Class 5

Practicing with Class 5 Malayalam Adisthana Padavali Notes Pdf Unit 2 Chapter 5 പരുക്കേറ്റ കുട്ടി Parukketta Kutti Notes Questions and Answers Pdf improves language skills.

Parukketta Kutti Class 5 Notes Questions and Answers

Class 5 Malayalam Adisthana Padavali Notes Unit 2 Chapter 5 Parukketta Kutti Question Answer

Class 5 Malayalam Parukketta Kutti Notes Question Answer

Question 1.
ഈണത്തിൽ താളത്തിൽ
Answer:
കവിത മൗനമായി വായിക്കൂ. അതിനു ശേഷം ചെറിയ ഗ്രൂപ്പുകളിൽ കവിതയ്ക്ക് യോജിച്ച ഈണം കണ്ടെത്തി ചൊല്ലണം. തുടർന്ന് ഓരോരുത്തരായും ചൊല്ലാം.?
കൂട്ടുകാരുമായി ചേർന്ന് കവിതയ്ക്ക് ഈണം നൽകി വ്യത്യസ്ത ഈണത്തിലും താളത്തിലും അവതരിപ്പിക്കുക.

പുതിയ പദങ്ങൾ
Question 1.
കവിത ചൊല്ലുമ്പോൾ ചില പുതിയ വാക്കുകൾ കണ്ടെത്തിയോ? പുസ്തകത്തിലെ പദപരിചയം നോക്കിയും ടീച്ചറോട് ചോദിച്ചും അവയുടെ അർഥം മനസ്സിലാക്കി നോട്ടുപുസ്തകത്തിലെഴുതണം.
Answer:
പദപരിചയം
അക്ഷയം – നശിക്കാത്തത്
അന്ധ – കാഴ്ചയില്ലാത്തവൾ
അമ്പാട് – സ്നേഹത്തോടെ
അലോഗ്യം – ഇഷ്ടമില്ലായ്മ, ദേഷ്യം
അളി – വണ്ട്
ഇരിക്കപ്പൊറുതി – മനസ്സിന്റെ സമാധാനം, സ്വസ്ഥത
ഉജ്ജ്വലനക്ഷത്രം – തിളങ്ങുന്ന നക്ഷത്രം
ഉരച്ച് – പറഞ്ഞ്
ഒക്കിൽ – അരക്കെട്ടിന്റെ ഒരു വശത്ത്
ഓരത്ത് – സമീപം, അരികെ
കഷ്ടത – വിഷമം
കുഴഞ്ഞുമറിയുക – സങ്കീർണ്ണമാവുക
കുന്നുകൂന്ന് – നന്നായി കുനിഞ്ഞ്
കൊഞ്ഞനം കുത്തുക – മുഖം കോട്ടി പരിഹസിക്കുക
കോറിയിടുക – വരച്ചിടുക
കോലായ – വീടിന്റെ ഉറയം, വരാത്ത
ക്ഷതം – മുറിവ്, പരുക്ക്
ചിണുങ്ങുക – കൊഞ്ചിപ്പറയുക, ചെറുതായി വാശിപിടിക്കുക
ചെറുവാല്യക്കാരൻ – ചെറുപ്പക്കാരൻ
തെരുവോരം – തെരുവിന്റെ അരിക്
ദുരന്തം – ആപത്ത്
പുലരാൻ കാലത്ത് – അതിരാവിലെ
പെടാപ്പാട് – വലിയ കഷ്ടപ്പാട്
പൈതൻ – തീരെ ചെറിയ കുട്ടി
ഭൂഷണം – അലങ്കാരം
മയക്കുവിദ്യ – മയക്കാനുള്ള സൂത്രം
മരവിക്കുക – അനങ്ങാൻ കഴിയാതാവുക
മൂർധാവ് – നെറുക
ശശി – ചന്ദ്രൻ
ശുണ്ഠി – ദേഷ്യം, വാശി
സ്‌ഫുരിച്ച – തെളിഞ്ഞ, പ്രകാശിച്ച

കവിതയിലെ അമ്മയും കുട്ടിയും
Question 1.
കുട്ടിക്ക് പരുക്കുണ്ടാവാൻ എന്തെല്ലാം കാരണങ്ങളുണ്ട്? അമ്മ കുട്ടിയെ സമാധാനിപ്പിക്കുന്നതെങ്ങനെ?
കരയുന്ന കുട്ടി ചിരിക്കാൻ തുടങ്ങിയതെപ്പോഴാണ്?
ഗ്രൂപ്പുകളായിരുന്ന് കവിത വായിച്ച് ഈ കാര്യങ്ങൾ കണ്ടെത്തൂ. ക്ലാസിൽ പൊതു വായി അവതരിപ്പിക്കൂ.
Answer:
കുട്ടികൾ കുസൃതി കുടുക്കകൾ ആണ് അവർക്കു വീഴ്ചകൾക്കു ധാരാളം സാധ്യതകൾ ഉണ്ട് . മരം കയറിയും വീട്ടിലെ ഉപകരണങ്ങളിലും മറ്റും അവർ കയറുകയും ഇറങ്ങുകയും ഓടുകയും മറിയുകയും ചെയ്യും. അവരുടെ വിനോദങ്ങളാണ് ഇതെല്ലം. കവിതയിലും കുട്ടി പലതവണ കട്ടിലിൽ കയറുകയും വീഴുകയും ചെയ്യുന്നുണ്ട്. പനിനീർ പൂവിന്റെ മുള്ളു കൊണ്ടും, മരം കയറിയും ഒക്കെ കുട്ടി വീഴ്ചകൾ മുറിവുകൾ ഒക്കെ നേരിടുന്നുണ്ട്. എന്നാൽ ഈ വീഴ്ചകളിലൊന്നും നീ പേടിക്കുകയോ തളരുകയോ വേണ്ട എന്ന് അമ്മ പറയുകയും ഈ വീഴ്ചകൾ എല്ലാം നിനക്കുള്ള പാഠങ്ങൾ ആണ് എന്ന് അമ്മ സ്നേഹത്തോടെ പറഞ്ഞു കൊടുക്കുകയും ചെയ്യുന്നു. ഈ വീഴ്ചകൾ പതറാൻ ഉള്ളതല്ല എന്ന് അമ്മയുടെ സ്നേഹമുള്ള പരിഗണനയിൽ നിന്നും തിരിച്ചറിഞ്ഞ കുട്ടിയിൽ നിന്നും വേദന അകലുകയും ചിരിക്കുകയും ചെയ്തു.

വാക്കുകൾ കൊണ്ടുള്ള ചിത്രം
Question 1.
ഉരച്ചി വണ്ണമക്ഷതമോരോന്നുമേ
തിരിച്ചു ചുംബിച്ചാളുടനമ്മ,
സരിച്ച് പുഷ്പത്തെയളിപോലെ, കുട്ടി
ചിരിക്കാൻ കാർ നീങ്ങും ശശിപോലെ.
വേദനിച്ചു കരയുന്ന കുട്ടി, കൂട്ടിയുടെ അടുത്തെത്തുന്ന അമ്മ, അമ്മയുടെ ആശ്വസിപ്പിക്കൽ, കുട്ടിയുടെ ഭാവമാറ്റം ഇക്കാര്യങ്ങളെല്ലാം ഈ നാലുവരികളിലുണ്ട്. ഇതിൽ അമ്മ കുഞ്ഞിനെ ആശ്വസിപ്പിക്കുമ്പോൾ കുട്ടിയിലുണ്ടാകുന്ന ഭാവമാറ്റം എത്ര മനോഹരമായിട്ടാണ് കവി ആവിഷ്കരിച്ചിരിക്കുന്നത്. വരികൾ വിശകലനം ചെയ്ത് കുറിപ്പ് തയ്യാറാക്കുക.
Answer:
തന്റെ വീഴ്ചകളിൽ ഉണ്ടായ മുറിവിനാൽ അമ്മയെ ഭയന്ന് നിലവിളിച്ച് കുഞ്ഞിനെ വിടർന്ന പൂവിൽ ഒരു വണ്ട് എത്ര മാത്രം ആഴത്തിൽ ചുംബിക്കുമോ അത്രമാത്രം സ്നേഹത്തോടെ അമ്മ ചേർത്തണച്ചു. അമ്മയുടെ സ്നേഹത്തിൽ തന്റെ വേദനയും മുറിവുകളും ഇല്ലാതെയായി എന്ന് കുഞ്ഞിന് തോന്നി. അതോടെ തന്റെ വേദനകൾ മറന്നു കുഞ്ഞിന്റെ മുഖം ചിരിയാൽ മനോഹരമായി. വേദനിക്കുന്നവർക്കു നൽകുന്ന സ്നേഹവും പരിഗണനയും അവരിൽ നിറക്കുന്ന ഉന്മേഷം ആശ്വാസം എത്ര മാത്രം ആണ് എന്ന് തിരിച്ചറിയുന്ന വരികളാണ് ഇത്.

ആസ്വാദനമെഴുതാം
Question 1.
ചുവടെ കൊടുത്ത മനോപടം നോട്ടുപുസ്തകത്തിൽ എഴുതി പൂർത്തിയാക്കു

Answer:
കുട്ടി പനിനീർ പൂങ്കുല നുള്ളാനും അതിനെ ആസ്വദിക്കാനും ചെല്ലുമ്പോഴാണ് മുള്ളുകൾ തറയ്ക്കുന്നത്. പനിനീർപ്പൂവിന്റെ സുന്ദരമായ രൂപത്തിൽ മുള്ളുകൾ ഉണ്ട് എന്ന് കുട്ടി പഠിക്കുന്ന പാഠമാണ് അത് എന്ന് അമ്മ തിരിച്ചറിയുന്നു. പൂനുള്ളിയതിനോ കൈ മുറിഞ്ഞതിനോ അമ്മ കുഞ്ഞിനെ കുറ്റപ്പെടുത്തുന്നില്ല. കട്ടിലിൽ നിന്നും മരത്തിൽ നിന്നും വീണു നെറുകയും കയ്യും പൂങ്കവിളും മുറിഞ്ഞിട്ടും അമ്മ കുഞ്ഞിനെ ശകാരിക്കുന്നില്ല. മനോഹരമായ ജീവിതത്തിന്റെ ആദ്യ പാഠങ്ങൾ സ്നേഹത്തോടെ പങ്കു വെയ്ക്കുകയാണ് അമ്മ. ഇവിടെ ഈ മുറിവുകൾ എല്ലാം നിന്റെ ജീവിതത്തിന്റെ ഭൂഷണമായി വരുമെന്നും നീ ഒരിക്കലും കരയുകയോ ഭയക്കുകയോ വേണ്ടയെന്നും അമ്മ പറയുന്നു. ഒപ്പം നിന്റെ ഏതു വീഴ്ച്ചയിലും ഞാൻ നിന്നോടൊപ്പം ഉണ്ടാകുമെന്ന വലിയ ചേർത്തു നിർത്തൽ ആകുകയാണ് അമ്മ.

സ്നേഹവും സൗഹൃദവും
Question 1.
സ്നേഹവും സൗഹൃദവും കരുതലും ഇങ്ങനെ എത്രയെത്ര കവിതകളിലുണ്ട്? അത്തരം കവിതകൾ കണ്ടെത്തി എഴുതി സൂക്ഷിക്കു. കൂട്ടായും തനിച്ചും ചൊല്ലുമല്ലോ.
Answer:
ഉപ്പയെന്റെയുപ്പയെ നി-
ജ്ജ്വലനക്ഷത്രം
ഉപ്പ്, എന്റെയുപ്പയെനി-
തക്ഷയ പാൽപ്പാത്രം.
– കുരീപ്പുഴ ശ്രീകുമാർ

എന്നുമെൻ പുസ്തകത്താളിൽ മയങ്ങുന്ന
നന്മതൻ പീലിയാണച്ഛൻ
കടലാസുതോണിയെ പോലെയെൻ
ബാല്യത്തിലൊഴുകുന്നൊരോർമ്മയാണച്ഛൻ
ഉടലാർന്ന കാരുണ്യമച്ഛൻ
കൈവന്ന ഭാഗ്യമാണച്ഛൻ.
– കൈതപ്രം

പേടിപ്പിച്ചോടിക്കാൻ നോക്കി പൂതം
പേടിക്കാതങ്ങനെ നിന്നാളമ്മ
കാറ്റിൻ ചുഴലിയായ് ചെന്നു പൂതം
കുറ്റികണക്കങ്ങു നിന്നാളമ്മ
കാട്ടുതീയായിട്ടും ചെന്നും പൂതം
കണ്ണീരാലൊക്കെക്കെടുത്താളമ്മ
നരിയായും പുലിയായും ചെന്നു പൂതം
തരികെന്റെ കുഞ്ഞിനെയെന്നാളമ്മ
– ഇടശ്ശേരി

സിനിമാഗാനങ്ങൾ
സൂര്യനായ് തഴുകിയുറക്കമുണർത്തുമെ ന്നച്ഛനെയാണെനിക്കിഷ്ടം
അമ്മ മഴക്കാറിനു കൺ നിറഞ്ഞു ആ കണ്ണീരിൽ ഞാൻ നനഞ്ഞു
അമ്മ മനസ്സ് തങ്കമനസ്സ് മുറ്റത്തെ തുളസി പോലെ

Question 1.
മാതാപിതാക്കളുടെ സ്നേഹം ലഭിക്കാതെ പോകുന്നവരെക്കുറിച്ച് നിങ്ങൾ ചിന്തിച്ചിട്ടുണ്ടോ?
Answer:
ഇത്രയേറെ സ്നേഹം അനുഭവിക്കാൻ ഭാഗ്യം ചെയ്ത നമ്മൾ മാതാപിതാക്കളുടെ സ്നേഹം അനുഭവിക്കാൻ കഴിയാത്തവരെ കുറിച്ച് ചിന്തിച്ചു നോക്കിയിട്ടുണ്ടോ, അപ്പോൾ മാത്രമാണ് ഈ ഭൂമിയിൽ എത്ര മാത്രം ഭാഗ്യം ചെയ്തവരാണ് നമ്മൾ എന്ന തിരിച്ചറിവ് നമുക്ക് ഉണ്ടാവുകയുള്ളു കൂട്ടുകാരേ. നമ്മുടെ മാതാപിതാക്കൾ ജീവിക്കുന്നത് നമുക്ക് വേണ്ടിയാണ്. എന്നാൽ അവർക്കു വേണ്ടി ജീവിക്കാൻ ആരാണ് ഉള്ളത് എന്ന് ചോദിച്ചു നോക്കുക. അവരിലൂടെ വേദനകൾ പരാതികൾ പരിഭവങ്ങൾ ഇവയെക്കെല്ലാം ആരാണ് താങ്ങായി ഉണ്ടാവുക. നിങ്ങൾക്ക് ഇത്തരം കൂട്ടുകാർ ഉണ്ടെങ്കിൽ നിങ്ങൾ അവർക്ക് താങ്ങാകുകയില്ലേ

തുടർപ്രവർത്തനം
Question 1.
കുമാരനാശാന്റെ കൃതികൾ പരിചയപ്പെടുത്തുക
Answer:
നളിനി, ലീല, ചണ്ഡാലഭിക്ഷുകി, കരുണ, ഒരു സിംഹ പ്രസവം, പ്രരോധനം, ചിന്താവിഷ്ടയായ സീത തുടങ്ങിയവ.

അറിവിലേക്ക്

കാല്പനികവസന്തത്തിനു തുടക്കംകുറിച്ച കവിയാണ്, എൻ. കുമാരനാശാൻ (ഏപ്രിൽ 12, 1873 ജനുവരി 16, 1924). ആശാന്റെ കൃതികൾ കേരളീയ സാമൂഹിക ജീവിതത്തിൽ വമ്പിച്ച പരിവർത്തന ങ്ങൾ വരുത്തുവാൻ സഹായകമായി. ആധുനിക കവിത്രയത്തിലൊരാളുമാണ് കുമാരനാശാൻ. ആശയഗംഭീരൻ, സ്നേഹഗായകൻ എന്നിവ അദ്ദേഹത്തിന്റെ വിശേഷണങ്ങളായി പറയാറുണ്ട്.

ആധുനിക കവിത്രയം

• ഉള്ളൂർ എസ്. പരമേശ്വരയ്യർ
• കുമാരനാശാൻ
• വള്ളത്തോൾ നാരായണമേനോൻ

ജനനം, ബാല്യം
1873 ഏപ്രിൽ 12-ന് ചിറയിൻകീഴ് താലൂക്കിൽ അഞ്ചുതെങ്ങ് ഗ്രാമപഞ്ചായത്തിൽ കായിക്കര ഗ്രാമത്തിലെ തൊമ്മൻവിളാകം വീട്ടിലാണ്, കുമാരു (കുമാരനാശാൻ) ജനിച്ചത്. അച്ഛൻ നാരായണൻ പെരുങ്ങാടി, മലയാളത്തിലും തമിഴിലും നിപുണനായിരുന്നു. അദ്ദേഹം ഈഴവസമുദായത്തിലെ ഒരു പ്രമുഖനായിരുന്നു. പ്രധാന തൊഴിൽ കച്ചവടമായിരുന്നെങ്കിലും നാട്ടുകാര്യങ്ങളിലും അദ്ദേഹം ശ്രദ്ധപതിപ്പിക്കുകയും മലയാളത്തിൽ കീർത്തനങ്ങൾ രചിക്കുകയും അവ മനോഹരമായി ആലപിക്കുകയും ചെയ്യുമായിരുന്നു. അമ്മ കാളിയമ്മ, ഈശ്വരഭക്തയായ കുടുംബിനിയായിരുന്നു. പുരാണേതിഹാസങ്ങളിലൊക്കെ അവർക്കു നല്ല അവഗാഹമുണ്ടായിരുന്നു. ചെറുപ്പത്തിൽ വല്ലാത്ത കുസൃതിയായിരുന്നു കുമാരു.

കുമാരുവിനെ അടക്കിനിറുത്താൻ അമ്മയുടെ പൊടിക്കൈയായിരുന്നു പുരാണകഥപറയൽ. അച്ഛനാലപിക്കുന്ന കീർത്തനങ്ങൾ കേട്ട്, കുമാരു ലയിച്ചിരിക്കുമായിരുന്നു. വലുതാകുമ്പോൾ, അച്ഛനെപ്പോലെ താനും കവിതകളെഴുതുമെന്ന്, കൊച്ചുകുമാരു പറയുമായിരുന്നു. ഒമ്പതു മക്കളുള്ള കുടുംബത്തിലെ രണ്ടാമത്തെ മകനായിരുന്നു കുമാരൻ. കുമാരുവിനു കഥകളിയിലും ശാസ്ത്രീയസംഗീതത്തിലുമുള്ള താല്പര്യം, അച്ഛനിൽനിന്നു ലഭിച്ചതാണ്. ബാല്യകാലത്ത്, പലവിധ അസുഖങ്ങൾ വന്ന് കുമാരു കിടപ്പിലാകുക പതിവായിരുന്നു. അങ്ങനെയിരിക്കേ, കുമാരന്റെ പതിനെട്ടാമത്തെ വയസ്സിൽ അസുഖം ബാധിച്ചു കിടപ്പിലായിരുന്ന അവസരത്തിൽ, കുമാരുവിന്റെ അച്ഛന്റെ ക്ഷണപ്രകാരം, ശ്രീനാരായണഗുരു അവരുടെ വീട്ടിൽ വരുകയും കുമാരുവിനെ തന്നോടൊപ്പം കൂട്ടിക്കൊണ്ടുപോകുകയും ചെയ്തു. ഗോവിന്ദനാശാന്റെ കീഴിൽ യോഗയും താന്ത്രികവുമഭ്യസിച്ച്, വക്കത്തുള്ള ഒരു മുരുകൻ ക്ഷേത്രത്തിൽ കഴിയുമ്പോൾ, കുമാരുവിൽ കവിതയെഴുത്ത് ഒരു കമ്പമായി രൂപപ്പെട്ടിരുന്നു.

ഓർത്തിരിക്കാൻ

• ആശാന്റെ ബാലസാഹിത്യ കവിതയാണ് പുഷ്പവാടി
• കുട്ടികൾക്ക് കളിക്കിടയിൽ വീഴ്ചകൾ ഉണ്ടാകും
• അത് അവരുടെ ജീവിതത്തിന്റെ ചവിട്ടുപടിയും പാഠ പുസ്തകങ്ങളും ആണ്
• സ്നേഹത്തോടെ തിരുത്തുകയും നല്ല മാർഗം കാണിച്ചു കൊടുത്ത് ചേർത്തു നിർത്തുന്നവരും ജീവിതത്തിന്റെ പ്രകാശമാണ്
• മാതാപിതാക്കളുടെ സ്നേഹം അമൂല്യമാണ്

Students can use 5th Standard Malayalam Adisthana Padavali Notes and മുത്തശ്ശി ഒരു കഥ തുടങ്ങുന്നു Muthassi Oru Katha Thudangunnu Summary in Malayalam to grasp the key points of a lengthy text.

Class 5 Malayalam Muthassi Oru Katha Thudangunnu Summary

Muthassi Oru Katha Thudangunnu Summary in Malayalam

മുത്തശ്ശി ഒരു കഥ തുടങ്ങുന്നു Summary in Malayalam

ആമുഖം

ഉണ്ണിക്കണ്ണനും മുത്തശ്ശിയും അമ്മയും തമ്മിലുള്ള സ്നേഹബന്ധം വളർന്നു പൊങ്ങി ആകാശത്തിൽ വലിയ മരക്കൊമ്പ് തൊടുകയും നക്ഷത്രങ്ങളെ തൊടുകയും ചെയ്യുന്ന കഥയാണ് തിക്കോടിയൻ എഴുതിയ മുത്തശ്ശി ഒരു കഥ തുടങ്ങുന്നു എന്ന രചന. കൂട്ടുകുടുംബം അണുകുടുംബം ആയ പ്പോൾ നഷ്ടപെട്ട ചില ഓർമകൾ മാത്രമായി മുത്തശ്ശിയും അവരോടൊട്ടി നിൽക്കുന്ന കഥ കേട്ടുറങ്ങുന്ന കുഞ്ഞുങ്ങളും …സ്നേഹത്തോ ടൊപ്പം കരുതലും ഈ ബന്ധത്തിൽ ഉണ്ടാ യിരുന്നു. ഒരു കാലഘട്ടത്തിന്റെ സ്നേഹ സ്പർശത്തെ അടയാളപ്പെടുത്തുന്നതോടൊപ്പം അമ്മയുടെ തീവ്രമായ സ്നേഹത്തിന്റെ അടയാള പെടുത്തലുകൾ കൂടി ഈ കൃതി പങ്കു വെയ്ക്കുന്നു.

ആശയം
മകനെ ജീവന് തുല്യം സ്നേഹിക്കുന്ന അമ്മയും മുത്തശ്ശിയും മുത്തശ്ശിയുടെ കഥകളും ചേർന്നതാണ് ഈ മനോഹരമായ പാഠഭാഗം. മുത്തശ്ശിയുടെ കഥകൾക്കൊപ്പം സ്വപ്നം കാണുന്ന, മുത്തശ്ശിയുടെ മടിയിലിരുന്നുറങ്ങുന്ന മുത്തങ്ങളുടെ മാന്ത്രികത തിരിച്ച റിയുന്ന സ്നേഹത്തിന്റെ തീവ്രതയാണ് ഈ പാഠഭാഗം. നഷ്ട്ടപെട്ടു പോയ ഒരു കാലഘട്ടത്ത ഓർമ്മപെടുത്തുന്നതിനോടൊപ്പം സ്നേഹത്തിന്റെ പങ്കുവെക്കൽ മനോഹരമാക്കുകയാണ് ഈ പാഠഭാഗം.

Practicing with Class 5 Malayalam Adisthana Padavali Notes Pdf Unit 2 Chapter 4 മുത്തശ്ശി ഒരു കഥ തുടങ്ങുന്നു Muthassi Oru Katha Thudangunnu Notes Questions and Answers Pdf improves language skills.

Muthassi Oru Katha Thudangunnu Class 5 Notes Questions and Answers

Class 5 Malayalam Adisthana Padavali Notes Unit 2 Chapter 4 Muthassi Oru Katha Thudangunnu Question Answer

Class 5 Malayalam Muthassi Oru Katha Thudangunnu Notes Question Answer

കഥയിലെ കൂട്ടുകാർ
Question 1.
കഥ വായിച്ചല്ലോ? ഇഷ്ടമായില്ലേ? ആരൊക്കെയാണ്?
വായിച്ചുമനസ്സിലാക്കിയ കാര്യങ്ങൾ ഓരോരുത്തരായി പറഞ്ഞോളൂ. ഏതെങ്കിലും ഒരു കഥാപാത്രത്തെ പരിചയപ്പെടുത്തുന്ന കുറിപ്പ് തയ്യാറാക്കൂ.
Answer:
ഈ കഥയിലെ ഏറ്റവും മനോഹരമായ കഥാപാത്രമാണ് മുത്തശ്ശി..എനിക്ക് മുത്തശ്ശിയോ മുത്തശ്ശിയുടെ സ്നേഹമോ കിട്ടിയിട്ടില്ല ..ഈ കഥ വായിച്ചപ്പോൾ മുത്തശ്ശിയുടെ സ്നേഹത്തിന്റെ സാന്നിധ്യം അറിയാൻ കഴിഞ്ഞു, മുത്തശ്ശിയുടെ കഥപറച്ചിലും കേൾവിക്കുറവും, മുത്തശ്ശിയുടെ കൂനും എല്ലാം ഉണ്ണിക്കുട്ടന് ഇഷ്ടമുള്ളതു പോലെ എനിക്കും ഇഷ്ടമായി, മുത്തശ്ശിയുടെ കഥകേൾക്കാനും കഥയ്ക്കിടയിൽ മുത്തശിയുടെ നെറുകയിലുള്ള മുത്തം തരലും എന്റെ ഹൃദയത്തെ സ്നേഹം കൊണ്ട് നിറച്ചു

വാക്യങ്ങളിൽ തെളിയുന്ന ജീവിതം
Question 1.
‘വീട്ടുവേല ചെയ്യാൻ പോയ അമ്മ തിരിച്ചു വരുമ്പോൾ ഇത്തിരി ചോറും തണുത്താറിയ കറിയും നനഞ്ഞ തൂവാലപോലത്തെ പപ്പടവും ഒക്കെ കൊണ്ടുവരും.’ ഉണ്ണിക്കണ്ണന്റെ ജീവിതസാഹചര്യങ്ങളെക്കുറിച്ച് ചർച്ച ചെയ്ത് കുറിപ്പെഴുതൂ.
Answer:
ഉണ്ണിക്കണ്ണനെ വളർത്താനും അവനു വയറു നിറച്ചു ഭക്ഷണം നൽകാനും ആണ് അവന്റെ അമ്മ വീട്ടുജോലിക്ക് പോകുന്നത്. രാത്രി അമ്മ വളരെ വൈകി എത്തുമ്പോൾ ചിലപ്പോൾ ഉണ്ണിക്കണ്ണൻ ഉറങ്ങിയിട്ടുണ്ടാകും. എങ്കിലും അമ്മ അവനെ ഉണർത്തുകയും വീണ്ടും വീണ്ടും ഭക്ഷണം വാരി നൽകുകയും ചെയ്യുന്നു. അമ്മയ്ക്ക് മകനോടുള്ള സ്നേഹവും പരിഗണനയും ലാളനയുമാണ് ഈ ഭാഗത്തു കാണാൻ ആകുക. വിശന്നുറങ്ങുന്ന മകനും, പകലന്തിയോളം പണിയെടുക്കുന്ന അമ്മയും ഉണ്ണിക്കണ്ണന്റെ ജീവിത സഹചര്യങ്ങളെ വ്യക്തമാക്കുന്നവയാണ് . ആ വലിയ വീട്ടിൽ ബാക്കിയാകുന്ന തണുത്ത ഭക്ഷണം അവരുടെ ഒരു നേരത്തെ ആശ്രയമാണ്. ഇല്ലായ്മയിലും സ്നേഹവും പരസ്പരമുള്ള പരിഗണനയും ആണ് ഉണ്ണിക്കണ്ണന്റെ ജീവിതത്തിലെ മധുര സ്വപ്നങ്ങളും ഉയരങ്ങളും ആകുന്നത്.

സ്നേഹാനുഭവം
Question 1.
ഉണ്ണിക്കണ്ണന് മുത്തശ്ശിയെ ഇഷ്ടമാണ്. മുത്തശ്ശിയുടെ മനസ്സു നിറയെ സ്നേഹമാണെന്നും ഉണ്ണിക്ക് അറിയാം. മറ്റൊരു കുട്ടി തന്റെ മുത്തശ്ശിയെ അവതരിപ്പിക്കുന്നതിങ്ങനെയാണ്…

മുത്തശ്ശി
പക്ഷിക്കൂടാം കാതും വച്ച്
തുമ്പപ്പൂമുണ്ടുമുടുത്ത്
വെറ്റിലപാക്കും നൂറുമായി
ഉമ്മറവാതിലിലെത്തുന്നേരം
വായിൽ നിന്നും തെച്ചിപ്പൂ
മനസ്സു നിറയെ മുല്ലപ്പൂ.
ഇത്തരത്തിൽ ഏതെങ്കിലും ഒരു സ്നേഹാനുഭവം നിങ്ങൾക്കും ഉണ്ടാവില്ലേ? മുത്തശ്ശി, മാതാപിതാക്കൾ, അധ്യാപകർ, കൂട്ടുകാർ…
നിങ്ങളുടെ ഒരു സ്നേഹാനുഭവം എഴുതൂ. അതിന് യോജിച്ച പേരും നൽകുമല്ലോ. എല്ലാവരുടെയും കുറിപ്പുകൾ ഒന്നിച്ചുചേർത്ത് ഒരു സ്നേഹപ്പതിപ്പുണ്ടാക്കണം. പതിപ്പിനും വേണം നല്ലൊരു പേര്.
Answer:
നിങ്ങളിലാരുടെയെങ്കിലും മുത്തശ്ശിയേയോ അമ്മയേയോ ക്ലാസിലേക്ക് ക്ഷണിച്ച് പതിപ്പ് പ്രകാശനം
ചെയ്യുമല്ലോ.
സത്യസന്ധമായ സ്നേഹം ആരിൽനിന്നും കിട്ടിയാലും അത് മനോഹരമാണ്, സുഹൃത്തുക്കൾ ആകട്ടെ നമ്മളെ ജീവന് തുല്യം സ്നേഹിക്കുന്ന നമ്മുടെ മാതാപിതാക്കൾ ആകട്ടെ അങ്ങനെ സ്നേഹം നമുക്ക് നൽകുന്നവർക്ക് നാം സ്നേഹവും പരിഗണനയും തിരിച്ചു നൽകണം. ഒരു മനുഷ്യന് തന്റെ ആയുസ്സിൽ അതിനുമപ്പുറം ഒന്നും ചെയ്യാനാകില്ല.

എനിക്ക് ഒരു മുത്തശ്ശി ഉണ്ടായിരുന്നു എന്റെ മൂത്തമ്മ അങ്ങനെ ആണ് ഞാൻ വിളിക്കുക, ഞാൻ ആണ് അവരുടെ ആദ്യത്തെ പേരക്കുട്ടി, എനിക്കായി മൂത്തമ്മ ഒരുക്കുന്നത് ഏറ്റവും രുചിയുള്ള കറികളായിരുന്നു, ആ കറിയുടെ മണം ഇന്നും എന്റെ നാവിലും തലച്ചോറിലും ഉണ്ട്. എന്റെ രസമുകുളങ്ങളെ ഇന്നോളം മറ്റൊരു രുചിയും അത്രമേൽ ത്രസിപ്പിച്ചിട്ടില്ല. എന്നോടുള്ള സ്നേഹവും വാത്സല്യവും മൂത്തമ്മ നിറച്ചിരുന്നത് ആ രസക്കൂട്ടുകളിൽ ആയിരുന്നു. എനിക്ക് ആ സ്നേഹവും രുചിയും നഷ്ടപ്പെട്ടിട്ട് വർഷങ്ങൾ ആയി എങ്കിലും ഇന്നും എന്റെ ഓർമയിൽ ആ മണവും രുചിയും ഇളം കാറ്റിൽ എന്ന പോലെ ഓടി എത്താറുണ്ട്

കഥ തുടരുന്നു
Question 1.
ഉണ്ണിക്കണ്ണന്റെ ഏറ്റവും വലിയ ആഗ്രഹം എന്തായിരുന്നു? ഊഞ്ഞാലിൽ കളിക്കാൻ, അല്ലേ? ഊഞ്ഞാലിൽ കളിക്കുന്നതിനിടയിൽ അവൻ വീണുപോയി. അവനു പരുക്കു പറ്റി. പാവം, അവൻ കരഞ്ഞു. ആരാവും അവന്റെ അടുത്ത് ഓടിയെത്തുക? അമ്മ, കൂട്ടുകാർ, അച്ഛൻ… അവർ അവനോടെന്തു പറഞ്ഞിട്ടുണ്ടാവും?
Answer:
ഊഞ്ഞാലിൽ കളിക്കുന്നതിനിടയിൽ അവൻ വീണുപോയി. അവനു പരുക്കു പറ്റി. പാവം, അവൻ കരഞ്ഞും ഉണ്ണിക്കണ്ണന്റെ കരച്ചിൽ കേട്ട് പാവം മുത്തശ്ശിയും അമ്മയും ഓടിയെത്തി, മുത്തശ്ശിയുടെ കൂനുപോലും മറന്നാണ് മുത്തശ്ശി ഓടിയത് എന്ന് തോന്നും, ഉണ്ണിക്കുട്ടൻ നിർത്താതെ കരയുകയാണ്, അവന്റെ കരച്ചിൽ മാറാൻ അമ്മ അവനെ വാരിയടുത്തു. മുത്തശ്ശി അവന്റെ നെറുകയിൽ ഉമ്മ നൽകി, മുത്തശ്ശിയുടെ ചുണ്ടുകളുടെ മാന്ത്രികത അവന്റെ കരച്ചിലിന്റെ വേഗം കുറച്ചു, അമ്മ അവനെ തടകി കൊണ്ട് പറഞ്ഞു, മോനെ മോന് വേദനിച്ചോ .. സാരമില്ല ഉയരങ്ങളിലേക്കു പോകും തോറും വീഴ്ചകൾ ഉണ്ടാകും, ഉയരത്തിൽ നിന്നുള്ള വീഴ്ചകൾക്കു വേദന കൂടുതലാണ്, സാരമില്ല എന്റെ മോന് ഇതൊരു തിരിച്ചറിവാകണം. ഓരോ ചുവടും സൂക്ഷിച്ചു ശ്രദ്ധിച്ചു വേണം നാം മുന്നേറാൻ അപ്പോൾ ഏതുയരവും അനായാസം ആകും. ഉണ്ണിക്കുട്ടന് അമ്മയുടെ വാക്കുകൾ ആശ്വാസമായി.. അവൻ അമ്മയെ കെട്ടിപിടിച്ചു.

തുടർപ്രവർത്തനം
Question 1.
അഭിനയിക്കാം
ഉണ്ണിക്കണ്ണൻ ഊഞ്ഞാലിൽ നിന്നും വീഴുന്ന സമയത്ത് ഓടിയെത്തുന്ന അമ്മ മുത്തശ്ശി ഈ കഥാപാത്രങ്ങളുടെ സംഭാഷണം ഉൾപ്പെടുത്തി ഒരു അഭിനയരംഗം ചിത്രീകരിക്കാമല്ലോ.
Answer:
പ്പായി തിരിഞ്ഞു അഭിനയം ഗംഭീരമാക്കില്ലേ..മികച്ചവയ്ക്കു സമ്മാനം

Question 2.
ഉണ്ണിക്കണ്ണനെ പരിചയപ്പെടുത്താം
Answer:

അറിവിലേക്ക്

മലയാളസാഹിത്യത്തിലെ ശ്രദ്ധേയനായ ഒരു എഴുത്തുകാരനാണ് തിക്കോടിയൻ എന്ന പി. കുഞ്ഞനന്തൻ നായർ (1916 – ജനുവരി 28, 2001). പ്രശസ്ത ഹാസ്യസാഹിത്യകാരൻ സഞ്ജയനാണ് കുഞ്ഞനന്തൻ നായർക്ക് തിക്കോടിയനെന്ന പേരിട്ടത്. കോഴിക്കോട് ജില്ലയിലെ തിക്കോടിയിലാണ് അദ്ദേഹം ജനിച്ചത്. ഇതാണ് അദ്ദേഹത്തിന്റെ തൂലികാനാമത്തിന് വഴിവച്ചതും. അമച്വർ നാടകങ്ങളിലൂടെ കടന്നുവന്നു മലയാള നാടകപ്രസ്ഥാനത്തിനു കരുത്തുറ്റ സംഭാവനകൾ നൽകിയ നാടകകൃത്താണ് തിക്കൊടിയൻ. കോഴിക്കോടിന്റെ സാംസ്കാരിക ചരിത്രത്തിലെ നാഴികക്കല്ലായ ദേശപോഷിണി ഗ്രന്ഥശാലയ്ക്കുവേണ്ടി എഴുതിയ ‘ജീവിതം’ എന്ന നാടകത്തിലാണ് തുടക്കം.

പ്രൊഫഷണൽ നാടകവേദി പുതുമകൾ തേടിയതിനു തിക്കൊടിയനും ഒരു കാരണക്കാരനാണ്. ആകാശവാണിക്കുവേണ്ടി നിരവധി റേഡിയോ നാടകങ്ങൾ രചിച്ചിട്ടുണ്ട്. ശബ്ദസാധ്യതയെ മാത്രം ഉപയോഗപ്പെടുത്താനാവുന്ന റേഡിയോ നാടകങ്ങളെ ജനകീയമാക്കുന്നതിൽ തിക്കൊടിയൻ നിസ്സാരമല്ലാത്ത പങ്കു വഹിച്ചിട്ടുണ്ട്. ഏതാനും നോവലുകളും കവിതകളും നിരവധി ലേഖനങ്ങളും അദ്ദേഹത്തിന്റെതായുണ്ട് മനുഷ്യബന്ധങ്ങളെക്കുറിച്ചുള്ള ആഴത്തിലുള്ള പഠനങ്ങൾ തന്നെയാണ് തിക്കോടിയന്റെ നാടകങ്ങൾ. മനുഷ്യജീവിതത്തിലെ സ്നേഹവും പകയും വിധേയത്വവും വിദ്വേഷവും തെറ്റിദ്ധാരണകളും കലഹങ്ങളും പൊരുത്തക്കേടുകളും പൊരുത്തപ്പെടലുകളുമെല്ലാം ഉള്ളിൽ തട്ടുന്നതരത്തിൽ തിക്കോടിയൻ അവതരിപ്പിച്ചിട്ടുണ്ട്.

ഓർത്തിരിക്കാൻ

• നഷ്ട്ടപെട്ട ബാല്യകാലം
• നഷ്ടമാകുന്ന സ്നേഹം
• സ്നേഹവും പരിഗണനയും ജീവിതത്തിലെ പ്രചോദനങ്ങൾ ആണ്
• ജീവിതത്തിലെ ഉയരങ്ങളെ തൊടാൻ സ്നേഹമുള്ളവർ കൂടെ വേണം
• പരസ്പരം സ്നേഹമാണ് ജീവിതം

Class 5 Malayalam Adisthana Padavali Notes Unit 2 കനിവായ് നിലാവായ്

ആമുഖം

സ്നേഹത്തിന്റെയും ചേർത്തു നിർത്തലിന്റെയും ആവശ്യകത മനുഷ്യന്റെ വളർച്ചയിൽ അനിവാര്യമാണ് എന്ന തിരിച്ചറിവ് നൽകുന്ന പാഠഭാഗങ്ങളാണ് ഈ അധ്യായത്തിൽ നമ്മൾ പരിചയപ്പെടുന്നത്. എത്ര കിട്ടിയാലും അനുഭവിച്ചാലും പ്രിയപെട്ടവരുടെ സ്നേഹം നമുക്ക് മതിയാകില്ലല്ലോ. പണത്തിനും ആഡംബരങ്ങൾക്കൊന്നും സ്നേഹത്തിനു പകരമാകാൻ സാധിക്കില്ല. ഈ പ്രപഞ്ചത്തിൽ മനുഷ്യനു മാത്രമാണ് പൂർണമായ അർത്ഥത്തിൽ സ്നേഹിക്കൻ കഴിയുക, തിരിച്ചറിയാൻ കഴിയുക, പരസ്പരം താങ്ങാകാൻ കഴിയുക. സ്നേഹം അനുഭവിക്കാൻ കഴിയാതെ പോയ ഒത്തിരി പേരെ നമുക്ക് ഈ സമൂഹത്തിൽ കാണാൻ കഴിയും. അവർക്ക് മുന്നിൽ എല്ലാവരാലും സ്നേഹിക്കപെടുന്ന നമ്മൾ എത്ര മാത്രം അനുഗ്രഹീതരാണ് എന്ന് ചിന്തിക്കുക. സ്നേഹിക്കുക എന്നത് ഒരു കഴിവാണ്. സ്നേഹിക്കപെടുന്നതും അത് പോലെ മനോഹരമായ അനുഭവം ആണ് എന്ന തിരിച്ചറിവിലേക്ക് കടന്നാലോ ….

ആശയം
കുഞ്ഞുങ്ങൾ പുസ്തകത്തിലും ചുവരുകളിലും തങ്ങളുടെ സ്വപ്ന ലോകങ്ങളും കുഞ്ഞിളം ചിറകുകളും വ്യത്യസ്ത വർണചിത്രങ്ങളായി കോറിയിടുന്നത് കാണാം. മഹാനായ ചിത്രകാരൻ രാജാരവിവർമ്മ തന്റെ ബാല്യകാലത്ത് കരിക്കട്ടകൾ കൊണ്ട് ചുമരുകൾ ചിത്രശാലയാക്കിയത് ഓർമയുണ്ടല്ലോ. അത്തരത്തിൽ തന്റെ കുഞ്ഞു മനസിലെ വലിയ ചിന്തകളെ ചുവരിൽ പലനിറത്തിൽ കോറിയിടുന്ന ആവിഷ്ക്കാര സൗന്ദര്യത്തിന്റെ ആദ്യ പടിയാണ് ഈ പാഠഭാഗം ചർച്ചചെയ്യുന്നത്. തന്റെ കുഞ്ഞനുജത്തി ഭിത്തിയിൽ കോറിയിട്ട് വരകൾ കണ്ടു പരാതിയുമായി അമ്മയെ സമീപിക്കുന്ന മൂത്ത കുട്ടിയെയും വൃത്തികേടായി കിടക്കുന്ന ചുവരുകൾ കണ്ട് അമ്മയുടെ ദേഷ്യം ആ മനോഹര വർണങ്ങളിൽ നിമിഷ നേരം കൊണ്ട് അലിഞ്ഞു ഇല്ലാതാകുന്നതും നമുക്ക് ഈ ഭാഗത്തു കാണാൻ ആകും.

പുസ്തകത്തിലെ പ്രവർത്തനങ്ങൾ
Question 1.
മുകളിൽ ചേർത്ത അനുഭവം വായിച്ചല്ലോ.
അമ്മയുടെ കണ്ണുനിറയാനെന്താണ് കാരണം? പറഞ്ഞുനോക്കൂ.?
Answer:
കുഞ്ഞിന്റെ കുത്തിവരകൾ അമ്മയെ പ്രകോപിപ്പിച്ചു എങ്കിലും കുഞ്ഞിന്റെ ആ വർകൾക്കുള്ളിൽ നിഷ്കളങ്കമായി ഒളിഞ്ഞു കിടന്ന സ്നേഹത്തെ അമ്മ കണ്ടത് കൊണ്ടാണ് അമ്മയുടെ കണ്ണുകൾ നിറഞ്ഞത്.

തുടർപ്രവർത്തനം
Question 1.
തിരുനെല്ലൂർ കരുണാകരൻ എഴുതിയ വസന്തം എന്ന കവിത വായിക്കാം
‘വാടി വീണതാം പൂക്കൾ മണ്ണുമായ് വാരിക്കൊണ്ടു പാറി വന്നാൽ മുന്നിൽ വന്നഞ്ചിതഹാസത്തോടെ. ‘അച്ഛനു പൂവേണമോ?’ ചോദിച്ച മകളുടെ സ്വച്ഛമാം കവിൾത്തട്ടിൽ കണ്ടു ഞാൻ വസന്തത്തെ’
ഈ വരികളിലെ ആശയം എന്ത് ?
Answer:
മകളുടെ നിഷ്കളങ്കമായ സ്നേഹത്തിനു മുന്നിൽ വലിയ ഒരു വസന്തകാലത്തെ കാണുകയാണ് അച്ഛനിവിടെ

അറിവിലേക്ക്
അരങ്ങു കാണാത്ത നടൻ എന്ന പുസ്തകത്തിൽ തിക്കോടിയൻ ഇങ്ങനെ പറയുന്നു; “കോളറ കൊയ്ത്തു നടത്തിയ, മരണം ചടുലനൃത്തമാടിയ മലബാറിലെ ഉൾനാടൻ വീഥിയിലൂടെ അന്നൊരു ഏകാന്തപഥികൻ സഞ്ചരിച്ചു. ശ്രീ വി. ആർ. നായനാർ. കോളറയുടെ കടന്നാക്രമണത്തിൽ രക്ഷാകർത്താക്കൾ നഷ്ടപ്പെട്ട് അനാഥരായിത്തീർന്ന കുട്ടികളെ വാത്സല്യത്തോടെ വാരിയെടുത്തു പുൽകി അഭയം നൽകുക എന്ന മഹാപ്രയത്നത്തിൽ അദ്ദേഹത്തിന് കൈമുതൽ ആയി ഉണ്ടായിരുന്നത് അലിവിന്റെ പൊന്നഴക് മാത്രം. യാതന കണ്ടറിഞ്ഞും കേട്ടറിഞ്ഞും അദ്ദേഹം ഓടിയടുക്കുന്നു. അനാഥശവങ്ങൾ മറവ് ചെയ്യുന്നു. അനാഥ ശിശുക്കളെ കയ്യേൽക്കുന്നു. രോഗത്തിന്റെ വ്യാപ്തി തടയാൻ പ്രതിരോധ പ്രവർത്തനങ്ങൾ നടത്തുന്നു. എവിടെ നായനാർ എത്തുന്നു അവിടെയെല്ലാം അനുയായികളും ഉണ്ടാകുന്നു. ഹൃദയാലുക്കളായ യുവാക്കൾ അദ്ദേഹത്തോടൊപ്പം ഏത് പ്രവർത്തനത്തിനും തയ്യാറാകുന്നു. കോളറയുടെ കറുത്തിരുണ്ട നിഴലിൽ കൊണ്ട് വിറടിച്ച് കിടക്കുന്ന ഗ്രാമങ്ങളിൽ ആദ്യകിരണങ്ങളുടെ പ്രകാശവും ചൂടുമെന്ന പോലെ നായനാരെത്തിച്ചേരുന്നു.

അങ്ങനെ അദ്ദേഹത്തിന്റെ ആശ്രാന്ത പരിശ്രമത്തിലൂടെ ആരോരുമില്ലാതെ മണ്ണടിഞ്ഞു പോകേണ്ട നിരവധി ജീവിതങ്ങൾക്ക് മലബാറിന്റെ മണ്ണിൽ അഭയകേന്ദ്രങ്ങളുണ്ടായി. തണലും തണുപ്പുമുണ്ടായി. വടക്ക് മാടായി മുതൽ തെക്ക് വലപ്പാട്ട് വരെ അവിടെയായി അനാഥമന്ദിരങ്ങൾ ഉയർന്നു. കോവിഡ് മഹാമാരിയെയും വെള്ളപ്പൊക്കത്തെയും കേരളം അതിജീവിച്ചത് മാനവികതയെ മുൻനിർത്തിയുള്ള ഇത്തരം കൂട്ടായ പ്രവർത്തനങ്ങളിലൂടെയാണ്. കുടുംബ ബന്ധങ്ങളും കുടുംബങ്ങൾ തമ്മിലുള്ള ബന്ധങ്ങളും സ്നേഹ ചരടിൽ കോർക്കുമ്പോൾ സമൂഹത്തിന്റെ അതിജീവന് ശേഷി വർദ്ധിക്കും. പരസ്പര സ്നേഹം അങ്ങനെ സമൂഹത്തിന്റെ നിലനിൽപ്പിനെയും മുന്നോട്ട് പോക്കിനെയും സഹായിക്കും.

സ്നേഹം കവിതയിൽ

ജനകനില്ലാതെ ജനനിയില്ലാതെ തെരുവിൽ വാവിട്ട് കരയും ജീവനെ ഇരുകൈയാല് വാരിയെടുത്തു ചുംബിക്കും മഹാ കാരുണ്യത്തിന്റെ മനുഷ്യരൂപമേ (ബാലചന്ദ്രൻ ചുള്ളിക്കാട് മദർ തെരേസയെ കുറിച്ച് പറയുന്നു).

പല സുഖമേ സുഖമെനിക്കു നിയതം പരദുഃഖം ദുഃഖം പരമാർത്ഥത്തിൽ പരനും ഞാനും ഭവാനുമൊന്നല്ലി (പ്രേമ സംഗീതം ഉള്ളൂർ)

ഓർത്തിരിക്കാൻ
വളർന്നു പന്തലിക്കുന്ന സ്നേഹബന്ധങ്ങളും മാനവികതയിലൂന്നിയ ശ്രമങ്ങളും ലോകത്തെ മുന്നോട്ടു നയിക്കുന്നു എന്ന് ഈ യൂണിറ്റിലെ രചനകൾ പറയുന്നു.

Students can use 5th Standard Malayalam Adisthana Padavali Notes and പന്തുകളിക്കാനൊരു പെൺകുട്ടി Panthu Kalikkanoru Penkutti Summary in Malayalam to grasp the key points of a lengthy text.

Class 5 Malayalam Panthu Kalikkanoru Penkutti Summary

Panthu Kalikkanoru Penkutti Summary in Malayalam

പന്തുകളിക്കാനൊരു പെൺകുട്ടി Summary in Malayalam

ആമുഖം

ഒന്നും ആൺ കുട്ടികളുടെ കുത്തകയല്ല എന്ന വാക്യമാണ് ഈ കഥയുടെ കാമ്പ്, ലിംഗ സമത്വം എന്ന മഹത്തായ ആശയത്തെ കുട്ടികൾ തിരിച്ചറിഞ്ഞു വളരണം, തങ്ങളുടെ കുടുംബങ്ങളിൽ നിന്ന് വേണം ആ മഹത്തായ ആശയം കുട്ടികളുടെ തലയിലും നെഞ്ചിലും ഇടം പിടിക്കേണ്ടത് എന്ന തിരിച്ചറിവ് പങ്കു വെക്കുന്ന ഒരു ചെറിയ വലിയ കഥയാണ് കലവൂർ രവികുമാറിന്റെ ഈ കഥാഭാഗം.

ആശയം
തുല്യത, ലിംഗനീതി തുടങ്ങിയ മൂല്യങ്ങളെ ഇന്ത്യൻ ഭരണഘടന ഉയർത്തിപ്പിടിക്കുന്നു. പെൺകുട്ടികൾക്കും സ്ത്രീകൾക്കും തുല്യ അവസരങ്ങളും തുല്യനീതിയും ലഭിക്കണമെന്നും ലിംഗപരമായ വിവേചനങ്ങൾ പാടില്ല എന്നും ഭരണഘടന പറയുന്നു. ഈ ഭരണഘടനാ മൂല്യത്തെ സുന്ദരമായി ചിത്രീകരിക്കുന്ന പാഠഭാഗമാണ് ‘പന്തുകളിക്കാനൊരു പെൺകുട്ടി’. പന്തു കളിക്കാൻ അവസരം തേടിയെത്തിയ സുമംഗലയെ തടയുന്നത് പ്രകാശനല്ല; അയാളിൽ ഉറച്ചുപോയ ലിംഗവിവേചന മനോഭാവമാണ്. ഈ മനോഭാവം ഒരു വ്യക്തിയിൽ വേരുപിടിക്കുന്നത് മുകളിൽ സൂചിപ്പിച്ച അനേകം ആശയ വിനിമയങ്ങൾ വഴിയാണ്. അവസരങ്ങൾ ലഭിക്കുമ്പോൾ ഫുട്ബോൾ കളി, പത്രപ്രവർത്തനം തുടങ്ങിയ ഒട്ടേറെ മേഖലകളിൽ സ്ത്രീകൾക്ക് ശോഭിക്കാൻ കഴിയുമെന്നും പാഠം സൂചിപ്പിക്കുന്നു. ചുരുക്കത്തിൽ തുല്യത എന്ന ആശയത്തിന്റെ സുന്ദരമായ ആവിഷ്കാരമാണ് ഈ പാഠം.

Practicing with Class 5 Malayalam Adisthana Padavali Notes Pdf Unit 1 Chapter 3 പന്തുകളിക്കാനൊരു പെൺകുട്ടി Panthu Kalikkanoru Penkutti Notes Questions and Answers Pdf improves language skills.

Panthu Kalikkanoru Penkutti Class 5 Notes Questions and Answers

Class 5 Malayalam Adisthana Padavali Notes Unit 1 Chapter 3 Panthu Kalikkanoru Penkutti Question Answer

Class 5 Malayalam Panthu Kalikkanoru Penkutti Notes Question Answer

കഥ ഉറക്കെ വായിക്കാം
Question 1.
നാലോ അഞ്ചോ ഗ്രൂപ്പായി തിരിഞ്ഞ് ഗ്രൂപ്പിൽ ഓരോരുത്തരായി മാറി മാറി കഥ വായിച്ച് പൂർത്തിയാക്കൂ. തുടർന്ന് ഒരു ഗ്രൂപ്പിൽനിന്ന് ഒരു കുട്ടി, അടുത്ത ഗ്രൂപ്പിൽനിന്ന് മറ്റൊരു കുട്ടി എന്ന ക്രമത്തിൽ എല്ലാ ഗ്രൂപ്പും ചേർന്ന് ക്ലാസിൽ പൊതുവായി കഥ വായിക്കണം.വായന കൂടുതൽ നന്നാവാൻ ശ്രദ്ധിക്കേണ്ട കാര്യങ്ങൾ എന്തൊക്കെയാണെന്ന് പറയൂ.?
Answer:

• മികച്ച വായന
• ആശയ വ്യക്തത
• അക്ഷര സ്ഫുടത
• ഒഴുക്ക്
• ശബ്ദ ക്രമീകരണം
• ഭാവം

രസകരമായ പ്രയോഗങ്ങൾ
Question 1.
‘മഞ്ഞേ, നിന്റെ കൈയെന്താ, ഓട്ടക്കെയാണോ?’ശരിക്കും മഞ്ഞയുടെ കൈയിൽ ഓട്ടയുണ്ടോ? എന്നിട്ടും പ്രകാശൻ ഇങ്ങനെ പറഞ്ഞതിന് കാരണമെന്തായിരിക്കും ചർച്ച ചെയ്യൂ. ഇത്തരം വാക്യങ്ങൾ കഥയിൽ ഇനിയും ഒളിച്ചിരിപ്പുണ്ടോ? കണ്ടെത്തുക.?
Answer:
ഗോളിയാവാൻ താല്പര്യമില്ലാതിരുന്ന മഞ്ഞക്കിളിയെ ഗോളിയാക്കിയത് പ്രകാശനാണ്. പ്രകാശനോടുള്ള അമർഷംകൊണ്ട് മഞ്ഞക്കിളി എതിർ ടീമിന്റെ ഗോളുകൾ പലപ്പോഴും വിട്ടുകൊടുത്തു. ഗോളി പന്ത് വിട്ടു കളഞ്ഞത് ടീമിന് ക്ഷീണമുണ്ടാക്കി. ഇതിൽ പ്രകോപിതനായ പ്രകാശൻ മഞ്ഞയോട് ഗോൾ വഴങ്ങിയതിന്റെ അമർഷം പ്രകടിപ്പിക്കുകയാണ്. മഞ്ഞ നിന്റെ കൈയെന്താ, ഒട്ടക്കെയാണോ എന്നീ പ്രയോഗങ്ങൾ കളിയുടെ ആവേശവും കുട്ടികൾക്കിടയിൽ കളിയിൽ ഉണ്ടാകുന്ന വാശിയും മറ്റും പ്രകടമാക്കാനും മനസിലാക്കാനും സഹായിക്കുന്ന പ്രയോഗങ്ങൾ ആണ്.

മകനോട്
Question 1.
‘ഒന്നും ആൺകുട്ടികളുടെ കുത്തകയല്ല. അങ്ങനെ ചിന്തിക്കുന്നത് നല്ല ആൺ കുട്ടികളുടെ ലക്ഷണവുമല്ല.’ അമ്മയുടെ ഈ അഭിപ്രായത്തോട് നിങ്ങൾ യോജിക്കുന്നുണ്ടോ? എന്തുകൊണ്ട് നിങ്ങളുടെ അഭിപ്രായങ്ങൾ ഒരു കുറിപ്പായി എഴുതൂ.
Answer:
ഈ കഥയുടെ കാമ്പും കാതലും ഈ വാക്യങ്ങൾ ആണ്. ഈ കഥ കുട്ടികളിൽ ഉണ്ടാക്കുന്ന മാറ്റം വളരെ വലുതാണ്, ലിംഗ സമത്വം എന്ന ആശയം കുട്ടികളിൽ വളരെ ചെറുതിലെ തന്നെ തങ്ങളുടെ കുടുംബങ്ങളിൽ നിന്നും പകർന്നു കിട്ടേണ്ടതാണ്.ഒരമ്മ മകനോട് പങ്കു വെയ്ക്കുന്ന ഏറ്റവും നല്ല കാര്യമാണ് ഈ വാക്കുകൾ, തന്റെ അച്ഛൻ അത്തരത്തിൽ തുല്യതയും സമത്വവും ഉള്ള ഒരു വ്യക്തി ആണ് എന്ന അമ്മയുടെ അഭിമാനത്തോടെയുള്ള വാക്കുകൾ ആ കുട്ടിക്ക് എന്നും മാതൃകയാകും, തനിക്കു ചുറ്റുമുള്ള എല്ലാ മനുഷ്യർക്കും നമുക്കുള്ളത് പോലെ തന്നെ കഴിവും അവകാശങ്ങളും ഉണ്ട് എന്ന തിരിച്ചറിവാണു ഈ പഠഭാഗം പകർന്നു നൽകുന്നത്

Question 1.
മഞ്ഞക്കിളിയുടെ ഡയറി
Answer
പുറത്ത് നല്ല മഴ പെയ്യുന്നുണ്ടായിരുന്നു. മഞ്ഞക്കിളി തിരിഞ്ഞും മറിഞ്ഞും കിടന്നു. അവന് ഉറക്കം വന്നതേയില്ല. അന്നത്തെ സംഭവങ്ങൾ ഓരോന്നായി അവന്റെ മനസ്സിൽ മിന്നിമറഞ്ഞു. അവൻ തന്റെ ഡയറി കൈയിലെടുത്ത് എഴുതാൻ തുടങ്ങി. മഞ്ഞയുടെ അന്നത്തെ ഡയറിക്കുറിപ്പ് എങ്ങനെയായിരിക്കും? എഴുതിനോക്കൂ.

തീയതി
ദിവസം

ഇന്നെന്തൊരു ദിവസം ആയിരുന്നു. ആ പ്രകാശന് എന്തൊരു അഹങ്കാരം ആണ്, ഒരിക്കൽ എങ്കിലും അവനെ കളിയിൽ തോൽപ്പിക്കണം. അവൻ എന്തിനാണ് എന്റെ കൈയ്ക്ക് ഓട്ടയുണ്ടോ എന്ന് ചോദിച്ചിട്ട് ഒടുവിൽ എന്നെ ഭയന്നത്, ഞാനും നന്നായി കളിക്കും എന്ന് അവനു ബോധ്യമായിരിക്കണം. സുമംഗലയെ കളിയാക്കേണ്ടിയിരുന്നില്ല. അമ്മ പറഞ്ഞത് എത്രമാത്രം വലിയ സത്യങ്ങളാണ്. രാജ്യം ഭരിച്ച ഇന്ദിരാഗന്ധിയെ കുറിച്ച് അമ്മ എത്രയോ തവണ പറഞ്ഞിരിക്കുന്നു, എന്റെ അറിവില്ലായ്മ കൊണ്ടല്ലേ അമ്മ എന്നോട് ക്ഷമിക്കുക, പകർന്നു തന്ന അറിവിന് നന്ദി.

നമ്മുടെ ക്ലാസ് കായികോത്സവം
Question 1.
റ്റോമോയിലെ കായികമേളയെക്കുറിച്ച് മനസ്സിലാക്കിയല്ലോ. എല്ലാവരെയും പങ്കെടുപ്പിച്ച് നമുക്കും ഒരു കായികമേള നടത്തിയാലോ?
എന്തെല്ലാം ഒരുക്കങ്ങൾ വേണം?
ഏതെല്ലാം ഇനങ്ങൾ ഉൾപ്പെടുത്തണം?
എവിടെവച്ചു നടത്തണം?
ആവശ്യമായ പ്രചാരണം എങ്ങനെയെല്ലാം?
വിജയികൾക്ക് സമ്മാനങ്ങൾ വേണ്ടേ?
എന്തെല്ലാം കളികൾ ?
Answer:
ഓട്ടം
ചാട്ടം
ഷട്ടിൽ
റിംഗ് ബോൾ
കക്കുകളി
സംഘാടനം
തയ്യാറെടുപ്പ്
പങ്കാളിത്തം
നടത്തിപ്പ്
സമ്മാനം

പോസ്റ്റർ, നോട്ടീസ്, ഡിജിറ്റൽ പോസ്റ്റർ, എന്നിവ തയ്യാറാക്കുന്നതിനൊപ്പം ദൃക്സാക്ഷി വിവരണം നൽകുന്നതിനും അത് യഥാസമയം റിപ്പോർട്ട് ചെയ്യുന്നതിന് ക്ലാസ്സ് ഗ്രൂപ്പുകളിൽ പങ്കുവയ്ക്കുന്നതിനും പ്രത്യേകം ശ്രദ്ധിക്കേണ്ടതുണ്ട്. ഇതിൽ ഓരോ പ്രവർത്തനങ്ങൾക്കും കുട്ടികൾക്ക് ചുമതലകൾ നൽകേണ്ടതുണ്ട്. മേൽ പ്രവർത്തനങ്ങളിൽ ഉചിതമായ മേഖലകളിൽ ഭിന്ന നിലവാരക്കാരെ കൂടി പരിഗണിക്കണം

ദൃക്സാക്ഷി വിവരണം ഉൾപ്പെടെയുള്ള പ്രകടനങ്ങൾ ക്ലാസ് ഗ്രൂപ്പുകളിൽ യഥാസമയം പങ്കു വയ്ക്കുന്നത് കുട്ടികളുടെ ആത്മവിശ്വാസം ഉയർത്താനും പഠന പ്രവർത്തനങ്ങളിൽ ക്രിയാത്മകമായി ഇടപെടാനും അവരെ പ്രാപ്തരാക്കും.

Question 1.
നോട്ടീസ് തയ്യാറാക്കാം, നോട്ടീസിലെന്തെല്ലാം ഉൾപ്പെടണം?
Answer:
ആകർഷകമായ തലക്കെട്ട്, സ്ഥലം, സമയം, തീയതി, നടത്താൻ ഉദ്ദേശിക്കുന്ന പരിപാടിയെ കുറിച്ചുള്ള ലഘു വിവരണം ആകർഷകമായ രീതിയിൽ തയ്യാറാക്കുക.

പോസ്റ്റർ നിർമ്മിക്കാം
Question 1.
പോസ്റ്ററിലെന്തെല്ലാം വേണം?
ഡിജിറ്റൽ പോസ്റ്ററും നിർമ്മിക്കാമല്ലോ.
ഗ്രൂപ്പുകളായി തിരിഞ്ഞ് നോട്ടീസും പോസ്റ്ററുകളും ഡിജിറ്റൽ പോസ്റ്ററുകളും തയ്യാറാക്കും.
അവ സ്കൂളിലും പുറത്തും ഉചിതമായ സ്ഥാനത്ത് പ്രദർശിപ്പിക്കണേ.
ക്ലാസിന്റെ വാട്സാപ് ഗ്രൂപ്പുകളിൽ ഡിജിറ്റൽ പോസ്റ്ററുകൾ പങ്കിടാം.
Answer:
തലക്കെട്ട്, സമയം, സ്ഥലം, ആശയത്തിന്റെ പ്രധാന്യം രേഖപ്പെടുത്തൽ ആകർഷകത്വം

ദൃക്സാക്ഷിവിവരണം
Question 1.
രണ്ടോ മൂന്നോ കുട്ടികൾ ചേർന്ന് കായികമേളയുടെ തത്സമയ വിവരണം നടത്തു. ഇത് റെക്കോഡ് ചെയ്ത് ക്ലാസിലെ എല്ലാ കുട്ടികൾക്കും കേൾക്കാനുള്ള അവസരവും വേണം.
Answer:
പ്രിയ കൂട്ടുകാർ വള്ളം കളിയുടെയും മറ്റും വിവരണം കേട്ടിട്ടില്ലേ, ഒരു കാര്യം നേരിൽ കണ്ടു കൊണ്ട് ദൂരെ നിൽക്കുന്നവർക്ക് അല്ലെങ്കിൽ ആ കാഴ്ച കാണാത്തവർക്കായി നേരിൽ കാണുന്ന അനുഭവം കിട്ടുന്ന പോലെ അവതരിപ്പിക്കുന്ന രീതിയെ ആണ് ദൃക്സാക്ഷി വിവരണം എന്ന് പറയുന്നത്. ഇത് അതിന്റെ ആവേശവും തീവ്രതയും കേൾക്കുന്നവരിൽ ജനിപ്പിക്കും.

ഞങ്ങളുടെ രചനാശില്പശാല
Question 1.
കളി, സൗഹൃദം, സ്നേഹം എന്നിവ ആവിഷ്കരിക്കുന്ന കഥകളും കവിതകളും അനുഭവങ്ങളുമാണ് നിങ്ങൾ പഠിച്ചത്. ഇതേ ആശയങ്ങൾ കഥയായും കവിതയായും ചിത്രങ്ങളായും ആവിഷ്കരിക്കാൻ കഴിയില്ലേ? ക്ലാസിലെല്ലാവരും പങ്കെടുക്കുന്ന ഒരു രചനാശില്പശാല നടത്താം. തയ്യാറാക്കിയ രചനകൾ മെച്ചപ്പെടുത്തി ക്ലാസിൽ അവതരിപ്പിക്കണം.
Answer:
പ്രിയ കൂട്ടുകാർ തയ്യാറാക്കിയ കൃതികൾ രചനകൾ ടീച്ചറുടെ സഹായത്തോടെ പ്രദർശിപ്പിക്കുക.

വായനശാല സന്ദർശിക്കാം
Question 1.
അടുത്തുള്ള വായനശാല സന്ദർശിച്ച് കുട്ടികളുമായി ബന്ധപ്പെട്ട മാസികകളും പുസ്തകങ്ങളും കണ്ടെത്തി വായിക്കൂ…?
Answer:
പ്രിയ മക്കൾക്ക് വായിച്ചു വളരാൻ

തുടർപ്രവർത്തനങ്ങൾ
Question 1.
വിലക്കുകളും മാറ്റിനിർത്തലുകളും ഇന്നും പെൺകുട്ടികൾക്കും സ്ത്രീകൾക്കും അനുഭവിക്കേണ്ടി വരുന്നില്ലേ? സ്ത്രീകൾക്ക് വോട്ടവകാശം പോലും നിഷേധിച്ച കാലം ലോകചരിത്രത്തിലുണ്ട്. വീട്ടുജോലികൾ സ്ത്രീകൾ തന്നെ ചെയ്യണമെന്ന് നിർബന്ധ ബുദ്ധി ഇന്നും തുടരുന്നില്ലേ?
Answer:
സ്ത്രീ പുരുഷ അസമത്വത്തിന്റെ തുടക്കം നമ്മുടെ കുടുംബങ്ങളിൽ നിന്ന് തന്നെ ആണ് തുടങ്ങുന്നത്. പെൺകുട്ടികൾ അടങ്ങി ഒതുങ്ങേണ്ടവർ ആണ് എന്നും ആൺകുട്ടികൾക്ക് അടക്കവും ഒതുക്കവും ആവശ്യമില്ല എന്നും അവൻ ആൺകുട്ടിയാണ് തുടങ്ങിയ പറച്ചിലുകളും മറ്റും തുടങ്ങുന്നത് നമ്മുടെ വീടുകളിൽ നിന്ന് തന്നെയല്ലേ? അങ്ങനെയുള്ള ചിന്തകളിൽ നിന്ന് വളരുന്ന തലമുറയെല്ലാം മാറി ചിന്തിക്കേണ്ടതിനാണ് ഇത്തരത്തിലുള്ള പാഠഭാഗങ്ങൾ ഉൾപ്പെടുത്തുന്നത്, ആൺകുട്ടികൾക്ക് ചെയ്യാൻ കഴിയുന്നത് എല്ലാം പെൺകുട്ടികൾക്കും ആകും. അല്ലങ്കിൽ അതിനേക്കാൾ ഇരട്ടി സ്ത്രീകൾ ചെയ്യുന്നുണ്ട്, എത്രയോ കഠിനമായ കാര്യങ്ങൾ ആണ് നമ്മുടെ അമ്മ വീടുകളിൽ ചെയ്യുന്നത് . തുല്യത തുടങ്ങേണ്ടത് കുടുംബത്തിൽ നിന്നാണ്. കുട്ടികളും അച്ഛനും എല്ലാം ഇത്തരത്തിൽ മാറി ചിന്തിച്ചു സമൂഹത്തിനു മാതൃക
ആകുക.

അറിവിലേക്ക്
കളിയുടെ അമ്മ വീടായ ഇംഗ്ലണ്ടിൽ സ്ത്രീകൾ ഫുട്ബോൾ കളിക്കുന്നതിന് ഒരുകാലത്ത് വിലക്കേർ പ്പെടുത്തിയിരുന്നുവെന്നത് കേൾക്കുമ്പോൾ അദ്ഭുതം തോന്നും. ബ്രസീലിൽ നാലുദശാബ്ദക്കാലം ഈ വിലക്കുണ്ടായിരുന്നു, അതും അടുത്തകാലം വരെ. 1921-ലാണ് ഇംഗ്ലീഷ് ഫുട്ബോൾ അസോസിയേഷൻ (എ.ഫ്.എ.) വിലക്കേർപ്പെടുത്തിയത്. തങ്ങളുമായി പേരു ചേർത്തിട്ടുള്ള ക്ലബ്ബുകളുടെ ഒരു മൈതാനത്തും സ്ത്രീകൾക്ക് കളിക്കാൻ പാടില്ലെന്നായിരുന്നു അവരുടെ നിശ്ചയം. അവർക്ക് സൗകര്യം കുറഞ്ഞ മറ്റു ഗ്രൗണ്ടുകളിൽ വേണമെങ്കിൽ കളിക്കാം.

1970-ൽ ഈ വിലക്കു നീക്കി. ബ്രസീലിൽ ജനറൽ ഗെറ്റൂലിയോ വർഗാസിന്റെ ഗവൺമെന്റ് തന്നെ 1941-ൽ ഇതുസംബന്ധിച്ച് നിയമം കൊണ്ടുവന്നു. 1979-വരെ ഇത് നിലനിന്നു. ഇംഗ്ലീഷുകാർ സ്ത്രീകൾക്ക് പറ്റിയ കളിയല്ല ഇതെന്നാണ് വിധിയെഴുതിയത്. അവരുടെ ബ്രസീലുകാർ പ്രത്യുത്പാദനശേഷിയെ കളി ബാധിക്കുമെന്നും വിധിച്ചു. രണ്ടും ഒന്നുതന്നെ.

ബ്രസീലിൽ അക്കാലത്ത് കളിക്കാനുള്ള ബുദ്ധിമുട്ടുകളെക്കുറിച്ച് ഇപ്പോൾ പരിശീലകയായി പ്രവർത്തിക്കുന്ന 59-കാരി ദിൽമ മെൻസ് പറയുന്നുണ്ട് (സ്പോർട്ട്സ്റ്റാർ, ദ ഹിന്ദു ഡോട്ട് കോം, 2207-2023). പെൺകുട്ടികൾ ഫുട്ബോൾ കളിക്കുന്നതു കണ്ടാൽ പോലീസ് പിടിക്കും. ശിക്ഷയൊന്നും വ്യവസ്ഥചെയ്തിട്ടില്ലെങ്കിലും ആരെങ്കിലും വന്ന് കൂട്ടിക്കൊണ്ടുപോകും വരെ സ്റ്റേഷനിൽ കഴിയണം. ആൺകുട്ടികളോടൊപ്പമാണ് കളി. പിടിക്കാൻ വരുമ്പോൾ ഗ്രൗണ്ടിനു സമീപം കുത്തിയിട്ടുള്ള കുഴിയിൽ അവർ ഒളിച്ചിരിക്കുമായിരുന്നുവത്രേ!

മലയാളചലച്ചിത്രരംഗത്തെ ഒരു തിരക്കഥാകൃത്തും സംവിധായകനും ആണ് മലയാള ചലച്ചിത്രങ്ങൾക്ക് തിരക്കഥ രചിച്ചിട്ടുള്ള ഇദ്ദേഹം നിരവധി ചിത്രങ്ങൾ സംവിധാനം ചെയ്തിട്ടുണ്ട്.

ഓർത്തിരിക്കാൻ

• ആണും പെണ്ണും എന്ന വേർതിരിവ് സമൂഹത്തിലും ജീവിതത്തിലും ആവശ്യമില്ല
• മനുഷ്യർ എല്ലാവരും തുല്യാരാണ്
• കളിയാക്കലുകളും പരിഹാസങ്ങളും ജീവിതത്തിൽ ആവശ്യമില്ല
• മനുഷ്യർ പരസ്പരം താങ്ങാകേണ്ടവരാണ്
• കളികൾ സമൂഹത്തിൽ ജീവിക്കേണ്ട പാലിക്കേണ്ട നിയമങ്ങൾ പഠിപ്പിക്കുന്നു

Students can use 5th Standard Malayalam Adisthana Padavali Notes and കാട്ടിലെ കളികൾ Kattile Kalikal Summary in Malayalam to grasp the key points of a lengthy text.

Class 5 Malayalam Kattile Kalikal Summary

Kattile Kalikal Summary in Malayalam

കാട്ടിലെ കളികൾ Summary in Malayalam

ആമുഖം

മലയാള സാഹിത്യത്തിലെ പ്രാചീന കവിത്രയങ്ങളിൽ ഒരാളാണ് ചെറുശ്ശേരി, കൃഷ്ണ ഭക്തനായ ചെറുശ്ശേരി കണ്ണന്റെ ജനനം മുതൽ സ്വർഗാരോഹണം വരെ കൃഷ്ണഗാഥയിൽ പ്രതിപാദിച്ചിരിക്കുന്നു. മഞ്ജരി വൃത്തത്തിലാണ് കൃഷ്ണഗാഥാ രചിച്ചിരിക്കുന്നത്. ഗാഥാ എന്നാൽ പാട്ട് എന്നർത്ഥം. കൃഷ്ണഗാഥാ എന്നാൽ കൃഷ്ണന്റെ പാട്ടും. കൃഷ്ണന്റെ ബാല്യകാല വിശേഷങ്ങൾ കണ്മുന്നിൽ നടക്കുമാറ് മനോഹരമായി ചിത്രീകരിച്ചിരിക്കുകയാണ് ചെറുശ്ശേരി. മനോഹരമായ വർണനകൾ കൊണ്ടും അലങ്കാരങ്ങൾ കൊണ്ടും മായിക ലോകം തീർത്തിരിക്കുകയാണ് കവി.

പാഠസംഗ്രഹം

ചെറുശ്ശേരി നൽകിയ മുന്തിരിപ്പാട്ടാണ് കൃഷ്ണഗാഥ. കണ്ണന്റെ കുട്ടിക്കാല കുസൃതികളും കളികളും ചെറുശ്ശേരി കൃഷ്ണഗാഥയിൽ ഭംഗിയായി ചിത്രീകരിച്ചിട്ടുണ്ട്. രാജാവും ചെറുശ്ശേരിയും തമ്മിൽ ചതുരംഗം കളിക്കുമ്പോൾ ആളെ ഉന്തിയില്ലെങ്കിൽ രാജാവ് തോൽക്കും ചെറുശ്ശേരി ജയിക്കും എന്ന നിലവന്നു. അപ്പോഴാണ് അടുത്ത് നിന്ന് കളി കണ്ടിരുന്ന രാജ്ഞി കുട്ടിയെ തൊട്ടിലാട്ടുന്ന പാട്ടിലൂടെ ആളെയുന്ത് എന്ന രഹസ്യ നിർദ്ദേശം നൽകിയത്. രാജാവ് ചതുരംഗക്കളത്തിലെ ആളെ ഉന്തി. ചെറുശ്ശേരി കളിയിൽ തോറ്റെങ്കിലും രാജ്ഞി പാടിയ പാട്ടിന്റെ ഈണം തന്റെ കവിതയിൽ സുന്ദരമായി ആവിഷ്കരിച്ചു. ജീവിത നിരീക്ഷണവും ഭാവനയും കൊണ്ട് സമ്പന്നമായ കൃഷ്ണഗാഥ മലയാളഭാഷയെ കൂടുതൽ സുന്ദരമാക്കി. വെണ്ണ കട്ട് തിന്നും സമപ്രായക്കാരോടൊപ്പം കളിച്ചു തിമിർത്തും കണ്ണൻ കുട്ടിക്കാലത്തെ ആഘോഷമാക്കി.

ഉണ്ണിക്കണ്ണന്റെ ബാല്യകാല ലീലകൾ ഒട്ടേറെ കവികളെ ആകർഷിച്ചിട്ടുണ്ട്. പ്രകൃതിയെ കണ്ടും തൊട്ടും കേട്ടും അറിഞ്ഞും അനുകരിച്ചും ആണ് കണ്ണനും കൂട്ടുകാരും കാട്ടിൽ കളിക്കുന്നത്. മൃഗങ്ങളെയും പക്ഷികളെയും മരങ്ങളെയുമെല്ലാം കളിക്കുട്ടുകാരാക്കുമ്പോൾ, മനുഷ്യൻ പ്രകൃതിയുടെ ഭാഗമാണെന്ന സന്ദേശം അംഗീകരിക്കുകയാണ് കുട്ടികൾ ചെയ്യുന്നത്. സർവ്വ ചരാചരങ്ങളെയും ഒരുപോലെ കാണുന്ന ഈ കുട്ടിത്തം കൈമോശം വരുമ്പോഴാണ് മനുഷ്യൻ പ്രകൃതിയിൽ നിന്നകലുന്നത്. ചലിക്കുന്നതും ചലിക്കാത്തതുമായ എല്ലാ ജീവജാലങ്ങളെയും സ്വന്തം കൂട്ടുകാരാക്കുകയാണ് കണ്ണനും കൂട്ടുകാരും ചെയ്യുന്നത്. സ്വാതന്ത്ര്യവും ഭാവനയും ഒത്തുചേരുമ്പോൾ കളികൾ കൂടുതൽ സുന്ദരമായി മാറുന്നു. കളികളുടെയും കുട്ടിത്തത്തിന്റെയും ഈ സൗന്ദര്യമാണ് ചെറുശ്ശേരി ചിത്രീകരിക്കുന്നത്.

Practicing with Class 5 Malayalam Adisthana Padavali Notes Pdf Unit 1 Chapter 2 കാട്ടിലെ കളികൾ Kattile Kalikal Notes Questions and Answers Pdf improves language skills.

Kattile Kalikal Class 5 Notes Questions and Answers

Class 5 Malayalam Adisthana Padavali Notes Unit 1 Chapter 2 Kattile Kalikal Question Answer

Class 5 Malayalam Kattile Kalikal Notes Question Answer

ഒന്നിച്ചുചൊല്ലാം കേൾക്കാം രസിക്കാം
Question 1.
‘കാട്ടിലെ കളികൾ’ എന്ന കവിത ചെറുഗ്രൂപ്പുകളായിത്തിരിഞ്ഞ് ചൊല്ലി നോക്കൂ. സമാനമായ ഒരു കവിതാഭാഗം താഴെ കൊടുത്തിട്ടുണ്ട്. രണ്ടും ഒരേ ഈണത്തിൽ ചൊല്ലാൻ കഴിയുന്നുണ്ടോ?

Answer:
ഗ്രൂപ്പുകളായി തിരിഞ്ഞു ഇഷ്ടമുള്ള ഈണത്തിൽ കവിത ആലപിക്കുക

പദങ്ങളന്വേഷിച്ച്
Question 1.
കാട്ടിലെ കളികൾ എന്ന കവിതയിൽ നിങ്ങൾക്കറിയാത്ത പദങ്ങൾ ഏതെല്ലാമാണ്? അവയിൽ നമ്മൾ സാധാരണ ഉപയോഗിക്കാത്ത പദങ്ങളുമുണ്ടാവും. അത്തരം പദങ്ങൾ കണ്ടെത്തൂ. നിഘണ്ടു ഉപയോഗിച്ച് അവയുടെ അർഥം കണ്ടെത്തി എഴുതുമല്ലോ.
Answer:
അടിയറവ് – തോൽവി
അന്നങ്ങൾ – അരയന്നങ്ങൾ
അന്നൽ – അരയന്നം
അപൂർവത – മുമ്പില്ലാത്ത സ്ഥിതി, അസാധാരണത്വം
അർദ്ധവൃത്താകാരം – പകുതി വൃത്തത്തിന്റെ ആകൃതി
അല – ഓളം
അവിശ്വസനീയം – വിശ്വസിക്കാൻ കഴിയാത്തത്
ആക്കം – ശക്തി
ആർക്കുക – വിളിച്ചുകൂവുക
ആസ്വാദ്യകരം – ആസ്വദിക്കാവുന്നത്
ഇതരം – മറ്റുള്ള
ഉദരം – വയർ
ഉലാത്തുക – അങ്ങോട്ടുമിങ്ങോട്ടും വെറുതെ നടക്കുക
ഊഴം – അവസരം
എടുപ്പ് – ഉയരമുള്ള കെട്ടിടം
എലിമെന്ററി – പ്രൈമറി
കന്നുകൾ – കന്നുകാലികൾ
കാകൻ – കാക്ക
കാനനം – കാട്, വനം
കിളുന്ന് – ഇളയത്
കുത്തക – പൂർണ്ണാവകാശം
കുരുടിച്ച – കുറുകിയ, വളർച്ചയില്ലാത്ത
കേകി – മയിൽ, മയൂരം

താരതമ്യം ചെയ്യാം
Question 1.
കാട്ടിൽ പോയ കണ്ണനും കൂട്ടുകാരും അവിടെ ഏതെല്ലാം കളികളിലാണ് ഏർപ്പെട്ടത്? നിങ്ങൾ കളിക്കുന്ന കളികളുമായുള്ള സാമ്യവ്യത്യാസങ്ങൾ ചർച്ചചെയ്യൂ. താരതമ്യം ചെയ്ത് കുറിപ്പ് തയ്യാറാക്കൂ.
Answer:
മനോഹരമായ ബാല്യത്തിന്റെ കൗതുകവും രസാത്മകതയുമാണ് ചെറുശേരിയുടെ ഈ വരികളിൽ കാണാനാവുക. ഇന്നത്തെ തലമുറയ്ക്ക് ഒരിക്കലും സ്വായത്തമാക്കാൻ കഴിയാത്ത ഒരുപാടു മനോഹരവും ഹൃദയാനന്ദം നൽകുന്നതുമാണ് അവരുടെ കളികൾ. അരയന്നങ്ങൾ നടക്കുന്ന പിന്നാലെ നടന്നും കാട്ടിലെ മരങ്ങളിൽ കയറിചെന്ന് കുരങ്ങൻമാർ ചാടും പോലെ ചാടി മറിഞ്ഞും കൂട്ടുകാരൊത്തു മരം കേറിയും കരണം മറിഞ്ഞും സ്വയം മറന്നു ഉല്ലസിച്ച ബല്യത്തെ ആണ് നമുക്ക് അവിടെ കാണാൻ സാധിക്കുക, എന്നാൽ ഇന്നത്തെ തലമുറയാകട്ടെ മൊബൈൽ ഗെയിമുകളും, അടച്ചിട്ട മുറിക്കുള്ളിലെ വീഡിയോ ഗെയ്മുകളിലും തങ്ങളുടെ ബല്യത്തെ തളച്ചിടുന്നു പുറത്തിറങ്ങാനോ പണ്ടുകാലത്തെ പോലെ സഹവസിക്കാനോ ഉള്ള സാഹചര്യങ്ങൾ ഇന്നത്തെ കുട്ടികൾക്ക് കുറവാണ്.

കളിയഴക് വരിയഴക്
Question 1.
‘കേകികൾ കൂകുമ്പോൾ കൂകിത്തുടങ്ങിനാർ
കോകിലം പാടുമ്പോൾ പാടുകയും.’
മുകളിൽ കൊടുത്ത വരികൾ വീണ്ടും വായിക്കൂ.
എന്തെല്ലാം കാഴ്ചകളാണ് നിങ്ങൾ കണ്ടത്?
ഇതുപോലെയുള്ള കൂടുതൽ സന്ദർഭങ്ങൾ കവിതയിൽനിന്നു കണ്ടെത്തുക.
ഇവ നമുക്ക് ക്ലാസിൽ എങ്ങനെയെല്ലാം അവതരിപ്പിക്കാം?
ചിത്രം, അഭിനയം, നൃത്തം… ഇനിയെന്തെല്ലാം?
ടീച്ചറുടെ സഹായത്തോടെ നിങ്ങളുടെ അവതരണങ്ങൾ വീഡിയോ ചെയ്ത് ക്ലാസിൽ പ്രദർശിപ്പിക്കാം.?
Answer:
കണ്ണനും കൂട്ടരും കാളിയാസ്വദിച്ചതിന്റെ വാങ്മയ ചിത്രങ്ങളാണ് ഓരോ വരികളിലും കാണാൻ ആകുക കവിയുടെ വരികൾക്ക് പിന്നാലെ പോയാൽ മനോഹരമായ കാടും മേടും കാട്ടാറും കുയിലിന്റെ കൂകലിന് മറുകുകൽ കൂവി കുയിലിനെ തൊപ്പിക്കുന്ന കൗതുക ബാല്യങ്ങളെ കാണാം.

എന്റെ കളിമോഹങ്ങൾ
Question 1.
നിങ്ങൾ ആഗ്രഹിച്ചിട്ടും കളിക്കാൻ കഴിയാത്ത കളികളുണ്ടോ? ഏതെല്ലാം? എന്തു കൊണ്ടാവും അതിനു കഴിയാത്തത്? നിങ്ങളുടെ കണ്ടെത്തലുകൾ ഓരോരുത്തരായി ക്ലാസിൽ പറഞ്ഞവതരിപ്പിക്കൂ.
‘എന്റെ കളിമോഹങ്ങൾ’ എന്ന ഒരു കുറിപ്പായി എഴുതൂ.?
Answer:
ബാല്യകാലത്തെ കളികൾ കുട്ടികളുടെ മാനസികവും ശാരീരികവും ആയ ഉന്നമനത്തിനും വളർച്ചയ്ക്കും ഒത്തിരി സഹായകം ആകുന്നുണ്ട്, മനുഷ്യരോട് ഇടപെഴകാനും തോൽക്കാനും ജയിക്കാനും പഠിക്കുന്നതും ബാല്യകാലത്തെ കളികളിലൂടെയാണ് .ഇത്തരത്തിൽ തോൽവിയുടെയും ജയത്തിന്റെയും മധുരം അറിഞ്ഞ നിങ്ങളുടെ കാളിയനുഭവങ്ങൾ പങ്കുവെയ്ക്കുക

ഉദാഹരണം
ഞങ്ങൾ വളരെ കുട്ടികൾ ആയിരുന്ന കാലം തോടും മേടും കേറിനടക്കും ഉച്ചയാവോളം, വയ്യോളം, അമ്മയുടെ വിളിയാണ് ഞങ്ങളുടെ കളിയുടെ അവസാന മണി, വിളിച്ചു വിളിച്ചോടുവിൽ വടി എടുക്കും എന്ന് തോന്നുമ്പോളാണ് കളി നിർത്തുക. അങ്ങനെ ഒരിക്കൽ ഞങ്ങൾ വാഴപിണ്ടികൊണ്ട് ആരും അറിയാതെ തോട്ടിൽ ഒരു ചങ്ങാടം കെട്ടി. രണ്ടു മൂന്നു ദിവസത്തെ പ്രയത്നം ആയിരുന്നു. ആരുമറിയാതെ ചങ്ങാടം നീര് തൊടുന്ന ദിവസം വീട്ടുകാർ കണ്ടുപിടിച്ചു, വെള്ളം തൊടാത്ത ആ വള്ളം കളി ഇന്നും ഓർമയിൽ ബാക്കി

തുടർ പ്രവർത്തനങ്ങൾ
Question 1.
വ്യത്യസ്ത ഇനം നാടൻ കളികൾ നിങ്ങളുടെ നാട്ടിൽ ഈ കളിക്കുള്ള പേരുകൾ എന്തെന്നു കണ്ടെത്തുക?
Answer:

അറിവിലേക്ക്

പ്രാചീന കവിത്രയത്തിൽ ഒരാളായിരുന്നു ഇദ്ദേഹം. ക്രി.വ 1466-75 കാലത്ത് കോലത്തുനാടു ഭരിച്ചിരുന്ന ഉദയവർമന്റെ പണ്ഡിതസദസ്സിലെ അംഗമായിരുന്നു ചെറുശ്ശേരി നമ്പൂതിരി. ഭക്തി, ഫലിതം, ശൃംഗാരം എന്നീ ഭാവങ്ങളാണു ചെറുശ്ശേരിയുടെ കാവ്യങ്ങളിൽ ദർശിക്കാനാവുന്നത്. സമകാലീനരായിരുന്ന മറ്റ് ഭാഷാകവികളിൽ നിന്നു ഒട്ടും വ്യത്യസ്തമായിരുന്നില്ല ഈ ശൈലി. എങ്കിലും സംസ്കൃത ഭാഷയോട് കൂടുതൽ പ്രതിപത്തി പുലർത്തിയിരുന്ന മലനാട്ടിലെ കവികൾക്കിടയിൽ ഭാഷാകവി എന്നിരിക്കെയും ഏറെ പ്രശസ്തനായിരുന്നു ചെറുശ്ശേരി. കൃഷ്ണഗാഥയാണു പ്രധാനകൃതി.

ഓർത്തിരിക്കാൻ

• കളികൾ കുട്ടികളുടെ മാനസികവും കായികവും ആയ ആരോഗ്യത്തെ വർധിപ്പിക്കുന്നു
• ജയവും തോൽവിയും അംഗീകരിക്കുന്നു
• സമൂഹത്തിനോട് ഇണങ്ങുന്നു,
• നിയമങ്ങൾ പാലിക്കാൻ ഉള്ളതാണ് എന്ന തിരിച്ചറിവ് ഉണ്ടാകുന്നു
• കളികൾ ഏകാഗ്രതയ്ക്കും സാമൂഹിക ഐക്യത്തിനും ഉതകുന്നതാണ്

Students can use 5th Standard Malayalam Adisthana Padavali Notes and റ്റോമോയിലെ കായികമേള Tomoyile Kayikamela Summary in Malayalam to grasp the key points of a lengthy text.

Class 5 Malayalam Tomoyile Kayikamela Summary

Tomoyile Kayikamela Summary in Malayalam

റ്റോമോയിലെ കായികമേള Summary in Malayalam

ആമുഖം

ജപ്പാനിലെ പ്രശസ്തയായ ടെലിവിഷൻ പ്രതിഭയും യുനിസെഫിന്റെ ഗുഡ്വിൽ അംബാസിഡറും ആയ തെത്സുകോ കുറോയാനഗി എഴുതിയ പ്രശസ്തമായ ഗ്രന്ഥമാണു ടോട്ടോചാൻ, The little girl at the window. ഇതിൽ ടോമോ ഗാകൻ എന്ന സ്ഥലത്തെ തന്റെ തന്നെ കുട്ടിക്കാലത്തെ അനുഭവങ്ങളാണ് വിവരിച്ചിരിക്കുന്നത്. ടോട്ടോചാൻ എന്ന വികൃതിയായ പെൺകുട്ടിയുടെ അനുഭവങ്ങളിലൂടെ നമുക്ക് വിദ്യഭ്യാസത്തിന്റെ പുതിയ മാനങ്ങൾ ഈ കൃതി കാട്ടിത്തരുന്നു. കൊബായാഷി മാസ്റ്ററുടെ പ്രിയപ്പെട്ട വിദ്യാർത്ഥിയായി ടോട്ടോചാൻ ഈ അനുഭവകഥയിൽ നിറഞ്ഞു നിൽക്കുന്നു. ലോകമെമ്പാടുമുള്ള വായനക്കാർ ടോട്ടോച്ചാനെ നെഞ്ചിലേറ്റിയത് ഒരു സാധാരണ അനുഭവകഥ എന്ന നിലയ്ക്കായിരുന്നില്ല, മറിച്ച് വിദ്യാഭ്യാസത്തിന്റെ പുതിയ മാനങ്ങൾ നിറഞ്ഞ ഒരു വിദ്യാഭ്യാസ പുസ്തകം എന്ന നിലയ്ക്കാണ്.

കേരളത്തിൽ നടപ്പാക്കിയിരിക്കുന്ന പുതിയ വിദ്യാഭ്യാസ രീതിയുമായി പൊരുത്തപ്പെടുന്ന പല ബോധനരീതികളും കൊബായാഷി മാസ്റ്റർ തന്റെ ടോമോ എന്ന സ്കൂളിൽ നടപ്പാക്കിയിരുന്നു. പല രാജ്യങ്ങളിലേയും അധ്യാപന പരിശീലന കോളേജുകളിൽ ടോട്ടോചാൻ ഒരു പഠനവിഷയമാണ്. ടോട്ടോച്ചാനിലെ ഒരു ഭാഗമാണ് ഈ അധ്യായം. ഭിന്ന ശേഷിക്കാരനായ തന്റെ സഹപാഠിയെ തങ്ങളിൽ ഒരാളായി കണ്ടുകൊണ്ട് തങ്ങളേക്കാൾ അംഗീകരിക്കപ്പെടേണ്ട കഴിവുകൾ അവർക്കും ഉണ്ട് അവർക്കുള്ളതൊന്നും കുറവുകളല്ല കുറവുകളെ എല്ലാം സ്നേഹത്തിലൂടെയും കരുതലിലൂടെയും എങ്ങനെ ജീവിത വിജയത്തിന്റെ പാഠങ്ങളാക്കാം എന്ന് പഠിപ്പിക്കുകയാണ് കൊബയാഷി മാഷും കുട്ടോാളും.

പാഠസംഗ്രഹം

എല്ലാവരെയും ഉൾക്കൊള്ളുകയും ഉൾപ്പെടുത്തുകയും ചെയ്യുമ്പോഴാണ് മനുഷ്യ ജീവിതം സുന്ദരമാകുന്നത്. പരസ്പരം കഴിവുകൾ തിരിച്ചറിഞ്ഞും സഹകരിച്ചും മുന്നോട്ടുപോകുമ്പോൾ ഏതു പ്രതിസന്ധികളെയും മറികടക്കാൻ കഴിയും. പണം കൊടുത്തു വാങ്ങുന്ന സാമഗ്രികളുടെയൊന്നും സഹായമില്ലാതെയാണ് കൊബായാഷി മാസ്റ്റർ സ്കൂൾ കായികമേള സംഘടിപ്പിച്ചത്. വിദ്യാലയചുറ്റുപാടുകളെ തന്നെ കായികമേളയ്ക്ക് വേണ്ടി സർഗാത്മകമായി രൂപപ്പെടുത്തുകയാണ് ചെയ്തത്. ചുറ്റുപാടുമായി ബന്ധമുള്ളവരായതിനാൽ ഭിന്നശേഷിക്കാരായ കുട്ടികൾക്ക് ഈ പരിപാടികളിൽ പങ്കെടുക്കാനും മികവുകൾ തെളിയിക്കാനും കഴിഞ്ഞു.

മത്സരങ്ങളിൽ പങ്കെടുക്കുന്നതിൽ നിന്ന് ശാരീരിക വെല്ലുവിളികൾ നേരിടുന്ന കുട്ടികളെ മാറ്റിനിർ ത്താറില്ല. റഫറി ആകുന്നതിലൂടെ മത്സരത്തിൽ കൂടുതൽ നിയന്ത്രണാധികാരവും പങ്കാളിത്തവും അവർക്ക് ലഭിക്കുന്നു. “ഉത്സവത്തിന്റെ വിലാസങ്ങൾ പോലും മത്സരത്തിനു മാത്രമാണെങ്കിൽ” എന്ന ദുരവസ്ഥ ഇതോടെ ഇല്ലാതാകുന്നു. അങ്ങനെ അനാരോഗ്യകരമായ മത്സരങ്ങൾ ഒഴിവാകുന്നു. വിജയപരാജയങ്ങൾക്കപ്പുറം എല്ലാവരെയും ഉൾക്കൊള്ളുന്ന സംസ്കാരം കുട്ടികളിൽ വളരുന്നു. ഇത്തിരിയോളം പോന്ന കൈകാലുകളുടെ ഉടമയായ തകാഹാഷി എല്ലായിനത്തിലും ഒന്നാമത് എത്തുന്ന തരത്തിൽ മത്സരങ്ങൾ വികസിക്കുന്നു.

എല്ലാവരെയും ഉൾക്കൊള്ളുന്ന സമഗ്രമായ വികാസം തന്നെയാണ് ഇത്. കാർഷികോല്പന്നങ്ങൾ നൽകുന്നത് കായികാധ്വാനത്തെ സമ്മാനമായി പരിഗണിക്കലാണ്. കൃഷിയോടും നാടിനോടും അധ്വാനത്തോടും അനുകൂല മനോഭാവം രൂപപ്പെടാനും ഇത്തരം പ്രവർത്തനങ്ങൾ വഴി കഴിയും. ആത്യന്തികമായി കായികമേളയിലൂടെ ജീവിത പരിശീലനം തന്നെയാണ് കുട്ടികൾക്ക് ലഭിക്കുന്നത്.

Practicing with Class 5 Malayalam Adisthana Padavali Notes Pdf Unit 1 Chapter 1 റ്റോമോയിലെ കായികമേള Tomoyile Kayikamela Notes Questions and Answers Pdf improves language skills.

Tomoyile Kayikamela Class 5 Notes Questions and Answers

Class 5 Malayalam Adisthana Padavali Notes Unit 1 Chapter 1 Tomoyile Kayikamela Question Answer

Class 5 Malayalam Tomoyile Kayikamela Notes Question Answer

വായിക്കാം കണ്ടെത്താം എഴുതാം
Question 1.
റ്റോമോളിലെ കായികമേളയുടെ സവിശേഷതകൾ കണ്ടെത്തി എഴുതൂ.
Answer:
പണം കൊടുത്തു വാങ്ങുന്ന സാമഗ്രികളുടെയൊന്നും സഹായമില്ലാതെയാണ് കൊബായാഷി മാസ്റ്റർ സ്കൂൾ കായികമേള സംഘടിപ്പിച്ചത്. വിദ്യാലയചുറ്റുപാടുകളെ തന്നെ കായികമേളയ്ക്ക് വേണ്ടി സർഗാത്മകമായി രൂപപ്പെടുത്തുകയാണ് ചെയ്തത്.

റ്റോമോയിലെ രീതികൾ
Question 1.
‘ഓരോ കുട്ടിയേയും പരിഗണിച്ചായിരുന്നു റ്റോമോയിലെ കായികമേള.’ എങ്ങനെയൊക്കെയാണ് കൊബായാഷി മാസ്റ്റർ ഓരോരുത്തരെയും പരിഗണിച്ചിരുന്നത്? കൊബായാഷി മാസ്റ്ററുടെ ഈ സവിശേഷരീതിയെക്കുറിച്ച് ചർച്ച ചെയ്യൂ. നിങ്ങളുടെ കണ്ടെത്തലുകളെല്ലാം ചേർത്ത് കുറിപ്പ് തയ്യാറാക്കുമല്ലോ.?
Answer:
ചുറ്റുപാടുകളും ആയി ബന്ധമുള്ളവരായതിനാൽ ഭിന്നശേഷിക്കാരായ കുട്ടികൾക്ക് ഈ പരിപാടികളിൽ പങ്കെടുക്കാനും മികവുകൾ തെളിയിക്കാനും കഴിഞ്ഞു. മത്സരങ്ങളിൽ പങ്കെടുക്കുന്നതിൽനിന്ന് ശാരീരിക വെല്ലുവിളികൾ നേരിടുന്ന കുട്ടികളെ മാറ്റിനിർത്താറില്ല. റഫറി ആകുന്നതിലൂടെ മത്സരത്തിൽ കൂടുതൽ നിയന്ത്രണാധികാരവും പങ്കാളിത്തവും അവർക്ക് ലഭിക്കുന്നു.

രസികൻ പ്രയോഗങ്ങൾ
Question 1.
പാഠം വായിച്ചപ്പോൾ രസകരമായ ചില വാക്യങ്ങൾ നിങ്ങൾ ശ്രദ്ധിച്ചിട്ടുണ്ടാകുമല്ലോ? മിന്നൽ വേഗത്തിൽ തകാഹാഷി അവരെ കടന്നു മുകളിലേക്ക് പോയി.
ഇവിടെ അടിവരയിട്ട ഭാഗം നോക്കു.
വളരെ പെട്ടെന്ന് എന്നു പറയാനാണ് മിന്നൽ വേഗത്തിൽ എന്നു പ്രയോഗിച്ചിരിക്കുന്നത്.
ഒരു വാക്യം കൂടി.
കരിമീൻ തടിയൻ ജീവനുള്ളതുപോലെ അങ്ങോട്ടുമിങ്ങോട്ടും ഇളകിയാടാൻ തുടങ്ങും. സാധാരണ പറയുന്ന രീതിയിലല്ലാതെ, ഇതുപോലെ കാര്യങ്ങൾ അവതരിപ്പിക്കുന്ന ധാരാളം വാക്യങ്ങൾ ഈ പാഠത്തിലുണ്ട്. അവ കണ്ടെത്തിയെഴുതു?
Answer:

• പ്രയോഗം
• പ്രയാസപ്പെടുക
• വെള്ളം കുടിക്കുക
• നട്ടംതിരിയുക
• അടിപൊളി
• തേച്ചിട്ട് പോയി
• ചെത്തി നടക്കുക
• ഭയങ്കരം
• അസാധ്യം

വെള്ളം കുടിക്കുക എന്ന പ്രയോഗത്തിന് പാഠഭാഗത്ത് ഉപയോഗിച്ചിരിക്കുന്ന അർത്ഥം ബുദ്ധിമുട്ടുക എന്നതാണ്. ആഴത്തിൽ മുങ്ങിപ്പോകുമ്പോൾ രക്ഷയില്ലാതെ വരുന്ന അവസരത്തിൽ വെള്ളം കുടിച്ചു പോകുന്നു. ഈ അർത്ഥത്തിൽ അല്ലാതെ പ്രയാസപ്പെടുക എന്ന ആശയത്തിൽ ഊന്നിയാണ് വെള്ളം കുടിക്കുക എന്ന പ്രയോഗം രൂപപ്പെട്ടത്. വെള്ളവുമായോ വെള്ളം കുടിക്കുന്നതുമായോ ബന്ധമില്ലാത്ത ഒരു സന്ദർഭത്തിൽ ഈ ശൈലി പ്രയോഗിക്കുന്നത് സന്ദർഭത്തിലെ ഏറ്റവും കൃത്യമായ ആശയം എത്തിക്കുന്നതിനാണ്.

ചേരുമ്പോഴും പിരിയുമ്പോഴും
Question 1.
‘ഒരപൂർവത’ എന്ന വാക്ക് നോക്കൂ. ഒരു, അപൂർവത എന്നീ രണ്ടു പദങ്ങൾ ചേർന്നിരിക്കുന്നു. ഇങ്ങനെ രണ്ടു വാക്കുകൾ ചേർത്ത് ഒറ്റവാക്കാക്കി എഴുതിയ മറ്റു പദങ്ങൾ പാഠത്തിൽനിന്ന് കണ്ടെത്തൂ. അവയെ മുകളിൽ കൊടുത്ത രീതിയിൽ വെവ്വേറെ വാക്കുകളാക്കി എഴുതുകയും വേണം.
Answer:

മൂന്നുകാലിലോട്ടം	മൂന്നുകാലിൽ ഓട്ടം
കായികമേളയ്ക്കുണ്ടായിരുന്നു	കായിക മേളയ്ക്കുണ്ടായിരുന്നു
പങ്കെടുക്കാനാവാത്ത	പങ്കെടുക്കാൻ ആവാത്ത
ഊഴമവസാനിച്ചു	ഊഴം അവസാനിച്ചു

മത്സരങ്ങളല്ലാത്ത കളികൾ
Question 1.
റ്റോമോയിലും നമ്മുടെ സ്കൂളുകളിലും നടക്കുന്ന കായികമേളകളും മറ്റു പല കളികളും മത്സരങ്ങളാണ്. അവയിൽ ജയവും തോൽവിയുമുണ്ട്.നിങ്ങൾ ജയവും തോൽവിയും ഇല്ലാത്ത കളികൾ കളിക്കാറുണ്ടോ? അങ്ങനെയുള്ള ചില കളിയനുഭവങ്ങൾ പരിചയപ്പെടാം.?
Answer:
ജയവും തോൽവിയും ഇല്ലാത്ത കളി എന്നത് എത്ര മനോഹരമായ ആശയമാണ്. ആരും വിജയിക്കുന്നവനോ, തോൽക്കുന്നവനോ ആകുന്നില്ല എന്നുള്ളതാണ് ഈ കളിയുടെ പ്രത്യേകത. ഒരുമിച്ചു സന്തോഷിക്കുക എന്നതിലുപരി വിജയിയ്ക്കുന്നവനുള്ള സന്തോഷവും തോൽക്കുന്നവന്റെ പിടച്ചിലും ജീവിതത്തിൽ അനിവാര്യമല്ല എന്ന തിരിച്ചറിവ് ഇത്തരം കളികളിലൂടെ നടക്കുന്നു. പ്രദേശികമായി നിലവിലുള്ള കളികൾ അദ്ധ്യാപികയുടെ നേതൃത്ത്വത്തിൽ കളിക്കുക.

തുടർപ്രവർത്തനങ്ങൾ
Quetsion 1.
നാടൻ കളികളുടെ പേരും ചിത്രവും ചേർത്തു കളി പതിപ്പ് തയ്യാറാക്കുക
Answer

• ആലവട്ടം കളി
• ദായക്കളി | കവടി കളി
• അത്തള പിത്തള തവളാച്ചി
• അമ്മാനക്കളി
• അംബേ റസക
• അല്ലി മുല്ലി ചമ്മന്തി
• ആകാശം ഭൂമി
• ആട്ടക്കളം കുത്തൽ
• ആട്ടക്കളം
• ആരുടെ കയ്യിൽ മോതിരം
• ഇട്ടൂലി
• ഉപ്പ് കളി

ഓർത്തിരിക്കാൻ

• കളികൾ കുട്ടികളുടെ മാനസികവും ശാരീരികവുമായ ആരോഗ്യത്തെ വർധിപ്പിക്കുന്നു
• കൊബായാഷി മാഷ് നല്ല ഒരു അധ്യപകൻ ആണ്
• സമൂഹത്തിനു പ്രയോജനകരമായ മൂല്യങ്ങൾ ഉൾക്കൊള്ളുന്ന ഒരു തലമുറയെ വാർത്തെടുക്കൻ കോബയാഷി മാഷ് പ്രവർത്തിക്കുന്നു
• കൊബയാഷി മാഷ് സഹജീവികളോട് അലിവ് കാണിക്കുന്നു
• എല്ലവരെയും നമ്മൾ പരിഗണിക്കേണ്ടവരാണ് എന്ന തിരിച്ചറിവ് നൽകുന്നു

Class 5 Malayalam Adisthana Padavali Notes Unit 1 കളിയല്ല കളി

ആമുഖം

കായികവും മാനസികവുമായ ശേഷികളുടെ ഏകോപനം കളികളിൽ നടക്കുന്നുണ്ട്. ഒറ്റനോട്ടത്തിൽ കായിക ശേഷികളുടെ പ്രകടനമാണ് കളികൾ. എന്നാൽ ഈ കായിക പ്രകടനങ്ങൾക്ക് തുണയായി ബുദ്ധിപരവും ചിന്താപരവും സർഗാത്മകവുമായ ഇടപെടലുകൾ കൂടി കളികൾ ഉൾക്കൊള്ളുന്നു. കളികളാണ് കുട്ടികളുടെ വളർച്ചയ്ക്ക് കരുതലാകുന്നത്. കളികളിലൂടെ കുട്ടികൾ പുതിയൊരു സമൂഹജീവിയായി മാറുന്നു. സമൂഹത്തിന്റെ നിയമങ്ങളും സഹകരണ സഹവർത്തിത രീതികളും കുട്ടികൾ പലവിധ കളികളിലൂടെ അറിയുന്നു. ചെറിയ ചെറിയ നിയമങ്ങളെ അനുസരിക്കാനും പഠിക്കുന്നു. കുട്ടികൾ കളികളിലൂടെ സ്വായത്തമാക്കുന്ന മൂല്യങ്ങൾ തിരിച്ചറിയുന്നതിനായാണ് ഈ യൂണിറ്റ്. കളിച്ചും പഠിച്ചും കളികളിലൂടെ നമുക്ക് മുന്നേറാം, മനസും ശരീരവും കളികളിലൂടെയാണ് ഏകാഗ്രമാകുന്നതും വികാസം പ്രാപിക്കുന്നതും

പാരസംഗ്രഹം

മണൽപ്പരപ്പും മൈതാനവും പറമ്പുകളുമെല്ലാം അങ്ങനെ കളിസ്ഥലങ്ങളായും സാംസ്കാരിക വിനിമയത്തിനുള്ള പൊതുവിടങ്ങളായും വളർന്നു. ഒന്നിച്ച് കളിച്ചും ചിരിച്ചും സുഖദുഃഖങ്ങൾ തമ്മിൽ പങ്കുവെച്ചും വളർന്നവർക്കിടയിൽ മതേതരത്വം അടക്കമുള്ള ഭരണഘടനാ മൂല്യങ്ങൾ ശക്തിപ്പെട്ടു. മാനവികത പോലുള്ള നവോത്ഥാന മൂല്യങ്ങളും കളികളിലൂടെ വേരുറച്ചു.

ആരെയും പുറത്തു നിർത്താതെ, ഭിന്നശേഷിക്കാരടക്കമുള്ള എല്ലാവരെയും ഉൾപ്പെടുത്തുകയും അംഗീകരിക്കുകയും ചെയ്യുന്ന, ‘റ്റോമോയിലെ കായികമേള’ ടോട്ടോച്ചാൻ എന്ന കൃതിയിൽ നിന്നെടുത്തതാണ്. കണ്ണനോടൊപ്പം ബാലലീലകളിൽ ഏർപ്പെടുന്ന കൂട്ടുകാരെയാണ് കാട്ടിലെ കളികൾ എന്ന കവിതാ ഭാഗത്തിലൂടെ ചെറുശ്ശേരി ചിത്രീകരിക്കുന്നത്. തുല്യത, ലിംഗനീതി തുടങ്ങിയ ഭരണഘടനാ മൂല്യത്തെ അടിസ്ഥാനമാക്കി പെൺകുട്ടികൾക്കും തുല്യ പങ്കാളിത്തം ഉണ്ടാകണമെന്ന ആശയമാണ് ‘പന്തു കളിക്കാനൊരു പെൺകുട്ടി’ എന്ന കഥയിൽ സൂചിപ്പിക്കുന്നത്. വിശാലാർത്ഥത്തിൽ, മനുഷ്യ ജീവിതത്തിന്റെ പ്രധാന ഭാഗം തന്നെയാണ് കളികൾ എന്ന സന്ദേശമാണ് ഈ യൂണിറ്റിൽ പ്രകടമാകുന്നത്.

പാഠപുസ്തകത്തിലെ പ്രവർത്തനങ്ങൾ
Question 1.
നിങ്ങളും ധാരാളം കളിക്കുന്നവരാണ്. വീട്ടിലും സ്ക്കൂളിലും കൂട്ടുകാരോടൊത്ത് നിങ്ങൾ കളിക്കാറുണ്ട്. വീട്ടിൽ ഒറ്റയ്ക്കും ചില കളികൾ കളിച്ചിട്ടുണ്ടാവും. നിങ്ങളുടെ ഏതെങ്കിലും ഒരു കളിയനുഭവം പറഞ്ഞുനോക്കിയാലോ? എല്ലാവരും പറയണേ…?
Answer:

• നിങ്ങളുടെ ഓർമയിലുള്ള നല്ല കളിയനുഭവങ്ങൾ കൂട്ടുകാരുമായി പങ്കുവയ്ക്കുക
• നിങ്ങളെ കുടുകുടെ ചിരിപ്പിച്ചതോ ദുഖിപ്പിച്ചതോ ആകാം പങ്കുവെയ്ക്കുക

തുടർപ്രവർത്തനം
Question 1.
‘കാല്യവേള മുഴുക്കെ, യൊടിഞ്ഞൊരു ചില്ലയാലേ കളിച്ചുകൊണ്ടങ്ങനെ ഈ മണലിലിരുന്നുരുളീടുമെ ന്നോമനേ, നിനക്കെന്തൊരത്യാനന്ദം! (കളിക്കോപ്പുകൾ ബാലാമണിയമ്മ) ആശയം വ്യക്തമാക്കുക?
Answer:
കളിക്കോപ്പായി ഒടിഞ്ഞ ചില്ല മാത്രമുള്ളപ്പോഴും മാനസികമായ ഏകാഗ്രതയുള്ളതുമൂലം കുട്ടിക്ക് അത്യാനന്ദം ലഭിക്കുന്നു എന്നാണ് കവിയത്രി പറയുന്നത്.

Students can use 5th Standard Malayalam Kerala Padavali Notes and പട്ടം പറപ്പിക്കട്ടെ Pattam Parappikkatte Summary in Malayalam to grasp the key points of a lengthy text.

Class 5 Malayalam Pattam Parappikkatte Summary

Pattam Parappikkatte Summary in Malayalam

പട്ടം പറപ്പിക്കട്ടെ Summary in Malayalam

1905 ഒക്ടോബർ 4 ന് കാസർഗോഡ് ജില്ലയിലെ കാഞ്ഞങ്ങാട്, അടിയോടി വീട്ടിലാണ് കുഞ്ഞിരാമൻ നായർ ജനിച്ചത്. അച്ഛൻ പുറവങ്കര കുഞ്ഞമ്പുനായർ; അമ്മ കുഞ്ഞമ്മയമ്മ. വെള്ളിക്കോത്ത് പ്രൈമറി സ്കൂളിലും പുന്നശ്ശേരി നമ്പിയുടെ ശിഷ്യനായി പട്ടാമ്പി സംസ്കൃത കോളേജിലും തഞ്ചാവൂർ സംസ്കൃത പാഠശാലയിലും പഠനം, ഇടയ്ക്ക് പഠിത്തം നിർത്തി വീടുവിട്ടിറങ്ങി. പാലക്കാട് ജില്ലയിലെ ശബരി ആശ്രമം സ്കൂൾ, കൂടാളി ഹൈസ്കൂൾ, കൊല്ലങ്കോട് രാജാസ് ഹൈസ്കൂൾ എന്നിവിടങ്ങളിൽ അദ്ധ്യാപകനായി ജോലി ചെയ്തു. പത്രപ്രവർത്തകൻ എന്ന നിലയിലും പല സ്ഥാപനങ്ങളിൽ ജോലി ചെയ്തു. സ്വന്തം ജീവിതം ക്രമപ്പെടുത്തിയെടുക്കുന്നതിനേക്കാൾ കവിതാരചനയുമായി ഊരു ചുറ്റുന്നതിലായിരുന്നു കുഞ്ഞിരാമൻ നായർക്കു താൽപര്യം.

കവിത, നാടകം, ജീവചരിത്രം, പ്രബന്ധം, ആത്മകഥ, ബാലസാഹിത്യം എന്നീ വിഭാഗങ്ങളിലായി അറുപതിലേറെ കൃതികൾ രചിച്ചു. ആത്മകഥാപര ഗ്രന്ഥങ്ങളായ ‘കവിയുടെ കാൽപ്പാടുകൾ’,’എന്നെ തിരയുന്ന ഞാൻ’, ‘നിത്യകന്യകയെത്തേടി’ എന്നിവ മലയാളഭാഷയിലെ കവിത തുളുമ്പുന്ന ഗദ്യത്തിന് ഉത്തമോദാഹരണങ്ങളാണ്. 1948ൽ നീലേശ്വരം രാജാവിൽ നിന്ന് ഭക്തകവി ബിരുദം ലഭിച്ചു.1955-ൽ കളിയഛന് മദിരാശി സർക്കാർ അംഗീകാരം, 1959-ൽ കേരളാ സാഹിത്യ അക്കാദമി അവാർഡ്, 1967-ൽ താമരത്തോണിക്ക് സാഹിത്യ അക്കാദമി അവാർഡ് എന്നിവ ലഭിച്ചു. കവിതമാത്രം സന്തതസഹചാരിയായിരുന്ന ജീവിതയാത്രകൾക്കൊടുവിൽ 1978 മേയ് 27-ന് തിരുവനന്തപുരത്തെ സി. പി സത്രത്തിൽ വച്ച് ഹൃദയസ്തംഭനം മൂലം അന്തരിച്ചു.

കവിതാ സാരം

കുട്ടികൾക്ക് ഏറെ വിനോദകരമായ ഒന്നാണ് പട്ടം പറത്തൽ. പട്ടം പറത്തി കളിക്കാൻ ഇഷ്ടമല്ലാത്തവരായ ആരുമില്ല. പട്ടം പറപ്പിക്കട്ടെ എന്ന ഈ കവിത വാനിൽ പാറി പറക്കുന്ന പട്ടത്തെ മനുഷ്യജീവിതവുമായി സാദൃശ്യപ്പെടുത്തുന്നു.

ആകാശത്ത് ഉയർന്ന് പറക്കുന്ന പട്ടത്തിന് പാരിടത്തെ (ഭൂമിയെ) ഒന്നായി കാണാനായിട്ട് സാധ്യമാണ്. അത്രയും ഉയരത്തിൽ നിന്നുള്ള കാഴ്ച പാരിടത്തെ മുഴുവനായി കാണാൻ കഴിയുന്ന ഒന്നാണ്. പട്ടത്തിന് ഉയരെ പറക്കണമെങ്കിൽ കാറ്റ് അനിവാര്യമാണ് ആയതിനാൽ ഇവിടെ താമരപ്പൂവിന്റെ അകമ്പടിയുമായി അരികിൽ വരാൻ കാറ്റിനെ വിളിക്കുകയാണ്.

കാറ്റിൽ പറന്നു വിലസുന്ന പട്ടം ഓരോ പടികളായി ഉയരങ്ങളിലേക്ക് പറന്നു പോകുന്നത് മനസ്സിനെ മനോഹരമായ വിചാര ശില്പം (ചിന്ത ) പോലെയാണ്. പട്ടം പറന്നു നടക്കുന്ന ആകാശത്തെ താഴെ നിന്ന് നോക്കുമ്പോൾ തടിച്ച ഒരു അച്ഛൻ താഴേക്ക് നോക്കുന്നത് പോലെയാണ് കവി ഭാവനയിൽ തോന്നുന്നത്.

തന്റെ പൊന്മകന് അനുഗ്രഹം നൽകുന്ന അമ്മയെ പോലെ അഴകാർന്നതാണ് ഭൂമി. സൂര്യന്റെ കരങ്ങളുടെ തലോടലേറ്റ് നിൽക്കുന്ന ഭൂമിയോട് മേൽപ്പോട്ട് പോന്നുകൊള്ളാൻ മേഘം പറയുന്നുണ്ട്.

മുകളിൽ ഉയർന്നു പറക്കുന്ന പട്ടത്തിന് പാരിടത്തെ ഒന്നായി കാണാനുള്ള നേട്ടമുണ്ട്. ആ നേട്ടത്തിൽ നിന്നുകൊണ്ടുതന്നെ ഈ കൊച്ചു കാറ്റിന്റെ തുണയോടു കൂടി മുകളിലേക്ക് ഉയർന്നും ആകാശത്തിൽ പറക്കുന്ന പറവകളായി ചേർന്ന് നിന്നും ഈ ലോകത്തെ അത് വീക്ഷിക്കട്ടെ.

അങ്ങനെ ലോകത്തെ മുഴുവൻ വീക്ഷിക്കുന്ന നിന്റെ കരളിന്റെ നൂലറ്റ് പോകാതിരിക്കട്ടെ അഥവാ നിന്റെ ഉള്ളിലെ നല്ല ചിന്തകളുടെ നൂലറ്റ് പോകാതിരിക്കട്ടെ എന്ന് കവി പ്രത്യാശിക്കുന്നു. ഭാരതത്തെ ഈ ഭൂമിയെ അതിർത്തി തിരിക്കാതെ വിവേചനം ഇല്ലാതെ തരംതിരിക്കാതെ ഒന്നായി കാണാനുള്ള നിന്റെ നേട്ടത്തെ അഥവാ കഴിവിനെ കൈമോശം വരുത്താതെ എന്നും ഇങ്ങനെ ഉയരങ്ങളിൽ പറന്നു നിൽക്കാൻ സാധിക്കട്ടെ.

ഇവിടെ ഭൂമിയിൽ മനുഷ്യരെന്നും വഴക്കടിച്ചാണ് കഴിയുന്നത്. വഴക്കുകൂടി വഴക്കുകൂടി ഈ പാരിന്റെ ഭംഗി അവർ കെടുത്തി. അതിനാൽ കളങ്കമില്ലാത്ത ചിന്തയുടെ ആകാശത്തിൽ ഉയരങ്ങളിൽ എന്നും ഈ കൊച്ചുപട്ടം പാറിനിൽക്കട്ടെ. ഇവിടെ ഈ കൊച്ചുപട്ടത്തെ കളങ്കമില്ലാത്ത കുട്ടികളുടെ മനസ്സിനോട് ചേർത്ത് വായിക്കാവുന്നതാണ്. കളങ്കമില്ലാത്ത ബാല്യം എന്നും നിലനിൽക്കട്ടെ എന്നുകൂടി ആശംസിക്കാം

കവിതാസ്വാദനം

പി. കുഞ്ഞിരാമൻ നായരുടെ പട്ടം പറപ്പിക്കട്ടെ എന്ന കവിത മാനവചിന്തയുടെ ദുഷിച്ച വശങ്ങളിൽ നിന്ന് കളങ്കമില്ലാത്ത ബാല്യം പറന്ന് ഉയർന്നു നിൽക്കട്ടെ എന്ന് പറയുന്നു. മനുഷ്യമനസ്സിലെ വേർതിരിവുകളും വിവേചനങ്ങളും തിരിച്ചറിയപ്പെടാത്ത ബാല്യം മനോഹരമാണ്. അത് ആകാശത്തിൽ പറന്നു വിലസി. എന്നും ഉയരങ്ങളിൽ നിലനിൽക്കട്ടെ എന്ന കവിഭാവന മനോഹരമാണ്.

മുകളിൽ നിന്ന് താഴേക്ക് നോക്കുന്ന ആകാശം വെളുത്ത താടി വെച്ചതുപോലെ എന്ന കവി കൽപ്പന അച്ഛന്റെ സശ്രദ്ധമായ നോട്ടം പോലെ അമ്മയായ ഭൂമിക്ക് സംരക്ഷണം നൽകുന്നു എന്ന് പറയാതെ പറയുന്നു. മനുഷ്യരാൽ വഴക്ക് നടത്തുന്ന ഭൂമിയെ മുകളിലേക്ക് മേഘം വിളിക്കുന്നുണ്ട്. താടി വെച്ച അച്ഛനെപ്പോലെ നിൽക്കുന്ന ആകാശത്തിന്റെയും തന്റെ പ്രിയപ്പെട്ട മകന് അനുഗ്രഹം നൽകിയ അമ്മയായ ഭൂമിക്കും ഇടയിൽ പാറിച്ചു നടക്കുന്ന കൊച്ചുകുട്ടിയായും പട്ടത്തെ നമുക്ക് കാണാവുന്നതാണ്.

കളങ്കമില്ലാത്ത ചിന്ത എന്നും നിലനിൽക്കട്ടെ എന്നു കവി ആശംസിക്കുന്നത് ഭൂമിയിലെ മനുഷ്യരുടെ പരിപാവനമല്ലാത്ത ചിന്തകളിൽ മനസ്സും മടുത്തിട്ടാവാം. ഇങ്ങനെ ബാല്യകാലത്തിന്റെ കളങ്കമില്ലാത്ത മനസ്സിനെ കവി ആകാശത്തിൽ പാറിപ്പറക്കുന്ന പട്ടത്തിനോട് ചേർത്തുവയ്ക്കുന്നത് കവിതയെ കൂടുതൽ ആസ്വാദ്യകരമാക്കുന്നു.

അർത്ഥം
പാരിടം – ഭൂമി ലോകം
വാനിൽ – ആകാശത്തിൽ
ചേതോഹരം – മനോഹരം
മാനവൻ – മനുഷ്യൻ
പാവനം – പവിത്രം, കളങ്കമില്ലാത്ത
ഓതി – പറഞ്ഞു
നഭസ്സ് – മേഘം
ആശിസ്സ് – അനുഗ്രഹം

പര്യായം
സൂര്യൻ : ആദിത്യൻ, അരുണൻ
ലോകം : ജഗത്ത്, ഭുവനം, വിശ്വം
മനുഷ്യൻ : മാനവൻ, മനുജൻ, മർത്യൻ
ആകാശം : അംബരം, ഗഗനം, നദസ്സ്
അമ്പിളി : ചന്ദ്രൻ, തിങ്കൾ, ശശാങ്കൻ

വിപരീതം
ഉദയം × അസ്തമയം
പ്രത്യക്ഷം × അപ്രത്യക്ഷം
ഉയർച്ച × താഴ്ച്ച