Teachers recommend solving Kerala Syllabus Plus Two Malayalam Previous Year Question Papers and Answers Pdf March 2023 to improve time management during exams.
Kerala Plus Two Malayalam Previous Year Question Paper March 2023
Time: 2½ Hours
Total Score: 80 Marks
വിദ്യാർത്ഥികൾക്കുള്ള പൊതു നിർദ്ദേശങ്ങൾ :
- 15 മിനിറ്റ് സമാശ്വാസ സമയമാണ്. ഈ സമയം ചോദ്യങ്ങൾ വായിക്കാനും ഇഷ്ടമുള്ളവ തിരഞ്ഞെടുക്കാനും ഉത്തരങ്ങൾ ആസൂത്രണം ചെയ്യാനും ഉപയോഗിക്കാം.
- ഓരോ ചോദ്യവുമായി ബന്ധപ്പെട്ട നിർദ്ദേശങ്ങൾ വായിച്ചു മനസ്സിലാക്കി ഉത്തരമെഴുതുക.
- ഉത്തരമെഴുതുമ്പോൾ സ്കോർ, സമയം എന്നിവ പരിഗ ണിക്കാം.
1 മുതൽ 6 വരെയുള്ള ചോദ്യങ്ങളിൽ ഏതെങ്കിലും 5 എണ്ണത്തിന് ഉത്തരം തെരഞ്ഞെടുത്തെഴുതുക. 2 സ്കോർ വീതം. (5 × 2 = 10)
Question 1.
“അലകടലിൻ വേരുപറിക്കാൻ
കുതറി കാട്ടാളൻ”. ഈ വരിയിൽ തെളിയുന്ന കാട്ടാളന്റെ ഭാവത്തിന് യോജിച്ചവ രണ്ടെണ്ണം എഴുതുക.
• അതിയായ സന്തോഷം
• പ്രതികാരത്തിനുള്ള ആവേശം
• കടലിനോടുള്ള പക
• അടങ്ങാത്ത രോഷം
Answer:
• പ്രതികാരത്തിനുള്ള ആവേശം
• അടങ്ങാത്ത രോഷം
Question 2.
പുലിക്കോട്ടിൽ ഹൈദറുടെ കത്തുപാട്ടുകൾക്കുള്ള രണ്ടു സവിശേഷതകൾ എടുത്തെഴുതുക.
• വാമൊഴിയോടുള്ള ഉറ്റബന്ധം
• സങ്കര ഭാഷയിലുള്ള രചന
• അന്ധവിശ്വാസങ്ങളോടുള്ള എതിർപ്പ്
• അറേബ്യൻ ചരിത്ര കൃതികളിൽനിന്നുള്ള ഇതിവൃത്തം.
Answer:
• വാമൊഴിയോടുള്ള ഉറ്റബന്ധം
• അന്ധവിശ്വാസങ്ങളോടുള്ള എതിർപ്പ്
Question 3.
“കുറവല്ലാതെ നമുക്കൊരു വസ്തു
പറവാനില്ല ജനിച്ചേപ്പിന്നെ”. ഈ വരിയിൽ സൂചിപ്പിക്കുന്ന ആശയത്തിന് ചേരുന്നവ രണ്ടെണ്ണം എഴുതുക.
• ജന്മനാലുള്ള കുറവുകളിൽ അഭിമാനിക്കുന്നു.
• കുറവുകൾ മാത്രം കേൾക്കുന്നതിലുള്ള പരിഭവം
• കൊള്ളി വാക്കുകളോടുള്ള ഇഷ്ടം
• ദാമ്പത്യ ജീവിതത്തിലെ പൊരുത്തക്കേടുകൾ
Answer:
• കുറവുകൾ മാത്രം കേൾക്കുന്നതിലുള്ള പരിഭവം
• ദാമ്പത്യ ജീവിതത്തിലെ പൊരുത്തക്കേടുകൾ
Question 4.
‘യമുനോത്രിയുടെ ഊഷ്മളതയിൽ’ എന്ന പാഠഭാഗത്തിൽ വിവരിക്കുന്ന വസ്തുതകൾക്ക് രണ്ട് ഉദാഹരണം എടുത്തെഴുതുക.
• ഗന്ധമാന പർവ്വത സാനുക്കളിലെ പ്രകൃതി പ്രതിഭാസങ്ങൾ
• പട്ടാളക്കാരുടെ ത്വാഗപൂർണ്ണമായ ജീവിതം
• അലുമിനിയം ക്യാമ്പിലെ താമസം
• ത്രിവേണി സംഗമത്തിന്റെ പരിപാവനത
Answer:
• ഗന്ധമാന പർവ്വതസാനുക്കളിലെ പ്രകൃതി പ്രതിഭാസങ്ങൾ
• ത്രിവേണി സംഗമത്തിന്റെ പരിപാവനത
Question 5.
സാമൂഹിക സമ്പർക്ക മാധ്യമങ്ങൾക്ക് ചേരുന്നവ രണ്ടെണ്ണം എഴുതുക.
• നിരന്തര സംവാദങ്ങളുടെ ബാധ്യത
• സുരക്ഷിതമായ വ്യക്തി സ്വകാര്യത
• ഫിഫ്ത്ത് എസ്റ്റേറ്റ് എന്ന വിളിപ്പേര്
• തൽക്ഷണ ചർച്ചകളുടെ അപര്യാപ്തത
Answer:
• നിരന്തര സംവാദങ്ങളുടെ ബാധ്യത
• ഫിഫ്ത്ത് എസ്റ്റേറ്റ് എന്ന വിളിപ്പേര്
Question 6.
“കുറ്റമില്ലാതെ ജനം കുറ്റമുള്ളവരേയും
ചെറ്റുനിന്ദിക്കയില്ല നമ്മുടെ ഗുണങ്ങളാൽ”. ഈ വരികൾക്ക് അനുയോജ്യമായ രണ്ട് പ്രസ്താവനകൾ എടുത്തെഴുതുക.
• പരസ്പരം കുറ്റപ്പെടുത്തുന്നവർ നല്ലവരാണ്.
• നല്ല മനുഷ്യർ മറ്റുള്ളവരെ അധിക്ഷേപിക്കാറില്ല.
• നിന്ദിക്കുന്നത് നല്ല ഗുണമാണ്.
• കുറ്റം ചെയ്തവരെപ്പോലും നന്മയുള്ളവർ കളിയാക്കില്ല.
Answer:
• നല്ല മനുഷ്യർ മറ്റുള്ളവരെ അധിക്ഷേപിക്കാറില്ല.
• കുറ്റം ചെയ്തവരെപ്പോലും നന്മയുള്ളവർ കളിയാക്കില്ല.
7 മുതൽ 10 വരെ ചോദ്യങ്ങളിൽ ഏതെങ്കിലും 3 എണ്ണത്തിന് ഒന്നോ രണ്ടോ വാക്യത്തിൽ ഉത്തരമെഴുതുക. (3 × 2 = 6)
Question 7.
‘അവകാശങ്ങളുടെ പ്രശ്നം’ എന്ന കഥയിൽ ദിവാകരന്റെ ധർമ്മസങ്കടം ആവിഷ്കരിക്കുന്ന രണ്ടു സന്ദർഭങ്ങൾ എഴുതുക.
Answer:
വേണ്ടപ്പെട്ടവരുടെ ചിത്രങ്ങൾ കണ്ടാൽ തിരിച്ചറിയാൻ കഴിയുമെന്ന് എന്താ ഉറപ്പ്. പടങ്ങൾ നോക്കിനോക്കി കൺപോളകൾക്കു കനം വച്ചിരിക്കുന്നു. പുതിയ ഒരു പടത്തിലേക്ക് മിഴിയുന്നുമ്പോഴേക്ക് കണ്ണിൽ നിന്ന് ചാടുന്ന അവസ്ഥ
Question 8.
‘കാക്കാരശ്ശിപ്പാട്ടി’ന്റെ രണ്ടു സവിശേഷതകൾ എഴുതുക.
Answer:
- ശിവപുരാണവുമായി ബന്ധപ്പെട്ട ഒരു ഐതിഹ്യം ഇതിവൃത്ത മാകുന്നു.
- സംഗീതം, നൃത്തം, സംഭാഷണം എന്നിവ ചേർന്ന വിനോദ നാട കരൂപം.
- സമൂഹത്തിലെ തിന്മകൾക്കെതിരെയുള്ള വിമർശനം.
Question 9.
കേശിനി ഒളിഞ്ഞു കണ്ട് ബാഹുകന്റെ പ്രവൃത്തികളിൽ രണ്ടെണ്ണം എഴുതുക.
Answer:
ഭക്ഷണസാമഗ്രികൾ കൊണ്ടുവന്നാൽ കുടത്തിൽ തനിയെ വെള്ളം നിറയുന്നതും തീ തനിയെ കത്തുന്നതും ഭക്ഷണപാകമാകുന്നതും.
വാടിയ പൂക്കളെ തലോടിയപ്പോൾ അവ വീണ്ടും പുഷ്പിച്ചതും എന്നിവയാണ് കേശിനി ഒളിഞ്ഞുകണ്ട ബാഹുകന്റെ പ്രവൃത്തികൾ.
Question 10.
സച്ചിന്റെ വിടവാങ്ങൽ ചടങ്ങുമായി ബന്ധപ്പെട്ട് നിങ്ങൾക്ക് അവിസ്മരണീയമായി തോന്നിയ രണ്ടു സന്ദർങ്ങൾ ഏതെല്ലാം?
Answer:
സച്ചിന്റെ റിട്ടേയ്മെന്റ് മാച്ച് കാണാൻ ബ്രയൻലാറെയും കിരൻമോ റയും വന്നിരുന്നു. സച്ചിന്റെ മത്സരം കാണാൻ വേണ്ടി മാത്രമാണ് താൻ ഇത്രയും ദൂരം താണ്ടി ഇവിടെ എത്തിയത്. സച്ചിന്റെ റിട്ടേ മെന്റ് മാച്ച് കാണാൻ വരാതിരിക്കുന്നത് എങ്ങനെ എന്നാണ് ബ്രയൻലാറ പറഞ്ഞത്. ചുറ്റും ഓടിക്കൂടിയ കൂട്ടുകാർ ക്രിക്ക റ്റിന്റെ ദൈവത്തിന് പാത ഒരുക്കി. സച്ചിന് ചലിക്കുന്ന ഗാർ ഫോൺ നൽകി. ഒന്നിനു പിറകെ ഒന്നായി ഉപഹാരങ്ങൾ സമർപ്പി ക്കപ്പെട്ടു. ഇന്ത്യയുമായി നയതന്ത്രം മോശമായിരുന്ന സമയമായി ട്ടുപോലും ശ്രീലങ്ക സർക്കാർ കൊടുത്തയ്ച്ച ട്രോഫി പ്രത്യേകം എടുത്തു പറയേണ്ടതാണ്. ഈ വികാരനിർഭരമായ യാത്രയപ്പ് ഇന്ത്യയിലെ ഒരു കായികതാരത്തിനും ഇതുവരെ ലഭിച്ചിട്ടുണ്ടാവില്ല.
11 മുതൽ 17 വരെ ചോദ്യങ്ങളിൽ ഏതെങ്കിലും 6 എണ്ണത്തിന് അരപ്പുറത്തിൽ കവിയാതെ ഉത്തരമെഴുതുക. (6 × 4 = 24)
Question 11.
മാതൃഭാഷ ഭരണഭാഷയാക്കുമ്പോഴുള്ള നത്തെക്കുറിച്ച് ലഘുകുറിപ്പ് തയ്യാറാക്കുക.
Answer:
ഭരണതലത്തിൽ ഒരു ദശകത്തിനിടയിൽ നമ്മുടെ മാതൃഭാഷയ്ക്ക് ഒരു ഉയർത്തെഴുന്നേൽപ്പ് കിട്ടിയിരിക്കുന്നു. അത് വലിയ ഒരു മാറ്റം തന്നെയാണ്. ഉദ്യോഗ സ്ഥതലത്തിൽ ആദ്യമൊക്കെ എതിർപ്പു കൾ ഉയർന്നെങ്കിലും ഒടുവിൽ വലിയ ഒരു മുന്നേറ്റമായി മാറിയ ആ തീരുമാനം ആ നടപ്പിലാവുകയായിരുന്ന ഭരണഭാഷ മാതൃ ഭാഷ അത് കേരളത്തെ സംബന്ധിച്ചിടത്തോളം വലിയ ഒരു നേട്ടം തന്നെയാണ്. വ്യവഹാരഭാഷകളുടെ ഒരു നിലനിൽപ്പ് ഭരണകൂട ത്തിന്റെ പിന്തുണയോടുകൂടി മാത്രമെ സാധിക്കൂ. അത് തികച്ചും പ്രോത്സാഹനജനകമാണ്. ജനങ്ങൾക്കിടയിൽ പരക്കേ ഒരു അംഗീകാരം നേടാനും ഈ ഭാഷാമാറ്റംകൊണ്ട് സാധിക്കും. ഒപ്പം തന്നെ ഔദ്യോഗിക രംഗത്തെ ഈ വലിയ പിന്തുണ മറ്റു സാമൂഹി ക-സാംസ്കാരിക ബോധനരംഗങ്ങളിൽ കൂടി പകർത്താനായാൽ മാതൃഭാഷയെ മലയാളത്തിന് പിന്നെ നിലനിൽപ്പിന്റെ കനത്ത രോദനം നടത്തേണ്ടതില്ല. ജീവിതത്തിന്റെ സമസ്തമേഖലകളെയും സ്പർശിക്കും. ഭരണഭാഷയിലുള്ള ഈ മാറ്റം സാധാരണ ജനങ്ങൾ മുതൽ ഉദ്യോഗസ്ഥ പ്രമുഖർ വരെ ഈ രീതിയിൽ മുന്നേറുമ്പോൾ അതുണ്ടാക്കുന്ന മാറ്റം വളരെ വലിയതായിരിക്കും.
Question 12.
നഷ്ടപ്പെട്ട ‘കാട്ജിനെയെ’ വീണ്ടെടുക്കുന്നതിൽ ടോട്ടോയും ജോവലും വിജയിച്ചോ? നിങ്ങളുടെ അഭിപ്രായങ്ങൾ വ്യക്തമാക്കുക.
Answer:
പ്രകാശം ജലം പോലെയാണ് എന്ന കഥയിൽ കുട്ടികളുടെ അഭി രുചി തിരിച്ചറിയുന്നതിലും ഭാവാനാത്മകമായ ജീവിതം കരുപിടി പിക്കുന്നതിലും മുതിർന്നവർ വലിയ പങ്കുവഹിക്കുന്നുണ്ട്. കാട്ജിനെ ഇന്ത്യാസിലെ കടലിനോടു ചേർന്നുള്ള ജീവിതം നഗ രത്തിലേക്ക് താമസം മാറിയതോടെ നഷ്ടപ്പെട്ട കുട്ടികൾ എലി മെന്റ്റി സ്കൂൾ പഠനത്തിൽ മികവു കാട്ടി. സമ്മാനം വാങ്ങിയ “പ്പോൾ അവരുടെ ആവശ്യപ്രകാരം സെക്സ്റ്റന്റും കോമ്പസ്സുമുള്ള തുഴവെള്ളം രക്ഷിതാക്കൾ വാങ്ങി നല്കി. രണ്ടാം സന്ദർഭത്തിൽ മുങ്ങൽ സാമഗ്രികൾ വാങ്ങിക്കൊടുത്തു. മൂന്നാമത് സഹപാഠി കൾക്ക് പാർട്ടി നല്കണമെന്ന ആവശ്യവും നിറവേറ്റിക്കൊടുത്തു. ഇതെല്ലാം അവരുടെ ഭാവനാത്മക ജീവിതത്തെ കരുപിടിപ്പിക്കു ന്നതിൽ പ്രധാന പങ്കുവഹിച്ചു.
Question 13.
മരിച്ചവരുടെ ഛായാപടങ്ങൾ മാത്രം വില്ക്കുന്ന തെരുവിൽ സ്വന്തം മാതാപിതാക്കളുടെ ചിത്രങ്ങൾ ദിവാകരന് ലഭിക്കാതെ പോയത് എന്തുകൊണ്ടാവാം?
Answer:
രാത്രി മുഴുവനും ദിവാകരൻ ചിത്രങ്ങൾ തെരഞ്ഞിട്ടും തന്റെ മാതാപിതാക്കളുടെ ഛായാചിത്രങ്ങൾ കണ്ടെത്തിയില്ല. തല കറ ങ്ങുന്നതുപോലെ തോന്നിയ ദിവാകരൻ കണ്ടാൽ പോലും താനൊന്നും തിരിച്ചറിയാൻ പോകുന്നില്ല എന്ന മാനസികാവസ്ഥ യിൽ എത്തിച്ചേർന്നു. കച്ചവടക്കാരനും ഉപഭോക്താവും തമ്മി ലുള്ള സംഭാഷണം നമുക്ക് പരിചിതമായ ദൃശ്യമാണ്. മരിച്ചവർക്ക് മമതാബന്ധമില്ലെന്നതാണ് വിശ്വാസം. ആത്മാവിന് ജനനമരണങ്ങ ളില്ല, ശരീരത്തിനു മാത്രമേയുള്ളൂ, അതിനാൽ അച്ഛൻ, അമ്മ എന്നുള്ളതൊക്കെ. ലോകജീവിതത്തിലെ ഉളളൂ. ദിവാകരനും മരിച്ചയാൾതന്നെ, ജീവിച്ചിരിക്കുന്ന മകൾക്കേ മരിച്ചവരെ തിരിച്ച റിയാൻ കഴിയു എന്ന കഥാവസാനത്തിലേക്ക് വായനക്കാരനെ എത്തിക്കുന്ന ദൃശ്യമാണിത്.
Question 14.
ദാരിദ്ര്യകാലത്ത മറികടന്ന് ഹൈദരലിക്ക് കലാമണ്ഡലത്തിൽ സംഗീതം പഠിക്കാൻ കഴിഞ്ഞത് എങ്ങനെയാണ്?
Answer:
തിരസ്കൃതനായിട്ടാണ് താൻ ജനിച്ചതും വളർന്നതും എന്ന് ഹൈദ രലി തന്റെ ബാല്യകാലത്തെപ്പറ്റി കലർപ്പില്ലാത്ത ഭാഷയിൽ പറ യുന്നുണ്ട്. നാലാം ക്ലാസിൽ വച്ച് പഠനം അവസാനിപ്പിച്ച ഹൈദർ പാട്ടിൽ കമ്പമുണ്ടായിരുന്നതിനാൽ സംഗീതം പഠിച്ചു. കലാമണ്ഡ ലത്തിൽ ആളെ എടുക്കുന്ന സമയത്ത് ആരോ അപേക്ഷ അയ ച്ചു. ശിവരാമൻ നായരാണ് വേണ്ട ഒത്താശകൾ ചെയ്തു കൊടു ത്തത്. 1957 മെയ് മാസം ഹൈദരലിയും ജ്യേഷ്ഠനും കൂടി ഓട്ടുപാറയിൽ നിന്നും ചെറുതുരുത്തിയിലേക്ക് ബസ് കയറി. കലാമണ്ഡലത്തിലെത്തിയപ്പോൾ അന്ധാളിച്ചു പോയി. അവിടെ നിറയെ ആളുകൾ കുട്ടികളും രക്ഷാകർത്താക്കളുമായി നിരവ ധിപേർ നോക്കിയപ്പോൾ വന്നവരിൽ ഒട്ടും കാണാൻ നന്നല്ലാത്തത് താൻ മാത്രമാണെന്ന് ഹൈദരലിക്ക് തോന്നി. അഴികളുള്ള ഒരു കളരിയിലായിരുന്നു ഇന്റർവ്യൂവിന് വിളിച്ചത്. ആകെ മൂന്നുപേർ അവിടെ ഉണ്ടായിരുന്നു. പേരും മറ്റും ചോദിച്ചു. പാട്ടുപഠിക്കാൻ മോഹം ഉണ്ടോ എന്നും ചോദിച്ചു. ഹൈദരലി താല്പര്യം അറി യിച്ചു.
ഒന്നു രണ്ടു പാട്ടുകൾ പാടിപ്പിച്ചു. പാട്ട് അവർക്ക് ബോധി ച്ചു. കുട്ടിയെ ഇവിടെ എടുത്താൽ സമുദായത്തിൽ പ്രശ്നങ്ങ ളൊന്നുമുണ്ടാവില്യാല്ലോ എന്ന് വള്ളത്തോൾ ഹൈദരലിയുടെ ജ്യേഷ്ഠനോട് ആരാഞ്ഞു. ഇല്ല എന്നയാൾ മറുപടി പറഞ്ഞു. മഹാ കവി വള്ളത്തോൾ മുകന്ദരാജാ,കലാമണ്ഡലം നീലകണ്ഠൻ നമ്പീശൻ എന്നിവരായിരുന്നു ഇന്റ് ബോർഡിലുണ്ടായിരു ന്നത്. അധികം താമസിയാതെ കലാമണ്ഡലത്തിലേക്ക് തെര ഞ്ഞെടുത്തു എന്നുള്ള അറിയിപ്പ് വന്നു. ആ വർഷം നാലുപേ രെയാണ് തെരഞ്ഞെടുത്തത്.അവരിലൊരാൾ ഹൈദരലി ആയി രുന്നു. കലാമണ്ഡലത്തിലെത്തിയപ്പോൾ മറ്റൊരു പ്രശ്നം ഉണ്ടാ യി. പഠിക്കാൻ ചേരണമെങ്കിൽ രണ്ടായിരം രൂപയുടെ ആൾജാമ്യം വേണം. ജാമ്യം നിൽക്കാൻ ആരും തയ്യാറായില്ല. വിദ്യാർത്ഥി കലാ മണ്ഡലത്തിൽ നിന്ന് ചാടിപ്പോവുകയോ മറ്റോ ചെയ്താൽ ജാമ്യ ക്കാരൻ തുക കെട്ടിവയ്ക്കണം. അവസാനം സി.പി. ആന്റണി ജാമ്യം നിന്നു. ജാമ്യം കിട്ടാൻ വൈകിയതിനാൽ ജൂണിൽ ചേരേണ്ട ഹൈദരലിക്ക് ആഗസ്റ്റിലേ ചേരാൻ കഴിഞ്ഞുള്ളു.
Question 15.
‘മോഷണവും തേങ്ങയും നല്കുന്ന ഗുണപാഠം സമാന സ്വഭാവം പുലർത്തുന്നതാണോ? വ്യക്ത മാക്കുക.
Answer:
ഹാസ്യത്തിന്റെ വരവെങ്ങനെയാണെന്ന് പ്രവചിക്കുക സാധ്യ മല്ല. പല സാഹചര്യങ്ങളിൽ അത് വരാം. വിലക്ഷണതയും വീഴ്ചയും പൊരുത്തക്കേടുകളും ഹാസ്വമാകാം. കവിതക ളിലും രചനകളിലും ഹാസ്യത്തിന്റെ വരവ് ജീവിതാവിഷ്ക്കാ രത്തിലെ പല സാധ്യതകളിലും കടന്നുവരും.
‘തേങ്ങ’ കവിതയിൽ ഉണ്ടായ യുക്തിയുടെ തകർച്ച ഹാസ്യം ഉണ്ടാക്കുന്നു. തേങ്ങ ഉച്ചിയിൽ വീണിട്ടും ദേവസ്വം മരിച്ചിട്ടി ല്ല. തേങ്ങ നാരടക്കം രണ്ടായി പൊളിഞ്ഞു. ഇത് കണ്ട് ഞെട്ടിയ വ്യക്തിയെ നോക്കി ദേവസ്യ ചിരിച്ചു. ചിരി ദേവ സ്വയെ മരണത്തിലെത്തിച്ചു. തേങ്ങ വീണ് മരിക്കാത്തതും ചിരിച്ച് മരിച്ചതും യുക്തിസഹജമല്ല. സാമാന്യയുക്തിക്കു പുറമെ കവിതയുടെ യുക്തിയിലും ഇത് സംഭവിക്കുന്നതല്ല.
ഇവിടെ അയുക്തികമായ രണ്ട് സംഭവങ്ങളിലും കാണുന്നത് ചില ആകസ്മിതകളാണ്. മരണപ്പെടുന്ന ഘട്ടത്തിൽ ദേവസ്വ രക്ഷപ്പെട്ടു. രക്ഷപ്പെട്ടതിന്റെ ആനന്ദത്തിൽ ദേവസ്യ മരിച്ചു. ഇതിൽ തെളിഞ്ഞുകാണുന്നത് എന്താണ്? ദേവസ്യയുടെ മനസ്സാണ്.
Question 16.
പൗരാണിക സ്മരണകളുടെ പൂങ്കാവനമെന്ന എസ്.കെ. പൊറ്റെക്കാട്ട് ബദരിയെ വിശേഷിപ്പിച്ചത് ഉചിതമാണോ? നിങ്ങളുടെ കണ്ടെത്തലുകൾ എഴുതുക.
Answer:
എസ്.കെ. പൊറ്റക്കാടിന്റെ ഹിമാലയസാമ്രാജ്യത്തിൽ നിന്നെ ടുത്ത ഒരു ഭാഗമാണിത്. ഹിമാലയത്തിലെത്തിയ ലേഖകൻ വരാന്തയുടെ അറ്റത്തുചെന്നു നിന്ന് ക്യാമ്പിന്റെ പിറകിലെ മണ്ഡലത്തിലേക്ക് ഒന്നു കണ്ണയച്ചു. പൗരാണിക സ്മരണ കളുടെ ഒരു പൂങ്കാവനമാണത്. ഋഷിവര്യന്മാരുടെയും ദാർശ നികാചാര്യന്മാരുടെയും സാഹിത്യസാംസ്കാരിക കർമ്മ
ക്ഷേത്ര ബദരികാശ്രമം വേദവ്യാസനായ കൃഷ്ണദ്വൈപായ നൻ ശിഷ്യഗണങ്ങളോടൊപ്പം വേദങ്ങൾ സഞ്ചയിച്ചതും പ അതും അവിടെ ഗുരുഗുഹയിൽ വച്ചായിരുന്നു എന്നും മഹാഭാരതം രചിച്ചത് അവിടെ വച്ചായിരുന്നു എന്നും വിശ്വ സിക്കപ്പെടുന്നു. 1200 സംവത്സരങ്ങൾക്കുമുമ്പ് മാഞ്ഞു ക്വോവനിഷത്തിന്റെ വിവരണരൂപമായ കാരികാശ്ലോകങ്ങൾ രചിക്കാൻ ഗൗഡപാദാചാര്യൻ ചെന്നിരിക്കാറുണ്ടായിരുന്നു എന്നു വിശ്വസിക്കുന്ന ശിലാസനവും അവിടെ കാണാം. ശ്രീശങ്കരാചാര്യർ മാണ്ഡൂക്യകാരികയ്ക്ക് ഭാഷ്യമെഴുതി യതും അവിടെവച്ചാണെന്ന് ഐതിഹ്യം.
Question 17.
റേഡിയോ, ടെലിവിഷൻ, പത്രങ്ങൾ തുടങ്ങിയ പരമ്പരാഗത മാധ്യങ്ങൾക്ക് പകരമാവുമോ സാമൂഹ്യ സമ്പർക്ക മാധ്യമങ്ങൾ? പ്രതികരണക്കുറിപ്പ് തയ്യാറാക്കുക.
Answer:
പരമ്പരാഗതമായ മാധ്യമങ്ങൾക്ക് പകരമാകുമോ, സാമൂഹ്യ മാധ്യമങ്ങൾ അഥവാ നവമാധ്യമങ്ങൾ (social network) എന്നൊരു പഴഞ്ചൻ ചോദ്യം സ്വാഭാവികമായും ഉയരുന്നു ണ്ടായിരുന്നു; ആദ്യ കാലത്ത്. അത് സ്വാഭാവികമാണ്. ഏതൊരു മാറ്റത്തെയും പൊടുന്നനെ ഉൾക്കൊള്ളാൻ യാഥാ സ്ഥിതികർക്ക് കഴിയില്ല. അതുകൊണ്ട് തന്നെ സംശയാലു ക്കളും, ദോഷൈകദൃക്കുകളും ചോദ്യങ്ങളുമായി മുന്നോട്ടു വരിക തന്നെ ചെയ്യും. ഏതുകാലഘട്ടത്തിലും അത് സംഭ വിച്ചിട്ടുണ്ട്. അതിന്റെ ഒരു കാരണം ഒരു വലിയ മുന്നേറ്റം, social formation ഉണ്ടാകുമ്പോൾ, പരമ്പരാഗതമായി നില നിന്നുപോരുന്ന എന്തിനും ഒരു ആശങ്ക ഉണ്ടാവുക സ്വാഭാ വികമാണ്. അത് നിലനിൽപിന്റെ തത്വശാസ്ത്രമാണ്. ആ ഒരു സംശയത്തിൽ നിന്നു തന്നെയാണ് ഈ തരം ചോദ്യങ്ങളും ഉയരുന്നത് എന്നുകാണാം.
നമ്മുടെ കാലഘട്ടത്തെ ‘ഇന്റർനെറ്റ് കാലമെന്നും’, ‘ഇന്റർനെറ്റ് പൂർവ്വ കാലമെന്നും രണ്ടായി വേർതിരിക്കേണ്ടിവരുമെന്ന് തോന്നുന്നു. അത്രമാത്രം പ്രകടമാണ് ആ വലിയ സ്വാധീനം. നമ്മുടെ ചുറ്റുപാടുകളെ, നമുക്കുള്ള ഓരോന്നിനേയും ഇത മാത്രം stamp ചെയ്ത മറ്റൊരു medium വേറെ ഉണ്ടെന്നു തോന്നുന്നില്ല. അത്ര വലിയ അടയാളപ്പെടുത്തലാണ് ഈ നവ മാധ്യമരംഗം ഇവിടെ ഈ സമൂഹത്തിൽ നടത്തിയിരിക്കുന്ന ത്. അതു കാലഘട്ടത്തിന്റെ ആവശ്യം കൂടിയാണ്.
സൈബർകാലം എങ്ങനെ അതിന്റെ പൂർവ്വകാലത്തുനിന്ന് വ്യത്യസ്തത പാലിക്കുന്നു എന്ന് പരിശോധിച്ചാൽ ഒരുപാടു കാരണങ്ങൾ കണ്ടെത്താൻ കഴിയും. അവയിൽ പ്രധാനമാ യത് ഒന്നാണ്. അതായത് വാർത്തകളെ അവയുടെ ഉത്ഭവ സ്ഥാനത്തുനിന്നു തന്നെ ഒട്ടും വൈകാതെ, അതേ നിമിഷം പ്രസരിപ്പിക്കാനുള്ള അത്ഭുതപൂർവ്വമായ ശേഷി അവയ്ക്കു ണ്ട്. മറ്റേതു പരമ്പരാഗത മാധ്യമത്തിനും അതിന്റേതായ ചില സമയനിഷ്ഠകൾ പാലിക്കേണ്ടതായി വരും. ഇതുതന്നെ ആണ് ഏറ്റവും വലിയ മാറ്റം. വേഗത. അതുതന്നെയാണ് ഇന്നത്തെ ലോകം ആവശ്യപ്പെടുന്നത്. കാത്തിരിക്കുക എന്നത് അസഹ്യമാണ്! സ്വാഭാവികമായും ഏറ്റവും, വേഗം വാർത്തകളും, സംഭവങ്ങളും, നമ്മുടെ ചുറ്റുപാടുകളിലെ വികാസങ്ങളും എല്ലാംതന്നെ ഏറ്റവും വേഗം വ്യാപിപ്പിക്കുക. കാലതാമസമില്ലാതെ, ഈ ധർമ്മം ഏറ്റവും ഉചിതമായി സോഷ്യൽ മാധ്യമങ്ങൾ, നവമാധ്യമങ്ങൾ നിർവ്വഹിക്കുന്നു.
രണ്ടാമത്തെ കാരണം തന്നെത്തന്നെ ഏറ്റവും ഫലപ്രദമായി മറ്റുള്ളവരിലേക്ക് എത്തിക്കാനുള്ള ഏറ്റവും വേഗതയേറിയ തും, ഫലപ്രദവുമായ മാധ്യമ ശീലമായി ഈ നവമാധ്യമരംഗം മാറിയിരിക്കുന്നു എന്നതാണ്. ജീവിതത്തിന്റെ പല മേഖലക ളിലും ഉള്ളവർ, സാമൂഹിക, സാമ്പത്തിക ജാതീയ വേർതി രിവുകളുടെ വിവിധ തട്ടിൽ നിലനിൽക്കുന്നവർ, ഒരിക്കലും സ്വാഭാവികമായ രീതിയിൽ കണ്ടുമുട്ടാൻ സാധ്യതയില്ലാത്ത വർ ഇങ്ങനെ അപരിചിതത്വത്തിന്റെ മൂടൽമഞ്ഞിനെ മുഴു വൻ തുടച്ചുമാറ്റി, അവിടെ സൗഹൃദത്തിന്റെ പുതുവെളിച്ചം പ്രസരിപ്പിച്ചു ഈ നവമാധ്യമതരംഗം. അതിർത്തികൾ അപ്ര ത്യക്ഷമായി. ഭാഷാ, ദേശ, വ്യത്യാസങ്ങൾ ഇപ്പോൾ വെറും കേട്ടുകേൾവിയായി തുടങ്ങി.
കാലക്രമേണ നാമമാത്രമായി നിൽക്കുന്ന, ഈ ചേരിതിരിവുകൾ പോലും അപ്രത്യക്ഷമാ കുമെന്ന് തോന്നുന്നു. അത്ര വലിയ വിപ്ലവമാണ് ഈ നവമാ ധ്യമതരംഗം ലോകമൊന്നാകെ നടത്തിയിരിക്കുന്നത്. പ്രായ ഭേദമന്യേ നാനാതരത്തിലും, ജാതിയിലും, വർഗ്ഗത്തിലും പെട്ട വർ ഇതിന്റെ സാധ്യതകളെ ഉപയോഗിക്കുന്നു. ചില ചൂഷ ണങ്ങൾ ഇല്ല എന്നല്ല. അതു സ്വാഭാവികം മാത്രമാണ്. കള്ള നാണയങ്ങളെ കണ്ടെത്തുക, ഈ സാമൂഹിക കൂട്ടുകെട്ടിൽ ഒറ്റപ്പെടുത്തുക. അതുമാത്രമാണ് പോംവഴി. എന്നാൽ തന്നെ ഇത്രമാത്രം ജനകീയമായ മറ്റൊരു മാധ്യമമുന്നേറ്റം വേറെ ഉണ്ടാ യിട്ടില്ല. സ്വാർത്ഥത അൽപ്പം കൂടി എങ്കിലും, തന്നെത്തന്നെ expose ചെയ്യാൻ ഇതിനും നല്ല സാധ്യത വേറെയില്ല.
നിലവിലുള്ളതിനെ തകർത്തുകൊണ്ടാണ് പുതിയത് കടന്നു വരിക. അതു പ്രകൃതിനിയമമാണ്; സ്വാഭാവികവുമാണു്. പര മ്പരാഗത വാർത്താധിഷ്ഠിത നിലപാടുകളെ സമൂലമായി മാറ്റിക്കൊണ്ടാണ്, ഈ നവമാധ്യമങ്ങളുടെ രംഗപ്രവേശം. വാർത്തകളുടേയും, സംഭവങ്ങളുടേയും കാര്യത്തിൽ നവ മാധ്യമരംഗം, മുമ്പുണ്ടായിരുന്ന രീതികളെ സമൂലം മാറ്റി മറി ക്കുകയാണ്. സാധാരണ വാർത്തകളുടെ ജീവനായ എഡി റ്റിങ്ങോ, സാമ്പ്രദായിക ശൈലിയോ ഒന്നുംതന്നെ പുതിയവർ പ്രകടിപ്പിക്കുന്നില്ല. അതുകൊണ്ടുതന്നെ ഈ നവമാധ്യമരം ഗത്തെ ഓരോ വാർത്തയും ടെസ്റ്റ്ട്യൂബ് വാർത്തകൾ അല്ല. അവ വ്യത്യസ്തങ്ങളും, സ്വാഭാവികമായ അവസ്ഥയിലും, തനിമ പ്രകടിപ്പിക്കുന്നവയുമാണ്. അതുകൊണ്ടുതന്നെ കൃത്രിമത്വം ലവലേശം തൊട്ടുതീണ്ടിയിട്ടില്ലാത്ത, പുതുമ നശിക്കാത്ത ഒരു അവസ്ഥ അവയ്ക്കുണ്ട്. garden fresh എന്നൊക്കെ പറയുന്നതുപോലെയുള്ള ഒരു നവോന്മേഷം. അതുകൊണ്ട് തന്നെ നമ്മുടെ ഈ വാർപ്പുമാതൃകകളായ എഡിറ്റോറിയലുകളെയും, വാർത്തകളെയും പിന്തള്ളി ക്കൊണ്ട് റീഡബിലിറ്റിയിൽ ഈ നവമാധ്യമവാർത്തകൾ വലിയ മുന്നേറ്റം നടത്തുന്നു.
നവമാധ്യമരംഗത്തിന്റെ മറ്റൊരു പ്രധാന സവിശേഷത ഒരു വാർത്ത ഒരാൾക്കുമാത്രം സ്വന്തമാക്കി അവകാശപ്പെടാൻ കഴിയില്ല എന്നതാണ്. ഒരു വലിയ സമൂഹത്തിന്റെ പിന്തു ണയും, പങ്കാളിത്തവും കമന്റുകൾ’ മുഖേന അതിനു ലഭി ക്കുന്നു. തന്റെ വാർത്ത എന്നതിനേക്കാൾ തങ്ങളുടേതെന്നു ഒരു ബഹുസ്വരത ലഭിക്കുന്നു. ഇത് ഈ കാലഘട്ടത്തിന്റെ ആവശ്യം കുടിയാണ്. ഒറ്റപ്പെട്ടുപോകുന്ന ആധുനികാനന്തര മനുഷ്യന് ഈ പിന്തുണ കൂടി കിട്ടിയില്ലെങ്കിൽ തകർന്നു പോകുന്ന അവസ്ഥ സംജാതമാകും. അതിനാൽ സാമൂഹിക കൂട്ടായ്മകൾ, കൂട്ടായ്മയുടെ ‘പുതിയ ചരിത്രം രചിക്കുക യാണിവിടെ.
ഒപ്പം മറ്റൊരു പുതിയ രീതി കൂടി നവ മാധ്യമങ്ങൾ, സോഷ്യൽമീഡിയ മുന്നോട്ടുവെക്കുന്നു. വാർത്തകളിന്മേൽ ഉണ്ടാകുന്ന കാര്യക്ഷമമായ ചർച്ചകളാണ് അത്. വാർത്തകൾ സൃഷ്ടിക്കുകയല്ല, പകരം വാർത്തകളെ ആഴത്തിൽ വിശക ലനം ചെയ്യുകയാണിവിടെ. ഈ വിശകലനങ്ങൾ, ആ വാർത്ത സമൂഹത്തിൽ സൃഷ്ടിച്ച impact നെ പുറത്തേക്കു കൊണ്ടുവരുന്നു. പോസിറ്റീവും നെഗറ്റീവും ആയ അഭിപ്രാ യങ്ങളുടെ ഭൂരിപക്ഷം ആ വാർത്തയെ സംബന്ധിച്ച്, അല്ലെ ങ്കിൽ സംഭവം, വ്യക്തി ഇവയെ സംബന്ധിച്ച് നിർണ്ണായകമാ കുന്നു. ഒന്നും ഒളിച്ചുവക്കാനില്ലാത്ത, എല്ലാം പരസ്പരം പങ്കുവെയ്ക്കുന്ന, പരദൂഷണവും, നന്മയും പണ്ടത്തെ സ്ത്രീകളുടെ അടുക്കളമുറ്റത്തെ പഞ്ചായത്തിന്റെ തനതു സ്വഭാവങ്ങളും ഈ നവമാധ്യമങ്ങൾ പുറത്തേക്ക് കൊണ്ടുവ രുന്നുണ്ട്. എങ്കിൽത്തന്നെ ഈ കാലഘട്ടത്തിന് ഏറ്റവും അനുയോജ്യമായ ഒരു മീഡിയ വിപ്ലവം തന്നെയാണിത് എന്ന . കാര്യത്തിൽ സംശയമില്ല. കാരണം അയൽപക്കബന്ധങ്ങളും, കൂട്ടുകുടുംബങ്ങളും, വേരുകളും നഷ്ടപ്പെട്ട ഈ സമു ഹത്തിന് ആകെ തൂങ്ങിക്കിടക്കാനുള്ള ഒരു പിടിക്കയാണ് social media.
നിരന്തരമായ നിരീക്ഷണവും, വിചാരണയും സ്വകാര്യത നഷ്ടപ്പെടുത്തുന്നു എന്നൊരു ന്യൂനത കൂടി നവമാ ധ്യമങ്ങളിൽ ആരോപിക്കാം. ഏതാണ്ട് വാസ്തവം തന്നെയാ ണത്. അതുപോലെ വിലകുറഞ്ഞ ചർച്ചകളും, അസഹ്യ മായ കമന്റുകളും വഴി ആളുകളുടെ മനസ്സിൽ മായാത്ത മുറിവുകൾ സൃഷ്ടിക്കാനും ചില ശ്രമങ്ങൾ ഇതുവഴി ഉണ്ടാ കുന്നുണ്ട്. ഏറ്റവും കൂടുതൽ യുവത്വത്തിന്റെ ശബ്ദവും, വികാരവുമായി ഈ നവമാധ്യമരംഗം മാറിയിരിക്കുന്നു. കളി യിടങ്ങൾ അപ്രത്യക്ഷമായ, കൂട്ടുകൂടലുകൾ അന്യം നിന്നു പോയ തിരക്കുകളുടെ ഈ ലോകത്ത് അൽപനേരം ഇങ്ങ നെയെങ്കിലും ചില വേരുകൾ ബാക്കി നിർത്തിയില്ലെങ്കിൽ ഒറ്റപ്പെട്ട ഏകാന്തതയിൽ മനുഷ്യരൊന്നാകെ വിഷാദരോ ഗികളും, ആത്മഹത്യാ പ്രേമികളുമായി മാറിയേനേ. അതി നാൽ ഈ വേഗതയുടെ സമൂഹത്തിന് ഉത്തമ ഔഷധം തന്നെയാണ് നവമാധ്യമരംഗം.
18 മുതൽ 21 വരെ ചോദ്യങ്ങളിൽ ഏതെങ്കിലും 3 എണ്ണത്തിന് ഒരു പുറത്തിൽ കവിയാതെ ഉത്തരമെഴുതുക. (6 സ്കോർ വീതം) (3 × 6 = 18)
Question 18.
സജ്ജനങ്ങളുടെയും ദുർ ജനങ്ങളുടെയും സ്വഭാവ വ്യത്യാസങ്ങൾക്ക് ശകുന്തള ചൂണ്ടിക്കാട്ടുന്ന ഉദാഹരണങ്ങൾ വിവരിച്ചുകൊണ്ട്, അവയുടെ സമകാലിക പ്രസക്തി ചർച്ച ചെയ്യുക.
Answer:
പാഠഭാഗത്തിന് ഏറ്റവും അനുയോജ്യമായ ഒരു ലോകോക്തി തന്നെയാണിത്. ശകുന്തളയെ അധിക്ഷേപിക്കുന്ന ദുഷ്യന്തന് ശകുന്തള നൽകുന്ന മറുപടിയാണ് പ്രസ്തുതം. ദേവാംശമുള്ള താനും ദുഷ്യന്തനും തമ്മിൽ വലിയ പർവ്വതവും കടുകും തമ്മിലുള്ള അന്തരമുണ്ടെന്നും ഇതു മനസ്സിലാക്കാ നുള്ള ജ്ഞാനം ഇല്ലാത്ത രാജാവേ, കണ്ണാടി കാണുന്നതുവരെ നിങ്ങളെപ്പോലെയുള്ള വിരൂപ ന്മാർ തങ്ങൾ ഏറെ സൗന്ദര്യമുള്ളവരാണെന്നു ധരിക്കുമെന്നും ശകുന്തള പറയുന്നു. കണ്ണാടി സ്വന്തം രൂപത്തെയാണ് കാട്ടിത്തരുന്നത്. വിരൂപ ന്മാരായ മനുഷ്യർ അതിലേക്ക് നോക്കുന്നതുവരെ അവർ സുന്ദരന്മാരായി സ്വയം വിചാരിച്ച് അഹങ്കരി ക്കുന്നു. ഇവിടെ ദുഷ്യന്തന്റെ മനസ്സിലാണ് വൈരൂപ്യം. ദുഷ്യന്തന്റെ സ്വാർഥതയും ദുഷ്ടമന സ്ഥിതിയുമാണിവിടെ വൈരൂപ്യമാകുന്നത്.
എല്ലാവർക്കും സുഭാഷിതത്തിലേക്ക് സ്വാഗതം. ഇന്ന് മലയാള ഭാഷയുടെ പിതാവായ എഴുത്തച്ഛന്റെ വരികളാ ണ് ചിന്തക്ക് വിഷയമാക്കുന്നത്.
‘കണ്ണാടി കാണ്മാളവും തന്നുടെ മുഖമേറ്റം
നന്നെന്നു നിരൂപിക്കുമെത്രയും വിരൂപന്മാർ’
ഇവിടെ കണ്ണാടി കാണുന്നത് വിരൂപന്മാരാണ്. അവർ കുറേക്കാലമായി കണ്ണാടി കാണാറേയില്ല. അവർക്ക് ഒരു വിചാരമുണ്ടായിരുന്നു തങ്ങൾ സുന്ദരന്മാരാണെന്ന്. അവർ തെറ്റിദ്ധരിച്ചു. കണ്ണാടി എന്നാണോ കാണുന്നത് അന്ന വർക്ക് മനസ്സിലാകുന്നത് തങ്ങളുടെ വൈരൂപ്യമാണ്.
കണ്ണാടി സ്വന്തം രൂപത്തെയാണ് കാണിക്കുന്നത് എന്ന് നമുക്കറിയാമല്ലോ. കണ്ണാടിയുടെ വലിയ ഗുണവും അതു തന്നെയല്ലേ? ഒന്നും മറയ്ക്കാതെ എല്ലാം തെളിച്ച് കാട്ടിത്ത രുന്നതാണ് കണ്ണാടികൾ. ഇതിൽ നോക്കിയാണ് നമ്മുടെ മുഖത്തിന്റെ സൗന്ദര്യം മനസ്സിലാക്കുന്നത്. വിരൂപരായ മനു ഷ്വർ അതിലേക്ക് നോക്കുന്നതുവരെ അവർ സുന്ദരന്മാരായി സ്വയം വിചാരിക്കുന്നു. അഹങ്കരിക്കുകയും ചെയ്യും.
ഇവിടെ പറഞ്ഞ വിരൂപന്മാർ ശാരീരിക സൗന്ദര്യം ഇല്ലാത്ത വരാണോ? അല്ല. അവർ ശരിക്കും സുന്ദരന്മാരായിരിക്കാം. പക്ഷേ ശാരീരിക സൗന്ദര്യം മാത്രമല്ല വേണ്ടത് എന്ന് നാം പറ യും. നമ്മുടെ പെരുമാറ്റവും സ്വഭാവവും കൊണ്ട് മറ്റുള്ളവരെ ആകർഷിക്കുമ്പോൾ നാം ശരിയായ സുന്ദരന്മാരാകുകയാണ്.
ദുഷ്ടജനങ്ങൾ സ്വന്തം കഴിവിലും സ്വന്തം പ്രവൃത്തിയിലും എപ്പോഴും ശരികൾ കണ്ടെത്തി ജീവിക്കുന്ന വരാണ്. സ്വാർത്ഥതയും ആത്മപ്രശംസയും മനുഷ്യരെ എത്രമാത്രം വിരൂപന്മാരാക്കും എന്ന് പറയേണ്ടതില്ലല്ലോ?
ഒരു അധ്യാപകൻ എന്റെ ഓർമ്മയിൽ വരുന്നുണ്ട്. അയാൾ ആരെ കണ്ടാലും സ്വയം പ്രശംസിച്ചുകൊണ്ട് സംസാരിക്കും. എന്നെ എല്ലാവരും ബഹുമാനിക്കുന്നുണ്ട്, എന്നൊക്കെ. അയാൾക്കരികിൽ നിന്നും ആവശ്യക്കാർ പോകുന്നത് വേദ നയോടെ ആയിരുന്നു. സ്വന്തം കാര്യങ്ങൾ പൊക്കിപ്പറഞ്ഞ് അയാൾ എല്ലാവരേയും കേൾപ്പിക്കും. ആ വ്യക്തി ഹെഡ്മാ സ്റ്ററായി. ഈ സ്വഭാവം തുടർന്നു. അധികാരത്തിന്റെ ലഹരി നുണഞ്ഞ അയാൾ പതിയെ മറ്റ് അധ്യാപകരുടെ നേരെ ചെളി വാരിയെറിഞ്ഞു തുടങ്ങി. അപവാദങ്ങൾ പരത്തിയും പരസ്യമായി തമാശ രൂപത്തിൽ കളിയാക്കിയും അയാൾ തന്റെ വിക്രിയകൾ തുടർന്നു. ഒടുവിൽ അയാൾക്കും ശത്രു വുണ്ടായി. ശത്രുവായ വ്യക്തി ആ വിദ്യാലയത്തിൽ പ്രവർത്തി ക്കുന്ന ആളായിരുന്നു. അയാൾ ഹെഡ്മാസ്റ്ററുമായി ഉടക്കി. പരാതികൾ അയച്ചു. കണക്കിൽ കേമനാണെന്നും കൃത്യനി ഷ്ഠയുള്ളവനാണെന്നും വീമ്പടിച്ചിരുന്ന ആ ഹെഡ്മാസ്റ്ററെ മേലുദ്യോഗസ്ഥന്മാർ അന്വേഷണം നടത്തി വിവരങ്ങൾ ശേഖ രിച്ചു. അതിൽ ഹെഡ്മാസ്റ്ററുടെ കൃത്യവിലോപങ്ങൾ നിരവ ധിയായിരുന്നു. എന്തുസംഭവിച്ചു? പെൻഷൻ പേപ്പറുകൾ ശരിയാവുന്നില്ല.
ഈ അധ്യാപകന് എന്ത് സംഭവിച്ചു? സ്വന്തം മേന്മകൾ മാത്രം ചിന്തിച്ചു. അത് പരസ്യപ്പെടുത്തി. ഒരിക്കലും സ്വന്തം മുഖത്തെ കണ്ണാടിയിൽ നോക്കിയില്ല. ആത്മപരിശോധന നടത്തിയില്ല. അങ്ങനെ വിരൂപനാണെങ്കിലും സുന്ദരനെന്ന് അഹങ്കരിച്ചു. ആത്മപ്രശംസയും അഹങ്കാരവും മനുഷ്യനെ വിരൂപനാക്കുന്നു.
വൈരൂപ്യം വർദ്ധിക്കുമ്പോൾ ചുറ്റുമുള്ള ജനം പ്രതികരി ക്കും. അവർ ചെയ്യുന്ന പ്രവർത്തനങ്ങൾ വിരൂപന്മാരെ കണ്ണാടി കാണാൻ പ്രേരിപ്പിക്കും. അത് കാലത്തിന്റെ നിയമ മാണ്. അതിനാൽ എപ്പോഴും സ്വയം പരിശോധിച്ച്, തെറ്റുകൾ തിരുത്തി ജീവിക്കുന്നതാണ് നല്ലത്. അത് ജീവിതത്തെ എന്നും പ്രകാശിപ്പിക്കും.
Question 19.
അധികാരം കൈയാളുന്ന കഥാപാത്രങ്ങൾ പരിഹാസ്യരാകുന്നുണ്ടോ? കൊത്തുവാൾ, രാജഗുരു, വിദൂഷകൻ എന്നീ കഥാപാത്രങ്ങളെ മുൻ നിർത്തി പരിശോധിക്കുക.
Answer:
അധികാരത്തിന്റെ ഇടനാഴികൾ, അധികാരത്തിന്റെ ഉന്നത ങ്ങളിലേക്ക് കയറിപ്പറ്റാനുള്ള കുറുക്കുവഴികളാണ്. അധികാ രവും, ധനവും എപ്പോഴും അനുയായികളെ സൃഷ്ടിച്ചുകൊ ണ്ടേയിരിക്കും. സ്ഥായിയായ കൂറ് അവകാശപ്പെടാനില്ലാതെ നിയതമായ ഒരു ആശയധർമ്മ സംഹിതയൊന്നും കൂടാതെ ആടിക്കളിക്കുന്ന മനസ്സുമായി സ്വാർത്ഥത മാത്രം ലക്ഷ്യമിട്ട എന്നും ഈയൊരു വർഗ്ഗം ഉണ്ടായിരുന്നു. ഇന്നും അനവ രതം അവർ തുടരുന്നു. അവർക്ക് മാത്രം ഒരു മാറ്റവും സംഭ വിക്കുന്നില്ല. ട്രഷിസുകളിക്കാരെപോലെ തങ്ങളുടെ ലക്ഷ്യ ത്തിലേക്ക് അവർ തൂങ്ങിയാടിക്കൊണ്ടിരിക്കും.
ധനവും ജീവിതാസക്തിയും അധികാരത്തിന്റെ അപ്പക്കഷ ണങ്ങൾ നുണഞ്ഞുകൊണ്ടുള്ള ഈ ജീവിതവും അവർക്കും മടുക്കില്ല. പലപ്പോഴും രാജാവിനെക്കാൾ വലിയ രാജഭക്തി യുമായി അവർ പ്രകടനപരതയുടെ ആൾരൂപമായി മാറും. അധികാരത്തിന്റെ ഇടനാഴികൾ സ്വയം സൃഷ്ടിച്ചുകൊണ്ട് അവർ ഭരണം തുടങ്ങുന്നു.
അഗ്നിവർണ്ണന്റെ കാലുകൾ എന്ന നാടകത്തിൽ ഉപജാപക വൃന്ദത്തിന് അതിന്റെ എല്ലാ ശക്തിയും ഉപയോഗിച്ച് ആടി ത്തിമർക്കാൻ പറ്റിയ അന്തരീക്ഷമാണുള്ളത്. പ്രജകളൊക്കെ സംഭീതരാണ്. അഗ്നിവർണ്ണൻ എന്ന രാജാവിനെ കാണാനില്ല. കാലുകൾ മാത്രമാണ് ദൃഷ്ടിഗോചരമായിട്ടുള്ളത്. ഈ അവ സ്ഥയിൽ ആരായിരിക്കും രാജാവ് എന്ന സംശയഗ്രസ്തരായി പരസ്പരം അഭിനയിക്കുന്നു. താനാണ് ഏറ്റവും വലിയവ നെന്ന് സ്വയം നടിക്കുന്നു. ഭരണത്തിന്റെ കടിഞ്ഞാൺ സ്വന്തം കൈകളിൽ ഭദ്രമാണെന്ന് ഊറ്റം കൊള്ളുന്നു.
(ഉദാ : വിദൂഷകൻ വേഷം മാറിയ രാജാവാണെന്ന ചിന്താരാ മന്റെ സംശയം)
രാജാവിന്റെ ഹിംസാത്മകതയുടെ പ്രതീകമായി കൊത്തുവാ ളുണ്ട്. രാജാവിന്റെ സിംഹാസനത്തിന് അഹിതമായി എന്തെ ങ്കിലും ഉണ്ടായാൽ കൊത്തുവാൾ രൂക്ഷമായി ഇടപെടും. അതുചിലപ്പോൾ ചോര ചിതറുന്നതുവരെ എത്തും.
നിങ്ങൾ തന്നെയാണോ രാജാവ് എന്ന ചോദ്യത്തിന് കൊത്തു വാളിന്റെ മറുപടി എന്തുവേണമെങ്കിലും ധരിച്ചോളണം എന്നാണ്. രാജാവിന്റെ കുപ്പായം ഉപജാപകവൃന്ദത്തിൽ ആർക്കും ചേരും. കൊത്തുവാളിന്, രാജഗുരുവിന്, വിദൂഷ കന് അങ്ങനെ ആർക്കും ചിന്താരാമനും, കേവലരാമനും ഇവിടെ ജനപക്ഷത്തിന്റെ പ്രതിനിധികളാകുന്നു. ചോദ്യങ്ങൾ ചോദിക്കുന്നത് അവരാണ്. ജനങ്ങൾ ചോദിക്കാൻ ആഗ്രഹി ക്കുന്ന ചോദ്യങ്ങൾ ചോദ്യം ചെയ്യിപ്പാൻ അധികാരം അനുവ ദിക്കില്ല. ചോദ്യങ്ങളെ അരിഞ്ഞു തള്ളാൻ തന്നെയാണ്, കൊത്തുവാൾ വന്നിരിക്കുന്നത്. എന്നാൽ നീതിസഹിതവും, സ്വതന്ത്ര ജനകവുമായ ചോദ്യങ്ങൾ ഉപജാപകവൃന്ദത്തിന് തന്നെ ഭീഷണിയാകുന്നു.
Question 20.
“കൊല്ലുന്നതിനേക്കാളും ശല്യമായിട്ടുള്ളൊരു കൊള്ളി വാക്കല്ലാതൊന്നും ചൊല്ലുകയില്ലദ്ദേഹം”. ശീലാവതിയെക്കൊണ്ട് ഇപ്രകാരം പറയാനിടയാക്കിയ സാഹചര്യങ്ങൽ വിശകലനം ചെയ്യുക.
Answer:
കുഞ്ചൻനമ്പ്യാരുടെ ‘ശീലാവതി ചരിതത്തിൽ സ്ത്രീയുടെ സഹനമാണാവിഷ്ക്കരിക്കുന്നത്. മുനിയായിട്ടുപോലും ഭാര്യയെ അടിച്ചമർത്തി പുരുഷാധികാരം കാണിക്കുന്ന ഭർത്താവാണ് ഉഗ്രശ്രവസ്സ് കഷായവും മുക്കുടിയും കൊടു ത്തിട്ടും നല്ലവാക്ക് പറയില്ല. ഇല്ലങ്ങളിൽ നടന്നുചെന്ന് തെണ്ടി കൊണ്ടുവരുന്ന നെല്ലുകുത്തി കല്ല് കളഞ്ഞ് വച്ചുകൊടു ത്താലും കൊള്ളിവാക്ക് മാത്രമേ പറയൂ. എടുത്താലും കൊടു ത്താലും അടുത്താലും കളിച്ചാലും പറഞ്ഞാലും കുറ്റമാണ്. മറിച്ചായാലും കുറ്റമാണ്. കുറവ് മാത്രമേ പറയാനുള്ള സമു ഹത്തിൽ, കുടുംബത്തിനുള്ളിൽ സ്ത്രീകൾ അനുഭവിക്കുന്ന ദുരവസ്ഥകൾക്ക് ഉത്തമോദാഹരണമാണ് ശീലാവതി ചരിതം. ശീലാവതിയുടെ സഹനങ്ങൾക്ക് യാതൊരു അർത്ഥവുമില്ല ഇവിടെ. പുരുഷാധിപത്യത്തെ അരക്കിട്ടുറപ്പിക്കുന്നു ഈ കഥയിൽ. സാഹിത്യകൃതികളിൽ ത്വാഗത്തിന്റെ മൂർത്തികളാ യാണ് കൂടുതലും സ്ത്രീകളെ അവതരിപ്പിക്കുന്നത്. സ്ത്രീയുടെ കണ്ണീരിലാണ് പല രചനകളും വിജയിക്കുന്ന തും. എന്നാൽ സ്ത്രീകൾക്കെതിരെയുള്ള ഇത്തരം കൈയേ റ്റങ്ങൾക്കെതിരെ ആക്ഷേപഹാസ്യരൂപത്തിലുള്ള പ്രതികര ണമാണ് കവിത.
Question 21.
“ജീവിതകാലം മുഴുവൻ ചെലവഴിച്ചാലും സൈബർ സ്പെയ്സിന്റെ ഒരംശം പോലും തനിക്കു ചുറ്റികാണുവാൻ കഴിയുകയില്ല”. (കൈയൊ പില്ലാത്ത സന്ദേശം) ശ്രീധരൻ അനുഭവിക്കുന്ന സംഘർഷം. ഇന്നത്തെ തലമുറയുടേതു കൂടി യാണോ? പാഠസന്ദർഭങ്ങളെ അടിസ്ഥാനമാക്കി വിലയിരുത്തുക.
Answer:
കൈയ്യൊപ്പില്ലാത്ത സന്ദേശം എന്ന പാഠഭാഗം എടുത്തു ചേർത്തിരിക്കുന്നത് എം. മുകുന്ദന്റെ നൃത്തം എന്ന നോവ ലിൽ നിന്നാണ്. നമ്മുടെ നാലാം യൂണിറ്റ് മാധ്യമത്തെ കുറി ച്ചാണ്. മലയാള നോവലിൽ നവമാധ്യമങ്ങളെ എങ്ങനെ സന്നിവേശിപ്പിച്ചിരിക്കുന്നു എന്നതിന്റെ ഉത്തമ ഉദാഹരണ മാണ് നോവൽ സന്ദേശം. സാമൂഹിക നവമാധ്യമങ്ങൾ പല പ്പോഴും തട്ടിപ്പിന്റേയും, ചൂഷണത്തിന്റേയും ഒരു അധോലോ കമായി തരംതാഴാറുണ്ട്. കള്ളനാണയങ്ങൾ എവിടെയും കാണാം. സ്വാഭാവികമായും, പേരില്ലാതെ, മുഖമില്ലാതെ പരി ചയങ്ങൾ സ്ഥാപിക്കുകയും അതുവഴി തട്ടിപ്പിന്റേയും, ചൂഷ ണത്തിന്റെയും പുതിയ ഇരകളെ സൃഷ്ടിക്കുകയും ചെയ്യുന്നു.
ടി.പി. ശ്രീധരൻ മധ്യവയസ്സു പിന്നിട്ടപ്പോഴാണ് നവമാധ്യമങ്ങ ളുടെ ഉറ്റ തോഴനായി മാറുന്നത്. ആരുടേയും കുറ്റംകൊണ്ട ല്ല. അപ്പോൾ മാത്രമാണ് അവ പ്രചാരത്തിലായത്. അന്നു മുതൽ അയാളുടെ ജീവിതം മാറുന്നതു നാം കണ്ടു. ജീവിത ത്തിന്റെ മൊത്തത്തിലുള്ള അവസ്ഥതന്നെ മാറിപ്പോയി. ജീവി തത്തിന്റെ വേഗത വർദ്ധിച്ചു. എങ്കിലും പുതിയ ലോക ത്തിന്റെ പാച്ചിലിനൊപ്പമെത്താൻ അയാൾക്കു കഴിയുന്നില്ല. ജീവിതത്തിന്റെ ഏകാന്ത നിമിഷങ്ങളിൽ തനിക്കു കൂട്ടുവന്ന കമ്പ്യൂട്ടറിനുപോലും ശ്രീധരനെ കൂടെ കൂട്ടാൻ പറ്റുന്നില്ല. വേഗതയുടെ ആ യന്ത്രത്തിൽ പലപ്പോഴും കാലിടറിപോകുന്ന കഥാപാത്രം.
കമ്പ്യൂട്ടർ വന്നതോടുകൂടി ശ്രീധരന്റെ സ്വഭാവങ്ങളിലും വ്യത്യാസം വന്നു. ദിനചര്യകൾ മാറി. ചെറുപ്പം മുതലുള്ള ശീല ങ്ങൾ മാറി. കമ്പ്യൂട്ടർ മധ്യവയസ്സു പിന്നിട്ട് ശ്രീധരനെ മറ്റൊരു മനുഷ്യനാക്കി മാറ്റി. ഇന്റർനെറ്റ് കണക്ഷൻ അയാൾക്ക് ശരി ക്കുമൊരു വലയായി തീരുകയായിരുന്നു. ഒരുപാട് ഗുളി കകൾ കഴിക്കുന്ന ശ്രീധരന് കമ്പ്യൂട്ടർ ശരിക്കുമൊരു മരു ന്നായി. മറ്റൊരു ഗുളിക. പക്ഷേ എന്നിട്ടും മറകൾക്കുള്ളിൽ നിന്നുകൊണ്ട് ആളുകൾ നിഴൽനാടകം കളിക്കുന്നതു മാത്രം ശ്രീധരന് മനസ്സിലായില്ല. കാത്തു കാത്തിരുന്ന് പ്രയോജന മില്ലാത്ത, ഇന്റർനെറ്റ് അന്വേഷണങ്ങൾക്കുശേഷം വീണ്ടും അഗ്നിയുടെ മെസേജ് വരുന്നിടത്ത് പാഠഭാഗം അവസാനി ക്കുകയാണ്. ചിലപ്പോൾ ഒരു കളിപ്പിക്കൽ, അല്ലെങ്കിൽ ഒരു വിലക്കുരുക്ക്. എന്തായാലും മേൽവിലാസമില്ലാത്ത കൈയ്യൊപ്പില്ലാത്ത സന്ദേശങ്ങളുടെ കൂമ്പാരത്തിനിടയിൽ ശ്രീധരന്മാർ വലയുകതന്നെയാണ്.
ഈ പാഠഭാഗത്തിൽ എം. മുകുന്ദൻ സൃഷ്ടിക്കുന്ന യാഥാർ ത്ഥത്തിന്റെ മറ്റൊരു വശമുണ്ട്. പ്രതീതി യാഥാർത്ഥ്യം. ഒറ്റനോട്ടത്തിൽ യാഥാർത്ഥ്യമാണെന്ന് തോന്നു മെങ്കിലും യാഥാർ ത്ഥമില്ല. കണ്ണാടിയിലെ പ്രതി ബിംബം പോലെ. പ്രതിബിംബം സത്യമാണ്. പക്ഷേ അതേസമയം അത് അയഥാർത്ഥവുമാണ്. ഒരേസമയം യാഥാർ ത്ഥ്യവും, അയഥാർത്ഥവും ഒരു നാണയത്തിന്റെ രണ്ടുവശങ്ങളായി തീരുക. ഈ ഒരു സങ്കീർണ്ണ സാങ്കേതി കത്വം ഈ നോവലിന്റെ ഭാഗമായിട്ട് അവതരിപ്പിക്കപ്പെടുന്നു. ജീവിതത്തിന്റെ പരിച്ഛേദമാകുമ്പോഴും, യാഥാർത്ഥ്യത്തിന്റെ സ്പർശമില്ലാതെ, മരവിച്ചു മാറിനിൽക്കുന്ന ബിംബങ്ങൾ കൊണ്ടാണ് എം. മുകുന്ദൻ ഈ പ്രഹേളിക സൃഷ്ടിച്ചിരിക്കു ന്നത്. ഈ ഇമെയിൽ സന്ദേശം പ്രതീതി യാഥാർത്ഥ്യമാണ്. സത്യത്തിൽ കത്തുപോലെ അതിനൊരു രൂപമില്ല. ഏതു രൂപത്തിലേക്കും നമുക്കതിനെ മാറ്റിയെടുക്കാം. പക്ഷേ അതിന്റെ ശരിയായ അവസ്ഥയിൽ അതു നിഴലുപോലെയാ ണ്. നമുക്കതിനെ കാണാം, അനുഭവിക്കാം, ആശയവിനിമയം നടത്താം. പക്ഷേ നമുക്കതിനെ സ്പർശിക്കാൻ കഴിയില്ല. കൈയിലെടുക്കാൻ സാധിക്കില്ല.
ഈ നോവൽ ഭാഗത്ത് പ്രതീതി യാഥാർത്ഥ്യത്തിന്റെ നിഴലു കൾ സ്പർശിക്കുന്ന അനേകം ഘടകങ്ങൾ കണ്ടെത്താൻ കഴിയും. ഉദാ: ഈ അഗ്നിതന്നെ. ശ്രീധരൻ ഒരിടത്തു ചിന്തി ക്കുന്നുണ്ട്. ഇയാൾ കാലിഫോർണിയയിലെ സിലിക്കൺ വാലിയിൽ നിന്നാകാം, അല്ലെങ്കിൽ തൊട്ടപ്പുറത്തെ വീട്ടിൽ നിന്നാകാം. ഒരിക്കലും പരസ്പരം മനസ്സിലാക്കാതെ, ഒരു ചുമരിന്റെ അകലത്തിൽ താമസിക്കുന്ന അടുത്ത മുറിയിൽ നിന്നുമാകാം. യാഥാർത്ഥ്യത്തിനുനേരെ മൂടുപടമണിഞ്ഞ്, അയഥാർത്ഥമായതിനെ കൈയ്യെത്തിപ്പിടിക്കാൻ ശ്രമി ക്കുന്ന മനുഷ്യന്റെ വല്ലാത്തൊരു ജിജ്ഞാസയുടെയും മറ്റൊരു മുഖമാണിത്. ഒരു ഒളിച്ചുകളിയുടെ സുഖം. പക്ഷേ ഈ ഒളിച്ചുകളിയിൽ ജയവും തോൽവിയും ഇല്ല. ഇന്റർനെറ്റ് എന്ന മായികലോകത്തിൽ മാത്രമേ ഈ ഒളിച്ചുകളി ഉള്ളൂ. പുറത്തെ യഥാർത്ഥ ലോകത്തിൽ കണ്ടുമുട്ടിയാലും മനസ്സി ലാകാത്ത അത്ര അപരിചിതത്വത്തിൽ അലിഞ്ഞുള്ള ജീവി തം. വെളിപ്പെടുത്താൻ കഴിയാത്ത രഹസ്യങ്ങളുടെ ഭാരവും പേറിയുള്ള നിഴൽ ജീവിതം.
ആധുനിക സാമൂഹിക മാധ്യമങ്ങൾ പലപ്പോഴും ഈ ഒരു ആശയക്കുഴപ്പത്തിന്റെ നടുവിലാണ്. ഒരു കൈയ്യൊപ്പി ല്ലാത്ത ജീവിതം. നിഴലുകളിലൂടെയുള്ള സഞ്ചാരം. അപരി ചിതൻ എന്നും അപരിചിതൻ മാത്രം. എത്രയൊക്കെ ഹൃദയം തുറന്നാലും, സ്വന്തം മേൽവിലാസം പരസ്വമാക്കാതെ ഇരിക്കു ന്നിടത്തോളം അപരിചിതൻ തന്നെ. ചുവന്ന തെരുവുകളിൽ സന്തോഷം തേടി പോകുന്നവരുണ്ട്. അതേ അവസ്ഥ തന്നെ യാണ് ഈ നവമാധ്യമങ്ങളിൽ സന്തോഷവും ദുഃഖവും പങ്കു വെയ്ക്കുന്നവരുടെ കാര്യവും. സ്വയം ഒന്നും വെളിപ്പെടു ത്താതെ, തന്റെ മാത്രം ആശ്വാസത്തിനുവേണ്ടി സർവ്വതും ഇറ ക്കിവെച്ച്, ആശ്വാസത്തോടെ തിരിച്ചു പോരുന്നപോലെ ഒര പരിചിതനോട് എല്ലാം പങ്കുവെയ്ക്കാം എന്ന് അഗ്നി വെളി പ്പെടുത്തിയതിൽ ഒരു അനൗചിത്വവും ഇല്ല. എന്നെ മനസ്സി ലാക്കാത്തിടത്തോളം, സുരക്ഷിതമായ ഒളിവിൽ നിന്നുകൊണ്ട് തന്റെ മാത്രം ആശ്വാസത്തിനായി ഹൃദയം തുറക്കുന്നവർ ഏറെ ഉള്ള ഒളിയിടം കൂടിയാണ് നവ സൈബർ ലോകം. ഇന്റർനെറ്റും, മറ്റ് സോഷ്യൽ മീഡിയകളും വഴി ചതിക്കപ്പെ ടുന്നവരുടെ എണ്ണം ഇന്ന് വളരെ വർദ്ധിച്ചിരിക്കുന്നു. വീട്ട മാരും, വിദ്യാർത്ഥിനികളും, ജീവിതത്തിന്റെ താളം നഷ്ട പെട്ട്, ഈ ദുരിതക്കയത്തിൽ പതിച്ചിട്ടുണ്ട്. അപ്പോഴാണ് ശ്രീധ രന്റെ ചിന്താഗതിപോലെ കൈയ്യൊപ്പില്ലാത്ത സന്ദേശങ്ങൾ ലോകമെങ്ങും പരക്കുന്നത്. നാടിന്റേയും, വീടിന്റേയും പേരി ല്ലാതെ വേരുകളില്ലാതെ, ഒരു ഓളപ്പരപ്പിലെന്നപോലെ, ഉപ് രിതലത്തിൽ മാത്രം ഒതുങ്ങി നിൽക്കുന്ന ജീവിതം.
ജങ്ക് സന്ദേശങ്ങൾ ഭരിക്കുന്ന വെബ് ലോകത്തിലൂടെ, ഏകാ സനായ കപ്പിത്താനെപ്പോലെ അലയുകയാണ് ശ്രീധരൻ. ഒരി ടത്തും ഉറയ്ക്കാനാകാതെ, ഏതാണ് ലക്ഷ്യമെന്ന് തിരിച്ചറി യാനാകാതെ അനന്തമായ സാഗരത്തിന്റെ അതിവിശാലത യിൽ അമ്പരന്ന് കഴിയുന്ന മനുഷ്യൻ. മധ്യവയസ്സിന്റെ അവ ശതയ്ക്കപ്പുറം, അനേകം ഗുളികകളാൽ നിർമ്മിതമായ ജീവി തശൈലി രോഗങ്ങളുടെ ഉടമ. എല്ലാ തത്വചിന്തകളെയും വെടിയാൻ ശ്രീധരനെ പഠിപ്പിച്ചത് കമ്പ്യൂട്ടറാണ്. കമ്പ്യൂട്ട റിന്റെ അനന്തമായ വെബ് നിലാകാശത്ത് അലഞ്ഞുതിരിഞ്ഞ ശ്രീധരന് ഒരു കാര്യം വ്യക്തമായി. തന്റെ മനുഷ്യായുസ്സു മുഴു വൻ ത്വജിച്ചാലും ഈ വലിയ കടലിലെ ഒരുതുള്ളിപോലും ആകില്ല. അങ്ങനെ തത്വചിന്തകളെ പടിക്കു പുറത്താക്കി ശ്രീധരൻ മുന്നോട്ടുപോകുന്നു. വിശ്വാസ പ്രമാണങ്ങളെയും ബലികഴിച്ചു അയാൾ.
തന്റെ ദിനചര്യകൾപോലും മാറ്റി മറി ച്ചു. ഈ അത്ഭുതലോകത്തിലെ ആലീസാകാൻ അയാൾ സ്വയം ബലിയർപ്പിച്ചു. എന്നിട്ടും തിരിച്ചുകിട്ടിയത് മുഴുവൻ ചതികളും, അറിയാത്ത മുഖങ്ങളുടെ ഒളിച്ചുകളികളും എപ്പോഴും അയാൾക്ക് ലഭിക്കുന്നത് ആവശ്യമില്ലാത്ത അറിവു മാത്രമാണ്, നെറ്റ് ലോകം കനിഞ്ഞു നൽകുന്നത്. നൈരാശ്യ ത്തിന്റെ പടുകുഴിയിലേക്ക് പതിക്കുമ്പോഴാണ് വീണ്ടും അഗ്നിയിലൂടെ അയാൾ പുതുജീവിതത്തിലേക്ക് തിരിയുന്ന ത്. പ്രതീതി യാഥാർത്ഥ്യത്തെ ഏറ്റവും വിദഗ്ധമായി ഏകാ ന്തതയിൽ മുന്നിൽക്കുന്ന ശ്രീധരന്റെ ഭാവനാസാമ്രാജ്യത്തി ലേക്ക്, എം. മുകുന്ദൻ കയറ്റി വിടുന്നുണ്ട്. യാഥാർത്ഥ്യ അയ ഥാർത്ഥ്യങ്ങളുടെ വടംവലിയിൽ അയാൾ സ്വയം കുരുങ്ങു കയാണ്.
ചുവടെ തന്നിട്ടുള്ള ഗദ്യഭാഗം വായിച്ച് 22 മുതൽ 24 വരെ ചോദ്യങ്ങൾക്ക് ഒന്നോ രണ്ടോ വാക്യത്തിൽ ഉത്തരമെഴുതുക. (3 × 2 = 6)
ജഡമായിക്കഴിഞ്ഞ പാരമ്പര്യത്തിന്റെ ശീലങ്ങൾ പിന്തുടരാൻ ശ്രമിച്ച കാവ്യരീതികളെ ഇരുപതാം നൂറ്റാണ്ടിലെ കവിത തിരസ്കരിച്ചു. പ്രധാനമായും മൂന്നു ധാരകൾ ഈ നൂറ്റാണ്ടിന്റെ തുടക്കത്തിലെ മലയാള കവിതയിൽ സമാന്തരമായി നില നിന്നതു കാണാം. കേരള വർമ്മയും മറ്റും നിലകൊണ്ട നിയോക്ലാസിക് പാര മ്പര്യവും രാജരാജവർമ്മ പ്രതിനിധാനം ചെയ്തു നവീകരണപരമായ ധാരയും കൊടുങ്ങല്ലൂർ കളരി യുടെ നേതൃത്വത്തിലുള്ള വെണ്മണി വഴിയും. സാമ്പ്രദായികമായ ഭാരതീയ കാവ്യബോധത്തിന്റെയും ദർശന പദ്ധതികളു ടെയും അടിസ്ഥാനത്തിലാണ് ഈ മൂന്നു ധാരകളും വികസിച്ചു വന്നത്. ആവിഷ്കരണ ത്തിന്റെ രീതിഭേദമാ യിരുന്നു അവയുടെ വ്യത്യസ്തത. സംസ്കൃത ബദ്ധമായ കാവ്യഭാഷയോടും കാവ്യരൂപങ്ങളോടും അടിമത്തത്തോളമെത്തുന്ന വിധേയത്വം പുലർത്തുകയും പാണ്ഡിത്യ പ്രധാനവും സങ്കേത ബദ്ധവുമായ ശൈലിയിൽ എഴുതുകയുമായിരുന്നു നിയോക്ലാസിക് കവികൾ.
മഹാ കാവ്യവും ചമ്പുവും ദണ്ഡകവുമൊക്കെയായിരുന്നു ശബ്ദഭംഗിയിൽ മാത്രം രമിച്ച ഈ ഭ്രംശ ക്ലാസിസത്തിന്റെ പ്രിയപ്പെട്ട കാവ്യ രൂപങ്ങൾ. കാവ്യഭാഷയിലെ സംസ്കൃത മേൽക്കോയ്മയ്ക്കും പ്രമേയത്തിലെ ആഢ്യതയ്ക്കു മെതിരായ നിരോധനമായിരുന്നു വെണ്മണി പാരമ്പര്യ ത്തിന്റെ പച്ച മലയാളം പക്ഷേ അവിടെ കവിത വിനോദ മായിത്തീർന്നു.
Question 22.
ലേഖകന്റെ അഭിപ്രായത്തിൽ മലയാള കവിതയിലെ മൂന്നു ധാരകൾ ഏതെല്ലാമാണ്?
Answer:
കേരളവർമ്മയും മറ്റും നിലകൊണ്ട നിയോക്ലാസിക് പാരമ്പ ര്യവും രാജാരാജവർമ്മ പ്രതിനിധാനം ചെയ്ത നവീകരണപര മായ ധാരയും കൊടുങ്ങല്ലൂർ കളരിയുടെ നേതൃത്വത്തി ലുള്ള വെണ്മണി വഴിയും, സാമ്പ്രാദായികമായ ഭാരതീയ കാവ്യബോധത്തിന്റെയും ദർശനപദ്ധതികളുടെയും അടി സ്ഥാനത്തിലാണ് ഈ മൂന്നുധാരകളും വികസിച്ചുവന്നത്.
Question 23.
നിയോക്ലാസിക് കവികളുടെ രചനാപരമായ പ്രത്യേകതകൾ എഴുതുക.
Answer:
സംസ്കൃത ബദ്ധമായ കാവ്യഭാഷയോടും കാവ്യരൂപങ്ങ ളോടും അടിമത്തത്തോളമെത്തുന്ന വിധേയത്വം പുലർത്തു കയും പാണ്ഡിത്യ പ്രധാനവും സാങ്കേതബദ്ധവുമായ ശൈലി യിൽ എഴുതുകയുമായിരുന്നു നിയോക്ലാസിക് കവികൾ.
Question 24.
പച്ചമലയാളം വ്യത്യസ്തമായത് എങ്ങനെ?
Answer:
കാവ്യഭാഷയിലെ സംസ്കൃതമേൽക്കോയ്മയ്ക്കും പ്രമേയ ത്തിലെ ആഢ്യതയ്ക്കുമെതിരായ നിരോധാനമായിരുന്നു വെണ്മണി പാരമ്പര്യത്തിന്റെ പച്ചമലയാളം.
25 മുതൽ 27 വരെ ചോദ്യങ്ങളിൽ ഏതെങ്കിലും 2 എണ്ണത്തിന് ഒന്നരപ്പുറത്തിൽ കവിയാതെ ഉത്തരമെ ഴുതുക. (8 സ്കോർ വീതം) (2 × 8 = 16)
Question 25.
തിന്മയുടെ ആധിക്യത്താലുള്ള പരിസ്ഥിതി നാശവും അതിനെ വീണ്ടെടുക്കാനുള്ള കാട്ടാളന്റെ കഠിന ശ്രമങ്ങളുമാണോ ‘കിരാതവൃത്തം’ എന്ന കവിത? നിങ്ങളുടെ നിരീക്ഷണങ്ങൾ അവതരിപ്പിക്കുക.
Answer:
ഈ കവിതയിൽ കാണുന്ന പരിസ്ഥിതിക്കും അതിന്റെ വിനാ ശത്തിനുമൊപ്പം സാംസ്കാരികമായ വിനാശവും സംഭവിക്കു ന്നുണ്ട്. കാടിനെ തകർത്തെറിയുമ്പോൾ നാഗരികതയിൽ നിന്നും വ്യത്യസ്തമായ ഗ്രാമീണ സംസ്കൃതിയാണ് തകരുന്ന ത് എന്നീ കവിത തെളിയിക്കുന്നു.
നീറായ വനത്തിലാണ് കാട്ടാളൻ നിൽക്കുന്നത്. നെഞ്ചത്ത് ഒരു കുന്തം കുത്തിയാണ് കാട്ടാളൻ നിൽക്കുന്നത്. പടയ ണിയിൽ ഭൈരവിക്കാലം വരുമ്പോലൊരു കാഴ്ചയാണിത്. ഇവിടെ കാട്ടാളന്റെ നെഞ്ചിലെ പന്തം കാട്ടാളൻ സ്വയം ത ച്ചതാണോ? എങ്കിൽ ഇതൊരു കലാരൂപം പോലൊരു പ്രക ടനമായി മാറും. അതിനാൽ നെഞ്ചത്ത് തറച്ച പന്തം കാടു തകർത്തവർ കുത്തിയതാണ്. അല്ലെങ്കിൽ തന്റെ കാടു തകർന്നവരുടെ ഭയവും വേദനയും കാട്ടാളന്റെ നെഞ്ചിൽ എരിയുന്ന പന്തമാണിത്. കാടിന്റെ ആകാശത്ത് അച്ഛൻ ചത്തുകിടക്കുന്നു. കരിമേഘമാകാം ആ അച്ഛൻ. തുടർ ന്നുള്ള വരികളിൽ ആ സൂചനയുണ്ട്. അമ്മ മലയോരത്തി രുന്ന് ദുഃഖിക്കുകയാണ്. മരം പോയ മാമലകളുടെ താഴ്വാര ങ്ങളുടെ വരൾച്ച ഇവിടെ കാണാം. കാട്ടാളൻ വേഴാമ്പലി നെപ്പോലെ മഴയ്ക്കായി കാത്തിരിക്കുകയാണ്. ഈ കാട് അല്ലാതെയായിരിക്കുന്നു. കാകോളക്കടലാണിപ്പോൾ. കടുത്ത വേദനകളുടെ കോട്ടയാണിത്. അതിൽ കരിമരണം കാവലിരിക്കുന്നു.
ഇടിമിന്നൽ പൂത്തിരുന്നതായിരുന്നു മാനം. അതിൽ കിനാ ക്കളായിരുന്നു വിതച്ചിരുന്നത്. തുളസീക്കാടുകൾ പോയി. ഈറൻമുടികൾ കോതിയ സന്ധ്യകൾ പോയി. ഇതിൽ സന്ധ കളിൽ പരിസ്ഥിതിയും വൈയക്തിക ജീവിതവും കാണു ന്നു. പച്ചകൾ പച്ചക്കാളയെന്നും പുൽച്ചാടിയെന്നും വിളിക്കും. ചാടി നടന്നിരുന്ന മുത്തങ്ങപ്പുല്ലുകൾ നഷ്ടമാ യി. അമ്പിളി പ്രതിഫലിച്ചിരുന്ന കറുകപ്പുല്ല് പൊയ്പോയി. ചിലങ്കകൾ കെട്ടിയ കാറ്റും തരിവള കെട്ടിയ കാട്ടാറും ഇല്ലാ തായി. മുളനാഴിയിൽ നിറച്ച പഴഞ്ചാറും ഇല്ലാതായി.
ഈ പരിസ്ഥിതി വിനാശത്തോടുള്ള പ്രതിഷേധം കവിതയിൽ നിറയുന്നുണ്ട്. തീണ്ടി അശുദ്ധം വരുത്തിയ ആൾ കാട്ടാള കുല നിയമം അനുസരിച്ച് കൊല്ലപ്പെടേണ്ടവർ തന്നെ. പരി സ്ഥിതി മനുഷ്യന്റെയും ജീവജാലങ്ങളുടെയും ആവാസമാ ണ്. അത് തീണ്ടുന്നവൻ പുരാതനമായ ആചാരങ്ങളുടെ രീതി യിൽ അശുദ്ധമാക്കപ്പെടേണ്ടവർ ആണ്. ചരിത്രത്തിൽ സംഭ വിച്ചത് തിരിച്ചാണ്. നാഗരികന്റെ ശരീരവും വീടും തൊട്ടു തീണ്ടിയ മണ്ണിന്റെ മക്കളെ അശുദ്ധമാക്കി മാറ്റിയ ചരിത്രം. വനമൂർച്ഛയിൽ എല്ലാ ദുഃഖങ്ങളും തകരുമെന്നും താൻ അന്നു ചിരിക്കുമെന്നും ആശിക്കുന്ന കാട്ടാളൻ ഏതൊരു കാലഘട്ടത്തിന്റെയും ഉള്ളിൽ പടരുന്ന പ്രകൃതി പ്രേമത്തിന്റെ ഗായകനാണ്. കാമുകനാണ്. വനം അന്യമായി കാണപ്പെടു കയും ജീവിതം വനമോടികളിൽ ആടിത്തെളിയുകയും ചെയ്യുന്ന ഒരു കാലമാണ് കാട്ടാളന്റെ സ്വപ്നവും പ്രതീക്ഷയും.
കാട്ടാളന്റെ ദർശനം വനജീവിതത്തിന്റെ തകർച്ചയിൽ നിന്നും രൂപാന്തരപ്പെട്ടതാണ്. സംസ്കാരത്തിന്റെ വേർതിരിവുകൾ ഉണ്ടാക്കി ഒരു നഗരം വെട്ടിപ്പിടിച്ചവർ എന്നും പണിക്കായി തയ്യാറാക്കി നിർത്തിയ ഒരു അടിയാളവർഗ്ഗം ഉണ്ട്. മണ്ണിന്റെ മക്കൾ. അവർക്ക് എല്ലാം നിഷേധിച്ചിരുന്നു. ദൈവത്തേയും വിദ്യയേയും മനുഷ്യ പാരമ്പര്യത്തെയും. തീണ്ടലും അയി വുംകൊണ്ട് മേലാളർ സംസ്കാരത്തിന്റെ ഉയർന്ന പടവു കളിൽ കഴിഞ്ഞു. മണ്ണിന്റെ ചെളിയും ചേറും പുരണ്ടവർ നാട്ടിൽ നിന്നും നഗരങ്ങളിൽ നിന്നും പുറത്താക്കപ്പെട്ടു. മേലാളന്റെ തീണ്ടലും അശുദ്ധവും നടപ്പിലാക്കേണ്ടത് അടി യാളവർഗ്ഗമായിരുന്നു എന്ന് കാട്ടാളൻ വിളിച്ചറിയിക്കുന്നു. കാട് തീണ്ടി അശുദ്ധമാക്കുന്നവരെ അശ്വമാരായി അക വേണ്ടതായിരുന്നു. എങ്കിൽ കാടും കാട്ടിലെ ജീവിതവും ഇവിടെ നശിക്കില്ലായിരുന്നു.
Question 26.
‘പുലിക്കോട്ടിൽ ഹൈദറിന മറ്റു മാപ്പിളപ്പാട്ട് രചയിതാക്കളിൽ നിന്ന് വ്യത്യസ്തനാക്കുന്നത് പ്രമേയത്തിലെ കേരളീയതയും സ്ത്രീപക്ഷ ചിന്തകളുമാണ്. പ്രസ്താവന യുടെ പൊരുൾ പരിശോധിക്കുക.
Answer:
സംഗീതവും കലയും മനുഷ്യനുണ്ടാക്കിയ അതിർവരമ്പുക ളുടെ മതിൽക്കെട്ട് തകർത്ത് സമരസപ്പെടുമെന്ന്, ഹൈദര ലിയുടെ സംഗീതസുധ ആസ്വദിക്കുവാൻ ചെങ്ങന്നൂരിനട ത്തുള്ള അമ്പലത്തിലെ മതിൽക്കെട്ടു പൊളിച്ച് ജനം തെളി യിച്ചതാണ്. ഹൈദരലിക്ക് കഥകളി സംഗീതം ആലപിക്കാ നായി അവർ മതിൽക്കെട്ട് പൊളിച്ചു. സ്റ്റേജ് പകുതി മതിൽക്കെട്ടിനകത്തും പകുതി പുറത്തുമായി പണിതു. ഹൈദരാലിയുടെ സംഗീതം ഒഴിവാക്കാതെ അമ്പലത്തിന്റെ മതിൽക്കെട്ട് പൊളിച്ച് കഥകളി അവതരിപ്പിച്ചു. ഹൈദ രിന്റെ ആലാപനമാധുര്യത്തിന് മുമ്പിൽ മതപരമായ ആചാ രങ്ങളുടേയും വിശ്വാസങ്ങളുടേയും മതിൽക്കെട്ടാണ് ചെങ്ങ സൂരിനടുത്തുള്ള അമ്പലത്തിൽ തകർന്നത്.
2006 ജനുവരി 5ന് ഈ പാദുഷാ ഒരു കാറപകടത്തിൽ പൊലിഞ്ഞുപോയി. ലോകം കണ്ട അനശ്വര കഥകളി സംഗീ തജ്ഞനായിരുന്നു ഹൈദരലി. അദ്ദേഹത്തിന്റെ ജീവിതം പോലെത്തന്നെയായിരുന്നു ആത്മകഥയും. സാധാരണ ക്കാർക്ക് അപ്രാപ്യമായിരുന്ന കഥകളി സംഗീതത്തെ രാഗ സന്നിവേശം. കൊണ്ട് വളരെ ലളിതമാക്കി ജനഹൃദയങ്ങളെ കവരാൻ കഴിഞ്ഞ അതുല്യപ്രതിഭ.
അദ്ദേഹത്തിന്റെ ജീവിതത്തിൽ ചില വിസ്മയങ്ങൾ എന്നുമുണ്ടായിരുന്നു. കലാമണ്ഡലത്തിൽ ചേരുവാൻ ജാമ്യ ത്തിന് 2000 രൂപ നൽകിയ നാട്ടുകാരനും നല്ലവനുമായ സി.പി.അന്തോണി ചേട്ടൻ ഈ പ്രതിഭയെ കൈപൊക്കി കാല ത്തിന് നൽകുകയായിരുന്നു. കലാമണ്ഡലത്തിലെ പഠന ത്തിനുശേഷം ഇനിയെന്ത് എന്ന് വിഷമിച്ചപ്പോൾ അന്ന് കലാ മണ്ഡലം അദ്ധ്യക്ഷനും ഫാക്ടിന്റെ എം.ഡിയുമായ ശ്രീ. എം.കെ.കെ.നായർ ഹൈദരലിക്ക് പഠിപ്പ് കഴിഞ്ഞ ഉടനെ ഫാക്ടിലെ കഥകളി സ്ക്കൂളിൽ ജോലി നൽകി. പിന്നെ ഹൈദരലി കഥകളിയരങ്ങുകളുടെ സംഗീതാർച്ചനയായി മാറി. കലാമണ്ഡലം നീലകണ്ഠ നമ്പീശൻ, കലാമണ്ഡലം ശിവരാമൻനായർ, കലാമണ്ഡലം ഗംഗാധരൻ, കാവുങ്കൽ മാധവപ്പണിക്കർ, തൃപ്പുണിത്തറ ശങ്കരവാര്യർ, എൻ.കെ.വാ സുദേവപ്പണിക്കർ, എം.ആർ. മധുസൂദനമേനോൻ എന്നിവ രായിരുന്നു ഗുരുക്കന്മാർ.
കുട്ടിക്കാലത്തുതന്നെ കുഞ്ഞു ഹൈദരാലിക്ക് ബാപ്പ യുടെ സംഗീതവാസനയുണ്ടെന്ന് ആൾക്കാർ അറിഞ്ഞിരു ന്നു. ചലച്ചിത്ര നടനും നല്ലൊരു സംഗീതജ്ഞനുമായിരുന്ന ശ്രീ.ഒടുവിൽ ഉണ്ണികൃഷ്ണൻ ഹൈദരാലിക്കു വേണ്ടി തബല വായിച്ചിട്ടുണ്ട്.
കഥകളിയിൽ കർണ്ണാടിക് സംഗീതത്തെ കൊണ്ടുവന്നു, സംഗീതപ്രധാനമായ കഥകളി സംഗീതത്തെ രാഗാധിഷ്ഠിത മായ സംഗീതമാക്കി മാറ്റി എന്നൊക്കെയുള്ള ആരോപണങ്ങൾ യാഥാസ്ഥിതികർ ഉന്നയിച്ചിരുന്നു. എന്നാൽ കഥകളി സംഗീ ഭാവ പൂർണ്ണമാക്കി നാടകീയ രൂപത്തിൽ അനായാസമായി ആലപിക്കാൻ ഹൈദരാലിക്കേ കഴിഞ്ഞിട്ടു ള്ളൂ ചില ചലച്ചിത്രങ്ങളിൽ ഗാനം ആലപിച്ചിട്ടുണ്ട്. അയോദ്ധ്യാ, ശ്രീ ഹൈദരലി എന്നിവയാണ് ചലച്ചിത്രങ്ങൾ. അദ്ദേഹം ചിട്ടപ്പെടുത്തിയ തില്ലാനയും വർണ്ണവും സഹൃദയർ സ്വീകരിച്ചതാണ്. ശ്രീ ബാലഭാസ്കറുമായി ചേർന്ന് ‘ദി ബിഗ്ബാൻഡ്’ എന്ന ഫ്യൂഷൻ സംഗീതപരിപാടി നടത്തിയി ട്ടുണ്ട്. ഒപ്പം നല്ലൊരു ചിത്രകാരനും പെയിന്ററും കൂടിയാ ണെന്ന് അറിയുന്നവർ കുറവാണ്.
മതത്തിന്റെ മതിൽക്കെട്ട് തകർത്ത് സംഗീതസാധനയാണ് ജീവിതം എന്ന് അറിയിച്ച് ഹൈദരലിയുടെ ഓർമ്മയ്ക്കായി വെണ്ടാർ ശ്രീ സുബ്രഹ്മണ്യസ്വാമി ക്ഷേത്ര ഉപദേശകസമിതി ഹൈദരലി സ്മാരക കഥകളി അവാർഡ് ഏർപ്പെടുത്തിയി ട്ടുണ്ട്.
പോരാട്ടങ്ങളുടെ ജീവിതമായിരുന്നു ഹൈദരാലിയു ടേത്. കുട്ടിക്കാലം മുതൽ തിരസ്കൃതനായിരിക്കുന്നവന്റെ വേദനകൾ അനുഭവിച്ചു. കലാമണ്ഡലത്തിൽ ചേർന്നതും ഫാക്ടിലെ കഥകളി സ്ക്കൂളിൽ ജോലിക്കു ചേർന്നതുമെല്ലാം ആകസ്മികത നിറഞ്ഞ ജീവിതരംഗങ്ങളായിരുന്നു. കഥകളി എന്താണെന്ന് അറിയാത്ത പ്രായത്തിൽ കഥകളി സംഗീതം പഠിച്ചു. കലാമണ്ഡലത്തിലെ ഒറ്റപ്പെടലുകൾ അവഗണിച്ച് ഉയർന്നുവന്നു.
1960ൽ പട്ടിക്കാംതൊടി ചരമദിനത്തോടനുബന്ധിച്ച് ഹൈദർ പൊന്നാനിയും ശങ്കരൻ എമ്പ്രാന്തിരി ശിങ്കിടിയു മായി കഥകളി അരങ്ങേറ്റം നടന്നു. കഥകളി ചരിത്രത്തിൽ ആദ്യമായി ഒരു മുസ്ലീമിന്റെ അരങ്ങേറ്റം. പലപ്പോഴും കഥകളി പരിപാടിയിൽ പങ്കെടുക്കാൻ കഴിയില്ല. അമ്പലങ്ങളിലെ പരി പാടികളിൽ ലിസ്റ്റിൽ ഹൈദരലി ഉണ്ടാകില്ല. 8-ാം വർഷ ത്തിൽ ചേന്ദമംഗലം ക്ഷേത്രത്തിൽ 3 ദിവസത്തെ മുഴുനീള പരിപാടിക്ക് ഹൈദരലിയും ലിസ്റ്റിൽ വന്നു. ബസ്സിൽ ദീർഘ യാത്ര ചെയ്യുന്നതും പരിപാടി നടത്തുന്നതിന്റെ സന്തോ ഷവും കൊണ്ട് ഉറക്കമില്ല. ചേന്ദമംഗലത്ത് സന്തോഷമായി കൂടുമ്പോൾ ടീം ലീഡർ പറഞ്ഞു. ഹൈദരാലിയും സുബ ഹ്മണ്യനും ഉടനടി കലാമണ്ഡലത്തിൽ എത്തണം. റഷ്യക്കാർ കാത്തിരിക്കുന്നുണ്ട്. ഇതുകേട്ട് നിരാശരായി ഇരുവരും തിരി ച്ചുപോന്നു. സ്തബ്ധരായ രണ്ടുപേരും ബസ്സിൽ നിന്നും ചാടി ആത്മഹത്യ ചെയ്യണമെന്നും വിചാരിച്ചുപോയി. കലാ മണ്ഡലത്തിൽ എത്തിയപ്പോൾ അവിടെ ആരുമില്ല. ശൂന്യമാ യിരുന്നു. എന്നിട്ടും ഹൈദരലി പൊരുതി നിന്നു.
ഹരിപ്പാട് തലത്തോട്ട് ക്ഷേത്രത്തിൽ ഹൈദരലിയുടെ ശിഷ്യന്റെ അരങ്ങേറ്റം നടക്കുന്നു. ശിഷ്വനും കുടുംബവും ഹൈദരലി വേണമെന്ന് നിർബന്ധമായി. ഒടുവിൽ അമ്പ ലക്കാരിൽ രണ്ടു വിഭാഗമുണ്ടായി. അവർ മതിൽ പൊളിച്ച് സ്റ്റേജ് പുറകോട്ടു നീട്ടി. അവിടെ നിന്ന് പാടിയപ്പോൾ ദൈവത്തെ കൈയൊന്ന് നീട്ടിയാൽ തൊടാമെന്ന് ഹൈദ ഒലിക്കു തോന്നി. ഈ ഫിലിംഗിൽ അജിതോഹരേ ജാ മാധവാ വിഷ്ണോ പാടിയത് ഹൈദരലി ഓർക്കുന്നു.
കഥകളിയെ ആഢ്യകലയായി ഉയർത്തി നിർത്തുന്ന വർക്കുപോലും ഈ അതുല്യസംഗീതചക്രവർത്തിയെ ഒഴി വാക്കാൻ സാധിച്ചില്ല. ഒരു കാറപടകത്തിൽ പൊലിഞ്ഞത് കഥകളിയുടെ ശബ്ദമായിരുന്നു. ജനങ്ങൾ നെഞ്ചേറ്റിയ . ഹൃദയസംഗീതം. കഥകളിയുടെ സ്വച്ഛമായ സംഗീതം.
Question 27.
മനുഷ്യർ കാണാത്തതും ഗൗളികൾ കാണുന്നതുമായ മനുഷ ത്വരാഹിത്യത്തിന്റെ നിരവധി ചിത്രങ്ങൾ അവതരിപ്പിക്കുന്ന കഥയാണ് ഗൗളിജന്മം. കഥാ സന്ദർഭങ്ങളെ ആസ്പദമാക്കി വിലയിരുത്തുക.
Answer:
ആശുപത്രിവാസം മടുത്ത രണ്ട് ഗൗളികൾ ദാമ്പത്യം തുടങ്ങി. ജന്തുക്കൾ അങ്ങിനെയാകാം). അവർ ഒരു മുന്നറിയിപ്പ് കാണുന്നുണ്ട്. ആരോഗ്യത്തിന് ഹാനികരം. അതൊരു പക്ഷേ ചുമരിലെ സ്റ്റിക്കറാകാം. അതിനിടയിൽക്കൂടി, അതിൽ കയറി യായിരിക്കാം ഇവർ ദാമ്പത്യം തുടങ്ങിയത്. ആസക്തി ഒരു ങ്ങിയപ്പോൾ കണ്ണ് തെളിഞ്ഞു. താഴെ നിശ്ചലദൃശ്യം പോലെ അവശനായ യുവാവും കാൽക്കീഴിലിരിക്കുന്ന ഭാര്യയും. യുവതിയുടെ കണ്ണിൽ സഹതാപമുണർത്തുന്ന ശൂന്യത.
ഒരു സുഹൃത്ത് വരുന്നതറിഞ്ഞ് ആൺഗൗളി പെൺഗൗളിയ്ക്ക് മുന്നറിയിപ്പ് നൽകി. രണ്ടു ചെരുപ്പുകളുടെ കുളമ്പുശബ്ദം കേട്ടത് ചെരുപ്പ് നല്ല കട്ടിയുള്ള ഹീലുള്ളതാണെന്നും അത് ഫാഷനുള്ളതാണെന്നും തോന്നിപ്പിക്കുന്നു. ഇരുട്ട് കുത്തനെ പതിച്ച പോലെയാണവർ വന്നത്.
ഒരു സഹതാപവുമില്ലാത്ത സുഹൃത്താണിത്. അവരുടെ വാക്കുകൾ ക്രൂരമായിരുന്നു. യുവതിയോട് അബോർഷൻ നടത്താനും പറഞ്ഞു. അലിവില്ലാതെ യുവാവിനെക്കുറിച്ച് പറഞ്ഞു. ഇതുകേട്ട് പെൺ ഗൗളി പ്രതിഷേധിച്ച് ചിലച്ചു. ആൺഗൗളി ശാസിച്ചു. പല്ലി ചിലച്ചാൽ, അതും ബുധനാഴ്ച തെക്കുപടിഞ്ഞാറിരുന്ന് ചിലച്ചാൽ മരണം സംഭവിക്കു മെന്നുമാണ് മനുഷ്യന്റെ വിശ്വാസം. പെൺഗൗളിക്ക് കുറ്റബോ ധമായി. സുഹൃത്ത് പോയി. യുവാവ് യുവതിയെ നോക്കി ദയനീയമായി ചോദിച്ചു. എന്റെ കുഞ്ഞിനെ നീ കളയുമോ?
ഡോക്ടർ വന്നു. ആക്സിഡന്റിലായ യുവാവിനെ ഫിസി ഷ്യനെ കാണിച്ചിരുന്നെങ്കിൽ അയാൾ മഞ്ഞപ്പിത്തം ബാധി ക്കാതെ രക്ഷപ്പെട്ടേനെ. പൊൻകുന്നം വർക്കിയുടെ കഥാ പാത്രമായ കിശോരലാലിനുണ്ടായ തിരിച്ചറിവുണ്ടായിരുന്നെ ങ്കിൽ ഡോക്ടറുടെ പിടിയിൽ നിന്നും ഇയാൾ രക്ഷപ്പെട്ടേ നെയെന്ന് ആൺഗൗളി പറഞ്ഞു.
ഇതെല്ലാം എങ്ങനെ അറിയുന്നുവെന്ന പെൺ ഗൗളിയുടെ ചോദ്യത്തിന് മറുപടി രസമായി. കഴിഞ്ഞ ജന്മത്തിലെ കഥാ കൃത്താണ് ഗൗളി. മലയാളത്തിലെ മികച്ച കഥാകാരനാണെന്ന അഹന്ത ഉണ്ടാ യി രു ന്നു. അതി നാലി പ്പോൾ ഉത്തരം താങ്ങുന്ന ഗൗളിയായി മാറി.
ഈ സമയം മുജ്ജന്മത്തെക്കുറിച്ച് ഓർമ്മയില്ലാത്ത പെൺഗൗളി ദുഃഖിച്ചു. ബുദ്ധന് എന്ത് ബോധം കിട്ടിയെന്ന തിന് ആൺഗൗളി മറുപടി പറഞ്ഞില്ല. അത് ദാർശനികനാ യി. പ്രഭാഷണം തുടങ്ങി. അപ്പോൾ പെൺഗൗളി നിർബന്ധി ച്ചു. മമതയാണ് സർവ്വദുഃഖങ്ങൾക്കും കാരണമെന്ന് ബുദ്ധന് മനസ്സിലായിയെന്ന് ആൺ ഗൗളി പറഞ്ഞു. ഇതു കേട്ട പെൺഗൗളി പൊട്ടിച്ചിരിച്ചു. അടുക്കളച്ചുമരിൽ കഴിയുന്ന സ്ത്രീകൾക്ക് ഇതറിയാം. ആൺഗൗളി പതറിപ്പോയി.
യുവാവ് മരിക്കുന്നു. ആൺഗൗളി പ്രവാചകനെപ്പോലെ പറ ഞ്ഞു. ആ യുവതി തന്റെ കുഞ്ഞിനെ പ്രസവിക്കില്ല. അവൾ മറ്റൊരു ജീവിതം സ്വീകരിക്കും.
ആൺഗൗളിക്ക് മറ്റ് പെൺഗൗളികളിൽ കുഞ്ഞ് ഉണ്ടാകാം. പക്ഷെ തനിക്ക് യുവതിയുടെ ജീവിതം കാണണം, മാത്രമല്ല പെണ്ണുങ്ങളെക്കൊണ്ട് എന്തെല്ലാം സാധിക്കുമെന്നറിയണം എന്നുപറഞ്ഞ് പെൺഗൗളി യുവതിയുടെ ബാഗിലേക്ക് എടു ത്തുചാടി അപ്രത്യക്ഷയായി.