After completing the syllabus, Class 5 Social Science Question Paper Kerala Syllabus Set 1 Malayalam Medium test students’ understanding.
സമയം: 2 മണിക്കൂർ 15 മിനിട്ട്
നിർദേശങ്ങൾ
- ആകെ സമയത്തിന്റെ ആദ്യത്തെ 15 മിനിറ്റ് സമാശ്വാസ സമയമാണ്. ഈ സമയം ചോദ്യങ്ങൾ വായിച്ച് മനസ്സിലാക്കാനും ഉത്തരങ്ങൾ ആസൂത്രണം ചെയ്യാനും ഉപയോഗിക്കുക.
- ചോദ്യങ്ങൾക്ക് ഉത്തരം എഴുതണം. ചോദ്യങ്ങളിലെ ഉപചോദ്യങ്ങൾക്കെല്ലാം ഉത്തരം എഴുതണം.
ഒന്നാമത്തെ ചോദ്യത്തിന് 1(A), 1(B) എന്നീ ഭാഗങ്ങൾ ഉണ്ട്. 1(A), 1(B) എന്നിവയിൽ ഏതെങ്കിലും ഒന്ന് പൂർണ്ണമായും എഴുതിയാൽ മതിയാകും.
Question 1.
(A) സ്വയം ഭ്രമണം ചെയ്യുകയും സൂര്യനെ ചുറ്റുകയും ചെയ്യുന്ന ആകാശഗോളങ്ങളാണ് ഗ്രഹങ്ങൾ.
a) ഗ്രഹങ്ങളെ അവയുടെ സ്വഭാവസവിശേഷതകളുമായി പൊരുത്തപ്പെടുത്തുക.
| ഗ്രഹങ്ങൾ | സവിശേഷത |
| ഭൂമി | സൂര്യനോട് ഏറ്റവും അടുത്ത് സ്ഥിതിചെയ്യുന്ന ഗ്രഹം |
| ബുധൻ | ജീവൻ നിലനിൽക്കുന്ന ഒരേ ഒരു ഗ്രഹം |
| നെപ്ട്യൂൺ | ഏറ്റവും തണുപ്പുളള ഗ്രഹം |
| യുറാനസ് | സൂര്യനിൽ നിന്ന് ഏറ്റവും അകലെ സ്ഥിതി ചെയ്യുന്ന ഗ്രഹം |
Answer:
| ഗ്രഹങ്ങൾ | സവിശേഷതകൾ |
| ബുധൻ | സൂര്യനോട് ഏറ്റവും അടുത്ത് സ്ഥിതിചെയ്യുന്ന ഗ്രഹം |
| ഭൂമി | ജീവൻ നിലനിൽക്കുന്ന ഒരേ ഗ്രഹം |
| യുറാനസ് | ഏറ്റവും തണുപ്പുള്ള ഗ്രഹം |
| നെപ്ട്യൂൺ | സൂര്യനിൽ നിന്ന് ഏറ്റവും അകലെ സ്ഥിതിചെയ്യുന്ന ഗ്രഹം |
b) വലുപ്പത്തിൽ രണ്ടാം സ്ഥാനമുളള ഗ്രഹം?
Answer:
ശനി
അല്ലെങ്കിൽ
B. കുട്ടികളുടെ സുരക്ഷയ്ക്കായി നമ്മുടെ ഭരണഘടന അവർക്ക് ചില അവകാശങ്ങൾ ഉറപ്പുനൽകുന്നു.
a) പോക്സോ ആക്ട് 2012 വിശദീകരിക്കുക.
Answer:
ലിംഗപദവി വ്യത്യാസം ഇല്ലാതെ കുട്ടികൾക്കെതിരെയുള്ള ലൈംഗിക അതിക്രമങ്ങളിൽ നിന്ന് അവരെ സംരക്ഷിക്കുന്നതിനായി നിലവിൽ വന്ന നിയമമാണ് പോക്സോ ആക്ട് (ലൈംഗിക കുറ്റകൃത്യങ്ങളിൽ നിന്നും കുട്ടികളെ സംരക്ഷിക്കുന്നതിനുള്ള നിയമം) 2012. അന്താരാഷ്ട്രതലത്തിൽ 1989ൽ നിലവിൽ വന്ന കുട്ടികളുടെ അവകാശ ഉടമ്പടിയെ അംഗീകരിച്ചുകൊണ്ടാണ് ഇന്ത്യാഗവൺമെന്റ് ഈ നിയമം നടപ്പിലാക്കിയിട്ടുള്ളത്.
b) താഴെ കൊടുത്തിരിക്കുന്നവ പൊരുത്തപ്പെടുത്തുക
| ബാലവേല നിരോധന നിയമം | 2015 |
| വിദ്യാഭ്യാസ അവകാശ നിയമം | 2012 |
| ബാലനീതി നിയമം | 1986 |
| പോക്സോ ആക്ട് | 2009 |
Answer:
| ബാലവേല നിരോധന നിയമം | 1986 |
| വിദ്യാഭ്യാസ അവകാശ നിയമം | 2009 |
| ബാലനീതി നിയമം | 2015 |
| പോക്സോ ആക്ട് | 2012 |
Question 2.
ദാരിദ്ര്യ നിർമ്മാർജ്ജനത്തിനും സാമൂഹിക അസമത്വം കുറയ്ക്കുന്നതിനുമായി കേന്ദ്രസംസ്ഥാന സർക്കാ രുകളും തദ്ദേശ സ്വയംഭരണ സ്ഥാപനങ്ങളും നിരവധി പദ്ധതികളും പരിപാടികളും നടപ്പിലാക്കുന്നുണ്ട്. താഴെ കൊടുത്തിരിക്കുന്ന പട്ടിക പൂർത്തിയാക്കുക.
| ഗുണഭോക്താകൾ | പദ്ധതികൾ | സവിശേഷതകൾ |
| ഗ്രാമപ്രദേശങ്ങളിൽ 18 വയസ്സ് പൂർത്തിയായവർക്ക് | മഹാത്മാഗാന്ധി ദേശീയ ഗ്രാമീണ തൊഴിൽ പദ്ധതി | (i) |
| (ii) | ലൈഫ് മിഷൻ | വീട് നൽകുക |
| പട്ടികജാതി വിഭാഗത്തിലെ കുട്ടികൾ | (iii) | പട്ടികജാതി വിഭാഗത്തിലെ കുട്ടികൾക്ക് ഇത് മികച്ച പഠന വിഭവങ്ങൾ നൽകുന്നു. |
| (iv) | തീരമൈത്രി | മത്സ്യത്തൊഴിലാളി സ്ത്രീകളുടെ സാമ്പത്തികവും സാമൂഹികവുമായ ഉന്നമനം. |
| 21 നും 55 നും ഇടയിൽ പ്രായമുള്ള ഭിന്നശേഷിയുള്ള വ്യക്തികൾ | കൈവല്യ | (v) |
Answer:
i. ഓരോ കുടുംബത്തിനും ഒരു സാമ്പത്തിക വർഷത്തിൽ പരമാവധി 100 തൊഴിൽ ദിനങ്ങൾ നൽകുന്നു.
ii. താഴ്ന്ന വരുമാനമുള്ള കുടുംബങ്ങൾ, ഭവനരഹിതർ, ദരിദ്ര ഭവനങ്ങളിൽ താമസിക്കുന്നവർ.
iii. വിദ്യാവാഹിനി
iv. മത്സ്യത്തൊഴിലാളി സ്ത്രീകൾ
v. അവസര സമത്വം
Question 3.
സമൂഹത്തിലെ ഓരോ വ്യക്തിക്കും മെച്ചപ്പെട്ട ജീവിതവും സംരക്ഷണവും ഉറപ്പാക്കാൻ നിയമങ്ങൾ അത്യാവശ്യമാണ്.
a) നിയമം എന്നാൽ എന്താണ്?
Answer:
സമൂഹത്തിന്റെ നിലനില്പിനും സുഗമമായ പ്രവർത്തനങ്ങൾക്കും വേണ്ടി ഏർപ്പെടുത്തുന്ന അംഗീകരി ക്കപ്പെട്ട നിയന്ത്രണങ്ങളും വ്യവസ്ഥകളുമാണ് നിയമം.
b) നിയമത്തിന്റെ ഏതെങ്കിലും 4 പ്രധാന സ്രോതസ്സുകൾ എഴുതുക.
Answer:
പൊതു ജനാഭിപ്രായം, നിയമനിർമ്മാണസഭ, കോടതി, സാമൂഹിക വഴക്കങ്ങൾ
Question 4.
കേരളത്തിന്റെ ഭൂപ്രകൃതിയിൽ കുന്നുകൾ, കടൽത്തീരങ്ങൾ, ജലാശയങ്ങൾ തുടങ്ങിയ വൈവിധ്യമാർന്ന ഭൂമിശാസ്ത്രപരമായ സവിശേഷതകൾ ഉൾപ്പെടുന്നു.
a) കേരളത്തിന്റെ മൂന്ന് ഭൂപ്രകൃതി വിഭാഗങ്ങൾ വിശദീകരിക്കുക.
Answer:
മലനാട്: സമുദ്രനിരപ്പിൽ നിന്ന് ഏകദേശം 75 മീറ്ററിനു മുകളിൽ സ്ഥിതിചെയ്യുന്നതും കുന്നുകളും മലകളും പർവതവും ഉൾപ്പെടുന്നതുമായ ഭൂപ്രകൃതി വിഭാഗമാണിത്. ഉയർന്നതോതിൽ മഴ ലഭിക്കുന്നതും പൊതുവെ ഹരിതാഭവുമായ പ്രദേശമാണ് മലനാട്. കേരളത്തിലെ 44 നദികളും ഉത്ഭവിക്കുന്നത് ഈ ഭൂപ്രകൃതിവിഭാഗത്തിൽ നിന്നാണ്.
ഇടനാട്: മലനാടിനും തീരപ്രദേശത്തിനും ഇടയിലായി സ്ഥിതിചെയ്യുന്ന ഭൂപ്രകൃതിവിഭാഗമാണ് ഇടനാട്. സമുദ്രനിരപ്പിൽ നിന്ന് 7.5 മീറ്റർ മുതൽ 75 മീറ്റർ വരെയാണ് ഈ പ്രദേശത്തിന്റെ ഉയരം. ചെറുകുന്നുകളും താഴ്വരകളും നദീതടങ്ങളുമൊക്കെയാണ് ഇടനാടിന്റെ സവിശേഷതകൾ.
തീരപ്രദേശം: തീരപ്രദേശം ലക്ഷദ്വീപ്കടലിനോട് ചേർന്നുകാണുന്ന ഭൂപ്രകൃതി വിഭാഗമാണിത്. കടൽത്തീരത്തോട് അടുത്തുസ്ഥിതിചെയ്യുന്ന ഈ പ്രദേശത്തിന് സമുദ്രനിരപ്പിൽ നിന്ന് 7.5 മീറ്റർ വരെയാണ് ഉയരം.
b) കേരളത്തിലെ മഴക്കാലം വിശദീകരിക്കുക.
Answer:
കാലത്തിന്റെ മാറ്റത്തിനനുസരിച്ച് ഗതിമാറി വീശുന്ന കാറ്റുകളാണ് മൺസൂൺ കാറ്റുകൾ. ജൂൺസെപ്റ്റംബർ മാസങ്ങളിൽ ഭൂമധ്യരേഖയ്ക്ക് വടക്ക് ഇന്ത്യൻ സമുദ്രത്തിൽ തെക്കുപടിഞ്ഞാറ് ദിശയിൽ നിന്നും മാതൃകാ ചോദ്യപേപ്പർ 5 കരയിലേക്ക് വീശുന്ന മഴക്കാറ്റുകളാണ് തെക്കുപടിഞ്ഞാറൻ മൺസൂൺ കാറ്റുകൾ. കടലിൽ നിന്നും വീശുന്നതിനാൽ ഇവ ഈർപ്പവാഹിനികളാണ്. കരയിലേക്ക് പ്രവേശിക്കുന്ന ഈ കാറ്റുകളെ പശ്ചിമഘട്ടമലനിരകൾ തടഞ്ഞ് നിർത്തുന്നു. ഇതിന്റെ ഫലമായി കേരളം ഉൾപ്പെടുന്ന പടിഞ്ഞാറൻ തീരങ്ങളിൽ ഉയർന്ന തോതിൽ മഴ ലഭിക്കുന്നു. ഇതാണ് തെക്കുപടിഞ്ഞാറൻ മൺസൂൺ. കേരളത്തിൽ ഈ മഴക്കാലം “കാലവർഷം’ എന്നറിയപ്പെടുന്നു. ഒക്ടോബർ, നവംബർ മാസങ്ങളിൽ മൺസൂൺ കാറ്റുകൾ നേർവിപരീതദിശയിൽ വടക്കുകിഴക്കു നിന്നും വീശുന്നു. ഈ കാറ്റുകൾ വടക്കുകിഴക്കൻ മൺസൂൺ കാറ്റുകൾ എന്നറിയപ്പെടുന്നു. ഈ കാറ്റുകളുടെ ഒരു ഭാഗം ബംഗാൾ ഉൾക്കടലിന് മുകളിലൂടെ കടന്നുപോകുന്നതിനാൽ ഈർപ്പപൂരിതമാവുകയും ഇന്ത്യയുടെ തെക്കൻ സംസ്ഥാനങ്ങളിൽ പലയിടങ്ങളിലും മഴയ്ക്ക് കാരണമാവുകയും ചെയ്യുന്നു. ഈ മഴക്കാലം കേരളത്തിൽ തുലാവർഷം എന്നറിയപ്പെടുന്നു.
അഞ്ചാമത്തെ ചോദ്യത്തിന് 5(A), 5(B) എന്നീ ഭാഗങ്ങൾ ഉണ്ട്. 5(A), 5(B) എന്നിവയിൽ ഏതെങ്കിലും ഒന്ന് പൂർണ്ണമായും എഴുതിയാൽ മതിയാകും.
Question 5.
A. ആശയവിനിമയം എന്നത് ഒരു സ്ഥലത്തു നിന്നോ വ്യക്തിയിൽ നിന്നോ മറ്റൊരു സ്ഥലത്തേക്ക് വ്യക്തിയിലേക്ക് വിവരങ്ങൾ കൈമാറുന്നതിനെയാണ്.
a) വ്യക്തിഗത ആശയവിനിമയവും, ബഹുജന ആശയവിനിമയവും ഉദാഹണസഹിതം വേർതിരിക്കുക.
Answer:
| വ്യക്തിഗത ആശയവിനിമയം | ബഹുജന ആശയവിനിയമം |
| ഒരു വ്യക്തിയിൽ നിന്ന് മറ്റൊരു വ്യക്തിയിലേക്ക് സന്ദേശങ്ങളോ ആശയങ്ങളോ വിനിമയം ചെയ്യുന്നത്. | ഒരു സന്ദേശമോ ആശയമോ വലിയൊരു ജനവിഭാഗത്തിലേക്ക് എത്തിക്കുന്നത്. |
| ഉദാ: ടെലഗ്രാഫ്, ടെലിഫോൺ, ഇമെയിൽ | ഉദാ:പൊതുയോഗം, സെമിനാർ, തെരുവുനാടകം |
b) പ്രാചീനകാലത്ത് ആശയവിനിമയത്തിനായി ആദിമമനുഷ്യർ ഏതു മാർഗങ്ങളാണ് ഉപയോഗിച്ചിരുന്നത്?
Answer:
ആദിമമനുഷ്യർ ശരീരമുഖ ചലനങ്ങളിലൂടെയും ശബ്ദങ്ങളിലൂടെയും ആശയങ്ങൾ പ്രകടിപ്പിച്ചിരുന്നു. പിന്നീട് അവർ ദൂരെ സ്ഥലങ്ങളിലുള്ളവരുമായി ആശയം കൈമാറാൻ തീയും പുകയും അടയാളങ്ങളായി ഉപയോഗിച്ചു.
അല്ലെങ്കിൽ
B. ഋതുക്കൾക്കനുസരിച്ച് അന്തരീക്ഷത്തിലും പ്രകൃതിയിലും മാറ്റങ്ങൾ സംഭവിക്കുന്നു.
a) ദിനാന്തരീക്ഷസ്ഥിതിയും കാലാവസ്ഥയും തമ്മിലുള്ള വ്യത്യാസം എന്താണ്?
Answer:
ഒരു പ്രദേശത്ത് നിശ്ചിത സമയത്ത് അനുഭവപ്പെടുന്ന അന്തരീക്ഷ അവസ്ഥയാണ് ദിനാന്തരീക്ഷസ്ഥിതി. ദീർഘകാലമായി ഒരു പ്രദേശത്ത് അനുഭവപ്പെടുന്ന ദിനാന്തരീക്ഷസ്ഥിതിയുടെ ശരാശരിയാണ് കാലാവസ്ഥ.
b) ഭൂമിയുടെ രണ്ട് പ്രധാന ചലനങ്ങളായ ഭ്രമണത്തെയും പരിക്രമണത്തെയും അടിസ്ഥാനമാക്കി പട്ടിക തയ്യാറാക്കുക.
Answer:
c) ഭൂമി ഒരു ഭ്രമണം പൂർത്തിയാക്കാൻ എത്ര സമയമെടുക്കും?
Answer:
23 മണിക്കൂർ 56 മിനിട്ട് 4 സെക്കന്റ് സമയം ആവശ്യമാണ്. ഇതാണ് ഒരു ദിവസം.
Question 6.
a) തുണി നിർമ്മാണത്തിന്റെ ചരിത്രം താഴെ കൊടുത്തിരിക്കുന്നു. വികസനത്തിന്റെ ഘട്ടങ്ങൾക്കനുസരിച്ച് അവയെ ക്രമീകരിക്കുക.
നീളമുള്ള നൂലുകൾ നിർമ്മിക്കാൻ വിവിധ നാരുകൾ ഉപയോഗിച്ചു.
പ്രകൃതിദത്ത വസ്തുക്കളിൽ നിന്ന് തുണികൾ നിർമ്മിച്ചു.
നെയ്ത്ത് യന്ത്രത്തിന്റെ കണ്ടുപിടുത്തം.
നെയ്ത്ത് ഉപകരണങ്ങളുടെ കണ്ടുപിടുത്തം
Answer:
- പ്രകൃതിദത്ത വസ്തുക്കളിൽ നിന്ന് തുണികൾ നിർമ്മിച്ചു
- നീളമുള്ള നൂലുകൾ നിർമ്മിക്കാൻ വിവിധ നാരുകൾ ഉപയോഗിച്ചു
- നെയ്ത്ത് ഉപകരണങ്ങളുടെ കണ്ടുപിടുത്തം
- നെയ്ത്ത് യന്ത്രത്തിന്റെ കണ്ടുപിടുത്തം.
b) തുണി നിർമ്മാണ ചരിത്രത്തെക്കുറിച്ച് താഴെ പറയുന്നവയിൽ നിന്ന് ശരിയായ പ്രസ്താവനകൾ കണ്ടെത്തുക.
1. വസ്ത്രങ്ങൾ നിർമ്മിക്കാൻ ഉപയോഗിക്കുന്ന പ്രകൃതിദത്ത നാരാണ് റയോൺ.
2. ഇന്ത്യക്കാർ തങ്ങളുടെ മിച്ച തുണിത്തരങ്ങൾ വിൽക്കാൻ വിപണികൾ തേടി ലോകത്തിന്റെ വിവിധ ഭാഗങ്ങളിലേക്ക് യാത്ര ചെയ്തു.
3. വസ്ത്രങ്ങൾക്ക് നിറം നൽകാൻ കൃത്രിമ ചായങ്ങൾ ഉപയോഗിച്ചു.
4. സ്പിന്നിംഗ് ജെന്നിയുടെ കണ്ടുപിടുത്തം തുണി ഉൽപാദന മേഖലയിൽ വലിയ മാറ്റങ്ങൾ വരുത്തി.
i. 1 ഉം 2 ഉം ശരിയാണ്
ii. 2 ഉം 3 ഉം ശരിയാണ്
iii. 3 ഉം 4 ഉം ശരിയാണ്
iv. 1 ഉം 4 ഉം ശരിയാണ്
Answer:
iii. 3 ഉം 4 ഉം ശരിയാണ്