Practicing with Kerala Padavali Malayalam Standard 9 Notes Pdf and Class 9 Malayalam സ്വാതന്ത്ര്യംതന്നെ ജീവിതം Swathanthryam Thanne Jeevitham Notes Questions and Answers improves language skills.
9th Class Malayalam Kerala Padavali Chapter 10 Question Answer Notes സ്വാതന്ത്ര്യംതന്നെ ജീവിതം
9th Class Malayalam Kerala Padavali Unit 4 Chapter 10 Notes Question Answer Swathanthryam Thanne Jeevitham
Class 9 Malayalam Swathanthryam Thanne Jeevitham Notes Questions and Answers
Question 1.
“ഇന്ത്യ സ്വതന്ത്രയാവുന്നു. ഞാനും സ്വതന്ത്രയാവുന്നു! എന്റെ സ്വർണ്ണച്ചിറകുകൾക്ക് എന്തുമാത്രം തിളക്കമാണ് ഞാൻ പറന്നു കാണാൻ പോകുന്ന ലോകങ്ങൾക്കിനി എഴുന്നൂറു വർണ്ണങ്ങൾ… സ്വാതന്ത്ര്യത്തെക്കുറിച്ചുള്ള അയിഷുവിന്റെ എന്തെല്ലാം പ്രതീക്ഷകളാണ് നോവൽ ഭാഗത്ത് തെളിയുന്നത്? ചർച്ചചെയ്യുക.?
Answer:
സ്വാതന്ത്ര്യമില്ലായ്മയിൽ നിന്നും സ്വാതന്ത്ര്യത്തിലേക്ക് കടക്കുമ്പോൾ ഇതുവരെ ലഭ്യമല്ലാതിരുന്ന പ്രതീക്ഷകളെയും അവകാശങ്ങളെയും കുറിച്ചുള്ള തിരിച്ചറിവുകളുമാണ് ഈ വരികളിൽ കാണാൻ ആകുന്നത്, രാജ്യം സ്വാതന്ത്ര്യമാകുമ്പോ രാജ്യത്തിൽ ജീവിക്കുന്ന ഓരോ മനുഷ്യർക്കും അവരുടെ ജീവിതത്തിലും പ്രതീക്ഷകൾ ഉണ്ടാവുകയും സ്വപ്നങ്ങൾക്ക് നിറം വെയ്ക്കുകയും ചെയ്യുന്നു, ആരുടെയും അടിമയാകാതെ സ്വന്തം ചിന്തകൾക്കനുസരിച്ചു മാനസികമായും ബൗദ്ധീകമായും വളരാനുള്ള സാദ്ധ്യതകൾ വർധിച്ചു വരുന്നു എന്ന് ആയിഷുവിന്റെ വിചാരങ്ങളിൽ നിന്നും മനസിലാക്കാൻ സാധിക്കും.
Question 2.
• “അവളുടെ മനസ്സ് മുഴുവനുമൊരു പീലി വിരിച്ച മയിലായി അപ്പോൾ.”
• “പൂക്കളുതിർത്തുകൊണ്ട് ദേശീയപതാക ആദ്യമായി സ്കൂളങ്കണത്തിലെ കൊടിമരത്തിലേക്ക് ചിറകു കുടഞ്ഞു കയറി.”
മലയാളം ഉജ്ജ്വലഹൃദയസ്പന്ദങ്ങൾ ഇത്തരം വാക്യങ്ങൾ സന്ദർഭത്തെ ഭാവസാന്ദ്രമാ ക്കുന്നതെങ്ങനെ? ചർച്ചചെയ്യുക. കൂടുതൽ ഉദാഹരണങ്ങൾ കണ്ടെത്തി നിരീക്ഷണങ്ങൾ അവതരിപ്പിക്കുക.?
Answer:
ഇത്തരം സന്ദർഭങ്ങൾ നോവലിലെ ഭാഗങ്ങളെ കൂടുതൽ മനോഹരമാക്കുകയും വായനക്കാരന്റെ ഹൃദയങ്ങളിൽ ഇടം പിടിക്കുകയും ചെയ്യുന്നു. സ്വാതന്ത്ര്യം എത്രമാത്രം ഒരു വ്യക്തിയുടെ ജീവിതത്തിൽ പ്രധാന്യം അർഹിക്കുന്നതാണ്. സ്വാതന്ത്ര്യ പൂർണമായ ജീവിതം ഒരു രാജ്യത്തിനും വ്യക്തിക്കും എത്രമാത്രം ഊർജവും ഉത്സാഹവും നൽകും എന്നതിനുള്ള തെളിവുകൾ ആണ് ഈ വാക്യങ്ങൾ നൽകുന്നത്.
Question 3.
“ഹെഡ്മാസ്റ്ററുടെ സ്വാതന്ത്ര്യദിനസന്ദേശം ശ്രദ്ധിച്ചുകേട്ടു. എന്താണ് സ്വാതന്ത്ര്യം എന്നതിനെപ്പറ്റി, സ്വാതന്ത്ര്യം നേടിത്തന്ന മഹാത്മാക്കളെപ്പറ്റി, പതാകയിലെ നിറങ്ങളുടെ പ്രസക്തിയെപ്പറ്റി, പുതുതലമുറയുടെ ശോഭനമായ ഭാവിയെക്കുറിച്ച് എല്ലാമടങ്ങിയ സന്ദേശം.” നീട്ടിയെഴുത്തുകൾ, (ഖദീജാ മുംതാസ്)
• “അർധരാത്രിയുടെ മണിമുഴങ്ങുമ്പോൾ, ലോകം ഉറങ്ങിക്കിടക്കുമ്പോൾ ഇന്ത്യ, ജീവിതത്തിലേക്കും സ്വാതന്ത്ര്യത്തിലേക്കും ഉണർന്നെണീക്കും. ചരിത്രത്തിൽ അത്യപൂർവമായി മാത്രം സംഭവിക്കുന്ന ഒരു നിമിഷം സമാഗതമായിരിക്കുന്നു”.
• “നാം പഴയതിൽ നിന്നു പുതിയതിലേക്ക് ചുവടുവയ്ക്കുമ്പോൾ, ഒരു യുഗം അവസാനിക്കുമ്പോൾ, കാലങ്ങളായി അടിച്ചമർത്തപ്പെട്ട ഒരു രാഷ്ട്രത്തിന്റെ ആത്മാവ് ശബ്ദം കണ്ടെത്തുകയാണ്.
(1947 ആഗസ്റ്റ് 14 അർധരാത്രി ജവഹർലാൽ നെഹ്റു ഇന്ത്യയെ അഭിസംബോധന ചെയ്ത് നടത്തിയ പ്രസംഗത്തിൽ നിന്ന്)
നോവൽ ഭാഗവും നെഹ്റുവിന്റെ പ്രസംഗവും വിശകലനം ചെയ്ത് ‘സ്വാതന്ത്ര്യത്തെക്കുറിച്ചുള്ള എന്റെ സങ്കല്പം’ എന്ന വിഷയത്തിൽ പ്രഭാഷണം തയ്യാറാക്കി അവതരിപ്പിക്കുക.?
Answer:
സ്വാതന്ത്ര്യത്തിനു ശേഷം ഉണ്ടാകുന്ന മാറ്റങ്ങളെകുറിച്ചാണ് രണ്ടു സംഭാഷണങ്ങളിലും ധ്വനിക്കുന്നത്. സ്വാതന്ത്ര്യം എത്രമാത്രം ഒരു രാജ്യത്തിനും മനുഷ്യന്റെ പുരോഗതിക്കും ആവശ്യമാണ് എന്ന് തിരിച്ചറിവാണു ഈ വാക്യങ്ങളിലുള്ളത്. അടിമത്തത്തിന്റെയും, ബ്രിട്ടീഷ് അധിനിവേശത്തിന്റെ ക്രൂര നിയമങ്ങളിൽ നിന്നും തങ്ങളുടെ ജീവിതത്തെയും മുന്നോട്ടുള്ള പ്രതീക്ഷകളെയും കുറിച്ചുള്ള തിരിച്ചറിവാണ് സ്വാതന്ത്ര്യം. തന്റെ വ്യക്തിപരമായതും ബൗദ്ധീകമായതുമായ വളർച്ചയ്ക്ക് സ്വാതന്ത്ര്യം അനിവാര്യമാണ്. ഓരോ വ്യക്തിയും സ്വാതന്ത്ര്യ ബോധമുള്ളവരായാൽ മാത്രമേ അവരുടെ വളർച്ച സാധ്യമാകുകയുള്ളൂ. 1947 വരെ ഇന്ത്യ ബ്രിട്ടീഷ് അധിനിവേശത്തിന്റെ നിയമങ്ങൾക്കും അടിമയായിരുന്നു. രാജ്യത്തിന്റെ എല്ലാ വികസനങ്ങളും സാധ്യമായതു സ്വാതന്ത്ര്യമെന്ന ചിന്ത മനുഷ്യനിലേക്ക് കടന്നുവന്നതോട് കൂടിയാണ്. വ്യക്തിയും വ്യക്തി ഉൾപ്പെടുന്ന സമൂഹവും വളരേണ്ടതും വളരുന്നതും അർഹമായ സ്വാതന്ത്ര്യ ചിന്തകളോട് കൂടിയാണ്. സ്വതന്ത്ര്യമായ മനസിൽ മാത്രമാണ് സ്വാതന്ത്രമായ ചിന്തകൾ ഉണ്ടാവുകയുള്ളു. രാജ്യത്തിന്റെ വികസനവും വളർച്ചയും സ്വാതന്ത്ര്യത്തിൽ അധിഷ്ഠിതമാണ്,
Question 4.
“പോരാ പോരാ നാളിൽ നാളിൽ ദൂരദൂരമുയരട്ടെ
ഭാരതാദേവിയുടെ തൃപ്പതാകകൾ”. (വള്ളത്തോൾ നാരായണമനോൻ)
ദേശീയപ്രസ്ഥാനത്തിന് ഊർജം പകർന്ന ഇത്തരം കവിതകൾ ധാരാളമുണ്ടല്ലോ.
അവ ശേഖരിച്ച് കവിതയരങ്ങ് സംഘടിപ്പിക്കുക.
Question 5.
“നമ്മുടെ കുഞ്ഞുങ്ങൾ വയറു നിറയെ ഇനി ഭക്ഷണം കഴിക്കും. നല്ല
ഉടുപ്പുകളിട്ട് സ്കൂളിൽ ജാതിമതവിവേചനങ്ങളില്ലാതെ പാറിനടക്കും.”
നീട്ടിയെഴുത്തുകൾ (ഖദീജാ മുംതാസ്)
“നമ്മുടെ സ്വാതന്ത്യസമരം വിദേശീയരായ ഭരണാധികാരികളുടെ
സ്വേച്ഛാപ്രമത്തതയ്ക്ക് എതിരെ മാത്രമായിരുന്നില്ല. അത്രതന്നെയോ അതിലധികമോ നാട്ടിനകത്തുള്ള അന്ധവിശ്വാസങ്ങൾക്കും
എതിരെയായിരുന്നു അത്.”
നാം ചങ്ങല പൊട്ടിച്ച കഥ – അവതാരിക
(എൻ.വി.കൃഷ്ണവാര്യർ)
മുകളിൽ കൊടുത്ത സന്ദർഭങ്ങളിലെയും വർത്തമാനകാലത്തെയും സാമൂഹിക ജീവിതാവസ്ഥകൾ താരതമ്യം ചെയ്ത് കുറിപ്പ് തയ്യാറാക്കുക.?
Answer:
സ്വാതന്ത്ര്യം ഇല്ലാതെ ജീവിച്ച ഒരുകൂട്ടം ജനതകളുടെ പ്രതീക്ഷകളാണ് ഈ വരികളിൽ തെളിയുന്നത്. നമ്മുടെ മക്കൾ ആകുന്ന വരും തലമുറ സ്വാതന്ത്ര്യം അനുഭവിക്കുകയും ആസ്വദിക്കുകയും സ്വാത ന്ത്ര്യത്തിന്റെ മധുരം നുകർന്നു ജീവിക്കുകയും ചെയ്യും എന്ന തിരിച്ചറിവ് ആണ് ഇവിടെ പ്രതീക്ഷയായി മാറുന്നത്. നമ്മുടെ കുട്ടികൾ വയറു നിറയെ ഭക്ഷണം കഴിക്കുന്നതിനും അവരുടെ മനസ്സിന്റെ ആഗ്രഹം അനുസരിച്ചു ജീവിക്കുന്നതിനും പഠിക്കുന്നതിനും വസ്ത്രം ധരിക്കുന്നതും തങ്ങളുടെ അവകാശങ്ങൾ നേടിയെടുത്തു സ്വാതന്ത്ര്യമായി ജീവിക്കുന്നതിനും ഉള്ള അവസരത്തെ അവർ ആഗ്രഹിക്കുകയും അതിനായി പ്രവർത്തിച്ചു അതിന്റെ ഫലം അനുഭവിക്കുകയും ചെയ്യുന്നതിനെപ്പറ്റിയുള്ള സ്വപ്നങ്ങളാണ് നീട്ടിയെഴുത്തുകളിൽ ഖദീജ മുംതാസ് ചർച്ചചെയ്യുന്നത്. അന്നുവരെ നിലനിന്നിരുന്ന വ്യവസ്ഥിതിയോടുള്ള ചോദ്യം ചെയ്യൽ കൂടിയാണ് സ്വാതന്ത്ര്യം എന്ന ചങ്ങല പൊട്ടിച്ച കഥയിൽ എൻ വി കൃഷ്ണവാര്യർ പറയുന്നത്. എല്ലാ കാലത്തും അസ്വാതന്ത്ര്യങ്ങൾ ഉണ്ടായിട്ടുണ്ട് അതിനെയെല്ലാം അതിജീവിക്കാനുള്ള ഊർജ്ജം പകർന്നത് സ്വാതന്ത്ര്യം എന്ന ആശയം ആണ്. ഇന്നും ചങ്ങലകൾ വീഴുന്ന ഇടങ്ങളിലെല്ലാം സമരങ്ങൾ ഉണ്ടായിക്കൊണ്ടേയിരിക്കുന്നു.
Question 6.
സ്വാതന്ത്യം, അത് തിളക്കമുള്ള പ്രതീക്ഷയാണ് വിസ്തൃതമായ ആകാശമാണ്. സ്വാതന്ത്ര്യം തന്നെ ജീവിതം ? വരികളുടെ അർത്ഥം വിശദമാക്കുക.
Answer:
സ്വാതന്ത്ര്യത്തെ അതിന്റെ എല്ലാ നിലകളിൽ നിന്നും നോക്കി കാണുന്ന വരികളാണ് ഇത്. ജീവിതത്തിൽ വെളിച്ചവും തെളിച്ചവുമാകുന്നത് സ്വാതന്ത്ര്യമാണ്. സ്വാതന്ത്ര്യം ജീവിതത്തിലും സമൂഹത്തിലും വരുത്തുന്ന മാറ്റങ്ങളെ പൂർണ്ണമായി ഉൾക്കൊള്ളുന്ന ആശയങ്ങളാണ് ഈ വരികളിൽ ഉൾക്കൊള്ളുന്നത്. സ്വാതന്ത്ര്യം തിളക്കമുള്ള പ്രതീക്ഷകൾ നൽകുന്നു. സ്വാതന്ത്ര്യം നൽകുന്ന വിസ്തൃതമായ ചിന്തകളും അവയുടെ ഫലങ്ങളുമാണ് വിസ്തൃതമായ ആകാശമെന്നാണ് ഇവിടെ പറയുന്നത്.
എഴുത്തുകാരിയിലൂടെ
ഒരു മലയാള സാഹിത്യകാരിയും നോവലിസ്റ്റുമാണ് ഖദീജ മുംതാസ്. മികച്ച നോവലിനുള്ള കേരള സാഹിത്യ അക്കാദമിയുടെ പുരസ്കാരം 2010-ൽ ബർസ എന്ന നോവൽ നേടിയിട്ടുണ്ട്. ബർസ എന്ന നോവൽ സൗദി അറേബ്യയിലെ പ്രവാസികളായ രണ്ട് ഡോക്ടർമാരുടെ കഥ പറയുന്നു. അവരുടേയും അവരെ ചുറ്റിപ്പറ്റിയുള്ള മറ്റു ജീവിതങ്ങളും മനോഹരമായി വരച്ചു കാണിച്ചിരിക്കുന്നു ഈ സൃഷ്ടിയിൽ.
തൃശൂർ ജില്ലയിലെ കാട്ടൂരിൽ ജനിച്ച ഖദീജ മുംതാസ് ഇരിഞ്ഞാലക്കുട സെന്റ് ജോസഫ് കോളേജിൽ നിന്ന് പ്രീഡിഗ്രി കോഴ്സ് (പിഡിസി) പൂർത്തിയാക്കിയ ശേഷം കോഴിക്കോട് മെഡിക്കൽ കോളേജിൽ നിന്ന് എംബിബിഎസ് ബിരുദം നേടി. ഗൈനക്കോളജിയിൽ വൈദഗ്ദ്ധ്യം നേടിയ അവർ ഒരു രജിസ്റ്റർ ചെയ്ത മെഡിക്കൽ പ്രാക്ടീഷണറും ആയി. കോഴിക്കോട് മെഡിക്കൽ കോളേജിൽ ഗൈനക്കോളജിയിലും പ്രസവചികിത്സയിലും പ്രൊഫസറായി ജോലി ചെയ്യുന്നു. തന്റെ സേവനത്തിന്റെ അവസാനഘട്ടത്തിൽ കാലിക്കറ്റ് മെഡിക്കൽ കോളേജിൽ നിന്ന് മാറ്റിയതിൽ പ്രതിഷേധിച്ച് 2013 ജൂണിൽ സർക്കാർ സർവീസിൽ നിന്ന് സ്വമേധയാ വിരമിക്കുന്നതിന് അപേക്ഷിച്ചു. അവർ ഇപ്പോൾ കേരള സാഹിത്യ അക്കാദമിയുടെ വൈസ് ചെയർപേഴ്സണും കേരളത്തിലെ തിരൂരിലുള്ള തുഞ്ചത്തെഴുത്തച്ഛൻ മലയാളം സർവകലാശാലയിലെ അക്കാദമിക് കൗൺസിൽ അംഗമായും തിരഞ്ഞെടുക്കപ്പെട്ടിട്ടുണ്ട്.