SSLC Geography Chapter 8 Notes Pdf Malayalam Medium സുസ്ഥിരതയിലേയ്ക്ക്

Students often refer to Kerala Syllabus SSLC Geography Notes Malayalam Medium Pdf and Class 10 Geography Chapter 8 Notes Question Answer Malayalam Medium സുസ്ഥിരതയിലേയ്ക്ക് that include all exercises in the prescribed syllabus.

Class 10 Geography Chapter 8 Notes Malayalam Medium

Kerala Syllabus Class 10 Social Science Geography Chapter 8 Notes Question Answer Malayalam Medium

10th Class Geography Chapter 8 Notes Malayalam Medium

Question 1.
നിങ്ങൾക്ക് പരിചിതമായ വിഭവങ്ങളെ പ്രകൃതിവിഭവങ്ങൾ എന്നും മനുഷ്യ നിർമിത വിഭവങ്ങളെന്നും തരംതിരിച്ച് പട്ടികപ്പെടുത്തു.

Answer:

പ്രകൃതിവിഭവങ്ങൾ	മനുഷ്യ നിർമ്മിത വിഭവങ്ങൾ
തടി, കൽക്കരി, പെട്രോളിയം, പ്രകൃതിവാതകം	യന്ത്രങ്ങൾ, വാഹനങ്ങൾ, കെട്ടിടങ്ങൾ

Question 2.
ചുവടെ ചേർത്തിട്ടുള്ള വിഭവങ്ങളെ വ്യക്തിഗത വിഭവങ്ങൾ, സാമൂഹ്യ വിഭവങ്ങൾ, ദേശീയ വിഭവങ്ങൾ എന്നിങ്ങനെ തരംതിരിച്ച് പട്ടികപ്പെടുത്തു. കൂടുതൽ ഉദാഹരണങ്ങൾ ഉൾപ്പെടുത്തി പട്ടിക വിപുലീകരിച്ചു. (സ്കൂൾ, ദേശീയപാത, റെയിൽപാത, ദേവാലയം, സ്വകാര്യ കൃഷിയിടം, പാർപ്പിടം)
വിവരസാങ്കേതിക വിദ്യയുടെ സഹായത്തോടെ അധികവിവരങ്ങൾ കൂടി ചേർത്ത് ചാർട്ട് വിപുലീകരിച്ച് ക്ലാറിയിൽ പ്രദർശിപ്പിക്കൂ.
Answer:

വ്യക്തിഗത വിഭവങ്ങൾ	സാമൂഹ്യ വിഭവങ്ങൾ	ദേശീയ വിഭവങ്ങൾ
സ്വകാര്യ കൃഷിയിടം, പാർപ്പിടം, മൊബൈൽ ഫോൺ	സ്കൂൾ, ദേവാലയം, പൊതുജലാശയം, കളിസ്ഥലം, ലൈബ്രറി, പാർക്ക്, ആശുപത്രി	ദേശീയപാത, റെയിൽപാത, വിമാനത്താവളം, തുറമുഖം, അണക്കെട്ട്, വനങ്ങൾ

Question 3.
a) സമൂഹവിഭവങ്ങളെയും ദേശീയവിഭവങ്ങളെയും സംരക്ഷിക്കേണ്ട ഉത്തരവാദിത്വം ആർക്കാണ്?
b) ഇത്തരം വിഭവങ്ങൾ നമുക്കെങ്ങനെ സംരക്ഷിക്കാം? ക്ലാസിൽ ചർച്ച ചെയ്യു.
Answer:
a) സമൂഹവിഭവങ്ങളെയും ദേശീയവിഭവങ്ങളെയും സംരക്ഷിക്കേണ്ട ഉത്തരവാദിത്വം എല്ലാ പൗരന്മാർക്കും ആണ്. സർക്കാർ, പ്രാദേശിക ഭരണസംഘടനകൾ, സാമൂഹിക സംഘടനകൾ എന്നിവയും ഇതിനായി പ്രവർത്തിക്കണം.

b)

1. വിഭവങ്ങൾ അമിതമായി ഉപയോഗിക്കുന്നത് ഒഴിവാക്കുക.
2. മരങ്ങൾ നട്ട് വനം സംരക്ഷണം നടത്തുക.
3. ജലസംരക്ഷണ മാർഗങ്ങൾ സ്വീകരിക്കുക.
4. ഊർജ്ജം പാഴാക്കാതിരിക്കുക.
5. സാമൂഹിക ബോധവത്കരണം നടത്തുക.

Question 4.
വികസിതവിഭവങ്ങൾക്ക് ഉദാഹരണങ്ങൾ കണ്ടെത്തി പട്ടികപ്പെടുത്തു.
Answer:

1. പശ്ചിമേഷ്യയിലെ എണ്ണ നിക്ഷേപം
2. ജർമ്മനിയിലെ കൽക്കരി നിക്ഷേപം
3. ഇന്ത്യയിലെ ധാതുക്കളുടെ ശേഖരം
4. സാങ്കേതികവിദ്യ ഉപയോഗിച്ച് ഉത്പാദിപ്പിക്കുന്ന വൈദ്യുതി
5. കൃഷിക്ക് ഉപയോഗിക്കുന്ന ഭൂമി

Question 5.
പെട്രോളിയം ഒരു വികസിത വിഭവമാണോ?
Answer:
അതെ

Question 6.
ഭാവിയിൽ നമുക്ക് പ്രയോജനപ്പെടുത്താവുന്ന ധാരാളം ഊർജ്ജസ്രോതസ്സുകൾ പ്രകൃതിയിലുണ്ട്. വിവര വിനിമയ സാങ്കേതികവിദ്യയുടെ സഹായത്തോടെ അവ ഏതെല്ലാമെന്ന് കണ്ടെത്തി കുറിപ്പ് തയ്യാറാക്കു
Answer:
ഭാവിയിൽ കൂടുതൽ കാര്യക്ഷമമായി ഉപയോഗിക്കാൻ സാധ്യതയുള്ള നിരവധി ഊർജ്ജ സ്രോതസ്സുകൾ പ്രകൃതിയിലുണ്ട്. സോളാർ പെയിന്റുകൾ, ഫ്ലെക്സിബിൾ സോളാർ പാനലുകൾ, തുടങ്ങിയ നൂതന സാങ്കേതികവിദ്യകൾ ഉപയോഗിച്ച് സൗരോർജ്ജം പ്രയോജനപ്പെടുത്താം, ഇത് വലിയ തോതിലുള്ള വൈദ്യുതി നൽകുന്നു. വേലിയേറ്റ ഊർജ്ജം, തിരമാല ഊർജ്ജം, സമുദ്ര താപ ഊർജ്ജ പരിവർത്തനം എന്നിവയുൾപ്പെടെയുള്ള സമുദ്ര ഊർജ്ജത്തിന് സമുദ്രജലത്തിന്റെ ചലനത്തിലും താപനില വ്യത്യാസങ്ങളിലും നിന്ന് വൈദ്യുതി ഉത്പാദിപ്പിക്കാൻ കഴിയും. ആൽഗ അധിഷ്ഠിത ഇന്ധനങ്ങൾ ഉൾപ്പെടെയുള്ള ബയോമാസും ബയോഇന്ധനങ്ങളും മാലിന്യങ്ങൾ കൈകാര്യം ചെയ്യുമ്പോൾ പുനരുപ യോഗ ഊർജ്ജം വാഗ്ദാനം ചെയ്യുന്നു. ന്യൂക്ലിയർ ഫ്യൂഷൻ പോലുള്ള ഭാവി സാങ്കേതികവിദ്യകൾക്ക് പരിധിയില്ലാത്ത ശുദ്ധമായ ഊർജ്ജം നൽകാൻ കഴിയും, കൂടാതെ ബഹിരാകാശ അധിഷ്ഠിത സൗരോർജ്ജത്തിന് ബഹിരാകാശത്ത് സൂര്യപ്രകാശം ശേഖരിച്ച് തുടർച്ചയായി ഭൂമിയിലേക്ക് കൈമാറാൻ കഴിയും. വിവരസാങ്കേതികവിദ്യയുടെ സഹായത്തോടെ ഗവേഷണം ചെയ്ത് വികസിപ്പിച്ചെടുത്ത ഈ ഊർജ്ജ സ്രോതസ്സുകൾ ഭാവിയിലെ വർദ്ധിച്ചുവരുന്ന ഊർജ്ജ ആവശ്യങ്ങൾ നിറവേറ്റുന്നതിനുള്ള സുസ്ഥിരമായ പരിഹാരങ്ങൾ വാഗ്ദാനം ചെയ്യുന്നു.

Question 7.
ധാതുക്കളുടെ വർഗീകരണം സൂചിപ്പിക്കുന്ന ഡയഗ്രമാണ് ചുവടെ നൽകിയിട്ടുള്ളത്. വിട്ടുപോയ ഭാഗങ്ങൾ പൂരിപ്പിച്ച് ഡയഗ്രം പൂർത്തിയാക്കൂ. ഒരോ വിഭാഗത്തിനും അനുയോജ്യമായ ഉദാഹരണങ്ങൾ ബോക്സിൽ നിന്നും കണ്ടെത്തി അതത് കളങ്ങളിൽ എഴുതിച്ചേർക്കു.

ഇരുമ്പ്, മാംഗനീസ്, നിക്കൽ, അലൂമിനിയം, ബോക്സൈറ്റ്, ചെമ്പ്, നാകം, സ്വർണം, വെള്ളി, കൽക്കരി, പെട്രോളിയം, പ്രകൃതി വാതകങ്ങൾ, മൈക്ക്, ചുണ്ണാമ്പുകല്ല്, ഗ്രാഫൈറ്റ്, കളിമണ്ണ്, മാർബിൾ
Answer:

1. നോൺഫെറസ്: ഇരുമ്പിന്റെ അംശം ഇല്ലാത്തവ
2. കാർബണിക ധാതുക്കൾ
3. ഇരുമ്പ്, മാംഗനീസ്, നിക്കൽ
4. അലൂമിനിയം, ചെമ്പ്, ബോക്സൈറ്റ്, സ്വർണം, വെള്ളി
5. മൈക്ക, കളിമണ്ണ്, മാർബിൾ, ചിണ്ണാമ്പുകല്ല്
6. കൽക്കരി, പെട്രോളിയം, പ്രകൃതി വാതകങ്ങൾ, ഗ്രാഫൈറ്റ്

Question 8.
നമ്മുടെ നിത്യ ജീവിതത്തിൽ ധാതുക്കളുടെ പ്രാധാന്യത്തെക്കുറിച്ച് ക്ലാസിൽ ഒരു ചർച്ച സംഘടിപ്പിച്ചു.
ഉരുത്തിരിയുന്ന കണ്ടെത്തലുകൾ സംഗ്രഹിച്ച് ചുവടെ കാണുന്ന മാതൃകയിൽ ഒരു പട്ടിക തയ്യാറാക്കുക.

Answer:

ധാതുക്കൾ	ഉപയോഗങ്ങൾ
ഇരുമ്പ്	നിർമ്മാണത്തിലും യന്ത്രങ്ങളിലും ഉപകരണങ്ങളിലും വാഹനങ്ങളിലും ഉപയോഗിക്കുന്നു.
മാംഗനീസ്	ഉരുക്ക്, ബാറ്ററികൾ എന്നിവയുടെ നിർമ്മാണത്തിൽ ഉപയോഗിക്കുന്നു.
ചെമ്പ്	നാണയങ്ങൾ, പാത്രങ്ങൾ എന്നിവയിൽ ഉപയോഗിക്കുന്നു.
അലൂമിനിയം	വിമാനങ്ങൾ, ഓട്ടോമൊബൈലുകൾ, പാക്കേജിംഗ് (ഫോയിൽ, ക്യാനുകൾ) എന്നിവയിൽ ഉപയോഗിക്കുന്നു.

Question 9.
എല്ലാ ധാതുനിക്ഷേപങ്ങളും അയിര് നിക്ഷേപങ്ങളാണോ?
Answer:
എല്ലാ ധാതു സമ്പന്നമായ പ്രദേശങ്ങളും നിക്ഷേപങ്ങളായി കണക്കാക്കപ്പെടുന്നില്ല. ധാതുക്കൾ മതിയായ സാന്ദ്രതയിലും അളവിലും കണ്ടെത്തുകയും, ലാഭകരമായി വേർതിരിച്ചെടുക്കാൻ കഴിയുകയും, ആവശ്യമായ സാങ്കേതികവിദ്യ ലഭ്യമാകുകയും ചെയ്യുമ്പോൾ മാത്രമേ ധാതു സമ്പന്നമായ ഒരു പ്രദേശം നിക്ഷേപമായി മാറുകയുള്ളൂ. അല്ലാത്തപക്ഷം, അത് ഒരു നിക്ഷേപമല്ല, മറിച്ച് ഒരു ധാതു സംഭവം മാത്രമാണ്.

Question 10.
a. ചുവടെ നൽകിയിട്ടുള്ള ഭൂപടം നിരീക്ഷിച്ച് ഇരുമ്പയിരിന്റെ വിതരണക്രമം തിരിച്ചറിയൂ.
b. നൽകിയിട്ടുള്ള ഭൂപടം, അറ്റ്ലസ് എന്നിവ നിരീക്ഷിച്ച് ഇരുമ്പയിര് നിക്ഷേപമുള്ള മറ്റ് രാജ്യങ്ങൾ കൂടി കണ്ടെത്തി പട്ടികപ്പെടുത്തു.

Answer:
a.

• വടക്കേ അമേരിക്ക: യുണൈറ്റഡ് സ്റ്റേറ്റ്സ് ഓഫ് അമേരിക്ക (യുഎസ്എ), കാനഡ
• ദക്ഷിണ അമേരിക്ക: ബ്രസീൽ, വെനിസ്വലേ
• യൂറോപ്പ്: ഫ്രാൻസ്, ജർമ്മനി, സ്വീഡൻ, ഉക്രെയ്ൻ, റഷ്യ, യുണൈറ്റഡ് കിംഗ്ഡം
• ആഫ്രിക്ക: ദക്ഷിണാഫ്രിക്ക, ലൈബീരിയ, അൾജീരിയ
• ഏഷ്യ: ഇന്ത്യ, ചൈന, കസാക്കിസ്ഥാൻ
• ഓസ്ട്രേലിയ: ഓസ്ട്രേലിയ

b. മറ്റ് രാജ്യങ്ങൾ

• മെക്സിക്കോ
• സ്പെയിൻ
• ഇറാൻ
• മംഗോളിയ
• മലേഷ്യ

Question 11.

a) ഭൂപടം നിരീക്ഷിച്ച് ലോകത്ത് ചെമ്പ് എവിടെയൊക്കെ കാണുന്നുവെന്ന് തിരിച്ചറിയൂ. ലോകത്തിന്റെ ഭൂപടരൂപരേഖയിൽ ചെമ്പിന്റെ വിതരണം അടയാളപ്പെടുത്തി എന്റെ ഭൂപട ശേഖരത്തിൽ ഉൾപ്പെടുത്തു.
b) അറ്റ്ലസ് നിരീക്ഷിച്ച് ചിലിയുടെ സ്ഥാനം കണ്ടെത്തു.
c) ചെമ്പുൽപാദനത്തിൽ മുന്നിൽ നിൽക്കുന്ന രാജ്യങ്ങളുടെ ഒരു പട്ടിക തയ്യാറാക്കൂ.
d) കൊളാഹുവാസി ചെമ്പ് ഖനിയുടെ പ്രത്യേകത എന്തെന്ന് കണ്ടെത്തു.
Answer:
a) ലോകത്ത് ചെമ്പ് കാണപ്പെടുന്ന പ്രധാന സ്ഥലങ്ങൾ (വിതരണം):
ചെമ്പ് ധാതുക്കൾ ലോകമെമ്പാടും കാണപ്പെടുന്നുണ്ടെങ്കിലും, ഏറ്റവും വലിയ നിക്ഷേപങ്ങൾ പ്രധാനമായും വൻകരകളുടെ പടിഞ്ഞാറൻ തീരങ്ങളിലെ പർവതനിരകളിലാണ്.

• തെക്കേ അമേരിക്കയിലെ ആൻഡീസ് പർവതനിരകൾ (പ്രധാനമായും ചിലി, പെറു),
• വടക്കേ അമേരിക്കയിലെ റോക്കി പർവതനിരകൾ (പ്രധാനമായും അമേരിക്കൻ ഐക്യനാടുകൾ, മെക്സിക്കോ),
• മധ്യ ആഫ്രിക്കയിലെ കോപ്പർ ബെൽറ്റ് (ഡെമോക്രാറ്റിക് റിപ്പബ്ലിക് ഓഫ് കോംഗോ, സാംബിയ).

b) ചിലിയുടെ സ്ഥാനം:

• വൻകര തെക്കേ അമേരിക്ക
• ഭൂമിശാസ്ത്രപരമായ സ്ഥാനം: തെക്കേ അമേരിക്കൻ വൻകരയുടെ തെക്കുപടിഞ്ഞാറൻ തീരത്തായി, പടിഞ്ഞാറ് ശാന്തസമുദ്രത്തിനും കിഴക്ക് ആൻഡീസ് പർവതനിരകൾക്കും ഇടയിൽ നീണ്ടു നിവർന്നു കിടക്കുന്ന രാജ്യമാണ് ചിലി.

c)

റാങ്ക് (ഏകദേശം)	രാജ്യം
1.	ചിലി (Chile)
2.	പെറു (Peru)
3.	ഡെമോക്രാറ്റിക് റിപ്പബ്ലിക് ഓഫ് കോംഗോ (DRC)
4.	ചൈന (China)
5.	അമേരിക്കൻ ഐക്യനാടുകൾ (USA)

d) കൊളാഹുവാസി ചെമ്പ് ഖനിയുടെ പ്രാധാന്യം:

• കൊളാഹുവാസി ഖനി ചിലിയിലെ തരാപാക്ക് മേഖലയിൽ സ്ഥിതിചെയ്യുന്ന ലോകത്തിലെ തന്നെ ഏറ്റവും വലിയ ചെമ്പ് ഖനികളിൽ ഒന്നാണ്.
• ലോകോത്തര കരുതൽ ശേഖരം: ലോകത്തിലെ ഏറ്റവും വലിയ ‘Tier ‘ ചെമ്പ് ശേഖരങ്ങളിൽ ഒന്നാണ് ഈ ഖനിയിലുള്ളത്.
• ആധുനികവും സുസ്ഥിരവുമായ ഖനന സാങ്കേതിക വിദ്യകൾ ഉപയോഗിക്കുന്നു.

Question 12.
പട്ടിക പരിശോധിച്ച് അലുമിനിയം എന്ന ലോഹത്തിന്റെ പ്രധാന അയിര് ഏതാണെന്ന് കണ്ടെത്തുക.

Answer:
ബോസൈറ്റ്

Question 13.
ലോക ഭൂപടരൂപരേഖയിൽ ബോക്സൈറ്റിന്റെ വിതരണം അടയാളപ്പെടുത്തി എന്റെ ഭൂപട ശേഖരത്തിൽ ഉൾപ്പെടുത്തുക.
Answer:

Question 14.
‘ലോകത്തിലെ പ്രധാന അലോഹ ധാതുക്കളുടെ വിതരണക്രമം തിരിച്ചറിയുക. ലോകഭൂപട രൂപരേഖയിൽ അവ വരച്ചു ചേർത്ത് എന്റെ ഭൂപടശേഖരത്തിൽ ഉൾപ്പെടുത്തുക.’
Answer:
(സൂചനകൾ: ലോക ഭൂപടത്തിൽ ഈ രാജ്യങ്ങൾ അടയാളപ്പെടുത്തുക.)

ധാതു	പ്രധാന ഉൽപാദന രാജ്യങ്ങൾ
ജിപ്സം	യുഎസ്എ, ഇറാൻ, ചൈന, തായ്ലൻഡ്, സ്പെയിൻ
ഫോസ്ഫേറ്റ്	മൊറോക്കോ, യുഎസ്എ, ചൈന, ജോർദാൻ, റഷ്യ
പൊട്ടാഷ്	കാനഡ, റഷ്യ, ബെലാറസ്, ചൈന, ജർമ്മനി
സൾഫർ	യുഎസ്എ, ചൈന, കാനഡ, റഷ്യ, സൗദി അറേബ്യ
ഉപ്പ്	ചൈന, യുഎസ്എ, ഇന്ത്യ, ജർമ്മനി, ഓസ്ട്രേലിയ

Question 15.
നിങ്ങൾക്ക് പരിചിതമായ ഊർജസ്രോതസ്സുകൾ പട്ടികപ്പെടുത്തു.
Answer:

1. സൗരോർജം
2. പെട്രോളിയം
3. ജലവൈദ്യുതി
4. ജൈവ ഇന്ധന ഊർജ്ജം
5. കൽക്കരി

Question 16.
ഊർജസ്രോതസ്സുകൾ എപ്പോഴാണ് വിഭവങ്ങളായി മാറുന്നത്?
Answer:
ഊർജസ്രോതസ്സുകൾ സാങ്കേതികവിദ്യ ഉപയോഗിച്ച് മനുഷ്യന്റെ ആവശ്യങ്ങൾക്കായി മാറ്റിയെടുക്കുമ്പോൾ അവ വിഭവങ്ങളായി മാറുന്നു. കൽക്കരി പോലുള്ള സ്രോതസ്സുകൾ ഖനനം ചെയ്ത് വൈദ്യുതിയാക്കി പരിവർത്തനം ചെയ്യുമ്പോഴാണ് അത് ഉപയോഗപ്രദമായ വിഭവമായി കണക്കാക്കപ്പെടുന്നത്. കണ്ടെത്തൽ, ഖനനം, സംസ്കരണം, വിതരണം എന്നിവ ഈ പ്രക്രിയയിലെ പ്രധാന ഘട്ടങ്ങളാണ്.

Question 17.
ചുവടെ നൽകിയിട്ടുള്ള ഊർജവിഭവങ്ങളെ പുനഃസ്ഥാപന ശേഷിയുടെ അടിസ്ഥാനത്തിൽ രണ്ടായി തരംതിരിച്ച് പട്ടിക പൂർത്തിയാക്കൂ.
സൗരോർജം, ജലവൈദ്യുതി, കൽക്കരി, പെട്രോളിയം, ജലവൈദ്യുതി, ഭൗമതാപോർജം, കാറ്റ്, പ്രകൃതിവാതകം, കൽക്കരി, പെട്രോളിയം, ആണവോർജം, ജൈവോർജം

Answer:

ഊർജ്ജ വിഭവങ്ങൾ
പുനസ്ഥാപന ശേഷിയില്ലാത്ത വിഭവങ്ങൾ പാരമ്പര്യേതര വിഭവങ്ങൾ	പരമ്പരാഗത വിഭവങ്ങൾ / പുനസ്ഥാപന ശേഷിയുളള വിഭവങ്ങൾ
• പ്രകൃതിവാതകം • കൽക്കരി • പെട്രോളിയം • ആണവോർജം	• ഭൗമതാപോർജം • സൗരോർജം • ജലവൈദ്യുതി • കാറ്റ് • ജൈവോർജം • വേലിയോർജം

Question 18.
പരമ്പരാഗത വിഭവങ്ങളുടെയും പരമ്പര്യതര വിഭവങ്ങളുടെയും സവിശേഷതകൾ ഉൾപ്പെടുത്തിയിട്ടുള്ള പട്ടികയാണ് ചുവടെ നൽകിയിട്ടുള്ളത്. പട്ടിക പൂർത്തിയാക്കുക.

Answer:

പുനഃസ്ഥാപന ശേഷിയില്ലാത്ത വിഭവങ്ങൾ / പരമ്പരാഗത വിഭവങ്ങൾ	പരമ്പര വിഭവങ്ങൾ / പുനഃസ്ഥാപന ശേഷിയുള്ള വിഭവങ്ങൾ
• ഉപയോഗിക്കുംതോറും ക്ഷയിച്ചു കൊണ്ടിരിക്കുന്നതും തീർന്നു പോകാവുന്നവയുമാണ്. • മലിനീകരണത്തിന് കാരണമാകുന്നു. • പരിപാലിക്കുന്നതിനും സംഭരിക്കുന്നതിനും കൈമാറ്റം ചെയ്യുന്നതിനും വളരെ ചെലവേറിയതാണ്. • ലഭ്യത പരിമിതമാണ്	• യഥേഷ്ടം ലഭ്യമായവ • പരിസ്ഥിതി സൗഹൃദം • സാധാരണയായി മലിനീകരണ രഹിതമാണ്. • പുനരുപയോഗിക്കാനോ സ്വാഭാവികമായി നിറയ്ക്കാനോ കഴിയും

Question 19.
പ്രധാന ഫോസിൽ ഇന്ധനങ്ങൾ (Fossil Fuels) ഏതൊക്കെയാണ്? പട്ടികപ്പെടുത്തുക.
Answer:

1. കൽക്കരി (Coal)
2. പെട്രോളിയം (Petroleum) / ക്രൂഡ് ഓയിൽ (Crude Oil)
3. പ്രകൃതിവാതകം (Natural Gas)
4. പാചകവാതകം (LPG Liquefied Petroleum Gas)

Question 20.
a. ലോകഭൂപട രൂപരേഖയിൽ കൽക്കരി നിക്ഷേപങ്ങളുടെ വിതരണക്രമം അടയാളപ്പെടുത്തി എന്റെ ഭൂപട ശേഖരത്തിൽ ഉൾപ്പെടുത്തൂ.
b. വിവരസാങ്കേതികവിദ്യയുടെ സഹായത്തോടെ ലോകത്ത് ഏറ്റവും കൂടുതൽ കൽക്കരി നിക്ഷേപമുള്ള രാജ്യമേതാണെന്ന് കണ്ടെത്തി ലോകഭൂപട രൂപരേഖയിൽ അടയാളപ്പെടുത്തു.
Answer:
a.
b. ലോകത്തിലെ ഏറ്റവും വലിയ തെളിയിക്കപ്പെട്ട കൽക്കരി ശേഖരം അമേരിക്കയിലാണ്, എല്ലാ രാജ്യങ്ങളിലും വച്ച് ഏറ്റവും സാമ്പത്തികമായി വേർതിരിച്ചെടുക്കാവുന്ന കൽക്കരി കൈവശം വച്ചിരിക്കുന്നത് അമേരിക്കയിലാണ്. ഗണ്യമായ കൽക്കരി ശേഖരമുള്ള മറ്റ് രാജ്യങ്ങളിൽ റഷ്യ, ഓസ്ട്രേലിയ, ചൈന എന്നിവ ഉൾപ്പെടുന്നു.

Question 21.
താഴെക്കൊടുത്തിരിക്കുന്ന സൂചനകളുടെ അടിസ്ഥാനത്തിൽ പെട്രോളിയത്തിന്റെ പ്രാധാന്യത്തെക്കുറിച്ച് ഒരു കുറിപ്പ് തയ്യാറാക്കുക.
• ഗാർഹിക ആവശ്യങ്ങൾ,
• ഗതാഗതം,
• പെട്രോകെമിക്കൽ വ്യവസായം,
• കൃത്രിമ നാരുകൾ, മരുന്നുകൾ
Answer:
പെട്രോളിയം ഒരു പ്രധാന ഊർജ്ജ വിഭവമാണ്. ഇത് ഗതാഗതത്തിന് (പെട്രോൾ, ഡീസൽ) ഇന്ധനം നൽകുന്നു. ഗാർഹിക ആവശ്യങ്ങൾക്കുള്ള പാചകവാതകത്തിന്റെ (LPG) സ്രോതസ്സാണിത്. കൂടാതെ, പെട്രോകെമിക്കൽ വ്യവസായത്തിന്റെ അടിസ്ഥാന ഘടകമാണ്. കൃത്രിമ നാരുകൾ, പ്ലാസ്റ്റിക്, മരുന്നുകൾ എന്നിവയുടെ നിർമ്മാണത്തിനും പെട്രോളിയം അത്യന്താപേക്ഷിതമാണ്.

Question 22.
ലോകത്ത് പെട്രോളിയം നിക്ഷേപം എവിടെയൊക്കെ കാണുന്നുവെന്ന് തിരിച്ചറിയൂ. ലോകഭൂപടരൂപ രേഖയിൽ പെട്രോളിയം നിക്ഷേപത്തിന്റെ വിതരണം അടയാളപ്പെടുത്തി എന്റെ ഭൂപട ശേഖരത്തിൽ ഉൾപ്പെടുത്തുക.
Answer:

1. യുഎസ്എ
2. അലാസ്ക
3. വെനിസ്വലേ
4. വടക്കൻ കടൽ (യുകെ, നോർവേ എന്നിവയ്ക്ക് സമീപം)
5. വടക്കൻ ആഫ്രിക്ക (ലിബിയ, അൾജീരിയ)
6. പശ്ചിമ ആഫ്രിക്ക (നൈജീരിയ)
7. മധ്യപൂർവ്വേഷ്യ (സൗദി അറേബ്യ, ഇറാഖ്, ഇറാൻ, കുവൈറ്റ്, യുഎഇ)
8. കസാക്കിസ്ഥാൻ
9. ഇന്ത്യയുടെ പടിഞ്ഞാറൻ തീരം
10. ചൈന (കിഴക്കും വടക്കുകിഴക്കും
11. പടിഞ്ഞാറൻ കാനഡ
12. ബ്രസീൽ (ഓഫ്ഷോർ)

Question 23.
‘ഫോസിൽ ഇന്ധനങ്ങളുടെ അനിയന്ത്രിതമായ ഉപയോഗവും ഊർജ്ജ പ്രതിസന്ധിയും’ എന്ന വിഷയത്തെ അധികരിച്ച് ക്ലാസിൽ ഒരു ചർച്ച സംഘടിപ്പിച്ച് ഒരു കുറിപ്പ് തയ്യാറാക്കുക.
Answer:
ഫോസിൽ ഇന്ധനങ്ങളുടെ അമിതമായ ഉപയോഗം കൽക്കരി, പെട്രോളിയം എന്നിവയുടെ ശേഖരം അതിവേഗം കുറയ്ക്കുന്നു. ഇത് ആഗോളതലത്തിൽ ഊർജ്ജ പ്രതിസന്ധിക്ക് കാരണമാവുകയാണ്. ഇന്ധനങ്ങൾ കത്തുമ്പോൾ പുറത്തുവിടുന്ന കാർബൺ ഡൈ ഓക്സൈഡ് കാലാവസ്ഥാ മാറ്റത്തിനും മലിനീകരണത്തിനും വഴിതെളിക്കുന്നു. പ്രതിസന്ധി മറികടക്കാൻ, പുനരുപയോഗ ഊർജ്ജ സ്രോതസ്സു കളിലേക്ക് മാറേണ്ടത് അനിവാര്യമാണ്.

Std 10 Geography Chapter 8 Notes Malayalam Medium – Extended Activities

Question 1.
നിങ്ങളുടെ പ്രദേശത്തെ വിഭവവിനിയോഗത്തെക്കുറിച്ചുള്ള ഒരു പ്രോജക്ട് തയ്യാറാക്കി ക്ലാസിൽ അവത രിപ്പിച്ചു.
Answer:
(സൂചനകൾ)

1. Step 1: ആമുഖം
   • വിഭവങ്ങളെക്കുറിച്ചും അവയുടെ ഉപയോഗം എന്തുകൊണ്ട് പ്രധാനമാണെന്നും വിശദീകരിക്കുക.
2. Step 2: പ്രാദേശിക വിഭവങ്ങൾ (ഭൂമി, ജലം, വനം, ധാതുക്കൾ തിരിച്ചറിയുക
3. Step 3: വിഭവങ്ങളുടെ ഉപയോഗം പട്ടികപ്പെടുത്തുക
   • ഓരോ വിഭവവും എങ്ങനെ ഉപയോഗിക്കുന്നുവെന്ന് വിവരിക്കുക (ഭൂമി, വെള്ളം)
4. Step 4: സുസ്ഥിര ഉപയോഗവും സംരക്ഷണവും
   • ആളുകൾ വിഭവങ്ങൾ ബുദ്ധിപൂർവ്വം ഉപയോഗിക്കുന്നുണ്ടോ അതോ അമിതമായി ഉപയോഗിക്കുന്നുണ്ടോ?
   • സംരക്ഷണ രീതികൾ (മഴവെള്ള സംഭരണം, വനവൽക്കരണം മുതലായവ) പരാമർശിക്കുക.
5. Step 5: പ്രശ്നങ്ങൾ വിശകലനം ചെയ്യുക (വൈദ്യുതി തടസ്സങ്ങൾ, കുടിവെള്ള ക്ഷാമം, മലിനീകരണം)
6. Step 6: നിർദ്ദേശങ്ങൾ/ഉപസംഹാരം

Question 2.
‘സുസ്ഥിര വികസനത്തിൽ കുട്ടികൾക്കുള്ള പങ്ക്’ എന്ന വിഷയത്തിൽ ഒരു പ്രസംഗം അവതരിപ്പിച്ചു.
Answer:
(സൂചനകൾ)
ആദരണീയരായ അധ്യാപകരേ, പ്രിയപ്പെട്ട സുഹൃത്തുക്കളേ, എല്ലാവർക്കും നമസ്കാരം.
ഇന്ന് ഞാൻ സംസാരിക്കാൻ പോകുന്നത് സുസ്ഥിര വികസനത്തിൽ കുട്ടികളുടെ പങ്ക്’ എന്ന അത്യന്തം പ്രാധാന്യമുള്ള വിഷയത്തെക്കുറിച്ചാണ്.

സുസ്ഥിര വികസനം എന്നത് ഇപ്പോഴത്തെ തലമുറയുടെ ആവശ്യങ്ങൾ നിറവേറ്റിക്കൊണ്ട്, ഭാവിയിലെ തലമുറയ്ക്കും ജീവിക്കാൻ അനുയോജ്യമായ രീതിയിൽ ഭൂമിയെ സംരക്ഷിക്കുക എന്നതാണ്. നാം ഉപയോഗിക്കുന്ന പ്രകൃതിവിഭവങ്ങൾ പരിമിതമാണ് അതിനാൽ അവയെ നശിപ്പിക്കാതെ സംരക്ഷിക്കേണ്ടത് ഓരോരുത്തരുടെയും ഉത്തരവാദിത്തമാണ്.

ഈ ദൗത്യത്തിൽ കുട്ടികൾക്കും വലിയ പങ്കുണ്ട്. സ്കൂളിൽ മാലിന്യം വേർതിരിച്ച് നിക്ഷേപിക്കൽ, വെള്ളം പാഴാക്കാതിരിക്കുക, മരങ്ങൾ നട്ട് പരിപാലിക്കൽ, പ്ലാസ്റ്റിക് ഒഴിവാക്കൽ, ഊർജ്ജം സംരക്ഷിക്കൽ തുടങ്ങി നിരവധി ചെറിയ കാര്യങ്ങൾ ചെയ്യുന്നതിലൂടെ കുട്ടികൾക്ക് വലിയ മാറ്റം സൃഷ്ടിക്കാനാകും.കൂടാതെ, കൂട്ടുകാർക്കും കുടുംബത്തിനും പരിസ്ഥിതി ബോധം നൽകുന്നതിനായി വഴിയൊരുക്കുന്നതും കുട്ടികളാണ്. ഇന്നത്തെ കുട്ടികൾ നാളെയുടെ പൗരന്മാരാണ്. അതിനാൽ സുസ്ഥിരമായ ലോകം സൃഷ്ടിക്കാൻ അവർക്കുള്ള പങ്ക് അതുല്യമാണ്. അതുകൊണ്ട്, നമ്മുടെ ഭൂമിയെ സംരക്ഷിക്കാനും, വിഭവങ്ങളെ കാക്കാനും, സുസ്ഥിരമായ ഭാവിക്കായി പ്രവർത്തിക്കാനും നമുക്ക് എല്ലാവർക്കും ചേർന്ന് പ്രതിജ്ഞ എടുക്കാം
നന്ദി.

Question 3.
നിങ്ങളുടെ പ്രദേശത്ത് സൗരോർജത്തിൽ നിന്നും വൈദ്യുതി ഉൽപാദിപ്പിക്കുന്ന വീടുകൾ യുണിറ്റുകൾ സന്ദർശിച്ച് എന്തൊക്കെ ആവശ്യങ്ങൾക്കാണ് സൗരോർജം ഉപയോഗിക്കുന്നതെന്ന് നിരീക്ഷിക്കൂ.
Answer:
(സൂചനകൾ: നിങ്ങളുടെ പ്രദേശത്തെ വീടുകൾ സന്ദർശിച്ച് സൗരോർജ്ജം എന്തിനാണ് ഉപയോഗിക്കു ന്നതെന്ന് കണ്ടെത്തുക)

SSLC Geography Chapter 8 Notes Pdf Malayalam Medium

ഓർമ്മിക്കേണ്ട വസ്തുതകൾ

• മനുഷ്യന്റെ ആവശ്യങ്ങൾ നിറവേറ്റാൻ ഉപയോഗിക്കുന്നതും പരിസ്ഥിതിയിൽ ലഭ്യമായതും സാങ്കേതികമായി പ്രാപ്യമായതും സാംസ്കാരികമായി സ്വീകാര്യവുമായ ഏതൊന്നിനെയും വിഭവം എന്നുവിളിക്കാം.
• മനുഷ്യർ തന്റെ കഴിവ്, നൈപുണി, സാങ്കേതികവിദ്യ എന്നിവ പ്രയോജനപ്പെടുത്തി ധാരാളം വിഭവങ്ങൾ രൂപപ്പെടുത്തുന്നതിനാൽ മനുഷ്യരെയും വിഭവമായി പരിഗണിക്കാം.
• വിഭവങ്ങളെ പ്രകൃതിവിഭവങ്ങൾ എന്നും മനുഷ്യ നിർമിത വിഭവങ്ങളെന്നും രണ്ടായി തരംതിരിക്കാം.
• ഉദ്ഭവം, പുനഃസ്ഥാപന ശേഷി, ഉടമസ്ഥത, വികസനത്തിന്റെ അവസ്ഥ എന്നിവയുടെ അടിസ്ഥാനത്തിലും വിഭവങ്ങളെ പലതായി തരംതിരിക്കാം.
• ഉദ്ഭവത്തിന്റെ അടിസ്ഥാനത്തിൽ വിഭവങ്ങളെ ജൈവവിഭവങ്ങൾ എന്നും അജൈവവിഭവങ്ങൾ എന്നും രണ്ടായി തരംതിരിക്കാം.
• പുനഃസ്ഥാപന ശേഷിയുടെ അടിസ്ഥാനത്തിൽ വിഭവങ്ങളെ പുനഃസ്ഥാപിക്കാൻ കഴിയുന്ന വിഭവങ്ങൾ എന്നും പുനഃസ്ഥാപിക്കാൻ കഴിയാത്ത വിഭവങ്ങൾ എന്നും രണ്ടായി തരംതിരിക്കാം.
• വിഭവവികസനത്തിന്റെ അടിസ്ഥാനത്തിൽ വിഭവങ്ങളെ സാധ്യതയുള്ള വിഭവങ്ങൾ, വികസിത വിഭവങ്ങൾ എന്നിങ്ങനെ തരംതിരിക്കാം.
• പ്രകൃതിയിൽ നിന്നും ലഭിക്കുന്നതും മനുഷ്യർക്ക് ഉപയോഗപ്രദവുമായ പദാർഥങ്ങളോ വസ്തുക്കളോ ഊർജ രൂപങ്ങളോ ആണ് പ്രകൃതിവിഭവങ്ങൾ.
• സ്വാഭാവികാവസ്ഥയിൽ പ്രകൃതിയിൽ നിന്നും ലഭ്യമായിട്ടുള്ള മൂല്യവത്തായ വിഭവങ്ങളാണ് പ്രകൃതി വിഭവങ്ങൾ. അവ മനുഷ്യരാൽ സൃഷ്ടിക്കപ്പെടുന്നതല്ല.
• പൊതുവെ ലോഹധാതുക്കളിൽ നിന്നും നിരവധി ലോഹങ്ങൾ വേർതിരിച്ചെടുക്കുകയും അവ വ്യത്യസ്ത ആവശ്യങ്ങൾക്കായി പ്രയോജനപ്പെടുത്തുകയും ചെയ്യുന്നു.
• മാംഗനീസ് സംയുക്തങ്ങൾ ഔഷധങ്ങളുടെ നിർമ്മാണത്തിനുപോലും ഉപയോഗിക്കാറുണ്ട്.
• വീടുകളും വാണിജ്യ സ്ഥാപനങ്ങളും വെളിച്ചം ഉൽപാദിപ്പിക്കുന്നതിനും ഉപകരണങ്ങൾക്ക് ഊർജം പകരുന്നതിനും വൈദ്യുതി ഉപയോഗിക്കുന്നു.
• എല്ലാ ഫോസിൽ ഇന്ധനങ്ങളും പുനരുല്പാദിപ്പിക്കാൻ സാധിക്കാത്ത ഊർജസ്രോതസ്സുകളാണ്.
• ലോകഊർജ സംരക്ഷണദിനം ഡിസംബർ 14
• ദൈനദിന ജീവിതത്തിൽ നമുക്ക് ആവശ്യമായ എല്ലാ വിഭവങ്ങൾക്കും അടിസ്ഥാനപരമായി നാം ഭൂമിയോട് കടപ്പെട്ടിരിക്കുന്നു.
• ജനസംഖ്യ ഉയരുന്നതും വിഭവങ്ങളുടെ ആവശ്യകത വർധിക്കുന്നതും കാരണം നാം ഭൗമ വ്യവസ്ഥയെ ഗൗരവതരമായ തരത്തിൽ ചൂഷണം ചെയ്തുകൊണ്ടിരിക്കുന്നു.
• വിഭവോപഭോഗത്തിനും വികസനത്തിനുമിടയിൽ ഒരു സന്തുലനം നിലനിർത്തുന്നതിനെക്കുറിച്ച് ചിന്തിക്കേണ്ട സമയമാണിത്.
• ഭാവി തലമുറയ്ക്ക് അവരുടെ ആവശ്യങ്ങൾ നിർവഹിക്കുന്നതിനുള്ള കഴിവിന് കോട്ടം തട്ടാതെ വർത്തമാനകാല ആവശ്യങ്ങൾ നിറവേറാൻ സാധിക്കുന്ന രീതിയിലുള്ള വികസനമാണ് സുസ്ഥിര വികസനം.

ആമുഖം

ഈ അധ്യായം സുസ്ഥിര വിഭവപരിപാലനത്തിന്റെ (Sustainable Resource Management) പ്രാധാന്യം വരച്ചു കാട്ടുന്നു. അമിതമായ വിഭവചൂഷണം ഒരു പ്രദേശത്തെ എങ്ങനെ പാരിസ്ഥിതിക ദുരന്തത്തിലേക്ക് നയിക്കുന്നു എന്നതിന് ഉദാഹരണമായി, കാർഷികാവശ്യങ്ങൾക്കായി നദികളെ വഴിതിരിച്ചുവിട്ടതിന്റെ ഫലമായി അരൽ കടൽ മരുഭൂമിയായി മാറിയ സംഭവം ഇതിൽ വിവരിക്കുന്നു. മനുഷ്യന്റെ ആവശ്യങ്ങൾ നിറവേറ്റാൻ കഴിയുന്ന, പരിസ് ഥിതിയിൽ ലഭ്യമായ, സാങ്കേതികമായി പ്രാപ്യമായ എന്തിനെയും വിഭവം എന്ന് വിളിക്കാം എന്ന് നിർവചി ക്കുന്നതോടൊപ്പം, വിഭവങ്ങളെ അവയുടെ ഉദ്ഭവം, പുനഃസ്ഥാപന ശേഷി, ഉടമസ്ഥത തുടങ്ങിയ അടിസ്ഥാ നങ്ങളിൽ വിശദമായി തരംതിരിക്കുന്നു. ധാതുവിഭവങ്ങൾ, ഊർജ്ജവിഭവങ്ങൾ എന്നിവയുടെ പ്രാധാന്യവും അവയുടെ സംരക്ഷണത്തിന്റെ ആവശ്യകതയും ഈ പാഠഭാഗം സമഗ്രമായി ചർച്ച ചെയ്യുന്നു.

വിഭവങ്ങൾ
• മനുഷ്യന്റെ ആവശ്യങ്ങൾ നിറവേറ്റാൻ ഉപയോഗിക്കുന്നതും പരിസ്ഥിതിയിൽ ലഭ്യമായതും സാങ്കേതികമായി പ്രാപ്യമായതും സാംസ്കാരികമായി സ്വീകാര്യവുമായ ഏതൊന്നിനെയും വിഭവം എന്നുവിളിക്കാം.

വിഭവങ്ങൾ മനുഷ്യ പ്രയത്നത്തിന്റെ ഫലമായി രൂപപ്പെടുന്നവയാണ്. അതിനാൽ മനുഷ്യർ വിഭവരൂപീകരണത്തിന്റെ അവശ്യ ഘടകമാണ്. നാം നമ്മുടെ പരിസ്ഥിതിയിൽ ലഭ്യമായവയെ വിഭവങ്ങളാക്കി മാറ്റുകയും അവയെ ഉപയോഗിക്കുകയും ചെയ്യുന്നു. മനുഷ്യർ തന്റെ കഴിവ്, നൈപുണി, സാങ്കേതികവിദ്യ എന്നിവ പ്രയോജനപ്പെടുത്തി ധാരാളം വിഭവങ്ങൾ രൂപപ്പെടുത്തുന്നതിനാൽ മനുഷ്യരെയും വിഭവമായി പരിഗണിക്കാം. വിഭവങ്ങളെ പ്രകൃതിവിഭവങ്ങൾ എന്നും മനുഷ്യ നിർമിത വിഭവങ്ങളെന്നും രണ്ടായി തരംതിരിക്കാം. ഉദ്ഭവം, പുനഃസ്ഥാപന ശേഷി, ഉടമസ്ഥത, വികസനത്തിന്റെ അവസ്ഥ എന്നിവയുടെ അടിസ്ഥാനത്തിലും വിഭവങ്ങളെ പലതായി തരംതിരിക്കാം.

ജൈവവിഭവങ്ങളും അജൈവവിഭവങ്ങളും
ഉദ്ഭവത്തിന്റെ അടിസ്ഥാനത്തിൽ വിഭവങ്ങളെ ജൈവവിഭവങ്ങൾ എന്നും അജൈവവിഭവങ്ങൾ എന്നും രണ്ടായി തരംതിരിക്കാം.

• ജൈവമണ്ഡലത്തിന്റെ ഭാഗമായതും മനുഷ്യന് പ്രയോജനപ്പെടുത്താവുന്ന ജീവനുള്ള ഏതൊന്നും ജൈവവിഭവമാണ്. മനുഷ്യർ, സസ്യജന്തുജാലങ്ങൾ എന്നിവ ജൈവവിഭവങ്ങളാണ്.
• ജീവനില്ലാത്ത വസ്തുക്കളാൽ നിർമ്മിതമായ വിഭവങ്ങളാണ് അജൈവ വിഭവങ്ങൾ. ഉദാ: ധാതുക്കൾ, ലോഹങ്ങൾ, ശിലകളും പാറകളും, ജലം, വായു.

പുനഃസ്ഥാപിക്കാൻ കഴിയുന്ന വിഭവങ്ങളും പുനഃസ്ഥാപിക്കാൻ കഴിയാത്ത വിഭവങ്ങളും
പുനഃസ്ഥാപന ശേഷിയുടെ അടിസ്ഥാനത്തിൽ വിഭവങ്ങളെ പുനഃസ്ഥാപിക്കാൻ കഴിയുന്ന വിഭവങ്ങൾ എന്നും പുനഃസ്ഥാപിക്കാൻ കഴിയാത്ത വിഭവങ്ങൾ എന്നും രണ്ടായി തരംതിരിക്കാം.

പുനഃസ്ഥാപിക്കാൻ കഴിയുന്ന വിഭവങ്ങൾ
ഭൗതികമോ രാസികമോ ആയ പ്രക്രിയകളിലൂടെ പ്രകൃതിയിൽ തുടർച്ചയായി ഉൽപാദിപ്പിക്കപ്പെടുന്നതോ പുനഃസ്ഥാപിക്കപ്പെടുന്നതോ ആയ വിഭവങ്ങളാണിവ. ഇവയിൽ പലതും ഉപയോഗാനന്തരം തീർന്നുപോകാ അതും വീണ്ടും ഉപയോഗയോഗ്യവുമാണ്. അമിതമായി ഉപയോഗിക്കാത്തിടത്തോളം സുസ്ഥിരമായി നിലനിൽക്കുന്ന വിഭവങ്ങളാണിവ. മനുഷ്യന് എപ്പോഴും സുലഭമായി ലഭിക്കുന്നവയാണ് പുനഃസ്ഥാപിക്കാൻ കഴിയുന്ന വിഭവങ്ങളിൽ മിക്കവയും. ഉദാ: സൗരോർജം, കാറ്റ്, ജലവൈദ്യുതി, ജലം.

പുനഃസ്ഥാപിക്കാൻ കഴിയാത്ത വിഭവങ്ങൾ
നാം ശ്വസിക്കുന്ന വായു, സൗരോർജം എന്നിവ പരിധിയില്ലാത്ത അളവിൽ ലഭ്യമാണ്. എന്നാൽ കൽക്കരി, പെട്രോളിയം, പ്രകൃതിവാതകങ്ങൾ തുടങ്ങിയ വിഭവങ്ങൾ ദശലക്ഷക്കണക്കിന് വർഷങ്ങൾകൊണ്ട് രൂപപ്പെട്ടതും ഉപയോഗത്തിനനുസരിച്ച് അളവ് കുറയുന്നതുമായ വിഭവങ്ങളാണിവ. ധാതുക്കൾ, ഫോസിൽ ഇന്ധനങ്ങൾ തുടങ്ങി യവ ഇവയ്ക്ക് ഉദാഹരങ്ങളാണ്. ലോഹങ്ങൾ പോലുള്ള ചില വിഭവങ്ങൾ പുനരുപയോഗിക്കാവുന്നവയാണ് എന്നാൽ ഫോസിൽ ഇന്ധനങ്ങൾ പോലുള്ളവ പുനരുപയോഗിക്കാൻ കഴിയില്ല, മാത്രവുമല്ല ഉപയോഗ ത്തിനനുസരിച്ച് അവ തീർന്നുപോകുകയും ചെയ്യുന്നു.

ഉടമസ്ഥയുടെ അടിസ്ഥാനത്തിലുള്ള വിഭവങ്ങൾ

സാധ്യതയുള്ള വിഭവങ്ങളും, വികസിത വിഭവങ്ങളും
വിഭവവികസനത്തിന്റെ അടിസ്ഥാനത്തിൽ വിഭവങ്ങളെ സാധ്യതയുള്ള വിഭവങ്ങൾ, വികസിത വിഭവങ്ങൾ എന്നിങ്ങനെ തരംതിരിക്കാം.

• സാധ്യതയുള്ള വിഭവങ്ങൾ എന്നത് ഒരു പ്രദേശത്ത് കാണപ്പെടുന്നതും എന്നാൽ ഉപയോഗിക്കപ്പെടാ ത്തതുമായ വിഭവങ്ങളാണ്.
  ഉദാ: രാജസ്ഥാനിലും ഗുജറാത്തിലും കാറ്റ്, സൗരോർജ്ജം എന്നിവയിൽ നിന്നും ഊർജം ഉൽപാദിപ്പി ക്കുവാൻ ഏറെ സാധ്യതകളാണുള്ളത്. എന്നാൽ അവ നാമമാത്രമായേ ഊർജോൽപാദനത്തിനായി ഇപ്പോൾ പ്രയോജനപ്പെടുത്തുന്നുള്ളൂ.
• ഉപയോഗത്തിനായി സർവെ ചെയ്ത് അവയുടെ ഗുണനിലവാരവും അളവും നിർണ്ണയിക്കപ്പെട്ടിട്ടുള്ള വിഭവ ങ്ങളാണ് വികസിത വിഭവങ്ങൾ. ഇത്തരം വിഭവങ്ങൾ പ്രയോജനപ്പെടുത്തുവാൻ മതിയായ സാങ്കേതിക വിദ്യയും വികസിപ്പിക്കുന്നു. വിഭവങ്ങളുടെ വികസനം സാങ്കേതികവിദ്യയെയും അവയുടെ സാധ്യതയെയും ആശ്രയിച്ചിരിക്കുന്നു.
• മനുഷ്യന്റെ ആവശ്യങ്ങൾ നിറവേറ്റാൻ കഴിവുള്ളതും എന്നാൽ അവ പ്രയോജനപ്പെടുത്തുവാൻ മനുഷ്യർക്ക് ഉചിതമായ സാങ്കേതികവിദ്യയില്ലാത്തതുമായ വസ്തുക്കളെ സ്റ്റോക്കുകൾ എന്നാണ് വിളിക്കുന്നത്.
• ഹൈഡ്രജനെ ഒരു സമ്പന്നമായ ഊർജസ്രോതസ്സായി പ്രയോജനപ്പെടുത്താവുന്നതാണ്. എന്നാൽ അത് ഒരു വിഭവമായി ഉപയോഗിക്കുന്നതിന് നൂതന സാങ്കേതികവിദ്യ വികസിപ്പിച്ചിട്ടില്ല. ഇത്തരത്തിൽ ഭാവിയിൽ പ്രയോജനപ്പെടുത്താവുന്ന ധാരാളം ഊർജ്ജസ്രോതസ്സുകൾ പ്രകൃതിയിലുണ്ട്.

പ്രകൃതിവിഭവങ്ങൾ

• പ്രകൃതിയിൽ നിന്നും ലഭിക്കുന്നതും മനുഷ്യർക്ക് ഉപയോഗപ്രദവുമായ പദാർഥങ്ങളോ വസ്തുക്കളോ ഊർജ രൂപങ്ങളോ ആണിവ.
• സ്വാഭാവികാവസ്ഥയിൽ പ്രകൃതിയിൽ നിന്നും ലഭ്യമായിട്ടുള്ള മൂല്യവത്തായ വിഭവങ്ങളാണ് പ്രകൃതി വിഭവങ്ങൾ. അവ മനുഷ്യരാൽ സൃഷ്ടിക്കപ്പെടുന്നതല്ല.

വായു, ജലം, മണ്ണ്, ധാതുക്കൾ, സസ്യങ്ങൾ, മൃഗങ്ങൾ, ഫോസിൽ ഇന്ധനങ്ങൾ തുടങ്ങിയവയൊക്കെ പ്രകൃതി വിഭവങ്ങളാണ്. ഗാർഹികവും കാർഷികവും വ്യാവസായികവുമായ ആവശ്യങ്ങൾക്കായും ഊർജ്ജ ആവശ്യങ്ങൾക്കായും നാം പ്രകൃതി വിഭവങ്ങളെ ആശ്രയിക്കുന്നു.

പ്രകൃതി വിഭവങ്ങളെ ഭൂമിയിൽ അവയുടെ വിതരണക്രമത്തിന്റെ അടിസ്ഥാനത്തിൽ എല്ലായിടത്തും കാണപ്പെടുന്ന വിഭവങ്ങൾ എന്നും പ്രാദേശികവൽക്കരിക്കപ്പെട്ട വിഭവങ്ങൾ എന്നും രണ്ടായി തരം തിരിച്ചിരിക്കുന്നു. എല്ലായിടത്തും കാണപ്പെടുന്ന വിഭവങ്ങൾ ഉദാഹരണമാണ് വായു, സൗരോർജം, ജലം തുടങ്ങിയവ എന്നാൽ പ്രാദേശികവൽക്കരിക്കപ്പെട്ട വിഭവങ്ങൾ ലോകത്തിന്റെ ചില ഭാഗങ്ങളിൽ മാത്രമേ കാണപ്പെടുന്നുള്ളു. ഉദാഹരണത്തിന് ലോഹ അയിരുകളും ഫോസ്സിൽ ഇന്ധനങ്ങൾ തുടങ്ങിയവ.

പ്രകൃത്യാ രൂപപ്പെട്ടതും നിയതമായ രാസഭൗതിക സവിശേഷതകളോടുകൂടിയതും കാർബണികമോ അകാർ ബണികമോ ആയ പദാർഥങ്ങളാണ് ധാതുക്കൾ. ആറ്റങ്ങൾ ഒരു നിശ്ചിത രീതിയിൽ ക്രമീകരിക്കപ്പെട്ടിട്ടുള്ള രാസ സംയുക്തങ്ങളാണ് ധാതുക്കൾ. ഭൂരിഭാഗം ധാതുക്കളും രണ്ടോ അതിലധികമോ മൂലകങ്ങൾ കൂടിച്ചേർന്നാണ് രൂപംകൊള്ളുന്നത്. വളരെ കുറച്ച് മൂലകങ്ങൾ മാത്രമേ പ്രകൃതിയിൽ മൂലകാവസ്ഥയിൽ കാണപ്പെടുന്നുള്ളൂ. ഒരു രാജ്യത്തിലെ മനുഷ്യന്റെ ക്ഷേമവും ശാസ്ത്ര സാങ്കേതിക വിദ്യയുടെ പുരോഗതിയും സാമ്പത്തിക വികസനവും ഒരു പരിധിവരെ ധാതു ലഭ്യതയെ ആശ്രയിച്ചിരിക്കുന്നു.

ധാതുക്കൾ
പൊതുവെ ലോഹധാതുക്കളിൽ നിന്നും നിരവധി ലോഹങ്ങൾ വേർതിരിച്ചെടുക്കുകയും അവ വ്യത്യസ്ത ആവശ്യങ്ങൾക്കായി പ്രയോജനപ്പെടുത്തുകയും ചെയ്യുന്നു. വറചട്ടി മുതൽ ചലനശക്തിയുള്ള യന്ത്രങ്ങൾ വരെ ഇരുമ്പുപയോഗിച്ച് നിർമ്മിച്ചെടുക്കുന്നു. ഉരുക്കിനേക്കാൾ ഉറപ്പും എന്നാൽ ഉരുക്കിന്റെ പകുതിമാത്രം ഭാരമുള്ളതുമായ ടൈറ്റാനിയം വിമാനങ്ങൾ, ജെറ്റ് എൻജിൻ, മിസൈലുകൾ തുടങ്ങി ബഹിരാകാശ വാഹനങ്ങൾ വരെ നിർമ്മിക്കാൻ ഉപയോഗിക്കുന്നു. അമൂല്യ ധാതുവായ സ്വർണ്ണം ആഭരണങ്ങൾ നിർമ്മിക്കുന്നതിനും ഇലക്ട്രോണിക് സാങ്കേതിക വിദ്യയിലും ബഹിരാകാശ സാങ്കേതികവിദ്യയിലും ഉപയോഗിക്കുന്നു. ലോഹങ്ങൾ മാത്രമല്ല അവയുടെ മിശ്രിതങ്ങളും സംയുക്തങ്ങളും വ്യാവസായികമായും കാർഷികമായും പ്രയോജനപ്പെടുത്തുന്നു. മാംഗനീസ് സംയുക്തങ്ങൾ ഔഷധങ്ങളുടെ നിർമ്മാണത്തിനു പോലും ഉപയോഗിക്കാറുണ്ട്. അലോഹ ധാതുക്കൾക്ക് പൊതുവെ ലോഹ ധാതുക്കളുടെ മാത്രം പ്രത്യേകതയായ ലോഹ തിളക്കമില്ല. അസംസ്കൃത വസ്തുവായോ മറ്റ് ധാതുക്കളുടെ കൂടെയോ നിരവധി വ്യാവസായിക ആവശ്യങ്ങൾക്കായി അവയെ പ്രയോജനപ്പെടുത്തുന്നു.

വൈവിധ്യമാർന്ന ലോഹധാതുക്കളാൽ സമ്പന്നമാണ് നമ്മുടെ ഭൂമി. നാം ഉപയോഗിക്കുന്ന ലോഹങ്ങളും അവയുടെ പ്രധാനപ്പെട്ട അയിരുകളുമാണ് ചുവടെ നൽകിയിട്ടുള്ളത്.

ഇരുമ്പ്

• ലോകത്തിലെ ഏറ്റവും വലിയ ഇരുമ്പ് ഖനിയാണ് കാര ജാസ് (Carajas mine).
• തെക്കേ അമേരിക്കൻ രാജ്യമായ ബ്രസീലിലാണ് ഈ ഖനി സ്ഥിതി ചെയ്യുന്നത്. ദൈനദിന ജീവിതത്തിൽ ഒഴിച്ചു കൂടാനാവാത്ത ഒരു ലോഹമാണ് ഇരുമ്പ്.
• മാനവപുരോഗതിയുടെ വിവിധ ഘട്ടങ്ങളിൽ ഇരുമ്പിന്റെ പ്രാധാന്യം എത്രമാത്രമാണെന്ന് നിങ്ങൾക്ക് ഊഹിക്കാവുന്നതേയുള്ളൂ.
• ഓസ്ട്രേലിയ, ബ്രസീൽ, റഷ്യ തുടങ്ങിയ രാജ്യങ്ങളിൽ വൻ ഇരുമ്പയിര് ശേഖരം കാണപ്പെടുന്നു. ഇന്ത്യയും ഒരു പ്രധാന ഇരുമ്പ് ഉൽപാദക രാജ്യമാണ്.

ചെമ്പ്

• മനുഷ്യർ ഉപയോഗിച്ചിരുന്ന ആദ്യകാല ലോഹങ്ങളിൽ ഒന്നായിരുന്നു ചെമ്പ്.
• പ്രകൃതിയിൽ താരതമ്യേന ശുദ്ധമായ അവസ്ഥയിൽ കണ്ടെത്തിയിരുന്നതിനാൽ അത് എളുപ്പത്തിൽ സംസ്കരിച്ചെടുക്കുവാനും ഉപയോഗിക്കുവാനും സാധിച്ചിരുന്നു.
• ആദിമ മനുഷ്യർ അലങ്കാര ആവശ്യങ്ങൾക്കും ഉപകരണങ്ങൾ നിർമ്മിക്കുന്നതിനും ആയുധങ്ങൾക്കു വേണ്ടിയുമാണ് ചെമ്പ് ഉപയോഗിച്ചിരുന്നത്.
• എന്നാൽ ഇന്ന് വയറുകൾ, ഇലക്ട്രിക് മോട്ടോറുകൾ, ട്രാൻസ് ഫോർമറുകൾ, ജനറേറ്ററുകൾ എന്നിവ നിർമ്മിക്കുന്നതിന് വൈദ്യുത വ്യവസായത്തിൽ ഒഴിച്ചുകൂടാനാവാത്ത ഒരു ലോഹമായി മാറിയിരിക്കുകയാണ് ചെമ്പ്.

ഇരുമ്പ്, ചെമ്പ് എന്നീ ലോഹങ്ങൾക്കു പുറമേ മനുഷ്യന് വളരെയേറെ ഉപകാരപ്രദമായ മറ്റു പല ലോഹങ്ങളുമുണ്ട്. വൈദ്യതി കമ്പികൾ, മോട്ടോർ വാഹനങ്ങൾ, വിമാനങ്ങൾ, ക്യാനുകൾ, കെട്ടിട നിർമ്മാണം തുടങ്ങി വിവിധങ്ങളായ ആവശ്യങ്ങൾക്കായി അലുമിനിയം ഉപയോഗിക്കുന്നു. ലോഹസംസ്ക്കരണത്തിനും സ്റ്റീൽ നിർമ്മാണത്തിനും മാംഗനീസ് ഒഴിച്ചുകൂടാനാവാത്ത ഒരു വസ്തുവാണ്. ബാറ്ററികളിലും സെറാമിക് ഉല്പന്നങ്ങളിലും ഈയം ഉപയോഗിക്കുന്നു. സ്റ്റെയിൻലെസ് സ്റ്റീൽ നിർമ്മാണത്തിന് ക്രോമിയം എന്ന ലോഹം അത്യാവശ്യമാണ്.

ഊർജവിഭവങ്ങൾ

• വീടുകളും വാണിജ്യ സ്ഥാപനങ്ങളും വെളിച്ചം ഉൽപാദിപ്പിക്കുന്നതിനും ഉപകരണങ്ങൾക്ക് ഊർജം പകരുന്നതിനും വൈദ്യുതി ഉപയോഗിക്കുന്നു.
• താപം ഉൽപാദിപ്പിക്കാനും വസ്തുക്കളെ ചലിപ്പിക്കാനും വൈദ്യുതി ഉൽപാദിപ്പിക്കാനും കഴിയുന്ന ഏതൊരു വസ്തുവിനെയും ഊർജസ്രോതസ്സ് എന്ന് വിളിക്കുന്നു. രാസമാറ്റത്തിലൂടെ ഊർജം പുറത്തുവിടുന്ന ഏതൊരു വസ്തുവിനെയും ഇന്ധനം എന്നും വിളിക്കാം.

പുനരുൽപാദിപ്പിക്കാൻ കഴിയാത്ത ഊർജസ്രോതസ്സുകളിൽ ഉൾപ്പെടുന്നതും എന്നാൽ ഏറെ പ്രാധാന്യമു ള്ളതുമായ ഊർജസ്രോതസ്സുകളാണ് ഫോസിൽ ഇന്ധനങ്ങൾ. പുരാതന സസ്യജന്തുജീവികളുടെ ഫോസിൽ അവശിഷ്ടങ്ങളിൽ നിന്ന് ഉദ്ഭവിക്കുന്ന ഇന്ധനങ്ങളാണ് ഫോസിൽ ഇന്ധനങ്ങൾ.

കൽക്കരി

• സസ്യാവശിഷ്ടങ്ങളിൽ നിന്നും ഉടലെടുത്തതും ഉയർന്ന കാർബണിക സ്വഭാവം പുലർത്തുന്നതുമായ ശിലാപടലങ്ങളെ പൊതുവായി കൽക്കരി എന്ന് വിളിക്കുന്നു.
• കറുപ്പോ തവിട്ടോ നിറങ്ങളിൽ അവസാദ കാർബൺ സമ്പുഷ്ടമായ നിക്ഷേപങ്ങളാണിവ. ലോഹസംസ്കര ണത്തിനായുള്ള ഇന്ധനമായി കൽക്കരി പ്രയോജനപ്പെടുത്തുന്നു.
• മെഴുക്, തൈലങ്ങൾ, ഔഷധങ്ങൾ, കീടനാശിനികൾ, നിറക്കൂട്ടുകൾ എന്നിവ നിർമ്മിക്കുന്നതിനായുള്ള രാസിക അസംസ്കൃത വസ്തുവായും കൽക്കരി പ്രയോജനപ്പെടുത്തുന്നു.
• നീരാവിയിൽ നിന്നും ഉത്പാദിപ്പിക്കപ്പെടുന്ന താപവൈദ്യതിയുടെ പ്രധാന ഊർജസ്രോതസ്സായും കൽക്കരി ഉപയോഗിക്കുന്നു.

പെട്രോളിയം

• സുഷിരങ്ങളിൽ നിന്നും പ്രകൃതിവാതകം കത്തിയുണ്ടാകുന്ന തീ പരിശുദ്ധമെന്ന് കരുതി പുരാതന മനുഷ്യൻ പൂജിച്ചിരുന്നു.
• വള്ളങ്ങളിൽ വെള്ളം കടക്കാതിരിക്കാനുള്ള അരക്കായും വീടുകളിൽ തണുപ്പുകാലങ്ങളിൽ ചൂട് ക്രമീകരിക്കുന്നതിനും ആസ്ഫാൾട്ട് (ടാർ മഷി) പണ്ട് ഉപയോഗിച്ചിരുന്നു.
• ഈജിപ്തിൽ പിരമിഡുകൾ നിർമ്മിക്കുന്നതിനും മമ്മികൾ കേടാകാതെ സൂക്ഷിക്കാനും ഇത് ഉപയോഗിച്ചിരുന്നു.
• ശിലകളിൽനിന്നും ഉദ്ഭവിക്കുന്നതിനാലാണ് ഈ ഫോസിൽ ഇന്ധനത്തിന് ശിലതൈലം എന്നർഥം വരുന്ന പെട്രോളിയം എന്ന പേര് ലഭിച്ചത്.
• പ്രകൃതിദത്തമായി ലഭിക്കുന്ന സങ്കീർണ്ണ ദ്രാവക മിശ്രിതമായ പെട്രോളിയം കറുത്തപൊന്ന് എന്നും അറിയപ്പെടുന്നു.

എല്ലാ ഫോസിൽ ഇന്ധനങ്ങളും പുനരുല്പാദിപ്പിക്കാൻ സാധിക്കാത്ത ഊർജസ്രോതസ്സുകളാണ്. ലോകത്ത് ആദ്യമായി ഉപയോഗിച്ച ഫോസിൽ ഇന്ധനം കൽക്കരിയാണെന്ന് ചരിത്ര രേഖകൾ സൂചിപ്പിക്കുന്നു. ലോഹ അയിരുകളെ വേർതിരിക്കാനായി ചൂളകളിൽ ഇത് ഇന്ധനമായി ഉപയോഗിക്കുന്നു. വാണിജ്യാവശ്യങ്ങൾക്കായി പെട്രോളിയം ഉപയോഗിച്ച് തുടങ്ങിയത് 19-ാം നൂറ്റാണ്ടിലാണ്. ഇതിന്റെ ഉപയോഗം ഇന്ന് കൂടിവരികയാണ്. നാം വൻതോതിൽ ഉപയോഗിക്കുന്ന മറ്റൊരു ഫോസിൽ ഇന്ധനമാണ് പ്രകൃതിവാതകം പ്രത്യേകിച്ചും ഗാർഹിക മേഖലയിൽ. ഫോസിൽ ഇന്ധനങ്ങൾ ലഭ്യമല്ലാതായാൽ എല്ലാ വികസനപ്രവർത്തനങ്ങളും സ്തംഭിക്കും. പുന മുല്പാദിപ്പിക്കാൻ കഴിയാത്ത ഇത്തരം ഊർജസ്രോതസ്സുകളുടെ അനിയന്ത്രിതമായ ഉപഭോഗം വലിയ ഊർജപ്രതിസന്ധികൾ സൃഷ്ടിക്കും.

പ്രധാന പാരമ്പര്യേതര ഊർജവിഭവങ്ങളെക്കുറിച്ചും അവ എങ്ങനെ നമ്മുടെ ഊർജാവശ്യങ്ങൾ നിറവേറ്റുന്നു വെന്നും നമുക്ക് പരിശോധിക്കാം.

ഊർജസംരക്ഷണം

• ലോകഊർജ സംരക്ഷണദിനം ഡിസംബർ 14
• ദൈനദിന ജീവിതത്തിൽ നമുക്ക് ആവശ്യമായ എല്ലാ വിഭവങ്ങൾക്കും അടിസ്ഥാനപരമായി നാം ഭൂമിയോട് കടപ്പെട്ടിരിക്കുന്നു.
• ജനസംഖ്യ ഉയരുന്നതും വിഭവങ്ങളുടെ ആവശ്യകത വർധിക്കുന്നതും കാരണം നാം ഭൗമ വ്യവസ്ഥയെ ഗൗരവതരമായ തരത്തിൽ ചൂഷണം ചെയ്തുകൊണ്ടിരിക്കുന്നു.
• വിഭവോപഭോഗത്തിനും വികസനത്തിനുമിടയിൽ ഒരു സന്തുലനം നിലനിർത്തുന്നതിനെക്കുറിച്ച് ചിന്തിക്കേണ്ട സമയമാണിത്.
• പ്രകൃതി വിഭവസംരക്ഷണം എന്ന ആശയത്തിലേക്ക് ഇത് നമ്മെ നയിക്കുന്നു. ഭൂമിയ്ക്ക് സ്വയം പുനരുൽ പാദിപ്പിക്കാൻ ശേഷി കൈവരിക്കത്തക്ക വിധത്തിൽ ഭൂമിയെ തന്നെ സംരക്ഷിക്കുക എന്നതാണ് വളരെ വിശാലമായി പ്രകൃതി വിഭവ സംരക്ഷണം എന്നതുകൊണ്ട് അർഥമാക്കുന്നത്.

ആവാസവ്യവസ്ഥയ്ക്ക് കോട്ടം തട്ടാതെയും ആഗോള കാലാവസ്ഥയെ ബാധിക്കാതെയും പ്രകൃതിവിഭവങ്ങൾ പ്രയോജനപ്പെടുത്തുക എന്നതാണ് മനുഷ്യനിലനില്പിന് അത്യന്താ പേഷിതമായിട്ടുള്ളത്. സൗരോർജം കാറ്റ്, ജല വൈദ്യുതി, ഭൗമതാപോർജം തുടങ്ങിയ ഊർജസ്രോതസ്സുകൾ വികസിപ്പിക്കുകയും എന്നാൽ ദൗർലഭ്യം നേരിടുന്നതും വീണ്ടെടുക്കാൻ ചെലവേറി യതും പാരിസ്ഥിതിക പ്രത്യാഘാതങ്ങൾ സൃഷ്ടിക്കുന്നതുമായ ഫോസിൽ ഇന്ധനങ്ങൾ പോലുള്ളവയുടെ ഉപയോഗം കുറയ്ക്കുകയും വേണം.

♦ ഭാവി തലമുറയ്ക്ക് അവരുടെ ആവശ്യങ്ങൾ നിർവഹിക്കുന്നതിനുള്ള കഴിവിന് കോട്ടം തട്ടാതെ വർത്തമാനകാല ആവശ്യങ്ങൾ നിറവേറാൻ സാധിക്കുന്ന രീതിയിലുള്ള വികസനമാണ് സുസ്ഥിര വികസനം.

സുസ്ഥിര വികസന ലക്ഷ്യങ്ങളെ കൈവരിക്കുന്നതിനും ഭൂമിയെ കാത്തുരക്ഷിക്കാനും നല്ലൊരു നാളേയ്ക്കായ് വിഭവങ്ങൾ സംരക്ഷിക്കുന്നതിനുമുള്ള പ്രവർത്തനങ്ങളിൽ ഏർപ്പെട്ട് നമുക്ക് മുന്നേറാം.