During exam preparation, Class 7 Malayalam Adisthana Padavali Question Paper Set 2 guide students properly.
Class 7 Malayalam Adisthana Padavali Model Question Paper Set 2
സമയം : 2 മണിക്കൂർ 15 മിനിറ്റ്
നിർദേശങ്ങൾ
- മൂല്യനിർണ്ണയ പ്രവർത്തനങ്ങൾ ആരംഭിക്കുന്നതിനു മുമ്പ് പതിനഞ്ചു മിനിട്ട് സമാശ്വാസ സമയമാണ്. ഈ സമയം ചോദ്യങ്ങൾ നന്നായി വായിച്ചു മനസ്സിലാക്കണം.
- ആറു ചോദ്യങ്ങൾക്ക് ഉത്തരമെഴുതിയാൽ മതി.
- എല്ലാ ഉപചോദ്യങ്ങൾക്കും ഉത്തരം എഴുതണം.
Question 1.
വായിക്കാം എഴുതാം.
രാവിലെയായാൽ കിളികളുടെ ചിലയ്ക്കൽ കൊണ്ട് അന്തരീക്ഷം മുഖരിതമാകും. പുത്തനുണർവ് നല്കി കൊണ്ട് നമ്മെ കാത്തു നിൽക്കുന്ന പ്രകൃതിരമണീയമായ കാഴ്ചകൾ. കുളിച്ചു തോർത്തി നിൽക്കുന്ന നെൽവയലുകൾക്കപ്പുറം ഒരു കുളമുണ്ട്. അതിനടുത്തൊരു കുഞ്ഞു കുന്നും. സാമാന്യം വലിപ്പത്തിലുള്ള ഒരു മൺകൂന. അതിൽ നിറയെ വെള്ളാരം കല്ലുകളാണ്. അതു കൊണ്ട് പേരില്ലാ കുന്നിനൊരു പേരിട്ടു. “കുഞ്ഞൻ വെള്ളാരം കുന്ന്’ വൈകുന്നേരങ്ങളിൽ ആ കുന്നിനു മുകളിൽ കയറിയിരുന്ന് ഇളം കാറ്റു കൊള്ളാൻ എന്ത് രസമാണെന്നോ? ഊടുവഴിയിലെ വേലിക്കരികിൽ വീണു കിടക്കുന്ന ചോരത്തുള്ളികൾ പോലുള്ള മഞ്ചാടിക്കുരുവും പാതികരിഞ്ഞ മേനി കാട്ടി കിടക്കുന്ന കുന്നി കുരുവും പെറുക്കിയാണ് അവിടെ നിന്നും മടങ്ങുക. മുതിർന്നവരുടെ “വാണിങ് ബെൽ കേട്ടില്ലെങ്കിൽ മടങ്ങിപ്പോക്ക് മാനത്ത് ചുവപ്പ് പരക്കുമ്പോഴാകും.
A. കുളിച്ചു തോർത്തി നിൽക്കുന്നത് ആരാണ്?
(a) അന്തരീക്ഷം
(b) കുഞ്ഞുകുന്ന്
(c) നെൽവയലുകൾ
(d) മൺകൂന
Answer:
(c) നെൽവയലുകൾ
B. വേലിയ്ക്കരികിൽ വീണു കിടക്കുന്ന ചോരത്തുള്ളികൾ എന്താണ്?
(a) മഞ്ചാടിക്കുരു
(b) മുത്തുമണി
(c) കുന്നിക്കുരു.
(d) വെള്ളാരം കല്ലുകൾ
Answer:
(a) മഞ്ചാടിക്കുരു
C. കുട്ടികളുടെ മടങ്ങിപ്പോക്ക് എപ്പോഴാണ്?
(a) രാത്രിയിൽ
(b) മാനത്ത് ചുവപ്പ് പരക്കുമ്പോൾ
(c) ഉച്ചയ്ക്ക്
(d) വാണിങ് ബെൽ കേൾക്കുമ്പോൾ
Answer:
(b) മാനത്ത് ചുവപ്പ് പരക്കുമ്പോൾ
D. വൈകുന്നേരം എന്നതിന് സമാനപദം?
(a) സായാഹ്നം
(b) നിശ
(d) രാത്രി
(c) പ്രഭാതം
Answer:
(a) സായാഹ്നം
Question 2.
പഴഞ്ചൊല്ല് വിശകലനം ചെയ്യാം
a) ‘ഐക്യമത്യം മഹാബലം’
തന്നിരിക്കുന്ന പഴഞ്ചൊല്ല് വിശകലനം ചെയ്തു കൈകോർത്തവർ പറഞ്ഞത് എന്ന പാഠഭാഗത്തിലെ പ്രളയ സാഹചര്യങ്ങൾ ബന്ധപ്പെടുത്തി എഴുതുക .
Answer:
കൈകോർത്തവർ പറഞ്ഞത് എന്ന പാഠഭാഗത്തിൽ പ്രളയം സംഭവിച്ചപ്പോൾ പരസ്പരം ആശ്രയമായി തീർന്ന മനുഷ്യരെയാണ് കാണിക്കുന്നത്. ഈ ചൊല്ലിലുള്ളത് പോലെ തന്നെ ഐക്യത്തോടു കൂടിയാണ് അവർ പ്രകൃതിദുരന്തത്തെ അതിജീവിച്ചത്. ഐക്യം തന്നെയാണ് മഹാബലം
b) കൃഷിയുടെ കാര്യത്തിൽ ശരിയായ പ്രസ്താവനകൾ ഏത്?
i) അധികം വിളഞ്ഞാൽ വിത്തിനാകാ
ii) വിത്തുഗുണം പത്തു ഗുണം
iii) വിത്താഴം ചെന്നാൽ പത്തായം നിറയും
A. ഒന്നും രണ്ടും ശരി
B. ഒന്നും മൂന്നും ശരി
C. എല്ലാം ശരി
D. രണ്ടും മൂന്നും ശരി
Answer:
C. എല്ലാം ശരി
c) മാതൃക ചോദ്യപേപ്പർ –
കാര്യകാരണ ബന്ധം നോക്കി ശരിയുത്തരം കണ്ടെത്തുക
കാര്യം: “പ്രിയേ, അതാണ് ബെർമാന്റെ മാസ്റ്റർ പീസ്” സ പറഞ്ഞു.
കാരണം: അവസാനത്തെ ഇലകൊഴിഞ്ഞ രാത്രി ജോൺസിയുടെ ആത്മ വിശ്വാസത്തിനായി അദ്ദേഹം ഇവിടെ മറ്റൊരു ഇല പെയിന്റ് ചെയ്തു.
A. കാര്യം ശരി കാരണം തെറ്റ്
B. കാര്യം തെറ്റ് കാരണം ശരി
C. കാര്യവും കാരണവും ശരി
D. കാര്യവും കാരണവും തെറ്റ്
Answer:
C. കാര്യവും കാരണവും ശരി
ചുവടെക്കൊടുത്ത 3A, 3B എന്നീ രണ്ട് ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതുക.
Question 3.
(A) നോട്ടീസ്
നിങ്ങളുടെ വിദ്യാലയത്തിലെ ഓണാഘോഷത്തിന്റെ ഭാഗമായി ദേശത്തെ കർഷകരെ ആദരിക്കുന്നു. സ്ഥലം, തിയ്യതി, കാര്യപരിപാടികൾ പങ്കെടുക്കുന്നവർ തുടങ്ങിയ ഉൾപ്പെടുത്തി നോട്ടീസ് തയ്യാറാക്കുക
Answer:
അല്ലെങ്കിൽ
(B) പോസ്റ്റർ
നമ്മുടെ വിദ്യാലയത്തിലെ ആർട്സ് ക്ലബ്ബിന്റെ നേതൃത്വത്തിൽ ചിത്ര പ്രദർശനം നടത്തുന്നു. ബർമ്മാന്റെ ചിത്രവും രവിവർമ്മ ചിത്രങ്ങളുടെയും പകർപ്പുകളും പ്രദർശനത്തിൽ ഉൾപ്പെടുന്നു. സ്ഥലം, സമയം, തീയ്യതി മുഖ്യാതിഥികൾ, പ്രദർശനത്തിന്റെ രജിസ്ട്രേഷൻ’ തുടങ്ങിയവ ഉൾപ്പെടുത്തി പോസ്റ്റർ
തയ്യാറാക്കുക.
Answer:
പോസ്റ്റർ
ചുവടെ കൊടുത്ത 4A, 4B എന്നീ രണ്ടു ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതുക.
Question 4.
(A) വിശകലനക്കുറിപ്പ്
“മഞ്ജുളമിക്കലാസൃഷ്ടിക്കു
മുമ്പിലായ ജലിയർപ്പിക്ക
കൃഷി കലാസൃഷ്ടിയാകുന്നതെങ്ങനെ? വിശകലനം ചെയ്ത് കുറിപ്പ് തയ്യാറാക്കുക.
Answer:
“മഞ്ജുളമിക്കലാസൃഷ്ടിക്ക് മുമ്പിലായ ഞ്ജലിയർപ്പിക്ക
കൃഷിയുടെ സുന്ദരത്വവും, പ്രകൃതിയുടെ സമൃദ്ധിയും മനുഷ്യന്റെ കഠിനാധ്വാനവും ഒരുമിച്ച് പ്രതിഫലിക്കുന്നു.
കൃഷി ഒരാളുടെ തൊഴിലല്ല, മറിച്ച് പ്രകൃതിയുടെയും കർഷകന്റെയും ഒരുമിച്ചുള്ള കലാസൃഷ്ടിയാണ്. കൃഷിയുടെ എല്ലാ ഘട്ടങ്ങളിലും കർഷകൻ തന്റെ മനോഹരമായ പരിശ്രമം കൊണ്ട് പ്രകൃതിയെ സേവിക്കുന്നു.
നിലം തയ്യാറാക്കൽ മുതൽ വിത്ത് നട്ടു വളർത്തൽ വരെ, അതൊരു സുന്ദരമായ കലാപ്രവൃത്തി ആകുന്നു. ഒരു വിള വളരുന്ന ദൃശ്യവും, നെൽത്തറകളുടെ മനോഹാരിതയും, പച്ചക്കറികളുടെ നിറവും എല്ലാം ഒരു ചിത്രം പോലെയാണ്. കാർഷിക പ്രവർത്തനങ്ങൾ പ്രകൃതിയെ സുന്ദരമാക്കി, ഭക്ഷ്യസമ്പത്ത് സൃഷ്ടിച്ചുകൊണ്ട് നമ്മെ നിത്യജീവിതത്തിന് സഹായിക്കുന്നു.
അതിനാൽ കർഷകർക്ക് ആദരവറിയിക്കുകയും അവരുടെ കഠിനാധ്വാനത്തോടുള്ള കൃപാഭാവം വളർത്തുകയും ചെയ്യണം.
കൃഷി ഒരു കലാസൃഷ്ടിയാണെന്ന് തിരിച്ചറിയാം.
കർഷകൻ സൃഷ്ടാവും കലാകാരനുമാണ്.
അല്ലെങ്കിൽ
(B) കുറിപ്പ്
എല്ലാരുടെ കിണറ്റിലും പൂച്ച വീണിട്ടുണ്ട് വിളിക്കാൻ ആളു വന്നിട്ട് ഓരോരുത്തരും അവരുടെ വീട്ടിലേക്ക് പോയിരിക്ക്യാ
ഇവിടെ കഥാകാരൻ കിണറ്റിൽ വീണ പൂച്ചയെ ഒരു പ്രതീകമായാണ് അവതരിപ്പിക്കുന്നത് സ്വന്തം നിലപാട് സമർത്ഥിച്ചു കുറിപ്പെഴുതുക
Answer:
കിണറ്റിൽ വീണ പൂച്ച ഇവിടെ ഒരു പ്രതീകമായാണ് എഴുത്തുകാരൻ കാണുന്നത്. നമ്മുടെ സമൂഹത്തിൽ പ്രാവർത്തികമാകാത്ത ധാരാളം കാര്യങ്ങൾ പറഞ്ഞു നടക്കുന്ന രാഷ്ട്രീയ പ്രവർത്തകരെയും സാമൂഹിക നായകന്മാരെയും നമുക്ക് കാണാൻ കഴിയും. എന്നാൽ ഏറ്റവും നിസ്സാരം ആണെങ്കിൽ പോലും പ്രസംഗം അല്ലാതെ ഒന്നും നടക്കില്ല എന്നതാണ് യാഥാർത്ഥ്യം. ഈ കഥയിൽ ഒരു പൂച്ച കിണറ്റിൽ വീണിട്ട് അതിനെ രക്ഷപ്പെടുത്താൻ കാണിക്കുന്ന പല അഭിപ്രായങ്ങളും സാഹസങ്ങളും ഒക്കെ നമുക്ക് കാണാം. പരസ്പരം ഉപദേശിക്കുകയല്ലാതെ ആരും തന്നെ പ്രവർത്തിച്ചു വിജയിപ്പിക്കുന്നുമില്ല. പൂച്ചയെ പുറത്തെടുത്ത ശേഷം സമ്മേളനം തുടങ്ങാൻ ഇരിക്കുമ്പോൾ ഓരോരുത്തരും അവരവരുടെ വീടുകളിലേക്ക് നിഷ്ക്രിയരായി തിരിച്ചു പോയിരിക്കുന്നതിന്റെ അടയാളം കൂടിയാണ് ഇവിടെ എല്ലാവരുടെ വീട്ടിലും കിണറ്റിൽ പൂച്ചവീണു എന്ന പ്രയോഗം കൊണ്ട് ഉദ്ദേശിച്ചിരിക്കുന്നത്
Question 5.
വിവരണം
നിങ്ങൾ പരിചയപ്പെട്ടിട്ടുള്ള ഒരു നാടൻ കലാരൂപത്തെ കുറിച്ചുള്ള വിവരണം തയ്യാറാക്കുക.
Answer:
കുമ്മാട്ടി
തൃശൂർ, പാലക്കാട്, വയനാട് തുടങ്ങിയ ജില്ലകളിൽ പ്രചാരത്തിലുള്ള ഒരു നാടൻ കലാരൂപമാണ് കുമ്മാട്ടി. തൃശൂർ നഗരത്തിനു ചുറ്റുമുള്ള ദേശക്കാർ ഓണത്തോടനുബന്ധിച്ച് ആഘോഷിക്കുന്നു. പാലക്കാട്, വയനാട് ജില്ലകളുടെ ചില ഭാഗങ്ങളിൽ കുമ്മാട്ടി ദേവപ്രീതിക്കായും വിളവെടുപ്പിനോട് അനുബന്ധിച്ചും ആഘോ ഷിക്കുന്നുണ്ട്. ഈ ഭാഗങ്ങളിൽ ഓണത്തപ്പനെ വരവേൽക്കാനായും കുമ്മാട്ടി ആഘോഷിക്കുന്നുണ്ട്.പുല്ലിൽ നെയ്ത വസ്ത്രം ധരിച്ചാണ് കുമ്മാട്ടിക്കളിക്കാർ ചുവടു വയ്ക്കുന്നത്. കുമ്മാട്ടിക്കളിക്കാർ വീടുകളിൽ കയറിയിറങ്ങി ജനങ്ങളെ പ്രീതിപ്പെടുത്തി ഉപഹാരങ്ങൾ സ്വീകരിക്കും. ചെണ്ടയാണ് പ്രധാന പിന്നണി വാദ്യം. കൂടാതെ തകിൽ, ചേങ്ങില, നാദസ്വരം എന്നിവയും ഉപയോഗിക്കുന്നു.
Question 6.
ആസ്വാദന കുറിപ്പ് എഴുതുക
വെള്ളപ്പൊക്കം
ജലമേന്തിയോടിക്കിതച്ച മേഘം
മലയിൽത്തടഞ്ഞു കമിഴ്ന്നു വീണു
കൊടുമുടിക്കടിയിലേക്കുരുളും കുടത്തിന്റെ
ചടപട ശബ്ദങ്ങൾ കേൾപ്പതില്ലേ?
തണ്ണിർ ചിതറിത്തെറിപ്പതു കാണ്മതില്ലെ
പുഴയിൽ മലവെള്ളം പൊങ്ങിവന്നു;
കരകൾ കവിഞ്ഞു; വയൽ നിറഞ്ഞു
പടിയോളം വന്നെത്തി, തൊടിയിലും ചെന്നെത്തി;
ഞൊടിയിലി മുറ്റത്തുമോടിയെത്തും,
വെള്ള മൊടുവിലിറയത്തു മറിമെത്തും!
ചെറുവഞ്ചി വേഗമിറക്കി വയ്ക്കു
കുറിയ നയമ്പും തിരഞ്ഞെടുക്കൂ,
തൊടിയിന്നു വയലിലും, വയലിന്നു പുഴയിലും
പുഴയിന്നു കടലിലും പോയരേണം;
കയ്യും തുഴയുമായോന്നു പൊരുതിടേണം!
കുതിരപാൽ വാശിത്തിമിർപ്പിനോടെ
കൈകോർത്തവർ പറഞ്ഞത് എന്ന കവിതയിൽ പ്രളയത്തിന്റെ ദൃശ്യങ്ങൾ പരിചയപ്പെട്ടല്ലോ വെള്ളപ്പൊക്കം എന്ന കവിതയിലെ വരികളുമായി അവയെ ബന്ധപ്പെടുത്തി ആസ്വാദനക്കുറിപ്പ് തയ്യാറാക്കുക.
Answer:
ആസ്വാദനക്കുറിപ്പ് – വെള്ളപ്പൊക്കം
“വെള്ളപ്പൊക്കം” എന്ന കവിതയിൽ ജലപ്രളയത്തിന്റെ ദൃശ്യവും അതിജീവനത്തിന്റെ സന്ദർഭവുമാണ് പ്രതിപാദിക്കുന്നത്.
മേഘങ്ങൾ കമിഴ്ന്ന് മലകളിൽ നിന്ന് പൊങ്ങിവന്ന മലവെള്ളം പുഴയിലേയ്ക്ക് ഒഴുകുന്നു.
“കയ്യും തുഴയുമായൊന്നു പൊരുതിടേണം” എന്ന വരി, പ്രളയത്തിന്റെ സമയത്ത് മനുഷ്യരും വെള്ളത്ത നിയന്ത്രിക്കുന്ന തുഴപോലെതന്നെ കൈകൾ കോർത്ത് ഒരുമിക്കണം എന്ന അർത്ഥവും ഒരുമിച്ച് പൊരുതി അതിജീവിക്കേണ്ടതുണ്ടെന്ന സന്ദേശവും നൽകുന്നു.
കൈകോർത്തവർ പറഞ്ഞത്” എന്നതിലൂടെ, പ്രളയത്തെ മനുഷ്യരെല്ലാവരും ഒത്തു ചേർന്ന് അതിജീവിച്ച അനുഭവം വ്യക്തമാക്കുന്നു. കവിതയുടെ ഭാവം തീവ്രവും സങ്കടപരവുമാണ്, പക്ഷേ അതിനോടൊപ്പം സഹകരണത്തെയും സംരക്ഷണത്തെയും പ്രോത്സാഹിപ്പിക്കുന്നു. “വെള്ളപ്പൊക്കം” ജലപ്രളയത്തിന്റെ ഭീകരതയെ മറികടന്ന് മനുഷ്യരും പ്രകൃതിയും പരസ്പരം സഹായിച്ച് ജീവിച്ചു പോരുന്ന സന്ദർഭം മനോഹരമായി അവതരിപ്പിക്കുന്നു.
കവിതയിൽ തീവ്രഭാവങ്ങളെയും അതേസമയം മാനുഷിക മൂല്യങ്ങളെയും വാക്കുകളുടെ മനോഹരമായ പ്രയോഗം കൊണ്ട് സാധിച്ചിരിക്കുന്നു ഇരുകവിതകളും ഒരേ സമയം ചിന്തിപ്പിക്കുന്നതും വേദനിപ്പിക്കുന്നതും ആണ്.