Students can use 5th Standard Malayalam Adisthana Padavali Notes and പരുക്കേറ്റ കുട്ടി Parukketta Kutti Summary in Malayalam to grasp the key points of a lengthy text.
Class 5 Malayalam Parukketta Kutti Summary
Parukketta Kutti Summary in Malayalam
പരുക്കേറ്റ കുട്ടി Summary in Malayalam
ആമുഖം
കളി കുട്ടികളുടെ ജീവിതമാണ്. കളികൾക്കിടയിൽ ഉണ്ടാകുന്ന വീഴ്ചകളും മുറിവുകളും സ്വാഭാവികമായും കുട്ടികൾക്ക് ആഭരണമായി മാറുന്നു. “അപൂർണ്ണതയ്ക്ക് വിരചിച്ചു വിശ്വം’ എന്ന കവി വാക്യം കുട്ടികളുടെ ഓരോ വീഴ്ചകളിലും ദർശിക്കാനാവും. അപൂർണ്ണതയെ അംഗീകരിച്ചുകൊണ്ടുതന്നെ, കുട്ടിയുടെ വളർച്ചയിലും വ്യക്തിത്വവികാസത്തിലും ഒപ്പം നിൽക്കുന്ന രക്ഷകർത്താവിനെയാണ് കുമാരനാശാൻ സുന്ദരമായി ചിത്രീകരിക്കുന്നത്. പൂർണ്ണതയിലേക്കുള്ള ഈ കുതിപ്പ് തന്നെയാണ് അറിയാനുള്ള വെമ്പലായി കുട്ടിയിൽ നിലനിൽക്കുന്നത്. പനിനീർപ്പൂവിനെ (സൗന്ദര്യത്തെ തൊടാൻ അടുത്തറിയാൻ ശ്രമിക്കുമ്പോൾ മുള്ളറ്റ് മുറിവ് പറ്റുന്നതും മാവിൽ കയറി വീണ് കാൽമുട്ടിൽ ചതവ് പറ്റുന്നതുമെല്ലാം അനുഭവങ്ങളിലൂടെ അറിയാനുള്ള കുട്ടിയുടെ ശ്രമങ്ങളാണ്. പൂർണതയ്ക്കായുള്ള പുതിയ അറിവുകൾക്കായുള്ള ഈ വെമ്പലിനെ സ്നേഹത്തിന്റെ ശീതള സ്പർശം കൊണ്ട് അംഗീകരിക്കുന്ന പരിഗണിക്കുന്ന അമ്മയെയാണ് നാം ഈ കവിതയിൽ കാണുന്നത്.
ആശയം
കുട്ടികൾ കളിച്ചു വളരണം, എന്നാണല്ലോ കളികൾ അവരുടെ വളർച്ചയ്ക്ക് അനിവാര്യമാണ്, കളികളിലൂടെയാണ് അവർ പലതും പഠിക്കുന്നത്. ജയവും തോൽവിയും ഇടർച്ചയും
വീഴ്ച്ചയും എല്ലാം കളികളിൽ ഉണ്ടാകും. ജീവിതത്തിൽ വിജയവും, തോൽവിയും, ഇടർച്ചയും, തളർച്ചയും, ഉയർച്ചയും ഉണ്ടാകുമെന്നും അവയ്ക്ക് നൽകേണ്ട പരിഗണന എത്ര മാത്രം ആണ് എന്നും തിരിച്ചറി യുന്നത് കുട്ടികൾ കൂട്ടമായും ഒറ്റയ്ക്കും കളികളിൽ ഏർപ്പെടുമ്പോൾ ആണ്. കളികൾ ഒരു പരീക്ഷണം ആണ്. തങ്ങളുടെ ഭാവനയിൽ നിന്ന് കൊണ്ട് ഉയരങ്ങൾ തേടാനും പുതിയവ അറിയാനും ഉള്ള പരീക്ഷണങ്ങൾ ആണ് കുട്ടി കൾക്ക് കളികൾ. എന്നാൽ ആ കളികളിൽ കുട്ടികൾക്കൊപ്പം നിൽക്കുന്ന മാതാപിതാക്കൾ ആണ് ഒരു നല്ല സമൂഹത്തിനു മാതൃക ആകുന്നത്. തങ്ങളുടെ ഏതു വീഴ്ച്ചയിലും തനിക്കു താങ്ങാകുന്ന രക്ഷകർത്താ ക്കൾ കുട്ടികൾക്ക് നൽകുന്ന ആത്മ വിശ്വാസം ചെറുതല്ല. അത്തരത്തിൽ ഒരു അമ്മയും മകനും തമ്മിലുള്ള സ്നേഹ ബന്ധത്തിന്റെ കഥയാണ് നാം എവിടെ കാണുന്നത്.
