After completing the syllabus, Class 6 Social Science Question Paper Kerala Syllabus Set 3 Malayalam Medium test students’ understanding.
Class 8 Social Science Model Question Paper Set 3 Malayalam Medium
സമയം: 2 മണിക്കൂർ 15 മിനിറ്റ്
നിർദേശങ്ങൾ
- ആകെ സമയത്തിൻറെ ആദ്യത്തെ 15 മിനിറ്റ് സമാശ്വാസ സമയമാണ്. ഈ സമയം ചോദ്യങ്ങൾ വായിച്ചു മനസ്സിലാക്കാനും ഉത്തരങ്ങൾ ആസൂത്രണം ചെയ്യാനും ഉപയോഗിക്കുക.
- 6 ചോദ്യങ്ങൾക്ക് ഉത്തരം എഴുതണം. ചോദ്യങ്ങളിലെ ഉപചോദ്യങ്ങൾക്കെല്ലാം ഉത്തരം എഴുതണം. ചോയ്സുള്ള ചോദ്യങ്ങളിൽ A, B എന്നീ പിരിവുകളിൽ ഒന്നിന് മാത്രം ഉത്തരം എഴുതിയാൽ മതി.
Question 1.
ഭരണഘടനകളെ അവയുടെ സ്വഭാവം, മാറ്റം വരുത്തുന്നതിനുള്ള പ്രക്രിയ, രൂപംകൊണ്ട രീതി എന്നിവയുടെ അടിസ്ഥാനത്തിൽ പലതായി തരംതിരിക്കുന്നു.
a) ഭരണഘടനകളുടെ തരവുമായി ബന്ധപ്പെട്ട ഫ്ലോ ചാർട്ട് പൂർത്തിയാക്കുക.
Answer:
i. ലിഖിതം
ii. അലിഖിതം
iii. ദൃഢമായത്
iv. അയവുള്ളത്
v. നടപ്പിലാക്കിയത്
vi. പരിണമിച്ചത്
b) ദൃഢമായ ഭരണഘടനയും അയവുള്ള ഭരണഘടനയും തമ്മിലുള്ള വ്യത്യാസം എന്ത്?
Answer:
ദൃഢമായത്: മാറ്റം വരുത്തുന്നതിന് (ഭേദഗതി) കർക്കശമായ നടപടിക്രമങ്ങൾ ആവശ്യമുള്ള ഭരണഘടന.
അയവുള്ളത്: എളുപ്പത്തിൽ മാറ്റം വരുത്താൻ (ഭേദഗതി) കഴിയുന്ന ഭരണഘടന.
Question 2.
a) പ്രധാനപ്പെട്ട സംഘസാഹിത്യ കൃതികളുമായി ബന്ധപ്പെട്ട ഫ്ലോ ചാർട്ട് പൂർത്തിയാക്കുക.
Answer:
i. കുറുന്തൊകൈ
ii. നറ്റിണൈ
iii. പതിറ്റുപ്പത്ത്
iv. അകനാനൂറ്
b) താഴെപ്പറയുന്നവയിൽ നിന്ന് സംഘകാലത്തെ സാമൂഹിക ജീവിതത്തെക്കുറിച്ചുള്ള തെറ്റായ പ്രസ്താവന തിരഞ്ഞെടുക്കുക.
i. തൊഴിലിനെ അടിസ്ഥാനമാക്കിയുള്ള സാമൂഹിക വിഭജനം നിലനിന്നിരുന്നു.
ii. സാമൂഹികമായ വേർതിരിവുകൾ ഉണ്ടായിരുന്നില്ല.
iii. സമൂഹം നാല് ജാതികളായി വിഭജിക്കപ്പെട്ടു.
iv. സ്ത്രീ പുരുഷ സമത്വം നിലനിന്നിരുന്നു.
Answer:
iii. സമൂഹം നാല് ജാതികളായി വിഭജിക്കപ്പെട്ടു.
Question 3.
A) ബാങ്കും ഇടപാടുകാരും തമ്മിൽ സാമ്പത്തിക ഇടപാടുകൾ നടത്തുന്നതിനുള്ള ക്രമീകരണമാണ് ബാങ്ക് അക്കൗണ്ട്.
a) നൽകിയിരിക്കുന്ന വിവരങ്ങളെ ശരിയായ രീതിയിൽ പട്ടികയിൽ ക്രമീകരിക്കുക.
- വ്യക്തികളിൽ സമ്പാദ്യശീലം വളർത്തുന്നതിന് വേണ്ടിയുള്ള നിക്ഷേപം.
- ഒറ്റത്തവണ മാത്രം നിക്ഷേപിക്കുകയും ഒരു നിശ്ചിത കാലയളവിന് ശേഷം നിക്ഷേപം പലിശയോടുകൂടി പിൻവലിക്കുകയും ചെയ്യുന്ന നിക്ഷേപം.
- വ്യാപാരികളെയും വ്യവസായികളെയും ലക്ഷ്യം വച്ചുകൊണ്ടുള്ള നിക്ഷേപം.
- ഒരു പ്രത്യേക കാലയളവിലേക്ക് നിശ്ചിത തുക കൃത്യമായ ഇടവേളകളിൽ (ദിവസത്തിൽ, ആഴ്ചയിൽ, മാസത്തിൽ) ഈ അക്കൗണ്ടിൽ നിക്ഷേപിക്കുന്നു.
Answer:
b) വിദ്യാർഥികൾക്ക് ബാങ്ക് അക്കൗണ്ട് കൊണ്ടുള്ള പ്രയോജനങ്ങൾ എന്തെല്ലാം?
Answer:
നല്ല സമ്പാദ്യ ശീലങ്ങൾ പഠിപ്പിക്കുന്നു.
വിവിധ ഗ്രാന്റുകൾ ലഭിക്കുന്നതിന്.
അല്ലെങ്കിൽ
(B) a) വാണിജ്യ ബാങ്കുകളുടെയും സഹകരണ ബാങ്കുകളുടെയും രണ്ട് സവിശേഷതകൾ വീതം ഉൾപ്പെടുത്തി പട്ടിക പൂർത്തീകരിക്കുക.
| വാണിജ്യ ബാങ്കുകൾ | സഹകരണ ബാങ്കുകൾ |
Answer:
| വാണിജ്യ ബാങ്കുകൾ | സഹകരണ ബാങ്കുകൾ |
| നിക്ഷേപം സ്വീകരിക്കൽ, വായ്പ നൽകൽ, ലോക്കർ സൗകര്യം, എന്നീ സേവനങ്ങൾ ഇടപാടുകാർക്ക് ലഭ്യമാക്കുന്നു. | കർഷകർക്കും കൈത്തൊഴിലുകാർക്കും ചെറുകിട വ്യവസായികൾക്കും കുറഞ്ഞ പലിശ നിരക്കിൽ വായ്പകൾ ലഭ്യമാക്കുന്നു |
| വാണിജ്യ ബാങ്കുകളെ പൊതുമേഖല ബാങ്കുകൾ എന്നും സ്വകാര്യമേഖല ബാങ്കുകൾ എന്നും രണ്ടായി തരംതിരിക്കാം. | സ്വയംസഹായവും പരസ്പരസഹായവും പ്രോത്സാഹിപ്പിക്കുക, ജനങ്ങളിൽ സമ്പാദ്യശീലം വളർത്തുക, നിക്ഷേപം വർധിപ്പിക്കുക, തുടങ്ങിയവയാണ് പ്രധാന ലക്ഷ്യങ്ങൾ. |
b) വികസന ബാങ്കുകൾക്ക് രണ്ട് ഉദാഹരണം എഴുതുക.
Answer:
ഇൻസ്ട്രിയൽ ഫിനാൻസ് കോർപ്പറേഷൻ ഓഫ് ഇന്ത്യ (IFCI)
ദേശീയ കാർഷിക ഗ്രാമ വികസന ബാങ്ക് (NABARD)
Question 4.
കിഴക്കൻ ഏഷ്യയിലെ പസഫിക് തീരത്തുള്ള ഒരു ദ്വീപസമൂഹമാണ് ജപ്പാൻ.
a) ജപ്പാന്റെ ഭൂപടം നിരീക്ഷിച്ച് A, B, C, D എന്ന് അടയാളപ്പെടുത്തിയിരിക്കുന്ന പ്രധാന ദ്വീപുകൾ ഏതെല്ലാമെന്ന് എഴുതുക.
Answer:
A. ഹൊക്കൈഡ്രോ
B. ഹോൺഷു
C. ഷികോകു
D. ക്യുഷു
b) ജപ്പാനിലെ ഏറ്റവും നീളം കൂടിയ നദി ഏതാണ്?
i. ടോൺ നദി
ii. ഷിനാനോ നദി
iii. ഇഷികാരി നദി
iv. കിസോ നദി
Answer:
ii. ഷിനാനോ നദി
Question 5.
(A) സമുദ്രജല ചലനത്തെ സ്വാധീനിക്കുന്ന നിരവധി ഘടകങ്ങളുണ്ട്.
a) ആശയപടം പൂർത്തിയാക്കുക.
Answer:
i. തിരമാലകൾ
ii. വേലിയേറ്റവും വേലിയിറക്കവും
iii. സമുദ്രജലനിരപ്പ് ഉയരുന്നതിനെ വേലിയേറ്റമെന്നും താഴുന്നതിനെ വേലിയിറക്കമെന്നും പറയുന്നു.
iv. സമുദ്രങ്ങളിൽ നിശ്ചിതദിശയിൽ നിശ്ചിതപാതയിലൂടെ തുടർച്ചയായി ജലം ഒഴുകുന്ന പ്രതിഭാസം.
b) എന്തുകൊണ്ടാണ് സമുദ്രജലത്തിന് ഉപ്പുരസമുള്ളത്?
Answer:
എല്ലാ ജലസ്രോതസ്സുകളിൽ നിന്ന് ലഭിക്കുന്ന ജലത്തിലും ധാതുലവണങ്ങൾ അലിഞ്ഞ് ചേർന്നിട്ടുണ്ട്. എന്നാൽ സമുദ്രജലത്തിൽ ലവണങ്ങളുടെ അളവ് പൊതുവെ കൂടുതലാണ്. അതുകൊണ്ടാണ് സമുദ്രജലത്തിന് ഉപ്പുരസമുള്ളത്.
(B) പ്രാചീനകാലം മുതൽ മനുഷ്യർ സമുദ്രങ്ങളെ ഉപജീവനത്തിനായി ആശ്രയിക്കുന്നു.
a) സമുദ്രങ്ങൾ എങ്ങനെയാണ് നമ്മുടെ ജീവിതത്തെ സ്വാധീനിക്കുന്നത്?
Answer:
മത്സ്യ സമ്പത്തിനൊപ്പം മൂല്യമേറിയ മറ്റുവിഭവങ്ങളും സമുദ്രം പ്രദാനം ചെയ്യുന്നു.
രാജ്യാന്തര വാണിജ്യ ബന്ധങ്ങൾ നിലനിർത്തുന്നതിന് സമുദ്രഗതാഗതം സഹായിക്കുന്നു.
ആഗോളതാപനത്തെ നിയന്ത്രിക്കുന്നതിലും ഓക്സിജൻ ഉൽപാദിപ്പിക്കുകയും ചെയ്യുന്നു.
b) സമുദ്രങ്ങൾ നിരവധി വെല്ലുവിളികൾ നേരിടുന്നു. അവയിൽ ചിലത് എഴുതുക.
Answer:
മലിനീകരണം
രാസവസ്തുക്കളും മറ്റ് ഹാനികരമായ പദാർത്ഥങ്ങളും സമുദ്രത്തിൽ എത്തിച്ചേരുന്നത്.
Question 6.
സാമ്പത്തിക പ്രവർത്തനങ്ങൾ സാധ്യമാകുന്നത് ഉൽപാദനം എന്ന പ്രക്രിയയിലൂടെയാണ്.
a) സാമ്പത്തിക പ്രവർത്തനങ്ങളുടെ വിഭജനവുമായി ബന്ധപ്പെട്ട പട്ടിക പൂർത്തിയാക്കുക.
| പ്രാഥമിക മേഖല | ….(i)…. |
| ….(ii )….. | പ്രാഥമിക മേഖലയിൽ നിന്നുള്ള അസംസ്കൃതവ സ്തുക്കൾ ഉപയോഗിച്ച് പുതിയ ഉല്പന്നങ്ങൾ ഉണ്ടാക്കുന്ന പ്രവർത്ത നങ്ങൾ നടക്കുന്ന മേഖല. |
| തൃതീയ മേഖല | …(i i i )…. |
Answer:
പ്രകൃതിവിഭവങ്ങൾ നേരിട്ട് ഉപയോഗപ്പെടുത്തി നടത്തുന്ന പ്രവർത്തനങ്ങൾ ഉൾപ്പെടുന്ന മേഖല.
ദ്വിതീയ മേഖല
പ്രാഥമിക-ദ്വിതീയ മേഖലകളിലെ സാമ്പത്തിക പ്രവർത്തനങ്ങൾക്ക് പിന്തുണ പ്രദാനം ചെയ്യുന്ന മേഖല.
b) താഴെ നൽകിയിരിക്കുന്ന ഉദാഹരണങ്ങൾ ഏത് മേഖലയിൽ ഉൾപ്പെടുന്നു? (ബാങ്കിംഗ്, ആരോഗ്യ രംഗം)
Answer:
തൃതീയ മേഖല
c) സാമ്പത്തിക പ്രവർത്തനങ്ങൾ എന്നാൽ എന്ത്?
Answer:
വരുമാനം ലഭ്യമാകുന്ന പ്രവർത്തനങ്ങളാണ് സാമ്പത്തിക പ്രവർത്തനങ്ങൾ.