Reviewing SCERT Class 7 Basic Science Solutions Malayalam Medium and Chapter 4 പ്രകാശം പ്രതിപതിക്കുമ്പോൾ Notes Questions and Answers can uncover gaps in understanding.
പ്രകാശം പ്രതിപതിക്കുമ്പോൾ Notes Class 7 Basic Science Chapter 4 Malayalam Medium
When Light Reflects Class 7 Malayalam Medium
Let Us Assess
Question 1.
താഴെക്കൊടുത്ത പട്ടിക പരിശോധിച്ച് കൂട്ടത്തിൽപ്പെടാത്തവ കണ്ടെത്തുക.
| സുതാര്യവസ്തുക്കൾ | അർധതാര്യവസ്തുക്കൾ | അതാര്യവസ്തുക്കൾ |
|
|
|
Answer:
സുതാര്യവസ്തുക്കളിൽ പെടാത്തത് – പുകനിറച്ച പെട്ടി
അർധതാര്യവസ്തുക്കളിൽ പെടാത്തത് – ടൈൽസ്
അതാര്യവസ്തുക്കളിൽ പെടാത്തത് – തെളിഞ്ഞ ജലം
Question 2.
ചിത്രങ്ങൾ നിരീക്ഷിക്കൂ. പ്രകാശത്തിന്റെ ഏതുതരം പ്രതിപതനങ്ങളാണ് ഇവിടെ കാണുന്നത്?
പ്രതിപതനത്തിന്റെ അടിസ്ഥാനത്തിൽ രണ്ടു കാഴ്ചകളെയും വിശദീകരിക്കൂ.
Answer:
ചിത്രം 1- ക്രമപ്രതിപതനം
ചിത്രം 2 – വിസരിത പ്രതിപതനം
മിനുസമുള്ള പ്രതലങ്ങളിൽ പ്രകാശം പതിക്കുമ്പോൾ ക്രമമായി പ്രതിപതിക്കുന്നു. ഇതാണ് ക്രമപ്രതിപതനം. മിനുസമില്ലാത്ത പ്രതലങ്ങളിൽ പ്രകാശം പതിക്കുമ്പോൾ പല ദിശകളിലേക്കും ചിതറിത്തെറിക്കുന്നു. ഇതാണ് വിസരിത പ്രതിപതനം.
Question 3.
താഴെപ്പറയുന്ന സന്ദർഭങ്ങൾ നോക്കൂ. ഓരോന്നിലും പ്രതിപതനമാണ് സംഭവിക്കുന്നത് എന്ന് കണ്ടെത്തൂ.
Answer:
| സന്ദർഭം | പ്രതിപതനം |
| ആഭരണങ്ങൾ തിളങ്ങുന്നു | വിസരിത പ്രതിപതനം |
| പകൽസമയം വീടിനകത്ത് വെളിച്ചം കാണുന്നു. | വിസരിത പ്രതിപതനം |
| പോളിഷ് ചെയ്ത ഫർണിച്ചർ തിളങ്ങുന്നു. | ക്രമപ്രതിപതനം |
| നിശ്ചലമായ ജലോപരിതലത്തിൽ മരത്തിന്റെ പ്രതിബിംബം കാണുന്നു. | ക്രമപ്രതിപതനം |
Class 7 Basic Science Chapter 4 Extended Activities Answers Malayalam Medium
Question 1.
താഴെയുള്ള ചിത്രത്തിൽ കാണുന്നതുപോലെ മൂന്ന് ബെഞ്ചുകൾ മുറിയിൽ ക്രമീകരിക്കുക. ഒന്ന് ചുമരിന് ലംബമായും രണ്ടെണ്ണം ചുമരിൽ നിന്ന് നിശ്ചിത നിന്ന് നിശ്ചിത അകലത്തിലും. ചുമരിൽ മുട്ടിനിൽക്കുന്ന ബെഞ്ചിന്റെ അറ്റത്ത് ഒരു ആണി തറയ്ക്കുക. ബെഞ്ചിൽ തറച്ച ആണിക്ക് പിന്നിലായി ഒരു ദർപ്പണം കുത്തനെ വയ്ക്കുക. നേരെവച്ച് ഒന്നാമത്തെ ബെഞ്ചിൽ തുല്യ അകലത്തിൽ A, B, എന്നും രണ്ടാമത്തെ ബെഞ്ചിൽ C, D എന്നും അടയാളപ്പെടുത്തുക. ചിത്രത്തിൽ കാണുന്നതുപോലെ 4 കുട്ടികളെ ഇരുത്തുക. ചുമരിന് ലംബമായി വച്ച ബെഞ്ചിന്റെ അറ്റത്ത് X എന്ന് അടയാളപ്പെടുത്തുക. ഒരു നൂൽ ആണിയിൽ ചുറ്റി A, D സ്ഥാനങ്ങളിലുള്ള കുട്ടികളുടെ കൈയ്യിൽ കൊടുക്കുക. ഇതുപോലെ മറ്റൊരു നൂൽ ആണിയിൽ ചുറ്റി B, C സ്ഥാനങ്ങളിലുള്ള കുട്ടികളുടെ കൈയിലും കൊടുക്കുക.
a) A എന്ന കുട്ടി പിടിച്ച നൂലിലൂടെ കണ്ണാടിയിലേക്ക് ടോർച്ച് പ്രകാശിപ്പിക്കുക. പ്രകാശം എവിടെയാണ് പ്രതിപതിച്ച് എത്തുന്നത്?
Answer:
D എന്ന കുട്ടിയുടെ മേൽ എത്തുന്നു.
b) D എന്ന കുട്ടിയും ഇതേരീതിയിൽ കണ്ണാടിയിലേക്ക് ടോർച്ച് പ്രകാശിപ്പിക്കുക. പ്രകാശം എവിടെയാണ് പ്രതിപതിച്ച് എത്തുന്നത്?
Answer:
A എന്ന കുട്ടിയുടെ മേൽ എത്തുന്നു.
c) B എന്ന കുട്ടിയും C എന്ന കുട്ടിയും പ്രവർത്തനം ആവർത്തിക്കണം. നിരീക്ഷണം എഴുതൂ.
Answer:
B എന്ന കുട്ടി പിടിച്ച നൂലിലൂടെ കണ്ണാടിയിലേക്ക് ടോർച്ച് പ്രകാശിപ്പിക്കുമ്പോൾ, പ്രതിപതിക്കുന്ന പ്രകാശം C എന്ന കുട്ടിയുടെ മേൽ എത്തുന്നു. അതേപോലെ, C എന്ന കുട്ടി പിടിച്ച നൂലിലൂടെ കണ്ണാടിയിലേക്ക് ടോർച്ച് പ്രകാശിപ്പിക്കുമ്പോൾ, പ്രതിപതിക്കുന്ന പ്രകാശം B എന്ന കുട്ടിയുടെ മേൽ എത്തുന്നു.
d) എങ്കിൽ X എന്ന സ്ഥാനത്തുനിന്ന് കണ്ണാടിയിലേക്ക് ടോർച്ച് പ്രകാശിപ്പിച്ചാൽ പ്രകാശം പ്രതിപതിച്ചെത്തുന്നത് എവിടെയായിരിക്കും?
Answer:
X ൽ തന്നെ എത്തും.
Class 7 Basic Science Chapter 4 Intext Questions and Answers Malayalam Medium
Question 1.
ജനലിലൂടെ വെളിച്ചം ഉള്ളിലെത്തിയപ്പോൾ കർട്ടൻ നീക്കിയിടാൻ മുത്തശ്ശി പറഞ്ഞത് എന്തു കൊണ്ടാണ്?
Answer:
കർട്ടൻ പ്രകാശം കടത്തിവിടുന്നില്ല. അതിനാൽ പ്രകാശം അകത്തു പ്രവേശിക്കില്ല.
Question 2.
സൂര്യപ്രകാശം മുറിക്കുള്ളിലേക്ക് വരുന്നത് തടയാൻ ചില്ലുജനാലയിൽ കർട്ടനുപകരം മറ്റെന്തെ ല്ലാം ഉപയോഗിക്കാം? ലിസ്റ്റ് ചെയ്യു.
Answer:
- പേപ്പറുകൾ
- തടികൊണ്ടുള്ള സ്ക്രീനുകൾ
- അതാര്യമായ പ്ലാസ്റ്റിക്കുകൾ
- റബ്ബർ കർട്ടനുകൾ
- ഗ്ലാസിൽ കറുത്ത പെയിന്റടിക്കാം
Question 3.
എന്താണ് കാണുന്നത്? നിങ്ങളുടെ നിരീക്ഷണങ്ങൾ ശാസ്ത്രപുസ്തകത്തിൽ പട്ടികപ്പെടുത്തൂ.
Answer:
| പ്രകാശം കടത്തിവിടുന്ന വസ്തുക്കൾ | പ്രകാശം കടത്തിവിടാത്ത വസ്തുക്കൾ |
| ജനൽച്ചില്ല | മരക്കട്ട |
| ബട്ടർ പേപ്പർ | തുണി |
| ഉരച്ച ഗ്ലാസ്ഷീറ്റ് | വെള്ളപേപ്പർ |
| ചില്ലുഗ്ലാസ്സിൽ എടുത്ത ശുദ്ധജലം | കറുത്ത ചാർട്ട് പേപ്പർ |
| കണ്ണടച്ചില്ല് | നാണയം |
| നിറമില്ലാത്ത പ്ലാസ്റ്റിക്ക് ബോട്ടിൽ | കണ്ണാടി |
| മാർബിൾ | |
| പോളിത്തീൻ കവർ |
Question 4.
ബട്ടർ പേപ്പറിലൂടെ പ്രകാശം കടന്നുപോയില്ലേ? കണ്ണടച്ചില്ലിലൂടെയോ? രണ്ടു വസ്തുക്കളും ഒരേ രീതിയിലാണോ പ്രകാശം കടത്തിവിടുന്നത്? രേഖപ്പെടുത്തൂ.
Answer:
രണ്ട് വസ്തുക്കളും ഒരേ രീതിയിലല്ല പ്രകാശത്തെ കടത്തിവിടുന്നത്.
കണ്ണടച്ചില്ല് പ്രകാശം നന്നായി കടത്തിവിടുന്നു.
ബട്ടർപേപ്പർ പ്രകാശത്തെ ഭാഗികമായി കടത്തിവിടുന്നു.
ബട്ടർപേപ്പർ, ജനൽചില്ല്, ഉരച്ചചില്ല്, എണ്ണപുരട്ടിയ പേപ്പർ, ചില്ലുകഷണം, പോളിത്തീൻ കവർ ചില്ലുഗ്ലാസിൽ എടുത്ത ശുദ്ധജലം, നിറമില്ലാത്ത പ്ലാസ്റ്റിക് ബോട്ടിൽ എന്നിവ ഉപയോഗിച്ച് പരീക്ഷണം ആവർത്തിക്കൂ,
Question 5.
പരീക്ഷണത്തിന്റെ അടിസ്ഥാനത്തിൽ പ്രകാശത്തെ നന്നായി കടത്തിവിടുന്ന വസ്തുക്കൾ, ഭാഗികമായി കടത്തിവിടുന്ന വസ്തുക്കൾ എന്നിങ്ങനെ പട്ടികപ്പെടുത്തൂ.
Answer:
| പ്രകാശം നന്നായി കടത്തിവിടുന്നവ | പ്രകാശം ഭാഗികമായി കടത്തിവിടുന്നവ |
| ജനൽചില്ല് ചില്ലുകഷണം ചില്ലുഗ്ലാസിൽ എടുത്ത ശുദ്ധജലം നിറമില്ലാത്ത പ്ലാസ്റ്റിക് ബോട്ടിൽ |
ബട്ടർപേപ്പർ ഉരച്ചചില്ല് എണ്ണപുരട്ടിയ പേപ്പർ പോളിത്തീൻ കവർ |
Question 6.
കൂടുതൽ വസ്തുക്കൾ ഉപയോഗിച്ച് പരീക്ഷണം ആവർത്തിക്കൂ. പരീക്ഷിച്ച വസ്തുക്കളെ സുതാര്യവസ്തുക്കൾ, അർധതാര്യവസ്തുക്കൾ, അതാര്യവസ്തുക്കൾ എന്നിങ്ങനെ തരംതിരിച്ച് ശാസ്ത്രപുസ്തകത്തിൽ പട്ടികപ്പെടുത്തൂ.
Answer:
| സുതാര്യവസ്തുക്കൾ | അർധതാര്യവസ്തുക്കൾ | അതാര്യവസ്തുക്കൾ |
| ജലം വജ്രം |
നിറമുള്ള പ്ലാസ്റ്റിക് ഷീറ്റ് | അലുമിനിയം ഫോയിൽ മെറ്റൽ സ്പൂൺ കാർഡ്ബോർഡ് |
Question 7.
സുതാര്യമായ ഒരു ഗ്ലാസ് ഷീറ്റ് അർധതാര്യമോ അതാര്യമോ ആക്കാൻ സാധിക്കുമോ? എങ്ങനെ? ചർച്ച ചെയ്യൂ. എന്തെല്ലാം മാർഗങ്ങൾ നിങ്ങൾക്ക് നിർദേശിക്കാനാവും? ശാസ്ത്രപുസ്തകത്തിൽ രേഖപ്പെടുത്തൂ.
Answer:
സാധിക്കും.
അതാര്യമാക്കാൻ പ്രകാശം കടത്തിവിടാത്ത വസ്തുക്കൾ ഒട്ടിക്കാം, പെയിന്റടിക്കാം, കരിപിടിപ്പിക്കാം. അർധതാര്യമാക്കാൻ എണ്ണ പുരട്ടാം, നേരിയ രീതിയിൽ കരിപിടിപ്പിക്കാം, വളരെ നേരിയ രീതിയിൽ
ചായമടിക്കാം.
സുതാര്യമായ ഒരു ഗ്ലാസ്സ് ഷീറ്റിൽ ചിത്രത്തിൽ കാണുന്നതുപോലെ കരി പിടിപ്പിച്ചുനോക്കൂ.
Question 8.
എന്ത് മാറ്റമാണ് കാണുന്നത്?
Answer:
സുതാര്യമായ ഒരു ഗ്ലാസ്സ് ഷീറ്റിൽ കരി പിടിപ്പിക്കുമ്പോൾ അതിന്റെ സുതാര്യത കുറയുന്നു. കരി പിടിക്കു ന്നതിന്റെ അളവനുസരിച്ച്, ഗ്ലാസ്സ് അർധതാര്യമോ അതാര്യമോ ആവാം.
Question 9.
ഗ്ലാസ് ഷീറ്റിൽ കൂടുതൽ കരി പറ്റുമ്പോൾ വെളിച്ചം കടത്തിവിടുന്ന സ്വഭാവത്തിന് എന്തു സംഭവിക്കുന്നു? പരീക്ഷണം ചെയ്ത് കണ്ടെത്തൂ.
Answer:
ഗ്ലാസ് ഷീറ്റിൽ കൂടുതൽ കരി പറ്റുമ്പോൾ വെളിച്ചം കടത്തിവിടുന്ന സ്വഭാവത്തിന് എന്തു സംഭവിക്കുന്നു എന്ന മനസിലാക്കാൻ ഉള്ള പരീക്ഷണം ആണ് താഴെ നൽകിയിരിക്കുന്നത്.
ആവശ്യമായ വസ്തുക്കൾ:
- ഒരു സുതാര്യമായ ഗ്ലാസ് ഷീറ്റ്
- ഒരു മെഴുകുതിരി
- ഫ്ലാറ്റ് അല്ലെങ്കിൽ ടോർച്ച്
പ്രവർത്തന രീതി:
സുതാര്യമായ ഗ്ലാസ് ഷീറ്റിലൂടെ തുടക്കത്തിൽ കടന്നുപോകുന്ന പ്രകാശം എത്രയെന്ന് അളക്കുക. ഗ്ലാസ് ഷീറ്റിനെ കരി പിടിപ്പിക്കാൻ അതിനെ ഒരു മെഴുകുതിരി ജ്വാലയ്ക്ക് മുകളിൽ പിടിക്കുക. അതിനുശേഷം, കരി പിടിച്ച ഗ്ലാസ് ഷീറ്റിലുടെ പ്രകാശം കടത്തിവിടുക.
ഗ്ലാസ് ഷീറ്റിൽ കരി പറ്റുന്നതിന് മുൻപും അതിന് ശേഷവുമുള്ള പ്രകാശത്തിന്റെ തീവ്രത താരതമ്യം ചെയ്യുക.
നിരീക്ഷണം:
കരി പിടിപ്പിച്ചതിന് ശേഷം, ഗ്ലാസ് ഷീറ്റിലൂടെ സഞ്ചരിക്കുന്ന പ്രകാശത്തിന്റെ അളവിൽ ശ്രദ്ധേയമായ കുറവ് നിരീക്ഷിക്കാൻ കഴിയും.
Question 10.
ഗ്ലാസ് ഷീറ്റിനെ അർധതാര്യമോ അതാര്യമോ ആക്കാൻ മറ്റെന്തെല്ലാം മാർഗങ്ങൾ സ്വീകരിക്കാം? നിങ്ങളുടെ നിർദേശങ്ങൾ ശാസ്ത്രപുസ്തകത്തിൽ എഴുതൂ.
Answer:
ഗ്ലാസ് അർധതാര്യമാക്കാനുള്ള രീതികൾ:
ഗ്ലാസിനെ അർധതാര്യമാക്കാൻ ഫ്രോസ്റ്റഡ് പ്ലാസ്റ്റിക് ഫിലിം ഉപയോഗിക്കുകയോ അല്ലെങ്കിൽ ഫ്രോസ്റ്റഡ്
സ്പ്രേ പെയിന്റ് അടിക്കുകയോ ചെയ്യാം.
ഗ്ലാസ് അതാര്യമാക്കുന്നതിനുള്ള രീതികൾ:
ഗ്ലാസിന്റെ പ്രതലത്തിൽ പെയിന്റ് അടിച്ചാൽ അത് അതാര്യമാക്കാം.
പ്ലാസ്റ്റിക് അല്ലെങ്കിൽ വിനൈൽ ഷീറ്റുകൾ ഒട്ടിച്ച് നമുക്ക് ഗ്ലാസ് അതാര്യമാക്കാം.
Question 11.
ശുദ്ധജലം സുതാര്യമാണന്ന് കണ്ടല്ലോ. വായുവോ?
Answer:
പ്രകാശത്തിന് സാധാരണയായി ശുദ്ധവായുവിലൂടെ കടന്നുപോകാൻ കഴിയും. എന്നാൽ, വായുവിൽ പൊടിപടലങ്ങൾ, ജലത്തുള്ളികൾ എന്നിവ ഉണ്ടാകാം. അത് വായുവിന്റെ സുതാര്യത കുറയ്ക്കും. (ഉദാഹരണം, മൂടൽമഞ്ഞ് ഉള്ളപ്പോൾ)
Question 12.
ശുദ്ധജലവും വായുവും അർധതാര്യമാക്കാൻ നമുക്ക് സാധിക്കുമോ? ഇതിനായി ഒരു പരീക്ഷണം രൂപകല്പന ചെയ്യൂ.
Answer:
സാധിക്കും.
ശുദ്ധജലം അർധതാര്യമാക്കാൻ:
ഒരു പ്ലാസ്റ്റിക് ബോട്ടിലിൽ മുക്കാൽ ഭാഗം ജലമെടുക്കുക. ഇതിലേക്ക് ഒരു ടോർച്ചിലെ പ്രകാശം കടത്തിവിടുക. പ്രകാശം നന്നായി കടന്നുപോകുന്നു. തുടർന്ന് ഏതാനും തുള്ളി നീല മഷി ജലത്തിൽ ചേർത്ത ശേഷം പരീക്ഷണം ആവർത്തിക്കുക. ഇപ്പോൾ പ്രകാശം അതിലൂടെ ഭാഗികമായി മാത്രമേ കടന്നുപോകുന്നുള്ളു. അതായത്, മഷി ചേർത്ത ജലം അർധതാര്യമായി മാറി.
വായുവിനെ അർധതാര്യമാക്കാൻ:
സുതാര്യമായ ഒരു പ്ലാസ്റ്റിക് ബോട്ടിൽ എടുത്ത് ടോർച്ചിൽ നിന്നുള്ള പ്രകാശം അതിൽ പതിപ്പിക്കുക. പ്രകാശം നന്നായി കടന്നുപോകുന്നു. തുടർന്ന്, പ്ലാസ്റ്റിക് ബോട്ടിലിൽ എരിയുന്ന ചന്ദനത്തിരി ഉപയോഗിച്ച് പുക നിറയ്ക്കുക. പരീക്ഷണം ആവർത്തിക്കുക. ഇപ്പോൾ പ്രകാശം അതിലൂടെ ഭാഗികമായി കടന്നുപോകുന്നു. വായു അർധതാര്യമായി മാറിയതാണ് കാരണം.
താഴെക്കൊടുത്ത ചിത്രസൂചനകൾ ശ്രദ്ധിക്കൂ.
മഷിയും ചന്ദനത്തിരിയും ഈ പ്രവർത്തനം ചെയ്യാൻ നിങ്ങൾക്ക് ഉപയോഗിക്കാമല്ലോ.
Question 13.
മറ്റെന്തെല്ലാം വസ്തുക്കൾ ഇതിനായി നിങ്ങൾക്ക് ഉപയോഗിക്കാനാകും. നിങ്ങൾ കണ്ടെത്തിയ വസ്തുക്കൾ ഉപയോഗിച്ച് പരീക്ഷണം ആസൂത്രണം ചെയ്യൂ. പരീക്ഷണത്തിന്റെ വിശദാംശങ്ങളും കണ്ടെത്തലുകളും ശാസ്ത്രപുസ്തകത്തിൽ രേഖപ്പെടുത്തൂ.
Answer:
ജലം അർധതാര്യമാക്കാൻ ഉജാല, തുണിനീലം, പാൽ എന്നിവ ഉപയോഗിക്കാം. പൊടിപടലങ്ങളുടെയും ജലകണികകളുടെയും സാന്നിധ്യം
ശുദ്ധജലം അർധതാര്യമാക്കാനുള്ള പരീക്ഷണം:
ഒരു പ്ലാസ്റ്റിക് ബോട്ടിലിൽ മുക്കാൽ ഭാഗം ജലമെടുക്കുക. ഇതിലേക്ക് ഒരു ടോർച്ചിലെ പ്രകാശം കടത്തിവിടുക. പ്രകാശം നന്നായി കടന്നുപോകുന്നു. തുടർന്ന് ഏതാനും തുള്ളി ഉജാല ജലത്തിൽ ചേർത്ത ശേഷം പരീക്ഷണം ആവർത്തിക്കുക. ഇപ്പോൾ പ്രകാശം അതിലൂടെ ഭാഗികമായി മാത്രമേ കടന്നുപോകുന്നുള്ളു. അതായത്, മഷി ചേർത്ത ജലം അർധതാര്യമായി മാറി.
വായുവിനെ അർധതാര്യമാക്കാനുള്ള പരീക്ഷണം:
സുതാര്യമായ ഒരു പ്ലാസ്റ്റിക് ബോട്ടിൽ എടുത്ത് ടോർച്ചിൽ നിന്നുള്ള പ്രകാശം അതിലൂടെ കടത്തിവിടുക. പ്രകാശം നന്നായി കടന്നുപോകുന്നു. തുടർന്ന്, പ്ലാസ്റ്റിക് ബോട്ടിലിൽ പൊടിപടലങ്ങൾ നിറയ്ക്കുക. പരീക്ഷണം ആവർത്തിക്കുക. ഇപ്പോൾ പ്രകാശം അതിലൂടെ ഭാഗികമായി കടന്നുപോകുന്നു. വായു അർധതാര്യമായി മാറിയതാണ് കാരണം.
Question 14.
വസ്തുക്കളുടെ അതാര്യതയും സുതാര്യതയും എങ്ങനെയെല്ലാമാണ് നമുക്ക് പ്രയോജനം ചെയ്യുന്നത്?
Answer:
പ്രകാശത്തിന്റെ അളവും ദൃശ്യപരതയും നിയന്ത്രിക്കാൻ അനുവദിക്കുന്നതിലൂടെ, വസ്തുക്കളുടെ അതാര്യതയും സുതാര്യതയും നമുക്ക് പ്രയോജനം ചെയ്യുന്നു. ഉദാഹരണത്തിന്, സുതാര്യമായ ജനലുകൾ പ്രകാശം അകത്തേക്ക് കടത്തിവിടുമ്പോൾ അതാര്യമായ മതിലുകൾ സ്വകാര്യത നൽകുന്നു.
Question 15.
റീഫിൽ പേനയിൽ മഷി തീർന്നോ എന്ന് നിങ്ങൾ മനസ്സിലാക്കുന്നതെങ്ങനെയാണ്?
Answer:
റീഫിൽ ട്യൂബ് സുതാര്യമായതിനാൽ മഷിയുടെ അളവ് കാണാനാകും.
Question 16.
ഓയിൽ പേപ്പർ ഉപയോഗിച്ച് ചിത്രങ്ങളും മാപ്പുകളും നിങ്ങൾ ട്രേസ് ചെയ്യാറില്ലേ?
Answer:
അതെ, ചിത്രങ്ങളും മാപ്പുകളും ട്രേസ് ചെയ്യാൻ ഓയിൽ പേപ്പർ സാധാരണയായി ഉപയോഗിക്കാറുണ്ട്. കാരണം, ഓയിൽ പേപ്പറിന്റെ അർധതാര്യത അതിന് താഴെ ഉള്ള ചിത്രങ്ങളെ വ്യക്തമായി കാണാൻ നമ്മളെ സഹായിക്കുന്നു.
Question 17.
വീടിന്റെ ചുമരും വാതിലും എല്ലാം സുതാര്യമായിരുന്നെങ്കിലോ?
Answer:
വീടിന്റെ ചുമരും വാതിലും എല്ലാം സുതാര്യമായിരുന്നെങ്കിൽ, സ്വകാര്യതയ്ക്കും സുരക്ഷയ്ക്കും വലിയ പ്രശ്നങ്ങളുണ്ടാകുമായിരുന്നു.
Question 18.
വസ്തുക്കളുടെ സുതാര്യതയും അതാര്യതയും അർധതാര്യതയും നിത്യജീവിതത്തിൽ നാം പ്രയോജനപ്പെടുത്തുന്നുണ്ടെന്ന് മനസ്സിലായില്ലേ. കൂടുതൽ സന്ദർഭങ്ങൾ ഗ്രൂപ്പിൽ കണ്ടെത്തി ക്ലാസിൽ അവതരിപ്പിക്കൂ.
Answer:
| സുതാര്യവസ്തുക്കൾ ഉപയോഗിക്കുന്ന സന്ദർഭങ്ങൾ |
|
| അർധതാര്യവസ്തുക്കൾ ഉപയോഗിക്കുന്ന സന്ദർഭങ്ങൾ |
|
| അതാര്യവസ്തുക്കൾ ഉപയോഗിക്കുന്ന സന്ദർഭങ്ങൾ |
|
Question 19.
സുതാര്യമായ ഒരു മനുഷ്യനെയോ ഒരു ജീവിയെയോ കഥാപാത്രമാക്കി നിങ്ങൾക്കും ഒരു ശാസ്ത്രകല്പിത കഥ എഴുതാമല്ലോ.
Answer:
(സൂചനകൾ)
- സുതാര്യമായ കഥാപാത്രം എവിടെ നിന്നാണ് വന്നതെന്ന് വിശദീകരിക്കുക.
- സുതാര്യതയോടുള്ള കഥാപാത്രത്തിന്റെ ആദ്യ പ്രതികരണം വിവരിക്കുക.
- സുതാര്യമായ കഥാപാത്രത്തെ സമൂഹം എങ്ങനെ സ്വീകരിച്ചുവെന്ന് വിവരിക്കുക.
- കഥാപാത്രത്തിന്റെ സുതാര്യതയുമായുള്ള ഒരു പ്രധാന വൈരുദ്ധ്യം വിവരിക്കുക. (മെഡിക്കൽ സങ്കീർണതകളോ സ്വകാര്യ പ്രശ്നങ്ങളോ ഉൾപ്പെടുത്താം.)
- സുതാര്യമായ കഥാപാത്രം അഭിമുഖീകരിക്കുന്ന ബുദ്ധിമുട്ടുകളിലേക്ക് ശ്രദ്ധ ആകർഷിക്കുക.(ചില ആക്ഷൻ സീക്വൻസുകൾ ഉൾപ്പെടുത്തുക.)
- കഥാപാത്രം തന്റെ സുതാര്യത നിലനിർത്തുന്നുണ്ടോ ഇല്ലയോ എന്ന് എടുത്തുകാണിക്കുന്ന ഒരു ക്ലൈമാക്സ് തിരഞ്ഞെടുക്കുക.
Question 20.
ചില വസ്തുക്കൾ സുതാര്യമാണെന്നും ചിലത് അതാര്യമാണെന്നും നാം മനസ്സിലാക്കി. അതാര്യവസ്തുക്കളിൽ പ്രകാശം പതിക്കുമ്പോൾ എന്താണ് സംഭവിക്കുക?
Answer:
അതാര്യമായ വസ്തുക്കളുടെ മേൽ പ്രകാശം പതിക്കുമ്പോൾ അത് പ്രതിപതിക്കുന്നു.
Question 21.
ക്ലാറിയുടെ ജനലും വാതിലും അടച്ച് പ്രകാശം കുറയ്ക്കൂ. ഒരു കണ്ണാടി ചുമരിനഭിമുഖമായി പിടിച്ച് ‘ ടോർച്ചിൽ നിന്നുള്ള പ്രകാശം അതിൽ പതിപ്പിച്ച് നോക്കൂ. പ്രകാശത്തിന് എന്ത് സംഭവിക്കുന്നു?
Answer:
പ്രകാശരശ്മികൾ കണ്ണാടിയിൽ തട്ടി ചുമരിൽ വന്നു പതിക്കുന്നു.
Question 22.
താഴെപ്പറയുന്ന വസ്തുക്കൾ ചുമരിന് അഭിമുഖമായി പിടിച്ച് ടോർച്ച് ഉപയോഗിച്ച് പ്രകാശം പതിപ്പിച്ച് പരീക്ഷണം ആവർത്തിക്കൂ.
ആവശ്യമായ സാമഗ്രികൾ: മിനുസമുള്ള ടൈൽ, പുതിയ സ്റ്റീൽ പ്ലേറ്റ്, ഓട്, ഹാർഡ് ബോർഡ്, പേപ്പർ, മരക്കട്ടെ.
നിരീക്ഷണം താഴെ പട്ടികയിൽ രേഖപ്പെടുത്തൂ.
Answer:
| പ്രകാശം പതിച്ചവസ്തു | പ്രകാശം വസ്തുവിൽ തട്ടി തിരിച്ചുവരുന്നതിലുള്ള വ്യത്യാസം |
| മുഖം നോക്കുന്ന കണ്ണാടി | പ്രകാശം നന്നായി തിരിച്ചുപോകുന്നു |
| പേപ്പർ | പ്രകാശം വളരെ കുറച്ചു മാത്രം തിരിച്ചുപോകുന്നു |
| മരക്കട്ട | പ്രകാശം തിരിച്ചുവരുന്നില്ല |
| ഹാർഡ് ബോർഡ് | പ്രകാശം തിരിച്ചുവരുന്നില്ല |
| പുതിയ സ്റ്റീൽ പ്ലേറ്റ് | പ്രകാശം നന്നായി തിരിച്ചുപോകുന്നു |
| മിനുസമുള്ള ടൈൽ | പ്രകാശം നന്നായി തിരിച്ചുപോകുന്നു |
Question 23.
ചുമരിലേക്ക് പ്രകാശം നന്നായി പ്രതിപതിപ്പിക്കുന്ന വസ്തുക്കളുടെ പ്രതലം സ്പർശിച്ചു നോക്കൂ. എന്താണ് അനുഭവപ്പെടുന്നത്?
Answer:
വളരെയധികം മിനുസമുള്ളതാണ്
Question 24.
പ്രകാശം നന്നായി പ്രതിപതിപ്പിക്കാത്ത വസ്തുക്കളുടെ പ്രതലമോ?
Answer:
പരുപരുത്തതാണ്
മിനുസമുള്ള വസ്തുക്കൾ പ്രകാശം ചുമരിലേക്ക് നന്നായി പ്രതിപതിപ്പിക്കുന്നു. പരുപരുത്ത പ്രതലമുള്ള വസ്തുക്കളിൽ പ്രകാശം പ്രതിപതിപ്പിക്കുന്നത് കുറവാണ്.
Question 25.
പരുപരുത്ത പ്രതലങ്ങൾ ചുമരിലേക്ക് പ്രതിപതിപ്പിച്ച പ്രകാശത്തിന്റെ അളവ് കുറഞ്ഞുപോയത് എന്തുകൊണ്ടാണ്?
Answer:
പരുപരുത്ത പ്രതലങ്ങൾ പ്രകാശം വ്യത്യസ്ത ദിശകളിലേക്ക് ചിതറിക്കുന്നു. അതുകൊണ്ടാണ് പരുപരുത്ത പ്രതലങ്ങൾ ചുമരിലേക്ക് പ്രതിപതിപ്പിച്ച പ്രകാശത്തിന്റെ അളവ് കുറഞ്ഞുപോയത്. മുഖം നോക്കുന്ന കണ്ണാടിയിലും സാൻഡ് പേപ്പറിലും പ്രകാശം പതിക്കുമ്പോൾ സംഭവിക്കുന്ന പ്രതിപതനമാണ് താഴെ ചിത്രങ്ങളിൽ കൊടുത്തിട്ടുള്ളത്.
Question 26.
ചിത്രങ്ങൾ വിശകലനം ചെയ്ത് നിഗമനം രൂപീകരിക്കൂ.
Answer:
ദർപ്പണത്തിൽ പതിക്കുന്ന പ്രകാശം ക്രമമായാണ് തിരിച്ചുവരുന്നത്.
Question 27.
ചുമരിൽ തട്ടി പന്ത് തിരിച്ചുവരുന്നില്ലേ. എപ്പോഴും ഒരേ രീതിയിലാണോ തിരിച്ചുവരുന്നത്?
Answer:
അല്ല. ചുമരിൽ തട്ടിയ പന്ത് എല്ലായ്പോഴും ഒരേ രീതിയിൽ അല്ല തിരിച്ചുവരുന്നത്.
Question 28.
ഇതുപോലെ കണ്ണാടിയിൽ പതിക്കുന്ന പ്രകാശരശ്മികളും തിരിച്ചുവരുന്നതിൽ എന്തെങ്കിലും പ്രത്യേകതകൾ ഉണ്ടാകുമോ?
Answer:
കണ്ണാടിയിൽ പതിക്കുന്ന പ്രകാശരശ്മികൾ ഒരേ രീതിയിൽ ആണ് തിരിച്ചുവരുന്നത്.
Question 29.
ഒന്നാമതിരിക്കുന്ന കുട്ടിക്ക് രണ്ടാമതും മൂന്നാമതും ഇരിക്കുന്ന കുട്ടികളെ കാണാൻ കഴിയാത്തത് എന്തുകൊണ്ടാണ്?
Answer:
കണ്ണാടിയുടെ പ്രതലത്തിൽ പതിക്കുന്ന കോണിന് അനുസൃതമായാണ് അത് പ്രകാശത്തെ പ്രതിപതിപ്പി ക്കുന്നത്. അതുകൊണ്ടാണ് ഒന്നാമതിരിക്കുന്ന കുട്ടിക്ക് രണ്ടാമതും മൂന്നാമതും ഇരിക്കുന്ന കുട്ടികളെ കാണാൻ കഴിയാത്തത്.
Question 30.
ഇതുപോലെ മറ്റു കുട്ടികൾക്കും കണ്ണാടിയിലൂടെ എല്ലാവരെയും കാണാൻ കഴിയാത്തത് എന്തുകൊണ്ട്?
Answer:
കണ്ണാടിയുടെ പ്രതലത്തിൽ പതിക്കുന്ന കോണിന് അനുസൃതമായാണ് അത് പ്രകാശത്തെ പ്രതിപതിപ്പി ക്കുന്നത്. അതുകൊണ്ടാണ് മറ്റു കുട്ടികൾക്കും കണ്ണാടിയിലൂടെ എല്ലാവരെയും കാണാൻ കഴിയാത്തത്.
Question 31.
ടോർച്ചിൽനിന്ന് വരുന്ന പ്രകാശരശ്മിക്കും ലംബത്തിനും ഇടയിലുള്ള കോൺ അളക്കുക. അതുപോലെ തിരിച്ചുവരുന്ന പ്രകാശരശ്മിക്കും ലംബത്തിനും ഇടയിലുള്ള കോണും അളന്ന് പട്ടികയിൽ രേഖപ്പെടുത്തൂ.
Answer:
| ടോർച്ചിൽ നിന്നുവരുന്ന പ്രകാശരശ്മിക്കും ലംബത്തിനുമിടയിലുള്ള കോണളവ് | തിരിച്ചു വരുന്ന പ്രകാശരശ്മിക്കും ലംബത്തിനുമിടയിലുള്ള കോണളവ് |
| 40° | 40° |
| 55° | 55° |
| 70° | 70° |
| 50° | 50° |
| 60° | 60° |
| 70° | 70° |
Question 32.
പൂർത്തിയാക്കിയ പട്ടിക അപഗ്രഥിക്കൂ. ലേസർ ടോർച്ചിൽ നിന്നുവരുന്ന പ്രകാശരശ്മിക്കും ലംബത്തിനും ഇടയിലുള്ള കോണളവും തിരിച്ചുവരുന്ന പ്രകാശരശ്മിക്കും ലംബത്തിനു മിടയിലുള്ള കോണളവും തമ്മിൽ ബന്ധമുണ്ടോ?
Answer:
ലേസർ ടോർച്ചിൽ നിന്നുവരുന്ന പ്രകാശരശ്മിക്കും ലംബത്തിനും ഇടയിലുള്ള കോണളവും തിരിച്ചുവരുന്ന പ്രകാശരശ്മിക്കും ലംബത്തിനുമിടയിലുള്ള കോണളവും തുല്യമാണ്.
ദർപ്പണത്തിൽ പതിച്ച പ്രകാശരശ്മിയും പ്രതിപതിച്ച രശ്മിയും കണ്ടല്ലോ. ഇവയുടെ രേഖാചിത്രം നിരീക്ഷിക്കൂ.
Question 33.
പ്രകാശത്തിന്റെ പ്രതിപതനവുമായി ബന്ധപ്പെട്ട് എന്താണ് നിങ്ങൾ നടത്തിയ പരീക്ഷണങ്ങ ളിൽ നിന്ന് കണ്ടെത്താൻ സാധിച്ചത്?
Answer:
പതനകോണും പ്രതിപതനകോണും തുല്യമാണ് എന്നാണ് പരീക്ഷങ്ങണളിൽ നിന്ന് നാം കണ്ടെത്തിയത്.
Question 34.
പുസ്തകം കാണാൻ പ്രകാശം എങ്ങനെയാണ് കണ്ണിലെത്തുന്നത്?
Answer:
ബൾബിൽനിന്നുള്ള പ്രകാശം പുസ്തകത്തിൽത്തട്ടി പ്രതിപതിച്ച് കണ്ണിലെത്തുമ്പോഴാണ് നാം പുസത കത്തെ കാണുന്നത്.
Question 35.
ബൾബിൽ നിന്നുള്ള പ്രകാശം പുസ്തകത്തിൽത്തട്ടി കണ്ണിലെത്തുന്ന പ്രകാശപാതയുടെ ചിത്രീകരണം നിരീക്ഷിച്ച് ഫ്ലോചാർട്ട് പൂർത്തിയാക്കൂ.
Answer:
Question 36.
നാം വസ്തുക്കളെ കാണുന്നത് എങ്ങനെ?
Answer:
ഏതെങ്കിലും ഒരു പ്രകാശസ്രോതസ്സിൽനിന്ന് വരുന്ന പ്രകാശം വസ്തുക്കളിൽത്തട്ടി പ്രതിപതിച്ച് നമ്മുടെ കണ്ണിലെത്തുമ്പോഴാണ് നാം ആ വസ്തുവിനെ കാണുന്നത്. എന്നാൽ പ്രകാശസ്രോതസ്സുകളെ കാണുന്നത് അവയിൽനിന്നുള്ള പ്രകാശം നേരിട്ട് നമ്മുടെ കണ്ണിലെത്തുമ്പോഴാണ്.
Question 37.
മനോഹരമായ ധാരാളം കാഴ്ചകൾ നാം ദിവസവും കാണുന്നില്ലേ. എങ്ങനെയാണ് ഈ കാഴ്ച കൾ സാധ്യമാവുന്നത്?
Answer:
ഭൂമിയിലെ മനോഹരമായ കാഴ്ചകളെല്ലാം നമുക്ക് കാണാൻ കഴിയുന്നത് പ്രകാശത്തിന്റെ പ്രതിപതനം മൂലമാണ്.
Question 38.
സ്വന്തം മുഖം കാണാൻ നമുക്ക് കഴിയാത്തത് എന്തുകൊണ്ടാണ്?
Answer:
പ്രകാശം പ്രതിപതിച്ച് നമ്മുടെ കണ്ണിൽ എത്തുമ്പോഴാണ് നാം വസ്തുക്കളെ കാണുന്നത്. നമ്മുടെ മുഖത്തു തട്ടി പ്രതിപതിക്കുന്ന പ്രകാശം നമ്മുടെ കണ്ണിൽ എത്തുന്നില്ല. അതിനാൽ സ്വന്തം മുഖം കാണാൻ നമുക്ക് കഴിയില്ല.
Question 39.
പ്രകാശം പ്രതിപതിച്ച് നമ്മുടെ കണ്ണിൽ എത്തുമ്പോഴാണല്ലോ നാം വസ്തുക്കളെ കാണുന്നത്. നമ്മുടെ മുഖത്തുതട്ടി പ്രതിപതിക്കുന്ന പ്രകാശം നമ്മുടെ കണ്ണിലെത്തുമോ?
Answer:
ഇല്ല. നമ്മുടെ മുഖത്തുതട്ടി പ്രതിപതിക്കുന്ന പ്രകാശം നമ്മുടെ കണ്ണിലെത്തുന്നില്ല.
Question 40.
മുഖം കാണാൻ വേണ്ടി നാം ഉപയോഗിക്കുന്ന ഉപകരണം ഏതാണ്?
Answer:
ദർപ്പണം
Question 41.
ദർപ്പണത്തിൽ മുഖം കാണുമ്പോൾ പ്രകാശം എവിടെയെല്ലാം തട്ടി പ്രതിപതിച്ചാണ് നമ്മുടെ കണ്ണിലെത്തുന്നത്? ചിത്രീകരണം നോക്കി പ്രകാശം സഞ്ചരിച്ച പാത മനസ്സിലാക്കൂ. ഫ്ലോചാർട്ട് പൂർത്തിയാക്കി ശാസ്ത്രപുസ്തകത്തിൽ രേഖപ്പെടുത്തൂ.
Answer:
Question 42.
കണ്ണാടി കൂടാതെ മറ്റേതെല്ലാം പ്രതലങ്ങളിൽ നിങ്ങൾക്ക് മുഖം കാണാൻ സാധിക്കും?
Answer:
- മിനുസമായ സ്റ്റീൽ പ്ലേറ്റ്
- തെളിഞ്ഞ ജലം
- മിനുസമായ പ്രതലങ്ങൾ
ചിത്രങ്ങൾ നിരീക്ഷിക്കൂ. വിവിധ ആകൃതിയിലുള്ള ദർപ്പണങ്ങൾ നിങ്ങൾ കണ്ടിട്ടില്ലേ.
Question 43.
ഈ ദർപ്പണങ്ങളുടെ ഉപരിതലത്തിന്റെ പ്രത്യേകതകൾ എന്താണ്?
Answer:
ഈ ദർപ്പണങ്ങളുടെ ഉപരിതലങ്ങളുടെ ആകൃതി വ്യത്യസ്തമാണ്.
- വൃത്തം
- ചതുരം
- ദീർഘവൃത്തം
Question 44.
ഒരു സമതലദർപ്പണത്തിന് മുന്നിൽനിന്ന് ഇടതുകൈ ഉയർത്തിനോക്കൂ. പ്രതിബിംബത്തിന്റെ ഏതു കൈയാണ് ഉയരുന്നത്?
Answer:
വലതുകൈ
Question 45.
വെള്ളപേപ്പറിൽ ഇംഗ്ലീഷ് വലിയക്ഷരത്തിൽ നിങ്ങളുടെ പേര് എഴുതി ദർപ്പണത്തിനുമുന്നിൽ കാണിക്കൂ. ദർപ്പണത്തിൽ നോക്കി പേര് വായിക്കാൻ സാധിക്കുന്നുണ്ടോ?
Answer:
പ്രയാസമാണ്
Question 46.
എങ്കിൽ BASIC SCIENCE എന്ന വാക്ക് സമതല ദർപ്പണത്തിൽ നോക്കി വായിക്കാൻ കഴിയണമെങ്കിൽ ഏതുവിധമാണ് നിങ്ങൾ പേപ്പറിൽ എഴുതേണ്ടത്?
Answer:
Question 47.
സമതലദർപ്പണത്തിൽ ശരിയായി വായിക്കാൻ പറ്റുന്നവിധം കൂട്ടുകാരുടെ പേരുകൾ എഴുതാൻ ശ്രമിക്കൂ.
Answer:
Question 48.
ഒരാളുടെ ഇടതു കവിളിലെ മറുക് പ്രതിബിംബത്തിൽ കാണുന്നത് ഏത് വശത്തായിരിക്കും?
Answer:
വലതുവശത്ത്
Question 49.
സമതലദർപ്പണത്തിൽ കാണുന്ന പ്രതിബിംബത്തിന്റെ എന്ത് പ്രത്യേകതയാണ് ഈ സന്ദർഭങ്ങളിൽനിന്ന് മനസ്സിലാക്കാൻ കഴിയുന്നത്?
Answer:
പാർശ്വികവിപര്യയം
Question 50.
നിങ്ങൾ ഈ വാഹനം കണ്ടിട്ടില്ലേ? വാഹനത്തിന്റെ മുൻവശത്ത് ഇങ്ങനെ എഴുതാൻ കാരണം എന്താവും? ചർച്ചചെയ്ത് ശാസ്ത്ര പുസ്തകത്തിൽ രേഖപ്പെടുത്തൂ.
Answer:
വാഹനത്തിൽ എഴുതിയിട്ടുള്ളത് ഒരു ദർപ്പണത്തിൽ ശരിയായി ‘AMBULANCE’ എന്ന് വായിക്കാൻ കഴിയും. മുന്നിലുള്ള വാഹനത്തിലെ റിയർവ്യൂ മിററിലൂടെ നോക്കുമ്പോൾ ശരിയായി വായിക്കാനും വാഹനത്തെ പെട്ടെന്ന് കടത്തിവിടാനുമാണ് ഇങ്ങനെ ചെയ്യുന്നത്.
Question 51.
സമതലദർപ്പണത്തിന്റെ മുന്നിൽ നിൽക്കൂ. നിങ്ങളുടെ പ്രതിബിംബം എത്ര അകലെയാണ് കാണുന്നത്?
Answer:
ദർപ്പണത്തിന് മുന്നിൽ നിൽക്കുന്ന ആളിന്റെ അകലം തന്നെയാണ് ദർപ്പണത്തിനുള്ളിൽ പ്രതി ഭിംബത്തിന്റെ അകലവും.
Question 52.
അല്പം മുന്നിലേക്കും പിന്നിലേക്കും മാറിനിൽക്കൂ. പ്രതിബിംബത്തിന്റെ സ്ഥാനവും മാറുന്നില്ലേ?
Answer:
മാറുന്നുണ്ട്
സമതല ദർപ്പണത്തിന് പകരം ജനൽചില്ലുകളായി ഉപയോഗിക്കുന്ന റിഫ്ളക്റ്റീവ് ഗ്ലാസ് ഉപയോഗിച്ചാൽ വസ്തുവിൽനിന്ന് ദർപ്പണത്തിലേക്കുള്ള ദൂരവും ദർപ്പണത്തിൽ നിന്ന് പ്രതിബിംബത്തിലേക്കുള്ള ദൂരവും അളന്ന് പരിശോധിക്കാൻ കഴിയും.
Question 53.
കണ്ണാടിയിൽ കാണുന്ന പ്രതിബിംബം എവിടെയായിരിക്കും?
Answer:
കണ്ണാടിയിൽ കാണുന്ന പ്രതിബിംബം നാണയം സ്ഥാപിച്ചിരിക്കുന്ന 3 എന്ന് അടയാളപ്പെടുത്തിയ സ്ഥലത്തായിരിക്കും.
ഇതുപോലെ വിവിധ സ്ഥാനങ്ങളിൽ മെഴുകുതിരി വച്ച് പരീക്ഷണം ആവർത്തിക്കൂ. പ്രതിബിംബം കാണുന്ന സ്ഥാനത്തേക്ക് നാണയം മാറ്റിവയ്ക്കൂ.
Question 54.
വസ്തുവിൽനിന്ന് ദർപ്പണത്തിലേക്കുളള ദൂരവും ദർപ്പണത്തിൽനിന്ന് പ്രതിബിംബത്തിലേക്കുള്ള ദൂരവും തമ്മിൽ എന്തെങ്കിലും ബന്ധമുണ്ടോ? നിഗമനം ശാസ്ത്രപുസ്തകത്തിൽ രേഖപ്പെടുത്തു.
Answer:
വസ്തുവിൽനിന്ന് ദർപ്പണത്തിലേക്കുളള ദൂരവും ദർപ്പണത്തിൽനിന്ന് പ്രതിബിംബത്തിലേക്കുള്ള ദൂരവും തുല്യമാണ്.
Question 55.
ഇരുവശത്തും 3 എന്ന സ്ഥാനത്ത് ഓരോ മെഴുകുതിരി വയ്ക്കുക. ഒരു വശത്തുനിന്ന് നോക്കിയാൽ മറുഭാഗത്ത് രൂപപ്പെട്ട പ്രതിബിംബവും അവിടെവെച്ച് മെഴുകുതിരിയും ഒരേസ്ഥാനത്ത് കാണുന്നില്ലേ?
Answer:
ഉണ്ട്
Question 56.
രണ്ടിന്റെയും വലിപ്പം നിരീക്ഷിക്കൂ. സ്ഥാനം മാറ്റിവച്ച് വസ്തുവിന്റെയും പ്രതിബിംബത്തിന്റെയും വലിപ്പം താരതമ്യം ചെയ്യൂ. നിഗമനം ശാസ്ത്രപുസ്തകത്തിൽ രേഖപ്പെടുത്തൂ.
Answer:
മെഴുകുതിരിക്കും അതിന്റെ പ്രതിബിംബത്തിനും ഒരേ വലിപ്പമാണ്.
പരീക്ഷണം
റിഫ്ളക്റ്റീവ് ഗ്ലാസിന്റെ ഒരുവശത്തുള്ള മെഴുകുതിരി കത്തിച്ചുനോക്കൂ. സ്കെയിൽ ഉപയോഗിച്ച് മെഴുകുതിരി നാളത്തിലേക്കുള്ള ഉയരം അളക്കു കൂട്ടുകാരുടെ സഹായത്തോടെ മറുഭാഗത്ത് സ്കെയിൽവച്ച് പ്രതിബിംബത്തിന്റെ നാളത്തിലേക്കുള്ള ഉയരവും അളന്നുനോക്കൂ. മെഴുകുതിരിയുടെ വലിപ്പം വ്യത്യാസപ്പെടുത്തി പരീക്ഷണം ആവർത്തിക്കൂ.
Question 57.
വസ്തുവിന്റെയും പ്രതിബിംബത്തിന്റെയും വലിപ്പം തുല്യമാണോ?
Answer:
അതെ. വസ്തുവിന്റെയും പ്രതിബിംബത്തിന്റെയും വലിപ്പം തുല്യമാണ്.
Question 58.
ഒരു സമതല ദർപ്പണത്തിന് മുന്നിൽ ഒരു മെഴുകുതിരി കത്തിച്ചു വച്ചാൽ ഒരു പ്രതിബിംബമാണ് കാണുന്നത്. എന്നാൽ അഭിമുഖമായി വച്ച രണ്ട് സമതലദർപ്പണങ്ങൾക്കിടയിൽ ഒരു മെഴുകുതിരി കത്തിച്ചുവച്ചാൽ എത്ര പ്രതിബിംബം കാണാൻ സാധിക്കും? നിങ്ങളുടെ ഊഹം എന്താണ്? ശാസ്ത്രപുസ്തകത്തിൽ എഴുതൂ.
Answer:
അനേകം പ്രതിബിംബങ്ങൾ കാണാൻ സാധിക്കും.
Question 59.
ഉയരം കുറഞ്ഞ കണ്ണാടിയുടെ ഭാഗത്തുനിന്ന് നിരീക്ഷിക്കുക. എതിർവശത്തുള്ള കണ്ണാടിയിൽ എത്ര പ്രതിബിംബങ്ങളാണ് കാണുന്നത്?
Answer:
അനേകം പ്രതിബിംബങ്ങൾ കാണാൻ സാധിക്കും.
Question 60.
എന്തുകൊണ്ടാണ് ഇത്രയധികം പ്രതിബിംബങ്ങൾ കാണാൻ കഴിഞ്ഞത്?
Answer:
ആവർത്തനപ്രതിപതനം കാരണം
Question 61.
നിത്യജീവിതത്തിൽ ആവർത്തനപ്രതിപതനം ഉപയോഗപ്പെടുത്തുന്ന ഒരു സന്ദർഭമാണ് ചിത്രത്തിലുള്ളത്.
Answer:
കൂടുതൽ ഉദാഹരണങ്ങൾ കണ്ടെത്തൂ.
ബാർബർഷോപ്പ്
Answer:
- ബാർബർഷോപ്പ്
- ഷോപ്പിംഗ് മാളുകൾ
- ജ്വല്ലറികൾ
- കാലിഡോസ്കോപ്
- പെരിസ്കോപ്
Question 62.
കണ്ണാടികൾ തമ്മിലുള്ള കോണളവും പ്രതിബിംബങ്ങളുടെ എണ്ണവും കണ്ടെത്തി പട്ടിക പൂർത്തിയാക്കൂ.
Answer:
| കോണളവ് | പ്രതിബിംബങ്ങളുടെ എണ്ണം |
| 30° | 11 |
| 60° | 5 |
| 90° | 3 |
| 120° | 2 |
Question 63.
ദർപ്പണങ്ങൾക്കിടയിലെ കോണളവും പ്രതിബിംബങ്ങളുടെ എണ്ണവും തമ്മിൽ എന്തെങ്കിലും ബന്ധമുണ്ടോ?
Answer:
ഉണ്ട്.
കോണളവ് ‘x’ ആണെങ്കിൽ, പ്രതിബിംബങ്ങളുടെ എണ്ണം \(\frac{360}{x}\) – 1ആകുന്നു.
Question 64.
കോണളവ് കൂടുമ്പോൾ പ്രതിബിംബങ്ങളുടെ എണ്ണത്തിൽ എന്ത് വ്യത്യാസമാണ് വരുന്നത്?
Answer:
പ്രതിബിംബങ്ങളുടെ എണ്ണം കുറയുന്നു.
Question 65.
കോണളവ് കുറയുമ്പോഴോ? നിഗമനങ്ങൾ ശാസ്ത്രപുസ്തകത്തിൽ കുറിക്കൂ.
Answer:
പ്രതിബിംബങ്ങളുടെ എണ്ണം കൂടുന്നു.
Question 66.
എന്താണ് കാണുന്നത്?
Answer:
ഒരു കാലിഡോസ്കോപ്പിനുള്ളിൽ നിറമുള്ള ചെറിയ വളപ്പൊട്ടുകൾ/ മുത്തുകൾ ഇടുമ്പോൾ വ്യത്യസ്ത നിറങ്ങളുടെയും രൂപങ്ങളുടെയും മനോഹരമായ പാറ്റേണുകൾ ദൃശ്യമാകും. ഒരേ വലിപ്പമുള്ള മൂന്നു പ്ലാസ്റ്റിക് സ്കെയിലുകൾ ഉപയോഗിച്ചും കാലിഡോസ്കോപ്പ് നിർമ്മിക്കാം.
Question 67.
പെരിസ്കോപ്പിന്റെ താഴെയുള്ള കണ്ണാടിയിൽ നോക്കുമ്പോൾ മുകളിലെ കാണുന്നത്? എന്താണിതിന് കാരണം?
Answer:
അതെ. ഉപകരണത്തിനുള്ളിലെ കണ്ണാടികൾ മുകളിൽ നിന്ന് താഴേക്ക് പ്രകാശം പ്രതിപതിപ്പിക്കുന്നതാണ് ഇതിന് കാരണം.
Question 68.
ചിത്രത്തിൽ കൊടുത്തിരിക്കുന്ന പ്രകാശപാത നിരീക്ഷിച്ചാൽ ഈ കാഴ്ച സാധ്യമായത് എങ്ങനെയെന്ന് വിശദീകരിക്കാൻ കഴിയില്ലേ?
Answer:
കഴിയും. വസ്തുവിൽ നിന്നുള്ള പ്രകാശം മുകളിലെ കണ്ണാടിയിൽ തട്ടുമ്പോൾ അത് താഴേക്ക് പ്രതിപതിക്കുന്നു. ഈ പ്രകാശം പെരിസ്കോപ്പ് ട്യൂബിലൂടെ കടന്നുപോകുന്നു. തുടർന്ന് ഇത് താഴെയുള്ള കണ്ണാടി വഴി നമ്മുടെ കണ്ണിലേക്ക് തിരശ്ചീനമായി പ്രതിപതിക്കുന്നു.
Question 69.
ആഴക്കടലിൽ സഞ്ചരിക്കുന്ന മുങ്ങിക്കപ്പലുകളിലെ നാവികർക്കും യുദ്ധമുഖത്തെ ട്രെഞ്ചിനുള്ളിലിരുന്ന് ശത്രുക്കളെ നിരീക്ഷിക്കുന്ന പട്ടാളക്കാർക്കും പെരിസ്കോപ്പ് എങ്ങനെ പ്രയോജനപ്പെടുന്നു എന്ന് ചർച്ചചെയ്യൂ.
Answer:
ആഴക്കടലിൽ സഞ്ചരിക്കുന്ന മുങ്ങിക്കപ്പലുകളിലെ നാവികർക്ക് പുറത്തുള്ള കാഴ്ചകൾ കാണുന്നതിന് പെരിസ്കോപ്പ് ഉപയോഗപെടുന്നു. യുദ്ധമുഖത്തെ ട്രെഞ്ചിനുള്ളിലിരുന്ന് ശത്രുക്കളെ നിരീക്ഷിക്കുന്ന പട്ടാളക്കാർക്ക് ശത്രുക്കളുടെ ചലനങ്ങൾ നിരീക്ഷിക്കാൻ പെരിസ്കോപ്പ് ഉപയോഗപെടുന്നു.
Question 70.
നിങ്ങൾ നിർമ്മിക്കുന്ന പെരിസ്കോപ്പ് ചിത്രത്തിൽ കാണുന്ന വിധം ആയിരുന്നെങ്കിലോ? ഏത് ഭാഗത്തെ കാഴ്ചയാണ് കാണാൻ കഴിയുക? പ്രകാശപാത വരച്ച് നോക്കൂ. ഉപകരണം നിർമ്മിച്ച് പ്രവർത്തനം പരിശോധിക്കൂ.
Answer:
Question 71.
എപ്പോഴാണ് മൂങ്ങകൾ ഇരതേടാൻ പുറത്തിറങ്ങുന്നത്?
Answer:
രാത്രി
Question 72.
രാത്രിയിലെ അമിതമായ പ്രകാശം അവയെ എങ്ങനെയാണ് ബാധിക്കുന്നത്?
Answer:
രാത്രിയിലെ അമിതമായ പ്രകാശം ഇരതേടാനും രാത്രിസഞ്ചാരത്തിനുമുള്ള അവരുടെ കഴിവിനെ ബാധിക്കും.
Question 73.
മൂങ്ങകളെ മാത്രമാണോ രാത്രിയിലെ കൃത്രിമപ്രകാശം പ്രതികൂലമായി ബാധിക്കുന്നത്?
Answer:
അല്ല. വവ്വാലുകൾ കടലാമകൾ പോലുള്ള നിരവധി ജീവികളെ ഇത് ബാധിക്കുന്നുണ്ട്. ഇരുട്ടിനെ ഇല്ലാതാക്കുംവിധം പ്രകാശം വിതറുന്ന ഒട്ടേറെ സ്രോതസ്സുകൾ ഇന്ന് നാം ഉപയോഗിക്കാറുണ്ട്. നഗരങ്ങളിലും പാർക്കുകളിലും രാത്രി മുഴുവൻ പ്രകാശിച്ചു നിൽക്കുന്ന നിയോൺ ബൾബുകളും മറ്റും ഇതിന് ഉദാഹരണമാണ്. ഇരുട്ടിൽ ഇരതേടുന്ന ഒട്ടേറെ ജീവികൾക്ക് ഈ വെളിച്ചം ദോഷമാകുന്നുണ്ട്. അവരും ഈ ഭൂമിയുടെ അവകാശികൾ തന്നെയാണ്. തെളിഞ്ഞ രാത്രികളിൽ മാത്രം കാണാവുന്ന പല ആകാശക്കാഴ്ചകളും മനുഷ്യർക്ക് നഷ്ടമാകുന്നതിനും രാത്രിയിലെ തീവ്രമായ പ്രകാശം കാരണമാകുന്നുണ്ട്.
Question 74.
രാത്രിയിലെ അമിതമായ പ്രകാശം മനുഷ്യർക്കും മൃഗങ്ങൾക്കും എന്തെല്ലാം ബുദ്ധിമുട്ടുകൾക്ക് കാരണമാകുന്നുണ്ട്? ക്ലാസിൽ ചർച്ചചെയ്ത് ശാസ്ത്രപുസ്തകത്തിൽ രേഖപ്പെടുത്തൂ.
Answer:
- നഗര പ്രദേശങ്ങളിലെ രാത്രികാലത്തെ തീവ്രമായ പ്രകാശം ആകാശകാഴ്ചകൾ നഷ്ടമാക്കുന്നു. തീവ്രമായ
- പ്രകാശം കണ്ണിൽ പതിക്കുന്നത് അന്ധതയുണ്ടാക്കാം. വാഹനങ്ങളുടെ തീവ്രതയുള്ള പ്രകാശം
- എതിർവശത്തുനിന്ന് വരുന്ന വാഹനത്തിലെ ഡ്രൈവർക്ക് ബുദ്ധിമുട്ടുണ്ടാക്കും.
- രാത്രികാലങ്ങളിൽ ഇര തേടുന്ന ജീവികൾക്ക് അമിതമായ പ്രകാശം ബുദ്ധിമുട്ടുണ്ടാക്കും.
പ്രകാശം പ്രതിപതിക്കുമ്പോൾ Class 7 Extra Questions and Answers
Question 1.
a) ചുവടെ നൽകിയിട്ടുള്ള സന്ദർഭങ്ങളിൽ സുതാര്യത പ്രയോജനപ്പെടുന്നവയും അതാര്യത പ്രയോജനപ്പെടുന്നവയും ഏതൊക്കെയാണെന്ന് തിരിച്ചറിയുക.
i) അക്വേറിയങ്ങളിൽ ഗ്ലാസ്സ് ഫിഷ്ടാങ്കുകൾ ഉപയോഗിക്കുന്നു.
ii) ഗ്ലാസ്സ് ഷീറ്റുകളിൽ കറുത്ത പെയിന്റടിക്കുന്നു.
iii) ആശുപത്രികളിൽ കർട്ടനുകൾ ഉപയോഗിക്കുന്നു.
iv) കണ്ണടകളിൽ ഗ്ലാസ്സുകൾ ഉപയോഗിക്കുന്നു.
b) ഇനിപറയുന്നവയിൽ സുതാര്യവസ്തു അല്ലാത്തത് ഏത്? ഗ്ലാസ്സ് കഷ്ണം, പ്ലാസ്റ്റിക് ബോട്ടിൽ, കടലാസ്സ്
Answer:
a) സുതാര്യത പ്രയോജനപ്പെടുന്നവ – (i), (iv)
അതാര്യത പ്രയോജനപ്പെടുന്നവ – (ii), (iii)
b) കടലാസ്സ്
Question 2.
a) ചുവടെ നല്കിയിട്ടുള്ളവയെ അതാര്യവസ്തുക്കൾ, സുതാര്യവസ്തുക്കൾ, അർധതാര്യ വസ്തുക്കൾ എന്നിങ്ങനെ തരംതിരിക്കുക.
i) ജനൽ ചില്ല്
ii) ബട്ടർ പേപ്പർ
iii) എണ്ണപുരട്ടിയ കടലാസ്സ്
iv) തടിക്കഷണം
v) മെറ്റൽ പ്ലേറ്റ്
b) ദൈനംദിന ജീവിതത്തിൽ പ്രകാശത്തിന്റെ സുതാര്യതയും അതാര്യതയും ഉപയോഗിക്കുന്ന സന്ദർഭങ്ങളുടെ ഓരോ ഉദാഹരണം എഴുതുക.
Answer:
a) അതാര്യവസ്തുക്കൾ – (iv), (v)
സുതാര്യവസ്തുക്കൾ – (i)
അർദ്ധതാര്യവസ്തുക്കൾ – (ii), (ii)
b) കണ്ണടകളിൽ ഉപയോഗിക്കുന്ന ഗ്ലാസുകൾ സുതാര്യത ഉപയോഗപ്പെടുത്തുന്നു.
കർട്ടനുകൾ അതാര്യത ഉപയോഗപ്പെടുത്തുന്നു.
Question 3.
a) ഇനിപ്പറയുന്നവയിൽ നിന്ന് തെറ്റായ പ്രസ്താവനകൾ തിരഞ്ഞെടുത്ത് തിരുത്തുക.
i) ഗ്ലാസ് ഷീറ്റ് ഒരു അർധതാര്യവസ്തുവാണ്.
ii) അതാര്യമായ ഒരു വസ്തുവിലൂടെ പ്രകാശം ഭാഗികമായി കടന്നുപോകുന്നു
iii) പാലിൽ വെള്ളം കലർത്തുന്നത് വെള്ളത്തെ അർധതാര്യമാക്കുന്നു.
b) സുതാര്യവസ്തുക്കൾ അതാര്യവസ്തുക്കൾ അർധതര്യവസ്തുക്കൾ എന്നിവ എന്താണെന്ന് എഴുതുക.
Answer:
a) (i), (ii) തെറ്റ ാണ്
ശരിയായ പ്രസ്താവനകൾ:
i) ഗ്ലാസ് ഷീറ്റ് ഒരു സുതാര്യവസ്തുവാണ്.
ii) അതാര്യമായ ഒരു വസ്തുവിലൂടെ പ്രകാശം കടന്നുപോകില്ല.
b) പ്രകാശം നന്നായി കടത്തിവിടുന്ന വസ്തുക്കളാണ് സുതാര്യവസ്തുക്കൾ.
പ്രകാശം കടത്തിവിടാത്ത വസ്തുക്കളാണ് അതാര്യവസ്തുക്കൾ.
പ്രകാശം ഭാഗികമായി കടത്തിവിടുന്ന വസ്തുക്കളാണ് അർധതാര്യവസ്തുക്കൾ.
Question 4.
a) ചിത്രങ്ങളിൽ കാണുന്ന പ്രതിപതനങ്ങൾ ഏത് തരം ആണെന്ന് എഴുതുക. അവ വിശദീകരിക്കുക.
b) ഒരു കാർഡ്ബോർഡിൽ നിന്നുള്ള പ്രതിപതനം എന്തിന് ഉദാഹരണമാണ്?
Answer:
a) (i) ക്രമപ്രതിപതനം
(ii) വിസരിത പ്രതിപതനം
മിനുസമുള്ള പ്രതലങ്ങളിൽ പ്രകാശം പതിക്കുമ്പോൾ ക്രമമായി പ്രതിപതിക്കുന്നു. ഇതാണ് ക്രമപ്രതിപതനം. മിനുസമില്ലാത്ത പ്രതലങ്ങളിൽ പ്രകാശം പതിക്കുമ്പോൾ പല ദിശകളിലേക്കും ചിതറിത്തെറിക്കുന്നു. ഇതാണ് വിസരിത പ്രതിപതനം.
b) വിസരിത പ്രതിപതനം
Question 5.
a) ചുവടെ നൽകിയിരിക്കുന്ന പട്ടിക പൂർത്തിയാക്കുക.
b) പതനകോണും പ്രതിപതനകോണും തമ്മിലുള്ള ബന്ധം എന്താണ്?
c) ഒരു സമതല ദർപ്പണത്തിൽ പതിക്കുന്ന പ്രകാശത്തിന്റെ ക്രമപ്രതിപതനത്തെ സൂചിപ്പിക്കുന്ന ചിത്രമാണ് താഴെ കൊടുക്കുന്നത്. ചിത്രത്തിലുള്ള അപാകതകൾ പരിഹരിച്ച് ശരിയായി ചിത്രീകരിക്കുക.
Answer:
a)
| പതനകോൺ | പ്രതിപതനകോൺ |
| 30° | 30° |
| 40° | 40° |
| 55° | 55° |
b) പതനകോണും പ്രതിപതനകോണും തുല്യമാണ്.
c) 
Question 6.
a) ചേരുംപടി ചേർക്കുക.
a)
| സമതലദർപ്പണം | അർധതാര്യവസ്തു |
| കാലിഡോസ്കോപ്പ് | സുതാര്യവസ്തു |
| ബട്ടർ പേപ്പർ | ആവർത്തന പ്രതിപതനം |
| ഗ്ലാസ്സ് സ്ലാബ് | പാർശ്വികവിപര്യയം |
b) രണ്ട് സമതല ദർപ്പണങ്ങളുടെ ഇടയിലുള്ള കോണളവ് 90° ആണ്. ദർപ്പണങ്ങളുടെ മുന്നിൽ ഇരിക്കുന്ന ഒരു ചെറിയ ബോളിന്റെ എത്ര പ്രതിബിംബങ്ങൾ ഉണ്ടാകും?
Answer:
a)
| സമതലദർപ്പണം | പാർശ്വികവിപര്യയം |
| കാലിഡോസ്കോപ്പ് | ആവർത്തന പ്രതിപതനം |
| ബട്ടർ പേപ്പർ | അർധതാര്യവസ്തു |
| ഗ്ലാസ്സ് സ്ലാബ് | സുതാര്യവസ്തു |
b) n = \(\frac{360}{x}\) – 1
x = 90°
n = \(\frac{360}{90}\) – 1 = 4 – 1 = 3
Question 7.
a) ചുവടെ നൽകിയിട്ടുള്ള പ്രസ്താവനകൾ ശരിയോ തെറ്റോ എന്ന എഴുതുക. തെറ്റായ പ്രസ്താവനകൾ തിരുത്തുക.
i) വിസരിത പ്രതിപതനമാണ് പകൽസമയങ്ങളിൽ റൂമിനുള്ളിൽ സൂര്യപ്രകാശം ലഭിക്കാൻ കാരണം.
ii) ഒരു സമതലദർപ്പണത്തിൽ വസ്തുവിനേക്കാൾ വലിയ പ്രതിബിംബം ഉണ്ടാകുന്നു.
iii) പ്രകാശത്തെ ക്രമരഹിതമായ പ്രതിപതിപ്പിക്കുന്ന പ്രതലങ്ങളാണ് ദർപ്പണങ്ങൾ.
iv) പ്രകാശത്തെ ഒട്ടും കടത്തിവിടാത്ത വസ്തുക്കളാണ് അർധതാര്യവസ്തുക്കൾ.
b) വെൽഡിങ് ജോലികളിൽ ഏർപ്പെട്ടിരിക്കുന്നവർ എന്ത് മുൻകരുതൽ സ്വീകരിക്കണം.
Answer:
a) i) ശരി
ii) തെറ്റ്
ഒരു സമതലദർപ്പണത്തിൽ വസ്തുവിന്റെ അതേ വലിപ്പമുള്ള പ്രതിബിംബം ഉണ്ടാകുന്നു.
iii) തെറ്റ്
പ്രകാശത്തെ ക്രമമായി പ്രതിപതിപ്പിക്കുന്ന പ്രതലങ്ങളാണ് ദർപ്പണങ്ങൾ.
iv) തെറ്റ്
പ്രകാശത്തെ ഒട്ടും കടത്തിവിടാത്ത വസ്തുക്കളാണ് അതാര്യവസ്തുക്കൾ.
b) വെൽഡിങ് ചെയ്യുമ്പോൾ സുരക്ഷിതമായ സേഫ്റ്റി ഗ്ലാസ്സുകൾ ഉപയോഗിക്കണം. വെൽഡിങ് മൂലമുണ്ടാകുന്ന തീവ്രമായ പ്രകാശം കണ്ണിന്റെ കാഴ്ചയെ ബാധിക്കാൻ സാധ്യതയുണ്ട് എന്നതാണ് ഇങ്ങനെ ചെയ്യാൻ കാരണം.
Question 8.
a) നൽകിയിരിക്കുന്ന പട്ടിക പൂർത്തിയാക്കുക.
b) പ്രതിബിംബങ്ങളുടെ എണ്ണം ദർപ്പണങ്ങൾക്കിടയിലെ കോണളവിനനുസരിച്ച് എങ്ങനെ മാറുന്നു?
Answer:
a)
| കോണവ് | പ്രതിണിoണങ്ങടെ വിണ്ണം |
| 30° | 11 |
| 120° | 2 |
b) ദർപ്പണങ്ങൾക്കിടയിലെ കോണളവ് കൂടുന്നതിനനുസരിച്ച് പ്രതിബിംബങ്ങളുടെ എണ്ണം കുറയുന്നു.
Question 9.
ഇരുട്ടു മുറിയിൽ കണ്ണാടി നോക്കുന്ന കുട്ടിയുടെ ചിത്രം നിരീക്ഷിക്കുക.
a) കുട്ടിക്ക് മുഖം വ്യക്തമായി കാണുന്നതിന് എന്ത് മാറ്റമാണ് ക്രമീകരണത്തിൽ വരുത്തേണ്ടതെന്ന് എഴുതുക.
b) ക്രമീകരണത്തിൽ മാറ്റം വരുത്തുമ്പോൾ കുട്ടിക്ക് പ്രതിബിംബം കാണാൻ കഴിയുന്നതെങ്ങനെയെന്ന് വിശദീകരിക്കുക.
c) കുട്ടി കണ്ണാടിയിൽ കാണുന്ന പ്രതിബിംബത്തിന്റെ രണ്ട് പ്രത്യേകതകൾ എഴുതുക.
Answer:
a) പ്രകാശം കുട്ടിയുടെ മേൽ പതിക്കുന്ന വിധത്തിൽ ലാംപ് കുട്ടിക്ക് നേരെ തിരിക്കണം.
b) ലാംപിൽ നിന്നുള്ള പ്രകാശം കുട്ടിയുടെ മേൽ പതിക്കുകയും അത് പ്രതിപതിച്ച് കണ്ണാടിയിൽ
പതിക്കുകയും ചെയ്യുന്നു. ഇത് കണ്ണാടിയിൽ കുട്ടിയുടെ ഒരു ചിത്രം സൃഷ്ടിക്കുന്നു.
c)
- കുട്ടിയിൽനിന്ന് കണ്ണാടിയിലേക്കുള്ള ദൂരവും കണ്ണാടിയിൽനിന്ന് പ്രതിബിംബത്തിലേക്കുള്ള ദൂരവും തുല്യമായിരിക്കും
- കുട്ടിയുടെ വലിപ്പവും പ്രതിബിംബത്തിന്റെ വലിപ്പവും തുല്യമാണ്.
Question 10.
ചിത്രം നിരീക്ഷിക്കൂ.
a) പതനരശ്മി, പ്രതിപതനരശ്മി എന്നിവ കണ്ടെത്തി എഴുതുക.
b) പ്രതിപതനകോൺ എത്ര?
c) സമതലദർപ്പണത്തിൽ രൂപപ്പെടുന്ന പ്രതിബിംബത്തിന്റെ മൂന്ന് സവിശേഷതകൾ എഴുതുക.
Answer:
a) AO ആണ് പതനരശ്മി
OB ആണ് പ്രതിപതനരശ്മി
b) പ്രതിപതനകോൺ = 40°
c)
- പ്രതിബിംബത്തിന് പാർശ്വികവിപര്യയം സംഭവിച്ചിരിക്കും.
- സമതലദർപ്പണത്തിൽ വസ്തുവിൽ നിന്ന് ദർപ്പണത്തിലേക്കുള്ള ദൂരവും ദർപ്പണത്തിൽ നിന്ന്
- പ്രതിബിംബത്തിലേക്കുള്ള ദൂരവും തുല്യമായിരിക്കും.
- സമതലദർപ്പണത്തിൽ വസ്തുവിന്റെ വലിപ്പവും പ്രതിബിംബത്തിന്റെ വലിപ്പവും തുല്യമായിരിക്കും.
പ്രകാശം പ്രതിപതിക്കുമ്പോൾ Class 7 Notes
- പ്രകാശം നന്നായി കടത്തിവിടുന്ന വസ്തുക്കളാണ് സുതാര്യവസ്തുക്കൾ.
- പ്രകാശം ഭാഗികമായി കടത്തിവിടുന്ന വസ്തുക്കളാണ് അർധതാര്യവസ്തുക്കൾ.
- പ്രകാശം കടത്തിവിടാത്ത വസ്തുക്കളാണ് അതാര്യവസ്തുക്കൾ.
- സുതാര്യമായ വസ്തുക്കളെ അർധതാര്യവും അതാര്യവുമായ വസ്തുക്കളായി പരിവർത്തനം ചെയ്യാൻ കഴിയും.
- സുതാര്യവും അർധതാര്യവും അതാര്യവുമായ വസ്തുക്കൾക്ക് നമ്മുടെ ദൈനംദിന ജീവിതത്തിൽ വലിയ പ്രാധാന്യമുണ്ട്.
- പ്രകാശം വസ്തുക്കളിൽ തട്ടി തിരിച്ചു വരുന്നതാണ് പ്രകാശത്തിന്റെ പ്രതിപതനം.
- മിനുസമുള്ള പ്രതലങ്ങളിൽ പ്രകാശം പതിക്കുമ്പോൾ ക്രമമായി പ്രതിപതിക്കുന്നു.
ഇതാണ് ക്രമപ്രതിപതനം. - മിനുസമില്ലാത്ത പ്രതലങ്ങളിൽ പ്രകാശം പതിക്കുമ്പോൾ പല ദിശകളിലേക്കും ചിതറിത്തെറിക്കുന്നു. ഇതാണ് വിസരിത പ്രതിപതനം.
- ദർപ്പണത്തിൽ പതിക്കുന്ന പ്രകാശരശ്മിയാണ് പതനരശ്മി.
- പ്രകാശം പതനബിന്ദുവിൽ തട്ടി തിരിച്ചുവരുന്ന രശ്മിയാണ് പ്രതിപതനരശ്മി.
- പ്രതിപതനനിയമങ്ങൾ പതനകോണും പ്രതിപതനകോണും തുല്യമായിരിക്കും.
- പതനരശ്മിയും പ്രതിപതനരശ്മിയും പതനബിന്ദുവിലേക്കുള്ള ആയിരിക്കും. ലംബവും ഒരേ തലത്തിൽ
- ഏതെങ്കിലും ഒരു പ്രകാശസ്രോതസ്സിൽനിന്ന് വരുന്ന പ്രകാശം വസ്തുക്കളിൽത്തട്ടി പ്രതിപതിച്ച് നമ്മുടെ കണ്ണിലെത്തുമ്പോഴാണ് നാം ആ വസ്തുവിനെ കാണുന്നത്.
- സമതല ദർപ്പണത്തിൽ വസ്തുവിന്റെ വലതുഭാഗം പ്രതിബിംബത്തിന്റെ ഇടതുഭാഗമായും വസ്തുവിന്റെ ഇടതുഭാഗം പ്രതിബിംബത്തിന്റെ വലതുഭാഗമായും കാണുന്നു.
- ഈ പ്രതിഭാസമാണ് പാർശ്വികവിപര്യയം. വസ്തുവിൽനിന്ന് ദർപ്പണത്തിലേക്കുളള ദൂരവും ദർപ്പണത്തിൽനിന്ന് പ്രതിബിംബത്തിലേക്കുള്ള ദൂരവും തുല്യമാണ്.
- ഒരു വസ്തുവിനും അതിന്റെ പ്രതിബിംബത്തിനും ഒരേ വലിപ്പമാണ്.
- കോണളവ് ‘x’ ആണെങ്കിൽ, പ്രതിബിംബങ്ങളുടെ എണ്ണം \(\frac{360}{x}\) – 1