question 1.
കവിതയിൽ ആദ്യം പറഞ്ഞത് ഏതു പൂവിനെക്കുറിച്ചാണ്? ഓരോ പൂവിനെക്കുറിച്ചും പറഞ്ഞ വരികൾ ഓർത്ത് ചൊല്ലൂ.
Answer:
കവിതയിൽ ആദ്യം പറഞ്ഞത് മുക്കുറ്റിയെക്കുറിച്ചാണ്.
മുക്കുറ്റി : പൊൻ വെയിലിൽ കുരുത്ത മുക്കുറ്റികൾ
തുമ്പ : പൂനിലാവ് നുകർന്ന പൂത്തുമ്പകൾ
ജമന്തി : സന്ധ്യ നെഞ്ചത്തെടുത്ത് ലാളിച്ചതിന്റെ ചന്തമാകെ പകർന്ന ജമന്തികൾ
കോളാമ്പി പൂവ് : മഞ്ഞ നക്ഷത്രമെന്നപോൽ വേലിയിൽ മഞ്ഞണിഞ്ഞു വിരിഞ്ഞ കോളാമ്പികൾ പനിനീർപ്പൂവ് : കാറ്റിലേക്ക് സുഗന്ധമെല്ലായ്പ്പോഴും ചേറ്റി നിൽക്കും പനിനീരുകൾ.
പൂക്കളോടൊപ്പം
Question 1.
പൂക്കൾ മണ്ണിന്റെയോമൽക്കിനാവുകൾ
പൂക്കൾ ജീവന്റെ പ്രേമപ്രതീക്ഷകൾ
പൂക്കളെക്കുറിച്ച് കവിതയിൽ പൊതുവായി
പറയുന്ന കാര്യങ്ങൾ കണ്ടെത്തിയെഴുതുക.
Answer:
ഈ ഭൂമിയിൽ ഒട്ടേറെ പൂക്കളുണ്ട്. ഈ പൂക്കളെയെല്ലാം ഭൂമിയുടെ മക്കളായിട്ടാണ് കവി പറഞ്ഞിരിക്കുന്നത്. സദാസമയം ആകാശത്തേക്ക് നോക്കി വിരിഞ്ഞു നിൽക്കുന്നത് കൊണ്ട് തന്നെ പൂക്കളുടെ കണ്ണുകളിൽ നീലയാകാശം തെളിഞ്ഞു കാണാം എന്ന് കവി പറയുന്നു. അലങ്കാരത്തിനായ് നമ്മൾ മാലയണിയുന്നത് പോലെത്തന്നെ പൂക്കൾക്ക് അവയുടെ ഇതളുകളിൽ പറ്റി നിൽക്കുന്ന ജലകണങ്ങൾ എപ്പോഴും അലങ്കാര മാണെന്ന് കവി പറഞ്ഞിരിക്കുന്നത്. ഈ പൂക്കളെല്ലാം തന്നെ ഏത് ചൂടിലും വാടാതെ നിൽക്കുന്നവരാണ്. അതുപോലെ തന്നെ രാത്രിയെയോ ഇരുട്ടിനെയോ അവർക്ക് പേടിയില്ല. ഏത് ഇരുട്ടിലും പൂക്കൾ ചിരിച്ചു കൊണ്ടാണ് നമുക്ക് കാണാൻ സാധിക്കുക.
പൂക്കളും നമ്മളും
Question 1.
നീലവാനം മിഴികളിലുള്ളവർ
നീർക്കണങ്ങളാൽ മാല ചാർത്തുന്നവർ
ഏതു ചൂടിലും വാടാതെ നിവർ
ഏതിരുട്ടിലും മന്ദഹസിപ്പവർ…………………….
ഈ വരികളിൽ പൂക്കളുടെ സവിശേഷതകൾക്കൊപ്പം മറ്റെന്തെല്ലാം കാര്യങ്ങളാണ് പറയാനുള്ളത്? ചർച്ച ചെയ്ത് കുറിപ്പ് തയ്യാറാക്കുക.
Answer:
വി. മധുസുദനൻ നായരുടെ മനോഹരമായൊരു കവിതയാണ് മണ്ണിന്റെ കിനാവുകൾ. പൂക്കളുടെ മനോ ഹാരിതയെയും സവിശേഷതകളെയും കുറിച്ചാണ് കവിതയിൽ പറയുന്നത്. കവിതയുടെ അവസാനഭാഗ ങ്ങളിൽ പൂക്കളുടെ സവിശേഷതകളെക്കുറിച്ചാണ് കവി പറഞ്ഞിരിക്കുന്നത്. പൂക്കളെ ഭൂമിയുടെ മക്കളാ യാണ് കവി വർണിക്കുന്നത്. ദിവസവും ഒരുപാട് പൂക്കൾ മണ്ണിലേക്ക് പിറന്നു വീഴുന്നു. ഭൂമിയിൽ പിറന്ന തിനുശേഷം കണ്ണുകൾ തുറക്കുമ്പോൾ തൊട്ട് അവരുടെ കണ്ണുകളിൽ പ്രതിഫലിക്കുന്നത് വിശാലമായ നീലാകാശമാണ്. കണ്ണുകൾ അടയുന്നതുവരെ അവരുടെ കാഴ്ച അതുതന്നെ. ഇതളുകളിൽ പതിക്കുന്ന ഓരോ വെള്ളത്തുള്ളികളെയും കോർത്ത് അവർ മാലയായി ധരിക്കുന്നു. വെള്ളത്തുള്ളികൾ തട്ടുമ്പോ ഴുള്ള പൂക്കളുടെ ആഹ്ലാദത്തെയാണ് കവി ഇവിടെ സൂചിപ്പിക്കുന്നത്. എത്ര വലിയ ചൂടിനെയും അതിജീ വിച്ചുകൊണ്ട്, ഏതിരുട്ടിലും പുഞ്ചിരിച്ചു കൊണ്ട് ജീവിതത്തിൽ പോരാടുന്നവരാണ് ഓരോ പൂക്കളും എന്ന് കവി വ്യക്തമാക്കുന്നു. പൂക്കളെ മണ്ണിന്റെ സ്വപ്നങ്ങൾ ആയും സ്നേഹം നിറഞ്ഞ പ്രതീക്ഷകളുമാ യാണ് കവി കാണുന്നത്.
ആസ്വാദനക്കുറിപ്പിലേക്ക്
Question 1.
മണ്ണിന്റെ കിനാവുകൾ എന്ന കവിത ഇഷ്ടമായല്ലോ. നിങ്ങൾ മനസ്സിലാക്കിയ കാര്യങ്ങൾ ഉൾപ്പെടുത്തി താഴെ കൊടുത്ത പടം പൂർത്തിയാക്കൂ.
മനോപടത്തിന്റെ സഹായത്തോടെ ആസ്വാദനക്കുറിപ്പ് തയ്യാറാക്കുക. നല്ലൊരു പേരു നൽകുമല്ലോ.
Answer:
വി. മധുസൂദനൻ നായർ എഴുതിയ ‘ഭൂമി പാടുന്ന ശീലുകൾ’ എന്ന പുസ്തകത്തിലെ മനോഹരമായൊരു കവിതാഭാഗമാണ് മണ്ണിന്റെ കിനാവുകൾ. മണ്ണിന്റെ കിനാവുകൾ എന്ന ഈ കവിതയിൽ മണ്ണിന്റെ സ്വപ്ന ങ്ങളെക്കുറിച്ചും പ്രതീക്ഷകളെ കുറിച്ചുമാണ് കവി പറയുന്നത്. കവിതയുടെ ആദ്യഭാഗങ്ങളിൽ പലതരത്തി ലുള്ള പൂക്കളുടെ പ്രത്യേകതകളെ കുറിച്ച് കവി പറയുന്നു. അവസാനഭാഗത്ത് എല്ലാ പൂക്കളിലും കാണുന്ന പൊതുവായ സവിശേഷതകളെകുറിച്ചും പറയുന്നു.
മണ്ണിന്റെ കിനാവുകൾ എന്ന കവിതയിൽ മണ്ണിന്റെ സ്വപ്നങ്ങളെക്കുറിച്ചും പ്രതീക്ഷകളെക്കുറിച്ചുമാണ് പറ യുന്നത്. കവിതയുടെ ആദ്യഭാഗങ്ങളിൽ പലതരത്തിലുള്ള പൂക്കളുടെ പ്രത്യേകതകളെ കുറിച്ചു പറയുന്നു. അവസാനഭാഗത്ത് എല്ലാ പൂക്കളിലും കാണുന്ന പൊതുവായ സവിശേഷതകളെക്കുറിച്ചും പറയുന്നു.
മുക്കുറ്റി പൂവിനെ വർണ്ണിച്ചുകൊണ്ടാണ് കവിത ആരംഭിക്കുന്നത്. സ്വർണനിറമുള്ള വെയിലിൽ നിന്നും ജനിച്ചവരാണ് മുക്കുറ്റിപ്പൂക്കൾ എന്ന് കവി പറയുന്നു. ഇതിലൂടെ മുക്കുറ്റിപ്പൂവിന്റെ ഭംഗിയെയാണ് സൂചിപ്പി ക്കുന്നത്. വെയിലിന്റെ നിറവും മുക്കുറ്റിയുടെ നിറവും ഒരുപോലെയാണെന്ന് കവി ഈ വരികളിലൂടെ അർത്ഥമാക്കുന്നു. തുമ്പപ്പൂക്കളെ നിലാവുമായാണ് കവി താരതമ്യം ചെയ്യുന്നത്. തുമ്പപ്പൂക്കൾ നിലാവു പോലെ വെണ്മയുള്ളതാണെന്ന് ഇവിടെ പറയുന്നു. സന്ധ്യാനേരത്ത് ആകാശത്ത് വിടരുന്ന നിറവുമാ യാണ് ജമന്തിപ്പൂക്കളെ കവി കൂട്ടിച്ചേർക്കുന്നത്. സന്ധ്യ എന്നത് കൊണ്ട് സമയത്തെയാണ് വ്യക്തമാക്കു ന്നത്. സന്ധ്യ നെഞ്ചത്തെടുത്ത് ഓമനിച്ചതുകൊണ്ടാണ് ജമന്തിപ്പൂക്കൾക്ക് ആ നിറം ലഭിച്ചത് എന്ന് കവി തയിലൂടെ പറയുന്നു.
കുരുക്കുത്തിമുല്ലകൾ വിടരുന്നത് രാത്രിയിലാണ്. അതിനാലാണ് രാത്രിയിൽ മണ്ണിൽ ജനിക്കുന്നവരാണ് കുരുക്കുത്തിമുല്ലകൾ എന്ന് കവി പറയുന്നത്. കവിതയുടെ തുടർന്നുള്ള ഭാഗങ്ങൾ വായിക്കുമ്പോൾ കൃഷ്ണ കിരീടം പൂക്കളെ കുറിച്ചും വാടാമല്ലി പൂക്കളെ കുറിച്ചും മനസ്സിലാക്കാം. രാജമുദ്രയണിഞ്ഞവരാണ് ചുവന്ന പൂക്കൾ എന്ന കവിതയിൽ പറയുന്നു. രാജമുദ്ര അണിഞ്ഞ ചുവന്ന പൂക്കൾ എന്നതുകൊണ്ട് കവി വർണ്ണി ക്കുന്നത്. കൃഷ്ണകിരീടം പൂക്കളെയാണ്. ഈ പൂക്കളെ കാണാൻ കിരീടം ആകൃതിയിലാണ് ഉണ്ടാവുക. ഭൂമിയിൽ അണിഞ്ഞ കുങ്കുമപ്പൊട്ടുപോലെ ഭംഗിയുള്ളവരാണ് വാടാമല്ലിപ്പൂക്കൾ എന്ന് കവിതയിൽ പറ യുന്നു.
കവിതയുടെ അവസാനഭാഗങ്ങളിൽ പൂക്കളുടെ സവിശേഷതകളെക്കുറിച്ചാണ് പറയുന്നത്. പൂക്കളെ ഭൂമി യുടെ മക്കളായാണ് കവി വർണ്ണിക്കുന്നത്. ദിവസവും ഒരുപാട് പൂക്കൾ മണ്ണിലേക്ക് പിറന്നു വീഴുന്നു. ഭൂമിയിൽ പിറന്നതിനു ശേഷം കണ്ണുകൾ തുറക്കുമ്പോൾ തൊട്ട് അവരുടെ കണ്ണുകളിൽ പ്രതിഫലിക്കു ന്നത് വിശാലമായ നീലാകാശമാണ്. കണ്ണുകൾ അടയുന്നതുവരെ അവരുടെ കാഴ്ച അത് തന്നെയാണ്. ഇതളുകളിൽ പതിക്കുന്ന ഓരോ വെള്ളത്തുള്ളികളെയും കോർത്ത് അവർ മാലയായി ധരിക്കുന്നു. വെള്ള ത്തുള്ളികൾ തട്ടുമ്പോഴുള്ള പൂക്കളുടെ ആഹ്ലാദത്തെയാണ്. കവി ഇവിടെ സൂചിപ്പിക്കുന്നത്. എത്ര വലിയ ചൂടിനേയും അതിജീവിച്ചുകൊണ്ട് ഏതിരുട്ടിലും പുഞ്ചിരിച്ചു കൊണ്ട് ജീവിതത്തിൽ പോരാടുന്നവരാണ് ഓരോ പൂക്കളും എന്ന് കവി വ്യക്തമാക്കുന്നു. പൂക്കളെ മണ്ണിന്റെ സ്വപ്നങ്ങളായും സ്നേഹം നിറഞ്ഞ പ്രതീക്ഷകളായും കവി കാണുന്നു.
ഏത് ചൂടിലും വാടാതെ നിൽപ്പവർ
ഏതിരുട്ടിലും മന്ദഹസിപ്പവർ
എന്ന വരികളാണ് എനിക്കീ കവിതയിൽ ഏറെ ഇഷ്ടമായത്. ഈ വരികളിൽ പൂക്കളുടെ ഏത് പ്രശ്ന ത്തേയും തരണം ചെയ്യാനുള്ള കഴിവിനെയും മനോധൈര്യത്തെയും കവി ചൂണ്ടിക്കാണിച്ചിട്ടുണ്ട്. അതു കൊണ്ടാണ് എനിക്കീ വരികൾ ഏറെ ഇഷ്ടമായത്.
മനോഹരമായ ഈണത്തിലും താളത്തിലും ചൊല്ലാവുന്ന അർത്ഥവത്തായ നല്ലൊരു കവിതയാണ് ‘മണ്ണിന്റെ കിനാവുകൾ’
ചുമർപത്രിക തയ്യാറാക്കാം
Question 1.
കവി പറഞ്ഞ കാര്യങ്ങളും നിങ്ങൾക്ക് അറിയാവുന്ന മറ്റു വിവരങ്ങളും കൂട്ടുകാർ വരച്ച ചിത്രങ്ങളുമെല്ലാം ചേർത്ത് ഞങ്ങളുടെ മുക്കുറ്റി, ഞങ്ങളുടെ ജമന്തി തുടങ്ങിയ പേരുകളിൽ ഓരോ ഗ്രൂപ്പിനും ഓരോ ചുമർപ്പ ത്രിക തയ്യാറാക്കാം. ക്ലാസിൽ പ്രദർശിപ്പിക്കാം.
Answer:
നമുക്കും പൂക്കാളാകാം എന്ന പ്രവർത്തനത്തിൽ നൽകിയിരിക്കുന്ന പൂക്കളുടെ വിവരങ്ങളും നിങ്ങൾ വരച്ച ചിത്രങ്ങളും ചേർത്ത് ചുമർപ്പതിക് തയ്യാറാക്കി ക്ലാസിൽ പ്രദർശിപ്പിക്കുക.
Question 1.
മലർമാല കോർക്കാം
Answer:
പൂക്കളെക്കുറിച്ചുള്ള കവിതകൾ ക്ലാസ് ലൈബ്രറിയിൽ നിന്നും അടുത്തുള്ള വായനശാലയിൽ നിന്നും കണ്ടെത്തി നോട്ടു പുസ്തകത്തിൽ പകർത്തു. ക്ലാസിൽ ആ കവിതകൾ സംഘമായി ചൊല്ലണം. വായനാ വാരവുമായി ബന്ധപ്പെട്ട പരിപാടികളിൽ ഈ കവിതകൾ അവതരിപ്പിക്കുമല്ലോ.
പൂക്കവിതകൾ
Question 1.
കവിതയിൽ എന്തെല്ലാം കാര്യങ്ങളാണ് പറയുന്നത്?
Answer:
സുഗതകുമാരി എഴുതിയ മനോഹരമായ കവിതയാണ് ഒരു തൈ നടാം. തൈ നടുന്നതിന്റെ പ്രാധാന്യ ത്തെക്കുറിച്ചാണ് ഇതിൽ പറയുന്നത്. അമ്മയ്ക്കുവേണ്ടി നമുക്ക് ഒരു തൈ നടാം. കൊച്ചുമക്കൾക്കു വേണ്ടി തൈ നടാം. നൂറു കിളികൾക്കു വേണ്ടി തൈ നടാം. നല്ല നാളേക്കു വേണ്ടി ഒരു തൈ നടാം. അമ്മയ്ക്ക വേണ്ടി എന്നു പറയുമ്പോൾ അമ്മയും ഭൂമിയും കടന്നുവരും. വരാൻ പോകും തലമുറകൾക്കായി ഇന്ന് നാം തൈകൾ നടണം. മനുഷ്യർക്കുവേണ്ടി മാത്രമല്ല കിളികൾക്കുവേണ്ടി കൂടിയാണ് തൈകൾ നടുന്നത്. ഫലങ്ങളും തണലും തണുപ്പും ശുദ്ധവായുവും മഴയും എല്ലാം നൽകുന്ന മരങ്ങൾ നല്ല ഭാവിക്കുവേണ്ടി നാം നട്ടുവളർത്തണം എന്ന ആശയമാണ് കവിയിത്രി പങ്കുവയ്ക്കുന്നത്. ആഗോള താപനത്തിന് ഉത്തരം മരങ്ങൾ എന്ന മുദ്രവാക്യം ഇവിടെ ഓർക്കാം.
കൂടുതൽ പ്രവർത്തനങ്ങൾ
Question 1.
നിങ്ങൾ നട്ടുവളർത്തിയ ചെടികളിലും ഇതുപോലെ പൂക്കളും കായ്കളും വിരിഞ്ഞിട്ടുണ്ടാകുമല്ലോ. നിങ്ങളുടെ അനുഭവം എഴുതുക.
Answer:
വീട്ടിൽ പച്ചക്കറിത്തോട്ടം ഉണ്ടാക്കാൻ അമ്മയ്ക്ക് കൂട്ടായി ഞാനും ഉണ്ടാവാറുണ്ട്. ഞാൻ നട്ട ചെടികളിൽ പുതിയതായി ഓരോ ഇല വരുമ്പോഴും ഞാൻ സന്തോഷിച്ചിരുന്നു. ചെടിക്ക് ചെറിയ തളർച്ച ഉണ്ടായാൽ എന്റെ മനസ്സ് വേദനിക്കും. ഞാൻ നട്ട പയറിൽ ആദ്യമായി ഒരു പൂവ് വിരിഞ്ഞപ്പോ ഉണ്ടായ സന്തോഷം പറഞ്ഞറിയിക്കാനാവില്ല. ഞാൻ വളർത്തിയ പയറിലും തക്കാളിയിലും ഉണ്ടായ കായ്കൾ കൊണ്ടുണ്ടാ ക്കിയ കറികൾ കൂട്ടിയപ്പോഴും എനിക്കുണ്ടായ സന്തോഷത്തിന് അതിരുകൾ ഉണ്ടായിരുന്നില്ല.
Question 2.
ഭൂമി ചാർത്തിയ കുങ്കുമപ്പൊട്ടുപോൽ
തൂമയേറിയും വാടാമലരുകൾ
ഇതുപോലെ നിങ്ങളെ ആകർഷിച്ച് ഏതെങ്കിലും ഒരു പൂവിനെക്കുറിച്ച് എഴുതൂ.
Answer:
സ്കൂൾ വിട്ടുവരുമ്പോൾ എന്നെ എതിരേൽക്കാനെന്നപോലെ നിറയെ പൂക്കളുമായി ചിരിച്ചു നില്ക്കുന്ന കൂട്ടുകാരുമുണ്ട്. നാലുമണിപ്പൂക്കൾ മഞ്ഞയും ചുവപ്പും റോസും വെള്ളയും നിറങ്ങളിൽ മുറ്റത്തിന്റെ പല യിടങ്ങളിലായി ചിരിതൂകി നിൽപ്പുണ്ടാവും അവർ. മറ്റു പൂക്കളെല്ലാം രാവിലെ വിടരുമ്പോൾ നാലു മണിപ്പൂക്കൾ മയക്കത്തിലായിരിക്കും. വൈകുന്നേരം മറ്റുപൂക്കളെല്ലാം വാടാറുകുമ്പോൾ നാലുമണിപ്പൂ ക്കൾ ഉറക്കത്തിൽ നിന്ന് എഴുന്നേൽക്കും. അഴകോടെ ചിരി തൂകി നിലക്കും. പല നിറമുള്ള കുഞ്ഞു നക്ഷ ത്രങ്ങളെപോലെ തോന്നും അവയെക്കണ്ടാൽ.
- 1972 മുതൽ എല്ലാവർഷവും ജൂൺ 5 പരിസ്ഥിതി ദിനമായി ആചരിക്കുന്നു
- പരിസ്ഥിതി ദിനത്തിന്റെ ഭാഗമായി പോസ്റ്റർ തയ്യാറാക്കുക, വൃക്ഷത്തെ നട്ടുവളർത്താം
- പരിസ്ഥിതിയുമായി ബന്ധപ്പെട്ട ക്വിസ് മത്സരം പ്രസംഗം നടത്താം
- പരിസ്ഥിതിയുമായി ബന്ധപ്പെട്ട വാർത്തകൾ ചിത്രങ്ങൾ ശേഖരിക്കാം.
Class 5 Malayalam Kerala Padavali Notes Unit 1 ഇത്തിരിപ്പൂവേ കുരുന്നുപൂവേ
പൂക്കളും പൂമ്പാറ്റയും മഴയും കാടും മലയും മനുഷ്യനും ചേർന്ന പ്രകൃതി നമുക്കു മുന്നിൽ അനന്തമായ സൗന്ദര്യം തുറന്നിടുന്നു.
“മർത്യരാശിക്കു വായിക്കാൻ
പഠിക്കാനറിവേറുവാൻ
തുറന്നിരിക്കുമീ ഗ്രന്ഥം
തുല്യമറ്റത് തന്നെയാം” (വെണ്ണിക്കുളം)
വായിച്ചാലും വായിച്ചാലും തീരാത്ത പ്രകൃതി പുസ്തകത്തിലെ താളുകൾ എത്ര മറിച്ചാലും തീരുന്നില്ല.
“കാട്ടുമുല്ലുകൾ പൂക്കുന്ന
വന വീഥിയിലൂടവേ
വരുമോ കുങ്കുമം തൊട്ട
സന്ധ്യശോഭ കണക്കമവൾ”. (പി. കുഞ്ഞിരാമൻ നായർ)
ഒരു ദിവസത്തെ സന്ധ്യാകാശം മറ്റൊരു ദിവസത്തിന്റെ പകർപ്പല്ല. ഒരു വസന്തം മറ്റൊന്നിൽ നിന്ന് വ്യത്യസ്ത മാണ്. ഇടവപ്പാതി മഴയുടെ വരവ് എല്ലാ വർഷവും പലതരത്തിലാണ്. എന്നാൽ ഈ വൈവിധ്യത്തെ കൂടുതൽ ആകർഷകമാക്കുന്ന മറ്റൊരു ഘടകം കൂടി പ്രകൃതിയിൽ ഉണ്ട്.
വിവിധതപോലും വിരസമാണോർത്താൽ
വിരുദ്ധതയുടെ ചരടുപൊട്ടിയാൽ- (ചങ്ങമ്പുഴ)
അപ്പോൾ എന്താണ് പ്രകൃതിയിലെ വിരുദ്ധത
ഇരുളാലെ പുതപ്പിച്ചു കിടത്തുമമ്മ
വെളിച്ചത്താൽ മുല നൽകി വളർത്തുമമ്മ (ഇടശ്ശേരി)
ഇരുട്ടും വെളിച്ചവും തമ്മിലുള്ള വൈരുദ്ധ്യം ഒരിക്കലും അവസാനിക്കുന്നില്ല. എന്നാൽ പരസ്പരം ചേർന്നും പിരിഞ്ഞുമാണിവയുടെ നിൽപ്പ്. ഇരുട്ടല്ലെങ്കിൽ വെളിച്ചത്തിനോ വെളിച്ചമില്ലെങ്കിൽ ഇരുട്ടിനോ പ്രസക്തി നഷ്ട മാകും. അങ്ങനെ പ്രകൃതി സൗന്ദര്യത്തിന്റെ അനേകം സാധ്യതകളാണ് ഈ യൂണിറ്റ് തുറന്നു തരുന്നത്.
പ്രവേശക പ്രവർത്തനം
മഴയും നോക്കി തിണ്ണയിൽ ഇരിക്കുമ്പോൾ തൊട്ടടുത്ത് മരക്കൊമ്പിൽ ഒരു പക്ഷി തണുത്തു വിറച്ച് ഇരി ക്കുന്നു. ഭംഗിയുള്ള ചിറകുകൾ ഇടയ്ക്കിടയ്ക്ക് കുടയുന്നു. എന്നെപ്പോലെ മഴക്കാഴ്ച പക്ഷിക്കും ഒരു രസം തന്നെ!
Question 1.
ഇതിലെ ഏതെല്ലാം കാഴ്ചകളാണ് നിങ്ങൾക്കിഷ്ടമായത് ചുവടെ എഴുതി നോക്കൂ.
• മഴവെള്ളം മണ്ണിൽ മറയുന്നു.
• …………………………………..
• …………………………………..
• …………………………………..
Answer:
• പക്ഷികൾ മരച്ചില്ലകളിൽ തണുത്തുവിറച്ച് ഇരിക്കുന്നു.
• ആകാശത്തു നിന്ന് ഭൂമിയിലേക്ക് മഴവെള്ളം പതിക്കുന്നു.
• മരങ്ങളും ചെടികളും മഴ നനയുന്നു
• പൂക്കളിൽ മഴത്തുള്ളികൾ പതിക്കുമ്പോൾ അവ തലതാഴ്ത്തി നിൽക്കുന്നു.
Question 2.
പ്രകൃതിയിലെ എല്ലാ ജീവജാലങ്ങളും മണ്ണിനെ ആശ്രയിച്ചാണ് കഴിയുന്നത്. ആ മണ്ണ് എന്തെല്ലാം സ്വപ്നങ്ങൾ കാണുന്നുണ്ടാവും?
Answer:
മഴയുടെ കുളിരിൽ നനഞ്ഞ് പുതിയ ചെടികൾക്കും പൂക്കൾക്കും എനിക്ക് ജന്മം നൽകാൻ ആയെ
ങ്കിൽ എന്ന് മണ്ണ് സ്വപ്നം കാണുന്നുണ്ടാകും. മാത്രമല്ല തന്നെ ആശ്രയിക്കുന്ന എല്ലാ ജീവജാല ങ്ങൾക്കും എന്നും സന്തോഷം നൽകാൻ തനിക്ക് ആകണമെന്നും മണ്ണ് ആഗ്രഹിക്കുന്നുണ്ടാകും.