During exam preparation, Class 7 Malayalam Adisthana Padavali Question Paper Set 3 guide students properly.
Class 7 Malayalam Adisthana Padavali Model Question Paper Set 3
സമയം : 2 മണിക്കൂർ 15 മിനിറ്റ്
നിർദേശങ്ങൾ
- മൂല്യനിർണ്ണയ പ്രവർത്തനങ്ങൾ ആരംഭിക്കുന്നതിനു മുമ്പ് പതിനഞ്ചു മിനിട്ട് സമാശ്വാസ സമയമാണ്. ഈ സമയം ചോദ്യങ്ങൾ നന്നായി വായിച്ചു മനസ്സിലാക്കണം.
- ആറു ചോദ്യങ്ങൾക്ക് ഉത്തരമെഴുതിയാൽ മതി.
- എല്ലാ ഉപചോദ്യങ്ങൾക്കും ഉത്തരം എഴുതണം.
Question 1.
വായിക്കാം എഴുതാം.
ടെലിവിഷനും കമ്പ്യൂട്ടറും മൊബൈൽ ഫോണുമൊക്കെ നമുക്കിപ്പോൾ ജീവവായു പോലെയാണ്. പക്ഷേ മനുഷ്യന്റെ ഇന്നോളമുള്ള കണ്ടെത്തലുകളിൽ ഒന്നൊഴികെ മറ്റെല്ലാം ഇല്ലാതായാലും നമുക്ക് ജീവിക്കാനാകും. മഹത്തായ ഈ കണ്ടുപിടിത്തമാണ് കൃഷി. മലയാളി കൃഷിയിൽ നിന്നും അകന്ന് പോയെങ്കിലും നമ്മൾ സുഖമായി ജീവിച്ച് പോകുന്നത് മറ്റുള്ളവർ നമുക്ക് വേണ്ടി കൃഷി ചെയ്യുന്നത് കൊണ്ടാണ്.
ലോകത്തെ എല്ലാ സംസ്കാരവും ഉടലെടുത്തത് കൃഷിയിൽ നിന്നാണ്. പ്രകൃതിയിൽ നിന്നും മനുഷ്യൻ നേരിട്ട് പഠിച്ചെടുത്തതാണ് കൃഷി. മലയാളി സംസ്കാര സമ്പന്നനായത് കൃഷിയുടെ നന്മ കൊണ്ടാണ്. കൃഷിയുടെ സൗന്ദര്യം പേരിൽ തന്നെയുള്ള നാടാണ് കേരളം. നെൽകൃഷിയും നാളികേരവും പ്രധാന കൃഷിയിനങ്ങളായ കേരളത്തിന് ഇന്ത്യയുടെ കാർഷിക സമ്പത്ത് വ്യവസ്ഥയിൽ ഒഴിവാക്കാനാവാത്ത സ്ഥാനമുണ്ട്. നമുക്ക് സ്വന്തമായ കൃഷിയറിവുകളുണ്ടായിരുന്നു. അത് പ്രതിപാദിക്കുന്ന ഗ്രന്ഥമാണ് “കൃഷിഗീത’. കേരളത്തിലെ കർഷകരുടെ നാട്ടറിവുകൾ രേഖപ്പെടുത്തിയിട്ടുള്ള ഈ കൃതി ലോകത്ത് കാർഷിക മേഖലയിൽ കേരളത്തിന്റെ മഹത്തായ സംഭാവനയാണ്. വിഷു മുതൽ ആരംഭിക്കുന്നു നമ്മുടെ കാർഷിക വർഷം. ഞാറ്റുവേല കലണ്ടർ അനുസരിച്ചാണ് കൃഷി ചെയ്തിരുന്നത്. പതിമൂന്നര ദിവസമാണ് ഒരു ഞാറ്റുവേലക്കാലം. ഓരോ ഞാറ്റുവേലക്കാലമനുസരിച്ചാണ് വിളവിറക്കിയിരുന്നത്. നമ്മുടെ നെൽപ്പാടങ്ങളും നെല്ലിനങ്ങളും അന്താരാഷ്ട്ര അംഗീകാരം പിടിച്ചു പറ്റിയവയാണ്. നെൽകൃഷിയുമായി ബന്ധപ്പെട്ടാണ് നമ്മുടെ സംസ്കാരം വികസിച്ചത്. കൊയ്ത്തുൽസവങ്ങളായിരുന്നു പിന്നീട് ദേശീയോൽസവങ്ങളായി മാറിയത്. ഓണവും വിഷുവുമൊക്കെ നമ്മുടെ കൊയ്ത്തുൽസവങ്ങളുടെ
ഓർമ്മകൾ പേറുന്നവയാണ്.
A. കൃഷിയെ എന്തായി വിശേഷിപ്പിച്ചിരിക്കുന്നു?
(a) വിനോദം
(b) ജീവവായു പോലെ
(c) വ്യവസായം
(d) വിനോദസഞ്ചാരം
Answer:
(b) ജീവവായു പോലെ
B. കേരളത്തിലെ പ്രധാന കൃഷികൾ ഏതൊക്കെയാണ്?
(a) നെൽകൃഷിയും നാളികേര കൃഷിയും
(b) ചായയും കാപ്പിയും
(c) തേനും മഞ്ഞളും
(d) പപ്പായയും പയറും
Answer:
(a) നെൽകൃഷിയും നാളികേര കൃഷിയും
C. കൃഷിയുമായി ബന്ധപ്പെട്ട് നമ്മൾ ആഘോഷിക്കുന്ന ഉത്സവങ്ങൾ ഏവയൊക്കെയാണ്?
(a) വിഷു, ഓണം
(b) ദീപാവലി, ക്രിസ്മസ്
(c) നവരാത്രി, കരുവാകുളം
(d) ഇദുൽ ഫിത്തർ, ബക്രീദ്
Answer:
(a) വിഷു, ഓണം
D. ലോകത്തിനു കേരളത്തിന്റെ കാർഷിക മേഖലയിലെ സംഭാവനയായത്. എന്ത്?
(a) ഞാറ്റുവേല
(b) കൃഷി ഗീത
(c) നെൽവിള
(d) കൊയ്ത്തു ഉത്സവങ്ങൾ
Answer:
(b) കൃഷി ഗീത
Question 2.
ശൈലി വിശകലനം ചെയ്യാം.
a) “പഠിച്ച പണി പതിനെട്ടും നോക്കി
കിണറ്റിൽ വീണ പൂച്ചയിലെ കഥാസന്ദർഭവുമായി ബന്ധപ്പെടുത്തി ഈ ശൈലി വിശകലനം ചെയ്യുക.
Answer:
“പഠിച്ച പണി പതിനെട്ടും നോക്കി” എന്നത് അറിയാവുന്നതും പരിശീലിച്ചതുമായ എല്ലാ വഴികളും നോക്കി എന്ന അർത്ഥം. കഥയിൽ പൂച്ചയെ കിണറിൽ നിന്ന് പുറത്തെടുക്കാൻ ഓരോരുത്തരും അവരവരുടേതായ നിലയ്ക്ക് പല സാധ്യതകളെയും പറയുന്നതായി കാണാം ഈ അവസ്ഥയാണ് ചൊല്ലിലും പറയുന്നത്
b) ശരിയായ പ്രസ്താവന തിരഞ്ഞെടുത്ത് എഴുതുക
i. കുമ്മാട്ടി കാർഷിക സമൃദ്ധിയുടെയും ഗ്രാമീണ സംസ്കാരത്തിന്റെയും ആചാര സങ്കല്പമാണ്.
ii. ഔഷധഗുണമുള്ള പാർപ്പടക പുല്ലാണ് ഒരുക്കങ്ങൾക്കായി ഉപയോഗിക്കുന്നത്.
iii. ക്ഷേത്രാചാരങ്ങൾക്ക് അനുസരിച്ചാണ് കുമ്മാട്ടി വേഷമിടുന്നത്.
A. ഒന്നും രണ്ടും ശരി
B. രണ്ടും മൂന്നും ശരി
C. ഒന്നും മൂന്നും ശരി
Answer:
(A) ഒന്നും രണ്ടും ശരി
c) കാര്യകാരണ ബന്ധം നോക്കി ശരിയുത്തരം കണ്ടെത്തുക
കാര്യം. പണ്ട് മൂപ്പിന്റെ ദിവസങ്ങൾ എണ്ണി തിട്ടപ്പെടുത്തി വിത്തുപാകുന്നതിലും പറിച്ചു നടുന്നതിലും കാരണവന്മാർ വേണ്ടവിധത്തിൽ ശ്രദ്ധിച്ചിരുന്നില്ല.
കാരണം. പണ്ട് വിദ്യാഭ്യാസത്തിന്റെ അഭാവം മൂലം കണക്കുകൾ കൃത്യമായിരുന്നില്ല
A. കാര്യവും കാരണവും ശരി
B. കാര്യം ശരി കാരണം തെറ്റ്
C. കാര്യം ശരി കാരണം ഭാഗികമായി തെറ്റ്
D. കാര്യം തെറ്റ് കാരണം ശരി
Answer:
(A) കാര്യവും കാരണവും ശരി
ചുവടെക്കൊടുത്ത 3A, 3B എന്നീ രണ്ട് ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതുക.
Question 3.
(A) നോട്ടീസ്
2018ലെ പ്രളയം കേരളത്തെ നടുക്കിയ ദുരന്തമാണ്. കഴിഞ്ഞ വർഷങ്ങളിലും സമാനമായ വാർത്തകൾ നമ്മൾ കണ്ടതാണ്. ദുരിതാശ്വാസ ക്യാമ്പിൽ കഴിയുന്നവർക്കായി സ്കൂളിന്റെ വെൽഫെയർ ക്ലബ് സഹായ ധനം സമാഹരിക്കുന്നതിന്റെ നോട്ടീസ് തയ്യാറാക്കുക. തലക്കെട്ട്, തീയതി, സമയം, കാര്യപരിപാടി, പങ്കെടുക്കുന്നവർ എന്നിവ ഉൾപ്പെടുത്തി നോട്ടീസ് തയ്യാറാക്കുക
Answer:
അല്ലെങ്കിൽ
(B) പോസ്റ്റർ
നമ്മുടെ നാട്ടിലെ യുവജന സംഘം കാർഷിക ദിനാചരണത്തിന്റെ ഭാഗമായി പ്രാദേശികമായ നാടൻ പച്ചക്കറികളുടെയും അരിയുടെയും കുടുംബശ്രീ ഉൽപ്പന്നങ്ങളുടെയും വിപണനമേള സംഘടിപ്പിക്കുന്നു. പോസ്റ്ററിന്റെ തലക്കെട്ട്, പോസ്റ്റർ വാചകം, തീയതി, സമയം, സ്ഥലം എന്നിവ ഉൾപ്പെടുത്തി പോസ്റ്റർ തയ്യാറാക്കുക.
Answer:
മാതൃക ചോദ്യപേപ്പർ 4 ചുവടെ കൊടുത്ത 4A, 4B എന്നീ രണ്ടു ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതുക.
Question 4.
(A) വിശകലന കുറിപ്പ്
ഞങ്ങൾക്ക് പാട്ട് പഠിക്കേണ്ട കാര്യമില്ല. പാട്ട് പിറപ്പിലേ ഉണ്ട്. ഞങ്ങൾ ജനിക്കുമ്പോൾ മുതൽ പാട്ടാണ്. ഒരു ജീവിതത്തിൽ കേട്ടുതീരില്ല ഞങ്ങളുടെ പാട്ടുകൾ. ആയിരം മരങ്ങളും കിളികളും ഇല്ലേ ഞങ്ങൾ പിറക്കുന്നിടൽ. ആൽമരം വീശണ പോലല്ല കാട്ടുമാവ്. ഓരോന്നാണ്. കിളികൾക്ക് ആയിരം പാട്ടാണ്. ഓരോന്ന്. കുയിൽ വേറെ. കാക്ക വേറെ. (നഞ്ചിയമ്മ)
നഞ്ചിയമ്മയുടെ വാക്കുകൾ വിശകലനം ചെയ്തു കുറിപ്പ് എഴുതുക.
Answer:
ഇവിടെ നഞ്ചിയമ്മയുടെ വാക്കുകളിൽ പ്രകൃതിയോടുള്ള അടുപ്പവും അതിന്റെ സംഗീതമാധുരിയും വളരെ ഗൗരവത്തോടെയാണ് പ്രതിഫലിക്കുന്നത്. “പാട്ട് പഠിക്കേണ്ട കാര്യമില്ല, പാട്ട് പിറപ്പിലേ ഉണ്ട്” എന്ന് പറയുമ്പോൾ, മനുഷ്യൻ പ്രകൃതിയുടെ മക്കളാണ്, അവരുടെ ജീവൻ തന്നെ സംഗീതമെന്ന ആശയമാണ് വ്യക്തമാക്കുന്നത്. ജീവിതത്തിന്റെ ആദ്യ നിമിഷം മുതൽ തന്നെ പ്രകൃതി നമ്മിൽ ഒഴുക്കുന്ന സംഗീതം നമ്മുടേതായ പാട്ടുകളായി മാറുന്നു. അത് പഠിച്ചെടുക്കേണ്ട ഒന്നല്ല, സ്വാഭാവികമായി ജീവന്റെ ഭാഗമായെത്തുന്നതാണ്. പ്രകൃതിയിലെ ഓരോ വൃക്ഷവും, ഓരോ പക്ഷിയും, തങ്ങളുടെ സ്വന്തം ശബ്ദത്തിലും സ്വഭാവത്തിലും സംഗീതം സൃഷ്ടിക്കുന്നു. ആൽമരം വീശണ പോലല്ല കാട്ടുമാവ്” എന്ന് പറയുന്നതിലൂടെ ഓരോ സൃഷ്ടിക്കും സ്വന്തം വ്യത്യസ്തതയും സ്വത്വവും ഉണ്ടെന്ന തിരിച്ചറിവാണ് നഞ്ചിയമ്മ പങ്കുവെക്കുന്നത്. ഒരേപോലെ തോന്നുന്ന പക്ഷികൾക്കും വ്യത്യസ്തമായ പാട്ടുകളുണ്ടെന്ന് പറയുന്നത് പ്രകൃതിയിലെ വൈവിധ്യത്തിന്റെയും അതിന്റെ സൗന്ദര്യത്തിന്റെയും ഉദാഹരണമാണ്. ആകെ നോക്കുമ്പോൾ, നഞ്ചിയമ്മയുടെ വാക്കുകൾ മനുഷ്യനും പ്രകൃതിയും തമ്മിലുള്ള ബന്ധത്തെയും സംഗീതത്തിന്റെ നിത്യസാന്നിധ്യത്തെയും തുറന്നുകാട്ടുന്നു. ഇവൾ പറയുന്ന ജീവിതദർശനം നമ്മെ പ്രകൃതിയിലേക്കും അതിന്റെ ഹൃദയത്തിലേക്കു ചേർത്തുനിർത്തുന്നവയാണ്.
അല്ലെങ്കിൽ
(B) കുറിപ്പ്
ഫാത്തിമ തുരുത്തിലെ ജീവജാലങ്ങൾ നേരിടുന്ന പരിസ്ഥിതി പ്രശ്നങ്ങളോട് പ്രതികരിച്ചു കുറിപ്പ് തയ്യാറാക്കുക.
Answer:
ആ തുരുത്തിലെ സസ്യലതാദികളും ജീവജാലങ്ങളും മനുഷ്യരും പലതരത്തിലുള്ള ദുരിതങ്ങൾ അതിജീവിക്കുന്നുണ്ട്. കടുത്ത വേനലിൽ വെള്ളം കിട്ടാതെ അതിജീവിക്കുന്ന കയ്യന്യം ചെടികളും വേരുണങ്ങിയ മുല്ല ചെടികളും, ആലുകൾ ഉപേക്ഷിക്കുന്ന അനാഥരായ പട്ടിക്കുട്ടികളും പൂച്ചകളും ആരോഗ്യ പ്രശ്നങ്ങളാൽ ഉഴറുന്ന മനുഷ്യരും എല്ലാം ഫാത്തിമ തുരുത്തിൽ കാണാൻ സാധിക്കും, ഇവയെല്ലാം തന്നെ ഫാത്തിമ തുരുത്തിലെ പാരിസ്ഥിതിക പ്രശ്നങ്ങളെ അതിജീവിക്കുന്നവരാണ്.
ഈ സാഹചര്യങ്ങൾ നമ്മെ പഠിപ്പിക്കുന്നത്, പ്രകൃതിയും ജീവജാലങ്ങളും മനുഷ്യരും തമ്മിലുള്ള ബന്ധം അനിവാര്യവും ഏകീകൃതവുമാണെന്നതാണ്. പരിസ്ഥിതി പ്രശ്നങ്ങളെ അതിജീവിക്കുന്ന ഈ പോരാട്ടം, സംരക്ഷണത്തിന്റെ ആവശ്യകത നമ്മെ ഓർമ്മപ്പെടുത്തുന്നു. പ്രകൃതിയെ കരുതിയും പരിസ്ഥിതി സൗഹൃദമായ ജീവിതം സ്വീകരിച്ചുമാത്രമേ നമുക്ക് മുന്നോട്ട് പോവാനാവൂ.
Question 5.
വിവരണം
പൊന്മാനുകളെ പട്ടിണിയിലേക്ക് നയിച്ച പരിസ്ഥിതി പ്രശ്നങ്ങളുടെ കാരണങ്ങൾ, നാളെ മനുഷ്യസമൂഹത്തിന് ഭീഷണിയായേക്കാവുന്ന പ്രശ്നങ്ങളാണെന്നും മനസ്സിലാക്കി ആ വിഷയത്തെക്കുറിച്ച് ഒരു വിവരണം തയ്യാറാക്കുക.
Answer:
പ്രകൃതിയോടുള്ള ചൂഷണവും ഭാവിയിലെ പ്രതിസന്ധിയും
ആറ്റിറമ്പ് സ്ഥലം പൊന്മാനുകളുടെ നാടാണ് ആറ്റിലെ സമൃദ്ധമായ മത്സ്യസമ്പത്താണ് ഇതിനു കാരണം. എന്നാൽ ഒരിക്കൽ പരദേശികളായ കുറെയാളുകൾ ആറ്റിലെ മുഴുവൻ മീനുകളെയും നഞ്ച് കലക്കി വലയിലാക്കി പിടിച്ചുകൊണ്ടു പോയി. എളുപ്പത്തിൽ ധാരാളം മീൻ ലഭിക്കുമെന്ന കാരണത്താൽ ആണ്. അവർ ഇത്തരം പ്രവർത്തി നടത്തിയത് പ്രദേശവാസികളായ മീൻ പിടുത്തക്കാർക്ക് വരുമാന പ്രതിസന്ധി സൃഷ്ടിച്ചു. ആ ദിവസം ആറ്റിറമ്പിലെ പൊന്മാനുകളെല്ലാം പട്ടിണി ആയി.
ഈ സംഭവത്തിൽ മനുഷ്യരുടെ പ്രകൃതിയോടുള്ള ചൂഷണവും, മറ്റു ജീവജാലങ്ങളെക്കുറിച്ചുള്ള കരുതലില്ലായ്മയും വ്യക്തമായി പ്രത്യക്ഷപ്പെടുന്നു. ഇത്തരത്തിലുള്ള പ്രവർത്തികൾ തുടർന്നു നടന്നാൽ ജീവികൾക്കും, മനുഷ്യസമൂഹത്തിനും ഭാവിയിൽ വലിയ പ്രതിസന്ധി ഉണ്ടാക്കും. അതിനാൽ നമ്മൾ പ്രകൃതിയെയും ജീവജാലങ്ങളെയും സംരക്ഷിക്കേണ്ടത് അനിവാര്യമാണ്. പ്രകൃതിയെ സുരക്ഷിതമായി നിലനിർത്തുമ്പോഴേ മനുഷ്യരും ജീവജാലങ്ങൾക്കും സമൃദ്ധമായ ജീവിതം ഉപഭോഗിക്കാനാവൂ.
Question 6.
ആസ്വാദന കുറിപ്പ് എഴുതുക.
കാടെവിടെ മക്കളേ
കാടെവിടെ മക്കളേ? മേടെവിടെ മക്കളേ? കാട്ടു പുൽത്തകിടിയുടെ വേരെവിടെ മക്കളേ? കാട്ടുപൂഞ്ചോലയുടെ കുളിരെവിടെ മക്കളേ കാറ്റുകള് പുലർന്ന പൂങ്കാവെവിടെ മക്കളേ?
കുട്ടിക്കരിംകുയിൽ കൂവിത്തിമിർക്കുന്ന കുട്ടനാടൻ പുഞ്ചയെവിടെന്റെ മക്കളേ? പച്ചപ്പനന്തത്ത പാറിക്കളിക്കുന്ന
പ്ലാവുകൾ മാവുകളുമെവിടെന്റെ മക്കളേ? പായൽച്ചുരുൾ ചുറ്റി ദാഹനീർ തേടാത്ത കായലും തോടുകളുമെവിടെന്റെ മക്കളേ? ചാകരമഹോത്സവപ്പെരുനാളിലലയടി ച്ചാർക്കുന്ന കടലോരമെവിടെന്റെ മക്കളേ? കാര്ഷിക ഗവേഷണക്കശപിശയിൽ വാടാത്ത
കാറ്റുവീഴാക്കേരതരുവെവിടെ മക്കളേ? ഫാക്ടറിപ്പുകയുറഞ്ഞാസ്ത്മാ വലിക്കാത്തൊ
രോക്സിജൻ വീശുന്ന നാടെവിടെ മക്കളേ?
തീർത്ഥാടകർ ചേർന്ന നാടെവിടെ മക്കളേ?
ശാസ്ത്രഗതി കൈവിരൽത്തുമ്പാൽ നയിക്കുന്ന അയ്യപ്പപ്പണിക്കർ
കവിതയുടെ ആശയ തലം, പ്രയോഗ ഭംഗി, കാലിക പ്രശസ്തി എന്നിവ വിശകലനം ചെയ്ത് ആസ്വാദനക്കുറിപ്പ് തയ്യാറാക്കുക
Answer:
അയ്യപ്പപ്പണിക്കരുടെ “കാടെവിടെ മക്കളേ കവിതകൾക്കും പ്രകൃതിയോടുള്ള സ്നേഹവും മനുഷ്യജീവിതവും പ്രകൃതിയും തമ്മിലുള്ള ബന്ധവും പ്രകടമാക്കുന്നു. കവിതയിൽ കാട്ടിലെ കുളിരുള്ള പുൽത്തകിടികൾ, പായൽച്ചുരുൾ, കടലോരം തുടങ്ങിയ പ്രകൃതിദൃശ്യങ്ങൾ ലളിതവും മനോഹരവുമായ ഭാഷയിൽ ഉന്നയിക്കപ്പെടുന്നു. ഓരോ വരിയും വായനക്കാരനെ പ്രകൃതിയുടെ സൗന്ദര്യത്തിലേക്ക് ആകർഷിക്കുന്നു. അതോടൊപ്പം തന്നെ അവയെല്ലാം നഷ്ടപ്പെട്ടുപോയി എന്ന് കവി ഓർമിപ്പിക്കുകയും ചെയ്യുന്നു. നന്മയുടെയും സമൃദ്ധിയുടെയും ചില ദൃശ്യങ്ങളാണ് കവി നഷ്ടസൂചകമായി കാണിച്ചിരിക്കുന്നത് എന്ന് ഓർക്കണം ഇന്നത്തെ കാലഘട്ടത്തിൽ മനുഷ്യന്റെ പ്രകൃതിനാശവും അതിന്റെ പ്രത്യാഘാതവും വളരെ പ്രസക്തമാണ്, അതിനാൽ കവിതയുടെ സന്ദേശം ഇന്നും അതീവ പ്രസക്തമാണ്. ഭാഷയുടെ ലാളിത്യവും ചിത്രഭംഗിയും ചേർന്ന് ഈ കവിത പ്രകൃതിയോടുള്ള ബോധവൽക്കരണവും ആഴത്തിലുള്ള ആസ്വാദനാനുഭവവും നൽകുന്ന ഒരു സൃഷ്ടിയാണ്.