During exam preparation, Class 6 Malayalam Adisthana Padavali Question Paper Pdf Set 3 guide students properly.
Class 6 Malayalam Adisthana Padavali Model Question Paper Set 3
സമയം : 2 മണിക്കൂർ 15 മിനിട്ട്
നിർദ്ദേശങ്ങൾ:
- മൂല്യനിർണ്ണയ പ്രവർത്തനങ്ങൾ ആരംഭിക്കുന്നതിനു മുമ്പ് പതിനഞ്ച് മിനിട്ട് സമാശ്വാസ സമയ മാണ്. ഈ സമയം ചോദ്യങ്ങൾ നന്നായി വായിച്ചു മനസ്സിലാക്കണം.
- ആറു ചോദ്യങ്ങൾക്ക് ഉത്തരമെഴുതിയാൽ മതി. എല്ലാ ഉപചോദ്യങ്ങൾക്കും ഉത്തരം എഴുതണം.
- രണ്ടു പ്രവർത്തനങ്ങൾ വീതം നൽകിയിട്ടുള്ള ചോദ്യങ്ങളിൽ ഏതെങ്കിലും ഒന്നിന് മാത്രം ഉത്ത രമെഴുതിയാൽ മതി.
Question 1.
വായിക്കാം എഴുതാം
ഒരു കാലത്ത് അട്ടപ്പാടി വൃക്ഷനിബിഡമായ ഉറവുകളും തോടുകളും പുഴകളും നിറഞ്ഞ തണുപ്പും നനവു മുള്ള ഒരു പ്രദേശമായിരുന്നു തമിഴ്നാടിന്റെ അതിർത്തി പ്രദേശം, അവിടെ ആദിവാസികളുടെ സ്വന്തമായി രുന്നു. അവരുടെ മുപ്പൻമാരായിരുന്നു അട്ടപ്പാടിയിലെ രാശാക്കൾ. പിന്നീട് രംഗം മാറി. തമിഴ്നാട്ടിൽ നിന്ന് ഗൗണ്ടർമാരും നമ്മുടെ നാട്ടുകാരും അട്ടപ്പാടിയിൽ ഭാഗ്യം തേടിയെത്തി.
കാടുകൾ വെളുത്തു തുടങ്ങി. മദ്യവും പുകയിലയും കൊടുത്ത് ആദിവാസികളുടെ ഭൂമിയെല്ലാം വാസികൾ സ്വന്തമാക്കി. മലയെല്ലാം വെട്ടിയിടിച്ച് റോഡുണ്ടാക്കി. മലമുകളിലേക്ക് ലോറികൾ ഇരമ്പിക്കയറിത്തുടങ്ങി. മരമായ മതമല്ലാം വെട്ടി മുറിക്കപ്പെട്ട് ലോറിയിൽ താഴേക്കിറങ്ങി. എല്ലാ മലകളും മൊട്ടക്കുന്നുകളായി മാറി. അവയിൽ നിന്ന് കുതി ച്ചൊഴുകിയിരുന്ന ഉറവകളെല്ലാം ചത്തു.
a. തമിഴ്നാടിന്റെ അതിർത്തി പ്രദേശമായിരുന്ന അട്ടപ്പാടിയിൽ കാലങ്ങളായി താമസിച്ചിരുന്നത് ആര്?
(A) ഗൗണ്ടർമാരും മറ്റു നാട്ടുകാരും
(B) ആദിവാസികളായ ജനങ്ങൾ
(C) മരംവെട്ടുകാരും ലോറിഡ്രൈവർമാരും
(D) ഗൗണ്ടർമാരും രാഗാക്കൻമാരും
Answer:
(B) ആദിവാസികളായ ജനങ്ങൾ
b. വൃക്ഷ നിബിഡമായിരുന്ന അട്ടപ്പാടിക്ക് സംഭവിച്ചത് എന്ത്?
(A) ധാരാളം ജലമുള്ള തോടുകളും പുഴകളും ഉണ്ടായി
(B) മലകളും കുന്നുകളും ഇടിച്ചുനിരത്തി കെട്ടിടങ്ങൾ പണികഴിപ്പിച്ചു.
(C) വൃക്ഷങ്ങളെല്ലാം വെട്ടിമാറ്റി മലകൾ മൊട്ടക്കുന്നുകളായി മാറി
(D) കൈയേറിയ ഭൂമി വനവാസികൾ ആദിവാസികൾക്ക് തിരികെ നൽകി
Answer:
(C) വൃക്ഷങ്ങളെല്ലാം വെട്ടിമാറ്റി മലകൾ മൊട്ടക്കുന്നുകളായി മാറി
C. മലകൾ തുരന്ന് റോഡ് വെട്ടിയതെന്തിനായിരുന്നു?
(A) ആദിവാസികൾക്കും മൂപ്പൻമാർക്കും സഞ്ചരിക്കാൻ
(B) ഗൗണ്ടർമാർക്കും മറ്റുനാട്ടുകാർക്കും കുടിയേറിപ്പാർക്കാൻ
(C) വെട്ടിയ മരത്തടികൾ കൊണ്ടുപോകാൻ
(D) തോടുകളുടെയും പുഴകളുടെയും ഒഴുക്ക് എളുപ്പമാക്കാൻ
Answer:
(C) വെട്ടിയ മരത്തടികൾ കൊണ്ടുപോകാൻ
d. താഴെ കൊടുത്തവയിൽ അട്ടപ്പാടിക്കു വന്ന മാറ്റങ്ങളിൽ പെടാത്തത് ഏത്?
(A) ആദിവാസികളുടെ ഭൂമിയെല്ലാം വനവാസികൾ കയ്യേറി
(B) കാടുകളും മലകളും തോടുകളുമെല്ലാം നശിച്ചു
(C) വനവാസികൾ ധാരാളമായി മരങ്ങൾ വച്ചുപിടിപ്പിച്ചു
(D) മരങ്ങൾ കൊണ്ടുപോകാൻ മലകൾ വെട്ടി റോഡുണ്ടാക്കി
Answer:
(C) വനവാസികൾ ധാരാളമായി മരങ്ങൾ വച്ചുപിടിപ്പിച്ചു
Question 2
a. പോസ്റ്റർ
നാടകവുമായി ബന്ധപ്പെട്ട പാഠമായിരുന്നല്ലേ കളിക്കിടയിൽ, നിങ്ങളുടെ സ്കൂളിൽ നടക്കുന്ന ഒരു നാട കോത്സവത്തെ സംബന്ധിച്ച് ഒരു പോസ്റ്റർ തയ്യാറാക്കുക.
Answer:
b. ആരാണ് കെ.പി.എ.സി. ലളിത എന്ന പേരിട്ടത്?
(A) തോപ്പിൽ ഭാസി
(C) അടൂർ ഗോപാലകൃഷ്ണൻ
(B) ഭരതൻ
(D) നാരായണി
Answer:
(A) തോപ്പിൽ ഭാസി
(c) താഴെ തന്നിരിക്കുന്ന ശരിയാ പ്രസ്താവന ഏത്?
A. കെ. പി. എ. സി ലളിത 2016 മുതൽ സംഗീത നാടക അക്കാദമിയുടെ ചെയർപേഴ്സനായിരുന്നു.
B. കെ. പി. എ. സി ലളിത 2020 മുതൽ സംഗീത നാടക അക്കാദമിയുടെ ചെയർപേഴ്സൻ ആയിരുന്നു.
C. കെ. പി. എ. സി ലളിത 2022 മുതൽ സംഗീത നാടക അക്കാദമിയുടെ ചെയർപേഴ്സനായിരുന്നു.
D. കെ. പി. എ. സി ലളിത 2005 മുതൽ സംഗീത നാടക അക്കാദമിയുടെ ചെയർപേഴ്സനായിരുന്നു.
Answer:
A. കെ. പി. എ. സി ലളിത 2016 മുതൽ സംഗീത നാടക അക്കാദമിയുടെ ചെയർപേഴ്സനായിരുന്നു.
ചുവടെ കൊടുത്ത 3 (A), 3 (B) എന്നീ ചോദ്യങ്ങൾക്ക് ഏതെങ്കിലും ഒന്നിനു മാത്രം ഉത്തരം എഴുതുക.
Question 3.
(A) അഭിപ്രായക്കുറിപ്പ്
ചെടിച്ചട്ടിയിലെ ചെടിയും പൂമ്പാറ്റകളും എങ്ങനെയാണ് സ്വാതന്ത്ര്യം അനുഭവിക്കുന്നത് പരിശ്രമങ്ങൾ : എന്ന പാഠഭാഗത്തെ ആസ്പദമാക്കി അഭിപ്രായക്കുറിപ്പ് തയ്യാറാക്കുക.
Answer:
ചെടിച്ചട്ടിയിലെ ചെടികൾ – ചട്ടിയുടെ പരിമിതികൾ മറികടന്ന് പുറത്തേക്കും ഉയരത്തിലേക്കും പടർന്ന് വളരാൻ ശ്രമിക്കുന്നു. അതായത്, അവർക്ക് പ്രകൃതിദത്തമായ വളർച്ചയാവശ്യമാണ്. വളരാൻ ഉള്ളിടം കുറവായാലും, വെളിച്ചത്തിന്റെയും വായുവിന്റെയും ദിശയിലേക്ക് അവർ വളരുന്നു. ഇത് അവരുടെ സ്വാതന്ത്യ്രപ്രവർത്തനമാണ്. കുറേക്കൂടി ശക്തി ആർജിക്കുമ്പോൾ മൺചട്ടികളിൽ വേരുകൾ കൊണ്ട് വിള്ളൽ ഏൽപ്പിച്ചു അവയെയും സ്വതന്ത്രമാക്കാൻ ചില സസ്യങ്ങൾ ശ്രമിക്കാറുണ്ട്.
പൂമ്പാറ്റകൾ – പൂവുകൾക്കിടയിലൂടെ ഇഷ്ടം പോലെ പറക്കുന്ന ഇവ, അതിജീവനത്തിനൊപ്പം മനസ്സുനിറയ്ക്കുന്ന സൗന്ദര്യാനുഭവവും കണ്ടെത്തുന്നു. അവ ഒരിടത്തുനിന്ന് മറ്റിടത്തേക്ക് പറക്കുമ്പോൾ നിരോധനങ്ങളില്ലാത്ത ആകാശമാണ് അവയ്ക്ക് ലോകം. പൂന്തോട്ടങ്ങളിലും ഏതൊരു പൂവിലും ചെന്നിരിക്കാനും അവയുടെ തേൻ നുകരാനും നിയന്ത്രണങ്ങൾ ഇല്ലാത്ത സ്വതന്ത്ര്യം ആസ്വദിക്കുന്നവരാണ് പൂമ്പാറ്റകൾ, ചിലപ്പോഴൊക്കെ ചില വികൃതി കുട്ടികളുടെ കുസൃതികൾക്കിടയാകാറുണ്ട്.
ഇതെല്ലാം ഒന്നിച്ചു ചേർന്നപ്പോൾ കവിതയിൽ ആഖ്യാനിക്കപ്പെടുന്നത് – “സ്വാതന്ത്ര്യവും അതിനായുള്ള കഠിനപരിശ്രമവും ജീവിതത്തിന് ആവശ്യമാണ്” എന്നതിന്റെ സുന്ദരമായ അനുപാതികരൂപമാണ്. മനുഷ്യനും പ്രകൃതിയുമെല്ലാം അവന്റെ വളർച്ചയ്ക്കും സ്വാതന്ത്ര്യത്തിനും വേണ്ടി നിരന്തരം മുന്നേറുകയാണ്.
അല്ലെങ്കിൽ
(B) വിശകലനക്കുറിപ്പ്
ബാലാഹസ്കരൻ മായ്ച്ചു നീലക്കൽപ്പലക, തൻ
ചായപ്പെൻസിലും വായിൽത്തിരുകിയിരിക്കുന്നു.
അഭിനന്ദനസദസ്സിൽ സംഭവിച്ച കാര്യങ്ങളും ഈ വരികളിലെ ആശയവും തമ്മിൽ എങ്ങനെയെല്ലാം ചേരു ന്നുണ്ട്. വിശകലനക്കുറിപ്പ് തയ്യാറാക്കുക.
Answer:
രാത്രിയുടെ നിഴൽ പാടുകളെ മായിച്ചു കൊണ്ടാണ് നീലപ്പലകയാകുന്ന ആകാശത്തിൽ വർണ്ണങ്ങൾ ചാർത്താൻ ചായ പെൻസിൽ ആയി ബാലസൂര്യൻ (പ്രഭാത സൂര്യൻ വന്നെത്തുന്നത്.) ഈ ദൃശ്യത്തെപ്പോലെ തന്നെ, അഭിനന്ദനസദസ്സിൽ, അപ്പുവിന്റെ അന്തസ്സായ വലിയൊരു വിജയ ദൃശ്യം പ്രകടമാകുന്നു. എന്നാൽ പിന്നീടുള്ള അവഹേളനവും സംശയങ്ങളും അപ്പുവിനെ തളർത്തുന്നു. ബാലസൂര്യൻ പ്രഭാതത്തിലെ സൂര്യനെപ്പോലെ പ്രകാശമുള്ള പ്രതീക്ഷയായിരുന്നു, പക്ഷേ അത് അസ്തമിച്ചുപോകുന്നത് പോലെ സംഭവിക്കുന്നു. അപ്പുവിന്റെ ആഹ്ലാദത്തിനും മങ്ങലേൽക്കുന്നു.
ചുവടെ കൊടുത്ത 4 (A), 4 (B) എന്നീ ചോദ്യങ്ങൾക്ക് ഏതെങ്കിലും ഒന്നിനു മാത്രം ഉത്തരം എഴുതുക.
Question 4.
(A) ആസ്വാദനക്കുറിപ്പ്
അരുമക്കിടാങ്ങളിലൊന്നായതിനെയും
അഴകിപ്പുലക്കള്ളിയോമനിച്ചു വാഴക്കുല
ചങ്ങമ്പുഴയുടെ പ്രസിദ്ധമായ വാഴക്കുല എന്ന കവിത ഇതിനോടകം നമുക്ക് പരിചിതമാണല്ലോ. അതിന്റെ ആസ്വാദനക്കുറിപ്പ് എഴുതുക.
Answer:
ആസ്വാദനക്കുറിപ്പ്
മലയാളത്തിന്റെ പ്രിയ കവി ചങ്ങമ്പുഴ കൃഷ്ണപിള്ളയുടെ അതിപ്രശസ്തമായ കൃതിയാണ് വാഴക്കുല. ഒരു കാലത്ത് മലയാള കവിതാസ്വാദകരുടെ മനം കീഴടക്കിയ ലളിതവും ആസ്വാദ്യകരവുമായ വരികളായി രുന്നു ഈ കവിതയുടെ പ്രത്യേകത. പണ്ടുകാലത്ത് തമ്പ്രാക്കന്മാരുടെ പാടത്തും പറമ്പിലും എല്ലുമുറിയെ
പണിയെടുത്ത്, ന്യായമായ പ്രതിഫലമോ ജീവിത സൗകര്യങ്ങളോ ലഭിക്കാതെ ആടുമാടുകളെപ്പോലെ കഴിഞ്ഞിരുന്ന ഒരു വിഭാഗം ആളുകളുടെ ജീവിതത്തിന്റെ നേർകാഴ്ചയായിരുന്നു ഈ കവിത. മലയപ്പുല യനും അഴകിയും അവരുടെ മക്കളും കൂടി ആറ്റുനോറ്റു വളർത്തിയ കൊതിയോടെ പഴം തിന്നാൻ കാത്തു വച്ച വാഴക്കുല തമ്പാൻ കൊണ്ടുപോകുന്നതും അടിയാന്മാരുടെ നിസ്സഹായതയുമാണ് കവി ഇതിലെ വരികളിൽ വരച്ചു കാട്ടുന്നത്.
അല്ലെങ്കിൽ
(B) ആസ്വാദനക്കുറിപ്പ്
ഉമ്മുക്കുലുസു മരിച്ചന്നു രാത്രിയിൽ
ഉമ്മ പുറത്തു തനിച്ചു നിൽക്കെ
പെട്ടെന്നു വന്നു പെരുമഴ, ഉമ്മയോ
ചിക്കന്നകത്തു തിരഞ്ഞുചെന്നു
വില്ലൊടിഞ്ഞെന്നു ചിണുങ്ങിടാറുള്ളോരാ
പുള്ളിക്കുട ചെന്നെടുത്തു പാഞ്ഞു
പള്ളിപറമ്പിൽ പുതുതായ് കുമിച്ചിട്ട
മണ്ണട്ടിമേലെ നിവർത്തിവച്ചു
ഉമ്മുക്കുലുസു മരിച്ചന്നു രാത്രിതൊ
ട്ടിന്നോളമാ മഴ തോർന്നുമില്ല
– തോരാമഴ
ശ്രീ. റഫീക്ക് അഹമ്മദിന്റെ ‘തോരാമഴ’ എന്ന കവിതയുടെ ആസ്വാദനക്കുറിപ്പ് തയ്യാറാക്കുക.
Answer:
നാട്ടിൽ വീണ്ടുമൊരു മഴക്കാലം. മാറിലും മനസ്സിലും കുളിരു പെയ്തിറങ്ങുന്ന കാലം, പച്ചപ്പൊടിപ്പുകളുടെ ഭൂമി. തളിരിലകളുമായി ചെടിക മരങ്ങളും. ഇടവപ്പാതിപോലെ കേരളത്തിന്റെ പ്രത്യേകതയാണു തുലാവർഷവും. തുലാമാസത്തിലെ പ്രഭാതങ്ങൾക്കു നല്ല തെളിച്ചമായിരിക്കും. ഉച്ചവരെ തെളിഞ്ഞ വെയിൽ. ഉച്ച കഴിയുമ്പോൾ കിഴക്കേമാനം കറുക്കും. അന്തരീക്ഷമാകെ മൂടിക്കെട്ടും. പിന്നെ ശക്തിയായ കാറ്റും മഴയും ഇടിയും മിന്നലും. പിറ്റേന്നു രാവിലെ വീണ്ടും തെളിഞ്ഞ പ്രഭാതം. തലേന്നത്തെ മഴയും കാറ്റും മറന്നപോലെ പ്രസന്നവദനയായി പ്രകൃതി.
വൈകുന്നേരങ്ങളുടെ പ്രത്യേകതയായ തുലാവർഷത്തിന്റെ കാലത്ത് ഒരു മഴക്കവിത വായിക്കാം. മൂടിക്കെട്ടിനിൽക്കുന്ന വിഷാദമേഘങ്ങളുടെ, പെയ്തൊഴിയാത്ത ഓർമകളുടെ സങ്കടമഴ. കവിതയിൽ തോരാതെ മഴ പെയ്യുകയാണ്. തോരാത്ത മഴയെക്കുറിച്ചെഴുതി കണ്ണു നനയിച്ച കവി റഫീക് അഹമ്മദ്. കവിതയുടെ പേര് തോരാമഴ.
ഒരു കുട്ടിയുടെ മരണത്തെക്കുറിച്ചാണു കവിത ഉമ്മുക്കുലുസു. അവൾ ആരായിരുന്നെന്നോ എങ്ങനെയാണവൾ മരിച്ചതെന്നോ കവി പറയുന്നില്ല. ഉമ്മുക്കുലുസു മരിച്ച രാത്രി തനിച്ചു പുറത്തു നിൽക്കുന്ന ഉമ്മ. മരണമറിഞ്ഞെത്തിയവരും ഉറ്റവരുമൊക്കെ യാത്രപറഞ്ഞു പോയി. ആളനക്കമില്ലാത്ത വീട്. ശൂന്യമായ മുറ്റം. വീടിന്റെ വിളക്കായിരുന്നു മകൾ. അവളുടെ കളിചിരികളും കലപിലകളും മുഴങ്ങിയ വീട്. അവളുടെ കുസൃതിക്കാലടികൾ പതിഞ്ഞ മുറ്റം. ഉമ്മുക്കുലുസുവിനെക്കുറിച്ചു കവി വാചാലനാകുന്നില്ലെങ്കിലും കവിതയിലെ വാക്കും വരികളും അവളുടെ അസാന്നിധ്യം ഓർമിപ്പിക്കുന്നു.
Question 5.
മാതൃഭാഷയുടെ സവിശേഷതകൾ, ഹത്വം പ്രാധാന്യം തുടങ്ങിയവ ഉൾപ്പെടുത്തി ‘എന്റെ മലയാളം’ എന്ന വിഷയത്തിൽ ഒരു ഉപന്യാസം താക്കുക.
Answer:
എന്റെ മലയാളം
മലയാളം എന്ന എന്റെ മാതൃഭാഷ മനസ്സിന്റെ താളത്തോടൊപ്പം ഉരുളുന്ന ശബ്ദമാണ്. മഴയും മലരും കിളിയുമെല്ലാം ചേർന്നതാണ് ഇതിന്റെ സൗന്ദര്യം. ഈ ഭാഷയിലൂടെയാണ് ഞാൻ അമ്മയെ വിളിച്ചു പഠിച്ചത്, പാടം പഠിച്ചത്, സ്വപ്നം കണ്ടത്. എന്റെ ഭാവങ്ങൾക്കും ഓർമ്മകൾക്കും രൂപം നൽകിയത് ഈ ഭാഷയാണ്. ഇത് കേൾക്കുമ്പോൾ മാത്രം ഉള്ളിൽ തണുപ്പുണ്ട്. ഇത് ഒരു ജീവപര്യന്തം മാറാനാകാത്ത ബന്ധമാണ് ഹൃദയത്തിന്റെ ഭാഷ.
മാതൃഭാഷയിലൂടെ നാം ലോകത്തോടും മനുഷ്യരോടും ആത്മബന്ധം പുലർത്തുന്നു. ഇത് വെറും ആശയങ്ങൾ അറിയിക്കുന്നതിലല്ല, അനുഭവങ്ങൾ പങ്കുവെക്കുന്നതിലും, വികാരങ്ങൾ പ്രകടിപ്പിക്കുന്നതിലും അതിന്റെ ഗൗരവമുള്ള പങ്കുണ്ട്. കുട്ടിക്കാലത്തു നാം പ്രകൃതിയെയും അനുഭവങ്ങളെയും പേരിട്ടു മനസ്സിലാക്കുന്നത് മാതൃഭാഷയിലൂടെയാണ്. ‘അമ്മ’, ‘ഇടി’, ‘നിലാവ് പോലുള്ള വാക്കുകൾ കേൾക്കുമ്പോൾ അതിന്റെ ഭാവങ്ങളും വികാരങ്ങളും നമ്മിൽ ഉണരുന്നു.
അപ്രതീക്ഷിത സാഹചര്യങ്ങളിൽ പോലും നമ്മൾ പ്രതികരിക്കുന്നത് മാതൃഭാഷയിലാണ് – അതിനാലാണ് വികാരപരമായ വിദ്യാഭ്യാസത്തിനും ഭാവനാശക്തിക്കും മാതൃഭാഷ ഏറ്റവും അനുയോജ്യം എന്ന് പറയുന്നത് ഭാഷയും സാഹിത്യവുമാണ് നമ്മെ അനുഭവലോകത്തേക്ക് നയിക്കുന്നത്.
ഭാഷയുടെ സഹായത്തോടെ നമ്മുക്ക് സമീപത്തുള്ളതും, നമ്മുടെ കാഴ്ചപ്പാടിന് പുറത്തുള്ളതുമായ ലോകങ്ങളെ കണ്ടറിയാൻ കഴിയും. ‘പുഴ’, ‘കുന്ന്’ തുടങ്ങിയ വാക്കുകൾ അതിന്റെ സാന്നിധ്യമില്ലാതെ പോലും മനസ്സിൽ ആകൃതിയാകുന്നു. ശാസ്ത്രം ഉള്ളതിനെ കുറിച്ചുമാത്രം പഠിപ്പിക്കുമ്പോൾ, മാതൃഭാഷയും സാഹിത്യവും ഇല്ലാത്തതിനെക്കൂടി അനുഭവമാക്കാൻ സഹായിക്കുന്നു.
അതുകൊണ്ട് മാതൃഭാഷ അനുഭൂതിയുടെ, ഭാവനയുടെ, സൗന്ദര്യബോധത്തിന്റെ ഭാഷയാണ്, അതിലൂടെ നാം ലോകത്തോടും ജീവിതത്തോടും ചേർന്നുനിൽക്കുന്നു.
മറക്കരുത്, മാതൃഭാഷയും പരിസ്ഥിതിയും പരസ്പരമായി ആശ്രയിക്കുന്നവയാണ്. ഭാഷ ഇല്ലെങ്കിൽ അവയുടെ അറിവും നിലനിൽപ്പും നശിക്കും. അതുകൊണ്ട് “എന്റെ മലയാളം’ എന്നത് ഒരു വാക്കല്ല – എന്റെ അസ്ഥിത്വം തന്നെയാണ്.
Question 6.
വായന നിങ്ങൾക്കും പല അനുഭവങ്ങൾ സമ്മാനിച്ചിട്ടുണ്ടാവും. ഓർമ്മയിലുള്ള ഒരു വായനാനുഭവം വ്യക്ത മാക്കുക.
Answer:
ഒരിക്കൽ ക്ലാസ്സിലെ വായന വാരത്തോടനുബന്ധിച്ച് ഞങ്ങൾക്കു നൽകിയ കുറച്ചു പുസ്തകങ്ങളിൽ ഒന്നായിരുന്നു മുട്ടത്തുവർക്കിയുടെ “ഒരു കുടയും കുഞ്ഞു പെങ്ങളും”. നിഷ്കളങ്കമായ ബാല്യത്തിൽ തന്നെ അനാഥത്വം അനുഭവിച്ച രണ്ടു കുട്ടികളുടെ കഥയാണിത്. മാതാപിതാക്കൾ നഷ്ടപ്പെട്ട ലില്ലിയും ബേബിയും ക്രൂരയായ പേരമ്മയുടെ സംരക്ഷണത്തിലാണ് കഴിയുന്നത്. ആ സഹോദരങ്ങൾ ഒരുമിച്ചാണ് സ്കൂളിൽ പോയി വരുന്നത്. ഒരു ദിവസം മഴയത്ത് ധനികയായ ഗ്രേസിയുടെ കുടക്കീഴിൽ കയറാൻ ലില്ലി ശ്രമിച്ചു. ആഡംബ്കാരി ലില്ലിയെ കുടയിൽ കയറ്റിയില്ല. നനഞ്ഞു വിറച്ച് സ്കൂളിലെത്തിയ ലില്ലിയെ ക്ലാസ് മുറിയിലും കയറ്റിയില്ല.
സഹോദരൻ ബേബിയുടെ മനസ്സ് ചുട്ടുപൊള്ളി. അവൻ വഴിയിൽ മറഞ്ഞുനിന്ന് ഗസിയുടെ നേരെ ഒരു കല്ലെറിയുകയും അത് അവളുടെ നെറ്റിയിൽ തട്ടി മുറിവുണ്ടായി, ബേബിക്ക് നാട് വിടേണ്ടിയും വന്നു. പട്ടണത്തിൽ എത്തിയ ബേബി പലതരം ജോലികൾ ചെയ്തു ലക്ഷ്യം ഒന്നുമാത്രമായിരുന്നു ഒരു കൊച്ചു കുട തന്റെ പ്രിയപ്പെട്ട പെങ്ങൾക്ക് വേണ്ടി അതികഠിനമായി അധ്വാനിച്ചു. ശകാരങ്ങൾ ധാരാളം കേട്ടു. ബേബി അങ്ങനെ വളർന്നു. അവനെ ഒരു അധ്യാപിക അവരുടെ സംരക്ഷണയിൽ പഠിപ്പിച്ചു.
അതേസമയം പേരമ്മയുടെ ശിക്ഷ സഹിക്കവയ്യാതെ ലില്ലിയും വീടുവിട്ടിറങ്ങി. വഴിയാത്രയിൽ നല്ലവരായ ദമ്പതികൾ അവളെ വീട്ടിലേക്ക് കൊണ്ടുപോകുകയും സ്വന്തം മക്കളോടൊപ്പം വളർത്തുകയും ചെയ്തു. വർഷങ്ങൾക്കുശേഷം കണ്ടുമുട്ടുന്ന ലില്ലിയുടെയും ബേബിയുടെയും രംഗവും, അവരുടെ ബാല്യത്തിലെ അനുഭവങ്ങളും, എന്നെ ചിന്തിപ്പിച്ചതും മനസ്സിലാക്കി തന്നതും വലിയ ചില കാര്യങ്ങൾ ആയിരുന്നു. ഇത്തരത്തിലുള്ള വായനകൾ കാലമെത്ര കഴിഞ്ഞാലും അതിൽ നിന്ന് കിട്ടിയ മൂല്യങ്ങളും മായാതെ തന്നെ നിലനിൽക്കും.