Class 8 Malayalam Adisthana Padavali Model Question Paper Set 3

During exam preparation, Malayalam Question Paper Class 8 Kerala Syllabus Set 3 guide students properly.

Class 8 Malayalam Adisthana Padavali Model Question Paper Set 3

Time : 1 1/2 hrs.
Max Score: 40

നിർദേശങ്ങൾ:

1. ആദ്യത്തെ 15 മിനിറ്റ് സമാശ്വാസസമയമാണ്. ചോദ്യങ്ങൾ വായിക്കാനും ഉത്തരങ്ങൾ ക്രമപ്പെടുത്താനും ഈ സമയം വിനിയോഗിക്കണം.
2. ചോദ്യങ്ങളും നിർദേശങ്ങളും ശ്രദ്ധാപൂർവം വായിച്ച് എല്ലാ ചോദ്യങ്ങൾക്കും ഉത്തരം  ഴുതണം. A അല്ലെ ങ്കിൽ B എന്ന തരത്തിലുള്ള ചോദ്യങ്ങളിൽ, ഏതെങ്കിലും ഒരു  ദ്യത്തിന് ഉത്തരമെഴുതിയാൽ മതി.
3. ഉത്തരമെഴുതുമ്പോൾ സ്കോർ, സമയം എന്നിവ പരിഗണിക്കണം.

1 മുതൽ 4 വരെ ചോദ്യങ്ങൾക്ക് ശരിയുത്തരം തിരഞ്ഞെടുത്തെഴുതുക. (4 × 1 = 4)

Question 1.
ശരിയായ വിഗ്രഹാർത്ഥം ഏത്?
A. വനപാലകൻ – വനത്തിലെ പാലകൻ
B. സൂര്യവെളിച്ചം – സൂര്യന്റെ വെളിച്ചം
C. നീല നിലാവ് – നീളയായ നിലാവ്
D. പാൽ പായസം – പാലുള്ള പായസം
Answer:
സൂര്യന്റെ വെളിച്ചം

Question 2.
ദേവദാരുവിന്റെ ഭയത്തിന്റെ കാരണം എന്താണ്?
A. തുറസ്സായ സ്ഥലത്ത് ഒറ്റപെട്ട അവസ്ഥ
B. മറ്റുമരങ്ങൾ മുറിക്കപ്പെട്ടതുകൊണ്ട്
C. രാത്രി ഇരുട്ടും തണുപ്പും കൂടിയതിനാൽ
D. തന്നെ വെട്ടിമുറിക്കപ്പെടുമെന്ന് മാഗ് പറഞ്ഞത് കേട്ടിട്ട്
Answer:
D. തന്നെ വെട്ടിമുറിക്കപ്പെടുമെന്ന് മാഗ് പറഞ്ഞത് കേട്ടിട്ട്

Question 3.
പുഴവെള്ളം കറുത്താൽ പുളിമുടക്കാം എന്ന പ്രയോഗം എന്തിനെ കുറിക്കുന്നു?
A. പ്രളയം
B. പുഴ
C. വരൾച്ച
D. കുളി
Answer:
A. പ്രളയം

Question 4.
കവി തന്റെ ഹൃദയത്തെ ആരായിട്ടാണ് കാണുന്നത്?
A. കൂടപ്പിറപ്പ്
B. ഒരു അവയവം
C. സുഹൃത്ത്
D. മറ്റൊരു മനുഷ്യൻ
Answer:
C. സുഹൃത്ത്

5 മുതൽ 7 വരെ ചോദ്യങ്ങൾക്ക് മൂന്നോ നാലോ വാക്യത്തിൽ ഉത്തരമെഴുതുക. (3 × 3 = 9)

Question 5.
കാട്ടുതീ അണയ്ക്കുന്ന കുരുവിയെയും മഴ ദേവനെയും താരതമ്യം ചെയ്തു കുറിപ്പെഴുതുക.
Answer:
കുരുവി തീ അണയ്ക്കാൻ ശ്രമിക്കുമ്പോൾ മഴദേവൻ അവളെ പരിഹസിക്കുന്നു. ഇത് രണ്ടുവിധമുള്ള മനോഭാവങ്ങൾ പ്രതിപാദിക്കുന്നു. മഴദേവൻ : പ്രതീക്ഷയില്ലാത്ത, സംഭവിച്ചുകൊണ്ടിരിക്കുന്ന സാഹചര്യങ്ങൾ അഥവാ സംഭവങ്ങൾ മാറ്റാൻ കഴിയില്ലെന്ന് കരുതുന്ന, മറ്റുള്ളവരുടെ ശ്രമത്തെ പരിഹസിക്കുന്ന, വിഫലം എന്ന് കരുതുന്ന, നോക്കിക്കൊണ്ടിരിക്കാൻ മാത്രം തയ്യാറുള്ള മനോഭാവത്തോട് കൂടിയവരെ പ്രതിനിധീകരിക്കുന്നു. എന്നാൽ കുരുവി: ധൈര്യവും ഉത്തരവാദിത്വബോധവും നിറഞ്ഞവൾ ആണ്. വലിയത് ചെയ്തില്ലെങ്കിലും കഴിയുന്നതുമാത്രം ചെയ്യുന്നവൾ.

സഹജീവികൾക്കായി കരുതുന്നവൾ. സ്വതന്ത്രമായി നീതിനിമിത്തം പ്രവർത്തിക്കുന്നവൾ. കുഞ്ഞിക്കിളിയുടെ പ്രവൃത്തി മാതൃകാപരമാണ്. അതുകൊണ്ടു തന്നെ ഞാൻ കുഞ്ഞിക്കിളിയുടെ ഭാഗത്തു നിൽക്കുന്നു. പ്രതീക്ഷയും കരുണയും ഉള്ള ഈ ചെറിയ പക്ഷിയുടെ മനോഭാവമാണ് യഥാർത്ഥത്തിൽ മനുഷ്യനാകാനുള്ള ആദ്യപടി. മാറ്റങ്ങൾ ചെറുതായിരുന്നാലും, അവ തുടങ്ങേണ്ടത് നമ്മിൽ കൂടെയാണ്. നോക്കിക്കൊണ്ടിരിക്കുന്നതിലല്ല, പ്രവർത്തനത്തിലായിരിക്കണം നമ്മുടെ പങ്ക്.

Question 6.
മരുന്ന് എന്ന് കഥയിലെ യാഥാസ്ഥിതികത വിശകലനം ചെയ്തു കുറിപ്പ് എഴുതുക.
Answer:
നിർദ്ധൻ ഇരുണ്ട യാഥാർഥ്യത്തെയും ധനികൻ കഥയിലെ പ്രഹസനാത്മകതയെയും വെളിപ്പെടുത്തുന്നു. കഥയുടെ ആദ്യഭാഗത്തിൽ ദാരിദ്ര്യവും ചികിൽസയുടെ അഭാവവും ഒരു ഗൗരവതരം യാഥാർത്ഥ്യമായി പ്രത്യക്ഷപ്പെടുന്നു. പിന്നീടുള്ള ഭാഗത്ത്, ധനികൻ രോഗമില്ലാതെ രോഗിയായിരിക്കാൻ ആഗ്രഹിക്കുന്നതിലൂടെ പ്രഹസനാത്മകതയാണ് പ്രകടമാകുന്നത്. ഈ രണ്ട് പശ്ചാത്തലങ്ങൾ ഒരേ ആശുപത്രിയിൽ നടക്കുന്നു എന്നത് തന്നെയാണ് കഥയുടെ വിമർശനാത്മക ശക്തി.

Question 7.
(A) ജീവിതത്തിന്റെ അനിശ്ചിതത്വവും മരണഭയവും ആഴത്തിൽ പ്രകടമാകുന്ന രീതിയിൽ ഒപ്പം മിടിക്കുന്നത് എന്ന കവിതയെ വിശകലനം ചെയ്യത് കുറിപ്പെഴുതുക.
Answer:
അയ്യപ്പപണിക്കരുടെ “പകലുകളും രാത്രികളും’ എന്ന കവിതയിൽ ഹൃദയത്തോടുള്ള ആത്മസംഭാഷണ ത്തിലൂടെ മനുഷ്യജീവിതത്തിന്റെ അനിശ്ചിതത്വം, സുഖദു:ഖങ്ങളുടെ ഇടവേളകൾ, മരണത്തിന്റെ സാന്നിദ്ധ്യം എന്നീ വിഷയങ്ങൾ ആഴത്തിൽ അവതരിപ്പിച്ചിരിക്കുന്നു. മരണഭയം വ്യക്തതയോടെ ഉയരുന്നു:

“വഴിയിലെ പ്പോഴെന്നറിയുകില്ല’ എന്നത് അപ്രത്യക്ഷമായ മുക്തിയേക്കാൾ കൂടുതൽ ഭയത്തിന്റെയും അതിജീവനവൈകല്യത്തിന്റെയും സൂചനയാണ്. അനിശ്ചിതത്വം ഹൃദയമിടിപ്പ് എന്ന ചിറകിൽ അതിന്റെ എല്ലാ ഭാവങ്ങളോടെയും മുന്നോട്ട് പോകുന്നു. സ്നേഹബന്ധം ഹൃദയവുമായി കവി സ്ഥാപിക്കുന്നത് അതിന്റെ ആത്മസമർപ്പണത്തോടുള്ള നന്ദി സൂചകമായിട്ടാണ്.

അല്ലെകിൽ
(B) “മരുന്ന്’ എന്ന കഥയിലൂടെ എഴുത്തുകാരൻ എന്താണ് പറയാൻ ശ്രമിക്കുന്നത്? ദാരിദ്ര്യവും ധനവും തമ്മിലുള്ള അന്തരം എങ്ങനെ തെളിയിക്കുന്നു?
Answer:
പുനത്തിൽ കുഞ്ഞബ്ദുള്ള സാഹിത്യഭാഷയും തമാശയും ഉപയോഗിച്ച് ഒരു ഗൗരവമുള്ള സാമൂഹ്യ സത്യമാണ് തുറന്നു കാണിക്കുന്നത്. ദരിദ്രന്റെ ചികിത്സാ പ്രാധാന്യവും അവഗണനയും, സമ്പന്നന്റെ രോഗാഭിമാനവും ചികിത്സാരീതികളും തമ്മിലുള്ള വ്യത്യാസം ഇതിലൂടെ വ്യക്തമാകുന്നു.

വിഭജനത്തിന്റെ നൂതന രീതിയെ ആണ് വരച്ചു കാണിക്കുന്നത്. ജാതീയതയുടെയും, നിറത്തിന്റെയും പേരിലുള്ള പ്രക്ഷോപങ്ങൾ നമ്മൾ കണ്ടതാണ് എന്നാൽ ഇന്നും പൂർണമായ സമത്വം നേടിയിട്ടില്ലെന്നതിന്റെ തെളിവുകളായാണ് കുഞ്ഞബ്ദുള്ളയുടെ ഈ കഥാപാത്രങ്ങൾ നിലകൊള്ളുന്നത്.

8 മുതൽ 11 വരെ ചോദ്യങ്ങൾക്ക് അരപ്പുറത്തിൽ കവിയാതെ ഉത്തരം എഴുതുക. (4 × 5 = 20)

Question 8.
പ്രളയവസ്ഥയിൽ ദുരിതാശ്വാസ ക്യാമ്പിൽ കഴിയുന്നവരുടെ ആവശ്യങ്ങൾ അറിയിച്ചുകൊണ്ട് ജില്ലാ കളക്ടർക്ക് നിവേദനം തയ്യാറാക്കുക
Answer:
നിവേദനം

സ്ഥലം:
തീയതി:

പ്രേഷിതൻ
വിലാസം
സ്വീകർത്താവ്
വിലാസം

വിഷയം: ദുരിതാശ്വാസ ക്യാമ്പ് പുനരധിവാസ ആവശ്യങ്ങൾക്കായുള്ള നിവേദനം
സാർ,
ഞാൻ ……… (പേര്), കഴിഞ്ഞ ദിവസങ്ങളിൽ നമ്മുടെ പഞ്ചായത്തിലെ ദുരിതാശ്വാസ ക്യാമ്പ് സന്ദർശിച്ചു. പ്രളയത്തിൽ വീടുകൾ നഷ്ടപ്പെട്ട നിരവധി കുടുംബങ്ങൾ ഇപ്പോൾ പ്രാഥമിക സൗകര്യങ്ങൾ പോലും ഇല്ലാത്ത നിലയിലാണ് കഴിയുന്നത്. അവർക്ക് ശുചിത്വം, ആരോഗ്യം, പാചകവസ്തുക്കൾ, ശുചിമുറികൾ, കുടിവെള്ളം തുടങ്ങി ആവശ്യമായ നിരവധി അടിസ്ഥാന സൗകര്യങ്ങൾ വളരെ കുറവാണ്.

പ്രധാന ആവശ്യങ്ങൾ:

1. സ്ഥിരതയുള്ള പുനരധിവാസ കേന്ദ്രങ്ങൾ
2. കുട്ടികൾക്ക് പഠനോപകരണങ്ങൾ
3. ആരോഗ്യം സംരക്ഷിക്കാനുള്ള മരുന്നുകൾ
4. മാനസികാരോഗ്യത്തിനായി കൗൺസിലിങ് സേവനങ്ങൾ
5. തൊഴിൽ സഹായം, വിവിധ തൊഴിലുറപ്പ് പദ്ധതികളിലേക്കുള്ള ബന്ധിപ്പിക്കൽ

താങ്കളുടെ ശ്രദ്ധയും പരിഗണനയും പ്രതീക്ഷിക്കുന്നു.

വിശ്വസ്തതയോടെ
_____ (പേര്)
_____ (പദവി ഓർഗനൈസേഷൻ, എങ്കിൽ)

Question 9.
“നിവർന്ന നട്ടെല്ലോടെ…’ തുടങ്ങിയ വരിയിൽ അമ്മ പറയുന്നത് എന്താണ്?
Answer:
അമ്മ ഈ വാക്കുകൾ കൊണ്ട് പുതിയ തലമുറയെ അഭിമാനത്തോടെ നിവർന്ന് നിൽക്കുന്ന, ആത്മാഭിമാ നമുള്ള വ്യക്തിത്വമായി വളരേണ്ടതിന്റെ ആവശ്യം പ്രബോധിപ്പിക്കുന്നു. അവരുടെ ബുദ്ധിയും ആത്മസമർപ്പണവും സമൂഹത്തിന് ഉപകാരപ്പെടുന്ന വിധത്തിൽ വളരണമെന്നും ആഗ്രഹിക്കുന്നു. മാതൃത്വം വഹിക്കുന്ന അമ്മയുടെ ആകുലതയും പ്രതീക്ഷയും ഇവിടെയുണ്ട്.

അമ്മ “നിവർന്ന നട്ടെല്ലോടെ, ഉജ്ജ്വലമായ ബുദ്ധിയോടെ, ആത്മാഭിമാനമുള്ള മനസ്സോടെ വളരാൻ” എന്ന് ആഹ്വാനം ചെയ്യുമ്പോൾ, ഇത് വെറും ബുദ്ധിമുട്ട് മറികടക്കാൻ ഉള്ള ആഹ്വാനം മാത്രം അല്ല. ഇവിടെ “നിവർന്ന നട്ടെല്ല്” എന്നത് വളരുന്ന തലമുറയുടെയും പുതിയ യുവാക്കളുടെ ആത്മവിശ്വാസ ത്തിന്റെയും പ്രതീകമാണ്.

“ഉജ്ജ്വലമായ ബുദ്ധി’ എന്നത് വെറും അക്കാദമിക വിജയം അല്ല, ജീവിതത്തിന്റെ വഴിത്തിരിവുകൾ തിരിച്ചറിയാനും, തെറ്റായ വഴികൾ തിരിച്ചറിയാനും ഉള്ള ബുദ്ധിശക്തിയാണ്. “ആത്മാഭിമാനമുള്ള മനസ്സ്” എന്നത് ആൾക്കാർ സ്വയം അവരുടെ മൂല്യങ്ങൾക്കൊപ്പം നിൽക്കണമെന്നും ആഗ്രഹിക്കുന്നു. ഇതൊക്കെ ചേർന്നാണ് അമ്മ ഒരു യുവാവിനെയും ഒരു തലമുറയെയും വളർത്താൻ ഗ്രഹിക്കുന്നത് – സമൂഹത്തിന്റെയും രാജ്യത്തിന്റെയും ഭാവിക്ക് താങ്ങായി.

Question 10.
തന്നിരിക്കുന്ന ഗദ്യ ഭാഗം വായിച്ചു നൽകിയ ചോദ്യങ്ങൾക്ക് ഉത്തരം എഴുതുക.
“ഗ്രാമത്തിലെ ചെറിയ ചായക്കടയ്ക്കരികിലൂടെ പോകുമ്പോഴാണ് ആദ്യം രാഹുൽ ശ്രദ്ധിച്ചത്’ ചില യുവാക്കൾ രാത്രിയോളം കൂട്ടം ചേർന്ന് സമയം കളയുന്നത്. പഠനത്തിലും ജോലിയിലും അവർ പിന്നോട്ടു പോകുന്ന തായി ഗ്രാമവാസികൾ പലപ്പോഴും പറയുമായിരുന്നു. സ്ത്രീകൾ ആ യുവാക്കളെ ഭയത്തോടെ നോക്കി തുടങ്ങി. കുട്ടികളോട് അവർക്കടുത്തു പോകരുതെന്നും മിണ്ടരുതെന്നും അമ്മമാർ താക്കീതു കൊടുത്തു. പക്ഷെ അവർ സദാ സന്തോഷത്തോടെ കാണപ്പെട്ടു. കുടുംബങ്ങൾക്കിടയിൽ ആശങ്കയും ഭയവും വളരാൻ തുടങ്ങി.

ഒരു ദിവസം സ്കൂളിൽ നടന്ന ബോധവത്കരണ ക്ലാസിൽ പങ്കെടുത്തപ്പോൾ രാഹുലിന് ലഹരിയുടെ ദൂഷ്യഫലങ്ങൾ വ്യക്തമായി മനസ്സിലായി. ശരീരവും മനസ്സും തകർത്ത് കുടുംബത്തെ തളർത്തുന്നൊരു കുടുക്കാണ് ലഹരിയെന്ന് പരിശീലകൻ പറഞ്ഞു. രാഹുൽ ഈ അറിവ് കൂട്ടുകാരുമായി പങ്കുവച്ചു.

രാഹുലും കൂട്ടുകാരും ഒന്നിച്ച് അപായ ചിഹ്നത്തിന്റെയും, തൂക്കുകയറിന്റെയും ജയിലഴികളുടെയും, കൈവിലങ്ങുകളുടെയും, ചിത്രങ്ങൾ വരച്ചെടുക്കുകയും അവയ്ക്ക് താഴെ ഹെൽപ്പ് ലൈൻ നമ്പറും എഴുതി കവലയിലും പൊതുയിടങ്ങളിലും യുവാക്കൾ കൂട്ടം ചേർന്നു നിൽക്കുന്ന ഇടവഴികളിലും എല്ലാം ഒട്ടിച്ചുവെച്ചു. ഇതുകണ്ട് ഗ്രാമത്തിലെ വൃദ്ധനായ ഭിക്ഷക്കാരൻ ഇങ്ങനെ പറഞ്ഞു. “ഇരുൾ പോയ് മറയും,ഇനിയും പ്രഭാതം വരും” അയാൾ ആ വാക്കുകൾ ആവർത്തിച്ചു പറഞ്ഞു കൊണ്ട് കുട്ടികളുടെ പോസ്റ്റുകളിൽ നോക്കി നടന്നു നീങ്ങി.

1. ലഹരിയുടെ അപകടങ്ങളെക്കുറിച്ച് യുവാക്കളെ ബോധവത്കരിക്കാൻ രാഹുലും കൂട്ടുകാരും സ്വീകരിച്ച നടപടി എന്തായിരുന്നു?
2. യുവാക്കളുടെ പെരുമാറ്റം ഗ്രാമത്തിലെ ജനങ്ങളിൽ എന്ത് ആശങ്കകളാണ് സൃഷ്ടിച്ചത്?
3. “ഇരുൾ പോയ് മറയും, ഇനിയും പ്രഭാതം വരും’ -ഭിക്ഷക്കാരൻ പറഞ്ഞ ഈ വാക്യം കഥയുടെ ആശയവുമായി എങ്ങനെ ബന്ധപ്പെട്ടിരിക്കുന്നു എന്ന് വിശദീകരിക്കുക.
Answer:
1. അപായ ചിഹ്നം, തൂക്കുകയർ, ജയിലഴികൾ, കൈവിലങ്ങുകൾ തുടങ്ങിയ ചിത്രങ്ങൾ വരച്ച്, അതിനോ ടൊപ്പം ഹെൽപ് ലൈൻ നമ്പർ എഴുതി ഗ്രാമത്തിലെ പൊതുയിടങ്ങളിലും യുവാക്കൾ കൂടുന്ന ഇടങ്ങ ളിലും ഒട്ടിച്ചു.

2. യുവാക്കൾ രാത്രിയോളം കൂട്ടം ചേർന്ന് സമയം കളയുന്നത് കാരണം സ്ത്രീകൾ ഭയപ്പെട്ടു, കുട്ടികൾ അവർക്കടുത്തു പോകരുതെന്ന് അമ്മമാർ മുന്നറിയിപ്പ് നൽകി, ഗ്രാമത്തിൽ ആശങ്കയും ഭയവും വളർന്നു.

3. ലഹരിയുടെ ഇരുളിൽ നിന്ന് യുവാക്കളെ തിരിച്ചു കൊണ്ടുവരാനുള്ള കുട്ടികളുടെ ശ്രമം ഭാവിയിൽ ‘പുതുയുഗത്തിന് വഴിയൊരുക്കുമെന്ന പ്രത്യാശയാണ് ഈ വാക്യം സൂചിപ്പിക്കുന്നത്.

Question 11.
(A) “നിനക്ക് പറക്കാനാകില്ലെങ്കിൽ ഓടുക,
ഓടാനാകില്ലെങ്കിൽ നടക്കുക.
നടക്കാനുമാകില്ലെങ്കിൽ ഇഴയുക
എന്തുതന്നെ ചെയ്താലും മുന്നോട്ടുതന്നെ പോവുക.
മാർട്ടിൻ ലൂഥർ കിങ്ങിന്റെ ഈ വാക്കുകൾ നൽകുന്ന സന്ദേശം എന്ത്?
Answer:
മാർട്ടിൻ ലൂഥർ കിംഗിന്റെ പ്രസിദ്ധമായ വാക്കുകൾ:
അത് ഇങ്ങനെ നിർവചിക്കുന്നു

“നിനക്ക് പറക്കാനാകില്ലെങ്കിൽ ഓടുക,
ഓടാനാകില്ലെങ്കിൽ നടക്കുക.
നടക്കാനുമാകില്ലെങ്കിൽ ഇഴയുക
എന്തുതന്നെ ചെയ്താലും
മുന്നോട്ടുതന്നെ പോവുക.”

ഇത് ആത്മവിശ്വാസത്തെയും പ്രതീക്ഷയെയും അഭിമുഖീകരിക്കുന്നതിലെ മാനവിക അർത്ഥങ്ങൾ നിറച്ചൊരു സന്ദേശമാണ്. ശുഭാപ്തിവിശ്വാസം എന്നത്, എങ്ങിനെയായാലും അവസാനം നല്ലത് സംഭവിക്കും എന്ന മനോഭാവമാണ്. പ്രതിസന്ധികൾക്കും പരാജയങ്ങൾക്കും മുന്നിൽ പതറാതെ പകയ്ക്കാതെ മുന്നോട്ടുപോകാനുള്ള അന്തരാഭിമുഖ്യമാണ് ഇതിന് അടിസ്ഥാനം അതുകൊണ്ടു തന്നെയാണ് അദ്ദേഹം താൻ എവിടെ ഏത് പ്രതിസന്ധിയിൽ നിൽക്കുമ്പോഴും ആവുന്ന വിധം മുന്നോട്ടു പോകാൻ ആയിട്ട് പറയുന്നത്. ആ പ്രയത്നം ആയിരിക്കും അവസാനം അവനെ വിജയത്തിലെത്തി ക്കുന്നതും.

“വിളക്കു കൈവശമുള്ളവനെങ്ങും വിശ്വം ദീപമയം
വെണ്മ മനസ്സിൽ വിളങ്ങിന ഭദ്രനു മേന്മേലമൃതമയം”

പ്രേമസംഗീതം – ഉള്ളൂർ എസ്. പരമേശ്വരയ്യർ

ഉള്ളൂരിന്റെ ഈ വരികളും ശുഭാപ്തി വിശ്വാസത്തെക്കുറിച്ച് ഇങ്ങനെയാണ് പറയുന്നത്. ഇവിടെ വിളക്ക് ശുഭാപ്തി വിശ്വാസമാണ് ആ ശുഭാപ്തി വിശ്വാസമുള്ള എല്ലാവർക്കും മേൽക്കുമേൽ അഭിവൃദ്ധി ഉണ്ടാകുമെന്ന് സാരം.

ഈ യൂണിറ്റിൽ പഠിക്കാൻ പോകുന്ന അമ്മമ്മ എന്ന പാഠഭാഗത്ത് വാർദ്ധക്യത്തിന്റെ അസ്വാരസ്യങ്ങൾ ക്കിടയിലും ഒരു പരാതിയും പറയാത്ത ആത്മവിശ്വാസത്തോടെ നിൽക്കുന്ന അമ്മമ്മയെ നമുക്ക് കാണാം. “തോട്ടക്കാരി’ എന്ന കവിതയിൽ വാടിക്കരിഞ്ഞു പോയ പൂന്തോട്ടത്തെ സ്നേഹം കൊണ്ട് വീണ്ടെടുക്കാം എന്ന് പറയുന്നിടത്തും ഇതേ ആത്മവിശ്വാസം. അഥവ ശുഭാപ്തി വിശ്വാസം നമുക്ക് കാണാൻ കഴിയും. ഡോക്ടർ എം എസ് വല്യത്താന്റെ വാൽവ് നിർമ്മാണ കഥ, ഡോക്ടർ പി കെ വാര്യരുടെ അനുഭവം ഇവയെല്ലാം തന്നെ ശുഭാപ്തി വിശ്വാസത്തിന്റെയും പ്രയത്നത്തിന്റെയും പാഠങ്ങളാണ് നമുക്ക് കാണിച്ചു തരുന്നത്.

അല്ലെങ്കിൽ
(B) അമ്മമ്മയെ തിരിച്ച് തറവാട്ടിൽ ആക്കി വരുമ്പോൾ പ്രഭാകരന്റെ ചിന്തകൾ എന്തെല്ലാമായിരിക്കും, സങ്കൽപ്പിച്ച് എഴുതുക.
Answer:
അമ്മമ്മയെ തിരിച്ച് തറവാട്ടിലേക്ക് വിട്ട് വരുമ്പോൾ കൃപാകരന്റെ മനസ്സിൽ അനവധി ചിന്തകളുണ്ടാ യിരിക്കാം. തന്റെ ബാല്യകാല ഓർമ്മകൾ, അമ്മമ്മയോടുള്ള ആത്മബന്ധം, അവരെ കുറിച്ച് അറിയാതെ പോവുകയായിരുന്ന വാസ്തവങ്ങൾ എന്നിവയൊക്കെ അവനെ ആഭ്യന്തരമായി തളർത്തിയേക്കാം. ആധുനിക ജീവിതരീതികളിലും നഗരത്തിലെ ആഡംബരങ്ങളിലും ജീവിച്ചിട്ടും, ആത്മാവിന്റെ ചൂട് അമ്മമ്മയുടെ പച്ചയായ സ്നേഹത്തിലായിരുന്നു എന്ന തിരിച്ചറിവ് അവനെ സ്പർശിക്കാം.

അമ്മമ്മയുടെ ഒരോ സംഭാഷണവും, ശീലവുമെല്ലാം അവനിൽ പുതിയ ഒരവബോധം ഉണർത്തുകയും തന്റെ ജീവിത മാറ്റങ്ങളെകുറിച്ച് വീണ്ടുമൊരു ചിന്താസന്ധിയിൽ എത്തിക്കുകയും ചെയ്യും. അമ്മമ്മ പുതിയ ജീവിതത്തോട് പൊരുത്തപ്പെടാൻ തയ്യാറാണെന്ന് ഈ ഒരു ദിവസം കൊണ്ട് കാണിച്ചുതരുകയായിരുന്നോ? എന്ന് കൃപാ കരൻ ചിന്തിച്ചിരിക്കാം. തറവാട്ടിൽ സുഖമാണെന്നു ധരിച്ചിരുന്നിടത്ത് ഇനിയും മോഹങ്ങൾ അവ ശേഷിക്കുന്നു എന്ന് തിരിച്ചറിഞ്ഞിരിക്കാം. ഇത്രയൊക്കെ കാര്യങ്ങൾ അറിഞ്ഞിട്ടും താൻ അമ്മയെ തിരിച്ചു തറവാട്ടിലാക്കി തന്റെ ജീവിത തിരക്കുകളിലേക്ക് കടക്കുകയാണല്ലോ എന്ന കുറ്റബോധവും ഉണർന്നിരിക്കാം.

താഴെ തന്നിരിക്കുന്ന ചോദ്യങ്ങളിൽ ഏതെങ്കിലും ഒരെണ്ണത്തിന് ഒരുപ്പുറത്തിൽ കവിയാതെ ഉത്തരം എഴുതുക. (7 × 1 = 7)

Question 12.
(A)
“ആരോഗ്യം എല്ലാം തന്നെ അല്ലെങ്കിലും എല്ലാം ആരോഗ്യത്തിന്റെ ആകണം”ഈ ആശയത്തെ ആസ്പദ മാക്കി മുഖപ്രസംഗം തയ്യാറാക്കുക.
Answer:

നമ്മുടെ ആരോഗ്യം നമ്മുടെ കൈകളിൽ

“ആരോഗ്യം എല്ലാം തന്നെ അല്ലെങ്കിലും, എല്ലാം ആരോഗ്യത്തിന്റെ ആകണം’ എന്ന വാക്കുകൾ മനുഷ്യജീവിതത്തിന്റെ വലിയ സത്യമാണ്. നമ്മൾ സ്വപ്നം കാണുന്ന വിജയം, സമ്പത്ത്, സന്തോഷം എന്നിവയെല്ലാം നല്ല ആരോഗ്യമുണ്ടെങ്കിൽ മാത്രമേ സാധ്യമാവൂ. ശരീരവും മനസ്സും ക്ഷയിക്കുമ്പോൾ ദിനചര്യ പോലും നന്നായി കൈകാര്യം ചെയ്യാൻ കഴിയാത്ത സാഹചര്യമുണ്ടാകും.

ഇന്ന് ലോകം വേഗത്തിൽ മാറിക്കൊണ്ടിരിക്കുന്നു. പാകംചെയ്ത ഭക്ഷണങ്ങൾ, ശാരീരികപ്രവർത്തനങ്ങളുടെ കുറവ്, സ്ട്രെസ്, മലിനമായ അന്തരീക്ഷം ഇവ മൂലം ആരോഗ്യം പതുക്കെ ബാധിക്കപ്പെടുന്നു. അതുകൊണ്ട് തന്നെ പൗഷ്ടികമായ ഭക്ഷണം കഴിക്കൽ, ദിവസവും കുറച്ച് സമയം വ്യായാമത്തിന് മാറ്റിവെക്കൽ, ശരിയായ ഉറക്കം, നല്ല മനോഭാവം എന്നിവ ഓരോരുത്തരും പാലിക്കേണ്ട പ്രധാന ശീലങ്ങളാണ്. ആരോഗ്യത്തെ സംരക്ഷിക്കുക എന്നത് ഒരു വ്യക്തിയുടെ മാത്രം ഉത്തരവാദിത്വമല്ല; ഒരു സമൂഹത്തിന്റെ പുരോഗതിക്കും അതു നിർണായകമാണ്.

അവസാനമായി, നമുക്ക് നമ്മുടെ ആരോഗ്യത്തിന് മുൻഗണന നൽകാം. ആരോഗ്യവാനായ മനുഷ്യനാണ് സന്തോഷകരമായ കുടുംബത്തിന്റെയും ശക്തമായ സമൂഹത്തിന്റെയും അടിത്തറ. അതിനാൽ, ജീവിതത്തെ പൂർണമാക്കാൻ ആരോഗ്യത്തെ ആദ്യം സംരക്ഷിക്കാൻ ഓരോരുത്തരും പരിശ്രമിക്കണം. ആരോഗ്യം നന്മയിലേക്ക് നയിക്കുന്ന യഥാർത്ഥ സമ്പത്താണെന്ന് നമ്മൾ എല്ലായ്പ്പോഴും ഓർക്കേണ്ടതുണ്ട്.

അല്ലെങ്കിൽ
(B) മനസ്സിൽ നൈരാശ്യമെഴുന്നവന്നു
മധ്യാഹ്നവും പ്രത്യഹമർധരാത്രം;
ശുഭം പ്രതീക്ഷിപ്പവനേതു രാവും
സൂര്യാംശുദീപം പകൽപോലെതന്നെ
(ഉള്ളൂർ)
ഉള്ളൂരിന്റെ ഈ കവിതയും ഭഗീരത പ്രയത്നത്തെയും താരതമ്യചെയ്തുക്കുറിപ്പ് തയ്യാറാക്കുക.
Answer:
ഉള്ളൂർ ഈ കവിതയിൽ മനുഷ്യന്റെ ആത്മവിശ്വാസം, പ്രതീക്ഷയുടെ ശക്തി എന്നിവയിലൂടെ എത്രമാത്രം അഗാധമായ ദൗർബല്യവും മറികടക്കാമെന്ന് കാണിക്കുന്നു. അർദ്ധരാത്രിയും മധ്യാഹ്നം പോലെ പ്രതീ ക്ഷയുടെ പ്രകാശം കൊണ്ട് നിറയ്ക്കാൻ കഴിയുമെന്ന് കവി പറയുന്നു. അതുപോലെ, ലേഖനത്തിൽ വാൽവ് ആവിഷ്ക്കാരം വഴി എഴുത്തുകാരൻ പ്രത്യക്ഷപ്പെടുത്തിയത് സ്ഥിരതയുള്ള ശ്രമത്തിലൂടെ വിജയമെന്ന പ്രതീക്ഷ സാക്ഷാത്കരിക്കാമെന്നത് തന്നെയാണ്. ഇരുപേരുടെയും കൃതികളിലും പ്രതീക്ഷയും പരിശ്രമവും മുഖ്യമാകുന്നു ജീവിതം പലപ്പോഴും പ്രതീക്ഷകൾക്ക് വിരുദ്ധമായ വഴികളിലൂടെ നമ്മ നയിക്കുന്നു. ഇത്തരം സാഹചര്യങ്ങളിൽ പതറാതിരിക്കാൻ വേണ്ടത് ആത്മവിശ്വാസവും സംയമനവുമാണ്.

അടിസ്ഥാനപാഠാവലി (മാതൃക ചോദ്യപേപ്പർ – 3 ഉള്ളൂർ എഴുതിയ കാവ്യം പ്രതീക്ഷയുടെ സാക്ഷിയാകുന്നു. “മനസ്സിൽ നൈരാശ്യമെഴുന്നവന്നു…’ പകൽ പോലും അർദ്ധരാത്രി ആയിട്ട് പ്രതീകമാവുകയും വിളക്ക് കൈവശം ഉള്ളവന് അഥവാ ശുഭാപ്തി വിശ്വാസം ഉള്ളവന് ഈ ശ്ലോകത്തിൽ അർദ്ധരാത്രിയും നട്ടുച്ച പോലെ പ്രകാശപൂരിതമായിരിക്കും എന്നാണ് പറയുന്നത്. പ്രതീക്ഷ നിലനിർത്തുന്ന മനുഷ്യനെക്കുറിച്ചാണ് ഉള്ളൂർ ഈ ശ്ലോകത്തിൽ പറയുന്നത്. അതുപോലെ, “ഭഗീരതപ്രയത്നം’ എന്ന ലേഖനത്തിലെ എഴുത്തുകാരൻ തന്റെ ആശയ സാക്ഷാൽക്കര ണത്തിനായി അപാരമായ കഠിനപ്രയത്നം നടത്തുന്നു. ഇരുവരുടെയും സൃഷ്ടിയിൽ നമുക്ക് പ്രത്യക്ഷമാ കുന്നത് നൈരാശ്യത്തെ മറികടക്കുന്ന മനുഷ്യന്റെ ആത്മശക്തിയും ആത്മവിശ്വാസവും ആണ്.

കവിതയിൽ, പ്രതീക്ഷ പ്രകാശം പോലെയും പകൽപോലെയും ശക്തിയായി പ്രത്യക്ഷപ്പെടുന്നു. ലേഖനത്തിൽ, നിർമിച്ച വാൽവ് വിജയകരമായി പ്രവർത്തിക്കുന്നവരെക്കുറിച്ചുള്ള വ്യക്തതയും അതിനു പിന്നിൽ നിലകൊണ്ട് ആത്മാർത്ഥതയും പറയുന്നു. ഈ രണ്ടിലും ഒത്തു ചേരുന്നത് മനുഷ്യന്റെ ആത്മ ശ്രദ്ധയും വിശ്വാസവുമാണ്, ഉദ്യമം എത്ര കഠിനമായാലും പിന്മാറാതെ നിലകൊള്ളുന്ന ആത്മവീര്യം. അതുകൊണ്ടുതന്നെ ഈ രണ്ട് രചനകളും മനുഷ്യജീവിതത്തിൽ പ്രതീക്ഷയുടെ പോഷകമാകുന്ന പാഠങ്ങളാണ് നൽകുന്നത്.