Students can use SSLC Malayalam Kerala Padavali Notes Unit 3 Chapter 1 മണ്ണും മനുഷ്യനും Mannum Manushyanum Summary in Malayalam Pdf to grasp the key points of a lengthy text.
Class 10 Malayalam Mannum Manushyanum Summary
Mannum Manushyanum Class 10 Summary
Class 10 Malayalam Kerala Padavali Unit 3 Chapter 1 മണ്ണും മനുഷ്യനും Summary
ഗ്രന്ഥകാരപരിചയം
ആധുനിക മലയാളസാഹിത്യത്തിലെ പ്രശസ്തനായ ഒരു ചെറുകഥാകൃത്താണ് ടി. പത്മനാഭൻ. മുഴുവൻ പേര് തിണക്കൽ പത്മനാഭൻ. കഥാസാഹിത്യത്തിന്റെ അനന്തസാധ്യതകൾ മലയാളി വായനക്കാരെ ബോധ്യപ്പെടുത്തിയ കഥാകൃത്താണ് ഇദ്ദേഹം എന്നു പറയാം. കവിതയുടെ വരമ്പത്തുകൂടി സഞ്ചരിക്കുന്നവ എന്ന് ഇദ്ദേഹത്തിന്റെ കഥകളെ വിശേഷിപ്പിക്കാറുണ്ട്. ആഖ്യാനത്തിലെ സങ്കീർണതകൾ ഒഴിവാക്കുന്ന കഥാകൃത്താണ് ഇദ്ദേഹം. ഉദാത്തമായ ലാളിത്യം ഇദ്ദേഹത്തിന്റെ കഥകളെ ശ്രദ്ധേയമാക്കുന്നു. ലളിതകൽപ്പനകളിലൂടെയും അനവദ്യസുന്ദരമായ ചമൽക്കാരങ്ങളി ലൂടെയും കഥയെഴുത്തിൽ തനതായ സരണിയും നവഭാവുകത്വവും അദ്ദേഹം സൃഷ്ടിച്ചു. സത്യം, സ്നേഹം, ദയ, സഹാനുഭൂതി, ത്യാഗം, സമത്വം, മാനവികത തുടങ്ങിയ മൂല്യങ്ങൾ ഉണർത്തുന്നവയാണ് അദ്ദേഹത്തിന്റെ കഥകളെല്ലാം.
പാഠസംഗ്രഹം
പ്രശസ്ത കഥാകാരനായ ടി. പത്മനാഭന്റെ എറെ വായിക്കപ്പെട്ട കഥയാണ് “മണ്ണും മനുഷ്യനും’. മണ്ണി നോട് മനുഷ്യർക്കുള്ള വ്യത്യസ്ത സമീപനങ്ങൾ ചർച്ചചെയ്യപ്പെടുന്ന കഥയാണിത്.
കൊച്ചിയിലെ ജോലിയിൽ നിന്നും വിരമിച്ച ശേഷം പ്രകൃതിസുന്ദരമായ ഒരു സ്ഥലം വാങ്ങി കഥാകാരൻ ഒരു വീട് നിർമ്മിച്ച് അവിടെ താമസമാക്കുന്നു. നഗരത്തിന്റെ ശബ്ദമോ ബഹളമോ ഒന്നുമില്ലാത്ത പ്രകൃതി സുന്ദ രമായ ഒരു സ്ഥലമായിരുന്നു അത്. കഥാകാരൻ താമസമായതിന് ശേഷം മറ്റു പലരും അവിടെ വന്ന് സ്ഥലം വാങ്ങി വീടു വച്ചു. കഥാകാരനെ കൂടുതൽ ആകർഷിച്ചത് തന്റെ വീടിന്റെ തൊട്ടടുത്തു തന്നെ നിർമ്മിക്കപ്പെട്ട കൊട്ടാര സദൃശ്യമായ ഒരു വീടായിരുന്നു. ഒരു ഗൾഫ് മലയാളിയുടെ വീടാണത്. ചെറുപ്പത്തിൽ തന്നെ ഗൾഫിൽപ്പോയി ധാരാളം പണമുണ്ടാക്കി. ഇപ്പോൾ ഒന്നിലധികം രാജ്യങ്ങളിൽ സ്വന്തമായി ബിസിനസ്സുണ്ട്. മക്കൾ രണ്ടുപേർ അമേരിക്കയിൽ ഉന്നതവിദ്യാഭ്യാസം ചെയ്യുന്നു. അയാളുടെ പേര് കെ. യു. നായർ. വളരെ വേഗത്തി ലാണ് വീടുപണി കഴിഞ്ഞത്. അയാളുടെ ഭാര്യ നേരത്തെ മരിച്ചുപോയി.
അമേരിക്കയിൽ പഠിക്കുന്ന മക്കൾ ഈ വീട്ടിൽ വന്ന് താമസിക്കാറില്ല. ഇത്രയും വലിയ വീടു വച്ചിട്ട് കെ.യു. നായർ അവിടെ വല്ലപ്പോഴുമൊക്കെയേ വരാറുള്ളു. ഒരു കെയർ ടേക്കറാണ് വീട് നോക്കുന്നത്. വീട് നിൽക്കുന്ന പറമ്പിൽ വീടിന് മുമ്പിലും പിമ്പിലു മുളള മരങ്ങളും ചെടികളുമൊക്കെ കെ. യു. നായർ വെട്ടി മാറ്റി. വീടിന്റെ ചുറ്റുപാടുമുള്ള മുറ്റം ആകെ ഇന്റർലോക്ക് പാകുകയും പിന്നീട് മാർബിൾ പതിക്കുകയും ചെയ്തു. വീടിന് ചുറ്റും മരങ്ങൾ ഉണ്ടായിരുന്നാൽ കാറ്റും വെളി ച്ചവുമൊന്നും കടക്കുകയില്ലെന്നാണ് കെ. യു. നായരുടെ അഭിപ്രായം. മുറ്റത്ത് ടൈൽസോ മാർബിളോ പാകിയി ല്ലെങ്കിൽ അതിഥികളായി എത്തുന്നവരുടെ കാലിൽ മണ്ണുപറ്റിയാലോ. കാഴ്ചയ്ക്ക് ഏറ്റവും ആനന്ദവും സൗന്ദ ര്യവും പ്രദാനം ചെയ്തിരുന്ന ചെമ്പകവൃക്ഷം പോലും അയാൾ കോതിയൊരുക്കി.
അപ്രകാരം മക്കളോടും മരുമക്കളോടും പേരക്കുട്ടികളോടുമൊപ്പം സുഖമായി ആ കൊട്ടാരത്തിൽ ആ ജീവനാന്തം താമസിക്കാമെന്ന് സ്വപ്നം കണ്ടിരുന്നപ്പോഴാണ് ഇടിത്തീപോലെ ഒരു വാർത്ത കെ. യു. നായർ കേൾക്കുന്നത്. തന്റെ മക്കൾ ഇനി നാട്ടിലേക്ക് വരുന്നില്ല. അമേരിക്കയിൽത്തന്നെ വിവാഹിതരായി കൂടാനാ ണ് അവരുടെ പരിപാടി. ഇതറിഞ്ഞതോടെ കെ. യു. നായർ നിരാശനും ദുഃഖിതനുമായി ശരീരം ക്ഷീണിച്ചു. ഒന്നിലും ഒരു രസവുമില്ലാതെയായി. താൻ പടുത്തുയർത്തിയ കൊട്ടാരം അയാൾക്ക് വേണ്ടാതായി. ഒരു സുപ്ര ഭാതത്തിൽ എങ്ങോട്ടെന്നില്ലാതെ അയാൾ ഇറങ്ങി നടന്നു. ഇനിയൊരു തിരിച്ചു വരവില്ലാത്ത വണ്ണം.
പ്രകൃതി സ്നേഹിയും സൗന്ദര്യോപാസകനും ശാന്തനുമായ കഥാകാരൻ വിവരമറിഞ്ഞു ഒന്നും പറയാ നാകാതെ നിന്നുപോയി. ഇതാണ് കഥയുടെ രത്നചുരുക്കം.
കഠിന പദങ്ങളും അർഥവും
നിഭൃതം = നിറഞ്ഞത്
ഇഹ = ഇവിടെ
മേ = എനിക്ക്
ഉലക് = ലോകം
നിസർഗസുന്ദരം = ജന്മനാസുന്ദരമായിട്ടുള്ളത്
കെയർടേക്കർ = കാര്യസ്ഥൻ
ബട്ലർ = പാചകക്കാരൻ
ബാ പാട അരി = ഒരിനം പൊന്നിയരി
മമത = തന്റേതാണെന്ന ഭാവം
മുഷിയുക = പിണങ്ങുക, അഴുക്കാകുക
പ്രസരിപ്പിക്കുക = വ്യാപിപ്പിക്കുക
ശിഖരം = കൊമ്പ്, ശാഖ
ഭവ്യത = വിനയം