Class 8 Basic Science Question Paper Set 2 Malayalam Medium

To reduce exam fear, Class 8 Basic Science Question Paper Kerala Syllabus Set 2 Malayalam Medium provide good practice.

Class 8 Basic Science Model Question Paper Set 2 Malayalam Medium

സമയം – 2 മണിക്കൂർ
ആകെ സ്കോർ – 60

നിർദേശങ്ങൾ

• ആദ്യത്തെ 15 മിനിറ്റ് സമാശ്വാസ സമയമാണ്. ഈ സമയം ചോദ്യങ്ങൾ വായിച്ച്
• മനസ്സിലാക്കാനും ഉത്തരങ്ങൾ ആസൂത്രണം ചെയ്യാനും ഉപയോഗിക്കുക.
• ഈ ചോദ്യപേപ്പറിൽ A, B, C എന്നീ വിഭാഗങ്ങളിലായി 10 ചോദ്യങ്ങളാണുള്ളത്.
• Choice നൽകിയിട്ടുള്ള ചോദ്യങ്ങൾക്ക് തന്നിരിക്കുന്ന ഓപ്ഷനുകളിൽ ഒന്നിനുമാത്രം ഉത്തരം എഴുതിയാൽ മതി.

സമയം – 2 മണിക്കൂർ
ആകെ സ്കോർ – 60

ഭൗതികശാസ്ത്രം

സമയം – 40 മിനിറ്റ്
ആകെ സ്കോർ – 20

Section – A

1 മുതൽ 2 വരെയുള്ള ചോദ്യങ്ങൾക്ക് ശരിയായ ഉത്തരം തെരഞ്ഞെടുത്തെഴുതുക. എല്ലാ ചോദ്യങ്ങൾക്കും ഉത്തരമെഴുതുക. ഓരോ ചോദ്യത്തിനും 1 സ്കോർ വീതം. (2 × 1 = 2)

Question 1.
തന്നിരിക്കുന്ന യൂണിറ്റുകളിൽ നിന്ന് കൂട്ടത്തിൽ പെടാത്തത് കണ്ടെത്തി എഴുതുക.
a) m
b) g
c) kg
d) mg
Answer:
a) m

Question 2.
രണ്ട് പ്രസ്താവനകൾ താഴെ കൊടുത്തിരിക്കുന്നു. അവ പരിശോധിച്ച് ശരിയായ ഉത്തരം തിരഞ്ഞെടുക്കുക.
പ്രസ്താവന 1: ഒരു വസ്തുവിനെ ഒരു ചാലകം ഉപയോഗിച്ച് ഭൂമിയുമായി ബന്ധിപ്പിക്കുന്നതിനെ എർത്തിംഗ് എന്ന് വിളിക്കുന്നു.
പ്രസ്താവന 2: ഭൂമി ഒരു ഇലക്ട്രോൺ ബാങ്ക് ആണ്. അതിന്റെ വലുപ്പവും ചാലകതയും കാരണം ഇലക്ട്രോണുകളെ യഥേഷ്ടം നൽകാൻ മാത്രമേ ഭൂമിയ്ക്ക് കഴിയൂ.

ഓപ്ഷനുകൾ:
a) രണ്ട് പ്രസ്താവനകളും ശരിയാണ്
b) രണ്ടാമത്തെ പ്രസ്താവന മാത്രമാണ് ശരി
c) ആദ്യത്തെ പ്രസ്താവന മാത്രമാണ് ശരി
d) രണ്ട് പ്രസ്താവനകളും തെറ്റാണ്
Answer:
c) ആദ്യത്തെ പ്രസ്താവന മാത്രമാണ് ശരി

Section – B

3 മുതൽ 8 വരെയുള്ള ചോദ്യങ്ങൾക്ക് ഒന്നിൽ കൂടുതൽ വാചകങ്ങളിൽ ഉത്തരമെഴുതുക.
7, 8 ചോദ്യങ്ങൾക്ക് ചോയ്സ് ഉണ്ട്. ഓരോ ചോദ്യത്തിനും 2 സ്കോർ വീതം. (6 × 2 = 12)

Question 3.
കൊടുത്തിരിക്കുന്ന ചിത്രം നിരീക്ഷിക്കുക. രണ്ട് ബീക്കറുകളിലും ഒരേ അളവിൽ വെള്ളം അടങ്ങിയിരിക്കുന്നു.

a) ഏത് ബീക്കറിന്റെ അടിഭാഗത്താണ് ഏറ്റവും കൂടുതൽ മർദം അനുഭവപ്പെടുന്നത്?
Answer:
ബീക്കർ A യുടെ അടിത്തട്ടിൽ പരമാവധി മർദം അനുഭവപ്പെടുന്നു.

b) നിങ്ങളുടെ ഉത്തരത്തെ സാധൂകരിക്കുക.
Answer:
ദ്രാവകരൂപത്തിന്റെ ഉയരം (അഥവാ ആഴം) ബീക്കർ B യേക്കാൾ ബീക്കർ A യിൽ കൂടുതലാണ്. അതിനാൽ ബീക്കർ A യുടെ അടിത്തട്ടിൽ കൂടുതൽ മർദം അനുഭവപ്പെടുന്നു.

Question 4.
a) തന്നിരിക്കുന്ന കാന്തധ്രുവങ്ങൾക്കിടയിൽ കാന്തികമണ്ഡലരേഖകൾ വരയ്ക്കുക.

Answer:

b) കാന്തികമണ്ഡലരേഖകളുടെ ഏതെങ്കിലും രണ്ട് പ്രത്യേകതകൾ എഴുതുക.
Answer:
കാന്തികമണ്ഡലരേഖകൾ പരസ്പരം ഖണ്ഡിക്കുന്നില്ല.
കാന്തങ്ങളുടെ സജാതീയധ്രുവങ്ങൾ അടുത്തു വരുമ്പോൾ കാന്തികമണ്ഡലരേഖകൾ വശങ്ങളിലേക്ക് വളഞ്ഞു പോകുന്നു.

Question 5.
ചിത്രം നിരീക്ഷിക്കുക.

a) ഉപകരണം തിരിച്ചറിയുക.
Answer:
ഇലക്ട്രോസ്കോപ്പ്

b) ചാർജ് ചെയ്ത ഒരു വസ്തു ഉപയോഗിച്ച് ഈ ഉപകരണത്തിന്റെ ലോഹഗോളത്തിൽ സ്പർശിക്കുമ്പോൾ, നിങ്ങൾ എന്താണ് നിരീക്ഷിക്കുന്നത്?
Answer:
ഇലക്ട്രോസ്കോപ്പിന്റെ ദളങ്ങൾ പരസ്പരം അകലുന്നു.

Question 6.
ഒരു കോൺവെക്സ് ദർപ്പണത്തിന് മുന്നിൽ ഒരു വസ്തു വയ്ക്കുമ്പോഴുള്ള പ്രതിബിംബ രൂപീകരണത്തിന്റെ രേഖാചിത്രം വരയ്ക്കുക.
Answer:

Question 7.
A. രണ്ട് കാറുകളുടെ പാതകൾ ചുവടെ കാണിച്ചിരിക്കുന്നു. കാർ A, Pയിൽ നിന്ന് ആരംഭിച്ച് ) വഴി R ൽ എത്തി. കാർ B, Pയിൽ നിന്ന് ആരംഭിച്ച് S വഴി R-ൽ എത്തി.

a) കാർ A സഞ്ചരിച്ച ആകെ ദൂരം എത്രയാണ്?
b) കാർ B സഞ്ചരിച്ച ആകെ ദൂരം എത്രയാണ്
Answer:
a) കാർ A സഞ്ചരിച്ച ആകെ ദൂരം = 500 + 600 = 1100 m.
b) കാർ B സഞ്ചരിച്ച ആകെ ദൂരം = 400 + 600 = 1000 m.

OR

B. മേശപ്പുറത്ത് ഒരു പുസ്തകം നിശ്ചലാവസ്ഥയിലാണ്.
a) മേൽപ്പറഞ്ഞ പ്രസ്താവനയുടെ അവലംബകവസ്തു തിരിച്ചറിയുക.
b) സൂര്യനെ അവലംബകവസ്തുവായി കണക്കാക്കുമ്പോൾ, പുസ്തകം
(ചലനാവസ്ഥയിലാണ്, നിശ്ചലാവസ്ഥയിലാണ്)
Answer:
a) അവലംബകവസ്തു: മേശ
b) സൂര്യനെ അവലംബകവസ്തുവായി കണക്കാക്കുമ്പോൾ, പുസ്തകം ചലനാവസ്ഥയിലാണ്.

Question 8.
A. ഒരു കോൺകേവ് ദർപ്പണത്തിൽ നിന്ന് 12 സെന്റിമീറ്റർ അകലെ വച്ചിരിക്കുന്ന ഒരു വസ്തുവിന്റെ ഉയരം 1 സെന്റിമീറ്ററാണ്. ദർപ്പണത്തിന് മുന്നിൽ 2.5 സെന്റിമീറ്റർ ഉയരമുള്ള ഒരു പ്രതിബിംബം രൂപപ്പെടുകയാണെങ്കിൽ ആവർധനം കണക്കാക്കുക.
Answer:
ആവർധനം, m = \(\frac{h_i}{h_0}=\frac{-2.5 \mathrm{~cm}}{1 \mathrm{~cm}}\) = -2.5

B. ചിത്രം നിരീക്ഷിച്ച് ആവർധനം കണക്കാക്കുക.

Answer:
h_i =−10 cm, h₀ = 5 cm
ആവർധനം, m = \(\frac{h_i}{h_0}=\frac{-10}{5}\) = -2

Section – C

9 മുതൽ 10 വരെയുള്ള ചോദ്യങ്ങൾക്ക് ഉത്തരമെഴുതുക. ഇതിൽ പത്താമത്തെ ചോദ്യത്തിന് ചോയ്സ് ഉണ്ട്. ഓരോ ചോദ്യത്തിനും 3 സ്കോർ വീതം. (2 × 3 = 6)

Question 9.
കൃത്രിമമായി നിർമ്മിക്കാൻ കഴിയുന്ന താൽക്കാലിക കാന്തങ്ങളാണ് വൈദ്യുതകാന്തങ്ങൾ.
വൈദ്യുതകാന്തങ്ങളുടെ ശക്തി വർധിപ്പിക്കുന്നതിന് മൂന്ന് രീതികൾ നിർദേശിക്കുക.
Answer:
i) കമ്പിച്ചുരുളുകളുടെ എണ്ണം വർധിപ്പിക്കുക
ii) വൈദ്യുതി വർധിപ്പിക്കുക
iii) കമ്പിച്ചുരുളിനകത്തുള്ള പച്ചിരുമ്പിന്റെ ഛേദതല പരപ്പളവ് കൂട്ടുക

Question 10.
A. a) വൈദ്യുത ചാർജ് സംഭരിക്കാൻ ശേഷിയുള്ള സംവിധാനത്തിന്റെ പേര് നൽകുക.
b) വൈദ്യുത ചാർജ് സംഭരിക്കാനുള്ള ശേഷി എന്ത് പേരിലാണറിയപ്പെടുന്നത്.
c) എന്താണ് അതിന്റെ യൂണിറ്റ്?
Answer:
a) കപ്പാസിറ്റർ
b) കപ്പാസിറ്റൻസ്
c) ഫാരഡ് (F)

OR

B. ഒരു വസ്തുവിനെ ചാർജ് ചെയ്യുന്നതിനുള്ള ഒരു രീതിയാണ് പ്രേരണം മുഖേനയുള്ള ചാർജിങ്.
a) പ്രേരണം മുഖേനയുള്ള ചാർജിങ് എന്നതുകൊണ്ട് നിങ്ങൾ എന്താണ് അർത്ഥമാക്കുന്നത്?
b) താഴെ നൽകിയിരിക്കുന്ന ചിത്രത്തെ അടിസ്ഥാനമാക്കി നിഗമനവും കാരണവും എഴുതുക.

Answer:
a) ചാർജുള്ള ഒരു വസ്തുവിന്റെ പ്രേരണയാൽ സമ്പർക്കരഹിതമായി മറ്റൊരു വസ്തുവിനെ ചാർജ് ചെയ്യുന്ന രീതിയാണ് പ്രേരണം മുഖേനയുള്ള ചാർജിങ്.
b) (i) ലോഹഗോളത്തിൽ ചാർജുകളുടെ പുനഃക്രമീകരണം നടക്കുന്നു.
(ii) ലോഹഗോളത്തിലെ ഇലക്ട്രോണുകൾ ഗ്ലാസ്റോഡിൽ നിന്നും അകലേക്ക് വികർഷിക്കപ്പെടുന്നു.

രസതന്ത്രം

സമയം : 40 മിനിറ്റ്
ആകെ സ്കോർ – 20

1 മുതൽ 2 വരെയുള്ള എല്ലാ ചോദ്യങ്ങൾക്കും ഉത്തരമെഴുതുക. 1 സ്കോർ വീതം. (2 × 1 = 2)

Question 1.
ചേരുംപടി ചേർക്കുക.

പദാർഥങ്ങൾ	പുളിരുചിക്ക് കാരണമായ ആസിഡ്
i) നാരങ്ങാനീര്	a) ലാക്ടിക് ആസിഡ്
ii) മോര്, തൈര്	b) സിട്രിക് ആസിഡ്
iii) പുളി	c) അസറ്റിക് ആസിഡ്
iv) വിനാഗിരി	d) ടാർടാറിക് ആസിഡ്

ശരിയായക്രമം തിരഞ്ഞെടുത്ത് എഴുതുക.
A) i – b, ii – a, iii – d, iv – c
B) i – c, ii – d, iii – a, iv – b
C) i – c, ii – d, iii – b, iv – a
D) i – d, ii – b, iii – a, iv – c
Answer:
A) i – b, ii – a, iii – d, iv – c

Question 2.
നീരാവി, തിളയ്ക്കുന്ന വെള്ളം എന്നിവയുമായി ബന്ധപ്പെട്ട രണ്ട് പ്രസ്താവനകൾ താഴെ കൊടുത്തിരിക്കുന്നു. അവ പരിശോധിച്ച് ശരിയായ ഉത്തരം തിരഞ്ഞെടുക്കുക.
(i) ഉയർന്ന താപനില ഉള്ളതിനാൽ തിളയ്ക്കുന്ന വെള്ളം നീരാവിയെക്കാൾ കഠിനമായ പൊള്ളലിന് കാരണമാകുന്നു.
(ii) തിളയ്ക്കുന്ന വെള്ളത്തേക്കാൾ കൂടുതൽ ഊർജ്ജം നീരാവിയിൽ അടങ്ങിയിരിക്കുന്നു. ചുവടെ നൽകിയിരിക്കുന്നതിൽ ശരിയായത് തെരഞ്ഞെടുത്ത് എഴുതുക.
A – പ്രസ്താവന (i) ഉം (ii) ഉം തെറ്റാണ്.
B- പ്രസ്താവന (ii) ശരിയാണ്. എന്നാൽ പ്രസ്താവന (i) തെറ്റാണ്.
C – പ്രസ്താവന (i) ശരിയാണ്. എന്നാൽ പ്രസ്താവന (ii) തെറ്റാണ്.
D – പ്രസ്താവന (i) ഉം (ii) ഉം ശരിയാണ്.
Answer:
B- പ്രസ്താവന (ii) ശരിയാണ്. എന്നാൽ പ്രസ്താവന (i) തെറ്റാണ്.

3 മുതൽ 8 വരെയുള്ള ചോദ്യങ്ങളിൽ രണ്ടെണ്ണത്തിന് ചോയ്സ് ഉണ്ട്. 2 സ്കോർ വീതം. (6 × 2 = 12)

Question 3.
മഗ്നീഷ്യം വായുവിലെ ഓക്സിജനിൽ കത്തി മഗ്നീഷ്യം ഓക്സൈഡ് ഉണ്ടാക്കുന്നു.
a) ഈ പ്രവർത്തനത്തിന്റെ രാസസമവാക്യം എഴുതുക.
b) മഗ്നീഷ്യം ഓക്സൈഡ് ജലത്തിൽ ലയിച്ച് കിട്ടുന്ന പദാർത്ഥമേത്?
Answer:
a) 2Mg + O₂ → 2MgO
b) മഗ്നീഷ്യം ഹൈഡ്രോക്സൈഡ്

Question 4.
(A) നിരവധി മോണോമെറുകൾ കൂടിച്ചേർന്ന് രൂപപ്പെടുന്ന വലിയ തന്മാത്രകളാണ് പോളിമെറുകൾ.
a) പോളിമെറുകൾ എങ്ങനെയാണ് തരംതിരിക്കുന്നത്?
b) ഇനിപ്പറയുന്നവ തരംതിരിക്കുക: കോട്ടൺ, കമ്പിളി, നൈലോൺ, സിൽക്ക്, ബേക്കലൈറ്റ്, ജൂട്ട്, പി.വി.സി, പോളിത്തീൻ
Answer:
a) പോളിമെറുകളെ രണ്ടായി തരംതിരിക്കാം. പ്രകൃതിദത്ത പോളിമെറുകളും മനുഷ്യനിർമ്മിത പോളിമെറുകളും.
b) പ്രകൃതിദത്ത പോളിമെറുകൾ – കോട്ടൺ, കമ്പിളി, സിൽക്ക്, ജൂട്ട്. മനുഷ്യനിർമ്മിത പോളിമെറുകൾ – പോളിത്തീൻ, ബേക്കലൈറ്റ്, പി.വി.സി, നൈലോൺ

OR

(B) താഴെ പറയുന്ന പ്രസ്താവനകൾ ശരിയാണോ തെറ്റാണോ എന്ന് തിരിച്ചറിയുക. തെറ്റാണെങ്കിൽ, പ്രസ്താവനകൾ ശരിയാക്കുക.
a) തെർമോസെറ്റിങ് പ്ലാസ്റ്റിക്കുകൾ വീണ്ടും ചൂടാക്കാനോ ഉരുക്കാനോ കഴിയില്ല, പുതിയതും പുനർരൂപകൽപ്പന ചെയ്തതുമായ ഉൽപ്പന്നങ്ങൾ ഉണ്ടാക്കാൻ കഴിയില്ല.
b) മോണോമറുകൾ നിരവധി വലിയ തന്മാത്രകൾ ചേർന്ന ചെറുതന്മാത്രകളാണ്.
Answer:
a) ശരി
b) തെറ്റ് – ചെറുതന്മാത്രകൾ ഉന്നതമർദത്തിലും താപനിലയിലും സംയോജിച്ച് വലിയ തന്മാത്രകളായി മാറുന്ന പ്രവർത്തനമാണ് പോളിമെറൈസേഷൻ. ഇങ്ങനെ രൂപപ്പെട്ട വലിയ തന്മാത്രകളെ
പോളിമെറുകൾ എന്നു വിളിക്കുന്നു.

Question 5.
ഇന്ന് നാം നേരിടുന്ന ഒരു പ്രധാന പ്രശ്നമാണ് ജലമലിനീകരണം
a) നിങ്ങളുടെ പ്രദേശത്തെ ജലം മലിനമാകുന്ന ഏതെങ്കിലും രണ്ട് സാഹചര്യങ്ങൾ എഴുതുക.
Answer:
സംസ്കരിക്കാത്ത മലിനജല നിക്ഷേപം.
പ്ലാസ്റ്റിക് മാലിന്യ നിക്ഷേപം.

b) ജലമലിനീകരണം തടയുന്നതിനുള്ള ഒരു മാർഗം നിർദ്ദേശിക്കുക.
Answer:
ജലാശയങ്ങളിലേക്ക് മാലിന്യം ഒഴുകുന്നത് തടയാൻ കാർഷിക മേഖലയിൽ രാസവളങ്ങളുടെയും കീടനാശിനികളുടെയും ഉപയോഗം കുറയ്ക്കുക.
പ്ലാസ്റ്റിക്, എണ്ണകൾ, മറ്റ് മാലിന്യങ്ങൾ എന്നിവ ജലസ്രോതസ്സുകളിലേക്ക് തള്ളുന്നത് ഒഴിവാക്കുക. മഴവെള്ള സംഭരണം പ്രോത്സാഹിപ്പിക്കുക.
ജല സംരക്ഷണത്തെക്കുറിച്ചുള്ള അവബോധം വളർത്തുക.

Question 6.
a) ആവർത്തനപ്പട്ടികയിലെ പീരിയഡുകൾ, ഗ്രൂപ്പുകൾ ഇവ എന്താണ്?
Answer:
ആവർത്തനപ്പട്ടികയിലെ വിലങ്ങനെയുള്ള നിരകളെ പീരിയഡുകൾ എന്ന് പറയുന്നു.
ആവർത്തനപ്പട്ടികയിലെ കുത്തനെയുള്ള വരികളെ ഗ്രൂപ്പുകൾ എന്ന് പറയുന്നു.

b) ആധുനിക ആവർത്തന പട്ടികയിൽ ഇവയുടെ എണ്ണമെത്രയാണ്?
Answer:
പീരിയഡുകൾ -1
ഗ്രൂപ്പുകൾ – 18

Question 7.
ഒരു ടെസ്റ്റ് ട്യൂബിൽ 5 mL സോഡിയം ക്ലോറൈഡ് ലായനി എടുക്കുക. അതിലേക്ക് 2 mL സിൽവർ നൈട്രേറ്റ് ലായനി ചേർക്കുക. ഈ പരീക്ഷണത്തിന്റെ നിരീക്ഷണങ്ങളും നിഗമനങ്ങളും രേഖപ്പെടുത്തുക.
Answer:
നിരീക്ഷണം – വെളുത്ത അവക്ഷിപ്തം ഉണ്ടാകുന്നു.
നിഗമനം – ക്ലോറൈഡ് (CI) അയോൺ സിൽവർ നൈട്രേറ്റുമായി പ്രവർത്തിച്ച് സിൽവർ കോറൈഡിന്റെ വെളുത്ത അവക്ഷിപ്തം ഉണ്ടാക്കുന്നു.

Question 8.
(A) നിരവധി ശാസ്ത്രജ്ഞരുടെ ശ്രമഫലമായാണ് നാം ഇന്ന് ഉപയോഗിക്കുന്ന ആധുനിക ആവർത്തനപ്പട്ടികയിലേക്ക് എത്തിച്ചേർന്നിട്ടുള്ളത്. ചുവടെ നൽകിയിരിക്കുന്ന ശാസ്ത്രജ്ഞർ മൂലകങ്ങളെ വർഗീകരിച്ചതെങ്ങനെയെന്ന് വിശദമാക്കുക.
a) ലാവോസിയ
b) ന്യൂലാൻഡ്സ്
Answer:
a) അന്റോയിൻ ലാവോസിയ അന്ന് അറിയപ്പെട്ടിരുന്ന മൂലകങ്ങളെ ലോഹങ്ങൾ, അലോഹങ്ങൾ എന്നിങ്ങനെ വർഗീകരിച്ചു. b) ന്യൂലാൻഡ്സ് മൂലകങ്ങളെ മാസ് നമ്പറിന്റെ അടിസ്ഥാനത്തിൽ അഷ്ടക നിയമം ഉപയോഗിച്ചു ക്രമപ്പെടുത്തി.

OR

B) a) മെൻഡലീഫ് മൂലകങ്ങളെ വർഗീകരിച്ചത് എങ്ങനെ?
b) മെൻഡലീഫിന്റെ പീരിയോഡിക് ടേബിളിന്റെ ഒരു മേന്മ എഴുതുക.
Answer:
a) മാസ് നമ്പറിന്റെ ആരോഹണക്രമത്തിൽ ആവർത്തന നിയമം ഉപയോഗിച്ച് പട്ടികപ്പെടുത്തി.
b) അറിയപ്പെടാതിരുന്ന മൂലകങ്ങൾക്കായുള്ള കളങ്ങൾ ഒഴിച്ചിടുകയും അവയുടെ ഗുണങ്ങൾ പ്രവചിക്കുകയും ചെയ്തു.
സമാന ഗുണങ്ങൾ ഉള്ള മൂലകങ്ങൾ ഒരേ ഗ്രൂപ്പിൽ വരത്തക്കവിധം വർഗ്ഗീകരിച്ചത് മൂലകങ്ങളെയും അവയുടെ സംയുക്തങ്ങളെയും കുറിച്ചുള്ള പഠനം എളുപ്പമാക്കി.

9 മുതൽ 10 വരെയുള്ള ചോദ്യങ്ങളിൽ ഒന്നിന് ചോയ്സ് ഉണ്ട്. 3 സ്കോർ വീതം. (2 × 3 = 6)

Question 9.
രണ്ട് പ്രവർത്തനങ്ങൾ നൽകിയിരിക്കുന്നു:
(i) ഒരു ടെസ്റ്റ് ട്യൂബിൽ അല്പം അമോണിയം നൈട്രേറ്റ് ലവണ ലായനി എടുക്കുക. അതിലേക്ക് പുതുതായി നിർമ്മിച്ച ഫെറസ് സൾഫേറ്റ് ലായനി ചേർക്കുക. ടെസ്റ്റ് ട്യൂബിന്റെ വശങ്ങളിലൂടെ വളരെ സാവധാനം ഗാഢ സൾഫ്യൂരിക് ആസിഡ് തുള്ളി തുള്ളിയായി ചേർക്കുക.

(ii) ഒരു ടെസ്റ്റ് ട്യൂബിൽ കുറച്ച് സോഡിയം കാർബണേറ്റ് ലവണ ലായനി എടുക്കുക. അതിലേക്ക് 2 mL നേർത്ത ഹൈഡ്രോക്ലോറിക് ആസിഡ് ചേർക്കുക. ടെസ്റ്റ് ട്യൂബിൽ നിന്നും നിർഗമിച്ച വാതകം തെളിഞ്ഞ ചുണ്ണാമ്പുവെള്ളത്തിലൂടെ കടത്തിവിടുക.
a) പ്രവർത്തനം (i) ന്റെ നിരീക്ഷണം എഴുതുക.
b) പ്രവർത്തനം (ii) ന്റെ നിരീക്ഷണം എഴുതുക.
c) പ്രവർത്തനം (ii) ൽ ഉണ്ടാകുന്ന വാതകത്തിന് പേര് നൽകുക.
Answer:
a) രണ്ടു ദ്രാവകങ്ങൾക്കും ഇടയിൽ ഒരു തവിട്ട് നിറത്തിലുള്ള വലയം രൂപപ്പെടുന്നു.
b) ചുണ്ണാമ്പ് വെള്ളത്തിന് പാൽനിറം കൈവരുന്നു.
c) കാർബൺ ഡൈഓക്സൈഡ് (CO₂) വാതകം.

Question 10.
(A) ജലത്തിന്റെ രണ്ട് സാമ്പിളുകൾ നൽകിയിരിക്കുന്നു. സാമ്പിൾ 1 – സോപ്പ് എളുപ്പത്തിൽ പത പുറപ്പെടുവിക്കുന്നു. സാമ്പിൾ 2 – സോപ്പ് എളുപ്പത്തിൽ പത പുറപ്പെടുവിക്കുന്നില്ല.
a) ഏത് സാമ്പിളാണ് കഠിനജലത്തെ പ്രതിനിധീകരിക്കുന്നത്?
b) താഴെ പറയുന്ന ലവണങ്ങളിൽ ഏതാണ് ജലത്തിന്റെ കാഠിന്യത്തിന് കാരണമാകുന്നത്? (സോഡിയം കാർബണേറ്റ്, മഗ്നീഷ്യം ക്ലോറൈഡ്, സിങ്ക് ഹൈഡ്രോക്സൈഡ്, അമോണിയം ക്ലോറൈഡ്)
c) ഏത് തരം ജലത്തിന്റെ കാഠിന്യമാണ് തിളപ്പിച്ച് നീക്കം ചെയ്യാൻ കഴിയുക?
Answer:
a) സാമ്പിൾ 2
b) മഗ്നീഷ്യം ക്ലോറൈഡ്.
c) താൽക്കാലിക ജലത്തിന്റെ കാഠിന്യം.

(B) സോപ്പ് ജലത്തിന്റെ പ്രതലബലം കുറയ്ക്കുന്നു.
a) എന്താണ് പ്രതലബലം?
OR
b) പ്രതലബലം കുറയ്ക്കുന്നത് വസ്ത്രങ്ങൾ കഴുകുന്നതിന് എങ്ങനെ ഗുണം ചെയ്യും?
Answer:
a) തന്മാത്രകളുടെ പരസ്പരാകർഷണം മൂലം ജലോപരിതലത്തിന്റെ പരപ്പളവ് കുറയുന്ന വിധത്തിൽ ഒരു ബലം അനുഭവപ്പെടുന്നു. ഇതിനെ പ്രതലബലം എന്നു പറയുന്നു.
b) ജലത്തിന്റെ ഉയർന്ന പ്രതലബലം മൂലം അവയ്ക്ക് തുണികളെ എളുപ്പം നനയ്ക്കാൻ കഴിയില്ല. ജലത്തിൽ സോപ്പ് ചേർക്കുന്നത് പ്രതലബലം കുറയ്ക്കുന്നു. ഇത് തുണി നന്നായി നനയുന്നതിനും അഴുക്ക് കളയുന്നതിനും സഹായിക്കുന്നു.

ജീവശാസ്ത്രം

7, 8, 10 എന്നീ ചോദ്യങ്ങൾക്ക് ചോയ്സുകൾ നൽകിയിരിക്കുന്നു.
1 മുതൽ 2 വരെയുള്ള എല്ലാ ചോദ്യങ്ങൾക്കും ഉത്തരമെഴുതുക. 1 സ്കോർ വീതം. (2 × 1 = 2)

സമയം – 40 മിനിറ്റ്
ആകെ സ്കോർ – 20

Question 1.
മർമ്മവിഭജനത്തിൽ നടക്കുന്ന സംഭവങ്ങളുടെ ശരിയായ ക്രമം തിരഞ്ഞെടുക്കുക.
I. ക്രൊമാറ്റിഡുകൾ വേർപിരിഞ്ഞ് പുത്രികാ ക്രോമസോമുകളായി കോശത്തിന്റെ രണ്ടു ധ്രുവങ്ങളിലേക്ക് നീങ്ങുന്നു.
II. ക്രോമസോമുകൾ കോശത്തിന്റെ മധ്യഭാഗത്ത് ക്രമീകരിക്കപ്പെടുന്നു.
III. ക്രൊമാറ്റിൻ ജാലിക കുറുകിത്തടിച്ച് ക്രോമസോമുകളായി മാറുന്നു.
IV. ക്രോമോസോമുകൾ ക്രൊമാറ്റിൻ ജാലികകളായി മാറുന്നു. പുത്രികാമർമ്മങ്ങൾ ഉണ്ടാകുന്നു.
(a) I – II – III – IV
(b) III – II – I – IV
(c) III – I – IV – II
(d) II – IV – I – III
Answer:
(b) III – II – I – IV

Question 2.
മ്യൂച്വലിസം എന്നത് രണ്ട് ജീവിവർഗങ്ങൾ തമ്മിലുള്ള ഒരു പ്രതിപ്രവർത്തനമാണ്, അതിൽ:
(a) രണ്ടിനും ഗുണം ലഭിക്കുന്നു
(b) രണ്ടിനും ദോഷം ലഭിക്കുന്നു
(c) ഒന്നിന് ഗുണം ലഭിക്കുന്നു, മറ്റൊന്നിന് ദോഷം സംഭവിക്കുന്നു
(d) ഒന്നിന് ഗുണം ലഭിക്കുന്നു, മറ്റൊന്നിന് ഗുണമോ ദോഷമോ ഉണ്ടാകുന്നില്ല.
Answer:
(a) രണ്ടിനും ഗുണം ലഭിക്കുന്നു

3 മുതൽ 8 വരെയുള്ള ചോദ്യങ്ങളിൽ രണ്ടെണ്ണത്തിന് ചോയ്സ് ഉണ്ട്. 2 സ്കോർ വീതം. (6 × 2 = 12)

Question 3.
ഒരു കിങ്ഡത്തിന്റെ ചില സവിശേഷതകൾ താഴെ കൊടുത്തിരിക്കുന്നു. യൂക്കാരിയോട്ടുകൾ, പ്രാഥമിക ഉത്പാദകർ
a) ഇത് ഏത് കിങ്ഡമാണ്?
b) ഈ കിങ്ഡത്തിന്റെ മറ്റ് സവിശേഷതകൾ എന്തൊക്കെയാണ്?
Answer:
(a) കിങ്ഡം പ്ലാന്റെ
(b) പ്രകാശസംശ്ലേഷണം വഴി സ്വയം ആഹാരം ഉണ്ടാകുന്ന ബഹുകോശജീവികളാണ്. വേരുകളും, കാണ്ഡവും, ഇലകളും ഉള്ളവ. മണ്ണിലോ ജലത്തിലോ വളരുന്നു.

Question 4.
ചിത്രീകരണം പൂർത്തിയാക്കുക:

Answer:
(a) എല്ലാ ജീവജാലങ്ങളും ഒന്നോ അതിലധികമോ കോശങ്ങൾ കൊണ്ടാണ് നിർമ്മിച്ചിരിക്കുന്നത്.
(b) മുമ്പ് നിലവിലുണ്ടായിരുന്ന കോശങ്ങളിൽ നിന്നാണ് പുതിയ കോശങ്ങൾ രൂപപ്പെടുന്നത്.

Question 5.
താഴെ കൊടുത്തിരിക്കുന്ന പ്രസ്താവനകൾ പട്ടികപ്പെടുത്തുക.
(a) കൂടുതൽ കോശാംഗങ്ങൾ
(b) കോശാംഗങ്ങൾക്ക് സ്തരാവരണമില്ല.
(c) സ്തരാവരണമുള്ള മർമം ഇല്ല.
(d) സ്തരാവരണമുള്ള മർമം ഉണ്ട്.

പ്രോകാരിയോട്ടിക് കോശം	യൂകാരിയോട്ടിക് കോശം

Answer:
പ്രോകാരിയോട്ടിക് കോശം: (b) and (c), യൂകാരിയോട്ടിക് കോശം: (a) and (d)

Question 6.
ഒരു ആവാസവ്യവസ്ഥയുടെ ജൈവ ഘടകങ്ങളിൽ മരം, എലി, കാക്ക, പുൽച്ചാടി, നെല്ല്, തവള, പാമ്പുകൾ, മുയൽ, കഴുകൻ, അണ്ണാൻ എന്നിവ ഉൾപ്പെടുന്നുവെന്ന് കരുതുക.
ഈ ആവാസവ്യവസ്ഥയുടെ 5 പോഷണതലങ്ങൾ അടങ്ങുന്ന ഒരു ഭക്ഷ്യ ശൃംഖല നിർമ്മിച്ച് ഉൽപ്പാദകരുടെയും പ്രാഥമിക ഉപഭോക്താക്കളുടെയും പേര് നൽകുക.
Answer:
നെല്ല് → en → കാക്ക പാമ്പ് കഴുകൻ. ഉത്പാദകർ – മരങ്ങൾ, നെല്ല്, പ്രാഥമിക ഉപഭോക്താവ്: എലികൾ, പുൽച്ചാടികൾ, മുയലുകൾ, അണ്ണാൻ

Question 7.
A. പത്രത്തിലെ ലേഖനം നിരീക്ഷിച്ച് താഴെയുള്ള ചോദ്യങ്ങൾക്ക് ഉത്തരം നൽകുക.

കർഷകർക്ക് പ്രതീക്ഷയായി ജിഎം വിളകൾ കൊച്ചി – വരുമാനം വർദ്ധിപ്പിക്കുന്നതിനായി ജിഎം വിളകൾ കർഷകരിലേക്ക് എത്തുന്നു………

a) GM വിളകൾ എന്നാൽ എന്ത്?
b) GM വിളകളുടെ ഉദാഹരണങ്ങൾ എഴുതുക?
Answer:
(a) ജനതിക എഞ്ചിനീയറിംഗ് വഴി ജനതിക ഘടനയിൽ മാറ്റം വരുത്തിയ വിളകളാണ് GM വിളകൾ. ഇത് വഴി പുതിയ സ്വഭാവ സവിശേഷതകൾ ഉൾച്ചേർക്കാൻ സാധിക്കും.
(b) കീടബാധ ചെറുക്കുന്ന പരുത്തിച്ചെടി, കളനാശിനികളെ പ്രതിരോധിക്കുന്ന സോയാബീൻ, വിറ്റാമിൻ A ധാരാളമടങ്ങിയ നെല്ലിനങ്ങൾ എന്നിവ ഇത്തരം വിളകൾക്ക് ഉദാഹരണം.

OR

B. താഴെ കൊടുത്തിരിക്കുന്നവയിൽ നിന്ന് സ്ഥലപരിമിതിയെ മറികടക്കാനുള്ള സാധ്യതകൾ തിരഞ്ഞെടുത്ത് എഴുതുക:

ചാക്കിലെ കൃഷി, സ്മാർട്ട് ഫാമിംഗ്, അക്വാപോണിക്സ്, ഗ്രീൻഹൗസ്, വെർട്ടിക്കൽ ഫാമിംഗ്, ടെറസിലെ കൃഷി, ടിഷ്യൂ കൾച്ചർ, പുതയിടൽ

Answer:
ചാക്കിലെ കൃഷി, അക്വാപോണിക്സ്, വെർട്ടിക്കൽ ഫാർമിംഗ്, ടെറസിലെ കൃഷി

Question 8.
A. ചിത്രം നിരീക്ഷിച്ച് ചോദ്യങ്ങൾക്ക് ഉത്തരം എഴുതുക.

a) X, Y എന്നീ പേരുകളിൽ അടയാളപ്പെടുത്തിയിരിക്കുന്ന ഭാഗങ്ങൾ തിരിച്ചറിയുക.
b) X ന്റെ ധർമ്മം തിരിച്ചറിയുക.
Answer:
(a) X – പ്രോസ്റ്റേറ്റ് ഗ്രന്ഥി, Y – വൃഷണം
(b) ബീജങ്ങളുടെ പോഷണത്തിനും ചലനത്തിനും ആവശ്യമായ പദാർത്ഥങ്ങൾ അടങ്ങിയ ദ്രവം ഉത്പാദിപ്പിക്കുന്നു

OR

B. “ബീജസങ്കലനം നടന്ന ഒരണ്ഡം (zygote) ഭ്രൂണമായി (Embryo) വളരാൻ ശ്രമിക്കുമ്പോൾ, ആർത്തവസമയത്ത് സാധാരണയായി കാണപ്പെടുന്ന രക്തവും ശ്ലേഷ്മവും രൂപപ്പെടുത്താൻ ഗർഭപാത്രത്തിന്റെ ഉൾപാളിക്ക് പെട്ടെന്ന് കഴിയാതെ വരുന്ന ഒരു സാഹചര്യം സങ്കൽപ്പിക്കുക.”
a) സിക്താണ്ഡം രൂപപ്പെടുന്നതിന് കാരണമായ ജൈവിക പ്രക്രിയ തിരിച്ചറിയുക?
b) സിക്താണ്ഡത്തിന്റെ വികാസത്തിൽ രക്തവും കലകളും വഹിക്കുന്ന പങ്ക് (അല്ലെങ്കിൽ ആവശ്യകത) വിശദീകരിക്കുക.
Answer:
a) ബീജസംയോഗം
b) പുതുതായി രൂപംകൊണ്ട് ഭ്രൂണം വളരുന്നതിനനുസരിച്ച് അതിനെ പോഷിപ്പിക്കുന്നതിനും പിന്തുണയ്ക്കുന്നതിനുമായി കട്ടികൂടിയ എൻഡോമെട്രിയം നിർമ്മിക്കുന്ന രക്തം, കലകൾ, രക്തലോമികകൾ എന്നിവ രൂപം കൊള്ളുന്നു.

9 മുതൽ 10 വരെയുള്ള ചോദ്യങ്ങളിൽ ഒന്നിന് ചോയ്സ് ഉണ്ട്. 3 സ്കോർ വീതം. (2 × 3 = 6)

Question 9.
ജൈവവൈവിധ്യത്തെ അടിസ്ഥാനമാക്കി നൽകിയിരിക്കുന്ന വസ്തുതകൾ അനുയോജ്യമായ തലക്കെട്ടുകൾ നൽകി ക്രമീകരിക്കുക.

ഒരു പ്രദേശത്തിന്റെ ചരിത്ര സ്മാരകങ്ങൾ, പ്രകൃതി വിഭവങ്ങൾ, ഭൂമിശാസ്ത്രപരമായ സവിശേഷതകൾ എന്നിവയുടെ സംരക്ഷണത്തോടൊപ്പം വന്യജീവികളെയും സംരക്ഷിക്കുക.
വിത്തുകളും ബീജകോശങ്ങളും ശേഖരിക്കുന്നതിനും സംരക്ഷിക്കുന്നതിനുമുള്ള സൗകര്യങ്ങളുള്ള ഗവേഷണ കേന്ദ്രങ്ങൾ.
വ്യത്യസ്ത ഇനം മൃഗങ്ങളെ സംരക്ഷിക്കുകയും വെവ്വേറെ പാർപ്പിക്കുകയും ചെയ്യുന്നു, കൂടാതെ അവയുടെ പുനരുൽപാദനത്തിന് ആവശ്യമായ ക്രമീകരണങ്ങളും ചെയ്യുന്നു.
വംശനാശം സംഭവിച്ച ജീവികൾ ഉൾപ്പെടുന്നു.
പൊതുജന പങ്കാളിത്തത്തോടെ സംരക്ഷിത പ്രദേശങ്ങൾ.

A	B

Answer:

ആവാസവ്യവസ്ഥക്കുള്ളിലെ സംരക്ഷണം	ആവാസവ്യവസ്ഥയ്ക്ക് പുറത്തുള്ള സംരക്ഷണം
ഒരു പ്രദേശത്തിന്റെ ചരിത്ര സ്മാരകങ്ങൾ, പ്രകൃതി വിഭവങ്ങൾ, ഭൂമിശാസ്ത്രപരമായ സവിശേഷതകൾ എന്നിവയുടെ സംരക്ഷണത്തോടൊപ്പം വന്യജീവികളെയും സംരക്ഷിക്കുക.	വിത്തുകളും ബീജകോശങ്ങളും ശേഖരിക്കുന്നതിനും സംരക്ഷിക്കുന്നതിനുമുള്ള സൗകര്യങ്ങളുള്ള ഗവേഷണ കേന്ദ്രങ്ങൾ.
പൊതുജന പങ്കാളിത്തത്തോടെ സംരക്ഷിത പ്രദേശങ്ങൾ.	വ്യത്യസ്ത ഇനം മൃഗങ്ങളെ സംരക്ഷിക്കുകയും വെവ്വേറെ പാർപ്പിക്കുകയും ചെയ്യുന്നു, കൂടാതെ അവയുടെ പുനരുൽപാദനത്തിന് ആവശ്യമായ ക്രമീകരണങ്ങളും ചെയ്യുന്നു.
	വംശനാശം സംഭവിച്ച ജീവികൾ ഉൾപ്പെടുന്നു.

Question 10.
A. ചിത്രം നിരീക്ഷിച്ച് താഴെയുള്ള ചോദ്യങ്ങൾക്ക് ഉത്തരം നൽകുക:

a) ചിത്രം എന്താണ് സൂചിപ്പിക്കുന്നത്?
b) A യും B യും സൂചിപ്പിക്കുന്ന ഭാഗങ്ങൾ ഏതൊക്കെയാണ്?
c) A എന്ന് സൂചിപ്പിക്കുന്ന ഭാഗത്തിന്റെ സവിശേഷതകൾ എന്തൊക്കെയാണ്?
Answer:
(a) മർമം
(b) A – ക്രൊമാറ്റിൻ ജാലിക B – മർമകം
(c) ക്രൊമാറ്റിൻ ജാലികയുടെ ധർമം: മർമത്തിനുള്ളിലെ ദ്രാവകത്തിൽ വലകണ്ണികൾ പോലെ കാണപ്പെടുന്ന ഭാഗങ്ങളാണ് ക്രൊമാറ്റിൻ ജാലിക. കോശവിഭജന സമയത്ത് ഇവ ക്രോമോസോമുകളായി മാറുന്നു.

OR

B. ആധുനിക വൈദ്യശാസ്ത്രത്തിൽ വിത്തുകോശങ്ങൾക്ക് ഏറെ പ്രാധാന്യമുണ്ട്.
(a) എന്താണ് വിത്തുകോശങ്ങൾ?
(b) വിത്തുകോശങ്ങളുടെ പ്രത്യേകതകൾ എന്തെല്ലാമാണ്?
Answer:
(a) പേശീകോശങ്ങൾ, നാഡീകോശങ്ങൾ, രക്തകോശങ്ങൾ എന്നിങ്ങനെ വിവിധ തരം കോശങ്ങളായി വികസിക്കാൻ കഴിയുന്ന ശരീരത്തിലെ സവിശേഷകോശങ്ങളാണ്. വിത്ത്കോശങ്ങൾ.
(b) പുതിയ ഇനം കോശങ്ങളെ സൃഷ്ടിക്കാൻ കഴിയുമെന്നതിനാൽ അവയെ ശരീരത്തിന്റെ “മാസ്റ്റർ കോശങ്ങൾ” എന്ന് വിളിക്കുന്നു. ജീർണിച്ച കോശങ്ങളെ ഒഴിവാക്കി പുതിയ കോശങ്ങൾ വളരാനും മുറിവുകൾ ഉണങ്ങാനും വിത്തുകോശങ്ങൾ സഹായിക്കുന്നു.