During exam preparation, Class 7 Malayalam Kerala Padavali Question Paper Set 1 guide students properly.
Class 7 Malayalam Kerala Padavali Model Question Paper Set 1
സമയം : 2 മണിക്കൂർ 15 മിനിറ്റ്
നിർദേശങ്ങൾ
- മൂല്യനിർണ്ണയ പ്രവർത്തനങ്ങൾ ആരംഭിക്കുന്നതിനു മുമ്പ് പതിനഞ്ചു മിനിട്ട് സമാശ്വാസ സമയമാണ്. ഈ സമയം ചോദ്യങ്ങൾ നന്നായി വായിച്ചു മനസ്സിലാക്കണം.
- ആറു ചോദ്യങ്ങൾക്ക് ഉത്തരമെഴുതിയാൽ മതി. എല്ലാ ഉപചോദ്യങ്ങൾക്കും ഉത്തരം എഴുതണം.
- രണ്ടു പ്രവർത്തനങ്ങൾ നൽകിയിട്ടുള്ള ചോദ്യങ്ങളിൽ ഒന്നിനു മാത്രം ഉത്തരമെഴുതിയാൽ മതി.
Question 1.
വായിക്കാം എഴുതാം.
സാമൂഹിക ജീവിതത്തിൽ ആശയവിനിമയത്തിന് വേണ്ടി കണ്ടുപിടിക്കപ്പെട്ട മാധ്യമമാണ് ഭാഷ. വാക്കുകൾ ആ ഭാഷയുടെ ഘടകങ്ങളും. സാമൂഹിക ജീവിതത്തിൽ നിന്നുരുത്തിരിഞ്ഞ് രൂപം പ്രാപിച്ചു വന്ന ഭാഷയുടെ നിലനില്പ് പൊതുവായ മൂല്യബോധത്തിന്റെ പൊതുവായ ചില വിശ്വാസങ്ങളുടെ അസ്തിവാരത്തിലാണ്. അതില്ലാത്തിടത്ത് ഭാഷ നിരർത്ഥകമായിത്തീരുകയേയുള്ളൂ. വിശ്വാസത്തിന്റേയും വീക്ഷണത്തിന്റെയും കാര്യത്തിൽ നിങ്ങളുമായി യാതൊരു സാമ്യവുമില്ലാത്ത ഒരാളുമായി സംഭാഷണത്തിലേർപ്പെടാൻ നോക്കു. അപ്പോൾ ഇക്കാര്യം ശരിക്കനുഭവപ്പെടും. നിങ്ങൾക്ക് പരസ്പരം മനസ്സിലാവുകയില്ല. പരസ്പരം മനസ്സിലാ ക്കാൻ കഴിയാതെ പ്രയോഗിക്കപ്പെടുന്ന ഭാഷ അതിന്റെ അർത്ഥത്തെത്തന്നെ നിഷേധിക്കുകയാണല്ലോ ചെയ്യുന്നത്. അവിടെ മൗനമാണ് യാഥാർത്ഥ്യം. ഭാഷയിലൂടെയാണ് മനുഷ്യൻ അവന്റെ ഏറ്റവും വിലപ്പെട്ട മാനസികജീവിതം ലോകത്തിന് കാഴ്ചവയ്ക്കുന്നത്. അങ്ങനെ കാഴ്ച വയ്ക്കാൻ അവനെ സഹായിക്കുന്നത് ഭാഷാപ്രയോഗത്തിൽ കാതലായി പ്രവർത്തിക്കുന്ന മൂല്യബോധമോ വിശ്വാസമോ ആകുന്നു.
A. പൊതുവായ വിശ്വാസങ്ങളും മൂല്യങ്ങളും ഇല്ലാത്തിടത്ത് ഭാഷ എന്താകും?
(a) അമൂല്യമായിത്തീരും
(b) നിരർത്ഥകമായിത്തീരും
(c) വിശ്വസനീയമാകും
(d) വികസിക്കും
Answer:
(b) നിരർത്ഥകമായിത്തീരും
B. പരസ്പരം മനസ്സിലാക്കാനാകാതെ വരുന്നിടത്ത് യാഥാർത്ഥ്യം എന്താണ്?
(a) ശബ്ദം
(b) മൗനം
(c) വാദപ്രതിവാദം
(d) വിജയം
Answer:
(b) മൗനം
C. ഭാഷയിലൂടെ മനുഷ്യൻ ലോകത്തിന് കാഴ്ചവയ്ക്കുന്നത് എന്താണ്?
(a) രാഷ്ട്രീയജീവിതം
(b) ശാരീരികശേഷി
(c) മാനസികജീവിതം
(d) സാമ്പത്തികജീവിതം
Answer:
(c) മാനസികജീവിതം
D. ഭാഷാപ്രയോഗത്തിന് കാതലായി പ്രവർത്തിക്കുന്നത് എന്താണ്?
(a) മതബോധം
(b) മൂല്യബോധവും വിശ്വാസവും
(c) സംസ്കാരപരമ്പര
(d) വിദ്യാഭ്യാസം
Answer:
(b) മൂല്യബോധവും വിശ്വാസവും
Question 2.
a) ശീർഷകത്തിന്റെ ഔചിത്യം
കനകച്ചിലങ്ക കിലുങ്ങിക്കിലുങ്ങി,
കാഞ്ചനകാഞ്ചി കുലുങ്ങിക്കുലുങ്ങി
കാവ്യനർത്തകി എന്ന ശീർഷകം ഭാഷയെ കുറിച്ചുള്ള ചങ്ങമ്പുഴയുടെ കവിതയ്ക്ക് എത്രമാത്രം അനുയോജ്യമാണ്, അതിന്റെ ഔചിത്യം വിശദമാക്കുക.
Answer:
കാവ്യനർത്തകി
ചങ്ങമ്പുഴ എഴുതിയ കവിതയിൽ ഭാഷയെ ഒരു നർത്തകിയായി കാണിച്ചുകൊണ്ടാണ് അദ്ദേഹം അതിന്റെ സൗന്ദര്യവും കലാത്മകതയും വരച്ചുകാട്ടുന്നത്. “കനകച്ചിലങ്ക കിലുങ്ങിക്കിലുങ്ങി, കാഞ്ചനകാഞ്ചി കുലുങ്ങിക്കുലുങ്ങി” എന്ന വരികളിലൂടെ കവിതയുടെ ഭാഷ സംഗീതാത്മകമായ ഭംഗിയോടെ മുന്നേറുന്നു.അതുകൊണ്ട് തന്നെ “കാവ്യനർത്തകി’ എന്ന ശീർഷകം കവിതയുടെ ഉള്ളടക്കത്തെയും അവതരണശൈലിയെയും കൃത്യമായി പ്രതിനിധീകരിക്കുന്നതാണ്. കവിതയിലെ ഭംഗി, ചലനം, സംഗീതം എന്നിവയെല്ലാം ഈ ശീർഷകത്തിലൂടെ പ്രതിഫലിക്കുന്നു.
b) തീയ്ക്ക് മാറിനിൽക്കാനേ കഴിയൂ ഈ ഹരിതസാമ്രാജ്യത്തിൽ എന്തുകൊണ്ട്?
A. ഇടതൂർന്ന ഇല ചാർത്തുകളാൽ സമ്പന്നമായതിനാൽ
B. മലപ്രദേശമാണ്
C. ജലസ്രോതസ്സുകൾ കൂടുതലാണ്
D. മഞ്ഞു വീഴ്ചയാണ്
Answer:
A. ഇടതൂർന്ന ഇല ചാർത്തുകളാൽ സമ്പന്നമായതിനാൽ
c) പ്രസ്താവന ശരിയോ തെറ്റോ.
മറ്റു കുട്ടികൾ ആരും അറിയരുത്. അലി ഇങ്ങനെ പറഞ്ഞത് അവൾക്ക് മാനക്കേട് ഉണ്ടാക്കുമെന്ന് കരുതിയാണ്.
A. പൂർണ്ണമായും ശരി
B. പൂർണ്ണമായും തെറ്റ്
C. ഭാഗികമായി ശരി
D. അത് അവന്റെ അല്ല എന്ന് തോന്നി.
Answer:
A. പൂർണ്ണമായും ശരി
ചുവടെക്കൊടുത്ത 34, 3B എന്നീ രണ്ട് ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതുക.
Question 3.
(A) വിശകലന കുറിപ്പ്
“പൂമ്പാറ്റകൾ ഒക്കെ കാറ്റിന് എന്നെ വിട്ടു കൊടുക്കാതെ വന്നു പൊതിഞ്ഞു നിന്നു ഈ വാക്യം കൊണ്ട് എഴുത്തുകാരൻ അർത്ഥമാക്കുന്നത് എന്താവാം? വിശകലനം ചെയ്ത് കുറിപ്പെഴുതുക.
Answer:
“പൂമ്പാറ്റകൾ ഒക്കെ കാറ്റിന് എന്നെ
വിട്ടുകൊടുക്കാതെ വന്നു പൊതിഞ്ഞുനിന്നു
എന്ന വാക്യം എഴുത്തുകാരന്റെ പ്രകൃതിയോടുള്ള സമ്പൂർണ്ണ ഐക്യബോധത്തെ സൂചിപ്പിക്കുന്നു. സാധാരണയായി പൂമ്പാറ്റകൾ കാറ്റിനൊപ്പം പറക്കുന്നവരാണ്. എന്നാൽ ഇവിടെ അവ എഴുത്തുകാരനെ കാറ്റിന് വിട്ടുകൊടുക്കാതെ സംരക്ഷിക്കുകയാണെന്ന് കാണിക്കുന്നു. ഇതിലൂടെ എഴുത്തുകാരന് തന്റെ ആത്മാവ് പൂമ്പാറ്റകളുടെ കൂട്ടത്തിൽ ലയിച്ചുപോയതായി തോന്നുന്നു. പ്രകൃതി അവനെ തള്ളിക്കളയാതെ തന്റെ സ്നേഹാഭിമുഖ്യത്തിൽ പൊതിഞ്ഞു ചേർത്തുവെയ്ക്കുന്നു. ഈ വരി പ്രകൃതിയുടെ കരുതലും മനുഷ്യൻ അനുഭവിക്കുന്ന സുരക്ഷിതത്വബോധവും വ്യക്തമാക്കുന്നു. പൂമ്പാറ്റകളുടെ ലോകത്തിനുള്ളിൽ എഴുത്തുകാരൻ ഒരു കുഞ്ഞുപോലെ പൊതിഞ്ഞുനിൽക്കുന്ന അനുഭവമാണ് ഇതിലൂടെ പ്രകടമാകുന്നത്.
അല്ലെങ്കിൽ
(B) താരതമ്യകുറിപ്പ്
പെയ്തു തീരാത്ത സ്വപ്നം പോലെ എന്ന കഥയിലെ അലിയെയും, മനസ്സിലെ കിളി എന്ന കഥയിലെ പിവിനെയും താരതമ്യം ചെയ്തു കുറിപ്പ് എഴുതുക.
Answer:
പിക് ലു കരുണയും സ്നേഹവും സ്വാതന്ത്രബോധവും ഉള്ള ബാല ഹൃദയത്തിൻ ഉടമയാണ്. അവന്റെ സഹോദരൻ ഒരു മൈനയെ കൂട്ടിലടച്ചിടുമ്പോൾ പിക് ലു വല്ലാതെ വിഷമിക്കുന്നു. ആരോടും അനുവാദം ചോദിക്കാതെ തന്നെ അതിനെ തുറന്നു വിടുകയും ചെയ്യുന്നു. ഇത് അവന്റെ കാരുണ്യവും സ്വാതന്ത്ര്യത്തിനുള്ള ആകാംക്ഷയും തെളിയിക്കുന്നു. സ്വതന്ത്രമായ പറക്കലിൽ നിന്ന് അവൻ ആനന്ദം കണ്ടെത്തുന്നു.
പെയ്തു തീരാത്ത സ്വപ്നം പോലെ എന്ന കഥയിലെ അലി ഒരു ദരിദ്ര കുടുംബത്തിലെ അംഗമാണ്. വിദ്യാർത്ഥിയായ അവനും ഇളയ സഹോദരിക്കും കൂടി ഒരു ജോഡി ഷൂസ് മാത്രമാണ് ഉണ്ടായിരുന്നത്. അത് നഷ്ടപ്പെട്ടു പോകുന്നത്. അവരിൽ വലിയ വേദന ഉണ്ടാക്കുന്നു എങ്കിലും കുടുംബ പശ്ചാത്തലം മനസ്സിലാക്കി മറ്റൊന്നിനു വേണ്ടി അവർ രക്ഷിതാക്കളെ സമീപിക്കുന്നില്ല. തങ്ങളുടെ കളഞ്ഞുപോയ ഷൂസ് മറ്റൊരു കുട്ടിയുടെ കാലിൽ കാണുമ്പോഴും അവകാശവാദവുമായി മുന്നോട്ടുപോകാതെ ആ കുട്ടിയുടെ സാഹചര്യങ്ങൾ മനസ്സിലാക്കാൻ ശ്രമിക്കുന്നു. തങ്ങളെക്കാൾ മോശം സാഹചര്യത്തിലുള്ള ആ കുട്ടിയിൽ നിന്ന് ഷൂസ് തിരികെ വാങ്ങാതെ മടങ്ങിവരുന്ന അലി ഒരു മനുഷ്യസ്നേഹിയും കാരുണ്യമുള്ളവനും, ഔചിത്യ ബോധത്തോടെ പെരുമാറുന്ന വ്യക്തിത്വത്തിന് ഉടമയുമാണ്.
ഈ രണ്ടു കുട്ടികളും ഉയർന്ന മാനവിക മൂല്യങ്ങളെയാണ് പ്രതിനിധീകരിക്കുന്നത്. മുതിർന്നവർ പോലും ചിന്തിക്കാത്ത തരത്തിൽ സാമൂഹിക പ്രതിബദ്ധതയോടെ ജീവിക്കുന്നു.
ചുവടെ കൊടുത്ത 4A, 4B എന്നീ രണ്ടു ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതുക.
Question 4.
(A) ആസ്വാദന കുറിപ്പ്
അന്നു പാടിയ പാട്ടിലൂഞ്ഞാലാടി മലയാളം
കൊഞ്ചലും കുറുമൊഴികളും പോയ്, കഥകൾ പലതോതി,
നെഞ്ചണച്ചൊരു ഗുരു വളർത്തിയ കിളിമകൾ പാടി. (എന്റെ മലയാളം) (ഒ.എൻ.വി.)
എന്നുമീ യാത്ര’ എന്ന കാവ്യഭാഗം പഠിച്ചല്ലോ ഈ രണ്ടുകാവ്യഭാഗങ്ങളിലും ആവിഷ്കരിച്ചിരിക്കുന്ന ആശയതലമെന്ത്? ആസ്വാദനം തയ്യാറാക്കുക.
Answer:
ഒ.എൻ.വി.യുടെ എന്റെ മലയാളം കവിതയിൽ കുട്ടിക്കാലത്തെ മലയാള ഭാഷയുടെ മധുരവും സൗന്ദര്യവും പ്രതിഫലിക്കുന്നു. മുത്തുകളും പവിഴങ്ങളും പോലെ മലയാളം മനസ്സിൽ വീണതും, പാട്ടുകളും കഥകളും, ഗുരുവിന്റെ പരിശീലനവും – എല്ലാം ഒരു സ്നേഹാഭിഭാഷയായി കവി അവതരിപ്പിക്കുന്നു. ഭാഷ കേവലം സംവേദന മാധ്യമം അല്ല, ജീവിതത്തിന്റെ അനുഭവങ്ങൾ നിറഞ്ഞ അനുഭവഭൂമിതന്നെയാണ്. സാഹിത്യങ്ങളാണ് പാരമ്പര്യങ്ങളെയും ഭാവിയെയും ഒരുമിച്ച് ചേർക്കുന്ന കണ്ണി. “എന്നും ഈ യാത്ര എന്ന കവിതയിൽ മനുഷ്യന്റെ ജീവിതയാത്രയുടെ എല്ലാ തലങ്ങളെയും കൂട്ടിയിണക്കുന്നു കവി. ഇന്നലെകളിൽ പോയി മറഞ്ഞവരുടെയെല്ലാം ഗാനങ്ങൾ കവിയുടെ ഉള്ളിൽ ഉയർത്തെഴുന്നേൽക്കുന്നുണ്ട്. പൂർവികമായ ഇന്നലെകളെ മാത്രമല്ല താൻ ജീവിക്കുന്ന ഇന്നിനെയും അടുത്ത തലമുറയുടെ നാളെയേയും കവി ഭാവന ചെയ്യുന്നു.
ഒഎൻവിയുടെ കവിതകൾ രണ്ടും പാരമ്പര്യത്തെയും ഭാവിയെയും കൂട്ടിച്ചേർക്കുന്ന ഇന്നിന്റെ പ്രതിഭാസമായി സദാ നിലകൊള്ളുന്നു.
കാവ്യഭാഷയുടെ ലാളിത്യം കൊണ്ടും ആശയത്തിന്റെ ആഴം കൊണ്ടും കവിതകൾ സഹൃദയരിൽ നിലയുറപ്പിച്ചതാണ്.
അല്ലെങ്കിൽ
(B) വർണ്ണന
വെള്ളത്തിലെ തിര തള്ളുന്നതുപോലെ തുള്ളിക്കളിക്കുന്ന വെള്ളക്കുതിരകൾ
“പടക്കളത്തിലേക്ക്’ എന്ന കവിതയിലെ കുതിരകളെ കുറിച്ചുള്ള ഈ വർണ്ണന എത്രത്തോളം കാവ്യഭാഗത്തിന് സൗന്ദര്യം നൽകുന്നു. വിശദമാക്കുക.
Answer:
വെള്ളത്തിലെ തിരകൾ തള്ളുന്നതുപോലെ തുള്ളിക്കളിക്കുന്ന വെള്ളക്കുതിരകൾ’ എന്ന വരികൾ കവിതയിലെ ഏറ്റവും മനോഹരമായ ദൃശ്യാനുഭവമാണ്. കവി യുദ്ധഭൂമിയിലെ കുതിരകളുടെ ചടുലതയും ഉത്സാഹപരിതമായ നിലപാടും അത്യന്തം സജീവമായി വരച്ചുകാട്ടുന്നു. കുതിരകളുടെ ഉത്സാഹവും ശക്തിയും വായനക്കാരന്റെ മനസ്സിൽ തെളിഞ്ഞു പ്രത്യക്ഷപ്പെടുന്നു. പ്രകൃതിയിലെ ഒരു സാധാരണ ദൃശ്യമായ തിരകളുടെ ചലനം കവി കുതിരകളുടെ ചലനവുമായി ബന്ധിപ്പിച്ചിരിക്കുന്നു. ഇതിലൂടെ യുദ്ധത്തിന്റെ ഭീകരതയ്ക്കിടയിലും കവിതയ്ക്ക് ഒരു സുന്ദരമായ സൗന്ദര്യചായം ലഭിക്കുന്നു. യുദ്ധത്തിന്റെ ഗൗരവം മാത്രമല്ല, അതിന്റെ ജീവത്വവും വൈഭവവും കൂടി കവിതയിൽ പ്രത്യക്ഷമാവുന്നു. കവിതയിലെ ഈ വർണ്ണന വായനക്കാരനെ യുദ്ധഭൂമിയിലേക്ക് കൊണ്ടുപോകുകയും അവിടെ നടക്കുന്ന സംഭവങ്ങളെ നേരിട്ട് അനുഭവിപ്പിക്കുകയും ചെയ്യുന്നു.
Question 5.
കഥാപാത്ര നിരൂപണം തയ്യാറാക്കുക
മൈന അതിന്റെ അമ്മയെ കണ്ടെത്തുമോ അതിനു വീട്ടിലേക്കുള്ള വഴിയറിയുമോ..?
പില്ലുവിന്റെ ഈ
മാനസിക അവസ്ഥ അവന്റെ സ്വഭാവ സവിശേഷതകൾ വ്യക്തമാക്കുന്നുണ്ടോ? കഥാപാത്രനിരൂപണം തയ്യാറാക്കുക.
Answer:
പ്രകൃതിദൃശ്യത്തോട് സാമ്യം കാണിച്ച് കവി യുദ്ധത്തിന്റെ ഭാരം കുറച്ച് വായനക്കാരന് ആസ്വാദ്യാനുഭവം സൃഷ്ടിക്കുന്നു. കവിതയ്ക്ക് കൂടുതൽ ആകർഷകത്വം ലഭിക്കുന്നു. കവിതയിലെ ദൃശ്യസൗന്ദര്യവും ഭാവസമ്പുഷ്ടതയും വർദ്ധിപ്പിക്കുന്നതിനാണ് ഈ ഉപമ ഉപയോഗിച്ചിരിക്കുന്നു. കവിതയിലെ ഈ വർണ്ണന വായനക്കാരനെ യുദ്ധഭൂമിയിലേക്ക് കൊണ്ടുപോകുകയും അവിടെ നടക്കുന്ന സംഭവങ്ങളെ നേരിട്ട് അനുഭവിപ്പിക്കുകയും ചെയ്യുന്നു.
പി ഈ കഥയിലെ സൂക്ഷ്മദർശിയും നിരീക്ഷണശേഷിയുള്ളവനുമായൊരു കുട്ടിയാണ്. അവൻ തന്റെ ചുറ്റുപാടുകളിലെ സംഭവങ്ങളെ വെറുതെ കാണുന്നവനല്ല, അവയോട് സംവദിക്കുകയും അവയെക്കുറിച്ച് ആഴത്തിൽ ചിന്തിക്കുകയും ചെയ്യുന്നവനുമാണ്.
ഒരു ദിവസം പിക് ലു വിന്റെ ഏട്ടൻ ഒരു മൈനയെ കൂട്ടിലിട്ടത് കണ്ടപ്പോൾ പിക് ലുവിന്റെ മനസ്സ് വല്ലാതെ വേദനിക്കുന്നു. അനുമതി ചോദിക്കാതെ തന്നെ അതിനെ തുറന്നു വിടുന്നത് അവന്റെ കാരുണ്യവും സ്വാതന്ത്ര്യത്തിനുള്ള ആകാംക്ഷയും തെളിയിക്കുന്നു. “മൈന അമ്മയെ കണ്ടെത്തുമോ? വീട്ടിലേയ്ക്കുള്ള വഴിയറിയുമോ?” എന്ന ചോദ്യങ്ങൾ ചോദിക്കുന്ന പിക് ലു, ജീവികളോടുള്ള സ്നേഹവും കരുതലും പ്രകടിപ്പിക്കുന്നു.
പില്ലുവിന്റെ മനസ്സിലെ കിളി സ്വാതന്ത്ര്യമാണ്. കൂട്ടിൽ പൂട്ടിയിരുന്ന മൈനയെ മോചിപ്പിക്കുന്നതിലൂടെ തന്നെ അവൻ സ്വന്തം സ്വപ്നങ്ങളെയും ആശയങ്ങളെയും സ്വാതന്ത്ര്യത്തിലേക്ക് വിടുന്നു. സ്വതന്ത്രമായ പറക്കലിൽ നിന്ന് അവൻ ആനന്ദം കണ്ടെത്തുന്നു. അങ്ങനെ നോക്കുമ്പോൾ, പി. കരുണയും സ്വാതന്ത്ര്യപ്രേമവും നിറഞ്ഞ ബാലഹൃദയത്തിന്റെ പ്രതിനിധിയാണ്.
Question 6.
പത്രവാർത്ത
ഓട്ട മത്സരത്തിൽ വിജയിച്ച അലിയെ കുറിച്ചുള്ള വാർത്ത പത്രത്തിൽ വരികയാണെങ്കിൽ വാർത്ത തയ്യാറാക്കൂ.
Answer:
സ്കൂൾ കായിക മത്സരത്തിൽ അലി ഒന്നാം സ്ഥാനത്ത്
പാലക്കാട് : സ്കൂളിൽ നടന്ന വാർഷിക കായികമേളയിലെ ഓട്ട മത്സരത്തിൽ വിദ്യാർത്ഥിയായ അലി ഒന്നാം സ്ഥാനം നേടി. മൂന്നാം സമ്മാനമായി ലഭിക്കുന്ന ഷൂസ് അനിയത്തിയ്ക്ക് സമ്മാനിക്കാൻ വേണ്ടിയാണ് അലി മത്സരത്തിൽ പങ്കെടുത്തത്. എന്നാൽ തന്റെ കഴിവും മനോവീര്യവും തെളിയിച്ചുകൊണ്ട് അലി ഒന്നാം സ്ഥാനത്തിന് അർഹനായി. അലിയുടെ ആവശ്യം മനസ്സിലാക്കി സ്പോർട്സ് കൗൺസിൽ ഷൂസ് സമ്മാനമായി നൽകുമെന്ന് പ്രഖ്യാപിച്ചിട്ടുണ്ട്.
അലിയുടെ ഈ വിജയം സഹപാഠികളിലും അധ്യാപകരിലും വലിയ ആവേശമാണ് സൃഷ്ടിച്ചത്. “സ്വന്തം ലക്ഷ്യത്തിന് വേണ്ടിയാണ് മത്സരം തുടങ്ങിയതെങ്കിലും, സ്ഥിരപ്രയത്നം ഒരിക്കലും പരാജയപ്പെടില്ലെന്ന് അലി തെളിയിച്ചു. അധ്യാപകർ പ്രതികരിച്ചു. അലിയെ സ്കൂൾ സ്പോർട്സ് ടീമിന്റെ ക്യാപ്റ്റനായി നിയമിക്കുകയും അലിയ്ക്ക് ആവശ്യമായ കായിക പരിശീലനത്തിന്റെ ചിലവുകൾ വിദ്യാലയം തന്നെ വഹിക്കും എന്നും പ്രധാന അധ്യാപകൻ അറിയിച്ചു.