Practicing with Kerala Padavali Malayalam Standard 9 Notes Pdf and Class 9 Malayalam പാത്തുമ്മായുടെ ആട് ഒരു സത്യമായ കഥ Pathummayude Aadu Oru Sathyamaya Katha Notes Questions and Answers improves language skills.
9th Class Malayalam Kerala Padavali Chapter 3 Question Answer Notes പാത്തുമ്മായുടെ ആട് ഒരു സത്യമായ കഥ
9th Class Malayalam Kerala Padavali Unit 1 Chapter 3 Notes Question Answer Pathummayude Aadu Oru Sathyamaya Katha
Class 9 Malayalam Pathummayude Aadu Oru Sathyamaya Katha Notes Questions and Answers
Question 1.
“പാത്തുമ്മായുടെ ആട് ഒരു സത്യമായ കഥയാണ് എന്ന് ലേഖകൻ പറയുന്നത് എന്തുകൊണ്ടാവാം? നിരീക്ഷണങ്ങൾ അവതരിപ്പിക്കുക.
Answer:
ബഷീറിന്റെ ജീവിതത്തിലെ നേർകാഴ്ചകളാണ് പത്തുമ്മയുടെ ആടിന്റെ മുഖ്യപ്രമേയം നാളുകൾക്കു ശേഷം തന്റെ വീട്ടിലേക്കു വന്ന ബഷീറിനോട് സഹോദരങ്ങളും അമ്മയും തങ്ങളുടെ ആവശ്യങ്ങൾ അവതരിപ്പിക്കുകയാണ്, നാടുചുറ്റി വളരെ ധനികനായാണ് താൻ തിരിച്ചു വന്നിരിക്കുന്നത് എന്നാണ് എല്ലാവരുടെയും വിചാരം, എന്നാൽ വീടിനു വേണ്ടി എല്ലാം ചെയ്യണമെന്ന ആഗ്രഹം ബഷീറിനുമുണ്ട്. മൂല കാരണം പണമാണ്. തന്റെ ദാരിദ്ര്യത്തെ പുരപ്പുറത്തു നിന്നും ഹാസ്യത്തിന്റെ മേമ്പൊടി ചേർത്തു വിളിച്ചു പറയുകയാണ് ബഷീർ തന്റെ ഓരോ കൃതികളിലും, ഇതിന്റെ ഇടയിൽ തന്റെ കൂടപ്പിറപ്പുകളും ഭൂമിയുടെ അവകാശികളായ സകലചരാചരങ്ങളും ബഷീറിന്റെ നോവലിലെ കഥാപാത്രങ്ങൾ ആകുന്നുണ്ട്
Question 2.
“ചന്ത കൂടിയ ബഹളമാണ് അവിടെ ഉമ്മായുടെ അഭയാർഥികളായി പാർക്കുന്ന കുറേ പൂച്ചകൾ” പ്രശാന്തി തേടിയെത്തിയ ബഷീറിനെ അശാന്തിയിലേക്ക് നയിച്ച സാഹചര്യങ്ങൾ അവതരിപ്പിച്ചിരിക്കുന്നത് എങ്ങനെയാണ്? ചർച്ചചെയ്യുക?
Answer:
തന്റെ വീട്ടിലേക്കു നാളുകൾക്കു ശേഷം ഇച്ചിരി ശാന്തി തൻ ശർക്കര നുണയാൻ കടന്നു വന്നതാണ് ബഷീർ, എന്നാൽ തന്റെ ചെറിയ വീട്ടിൽ പൂച്ചകളും ആടും പോലും അദേവാസികളാണ്. കുട്ടികളും കുട്ടികളേക്കൾ കുട്ടിത്തമുള്ള മനുഷ്യരും ഭൂമിയും ഭൂമിയിലെ ജീവജാലങ്ങളും ബഷീറിന്റെ ചിന്തകളിൽ ചിലപ്പോൾ ഒക്കെ ഭ്രാന്തു പൂക്കുന്നതിനും ചിന്തകളിൽ ഒരേ സമയം വെളിച്ചം നിറക്കുന്നതിനും കരണമാകുന്നുണ്ട്. തന്റെ വീടും വീടിന്റെ പരിസരവും ജീവ ജാലങ്ങളും അവയുടെ ചിന്തകൾ പോലും ജീവിതത്തിന്റെ ഭാഗമാകുകയാണ് ചെയ്യുന്നത്. ആ ജീവിതം തന്നെയാണ് കഥയാകുന്നത്. ആ കഥ വായിക്കുന്ന ഓരോ വായനക്കാരനും ബഷീറിന്റെ കഥാപ്രപഞ്ചത്തിനുള്ളിലേക്ക് അറിയാതെ തന്നെ കടന്നു പോവുകയും അതിൽ തന്നെ ഹൃദയം ഉടക്കി കിടക്കുകയും ചെയ്യുന്നു.
Question 3.
“ഈ ചെറിയ കൃതിയുടെ ഗഹനത സുശിക്ഷിതരായ വായനക്കാരെ എന്നും വശീകരിച്ചു കൊണ്ടിരിക്കും.”
(പ്രൊഫ. എം. കെ. സാനു
“എഴുത്തുകാരുടെ ഓരോ കാൽവയ്പിലെയും ദീർഘ ദൂരങ്ങളെ അളക്കാൻ കഴിയുന്ന വായനക്കാരെയാണ് നല്ല പുസ്തകങ്ങൾ തേടുന്നത്. പാത്തുമ്മായുടെ ആട് നമ്മെ നല്ല വായനക്കാരാക്കുന്നു.”
വീടാക്കടങ്ങൾ (ഡോ. എസ്. ശാരദക്കുട്ടി)
‘പാത്തുമ്മായുടെ ആടി’നെക്കുറിച്ചുള്ള രണ്ട് എഴുത്തുകാരുടെയും നിരീക്ഷണങ്ങൾ താരതമ്യം ചെയ്തു കുറിപ്പ് തയ്യാറാക്കുക.
Answer:
ഈ ചെറിയ കൃതിയുടെ ഗഹനത എന്ന എം. കെ. സാനു മാഷിന്റെ വാക്കുകളിൽ തന്നെ കൃതിയുടെ ആഴവും പരപ്പും വ്യക്തമാകുന്നുണ്ട്, മലയാള സാഹിത്യത്തിലെ ലാളിത്യത്തിന്റെ കൊടുമുടിയാണ് ബഷീർ, ഏറ്റവും ലളിതമായ തന്റെ ചുറ്റുപാടും തന്റെ കഥനങ്ങളും തനിക്കു ചുറ്റും സഹവസിക്കുന്ന ജീവികളും കൂടിക്കലർന്ന ഒരു ആവിഷ്ക്കാരമാണ് പാത്തുമ്മയുടെ ആട്. എത്രത്തോളം സരളത ഉണ്ടോ അത്രത്തോളം സാകല്യവും നമുക്ക് ഈ കൃതിയിൽ കാണാം, നമുക്ക് ചുറ്റുമുള്ള ജീവിതത്തെ ചെറുജീവികളെ കൂടി ജീവിതത്തോട് രസകരമായി ചേർത്തു നിർത്തിയാണ് ആവിഷ്കരിക്കുന്നത്. ജീവിതത്തിന്റെ ദീർഘവീക്ഷണത്തെ എത്രയും മനോഹരമായി അവതരിപ്പിക്കുന്ന മറ്റൊരു കൃതിയും വേറെ ഇല്ല പാത്തുമ്മയുടെ ആട് നല്ല ഒരു വായനാനുഭവം സൃഷ്ടിക്കുന്നു, നല്ല വായനാനുഭവം വായനക്കാരന്റെ ഹൃദയത്തിൽ നിന്നൊരിക്കലും മായുകയില്ലല്ലോ, അത്രത്തോളം ആഴമുള്ള വേദനകൾ പോലും മധുരമുള്ള തമാശയായി അവതരിപ്പി ക്കപെടുമ്പോൾ വായനക്കാരന്റെ ഹൃദയത്തിൽ നല്ല വായനയുടെ ലോകം തീർക്കുന്നു.
Question 4.
“ബഹളങ്ങളുടെയും മേളങ്ങളുടെയും മധ്യത്തിലാണ് ബഷീർ വന്നിരിക്കുന്നത്. പ്രശാന്തത തേടി; ചാമ്പയ്ക്ക പറിച്ചെടുക്കാൻ വരുന്ന പെൺകുട്ടികളെ ചിത്രീകരിക്കുന്നിടത്ത് ബഷീർ തന്നെത്തന്നെ പരിഹസിക്കുകയും ചെയ്യുന്നു. ഇത്തരത്തിൽ രസകരവും നാടകീയവുമായ ഒട്ടേറെ സന്ദർഭങ്ങൾ ‘പാത്തുമ്മായുടെ ആടി’ൽ കാണാം. നോവലിൽ നിന്ന് ഇതുപോലെയുള്ള സന്ദർഭങ്ങൾ കണ്ടെത്തി റോൾ പ്ലേ അവതരിപ്പിക്കുക.
Answer:
റോൾ പ്ലേ :
വേഷവിതാനങ്ങളില്ലാതെ കഥാപാത്രങ്ങളെ ഭാവ ഭാഷണതലത്തിൽ ആവിഷ്കരിക്കുന്നതാണ്. റോൾപ്ലേ എന്നത് സൃഷ്ടിപരമായ ഒരു പ്രവർത്തനമാണ്. അതിൽ പങ്കെടുക്കുന്നവർ ഒരു സാഹചര്യ ത്തിൽ ഒരു പ്രത്യേക കഥാപാത്രങ്ങളായി മാറുകയും അഭിനയിക്കുകയും ചെയ്യുന്നു. ചില കഴിവുകൾ വികസിപ്പിക്കുന്നതിനോ പരിശീലിക്കുന്നതിനോ വ്യത്യസ്തമായ വീക്ഷണങ്ങൾ തുടങ്ങിയ ആവശ്യങ്ങൾക്കോ ഇത് ഉപയോഗിക്കാറുണ്ട്. റോൾ പ്ലേയിൽ സംഘാംഗങ്ങൾ തമ്മിലുള്ള ബന്ധം മെച്ചപ്പെടുത്തൽ, ഉചിതമായ സംഭാഷണങ്ങളിലൂടെയുള്ള ആശയവിനിമയം എന്നിവ ഉൾപ്പെടുത്താറുണ്ട്. പരിചയപ്പെടുന്നതിനോ വ്യക്തികളെ സഹായിക്കുന്നതിനായി വിദ്യാഭ്യാസം, വിനോദം, തെറാപ്പി ഇത് വ്യത്യസ്ത കഥാപാത്രങ്ങളുടെ സവിശേഷതകൾ കണ്ടെത്താനും അനുകരണീയമായ ഇതര സാഹചര്യങ്ങളിൽ ഇടപെടാനും കുട്ടികളെ സഹായിക്കുന്നു.
അഭിനേതാക്കൾക്ക് നിർണായക പങ്കുണ്ട്. അവർ കഥാപാത്രങ്ങളെ അഭിനയത്തിലൂടെ ജീവസുറ്റതാ ക്കുന്നു. വേഷത്തിൽ മുഴുകി, കഥാപാത്രത്തിന്റെ പ്രേരണകൾ, സ്വഭാവം, പശ്ചാത്തലം എന്നിവ മനസ്സിലാക്കി അവരെ ബോധ്യപ്പെടുത്തുന്ന തരത്തിൽ അവതരിപ്പിക്കാനുള്ള ശേഷി വികസിക്കുന്നു. റോൾ പ്ലേയിലെ അഭിനേതാക്കൾ അവരുടെ വ്യക്തിത്വം, സംഭാഷണ രീതികൾ, ശാരീരികക്ഷമത, റോളുമായി ബന്ധപ്പെട്ട ഏതെങ്കിലും പ്രത്യേക വിശദാംശങ്ങൾ എന്നിവ ഉൾപ്പെടെ, അവർ അവതരിപ്പിക്കുന്ന കഥാപാത്രത്തെക്കുറിച്ച് സ്വയം വിശദമായ ഗവേഷണം നടത്തുകയും അവർ അഭിമുഖീകരിക്കുന്ന സാഹചര്യവുമായി പൊരുത്തപ്പെടുകയും മറ്റ് അഭിനേതാക്കളുമായി ഇടപഴകുകയും, സംഭവ വികാസങ്ങളോട് യുക്തമായ വിധത്തിൽ പ്രതികരിക്കുകയും ചെയ്യുന്നു. റോൾ പ്ലേയിൽ അഭിനയിക്കുന്നവർക്ക് സ്വന്തം നിലയിൽ ചിന്തിക്കാനും കഥാപാത്രങ്ങളുടെ സ്വഭാവ ത്തിൽ തുടരാനും മറ്റ് പങ്കാളികളുടെ പ്രവർത്തനങ്ങളോടും സംഭാഷണങ്ങളോടും ആധികാരിക മായി പ്രതികരിക്കാനും കഴിയണം.
റോൾ പ്ലേയുടെ വിജയം അവരുടെ കഥാപാത്രങ്ങളെ പൂർണ്ണമായി ഉൾക്കൊള്ളാനും പങ്കെടുക്കുന്ന വർക്ക് യാഥാർഥ്യവും ആകർഷകവുമായ അനുഭവം സൃഷ്ടിക്കാനുമുള്ള അഭിനേതാക്കളുടെ കഴിവിനെ ആശ്രയിച്ചിരിക്കുന്നു. ശേഷികൾ വളരാനും നാടകാവതരണം പ്രയോജനപ്പെടും.
Question 5.
സൃഷ്ടി- സൃഷ്ടാവ്
അനുഗ്രഹം – അനുഗൃഹീതൻ
ഇത്തരം പദജോടികൾ കണ്ടെത്തി പട്ടികപ്പെടുത്തുക.
അവ ഉൾക്കൊള്ളുന്ന ഭാഷാപരമായ സവിശേഷതകൾ വിശകലനം ചെയ്യുക.?
Answer:
നാമങ്ങളിൽ നിന്നോ വിശേഷണങ്ങളിൽ നിന്നോ ഇത്തരത്തിൽ പുതിയ പദങ്ങൾ ഉൽപാദിപ്പിക്കുന്നത് ഭാഷയിൽ സാധാരണമാണ്. കൂടുതൽ ഉദാഹരണങ്ങൾ കണ്ടെത്തി ചർച്ച ചെയ്യുക. സൃഷ്ടി എന്ന നാമരൂപത്തിൽ നിന്നുണ്ടായ മറ്റൊരു പദമാണ് സ്രഷ്ടാവ്. അതുപോലെ അനുഗ്രഹം എന്നതിൽ നിന്ന് അനുഗൃഹീതൻ.
മിടുക്ക് – മിടുക്കി മിടുക്കൻ
തല – തലയൻ തലച്ചി
സാമർഥ്യം – സമർഥൻ /സമർഥ
സ്വാതന്ത്ര്യം – സ്വതന്ത്രൻ സ്വതന്ത
Question 6.
“എങ്ങുമനുഷ്യനു ചങ്ങല കൈകളി,-
ലങ്ങൾ കൈയുകൾ നൊന്തീടുകയാ;-
ണെങ്ങോ മർദനമവിടെ പ്രഹരം
വീഴുവതെന്റെ പുറത്താകുന്നു;”
ആഫ്രിക്ക (എൻ. വി. കൃഷ്ണവാര്യർ)
നിരുപാധികമായ സ്നേഹത്തിന്റെയും സാഹോദര്യ ത്തിന്റെയും ചിത്രങ്ങളാണ് മുകളിൽ നൽകിയ കാവ്യ ഭാഗത്തും യൂണിറ്റിലെ രചനകളിലും തെളിയുന്നത്. മാനവിക മൂല്യങ്ങൾ ഊട്ടിയുറപ്പിക്കേണ്ട കാലത്താണ് നമ്മൾ ജീവിക്കുന്നത്. രചനകളും സമകാലിക ലോകസാഹചര്യങ്ങളും ആസ്പദമാക്കി കെട്ടിപ്പടുക്കാം വിശ്വസാഹോദര്യം’ എന്ന വിഷ യത്തിൽ ഉപന്യാസം തയ്യാറാക്കുക.?
Answer:
എവിടെയൊക്കെ മനുഷ്യർ അടിച്ചമർത്തപ്പെടുന്നുവോ, എവിടെയൊക്കെ മനുഷ്യർ എഴുന്നേൽക്കാൻ വേണ്ടി പിടയുന്നുവോ; അവിടെയൊക്കെ ജീവിക്കുന്ന പോരാളി’ എന്ന് കവി എന്ന വാക്കിന് ഒരു പര്യായം സൃഷ്ടിച്ചുവെച്ചു എൻ. വി എക്കാലത്തും വാക്കിനെ അദ്ദേഹം അതിജീവനത്തിനുള്ള സമരായുധമാക്കിമാറ്റി. മനുഷ്യജീവിതത്തിൽ പാരസ്പര്യവും സ്നേഹവും അനിവാര്യതയാണ്. ലോകത്തിന്റെ നിലനിൽപ്പ് തന്നെ ആണ് പരസ്പരം ഉള്ള സ്നേഹത്തിൽ നിലനിൽക്കുന്നത്. പരസ്പരം സഹോദരർ എന്ന് പോലും തിരിച്ചറിയാത്ത ഒരു കാലത്തിലാണ് നാം ജീവിക്കുന്നത്.
അത്രമേൽ മൂല്യച്യുതി ഇന്ന് നമ്മുടെ സമൂഹത്തിൽ രൂപപെട്ടുകൊണ്ടിരിക്കുന്നു. മൂല്യങ്ങൾ ഇല്ലാതെ വളർന്നു വരുന്ന ഒരു തലമുറയ്ക്ക് മൂല്യബോധത്തിന്റെയും ജീവിതത്തിന്റെയും പൊരുൾ അറിയിക്കാനും വിശ്വമാനവൻ എന്ന കാഴ്ചപ്പാട് തിരിച്ചറിയുന്നതിനും ജീവന്റെ പരമമായ പൊരുൾ പാരസ്പര്യമാണ് എന്ന സത്യത്തെ തിരിച്ചറിയുന്നതിനും ബഷീറിന്റെ രചനകൾക്കു സാധിക്കും, തനിക്കു ചുറ്റുമുള്ള എല്ലാത്തിനെയും ബഷീർ അംഗീകരിക്കുന്നു, ചേർത്തു നിർത്തുന്നു. ചെറു ജീവികളുടെ കലമ്പലുകൾ പോലും തന്റെ ജീവിതത്തിന്റെ ശ്രുതിയായി കാണാൻ ഉള്ളത വിശാലമായ മനസ്സ് വായനക്കാരന് ഒരുക്കി കൊടുക്കാനുള്ള കഴിവ് ബഷീറിന്റെ കൃതികൾക്കുണ്ട്, സ്നേഹത്തിന്റെ വിശാലതയാണ് ബഷീർ കൃതികൾ പുലർത്തുന്ന മാന്ദ്രികത ഇന്നത്തെ തലമുറകൾ തീർച്ചയായും തിരിച്ചറിയേണ്ടതാണ് ഇത്തരം കൃതികളിലെ ഉള്ളടക്കങ്ങൾ, പൊള്ളയായ മനുഷ്യ ചിന്താഗതികൾക്കപ്പുറം ജീവിതത്തിന്റെ പൊരുളുകൾ തിരിച്ചറിയാൻ അത് കരുത്താകും, അവനവനെ തിരിച്ചറിയുക അവനവനിലൂടെ ലോകത്തെയും,
Question 7.
മനുഷ്യരെ മാത്രമല്ല പ്രകൃതിയിലെ സർവചരാചരങ്ങളെയും സഹജീവികളായി കാണാൻ കഴിയണം. അവർക്കിടയിൽ അവരിലൊരാളായി ജീവിക്കാൻ കഴിയണം. പ്രശാന്തമായ മനസ്സോടെ. വിശകലനം ചെയ്യുക.
Answer:
മനുഷ്യർക്കുള്ളത് പോലെ തന്നെ ഈ ഭൂമിയിൽ ജീവിക്കാൻ എല്ലാ ജീവികൾക്കും അവകാശം ഉണ്ട്, മനുഷ്യരുടേതു മാത്രമാണ് ഈ പ്രപഞ്ചത്തിലെ എല്ലാം എന്ന് ചിന്തിക്കുന്നത് ഇടുങ്ങിയ സ്വാർത്ഥമായ ചിന്തയാണ്. മനുഷ്യന് ജീവിക്കാൻ അവകാശം ഉള്ളതുപോലെ ചേതന നഷ്ട്ടപെടാത്ത എന്തിനും ജീവിക്കാനും സഹവസിക്കാനുമുള്ള സ്വാതന്ത്ര്യം ഉണ്ട് അവരിൽ ഒരാളായി നാം അവർക്കിടയിലെ ഒരാളായി ജീവിക്കുമ്പോഴാണ് ഭൂമി പങ്കുവെയ്ക്കപ്പെടുന്നത്. മനുഷ്യന് പ്രശാന്തമായ മനസോടെ പാരസ്പര്യത്തിന്റെ പൊരുൾ തിരിച്ചറിഞ്ഞു സഹ ജീവികളോടൊത്തു ജീവിക്കാൻ കഴിയണം അതിന്റെ സാധുതയും സാധ്യതകളും വിശാലമാണ്.