Practicing with Class 7 Malayalam Kerala Padavali Notes Pdf Unit 1 Chapter 1 ഭൂമിക്കുവേണ്ടിയൊരു ലാവണ്യദൃശ്യോത്സവം Bhoomikku Vendiyoru Lavanya Drishyolsavam Notes Questions and Answers Pdf improves language skills.
Bhoomikku Vendiyoru Lavanya Drishyolsavam Class 7 Notes Questions and Answers
Class 7 Malayalam Kerala Padavali Notes Unit 1 Chapter 1 Bhoomikku Vendiyoru Lavanya Drishyolsavam Question Answer
Class 7 Malayalam Bhoomikku Vendiyoru Lavanya Drishyolsavam Notes Question Answer
വായിക്കാം, കണ്ടെത്താം
Question 1.
മൂന്നാർ മലനിരകളിലെ പൂക്കളുടെ നൃത്തത്തിൽ എന്തെല്ലാമാണുള്ളത്?
Answer:
കാറ്റ് വീശുമ്പോൾ തിരയടിച്ചിളകുന്ന പോലെ നീലക്കുറിഞ്ഞികൾ ഒന്നിച്ചു നൃത്തം വയ്ക്കുന്നു. ആ നൃത്ത ത്തിൽ സംഗീതമുണ്ട്. ആയിരമായിരം വണ്ടുകളുടെയും തേനീച്ചകളുടെയും മന്ദ്രസ്ഥായിയിലുള്ള മൂളലു ണ്ട്. ആയിരമായിരം തുമ്പികളുടെയും ചിത്രശലഭങ്ങളുടെയും ചെറുകിളികളുടെയും ചിറകിളക്കങ്ങളുടെ താളമുണ്ട്. ഇളകാറ്റിന്റെ തഴുകലുണ്ട്. വനദേവതകളുടെയോ ചെറുചോലകളുടെയോ മധുരസ്വരത്തിലുള്ള ചിരികളുണ്ട്. ഇതെല്ലാമാണ് മൂന്നാർ മലനിരകളിലെ പൂക്കളുടെ നൃത്തത്തിലുള്ളത്.
Question 2.
എഴുത്തുകാരി എല്ലാം മറന്നു നിന്നുപോയത് എന്തെല്ലാം കണ്ടിട്ടായിരുന്നു?
Answer:
നീലക്കുറിഞ്ഞിത്തേൻ നുകർന്ന് നുകർന്ന് ലഹരി പിടിച്ച് വണ്ടുകൾ നീലക്കുറിഞ്ഞി ഇതളുകളിൽ തന്നെ ചേർന്നുറങ്ങുന്നു. അവയുടെ നീലക്കറുപ്പുമെയ്യാകെ മഞ്ഞപ്പൂമ്പൊടി പൂശിയിരിക്കുന്നു. വായുവിലാകെ അനർവചനീയമായൊരു പരിമളം നിറഞ്ഞുലാവുന്നു. ആ വലിയ മലഞ്ചരിവിൽ മുഴുവൻ സ്വന്തം വന്നു നിന്ന് ആഹ്ലാദനൃത്തം ചവിട്ടുന്നത് പോലെ എഴുത്തുകാരിക്ക് തോന്നി. ഈ സൗന്ദര്യലോകത്തിലാണ് എല്ലാം മറന്ന് കണ്ണുകൾ കൂമ്പി എഴുത്തുകാരി നിന്നുപോയത്.
Question 3.
കുറിഞ്ഞി ചെടികൾ നീണ്ടതപസ്സിലാണ് എന്നുപറയാൻ കാരണമെന്ത്?
Answer:
ഒരു പുഷ്പോത്സവകാലം കഴിഞ്ഞാൽ നീലക്കുറിഞ്ഞി പൂക്കളെല്ലാം ഉണങ്ങിക്കൊഴിഞ്ഞു പോകുന്നു. ചെടികളെല്ലാം അലങ്കാരങ്ങൾ ഊരിവെച്ച് ഒഴിഞ്ഞ് ഉണങ്ങി നിൽക്കുന്നപോലെ തോന്നുന്നു. പക്ഷേ, നാം അറിയാതെ ആ പൂക്കളെല്ലാം മണ്ണിൽ വിത്തെറിഞ്ഞു കഴിഞ്ഞിട്ടുണ്ടാകാം. മണ്ണിനടിയിൽ അവയെല്ലാം കാത്തുകിടക്കുന്നു. ഇനിയൊരു പന്തീരാണ്ടുകാലം കഴിയുന്നത് വരെ കുറിഞ്ഞി ചെടികൾ വീണ്ടും പൂക്കാ നായുള്ള നീണ്ട ഒരു കാത്തിരിപ്പിലാണ് ഇതിനാലാണ് കുറിഞ്ഞി ചെടികൾ നീണ്ടതപസ്സിലാണ് എന്ന് പറ യുന്നത്.
Question 4.
“ഈ മനോഹാരിത നമുക്കുവേണ്ടിയല്ല” – പിന്നെ ആർക്കൊക്കെ വേണ്ടിയാണ്?
Answer:
എല്ലാം നശിപ്പിക്കുന്ന മനുഷ്യർക്ക് വേണ്ടിയല്ല, പ്രകൃതിയെ പൂജിക്കുന്നവർക്ക് വേണ്ടിയാണ് നീലക്കുറി ഞ്ഞികളുടെ ഈ മനോഹാരിത-തേനീച്ചകൾക്ക് വേണ്ടി ശലഭങ്ങൾക്കും വണ്ടുകൾക്കും തുമ്പികൾക്കും കണ്ണിൽ കാണാനാവാത്ത കോടിക്കണക്കിന് പ്രാണികൾക്കും വേണ്ടി, ഭൂമിയെന്ന അമ്മയ്ക്കും വേണ്ടി യാണ് ഈ ലാവണ്യദൃശോത്സവം എന്ന് ലേഖിക പറയുന്നു.
ചർച്ചചെയ്യാം, എഴുതാം
Question 1.
“ആ മനോഹരദൃശ്യം” കാണാൻ നിങ്ങൾ ഒരിക്കൽ പോകണം എന്തെല്ലാം കാഴ്ചകളാണ് നിങ്ങൾ അവിടെ കാണാൻ ആഗ്രഹിക്കുന്നത്?
Answer:
നമ്മുടെ കിഴക്കന്മലകളുടെ മടിത്തട്ടിൽ മൂന്നാറിൽ പന്ത്രണ്ടു വർഷത്തിലൊരിക്കൽ നീലക്കുറിഞ്ഞികൾ പൂത്തുലയുന്നു. നീലക്കടൽ പോലെ നിറഞ്ഞുലാവി ആടിക്കളിച്ചു നിൽക്കുന്ന നീലക്കുറിഞ്ഞികളുടെ മനോഹരദൃശ്യം കാണാൻ ജീവിതത്തിൽ ഒരിക്കലെങ്കിലും നമ്മൾ പോകണമെന്നാണ് എഴുത്തുകാരി പറ യുന്നത്. മൂന്നാർ അതിന്റെ മനോഹരമായ പശ്ചാത്തല ഭൂപ്രകൃതിക്ക് പേരുകേട്ടതാണ്. അവിടുത്തെ മലനി രകൾ, തേയിലത്തോട്ടങ്ങൾ, അരുവികൾ എന്നിവയെല്ലാം കാണാൻ എനിക്കാഗ്രഹമുണ്ട്. മലഞ്ചെരുവു കൾക്ക് മേലെ ഒരു പുതപ്പുപോലെ നീലക്കുറിഞ്ഞികൾ പൂത്തുനിൽക്കുന്ന കാഴ്ച അതിശയകരമായിരി ക്കും.
സുഗതകുമാരി അനുഭവിച്ചപോലെ കോടമഞ്ഞു പുതച്ച നീലപ്പൂക്കൾക്കിടയിലൂടെ നടന്ന് തേൻ നുക രുന്ന ശലഭങ്ങളെ തേടാനും ചെറുകിളികളുടെ പാട്ടുകളും ചിറകടി ശബ്ദങ്ങൾ കേൾക്കാനും എനിക്ക് ആഗ്രഹമുണ്ട്. ഈ മനോഹരദൃശ്യത്തിൽ എല്ലാം മറന്ന് സുഹൃത്തുക്കൾക്കു ഒപ്പം ഓടിക്കളിക്കണം. കുടും ബാംഗങ്ങൾക്കെല്ലാം ധാരാളം ചിത്രങ്ങൾ എടുത്ത് സൂക്ഷിക്കണം. ഈ സൗന്ദര്യലോകത്തിൽ എല്ലാം മറന്ന് ഒരു നീലക്കുറിഞ്ഞി പൂവായി മാറണം എന്തെല്ലാമാണ് ഞാൻ ആഗ്രഹിക്കുന്നത്.
Question 2.
പുഷ്പോത്സവം കഴിഞ്ഞാൽ പൂക്കളെല്ലാം മറഞ്ഞുപോകുന്നു. പിന്നീട് എന്തൊക്കെയാണ് സംഭവി ക്കുന്നത്?
Answer:
പന്ത്രണ്ട് വർഷത്തിൽ ഒരിക്കൽ പൂക്കുന്ന നീലക്കുറിഞ്ഞികളുടെ പുഷ്പോത്സവം കഴിഞ്ഞാൽ ആ പൂക്ക ളെല്ലാം മറഞ്ഞു പോകുന്നു. ശലഭങ്ങളും തുമ്പികളും ചെറുകിളികളുമെല്ലാം പറന്നകലുന്നു. ചെടികളെല്ലാം അലങ്കാരങ്ങൾ ഊരിവെച്ചു ഒഴിഞ്ഞ് ഉണങ്ങി നിൽക്കുന്നു. മലഞ്ചരിവുകൾ ശൂന്യമായി തീരുന്നു. എല്ലാം നിശ്ചലവും നിശബ്ദവുമായി തീരുന്നു. എന്നാൽ നാം അറിയാത്ത ഒന്നുണ്ട്. ആ പൂക്കളെല്ലാം മണ്ണിൽ വിത്തെറിഞ്ഞു കഴിഞ്ഞു. മണ്ണിനടിയിൽ ഇനിയൊരു പന്തീരാണ്ടു കാലം വീണ്ടും പൂക്കാനായി കാത്തു കിടക്കുകയാണ്. ആ വിത്തുകൾ അതുവരെ നീണ്ട തപസ്സിലാണ് കുറിഞ്ഞി ചെടികൾ.
Question 3.
“പ്രകൃതിയൊരുക്കുന്ന ഈ മനോഹാരിത” ആസ്വദിക്കാൻ നാം എന്തെല്ലാമാണ് ചെയ്യേണ്ടത്?
Answer:
പ്രകൃതി ഒരുക്കുന്ന ഈ മനോഹരക്കാഴ്ചകളെ നിലനിർത്താൻ നാം ആദ്യം പ്രകൃതി സംരക്ഷകരായി മാറണം. നീലക്കുറിഞ്ഞി വംശത്തിന്റെ നാശത്തിന് കാരണമാവുന്ന ഒരു പദ്ധതിക്കും അനുമതി നൽകാതെ പ്രകൃതി പ്രകൃതിയായി നിലനിർത്താൻ നാം പരിശ്രമിക്കണം. നീലക്കുറിഞ്ഞികളുടെ പ്രാധാന്യത്തെക്കു റിച്ച് മറ്റ് ആളുകളെ ബോധവൽക്കരിക്കുകയും അവിടം സന്ദർശിക്കുമ്പോൾ നീലക്കുറിഞ്ഞികളുടെ ആവാ സവ്യവസ്ഥ നശിപ്പിക്കുന്ന പ്രവർത്തനങ്ങളിൽ നിന്ന് വിട്ടുനിൽക്കുകയും ചെയ്യണം. പരിസ്ഥിതി സംര ക്ഷണം നമ്മൾ ഓരോരുത്തരുടെയും കടമയാണ്. മഴുവായി ഈ ഭൂമി വെട്ടിനിരത്താൻ നാം ആരെയും അനുവദിക്കരുത്. പ്രകൃതി ഒരുക്കുന്ന മനോഹര ദൃശ്യങ്ങൾക്ക് നാളത്തെ തലമുറകൾ കൂടി അവകാശിക ളാണ്.
പുഷ്പോത്സവം സംഘടിപ്പിക്കാം
തലസ്ഥാനനഗരിയിൽ വസന്തോത്സവം
തിരുവനന്തപുരം: ക്രിസ്തുമസ്-പുതു വത്സരാഘോഷങ്ങളുടെ ഭാഗമായി തലസ്ഥാനനഗരിയിൽ വസന്തോത്സവം ഒരുക്കും. കേരള റോസ് സൊസൈറ്റിയും ജില്ലാ ടൂറിസം പ്രമോഷൻ കൗൺസിലും ചേർന്ന് “നഗരവസന്തം’ എന്ന പേരിൽ ഡിസംബർ 21 മുതലാണ് നഗരവീഥിക ളിലും കനകക്കുന്ന് പരിസരത്തുമടക്കം വസന്തോത്സവം സംഘടിപ്പിക്കുന്നത്.
വെള്ളയമ്പലം, കവടിയാർ, ശാസ്തമംഗലം, വഴുതക്കാട്, സ്പെൻസർ ജങ്ഷൻ എന്നിവിടങ്ങളിലെ റോഡുകളുടെ ഇരു വശങ്ങളും പൂച്ചെടികളും അലങ്കാര ച്ചെടികളും കൊണ്ട് വർണ്ണാഭമാക്കും. കോർപ്പറേഷൻ ഓഫീസിന് മുന്നിൽ നിന്ന് ദേവസ്വം ബോർഡ് ജങ്ഷൻ വരെയും പി.എം.ജി. വരെയുള്ള പാതയോരത്തും പൂക്കൾ നിറയും. വർണ്ണശബളമായ, സുഗന്ധം നിറയുന്ന ചെടികൾക്ക് പുറമേ അലങ്കാരദീപങ്ങളും ഇൻസ്റ്റലേഷനുകളും ചിത്രങ്ങളും വസന്തോത്സവത്തിന് മാറ്റു കൂട്ടും. പുലർച്ചെ ഒരു മണിവരെ വസന്തോത്സവം നീളും. കനകക്കുന്നിലും സൂര്യകാന്തി, നിശാഗന്ധി എന്നീ ഓഡിറ്റോറിയങ്ങളിലും പുഷ്പാലംകൃത മായ ഇൻസ്റ്റലേഷനുകൾ ഉണ്ടാവും.
Question 1.
ഈ വാർത്തയെക്കുറിച്ച് ചർച്ച ചെയ്യുക. ഇത്തരം ഉത്സവങ്ങളുടെ പ്രാധാന്യത്തെക്കുറിച്ച് അഭിപ്രായക്കു റിപ്പ് എഴുതുക.
Answer:
അഭിപ്രായക്കുറിപ്പ്
ക്രിസ്തുമസ് – പുതുവത്സരാഘോഷങ്ങളുടെ ഭാഗമായി തലസ്ഥാനനഗരിയിൽ നടക്കാനിരിക്കുന്ന പൂഷ്പോ ത്സവം നഗരത്തിനും ജനങ്ങൾക്കും നിരവധി നേട്ടങ്ങൾക്കും ഗുണങ്ങളും നൽകുന്ന ഒരു പ്രധാന സാംസ്കാ രിക പരിപാടിയായി മാറും എന്ന് നമുക്ക് നിസ്സംശയം പറയാം.
പുഷ്പോത്സവം നമ്മുടെ സമ്പന്നമായ സാംസ്കാരിക പൈതൃകത്തിന്റെയും പ്രകൃതിയോടുള്ള ആദരവി ന്റെയും പ്രതീകമാണ്. വ്യത്യസ്ത പ്രദേശങ്ങളിൽ നിന്നുള്ള ആളുകളെ ആകർഷിക്കുന്നതിനാൽ ടൂറിസം വ്യവസായത്തെ പ്രോത്സാഹിപ്പിക്കുന്നതിൽ ഇത്തരം ആഘോഷങ്ങൾക്കുള്ള പ്രാധാന്യം വളരെ വലുതാ ണ്. ഇതിനു പുറമെ പരിസ്ഥിതി സംരക്ഷണത്തിന്റെ പ്രാധാന്യത്തെക്കുറിച്ച് ജനങ്ങളിൽ അവബോധം ഇളംകാറ്റ് തെല്ലൊന്നു തൊട്ടെന്നുവന്നാൽ ഭാഗം – 1 വളർത്താനും ഇത് സഹായിക്കും. പ്രകൃതിയോടുള്ള നമ്മുടെ ബന്ധം ശക്തിപ്പെടുത്തുകയും പരിസ്ഥി തിയെ സംരക്ഷിക്കാൻ നമ്മെ പ്രോത്സാഹിപ്പിക്കുകയും ചെയ്യും. വ്യത്യസ്ത തുറകളിൽ നിന്നുള്ള ആളുകളെ ഒരുമിച്ച് കൊണ്ടുവരുന്ന ഈ ഉത്സവം സാമൂഹിക ഐക്യം വളർത്തുന്നതിലും വലിയ പങ്കു വഹിക്കുന്നു. ഇത് കുടുംബങ്ങൾക്കും സുഹൃത്തുക്കൾക്കും ഒരുമിച്ച് ആഘോഷിക്കാനുള്ള ഒരു അവസര മാണ്.
സന്തോഷവും, സൗന്ദര്യവും, പ്രകൃതിസ്നേഹവും എല്ലാം ഒത്തുചേരുന്ന ഒരു ഉത്സവമാണ് തലസ്ഥാന നഗരിയിൽ നടക്കാനിരിക്കുന്ന പുഷ്പോത്സവം. അത് നമ്മുടെ ജീവിതത്തിലും സമൂഹത്തിലും നിരവധി നേട്ടങ്ങൾ നൽകുമെന്ന് നമുക്ക് പ്രത്യാശിക്കാം. എല്ലാ നഗരങ്ങളും ഇത്തരം ഉത്സവങ്ങൾ സംഘടിപ്പി ക്കാൻ ശ്രമിക്കേണ്ടതാണ്.
ചേർത്തു ചേർത്തു വയ്ക്കുമ്പോൾ
Question 1.
അവയുടെ നീലക്കുറുപ്പുമെയ്യാകെ മഞ്ഞപ്പൂമ്പൊടി പൂശിയിരിക്കുന്നു.
• മെയ്യാകെ
• കറുപ്പുമെയ്യാകെ
• നീലക്കറുപ്പുമെയ്യാകെ
വണ്ടിന്റെ ശരീരത്തെ വിശേഷിപ്പിക്കുന്ന പദങ്ങളാണ് കറുപ്പും നീലക്കറുപ്പും. ഭാഷാപ്രയോഗത്തിൽ ഇത്തരം വിശേഷണ പദങ്ങൾ നൽകുന്ന മാറ്റങ്ങൾ എന്തൊക്കെയാണ്?
Answer:
“അവയുടെ നീലക്കറുപ്പ് മെയ്യാകെ മഞ്ഞപ്പൂമ്പൊടി പൂശിയിരിക്കുന്നു” എന്ന വരികളിൽ ആദ്യ വാക്യ ത്തിൽ നിന്ന് അവസാനവാക്യത്തിലേക്ക് എത്തുമ്പോൾ കൂടുതൽ മിഴിവാർന്ന ഒരു ചിത്രം നമ്മുടെ ഉള്ളിൽ രൂപപ്പെടുന്നു. മെയ്യ് എന്ന പദത്തെ നീല, കറുപ്പ് എന്നീ പദങ്ങൾ കൊണ്ട് വിശേഷിപ്പിച്ചിരിക്കുന്നു. പൂമ്പൊടിയെ മഞ്ഞ എന്ന പദം കൊണ്ടും വിശേഷിപ്പിച്ചിരിക്കുന്നു. ഒരേ പദങ്ങളുടെ അർത്ഥത്തെ ഭേദിപ്പി ക്കുന്നത് (വിശേഷിപ്പിക്കുന്നത്) ആണ് ഭേദകം അഥവാ വിശേഷണം. ഏതിനെ വിശേഷിപ്പിക്കുന്നുവോ അത് വിശേഷ്യം. എന്ത് കൊണ്ട് വിശേഷിപ്പിക്കുന്നുവോ അത് വിശേഷണങ്ങൾ.
ഉദാഹരണം
കറുപ്പ് മെയ്യ്
മെയ്യ് – വിശേഷ്യം
കറുപ്പ് വിശേഷണം
മഞ്ഞ പൂമ്പൊടി
പൂമ്പൊടി – വിശേഷ്യം
മഞ്ഞ – വിശേഷണം
ഭാഷാ പ്രയോഗത്തിൽ ഇത്തരം വിശേഷണങ്ങൾ പദത്തിനും ആശയത്തിനുമെല്ലാം ഭംഗി കൂടുന്നുണ്ട്.
Question 2.
നിങ്ങളുടെ സ്കൂളിലെ പരിസ്ഥിതി ക്ലബിന്റെ ആഭിമുഖ്യത്തിൽ ഒരു പുഷ്പോത്സവം സംഘടിപ്പിക്കുക.
നിങ്ങൾ സംഘടിപ്പിച്ച പുഷ്പോത്സവത്തെക്കുറിച്ച് പത്രവാർത്ത തയ്യാറാക്കുക.
Answer:
കാണികളിൽ വസന്തം വിരിയിച്ച് ഒരുൾ പുഷ്പോത്സവം
പാലക്കാട്: ജി. എൽ.പി.എസ്. സ്കൂൾ മരുതറോഡ് പരിസ്ഥിതി ക്ലബിന്റെ ആഭിമുഖ്യത്തിൽ ഇന്ന് (05/12/2004) ഒരു വർണ്ണാഭമായ പുഷ്പോത്സവം നടന്നു. പരിസ്ഥിതി ബോധവും പ്രകൃതിസ്നേഹവും വളർത്തുക എന്ന ലക്ഷ്യത്തോടെയാണ് പുഷ്പോത്സവം സംഘടിപ്പിച്ചത്.
വിവിധ തരത്തിലുള്ള പൂക്കളും അലങ്കാര ചെടികളും പ്രദർശിപ്പിച്ചിരുന്ന പുഷ്പോത്സവം കാഴ്ചക്കാർക്ക് ഒരു നേത്രവിസ്മയമായിരുന്നു.
വിദ്യാർത്ഥികൾ തന്നെയാണ് പൂക്കളും അലങ്കാരച്ചെടികളും ഉപയോഗിച്ച് വിവിധ രൂപകൽപ്പനകളും കര കൗശല വസ്തുക്കളും നിർമ്മിച്ചത്. പുഷ്പലങ്കാര മത്സരം, പൂക്കളി ചിത്രരചനാ മത്സരം, പൂക്കളെക്കുറിച്ചുള്ള ക്വിസ് മത്സരം തുടങ്ങിയ വിവിധ മത്സരങ്ങളും പുഷ്പോത്സവത്തിന്റെ ഭാഗമായി സംഘടിപ്പിച്ചിരുന്നു.
സി.കുഞ്ഞിരാമൻ (എം.എൽ.എ) ഉദ്ഘാടനം ചെയ്തു. സിന്ധു നായർ (പ്രിൻസിപ്പൽ) ആരതി എസ്. (സ്കൂൾ വൈസ് പ്രിൻസിപ്പൽ) തുടങ്ങിയവർ പ്രസംഗിച്ചു. പരിസ്ഥിതിയുടെ പ്രാധാന്യത്തെക്കുറിച്ച് വിദ്യാർത്ഥി കൾക്ക് ബോധവൽക്കരണ ക്ലാസ്സ് കൊടുത്തു.
കൂടുതൽ ചോദ്യങ്ങളും ഉത്തരങ്ങളും
Question 1.
പ്രകൃതിയിലെ മനോഹരക്കാഴ്ചകൾ നിങ്ങളെ ഓരോരുത്തരെയും വിസ്മയപ്പിച്ചിട്ടുണ്ടാവില്ലേ മനോ ഹരമായ കാഴ്ചയുടെ വർണ്ണന തയ്യാറാക്കുക.
Answer:
മഞ്ഞുകാലത്ത് പുലർച്ചെ പുഴയുടെ മുകളിലെ പാലത്തിലൂടെ യാത്ര ചെയ്യുമ്പോൾ കണ്ട മനോഹരമായ കാഴ്ചയാണ് ഇപ്പോഴും എന്റെ മനസ്സിൽ മായാതെ നിൽക്കുന്നുണ്ട്.
സൂര്യന്റെ കിരണങ്ങൾ മഞ്ഞിന്റെ മറ നീക്കി കടന്നുവരുന്നതേയുള്ളൂ. വെയിൽ നാളം വന്ന് തട്ടിയപ്പോൾ പുഴയരികിലെ ചെടികളുടെ ഇലകൾ സ്വർണനിറത്തിൽ തിളങ്ങുന്നു. ആകാശം മുഴുവൻ ചുവന്ന് തുടുത്തി രിക്കുന്നു. പക്ഷികൾ പലയിടത്തേക്കായി പാറിപ്പറക്കുന്നു.
Question 2.
സുഗതകുമാരി ടീച്ചറുടെ ഈ പാഠഭാഗം വായിച്ചപ്പോൾ മൂന്നാറിൽ നീലക്കുറിഞ്ഞി പൂത്തത് കണ്ട പ്പോൾ നിങ്ങൾക്ക് ഉണ്ടായ അനുഭവം വിവരിച്ചു കൊണ്ട് കൂട്ടുകാരിക്ക് കത്ത് തയ്യാറാക്കുക.
Answer:
സ്ഥലം : …………………………….
തീയതി : …………………………..
പ്രിയപ്പെട്ട ആരതി,
സുഗതകുമാരി ടീച്ചറുടെ ഭൂമിക്കുവേണ്ടിയൊരു ലാവണ്യദൃാസവം എന്ന പാഠം വായിച്ചപ്പോൾ ഞാനും അച്ഛനും അമ്മയും മൂന്നാറിൽ പോയപ്പോൾ നീലക്കുറിഞ്ഞി കണ്ട് അനുഭവമാണ്. എന്റെ മനസ്സിൽ ഓടി വന്നത്. നീലക്കുറിഞ്ഞി പൂത്തുനിൽക്കുന്ന പ്രദേശം കണ്ടാൽ നീലപ്പട്ടു വിരിച്ചതുപോലെ നമുക്ക് തോന്നും. അത്രയ്ക്കും സുന്ദരമായ കാഴ്ചയാണത്. നീലക്കുറിഞ്ഞി ഇനി പൂക്കുമ്പോൾ നീയും അത് കാണാൻ പോക ണം. അത് കാണുക എന്നത് ഒരു ഭാഗ്യം തന്നെയാണ്. മറ്റു വിശേഷങ്ങൾ ഒന്നുമില്ല. ഞാൻ നിറുത്തട്ടെ
എന്ന് സ്നേഹപൂർവ്വം
ആരതി
Question 3.
നിങ്ങളുടെ സ്കൂളിൽ പരിസ്ഥിതി ക്ലബിന്റെ ആഭിമുഖ്യത്തിൽ ഒരു പുഷ്പോത്സവം സംഘടിപ്പിക്കുക. അതിനായുള്ള ഒരുക്കങ്ങൾ എന്തെല്ലാമാണെന്ന് നോക്കാം.
Answer:
പുഷ്പോത്സവം : ഒരുക്കങ്ങൾ
പരിസ്ഥിതി ക്ലബ് അംഗങ്ങളുടെയും സ്കൂൾ അധികൃതരുടെയും ഒരു യോഗം വിളിച്ച് തീയതിയും സമ യവും തീരുമാനിക്കുക. വാരാന്ത്യ ദിനങ്ങളിലൊന്ന് തിരഞ്ഞെടുക്കുന്നത് നല്ലതാണ്.
സംഘാടക സമിതി: പുഷ്പോത്സവം വിജയകരമായി നടത്താൻ ഒരു സംഘാടക സമിതി രൂപീകരിക്കുക.
പ്രചാരണം : പുഷ്പോത്സവത്തെക്കുറിച്ച് വിവരങ്ങൾ നൽകുന്ന പോസ്റ്ററുകളും ബാനറുകളും സ്കൂൾ പരി സരത്തും അടുത്തുള്ള പ്രദേശങ്ങളിലും സ്ഥാപിക്കുക.
പുഷ്പോത്സവത്തെക്കുറിച്ച് വിവരങ്ങൾ പ്രചരിപ്പിക്കാൻ ഫേസ്ബുക്ക്, ഇൻസ്റ്റാഗ്രാം, തുടങ്ങിയ സോഷ്യൽ മീഡിയ പ്ലാറ്റ്ഫോമുകൾ ഉപയോഗിക്കുക.
വേദിയും സ്റ്റാളുകളും തയ്യാറാക്കുക : സ്കൂൾ ഗ്രൗണ്ടിലോ ഓഡിറ്റോറിയത്തിലോ പുഷ്പോത്സവം നടത്താം.
വിദ്യാർത്ഥികളുടെ പങ്കാളിത്തം ഉറപ്പാക്കുക : എല്ലാ ക്ലാസുകളിൽ നിന്നും വിദ്യാർത്ഥികളെ പങ്കെടുപ്പി ക്കാൻ പ്രോത്സാഹിപ്പിക്കുക. പൂക്കൾ ശേഖരിക്കുന്നതിനും അലങ്കാരങ്ങൾ നിർമ്മിക്കുന്നതിനും അവരെ സഹായിക്കുക.
വിവിധ മത്സരങ്ങൾ സംഘടിപ്പിക്കുക : പുഷ്പാലങ്കാരം, പൂക്കളം, പുഷ്പശിൽപ്പം, പുഷ്പചിത്രരചന തുടങ്ങിയ വിവിധ മത്സരങ്ങൾ സംഘടിപ്പിക്കുക.
പ്രശസ്തരായ വ്യക്തികളെ അതിഥികളായി ക്ഷണിക്കുക : പരിസ്ഥിതി പ്രവർത്തകർ, പൂക്കളെക്കുറിച്ച് വിദഗ്ധരായ അധ്യാപകർ എന്നിവർ.
ഭക്ഷണ സ്റ്റാളുകൾ തുറക്കുക : പരിസ്ഥിതി സൗഹൃദ ഭക്ഷണം വിളമ്പുന്ന സ്റ്റാളുകൾ തുറക്കുക. സമ്മാനദാന ചടങ്ങ് നടത്തുക. മത്സരങ്ങളിൽ വിജയിച്ചവർക്ക് സമ്മാനങ്ങൾ നൽകുക. എല്ലാ പങ്കാളി കൾക്കും നന്ദി പറയുക.
ശ്രദ്ധിക്കേണ്ട മറ്റുകാര്യങ്ങൾ : പരിസ്ഥിതി സൗഹൃദമായി പരിപാടി നടത്തുക, പ്ലാസ്റ്റിക് ഉപയോഗം കുറ യ്ക്കുക, പുഷ്പോത്സവം കഴിഞ്ഞശേഷം സ്ഥലം വൃത്തിയാക്കുക.
Question 4.
സ്കൂളിൽ നിങ്ങൾ സംഘടിപ്പിക്കുന്ന പുഷ്പമേളക്കായി ഒരു പോസ്റ്റർ തയ്യാറാക്കാം.
Answer:
Question 5.
ശീർഷകത്തിന്റെ ഔചിത്യം
Answer:
സുഗതകുമാരിയുടെ മുൻമൊഴി എന്ന ലേഖനത്തിൽ നിന്നെടുത്ത ഒരു ഭാഗമാണ് ഭൂമിക്കുവേണ്ടിയൊരു ലാവണ്യദൃശോത്സവം എന്ന പാഠഭാഗം. പ്രകൃതിയുടെ അതിശയകരമായ സൗന്ദര്യത്തെയും കിഴക്കൻ മലനിരകളിൽ പന്ത്രണ്ടു വർഷത്തിലൊരിക്കൽ മാത്രം പൂത്തുലയുന്ന കുറിഞ്ഞിപ്പൂക്കളുടെ വിസ്മയകര മായ കാഴ്ചയെയും സുഗതകുമാരി ലളിതമായ വാക്കുകളിലൂടെ ചിത്രീകരിക്കുന്നു. എന്നാൽ ലേഖന ത്തിന്റെ അവസാനഭാഗത്തേക്കെത്തുമ്പോൾ ലേഖിക എടുത്തു ചോദിക്കുന്ന ഒരു കാര്യമുണ്ട്, ആർക്കുവേ ണ്ടിയാണ് ഈ ഒരുക്കങ്ങൾ എന്ന്? അതിനു മറുപടിയെന്നോണം സുഗതകുമാരി തന്നെ നമ്മോടു പറയു ന്നത് എല്ലാം നശിപ്പിക്കുന്ന മനുഷ്യർക്ക് വേണ്ടിയല്ല, പ്രകൃതിയെ പൂജിക്കുന്നവർക്ക് വേണ്ടിയാണ് നീല ക്കുറിഞ്ഞികളുടെ ഈ മനോഹാരിത എന്നാണ്.
തേനീച്ചകൾക്കും, ശലഭങ്ങൾക്കും വണ്ടുകൾക്കും കണ്ണിൽ കാണാനാവാത്ത കോടിക്കണക്കിന് പ്രാണി കൾക്കും വേണ്ടി, ഭൂമിയെന്ന അമ്മയ്ക്കും വേണ്ടിയാണ് ഈ ലാവണ്യദൃശോത്സവം നടക്കുന്നത് എന്ന് പറയുന്നു. ഈ ലേഖനത്തിനു ഉചിതമായ ശീർഷകം തന്നെയാണ് ഭൂമിക്കുവേണ്ടിയൊരു ‘ലാവണ്യദ ശോത്സവം’ എന്നത്.
Class 7 Malayalam Kerala Padavali Notes Unit 1 ഇളംകാറ്റ് തെല്ലൊന്നു തൊട്ടെന്നുവന്നാൽ
ആമുഖം
മനോഹരമായ പ്രകൃതിയുടെ സാന്നിധ്യം കൊണ്ട് അനുഗ്രഹീതമാണ് കേരളം. പ്രകൃതിയോടിണങ്ങി ക്കൊണ്ട് പ്രകൃതിയെ കാണാനും ആസ്വദിക്കാനും കഴിവുള്ളവരാണ് നമ്മൾ. ഹൃദ്യമായ കാഴ്ചകളോടൊപ്പം, പുതിയ കാലം പ്രകൃതിയിൽ വരുത്തിയ മാറ്റങ്ങൾ ഉൾക്കൊള്ളാനും നമുക്ക് കഴിയേണ്ടതുണ്ട്.
ചില പ്രത്യേക ദേശങ്ങളിൽ, കാലങ്ങളിൽ ഉണ്ടാകുന്ന മനോഹര കാഴ്ചകളുണ്ട്. പ്രകൃതി ഒരുക്കുന്ന സുന്ദ രകാഴ്ചകൾ സുഗതകുമാരിയുടെ ഭൂമിക്കുവേണ്ടിയൊരു ലാവണോത്സവം എന്ന ലേഖനഭാഗത്തിൽ കാണാം. മൂന്നാറിൽ പന്ത്രണ്ട് വർഷത്തിലൊരിക്കൽ പൂക്കുന്ന നീലക്കുറിഞ്ഞിയെക്കുറിച്ചാണ് സുഗതകുമാരി ലേഖന ത്തിൽ സൂചിപ്പിച്ചിരിക്കുന്നത്. പന്തീരാൽ വർഷങ്ങൾക്കുശേഷം മാത്രം കാണാനാവുന്ന ആ കാഴ്ച എല്ലാ വരും കാണേണ്ടതുണ്ട്. ഇത് കാണുന്നതോടൊപ്പം എല്ലാക്കാലത്തും ഈ കാഴ്ചകൾ നിലനിർത്താനായി പ്രകൃതി സ്നേഹികൾക്ക് കഴിയേണ്ടതുണ്ട് എന്ന് എഴുത്തുകാരി ഓർമ്മിപ്പിക്കുന്നു.
ഒരു ദിനാന്ത സഞ്ചാരം എന്ന വള്ളത്തോൾ കവിതാഭാഗം ഒരു കുന്നിന്റെ ദൂരക്കാഴ്ചകളോടൊപ്പം അടുത്തു എത്തുമ്പോഴുണ്ടാകുന്ന കാഴ്ചയിലെ മാറ്റങ്ങളെ നമുക്ക് അനുഭവവേദ്യമാക്കുന്നു. പ്രകൃതിയെ കാണാൻ ആഗ്ര ഹിക്കുന്നവർക്ക് ഒരു വഴികാട്ടിയാണ് ഈ രചന.
പ്രകൃതിയിലെ ജീവജാലങ്ങളോട് സ്നേഹത്തോടെയും പെരുമാറാൻ പ്രേരിപ്പിക്കുന്ന ഒരു ബംഗാളി കഥ യാണ് മനസ്സിലെ കിളി. കിളികൾ വാനിൽ പാറി നടക്കുകയാണ് വേണ്ടത് എന്നും കൂട്ടിലിട്ട് വളർത്തി അവ രുടെ സൗന്ദര്യം ആസ്വദിക്കയല്ല വേണ്ടതെന്നും ഓർമ്മിപ്പിക്കുന്നുണ്ട് കഥാകാരൻ.
പ്രവേശ പ്രവർത്തനം
Question 1.
കവിതയിലെ ആശയം തന്നെയാണോ ചിത്രത്തിലുളളത്? മഴത്തുള്ളിത്തൊട്ടപ്പോഴുണ്ടായ ഇന്ദ്രജാലം എന്തായിരുന്നു ചർച്ച ചെയ്യുക.
Answer:
ഉണങ്ങിക്കരിഞ്ഞു പോയ മരത്തിൽ മഴത്തുള്ളികൾ വീഴുന്ന ദൃശ്യമാണ് ചിത്രത്തിലുള്ളത്. ഉണങ്ങിക്ക രിഞ്ഞു പോയ മരക്കൊമ്പുകളിൽ ആദ്യ മഴത്തുള്ളികൾ വീഴുമ്പോൾ ഒരു മഹാഇന്ദ്രജാലമാണ് സംഭവിക്കു ന്നത്. വേനൽമഴ തുടങ്ങുമ്പോൾ ദ്രവിച്ച മരക്കൊമ്പുകളിൽ നിന്ന് ഉറക്കം വിട്ടുണർന്നത് പോലെ മുള കളും തളിരിലകളും പൊട്ടി വിടരുന്നു. ഉണങ്ങിയ മരത്തിൽ മഴത്തുള്ളികൾ വന്നു പതിക്കുമ്പോൾ അവ യിൽ ജീവന്റെ പൊടിപ്പും തുടിപ്പും തരിപ്പുമെല്ലാം ഉണ്ടാവുകയാണ്. മരിക്കാനിരിക്കുന്ന മരക്കൊമ്പുകൾ വീണ്ടും പുനർജനിക്കുകയാണ്.