Class 8 Basic Science Question Paper Set 3 Malayalam Medium

To reduce exam fear, Class 8 Basic Science Question Paper Kerala Syllabus Set 3 Malayalam Medium provide good practice.

Class 8 Basic Science Model Question Paper Set 3 Malayalam Medium

സമയം – 2 മണിക്കൂർ
ആകെ സ്കോർ – 60

നിർദേശങ്ങൾ

• ആദ്യത്തെ 15 മിനിറ്റ് സമാശ്വാസ സമയമാണ്. ഈ സമയം ചോദ്യങ്ങൾ വായിച്ച്
• മനസ്സിലാക്കാനും ഉത്തരങ്ങൾ ആസൂത്രണം ചെയ്യാനും ഉപയോഗിക്കുക.
• ഈ ചോദ്യപേപ്പറിൽ A, B, C എന്നീ വിഭാഗങ്ങളിലായി 10 ചോദ്യങ്ങളാണുള്ളത്.
• Choice നൽകിയിട്ടുള്ള ചോദ്യങ്ങൾക്ക് തന്നിരിക്കുന്ന ഓപ്ഷനുകളിൽ ഒന്നിനുമാത്രം ഉത്തരം എഴുതിയാൽ മതി.

സമയം – 2 മണിക്കൂർ
ആകെ സ്കോർ – 60

ഭൗതികശാസ്ത്രം

സമയം – 40 മിനിറ്റ്
ആകെ സ്കോർ – 20

Section – A

1 മുതൽ 2 വരെയുള്ള ചോദ്യങ്ങൾക്ക് ശരിയായ ഉത്തരം തെരഞ്ഞെടുത്തെഴുതുക. എല്ലാ ചോദ്യങ്ങൾക്കും ഉത്തരമെഴുതുക. ഓരോ ചോദ്യത്തിനും 1 സ്കോർ വീതം. (2 × 1 = 2)

Question 1.
കരയിലൂടെ ഏറ്റവും വേഗത്തിൽ സഞ്ചരിക്കാൻ കഴിവുള്ള ഒരു മൃഗമാണ് ചീറ്റപ്പുലി. ഇതിന്റെ വേഗ ത്തിന്റെ യൂണിറ്റ് വ്യത്യസ്ത രീതിയിൽ രേഖപ്പെടുത്തിയിരിക്കുന്നു. ഇതിൽ ശരിയായത് ഏത്?
a) 25 metre per s
b) 25 m/s
c) 25 m/s2
d) 25 M/S
Answer:
b) 25 m/s

Question 2.
നൽകിയിരിക്കുന്ന ചിത്രങ്ങൾ, ഒരേ വലുപ്പത്തിലുള്ള രണ്ട് ഇരുമ്പ് ആണികളിൽ നിന്ന് നിർമ്മിച്ച രണ്ട് വൈദ്യുതകാന്തങ്ങളെ ചിത്രീകരിക്കുന്നു.

പ്രസ്താവന 1: ചിത്രം (a) യാണ് ഏറ്റവും ശക്തിയേറിയ വൈദ്യുതകാന്തം കാരണം ഇതിൽ (b) യെ അപേക്ഷിച്ചു കമ്പിച്ചുരുളുകളുടെ എണ്ണം കൂടുതലാണ്.
പ്രസ്താവന 2: ചിത്രം (b) യാണ് ഏറ്റവും ശക്തിയേറിയ വൈദ്യുതകാന്തം, കാരണം ഇതിൽ(a) യെ അപേക്ഷിച്ചു കമ്പിച്ചുരുളുകളുടെ എണ്ണം കുറവാണ്.
a) രണ്ട് പ്രസ്താവനകളും ശരിയാണ്
b) രണ്ടാമത്തെ പ്രസ്താവന മാത്രമാണ് ശരി
c) ആദ്യത്തെ പ്രസ്താവന മാത്രമാണ് ശരി
d) രണ്ട് പ്രസ്താവനകളും തെറ്റാണ്
Answer:
c) ആദ്യത്തെ പ്രസ്താവന മാത്രമാണ് ശരി.

Section – B

3 മുതൽ 8 വരെയുള്ള ചോദ്യങ്ങൾക്ക് ഒന്നിൽ കൂടുതൽ വാചകങ്ങളിൽ ഉത്തരമെഴുതുക.6, 7 ചോദ്യങ്ങൾക്ക് ചോയ്സ് ഉണ്ട്. ഓരോ ചോദ്യത്തിനും 2 സ്കോർ വീതം. (6 × 2 = 12)

Question 3.
ഒരു വ്യക്തി ‘A’ യിൽ നിന്ന് ആരംഭിച്ച് ‘B’, ‘C’ എന്നിവയിലൂടെ നീങ്ങുകയും 30 സെക്കൻഡിൽ ‘D’ യിൽ എത്തുകയും ചെയ്യുന്നു.
a) സഞ്ചരിച്ച ദൂരം കണ്ടെത്തുക.
b) വേഗം കണ്ടെത്തുക.

Answer:
a) A മുതൽ D വരെയുള്ള ദൂരം = 10 + 10 + 10 = 30 m

Question 4.
ഒരു കുട്ടി 200 ഷീറ്റുകളുള്ള തന്റെ സയൻസ് ഡയറിയിലെ പേപ്പറുകളുടെ മൊത്തം കനം അളക്കുകയും അത് 2 സെന്റീമീറ്റർ ആണെന്ന് കണ്ടെത്തുകയും ചെയ്യുന്നു. ഈ പേപ്പറുകളിലൊന്നിന്റെ കനം SI യൂണിറ്റിൽ കണ്ടെത്തുക.
Answer:
ഒരു പേപ്പറിന്റെ കനം = പേപ്പർ കെട്ടിന്റെ ഉയരം / പേപ്പറുകളുടെ എണ്ണം
ഒരു പേപ്പറിന്റെ കനം = 2 cm/200 =1/100 cm = 0.01 cm
SI യൂണിറ്റിൽ പേപ്പറിന്റെ കനം = 0.01cm/100 = 0.0001 m

Question 5.
ദക്ഷിണ ധ്രുവം മാത്രം ഉള്ള കാന്തമായി മാറുന്നുണ്ടോ എന്ന് നിരീക്ഷിക്കാൻ രാഹുൽ തന്റെ കൈവശമുണ്ടായിരുന്ന ബാർ കാന്തം കൃത്യമായി രണ്ട് കഷണങ്ങളായി മുറിച്ചു. നിങ്ങളുടെ നിഗമനം എന്താണ്? എന്തുകൊണ്ട്?
Answer:
ഇല്ല, അത് ദക്ഷിണ ധ്രുവം മാത്രമുള്ള ഒരു കാന്തമായി മാറുന്നില്ല. ഒരു കാന്തത്തിന്റെ ഓരോ മുറിഞ്ഞ കഷണവും എത്രതന്നെ ചെറുതാണെങ്കിലും, അതിന് എല്ലായ്പ്പോഴും ഉത്തര, ദക്ഷിണ ധ്രുവങ്ങൾ ഉണ്ടായിരിക്കും. ഏക ധ്രുവം മാത്രമുള്ള കാന്തം ഉണ്ടാവുകയില്ല.

Question 6.
A. 3 m പരപ്പളവുള്ള ഒരു മേശയുടെ ഉപരിതലത്തിൽ അന്തരീക്ഷമർദം പ്രയോഗിക്കുന്ന ബലം എത്രയുണ്ടാകും? അന്തരീക്ഷമർദം 101325 പാസ്കൽ ആണ്.
Answer:
ബലം= മർദം × പരപ്പളവ്
= 1 Pa × 3 m² = 101325 × 3
= 303975 N

OR

B. ഭൂമിയുടെ ഉപരിതലത്തിൽ യൂണിറ്റ് പരപ്പളവിൽ അനുഭവപ്പെടുന്ന വായുരൂപത്തിന്റെ ഭാരമാണ് അന്തരീക്ഷമർദം.
a) എന്താണ് പ്രമാണ അന്തരീക്ഷമർദം .
b) അന്തരീക്ഷമർദം അളക്കാൻ ഉപയോഗിക്കുന്ന ഉപകരണത്തിന്റെ പേര് എഴുതുക.
Answer:
a) സമുദ്രനിരപ്പിലെ അന്തരീക്ഷമർദം പ്രമാണ അന്തരീക്ഷമർദം (Standard Atmospheric Pressure) എന്നറിയപ്പെടുന്നു. ഇത് 1atm അഥവാ 0.76 m ഉയരവും യൂണിറ്റ് പരപ്പളവുമുള്ള രസരൂപത്തിന്റെ ഭാരത്തിന് തുല്യമായിരിക്കും.
b) ബാരോമീറ്റർ

Question 7.
A. ചില വസ്തുക്കൾ തമ്മിൽ ഉരസുമ്പോൾ ഇലക്ട്രോൺ കൈമാറ്റം നടക്കുന്നുണ്ട്. ഈ ആശയത്തെ അടിസ്ഥാനമാക്കി ചുവടെ നൽകിയ പട്ടിക പൂർത്തിയാക്കുക.

ഉരസാൻ ഉപയോഗിച്ച ജോഡി വസ്തുക്കൾ	ഇലക്ട്രോൺ നഷ്ടപ്പെടുന്ന വസ്തു	നെഗറ്റീവ് ചാർജ് ലഭിക്കുന്ന വസ്തു
എബണൈറ്റ്, കമ്പിളി	(a) _________	(b) _________
ഗ്ലാസ് റോഡ്, സിൽക്ക്	(c) _________	(d) _________

Answer:
a) കമ്പിളി
b) എബണൈറ്റ്
c) ഗ്ലാസ് റോഡ്
d) സിൽക്ക്

OR

B. a) വസ്തുക്കൾക്ക് ചാർജ് ഉണ്ടോ എന്ന് സ്ഥിരീകരിക്കുന്നതിനുള്ള ഏറ്റവും അനുയോജ്യമായ സൂചന എന്താണ്?
b) ചാർജിന്റെ യൂണിറ്റ് എന്താണ്?
Answer:
a) ഒരു വസ്തുവിന്റെ ചാർജ് സ്ഥിരീകരിക്കുന്നതിന് ഏറ്റവും അനുയോജ്യമായ സൂചനയാണ് വികർഷണം.
b) കൂളോം (coulomb)

Question 8.
താഴെ പറയുന്ന പ്രസ്താവനകളിൽ എന്തെങ്കിലും തെറ്റുകൾ ഉണ്ടെങ്കിൽ അവ തിരുത്തുക.
a) കോൺവെക്സ് ദർപ്പണം രൂപപ്പെടുത്തുന്ന മിഥ്യ പ്രതിബിംബം എല്ലായ്പ്പോഴും വലുതായിരിക്കും.
b) പ്രതിപതനതലം അകത്തോട്ടു കുഴിഞ്ഞ ഗോളീയ ദർപ്പണങ്ങളെ കോൺവെക്സ് ദർപ്പണങ്ങൾ എന്ന് പറയുന്നു.
Answer:
a) കോൺവെക്സ് ദർപ്പണം രൂപപ്പെടുത്തുന്ന മിഥ്യ പ്രതിബിംബം എല്ലായ്പ്പോഴും ചെറുതായിരിക്കും.
b) പ്രതിപതനതലം അകത്തോട്ടു കുഴിഞ്ഞ ഗോളീയ ദർപ്പണങ്ങളെ കോൺകേവ് ദർപ്പണങ്ങൾ എന്ന് പറയുന്നു.

Section – C

9 മുതൽ 10 വരെയുള്ള ചോദ്യങ്ങൾക്ക് ഉത്തരമെഴുതുക. ഇതിൽ പത്താമത്തെ ചോദ്യത്തിന് ചോയ്സ് ഉണ്ട്. ഓരോ ചോദ്യത്തിനും 3 സ്കോർ വീതം. (2 × 3 = 6)

Question 9.
ഒരു കോൺകേവ് ദർപ്പണത്തിന്റെ പോളിൽ ഒരു പ്രകാശരശ്മി പതിക്കുന്നു, ഇത് ഗോളീയദർപ്പണത്തിന്റെ മുഖ്യ അക്ഷവുമായി 30° കോൺ ഉണ്ടാക്കുന്നു.
a) പ്രതിപതനകോൺ എന്താണ്?
Answer:
പ്രതിപതനകോൺ = 30°

b) നിങ്ങളുടെ ഉത്തരം സാധൂകരിക്കുക.
Answer:
പോളിൽ പതിക്കുന്ന പ്രകാശരശ്മി പതനകോണിന് തുല്യമായ കോണിൽ പ്രതിപതിക്കുന്നു.

c) രേഖാചിത്രം വരയ്ക്കുക.
Answer:

Question 10.
A.a) ഒരു കാന്തത്തിന്റെ ധ്രുവം കാന്തിക ശക്തിയില്ലാത്ത ഒരു ഇരുമ്പ് ആണിയെ ആകർഷിക്കുന്നു. ഇതിനു പിന്നിലെ പ്രവർത്തനതത്വം വിവരിക്കുക.
Answer:
കാന്തിക പ്രേരണയുടെ ഫലമായി ഒരു കാന്തത്തിന്റെ ധ്രുവത്തിനടുത്ത് കൊണ്ടുവരുന്ന ഇരുമ്പ് ആണിയെ കാന്തം ആകർഷിക്കുന്നു. കാന്തത്തിന്റെ കാന്തികമണ്ഡലത്തിനടുത്ത് ഒരു ഇരുമ്പ് ആണി വയ്ക്കുകയാണെങ്കിൽ, പ്രേരണത്തിനുപയോഗിച്ച കാന്തത്തിൽ നിന്നും അകലെയുള്ള, ആണിയുടെ അഗ്രത്ത് അതേ ധ്രുവവും, കാന്തത്തിനടുത്തുള്ള ആണിയുടെ അഗ്രത്ത് വിപരീത ധ്രുവവും ആയിരിക്കും ഉണ്ടാകുന്നത്.സ്ഥിരകാന്തത്തിന്റെ ധ്രുവം പുതുതായി രൂപപ്പെട്ട വിപരീത ധ്രുവങ്ങളെ ആകർഷിക്കുന്നു. അതുകൊണ്ടാണ് കാന്തിക ധ്രുവം അതിനടുത്തുള്ള ഒരു കാന്തിക വസ്തുവിനെ (ഇരുമ്പ് ആണിയെ) ആകർഷിക്കുന്നത്.

b) രണ്ട് കാന്തിക ധ്രുവങ്ങളുടെ ആകർഷണ ബലം ആശ്രയിക്കുന്ന ഘടകങ്ങൾ ഏതൊക്കെയാണ്?
Answer:
ധ്രുവങ്ങളുടെ ശക്തി വർധിക്കുന്നതിനനുസരിച്ച് കാന്തിക ധ്രുവങ്ങൾക്കിടയിലുള്ള ആകർഷണ ശക്തി വർധിക്കുകയും, ധ്രുവങ്ങൾ തമ്മിലുള്ള ദൂരം വർധിക്കുന്നതിനനുസരിച്ച് കാന്തശക്തി കുറയുകയും ചെയ്യുന്നു.

OR

B. (a) സസപ്റ്റിബിലിറ്റി, റിറ്റെന്റിവിറ്റി എന്നതുകൊണ്ട് നിങ്ങൾ എന്താണ് അർത്ഥമാക്കുന്നത്?
Answer:
ഒരു കാന്തികമണ്ഡലത്തിന്റെ സ്വാധീനം കാരണം കാന്തവൽക്കരിക്കപ്പെടാനുള്ള കാന്തിക വസ്തുക്കളുടെ കഴിവാണ് സസപ്റ്റിബിലിറ്റി.
കാന്തികശക്തി നിലനിർത്താനുള്ള കഴിവാണ് റിറ്റെന്റിവിറ്റി.

(b) പച്ചിരുമ്പ്, ഉരുക്ക് ഇവയുടെ സസപ്റ്റിബിലിറ്റിയും, റിറ്റെന്റിവിറ്റിയും താരതമ്യം ചെയ്യുക.
Answer:

പച്ചിരുമ്പ്	ഉരുക്ക്
കാന്തികശക്തി നിലനിർത്താനുള്ള കഴിവ് (റിറ്റെന്റിവിറ്റി) കുറവാണ്.	കാന്തികശക്തി നിലനിർത്താനുള്ള കഴിവ് (റിറ്റെന്റിവിറ്റി) വളരെ കൂടുതലാണ്.
സസപ്റ്റിബിലിറ്റി വളരെ കൂടുതലാണ്.	സസപ്റ്റിബിലിറ്റി വളരെ കുറവാണ്.

രസതന്ത്രം

സമയം : 40 മിനിറ്റ്
ആകെ സ്കോർ – 20

1 മുതൽ 2 വരെയുള്ള എല്ലാ ചോദ്യങ്ങൾക്കും ഉത്തരമെഴുതുക. 1 സ്കോർ വീതം. (2 × 1 = 2)

Question 1.
ചേരുംപടി ചേർക്കുക.

ചേർക്കുന്ന രാസവസ്തു	ലഭിക്കുന്ന ഗ്ലാസിന്റെ നിറം
i) കാഡ്മിയം സൾഫൈഡ്	a) നീല
ii) ഗോൾഡ് ക്ലോറൈഡ്	b) പച്ച
iii) ക്രോമിയം ഓക്സൈഡ്	c) റൂബി റെഡ്
iv) കൊബാൾട് ഓക്സൈഡ്	d) മഞ്ഞ

ശരിയായക്രമം തിരഞ്ഞെടുത്ത് എഴുതുക.
A) i – b, ii – a, iii – d, iv – c
B) i – c, ii – d, iii – a, iv – b
C) i – c, ii – d, iii – b, iv – a
D) i – d, ii – c, iii – b, iv – a
Answer:
D) i – d, ii – c, iii – b, iv – a

Question 2.
രണ്ടു പ്രസ്താവനകൾ ചുവടെ നൽകിയിരിക്കുന്നു.
(i) ഹൈഡ്രജൻ അയോണുകളാണ് ആസിഡുകളുടെ പൊതുവായ ഗുണങ്ങൾക്കടിസ്ഥാനം.
(ii) ജലീയ ലായനിയിൽ ഹൈഡ്രജൻ അയോണുകളുടെ (H⁺) ഗാഢത വർധിപ്പിക്കാൻ കഴിയുന്ന പദാർഥങ്ങളാണ് ആസിഡുകൾ.

ചുവടെ നൽകിയിരിക്കുന്നതിൽ ശരിയായത് തെരഞ്ഞെടുത്ത് എഴുതുക.
A – പ്രസ്താവന (i) ഉം (ii) ഉം തെറ്റാണ്.
B- പ്രസ്താവന (ii) ശരിയാണ്. എന്നാൽ പ്രസ്താവന (i) തെറ്റാണ്.
C – പ്രസ്താവന (i) ശരിയാണ്. എന്നാൽ പ്രസ്താവന (ii) തെറ്റാണ്.
D – പ്രസ്താവന (i) ഉം (ii) ഉം ശരിയാണ്.
Answer:
D – പ്രസ്താവന (i) ഉം (ii) ഉം ശരിയാണ്.

3 മുതൽ 8 വരെയുള്ള ചോദ്യങ്ങളിൽ രണ്ടെണ്ണത്തിന് ചോയ്സ് ഉണ്ട്. 2 സ്കോർ വീതം. (6 × 2 = 12)

Question 3.
വിവിധതരം ആവശ്യങ്ങൾക്ക് പ്ലാസ്റ്റിക് ഉപയോഗിക്കുന്നു. താഴെ പറയുന്ന ആവശ്യങ്ങൾക്ക് ഉപയോഗിക്കുന്ന പ്ലാസ്റ്റിക്കുകളുടെ തരം തിരിച്ചറിയുക.
a) പ്രഷർ കുക്കറിന്റെ കൈപ്പിടി നിർമ്മിക്കാൻ.
b) പ്ലാസ്റ്റിക് കവറുകൾ നിർമ്മിക്കാൻ.
Answer:
a) തെർമോസെറ്റ്
b) തെർമോപ്ലാസ്റ്റിക്

Question 4.
(A) ജലത്തിന്റെ വൈദ്യുതവിശ്ലേഷണം കാണിക്കുന്ന ക്രമീകരണം താഴെ കൊടുത്തിരിക്കുന്നു. ചിത്രം വിശകലനം ചെയ്ത് താഴെ കൊടുത്തിരിക്കുന്നവയ്ക്ക് ഉത്തരം നൽകുക.

a) ജലത്തിന്റെ വൈദ്യുതവിശ്ലേഷണത്തിന് ഉപയോഗിക്കുന്ന ഒരു ഉപകരണത്തിന്റെ പേര് നൽകുക.
b) A & B വാതകങ്ങളെ തിരിച്ചറിയുക.
Answer:
a) ഹോഫ്മാൻ ജല വോൾട്ട മീറ്റർ
b) A – ഓക്സിജൻ
B – ഹൈഡ്രജൻ

OR

(B) ജലം പ്രകൃതിയുടെ അമൂല്യമായ ഒരു സമ്മാനമാണ്.
a) ജലത്തെ സാർവിക ലായകം എന്ന് വിളിക്കുന്നത് എന്തുകൊണ്ട്?
b) ജലത്തിന്റെ ഏതെങ്കിലും മൂന്ന് ഉപയോഗങ്ങൾ എഴുതുക.
Answer:
a) മറ്റ് ഏതൊരു ദ്രാവകത്തേക്കാളും കൂടുതൽ പദാർത്ഥങ്ങളെ ലയിപ്പിക്കാൻ കഴിയുന്നതിനാൽ ജലത്തെ സാർവിക ലായകം എന്ന് വിളിക്കുന്നു.
b) കുടിക്കാൻ, കുളിക്കാൻ, പാചകത്തിന്

Question 5.
ഒരു സ്റ്റീൽ കപ്പിൽ നീറ്റുകക്കയെടുത്ത് അതിലേയ്ക്ക് അൽപ്പം ജലം ചേർക്കുന്നു.
a) നീറ്റുകക്കയിൽ ജലം ചേർക്കുമ്പോൾ ഉണ്ടാകുന്ന പദാർത്ഥമേതാണ്?
b) നീറ്റുകക്ക കൈകാര്യം ചെയ്യുന്നവർ കയ്യുറകൾ ധരിക്കുന്നു. കാരണമെന്ത്?
Answer:
a) ചുണ്ണാമ്പ്
b) നീറ്റുകക്ക ജലവുമായി ചേരുന്നത് താപമോചക പ്രവർത്തനമാണ്. അതിനാൽ രാസപ്രവർത്തനഫലമായി ധാരാളം താപം പുറത്തുവിടുന്നു. ഇത് പൊള്ളലിന് കാരണമാകും.

Question 6.
ചുവടെ നൽകിയിട്ടുള്ളവയിലെ തന്മാത്രകളുടെ എണ്ണവും ആകെ ആറ്റങ്ങളുടെ എണ്ണവും കണ്ടെത്തുക.
a) O₂
b) 5F
Answer:
a) തന്മാത്രകളുടെ എണ്ണം – 1
ആകെ ആറ്റങ്ങളുടെ എണ്ണം – 2

b) തന്മാത്രകളുടെ എണ്ണം – 5
ആകെ ആറ്റങ്ങളുടെ എണ്ണം – 10

Question 7.
ചുവടെ നൽകിയിട്ടുള്ളവയിൽ നടക്കുന്ന ഉർജ്ജമാറ്റമെന്ത്?
a) ഇന്ധനങ്ങളുടെ ജ്വലനം
b) പ്രകാശസംശ്ലേഷണം
Answer:
a) രാസോർജ്ജം വൈദ്യുതോർജ്ജമാകുന്നു.
b) പ്രകാശോർജ്ജം രാസോർജ്ജമാകുന്നു.

Question 8.
(A) ഇരുമ്പിന്റെ ലോഹനാശനം വർദ്ധിപ്പിക്കുന്ന ഘടകങ്ങൾ ഏവ?
Answer:
വായുവിന്റെ സാന്നിധ്യം
ഈർപ്പത്തിന്റെ സാന്നിധ്യം
ലവണത്തിന്റെ സാന്നിധ്യം

OR

B) തീരപ്രദേശങ്ങളിൽ ഇരുമ്പാണികൾക്ക് പകരം ചെമ്പാണികൾ ഉപയോഗിക്കുന്നു. കാരണമെന്ത്?
Answer:
തീരപ്രദേശങ്ങളിൽ വായുവിൽ ലവണത്തിന്റെ സാന്നിധ്യമുണ്ട്. ലവണത്തിന്റെ സാന്നിധ്യമുള്ള വായുവിന്റെയും ഈർപ്പത്തിന്റെയും സാനിധ്യത്തിൽ ഇരുമ്പ് വേഗത്തിൽ തുരുമ്പ് പിടിക്കുന്നു. അതിനാൽ ഇരുമ്പാണികൾക്ക് പകരം ചെമ്പാണികൾ ഉപയോഗിക്കുന്നു.

9 മുതൽ 10 വരെയുള്ള ചോദ്യങ്ങളിൽ ഒന്നിന് ചോയ്സ് ഉണ്ട്. 3 സ്കോർ വീതം. (2 × 3 = 6)

Question 9.
നന്നായി ഉരച്ച് വൃത്തിയാക്കിയ മഗ്നീഷ്യം റിബൺ കത്തിക്കുക. അതിന്റെ ഫലമായി ഒരു വെളുത്ത പൊടി ലഭിക്കുന്നു. ഈ ഉൽപന്നം വാച്ച് ഗ്ലാസിൽ എടുത്ത് രണ്ടോ മൂന്നോ തുള്ളി ജലം ചേർക്കുക.
a) ലഭിച്ച വെളുത്ത പൊടി എന്തായിരിക്കും?
b) വെളുത്ത പൊടി ജലത്തിൽ ലയിക്കുമ്പോൾ ഉണ്ടാകുന്ന ലായനിയുടെ രാസ സ്വഭാവം (അസിഡിക് അല്ലെങ്കിൽ ബേസിക്) തിരിച്ചറിയുക, ലിറ്റ്മസ് പേപ്പർ പരിശോധനയെ അടിസ്ഥാനമാക്കി കാരണം പറയുക.
c) വെളുത്ത പൊടി ഉൽപ്പന്നം ജലത്തിൽ കലർത്തുമ്പോൾ സംഭവിക്കുന്ന പ്രവർത്തനത്തിന്റെ രാസ സമവാക്യം എഴുതുക.
Answer:
a) മഗ്നീഷ്യം ഓക്സൈഡ്
b) ബേസിക് (നീല ലിറ്റ്മസിനെ ചുവപ്പാക്കി മാറ്റുന്നു)
c) MgO + H₂O → Mg(OH)₂

Question 10.
(A) a) ലബോറട്ടറി ഉപകരണങ്ങൾ, പാചക പാത്രങ്ങൾ നിർമ്മിക്കാൻ ഉപയോഗിക്കുന്ന ഗ്ലാസ് ഏത് തരം ആണെന്ന് പറയുക?
b) ഈ ഗ്ലാസിൽ അടങ്ങിയിരിക്കുന്ന പ്രധാന ഘടകങ്ങൾ ഏതൊക്കെയാണെന്ന് കണ്ടെത്തുക.
c) എല്ലാത്തരം ഗ്ലാസുകളിലും അടങ്ങിയിരിക്കുന്ന പൊതുഘടകം ഏതാണെന്ന് എഴുതുക.
Answer:
a) ബോറോ സിലിക്കേറ്റ് ഗ്ലാസ്
b) സിലിക്ക,
c) സിലിക്ക ബോറോൺ ട്രൈഓക്സൈഡ്

OR

(B) a) എന്താണ് പ്രകൃതിദത്ത റബ്ബർ?
b) ടയർ നിർമ്മാണത്തിൽ കൃത്രിമ റബ്ബറുകൾ പ്രധാനമായും ഉപയോഗിക്കുന്നത് എന്തുകൊണ്ടെന്ന് വിശദീകരിക്കുക.
c) മനുഷ്യൻ ആദ്യമായി നിർമ്മിച്ച കൃത്രിമനാര് ഏതാണ്?
Answer:
a) റബ്ബർ മരത്തിൽ നിന്നെടുക്കുന്ന റബ്ബർ പാലിൽ നിന്ന് വേർതിരിച്ചെടുക്കുന്നതാണ് പ്രകൃതിദത്ത റബ്ബർ.
b) കൃത്രിമ റബ്ബറുകൾക്ക് പ്രകൃതിദത്ത റബ്ബറിനെ അപേക്ഷിച്ച് തേയ്മാനം കുറവാണ്. അതുകൊണ്ടാണ് ടയറുകളുടെ നിർമ്മാണത്തിന് കൃത്രിമ റബ്ബറുകൾ ഉപയോഗിക്കുന്നത്.
c) നൈലോൺ

ജീവശാസ്ത്രം

സമയം – 40 മിനിറ്റ്
ആകെ സ്കോർ – 20

7, 8, 10 എന്നീ ചോദ്യങ്ങൾക്ക് ചോയ്സുകൾ നൽകിയിരിക്കുന്നു.
1 മുതൽ 2 വരെയുള്ള എല്ലാ ചോദ്യങ്ങൾക്കും ഉത്തരമെഴുതുക. 1 സ്കോർ വീതം. (2 × 1 = 2)

Question 1.
ശാസ്ത്രജ്ഞന്മാരെ അവരുടെ സംഭാവനകളുമായി പൊരുത്തപ്പെടുത്തുക.

A	B
1. തിയോഫ്രാസ്റ്റസ്	a. ജീവികളെ അഞ്ച് കിങ്ഡങ്ങളാക്കി തരം തിരിച്ചു.
2. അരിസ്റ്റോട്ടിൽ	b. സസ്യങ്ങളെ മരങ്ങൾ, കുറ്റിച്ചെടികൾ, ഔഷധികൾ എന്നിങ്ങനെ വർഗീകരിച്ചു.
3. ഏണസ്റ്റ് ഹേക്കൽ	C. ജീവികളെ മൂന്ന് കിങ്ഡങ്ങളാക്കി തരം തിരിച്ചു.
4. റോബർട്ട് എച്ച്. വിറ്റാക്കർ	d. ജീവികളെ ചുവന്ന രക്തം ഉള്ളവ, അല്ലാത്തവ എന്നിങ്ങനെ തരം തിരിച്ചു.

Answer:
1-b, 2-d, 3 – c, 4 – a

Question 2.
ശരിയായ ഉത്തരം തിരഞ്ഞെടുക്കുക.
പ്രസ്താവന 1 : തിമിംഗലവിഭാഗങ്ങളുടെ പൂർവികനായ പാക്കിസെറ്റസിന് ചെന്നായയുടെ ശാരീരിക സവിശേഷതകൾക്കൊപ്പം നീന്താനനുയോജ്യമായ ശരീരഘടന കൂടി ഉണ്ടായിരുന്നുവെന്നും ഫോസിൽപഠനങ്ങൾ തെളിയിക്കുന്നു.
പ്രസ്താവന 2 : തിമിംഗലവിഭാഗങ്ങളുടെ പൂർവികൻ 60 ദശലക്ഷം വർഷങ്ങൾക്ക് മുമ്പ് ജീവിച്ചിരുന്ന പാക്കിസെറ്റസ് എന്ന പുരാതന സസ്തനിയായിരുന്നു.
a) പ്രസ്താവന1 ഉം 2 ഉം ശരിയാണ്
b) പ്രസ്താവന 1 ഉം 2 ഉം തെറ്റാണ്
c) പ്രസ്താവന 1 ശരി പ്രസ്താവന 2 തെറ്റ്
d) പ്രസ്താവന 1 തെറ്റ് പ്രസ്താവന 2 ശരി
Answer:
c) പ്രസ്താവന 1 ശരി പ്രസ്താവന 2 തെറ്റ്

3 മുതൽ 8 വരെയുള്ള ചോദ്യങ്ങളിൽ രണ്ടെണ്ണത്തിന് ചോയ്സ് ഉണ്ട്. 2 സ്കോർ വീതം. (6 × 2 = 12)

Question 3.
ചിത്രം നിരീക്ഷിച്ച് ചുവടെയുള്ള ചോദ്യങ്ങൾക്ക് ഉത്തരം എഴുതുക.

a) ചിത്രത്തിൽ സൂചിപ്പിക്കുന്ന കൃഷി രീതി ഏത്?
b) ഈ കൃഷിരീതിയുടെ മെച്ചം എന്ത്?
Answer:
a) പെറ്റ് ബോട്ടിലിലെ കൃഷി
b) സ്ഥലം പരമാവധി പ്രയോജനപ്പെടുത്താൻ

Question 4.
ഭക്ഷ്യശൃംഖലയിൽ ഉൾപ്പെടുന്ന ചില ജീവികളെ താഴെ കൊടുക്കുന്നു.

a) തന്നിരിക്കുന്ന ജീവികളെ ഉപയോഗിച്ച് ഒരു ഭക്ഷ്യ ശൃംഖല ഉണ്ടാക്കുക. ഈ ഭക്ഷ്യ ശൃംഖലയിലെ മൂന്നാമത്തെ പോഷണ തലത്തിൽ വരുന്ന ജീവി ഏതാണ്?
Answer:
പുല്ല് → കുതിര → സിംഹം → കഴുകൻ
സിംഹമാണ് മൂന്നാമത്തെ പോഷണതലത്തിൽ വരുന്നത്

b) ‘ജൈവ ഘടകങ്ങളുടെ നിലനിൽപ്പിന് അജൈവ ഘടകങ്ങൾ അത്യാവശ്യമാണ്.’ ഈ പ്രസ്താവനയെ ന്യായീകരിക്കുക.
Answer:
അജൈവ ഘടകങ്ങൾ ജൈവ ഘടകങ്ങളുടെ നിലനിൽപ്പിന് അത്യന്താപേക്ഷിതമാണ്, കാരണം അവ ജീവനില്ലാത്ത അടിസ്ഥാനവും ഭൗതികവുമായ പരിസ്ഥിതിയെ രൂപപ്പെടുത്തുന്നു. ഈ പരിസ്ഥിതിയാണ് എല്ലാ ജീവൽ പ്രക്രിയകളെയും നേരിട്ട് നിലനിർത്തുകയും, നിയന്ത്രിക്കുകയും, പരിമിതപ്പെടുത്തുകയും ചെയ്യുന്നത്. ശരിയായ അജൈവ ഘടകങ്ങളുടെ സന്തുലിതാവസ്ഥയില്ലാതെ, ജീവികൾക്ക് അതിജീവിക്കാനോ, പ്രജനനം നടത്താനോ, നിലനിൽക്കുന്ന ആവാസവ്യവസ്ഥകൾ രൂപപ്പെടുത്താനോ കഴിയില്ല.

Question 5.
പട്ടിക പൂർത്തിയാക്കുക.

Answer:
(എ) പ്രകാശം ആവശ്യമാണ് (ബി)സാധാരണ മൈക്രോസ്കോപ്പിനെക്കാൾ ഒരു ദശലക്ഷം മടങ്ങിലധികം വസ്തുക്കളെ വലുതാക്കി കാണിക്കുന്നു. (സി) ഒന്നിലധികം ലെൻസുകൾ ഉപയോഗിക്കുന്നു (ഡി) ഇലക്ട്രോമാഗ്നറ്റുകൾ ഉപയോഗിക്കുന്നു.

Question 6.
15 വയസ്സുള്ള ഒരു വിദ്യാർത്ഥിനിക്ക് മുഖക്കുരു അനുഭവപ്പെടുന്നുണ്ട്, ഭക്ഷണത്തോടുള്ള വെറുപ്പും വളരുന്നതിന്റെ ലക്ഷണങ്ങളും അവൾ കാണിക്കുന്നു.
a) മുഖക്കുരുവിന് കാരണമായ ഹോർമോൺ മാറ്റം തിരിച്ചറിയുക.
b) ശരിയായ വളർച്ച ഉറപ്പാക്കാൻ, പ്രത്യേകിച്ച് ഭക്ഷണത്തോടുള്ള അവളുടെ വെറുപ്പ് പരിഹരിക്കുന്നതിനായി ഭക്ഷണക്രമത്തിൽ അവൾ വരുത്തേണ്ട ഒരു മാറ്റം നിർദ്ദേശിക്കുക.
Answer:
(a) കൗമാരത്തിലെ ലൈംഗിക ഹോർമോണുകളുടെ (ആൻഡ്രോജൻ പോലുള്ളവ) വർദ്ധനവ്, ഇത് സെബാസിയസ് ഗ്രന്ഥികൾ കൂടുതൽ സെബം ഉത്പാദിപ്പിക്കുന്നതിലേക്ക് നയിക്കുന്നു.
(b) അവശ്യ പോഷകങ്ങളുടെ അഭാവത്തിന്റെ (പോഷകാഹാരക്കുറവ്) പ്രതികൂല ഫലങ്ങൾ ഒഴിവാക്കാൻ ദ്രുതഗതിയിലുള്ള വളർച്ചയ്ക്ക് ആവശ്യമായ ശരിയായ പോഷകങ്ങൾ നൽകുന്ന ഒരു ഭക്ഷണക്രമം അവൾ സ്വീകരിക്കണം.

Question 7.
A. ചിത്രം നിരീക്ഷിച്ച് താഴെയുള്ള ചോദ്യങ്ങൾക്ക് ഉത്തരം എഴുതുക.

a) ജീവിയെ തിരിച്ചറിയുക?
b) ഈ ജീവിയുടെ സവിശേഷതകൾ എന്തൊക്കെയാണ്?
Answer:
(a) പാരമീസിയം
(b) യൂക്കാരിയോട്ട്, ഏകകോശ ജീവി, പരിപോഷികൾ, ചലനശേഷിയുള്ളത്.

OR

B. ബോക്സിൽ നൽകിയിരിക്കുന്ന പദങ്ങൾ ഉചിതമായി ജോഡിയാക്കുക.
കടുവ, കാനിസ് ഫാമിലിയാരിസ്, പാന്തറ ടൈഗ്രിസ്, തെങ്ങ്,
പാറ ലിയോ, കൊക്കോസ് ന്യൂസിഫെറ, നായ, സിംഹം
Answer:
കടുവ – പാന്തെറ ടൈഗ്രിസ്
തെങ്ങ് – കൊക്കോസ് ന്യൂസിഫെറ
നായ – കാനിസ് ഫെമിലിയാരിസ്
സിംഹം – പാന്തെറ ലിയോ

Question 8.
A. a) താഴെ പറയുന്ന കാർഷിക ഉൽപ്പന്നങ്ങളുടെ സവിശേഷത എന്ത്?

പാലക്കാടൻ മട്ടഅരി, മലബാർ കുരുമുളക്, കുറ്റ്യാട്ടൂർ മാങ്ങ

Answer:
ഭൗമസൂചികാപദവി ലഭിച്ചവ

b) ഇത്തരം കാർഷിക ഉൽപ്പന്നങ്ങൾക്ക് സവിശേഷത നൽകുന്നത് എന്തിന്റെ അടിസ്ഥാനത്തിലാണ്?
Answer:
കൃഷി ചെയ്യുന്ന ഭൂപ്രദേശത്തിന്റെ സവിശേഷതയ്ക്കനുസരിച്ച് ഉൽപന്നങ്ങളുടെ രുചി, നിറം, മണം, പോഷക ഗുണം എന്നിവയ്ക്ക് വ്യത്യാസങ്ങൾ ഉണ്ടാകും. ഇതിന്റെ അടിസ്ഥാനത്തിലാണ് ചില പ്രദേശങ്ങളിലെ ഉൽപാദിപ്പിക്കുന്ന കാർഷികോല്പന്നങ്ങൾക്ക് ഭൗമസൂചികാ പദവി ലഭിക്കുന്നത്.

OR

B. ചുവടെ നൽകിയിരിക്കുന്നവയിൽ നിന്ന് കൃത്രിമ വളങ്ങളുമായി ബന്ധപ്പെട്ടവ തിരഞ്ഞെടുക്കുക.
a) മണ്ണിന്റെ ഘടനക്കും വിഘാടകർക്കും ദോഷം ചെയ്യുന്നില്ല.
b) മറ്റ് വളങ്ങളെ അപേക്ഷിച്ച് വളരെ ചുരുങ്ങിയ അളവിൽ മതിയാകും.
c) സസ്യങ്ങൾക്ക് എളുപ്പത്തിൽ ആഗിരണം ചെയ്യാൻ കഴിയും.
d) യൂറിയ ഒരു ഉദാഹരണം
e) വിഘാടകർ ഇവയിൽ നിന്ന് സ്വതന്ത്രമാക്കുന്ന പോഷകങ്ങളാണ് സസ്യങ്ങൾക്ക് ലഭിക്കുക.
f) മണ്ണിലെ പോഷകമൂല്യം വർധിപ്പിക്കുവാനായി കൃത്രിമമായി നിർമ്മിച്ച് ഉപയോഗിക്കുന്നു.
g) അമിതമായ വളപ്രയോഗം മണ്ണിന്റെ ഘടനയ്ക്കും വിഘാടകർക്കും ദോഷം ചെയ്യും.
h) നൈട്രജൻ, ഫോസ്ഫറസ് എന്നിവയുടെ സ്ഥിരീകരണത്തിന് സഹായിക്കുന്ന സൂക്ഷ്മ ജീവികളെ മണ്ണിൽ ചേർക്കുന്നു.
Answer:
(c), (d), (f), (g)

9 മുതൽ 10 വരെയുള്ള ചോദ്യങ്ങളിൽ ഒന്നിന് ചോയ്സ് ഉണ്ട്. 3 സ്കോർ വീതം. (2 × 3 = 6)

Question 9.
പട്ടിക പൂർത്തിയാക്കുക.

Answer:
(എ) ഹരോൾഡ് യൂറേ, സ്റ്റാൻലി മില്ലർ
(ബി) പ്രോട്ടീനുകൾക്ക് സമാനമായ തന്മാത്രകളെ കൃത്രിമമായി നിർമ്മിക്കാനാവുമെന്ന് തെളിയിച്ചു
(സി) ന്യൂക്ലിക് ആസിഡുകളുടെ പ്രധാന നിർമ്മാണ ഘടകങ്ങളിൽ ഒന്നായ അഡിനിൻ എന്ന നൈട്രജൻ ബേസ് കൃത്രിമമായി നിർമ്മിച്ചു.

Question 10.
A. ‘കോശദ്രവ്യവിഭജനം എന്നത് കോശത്തിനുള്ളിലെ കോശദ്രവ്യത്തിന്റെ വിഭജനമാണ്’. സസ്യകോശങ്ങളിലെയും ജന്തുകോശങ്ങളിലെയും കോശദ്രവ്യവിഭജനരീതിയെ വിശദീകരിക്കുകയും താരതമ്യപ്പെടുത്തുകയും ചെയ്യുക.
Answer:
കോശദ്രവ്യവിഭജനം എന്നത് കോശത്തിനുള്ളിലെ കോശദ്രവ്യത്തിന്റെ വിഭജനമാണ്. മർമവിഭജനത്തെ തുടർന്ന് കോശദ്രവ്യം കൂടി വിഭജിക്കുമ്പോഴേ കോശവിഭജനപ്രക്രിയ പൂർണ്ണമാവുകയുള്ളു.
സസ്യകോശത്തിൽ പുത്രികാമർമ്മങ്ങൾക്കിടയിൽ രൂപപ്പെടുന്ന സെൽ പ്ലേറ്റ് കോശദ്രവ്യത്തെ രണ്ടായി വിഭജിക്കുന്നു. എന്നാൽ ജന്തുകോശത്തിൽ, പ്ലാസ്മാസ്തരം കോശത്തിന്റെ മധ്യഭാഗത്തായി ഉള്ളിലേക്ക് മടങ്ങുന്നു. ഉൾവലിഞ്ഞ പ്ലാസ്മാസ്തര ഭാഗങ്ങൾ കൂടിച്ചേർന്ന് കോശദ്രവ്യം വിഭജിക്കപ്പെടുന്നു.

OR

B. “ഒരു മാതൃകോശം രണ്ടോ അതിലധികമോ പുത്രികാ കോശങ്ങളായി വിഭജിക്കുന്ന ഒരു പ്രക്രിയയാണ് കോശവിഭജനം”.
a) ക്രോമസോം നമ്പർ 46 ൽ നിന്നും 23 ആയി കുറയാൻ കാരണമാകുന്ന പ്രക്രിയയുടെ പേരെന്താണ്?
Answer:
ഊനഭംഗം

b) ഗാമീറ്റുകൾ ഉത്പാദിപ്പിക്കുന്ന കോശങ്ങൾ ഊനഭംഗത്തിന് വിധേയമാകുന്നത് ഏത് അവയവങ്ങളിലാണ്?
Answer:
ഇത് ലൈംഗികാവയവങ്ങളിൽ സംഭവിക്കുന്നു (പ്രത്യേകിച്ച് പുരുഷന്മാരിലെ വൃഷണങ്ങളിലും സ്ത്രീകളിലെ അണ്ഡാശയങ്ങളിലും).

c) ഗാമീറ്റുകളുടെ രൂപീകരണത്തിൽ ‘ഊനഭംഗം ഘട്ടം 1’, ‘ഊനഭംഗം ഘട്ടം 2’ എന്നിവയുടെ പ്രവർത്തനം വിവരിക്കുക.
Answer:
ഊനഭംഗം ഘട്ടം- 1 ൽ ക്രോമസോം നമ്പർ പകുതിയായി കുറയുന്നു (46 ൽ നിന്ന് 23 ആയി മാറുന്നു). ഊനഭംഗം ഘട്ടം – 2 മൈറ്റോസിസിന് (ക്രമഭംഗത്തിന്) സമാനമാണ്, ഇതുവഴി നാല് പുംബീജങ്ങളും ഒരു അണ്ഡവും മൂന്ന് പോളാർ ബോഡികളും രൂപപ്പെടുന്നു.