During exam preparation, Class 7 Malayalam Kerala Padavali Question Paper Set 4 guide students properly.
Class 7 Malayalam Kerala Padavali Model Question Paper Set 4
സമയം : 2 മണിക്കൂർ 15 മിനിറ്റ്
നിർദേശങ്ങൾ
- മൂല്യനിർണ്ണയ പ്രവർത്തനങ്ങൾ ആരംഭിക്കുന്നതിനു മുമ്പ് പതിനഞ്ചു മിനിട്ട് സമാശ്വാസ സമയമാണ്. ഈ സമയം ചോദ്യങ്ങൾ നന്നായി വായിച്ചു മനസ്സിലാക്കണം.
- ആറു ചോദ്യങ്ങൾക്ക് ഉത്തരമെഴുതിയാൽ മതി. എല്ലാ ഉപചോദ്യങ്ങൾക്കും ഉത്തരം എഴുതണം.
- രണ്ടു പ്രവർത്തനങ്ങൾ നൽകിയിട്ടുള്ള ചോദ്യങ്ങളിൽ ഒന്നിനു മാത്രം ഉത്തരമെഴുതിയാൽ മതി.
Question 1.
വായിക്കാം എഴുതാം.
തുലാപ്പത്തിനാരംഭിച്ച് ഇടവപ്പാതി വരെ നീളുന്ന തെയ്യക്കാലത്ത് കണ്ണൂർ, കാസർകോട് ജില്ലകളിലെ നൂറുകണക്കിന് കാവുകളിൽ തെയ്യങ്ങൾ നിറഞ്ഞാടുന്നു. വടക്കെ മലബാറിലെ ജനമനസ്സുകളിൽ അടിയുറച്ച ആത്മീയവും സാമൂഹ്യവുമായ വിശ്വാസങ്ങളിലാണ് തെയ്യത്തിന്റെ നിലനിൽപ്. ശൈവ, ശാക്തേയ വൈഷ്ണവ ദേവതാസങ്കൽപങ്ങളിലായി അഞ്ഞൂറോളം തെയ്യങ്ങൾ കെട്ടിയാടപ്പെടുന്നുണ്ട്. ഈ ഓരോ തെയ്യത്തിനും പ്രത്യേകം പുരാവൃത്തങ്ങളും വേഷവിധാനങ്ങളുമാണ്. മനുഷ്യൻ ദൈവമായി മാറി ഈശ്വരാരാധന നടത്തുന്ന സമ്പ്രദായം ലോകത്തിന്റെ എല്ലാ ഭാഗങ്ങളിലുമുള്ള ജനസമൂഹങ്ങളിൽ നിലനിന്നിരുന്നു. കേരളത്തിൽ അത് തെയ്യമായും തിറയായും പടയണിയായും മുടിയേറ്റായുമൊക്കെ അരങ്ങേറുന്നു. സകലചരാചരങ്ങളിലും ഈശ്വരചൈതന്യമുണ്ടെന്ന ഭാരതത്തിന്റെ ആദ്ധ്യാത്മിക ദർശനത്തിൽ അധിഷ്ഠിതമാണ് ഈ അനുഷ്ഠാനകലാരൂപങ്ങളെല്ലാം. നൃത്തം, സംഗീതം, വാദ്യം, നാട്യം, ചിത്രകല, സാഹിത്യം എന്നിവയുടെ സമ്മേളനം തെയ്യാട്ടത്തിൽ നടക്കുന്നു.
തെയ്യം കുറിക്കൽ മുതൽ തിരുമുടിയഴിക്കൽ വരെ നിരവധി അനുഷ്ഠാനങ്ങളിലൂടെയാണ് തെയ്യം പൂർണത യിലെത്തുന്നത് കെട്ടിയാടുന്ന ദേവതയുടെ പുരാവൃത്തത്തേയും ദേവതയുടെ സഞ്ചാരപഥങ്ങളേയും വിവരിക്കുന്ന തോറ്റം ഇതിൽ പ്രധാനഭാഗമാണ്. തോറ്റുക എന്നതിന് സൃഷ്ടിക്കുക എന്നാണ് അർത്ഥം. തെയ്യത്തെ സൃഷ്ടിച്ചെടുക്കുന്ന പ്രക്രിയയാണ് തോറ്റം ചൊല്ലൽ. ഈ സമയത്ത് കോലക്കാരൻ വെള്ളാട്ടമെന്ന പേരിൽ ലളിതമായ വേഷഭൂഷകളോടെ ആടുന്നത് പൂർണരൂപത്തിലെത്തുന്നതിന് മുമ്പുള്ള തെയ്യക്കോലമാണ്. തെയ്യം കെട്ടിയാടുന്നവരെ കനലാടികൾ എന്നു വിളിക്കും. കോലധാരികളെന്നും പറയാറുണ്ട്. പ്രത്യേക സമുദായങ്ങളിൽ പെട്ടവരാണ് തെയ്യം കെട്ടുന്നത്. ഇന്നയിന്ന തെയ്യങ്ങൾ കെട്ടി യാടുന്നത് ഇന്നയിന്ന സമുദായങ്ങളായിരിക്കണമെന്ന വ്യവസ്ഥ നൂറ്റാണ്ടുകളായി പാലിച്ചുപോരുന്നു. വണ്ണാൻ, മലയൻ, വേലൻ, അഞ്ഞൂറ്റാൻ, മുന്നൂറ്റാൻ, കോപ്പാളൻ, മാവിലൻ, പുലയൻ, ചിങ്കത്താൻ തുടങ്ങിയ പതിനഞ്ചോളം സമുദായങ്ങൾക്കാണ് വിവിധ തെയ്യങ്ങൾ കെട്ടിയാടാനുള്ള അവകാശം.
A. താഴെപ്പറയുന്നവയിൽ തെയ്യം കെട്ടുന്ന സമുദായങ്ങളിൽപ്പെടുന്നത് ഏതാണ്?
(a) നായർ
(b) പുലയൻ
(c) ബ്രാഹ്മണർ
(d) ചെട്ടിയാർ
Answer:
(b) പുലയൻ
B. വെള്ളാട്ടം എന്നത് എന്താണ്?
(a) കോലക്കാരൻ പൂർണരൂപത്തിൽ തെയ്യമായി മാറുന്ന ഘട്ടം
(b) കോലക്കാരൻ ലളിതമായ വേഷത്തിൽ ആടുന്ന ഘട്ടം
(c) തിരുമുടിയഴിക്കൽ ചടങ്ങ്
(d) കനലാടി വിളിക്കുന്ന സമയഘട്ടം
Answer:
(b) കോലക്കാരൻ ലളിതമായ വേഷത്തിൽ ആടുന്ന ഘട്ടം
C. “തോറ്റുക എന്നതിന് അർത്ഥം എന്താണ്?
(a) ആരാധിക്കുക
(b) സൃഷ്ടിക്കുക
(c) നശിപ്പിക്കുക
(d) ജയിക്കുക
Answer:
(b) സൃഷ്ടിക്കുക
D. കേരളത്തിൽ തെയ്യത്തിന് സമാനമായി അരങ്ങേറുന്ന മറ്റ് കലാരൂപങ്ങൾ ഏവ?
(a) കൂത്ത്, കഥകളി
(b) പടയണി, മുടിയേറ്റം, തിറ
(c) കൊളാട്ടം, ഒപ്പന
(d) കാവടി, തെറുക്കൂട്ടം
Answer:
(b) പടയണി, മുടിയേറ്റം, തിറ
Question 2.
a) ഔചിത്യം വിശദീകരിക്കുക.
“കണ്ടമാനം ചിലവാക്കി കളയാം ഒരു വിലയില്ലായ്മയുണ്ട് പലർക്കും”. വാക്കിനെ കുറിച്ചുള്ള കുഞ്ഞുണ്ണി
മാഷിന്റെ കഥയിലെ വരിയാണിത്. ആ കഥയ്ക്ക് മറ്റൊരു ശീർഷകം നൽകാമോ? ശീർഷകത്തിന്റെ ഔചിത്യം വിശദമാക്കുക.
Answer:
ഔചിത്യം
“ആയാൽ ഒരു ആന പോയാൽ ഒരു വാക്ക്
ഇതൊരു പഴമൊഴി ആണെങ്കിലും കഥയ്ക്ക് ഏറ്റവും അനുയോജ്യമായ ശീർഷകം ആണെന്ന് തോന്നുന്നു. കഥയിലെ കേന്ദ്ര കഥാപാത്രമായ നമ്പൂതിരിയുടെ മനോഭാവവും അതുതന്നെയാണ്.
b) അലിയും സാറയും ഷൂസ് നഷ്ടപ്പെട്ട കാര്യം ബാപ്പയോട് പറഞ്ഞില്ല എന്തുകൊണ്ട്?
1. അടി കിട്ടും എന്ന് ഭയന്ന്
2. ഷൂസ് തിരികെ കിട്ടുമെന്ന് പ്രതീക്ഷിച്ചു
3. അവരുടെ സാമ്പത്തിക സ്ഥിതി മോശമാണെന്ന് അറിയാവുന്നതുകൊണ്ട്
4. കുറ്റപ്പെടുത്തലുകൾ സഹിക്കാൻ വയ്യാതെ
Answer:
3. അവരുടെ സാമ്പത്തിക സ്ഥിതി മോശമാണെന്ന് അറിയാവുന്നതുകൊണ്ട്
c) പ്രസ്താവന ശരിയോ തെറ്റോ.
മുത്തശ്ശി കഥയിലുള്ള ഒരു സാങ്കല്പിക കഥാപാത്രമാണ് കുമ്മാട്ടി.
A. പൂർണ്ണമായും ശരി
B. പൂർണ്ണമായും തെറ്റ്
C. ഭാഗികമായി ശരി
D. നാടൻ കലയാണ്
Answer:
D. നാടൻ കലയാണ്
ചുവടെക്കൊടുത്ത 3A, 3B എന്നീ രണ്ട് ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതുക.
Question 3.
(A) വിശകലന കുറിപ്പ്
വീണ്ടും പന്ത്രണ്ടുകൊല്ലം കഴിയും. വസന്തം ആകാശത്തുനിന്നു കാഹളം മുഴക്കിക്കൊണ്ടിറങ്ങിവരും. ആ വിളി കേൾക്കുമ്പോൾ വിത്തുകളെല്ലാം ഞെട്ടിയുണർന്നു പച്ചിച്ചുമിന്നുന്ന കൂപ്പുകൈയോടെ പുറത്തേ ക്കിറങ്ങി ഉയർന്നുവരും. വീണ്ടും അവ ലക്ഷം ലക്ഷം മൊട്ടുകൾ അണിയുകയായി. ലക്ഷം ലക്ഷം പുഷ്പ ങ്ങൾ വിരിഞ്ഞു തുടങ്ങുകയായി. പൂക്കൾ വിളിച്ചിട്ടോ! ദൂരെനിന്നു ചിറകടികൾ കേട്ടുതുടങ്ങുകയായി. മലഞ്ചെരിവുകളിൽ ഉത്സവത്തിന്റെ കേളികൊട്ട് മുഴങ്ങുകയായി.
നമ്മെപ്പോലുള്ളവർ അമ്പരന്നു കണ്ടുനിൽക്കുന്നു..! ഹാ! ആർക്കുവേണ്ടിയാണ് ഈ ഒരുക്കങ്ങൾ? ഒന്നുമാത്രം എനിക്കറിയാം. എല്ലാം നശിപ്പിക്കുന്നവർക്കുവേണ്ടിയല്ല, പ്രകൃതിയെ പൂജിക്കുന്നവർക്കു വേണ്ടിയാണ് ഈ മനോഹാരിത. തീർച്ചയായും നമുക്ക് വേണ്ടിയല്ല, തേനീച്ചകൾക്കുവേണ്ടി, ശലഭങ്ങൾക്കും വണ്ടുകൾക്കും തുമ്പികൾക്കും കണ്ണിൽ കാണാനാവാത്ത കോടിക്കണക്കിനു പ്രാണികൾക്കുംവേണ്ടി, ഭൂമിയെന്ന അമ്മയ്ക്കുവേണ്ടിയാണ് ലാവണ്യദശോത്സവം. ഇവിടെ, ലാവണ്യദശോത്സവം എന്ന് പ്രയോഗിച്ചതിന്റെ ഔചിത്യം വിശകലനം ചെയ്ത് കുറിപ്പ് തയ്യാറാക്കുക.
Answer:
മുൻമൊഴി എന്ന ലേഖനത്തിൽ നിന്നെടുത്ത ഒരു ഭാഗമാണ് ഭൂമിക്കു വേണ്ടിയൊരു ലാവണ്യദശോത്സവം എന്ന പാഠഭാഗം. അതിശയകരമായ സൗന്ദര്യത്തെയും കിഴക്കൻ മലനിരകളിൽ പന്ത്രണ്ടു വർഷത്തിലൊരി ക്കൽ പൂത്തുലയുന്ന കുറിഞ്ഞിപ്പൂക്കളുടെ വിസ്മയകരമായ കാഴ്ചയെയും സുഗതകുമാരി ലളിതമായ വാക്കുകളിലൂടെ ചിത്രീകരിക്കുന്നു. നീലക്കടൽ പോലെ പരന്നുപടർന്നു നിൽക്കുന്ന പൂക്കളുടെ കാഴ്ച ഒരു ഉത്സവത്തിന്റെ ആവേശം സൃഷ്ടിക്കുന്നു.
വസന്തത്തിന്റെ ആഗമനം ആഘോഷിക്കുന്ന ഒരു ഉത്സവം പോലെയാണ് ഈ പൂക്കൾ വിരിഞ്ഞു നിൽക്കു ന്നത്. എന്നാൽ ഈ സൗന്ദര്യം ക്ഷണഭംഗുരമാണ്. പൂക്കൾ കൊഴിഞ്ഞുവീഴുകയും, ചെടികൾ ഉണങ്ങി നിശ്ചലമാവുകയും ചെയ്യുന്നു. എന്നാൽ, ഈ മരണം ഒരു അവസാനമല്ല എന്ന് ലേഖിക നമ്മെ ഓർമ്മി പ്പിക്കുന്നു. പൂക്കൾ മണ്ണിൽ വിത്തുകൾ വിതറിയിട്ടുണ്ട്. അടുത്ത പന്ത്രണ്ടു വർഷത്തിനു ശേഷം വീണ്ടും പുനർജ്ജനിക്കാൻ അവ കാത്തിരിക്കുന്നു. പ്രകൃതിയുടെ നാശവും പുനരുജ്ജീവനവും തമ്മിലുള്ള നിരന്തര മായ ചക്രത്തെക്കുറിച്ച് സൂചിപ്പിക്കുന്നതിനോടൊപ്പം നശിപ്പിക്കുന്നവർക്കല്ല, പ്രകൃതിയെ ആരാധിക്കുന്ന വർക്കും, ഭൂമിയെ സ്നേഹിക്കുന്നവർക്കുമാണ് ഈ സൗന്ദര്യം സമർപ്പിക്കപ്പെട്ടിരിക്കുന്നത് എന്നും സുഗത കുമാരി വ്യക്തമാക്കുന്നു.
“ഭൂമിക്കുവേണ്ടിയൊരു ലാവണ്യദൃശോത്സവം” എന്ന ശീർഷകം പ്രകൃതിയോടുള്ള ആദരവും അതിന്റെ സൗന്ദര്യം ആസ്വദിക്കാനുള്ള ഒരു ക്ഷണവുമാണ്. ഭാവി തലമുറകൾക്ക് ഈ അത്ഭുതകരമായ കാഴ്ച കാണാൻ അവസരം ലഭിക്കണമെന്ന് ലേഖിക ആഗ്രഹിക്കുന്നു.
അല്ലെങ്കിൽ
(B) താരതമ്യകുറിപ്പ്
പ്രായേണ പത്രങ്ങൾ നിറഞ്ഞു തിങ്ങി നിൽക്കുന്ന വല്ല തരുമണ്ഡലത്താൽ
പരക്കെ നൽപ്പച്ചനിറം പെടുന്ന
ക്കുന്നത്രയും കൺകുളിരേകിടുന്നു. ഇപ്പച്ച വർണ്ണത്തിനിടയ്ക്കിടയ്ക്ക
ശില്പജ്ഞർ ചായപ്പണി ചെയ്തപോലെ,
കാണപ്പെടുന്നുണ്ടു ചുകന്ന മണ്ണും,
രണ്ടിന്നുമേറെ പ്രഭ ചേരുമാറായ്.
വള്ളത്തോൾ നാരായണമേനോൻ
ഒരു ദിനാന്ത സഞ്ചാരം എന്ന കവിതയിലെ പ്രകൃതി ഭംഗി വർണ്ണിച്ച വരികൾ ആണ് നൽകിയിരിക്കുന്നത്. മൂന്നാറിലെ കുറിഞ്ഞിപ്പൂക്കൾ പൂത്ത ദൃശ്യവുമായി താരതമ്യം ചെയ്ത് കുറിപ്പ് തയ്യാറാക്കുക.
Answer:
വള്ളത്തോൾ നാരായണമേനോന്റെ ദിനാന്തസഞ്ചാരം കവിതയിൽ പ്രകൃതി ദൃശ്യങ്ങൾ വളരെ സൂക്ഷ്മവും കോമളവുമായ ഭാഷയിലൂടെ വരച്ചിരിക്കുന്നു. പച്ചനിറങ്ങളുടെ വൈവിധ്യം, പ്രകാശവും മൂടലും ചേർന്ന് സൃഷ്ടിക്കുന്ന മനോഹാരിത വായനക്കാരനെ ആകർഷിക്കുന്നു. അസ്തമയ സൂര്യന്റെ പൊൻകിരണങ്ങൾ ഏറ്റ് മനോഹരമായി ശോഭിക്കുന്ന സഹ്യപർവ്വതത്തിന്റെ ദൃശ്യചാരുത വാക്കുകൾ കൊണ്ട് കവി വരച്ചു കാണിക്കുന്നു. കവിയുടെ കാഴ്ചയ്ക്ക് അനുഭൂതി പകർന്ന പല ദൃശ്യങ്ങളിൽ ഒന്നാണ് സന്ധ്യാസമയത്തെ കുന്നിന്റെ ദൃശ്യം. ആകാശത്തിന്റെ കിഴക്കുഭാഗത്തായി പരന്നു കിടക്കുന്ന കുന്ന്, പതിയെ പതിയെ ചക്രവാളത്തിൽ മുട്ടുന്ന തരത്തിൽ പടുത്തുയർത്തിയ കോട്ടപോലെ അനുഭവപ്പെടുന്നു. ഇവിടെ പ്രകൃതി ഘടകങ്ങളെ ശില്പശാലയിൽ രൂപകല്പന ചെയ്ത പോലെ സൂക്ഷ്മമായി ചിത്രീകരിച്ചിരിക്കുന്നു. അതുപോലെ, മൂന്നാറിലെ കുറിഞ്ഞിപ്പൂക്കൾ സജീവവും നിറമുള്ളതുമായ ദൃശ്യമായി വരുന്നു. പൂക്കളുടെ നിറങ്ങളും, പ്രഭയും ചുറ്റുമുള്ള പശ്ചാത്തലവും ചേർന്ന് വായനക്കാരന് ഒരു ദൃശ്യാനുഭവം നൽകുന്നു. കുറിഞ്ഞിപ്പൂക്കളുടെ സൗന്ദര്യവർണന വായനക്കാരനെ ആ ദൃശ്യം കണ്ടുനിൽക്കുന്ന അനുഭവം പോലെ യാണ് ആസ്വദിപ്പിക്കുന്നത്. 12 വർഷത്തിലൊരിക്കൽ ലഭിക്കുന്നതും ക്ഷണഭംഗുരവുമായ കാഴ്ചയെ അവ തരിപ്പിച്ചുകൊണ്ട് പ്രകൃതി സംരക്ഷണത്തിന്റെ ഉത്തരവാദിത്വവും ഓർമിപ്പിക്കുകയാണ് ലേഖിക. താരതമ്യപ്പെടുത്തുമ്പോൾ, ദിനാന്തസഞ്ചാരം കവിതയിൽ പ്രകൃതി സൗന്ദര്യം ലളിതവും മാനസികമായ ദൃശ്യാവിഷ്ക്കാരത്തിലൂടെയാണ് അവതരിപ്പിച്ചിരിക്കുന്നത്, അതേസമയം കുറിഞ്ഞിപ്പൂക്കൾ ലേഖനത്തിൽ പ്രകൃതി സജീവവും നിറം പൂർണവുമായ ദൃശ്യമായും വായനക്കാരനെ ആലോചിപ്പിക്കുകയും, മനസ്സിൽ ദൃശ്യങ്ങൾ രൂപപ്പെടുത്തുകയും ചെയ്യുന്നു.
ചുവടെ കൊടുത്ത 4A, 4B എന്നീ രണ്ടു ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതുക.
Question 4.
(A) ആസ്വാദന കുറിപ്പ്
മരിക്കാൻ കിടക്കുന്നു മുത്തശ്ശി ചുറ്റും നോക്കി
യിരിക്കാൻ തുടങ്ങിയിട്ടേറെയായ് വേണ്ടപ്പെട്ടോർ
ദൂരെ ജോലിയിലുള്ളാരാരുമേയിനിയെത്തി
ച്ചേരുവാനില്ല വന്നു മക്കളും ചെറുമക്കൾ
മലയായിലെപ്പുത്രി കേൾക്കുവോരുടെ കണ്ണിൽ
ജലമൂറുമാറുച്ചം കരഞ്ഞു പ്രിയ മമ്മി,
ഒന്നു നീ നേരേ നോക്കു നിന്നിളം മകളല്ലേ
വന്നിതാ വിളിക്കുന്നു കൺതുറക്കുക മമ്മീ
കുട്ടികൾ ചുറ്റും കൂടിക്കരഞ്ഞു ഗ്രാൻ മമ്മീ,
തെല്ലിഷ്ടമുണ്ടേൽ കണ്ണു തുറക്കൂ ഡിയർ മമ്മി
കേട്ടവർ കേട്ടോർക്കുള്ളം ദ്രവിച്ചു ദുഖത്തിന്റെ
തേട്ടലിലവരൊപ്പം വിളിച്ചു മമ്മീ, മമ്മീ..
(……………………………..)
ഞങ്ങളാൽ സാധിച്ചിടാനാശ വല്ലതുമുള്ളിൽ
തങ്ങി നില്പ്പുണ്ടോ മമ്മീ പറയൂ പ്രിയമമ്മീ
കരയും ജനങ്ങൾ തൻ നടുവിൽക്കടന്നെത്തി
മരണം നൃത്തം വയ്ക്കും ചുണ്ടുകൾ ശബ്ദിക്കുന്നു
അമ്മയെന്നൊരു വാക്കു വിളിക്കുന്നതു കേട്ടു
ജന്മമൊന്നൊടുക്കുവാൻ മക്കളേ കൊതിപ്പൂ ഞാൻ
(മമ്മീ – ചെമ്മനം ചാക്കോ)
കാവ്യനർത്തകി എന്ന കവിതയിൽ മാതൃഭാഷയുടെ സൗന്ദര്യത്തെക്കുറിച്ച് വായിച്ചല്ലോ മമ്മി എന്ന ഈ കവിതയും വിശകലനം ചെയ്ത് ആസ്വാദനം തയ്യാറാക്കുക.
Answer:
കേരളത്തിന്റെ സർവ്വ മേഖലകളിലും ഇംഗ്ലിഷ് ഭാഷ പിടിമുറുക്കിയ ഘട്ടത്തിലാണ് ചെമ്മനം ചാക്കോ “മമ്മി’ എന്ന കവിതയെഴുതുന്നത്. മലയാളത്തിനുവേണ്ടി കേരളത്തിലെ മിക്ക കവികളും കവിതകളെ ഴുതിയിട്ടുണ്ടെങ്കിലും അവയിൽ ഏറ്റവും ശക്തവും തീക്ഷ്ണവും ഇന്നും ചെമ്മനത്തിന്റെ മമ്മി തന്നെ. മലയാളമെന്ന വാക്ക് ഉപയോഗിക്കാതെ, മാതൃഭാഷയെക്കുറിച്ച് വാചാലനാകാതെ, അമ്മയെന്ന ഒരൊറ്റ വാക്കിൽ സ്വന്തം ഭാഷയുടെ കരുത്തും ശക്തിയും അനുഭവിപ്പിച്ചു അദ്ദേഹം. വ്യാഖ്യാതാവിന്റെയോ നിരൂപ കന്റെയോ സഹായമില്ലാതെ വായനക്കാരുടെ ഹൃദയത്തിലേക്കു നേരിട്ടു പ്രവേശിച്ച കവിത അത്യന്തം ദുഃഖപൂർണമാണാരംഗം.
മരിക്കാൻ കിടക്കുന്നു മുത്തശ്ശി. വേണ്ടപ്പെട്ടവർ ചുറ്റും നോക്കിയിരിക്കുന്നു. ദൂരെ ജോലി ചെയ്യുന്ന മക്കളും ചെറുമക്കളും പോലും വന്നുകഴിഞ്ഞു. പ്രിയപ്പെട്ട മുത്തശ്ശിയ്ക്കു വിട ചൊല്ലാൻ. കരച്ചിൽ ഉച്ചത്തിലാവുകയാണ്. മലയായി ൽ നിന്നെത്തിയ പുത്രി കേൾക്കുന്നവരെപ്പോലും കരയിപ്പിക്കുന്ന സ്വരത്തിൽ വിളിച്ചുകൂവുന്നു… പ്രിയ മമ്മീ….
കണ്ണു തുറക്കാൻ മമ്മിയോടു വിളിച്ചു കേഴുകയാണവർ.
കൊച്ചുമക്കളും ചുറ്റും കൂടി കരയുന്നു.. ഗ്രാന് മമ്മീ.. ഡിയർ മമ്മീ….
കരച്ചിൽ കേട്ട് ചുറ്റും കൂടിയവരുടെയും ഉള്ളം ഉരുകി കണ്ണീരായി ഒലിച്ചിറങ്ങി… അവരും വിളിച്ചു.. മമ്മീ…
മമ്മീ….
അവസാനമായി തങ്ങളെക്കൊണ്ട് എന്തെങ്കിലും സാധിക്കുവാൻ ഉണ്ടോ എന്ന് മക്കളുടെ ചോദ്യത്തിന് അമ്മ എന്നൊരു വിളി കേട്ട് മരിച്ചാൽ മതിയെന്നായി മുത്തശ്ശി. അന്തിമാശയുടെ സാഫല്യം പോലെ മാതൃഭാഷയിൽ അമ്മയെന്ന വാക്ക് ജീവനിട്ടുയരുമ്പോൾ, അമ്മയുടെ കണ്ണുകളടഞ്ഞു. ഉണ്മ മുറ്റിയ ദേഹം “മമ്മി’ പോലെ നിലവും നിതനവുമായി.
ആഴത്തിൽ ചിന്തിപ്പിച്ച വിമർശനഹാസ്യവുമായി ചെമ്മനം ചാക്കോയുടെ കവിത ദീപസ്തംഭം പോലെ നിലനിൽക്കുന്നു.
അല്ലെങ്കിൽ
(B) വർണ്ണന
“വൈരൂപ്യവും സൗന്ദര്യവും കൂട്ടിക്കെട്ടി
വൈരൂപ്യത്തെയും സൗന്ദര്യമാക്കുന്നവരാണ്.
ചിത്രശലഭങ്ങളുടെ ഈ വർണ്ണന കൊണ്ട് അർത്ഥമാക്കുന്നത് എന്ത്?
Answer:
ചിത്രശലഭങ്ങളുടെ വൈരൂപ്യവും സൗന്ദര്യവും കൂട്ടിക്കെട്ടി, വൈരൂപ്യത്തെയും സൗന്ദര്യമാക്കുന്നവരാണ് എന്ന വരിയിൽ, കവി അവയുടെ ജീവിത ചക്രത്തെ സൂചിപ്പിക്കുന്നു. ചിത്രശലഭങ്ങൾ ആദ്യം പുഴുവായി ഭൗതികജീവിതം അനുഭവിക്കുന്നു; ഇത് അവയുടെ വൈരൂപ്യ ഘട്ടമാണ്. പിന്നീട് അവർ പരിപക്വമാകുകയും, പുഴുവിന്റെ രൂപം മാറ്റി പറക്കുന്ന ചിത്രശലഭങ്ങളായി മാറുകയും ചെയ്യുന്നു. ആഹ്ളാദകരവും നിറസൗന്ദര്യവുമുള്ള അവർ സ്വന്തം വൈരൂപ്യത്തെ സൗന്ദര്യത്തിലേക്ക് മാറ്റുന്നു. മനുഷ്യരും സമാനമായി, ആദ്യം ജീവിതത്തിൽ പഠിക്കുകയും, വളരുകയും, പിന്നീട് അനുഭവങ്ങളിലൂടെ മനസ്സിനെ സമ്പുഷ്ടമാക്കി പ്രപഞ്ചത്തിലെ വൈവിധ്യമാർന്ന ലോകത്ത് സഞ്ചരിക്കുന്നു. ചിത്രശലഭങ്ങളുടെ ഈ വർണ്ണന ജീവിതത്തിന്റെ യഥാസ്ഥിതികളെ മനസ്സിലാക്കാനുള്ള ഒരു ഉപമയായി കവി ഉപയോഗിക്കുന്നു.
Question 5.
കഥാപാത്ര നിരൂപണം തയ്യാറാക്കുക
“പെയ്തു തീരാത്ത സ്വപ്നം പോലെ’ എന്ന കഥയിലെ അലി എന്ന കഥാപാത്രത്തെ നിരൂപണം ചെയ്തു കുറിപ്പെഴുതുക.
Answer:
പെയ്തുതീരാത്ത സ്വപ്നം പോലെ എന്ന കഥയിലെ അലി എന്ന കുട്ടി ജീവിതത്തിന്റെ സങ്കീർണ്ണതകളെയും മാനവിക മൂല്യങ്ങളെയും പ്രതിഫലിപ്പിക്കുന്ന പ്രധാന കഥാപാത്രമാണ്. ഒമ്പതു വയസ്സുള്ള അലി വളരെ ദാരിദ്ര്യത്തിൽ വളരുന്ന ഒരു കുട്ടിയാണ്. എന്നാൽ അവന്റെ ദാരിദ്ര്യവും പരിസരപ്രശ്നങ്ങളും അവനെ മാനസികമായി പരിമിതപ്പെടുത്തിയില്ല; അവന്റെ മനസിൽ സഹോദരസ്നേഹം, സഹജീവികളോട് കരുണ നീതി ബോധം എന്നിവ ഉയർന്ന നിലയിൽ നിലനിൽക്കുന്നു.
അവനും സഹോദരിയ്ക്കും കൂടി ഉണ്ടായിരുന്ന ഒരേ ഒരു ജോടി ഷൂസ് ഒരു പ്രത്യേക സാഹചര്യത്തിൽ നഷ്ടപ്പെടുന്നു. മറ്റൊരു കുട്ടിയുടെ പാദത്തിൽ നഷ്ടപ്പെട്ട ഷൂസ് കണ്ടപ്പോൾ, അവന്റെ ആദ്യ പ്രതികരണം അവകാശവാദമല്ല, മറിച്ച് അവളുടെ ദുരിതവും കുടുംബാവസ്ഥയും മനസ്സിലാക്കാനുള്ള ശ്രമമാണ്. ഇത് അലിയുടെ കരുണയും ആത്മീയ ഉന്നതിയും തെളിയിക്കുന്നു. അലി തന്റെ സ്വാർത്ഥതയെ മറന്ന്, മറ്റുള്ളവരുടെ സങ്കടത്തോട് സഹകരിക്കുകയും അവരുടെ അഭിമാനത്തെ കേടാക്കാതിരിക്കുകയും ചെയ്യുന്നു.
താരതമ്യപ്പെടുത്തുമ്പോൾ, ദിനാന്തസഞ്ചാരം കവിതയിൽ പ്രകൃതി സൗന്ദര്യം ലളിതവും മാനസികമായ ദൃശ്യാവിഷ്ക്കാരത്തിലൂടെയാണ് അവതരിപ്പിച്ചിരിക്കുന്നത്, അതേസമയം കുറിഞ്ഞിപ്പൂക്കൾ ലേഖനത്തിൽ പ്രകൃതി സജീവവും നിറം പൂർണവുമായ ദൃശ്യമായും വായനക്കാരനെ ആലോചിപ്പിക്കുകയും, മനസ്സിൽ ദൃശ്യങ്ങൾ രൂപപ്പെടുത്തുകയും ചെയ്യുന്നു.
Question 6.
പോസ്റ്റർ
“മീനോളം’ എന്ന നാടകം വിദ്യാലയത്തിലെ കലാസാഹിത്യ വേദി സദസ്സിൽ അവതരിപ്പിക്കുന്നു എന്ന് വിചാരിക്കുക. പരിപാടിയുടെ ഭാഗമായി പോസ്റ്റർ തയ്യാറാക്കുക.
Answer:
im-1