Teachers recommend solving Kerala Syllabus Plus Two Malayalam Previous Year Question Papers and Answers Pdf Board Model Paper 2023 to improve time management during exams.
Kerala Plus Two Malayalam Board Model Paper 2023 with Answers
Time: 2½ Hours
Total Score: 80 Marks
1 മുതൽ 6 വരെയുള്ള ചോദ്യങ്ങളിൽ ഏതെങ്കിലും 5 എണ്ണത്തിന് ഉത്ത രം തെരഞ്ഞെടുത്തെഴുതുക. 2 സ്കോർ വീതം. (5 × 2 = 10)
Question 1.
കുമാരനാശാന്റെ സീതയ്ക്കും എഴുത്തച്ഛന്റെ ശകുന്ത ളയ്ക്കും ഉള്ള രണ്ടു സമാനതകൾ കണ്ടെത്തിയെഴുതുക.
• പുരുഷ കേന്ദ്രിതമായ അധികാരവ്യവസ്ഥയെ ചോദ്യം ചെയ്യുന്ന സ്ത്രീകൾ
• സ്വതന്ത്രമായി സഞ്ചരിച്ചാൽ സ്ത്രീ ആക്രമിക്കപ്പെടുന്ന അവസ്ഥ
• പരിശുദ്ധി ചോദ്യം ചെയ്യപ്പെടുന്ന സ്ത്രികൾ
• രാത്രി നിഷേധിക്കപ്പെടുന്ന സ്ത്രീ ജീവിതം
Answer:
• പുരുഷ കേന്ദ്രിതമായ അധികാരവ്യവസ്ഥയെ ചോദ്യം ചെയ്യുന്ന സ്ത്രീകൾ
• പരിശുദ്ധി ചോദ്യം ചെയ്യപ്പെടുന്ന സ്ത്രീകൾ
Question 2.
താഴെ കൊടുത്തിട്ടുള്ളതിൽ നിന്ന് ‘ദൈവ ദശകം’ എന്ന പാഠ ഭാഗവുമായി ബന്ധമുള്ള രണ്ടു സൂചകങ്ങൾ എടുത്തെഴു തുക.
• ഭൗതിക ജീവിതം കടക്കാനുള്ള ആവിക്കപ്പലിന്റെ കപ്പി ത്താനായി വന്ന് കാത്തുകൊള്ളുക.
• മനുഷ്യ നിർമിതമായ നിയമങ്ങൾക്ക് അനുസൃതമായ ജീവിതം നയിക്കണം.
• ദൈനം ദിന ജീവിതത്തിൽ ഏറ്റവും പ്രധാനമായ അന്നം, വസ്ത്രം മുതലായവ തന്ന് ഞങ്ങളെ രക്ഷിക്കണം.
• ദൈവ പാദങ്ങളെ ശരണം പ്രാപിക്കുന്നത് മനുഷ്യന്റെ സ്വാർഥ ലാഭത്തിനു വേണ്ടിയാകണം.
Answer:
• ഭൗതിക ജീവിതം കടക്കാനുള്ള ആവിക്കപ്പലിന്റെ കപ്പി ത്താനായി വന്ന് കാത്തുകൊള്ളുക.
• ദൈനം ദിന ജീവിതത്തിൽ ഏറ്റവും പ്രധാനമായ അന്നം, വസ്ത്രം, മുതലായവ തന്ന് ഞങ്ങളെ രക്ഷിക്കണം.
Question 3.
അനുഷ്ഠാന കലാരൂപങ്ങൾക്ക് രണ്ട് ഉദാഹരണം എഴുതുക.
• കഥകളി
• ഭരത നാട്യം
• തെയ്യം
• പടയണി
Answer:
• തെയ്യം
• പടയണി
Question 4.
“പുലിക്കോട്ടിൽ ഹൈദർ എല്ലാ അർഥത്തിലും നാട്ടിൻ പുറ ത്തിന്റെ കവിയാണ്” – ഈ പ്രസ്താവനയെ സാധൂകരിക്കുന്ന രണ്ട് സൂചനകൾ എഴുതുക.
• ഏറനാടൻ ശൈലി ഉപയോഗിച്ചു
• മോയിൻകുട്ടി വൈദ്യരുടെ പാത പിന്തുടർന്നു
• സ്വന്തം ചുറ്റുപാടിനെ ചിത്രീകരിക്കുവാനുള്ള ദാഹം പ്രക ടിപ്പിച്ചു.
• അറേബ്യൻ ചരിത്രത്തെ ആസ്പദമാക്കി രചന നടത്തി.
Answer:
ഏറനാടൻ ശൈലി ഉപയോഗിച്ചു സ്വന്തം ചുറ്റുപാടിനെ ചിത്രീ കരിക്കുവാനുള്ള ദാഹം പ്രകടിപ്പിച്ചു.
Question 5.
“യുക്തി രാഹിത്യം ഹാസ്യത്തിന് കാരണമാകും.” എന്ന ആശയം അനാവരണം ചെയ്യുന്ന കവിതയാണ് ചെറിയാൻ കെ. ചെറിയാന്റെ ‘തേങ്ങ’. ഈ കവിതയെ ആസ്വാദ്യമാക്കുന്ന രണ്ട് യുക്തി രാഹിത്യ പ്രയോഗങ്ങൾ കണ്ടെത്തിയെഴുതുക.
• തലയല്ല. തകർന്നത്, തേങ്ങയാണ്
• പെരുന്തൻ തേങ്ങ, ഞെടുപ്പറ്റ് താഴേക്കു പോന്നു.
• ചിരിച്ചു ചിരിച്ചു മരിച്ചു പോകുക.
• തലയിൽ തേങ്ങ വീണാൽ മരണം ഉറപ്പ്.
Answer:
• തലയല്ല തകർത്തത്, തേങ്ങയാണ്
• ചിരിച്ചു ചിരിച്ചു മരിച്ചു പോകുക
Question 6.
കൈയൊപ്പില്ലാത്ത സന്ദേശം’ എന്ന പാഠഭാഗത്തിൽ ഇ- മെ യിലിലൂടെ പരിചയപ്പെട്ട അഗ്നിയുടെ കടന്നു വരവോടെ ശ്രീധരന്റെ ജീവിതത്തിൽ വന്ന മാറ്റങ്ങളിൽ രണ്ടെണ്ണം തെര ഞെഞ്ഞെടുത്തെഴുതുക.
• കുളിക്കാതെ ഇരുകക്ഷങ്ങളിലും ഡി ഓഡറന്റ് ചെയ്ത് ഷർട്ടെടുത്തിട്ട് ആഫീസിലേക്ക് പോകുന്നു.
• രാവിലെ ഉണർന്ന് പല്ലുതേയ്ച്ച് ചായ കുടിച്ച് പത്രവു മായി ഇരിക്കുന്നു.
• പ്രാതൽ കഴിഞ്ഞാണ് പല്ലു തേയ്ക്കുന്നത്.
• ഡോളർ അക്കൗണ്ടും ക്രെഡിറ്റ് കാർഡും തുടങ്ങി.
Answer:
• കുളിക്കാതെ ഇരുകക്ഷങ്ങളിലും ഡിഓഡറന്റ് ചെയ്ത ഷർട്ടെടുത്തിട്ട് ആഫീസിലേക്ക് പോകുന്നു.
• പ്രാതൽ കഴിഞ്ഞാണ് പല്ലു തേയ്ക്കുന്നത്
7 മുതൽ 10 വരെ ചോദ്യങ്ങളിൽ ഏതെങ്കിലും 3 എണ്ണത്തിന് ഒന്നോ രണ്ടോ വാക്യത്തിൽ ഉത്തരമെഴുതുക. (3 × 2 = 6)
Question 7.
കടമ്മനിട്ട രാമകൃഷ്ണന്റെ ‘കിരാതവൃത്തം’ എന്ന കവിത യിലെ അവസാനഭാഗത്ത് കാണുന്ന കാട്ടാളന്റെ പ്രത്യാശയെ ക്കുറിച്ച് കുറിപ്പെഴുതുക.
Answer:
കാട്ടാളൻ തന്റെ പ്രദേശത്തിന്റെ വാസസ്ഥലത്തിന്റെ തിരിച്ചു പിടിക്കലിനായി ശക്തി സംഭരിക്കുന്നു. കൽമഴു എടുത്ത് വേട്ടക്കാരുകൾ കൈകൾ വെട്ടുമെന്ന് അറിയിക്കുന്നു. മല തീണ്ടി അശുദ്ധമാക്കിയവരെ തലയില്ലാതെ ഒഴുക്കണം.
മരങ്ങളരിഞ്ഞ് എന്റെ കുലം നശിപ്പിച്ചവരുടെ കുടൽമാല കൾ എടുത്ത് ജഗത്തിൽ (ലോകത്തിൽ) തൂക്കിയിടും കൊരല് ഊരിയെടുത്ത് കുഴലൂതി വിളിക്കും. ഈ സമയ ങ്ങളിൽ മത്താടി മയങ്ങിയ ശക്തികൾ എത്തുമ്പോൾ കുല വില്ലിൽ പ്രാണന്റെ ഞരമ്പുകളിൽ പിരിച്ച ഞാണ് ഏറ്റി ഇടി മിന്നലൊടിച്ച് അഗ്നിത്തിരയുതിർത്ത് അത് കരിമുകിലിൽ ചെന്നുറഞ്ഞ് പേമാരിയായി പെയ്യും. ആ മഴ പേമഴയായി പൊടിവേരുകൾ മുളപ്പിക്കും. പടരുന്ന മുളപൊട്ടിവിളിക്കും, സൂര്യന്റെ കിരണം കാണും. അതിന് നിഴലായി അമ്പിളി ഉയ രും. വനത്തിന്റെ സുഭഗത ആടിത്തെളിയും. വനമൂർച്ഛയിൽ എല്ലാ ദുഃഖങ്ങളും ഇല്ലാതാകും. താനന്നു ചിരിക്കുമെന്ന് കാട്ടാളൻ ഉറച്ചു പറയുന്നു.
Question 8.
“അനേകം ദൗർഭാഗ്യങ്ങളോടൊപ്പം സംഭവിച്ച ചില ഭാഗ്യങ്ങ ളുടെ പേരിലാണ് ഞാനിന്ന് ജീവിക്കുന്നത്” (പദത്തിന്റെ പഥ ത്തിൽ). കലാമണ്ഡലം ഹൈദരലിയുടെ ജീവിതത്തിൽ സംഭ വിച്ച രണ്ടു ദൗർഭാഗ്യങ്ങളെ പാഠ ഭാഗത്ത് നിന്ന് ചൂണ്ടിക്കാട്ടുക.
Answer:
ഹൈദരലി കലാമണ്ഡലത്തിലെത്തിയപ്പോൾ പഠിക്കാൻ ചേരണമെങ്കിൽ രണ്ടായിരം രൂപയുടെ ആൾ ജാമ്യം വേണം. ജാമ്യം നിൽക്കാൻ ആരും തയ്യാറായില്ല. വിദ്യാർത്ഥി കലാമ ണ്ഡലത്തിൽ നിന്ന് ചാടിപ്പോകുകയോ മറ്റോ ചെയ്താൽ ജാമ്യക്കാരൻ തുക കെട്ടിവയ്ക്കണം. അവസാനം സി. പി. ആന്റണി ജാമ്യം നിന്നു. ജാമ്യം കിട്ടാൻ വൈകിയതിനാൽ ജൂണിൽ ചേരേണ്ട ഹൈദരലിക്ക് ആഗസ്റ്റിലെ ചേരാൻ കഴി ഞ്ഞുള്ളു.
1960-ൽ പട്ടിക്കാംതൊടി ചരമദിനത്തോടനുബന്ധിച്ച് ഹൈദർ പൊന്നാനിയും ശങ്കരൻ എമ്പ്രാതിരി ശിങ്കിടിയു മായി കഥകളി അരങ്ങേറ്റം നടന്നു. കഥകളി ചരിത്രത്തിൽ ആദ്യമായി ഒരു മുസ്ലിമിന്റെ അരങ്ങേറ്റം. പലപ്പോഴും കഥക ളി പരിപാടിയിൽ പങ്കെടുക്കാൻ കഴിയില്ല. അമ്പലങ്ങളിലെ പരിപാടികളിൽ ലിസ്റ്റിൽ ഹൈദരാലി ഉണ്ടാകാറില്ല. 8-ാം വർഷത്തിൽ ചേരുമംഗലം ക്ഷേത്രത്തിൽ 3 ദിവസത്തെ മുഴു നീള പരിപാടിക്ക് ഹൈദരലിയും ലിസ്റ്റിൽ വന്നു. ചേരും ഗലത്ത് സന്തോഷമായി നിൽക്കുമ്പോൾ ടീം ലീഡർ പറ ഞ്ഞു. ഹൈദരലിയും സുബ്രഹ്മണ്യനും ഉടനടി കലാമണ്ഡ ലത്തിൽ എത്തണം. റഷ്യക്കാർ കാത്തിരിക്കുന്നുണ്ട്. ഇതു കേട്ട് നിരാശരായി. ഇരുവരും തിരിച്ചുപോന്നു. സ്തബ്ദരായ രണ്ടുപേരും ബസ്സിൽ നിന്നും ചാടി ആത്മഹത്യ ചെയ്യണ മെന്നും വിചാരിച്ചു പോയി. കലാമണ്ഡലത്തിൽ എത്തിയ പ്പോൾ അവിടെ ആരുമില്ല. ശൂന്യമായിരുന്നു. എന്നീ രണ്ടു ദൗർഭാഗ്യങ്ങൾ ഹൈദരാലിയുടെ ജീവിതത്തിൽ സംഭവിച്ചു.
Question 9.
എസ്. കെ. പൊറ്റക്കാടിന്റെ “ബദരിയും പരിസരങ്ങളും എന്ന യാത്രവിവരണത്തിൽ നിന്നും കാഴ്ചാ പ്രാധാന്യമുള്ള ഏതെങ്കിലും രണ്ടു സന്ദർഭങ്ങൾ ചൂണ്ടിക്കാണിക്കുക.
Answer:
• ചുമരുകളും ജാലകങ്ങളും വാതിലുകളും മേൽക്കു രയും എല്ലാം അലുമിനിയ തകിടുകൾ കൊണ്ട് നിർമ്മിച്ച കൗതുകകരമായ ഭവനം. തണുപ്പും മഞ്ഞും തടക്കാൻ ക്യാൻവാസ് ടെന്റുകളെക്കാൾ നല്ലത് അലുമിനിയ ക്വാമ്പുകളാണ്. അതിർത്തി കാക്കുവാൻ പട്ടാളക്കാർക്ക് വേണ്ടി നിർമ്മിച്ചതാണ് അലുമിനം ക്വാമ്പ്.
• പൗരാണിക സ്മരണകളുടെ ഒരു പൂങ്കാവനമാണ് ബദ രികാശ്രമം. വേദവ്യാസനായ കൃഷ്പായനൻ ശിഷ്യഗ ണ ങ്ങ ളോടൊത്ത വേദങ്ങൾ സഞ്ചയിച്ചതും പകുത്തതും അവിടെയുള്ള ഒരു ഗുഹയിൽ വച്ചാ ണത്. മാണ്ഡൂക്യോപനിഷത്തിന്റെ വിവരണരൂപമായ കാരികാശ്ലോകങ്ങൾ രചിക്കാൻ ഗൗഡപാദാചാര്യൻ ചെന്നിരിക്കാറുണ്ടായിരുന്ന ശിലാസനവും അവിടെ കാണാം. ഗൗഡപാദന്റെ മാണ്ഡൂക്യകാരികയ്ക്ക് ശ്രീശ ങ്കരാചാര്യർ ഭാഷാ എഴുതിയതും അവിടെവെച്ചാണ്.
Question 10.
“വാംഖഡെയുടെ ഹൃദയത്തുടിപ്പുകൾ” എന്ന തലക്കെട്ട് നൽകുന്ന വൈകാരികതയെക്കുറിച്ച് രണ്ടു ഉദാഹരണങ്ങൾ കുറിക്കുക.
Answer:
അന്താരാഷ്ട്ര ക്രിക്കറ്റിൽ നിന്ന് വിരമിച്ച സച്ചിനെ രാഷ്ട്രം ബഹുമാനിച്ചത് “ഭാരതരത്നം’ എന്ന പരമോന്നത സിവിലി യൻ ബഹുമതി സമ്മാനിച്ചു കൊണ്ടായിരുന്നു.
ഇന്ത്യയും ശ്രീലങ്കയുമായുള്ള നയതന്ത്രബന്ധം തകർന്നി രുന്ന സമയമായിരുന്നിട്ടും മഹാനായ സച്ചിൻ തെണ്ടുൽക്കർ എന്ന കായിക താരത്തിനെ ബഹുമതിക്കുന്നതിനായി ശ്രീല കൻ ഗവൺമെന്റ് പുരസ്കാരം കൊടുത്തുവിട്ടു.
11 മുതൽ 17 വരെ ചോദ്യങ്ങളിൽ ഏതെങ്കിലും 6 എണ്ണത്തിന് അരപ്പുറത്തിൽ കവിയാതെ ഉത്തരമെഴുതുക. (6 × 4 = 24)
Question 11.
ഏതെല്ലാം തരത്തിലാണ് ദുഷ്യന്തൻ ശകുന്തളയെ അധിക്ഷേ പിച്ചതെന്ന് “കണ്ണാടി കാൺമോളവും” എന്ന പാഠഭാഗത്തെ അടിസ്ഥാനമാക്കി വിവരിക്കുക.
Answer:
വിശ്വാമിത്രന്റേയും അപ്സരസ്സായ മേനകയുടേയും മകളാണ് ശകുന്തള. ഭൂമിയിലും വായുവിലും നടക്കുവാൻ സാധിക്കു ന്നവളാണ്. ദേവാംശമുള്ളവളായാൽ ദുഷ്യന്തനേക്കാലും ശ്രേഷ്ഠയാണെന്നാണ് ശകുന്തള പറയുന്നത്.
ശകുന്തള വലിയ അഹങ്കാരിയും കുലടയുമാണെന്നും വ്യഭി ചാരിണിയായ ശകുന്തള കുലസ്ത്രീകളെപ്പോലെ സംസാരി ക്കരുതെന്നും ദുഷ്യന്തൻ പറയുന്നു. ജീവനാംശമായി പണമോ സ്വർണ്ണമോ തരാമെന്നും അതുകൊണ്ട് അവിടെ നിന്നും പോകണമെന്നും ദുഷ്യന്തൻ പറയുന്നു. സ്വർണ്ണരാദിക ളിലും വസ്ത്രാദികളിലും അഭിരമിക്കുന്നവളാണവൾ. കോകി ലനാരിപോലെ പര്വതയാണ്. ഇപ്രകാരമാണ് ശകുന്തളയെ അധിക്ഷേപിച്ചത്.
Question 12.
“പടയണിയുടെ അടിത്തറയിൽ കെട്ടിയുയർത്തിയ കാവ്യ ശില്പമാണ് കടമ്മനിട്ടയുടെ കിരാത വൃത്തം” – എന്ന വിഷ യത്തിൽ സംഘടിപ്പിച്ചിട്ടുള്ള ക്ലാസ്സ് – ചർച്ചയിൽ അവതരി പ്പിക്കുവാൻ പടയണിയെക്കുറിച്ച് കുറിപ്പ് തയാറാക്കുക.
Answer:
മധ്യതിരുവിതാംകൂറിലെ ഭഗവതിക്കാവുകളിൽ ആ ച രിച്ചുവരാറുള്ള ഒരു ജനകീയ അനുഷ്ഠാന കലാരൂപമാണ് പടയണി. സജീവ ജനപങ്കാളിത്തം ആവശ്യപ്പെടുന്ന ഈ കലാ രൂപത്തിൽ കൊട്ടും പാട്ടും തുള്ളലും ചിത്രങ്ങളും ശില്പ ങ്ങളും ദീപപ്രസാരണ രീതികളുമൊക്കെയുണ്ട്. പാട്ടി ന്റെയും തപ്പുതാളത്തിന്റെയും അകമ്പടിയോടെ അരങ്ങത്ത് ഉറഞ്ഞുതുള്ളുന്ന കോലം തുള്ളലാണ് പടയണിയിലെ സുപ്ര ധാന ഇനം. ഗണപതി, മറുത, കാലൻ, കുതിര, ഭൈരവി തുടങ്ങി നിരവധി കോലങ്ങൾ പാട്ടിനും കൊട്ടിനുമൊത്ത് തുള്ളിത്തിമർക്കുന്നു. പാളകൾ കൊണ്ടാണ് കോലങ്ങൾ നിർമ്മിക്കുന്നത്. 101 പാളകളാണ് ഭൈരവിക്കോലത്തിലുള്ള ത്.
ചില കോലങ്ങൾ മുഖാവർണങ്ങളാണ്. ചിലത് കിരീടമാ തൃകയിലാണ്. നിണഭൈരവിപോലുള്ള വലുപ്പമുള്ള കോല ങ്ങൾ തലയിലേറ്റി, ഇരുകൈകളും കോലത്തിന്റെ പിന്നിൽ, ചട്ടക്കോലിന്മേൽ പിടിച്ചുകൊണ്ടാണ് തുള്ളുന്നത്. ഉണങ്ങിയ കവുങ്ങിൽ നിന്നു കീറിയെടുത്ത അലകുകൾകൊണ്ട് ചട്ട മുണ്ടാക്കും. പ്രകൃതിദത്തങ്ങളായ നിറങ്ങളാണ് കോലം വര യ്ക്കാൻ ഉപയോഗിക്കുക. പാട്ടിനും കൊട്ടിനും ഒപ്പം കോലം തുള്ളുന്നു. ദാരികവധത്തിനുശേഷം രക്തദാഹിയും ഉഗ്രരൂ പിണിയുമായി മാറുന്ന കാളിയുടെ തനിസ്വരൂപം തന്നെ യാണ് നിണഭൈരവിക്കോലം, ഇടം കൈ കോലത്തെ താങ്ങിയും വലംകൈ വാളേന്തിയുമാണ് നിണഭൈരവി കള ത്തിലെത്തുക. കോലത്തിൽ പന്തം തറച്ചിരിക്കും. ചടുലച ലനങ്ങളും രൗദ്ര ഭാവവുമാണ് മുഖമുദ്ര.
Question 13.
കേശിനി ദമയന്തിയോട് വർണിക്കുന്ന ബാഹുക വിശേഷങ്ങ ളെപ്പറ്റി വിശദമാക്കുക.
Answer:
കഥാപാത്രസൃഷ്ടിയിൽ ഉണ്ണായിവാര്യർ ഷേക്സ്പിയറും കാളിദാസനുമാണ്. ഒരു കഥാപാത്രത്തെ വാക്കുകളിലൂടെ വരച്ച് കാണിക്കുമ്പോൾ, അയാളുടെ സ്വരൂപവും സ്വഭാ വവും സംസ്കാരവും ഇതിവൃത്തത്തിന്റെ ഗതിക്കൊപ്പം ചേരുന്നു.
കേശിനി പറയുന്നതിൽ ചില പൊടിവിദ്യകളുണ്ട്. അവളുടെ വാക്കും യുക്തിയും ദമയന്തിയുടെ മനസ്സിൽ പ്രണയാഗ്നി നിറയ്ക്കുന്നതാണ്. ബാഹുകൻ നളനാണോയെന്ന സംശയ ത്തിന് മറുപടിയായി ദമയന്തിയുടെ മനസ്സിൽ തെളിഞ്ഞുവ ന്നത് ” നിഷേധനായിവൻ നിർണ്ണയം’ എന്നാണ്. കേശിനീ മൊഴികൾക്ക് ശേഷമാണത് ദമയന്തി ഉറപ്പിക്കുന്നത്. ബാഹു കനെ ബുദ്ധിമാനായി അവതരിപ്പിക്കുന്നു. സമർത്ഥനായ ആ തോഴി ബാഹുകനെ പറഞ്ഞയച്ചതിനുശേഷം ഒളിച്ചു നിന്ന് ശ്രദ്ധിച്ചതിൽ നളന്റെ ദിവ്യമായ സിദ്ധികൾ കണ്ടെത്തി. അത് അവതരിപ്പിക്കുന്നത് ഭൂതദൗത്യത്തിന് ഇണങ്ങും മട്ടിലാണ്. പുനിര കണ്ട് അവമർദ്ദനം തുടങ്ങിയ നളന്റെ മനപീഡയാണ് കേശിനി അറിയിക്കുന്നത്. ഭക്ഷണസാമഗ്രികൾ കൊണ്ടുവ ന്നപ്പോൾ കുംഭത്തിൽ താനെ വെള്ളം നിറഞ്ഞു. അഗ്നി അഹ കാരമില്ലാതെ അവിടെ കത്തി എന്ന പ്രയോഗത്തിൽ അഗ്നി ദേവനോടും വരുണനോടും പ്രാർത്ഥിക്കുന്ന നളനെയാണ് കാണിക്കുന്നത്. ഋതുപർണ്ണനെ വണങ്ങുന്ന സാകേതപ തിയെ വണങ്ങുന്ന, ബാഹുകനിൽ നളന്റെ ധർമ്മനിഷ്ഠത കാണുന്നു. തേരലങ്കരിച്ചിരുന്ന പൂക്കൾ വാടിയിരിക്കുന്നത് കണ്ട് അവയെല്ലാം തലോടിയപ്പോൾ അവയെല്ലാം പുതുപു ക്കളായി മാറുകയും ചെയ്തു. എന്നിവയെല്ലാമാണ് കേശിനി ദമയന്തിയോട് വർണ്ണിക്കുന്ന ബാഹുകവിശേഷങ്ങൾ.
Question 14.
ചുവടെ കൊടുത്തിട്ടുള്ള സൂചനകളുടെ അടിസ്ഥാനത്തിൽ കാവാലം നാരായണപ്പണിക്കരുടെ “അഗ്നിവർണന്റെ കാലു കൾ” എന്ന നാടകത്തിന്റെ പ്രമേയവിശകലനക്കുറിപ്പെഴുതുക.
സൂചനകൾ:
1. അധികാര ജീർണത
2. ഉപജാപക വൃന്ദത്തിന്റെ പ്രവർത്തനങ്ങൾ
Answer:
ആക്ഷേപഹാസ്യത്തിന്റെ അതിരുകൾ നിശ്ചയിക്കാൻ പല പോഴും ബുദ്ധിമുട്ടാണ്. ‘സറ്റയർ’ എന്നത് വിലകുറഞ്ഞ പരി ഹാസമായി പലപ്പോഴും തരം താഴാറുണ്ട്. സമൂഹത്തിന്റെ പൊള്ളുന്ന ഇല്ലായ്മകളിലേക്ക് അധഃപതനങ്ങളിലേക്ക് തുറ ന്നുവെക്കുന്ന കണ്ണാടിയായി മാറുമ്പോഴാണ് അത് വിജയി ക്കുന്നത്. മലയാളസാഹിത്യചരിത്രത്തിൽ പല മഹാരഥന്മാരും അത് വിജയപൂർവ്വം നടപ്പിൽ വരുത്തിയിട്ടുണ്ട്.
ആക്ഷേപഹാസ്വത്തിന്റെ ഏറ്റവും വലിയ സവിശേഷത അത് വല്ലാത്തൊരു പ്രകമ്പനം തന്നെ, സാഹിത്യത്തിലും, സമൂഹ ത്തിലും സൃഷ്ടിക്കും എന്നതാണ്. അത് തൊടുക്കുമ്പോൾ ഒന്ന്, എയ്യുമ്പോൾ പത്ത് ഏതെങ്കിലും ഒരുഘട്ടത്തിൽ പരിഹാസത്തിന്റെ ശക്തി തിരിച്ചറിഞ്ഞു തന്നെയായിരിക്കും ആസ്വാദനം. സാഹിത്യവിനിമയം വളരെ പെട്ടെന്ന് തന്നെ സാധ്യമാകും.
പൊതുജനത്തിന് ചരിത്രത്തിലും, വർത്തമാനകാലത്തിലും പ്രതികരിക്കാൻ പറ്റാത്ത അനേകം മേഖലകൾ ഉണ്ട്. അവി ടേക്ക് ചാട്ടുളിപോലെ എറിഞ്ഞുകൊള്ളിക്കാൻ തയ്യാറാ ക്കുന്ന ആക്ഷേപശരങ്ങൾ അവരുടെ തന്നെ സ്വന്തമായി മാറുന്നത്, ഈ പറഞ്ഞ അപ്രാപ്യമായ അവസ്ഥാവിശേഷംകൊ ണ്ടാണ്. അതൊരു ലളിതമായ മനഃശാസ്ത്രമാണ്. ചുരുക്ക ത്തിൽ തങ്ങൾക്കു ചെയ്യുവാൻ സാധിക്കാത്തത്, തങ്ങൾക്കു വേണ്ടി ഇടനിലക്കാരനായി നിന്ന് സാഹിത്യകാരൻ നിർവ്വ ഹിച്ചു തരുന്നു. ഇപ്പോഴാ ധർമ്മം നിർവ്വഹിക്കുന്നത് നാടകങ്ങളും ചലച്ചിത്രങ്ങളും മറ്റുമാണ്. അവയ്ക്കും മുൻപേ പ്രാക്തനരംഗകലാരൂപങ്ങളിലൂടെ സാമൂഹികവി മർശനം നടത്തിയിരുന്നത് ഈ തരത്തിലുള്ള ആക്ഷേപഹാ സ്വത്തിലൂടെയാണ്.
A. അധികാര ജീർണ്ണതയുടെ പ്രതീകം ‘രാജാവ്’
‘അഗ്നിവർണ്ണൻ’ എന്ന രാജാവ് ഭോഗാസക്തനാണ്. പുരാണ ത്തിലെ അഗ്നിവർണ്ണൻ ഭോഗാസക്തി മൂലം ക്ഷയരോഗംവ ന്ന് സേവകരാൽ ചുട്ടുകൊല്ലപ്പെട്ടവനാണ്. സ്വന്തം കുലത്തി നും, നാമത്തിനും തന്നെ കളങ്കം വരുത്തിവെച്ച, ഒരു പാഴ്ജ ന്മം. ആ പേരും, കാലും പ്രതീകങ്ങളാകുന്നു ഈ തനതുനാ ടകത്തിൽ. അധികാരത്തിന്റെ ലഹരിയിൽ പിടഞ്ഞുതിരുന്ന സാധുക്കളെ സംബന്ധിച്ചിടത്തോളം രാജാവ് അജ്ഞാതനാ ണ്. രാജാവ് മരിച്ചോ, ജീവിച്ചോ എന്ന് സംശയഗ്രസ്തരായി, പരസ്പരം ഭയത്തോടെ മാത്രം നോക്കി, ആരാണിനി വേഷ പ്രച്ഛന്നനായോ മറ്റോ തർക്കമുയർത്തി യഥാർത്ഥ ചക വർത്തിയായി രംഗപ്രവേശനം ചെയ്യുക എന്ന ആകുലത യോടെ പ്രജകൾ. പൗരന്മാരെ സംരക്ഷിക്കാനാണ് രാജത്വം. പ്രജകളെ ‘ക്ഷതത്തിൽ നിന്ന് ത്രാണനം’ (രക്ഷിയ്ക്കൽ) ചെയ്യുന്നവനാണ് ‘ക്ഷത്രിയൻ’. ആ വാക്കിനും, അതിന്റെ അർത്ഥത്തിനും നേരെ കൊഞ്ഞനം കുത്തുകയാണ് അഗ്നി വർണ്ണന്റെ കാലുകൾ, ഈ നാടകത്തിൽ.
അഗ്നിവർണ്ണന്റെ കാലുകൾ കഥ പറയുന്നുണ്ട്. ഏറെക്കാല മായി കണ്ടുകണ്ട് മടുത്ത അതേ കാലുകൾ സിംഹാസന ത്തിൽ വാണരുളുമ്പോൾ അത് വ്യവസ്ഥിതിയുടെ നേരെ യുള്ള അവഹേളനമായി മാറുന്നു. കാലുകൾ പലരീതിയിൽ വ്യാഖ്യാനിക്കപ്പെടാം. ഒരേസമയം അവ അധികാരത്തിന്റെ യും, അവഹേളനത്തിന്റേയും ചിഹ്നമാണ്. ഒപ്പം വണങ്ങാനും, നമസ്ക്കരിക്കാനും പാദങ്ങൾ പൗരാണികകാലം മുതലേ പരാ മർശിക്കപ്പെടുകയും, പ്രതീകവത്ക്കരിക്കുകയും ചെയ്യുന്ന ഒന്നാണ്. ഇവിടെ അത് അധികാരപ്രമത്തതയുടേയും, ഭ്രാന്തി ന്റേയും അടയാളമായി തരംതാഴ്ന്നിരിക്കുന്നു. എന്തു യ്താലും, പ്രതികരിക്കില്ല എന്നുറപ്പുള്ള സാധാരണ ജനങ്ങൾ ഇന്നിന്റെ വർത്തമാനത്തിലും, ചരിത്രത്തിലെ ഏടുകളിലും എന്നും വിഡ്ഢികൾ തന്നെ.
വർത്തമാനലോകത്തിന്റെ പല കോണുകളും ഈ തരത്തി ലുള്ള അധികാരജീർണ്ണതയ്ക്ക് ജീവിച്ചിരിക്കുന്ന തെളിവു കളാകുന്നുണ്ട് പലരും. പല രാജ്യങ്ങളിലും ഈ രീതിയിൽ ജനങ്ങളെ ചവുട്ടി അരച്ചുകൊണ്ട്, കിരാത ഭരണം നടത്തിയ വരെ ജനങ്ങൾ തെരുവിൽ ചവിട്ടി അരയ്ക്കുന്ന കാഴ്ച നാം കണ്ടുകൊണ്ടിരിക്കുന്നു. എന്നിട്ടും പാഠഭേദങ്ങൾ ഉണ്ടാകു ന്നില്ല. അധികാരത്തിന്റെ മുഴുത്ത ലഹരിയിൽ പതഞ്ഞു യർന്നുകിടക്കുമ്പോഴും, താൻ കാവലാളായി മുന്നോട്ട് നയി ക്കേണ്ട സമൂഹത്തിന്റെ ആർത്തനാദങ്ങളും, ആകാശങ്ങ ളും, അരാജകത്വത്തിന്റെ അപശബ്ദങ്ങളും എല്ലാം ഈ അധികാര ഭ്രാന്തിന്റെ അട്ടഹാസങ്ങളിൽ മുങ്ങിപ്പോകുന്നു. ആക്ഷേപഹാസ്യത്തിന്റെ നിലവാരമുള്ള അളവുകോൽ കൊണ്ടുതന്നെ കാവാലം ആ രംഗത്ത് ഈ നാടകത്തിൽ ഹൃദ മായി ആവിഷ്ക്കരിച്ചിട്ടുണ്ട്. ജനങ്ങൾ തന്നെ അവസാനശബ്ദ മായ ജനാധിപത്യത്തിൽ പോലും ഇത്തരം പുഴുക്കുത്തുകൾ സ്ഥാനം പിടിച്ചുകഴിഞ്ഞു എന്നതാണ് ഈ നാടകത്തിനുള്ള അനുബന്ധം.
B. അധികാരത്തിന്റെ ഇടനാഴികളിലെ ഉപജാപകവൃന്ദം
അധികാരത്തിന്റെ ഇടനാഴികൾ, അധികാരത്തിന്റെ ഉന്നതങ്ങളിലേക്ക് കയറിപ്പറ്റാനുള്ള കുറുക്കുവഴികളാണ്. അധികാരവും, ധനവും, എപ്പോഴും അനുയായികളെ സൃഷ്ടി ച്ചുകൊണ്ടേയിരിക്കും. സ്ഥായിയായ ‘കൂറ്’ അവകാശപ്പെടാ നില്ലാതെ, നിയതമായ ഒരു ആശയധർമ്മസംഹിതയൊന്നും കൂടാതെ ആടിക്കളിക്കുന്ന മനസ്സുമായി സ്വാർത്ഥത മാത്രം ലക്ഷ്യമിട്ട് എന്നും ഈയൊരു വർഗ്ഗം ഉണ്ടായിരുന്നു. ഇന്നും അനവരതം അവർ തുടരുന്നു. അവർക്ക് മാത്രം (ഏതുകാ ലഘട്ടത്തിലും) ഒരു മാറ്റവും സംഭവിക്കുന്നില്ല. ട്രഷീസുകളി ക്കാരെപ്പോലെ തങ്ങളുടെ ലക്ഷ്യത്തിലേക്ക് അവർ തൂങ്ങി യാടിക്കൊണ്ടിരിക്കും.
ധനവും, ജീവിതാസക്തിയും, അധികാരത്തിന്റെ അപ്പക്കഷ ണങ്ങൾ നുണഞ്ഞുകൊണ്ടുള്ള ഈ ജീവിതവും അവർക്കു മടുക്കില്ല. പലപ്പോഴും രാജാവിനെക്കാൾ വലിയ രാജ്യഭക്തി യുമായി അവർ പ്രകടന പരതയുടെ ആൾരൂപമായി മാറും. അധികാരത്തിന്റെ ഇടനാഴികൾ സ്വയം സൃഷ്ടിച്ചുകൊണ്ട് അവർ ഭരണം തുടങ്ങുന്നു.
‘അഗ്നിവർണ്ണന്റെ കാലുകൾ’ എന്ന നാടകത്തിൽ ഉപജാപകവൃന്ദത്തിന് അതിന്റെ എല്ലാ ശക്തിയും ഉപയോ ഗിച്ച് ആടിത്തിമർക്കാൻ പറ്റിയ അന്തരീക്ഷമാണുള്ളത്. പ്രജകളൊക്കെ സംഭീതരാണ്. അഗ്നിവർണ്ണൻ എന്ന രാജാ വിനെ കാണാനില്ല. കാലുകൾ മാത്രമാണ് ദൃഷ്ടിഗോചരമാ യിട്ടുള്ളത്. ഈ അവസ്ഥയിൽ ആരായിരിക്കും രാജാവ് എന്ന് സംശയഗ്രസ്തരായി പരസ്പരം അഭിനയിക്കുന്നു. താനാണ് ഏറ്റവും വലിയവനെന്ന് സ്വയം നടിക്കുന്നു. ഭര ണത്തിന്റെ കടിഞ്ഞാൺ സ്വന്തം കൈകളിൽ ഭദ്രമാണെന് ഊറ്റംകൊള്ളുന്നു.
(ഉദാ: വിദൂഷകൻ വേഷം മാറിയ രാജാവാണെന്ന ചിന്താരാ മന്റെ സംശയം)
രാജാവിന്റെ ഹിംസാത്മകതയുടെ പ്രതീകമായി ‘കൊത്തു വാളുണ്ട്. രാജാവിന്റെ സിംഹാസനത്തിന് അഹിതമായി എന്തെങ്കിലും ഉണ്ടായാൽ ‘കൊത്തുവാൾ’ രൂക്ഷമായി ഇട പെടും. അതു ചിലപ്പോൾ ചോര ചിതറുന്നതുവരെ എത്തും. നിങ്ങൾ തന്നെയാണോ രാജാവ് എന്ന ചോദ്യത്തിന് കൊത്തു വാളിന്റെ മറുപടി ‘എന്തുവേണമെങ്കിലും ധരിച്ചോളണം’ എന്നാണ്. രാജാവിന്റെ കുപ്പായം ഉപജാപകവൃന്ദത്തിൽ ആർക്കും ചേരും. കൊത്തുവാളിന്, രാജഗുരുവിന്, വിദൂഷ കന് അങ്ങനെ ആർക്കും ചിന്താരാമനും, കേവലരാമനും ഇവിടെ ജനപക്ഷത്തിന്റെ പ്രതിനിധികളാകുന്നു. ചോദ്യങ്ങൾ ചോദിക്കുന്നത് അവരാണ്. ജനങ്ങൾ ചോദിക്കാൻ ആഗ്രഹി ക്കുന്ന ചോദ്യങ്ങൾ. ചോദ്യം ചെയ്യിപ്പാൻ അധികാരം അനുവ ദിക്കില്ല. ചോദ്യങ്ങളെ അരിഞ്ഞു തള്ളാൻ തന്നെയാണ്, കൊത്തുവാൾ വന്നിരിക്കുന്നത്. എന്നാൽ നീതിസഹിതവും, സ്വാതന്ത്രജനകവുമായ ചോദ്യങ്ങൾ ഉപജാപകവൃന്ദത്തിന് തന്നെ ഭീഷണിയാകുന്നു.
Question 15.
“കുടുംബാന്തരീക്ഷത്തിൽ ശാരീരിക പീഡനത്തേക്കാൾ രൂക്ഷമാണ് മാനസിക പീഡനം” – കുഞ്ചൻ നമ്പ്യാരുടെ “കൊള്ളിവാക്കല്ലാതൊന്നും” എന്ന പാഠഭാഗത്ത് ശീലാവതി ‘അനുഭവിക്കുന്ന മാനസിക പീഡനങ്ങളിൽ ഹൃദയ സ്പർശി യായ നാലൊണ്ണം ചൂണ്ടിക്കാട്ടുക.
Answer:
കുഞ്ചൻനമ്പ്യാരുടെ ശീലാവതി ചരിത്രത്തിൽ ഭർത്താവിന്റെ കുത്തുവാക്കുകൾ കേൾക്കുന്ന ഭാര്യയുടെ സഹനമാണുള്ള തു്. മുനിയായിട്ടുപോലും വീട്ടിൽ ഭാര്യയെ അടിച്ചമർത്തി പുരുഷാധികാരം കാണിക്കുന്ന ഭർത്താവാണ് ഉഗ്രശ്രവസ്സ്.
നന്നായി ശുശ്രൂഷച്ചിട്ടും ശിലാവതിയെക്കുറിച്ച് നല്ലത് പറ യാത്ത മുനിയെയാണ് കവിതാഭാഗത്ത് കാണുന്നത്. നല്ല കഷാ യവും നല്ല മുക്കുടിയും ശിലാവതി കൊടുക്കുന്നുണ്ട്. ഔഷ ധമാണ് മുക്കുടി. മരുന്നുകൊടുത്തിട്ടും ഒരു മാറ്റവും ഭർത്താ വിനില്ല. രോഗം ഔഷധത്തെ വെല്ലുന്നു. ഇല്ലങ്ങളിൽ നടന്നു ചെന്ന് തെണ്ടിയിട്ടാണ് നെല്ലും അരിയും കിട്ടുന്നത്. ഭർത്താവ് പറഞ്ഞതുപോലെ അത് കുത്തി കല്ല് കളഞ്ഞ് വച്ചുകൊടു ത്താലും ആൾക്ക് രുചിയില്ല. കൊള്ളിവാക്ക് കേട്ടാൽ ചാവു ന്നതാണ് ഭേദം എന്ന് വിചാരിക്കും.
എടുത്താലും കൊടുത്താലും അടുത്താലും കുളിച്ചാലും പറ ഞ്ഞാലും കുറ്റമാണ്. മറിച്ചായാലും കുറ്റമാണ്. കുറവ് മാത്രമേ പറയാനുള്ളു. സമൂഹത്തിൽ, കുടും ബത്തിനുള്ളിൽ സ്ത്രീകൾ അനുഭവിക്കുന്ന ദുരവസ്ഥകൾക്ക് ഉത്തമോദാഹ രണമാണ് ശീലാവതി ചരിതം.
Question 16.
“എസ്.കെ. പൊറ്റക്കാട് മനുഷ്യ ജീവിതത്തിനും സാമൂഹി കാനുഭവത്തിനും പ്രാധാന്യം നൽകുന്ന എഴുത്തുകാരനാണ്. ചുവടെ കൊടുക്കുന്ന സൂചനകളിൽ നിന്നും ഏതെങ്കിലും രണ്ടെണ്ണത്തെ പറ്റി വിശകലനക്കുറിപ്പ് തയ്യാറാക്കുക.
സൂചനകൾ:
(1) ഹിമാലയൻ താഴ്വരയിൽ കൊടും ശൈത്വം സഹിച്ച് അതിർത്തി കാക്കുന്ന പട്ടാളക്കാരുടെ ജീവിതം.
(2) പട്ടാളക്കാർക്ക് ലഭിക്കുന്ന പരിമിതമായ ജീവിത സൗക ര്യങ്ങൾ
(3) പട്ടാളക്കാരുടെ ത്വാഗപൂർണമായ ജീവിതം.
Answer:
ത്വാഗപൂർണമായ ജീവിതം
എസ്.കെ. പൊറ്റക്കാട് ഹിമാലയ പ്രാന്തങ്ങളിൽ പര്വടനം നട ത്തുമ്പോൾ ബദരിയിൽ വച്ച് പരിചയപ്പെട്ട സൂര്യപ്രകാശ് എന്ന പട്ടാളക്കാരനെ പരിചയപ്പെടുകയുണ്ടായി. മാനാഗ്രാമ ത്തിനപ്പുറമുള്ള മാതാപാസ് ഗ്രാമത്തിൽ സൂര്യപ്രകാശ് ഒരു രാത്രി കഴിച്ചുകൂട്ടുകയുണ്ടായി. സൂര്യപ്രകാശ് സ്പീപ്പിങ് ബാഗ് തുറന്ന് അതിനുള്ളിൽ ഭദ്രമായി ഉറങ്ങാൻ കിടന്നു. എപ്പോ ഴാണ് ഉണർന്നതെന്ന് നിശ്ചയമില്ല. സ്ലീപ്പിങ് ബാഗ് ഇളക്കാനോ എഴുന്നേല്ക്കാനോ കഴിയുന്നില്ല. താങ്ങാൻ കഴിയാത്തൊരു ഭാരം ഞെരുക്കുന്നതുപോലെ അനുഭവപ്പെട്ടു. രാത്രിയിലു ണ്ടായ കനത്ത ഹിമപാതത്തിൽ മൂടിപ്പോയതാണെന്ന് പിന്നീട് മനസ്സിലായി. അയാൾ ജീവനുള്ള ഒരു ഹിമക്കൂടാരമായി മാറിയിരിക്കുന്നു.
ഏറെ നേരത്തെ സാഹസിക പരിശ്രമത്തി നുശേഷമാണ്. അയാൾക്ക് അതിൽ നിന്ന് പുറത്തു കട ക്കാൻ കഴിഞ്ഞത്. ഉത്തർപ്രദേശുകാരനായ സൂര്യപ്രകാ ശിന്റെ വിവരണം യാത്രികരെ വിഷമിപ്പിച്ചു. എന്നാൽ പട്ടാ ളക്കാരന് യാതൊരു പരിഭ്രമവുമുണ്ടായിരുന്നില്ല. ശവകൂടി രമായിത്തീരുമായിരുന്ന ഹിമക്കുമ്പാരത്തിൽ നിന്നും പുറത്തു ചാടിയ കഥ നിസ്സാരമട്ടിലാണ് അയാൾ പറഞ്ഞത്. നമ്മുടെ രാജ്യത്തിന്റെ അതിർത്തികൾ സംരക്ഷിക്കുന്ന ഭട ന്മാരുടെ സഹന ശക്തിയും ര്വവും ത്യാഗബുദ്ധിയും ഏവരേയും അഭിമാനപുളകി തരാക്കും. ആ മഞ്ഞുമലയിൽ ജാഗരൂകരായി, കർത്തവ്യനി രതരായി നിൽക്കുന്ന പട്ടാളക്കാരെക്കുറിച്ചുള്ള ഒരു നിര് ക്ഷണത്തോടെയാണ് പാഠഭാഗം അവസാനിക്കുന്നത്.
പട്ടാളക്കാർക്ക് ലഭിക്കുന്ന പരിമിതമായ ജീവിത സൗകര്യങ്ങൾ
അളകനന്ദയുടെ കരയിലെ വിശാലമായ മൈതാനത്തിലെ പുൽമേടിനു താഴെ ട്രക്ക് നിർത്തി. അതിന്റെ മുതുകിൽ ഒറ്റപ്പെട്ടു നിൽക്കുന്ന അലുമിനിയം ക്യാമ്പിലാണ് പോകേ ണ്ടത് എന്ന് വഴിക്കാട്ടി പറഞ്ഞു. അതൊരു ലോഹ ഗൃഹം തന്നെയായിരുന്നു. ചുമരുകളും വാതിലുകളും ജാലക ങ്ങളും മേൽപ്പുരയുമെല്ലാം അലുമിനിയം തകിടുകൾകൊണ്ട് പണിതിരിക്കുന്നു ഇവിടെയാണ് പട്ടാളക്കാർ താമസിക്കുന്നത്.
Question 17.
മാധ്യമങ്ങളുടെ വളർച്ചയിൽ പരസ്യങ്ങൾ വഹിക്കുന്ന പങ്കി നെക്കുറിച്ച് ഡോ. വി. ആർ. പ്രബോധ ചന്ദ്രന്റെ നിരീക്ഷണ ങ്ങൾ വിലയിരുത്തുക.
Answer:
മാധ്യമങ്ങളുടെ മുന്നോട്ടുള്ള പോക്കിൽ ഏറ്റവും വലിയ പിന്തുണ നൽകുന്നത് പരസ്യങ്ങൾ നൽകുന്ന ഉൽപ്പാദനവി പണിയാണ്. നമ്മുടെ ജീവിതത്തിന്റെ താളക്രമങ്ങൾ നിർണ്ണ യിക്കുന്നത് തന്നെ പരസ്യവിപണിയാണ്. എന്തുകഴിക്കണം, എന്തു ധരിക്കണം, എന്നൊക്കെ നിത്വജീവിതത്തിൽ അടിവ രയിട്ട് ജനങ്ങളെ ഓർമ്മിപ്പിക്കുന്നതും, പഠിപ്പിക്കുന്നതും മാധ്യമങ്ങളിലൂടെ പരസ്യലോകമാണ്. അധികമായി പൊലി ഷിച്ചെടുക്കുന്ന ചെറുനുണകളുടെ കുമ്പാരമാണ് ഓരോ പര സ്വവും. പൊള്ളയായ അവകാശവാദങ്ങളും അതിശയോക്തി കലർന്ന പ്രഖ്യാപനങ്ങളും, ഓരോ പരസ്യങ്ങളെയും കുറി ച്ചുള്ള പൊതുധാരണയാണിത്. എന്നാൽ ലേഖകനെ സംബ ന്ധിച്ചിടത്തോളം, വേറിട്ട ഒരു നിലപാടാണ് പോസിറ്റീവായ നിലപാടാണ് പ്രബോധ ചന്ദ്രൻ മുന്നോട്ടു വെക്കുന്നത്. പര സ്വങ്ങളെ ബഹുജനപരോപകാരാർത്ഥം ഉപയോഗിക്കു അവിടെ അവ ശ്ലാഘനീയമായ നിലപാടാണ് പുലർത്തുന്ന ത്. ശുചിത്വം, രോഗപ്രതിരോധം, പുകവലി, മദ്യപാനം തുട ങ്ങിയ വിഷയങ്ങളിൽ പ്രതിരോധ ബോധവൽക്കരണ സംരം ഭങ്ങളിൽ പരസ്യങ്ങൾ വഹിക്കുന്ന പങ്ക് അഭിനന്ദനീയം തന്നെയാണ്. സമൂഹത്തിന്റെ പൊതുനന്മയ്ക്കു വേണ്ടി മാധ്യ മങ്ങളുടെ നേതൃത്വത്തിൽ നടക്കുന്ന പ്രവർത്തനങ്ങളെ പുക ഴ്ത്തുകയാണ് ലേഖകൻ.
18 മുതൽ 21 വരെ ചോദ്യങ്ങളിൽ ഏതെങ്കിലും 3 എണ്ണത്തിന് ഒരു പുറത്തിൽ കവിയാതെ ഉത്തരമെഴുതുക. (3 × 6 = 18)
Question 18.
ഇ.സി.ജി. സുദർശന്റെ അനുഭവത്തിന്റെ വെളിച്ചത്തിൽ മാതൃ ഭാഷാ പഠനത്തിന്റെ ആവശ്യകത തന്നിട്ടുള്ള സൂചനകളുടെ ‘അടിസ്ഥാനത്തിൽ വിലയിരുത്തുക.
സൂചനകൾ:
(1) വസ്തുതകളുടെ സൂക്ഷ്മാപ്രാഥനത്തിന് സഹായിക്കുന്നു.
(2) പുതിയ അന്വേഷണങ്ങൾക്ക് ഊർജ്ജം പകരുന്നു.
(3) ചിന്തയെയും അറിവിനെയും സർഗാത്മകമാക്കാൻ സഹായിക്കുന്നു.
Answer:
ഒരു വ്യക്തിയുടെ ചുറ്റുപാടുകളുമായി അവനെ കൂട്ടിയി ണക്കുന്നത് ഭാഷയാണ്. സംസാരിക്കുന്നവരുടെ എണ്ണത്തിൽ മലയാളത്തിന്റെ പിന്നിൽ വരുന്നവയാണ് ഐസ്ലാൻഡിക്കും, നോർവീജിയൻ ഭാഷയും. എന്നിട്ടും അവിടങ്ങളിൽ പ്രാഥമിക തലം മുതൽ മെഡിക്കൽ, സാങ്കേതികതലം വരെയുള്ള എല്ലാ മേഖലകളും ഈ ഭാഷകളിലാണ്. ലോകത്തിലെ മുന്തിയ ജീവിത നിലവാരമുള്ള രാജ്യങ്ങളാണ് ഐസ്ലാൻഡും ഫിൻലൻഡും നോർവെയും. മാതൃഭാഷയിലൂടെയുള്ള പഠനംകൊണ്ട് ആ ജനത പുറകോട്ട് പോയിട്ടില്ല.
കുവൈറ്റ് സിറ്റിയിൽ 2015 ജൂൺ 6 ന് മലയാളികൾ മാത ഭാഷാ പഠനത്തിനായി കലാ ജാഥകൾ സംഘടിപ്പിച്ചിരുന്നു. മാതൃഭാഷയായ മലയാളം പഠിക്കുന്നതിനായി കുട്ടികളെ ഒരു ക്കുവാൻ വേണ്ടിയാണ് കലാകാരന്മാർ ഉൾപ്പെടെ ജാഥയിൽ പങ്കെടുത്തത്.
ഇന്ത്യയിൽ ഏറ്റവും വളരുന്ന ഭാഷയാണ് മലയാളം എന്ന് സർവ്വേ പറയുന്നു. മലയാളം മരിക്കുന്നില്ല. നവീകരണത്തി ലൂടെ വളരുന്നുവെന്ന് ഭാഷാ റിസർച്ച് ആന്റ് പബ്ലിക്കേഷൻസ് (ബറോഡ്) പറയുന്നു. ഇവിടെ സർവ്വേയിൽ നിഗമനമായി പറ യുന്ന ഒരു വസ്തുതയുണ്ട്. ഇംഗ്ലീഷ് മാധ്യമമായി പഠിപ്പിച്ച് ഇന്ത്യയിലെ ഒരു സർവ്വകലാശാല പോലും ലോക റാങ്കിങ്ങിൽ 500- നുള്ളിൽ ഇന്നുവരെ വന്നിട്ടില്ല. അതേ സമയം സ്വന്തം ദേശത്തിന്റെ ഭാഷയിൽ പഠിപ്പിക്കുന്ന വിദേശ രാജ്യങ്ങളിലെ സർവ്വകലാശാലകൾ ലോക റാങ്കിങ്ങിൽ മുന്നിലാണ്. വിദേ ശിക്ക് അടിമയെ ഉണ്ടാക്കുന്നതാണ് ഇന്ത്യൻ രീതി. എന്നും വിദേശിയുടെ സാങ്കേതിക വിദ്യക്ക് അടിമപ്പെടുന്ന ഒരു ഇന്ത്യ ക്കാരനെ നിർമ്മിക്കാനേ ഇതിന് കഴിയൂ.
കർണ്ണാടകത്തിലെ ഒന്നാം ക്ലാസ്സ് മുതലുള്ള കന്നഡ ഭാഷ സംസ്ഥാന സർക്കാർ നിർബന്ധമാക്കിയപ്പോൾ അതിനെ ഹൈക്കോടതി സ്റ്റേ ചെയ്തു. ഇതു സംബന്ധിച്ച സുപ്രീം കോടതിയുടെ നിഗമനങ്ങൾ ചിന്തിക്കേണ്ടതാണ്. അവ താഴെ പറയുന്നു.
ഭാഷയ്ക്കുള്ള പ്രാധാന്യം കുറച്ചു കാണരുത്. മാതൃഭാഷയെ വ്യക്തമായി നിർവ്വചിക്കേണ്ടതുണ്ട്. അത് പാരമ്പര്യത്തിന്റെ ഭാഷയാണോ? ചുറ്റുപാടുള്ള പൊതുസമൂഹത്തിന്റെ ഭാഷ യാണോ? പ്രൈമറി തലം മുതൽ മാതൃഭാഷയോ പ്രാദേശിക ഭാഷയോ പഠന മാധ്യമമായി നടപ്പാക്കാൻ സർക്കാരുകൾക്ക് അധികാരമുണ്ടോ? പ്രൈമറി തലം മുതലുള്ള മാതൃഭാഷാ പഠനം കുട്ടികളെ സംബന്ധിച്ച് വളരെ പ്രധാനപ്പെട്ടതായതി നാൽ വളരെ ശ്രദ്ധാപൂർവ്വം തീരുമാനിക്കേണ്ടതുണ്ടെന്നും കോടതി പറഞ്ഞു. ഭാവിയിലേക്കുള്ള പഠനത്തിന് അടി സ്ഥാനം പ്രൈമറിയാണ്. കുട്ടികളുടെ ചിന്താശക്തി, ആശ യരൂപീകരണം, ഭാവനയും സർഗ്ഗാത്മകതയും വളരുന്നതും അടിസ്ഥാനമിടുന്നതും എല്ലാം പ്രൈമറിയിലാണ്. ഇനി മാതൃ ഭാഷയെന്നത് കുട്ടിക്ക് എളുപ്പമുള്ള ഭാഷയാണോയെന്നും അറിയണം. പ്രൈമറി തലത്തിലെ മാതൃഭാഷ തിരഞ്ഞെടു ക്കാൻ കുട്ടിക്കും രക്ഷിതാക്കൾക്കും അവകാശമു ണ്ടോയെന്നും പരിശോധിക്കണം.
ഓരോ ഭാഷയും ആശയവിനിമയോപാധി എന്നതിനപ്പുറത്ത് ഓരോ സംസ്കൃതിയേയും സാഹിത്യത്തേയും സംഗീത ത്തേയും വംശത്തേയും സമൂഹത്തെയുമെല്ലാം ഉൾക്കൊള്ളു ന്നു. അതിനാൽ സംസ്ക്കാരത്തിന്റെയും മൂല്യചിന്തക ളുടെയും അടിസ്ഥാനവും മാതൃഭാഷയാണ്.
ഒരു വ്യക്തിയെ രൂപപ്പെടുത്തുന്നതിൽ മാതൃഭാഷയുടെ പങ്ക് പ്രധാനമാണ്. അമ്മയുടെ ഉദരത്തിൽ കിടക്കുമ്പോൾ കേട്ട ശബ്ദങ്ങൾ അവന്റെ/അവളുടെ വൈകാരിക വളർച്ചക്ക് വഴി യൊരുക്കുന്നു. കുട്ടികളോട് ഏറ്റവും നല്ല ഭാഷയിൽ സംസാ രിക്കാൻ ശ്രദ്ധിക്കണമെന്ന് മനശാസ്ത്രജ്ഞർ പറയുന്നു. ഏതു കുട്ടിയും തന്റെ വികാരങ്ങൾ പ്രകടിപ്പിക്കുന്നത് മാതൃഭാഷയി ലാണ്. അതിൽ രൂപപ്പെടുന്ന മനസ്സാണ് കുട്ടികളെ ചിന്തിപ്പി ക്കുകയും ചോദിപ്പിക്കുകയും ചെയ്യുന്നത്. ഇതിനാൽ മാതൃഭാഷ അനിവാര്യമായ സമ്പർക്കം ആവശ്യപ്പെടുന്നു.
ഒരു വാക്കിന്റെ ഉൾ പദങ്ങളെ വേർതിരിച്ച് ആശയം പറയുന്നത് മലയാളം ക്ലാസ്സുകളിലെ രീതിയാണ്. ഇതാണ് ആശയം മനസ്സിലാക്കാനുള്ള എളുപ്പ മാർഗ്ഗം തുടർന്ന് പദങ്ങളുടെ ധ്വനിയിലൂടെ ഭാവനാ ലോകത്തേക്ക് പോകുന്നു. മോട്ടോറിന്റെ കമ്പിച്ചുരു ളിനെ പഠിപ്പിക്കാനുള്ള മാർഗ്ഗം മോട്ടോർ തുറന്നു കാണിക്കുന്നതാണ്. അത് മെക്കാനിക്കൽ സ്കിൽ വളർത്തുന്നു. എന്നാൽ മോട്ടോറിന്റെ ഘടനയെ ക്കുറിച്ച്, അതിലെ കാന്തിക ധ്രുവങ്ങളെക്കുറിച്ച് മാന്ത്രികതയോടെ സംസാരിക്കുന്ന മലയാളം അധ്യാപകർ കുട്ടികളെ സങ്കല്പ ത്തിക്കുന്നു. മാന്ത്രികതയോടെ സംസാരിക്കുമ്പോൾ കാന്തികതയുടെ തലങ്ങളിൽ മാറ്റം വരും. അധ്യാപകൻ ഭൂമിയുടെ രണ്ടു ധ്രുവങ്ങളിലേക്ക് വാക്കുകളിലൂടെ യാത്ര ചെയ്യും. ഭൂഗോളത്തെ വാക്കുകളിൽ ഒതുക്കി ക്ലാസ്സുകളിൽ അതിനെ ഭ്രമണം ചെയ്യിക്കും.കടലാസ്സിന്റെ അടിയിൽ ഒളിച്ചിരിക്കുന്ന കാന്തക്കട്ടയെ ഓടിച്ച് മുകളിലെ സൂചിയെ വട്ടം ചുറ്റിക്കും. കുട്ടികളുടെ സങ്കൽപ്പ ങ്ങളിൽ അത് തുടർന്ന് ഓടിക്കൊണ്ടിരിക്കും. ഇതാണ് മലയാളം മുൻഷിയുടെ ക്ലാസ്സുകളിലെ ജീവൻ എന്ന് ഇ.സി.ജി. സുദർശൻ പറയുന്നു.
Question 19.
‘മാജിക്കൽ റിയലിസ് തെക്കുറിച്ച് കുറിപ്പ് തയ്യാറാക്കുക. പ്രകാശം ജലം പോലെയാണ് എന്ന കഥാഭാഗത്ത് നിന്ന് മാജി ക്കൽ റിയലിസം കടന്നു വരുന്ന രണ്ടു സന്ദർഭങ്ങളെ കണ്ടെത്തി വിവരിക്കുക.
Answer:
പോസ്റ്റ് എക്സ്പ്രഷണിസ്റ്റ് പെയിന്റിംഗുകളെ വ്യാഖ്യാനിക്കാ നായി ജർമൻ കലാനിരൂപകനായ ഫ്രാൻ സിസ് റോ (FRANZ ROH) (1925) ഉപയോഗിച്ച പ്രയോഗമാണിത്. മാജി ക്കൽ റിയലിസം ലാറ്റിനമേരിക്കയോട് ചേർന്നുനിൽക്കുന്ന സാഹിത്യപ്രസ്ഥാനമാണ്. ഗബ്രിയേൽ ഗാർസിയ മാർക്വിസ് ആണ് ഇതിന്റെ പ്രമുഖനായ ആവിഷ്ക്കർത്താവ്.
യാഥാർഥ്യത്തിന്റെ മാന്ത്രികമായ ഉൾക്കാഴ്ച നൽകുകയാണ് മാജിക്കൽ റിയലിസം ചെയ്യുന്നത്. മായികതയും യാഥാർഥ്യവും തമ്മിലുള്ള ഏറ്റുമുട്ടലാണ് ഇതെന്നു പറയാം. ആസ്വാദകരെ സ്വാധീനിക്കുന്നതിനായി വ്യത്യസ്തമായ ത ങ്ങൾ മാജിക്കൽ റിയലിസം ഉപയോഗപ്പെടുത്തുന്നു. ഇത് എഴുത്തിലെ ടിക്ക്’ ആണെന്ന് മാർക്വിസ് അഭിപ്രായപ്പെട്ടി ട്ടുണ്ട്.
മലയാളിയെ സംബന്ധിച്ചിടത്തോളം യൂറോപ്യൻ പണ്ഡിതന്മാർ പറയുന്ന മാജിക്കൽ റിയലിസം അപരിചിതമല്ല. നമ്മുടെ യക്ഷി ക്കഥകളും പുരാണേതിഹാസങ്ങളും തെയ്യവും തിറയും പട യണിയും ശകുനവിശ്വാസങ്ങളും കുട്ടിച്ചാത്തനുമെല്ലാം ഈ മാജിക്കൽ റിയലിസത്തിന്റെ പരിധിയിൽപ്പെടും. മാർക്വേസ് പറയുന്നത് താൻ പറയുന്നത് യാഥാർഥ്യമാണെന്നാണ്. നമുക്കും മേൽ പറഞ്ഞവയെല്ലാം യാഥാർഥ്യമായിട്ടാണ് അനു ഭവപ്പെടുന്നത്. ഞാൻ ഗന്ധർവൻ, പ്രാഞ്ചിയേട്ടൻ, നന്ദനം തുട ങ്ങിയ സിനിമകളും പാണ്ഡവപുരം പോലുള്ള നോവലുകളും ഐതിഹ്യമാലയും മാജിക്കൽ റിയലിസത്തിന്റെ വകുപ്പിൽപ്പെ ടും. കാർട്ടൂൺ പരമ്പരകളിലുമുണ്ട് ഈവിധം മാജിക്കൽ റിയാ ലിറ്റികൾ,
കുട്ടികളുടെ ഭാവന പലപ്പോഴും വന്യമാണ്. ഏതെങ്കിലും ഒരു സുചനയിൽ നിന്ന് അവർ സങ്കല്പ സാമ്രാജ്യങ്ങൾ തന്നെ സൃഷ്ടിച്ചുകളയും. അവരുടെ അതിരുവിട്ട ഭാവനകൾ പല പ്പോഴും മുതിർന്നവരുടെ വിമർശനങ്ങൾ ക്ഷണിച്ചുവരു ത്തും. അതുകൊണ്ടുതന്നെ അവരുടെ ഭാവനാത്മക പ്രവർത്തനങ്ങൾ പലപ്പോഴും രഹസ്യാത്മകമായിരിക്കും. ടോട്ടോയും ജോവലും തങ്ങളുടെ സ്വപ്നയാത്രകൾ എല്ലാം രഹസ്യമാക്കി വെച്ചു. ഇവിടെ കഥാകൃത്തിന്റെ സവിശേഷ മായൊരു പ്രയോഗം കൊണ്ടുകൂടിയാണ് കുട്ടികൾ തങ്ങ ളുടെ വിശേഷപ്പെട്ട യാത്രകൾക്ക് തയ്യാറാകുന്നത്. സ്കൂളിൽ പഠനത്തിൽ മികവു പുലർത്തിയാൽ അവരുടെ ആവശ്യമായ തുഴവെള്ളം വാങ്ങികൊടുക്കാമെന്ന് അച്ഛനെകൊണ്ട് അവർ സമ്മതിപ്പിച്ചു.
വാക്ക് പാലിക്കാൻ ഒരു അലുമിനിയം വള്ളം തന്നെ അയാളവർക്ക് വാങ്ങികൊടുത്തു. കുട്ടികൾ ആ വള്ളം മുകളിലേക്കെത്തിച്ചു. എല്ലാ ബുധനാഴ്ചകളിലും മാതാപിതാക്കൾ സിനിമ കാണാൻ പോകുമ്പോൾ അവർ ആ വള്ളം സ്വീകരണ മുറിയിൽ ഇറക്കി. ഏറ്റവും വലിയ ബൾബു തന്നെ പൊട്ടിച്ച് അതിൽനിന്നുള്ള പ്രകാശത്തിന്റെ കുത്തൊ ഴുക്കിൽ നിറഞ്ഞ് ഒഴുകി തുഴഞ്ഞുനടന്നു. പ്രകാശം ജലം പോലെയാണെന്ന കഥാകൃത്തിന്റെ സവിശേഷമായൊരു പ്രയോഗം, പ്രായോഗിക ജീവിതത്തിൽ അവർ പകർത്തി. അച്ഛനമ്മമാർ തിരിച്ചുവരുവോളം അവരാ സ്വീകരണമുറി യിലും മറ്റു മുറികളിലും വെളിച്ച പ്രവാഹത്തിൽ സ്വയം തുഴ ഞ്ഞുനടന്നു. കടലിൽ നാവികർ ദിശ കണ്ടെത്താൻ സഹാ യിക്കുന്ന ഉപകരണങ്ങളും അവർ ഇതിനകം സ്വന്തമാക്കി കഴിഞ്ഞിരുന്നു.
മാസങ്ങൾ കഴിഞ്ഞ തോടെ, ടോട്ടോയും, ജോവലും തങ്ങൾക്ക് മുങ്ങൽ പരീക്ഷണത്തിനുള്ള ഉപകരണങ്ങൾ കൂടി വാങ്ങിത്തരണമെന്ന് ആവശ്യവുമായെത്തി. അതും ലഭി ച്ചുകഴിഞ്ഞതോടെ ഓരോ ബുധനാഴ്ചകളിലും പണ്ട് കാണാ തായി മറഞ്ഞുപോയ പലതും അവർ മുങ്ങിത്തപ്പി കണ്ടെത്തി എടുക്കാൻ തുടങ്ങി. ഒടുവിൽ കൂട്ടുകാരെ മുഴുവൻ വിളിച്ച് നൽകുന്ന ഒരു പാർട്ടിയിൽ പ്രകാശ പ്രവാഹം എല്ലാ അതി രുകളും ലംഘിച്ച് പുറത്തേക്ക് കുതിച്ചൊഴുകുന്നു. അത് മട്ടു പാവുകളും, അനേകം പടികളും മറികടന്ന് ഒഴുകിയൊഴുകി തെരുവിലെത്തുകയും പിന്നീട് പട്ടണത്തിന്റെ നേർക്ക് കുതി ച്ചൊഴുകുകയും ചെയ്തു.
ഫ്ളാറ്റിനകത്ത് അഗ്നിശമന സേനാംഗങ്ങൾ പ്രകാശത്തിന്റെ മേൽക്കൂര മുട്ടുന്ന പ്രവാഹ മാണ് കണ്ടത്. എലിമെന്ററി സ്കൂളിലെ കൂട്ടുകാരും ഗൃഹോ പകരണങ്ങളും ആ പ്രകാശം കുത്തൊഴുക്കിൽ ഒഴുകിനട ന്നു. ടോട്ടോയും ജോവലും തങ്ങളുടെ വള്ളത്തിൽ ഒരു തീര മണഞ്ഞു കിട്ടാൻ ശ്രമിക്കുകയായിരുന്നു. കുട്ടികളുടെ കുസൃതിത്തന്നെയാണ് പ്രകാശപ്രവാഹത്തിനുകാരണമായ ത്. ഒന്നിച്ച് ഒരേ സമയം ഒരു പാട് വിളക്കുകൾ പ്രവർത്തി പിച്ചതുകൊണ്ടാണ് ഈ പ്രവാഹമുണ്ടായത്. ശാസ്ത്രത്തിന്റെ വിശകലന സിദ്ധാന്തങ്ങൾക്കപ്പുറം ഭാവനയുടെ വന്യമായ സഞ്ചാരപുറങ്ങളിലേക്ക് മാർകേസ് ഈ കഥയിലൂടെ വായ നക്കാരെ കൊണ്ടുപോകുന്നു. മാജിക്കൽ റിയലിസത്തിന്റെ വശ്വത അനുഭവിപ്പിക്കുന്നു.
Question 20.
ഡോ. എം. എൽ. കാരശ്ശേരി പറയുന്ന പുലിക്കോട്ടിൽ ഹൈദ റിന്റെ രചനകളുടെ സവിശേഷതകൾ ഉദാഹരണ സഹിതം വ്യക്തമാക്കുക.
Answer:
മാപ്പിളപ്പാട്ട് രചയിതാക്കളിൽ പ്രമുഖനാണ് പുലിക്കോട്ടിൽ ഹൈദർ, പ്രമേയം, ഭാഷ, കാഴ്ചപ്പാട് എന്നിവയിലെല്ലാം പുലി ക്കോട്ടിൽ ഹൈദർ നാടനായിരുന്നു. ഒരു മലയാളി എന്ന നിലയിൽ അദ്ദേഹം അഭിമാനിച്ചിരുന്നു. മറ്റു മാപ്പിളപ്പാട്ടുകാ രെപ്പോലെ അറേബ്യൻ ചരിത്രത്തിലേക്കോ ഇസ്ലാമിക ജീവി തത്തിലേക്കോ തിരിയാതെ കേരള ചരിത്രമാണ് തന്റെ കാവ്യ വിഷയമാക്കിയത്. അതിൽ എന്റെ കേരളത്തിനു വന്ന നാശം എന്ന പ്രയോഗം പുലിക്കോട്ടലിന് കേരളത്തിനോടുണ്ടായി രുന്ന അമിതമായ സ്നേഹത്തിന്റെ ഉദാഹണമാണ്.
പുലിക്കോട്ടിൽ ഹൈദർ തന്റെ പാട്ടുകൾക്ക് ഉപയോഗിച്ച ഭാഷയും തനിനാടനായിരുന്നു. താൻ ജനിച്ചുവളർന്ന ഏറ നാടൻ ഗ്രാമമായ വണ്ടൂരിലെ വാമൊഴിയെ അങ്ങനെ തന്നെ കവിതയിലേക്കും കൊണ്ടുവന്നിരുത്തി. മലവ് (മലയിൽ) നരിനെ (നരിയെ) എന്നിവ ഏതാനും ഉദാഹരണങ്ങളാണ്.
കേരളീയ സ്ത്രീ ജീവിതത്തോടുള്ള സമീപനവും വ്യത്യസ്ത മായിരുന്നു. പുരുഷന്റെ ക്രൂരതയ്ക്കും വഞ്ചനയ്ക്കും പാത മാവുന്ന സ്ത്രീത്വം ഹൈദറിനെ വേദനിപ്പിച്ചു. ‘മറിയക്കുട്ടി യുടെ കത്ത്’ എന്ന മാപ്പിളഗാനം ഇതിനു മികച്ച ഉദാഹര ണമാണ്. ജയിലിൽ കഴിയുന്ന ഭർത്താവ് തന്നെ സംശയിക്കു
ന്നതറിഞ്ഞ്. അയാളല്ലാതെ മറ്റാരും തന്നെ തൊട്ടിട്ടില്ലെന്നും അയാളെ കാണാനുള്ള മോഹം മാത്രമാണ് ഇപ്പോഴുള്ള തെന്നും കണ്ടു കഴിഞ്ഞാൽ താനങ്ങു മരിച്ചു പോകട്ടെ യെന്നും മറിയക്കുട്ടി ഭർത്താവിനെഴുതുന്ന കത്ത് ആരു ടെയും കരളലിയിപ്പിക്കുന്നതാണ്.
പ്രവാസജീവിതത്തിന്റെ ദുരിതങ്ങളവതരിപ്പിക്കുന്ന കത്തു പാട്ടും അദ്ദേഹത്തിന്റെ നാടിനോടുള്ള പ്രിയം വെളിപ്പെടു ത്തുന്നവയാണ്. സ്വാതന്ത്ര്യസമര സേനാനിയായ അബ്ദുറഹി മാന്റെ അനുയായി ആയിരുന്നുവെന്നതും ദേശസ്നേഹം വെളിപ്പെടുത്തുന്നു. പ്രമേയ സ്വീകരണത്തിലും ഭാഷയുടെ തിരഞ്ഞെടുപ്പിലും സാമൂഹിക കാഴ്ചപ്പാടിലും കേരളീയത കാത്തുസൂക്ഷിച്ചയാളാണ് ഹൈദർ.
Question 21.
“നവ മാധ്യമങ്ങൾ ശക്തിയും സാധ്യതയും” എന്ന പാഠഭാഗ ത്തിന്റെ ആശയങ്ങൾ ഉപയോഗപ്പെടുത്തി “കോവിഡ് കാലത്തെ വിദ്യാഭ്യാസത്തിൽ നവ മാധ്യമങ്ങൾ വഹിച്ച പങ്ക്” എന്ന വിഷയത്തിൽ ഒരു പ്രസംഗം തയ്യാറാക്കുക.
Answer:
പ്രിയപ്പെട്ടവരെ, ഏവർക്കും എന്റെ നമസ്ക്കാരം
നിങ്ങൾക്ക് പറക്കാൻ കഴിയില്ലെങ്കിൽ ഓടുക. ഓടാൻ കഴി യില്ലെങ്കിൽ നടക്കുക. നടക്കാൻ കഴിയില്ലെങ്കിൽ ഇഴയുക. പക്ഷേ, ചെയ്യുന്നത് എന്തുതന്നെയായാലും മുൻപോട്ടുതന്നെ നീങ്ങുക. അമേരിക്കയിലെ വർണ്ണവിവേചനത്തിനെതിരെ പോരാടിയ മാർട്ടിൻ ലൂതർ കിങ്ങിനെ ഈ വാക്കുകൾ ജീവിത സാഹചര്യങ്ങളോട് മനുഷ്യൻ പുലർത്തേണ്ട സമീ പനം എങ്ങനെ ആയിരിക്കണം എന്ന് വ്യക്തമാക്കുന്നതാണ്. അതെ കൊറോണ എന്ന കുഞ്ഞ് വൈറസ് നമ്മുടെ സാധാ രണ ജീവിത്തിന് ഭംഗം സൃഷ്ടിച്ചപ്പോൾ പകച്ചു നിൽക്കാതെ മുന്നോട്ടുള്ള പ്രയാണത്തിന് പുതുവഴികൾ തേടുകയാണ് ലോകമെങ്ങുമുള്ള മനുഷ്യർ.
ഓരോ മഹാമാരികളും മനുഷ്യവംശത്തിന് ഏൽപ്പിച്ച മുറിവു കൾ മാരകമാണ്. എന്നാൽ മഹാമാരികൾക്ക് ശേഷം ഉദയം കൊണ്ട പുത്തൻ ലോകം കൂടുതൽ മിഴിവേറിയതാണ് എന്ന തിന് ചരിത്രം സാക്ഷി. കോവിഡ് മഹാമാരി ഏറ്റവുമധികം ആഘാതം ഏൽപ്പിച്ച മേഖലകളിൽ ഒന്നായ വിദ്യാഭ്യാസമേഖ ലയും ആധുനികവൽക്കരണത്തിന്റെയും നവീകരണത്തി ന്റെയും ഉയർത്തെഴുന്നേൽപ്പിന്റെയും പാതയിൽ തന്നെയാ ണ്. അടച്ചിട്ട ക്ലാസ് മുറികളും വിജനമായ കളിക്കളങ്ങളും കുട്ടികളിലും അധ്യാപകരിലും ഉണ്ടാക്കിയ മാനസിക സംഘർഷങ്ങളെ ഒരു പരിധിവരെയെങ്കിലും ലഘൂകരി ക്കാൻ ഓൺലൈൻ വിദ്വാദ്വാസത്തിന് കഴിഞ്ഞിട്ടുണ്ട്.
കുട്ടികളെ അറിവിന്റെ ലോകത്തോട് അടിപ്പിച്ചു നിർത്തു വാനും, പാഠ്യേതര മേഖലകളിലെ കഴിവുകൾ വളർത്താനും ഒക്കെ ഓൺലൈൻ സാധ്യതകൾ പരമാവധി ഉപയോഗപ്പെ ട്ടുത്തുന്നതാണ് നാം എങ്ങും കാണുന്നത്. വിദ്യാർത്ഥികളു ടെയും അധ്യാപകരുടെയും മാതാപിതാക്കളെയും സാങ്കേ തിക പരിജ്ഞാന ത്തിലുണ്ടായ കുതിച്ചു ചാട്ടവും ഓൺലൈൻ വിദ്യാഭ്യാസത്തിന്റെ നേട്ടമായി നമുക്ക് കണക്കാ ക്കാം. മികച്ച അധ്യാപകരുടെ മികവുറ്റ ക്ലാസുകൾ കുട്ടിക ളുടെ താല്പര്യമനുസരിച്ച് പലവട്ടം കാണാൻ പുതിയ സംവി ധാനത്തിലൂടെ കഴിയുന്നു എന്നതും ഗുണകരം തന്നെ. ഗാന്ധിജി അഭിപ്രായപ്പെട്ടതുപോലെ ഒരു ശിശുവിന്റെ ശരീ രത്തിലും മനസ്സിലും ആത്മാവിലും ഉള്ള ഏറ്റവും നല്ലതിനെ വികസിപ്പിക്കുന്നതാണ് വിദ്വഭ്യാസം.
ഈ അർത്ഥത്തിൽ ഏറെ പരിമിതികളും, പരാധീനതകളും ഓൺലൈൻ വിദ്യാഭ്യാസത്തിൽ ഉണ്ട് എന്നത് വിസ്മരിക്കാ വുന്നതല്ല. സജീവമായി ക്ലാസ് മുറികൾക്ക് പകരമാവാൻ, കൂട്ടായ്മയുടെയും സഹവർത്തിത്വത്തിന്റെയും അന്ത രീക്ഷം സൃഷ്ടിക്കാൻ ഓൺലൈൻ പഠന സംവിധാന ങ്ങൾക്കാവില്ല. മുഖങ്ങൾ കാണാതെ ഇടപെടലുകളും സംശ യനിവാരണങ്ങളും ഇല്ലാതെ വിരസമായ പ്രക്രിയയായി അദ്ധ്യാപനവും അധ്യയനവും മാറുന്നു. ടി.വി.യുടെയും ഇന്റർനെറ്റിന്റെയും ലഭ്യതക്കുറവും പണച്ചെലവും പാർശ്വ വൽക്കരിക്കപ്പെട്ടവർ കൂടുതൽ പാർശ്വവൽക്കരിക്കപ്പെടാൻ ഇടയാകുന്നു എന്നത് കണ്ടില്ലെന്ന് നടിക്കാനാവില്ല. ഓൺലൈൻ വിദ്യാഭ്യാസത്തിന്റെ പരിമിതികളിലും പോരായ്മ കളും തിരിച്ചറിഞ്ഞ് അതിനെ പരമാവധി പരിഹരിച്ച് പോകുക എന്നതാണ് നിലവിൽ നമ്മുടെ മുന്നിലെ പോംവ ഴി. ക്ലാസ് മുറികളിൽ നുറുങ്ങു നിമിഷങ്ങളും വിനോദ സ ല്ലാപങ്ങളും എല്ലാം തിരികെ എത്തുന്ന ഒരു സെക്കൻഡ് ബെൽ ഉടൻ ഉണ്ടാവും എന്ന ഉറച്ച പ്രതീക്ഷയോടെ നിർത്തുന്നു.
നന്ദി, നമസ്ക്കാരം
ചുവടെ തന്നിട്ടുള്ള കവിതാഭാഗം വായിച്ച് 22 മുതൽ 24 വരെ ചോദ്യങ്ങൾക്ക് ഒന്നോ രണ്ടോ വാക്യത്തിൽ ഉത്തരമെഴുതുക. (3 × 2 = 6)
പിൻസീറ്റിലെത്രയ്ക്ക് നേരെയിരുത്തിട്ടു
മോരം ചരിഞ്ഞു മടങ്ങിയിരുന്നമ്മ
നിരറ്റു വറ്റിവരണ്ട കൈച്ചുള്ളികൾ
നീരാതെ മാറോട് ചേർത്ത് വച്ചിട്ടുണ്ട്
എങ്ങോട്ടു പോകുന്നുവെന്നു ചോദിച്ചില്ല.
എന്തിനെന്നും, പക്ഷെ കണ്ണുകൾ, കണ്ണുകൾ
മങ്ങിപ്പഴകിയ എഞ്ഞാണ് വർണമായി
പാടയും പിളയും മൂടിയ കണ്ണുകൾ
ഏറെപ്പണിപ്പെട്ടടച്ചു തുറന്നവർ
ജില്ലാശുപത്രിക്കരികിലൊരേയൊരു
രാക്കട മാത്രം ഉറക്കച്ചടവുമായ്
രണ്ടുമൂന്നാളുകളുണ്ടെങ്കിലും പിന്നി
ലുണ്ട്, ഒഴിവു കനത്താര രുളിടം
പക്ഷേ, പടികളിലെന്തോ തടഞ്ഞുപോയ്
പണ്ടു പനിച്ചതും അമ്മയെടുത്തുകൊ
ണ്ടപ്പടിയോരോന്നു കേറിക്കിതച്ചതും
അന്നത്തെ സൂചി പ്രയോഗത്തിൽ നീറ്റൽ
പോലൊന്ന് മനസ്സിലുടപ്പോൾ കടന്നു പോയി. (റഫീക്ക് അഹമ്മദ്)
Question 22.
കവിതാഭാഗത്ത് അമ്മയുടെ കണ്ണുകളെ വിശേഷിപ്പിച്ചിരിക്കു ന്നത് എപ്രകാരമാണ്?
Answer:
മങ്ങിപ്പഴകിയ എഞ്ഞാണ് വർണമായിട്ടാണ് അമ്മയുടെ കണ്ണുകളെ വിശേഷിപ്പിച്ചിരിക്കുന്നത്.
Question 23.
“കൈച്ചുള്ളികൾ” എന്ന പ്രയോഗം കൊണ്ട് അർഥമാക്കുന്ന തെന്ത്?
Answer:
കൈപ്പത്തി
Question 24.
ജില്ലാശുപത്രിക്കരികിലെത്തിയപ്പോൾ മകന്റെ മനസ്സിലൂടെ കടന്നു പോയതെന്തെല്ലാം?
Answer:
പണ്ട് അമ്മയ്ക്ക് പനിപിടിച്ചപ്പോൾ അമ്മയെടുത്ത് കൊണ്ട് പടിയോരോന്നും കേറിക്കിതച്ചതും അന്നത്തെ സൂചി പ്രയോ ഗത്തിൽ അമ്മയ്ക്ക് ഉണ്ടായ വേദനയുമാണ് ജില്ലാശുപതി ക്കരികിലെത്തിയപ്പോൾ മകന്റെ മനസ്സിലൂടെ കടന്നുപോ യത്.
25 മുതൽ 27 വരെ ചോദ്യങ്ങളിൽ ഏതെങ്കിലും 2 എണ്ണത്തിന് ഒന്നരപ്പുറത്തിൽ കവിയാതെ ഉത്തരമെഴുതുക. (2 × 8 = 16)
Question 25.
ഫോട്ടോ എന്ന വസ്തുവിനെ കച്ചവടക്കാർ കാണുന്നതുപോ
ലെയാണോ ദിവാകരനും കുട്ടികളും പരിഗണിക്കുന്നത്? പി. പത്മരാജന്റെ “അവകാശങ്ങളുടെ പ്രശ്നം” എന്ന കഥയെ ചുവടെ കൊടുത്തിരിക്കുന്ന സൂചനകൾ മുൻ നിർത്തി വിശ കലനം ചെയ്യുക.
സൂചനകൾ:
(1) തനിക്ക് ആവശ്വമുള്ള ഫോട്ടോ കണ്ടെത്തണം എന്ന ദിവാ കരന്റെ നിർബന്ധം.
(2) മരിച്ചു പോയവരുടെ സാന്നിധ്യം ദിവാകരനും കുട്ടി കളും ഫോട്ടോയിൽ കണ്ടെത്തുന്നു.
(3) അച്ഛനമ്മമാരുടെ ഛായാപടങ്ങളുടെ അന്വേഷണം സ്വന്തം പൈതൃകത്തിന്റെ അന്വേഷണമായി മാറുന്നു.
(4) ചിത്രങ്ങളുടെ ധാരാളിത്തത്തിൽ മുഖം സ്വത്വം നഷ്ടപ്പെ ടുന്ന അവസ്ഥ,
(5) വെളിച്ചത്തിന്റെ പിന്നിലെ ചതി.
Answer:
അവകാശങ്ങളുടെ പ്രശ്നം : എന്ന കഥയിൽ തികച്ചും വ്യത്യ സ്തമായ ഒരു പ്രമേയമാണ് പി. പത്മരാജൻ വായന ക്കാർക്കായി ഒരുക്കിയിരിക്കു ന്ന ത്. യഥാർത്ഥവും സ്വപ്നവും കൂടികുഴഞ്ഞ ഒരു വ്യത്യസ്ത ബോധമണ്ഡല ത്തിലേയ്ക്ക് വായനക്കാരൻ എത്തിച്ചേരുന്നു. സ്വാഭാവിക മായും സത്യമേത്, മിഥ്യയേത് എന്നുള്ള കൂടിക്കുഴച്ചിലിൽ വായനക്കാരന്റെ മനസ്സ് പതറുന്നു.
മരിച്ചവരുടെ ഫോട്ടോ മാത്രം വിൽക്കുന്ന ഒരു തെരുവായി രുന്നു അത്. അവിടെയുള്ള കടക്കാർ സഹതാപത്തോ ടെയും പിന്നെ പരിഹാസത്തോടെയും കൂടിയാണ് ദിവാക രനെ സ്വീകരിക്കുന്നത്. കാരണം ദിവാകരന്റെ പകപ്പും, പിന്നെ പ്രിയപ്പെട്ടവരെ കാണാനുള്ള അങ്കലാപ്പും.
ഫോട്ടോ ഓർമ്മയാണ്, ഒരു കാലത്തിന്റെ പ്രവാഹത്തെ ഒരു നിമിഷം നിശ്ചലമാക്കുന്ന അത്ഭുത വിദ്യ. കാലത്തിന്റെ കുത്തൊഴുക്കിനെ ഒരു നൊടിയിടകൊണ്ട് പിടിച്ചുനിർത്തി യിരിക്കുന്നു. ഓർമകളുടെ പോയകാലത്തിന്റെ കനത്ത നെടുവീർപ്പുമായാണ് ഓരോ ഫോട്ടോയും സ്ഥിതിചെയ്യു ന്നത്. വികാരവായ്പോടെയാണ് ദിവാകരൻ ഫോട്ടോയുടെ മുന്നിലേക്ക് എത്തിച്ചേരുന്നത്.
കച്ചവടക്കാരനെ സംബന്ധിച്ചിടത്തോളം ഫോട്ടോ ഒരു ഉത്പന്നം മാത്രമാണ്. അതിൽ യാതൊരു തരത്തിലുള്ള വികാ രവായ്പോ, മറ്റേതെങ്കിലും തരത്തിലുള്ള താൽപര്യങ്ങളോ അവർക്കില്ല. ലാഭം അതുമാത്രമാണ് ലക്ഷ്യം.
കച്ചവടക്കാർ ആയിരക്കണക്കിനാണ്. ലാഭത്തിന്റെ കണക്കു കൾ മാത്രമാണ് അവരുടെ മനസ്സുകളെ ചലിപ്പിക്കുന്നത്. വികാരപ്രകടനങ്ങൾക്ക് അവിടെ സ്ഥാനമില്ല. ഒരുപാട് ആളു കളുടെ ഉൽകണ്ഠ നിറഞ്ഞ അന്വേഷണങ്ങൾക്ക് മറുപടി പറഞ്ഞ് പറഞ്ഞ് ഇപ്പോഴവർക്ക് അടിയന്തിര സ്വഭാവം തന്നെ നഷ്ടപ്പെട്ടിരിക്കുന്നു. ഒരു തരം നിർവ്വികാരത അവിടെ സ്ഥാനം പിടിച്ചിരിക്കുന്നു. എന്തുതന്നെ സംഭവിച്ചാലും ഞങ്ങൾക്കൊന്നുമില്ല എന്നൊരു ഭാവം. അതുപോലെ നിസ്സം ഗതയും ജീവിതത്തിന്റെ ഏറ്റവും വലിയ സത്യമായ മരണ ത്തിന്റെ കച്ചവടക്കാരാണവർ. മരണത്തിന്റെ ഒരു മരവിപ്പ് അവരിലേക്കും പടർന്നിട്ടുണ്ടാകും.
ഫോട്ടോ നോക്കിക്കാണുന്നവരുടെ മാനസികാവസ്ഥയ്ക്ക് അനുസരിച്ച് പ്രാധാന്യം കൂടുകയും കുറയുകയും ചെയ്യുന്ന ഒന്നായി മാറുന്നു. പത്രങ്ങളിലെ മരണം കോളങ്ങളിൽ പെട്ടെന്ന് ഒരു പരിചിതമുഖം കടന്നുവരുമ്പോൾ നാം ഞെട്ടു ന്നു. പരിചിതത്വം ബന്ധുത്വം എന്നീ ഘടകങ്ങളാണ് ഫോട്ടോ എന്ന ഉൽപന്നത്തെ ഏറ്റവും പ്രധാനപ്പെട്ടതായി തീർക്കുന്ന ത്. ഇവ രണ്ടും ഇല്ലെങ്കിൽ ഫോട്ടോ മറ്റേതെങ്കിലും അ തന വസ്തുപോലെ നിർജ്ജീവമാണ്. കച്ചവടക്കാർ തങ്ങ ളുടെ മുന്നിലുള്ള അപരിചിതത്വം തുളുമ്പുന്ന പതിനായിര കണക്കിന് മുഖങ്ങൾക്ക് മുമ്പിൽ മരണത്തിന്റെ കാവൽക്കാരനായി മരവിച്ച മനസ്സോടെ ഇരിക്കുന്നു. അവ രുടെ മനസ്സുകളിൽ മൃദുലവികാരങ്ങൾക്ക് അല്പായുസ്സ് മാത്രമാണ്. അതുകൊണ്ടാണ് തുടക്കത്തിൽ ദിവാകരനോട് തോന്നിയ വാത്സല്യം പൊടുന്നനെ പരിഹാസമായി മാറിയ ത്. കുട്ടികൾ എന്നും കൗതുകത്തിന്റെ ലോകത്തിൽ ആണ്. അവർ ഏറ്റവും വികാരപരമായി പ്രതികരിക്കുന്നവർ കൂടി യാണ്. എന്നിട്ടും ആറും ഏഴും വയസ്സ് മാത്രം പ്രായമുള്ള ആ കുട്ടികൾ ദിവാകരന്റെ നിശ്ചലമായ മുഖത്തിനു മുമ്പിൽ ഏറെ സംയമനം പാലിച്ചു. നിശബ്ദമായി അവരുടെ കണ്ണു കൾ നിറഞ്ഞൊഴുകി. അവരുടെ ദുഃഖത്തിന്റെ വേലിയേറ്റ ങ്ങൾക്കിടയിൽ ദിവാകരൻ നിശ്ചലമായി.
Question 26.
‘ജന്മസിദ്ധിയും സാധനയുമാണ് കലാകാരനെ രൂപപ്പെടു ത്തുന്നതെന്ന് കാലമണ്ഡലം ഹൈദരലിയുടെ ജീവിതാനുഭ വങ്ങൾ സാക്ഷ്യം പറയുന്നു. തന്നിട്ടുള്ള സൂചനകളുടെ പിൻബലത്തിൽ കലാമണ്ഡലം ഹൈദരലിയുടെ ബാല്യകാല ജീവിതവും തുടർ ന്നുള്ള പ്രശസ്തിയും പരിശോധിക്കുക.”
(1) ദാരിദ്ര്യവും അവഗണനയും നിറഞ്ഞ ഹൈദരലിയുടെ ബാല്യകാലജീവിതം.
(2) ബാഷയുടെ സ്നേഹവും വാത്സല്യവും
(3) കലാമണ്ഡലത്തിലെ പഠനകാലം
(4) വാത്സല്യം നിറഞ്ഞ ഗുരുക്കന്മാരുടെ അനുഗ്രഹം
(5) കഷ്ടപ്പാടുകൾ അതി ജീവിച്ച് നേടിയ പ്രശസ്തി.
Answer:
സംഗീതവും കലയും മനുഷ്യനുണ്ടാക്കിയ അതിർവരമ്പുക ളുടെ മതിൽക്കെട്ട് തകർത്ത് സമരസപ്പെടുമെന്ന്, ഹൈദര ലിയുടെ സംഗീതസുധ ആസ്വദിക്കുവാൻ ചെങ്ങന്നൂരിനട ത്തുള്ള അമ്പലത്തിലെ മതിൽക്കെട്ടു പൊളിച്ച് ജനം തെളി യിച്ചതാണ്. ഹൈദരലിക്ക് കഥകളി സംഗീതം ആലപിക്കാ നായി അവർ മതിൽക്കെട്ട് പൊളിച്ചു. സ്റ്റേജ് പകുതി മതിൽക്കെട്ടിനകത്തും പകുതി പുറത്തുമായി പണിതു. ഹൈദരാലിയുടെ സംഗീതം ഒഴിവാക്കാതെ അമ്പലത്തിന്റെ മതിൽക്കെട്ട് പൊളിച്ച് കഥകളി അവതരിപ്പിച്ചു. ഹൈദ രിന്റെ ആലാപനമാധുര്യത്തിന് മുമ്പിൽ മതപരമായ ആചാ രങ്ങളുടേയും വിശ്വാസങ്ങളുടേയും മതിൽക്കെട്ടാണ് ചെങ്ങ സൂരിനടുത്തുള്ള അമ്പലത്തിൽ തകർന്നത്.
2006 ജനുവരി 5ന് ഈ പാദുഷാ ഒരു കാറപകടത്തിൽ പൊലിഞ്ഞുപോയി. ലോകം കണ്ട അനശ്വര കഥകളി സംഗീ തജ്ഞനായിരുന്നു ഹൈദരലി. അദ്ദേഹത്തിന്റെ ജീവിതം പോലെത്തന്നെയായിരുന്നു ആത്മകഥയും. സാധാരണ .ക്കാർക്ക് അപ്രാപ്യമായിരുന്ന കഥകളി സംഗീതത്തെ രാഗ സന്നിവേശം കൊണ്ട് വളരെ ലളിതമാക്കി ജനഹൃദയങ്ങളെ കവരാൻ കഴിഞ്ഞ അതുല്യപ്രതിഭ.
അദ്ദേഹത്തിന്റെ ജീവിതത്തിൽ ചില വിസ്മയങ്ങൾ എന്നു മുണ്ടായിരുന്നു. കലാമണ്ഡലത്തിൽ ചേരുവാൻ ജാമ്യത്തിന് 2000 രൂപ നൽകിയ നാട്ടുകാരനും നല്ലവനുമായ സി.പി. അന്തോണി ചേട്ടൻ ഈ പ്രതിഭയെ കൈ പൊക്കി കാലത്തിന് നൽകുകയായിരുന്നു. കലാമണ്ഡലത്തിലെ പഠനത്തിനു ശേഷം ഇനിയെന്ത് എന്ന് വിഷമിച്ചപ്പോൾ അന്ന് കലാമ ണ്ഡലം അദ്ധ്യക്ഷനും ഫാക്ടിന്റെ എം.ഡിയുമായ ശ്രീ. എം. കെ.കെ. നായർ ഹൈദരലിക്ക് പഠിപ്പ് കഴിഞ്ഞ ഉടനെ ഫാക്ടിലെ കഥകളി സ്ക്കൂളിൽ ജോലി നൽകി. പിന്നെ ഹൈദരലി കഥകളിയരങ്ങുകളുടെ സംഗീതാർച്ചനയായി മാറി. കലാമണ്ഡലം നീലകണ്ഠ നമ്പീശൻ, കലാമണ്ഡലം ശിവരാമൻനായർ, കലാമണ്ഡലം ഗംഗാധരൻ, കാവുങ്കൽ മാധ വണിക്കർ, തൃപ്പൂണിത്തറ ശങ്കരവാര്യർ, എൻ.കെ.വാസുദേ വഷണിക്കർ, എം.ആർ. മധുസൂദനമേനോൻ എന്നിവരായി രുന്നു ഗുരുക്കന്മാർ,
കുട്ടിക്കാലത്തുതന്നെ കുഞ്ഞു ഹൈദരാലിക്ക് ബാപ്പയുടെ സംഗീതവാസനയുണ്ടെന്ന് ആൾക്കാർ അറിഞ്ഞിരുന്നു. ചല ച്ചിത്ര നടനും നല്ലൊരു സംഗീതജ്ഞനുമായിരുന്ന ശ്രീ.ഒടു വിൽ ഉണ്ണികൃഷ്ണൻ ഹൈദരാലിക്കു വേണ്ടി തബല വായി ച്ചിട്ടുണ്ട്.
കഥകളിയിൽ കർണ്ണാടിക് സംഗീതത്തെ കൊണ്ടുവന്നു, സംഗീ പ്രധാനമായ കഥകളി സംഗീതത്തെ രാഗാധിഷ്ഠിതമായ സംഗീതമാക്കി മാറ്റി എന്നൊക്കെയുള്ള ആരോപണങ്ങൾ യാഥാസ്ഥിതികർ ഉന്നയിച്ചിരുന്നു. എന്നാൽ കഥകളി സംഗീ തത്തെ ഭാവ പൂർണ്ണമാക്കി. നാടകീയ രൂപത്തിൽ അനായാസമായി ആലപിക്കാൻ ഹൈദരാലിക്കേ കഴിഞ്ഞിട്ടു . ചില ചലച്ചിത്രങ്ങളിൽ ഗാനം ആലപിച്ചിട്ടുണ്ട്. അയോദ്ധ്വാ, ശ്രീ ഹൈദരലി എന്നിവയാണ് ചലച്ചിത്രങ്ങൾ. അദ്ദേഹം ചിട്ടപ്പെടുത്തിയ തില്ലാനയും വർണ്ണവും സഹൃദയർ സ്വീകരിച്ചതാണ്. ശ്രീ ബാലഭാസ്കറുമായി ചേർന്ന് ‘ദി ബിഗ്ബാൻഡ്” എന്ന ഫ്യൂഷൻ സംഗീതപരിപാടി നടത്തിയി ട്ടുണ്ട്. ഒപ്പം നല്ലൊരു ചിത്രകാരനും പെയിന്ററും കൂടിയാ ണെന്ന് അറിയുന്നവർ കുറവാണ്.
മതത്തിന്റെ മതിൽക്കെട്ട് തകർത്ത് സംഗീതസാധനയാണ് ജീവിതം എന്ന് അറിയിച്ച ഹൈദരലിയുടെ ഓർമ്മയ്ക്കായി വെണ്ടാർ ശ്രീ സുബ്രഹ്മണ്യസ്വാമി ക്ഷേത്ര ഉപദേശകസമിതി ഹൈദരലി സ്മാരക കഥകളി അവാർഡ് ഏർപ്പെടുത്തിയി ട്ടുണ്ട്.
പോരാട്ടങ്ങളുടെ ജീവിതമായിരുന്നു ഹൈദരാലിയുടേത്. കുട്ടിക്കാലം മുതൽ തിരസ്കൃതനായിരിക്കുന്നവന്റെ വേദന കൾ അനുഭവിച്ചു. കലാമണ്ഡലത്തിൽ ചേർന്നതും ഫാക്ടിലെ കഥകളി സ്ക്കൂളിൽ ജോലിക്കു ചേർന്നതുമെല്ലാം ആകസ്മികത നിറഞ്ഞ ജീവിതരംഗങ്ങളായിരുന്നു. കഥകളി ഏന്താണെന്ന് അറിയാത്ത പ്രായത്തിൽ കഥകളി സംഗീതം പഠിച്ചു. കലാമണ്ഡലത്തിലെ ഒറ്റപ്പെടലുകൾ അവഗണിച്ച് ഉയർന്നുവന്നു.
1960ൽ പട്ടിക്കാംതൊടി ചരമദിനത്തോടനുബന്ധിച്ച് ഹൈദർ പൊന്നാനിയും ശങ്കരൻ എമ്പ്രാന്തിരി ശിങ്കിടിയുമായി കഥ കളി അരങ്ങേറ്റം നടന്നു. കഥകളി ചരിത്രത്തിൽ ആദ്യമായി ഒരു മുസ്ലിമിന്റെ അരങ്ങേറ്റം. പലപ്പോഴും കഥകളി പരിപാ ടിയിൽ പങ്കെടുക്കാൻ കഴിയില്ല. അമ്പലങ്ങളിലെ പരിപാടി കളിൽ ലിസ്റ്റിൽ ഹൈദരലി ഉണ്ടാകില്ല. 8-ാം വർഷത്തിൽ ചേന്ദമംഗലം ക്ഷേത്രത്തിൽ 3 ദിവസത്തെ മുഴുനീള പരിപാ ടിക്ക് ഹൈദരലിയും ലിസ്റ്റിൽ വന്നു. ബസ്സിൽ ദീർഘയാത്ര ചെയ്യുന്നതും പരിപാടി നടത്തുന്നതിന്റെ സന്തോഷവും കൊണ്ട് ഉറക്കമില്ല. ചേന്ദമംഗലത്ത് സന്തോഷമായി കുടു മ്പോൾ ടീം ലീഡർ പറഞ്ഞു. ഹൈദരാലിയും സുബ്രഹ്മ സ്വനും ഉടനടി കലാമണ്ഡലത്തിൽ എത്തണം. റഷ്യക്കാർ കാത്തിരിക്കുന്നുണ്ട്. ഇതുകേട്ട് നിരാശരായി ഇരുവരും തിരി ച്ചുപോന്നു. സ്തബ്ധരായ രണ്ടുപേരും ബസ്സിൽ നിന്നും ചാടി ആത്മഹത്യ ചെയ്യണമെന്നും വിചാരിച്ചുപോയി. കലാ മണ്ഡലത്തിൽ എത്തിയപ്പോൾ അവിടെ ആരുമില്ല. ശൂന്യ മായിരുന്നു. എന്നിട്ടും ഹൈദരലി പൊരുതി നിന്നു.
ഹരിപ്പാട് തലത്തോട്ട ക്ഷേത്രത്തിൽ ഹൈദരലിയുടെ ശിഷ്യന്റെ അരങ്ങേറ്റം നടക്കുന്നു. ശിഷ്യനും കുടുംബവും ഹൈദരലി വേണമെന്ന് നിർബന്ധമായി. ഒടുവിൽ അമ്പല ക്കാരിൽ രണ്ടു വിഭാഗമുണ്ടായി. അവർ മതിൽ പൊളിച്ച് സ്റ്റേജ് പുറകോട്ടു നീട്ടി. അവിടെ നിന്ന് പാടിയപ്പോൾ ദൈവത്തെ കൈയൊന്ന് നീട്ടിയാൽ തൊടാമെന്ന് ഹൈദര ലിക്കു തോന്നി. ഈ ഫീലിംഗിൽ അജിതോഹരേ ജയ മാധവാ വിഷ്ണോ പാടിയത് ഹൈദരലി ഓർക്കുന്നു.
കഥകളിയെ ആഢ്യകാല യായി ഉയർത്തി നിർത്തുന്ന വർക്കുപോലും ഈ അതുല്യസംഗീതചക്രവർത്തിയെ ഒഴിവാ ക്കാൻ സാധിച്ചില്ല. ഒരു കാറപടകത്തിൽ പൊലിഞ്ഞത് ക കളിയുടെ ശബ്ദമായിരുന്നു. ജനങ്ങൾ നെഞ്ചേറ്റിയ ഹൃദയസംഗീതം. കഥകളിയുടെ സ്വച്ഛമായ സംഗീതം.
Question 27.
‘ഗൗളി ജന്മം’ എന്ന കഥയിലൂടെ ഗ്രേസി അവതരിപ്പിക്കുന്ന ‘സാമൂഹിക വിമർശന തലം’ എന്തെന്ന് താഴെ കൊടുത്തി ട്ടുള്ള സൂചനകൾക്ക് അനു യോജ്യമായ കഥാസന്ദർഭങ്ങൾ കണ്ടെത്തി വിശകലനക്കുറിപ്പ് തയ്യാറാക്കുക.
സൂചനകൾ:
(1) സ്വാർത്ഥത നിറഞ്ഞ മനുഷ്വബന്ധങ്ങൾ
(2) പുരുഷാധിപത്യ സമൂഹം
(3) അന്ധവിശ്വാസങ്ങൾക്ക് അടിപ്പെട്ട സമൂഹം
(4) ചികിത്സിക്കുന്ന ഡോക്ടർമാരുടെ ഈഗോ
(5) രോഗത്തോടും രോഗിയോടുമുള്ള സന്ദർശകരുടെ അനു ഭാവപൂർണമല്ലാത്ത സമീപനം.
Answer:
എറണാകുളം മെഡിക്കൽ ട്രസ്റ്റ് ആശുപത്രിയിൽ ഓപ്പറേ ഷനു ശേഷം കിടക്കുമ്പോഴാണ് ഗ്രേസി ഈ കഥയെഴുതി യത്. എല്ലാവരുടേയും സംസാരത്തിൽ ഇടപെടുന്ന പല്ലിക ളെക്കുറിച്ച് എഴുതിയ കഥയുടെ വളർച്ച കണ്ട് കഥാകൃത്ത് സ്വയം അത്ഭുതപ്പെട്ടിട്ടുണ്ട്. ഗൗളികളെ ഭാര്യാഭർത്താക്ക ന്മാരായി സങ്കൽപ്പിച്ച് കഥയെഴുതി. ആശുപത്രിയിൽ കിട ക്കുമ്പോൾ ആരെങ്കിലും കാണുവാൻ വരുന്നത് ഗ്രേസിക്ക് ഇഷ്ടമില്ല. ആരോഗ്യമുള്ള ശരീരത്തോട് അസൂയയാണെന്ന് ഗ്രേസി പറയുന്നു. ഈ രണ്ടു കാര്യങ്ങളും കഥാകാരിയുടെ മനസ്സിൽ ഉണർത്തിയ പ്രചോദനങ്ങളാണു് ഈ കഥക്ക് വിഷ യമായത്.
വളരെ ദാർശനികമായ രീതിയിൽ കഥ പകുതി കഴിഞ്ഞ് മുന്നോട്ട് പോകുന്നുണ്ടെങ്കിലും പെൺഗൗളിയുടെ ഇടപെ ടൽ കഥയെ ഈ സമുഹത്തിന്റെ ചില തലങ്ങളെ വിമർശി ക്കാൻ അവസരമൊരുക്കി. കഥയിൽ കടന്നുവരുന്ന കഥാ പാത്രങ്ങൾ വിവിധ സമൂഹങ്ങളെ പ്രതിനിധീകരിക്കുന്നുണ്ട്. ദാമ്പത്യത്തെക്കുറിച്ച്, ഡോക്ടർമാരുടെ എത്തിക്സിനെക്കു റിച്ച്, സന്ദർശകയടങ്ങുന്ന ഈ സമൂഹത്തിന്റെ വിവാഹ സങ്കൽപ്പത്തെക്കുറിച്ച്, പുരുഷാധിപത്യത്തെ സംബന്ധിച്ച്, സ്ത്രീ സമൂഹത്തെക്കുറിച്ച് എല്ലാം ഈ കഥ ചില വസ്തുത കൾ ആവിഷ്ക്കരിക്കുന്നുണ്ട്. അവയിൽ വ്യക്തമായ സാമു ഹിക വിമർശനം അടങ്ങുന്നുണ്ട്.
യുവതിയും യുവാവും തമ്മിലുള്ള ദാമ്പത്യത്തിന്റെ ഭാവി നമു ക്കറിയില്ല. യുവതി അയാളുടെ കുഞ്ഞിനെ പ്രസവിച്ചോ എന്നറിയില്ല. മരിക്കാറായ യുവാവിന്റെ മനസ്സ് പിടയുന്നത് കുഞ്ഞിനെ ഓർത്തും കുഞ്ഞിനെ സൂക്ഷിച്ച് തന്നെ സ്നേഹിക്കുമെന്ന് പ്രതീക്ഷിക്കുന്ന ഭാര്യയെ ഓർത്തുമാണ്. മരിക്കാറായ മനുഷ്യന്റെ ആത്മദുഃഖം ദാമ്പത്യത്തിന്റെ വസ ന്തമായ കുഞ്ഞിനെക്കുറിച്ചുള്ള വേവലാതിയാണ്.
സന്ദർശകയുടെ ദാമ്പത്യസങ്കൽപ്പം വളരെ ക്രൂരമാണ്. അത് വിധവയെ രക്ഷപ്പെടാൻ ഉപദേശിക്കുന്നു. മരിക്കാറായ ഭർത്താവിന്റെ മുമ്പിൽ വച്ചാണ് ക്രൂരമായി പറയുന്നത്. കസിനും ഇതുപോലെ അപകടത്തിൽപ്പെട്ട് മഞ്ഞപ്പിത്തം വന്നാണ് മരിച്ചത്. ആരതിയോട് അബോർഷൻ ചെയ്യാനും ഭർത്താവ് മരിച്ചു കഴിഞ്ഞാൽ തളരാതെ മറ്റൊരു ജീവിതം തുടങ്ങണമെന്നും ഉപദേശിക്കുന്നു. വിവാഹത്തിന്റെ ബന്ധം മരണം വരെ മാത്രമാണെന്നും അതിനപ്പുറത്തെ ഓർമ്മകൾ വേണ്ടെന്നും സന്ദർശക പറയുന്നു. ഇത് വിദേശസംസ്ക്കാര ത്തിന്റെ വിവാഹ സങ്കൽപ്പമാണ്. ഒരേസമയം പലരുമായി ചേർന്ന് ജീവിക്കുന്നതും ഒരാളിൽ കുഞ്ഞുണ്ടായിരിക്കേ മറ്റൊരാളേയും പ്രാപിക്കുന്നത് സ്വന്തം സ്കിൽ അനുസരിച്ച് സ്വതന്ത്ര ജീവിതം നയിക്കുന്ന വിദേശ സംസ്കാരത്തിൽ സാധാരണമാണ്. അതാകട്ടെ ആരതി ഉൾക്കൊള്ളുന്ന ഇൻഡ്യൻ സംസ്ക്കാരത്തിന് അനുയോജ്യമല്ല. നമ്മുടെ കുടുംബ വ്യവസ്ഥിതിയുടെ തകർച്ച സ്വപ്നം കാണുന്നവ ളാണ് ഇതിലെ സന്ദർശക. ഈ കുടുംബം തകർന്നാൽ മറ്റൊ ന്ന്. അതും തകർന്നാൽ കുടുംബത്തിന് പകരമെന്ത്? സന്ദർശകയ്ക്ക് അതൊന്നും അറിയേണ്ടതില്ല.
വിവാഹം പവിത്രമാണെന്നും ‘വിവാഹശേഷവും വിധവ യായിരിക്കുന്നതിൽ ദാമ്പത്യബന്ധത്തിന്റെ പാവനമായ ഓർമ്മ കളുണ്ടെന്നും സന്ദർശക ചിന്തിക്കുന്നില്ല. അവരത് മരിക്കാ റായ വ്യക്തിയുടെ മുഖത്തു നോക്കിയാണ് പറയുന്നത്.
ആരതിയെന്ന പേര് ദാമ്പത്യത്തിന്റെ പവിത്രമായ ഒരു ചട ങ്ങിനെ ഓർമ്മിപ്പിക്കുന്നു. ഭാര്യ ഭർത്താവിന്റെ വീട്ടിലേക്ക് പ്രവേശിക്കുമ്പോൾ തീ ഒരു താലത്തിലേക്ക് വച്ച് ആരതിയു ഴിയുന്നു. ഭർത്താവിവിടെ മരിക്കാറായി. അതിൽ നിന്നും പകർന്ന അഗ്നിയാണ് ഭാര്യയുടെ ഉദരത്തിൽ കഴിയുന്നത്. ആ വെളിച്ചം തന്നെയാണ് വെളിച്ചം കാണിക്കാതെ കെടുത്തു ന്നത്.
സന്ദർശക ആധുനിക നാഗരിക സമൂഹത്തിന്റെ കുളമ്പടി ശബ്ദം കേൾപ്പിക്കുന്ന പടക്കുതിര തന്നെ. അവൾ വന്ന പ്പോൾ ഇരുട്ട് കുത്തനെ പതിച്ചതായി കഥാകാരി പറയുന്നു. ഡോക്ടർമാർ എത്തിക്സ് കൈവിടുന്നത് ഇതിലുണ്ട്. അപ കടത്തിൽപ്പെട്ട യുവാവിന്റെ മരണകാരണം ഡോക്ടറാണ്. അപകടത്തിലെ പരിക്കല്ല മരണകാരണം. മഞ്ഞപ്പിത്തമാണ്. ഒരു ഫിസിഷ്യനെ കാണിച്ചിരുന്നെങ്കിൽ അയാൾ രക്ഷപ്പെടു മായിരുന്നു. ഡോക്ടറുടെ ഈഗോ മെഡിക്കൽ എത്തി ക്സിനെ തകർത്തു.
പുരുഷാധിപത്വത്തിന്റെ അഹന്തയും ഇവിടെ കാണുന്നു. യുവാവിന്റെ മരണത്തെക്കുറിച്ച് ആൺഗൗളിക്ക് എല്ലാമറി യാം. മുൻജന്മത്തെക്കുറിച്ചറിയാം. ബുദ്ധനെപ്പോലെ ആൺഗൗളിക്കും ഉണ്ട് ബോധോദയം. പെണ്ണുങ്ങൾക്ക് സാധ്യ മാകാത്ത കാര്യമാണ് ബുദ്ധന്റെ ബോധോദയം. ഇതുപറ യുന്ന ആൺഗൗളിയും തികഞ്ഞ ജ്ഞാനമുള്ളവനാണെന്ന് അഹങ്കരിക്കുന്നു.
എഴുത്തുകാരുടെ ബുദ്ധിജീവി ചമയലിനെ ഈ കഥ വിമർശിക്കുന്നു. പൊൻകുന്നം വർക്കിയുടെ കഥാപാത്രമായ കിഷോരലാലിന്റെ തിരിച്ചറിവ് ഡോക്ടർക്കില്ലെന്നും ഇതറി ഞ്ഞത് പഴയ ജന്മത്തിലെ കഥാകൃത്തായതു കൊണ്ടാ ണെന്നും ആൺഗൗളി അറിയിക്കുന്നു. മാത്രമല്ല മികച്ച കഥ കൾ എഴുതിയിരുന്നതിന്റെ വിചാരമുണ്ടാക്കിയ അഹങ്കാര ത്താൽ ഈ ജന്മത്തിൽ ഉത്തരം താങ്ങുന്ന ഗൗളിയായി മാറേണ്ടി വന്നുവെന്ന് അറിയിക്കുന്നു. സമൂഹത്തെ മാറ്റി നിർത്തി, സാധാരണക്കാരിൽ നിന്നും മാറി ബുദ്ധിജീവി ചമ യുന്ന എഴുത്തുകാരുടെ മുഢമായ ഈഗോയാണ് കഥാ കൃത്ത് തുറന്നു പറയുന്നത്.
ജീവന് വില കൽപ്പിക്കാത്തതും സാമ്പത്തിക ലാഭത്തിന് ഊന്നൽ നൽകുന്നതുമായ ആശുപത്രികളുടെ ശംസ്വത യേക്കാൾ ഒരുപക്ഷേ ഭീകരമായത് ഇവിടെ കാണാം. ഇത് അടിസ്ഥാനപരമായി ഒരു ഡോക്ടറെ പൈശാചികമാ ക്കുന്ന ഈഗോയാണ്. മനസ്സാക്ഷി മരിച്ചവരുടെ താവളമായി നമ്മുടെ തൊഴിൽ സേവന രംഗങ്ങൾ മാറിയിരിക്കുന്നു. നമ്മുടെ ചില മൂഢവിശ്വാസങ്ങളെ വിചാരണ ചെയ്യുന്നുണ്ട്. ബുധനാഴ്ച തെക്കു പടിഞ്ഞാറിരുന്ന് ഗൗളി ചിലച്ചാൽ മരണം തീർച്ചയെന്നത് നമ്മുടെ മിത്തിക്കൽ മനസ്സാകാം. അതിൽ വിശ്വസിച്ചാലും ഇല്ലെങ്കിലും നമ്മുടെ മനസ്സിൽ അത് ഒന്ന് സ്പർശിക്കുന്നുണ്ടായിരിക്കാം. മരിക്കാൻ പോകുന്ന നിരാശനായ യുവാവിന് ഇതൊരു അടിയായിരിക്കാം. ഈ വിശ്വാസത്തിന്റെ പ്രചാരം അയാളുടെ മനസ്സിന്റെ സ്വൈര്യം ഇല്ലാതാക്കുന്നുണ്ടായിരിക്കാം. ശുഭകാര്യങ്ങൾക്കും സത്യപ്ര സ്താവനകൾക്കും എല്ലാം മലയാളിക്കിടയിൽ ഇടപെടുന്ന ഗൗളി ശാസ്ത്രബുദ്ധിയുള്ള നമ്മുടെ മായാത്ത മൂഢവിശ്വാസ ങ്ങളെ കാണിക്കുന്നു.
സ്ത്രീയുടെ അവസ്ഥയെന്താണ്? ഭാര്യ യുവാവിന്റെ കാൽക്ക ലിരിക്കുന്നു. സന്ദർശക ആരതിയോട് യുവാവിന്റെ പിടി യിൽ നിന്നും രക്ഷപ്പെടാൻ പറയുന്നു. ഇതിലേതാണ് ഈ കഥയിലെ സ്ത്രീസമൂഹം. അത് കഥയിൽ കാണുന്നത് പെൺഗൗളിയുടെ സംസാരത്തിലാണ്. ഒരു സ്ത്രീക്ക് എന്തെല്ലാം ചെയ്യാമെന്ന് അത് കണ്ടെത്താൻ പോകുകയാണ്. അത് തന്റെ ആൺഗൗളിയെ തള്ളിക്കളയുന്നു. ഏതു പെണ്ണിലും കുഞ്ഞുങ്ങൾ ഉണ്ടാകാം. പക്ഷേ, ജീവിതം വ്യക്തിപരമായി തീരുമാനങ്ങളെടുത്ത് പുതിയ അനുഭവ ങ്ങൾ തേടലാണ് എന്ന് പെൺഗൗളി പറയുന്നു. യുവതിയുടെ ബാഗിനുള്ളിൽ കടന്നു കൂടിയ പെൺഗൗളി ദാമ്പത്യം കളഞ്ഞ് പുതിയ അനുഭവത്തിലേക്ക് പോകുന്നു. അവൾക്ക് ദാമ്പത്യമെന്നത് വേണമെങ്കിൽ കളയാവുന്നതും ഏതു പെണ്ണിലും കുഞ്ഞുങ്ങളെ ഉണ്ടാക്കാൻ പുരുഷൻ കാണി ക്കുന്ന ആഗ്രഹമാണ്. പുരുഷൻ നിയന്ത്രിക്കുന്ന ദാമ്പത്യത്തി നെതിരാണവൾ. ആൺ ഗൗളിയിലൂടെ പുരുഷന്റെ സമു ഹത്തെ കാണിക്കുന്നു. അത് സ്ത്രീയെ അവഗണിക്കുന്നു. അറിവുണ്ടെന്ന് അഹങ്കരിക്കുന്നു. വായനയും എഴുത്തും മികച്ചതാണെന്ന, പുരുഷന്റേതാണെന്ന അറിവാണ് അതിനെ അഹങ്കാരത്തിലേക്ക് നയിക്കുന്നത്. കഴിഞ്ഞ ജന്മങ്ങൾ അതി നറിയാം. സ്ത്രീക്ക് ഒരിക്കലും പ്രവേശിക്കാനാകാത്ത പുരു ഷലോകത്തിന്റെ അഹന്തയാണ്, പുരുഷാധിപത്യത്തിന്റെ മേധാവിത്തമാണ് ആൺഗൗളിക്കുള്ളത്.
സ്ത്രീസമൂഹത്തിന്റെ പ്രതിഷേധം കഥയിൽ കാണാം. അത് പുരുഷനെ എതിർക്കുന്നു. ബുദ്ധന് ഭാര്യയേയും മകനേയും ഉപേക്ഷിച്ച് ലഭിച്ച ബോധോദയം ഒരു സ്ത്രീക്ക് അടുക്കളച്ചു മരുകൾക്കുള്ളിൽ നിന്നും ലഭിക്കുന്നുണ്ട്. അതാകട്ടെ സ്ത്രീ ദുഃഖത്തിന്റെ പൊതുവായ മനസ്സാണ്. വളരെ പ്രായോഗിക മായ സ്ത്രീ അനുഭവത്തെ പുരുഷന്റെ ദാർശനികതയ്ക്ക് പകരം വയ്ക്കുന്നു.
ബുദ്ധന്റെ ദാർശനികതക്കു പകരം, അഥവാ പുരുഷന്റെ അഹങ്കാരത്തിനു പകരം വളരെ പ്രായോഗികമായി സ്ത്രീയുടെ ദുഃഖത്തിന്റെ കാരണമായി പുരുഷനെ സ്ഥാപിച്ചു വയ്ക്കുന്ന സ്ത്രീ സ്വാതന്ത്ര്യത്തിന്റെ തിരിച്ചറിവാണി കഥ. മമതയാണ് ദുഃഖത്തിന് കാരണമെങ്കിൽ പുരുഷനാണ് സ്ത്രീ ദുഃഖത്തിന്റെ കാരണം.
ഇപ്രകാരം വളരെ അയുക്തികമായതെന്ന് വിചാരിക്കുന്ന രണ്ട് ഗൗളികളിൽ നിന്നും പ്രായോഗിക ജീവിതത്തിന്റെ പുറം മോടികളുടെ പൊള്ളത്തരം തുറന്നുകാട്ടിയ കഥാകൃത്താണ് ഗ്രേസി.