Students can use Class 7 Malayalam Kerala Padavali Question Answer and പടക്കളത്തിലേക്ക് Padakkalathilekk Summary in Malayalam to grasp the key points of a lengthy text.
Class 7 Malayalam Padakkalathilekk Summary
Padakkalathilekk Summary in Malayalam
പടക്കളത്തിലേക്ക് Summary in Malayalam
ആമുഖം
എഴുത്തച്ഛന്റെ മഹാഭാരതം കിളിപ്പാട്ടിൽ നിന്നെടുത്ത ഏതാനും വരികളാണ് ഈ പാഠഭാഗത്തുൾപെടു ത്തിയിരിക്കുന്നത്. ലോക സാഹിത്യചരിത്രത്തിൽ തന്നെ എല്ലാകാലത്തും പുനർവായനയ്ക്കിടമുള്ള ഒന്നാണ് മഹാഭാരതം കിളിപ്പാട്ട്. മലയാളഭാഷയുടെ പിതാവായി കരുതപ്പെടുന്ന തുഞ്ചത്ത് എഴുത്തച്ഛൻ കിളിപ്പാട്ട് ശൈലിയിൽ എഴുതിയ മഹാഭാരതകഥയാണ് മഹാഭാരതം കിളിപ്പാട്ട്. ഇതിൽ പൗലോമപർവം, ആസ്തീകപർവം, സംഭവപർവ്വം, ഐഷീകപർവ്വം എന്നുള്ള പർവ്വങ്ങൾ കൂട്ടിച്ചേർത്ത് 21 പർവങ്ങളുണ്ട്.
ആശയം
മഹാഭാരത കഥയുടെ ഭാഗമായ കുരുക്ഷേത്ര യുദ്ധ വിവരണത്തിൽ ഭീഷ്മരുടെ പതനത്തെത്തുടർന്ന് ദുര്യോധനൻ ആചാര്യനായ ദ്രോണരെ സർവ്വസേനാധിപതിയായി വാഴിക്കുന്ന ഭാഗമുൾപ്പെടുന്നു. പതിനൊന്നു മുതൽ പതിനെഞ്ചു വരെയുള്ള അഞ്ചു ദിവസങ്ങൾ ദ്രോണാചാര്യർ കൗരവസേനയ്ക്ക് നേതൃത്വം നൽകി. മഹാഭാരതത്തിൽ ഈ അഞ്ചു യുദ്ധദിവസങ്ങൾ (11 മുതൽ 15 വരെ) വർണ്ണിക്കുന്നത് ദ്രോണപർവ്വത്തിലാണ്. സർവ്വസേനാധിപനായി ദ്രോണരായതിനാൽ ഗ്രന്ഥകർത്താവ് ആ പേരു കൊടുത്തു. ദ്രോണപർവ്വത്തിൽ 170 അദ്ധ്യായങ്ങളും 10950 പദ്യങ്ങളും അടങ്ങിയിരിക്കുന്നു. പതിനൊന്നു മുതൽ പതിനഞ്ചു വരെയുള്ള അഞ്ചു ദിവസങ്ങളിൽ പല പ്രമുഖരും മരിച്ചു വീഴുന്ന കഥാസന്ദർഭങ്ങൾ വളരെ വിശദമായിതന്നെ ഗ്രന്ഥകർത്താവ് മഹാഭാരതത്തിൽ വർണ്ണിച്ചിരിക്കുന്നു.