Students can use Adisthana Padavali Malayalam Standard 9 Notes Pdf സ്മാരകം Smarakam Summary in Malayalam to grasp the key points of a lengthy text.
Class 9 Malayalam Smarakam Summary
സ്മാരകം Summary in Malayalam
ആമുഖം
ഭൂമിയിലെ ഏറ്റവും വിനീതമായ ഒരു പറക്കലിനെ അവതരിപ്പിക്കുകയാണ് വീരാൻകുട്ടി സ്മാരകം’ എന്ന കവിതയിലൂടെ ഒരു അപ്പുപ്പൻ താടി ഏറ്റവും ലളിതമായി ആവിഷ്കരിക്കുന്നതിന്റെ സഞ്ചാരപാതയാണ് കവിതയുടെ പ്രമേയം. ജീവിതം തന്നെ യാത്ര എന്ന മനോഹരമായ ആവിഷ്കരണങ്ങളാണല്ലോ ഈ ഭാഗത്തു നാം കാണുന്നത്. മുൻപനുഭവിച്ചറിഞ്ഞ യാത്ര വിശേഷങ്ങളിൽ നിന്നെല്ലാം വ്യത്യസ്തമായി പ്രകൃതിയിലെ ഒരു ജീവകണം മനുഷ്യന് മുന്നിൽ ഏറ്റവും എളിമയോടുകൂടി അടയാളപ്പെടുത്തുന്ന ഒരു ജീവിത യാത്രയാണ് ഈ കവിതയിൽ. അത്രമേൽ മനോഹരമായ വാക്കുകൾ കൊണ്ട് ലാളിത്വത്തിന്റെ അതിരുകൾ കടന്നു വീരാൻകുട്ടി വായനക്കാരിൽ കോറിയിടുന്ന ജീവിത സത്യങ്ങളാണ് കവിതയുടെ ഓരോ വരികളും . മലയാള സാഹിത്യത്തിലെ പുതുതലമുറയുടെ കവിയാണ് (ഉത്തരാധുനിക) വീരാൻ കുട്ടി.
പ്രകൃതിയിലേക്ക് നോക്കി നിന്നുകൊണ്ട് പ്രപഞ്ചസത്യങ്ങളുടെ വാതിൽ തുറന്നു മനുഷ്യനെ ചിന്തിപ്പിക്കുന്ന കൃതികളാണ് വീരാൻകുട്ടിയുടെ എല്ലാ കവിതകളും. വീരാൻകുട്ടിയുടെ സ്മാരകം എന്ന കവിത അപ്പൂപ്പൻതാടിയുടെ പറക്കലിനെക്കുറിച്ചാണ്. പ്രതീക്ഷകളുടെ ഭാരമില്ലാതെ വിത്തിനെയും മടിയിൽ വെച്ച് അത് പറക്കുന്നു. ധീരമെങ്കിലും എളിയ ആ ശ്രമം സാർഥകമാവുന്നത്, അത് വീണിടത്ത് നാളെ ആരുമറിയാതെ ഒരു മരം ഉയർന്നുവന്ന് തണൽ വിരിക്കുമ്പോഴാണ്, ഒരു സ്മാരകമായി മാറുമ്പോഴാണ്. തന്റെ യഥാർഥ ശക്തിയെയും കഴിവിനെയും സ്വയം തിരിച്ചറിഞ്ഞ് സ്വന്തം വഴികൾ കണ്ടെത്തി മുന്നോട്ട് പോകുന്നവർക്ക് കാലത്തെയും അതിജീവിച്ചു കഴിയുമെന്ന ജീവിതപാഠമാണ് അപ്പൂപ്പൻ താടിയുടെ ജീവിതയാത്ര നമ്മെ ഓർമ്മിപ്പിക്കുന്നത്.
പാരസംഗ്രഹം
പ്രകൃതിയിൽനിന്നുള്ള കൗതുകങ്ങളും കാഴ്ചകളും ബിംബങ്ങളും അനുഭവങ്ങളും അതിസൂക്ഷ്മമായി അവതരിപ്പിക്കുന്ന കവിയാണ് വീരാൻകുട്ടി. അത്തരമൊരു കവിതയാണ് സ്മാരകം. അപ്പൂപ്പൻതാടിയുടെ യാത്രയാണ് കവി ഇവിടെ പ്രമേയമായി സ്വീകരിച്ചിരിക്കുന്നത്. ഒരു ചോദ്യ ത്തിനുള്ള ഉത്തരമായോ, അഭിപ്രായമായോ അവതരിപ്പിക്കുന്ന രീതിയിലാണ് കവിത ആരംഭിക്കുന്നത്. തുടർന്ന് ഇങ്ങനെയൊരു അഭിപ്രായമുണ്ടാകാൻ കാരണമെന്തെന്ന് വ്യക്തമാക്കുന്നു. അപ്പൂപ്പൻ താടിക്ക് ചിറകുകളില്ല. ദേശാന്തരയാത്രകൾ വിധിച്ചിട്ടില്ല. അതിന് സ്വന്തമായ ഒരവകാശവുമില്ല എന്നിട്ടും അത് താനായി നിൽക്കാൻ പോകുന്ന തന്റെ വിത്തിനെയും കരുതി പറക്കുന്നു. അപ്പൂപ്പൻ താടിയുടെ ഈ പറക്കൽ വിനീതമായ ഒരു ശ്രമമായി അവതരിപ്പിക്കുന്നത്, സാധാരണയായി പറക്കുന്നവയ്ക്കുണ്ടാകുന്ന വലിയ ലോകങ്ങളുടെ സാധ്യതകളില്ലാത്തതുകൊണ്ടാണ്. ചിറക്, ആകാശം, ദേശാന്തരം എന്നിവയെല്ലാാം പറക്കുന്നവയുടെ സാധ്യതകളും സ്വതന്ത്ര്യവു മാണ്. ഒരമ്മ കുഞ്ഞിനെ തന്റെ മടിയിൽ വെച്ചത്രയും സൂക്ഷ്മമായി ആണോ നടക്കുന്നത് അത്രമേൽ കരുതലോടെയാണ് അപ്പുപ്പൻ താടി തന്റെ വിത്തുമായി പറന്നു പോകുന്നത്.
തന്റെ യാത്ര അവസാനിക്കുന്നിടത്തു ഒരു പുതിയ പ്രതീക്ഷയുടെ തുടക്കമാവുകയാണ് അപ്പുപ്പൻ താടി. ആരോടും പിണക്കമോ പരാതികളോ ഇല്ലാതെ. ആരുടെയും കരുതലോ പിൻബലമോ ഇല്ലാതെ ഞാൻ ആകാനുള്ള യാത്രയിൽ അത്രമേൽ വിനയത്തോടെ ലോലമായ ചിറകുകൾകൊണ്ട് അറിവെന്ന അഹങ്കാരമോ അറിവില്ലായ്മയുടെ ഭാരക്കുറവോ തന്നെ അലട്ടുകയോ സ്പർശിക്കുകയോ ചെയ്യാതെ താൻ താനാകുന്ന പുതിയൊരു കാലത്തു തന്റെ മരച്ചുവട്ടിൽ തണലേൽക്കുന്നവരെകുറിച്ച് പോലും അറിയാതെ ആനന്ദകരമായി തന്റെ യാത്ര തുടരുകയാണ്. തെല്ലും അഹങ്കരിക്കാതെ തന്റേതു മാത്രമായ വഴിതേടി പോകുകയാണ് ഈ കുഞ്ഞു ജീവകണം നാളെകളുടെ പ്രതീക്ഷയോ ഇന്നിന്റെ ആകുലതകളോ ഇല്ലാത്തത്രമേൽ നടക്കുന്തോറും തെളിയും വഴികൾ നിഷ്കളങ്കവും അത്രമേൽ ലക്ഷ്യബോധവും മാത്രമുള്ള ജീവിതം. അപ്പുപ്പൻ താടിയുടെ പറക്കലിനെ അത്ര മേൽ ലളിതമായത് എന്ന് പറയുന്ന കവിതന്നെ അത്രമേൽ ധീരമായത് എന്ന് ഒടുവിൽ രേഖപെടുത്തുന്നുണ്ട്.
അറിവിലേക്ക്
വീരാൻകുട്ടി
ഉത്തരാധുനിക മലയാള സാഹിത്യത്തിലെ ശ്രദ്ധേയരായ കവിക ളിൽ ഒരാളാണ് വീരാൻകുട്ടി. എഴ് കവിതാ സമാഹാരങ്ങൾ, കുട്ടികൾക്കായുള്ള മൂന്നു നോവലുകളും ഒരു കഥാ പുസ്തകവും, മഴത്തുള്ളികൾ വച്ച ഉമ്മകൾ (ഓർമ്മകൾ) എന്നിവ പ്രസിദ്ധീകരിച്ചിട്ടുണ്ട്. വീരാൻകുട്ടിയുടെ കവിതകൾ കേരളത്തിലെ വിവിധ സർവ്വകലാശാലകളിൽ പാഠപുസ്തക മായിട്ടുണ്ട്. എസ്. സി. ആർ. ടി. മൂന്ന്, എട്ട് ക്ലാസ്സുകളിലെ പാഠ പുസ്തകങ്ങളിൽ വീരാൻ കുട്ടിയുടെ കവിത ഉൾപ്പെടുത്തി യിട്ടുണ്ട്. ഇംഗ്ലിഷ്, ജർമ്മൻ, അറബിക്, തമിഴ്, കന്നഡ, മറാഠി, ഹിന്ദി ഭാഷകളിലേക്ക് കവിതകൾ മൊഴിമാറ്റം ചെയ്യപ്പെട്ടു. പോയട്രി ഇന്റർനാഷണൽ വെബ് മാഗസിൻ, ലിറിക് ലൈൻ എന്നിവയിൽ കവിത പ്രസിദ്ധീകരിച്ചു. സ്വിഷ് റേഡിയോ കവിതയുടെ ജർമ്മൻ പരിഭാഷ നടക്കുന്തോറും തെളിയും വഴികൾ പ്രക്ഷേപണം ചെയ്തു. 1962 ജൂലൈ 9 – ന് കോഴിക്കോട് ജില്ലയിലെ പേരാമ്പ്രക്കടുത്തുള്ള നരയംകുളത്ത് കുഞ്ഞബ്ദുല്ല, ആയിഷ ദമ്പതികളുടെ മക നായി ജനിച്ചു. കടമേരി ആർ.എ.സി. ഹൈസ്കൂൾ, പച്ച് പഹാട് നവോദയ വിദ്യാലയ (രാജസ്ഥാൻ), കല്ലിക്കണ്ടി എൻ.എ.എം. കോളേജ്, ശ്രീശങ്കരാചാര്യ സംസ്കൃത സർവകലാശാല, അരീക്കോട് സുല്ലമുസ്സലാം സയൻസ് കോളേജ്, മൊകേരി ഗവ.കോളജ് എന്നിവിടങ്ങളിൽ മലയാളം അദ്ധ്യാപകനായി ജോലി ചെയ്തു.
മലപ്പുറം ജില്ലയിലെ വട്ടംകുളത്തു് 1962ൽ ജനിച്ചു. പ്രൈമറി അദ്ധ്യാപകപരിശീലനത്തിനുശേഷം അദ്ധ്യാപകനായി. തുടർന്നു ബിരുദം നേടുകയും പൊന്നാനി എ.വി. ഹൈ സ്കൂളിൽ അദ്ധ്യാപകനാവുകയും ചെയ്തു. മലപ്പുറം ജില്ലയിലെ സാംസ്കാരികരംഗത്ത് അക്കാലം മുതൽ സജീവമായി പ്രവർത്തിക്കുന്നു. കവിതാരചനയോടൊപ്പം അമേച്വർ നാടകപ്രവർത്തനവും സജീവമായി നിർവ്വഹിക്കുന്നു. രണ്ടു കവിതാസമാഹാരങ്ങൾ പ്രസിദ്ധീകരിച്ചിട്ടുണ്ട്. ‘കാണെക്കാണെ’ (കറന്റ് ബുക്സ്1999), രണ്ടായ് മുറിച്ചത്’ (കറന്റ് ബുക്സ് 2004).
ഓർത്തിരിക്കൻ
- ഏറ്റവും ലളിതമായി ജീവിതം ആവിഷ്കരിക്കുന്ന അപ്പുപ്പൻ താടിയുടെ ജീവിതയാത്രയെ ചിത്രീകരിക്കുന്നു.
- പ്രകൃതി ലളിത ജീവിതങ്ങൾ ആവിഷ്കരിക്കുന്നു.
- ചെറിയവരായിരിക്കുന്നതിന്റെ വലിപ്പം മനസിലാക്കിത്തരുന്നു.
- തന്നിൽ ഉള്ള കഴിവുകൾ കണ്ടെത്തി ഏറ്റവും പരിമിതമായ സാഹചര്യത്തിൽ നിന്നുപോലും ജീവിതയാത്ര ഏറ്റവും സുന്ദരമാക്കുന്നു.
- സ്വയം ഇല്ലാതാകുന്ന അവസ്ഥയിൽ പോലും തന്റെ സ്വത്വത്തെ കണ്ടെടുത്താനും വലിയൊരു സ്മാരകമാക്കാനും കഴിയുന്ന അപ്പുപ്പൻ തടി മനുഷ്യ ജീവിതത്തിനു ഒരു മാതൃക ആണ്.
- ആരും പ്രോത്സാഹിപ്പിക്കാനോ മുന്നോട്ടു നയിക്കാനോ ഇല്ലാതിരുന്നിട്ടും അപ്പുപ്പൻതാടി അതിന്റെ യാത്രകൾ ലളിതമായി ആവിഷ്കരിച്ചുകൊണ്ടേ ഇരിക്കുന്നു.