Practicing with Std 7 Malayalam Adisthana Padavali Notes Unit 2 Chapter 5 ഫാത്തിമത്തുരുത്ത് Kaadu Aarath Notes Questions and Answers Pdf improves language skills.
Kaadu Aarath Class 7 Notes Questions and Answers
Class 7 Malayalam Adisthana Padavali Notes Unit 2 Chapter 5 Kaadu Aarath Question Answer
Class 7 Malayalam Kaadu Aarath Notes Question Answer
വായിക്കാം, കണ്ടെത്താം
Question 1.
• കവിത വായിച്ച്, കാടറിയുന്ന ആൾ പറഞ്ഞതെന്തെന്ന് കണ്ടെത്തി അവതരിപ്പിക്കൂ.
Answer:
കാടിന് സ്വന്തമായി ഭാഷയും മണവുമുണ്ടെന്നും കാടിന് അതിന്റേത് മാത്രമായ ജീവനും പച്ചപ്പും ഉണ്ടെന്നും കവി പറയുന്നു.
• കാടിന്റെ ഏതെല്ലാം സവിശേഷതകളാണ് കവിതയിൽ വർണ്ണിച്ചിരിക്കുന്നത്?
Answer:
കാട് ആരും കെട്ടിപടുത്തതല്ല കാട് കാടായി വളർന്നതാണ്. വീണു മുളച്ചും ചാഞ്ഞു മുളച്ചും കാടായി മാറി. കാടിനു കാടിന്റേതായ നീതിയും രീതിയും ഉണ്ട്.
• നമ്മ നട്ടെ കാടലെ’ എന്ന് കവി പറയുന്നതെന്തുകൊണ്ട്?
Answer:
“നമ്മൾ നട്ടെ കാടലെ’, കാടിനു കാടിന്റേതായ ജീവചരിത്രം ഉണ്ട്. ചാഞ്ഞും ചരിഞ്ഞും കാട് കാടായി വന്നതിന്റെ ചരിത്രം പറയുന്നു.
വിശകലനം ചെയ്യാം, കുറിപ്പ് തയ്യാറാക്കാം
Answer:
• “കാട്ങ്ക് ഒരിവാസ ഇണ്ട്”
• “വളന്ത കാട് ഇണ്ണ് കണ്ണങ്ക് മാത്തറ”
ഈ വരികൾ വിശകലനം ചെയ്ത് കുറിപ്പ് തയ്യാറാക്കുക.
Answer:
കാടിന് കാടിന്റേതായ ഒരുഭാഷയുണ്ട് എന്നാണ് കവി പറയുന്നത്. അത് കാടിനെ അറിയുന്നവർക്കും സ്നേഹിക്കുന്നവർക്കും മാത്രം തിരിച്ചറിയാൻ കഴിയുന്ന ഭാഷയാണ്. എന്നാൽ ഇന്ന് നാം വളർന്നു വന്ന കാടിന്റെ ആഴങ്ങൾ കാണാൻ ഇല്ല എന്നും അത്തരം കാഴ്ചകൾ എല്ലാം ഇന്നു പഴയ ഓർമകളിൽ മറഞ്ഞു എന്നും കവി വേദനിക്കുന്നുണ്ട്.
കാടിന്റെ പാട്ട്
Question 1.
“പറഞ്ഞുവച്ച കഥപോലെ
കാട് അങ്ങനെ പാടുന്നു.”
കാട് പാടിയതെന്താവാം? എഴുതിനോക്കൂ.
Answer:
ആരോ പറഞ്ഞു വെച്ച കഥപോലെ കാട് അങ്ങനെ പാടുന്നു. കാടു പാടുന്നത് അതിന്റെ ചരിത്രമാണ്, അതിന്റെ പഴമയാണ്, കാടിന്റെ നീതിയും നേരുമാണ്. ആ കാടിന് സ്വന്തമായി ഭാഷയുണ്ട് അതിന്റെ ഭാഷയിൽ അത് പാടുകയും പറയുകയും ചെയ്യുന്നു
പ്രാദേശികഭാഷയിലേക്ക്
Question 1.
കാട് മക്ക റങ്കിയ കാട്
വളന്ത കാട് പോറ്റിയ കാട്
വളന്ത കാട് ഇണ്ണ്
കണ്ണ്ങ്ക് മാത്തറം.
ഈ വരികൾ നിങ്ങളുടെ പ്രദേശത്തെ സംസാരഭാഷയിലേക്കു മാറ്റിയെഴുതുക.
Answer:
കാടിന്റെ മക്കൾ ഉറങ്ങിയകാട്,
വളർന്നതും പോറ്റിയതുമായ കാട്,
നമ്മൾ വളർന്ന കാട് ഇന്ന്
കണ്ണിൽ ഓർമ്മ മാത്രം.
താരതമ്യം ചെയ്യാം
Question 1.
‘കാട് ആരത്’? എന്ന കവിതയിലെ പദങ്ങളും ‘കാട് ആരുടേത്’? എന്ന കവിതയിലെ പദങ്ങളും താരതമ്യം ചെയ്ത് സാമ്യവ്യത്യാസങ്ങൾ കണ്ടെത്തിയെഴുതുക.
Answer:
ഗോത്ര വർഗ്ഗക്കാരുടെ ഭാഷയിൽ നിന്നും മലയാളീകരിച്ച കവിത നമുക്ക് ഇവിടെ കാണാൻ സാധിക്കും രണ്ടും ഒരേ അർത്ഥങ്ങൾ വരുന്ന പദങ്ങൾ ആണ് എങ്കിലും വാക്കുകൾക്ക് വ്യത്യാസം കാണാൻ കഴിയും, ചില വാക്കുകൾക്കു മലയാളത്തിനോട് സാമ്യവും കാണാൻ കഴിയും.
വാസഭാഷ
മണഇണ്ട്മണംഉണ്ട്
അവരുടെ നിഷ്കളങ്കമായ പച്ചയായ അവതരണ രീതി, തങ്ങളുടെ സംസ്കാരത്തിന്റെ തനിമ ഒട്ടും തന്നെ ചോർന്നു പോകാത്ത തരത്തിൽ ഉള്ള അവതാരണ രീതിയാണ് നഞ്ചിയമ്മയുടെ പാട്ടുകളുടെ പ്രത്യേകത.
പ്രതികരണക്കുറിപ്പ് തയ്യാറാക്കാം
Question 1.
ഞങ്ങൾക്ക് പാട്ട് പഠിക്കേണ്ട കാര്യമില്ല. പാട്ട് പിറപ്പിലേ ഉണ്ട്. ഞങ്ങൾ ജനിക്കുമ്പോൾ മുതൽ പാട്ടാണ്. ഒരു ജീവിതത്തിൽ കേട്ടുതീരില്ല ഞങ്ങളുടെ പാട്ടുകൾ. ആയിരം മരങ്ങളും കിളികളും ഇല്ലേ ഞങ്ങൾ പിറക്കുന്നിടത്ത്. ആൽമരം വീശണ പോലല്ല കാട്ടുമാവ്, ഓരോന്നാണ്. കിളികൾക്ക് ആയിരം പാട്ടാണ്. ഓരോന്ന്. കുയിൽ വേറെ. കാക്ക വേ. (നഞ്ചിയമ്മ)
ഗോത്ര ജനത മണ്ണിനെയും മഴയെയും സസ്യങ്ങളെയും മനുഷ്യരെയും തനിക്കുചുറ്റുമുള്ള സർവചരാചരങ്ങളെയും അവരുടെ ആവാസവ്യവസ്ഥയുടെ ഭാഗമെന്നപോലെ കരുതുന്നവരാണ്. നഞ്ചിയമ്മ പറയുന്ന കാര്യങ്ങളും കവിതയിലെ ആശയവും പരിഗണിച്ച് പ്രസ്താവനയോട് പ്രതികരിച്ച് കുറിപ്പ് തയ്യാറാക്കുക.
Answer:
നഞ്ചിയമ്മയുടെ വാക്കുകളിൽ തെളിയുന്ന നിഷ്കളങ്കതയാണ് കാടിനും ഉള്ളത്, കാടിനോടുള്ള സ്നേഹവും അവരുടെ ജീവിത രീതിയും സംസ്കാരവും എല്ലാം നഞ്ചിയമ്മയുടെ വാക്കുകളിൽ കാണാം. അവർ ജനിച്ചു വീഴുന്നത് തന്നെ പാട്ടിലേക്കാണ്. കാടിന്റെ താളവും കാട്ടിലെ ജീവജാലങ്ങളും എല്ലാം അവരുടെ പാട്ടിന്റെയും ജീവിതത്തിന്റെയും ഭാഗം ആണ്.
അറിവിലേക്ക്
പ്രകാശ ചെന്തളം: ശ്രദ്ധേയ ഗോത്രകവികളിലൊരാളാണ് ലേഖകൻ. കാസർകോട് ജില്ലയിലെ ബളാൽ അത്തിക്കടവ് ഊരുകാരനായ പ്രകാശ് മലവേട്ടുവ ഭാഷയിലാണ് കവിതയെഴുതുന്നത്.
നിരവധി മാസികകളിലും ഓൺലൈൻ മാസികകളിലും കവിതകൾ പ്രസീദ്ധികരി ച്ചിട്ടുണ്ട്. നിരവധി ആദരവുകളും പുരസ്കാരങ്ങളും ലഭിച്ചിട്ടുണ്ട്. ചങ്ങംമ്പുഴ ആദരവ് പുരസ്കാരം, ശിവരാമപ്പിള്ള സ്മാരക സമിതിയുടെ പുരസ്ക്കാരം അവയിൽ ചിലതാണ്.
ഇന്ത്യൻ നാഷണൽ ബുക്ക് ട്രസ്റ്റ് ഒരുക്കുന്ന ബാലസാഹിത്യ കഥകളിൽ മലവേട്ടുവ ഗോത്രഭാഷയിൽ കഥ ചെയ്തിട്ടുണ്ട്. ഓൺലൈൻ മാസികകളിലും കവിതകൾ പ്രസീദ്ധികരിച്ചിട്ടുണ്ട്.
ചൂട്ട്, എഴുത്തു വീട്, ദ്രവിഡഗോത്രകല അക്കാദമി, ഗ്രൂപ്പുകളിലും കൂട്ടായ്മകളിലും ശ്രദ്ധ നേടിയിട്ടുണ്ട്. കുരിപ്പുഴ ശ്രീകുമാർ സാർ കൂളി എന്ന കവിത പരിച്ചയപ്പെടുത്തിയിട്ടുണ്ട്. ഡി.സി.ബുക്കിൽ 5 കവിതകൾ ഉണ്ട് . പ്രതിഭാഷ ഇറക്കുന്ന ബുക്കിലും കവിതയുണ്ട്
നഞ്ചിയമ്മ
അയ്യപ്പനും കോശിയും എന്ന മലയാള ചിത്രത്തിലെ കലക്കാത്ത എന്ന് തുടങ്ങുന്ന ടൈറ്റിൽ ഗാനം പാടി പ്രേക്ഷകഹൃദയങ്ങൾ കീഴടക്കിയ ആദിവാസി കലാകാരിയാണ് അട്ടപ്പാടി സ്വദേശിയായ നഞ്ചിയമ്മ. സിനിമ തിയേറ്ററുകളിൽ പ്രദർശനത്തിന് മുമ്പേ തന്നെ ടൈറ്റിൽ ഗാനവും ഗായികയായ നഞ്ചിയമ്മയും ജനശ്രദ്ധ നേടി. യുട്യൂബിൽ റിലീസ് ചെയ്ത ഗാനം ഒരു മാസം കൊണ്ട് തന്നെ ഒരു കോടിയിലധികം പേരാണ് കണ്ടത്. നഞ്ചിയമ്മ തന്നെയാണ് ഈ ഗാനം എഴുതിയിട്ടുള്ളത്. ജേക്സ് ബിജോയ് ആണ് ഈ ഗാനത്തിന്റെ സംഗീത സംവിധാനം നിർവഹിച്ചത് 2020-ലെ ഇന്ത്യയിലെ മികച്ച ഗായികക്കുള്ള ദേശീയ അവാർഡ് കരസ്ഥമാക്കി.
ഓർത്തിരിക്കാൻ
- കാടിനു അതിന്റെതായ സംസ്ക്കാരം ഉണ്ട്
- താളവും പാട്ടും ഈണവും ഉണ്ട്
- കാടിന്റെ മക്കൾക്ക് കാടിനെ അറിയാം
- കാടിന്റെ സുസ്ഥിരത നിലനിർത്തേണ്ടത് അനിവാര്യം ആണ്
- കാട് ആരും സൃഷ്ടിക്കുന്നതല്ല. കാട് സ്വയം രൂപപ്പെടുന്നതാണ്. കാടിന്റെ സംസ്കാരവും അങ്ങനെ ആണ്.