During exam preparation, Class 5 Malayalam Adisthana Padavali Question Paper Pdf Set 3 guide students properly.
Class 5 Malayalam Adisthana Padavali Model Question Paper Set 3
സമയം : 2 മണിക്കൂർ 15 മിനിറ്റ്
നിർദേശങ്ങൾ
- മൂല്യനിർണ്ണയ പ്രവർത്തനങ്ങൾ ആരംഭിക്കുന്നതിനു മുമ്പ് പതിനഞ്ചു മിനിട്ട് സമാശ്വാസ സമയമാണ്. ഈ സമയം ചോദ്യങ്ങൾ നന്നായി വായിച്ചു മനസ്സിലാക്കണം.
- ആറു ചോദ്യങ്ങൾക്ക് ഉത്തരമെഴുതിയാൽ മതി.
- എല്ലാ ഉപചോദ്യങ്ങൾക്കും ഉത്തരം എഴുതണം.
Question 1.
വായിക്കാം എഴുതാം.
ഏതൊരു രാജ്യത്തിന്റെയും വികസനത്തിന്റെ രഹസ്യം അവിടുത്തെ ജനങ്ങളുടെ ഉത്സാഹവും കർമ്മശേ ഷിയുമാണ്. അത്തരമൊരു രാഷ്ട്രത്തിൽ കായിക വിനോദങ്ങൾക്ക് മറ്റെന്തിനേക്കാളും പ്രാധാന്യം നൽകി യിരിക്കും. “ആരോഗ്യ ശരീരത്തിൽ ആരോഗ്യ മനസ്സ്” എന്ന ആദർശം ആണ് ആധുനിക കാലത്ത് എല്ലാ രാജ്യങ്ങളും പിൻതുടരുന്നത്. എല്ലാ മേഖലകളിലും പ്രത്യേകിച്ച് ആരോഗ്യപൂർണ്ണമായ ഒരു ജനതയെ വാർത്തെടുക്കുന്ന കാര്യത്തിൽ ഏഷ്യൻ രാജ്യങ്ങൾ ശ്രദ്ധ പുലർത്തി. അതിന്റെ തുടക്കമാണ് ആദ്യത്തെ ഏഷ്യാഡ്. 1951 മാർച്ച് നാലാം തീയതി ഡൽഹിയിലാണ് പ്രഥമ ഏഷ്യാഡ് അരങ്ങേറിയത്. അന്നത്തെ ഇന്ത്യൻ പ്രസിഡണ്ടായിരുന്ന ഡോ.രാജേന്ദ്ര പ്രസാദാണ് ആദ്യ ഏഷ്യാഡിന് തിരി കൊളുത്തിയത്. പതി നൊന്നു രാജ്യങ്ങൾ അതിൽ പങ്കെടുത്തു. ഏഷ്യയിലെ ജനങ്ങളെയെല്ലാം ഒരു കുടക്കീഴിൽ അണിനിര ത്താനും, ഭാഷ, വേഷം, സംസ്കാരം എന്നിവയുടെ അതിർവരമ്പുകൾ മറികടന്ന് അവരെ ഒന്നിപ്പിക്കുന്ന ഒരു വേദിയൊരുക്കാനും ഏഷ്യൻ ഗെയിംസിനു കഴിഞ്ഞു.
(a) ഏതൊരു രാജ്യത്തിന്റെയും വികസനത്തിന്റെ രഹസ്യം എന്താണ്?
A. അവിടുത്തെ ജനങ്ങളുടെ പിന്തുണ
B. അവിടുത്തെ ജനങ്ങളുടെ ചിന്തകൾ
C. അവിടുത്തെ ജനങ്ങളുടെ ഉത്സാഹവും കർമ്മശേഷിയും
D. അവിടുത്തെ ജനങ്ങളുടെ സ്ഥിരോത്സാഹം
Answer:
C. അവിടുത്തെ ജനങ്ങളുടെ ഉത്സാഹവും കർമ്മശേഷിയും
(b) ആധുനിക കാലത്ത് എല്ലാ രാജ്യങ്ങളും പിൻതുടരുന്ന ആദർശവാക്യമേത്?
A. ആരോഗ്യമനസ്സിൽ ആരോഗ്യശരീരം
B. ആരോഗ്യശരീരത്തിൽ ആരോഗ്യമനസ്സ്
C. ആരോഗ്യഹൃദയത്തിൽ ആരോഗ്യശരീരം
D. ആരോഗ്യശരീരത്തിൽ ആരോഗ്യമസ്തിഷ്കം
Answer:
B. ആരോഗ്യശരീരത്തിൽ ആരോഗ്യമനസ്സ്
(c) ആരോഗ്യപൂർണ്ണമായ ജനതയെ വാർത്തെടുക്കാൻ ഏഷ്യൻ രാജ്യം നടത്തിയ തുടക്കം.
A. ഏഷ്യാഡ്
B. ക്രിക്കറ്റ്
C. ഒളിമ്പിക്സ്
D. ഫുട്ബോൾ
Answer:
A. ഏഷ്യാഡ്
(d) ആദ്യ ഏഷ്യാഡിന് തിരി കൊളുത്തിയതാര്?
A. മഹാത്മാഗാന്ധി
B. ജവാഹർലാൽ നെഹ്രു
C. സരോജിനി നായിഡു
D. ഡോ. രാജേന്ദ്രപ്രസാദ്
Answer:
D. ഡോ. രാജേന്ദ്രപ്രസാദ്
Question 2.
(a) കളിയനുഭവം
“കാട്ടിലെ കളികൾ’ എന്ന പാഠം കൂട്ടുകാർ പഠിച്ചുവല്ലോ. ഏതെങ്കിലും ഒരു നാടൻ കളിയെക്കുറിച്ച് നിങ്ങളുടെ അനുഭവക്കുറിപ്പ് പങ്കു വെയ്ക്കുക.
Answer:
ഇപ്പോൾ നമ്മുടെ സമൂഹത്തിൽ നാം കേട്ടിട്ടില്ലാത്ത തരത്തിലുള്ള ചില കളികളുമുണ്ട്. എന്നാൽ “കുളം കര’ എന്ന നാടൻകളി അനുഭവം വിവരിക്കാം. കുട്ടികൾ ഒരു വൃത്തത്തിൽ നിന്നും കളിക്കുന്നു. അതിൽ വൃത്തം ‘കുളം’ എന്നും പുറത്തുള്ള സ്ഥലം “കര’ എന്നും സങ്കൽപ്പിക്കുന്നു. ഒരാൾ കുളം എന്നുപറ യുമ്പോൾ കുട്ടികൾ വൃത്തത്തിനുള്ളിലേക്കും “കര’ എന്നു പറയുമ്പോൾ പുറത്തേയ്ക്ക് ചാടണം. നേതാവ് പറയുന്നതിന് തെറ്റായി ചാടുന്നവർ കളിയിൽ നിന്ന് പുറത്താവുകയും അവസാനമായി നിൽക്കു ന്നയാൾ വിജയിക്കുകയും ചെയ്യുന്നു. ഞങ്ങൾ കുട്ടികൾ എല്ലാവരും ചേർന്ന് സ്ഥിരമായി കളിയ്ക്കുന്ന കളിയാണ് “കുളംകര’. നേതാവ് വൃത്തത്തിനുള്ളിൽ നിന്നാണ് പറയുന്നതും കളി നിയന്ത്രിക്കുന്നതും. രണ്ടോ അതിലധികമോ കുട്ടികൾക്ക് ഈ കളിയിൽ പങ്കെടുക്കാൻ സാധിക്കും.
(b) കണ്ണനും കൂട്ടുകാരും ആര് പാടുമ്പോഴാണ് കൂടെ പാടുന്നത്?
A. കേകി
B. കോഴി
C. അന്നങ്ങൾ
D. കോകിലം
Answer:
D. കോകിലം
(c) കണ്ണനും കൂട്ടുകാരും ആര് നടക്കുന്നതിന് പിന്നാലെയാണ് നടന്നത്?
A. കോകിലം
C. കേകി
B. അരയന്നം
D. കുരങ്ങൻ
Answer:
B. അരയന്നം
ചുവടെ തന്നിരിക്കുന്ന 3A, 3B എന്നീ രണ്ടു ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതുക.
Question 3.
(A) ഡയറി
“ജോലിയ്ക്ക് വരുമ്പോൾ കുട്ടികളെ കൊണ്ടു വരരുതെന്ന് പറഞ്ഞിട്ടില്ലേ’ – മുത്തശ്ശി ഒരു കഥ തുടങ്ങുന്നു എന്ന പാഠത്തെ ആസ്പദമാക്കി ഉണ്ണിക്കണ്ണന്റെ ഡയറിക്കുറിപ്പെഴുതുക.
Answer:
തിങ്കൾ
2/8/2025
ഇന്നത്തെ ദിവസം വിഷമിച്ച ഒരു ദിവസമാണ്. രാവിലെ മുതൽ ഊഞ്ഞാലിലാടാൻ ആഗ്രഹമുണ്ട്. എന്നാൽ മുത്തശ്ശിയോടിക്കാര്യം പറഞ്ഞപ്പോൾ “അമ്മ വരുമ്പം കൊണ്ടാരും മോനേ’ എന്നാണ് പറഞ്ഞത്. അമ്മ ജോലിക്കു നിൽക്കുന്ന വീട്ടിൽ ഞാനിന്ന് പോയി വലിയ ഓടിട്ടൊരു മാളിക വീട്ടിലാണ് അമ്മയ്ക്ക് ജോലി. എപ്പോഴും അടഞ്ഞു കിടക്കുന്ന ഇരുമ്പു ഗേറ്റിന്റെ ഇരുവശങ്ങളിലും പല്ലിളിച്ചു കൊണ്ടു നിൽക്കുന്ന സിംഹപ്രതിമയെക്കണ്ടിട്ട് എനിക്ക് പേടിയൊന്നും തോന്നിയില്ല. എന്നാൽ ഗേറ്റ് കടന്ന് അകത്തേക്ക് ചെന്ന പ്പോഴോ ഒരു മനോഹരമായ പൂന്തോട്ടം കണ്ടിട്ടും കണ്ടിട്ടും മതി വന്നില്ല. എന്നാൽ പൂന്തോപ്പിനകത്തു നിന്നും ഒരു ശബ്ദം കേട്ടു. “ജോലിയ്ക്ക് വരുമ്പോൾ കുട്ടിയെ കൊണ്ടുവരരുതെന്ന് പറഞ്ഞിട്ടില്ലേ?” ഇതു കേട്ടപ്പോൾ തന്നെ എന്റെ ഹൃദയം തകർന്നു. എന്തിനാണ് ഇവരൊക്കെ ഇങ്ങനെ പെരുമാറുന്നത്? ഇതൊക്കെ മാറേണ്ട ചിന്താഗതിയല്ലേ? ഇതുകേട്ടപ്പോൾ മുതൽ ഞാൻ വിഷമിച്ചിരിക്കുകയാണ്.
അല്ലെങ്കിൽ
(B) നോട്ടീസ്
“റ്റോമോയിലെ കായികമേള’ എന്ന പാഠഭാഗം പരിചയപ്പെട്ടല്ലോ. നിങ്ങളുടെ പഞ്ചായത്തിൽ നടക്കുന്ന കായികമേളയുമായി ബന്ധപ്പെട്ട ഒരു നോട്ടീസ് തയ്യാറാക്കുക.
Answer:
ചുവടെ തന്നിരിക്കുന്ന 4A, 4B എന്നീ ചോദ്യങ്ങൾക്ക് ഏതെങ്കിലും ഒന്നിനു മാത്രം ഉത്തരം എഴുതുക.
Question 4.
(A) ആസ്വാദനക്കുറിപ്പ്
ചുവടെ തന്നിരിക്കുന്ന മനോപടത്തിന്റെ സഹായത്തോടെ “പരുക്കേറ്റ കുട്ടി’ എന്ന കവിതയ്ക്ക് ഒരു ആസ്വാ ദനക്കുറിപ്പ് തയ്യാറാക്കുക.
Answer:
കുമാരനാശാന്റെ പുഷ്പവടി എന്ന കൃതിയിൽ നിന്നെടുത്ത പരുക്കേറ്റ കുട്ടി’ എന്ന പാഠഭാഗത്തിലെ കുട്ടി പനിനീർ പൂങ്കുല നുള്ളാനും അതിനെ ആസ്വദിക്കാനും ചെല്ലുമ്പോഴാണ് മുള്ളുകൾ തറയ്ക്കുന്നത്. പനി നീർപൂവിന്റെ സുന്ദരമായ രൂപത്തിൽ മുള്ളുകൾ ഉണ്ട് എന്ന് കുട്ടി പഠിക്കുന്ന പാഠമാണ് അത് എന്ന് അമ്മ തിരിച്ചറിയുന്നു. പൂനുള്ളിയതിനോ കൈ മുറിഞ്ഞതിനോ അമ്മ കുഞ്ഞിനെ കുറ്റപ്പെടുത്തുന്നില്ല. കട്ടിലിൽ നിന്നും മരത്തിൽ നിന്നും വീണു നീറുകയും കയ്യും പൂങ്കവിളും മുറിഞ്ഞിട്ടും അമ്മ കുഞ്ഞിനെ ശകാരിക്കു ന്നില്ല. മനോഹരമായ ജീവിതത്തിന്റെ ആദ്യ പാഠങ്ങൾ സ്നേഹത്തോടെ പങ്കു വയ്ക്കുകയാണ് അമ്മ. ഇവിടെ ഈ മുറിവുകൾ എല്ലാം നിന്റെ ജീവിതത്തിന്റെ ഭൂഷണമായി വരുമെന്നും നീ ഒരിക്കലും കര യുകയോ ഭയക്കുകയോ വേണ്ടയെന്നും അമ്മ പറയുന്നു. ഒപ്പം നിന്റെ ഏതു വീഴ്ചയിലും ഞാൻ നിന്നോ ടൊപ്പം ഉണ്ടാകുമെന്ന വലിയ ചേർത്തു നിർത്തൽ ആകുകയാണ് അമ്മ.
അല്ലെങ്കിൽ
(B) താരതമ്യക്കുറിപ്പ്
മാതാപിതാക്കളുടെ സ്നേഹം ലഭിക്കാതെ പോകുന്ന പുതുതലമുറയെക്കുറിച്ച് നിങ്ങൾ ചിന്തിച്ചിട്ടുണ്ടോ? പുതുതലമുറയിലെ കുട്ടികളെയും പഴയ തലമുറയിലെ കുട്ടികളെയും പറ്റി ഒരു താരതമ്യക്കുറിപ്പ് തയ്യാറാ ക്കുക.
Answer:
ഇത്രയേറെ സ്നേഹം അനുഭവിക്കാൻ ഭാഗ്യം ചെയ്ത നമ്മൾ മാതാപിതാക്കളുടെ സ്നേഹം അനുഭവി ക്കൻ കഴിയാത്തവരെക്കുറിച്ച് ചിന്തിച്ച് നോക്കിയിട്ടുണ്ടോ. അപ്പോൾ മാത്രമാണ് ഈ ഭൂമിയിൽ എത മാത്രം ഭാഗ്യം ചെയ്തവരാണ് നമ്മൾ എന്ന തിരിച്ചറിവ് നമുക്ക് ഉണ്ടാവുകയുള്ളൂ. പുതുതലമുറയിലെ മാതാപിതാക്കൾ ജോലി സംബന്ധമായി വിദേശത്തും മറ്റുമായി കഴിയുകയാണ്. അവരുടെ കുട്ടികളോ നാട്ടിലും. വേണ്ട സമയത്ത് അവരുടെ സ്നേഹം ഈ കുട്ടികൾക്ക് കിട്ടാതെ പോകുന്നു. എന്നാൽ പഴയ തലമുറയിലെ മാതാപിതാക്കൾ അവരുടെ കൂടെത്തന്നെ ഉണ്ടായിരുന്നതുകൊണ്ട് അവരുടെ ദൈനംദിന കാര്യങ്ങൾ വിലയിരുത്തി അവരെ നേർവഴിക്ക് നടക്കാൻ സഹായിച്ചിരുന്നു. പുതുതലമുറയിലെ മാതാപി താക്കൾ അവരുടെ മക്കളുടെ നല്ല ജീവിതത്തിനായിട്ടാണ് വിദേശരാജ്യങ്ങളിൽ കഴിയുന്നത്. എന്നിരു ന്നാൽ തന്നെയും കുട്ടികളുടെ ജീവിതകാലഘട്ടത്തിൽ അവരുടെ വ്യക്തിത്വ വികസനത്തിനും, മാനസിക മായ അവരുടെ അഭിവൃദ്ധിക്കും മാതാപിതാക്കൾ കൂടെ ഉണ്ടാകേണ്ടത് അനിവാര്യമാണ്. പഴയ തലമുറ യിലെ കുട്ടികൾക്ക് അത് വേണ്ടുവോളം ലഭിച്ചിരുന്നു.
Question 5.
പോസ്റ്റർ
ജൂൺ 19
വായനദിനത്തോടനുബന്ധിച്ച് ഒരു പോസ്റ്റർ തയ്യാറാക്കുക.
Answer:
Question 6.
തത്സമയ വിവരണം
കളിക്കാരുടെ വേഗതയും കാണികളുടെ ആരവവും പങ്കുവെയ്ക്കുന്ന കളിയുടെ വിവരണം ആവേശകര മാണ്, നിങ്ങൾക്ക് ഇഷ്ടപ്പെട്ട ഒരു മത്സരത്തിന്റെ തത്സമയ വിവരണം അവതരിപ്പിക്കുക.
Answer:
“ഇതാ! കബഡി കളി ഉടൻ ആരംഭിക്കുകയാണ്. രണ്ട് ടീമുകൾ തമ്മിലാണ് മത്സരം. കളിക്കാർ വളരെ ആവേശത്തിലാണ് കളിക്കുന്നത്. ഇതാ ആദ്യ ടീമിൽ നിന്നും അഭിനവ് കബഡി കബഡി എന്ന് ആവർത്തിച്ചു പറഞ്ഞ് എതിർടീമിന്റെ ഭാഗത്തേക്ക് ഓടുന്നു. ഇതാ എതിർ ടീമിലെ കളിക്കാർ അഭിനവിനെ പിടിച്ചു വെയ്ക്കാൻ ശ്രമിക്കുകയാണ്. അഭിനവ് എതിർക്കാൻ ശ്രമിക്കുന്നുണ്ടെങ്കിലും ശക്തമായ ഒരു ടീം തന്നെ യാണ് എതിർ ടീം. ഇതാ റൈഡ് നടത്താൻ വന്ന അഭിനവ് പരാജയപ്പെടുകയാണ് സുഹൃത്തുക്കളേ!