Practicing with Class 6 Malayalam Adisthana Padavali Notes Pdf Unit 1 Chapter 3 വേഗമുറങ്ങു Vegam Urangu Notes Questions and Answers Pdf improves language skills.
Vegam Urangu Class 6 Notes Questions and Answers
Class 6 Malayalam Adisthana Padavali Notes Unit 1 Chapter 3 Vegam Urangu Question Answer
Class 6 Malayalam Vegam Urangu Notes Question Answer
കണ്ടെത്താം പറയാം
Question 1.
രാത്രിയുടെ വരവിനെ കവി എങ്ങനെയാണ് ആവിഷ്കരിച്ചിരിക്കുന്നത്.
Answer:
അമ്പിളിക്കലയുടെ പൊൻ തിടമ്പേന്തി കറുത്ത കൊമ്പനാന പോലെയാണ് രാത്രിയുടെ വരവ് എന്നാണ് കവി പറയുന്നത്.
Question 2.
രാത്രിയിൽ പ്രകൃതിയിൽ ഉണ്ടാകുന്ന മാറ്റങ്ങൾ എന്തെല്ലാം?
Answer:
മാനും മുയലും കാടും നദിയും കടലുമെല്ലാം വിശ്രമിക്കുകയാണ്. മീനുകൾ മിഴികൾ പൂട്ടി. പക്ഷികൾ കൂട്ടിലേക്ക് മടങ്ങി. അക്ഷരങ്ങൾ പുസ്തകത്താളുകളിൽ മയങ്ങി. ഇതെല്ലാമാണ് രാത്രിയിൽ പ്രകൃതിയിൽ ഉണ്ടാകുന്ന മാറ്റങ്ങൾ.
Question 3.
മകളുടെ ഉറക്കത്തിന് അമ്മയായ പ്രകൃതി ഒരുക്കുന്നതെന്തെല്ലാമാണ്?
Answer:
മകൾ ഉറങ്ങുമ്പോൾ സ്വപ്നത്തിൽ ലോകം നീലമ യിലിനെ പോലെ വർണങ്ങൾ നിറഞ്ഞതാകും. അവളുടെ മിഴിക്കുള്ളിൽ കല്ലുകളും പുൽക്കൊ ടികളും പോലും സ്വപ്നത്തിന്റെ ചിറകിലേറി ഉയരുന്നു. അവൾ മയങ്ങുമ്പോൾ അവളുടെ സ്വപ്നത്തിൽ യുദ്ധക്കളം പോലും പൂക്കളമായി മാറും എന്ന് അമ്മയാകുന്ന പ്രകൃതി ആശംസി ക്കുന്നു. അപ്പോൾ അമ്മയില്ലാത്തവർക്കെല്ലാം അമ്മയുടെ സ്നേഹം പകർന്ന് പ്രകൃതി നിലാ വായി മാറും. ശാന്തമായ ആ ഉറക്കത്തിൽ വറ്റിയ പുഴയിലെല്ലാം നീര് നിറഞ്ഞ് ഓളങ്ങൾ ശ്രുതിമീട്ടുമെന്നും ഉണങ്ങിയ കാടുകളിൽ തളിർ നാമ്പുകൾ നിറയുമെന്നും ചാറ്റൽ മഴ പെയ്യുമെന്നും പ്രകൃതിയാകുന്ന അമ്മ പറയുന്നു.
ആശയം വിശദീകരിച്ചെഴുതുക.
Question 1.
പൂക്കളമാകുന്ന പോർക്കളം
Answer:
ജീവിതത്തിൽ അനുഭവിക്കുന്ന സംഘർഷങ്ങ ളെയാണ് പോർക്കളമായി കവി അവതരിപ്പി ക്കുന്നത്. ഉറങ്ങുമ്പോൾ അവയെല്ലാം മറന്ന് ശുഭപ്രതീക്ഷയുടെ പൂക്കളം സ്വപ്നത്തിൽ നിറയു ന്നുവെന്നാണ് കവിതയിൽ സൂചിപ്പിക്കുന്നത്.
Question 2.
അമ്മയില്ലാത്തവർക്ക് അമ്മയാവുന്ന നിലാവ് നിലാവ്
Answer:
മനസ്സിന് ശാന്തിയും സ്വാന്ത്വനവും നൽകുന്നു. അമ്മയുടെ സാമീപ്യവും നമുക്ക് തരുന്നത് അതാണ്. പാൽനിലാവ് പ്രകൃതിയുടെ സ്നേഹസ്പർശം തന്നെയാണ്.
Question 3.
കാറ്റിൻ ചുമലിലെ കാണാച്ചെണ്ട
Answer:
കാറ്റെത്തുന്നത് പലതരം ശബ്ദങ്ങളുമായാണ്. ദലമർമ്മരങ്ങളും ചില്ലകൾ ആടിയുലയുന്ന ശബ്ദങ്ങളും എല്ലാം ചേർന്ന് വാദ്യാഘോഷ ത്തിന്റെ നാദവുമായാണ് കാറ്റെത്തുന്നത്. ഈ ശബ്ദങ്ങളെയാണ് കാണാച്ചെണ്ടയായി കവി വർണ്ണിക്കുന്നത്.
വിശകലനം ചെയ്യാം
Question 1.
“കൊന്നപ്പുപോലെ ചായുന്നവെയിൽ” വെയിലിനെ കൊന്നപ്പൂവായി സങ്കല്പിച്ചിരിക്കു ന്നതിലെ പ്രത്യേകതകൾ കണ്ടെത്തു.
Answer:
പോക്കുവെയിലിന് സ്വർണ്ണനിറമാണ്, കൊന്നപ്പൂ വിനും സ്വർണ്ണനിറമാണ്. പോക്കുവെയിലിന്റെ സ്വർണ്ണശോഭയിൽ തിളങ്ങി നിൽക്കുന്ന പ്രകൃതിയെ കാണുമ്പോൾ കൊന്നപ്പൂ തോരണം കൊണ്ട് അലങ്കരിച്ചപോലെയാണ് കവിക്ക് തോന്നുന്നത്.
Question 2.
നിലാവിനെ അമ്മയായി സങ്കല്പിച്ചിരിക്കുന്നത് എന്തുകൊണ്ടാവാം?
Answer:
നിലാവ് മനസ്സിന് ശാന്തിയും സാന്ത്വനവും നൽകുന്നു. അമ്മയുടെ സാമീപ്യവും നമുക്ക് തരുന്നത് അതാണ്. അമ്മയുടെ സ്നേഹം പോലെ പാൽനിലാവും പ്രപഞ്ചമാകെ പരന്നൊഴുകു കയാണ്. നിലാവു പരന്ന പ്രകൃതിയിൽ ലയി ച്ചിരിക്കുന്ന ഒരാൾക്കും, അമ്മയുടെ മാറിൽ ചേർന്ന് കിടക്കുന്ന ഒരു കുഞ്ഞിനുമുണ്ടാകുന്നത് ഒരേ നിർവൃതിയാണ് എന്നാണ് കവി നമ്മോടു പറയുന്നത്.
Question 3.
മകളുടെ ഉറക്കത്തിനു താരാട്ടു പാടാൻ പ്രകൃതി ആരെയെല്ലാമാണ് ചുമതലപ്പെടുത്തിയിരിക്കു ന്നത്? ഇവരുടെ താരാട്ടു പാട്ടുകൾ എങ്ങനെ വ്യത്യാസപ്പെട്ടിരിക്കുന്നു?
Answer:
രാവിന്റെ പൂമരമായി തിളങ്ങി നിൽക്കുന്ന താരജാലങ്ങൾ പാടുന്നത് നിശബ്ദമായ താരാട്ടാണ്. വാദ്യമേളങ്ങൾ പോലെയാണ് കാറ്റിലുലയുന്ന മരച്ചില്ലകളുടെ താളം, ദലമർമ്മരം എന്നിവയുടെ താരാട്ട്. ചാറ്റൽ മഴയുടെ ഇരമ്പമാകട്ടെ സംഗീതസാന്ദ്രമായ താരാട്ടാണ്.
Question 4.
നീ ഉറങ്ങുമ്പോൾ മകളേ, ലോകം നീലമയിലിനെപ്പോലെ.
ലോകത്തെ നീലമയിലായി സങ്കല്പിച്ചിരിക്കുന്ന തെന്തു കൊണ്ട് ചർച്ച ചെയ്തു.
Answer:
മകളുടെ ഉറക്കത്തിൽ വിരിയുന്ന സ്വപ്നങ്ങളിൽ ലോകം നീലമയിലിനെ പോലെ വർണ്ണങ്ങൾ നിറഞ്ഞതാകും. രാത്രിയുടെ നീലിമയാർന്ന ആകാശത്തെയാണ് പീലി വിടർത്തി നിൽക്കുന്ന മയിലായി കവി സങ്കല്പിച്ചത്. മലനിരകളുടെയും വൃക്ഷത്തലപ്പുകളുടെയും നിഴൽ കലർന്ന ആകാശക്കാഴ്ച മയിലാട്ടം പോലെ മനസ്സിൽ നിറഞ്ഞു നിൽക്കും.
വർണന
Question 1.
കവിതയിലെ ആശയങ്ങളും പ്രയോഗങ്ങളും ഉൾപ്പെടുത്തി ഉറങ്ങുന്ന പ്രകൃതിയെക്കുറിച്ചുള്ള വർണന. തയ്യാറാക്കൂ.
Answer:
അമ്പിളിക്കലയുടെ പൊൻ തിടമ്പ് വഹിച്ച് കറുത്ത കൊമ്പനാനയെപ്പോലെ രാത്രി വരികയാണ്. മാനും മുയലുമുറങ്ങി തുടങ്ങിയിരിക്കുന്നു. കാടും ഉറങ്ങിയിരിക്കുന്നു. നദിയും കടലും ഇരമ്പങ്ങളും ഓളങ്ങളുമില്ലാതെ വിശ്രമിക്കുകയാണ്. തടാക ങ്ങളിൽ മീനുകൾ മിഴി പൂട്ടിക്കഴിഞ്ഞു. നീലക്കായ ലിന്റെ സ്വപ്നമായി സൂര്യൻ മറഞ്ഞു. പക്ഷികളും കിളികളുടെ പാട്ടും കൂടുകളിലേക്ക് മടങ്ങി. അക്ഷരങ്ങളും അറിവുകളും പുസ്തകത്തിൽ മയങ്ങിത്തുടങ്ങി. നീലമയിലിനെ പോലെ പീലി വിരിച്ച് സ്വപ്നങ്ങൾ നെയ്ത് ലോകം ഉറക്കത്തിനു കൂട്ടായി നിന്നു. നിലാവ് അമ്മയെപ്പോലെ തഴുകി.
രംഗാവിഷ്കാരം
Question 1.
സംഘങ്ങളായി കവിതയ്ക്ക് ഈണം കണ്ടെത്തു.
തുടർന്ന് ഒരു രംഗാവിഷ്കാരം തയ്യാറാക്കി യാലോ?
പാഠഭാഗത്തെ ചിത്രം ശ്രദ്ധിച്ചല്ലോ? ഇനിയെ തല്ലാം തയ്യാറെടുപ്പുകൾ വേണം ? ആരെ യെല്ലാം അവതരിപ്പിക്കണം?
Answer:
രംഗവേദിയിൽ പുഴയും നീരുറവയും പൂത്തു നിൽക്കുന്ന മരങ്ങളും ചെടികളും വള്ളിപ്പടർപ്പു കളും നിറഞ്ഞ ഒരു കാടിന്റെ നിശ്ചലചിത്രം.
സൂര്യൻ എരിഞ്ഞടങ്ങുന്നു. കറുത്ത രാത്രി കടന്നുവരുന്നു. ആ ഇരുട്ടിനെ വകഞ്ഞുമാറ്റി നിലാവിന്റെ ശോഭ കാട്ടിലെങ്ങും വ്യാപിക്കുന്നു.. ജീവനുള്ളതും ഇല്ലാത്തതും ഉറക്കത്തിലേയ്ക്ക് ചായുകയാണ്. മാനും മുയലും പക്ഷികളും കൂടണഞ്ഞ് വിശ്രമിക്കുന്നു. ഉറങ്ങുന്ന ഒരു കുഞ്ഞിന്റെ രൂപം വേദിയുടെ ഒരു ഭാഗത്ത് തെളിയുന്നു. അങ്ങകലെ കടലിന്റെ വിദൂരദൃശ്യം.
നിലാവിന്റെ കൈകൾ ഒരു മാലാഖയുടെ രൂപമായി കുഞ്ഞിനെ തലോടുന്നു. അമ്മയുടെ സ്നേഹവാത്സല്യങ്ങൾ നിറഞ്ഞ സാമീപ്യം പ്രകൃതിയാകെ അറിയുന്നു. ഇപ്പോൾ കുഞ്ഞിന്റെ ചുണ്ടിൽ പുഞ്ചിരി തത്തിക്കളിക്കുന്നു. ആ കുരുന്ന് സ്വപ്നസഞ്ചാരത്തിലാണ്. പുഴയിലെ ഓളങ്ങൾ കളകളാരവത്തോടെ താരാട്ടു പാടുമ്പോൾ വേദിയ്ക്ക് പിന്നിൽനിന്ന് കവിതാഭാഗങ്ങൾ ഒരു കോറസ്സായി ഉയരുന്നു. അതിന് താളം പിടിക്കുന്നത് കാറ്റിലുലയുന്ന ഇലക്കൂട്ടങ്ങളാണ്. ഒപ്പം ചാറ്റൽ മഴയുടെ നേരിയ സംഗീതവും കേൾക്കുന്നു. അതിനൊത്ത മൃദുതാളവും അലയടിക്കുമ്പോൾ, അതുകേട്ട് കുട്ടി സ്വസ്ഥനായി ഉറങ്ങുന്നു.
കവിതകൾ അവതരിപ്പിക്കാം
Question 1.
കടമ്മനിട്ട, സച്ചിദാനന്ദൻ തുടങ്ങിയവരുടെ കവിതകൾ ശേഖരിച്ച് ക്ലാസ്സിൽ ചൊല്ലിയവ തരിപ്പിക്കാം.
Answer
ഹരിതം – സച്ചിദാനന്ദൻ
ഒരു ഞരമ്പിപ്പൊഴും പച്ചയായുണ്ടെന്നൊ
രില് തന്റെ ചില്ലയോടോതി
ഇലയൊന്നു കൊഴിയാതെയിപ്പോഴും ബാക്കിയുണ്ടെ
ന്നൊരു ചില്ല കാറ്റിനോടോതി
ഒരു ചില്ല കാറ്റിൽ കുലുങ്ങാതെ നിൽപ്പുണ്ട ന്നൊരു മരം പക്ഷിയോടോതി
അങ്ങേലെ മുപ്പിന്നു ചത്തോടീ?
നമ്മളും പോയൊന്നറിയേണ്ടേ?
ചാക്കാല ചൊല്ലുവാൻ വന്നവന്
കാപ്പിയും കാശും കൊടുത്തോടീ?
കാര്യങ്ങളെന്തൊക്കെയായാലും
നാലുപേർ കൂടുന്ന കാര്യമല്ലേ.
-ചാക്കാല- (കടമ്മനിട്ട)
പാറിപ്പറക്കുന്ന മുടിനാരുകളിൽ
ചാരത്തിന്റെ ചെതുമ്പലുകളും
കൈപ്പടം കൊണ്ട് മൂക്കു തുടച്ചപ്പോൾ
പുരണ്ട കരിയുടെ പാടും
ശാന്ത (കടമ്മനിട്ട)
ഈ വിഴുപ്പീക്കരിപ്പാത്രം പുകയടു-
തീറെഴുക്കാർന്ന പായ, ഈ മുലക്കുപ്പി നാനിൻ
വീതമായ ജംഗമം, സ്ഥാവർമായെട്ടു
കാലികൾ താരകളായോരോ പിൻതളം
– മലകളിൽ വീണ്ടും (സച്ചിദാനന്ദൻ)
നാവറിയാൻ വന്നു വാളിനെ നാക്കിന്റെ
ലോഹദാർഢ്യത്തിലെ തിരിട്ടു തിന്നവ
ചോര നിലാവിൽ മിഴികൾ കലക്കിയ
വീഥിയിൽ ബോധികൾ നട്ടുനനച്ചവ
-സച്ചിദാനന്ദൻ
ഉപന്യാസം തയ്യാറാക്കാം
പാവനസ്നേഹത്തിന്റെ
പാട്ടുപാടുവാനെന്റെ
നാവനങ്ങുന്ന താര
ഗംഭീരനാദത്തോടെ.
ഉള്ളൂരിന്റെ ഈ വരികൾ വായിച്ചല്ലോ.
പരസ്പര സ്നേഹത്തിന്റെ ഉണർത്തുപാട്ടുകളാണ് ഈ യൂണിറ്റിൽ നാം പരിചയപ്പെട്ടത്. താഴെ കൊടുത്ത ആശയപടം ശ്രദ്ധിക്കുക..
Question 1.
ആശയങ്ങൾ വികസിപ്പിച്ച് ഉപന്യാസം തയ്യാറാക്കുക.
Answer:
ഉള്ളൂർ പറയുന്നത് പരിപാവനമായ സ്നേഹ ത്തിന്റെ പാട്ടുപാടാൻ എന്റെ നാവ് ഗംഭീരമായ നാദത്തോടെ അനങ്ങുന്നു എന്നാണ്. സ്നേഹമാ ണഖിലസാരമൂഴിയിൽ എന്നാണ് കുമാരനാശാൻ പാടുന്നത്. കടമ്മനിട്ടയുടെ കവിതയിലും വത്സല യുടെ കഥയിലും സച്ചിദാനന്ദന്റെ കവിതയിലും സ്നേഹം നിറയുന്നു. പ്രപഞ്ചത്തിന്റെ നില നിൽപ്പുതന്നെ പരസ്പര സ്നേഹത്തിന്റെ അടി ത്തറയിലാണ്. സ്നേഹം നഷ്ടപ്പെട്ടാൽ ലോക ത്തിന് മുന്നോട്ട് പോകാനാവില്ല. ഇന്ന് ലോക ത്തിൽ കാണുന്ന എല്ലാ പ്രശ്നങ്ങൾക്കും കാരണം സ്നേഹമില്ലായ് മയാണ്. അഗതികളോടും കഷ്ടപ്പെടുന്നവരോടും നമുക്ക് സ്നേഹമുണ്ടാ കണം. നാം സുഖമായി ജീവിക്കുമ്പോൾ മറ്റു ള്ളവർ കിടന്ന് കഷ്ടപ്പെടുന്നത് നാമൊരിക്കലും കാണാതെ പോകരുത്. അവരെ സഹായി ക്കാനുള്ള നന്മ നമ്മൾക്കുണ്ടാകണം. നമ്മളും പ്രയാസങ്ങൾ നേരിടുമ്പോൾ മറ്റുള്ളവരുടെ സഹായം പ്രതീക്ഷിക്കുമല്ലോ. കൂടുമ്പോൾ ഇമ്പ മുണ്ടാകുന്നതാണ് കുടുംബം. കുടംബത്തിലെ സ്നേഹബന്ധങ്ങളുടെ തീവ്രതയാണ് ഒരു വ്യക്തിയെ നല്ലവനാക്കിതീർക്കുന്നത്. സ്നേഹ മില്ലാത്ത കുടുംബത്തിലെ ബന്ധങ്ങൾ വഷളാ കുകയും അത് വലിയ പ്രശ്നങ്ങൾക്ക് കാരണ മാകുകയും ചെയ്യുന്നു.
പരസ്പര സ്നേഹം ഉണ്ടായിരിക്കണം. മനുഷ്യർ തമ്മിൽ മാത്രമല്ല മറ്റു ജീവജാലങ്ങളോടും സ്നേഹം കാണിക്കണം. അങ്ങനെ പ്രകൃതിയെ സ്നേഹിക്കുന്നതുപോലെ നമ്മുടെ സ്നേഹം ചുറ്റുപാടുകളിലേയ്ക്കും വ്യാപിപ്പിക്കാൻ നമുക്കു കഴിയണം. എങ്കിൽ മാത്രമേ പ്രപഞ്ചത്തിന് സന്തു ലിതമായ നിലനിൽപ്പ് ഉണ്ടാവുകയുള്ളൂ. പര സ്പരം സ്നേഹമാണ് ലോകത്തിന്റെ നില നിൽ പ്പിന് അടിസ്ഥാനം. എല്ലാവരും ഐക്യത്തോടെ കഴിയുമ്പോൾ ഭൂമി സ്വർഗമാകും.
കൂടുതൽ പ്രവർത്തനങ്ങൾ
ആസ്വാദനക്കുറിപ്പ്
സച്ചിദാനന്ദന്റെ മനോഹരമായ കവിതയാണ് വേഗ മുറ. ഇത് താരാട്ട് പാട്ടിന്റെ ഈണത്തിലാണ് എഴുതിയിരിക്കുന്നത്. കേൾക്കുന്നവരിൽ സമ്മിശ്ര ചിന്തകൾ ഉണർത്തുന്ന കവിത. പ്രകൃതി തന്റെ മകളെ പാടിയുറക്കുകയാണോ കവി തന്റെ മകളെ പാടിയുറക്കുകയാണോ അതോ നാം ഓരോരുത്ത രെയും പാടിയുറക്കുകയാണോ എന്ന ചിന്താ കുഴപ്പം നമ്മളിൽ ഉണ്ടാക്കുന്നു. ഈ കവിത ധാരാളം പ്രകൃതി ചിത്രങ്ങൾ നമുക്ക് സമ്മാനി ക്കുന്നു. പ്രകൃതി തന്റെ മകളെ ഉറക്കുകയാണ്. രാത്രിയായെന്നും മാനും മുയലും ഉറങ്ങിത്തുട ങ്ങിയിരിക്കുന്നു. കാട് ഉറങ്ങുന്നു. നദിയും കടലും ആർത്തിരമ്പലില്ലാതെ വിശ്രമിക്കാൻ തുടങ്ങിയി രിക്കുന്നു. മീനുകൾ മിഴിയടച്ചുവെന്നും നീലക്കായ ലിൽ സൂര്യൻ മറഞ്ഞു പക്ഷികളെല്ലാം കൂടണ ഞ്ഞു. അക്ഷരം പുസ്തകത്താളുകളിൽ ഉറങ്ങി.
അതുകൊണ്ട് മകളെ നീയും വേഗം ഉറങ്ങൂ എന്ന് കവി പറയുന്നു. നീയുറങ്ങുമ്പോൾ നിന്റെ സ്വപ്നങ്ങളിൽ ലോകം നീലമയിലിനെപ്പോലെയാ ണെന്നും നിന്റെ സ്വപ്നത്തിൽ യുദ്ധക്കളം പൂക്കളമാകുമെന്നും അമ്മയില്ലാത്തവർക്ക് അപ്പോൾ അമ്മയുടെ സ്നേഹം പകർന്ന് ഞാൻ നിലാവായി മാറുമെന്നും പ്രകൃതി പറയുന്നു. സ്വച്ഛമായ ഉറക്കത്തിൽ വറ്റിയ പുഴയിൽ വെള്ളം നിറഞ്ഞ് ശ്രുതി മീട്ടുമെന്നും ഉണങ്ങിയ കാടുകൾ തളിരിടുമെന്നും പ്രകൃതി പറയുന്നു. രാത്രിയുടെ പൂമരം പൂത്തുലയുകയാണെന്നും കാറ്റിന്റെ ചുമലിലെ കാണാച്ചെണ്ടപോലെ ചാറ്റൽ മഴയുടെ ഇരമ്പം കേൾക്കുന്നു. ഒന്നു വേഗം ഉറങ്ങു മലരേ എന്നും കവി പറയുന്നു.
വെയിൽ ചായുന്നു കൊന്നപ്പൂ പോലെ. ഈ വരിയിൽ സന്ധ്യാസമയം സൂചിപ്പിക്കുന്നു. കരിം കൊമ്പനായ രാത്രി വരുന്നു. നീലക്കായലിൽ സ്വപ്നമായ സൂര്യൻ, നീലമയിലിനെ പോലെ, പോർക്കളം പൂക്കളമാകും, രാവിൻ പൂമരം പൂത്തുലയുന്നു, കാറ്റിൻ ചുമലിലെ കാണാച്ചെണ്ട തുടങ്ങിയ പ്രയോഗങ്ങൾ കവിത മനോഹരമാ ക്കുന്നു. ലളിതമായ ഭാഷാശൈലിയും ഭാവനാ ഭംഗിയും കവിതയെ അത്യധികം മാധുര്യം നിറഞ്ഞതാക്കുന്നു. ആദ്യാക്ഷരപ്രാസവും ദ്വിതീയാക്ഷര പ്രാസവും കവിതയിലുടനീളം കാണാം. ചൊല്ലുന്ന മാത്രയിൽ തന്നെ അർഥം ഗ്രഹിക്കാൻ സാധിക്കുന്ന ലാളിത്യം കവിത സ്വന്തമാക്കിയിരിക്കുന്നു.