ചട്ടിപ്പത്തിരി Notes Question Answer Class 6 Kerala Padavali Chapter 2

Practicing with Class 6 Malayalam Kerala Padavali Notes Pdf Unit 1 Chapter 2 ചട്ടിപ്പത്തിരി Chatti Pathiri Notes Questions and Answers Pdf improves language skills.

Chatti Pathiri Class 6 Notes Questions and Answers

Class 6 Malayalam Kerala Padavali Notes Unit 1 Chapter 2 Chatti Pathiri Question Answer

Class 6 Malayalam Chatti Pathiri Notes Question Answer

പഠനപ്രവർത്തനങ്ങൾ
വായിക്കാം പറയാം

Question 1.
അടുക്കളയിൽ ചട്ടിപ്പത്തിരിയുണ്ടാക്കാൻ ഉപയോഗിക്കുന്ന കുറേ ഉപകരണങ്ങളുണ്ട് എന്തെല്ലാമാണവ?
Answer:
പിഞ്ഞാണം, സാൻ (പാത്രം) മുട്ടി പലക, വട്ടപ്പലക, ഓട്ട് പാത്രം, ചെമ്പ്, കയിൽക്കണ അടുപ്പ്, കാസ, പത്തിരിക്കുഴൽ, അടുപ്പ്, വട്ടച്ചെമ്പ്, തകരപ്പാട്ട്,പത്തിരി പലക,

Question 2.
ഏറെ കുട്ടികളുള്ള പുരയാണ്, കുട്ടികളുടെ കൈകൾ എല്ലായിടത്തും എത്തും ഇങ്ങനെ പറഞ്ഞത് ഏതു സന്ദർഭത്തിലാണ്? ഈ വാക്യം അർത്ഥമാക്കുന്നതെന്ത്?
Answer:
ചട്ടിപ്പത്തിരിയുണ്ടാക്കാനായി ശേഖരിച്ചു വെച്ച് സാധനങ്ങളൊക്കെ എണ്ണം നോക്കി അടക്കി വെക്കുന്നതിനിടയിലാണ് ബിച്ചായിശയിക്കാത്ത ഇങ്ങനെ പറയുന്നത്, പലഹാരം ഉണ്ടാക്കാൻ ആവശ്യമായ സാധനങ്ങൾ കുട്ടികൾ എടുത്തു കൊണ്ട് പോയി നഷ്ടപ്പെടുത്താതിരിക്കാനുള്ള ശ്രദ്ധയും ആകുലതയും ഈ വാക്യം അർത്ഥമാക്കുന്നു.

Question 3.
‘ഞാൻ മരിച്ച പോലെ മറന്നായി’ ഈ വാക്യം അർഥമാക്കുന്നതെന്ത്?
Answer:
ചട്ടിപ്പത്തിരി ഉണ്ടാക്കാൻ ആവശ്യമായ പാലും പഞ്ചസാരയും കലക്കി വെക്കുന്നതിനെ കുറിച്ച് ബിച്ചായിശേയിതാത്ത കൽമേയിയോട് ചോദിച്ച സന്ദർഭത്തിൽ അത് ചെയ്യാൻ മറന്നുപോയ കൽമേയിയുടെ മറുപടിയാണിത്. മരിച്ചത് പോലെ എന്ന വാക്ക്യത്തിൽ തിരക്കിനിടയിൽ ചെയ്യേണ്ട കാര്യം പൂർണ്ണമായും മറന്നു പോയ കൽമേയിയുടെ ആകുലത വ്യക്തമാകുന്നു

Question 4.
‘എന്താ ജനിച്ചിട്ട് ചട്ടിപ്പത്തിരി കാണാത്തതല്ലേ? ഹല്ല പിന്നെ!’ ആരാണിങ്ങനെ പറഞ്ഞത്? എപ്പോൾ?
Answer:
അടുക്കളയിൽ പലഹാരം ഉണ്ടാക്കുന്നതിനിടയിൽ കയറി വന്ന കൽമേയിയുടെ മകൻ അബു ചട്ടിപത്തിരിയുടെ പങ്ക് ചോദിച്ചപ്പോൾ ബിച്ചായി ശേയിത്താത്ത പറഞ്ഞതാണ് ഇത്.

Question 5.
‘ബിച്ചായി ശേയിതാ അതു കേട്ടില്ല. അതെന്നല്ല ലോകത്തിലെ മറ്റൊരൊച്ചയും കേട്ടില്ല’ എന്താവും കാരണം?
Answer:
ചട്ടിപ്പത്തിരി ഉണ്ടാക്കുന്നതിനിടയിലെ ബിച്ചായി ശേഷിതാത്തയുടെ ഏകാഗ്രതയെ ഇതിൽ സൂചിപ്പിക്കുന്നു. പലഹാരം ഉണ്ടാക്കുന്നതിനിടയിൽ ഒരു കുട്ടി അടുക്കള വാതിക്കൽ വന്ന് ചോദിക്കുന്നതൊന്നും അവർ കേട്ടില്ല. ലോകത്തിലെ മറ്റൊരൊച്ചയും കേൾക്കാത്ത വിധത്തിൽ പഞ്ചേന്ദ്രിയത്തെ ചെമ്പിനകത്തെ ചട്ടിപ്പത്തിരിയിൽ കേന്ദ്രീകരിച്ച് നിർത്തുകയാണ് ചെയ്യുന്നത്.

Question 6.
‘പലഹാരങ്ങളുടെ താജ് പണിത ആ കൈകൾക്ക് ആശ്വാസം തോന്നി’ എന്നു പറഞ്ഞിരിക്കുന്നത് എന്തുകൊണ്ട്? ഇവിടെ താജ് എന്നു വിശേഷിപ്പിച്ചിരിക്കുന്നത് എന്തിനെ?
Answer:
ചട്ടിപ്പത്തിരി പാചകം ചെയ്യുന്ന നിമിഷങ്ങളിലെല്ലാം ബിച്ചായി ശേയി താത്ത ആകാംഷയിലും ആകുലതയിലുമാണ്. വിഭവം വിജയകരമായി പാകപ്പെട്ടു വരുന്നത് വരെ അവരുടെ ആകുലതകളും നീണ്ടു പോകുന്നു ഒടുവിൽ അത് വിജയിച്ചപ്പോൾ അവരുടെ നിർവൃതിയും കഥാകൃത്ത് ആവിഷ്ക്കരിക്കുന്നുണ്ട്. പാചകം മികവുറ്റൊരു കലാരൂപമായി മാറുന്നത് ഇവിടെ കാണാം. ലോകത്തിലെ ഏറ്റവും മനോഹരമായ അദ്ഭുതമായ താജ്മഹൽ പോലെ ആ പലഹാരം രൂപം കൊണ്ടു. ചട്ടിപ്പത്തിരിയെ താജ്മഹലിനോടാണ് കഥാകൃത്ത് ഉപമിച്ചിരിക്കുന്നത്.

നാടൻ പദങ്ങളും പ്രയോഗങ്ങളും

Question 1.
റാത്തൽ, സർ, പൊതിരുക, തെരഞ്ഞുപോകുക, മതി… ഇങ്ങനെ ഒട്ടേറെ നാട്ടുഭാഷാപദങ്ങ ഈ പാഠഭാഗത്തുണ്ട്. പാഠഭാഗത്തെ ഇത്തരം പദങ്ങളും അവയുടെ അർഥവും കണ്ടെത്തി ചാർട്ടി ലെഴുതി ക്ലാസിൽ പ്രദർശിപ്പിക്കൂ.
Answer:
ഇഞ്ഞി – നീ
എപ്പം – എപ്പോൾ.
ഒട്ടിപ്പുടിക്കണ് – ഒട്ടിപ്പിടിക്കുന്നു
ഒട്ടുണ്ട് – ഒട്ടൽ
ഒരുത്തീല് – ഒരിടത്തേക്ക്
കണ്ടം – കഷണം
കയ്യാക്കം – സഹായം
കൽബ് – മനസ്സ്
കസ്കസ് – കറപ്പു ചെടിയുടെ വിത്ത്
കയിൽക്കണ – തവിയുടെ കോൽ
കൊണ്ടന്ന്ക്ക്ണ് – കൊണ്ടുവന്നിരിക്കുന്നു
കൊയച്ചത് – കുഴച്ചത്
കോള് – പലഹാരം
പണ്ടം – കടഞ്ഞ കോഴി മുട്ടയിൽ വിവിധ വസ്തുക്കൾ ചേർത്തു കുഴച്ചത്.
പയ്യു മ്പാല് – പശുവിൻ പാല്
പിഞ്ഞാണം – പാത്രം
പൂശി – പുരട്ടി
പൊതിരുക – കുതിരുക
ബറാബർ – വളരെ കൃത്യമായത്
ബാട്ടിയെടുക്കുക – വാട്ടിയെടുക്കുക
ബായിക്ക് – വായിക്ക്
ബെക്കീ – വയ്ക്കു
ബെച്ക്കണ് – വെച്ചിരിക്കുന്നു
ബെത്തിലടക്ക – വെറ്റിലയും അടക്കയും
മുട്ടിപ്പല – മുട്ടിപ്പലക (കനമുള്ള മരപ്പലക)
മേണം – വേണം
വട്ടപ്പല – വട്ടപ്പലക
സരിയാവൂല – ശരിയാവില്ല.
സാൻ – പാത്രം

താജ് പണിയുന്ന താത്ത

Question 1.
പലഹാരങ്ങളുടെ താജ് പണിയുന്ന ബിച്ചായി ശേയിത്താത്തയെ ഈ കഥ വായിക്കാത്ത കൂട്ടു കാർക്ക് പരിചയപ്പെടുത്തുന്നതിനായി ഒരു കത്തെഴുതു.
Answer:
കത്ത്

വിലാസം
നിള
ഷാർജ
യു എ. ഇ

പ്രിയപ്പെട്ട നിള
എന്തൊക്കെയുണ്ട് വിശേഷങ്ങൾ . നിന്റെ നാട്ടിലേക്കുള്ള വരവ് എന്നാണ് ? നിന്റെ നാട്ടിലേക്കുള്ള വരവിനായി ഞാൻ കാത്തിരിക്കുകയാണ്. നീ വരുമ്പോൾ നമ്മുടെ ബിച്ചായി ശേയി താത്തയുടെ വീട്ടിൽ പോകാം. നിനക്ക് ഒരുപാട് ഇഷ്ടമുള്ള പലഹാരമായ ചട്ടിപ്പത്തിരി താത്ത ഉണ്ടാക്കി തരാം എന്ന് പറഞ്ഞിട്ടുണ്ട്. താത്തയുടെ ചട്ടിപ്പത്തിരി വേറെ ലെവലാണ്…. നിനക്ക് അറിയാലൊ അത്. താത്ത ചട്ടിപ്പത്തിരി ഉണ്ടാക്കുന്നത് കണ്ടിരിക്കാൻ തന്നെ കൊതിയാവും. ആദ്യം പലഹാരത്തിന് ആവശ്യമായ ചേരുവകളെല്ലാം ഒരുക്കി വെക്കും ആ വീട്ടിലെ സ്ത്രീകളെല്ലാം പാചകത്തിന് സഹായിക്കാൻ എത്തും ബിച്ചായി ശേയി താത്ത ആദ്യം ഗോതമ്പ് പൊടിയെടുത്ത് കുഴച്ച് മാവാക്കി വെക്കും. കൽമേയി ഉമ്മ ബാദാം കുതിരാനിട്ടു, പാത്തുമ്മയിത്ത

കോഴിമുട്ടയുടച്ച് പഞ്ചസാരയും ഏലക്കയും, പനിനീരും ചേർത്ത് കൊടുക്കും. ബിച്ചായി ശേയി താത്ത ആ മുട്ടകൂട്ട് നന്നായി അടിച്ച് പതപ്പിച്ച് പരുവപ്പെടുത്തും. മറ്റൊല്ലാ സ്ത്രീകളും ചേർന്ന് മാവ് പരത്തും. വലിയ പത്തിരികളായാണ് ഇവ പരത്തുന്നത്. ശേഷം താത്ത നെയ്യ് ഒഴിച്ച് വെള്ളകസും കിസ്മിസും വറുത്തു. ബാദാം നുറുക്കി, പാലും പഞ്ചസാരയും ചേർത്ത് അലിയിപ്പിച്ചു വെച്ചു. നെയ്യിൽ പൊരിച്ചെടുത്ത വെള്ള കസ്കസും കിസ്മിസും ബദാം നുറുക്കിയതും ചേർത്ത് കുഴച്ച് മാവാക്കി പാത്രത്തിൽ മാറ്റി വെക്കും. ശേഷം താത്ത പാലിൽ പതം വരാനിട്ട വാട്ടിയ തോലുകൾ ഒന്നിനു മുകളിൽ മറ്റൊന്നായി നെയ്യുള്ള ചെമ്പിലിട്ടു. അട്ടിയായി വെച്ച രണ്ടു തോലിന്റെ മീതെ പണ്ടം വിതറും. എന്നിട്ട് പഞ്ചസാരയും ഏലക്കയും പനിനീരും ചേർത്തു കലക്കി അടിച്ചു വെച്ച കോഴി മുട്ടക്കൊഴുപ്പിൽ നിന്നും കുറച്ചെടുത്ത് പണ്ടത്തിന്റെ മുകളിൽ പകരും.

ചാഞ്ഞും ചരിഞ്ഞും നിന്ന് മുട്ട കലക്കിയത് തോലിന്റെ എല്ലാ ഭാഗത്തും എത്തിയോ എന്ന് താത്ത നോക്കുന്നത് കാണാൻ നല്ല രസമാണ്. ആ സമയത്ത് ചുറ്റുമുള്ളതൊന്നും താത്ത അറിയാറില്ല. ഇങ്ങനെ 20 തോലുകളും അടക്കി വെച്ച് താത്ത ചട്ടിപ്പത്തിരി സെറ്റാക്കും അടുപ്പിന്റെ മുകളിലും കനൽ വെക്കും എല്ലാം വേവിച്ചെടുക്കും. എന്തൊരു രുചിയാണെന്നോ പറയുമ്പോൾ പോലും നാവിൽ വെള്ളം നിറയുന്നു.

കാര്യം ഇതൊക്കെയാണെങ്കിലും എനിക്ക് അത്രക്ക് പിടിക്കാത്ത ഒരു കാര്യമുണ്ട് . ആ വീട്ടിൽ കുറേ ആണുങ്ങൾ ഉണ്ട് . അവർക്കു വേണ്ടി കൂടിയാണ് ഈ പാചകം. എന്നിട്ടും അവരെന്താ അടുക്കളയിൽ സഹായത്തിന് വരാത്തത്. ആൺകുട്ടികളും പെൺകുട്ടികളും അടുക്കളയിലും മറ്റ് കാര്യങ്ങളിലും തുല്യമായി ഇടപെടണം. ആ ശീലങ്ങൾ നമുക്ക് ഇപ്പൊഴേ തുടങ്ങാം. ഞാൻ അടുക്കളയിലും വീട്ടിലെ മറ്റ് ജോലികളാലും അമ്മയെ സഹായിക്കാറുണ്ട്. നീയും അങ്ങനെ ചെയ്യണോട്ടോ…
ഇത്രയും എഴുതി ഈ കത്ത് അവസാനിപ്പിക്കുന്നു. നിന്റെ വരവിനായി കാത്തിരിക്കുന്നു.

ഒത്തിരി സ്നേഹത്തോടെ
രവി

സ്ഥലം:
തീയ്യതി:

Question 2.
അടുക്കള ആരുടേതാണ് എന്ന വിഷയത്തിൽ ഒരു സംവാദം സംഘടിപ്പിച്ചു.
Answer:
സംവാദം
മോഡറേറ്റർ : ആരുടേതാണ് അടുക്കള
പെണ്ണിന്റെയാണോ?
ആണിന്റെയാണോ?
ഭക്ഷണം കഴിക്കുന്ന എല്ലാവരുടേതുമല്ലേ?
നിങ്ങളുടെ അഭിപ്രായങ്ങൾ ഇവിടെ തുറന്നു ചർച്ച ചെയ്യാം

ടീം 1
പൊതുവിൽ അടുക്കള പെണ്ണിന്റെയാണ്. അവർക്കാണല്ലൊ നന്നായി ഭക്ഷണം പാകം ചെയ്യാൻ അറിയുന്നത്

ടീം 2
ഇത് തെറ്റായ ചിന്താഗതിയാണ്. അടുക്കള എങ്ങനെ പെണ്ണിന്റെ ഇടമാകും, ആണിനും അവിടെ പണി ചെയ്യാൻ പറ്റണം. അടുക്കള ജോലികൾ പെണ്ണിന്റെ മാത്രം ഉത്തരവാദിത്തം ആക്കി മാറ്റിയത് ഇവിടെ നിലനിന്നിരുന്ന പുരുഷാധിപത്യ സമൂഹത്തിന്റെ തെറ്റായ നിലപാടാണ്.

ടീം 1
പുരുഷമാർ അല്ലെ ജോലിക്ക് പോയി പണം സമ്പാദിക്കുന്നത്. അപ്പോൾ അവർക്ക് അടുക്കളയിൽ പണി ചെയ്യാൻ സമയം കിട്ടില്ല.

ടീം 2
പുരുഷന്മാർക് ആ പണിക്ക് കൃത്യമായ സമയമുണ്ട്. ശമ്പളം ഉണ്ട്. സ്ത്രീകൾക്കൊ? നേരം വെളുത്താൽ രാത്രി ഏറെ വൈകും വരെ അവർ വീട്ടുജോലികളിലായിരിക്കും. ശമ്പളവും ഇല്ല അംഗീകാരവും ഇല്ല. സ്ത്രീകളും ഇന്ന് പുറത്ത് ജോലിക്ക് പോകുന്നുണ്ട്, എന്നാലും ശിശു പരിപാലനവും, അടുക്കള പണിയുമെല്ലാം അവർ തന്നെ ചെയേണ്ടി വരുന്നു.
ഈ കാലഘട്ടത്തിൽ ഇതിന് വലിയ മാറ്റങ്ങൾ വന്നിട്ടുണ്ട്, പല വീടുകളിലും ഇന്ന് സ്ത്രീയും പുരുഷനും തുല്യമായി ജോലികൾ ചെയ്യുന്നുണ്ട്. അത് എല്ലാവരിലും എത്തണം.

മോഡറേറ്റർ :
ലിംഗഭേദമില്ലാതെ എല്ലാവരും എല്ലാ ജോലികളും ചെയ്യുന്ന പുതിയ കാലത്ത് അടുക്കള എല്ലാവരുടേതുമാണെന്ന സമത്വത്തിന്റെ പുതിയ ആകാശം ഇവിടെ പുലരട്ടെ.

കൂടുതൽ ചോദ്യങ്ങൾ

Question 1.
ചട്ടി പത്തിരി എന്ന പാംഭാഗം ഏത് കൃതിയിലേതാണ്? എഴുതിയത് ആര്?
Answer:
സുൽത്താൻ വീട് പി.എ മുഹമ്മദ് കോയ

Question 2.
ചട്ടി പത്തിരി എന്ന പാംഭാഗത്തിന്റെ ആശയം എന്ത്?
Answer:
പി.എ. മുഹമ്മദ് കോയയുടെ സുൽത്താൻ വീട് എന്ന നോവലിലെ ഒരു സന്ദർഭമാണ് പാഠഭാഗം. ബിച്ചായിശേയിത്താത്തയുടെ അടുക്കളയിലെ ആത്മസമർപ്പണത്തിന്റെയും കലാചാതുര്യത്തിന്റെയും സുന്ദരമായ നിമിഷങ്ങൾ പകർന്നു തരുന്നതാണ് ചട്ടിപ്പത്തിരി എന്ന നോവൽഭാഗം. കൂടെയുള്ളവരെ കലായാതുര്യത്തോടെ സമന്യയിപ്പിച്ചാണ് ബിച്ചായി ശേയിത്താത്ത അടുക്കളയിൽ പലഹാരങ്ങളുടെ താജ് പണിയുന്നത്. ഗ്രാമ്യ ഭാഷയിലാണ് കഥയുടെ അവതരണം . ചട്ടിപ്പത്തിരി എന്ന പലഹാരം ഉനാക്കുന്നതാണ് ഇവിടെ വിവരിക്കുന്നത്.

Question 3.
പുതിയ കാലത്തിന്റെ മാറിയ അടുക്കളയുടെ പ്രത്യേകതകൾ എന്തെല്ലാം?
Answer:

1. അടുക്കള ജോലികൾ എളുപ്പമാക്കുന്നതിനായി കൂടുതൽ ഉപകരണങ്ങൾ വന്നു.
2. സ്ത്രീയും പുരുഷനും ഒന്നിച്ച് ജോലി ചെയ്യുന്നു.
3. പുതിയ ഭക്ഷണസംസ്കാരത്തിന്റെ കടന്നുവരവ്
4. പുറത്തു നിന്നുള്ള ഭക്ഷണ സാധനങ്ങൾ വാങ്ങാൻ കൂടുതൽ അവസരങ്ങൾ.

Question 4.
കഥാപാത്ര നിരൂപണം തയ്യാറാക്കുക ബിച്ചായി ശേഷിക്കാത്ത
Answer:
ചട്ടിപ്പത്തിരി എന്ന നോവൽ ഭാഗത്തിലെ പ്രധാന കഥാപാത്രമാണ് ബിച്ചായി ശേയിത്താത്ത, ബിച്ചായി ശേയിത്താത്ത ചട്ടിപ്പത്തിരി ഉണ്ടാക്കുന്ന വിവരണമാണ് കഥാഭാഗം.

കഠിനാധ്വാനത്തിന്റെയും, ആത്മസമർപ്പണത്തിന്റെയും പ്രതീകമാണ് അവർ പചകത്തിന്റെ ഓരോ ഘട്ടത്തിലും അവർ ഏകാഗ്രമായി പ്രവർത്തികൾ ചെയ്യുന്നു. കൂടെയുള്ളവരെ അവരുടെ കഴിവുകൾക്ക് അനുസരിച്ച് സമന്യയിപ്പിച്ചാണ് ബിച്ചായി ശേയിത്താത്ത അടുക്കളയിൽ പലഹാരങ്ങളുടെ താജ് പണിയുന്നത്.. ലോകത്തിലെ മറ്റൊരൊച്ചയും കേൾക്കാത്ത വിധത്തിൽ പഞ്ചേന്ദ്രിയങ്ങൾ ചെമ്പിനകത്ത് രൂപം പ്രാപിച്ചു വരുന്ന ചട്ടിപ്പത്തിരിയിലേക്ക് കേന്ദ്രീകരിച്ച് നിർത്തുകയാണ് അവർ ചെയ്യുന്നത്, ആഹാരം തയ്യാറാക്കുന്നതിനിടയിൽ ഒരു കുട്ടി അടുക്കള വാതിൽക്കൽ വന്ന് ചോദിക്കുന്ന തൊന്നും അവർ കേട്ടില്ല. സർഗാത്മകമായ ചട്ടിപ്പത്തിരി നിർമാണത്തിനിടയിൽ സ്വാഭാവികതയോടെ ഭാഷയും വാമൊഴികളും ഉപയോഗിക്കുന്നതും കാണാം. നാടൻ ഭാഷാ പ്രയോഗങ്ങൾ ആണ് അവരുടെ സംഭാഷണങ്ങൾ.