Class 10 Physics Chapter 3 Notes Malayalam Medium കാഴ്ചയും വർണ്ണങ്ങളുടെ ലോകവും

The comprehensive approach in SSLC Physics Notes Pdf Malayalam Medium and Class 10 Physics Chapter 3 Notes Malayalam Medium കാഴ്ചയും വർണ്ണങ്ങളുടെ ലോകവും ensure conceptual clarity.

10th Class Physics Chapter 3 Notes Malayalam Medium കാഴ്ചയും വർണ്ണങ്ങളുടെ ലോകവും

Std 10 Physics Chapter 3 Notes Malayalam Medium – Let’s Assess

Question 1.
ഏറ്റവും അനുയോജ്യമായ ഉത്തരം കത്തി എഴുതുക.
ആകാശത്ത് മഴവില്ല് രൂപപ്പെടുമ്പോൾ ഒരു ജലകണികയിലൂടെ കടന്നു പോകുന്ന പ്രകാശരശ്മിക്ക് സംഭവി ക്കുന്നത് എന്താണ്?
a) ആന്തരപ്രതിപതനം
b) അപവർത്തനം
c) അപവർത്തനവും ആന്തരപ്രതിപതനവും
d) ഇവയൊന്നുമല്ല
Answer:
c) അപവർത്തനവും ആന്തരപ്രതിപതനവും

Question 2.
ചുവടെ കൊടുത്തിരിക്കുന്നവയിൽ ധവളപ്രകാശം ഉല്ലാക്കാൻ കഴിയുന്ന വർണ്ണജോഡികൾ ഏതെല്ലാമാ ണ്?
Answer:
d) മജന്ത, പച്ച

Question 3.
ഒരു ഗ്ലാസ് പ്രിസത്തിനുള്ളിലേക്ക് ചരിഞ്ഞ് പ്രവേശിച്ച് കടന്നു പോകുന്ന ധവളപ്രകാശരശ്മി
i. അപവർത്തനത്തിന് വിധേയമാകുന്നില്ല
ii. പ്രകീർണ്ണനത്തിന് വിധേയമാകുന്നു
iii. പ്രകീർണ്ണനത്തിനും ദിശാവ്യതിയാനത്തിനും വിധേയമാകുന്നു
iv. ഇവയൊന്നിനും വിധേയമാകുന്നില്ല.
താഴെത്തന്നിരിക്കുന്നവയിൽ ഉചിതമായത് ഏത്?
a) ii & iii
b) iv
c) i & iv
d) ഇവയൊന്നുമല്ല
Answer:
a) ii & iii

Question 4.
ഉചിതമായി പൂരിപ്പിക്കുക.
a) സയൻ വർണ്ണം + ……………… → ധവളപ്രകാശം
b) നീല വർണ്ണം + ……………… → ധവളപ്രകാശം
c) മജന്ത വർണ്ണം + പച്ച വർണ്ണം → ………………..
d) മജന്ത വർണ്ണം + സയൻ വർണ്ണം + മഞ്ഞ വർണ്ണം → ………………..
Answer:
a) ചുവപ്പ്
b) മഞ്ഞ വർണ്ണം
c) ധവളപ്രകാശം
d) ധവളപ്രകാശം

Question 5.
താഴെ പറയുന്നവയ്ക്ക് വിസരണത്തിന്റെ അടിസ്ഥാനത്തിൽ ശാസ്ത്രീയ വിശദീകരണം നൽകുക.
a) അപകട സൂചനയ്ക്കുള്ള ലാമ്പുകൾക്ക് ചുവന്ന പ്രകാശം ഉപയോഗിക്കുന്നു.
b) പകൽ സമയത്ത് പോലും ചന്ദ്രനിൽ ആകാശം ഇരു കാണുന്നു.
c) ആഴക്കടൽ നീല നിറത്തിൽ കാണുന്നു.
Answer:
a) തരംഗദൈർഘ്യം കൂടിയ ചുവപ്പ് വർണ്ണത്തിന് വിസരണം കുറവായിരിക്കും. ചുവപ്പ് വർണ്ണത്തിന് സഞ്ച രിക്കാൻ കഴിയുന്ന ദൂരം കൂടുതലായിരിക്കും. വളരെ അകലെ നിന്ന് കാണാൻ സാധിക്കും.

b) ചന്ദ്രനിൽ അന്തരീക്ഷം ഇല്ലാത്തതിനാൽ പ്രകാശത്തിന് വിസരണം സംഭവിക്കുന്നില്ല. വിസരിത പ്രകാശ ത്തിന്റെ സാന്നിധ്യം ഇല്ലാത്തതിനാൽ ആകാശം ഇരുല്ല് കാണുന്നു.

c) ജലകണികകളിൽ തട്ടി വിസരണം സംഭവിക്കുന്നു.

Question 6.
ഒരു ഗ്ലാസ് പ്രിസത്തിലേക്ക് പതിക്കുന്ന പ്രകാശരശ്മിയുടെ പാത പൂർത്തികരിക്കുക (ചിത്രം 3.31).

Answer:

Question 7.
വൈദ്യുതകാന്തികസ്പെക്ട്രത്തിൽ ദൃശ്യപ്രകാശത്തോട് ചേർന്ന് ഇരുഭാഗങ്ങളിലുമായി കാണുന്ന വികിരണ ങ്ങൾ ഏതൊക്കെ? ഇവയിൽ ദൃശ്യപ്രകാശത്തേക്കാൾ തരംഗദൈർഘ്യം കുറഞ്ഞ വികിരണത്തിന്റെ ഒരു ഉപയോഗം എഴുതുക.
Answer:
വൈദ്യുതകാന്തികസ്പെക്ട്രത്തിൽ ദൃശ്യപ്രകാശത്തോട് ചേർന്ന് ഇരുഭാഗങ്ങളിലുമായി കാണുന്ന വികിരണങ്ങൾ അൾട്രാവയലറ്റ് വികിരണം, ഇൻഫ്രാറെഡ് വികിരണം എന്നിവയാണ്.

ഇവയിൽ ദൃശ്യപ്രകാശത്തേക്കാൾ തരംഗദൈർഘ്യം കുറഞ്ഞ വികിരണമാണ് അൾട്രാവയലറ്റ് വികിരണം. അൾട്രാവയലറ്റ് വികിരണത്തിന്റെ ഒരു ഉപയോഗം വിറ്റാമിൻ D ഉൽപാദിപ്പിക്കുന്നു.

Question 8.
ദീർഘദൃഷ്ടിയുള്ള (ഹൈപ്പർ മെട്രോപ്പിയ ഒരാളുടെ നിയർ പോയിന്റിലേക്കുള്ള ദൂരം 40 cm ആണ്.
a) 25 cm അകലെയുള്ള പുസ്തകത്തിലെ അക്ഷരങ്ങൾ വായിക്കുവാൻ ഈ വ്യക്തിക്ക് കഴിയുമോ?
b) അനന്തതയിലുള്ള വസ്തുവിനെ ഈ വ്യക്തിക്ക് കാണാൻ കഴിയുമോ?
c) കണ്ണിന്റെ ഈ ന്യൂനത എങ്ങനെ പരിഹരിക്കാം?
Answer:
a) കഴിയില്ല.
b) കഴിയും
c) അനുയോജ്യമായ പവറുള്ള കോൺവെക്സ് ലെൻസ് ഉപയോഗിച്ച് ദീർഘദൃഷ്ടി പരിഹരിക്കാം.

Question 9.
ജലത്തിന് നിറമില്ലെങ്കിലും വെള്ളച്ചാട്ടത്തിൽ ജലം വെളുപ്പായി തോന്നാൻ കാരണം എന്ത്?
Answer:
വിസരണം

Question 10.
ചുവടെ കൊടുത്തിരിക്കുന്ന നിറമുള്ള വസ്തുക്കളെ മുറിയിലെ പ്രകാശത്തിന്റെ അടിസ്ഥാനത്തിൽ ഏത് വർണ്ണത്തിൽ കാണാൻ കഴിയും? പട്ടിക പൂർത്തിയാക്കൂ.

Answer:

SSLC Physics Chapter 3 Notes Questions and Answers Pdf Malayalam Medium

Question 1.
പ്രകാശത്തിന്റെ ദിശാവ്യതിയാനത്തിന് എന്തായിരിക്കും കാരണം?
Answer:
പ്രകാശത്തിന്റെ അപവർത്തനം

Question 2.
പ്രിസത്തിന്റെ ഏതൊക്കെ പ്രതലങ്ങളിൽ വച്ചാണ് പ്രകാശരശ്മിക്ക് ദിശാവ്യതിയാനം ഉണ്ടാകുന്നത്?
Answer:
AB, AC

Question 3.
Answer:
പ്രകാശപാത സയൻസ് ഡയറിയിൽ ചിത്രീകരിക്കൂ.
Answer:

Question 4.
വായുവിൽ നിന്ന് പ്രിസത്തിലേക്ക് കടക്കുമ്പോൾ പ്രകാശരശ്മിക്ക് പ്രിസത്തിന്റെ ഏതു ഭാഗത്തേക്കാണ് വ്യതിയാനം സംഭവിക്കുന്നത്?
Answer:
പ്രിസത്തിന്റെ പാദഭാഗത്തേക്കാണ് വ്യതിയാനം സംഭവിക്കുന്നത്.

Question 5.
പ്രിസത്തിൽ നിന്ന് വായുവിലേക്ക് കടക്കുമ്പോഴോ?
Answer:
പ്രിസത്തിന്റെ പാദഭാഗത്തേക്ക്

പ്രിസത്തിലേക്ക് കടക്കുമ്പോഴും പ്രിസത്തിൽ നിന്ന് ബഹിർഗമിക്കുമ്പോഴും അപവർത്തനം കാരണം പ്രകാശരശ്മിക്ക് പ്രിസത്തിന്റെ പാദ (base) ഭാഗത്തേക്കാണ് വ്യതിയാനം സംഭവിക്കുന്നത്.

പ്രിസത്തിലേക്ക് കടക്കുമ്പോഴും പ്രിസത്തിൽ നിന്ന് ബഹിർഗമിക്കുമ്പോഴും അപവർത്തനം കാരണം പ്രകാശരശ്മിക്ക് പ്രിസത്തിന്റെ പാദ (base) ഭാഗത്തേക്കാണ് വ്യതിയാനം സംഭവിക്കുന്നത്.

Question 6.
ചുമരിൽ കാണുന്ന വർണ്ണങ്ങൾ സയൻസ് ഡയറിയിൽ വ്യതിയാനം കുറയുന്ന ക്രമത്തിൽ രേഖപ്പെടുത്തുക.
Answer:
ഘടക വർണ്ണങ്ങൾ വയലറ്റ്, ഇൻഡിഗോ, നീല, പച്ച, മഞ്ഞ, ഓറഞ്ച്, ചുവപ്പ് (VIBGYOR) ധവളപ്രകാശത്തിലെ ഘടക വർണ്ണങ്ങളുടെ ക്രമമായ വിതരണത്തെ വർണ്ണരാജി (Spectrum) എന്നു പറയുന്നു.

പ്രിസത്തിലൂടെ സൂര്യപ്രകാശം കടന്നുപോകുമ്പോൾ ഘടക വർണ്ണങ്ങളായി വേർപിരിയുന്നത് ചിത്രം 3.4 ൽ നൽകിയിരിക്കുന്നത് നിരീക്ഷിക്കൂ.

Question 7.
പ്രകാശരശ്മിക്ക് ദിശാവ്യതിയാനം സംഭവിക്കാനുള്ള കാരണം എന്തായിരിക്കും?
Answer:
പ്രകാശരശ്മി പ്രിസത്തിലൂടെ കടന്നുപോകുമ്പോൾ അപവർത്തനം കാരണം പ്രിസത്തിന്റെ രണ്ട് വശങ്ങളിലും വച്ച് ദിശാവ്യതിയാനം സംഭവിക്കുന്നു.

Question 8.
ഈ ദിശാവ്യതിയാനം എല്ലാ വർണ്ണങ്ങൾക്കും ഒരുപോലെ ആയിരിക്കുമോ?
Answer:
അല്ല

Question 9.
പ്രകാശവർണ്ണങ്ങളിൽ തരംഗദൈർഘ്യം കുറഞ്ഞ വർണ്ണമേതാണ്?
Answer:
വയലറ്റ്

Question 10.
തരംഗദൈർഘ്യം കൂടിയതോ?
Answer:
ചുവപ്പ്

Question 11.
പ്രിസത്തിലൂടെ കടന്നു പോകുമ്പോൾ ഏതു വർണ്ണത്തിനാണ് കൂടുതൽ വ്യതിയാനം സംഭവിച്ചത്? Answer:
വയലറ്റ്

Question 12.
കുറഞ്ഞ വ്യതിയാനമോ?
Answer:
ചുവപ്പ്

Question 13.
വർണ്ണങ്ങളുടെ ദിശാവ്യതിയാനം വ്യത്യസ്തമാവാൻ എന്തായിരിക്കും കാരണം?
Answer:
വ്യത്യസ്ത വർണ്ണങ്ങൾക്ക് തരംഗദൈർഘ്യം വ്യത്യസ്തമായിരിക്കും.

Question 14.
പ്രിസത്തിലൂടെ പ്രകാശം കടന്നു പോകുമ്പോൾ തരംഗദൈർഘ്യം കൂടിവരുന്നതിനനുസരിച്ച് വർണ്ണങ്ങൾക്കുള്ള വ്യതിയാനം എപ്രകാരമാണ് മാറുന്നത്?
Answer:
തരംഗദൈർഘ്യം കൂടിവരുന്നതിനനുസരിച്ച് വർണ്ണങ്ങൾക്ക് വ്യതിയാനം കുറയുന്നു.

Question 15.
പ്രകാശരശ്മിക്ക് ഉണ്ടാകുന്ന വ്യതിയാനം ഏതെല്ലാം ഘടകങ്ങളെ ആശ്രയിച്ചിരിക്കുന്നു?
Answer:

• മാധ്യമത്തിന്റെ അപവർത്തനാങ്കം
• പ്രകാശവർണ്ണത്തിന്റെ തരംഗദൈർഘ്യം

Question 16.
പ്രിസത്തിലൂടെ കടന്നുപോകുമ്പോൾ പ്രകാശരശ്മിക്ക് ദിശാവ്യതിയാനം സംഭവിക്കാനുള്ള കാരണം എന്തായിരിക്കും?
Answer:
പ്രകാശം ഗ്ലാസ് പ്രിസത്തിലൂടെ കടന്നു പോകുമ്പോൾ പ്രിസത്തിന്റെ രണ്ട് അപവർത്തന പ്രതലങ്ങളിലും വച്ച് പ്രകാശരശ്മിക്ക് അപവർത്തനം സംഭവിക്കുന്നു. അപ്പോൾ ഓരോ വർണ്ണത്തിനും ഉണ്ടാകുന്ന ദിശാവ്യതിയാനത്തിന്റെ തോത് പ്രകാശവർണ്ണത്തിന്റെ തരംഗദൈർഘ്യമനുസരിച്ച് വ്യത്യസ്തമായിരിക്കും. തരംഗദൈർഘ്യം കൂടിയ ചുവപ്പിന് വ്യതിയാനം കുറവും തരംഗദൈർഘ്യം കുറഞ്ഞ വയലറ്റിന് വ്യതിയാനം കൂടുതലും സംഭവിക്കുന്നു. മറ്റു വർണ്ണങ്ങളുടെ തരംഗദൈർഘ്യം ചുവപ്പിനും വയലറ്റിനും ഇടയിലായതിനാൽ ആനുപാതികമായി വ്യതിയാനം സംഭവിച്ച് ചുവപ്പിനും വയലറ്റിനും ഇടയിലായി ക്രമീകരിക്കപ്പെടുന്നു. ഓരോ വർണ്ണത്തിനും ഉണ്ടാകുന്ന ദിശാ വ്യതിയാനത്തിന്റെ തോത് പ്രകാശവർണ്ണത്തിന്റെ തരംഗദൈർഘ്യമനുസരിച്ച് വ്യത്യസ്തമായിരിക്കും.

Question 17.
സമന്വിത പ്രകാശം എന്നാൽ എന്താണ്?
Answer:
വ്യത്യസ്ത വർണ്ണങ്ങൾ ചേർന്നുണ്ടാകുന്ന പ്രകാശമാണ് സമന്വിത പ്രകാശം (Composite light).

Question 18.
പ്രകീർണ്ണനം എന്നാൽ എന്താണ്?
Answer:
ഒരു സമന്വിത പ്രകാശം ഘടക വർണ്ണങ്ങളായി വേർപിരിയുന്ന പ്രതിഭാസമാണ് പ്രകാശപ്രകീർണ്ണനം (Dispersion of light).

Question 19.
ആകാശത്ത് മഴവില്ല് ഉണ്ടാകുന്നത് എങ്ങനെ ആയിരിക്കും?

Answer:
മഴവില്ല് ഉണ്ടാകുന്നതിന് കാരണം പ്രകാശ പ്രകീർണ്ണനമാണ്. ജലകണികയിലേക്ക് കടന്നുപോയി പുറത്തേക്ക് വരുന്ന സൂര്യപ്രകാശരശ്മി രണ്ട് പ്രാവശ്യം അപവർത്തനത്തിനും ഒരു പ്രാവശ്യം ആന്തരപ്രതിപതനത്തിനും, വിധേയമാകുന്നു. പ്രകൃതിയിൽ സ്വാഭാവികമായി ഉണ്ടാകുന്ന ഇത്തരം അപവർത്തനത്തിന്റെയും ആന്തരപ്രതിപതനത്തിന്റെയും സമന്വിതഫലമായാണ് മഴവില്ലുണ്ടാകുന്നത്

Question 20.
ജലകണികകളിലൂടെ കടന്നു പോകുന്ന പ്രകാശരശ്മികൾക്ക് എവിടെയൊക്കെ വച്ചാണ് അപവർത്തനം സംഭവിക്കുന്നത്?
Answer:
ജലകണികയിലേക്ക് കടക്കുമ്പോൾ, ജലകണികയിൽ നിന്ന് പുറത്തേക്ക് വരുമ്പോൾ

Question 21.
അപവർത്തനം സംഭവിക്കുന്ന പ്രകാശരശ്മിക്ക് ജലകണികയ്ക്കുള്ളിൽ എന്താണ് സംഭവിക്കുന്നത്?
Answer:
ആന്തരപ്രതിപതനം

Question 22.
ചുമരിൽ ലഭിക്കുന്നത് ഏതുതരം പ്രകാശമാണ്?
(വർണ്ണപ്രകാശം / ധവളപ്രകാശം)
Answer:
ധവളപ്രകാശം

Question 23.
എന്തായിരിക്കാം ഇതിനു കാരണം?
Answer:
ഒന്നാമത്തെ പ്രിസത്തിൽ നിന്നു വരുന്ന പ്രകാശവർണ്ണങ്ങൾക്ക് രണ്ടാമത്തെ പ്രിസത്തിൽ വച്ച് വിപരീത ദിശയിൽ വ്യതിയാനം സംഭവിക്കുന്നതു കൊണ്ടാണ് വർണ്ണങ്ങൾ സംയോജിച്ച് ചുമരിൽ ധവള പ്രകാശം ലഭിക്കുന്നത്.

Question 24.
ദൃശ്യ പ്രകാശത്തെ കൂടാതെ മറ്റെന്തെങ്കിലും ഘടകങ്ങൾ സൂര്യ പ്രകാശത്തിൽ അടങ്ങിയിട്ടുണ്ടോ?
Answer:
അടങ്ങിയിട്ടുണ്ട്

വൈദ്യുതകാന്തിക സ്പെക്ട്രം (Electromagnetic spectrum)
Question 25.
സൂര്യരശ്മികൾ ശരീരത്തിൽ പതിക്കുമ്പോൾ ചൂട് അനുഭവപ്പെടാറുണ്ടല്ലോ? എന്തായിരിക്കും ഇതിന്
കാരണം?
Answer:
സൂര്യരശ്മികളിലെ താപത്തിന് കാരണം ഇൻഫ്രാറെഡ് വികിരണങ്ങളാണ്.

സൂര്യരശ്മികളിൽ ധവളപ്രകാശത്തെ കൂടാതെ ഇൻഫ്രാറെഡ് വികിരണങ്ങൾ, അൾട്രാവയലറ്റ് വികിരണങ്ങൾ എന്നിവ അടങ്ങിയിട്ടുണ്ട്. സൂര്യരശ്മികളിലെ താപത്തിന് കാരണം പ്രധാനമായും ഇൻഫ്രാറെഡ് വികിരണങ്ങളാണ്.

Question 26.
വൈദ്യുതകാന്തികവികിരണങ്ങൾ എന്നാൽ എന്താണ്?
Answer:
ദൃശ്യപ്രകാശം, ഇൻഫ്രാറെഡ് വികിരണങ്ങൾ, അൾട്രാവയലറ്റ് വികിരണങ്ങൾ തുടങ്ങിയവയ്ക്ക് സഞ്ചരിക്കാൻ മാധ്യമം ആവശ്യമില്ല. ഇവ ശൂന്യതയിലൂടെ സെക്കന്റിൽ മൂന്ന് ലക്ഷം കിലോമീറ്റർ (3 × 10 m/s) വേഗത്തിൽ സഞ്ചരിക്കുന്നു. ഇത്തരത്തിലുള്ള വികിരണങ്ങളാണ് വൈദ്യുതകാന്തിക വികിരണങ്ങൾ (Electromagnetic radiations).

വൈദ്യുതകാന്തികവികിരണങ്ങളുടെ ക്രമമായ വിതരണത്തെ വൈദ്യുതകാന്തിക സ്പെക്ട്രം (Electromagnetic spectrum) എന്നു വിളിക്കുന്നു.

Question 27.
ചിത്രം 3.10 നിരീക്ഷിക്കൂ. വൈദ്യുതകാന്തികസ്പെക്ട്രത്തിൽ അടങ്ങിയ തരംഗങ്ങൾ ഏതൊക്കെയാണ്? ഇവയെ തരംഗദൈർഘ്യത്തിന്റെ ആരോഹണക്രമത്തിൽ ലിസ്റ്റ് ചെയ്യൂ.

Answer:
ഗാമ വികിരണം, X വികിരണം, അൾട്രാവയലറ്റ് വികിരണം, ദൃശ്യ പ്രകാശം, ഇൻഫ്രാറെഡ് വികിരണം,
മൈക്രോ തരംഗങ്ങൾ, റേഡിയോ തരംഗങ്ങൾ.

വൈദ്യുതകാന്തികതരംഗങ്ങളെ ആരോഹണക്രമത്തിൽ ചുവടെ നൽകിയിരിക്കുന്നു.

ഗാമ വികിരണം – X വികിരണം < അൾട്രാവയലറ്റ് വികിരണം < ദൃശ്യ പ്രകാശം – ഇൻഫ്രാറെഡ് വികിരണം < മൈക്രോ തരംഗങ്ങൾ – റേഡിയോ തരംഗങ്ങൾ.

Question 28.
നിരീക്ഷണങ്ങളെ അടിസ്ഥാനപ്പെടുത്തി പട്ടിക 3.2 പുരിപ്പിക്കുക.

Answer:

അതിവ്യാപനം ചെയ്യുന്ന വർണ്ണങ്ങൾ	അതിവ്യാപനം ചെയ്താൽ ലഭിക്കുന്ന വർണ്ണങ്ങൾ
ചുവപ്പ് + പച്ച	മഞ്ഞ
ചുവപ്പ് + നീല	മജന്ത
നീല + പച്ച	സയൻ
ചുവപ്പ് + പച്ച + നീല	ധവളപ്രകാശം

Question 29.
പ്രാഥമിക വർണ്ണങ്ങൾ എന്നാൽ എന്താണ്?
Answer:
ചുവപ്പ്, പച്ച, നീല എന്നിവ ഉപയോഗിച്ച് ധവളപ്രകാശം മാത്രമല്ല മറ്റെല്ലാ വർണ്ണ പ്രകാശവും ഉണ്ടാക്കാം. അതിനാൽ ഈ വർണ്ണങ്ങളെ പ്രാഥമിക വർണ്ണങ്ങൾ (Primary colours) എന്ന് വിളിക്കുന്നു.

Question 30.
ദ്വിതീയ വർണ്ണം എന്നാൽ എന്താണ്?
Answer:
ഏതെങ്കിലും രണ്ടു പ്രാഥമിക വർണ്ണപ്രകാശങ്ങൾ ചേർന്നുണ്ടാകുന്ന വർണ്ണപ്രകാശമാണ് ദ്വിതീയ വർണ്ണം (Secondary colour).

Question 31.
ചിത്രത്തിൽ (ചിത്രം 3.12) നിന്ന് ദ്വിതീയ വർണ്ണങ്ങൾ കണ്ടെത്തി എഴുതൂ.
Answer:
മഞ്ഞ, മജന്ത, സയൻ

Question 32.
മഞ്ഞ പ്രകാശത്തിൽ അടങ്ങിയിരിക്കുന്ന പ്രാഥമിക വർണ്ണങ്ങൾ ഏതൊക്കെ?
Answer:
ചുവപ്പും പച്ചയും

Question 33.
മഞ്ഞ പ്രകാശത്തിൽ ഇല്ലാത്ത പ്രാഥമിക വർണ്ണം ഏത്?
Answer:
നീല

Question 34.
മഞ്ഞ പ്രകാശത്തോട്, മഞ്ഞയിൽ ഇല്ലാത്ത ഈ പ്രാഥമിക വർണ്ണം ചേർത്താൽ ഏത് വർണ്ണം ലഭിക്കും? Answer:
മഞ്ഞ പ്രകാശത്തോട്, മഞ്ഞയിൽ ഇല്ലാത്ത ഈ പ്രാഥമിക വർണ്ണം ചേർത്താൽ ധവളപ്രകാശം ലഭിക്കും.

Question 35.
ഒരു ദ്വിതീയവർണ്ണത്തോട് അതിൽ അടങ്ങിയിട്ടില്ലാത്ത പ്രാഥമി കവർണ്ണം ചേർത്താൽ ധവളപ്രകാശം ലഭിക്കുമല്ലോ?
Answer:
ഒരു ദ്വിതീയ വർണ്ണത്തോട് അതിൽ അടങ്ങിയിട്ടില്ലാത്ത പ്രാഥമി കവർണ്ണം ചേർത്താൽ ധവളപ്രകാശം ലഭിക്കും.

ഒരു ദ്വിതീയ വർണ്ണത്തോടു കൂടി ഏതു വർണ്ണം ചേരുമ്പോഴാണോ ധവളപ്രകാശം ലഭിക്കുന്നത് ആ വർണ്ണജോഡികളാണ് പൂരകവർണ്ണങ്ങൾ (Complementary colours).

Question 36.
പൂരകവർണ്ണത്തെ സംബന്ധിക്കുന്ന പട്ടിക 3.3 പൂർത്തീകരിക്കൂ.

Answer:

ദ്വിതീയവർണ്ണം	ഘടകവർണ്ണങ്ങൾ	പൂരകവർണ്ണം
മഞ്ഞ	ചുവപ്പ് + പച്ച	നീല
മജന്ത	ചുവപ്പ് + നീല	പച്ച
സയൻ	പച്ച + നീല	പച്ച

Question 37.
ഒരു വൃത്തത്തകിടിന്റെ പകുതി ഭാഗത്ത് ക്രയോൺ ഉപയോഗിച്ച് ഇളം മഞ്ഞ നിറവും മറു പകുതിയിൽ ഇളം നീല നിറവും നൽകൂ. ഈ വൃത്തത്തകിടിനെ അതിവേഗം കറക്കി നോക്കൂ. എന്ത് നിരീക്ഷിക്കുന്നു? കാരണമെന്ത്?
Answer:
പൂരകവർണ്ണജോഡികൾ ചേരുമ്പോൾ ധവളപ്രകാശം ലഭിക്കുന്നു. വൃത്തത്തകിട് വെളുത്ത നിറത്തിൽ കാണുന്നു. കണ്ണിന്റെ വീക്ഷണസ്ഥിരത എന്ന പ്രത്യേകത മൂലമാണ് ഇത് സംഭവിക്കുന്നത്.

വീക്ഷണസ്ഥിരത (Persistence of vision)
Question 38.
വീക്ഷണസ്ഥിരത എന്നാൽ എന്താണ്?
Answer:
നാം കണ്ടുകൊണ്ടിരിക്കുന്ന ഒരു വസ്തുവിനെ നമ്മുടെ ദൃഷ്ടിപഥത്തിൽ നിന്ന് മാറ്റിയാലും അതിന്റെ ദൃശ്യാനുഭവം ഏകദേശം 1/16 സെക്കൻഡ് സമയത്തേക്ക് നിലനിൽക്കും. ഈ പ്രതിഭാസമാണ് വീക്ഷണ സ്ഥിരത (Persistence of vision).

Question 39.
കത്തുന്ന ചന്ദനത്തിരി വളരെ വേഗത്തിൽ ചുഴറ്റുമ്പോൾ അഗ്നിവലയം കാണാമല്ലോ. എന്തുകൊണ്ടായിരിക്കും?
Answer:
കണ്ണിന്റെ വീക്ഷണസ്ഥിരത എന്ന പ്രത്യേകത മൂലമാണ് ഇത് സംഭവിക്കുന്നത്.

ന്യൂട്ടൻസ് കളർ ഡിസ്ക് (Newton’s colour disc)

Question 40.
ന്യൂട്ടൻസ് കളർ ഡിസ്ക് എന്നാൽ എന്താണ്? ന്യൂട്ടൻസ് കളർ ഡിസ്കിനെ വളരെ വേഗത്തിൽ കറക്കുമ്പോൾ എന്ത് നിരീക്ഷിക്കാൻ കഴിയും? കാരണം എന്ത്?
Answer:
സൂര്യപ്രകാശത്തിലെ വർണ്ണങ്ങളെ അതേ ക്രമത്തിലും അനുപാതത്തിലും പെയിന്റ് ചെയ്തിരിക്കുന്ന വൃത്താകൃതിയിലുള്ള ഒരു ഡിസ്കാണ് ന്യൂട്ടൻസ് കളർ ഡിസ്ക്.

ന്യൂട്ടൻസ് കളർ ഡിസ്റ്റ് വളരെ വേഗത്തിൽ കറക്കുമ്പോൾ ഏതെങ്കിലും ഒരു നിറത്തിന്റെ ദൃശ്യാനുഭവം കണ്ണിൽ നിന്നു മായുന്നതിനു മുമ്പായി മറ്റു നിറങ്ങളിൽ നിന്നുള്ള പ്രകാശവും തുടർച്ചയായും പെട്ടെന്നും നമ്മുടെ കണ്ണിലെത്തുന്നു. വീക്ഷണസ്ഥിരത എന്ന പ്രതിഭാസം മൂലം എല്ലാ നിറങ്ങളും ഒന്നിച്ചു കാണുന്ന പ്രതീതി ഉണ്ടാവുകയും ഡിസ്ക് ഏകദേശം വെള്ളനിറമായി തോന്നുകയും ചെയ്യുന്നു.

Question 41.
വീക്ഷണസ്ഥിരതയുമായി ബന്ധപ്പെടുത്തി ചുവടെ നൽകിയവയ്ക്ക് വിശദീകരണം നൽകൂ. തീപ്പന്തമോ തീക്കൊള്ളിയോ വളരെ വേഗത്തിൽ ചുഴറ്റുമ്പോൾ അഗ്നിവലയം കാണപ്പെടുന്നു.
Answer:
തീപ്പന്തമോ തീക്കൊള്ളിയോ വളരെ വേഗത്തിൽ ചുഴറ്റുമ്പോൾ ഏതെങ്കിലും ഒരു ഭാഗത്തിന്റെ ദൃശ്യാനുഭവം കണ്ണിൽ നിന്നു മായുന്നതിനു മുമ്പായി മറ്റു ഭാഗങ്ങളിൽ നിന്നുള്ള പ്രകാശവും തുടർച്ചയായും പെട്ടെന്നും നമ്മുടെ കണ്ണിലെത്തുന്നു. വീക്ഷണസ്ഥിരത എന്ന പ്രതിഭാസം മൂലം എല്ലാ ഭാഗങ്ങളും ഒന്നിച്ചു കാണുന്ന പ്രതീതി ഉണ്ടാവുകയും അഗ്നിവലയമായി തോന്നുകയും ചെയ്യുന്നു.

സുതാര്യ വസ്തുക്കളുടെ നിറം (Colour of Transparent Objetcs)
Question 42.
ചിത്രം 3.15 ൽ നൽകിയ ഫിൽറ്ററുകളിലൂടെ (സുതാര്യ വസ്തുവിലൂടെ) ധവളപ്രകാശം കടത്തിവിട്ട് ഒരു വെളുത്ത സ്ക്രീനിൽ പതിപ്പിച്ചു. പട്ടിക 3.4 പൂർത്തികരിക്കൂ.


Answer:

ഫിൽറ്ററിൽ പതിക്കുന്ന പ്രകാശം	ഫിൽറ്ററിന്റെ നിറം	കടന്നുപോകുന്ന വർണ്ണം
ധവളപ്രകാശം	ചുവപ്പ്	ധവളപ്രകാശത്തിലെ ചുവപ്പ് വർണ്ണത്തെ കടത്തിവിടുന്നു
	പച്ച	ധവളപ്രകാശത്തിലെ പച്ച വർണ്ണത്തെ കടത്തിവിടുന്നു
	നീല	ധവളപ്രകാശത്തിലെ നീല വർണ്ണത്തെ കടത്തിവിടുന്നു

Question 43.
മഞ്ഞ ഫിൽറ്ററിലൂടെ ധവളപ്രകാശത്തെയും പ്രാഥമിക വർണ്ണങ്ങളിൽ ഓരോന്നിനെയും കടത്തി വിടാൻ ശ്രമിച്ചു നോക്കൂ. എന്ത് നിരീക്ഷിക്കാൻ കഴിയുന്നു?
Answer:
മഞ്ഞ ഫിൽറ്റർ മഞ്ഞ വർണ്ണത്തെയും അതിന്റെ ഘടകവർണ്ണങ്ങളായ ചുവപ്പ്, പച്ച എന്നീ വർണ്ണങ്ങളേയും കടത്തിവിടുന്നു.

Question 44.
ഓരോ ഫിൽറ്ററിലൂടെയും ധവളപ്രകാശത്തിലെ ഏതേത് വർണ്ണമാണ് കടന്നുപോകുന്നത്? ഫിൽറ്ററിൽ പതിക്കുന്ന മറ്റ് വർണ്ണങ്ങൾക്ക് എന്തായിരിക്കും സംഭവിക്കുക?
Answer:
ഫിൽറ്ററുകൾ ധവളപ്രകാശത്തിൽ നിന്ന് ഫിൽറ്ററിന്റെ നിറമുള്ള വർണ്ണത്തെയും അതിന്റെ ഘടകവർണ്ണങ്ങളേയും മാത്രമാണ് കടത്തിവിടുന്നത്.

Question 45.
ദ്വിതീയവർണ്ണങ്ങളുമായി ബന്ധപ്പെട്ട പട്ടിക 3.5 പൂർത്തികരിക്കൂ.

Answer:

ഫിൽറ്റർ	ഫിൽറ്ററിൽ പതിക്കുന്ന പ്രകാശം	കടത്തിവിടുന്നു / കടത്തി വിടുന്നില്ല
മജന്ത	ചുവപ്പ്	ചുവപ്പിനെ കടത്തിവിടുന്നു
	പച്ച	പച്ചയെ കടത്തിവിടുന്നില്ല
	നീല	നീലയെ കടത്തിവിടുന്നു
	മഞ്ഞ	ചുവപ്പിനെ കടത്തിവിടുന്നു
	ധവളം	ചുവപ്പ്, നീല എന്നിവയെ കടത്തിവിടുന്നു

ഒരു ദ്വിതീയവർണ്ണത്തിലുള്ള ഫിൽറ്റർ അതിന്റെ നിറമുള്ള വർണ്ണത്തെയും അതിന്റെ ഘടക വർണ്ണങ്ങളെയും കടത്തിവിടുന്നു.

അതാര്യ വസ്തുവസ്തുക്കളുടെ നിറം (Colour of opaque objetcs)

ഒരു വസ്തുവിൽ നിന്ന് ഏത് പ്രകാശവർണ്ണമാണോ നമ്മുടെ കണ്ണിൽ പതിക്കുന്നത്. ആ നിറത്തിൽ ആയിരിക്കും നാം ആ വസ്തുവിനെ കാണുന്നത്.

Question 46.
താഴെ കൊടുത്ത വസ്തുക്കളിൽ സൂര്യപ്രകാശം (ധവളപ്രകാശം) പതിക്കുമ്പോൾ പ്രതിപതിപ്പിക്കുന്ന വർണ്ണങ്ങൾ ഏതായിരിക്കും? പട്ടിക 3.6 പൂർത്തിയാക്കൂ.

Answer:

വസ്തു	പ്രതിപതിപ്പിക്കുന്ന പ്രകാശം
നീല കാർ	നീല
പച്ച നിറത്തിലുള്ള മാങ്ങ	പച്ച
വെളുത്ത പാത്രം	ധവളപ്രകാശം
ചുവന്ന ആപ്പിൾ	ചുവപ്പ്

Question 47.
ഒരു അതാര്യവസ്തുവിൽ സൂര്യപ്രകാശം പതിക്കുമ്പോൾ അതിന്റെ നിറമുള്ള വർണ്ണത്തെയും അതിനോടടുത്ത തരംഗദൈർഘ്യങ്ങളുള്ള വർണ്ണങ്ങളെയും പ്രതിപതിപ്പിക്കുന്നു. മറ്റെല്ലാ വർണ്ണങ്ങൾക്കും എന്തായിരിക്കും സംഭവിക്കുക?
Answer:
മറ്റെല്ലാവർണ്ണങ്ങളെയും ആ വസ്തു ആഗിരണം ചെയ്യുന്നു.

Question 48.
തന്നിരിക്കുന്ന വസ്തുക്കളെ ചുവപ്പ്, പച്ച, മഞ്ഞ എന്നീ വർണ്ണ പ്രകാശങ്ങളിൽ ഓരോന്നിലും നിരീക്ഷിച്ച് ലഭിക്കുന്ന ഫലം എഴുതി പട്ടിക 3.7 പൂർത്തീകരിക്കുക.

Answer:

വസ്തുക്കൾ	പ്രകാശം	വസ്തുവിനെ കാണുന്ന വർണ്ണം
ചുവന്ന പൂവ്	ചുവപ്പ്	ചുവപ്പ്
	പച്ച	ഇരുണ്ട-നിറം
	മഞ്ഞ	ചുവപ്പ്
പച്ച ഇല	ചുവപ്പ്	ഇരുണ്ട നിറം
	പച്ച	പച്ച
	മഞ്ഞ	പച്ച
മഞ്ഞ പൂവ്	ചുവപ്പ്	ചുവപ്പ്
	പച്ച	പച്ച
	മഞ്ഞ, ധവളപ്രകാശം	മഞ്ഞ

Question 49.
പച്ച ഇല ഏതൊക്കെ വർണ്ണങ്ങളെയാണ് പ്രതിപതിപ്പിക്കുന്നത്?
Answer:
പച്ച

Question 50.
ചുവന്ന പൂവോ?
Answer:
ചുവപ്പ്

Question 51.
മഞ്ഞ നിറത്തിലുള്ള പൂവിന് മഞ്ഞ വർണ്ണത്തെ മാത്രമാണോ പ്രതിപതിപ്പിക്കുവാൻ സാധിക്കുക?
Answer:
മഞ്ഞ നിറത്തിലുള്ള പൂവിന് മഞ്ഞ വർണ്ണത്തെയും അതിന്റെ ഘടകവർണ്ണങ്ങളായ ചുവപ്പ്, പച്ച എന്നീ വർണ്ണങ്ങളേയും പ്രതിപതിപ്പിക്കാൻ കഴിയും.

Question 52.
ദ്വിതീയ വർണ്ണത്തിലുള്ള അതാര്യ വസ്തുവിന് അതിന്റെ വർണ്ണത്തെ മാത്രമാണോ പ്രതിപതിപ്പിക്കുവാൻ സാധിക്കുക?
Answer:
ദ്വിതീയ വർണ്ണത്തിലുള്ള അതാര്യ വസ്തുവിന് അതിന്റെ വർണ്ണത്തെയും ഘടക വർണ്ണങ്ങളെയും പ്രതിപതിപ്പിക്കാൻ കഴിയും.

Question 53.
എല്ലാ വർണ്ണങ്ങളെയും പ്രതിപതിപ്പിക്കുന്ന പ്രതലം ഏത് നിറത്തിൽ കാണപ്പെടും?
Answer:
എല്ലാ വർണ്ണങ്ങളെയും പ്രതിപതിപ്പിക്കുന്ന പ്രതലം ധവള പ്രകാശത്തിൽ വെളുത്ത നിറത്തിൽ കാണപ്പെടും.

Question 54.
എല്ലാ വർണ്ണങ്ങളെയും ആഗിരണം ചെയ്യുന്ന പ്രതലമോ?
Answer:
എല്ലാ വർണ്ണങ്ങളെയും ആഗിരണം ചെയ്യുന്ന പ്രതലം ഇരുണ്ട നിറത്തിൽ കാണപ്പെടും.

എല്ലാ വർണ്ണങ്ങളെയും പ്രതിപതിപ്പിക്കുന്ന പ്രതലം ധവള പ്രകാശത്തിൽ വെളുപ്പായി കാണും. എല്ലാ വർണ്ണങ്ങളെയും ആഗിരണം ചെയ്യുന്ന പ്രതലം ഇരുണ്ട നിറത്തിൽ കാണപ്പെടുന്നു.

Question 55.
ആമുഖചിത്രത്തിൽ സൂചിപ്പിച്ച പൂന്തോട്ടത്തിലെ പൂക്കളിലെല്ലാം ഒരേ പ്രകാശമാണ് പതിക്കുന്നതെങ്കിലും ഓരോന്നും വ്യത്യസ്ത വർണ്ണങ്ങളിൽ കാണപ്പെടുവാൻ കാരണമെന്താണെന്ന് വിശദീകരിക്കുക.
Answer:
സൂര്യപ്രകാശം സമന്വിത പ്രകാശമാണ്. ഇതിൽ വ്യത്യസ്ത വർണ്ണങ്ങൾ അടങ്ങിയിരിക്കുന്നു. സൂര്യപ്രകാശം വസ്തുക്കളിൽ പതിക്കുമ്പോൾ ഓരോ വസ്തുവും അതിന്റെ നിറത്തിനനുസരിച്ച് വ്യത്യസ്ത വർണ്ണങ്ങളെയാണ് പ്രതിപതിപ്പിക്കുന്നത്. അതിനനുസരിച്ച് വസ്തുക്കളെ വ്യത്യസ്ത വർണ്ണങ്ങളിലാണ് കാണുന്നത്.

Question 56.
സൂക്ഷ്മകണികകളിൽ തട്ടി പ്രകാശം ചിതറുന്നത് ഏതു തരത്തിലാണ്?
(ക്രമമായി / ക്രമരഹിതമായി)
Answer:
ക്രമരഹിതമായി

Question 57.
സൂര്യപ്രകാശം എല്ലായിടത്തും വ്യാപിക്കുന്നതിന് ഇത്തരത്തിലുള്ള ചിതൽ ഇടയാക്കുന്നുണ്ടോ?
Answer:
സൂര്യപ്രകാശം എല്ലായിടത്തും വ്യാപിക്കുന്നതിന് ഇത്തരത്തിലുള്ള ചിതൽ ഇടയാക്കുന്നുണ്ട്.

മാധ്യമത്തിലെ കണങ്ങളിൽ തട്ടി പ്രകാശത്തിന് സംഭവിക്കുന്ന ക്രമരഹിതവും ഭാഗികവുമായ ദിശാവ്യതിയാനമാണ് വിസരണം (Scattering)

Question 58.
ലായനിയിൽ ആദ്യം ഏതു വർണ്ണമാണ് വ്യാപിച്ചത്?
Answer:
നീല

Question 59.
സ്ക്രീനിൽ കണ്ട വർണ്ണമാറ്റം ക്രമമായി എഴുതുക.
Answer:
മഞ്ഞ, ഓറഞ്ച്, ചുവപ്പ്

Question 60.
ഏറ്റവും ഒടുവിലായി സ്ക്രീനിൽ തെളിയുന്ന വർണ്ണം ഏതാണ്?
Answer:
ചുവപ്പ്

Question 61.
സൂര്യപ്രകാശത്തിലെ തരംഗദൈർഘ്യം കുറഞ്ഞ വയലറ്റ്, ഇൻഡിഗോ, നീല എന്നീ വർണ്ണങ്ങൾ അന്തരീക്ഷത്തിലെ കണങ്ങളിൽ തട്ടി ……………………… വിസരണത്തിന് വിധേയമാകുന്നു.
(കൂടുതൽ / കുറവ്)
Answer:
കൂടുതൽ

Question 62.
തരംഗദൈർഘ്യം കൂടിയ ചുവപ്പ് വർണ്ണത്തിന് വിസരണം ……………………………..
(കുറവായിരിക്കും / കൂടുതലായിരിക്കും)
Answer:
കുറവായിരിക്കും

Question 63.
അന്തരീക്ഷത്തിലൂടെ ചുവപ്പ് വർണ്ണത്തിന് സഞ്ചരിക്കാൻ കഴിയുന്ന ദൂരം ………………………………..
(കൂടുതലായിരിക്കും / കുറവായിരിക്കും)
Answer:
കൂടുതലായിരിക്കും

Question 64.
വിസരണത്തിന്റെ അളവും കണങ്ങളുടെ വലുപ്പവും തമ്മിലുള്ള ബന്ധം എന്താണ്?
Answer:
കണങ്ങളുടെ വലുപ്പം കൂടുന്നതിനനുസരിച്ച് വിസരണവും കൂടും. കണങ്ങളുടെ വലുപ്പം പ്രകാശത്തിന്റെ തരംഗദൈർഘ്യത്തേക്കാൾ കൂടുതലായാൽ എല്ലാ വർണ്ണങ്ങൾക്കും വിസരണം ഒരുപോലെയായിരിക്കും.

ടിന്റൽ പ്രഭാവം (Tyndall effect)

Question 65.
ടോർച്ചിൽ നിന്നുള്ള പ്രകാശത്തെ ഒരു ബീക്കറിലെ ചോക്കുപൊടി കലർത്തിയ വെള്ളത്തിലൂടെ കടത്തി വിട്ടാൽ എന്താണ് നിരീക്ഷിക്കാൻ കഴിയുന്നത്? കാരണം എന്താണ്?
Answer:
പ്രകാശപാത വ്യക്തമായി കാണാൻ കഴിയുന്നു. ചോക്കുപൊടി കലർന്ന ജലം സസ്പെൻഷന് (Suspension) ഉദാഹരണമാണ്. ഒരു സസ്പെൻഷനിലൂടെ പ്രകാശം കടന്നു പോകുമ്പോഴുള്ള വിസരണം കാരണം പ്രകാശപാത വ്യക്തമായി കാണാൻ കഴിയുന്നു.

Question 66.
മഞ്ഞുകാലത്ത് ശിഖരങ്ങൾക്കിടയിലൂടെ കടന്നു വരുന്ന പ്രകാശപാത വ്യക്തമായി കാണാൻ കഴിയുന്നത് ……………………….. മൂലമാണ്.
Answer:
വിസരണം

Question 67.
എന്താണ് ടിന്റൽ പ്രഭാവം?
Answer:
ഒരു കൊളോയിഡൽ ദ്രവത്തിലൂടെയോ സസ്പെൻഷനിലൂടെയോ പ്രകാശകിരണങ്ങൾ കടന്നു പോകുമ്പോൾ അവയ്ക്ക് സംഭവിക്കുന്ന വിസരണം മൂലം വളരെ ചെറിയ കണികകൾ പ്രകാശിതമാകുന്നു. അതിനാൽ പ്രകാശത്തിന്റെ സഞ്ചാരപാത ദൃശ്യമാകുന്നു. ഈ പ്രതിഭാസമാണ് ടിന്റൽ പ്രഭാവം (Tyndall effect). വിസരണത്തിന്റെ തീവ്രത കൊളോയിഡിലെ കണികകളുടെ വലുപ്പത്തെ ആശ്രയിച്ചിരിക്കുന്നു. കണികകളുടെ വലുപ്പം കൂടുമ്പോൾ വിസരണതീവ്രത കൂടുന്നു.

ആകാശനീലിമ (Blue colour of the sky)
Question 68.
ആകാശം നീല നിറത്തിൽ കാണാനുള്ള കാരണം എന്തായിരിക്കും?

Answer:
സൂര്യപ്രകാശം അന്തരീക്ഷവായുവിലൂടെ സഞ്ചരിച്ചാണ് ഭൂമിയിലെത്തുന്നത്. അപ്പോൾ പ്രകാശത്തിന്റെ ഒരു ഭാഗം വിസരണത്തിന് വിധേയമാകുന്നു. വിസരണം ഏറ്റവും കൂടുതൽ സംഭവിക്കുന്നത് തരംഗ ദൈർഘ്യം കുറഞ്ഞ വർണ്ണങ്ങളായ വയലറ്റ്, ഇൻഡിഗോ, നീല എന്നിവയ്ക്ക് ആയിരിക്കും. ഈ വിസരിത പ്രകാശമാണ് ആകാശത്ത് വ്യാപിക്കുന്നത്. നിരീക്ഷകന്റെ കണ്ണിലെത്തുന്ന പരിണത വിസരിത പ്രകാശം നീല വർണ്ണത്തിന്റെ ഫലം നൽകുന്നതു കൊണ്ട് ആകാശം നീലനിറത്തിൽ കാണുന്നു.

Question 69.
അന്തരീക്ഷത്തിലൂടെ പ്രകാശം കടന്നു വരുമ്പോൾ ഏറ്റവും കൂടുതൽ വിസരണം സംഭവിക്കുന്നത് ഏത് വർണ്ണങ്ങൾക്കായിരിക്കും?
Answer:
വയലറ്റ്, ഇൻഡിഗോ, നീല

Question 70.
അപ്പോൾ അന്തരീക്ഷത്തിൽ വ്യാപിക്കുന്ന പ്രകാശ വർണ്ണം ഏതായിരിക്കും?
Answer:
നീല

ഉദയാസ്തമയ സമയങ്ങളിൽ സൂര്യന്റെ നിറം (Colour of Setting and Rising Sun)
Question 71.
ഉദയാസ്തമയ സമയങ്ങളിൽ സൂര്യന്റെ നിറം ചുവപ്പോ, മഞ്ഞയോ, ഓറഞ്ചോ ആയി കാണാൻ കാരണം എന്തായിരിക്കും?

Answer:
ഉദയാസ്തമയ സമയങ്ങളിൽ സൂര്യരശ്മിക്ക് നിരീക്ഷകന്റെ കണ്ണുകളിലെത്താൻ അന്തരീക്ഷത്തിലൂടെ സഞ്ചരിക്കേണ്ട ദൂരം മറ്റു സമയത്തെ അപേക്ഷിച്ച് കൂടുതൽ ആയിരിക്കും. ഈ സമയങ്ങളിൽ ഏറ്റവും കുറവ് വിസരണം സംഭവിക്കുന്നത് തരംഗദൈർഘ്യം കൂടിയ ചുവപ്പ്, മഞ്ഞ, ഓറഞ്ച് എന്നീ വർണ്ണങ്ങൾക്കാ യിരിക്കും.

Question 72.
ഉദയാസ്തമയ സമയങ്ങളിൽ സൂര്യരശ്മിക്ക് നിരീക്ഷകന്റെ കണ്ണുകളിലെത്താൻ അന്തരീക്ഷത്തിലൂടെ സഞ്ചരിക്കേണ്ട ദൂരം മറ്റു സമയത്തെ അപേക്ഷിച്ച് ………………………. ആയിരിക്കും.
(കൂടുതൽ / കുറവ്)
Answer:
കൂടുതൽ

Question 73.
ഈ സമയങ്ങളിൽ ഏറ്റവും കുറവ് വിസരണം സംഭവിക്കുന്നത് ഏതൊക്കെ വർണ്ണങ്ങൾക്കായിരിക്കും?
Answer:
ചുവപ്പ്, മഞ്ഞ, ഓറഞ്ച്

Question 74.
ഭൂമിയെലെത്തുന്ന വർണ്ണങ്ങളിൽ പ്രാമുഖ്യം ഏതിനായിരിക്കും?
Answer:
ചുവപ്പിന്

Question 75.
മുൻ പരീക്ഷണത്തിൽ വസ്തുവിന്റെ സ്ഥാനം ലെൻസിൽ നിന്ന് 30 cm അകലേക്ക് മാറ്റി നോക്കൂ. ഇപ്പോൾ സ്ക്രീനിൽ വ്യക്തമായ പ്രതിബിംബം ലഭിക്കുന്നുണ്ടോ?
Answer:
ലഭിക്കുന്നില്ല

Question 76.
10 cm ഫോക്കസ് ദൂരമുള്ള ലെൻസിനു പകരം 12 cm ഫോക്കസ് ദൂരമുള്ള ലെൻസ് വച്ച് നോക്കൂ. എന്താണ് നിരീക്ഷിക്കാൻ കഴിയുന്നത്?
Answer:
വസ്തുവിന്റെ വ്യക്തമായ പ്രതിബിംബം സ്ക്രീനിൽ ലഭിക്കുന്നു.

Question 77.
ഇപ്പോൾ വ്യക്തമായ പ്രതിബിംബം ലഭിക്കാൻ കാരണം എന്തായിരിക്കും?
Answer:
അനുയോജ്യമായ ഫോക്കസ് ദൂരമുള്ള ലെൻസ് ഉപയോഗിച്ചപ്പോഴാണ് അതേ സ്ഥാനത്ത് വ്യക്തമായ പ്രതിബിംബം കിട്ടിയത്. വ്യത്യസ്ത സ്ഥാനങ്ങളിൽ വസ്തു സ്ഥിതിചെയ്യുമ്പോൾ പ്രതിബിംബം ഒരേ സ്ഥാനത്ത് ലഭിക്കണമെങ്കിൽ ലെൻസിന്റെ ഫോക്കസ് ദൂരം അനുയോജ്യമായ അളവിൽ ക്രമീകരിക്കപ്പെടേണ്ടതുണ്ട്.

Question 78.
വ്യത്യസ്ത അകലങ്ങളിൽ ഇരിക്കുന്ന വസ്തുക്കളുടെ പ്രതിബിംബങ്ങൾ റെറ്റിനയിൽ രൂപപ്പെടുത്തുന്നത് എങ്ങനെയായിരിക്കും?
Answer:
കണ്ണിലെ സീലിയറി പേശികളുടെ സഹായത്താൽ കണ്ണിന്റെ ലെൻസിന്റെ വക്രത ക്രമീകരിച്ച് അതിന്റെ ഫോക്കസ് ദൂരം വ്യത്യാസപ്പെടുത്തിയാണ് വ്യത്യസ്ത അകലങ്ങളിൽ ഇരിക്കുന്ന വസ്തുക്കളുടെ പ്രതിബിംബങ്ങൾ റെറ്റിനയിൽ രൂപപ്പെടുത്തുന്നത്. സീലിയറി പേശികൾ സങ്കോചിക്കുമ്പോൾ ലെൻസിന്റെ വകത കൂടുകയും ഫോക്കസ് ദൂരം കുറയുകയും ചെയ്യുന്നു.

Question 79.
അകലെയുള്ള വസ്തുക്കളെ നോക്കുമ്പോൾ ലെൻസിന്റെ വക്രതയിൽ എന്ത് മാറ്റമുണ്ടാകും?
Answer:
അകലെയുള്ള വസ്തുക്കളെ നോക്കുമ്പോൾ ലെൻസിന്റെ വക്രത കുറയും.

Question 80.
വക്രത കുറയുമ്പോൾ ഫോക്കസ് ദൂരമോ?
Answer:
വക്രത കുറയുമ്പോൾ ഫോക്കസ് ദൂരം കൂടുന്നു.

വസ്തുക്കളുടെ സ്ഥാനം എവിടെയായിരുന്നാലും പ്രതിബിംബം റെറ്റിനയിൽ പതിക്കത്തക്ക വിധം ലെൻസിന്റെ വക്രത വ്യത്യാസപ്പെടുത്തി ഫോക്കസ് ദൂരം ക്രമീകരിക്കാനുള്ള കഴിവാണ് കണ്ണിന്റെ സമഞ്ജനക്ഷമത (Power of accommodation).

Question 81.
ഒരു പുസ്തകം മൂക്കിനോട് ചേർത്ത് പിടിച്ചുകൊണ്ട് വായിക്കാൻ ശ്രമിക്കൂ. അക്ഷരങ്ങൾ വ്യക്തമായി കാണാൻ കഴിയുന്നുണ്ടോ?
Answer:
കഴിയുന്നില്ല്

Question 82.
പുസ്തകം അകലേക്ക് നീക്കിയാലോ?!
Answer:
കാണാൻ കഴിയുന്നു

Question 83.
കണ്ണിൽനിന്ന് എത്ര അകലെ എത്തുമ്പോഴാണ് അക്ഷരങ്ങൾ വ്യക്തമായി കാണാൻ കഴിയുന്നത്?
Answer:
25 cm (വ്യക്തമായ കാഴ്ചയ്ക്കുള്ള കുറഞ്ഞ ദൂരം)

നിയർ പോയിന്റ് (Near point)

ഒരു വസ്തുവിനെ വ്യക്തമായി കാണാൻ കഴിയുന്ന ഏറ്റവും അടുത്തുള്ള ബിന്ദുവാണ് നിയർ പോയിന്റ് (Near point). ആരോഗ്യമുള്ള കണ്ണുകൾക്ക് വ്യക്തമായ കാഴ്ചയ്ക്കുള്ള കുറഞ്ഞ ദൂരം 25 cm ആണെന്ന് കണക്കാക്കിയിരിക്കുന്നു.

Question 84.
ഒരു വസ്തുവിനെ വ്യക്തമായി കാണാൻ കഴിയുന്ന ഏറ്റവും കൂടിയ ദൂരം എത്രയായിരിക്കും?
Answer:
അനന്തത

ഫാർ പോയിന്റ് (Far point)

ഒരു വസ്തുവിനെ വ്യക്തമായി കാണാൻ കഴിയുന്ന ഏറ്റവും അകലെയുള്ള ബിന്ദുവാണ് ഫാർ പോയിന്റ് (Far point). ഈ ദൂരം അനന്തതയായി കണക്കാക്കപ്പെട്ടിരിക്കുന്നു.

Question 85.
നിയർ പോയിന്റും, ഫാർ പോയിന്റും എല്ലാവരിലും ഒരുപോലെ ആയിരിക്കുമോ?
Answer:
നിയർ പോയിന്റും, ഫാർ പോയിന്റും എല്ലാവരിലും ഒരുപോലെ ആയിരിക്കില്ല.

ഹ്രസ്വദൃഷ്ടി (Short sightedness / Myopia)
Question 86.
ഹ്രസ്വദൃഷ്ടി എന്നാൽ എന്ത്?
Answer:
ചിലർക്ക് അടുത്തുള്ള വസ്തുക്കളെ വ്യക്തമായി കാണാൻ കഴിയുമെങ്കിലും അകലെയുള്ള വസ്തുക്കളെ വ്യക്തമായി കാണാൻ കഴിയുന്നില്ല. കണ്ണിന്റെ ഈ ന്യൂനതയാണ് ഹ്രസ്വദൃഷ്ടി.

Question 87.
ഹ്രസ്വദൃഷ്ടിയുള്ള ഒരാളുടെ കാഴ്ചാനുഭവത്തിന്റെ രേഖാചിത്രമാണ് കൊടുത്തിരിക്കുന്നത്. വസ്തു കണ്ണിൽ നിന്ന് അകലെ P എന്ന സ്ഥാനത്തായിരിക്കുമ്പോൾ പ്രതിബിംബം എവിടെയാണ് രൂപപ്പെടുന്നത്?

Answer:
റെറ്റിനയ്ക്കു മുന്നിൽ

Question 88.
വസ്തുവിനെ വ്യക്തമായി കാണാൻ കഴിയുമോ?
Answer:
വസ്തുവിനെ വ്യക്തമായി കാണാൻ കഴിയില്ല

Question 89.
വസ്തു Q ൽ ആയിരിക്കുമ്പോഴോ?
Answer:
കാണാൻ കഴിയും

Question 90.
ഹ്രസ്വദൃഷ്ടിയുള്ളവർക്ക് അകലെയുള്ളവ വ്യക്തമായി കാണാൻ കഴിയാത്തത് എന്തുകൊണ്ടായിരിക്കും? Answer:
ഹസ്വദൃഷ്ടിയുള്ളവരുടെ ഫാർ പോയിന്റ് (Far point) അനന്തതയിലായിരിക്കില്ല. കണ്ണിൽ നിന്ന് ഒരു നിശ്ചിത അകലത്തിലായിരിക്കും.

Question 91.
ഹ്രസ്വദൃഷ്ടിയുടെ കാരണമെന്തായിരിക്കാം?
Answer:

• നേത്രഗോളത്തിന്റെ വലുപ്പം കൂടുതൽ
• കണ്ണിലെ ലെൻസിന്റെ പവർ കൂടുതൽ

Question 92.
ഹ്രസ്വദൃഷ്ടി പരിഹരിക്കുന്നതെങ്ങനെ?

Answer:
അനുയോജ്യമായ പവറുള്ള കോൺകേവ് ലെൻസ് ഉപയോഗിച്ച് ഹ്രസ്വദൃഷ്ടി പരിഹരിക്കാം.

ദീർഘദൃഷ്ടി (Long sightedness / hypermetropia)
Question 93.
ദീർഘദൃഷ്ടി എന്നാൽ എന്ത്?
Answer:
ചിലർക്ക് അകലെയുള്ള വസ്തുക്കളെ വ്യക്തമായി കാണാൻ കഴിയുമെങ്കിലും അടുത്തുള്ള വസ്തുക്കളെ വ്യക്തമായി കാണാൻ കഴിയുന്നില്ല. കണ്ണിന്റെ ഈ ന്യൂനതയാണ് ദീർഘദൃഷ്ടി.

Question 94.
ദീർഘദൃഷ്ടിയുള്ള ഒരാളുടെ കണ്ണിൽ പ്രതിബിംബം രൂപപ്പെടുന്നതിന്റെ ചിത്രങ്ങളാണ് കൊടുത്തിരിക്കുന്നത്. നേത്രഗോളത്തിന്റെ വലുപ്പം, കണ്ണിലെ ലെൻസിന്റെ പവർ എന്നിവയുമായി ബന്ധപ്പെടുത്തി ഈ ന്യൂനതയ്ക്കുള്ള കാരണം കണ്ടെത്തുക.

Answer:

• നേത്രഗോളത്തിന്റെ വലുപ്പം കുറവ്
• കണ്ണിലെ ലെൻസിന്റെ പവർ കുറവ്

Question 95.
ദീർഘദൃഷ്ടിയുള്ള ഒരു വ്യക്തിയുടെ നിയർ പോയിന്റ് …………….
(25 cm ൽ കൂടുതലായിരിക്കും / 25 cm ൽ കുറവായിരിക്കും)
Answer:
25 cm ൽ കൂടുതലായിരിക്കും

Question 96.
ദീർഘദൃഷ്ടി എങ്ങനെ പരിഹരിക്കാം?

Answer:
അനുയോജ്യമായ പവറുള്ള കോൺവെക്സ് ലെൻസ് ഉപയോഗിച്ച് ദീർഘദൃഷ്ടി പരിഹരിക്കാം.

വെള്ളെഴുത്ത് (Presbyopia)
Question 97.
വെള്ളെഴുത്ത് എന്നാൽ എന്ത്?
Answer:
ആരോഗ്യമുള്ള കണ്ണിനെ സംബന്ധിച്ചിടത്തോളം നിയർ പോയിന്റിലേക്കുള്ള ദൂരം 25 cm ആണ്. പ്രായം കൂടിയവർക്ക് നിയർ പോയിന്റിലേക്കുള്ള അകലം 25 cm നേക്കാൾ കൂടിയിരിക്കും. ഇതിനു കാരണം സീലിയറി പേശികളുടെ ക്ഷമത കുറയുന്നതാണ്. അതായത്, അത്തരക്കാർക്ക് പവർ ഓഫ് അക്കൊമഡേഷനുള്ള കഴിവ് കുറവായിരിക്കും. ഇതാണ് വെള്ളെഴുത്ത്.

പ്രകാശമലിനികരണം (Light Pollution)
Question 98.
പ്രകാശമലിനീകരണം എന്താണ്?
Answer:
അമിതമായ അളവിലും തീവ്രതയിലും കൃത്രിമ പ്രകാശം സൃഷ്ടിക്കപ്പെടുന്നതിനെയാണ് പ്രകാശമലിനീകരണം എന്ന് പറയുന്നത്.

Question 99.
പ്രകാശമലിനീകരണത്തിന്റെ അനന്തരഫലങ്ങൾ എന്തൊക്കെയായിരിക്കും?
Answer:

• രാത്രികാലങ്ങളിലെ ഡ്രൈവിങ്ങിന് ബുദ്ധിമുട്ടുണ്ടാക്കുന്നു.
• ആകാശക്കാഴ്ച മറയ്ക്കുന്നതുമൂലം വാനനിരീക്ഷണം ബുദ്ധിമുട്ടുള്ളതാക്കുന്നു.
• ഉയർന്ന ഫ്ളാറ്റുകളിലെ പ്രകാശം ദേശാടനപ്പക്ഷികളുടെ ദിശ തെറ്റിക്കുന്നു.
• നിശാചരികളായ പല ജീവികളുടെയും പ്രജനനം, ഇരതേടൽ എന്നിവയെ ദോഷകരമായി ബാധിക്കുന്നു.
• മനുഷ്യന്റെ സ്വാഭാവികമായ പ്രവർത്തനങ്ങളെയും മാനസികശാരീരികാരോഗ്യത്തെയും ദോഷകരമായി ബാധിക്കുന്നു.

Class 10 Physics Chapter 3 Malayalam Medium – Extended Activities

Question 1.
പ്രകാശവർണ്ണങ്ങളും ചായങ്ങളും തമ്മിലുള്ള വ്യത്യാസങ്ങൾ എന്ന വിഷയത്തിൽ ഒരു കുറിപ്പ് യ്യാറാക്കുക.
Answer:
വർണ്ണങ്ങളും ചായങ്ങളും (Colour sand Dyes)
പ്രകാശവർണ്ണങ്ങളിൽ ചുവപ്പ്, പച്ച, നീല (RGB) എന്നിവയാണ് പ്രാഥമിക വർണ്ണങ്ങൾ. എന്നാൽ ചായങ്ങളിൽ സയൻ, മജന്ത, മഞ്ഞ (CMY) എന്നിവയെയാണ് പ്രാഥമികചായങ്ങളായി കണക്കാക്കുന്നത്. ഒരേ തീവ്രതയിലുള്ള പ്രാഥമിക വർണ്ണങ്ങളുടെയും പ്രാഥമികചായങ്ങളുടെയും സംയോജന ഫലം പട്ടികയിൽ നൽകിയിരിക്കുന്നു.

പ്രകാശവർണ്ണങ്ങൾ (Colours)	ലഭിച്ച വർണ്ണം
നീല + പച്ച + ചുവപ്പ് നീല + പച്ച പച്ച + ചുവപ്പ് നീല + ചുവപ്പ്	ധവളം സയൻ മഞ്ഞ മജന്ത

ചായങ്ങൾ (Dyes)	ലഭിച്ച ചായം
സയൻ + മഞ്ഞ + മജന്ത സയൻ + മഞ്ഞ സയൻ + മജന്ത മഞ്ഞ + മജന്ത	ഇരുണ്ടത് പച്ച നീല ചുവപ്പ്

പെയിന്റിങ്ങിലും പ്രിന്റിങ്ങിലും പ്രാഥമിക ചായങ്ങളാണ് ഉപയോഗിക്കുന്നത്. പ്രിന്റിങ്ങിൽ അധികമായി കറുപ്പ് ചായവും കൂടി ഉപയോഗിക്കുന്നു.

Question 2.
ന്യൂട്ടൻസ് കളർഡിസ്ക് നിർമ്മിച്ച് പ്രവർത്തിപ്പിക്കുക.
Answer:

• കാർഡ്ബോർഡിൽ ഒരു വൃത്തം വരയ്ക്കുക.
• വൃത്തത്തെ 7 തുല്യഭാഗങ്ങളായി വിഭജിക്കുക.
• കാഴ്ചയും വർണ്ണങ്ങളുടെ ലോകവും
• ഓരോ ഭാഗത്തിനും VIBGYOR നിറങ്ങൾ (വയലറ്റ്, നീലം, നീല, പച്ച, മഞ്ഞ, ഓറഞ്ച്, ചുവപ്പ്)
  ഉപയോഗിച്ച് നിറം നൽകുക
• ഡിസ്കിന്റെ മധ്യത്തിൽ ഒരു ദ്വാരം ഉണ്ടാക്കുക.
• ദ്വാരത്തിൽ ഒരു പെൻസിൽ കടത്തി ഡിസ്ക് വേഗത്തിൽ കറക്കുക.

വീക്ഷണസ്ഥിരത എന്ന പ്രതിഭാസം മൂലം എല്ലാ നിറങ്ങളും ഒന്നിച്ചു കാണുന്ന പ്രതീതി ഉണ്ടാവുകയും ഡിസ്ക് വെള്ളനിറമായി തോന്നുകയും ചെയ്യുന്നു.

10th Class Physics Notes Pdf Malayalam Medium Chapter 3

Class 10 Physics Chapter 3 Notes Pdf Malayalam Medium

ഓർമ്മിക്കേണ്ട വസ്തുതകൾ

• പ്രിസത്തിലേക്ക് കടക്കുമ്പോഴും പ്രിസത്തിൽ നിന്ന് ബഹിർഗമിക്കുമ്പോഴും അപവർത്തനം കാരണം പ്രകാശരശ്മിക്ക് പ്രിസത്തിന്റെ പാദഭാഗത്തേക്കാണ് വ്യതിയാനം സംഭവിക്കുന്നത്.
• ഒരു സമന്വിത പ്രകാശം ഘടകവർണ്ണങ്ങളായി വേർപിരിയുന്ന പ്രതിഭാസമാണ് പ്രകാശ പ്രകീർണ്ണനം.
• വ്യത്യസ്തവർണ്ണങ്ങൾ ചേർന്നുണ്ടാകുന്ന പ്രകാശമാണ് സമന്വിത പ്രകാശം.
• ധവളപ്രകാശത്തിലെ ഘടകവർണ്ണങ്ങളുടെ ക്രമമായ വിതരണത്തെ വർണ്ണരാജി എന്നു പറയുന്നു.
• ഒന്നാമത്തെ പ്രിസത്തിൽ നിന്നു വരുന്ന പ്രകാശവർണ്ണങ്ങൾക്ക് രണ്ടാമത്തെ പ്രിസത്തിൽ വച്ച് വിപരീത ദിശയിൽ വ്യതിയാനം സംഭവിക്കുന്നതു കൊണ്ടാണ് വർണ്ണങ്ങൾ സംയോജിച്ച് ചുമരിൽ ധവള പ്രകാശം ലഭിക്കുന്നത്.
• വൈദ്യുതകാന്തികവികിരണങ്ങളുടെ ക്രമമായ വിതരണത്തെ വൈദ്യുതകാന്തിക സ്പെക്ട്രം എന്നു വിളിക്കുന്നു.
• ചുവപ്പ്, പച്ച, നീല എന്നിവ ഉപയോഗിച്ച് ധവളപ്രകാശം മാത്രമല്ല മറ്റെല്ലാ വർണ്ണ പ്രകാശവും ഉണ്ടാക്കാം. അതിനാൽ ഈ വർണ്ണങ്ങളെ പ്രാഥമിക വർണ്ണങ്ങൾ എന്ന് വിളിക്കുന്നു. ഏതെങ്കിലും രണ്ടു പ്രാഥമിക വർണ്ണപ്രകാശങ്ങൾ ചേർന്നുണ്ടാകുന്ന വർണ്ണപ്രകാശമാണ് ദ്വിതീയ വർണ്ണം.
• ഒരു ദ്വിതീയ വർണ്ണത്തോടു കൂടി ഏതു വർണ്ണം ചേരുമ്പോഴാണോ ധവളപ്രകാശം ലഭിക്കുന്നത്, ആ വർണ്ണജോഡികളാണ് പൂരകവർണ്ണങ്ങൾ.
• നാം കണ്ടുകൊണ്ടിരിക്കുന്ന ഒരു വസ്തുവിനെ നമ്മുടെ ദൃഷ്ടിപഥത്തിൽ നിന്ന് മാറ്റിയാലും അതിന്റെ ദൃശ്യാ നുഭവം ഏകദേശം \(\frac{1}{16}\) സെക്കൻഡ് സമയത്തേക്ക് നിലനിൽക്കും. ഈ പ്രതിഭാസമാണ് വീക്ഷണസ്ഥിരത.
• ന്യൂട്ടൻസ് കളർ ഡിസ്ക് വളരെ വേഗത്തിൽ കറക്കുമ്പോൾ വീക്ഷണസ്ഥിരത എന്ന പ്രതിഭാസം മൂലം എല്ലാ നിറങ്ങളും ഒന്നിച്ചു കാണുന്ന പ്രതീതി ഉണ്ടാവുകയും ഡിസ്ക് ഏകദേശം വെള്ളനിറമായി തോന്നുകയും ചെയ്യുന്നു.
• ഒരു ദ്വിതീയവർണ്ണത്തിലുള്ള ഫിൽറ്റർ അതിന്റെ നിറമുള്ള വർണ്ണത്തെയും അതിന്റെ ഘടക വർണ്ണങ്ങളെയും കടത്തിവിടുന്നു.
• ദ്വിതീയ വർണ്ണത്തിലുള്ള അതാര്യ വസ്തുവിന് അതിന്റെ വർണ്ണത്തെയും ഘടക വർണ്ണങ്ങളെയും പ്രതിപതിപ്പിക്കാൻ കഴിയും.
• എല്ലാ വർണ്ണങ്ങളെയും പ്രതിപതിപ്പിക്കുന്ന പ്രതലം ധവള പ്രകാശത്തിൽ വെളുപ്പായി കാണും.
• എല്ലാ വർണ്ണങ്ങളെയും ആഗിരണം ചെയ്യുന്ന പ്രതലം ഇരുണ്ട നിറത്തിൽ കാണപ്പെടുന്നു.
• മാധ്യമത്തിലെ കണങ്ങളിൽ തട്ടി പ്രകാശത്തിന് സംഭവിക്കുന്ന ക്രമരഹിതവും ഭാഗികവുമായ ദിശാവ്യതിയാനമാണ് വിസരണം.
• ഒരു കൊളോയിഡൽ ദ്രവത്തിലൂടെയോ സസ്പെൻഷനിലൂടെയോ പ്രകാശകിരണങ്ങൾ കടന്നു പോകുമ്പോൾ അവയ്ക്ക് സംഭവിക്കുന്ന വിസരണം മൂലം വളരെ ചെറിയ കണികകൾ പ്രകാശിതമാകുന്നു. അതിനാൽ പ്രകാശത്തിന്റെ സഞ്ചാരപാത ദൃശ്യമാകുന്നു. ഈ പ്രതിഭാസമാണ് ടിന്റൽ പ്രഭാവം.
• വസ്തുക്കളുടെ സ്ഥാനം എവിടെയായിരുന്നാലും പ്രതിബിംബം റെറ്റിനയിൽ പതിക്കത്തക്ക വിധം ലെൻസിന്റെ വക്രത വ്യത്യാസപ്പെടുത്തി ഫോക്കസ് ദൂരം ക്രമീകരിക്കാനുള്ള കഴിവാണ് കണ്ണിന്റെ സമഞ്ജനക്ഷമത.
• ചിലർക്ക് അടുത്തുള്ള വസ്തുക്കളെ വ്യക്തമായി കാണാൻ കഴിയുമെങ്കിലും അകലെയുള്ള വസ്തുക്കളെ വ്യക്തമായി കാണാൻ കഴിയുന്നില്ല. കണ്ണിന്റെ ഈ ന്യൂനതയാണ് ഹ്രസ്വദൃഷ്ടി.
• ചിലർക്ക് അകലെയുള്ള വസ്തുക്കളെ വ്യക്തമായി കാണാൻ കഴിയുമെങ്കിലും അടുത്തുള്ള വസ്തുക്കളെ വ്യക്തമായി കാണാൻ കഴിയുന്നില്ല. കണ്ണിന്റെ ഈ ന്യൂനതയാണ് ദീർഘദൃഷ്ടി.
• പ്രായം കൂടിയവർക്ക് നിയർ പോയിന്റിലേക്കുള്ള അകലം 25 cm നേക്കാൾ കൂടിയിരിക്കും. ഇതിനു കാരണം സീലിയറിപേശികളുടെ ക്ഷമത കുറയുന്നതാണ്. അതായത്, അത്തരക്കാർക്ക് പവർ ഓഫ് അക്കൊമഡേഷനുള്ള കഴിവ് കുറവായിരിക്കും. ഇതാണ് വെള്ളെഴുത്ത്.

ആമുഖം

നമുക്ക് ചുറ്റുമുള്ള വർണ്ണങ്ങളുടെ വിസ്മയക്കാഴ്ചകളെക്കുറിച്ചാണ് ഈ യൂണിറ്റിൽ പ്രതിപാദിക്കുന്നത്. പ്രകാശത്തിന്റെ പ്രകീർണനം, വർണ്ണങ്ങളുടെ പുനസംയോജനം, മഴവില്ല്, വീക്ഷണസ്ഥിരത, പ്രാഥമിക വർണ്ണ ങ്ങൾ, ദ്വിതീയ വർണ്ണങ്ങൾ, പൂരക വർണ്ണങ്ങൾ, സുതാര്യ വസ്തുക്കളുടെ നിറം, അതാര്യ വസ്തുക്കളുടെ നിറം, വിസരണം, ആകാശ നീലിമ, ഉദയാസ്തമയ സമയത്തെ സൂര്യബിംബത്തിന്റെ ചുവപ്പുനിറം, ടിന്റൽ ഇഫക്ട്, പ്രകാശമലിനീകരണം തുടങ്ങിയ ആശയങ്ങളെക്കുറിച്ച് ഈ യൂണിറ്റിൽ പ്രതിപാദിക്കുന്നു.

ഗ്ലാസ് പ്രിസത്തിലൂടെയുള്ള അപവർത്തനം
പ്രവർത്തനം 1
ഒരു ലേസർ ടോർച്ചിൽ നിന്നുള്ള പ്രകാശം ചിത്രത്തിൽ കാണുന്നതുപോലെ ഒരു പ്രിസത്തിലൂടെ കടത്തി വിട്ടു നോക്കു.

പ്രകാശ പ്രകീർണ്ണനം (Dispersion of Light)
പ്രവർത്തനം 2
സമതല ദർപ്പണം ഉപയോഗിച്ച് സൂര്യപ്രകാശം മുറിയുടെ വെളുത്ത നിറമുള്ള ചുമരിൽ പതിപ്പിക്കുക. നേരിയ പ്രകാശബീം മാത്രം കടന്നു പോകത്തക്ക രീതിയിൽ പ്രകാശ പാതയിൽ നേരിയ വിടവ് (Slit) ക്രമീകരിക്കുക. ചുമരിൽ ഒരു വെളുത്ത പ്രകാശഖണ്ഡം കാണാം. വിടവിലൂടെ കടന്നു വരുന്ന പ്രകാശബീം ഒരു വശത്ത് ചരിഞ്ഞ് പതിക്കത്തക്ക രീതിയിൽ ഒരു പ്രിസം ക്രമീകരിക്കുക. ചുമരിൽ ധവളപ്രകാശത്തിനു പകരം മഴവില്ലിലേതുപോലുള്ള വിവിധ വർണ്ണങ്ങൾ പ്രത്യക്ഷപ്പെടുന്നു. സൂര്യപ്രകാശം വിവിധ വർണ്ണങ്ങളായി വേർപിരിയുന്നതായി കാണുന്നു.

പ്രവർത്തനം 3
ചിത്രത്തിൽ കാണിച്ചിരിക്കുന്ന രീതിയിൽ ഒരു ചെറിയ സമതലദർപ്പണം പരന്ന പാത്രത്തിലെ ജലത്തിൽ ചരിച്ച് വയ്ക്കുക. സൂര്യപ്രകാശം പ്രതിപതിപ്പിച്ച് സ്ക്രീനിൽ പതിപ്പിക്കൂ. എന്താണ് നിരീക്ഷിക്കാൻ കഴിയുന്നത്? പ്രകാശ പ്രകീർണ്ണനത്തിന്റെ അടിസ്ഥാനത്തിൽ വിശദീകരിക്കുക.

സ്ക്രീനിൽ ധവളപ്രകാശത്തിനു പകരം മഴവില്ലിലേതുപോലുള്ള വിവിധ വർണ്ണങ്ങൾ പ്രത്യക്ഷപ്പെടുന്നു. പ്രകാശ പ്രകീർണ്ണനത്തിന്റെ ഫലമായി സൂര്യപ്രകാശം ഘടക വർണ്ണങ്ങളായി വേർപിരിയുന്നു.

വർണ്ണങ്ങളുടെ പുനഃസംയോജനം (Recombination of Colours of Light)
പ്രവർത്തനം 4
പ്രിസത്തിലൂടെ സൂര്യപ്രകാശം കടത്തിവിടുന്ന പരീക്ഷണത്തിൽ (ചിത്രം 3.2) ഘടക വർണ്ണങ്ങളുടെ പാതയിൽ മറ്റൊരു സമാന പ്രിസം ചിത്രത്തിൽ (ചിത്രം 3.9) കാണിച്ചിരിക്കുന്നതുപോലെ ക്രമീകരിച്ചു നോക്കൂ.

ചുമരിൽ ധവളപ്രകാശം ലഭിക്കുന്നു. ഒന്നാമത്തെ പ്രിസത്തിൽ നിന്നു വരുന്ന പ്രകാശവർണ്ണങ്ങൾക്ക് രണ്ടാമത്തെ പ്രിസത്തിൽ വച്ച് വിപരീത ദിശയിൽ വ്യതിയാനം സംഭവിക്കുന്നതു കൊണ്ടാണ് വർണ്ണങ്ങൾ സംയോജിച്ച് ചുമരിൽ ധവള പ്രകാശം ലഭിക്കുന്നത്.

പ്രാഥമിക വർണ്ണങ്ങളും ദ്വിതീയ വർണ്ണങ്ങളും (Primary Colour sand Secondary Colours)
പ്രവർത്തനം 5
വൃത്താകൃതിയിലുള്ള ഒരു തകിടിൽ 120° കോണുകളിൽ ചുവപ്പ്, പച്ച, നീല എന്നീ പ്രകാശവർണ്ണങ്ങൾ പുറപ്പെടുവിക്കുന്ന LED കൾ ക്രമീകരിക്കുക. LED കളിൽ നിന്നുള്ള പ്രകാശം ഒരു PVC പൈപ്പിലൂടെ കടത്തിവിട്ട് സ്ക്രീനിൽ പതിപ്പിക്കുക. ചുവപ്പ്, പച്ച, നീല വർണ്ണങ്ങൾ പരസ്പരം അതിവ്യാപനം ചെയ്യത്തക്ക വിധത്തിൽ PVC പൈപ്പ് ക്രമീകരിക്കുക.

ഒരേ തീവ്രതയിലുള്ള ചുവപ്പ്, പച്ച, നീല എന്നീ വർണ്ണങ്ങൾ ചേരുന്ന ഭാഗത്ത് ധവളപ്രകാശവും ചുവപ്പും പച്ചയും ചേരുന്ന ഭാഗത്ത് മഞ്ഞ പ്രകാശവും പച്ചയും നീലയും ചേരുന്ന ഭാഗത്ത് സയനും ചുവപ്പും നീലയും ചേരുന്ന ഭാഗത്ത് മജന്തയും ലഭിക്കുന്നതായി കാണാം.

പ്രകാശത്തിന്റെ വിസരണം (Scattering of Light)
സൂര്യപ്രകാശം അന്തരീക്ഷത്തിലൂടെ കടന്നുപോകുമ്പോൾ പ്രകാശകിരണങ്ങൾ അന്തരീക്ഷത്തിലെ സൂക്ഷ്മ കണികകളിൽ തട്ടി ചിതറുന്നതിന്റെ രേഖാചിത്രമാണ് (ചിത്രം 3.19) തന്നിരിക്കുന്നത്.

പ്രവർത്തനം 6
ചതുരാകൃതിയിലുള്ള ഒരു ഗ്ലാസ് പാത്രത്തിൽ മുക്കാൽ ഭാഗത്തോളം ജലമെടുക്കുക. ചിത്രത്തിലേതു പോലെ ടോർച്ചിൽ നിന്നുള്ള പ്രകാശരശ്മികൾ പാത്രത്തിലെ ജലത്തിലൂടെ ഒരു സ്ക്രീനിൽ പതിപ്പിക്കുക. ലിറ്ററിന് 2 g എന്ന തോതിൽ സോഡിയം തയോസൾഫേറ്റ് പാത്രത്തിലെ ജലത്തിൽ ലയിപ്പിക്കുക. അതിലേക്ക് ഒന്നോ രണ്ടോ തുള്ളി ഹൈഡ്രോക്ലോറിക് ആസിഡ് ചേർക്കുക. ലായനിയിലും സ്ക്രീനിലും പ്രകാശത്തിനു ണ്ടാകുന്ന ക്രമാനുഗതമായ മാറ്റം നിരീക്ഷിക്കുക.

സോഡിയം തയോസൾഫേറ്റും ഹൈഡ്രോക്ലോറിക് ആസിഡും തമ്മിൽ പ്രവർത്തിക്കുമ്പോൾ കൊളോയിഡൽ സൾഫർ അവക്ഷിപ്തപ്പെടുന്നു. ക്രമേണ കണങ്ങളുടെ വലുപ്പം കൂടുന്നു. സൾഫർ കണങ്ങളുടെ വലുപ്പം ക്രമേണ വർധിച്ച് വരുന്നതിനനുസരിച്ച് ലായനിയിൽ നീല വർണ്ണം വ്യാപിക്കുന്നു. സ്ക്രീനിൽ മഞ്ഞ, ഓറഞ്ച്, ചുവപ്പ് എന്ന ക്രമത്തിൽ വർണ്ണമാറ്റം ഉണ്ടാകുന്നു.

കണ്ണും കാഴ്ചയും (Eye and Vision)
പ്രകൃതിയിലെ മനോഹരമായ കാഴ്ചകൾ നമുക്ക് കാണാൻ കഴിയുന്നത് നമ്മുടെ കണ്ണുകളുടെ സഹായത്താലാണ്. കണ്ണുകൾ കാഴ്ച സാധ്യമാക്കുന്നത് എങ്ങനെയാണ്?

പ്രവർത്തനം 7
10 cm ഫോക്കസ് ദൂരമുള്ള ഒരു കോൺവെക്സ് ലെൻസ് എടുക്കുക. ഇത് ഉപയോഗിച്ച്, ലെൻസിൽ നിന്ന് 20 cm അകലെ വച്ചിരി ക്കുന്ന ഒരു മെഴുകുതിരി ജ്വാലയുടെ വ്യക്തമായ പ്രതിബിംബം സ്ക്രീനിൽ രൂപീകരിക്കുക. സമാനമായ രീതിയിലാണ് നമ്മുടെ കണ്ണിലും പ്രതിബിംബം രൂപീകരിക്കപ്പെടുന്നത്.