During exam preparation, Class 5 Malayalam Adisthana Padavali Question Paper Pdf Set 4 guide students properly.
Class 5 Malayalam Adisthana Padavali Model Question Paper Set 4
സമയം : 2 മണിക്കൂർ 15 മിനിറ്റ്
നിർദേശങ്ങൾ
- മൂല്യനിർണ്ണയ പ്രവർത്തനങ്ങൾ ആരംഭിക്കുന്നതിനു മുമ്പ് പതിനഞ്ചു മിനിട്ട് സമാശ്വാസ സമയമാണ്. ഈ സമയം ചോദ്യങ്ങൾ നന്നായി വായിച്ചു മനസ്സിലാക്കണം.
- ആറു ചോദ്യങ്ങൾക്ക് ഉത്തരമെഴുതിയാൽ മതി.
- എല്ലാ ഉപചോദ്യങ്ങൾക്കും ഉത്തരം എഴുതണം.
Question 1.
വായിക്കാം എഴുതാം.
ദീപാവലി ഒരു വളരെ സന്തോഷകരമായ ഉത്സവമാണ്. ഇത് ഹിന്ദു കലണ്ടർ പ്രകാരം ആശ്വിൻ മാസ ത്തിലെ അമാവാസി ദിവസം ആഘോഷിക്കുന്നു. ഈ ദിവസം ആളുകൾ തങ്ങളുടെ വീടുകൾ അലങ്കരിച്ച്, ദീപങ്ങൾ തെളിയിക്കുകയും, മിഠായികൾ കഴിക്കുകയും ചെയ്യുന്നു. കുട്ടികൾ പടക്കങ്ങൾ പൊട്ടിയ്ക്കുക യും, മധുരം വിതരണം ചെയ്യുകയും ചെയ്യുന്നു. വീട്ടിൽ എല്ലാവരും ലക്ഷ്മി ദേവിയെ പൂജിക്കുകയും ചെയ്യുന്നു. ദീപാവലി ദിവസത്തിൽ ആളുകൾ അവരുടെ സുഹൃത്തുക്കൾക്കും ബന്ധുക്കൾക്കും സമ്മാന ങ്ങൾ നൽകി ആശംസകൾ പ്രകടിപ്പിക്കുന്നു. ഈ ദിവസം ദുഷ്ടനെതിരെ നല്ലതിന്റെ വിജയത്തിന്റെ പ്രതീ
കമാണ്.
(a) ദീപാവലി എപ്പോൾ ആഘോഷിക്കപ്പെടുന്നു?
A. മാഘമാസം
B. ആശ്വിൻ മാസം
C. കാർത്തികമാസം
D. ചൈത്രമാസം
Answer:
B. ആശ്വിൻ മാസം
(b) ദീപാവലിയിൽ ആളുകൾ എന്തു ചെയ്യുന്നു?
A. ഉപവാസം ചെയ്യുന്നു.
B. ദീപങ്ങൾ തെളിയിക്കുന്നു.
C. വെള്ളം കുടിക്കുന്നു.
D. സ്കൂളിൽ പോകുന്നു.
Answer:
B. ദീപങ്ങൾ തെളിയിക്കുന്നു.
(c) ദീപാവലിയിൽ ആരെ പൂജ ചെയ്യുന്നു?
A. ഗണേശൻ
B. ശിവഭഗവാൻ
C. ലക്ഷ്മി ദേവി
D. വിഷ്ണു
Answer:
C. ലക്ഷ്മി ദേവി
(d) ദീപാവലി എന്തിന്റെ പ്രതീകമാണ്?
A. പ്രണയത്തിന്റെ
B. ദീപത്തിന്റെ
C. ദുഷ്ടനെതിരെ നല്ലതിന്റെ വിജയത്തിന്റെ
D. നല്ലതിനെതിരെ ദുഷ്ടന്റെ വിജയത്തിന്റെ
Answer:
C. ദുഷ്ടനെതിരെ നല്ലതിന്റെ വിജയത്തിന്റെ
Question 2.
(a) അനുഭവക്കുറിപ്പ്
ഉണ്ണിക്കണ്ണന് മുത്തശ്ശിയെ ഇഷ്ടമാണ്. മുത്തശ്ശിയുടെ മനസ്സു നിറയെ സ്നേഹമാണെന്നും ഉണ്ണിക്ക് അറിയാം. ഇത്തരത്തിൽ ഒരു സ്നേഹാനുഭവം നിങ്ങൾക്കും ഉണ്ടാവില്ലേ? നിങ്ങളുടെ ഒരു സ്നേഹാനു ഭവം എഴുതൂ.
Answer:
സത്യസന്ധമായ സ്നേഹം ആരിൽ നിന്നു കിട്ടിയാലും അത് മനോഹരമാണ്. സുഹൃത്തുക്കൾ ആകട്ടെ നമ്മളെ ജീവന് തുല്യം സ്നേഹിക്കുന്ന നമ്മുടെ മാതാപിതാക്കൾ ആകട്ടെ അങ്ങനെ സ്നേഹം നമുക്ക് നൽകുന്നവർക്ക് നാം സ്നേഹവും പരിഗണനയും തിരിച്ചു നൽകണം. ഒരു മനുഷ്യന് തന്റെ ആയു സ്സിൽ അതിനുമപ്പുറം ഒന്നും ചെയ്യാനാകില്ല. എനിക്ക് ഒരു മുത്തശ്ശി ഉണ്ടായിരുന്നു. എന്റെ മൂത്തമ്മ. അങ്ങനെയാണ് ഞാൻ വിളിക്കുക. ഞാൻ ആണ് അവരുടെ ആദ്യത്തെ പേരക്കുട്ടി. എനിയ്ക്കായി മൂത്തമ്മ ഒരുക്കുന്നത് ഏറ്റവും രുചിയുള്ള കറികളായിരുന്നു. ആ കറിയുടെ മണം ഇന്നും എന്റെ നാവിലും തലച്ചോറിലും ഉണ്ട്. എന്റെ രസമുകുളങ്ങളെ ഇന്നോളം മറ്റൊരു രുചിയും അത്രമേൽ ത്രസി പ്പിച്ചിട്ടില്ല. എന്നോടുളള സ്നേഹവും വാത്സല്യവും മൂത്തമ്മ നിറച്ചിരുന്നത് ആ രസക്കൂട്ടുകളിൽ ആയി രുന്നു. എനിക്ക് ആ സ്നേഹവും രുചിയും നഷ്ടപ്പെട്ടിട്ട് വർഷങ്ങൾ ആയി എങ്കിലും ഇന്നും എന്റെ ഓർമ്മയിൽ ആ മണവും രുചിയും ഇളംകാറ്റിൽ എന്നപോലെ ഓടിയെത്താറുണ്ട്.
(b) “വീട്ടുവേല ചെയ്യാൻ പോയ അമ്മ തിരിച്ചുവരുമ്പോൾ ഇത്തിരി ചോറും തണുത്താറിയ കറിയും നനഞ്ഞ തൂവാല പോലത്തെ പപ്പടവും ഒക്കെ തിരിച്ചു കൊണ്ടുവരും”. ഇവിടെ ആരുടെ ജീവിതസാ ഹചര്യത്തെക്കുറിച്ചാണ് പറയുന്നത്?
A. അമ്മയുടെ
B. ഉണ്ണിക്കണ്ണന്റെ
C. അച്ഛന്റെ
D. മുത്തശ്ശിയുടെ
Answer:
B. ഉണ്ണിക്കണ്ണന്റെ
(c) ഉണ്ണിക്കണ്ണന്റെ ഏറ്റവും വലിയ ആഗ്രഹം എന്തായിരുന്നു?
A. പന്തുകളി
B. ക്രിക്കറ്റുകളി
C. ഊഞ്ഞാലാട്ടം
D. കുട്ടിയും കോലും
Answer:
C. ഊഞ്ഞാലാട്ടം.
ചുവടെ തന്നിരിക്കുന്ന 3A, 3B എന്നീ രണ്ടു ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതുക.
Question 3.
(A) ഡയറി
മിറിയെ കൂട്ടിക്കൊണ്ട് പോകാൻ അവളുടെ കൂട്ടുകാരികളെത്തി! തെരുവോരത്തിരുന്ന് ഷൂ വൃത്തിയാക്കി ക്കൊടുക്കുകയായിരുന്നു. ഷൂ പോളിഷ് ചെയ്യാനായി നിൽക്കുന്നവരുടെ നിര… അന്നു രാത്രി മിറി എഴു താനിടയുള്ള ഡയറി സങ്കൽപ്പിച്ചെഴുതുക.
Answer:
വ്യാഴം
4/12/2024
ഇന്നെന്റെ ജീവിതത്തിൽ ഒരുപാട് വിഷമിക്കുകയും സന്തോഷിക്കുകയും ചെയ്ത ദിവസമാണ്. എന്നെ അന്ധത പോലും അറിയിക്കാതെ വളർത്തിയ എന്റെ മാതാപിതാക്കളെയാണ് പ്രകൃതിക്ഷോ ഭത്തിൽ നഷ്ടപ്പെടുന്നത്. അതോടുകൂടി മുത്തശ്ശനേയും മുത്തശ്ശിയേയും സംരക്ഷിക്കേണ്ട ചുമതല എനി യ്ക്കായി. എനിക്ക് എന്റെ പരിമിതികൾ പോലും മറന്ന് അവർക്കുവേണ്ടി ആ ഉത്തരവാദിത്വങ്ങൾ എൽക്കേ ണ്ടതായി വന്നു. ഇന്ന് എന്റെ കൂട്ടുകാരികൾ എന്റെ കഷ്ടപ്പാടും പരിശ്രമവും കണ്ട് എന്നെ സഹായി ക്കാൻ തയ്യാറാവുകയാണ്. അതിൽ എനിക്ക് ഒരുപാട് സന്തോഷമുണ്ട്. എന്നാൽ തണുപ്പുകാലത്ത് എന്റെ മുത്തശ്ശനും മുത്തശ്ശിക്കും കമ്പിളി വാങ്ങണമെങ്കിൽ ഞാനെന്തു ചെയ്യും? എനിക്ക് ഒരുപാട് വിഷമം തോന്നു ന്നു. ഞാൻ അധ്വാനിക്കും, എന്റെ മുത്തശ്ശനും മുത്തശ്ശിക്കും വേണ്ടി.
അല്ലെങ്കിൽ
(B) കുറിപ്പ്
“സഹജീവികളോടുള്ള സ്നേഹം’ എന്നതിനെപ്പറ്റി ഒരു കുറിപ്പ് തയ്യാറാക്കുക.
Answer:
സ്നേഹത്തിന്റെ പ്രതിഫലം എന്നുപറയുന്നത് കരുണയാണ്. കാരുണ്യപ്രവർത്തനവും. സമൂഹത്തിൽ അവ ശത അനുഭവിക്കുന്നവരോട് മനസ്സറിഞ്ഞ് കാരുണ്യം കാണിക്കാനും പ്രകടിപ്പിക്കാനും കഴിയുന്ന ഒരു അവ സ്ഥയാണ് യഥാർത്ഥ സ്നേഹത്തിന്റെ പ്രതിഫലനം. സ്നേഹം എന്നത് മനുഷ്യരുൾപ്പെടെയുള്ള ജീവജാ ലങ്ങളുടെ ജന്മസിദ്ധ വികാരമാണ്. സ്നേഹിക്കാനും, സ്നേഹിക്കപ്പെടാനും ഏവരും കൊതിക്കുന്നു. ജീവൻ നിലനിർത്താൻ ദാഹജലം അനിവാര്യമായപോലെ സാമൂഹികബന്ധങ്ങൾ കിളിർക്കാൻ സ്നേഹത്തിന്റെ നീരുറവ നിർബന്ധമാണ്. ഹൃദയകവാടങ്ങൾ തുറക്കാനുള്ള താക്കോലുകളാണ് സ്നേഹം. മനുഷ്യമനസ്സു കളെ അഗാധമായി സ്വാധീനിക്കുകയും പരിവർത്തിപ്പിക്കുകയും ചെയ്യുന്നതാണ് സ്നേഹം.
ചുവടെ തന്നിരിക്കുന്ന 4A, 4B എന്നീ ചോദ്യങ്ങൾക്ക് ഏതെങ്കിലും ഒന്നിനു മാത്രം ഉത്തരം എഴുതുക.
Question 4.
(A) കഥാരചന
ഉരച്ചി വണ്ണമക്ഷതമോരോന്നുമേ
തിരിച്ചു ചുംബിച്ചാളുടനമ്മ
സരിച്ച് പുഷ്പത്തെയളിപോലെ, കുട്ടി
ചിരിച്ചാൻ കാർ നീങ്ങും ശശിപോലെ
വേദനിച്ചു കരയുന്ന കുട്ടി, കുട്ടിയെ അമ്മ ആശ്വസിപ്പിക്കുമ്പോൾ കുട്ടിയിലുണ്ടാകുന്ന ഭാവമാറ്റം എത മനോഹരമായിട്ടാണ് കവി ആവിഷ്കരിച്ചിരിക്കുന്നത്? ഇതുപോലെ അമ്മയെ കേന്ദ്രകഥാപാത്രമാക്കി മറ്റൊരു കഥയെഴുതുക.
Answer:
ഒരിക്കൽ രാമുവും അമ്മയും കൂടി ചന്തയിൽ സാധനങ്ങൾ വാങ്ങാൻ പോവുകയായിരുന്നു. കഥകളും മറ്റും പറഞ്ഞ് വളരെ സന്തോഷത്തോടെയായിരുന്നു അവർ പോയത്. പോകുന്ന വഴി അമ്മ രാമുവിന് ഐസ്ക്രീമും, ചോക്ലേറ്റും ഒക്കെ വാങ്ങി കൊടുത്തു. പെട്ടെന്നാണ് ഒരു കാർ വളരെ സ്പീഡിൽ എത്തി മാതൃക ചോദ്യപേപ്പർ – 3 യത്. അമ്മ ഇത് കണ്ടയുടനെ രാമുവിനെ റോഡിൽ നിന്ന് തട്ടി മാറ്റി. പാവം അമ്മ. കാർ വന്ന് ശക്തമായി അമ്മയെ ഇടിച്ചു. ഓടിക്കൂടിയ നാട്ടുകാർ രാമുവിനേയും അമ്മയേയും ആശുപത്രിയിലാക്കി. രാമു ഒരു പാട് പേടിച്ചു. തന്റെ അമ്മയ്ക്ക് എന്തെങ്കിലും സംഭവിച്ചോ എന്ന് കരുതി. എന്തായാലും അമ്മയുടെ കാലും കൈയും ഒടിഞ്ഞിരുന്നു. കൈയും കാലും കെട്ടിവച്ച അമ്മയെക്കണ്ട് പാവം രാമുവിന് വിഷമം തോന്നി. തന്നെ രക്ഷിക്കാനാണല്ലോ പാവം അമ്മ ഇത് വരുത്തി വച്ചത്. അമ്മയുടെ സ്നേഹം എത്രത്തോ ളമാണെന്ന് മനസ്സിലാക്കിയ രാമു അമ്മയുടെ നെറുകയിൽ ഒരുമ്മ കൊടുത്തു.
അല്ലെങ്കിൽ
(B) വായനക്കുറിപ്പ്
വായനാദിനത്തോടനുബന്ധിച്ച് നിങ്ങൾ നിരവധി പുസ്തകങ്ങളും കവിതകളുമൊക്കെ വായിച്ചിട്ടുണ്ടാകും. നിങ്ങൾക്ക് ഏറ്റവും ഇഷ്ടമായ പുസ്തകത്തേയോ രചനയെയോ കുറിച്ച് വായനക്കുറിപ്പ് തയ്യാറാക്കുക.
Answer:
വായനാദിനത്തോടനുബന്ധിച്ച് ഞാൻ ബഷീറിന്റെ “പാത്തുമ്മയുടെ ആട്’ വായിക്കാൻ ഇടയായി. എത നല്ല രചനയാണ് അത്. പാത്തുമ്മയും, അബ്ദുൽ റഹ്മാൻ, മറ്റു കഥാപാത്രങ്ങളൊക്കെ എന്റെ മനസ്സിൽ ഇന്നും തങ്ങി നിൽക്കുന്നു. ബഷീറിന്റെ ജീവിതത്തിൽ ഉണ്ടായിരുന്ന ബന്ധുമിത്രാദികളെയെല്ലാം കോർത്തി ണക്കി ഒരു രചന എഴുതുക, അത് സമൂഹത്തിലെ ജനങ്ങളെ സ്വാധീനിക്കാൻ കഴിയുക. ഇതൊക്കെ വലിയ കാര്യങ്ങൾ തന്നെയാണ്. എനിക്ക് ഈ രചനയിലെ കഥാപാത്രമായ ആടിനെ ഒരുപാട് ഇഷ്ടപ്പെട്ടു. വായ നക്കാരുടെ മനസ്സറിഞ്ഞ് തന്നെയാണ് ഓരോ കഥാപാത്രങ്ങളെയും ബഷീർ സൃഷ്ടിച്ചിരിക്കുന്നത്. സാഹി ത്യത്തിലെ മറ്റു രചനകളിൽ നിന്നും ഏറെ വ്യത്യസ്തമായിട്ടാണ് ഈ രചന ബഷീർ സൃഷ്ടിച്ചിരിക്കുന്നത്.
Question 5.
നിങ്ങളുടെ സ്കൂളിൽ നിന്ന് മലയാള സാഹിത്യ ക്ലബിന്റെ ഒരു പഠനയാത്ര പോകുന്നു.
2025 ആഗസ്റ്റ് 20-ാം തീയതി രാവിലെ 8 മണിയ്ക്ക് യാത്ര ആരംഭിക്കുന്നു. രക്ഷിതാക്കളെ ഈ വിവരം അറി യിക്കാനായി ഒരു നോട്ടീസ് തയ്യാറാക്കുക.
Answer:
|
പഠനയാത്ര നമ്മുടെ സ്കൂളിലെ മലയാള സാഹിത്യ ക്ലബിന്റെ നേതൃത്വ ത്തിൽ 2025 ഓഗസ്റ്റ് മാസം 20-ാം തീയതി രാവിലെ എട്ടു മണിക്ക് ഒരു പഠനയാത്ര നടത്താൻ തീരുമാനിച്ചിരിക്കുന്നു. പങ്കെടുക്കാൻ താല്പര്യമുള്ളവർ എത്രയും വേഗം അവരവ രുടെ പേരുകൾ സാഹിത്യ ക്ലബിന്റെ സെക്രട്ടറിയെ ഏൽപ്പി ക്കേണ്ടതാണ്. |
Question 6.
അഭിപ്രായക്കുറിപ്പ്
മൈതാനത്ത് ഫുട്ബോൾ കളിക്കാൻ വന്ന സുമംഗല നേരിട്ടത് സന്തോഷകരമായ അനുഭവമല്ലെന്ന് നിങ്ങൾക്ക റിയാം. വീട്ടിലും പൊതുഇടങ്ങളിലും ആൺകുട്ടികൾക്കും പെൺകുട്ടികൾക്കും തുല്യതയാണ് വേണ്ടത്. അഭിപ്രായക്കുറിപ്പ് തയ്യാറാക്കുക.
Answer:
മൈതാനത്ത് ഫുട്ബോൾ കളിക്കാൻ എത്തിയ സുമംഗല നേരിട്ടത് അവളെ നിരാശപ്പെടുത്തുന്ന അനുഭവ മായിരുന്നു. പെൺകുട്ടികൾക്ക് ഫുട്ബോൾ കളിക്കാനാവില്ലെന്ന് പറഞ്ഞ് പ്രകാശനും കൂട്ടുകാരും അവളെ പരിഹസിച്ചു. എന്നാൽ യാഥാർത്ഥ്യം അങ്ങനെയല്ല. കളി, പഠനം, തൊഴിൽ, വിനോദം എന്നിവയിൽ ആൺകു ട്ടികൾക്കും പെൺകുട്ടികൾക്കും ഒരുപോലെ അവകാശമുണ്ട്. വീട്ടിലും സ്കൂളിലും പൊതുഇടങ്ങളിലും എല്ലാവരോടും തുല്യത പുലർത്തണം. പെൺകുട്ടികളെ അവഗണിക്കുന്നത് നീതിയല്ല. അവർക്കും കഴിവ് തെളിയിക്കാനും വിജയിക്കാനും പൂർണ്ണ അവകാശമുണ്ട്. കുട്ടികളെ തമ്മിൽ വേർതിരിച്ചു കാണാതെ തുല്യ മായി പ്രോത്സാഹിപ്പിക്കുമ്പോഴാണ് സമൂഹം മുന്നോട്ടു പോകുക.