Class 5

After completing the syllabus, Class 5 Social Science Question Paper Kerala Syllabus Set 5 Malayalam Medium test students’ understanding.

After completing the syllabus, Class 5 Social Science Question Paper Kerala Syllabus Set 4 Malayalam Medium test students’ understanding.

After completing the syllabus, Class 5 Social Science Question Paper Kerala Syllabus Set 3 Malayalam Medium test students’ understanding.

After completing the syllabus, Class 5 Social Science Question Paper Kerala Syllabus Set 2 Malayalam Medium test students’ understanding.

After completing the syllabus, Class 5 Social Science Question Paper Kerala Syllabus Set 1 Malayalam Medium test students’ understanding.

During exam preparation, Class 5 Malayalam Kerala Padavali Question Paper Set 5 guide students properly.

Class 5 Malayalam Kerala Padavali Model Question Paper Set 5

സമയം : 2 മണിക്കൂർ 15 മിനിറ്റ്

നിർദേശങ്ങൾ

• മൂല്യനിർണ്ണയ പ്രവർത്തനങ്ങൾ ആരംഭിക്കുന്നതിനു മുമ്പ് പതിനഞ്ചു മിനിട്ട് സമാശ്വാസ സമയമാണ്. ഈ സമയം ചോദ്യങ്ങൾ നന്നായി വായിച്ചു മനസ്സിലാക്കണം.
• ആറു ചോദ്യങ്ങൾക്ക് ഉത്തരമെഴുതിയാൽ മതി. എല്ലാ ഉപചോദ്യങ്ങൾക്കും ഉത്തരം എഴുതണം.
• രണ്ടു പ്രവർത്തനങ്ങൾ വീതം നൽകിയിട്ടുള്ള ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതി യാൽ മതി.

Question 1.
വായിക്കാം എഴുതാം.
പ്രാചീന കവികൾ
കുഞ്ചൻ നമ്പ്യാരെക്കുറിച്ച് കേട്ടിട്ടുണ്ടല്ലോ? തുള്ളൽ പ്രസ്ഥാനത്തിന്റെ ജനയിതാവ്. ഫലിത പരിഹാസ ങ്ങൾ കൊണ്ട് മലയാളികളെ കുടുകുടാ ചിരിപ്പിച്ച ജനകീയ കവി. അദ്ദേഹം അമ്പലപ്പുഴ രാജാവിന്റെയും തിരുവിതാംകൂർ രാജാവിന്റെയും സദസ്യനായിരുന്നു. രാജാക്കന്മാരുടെ ആശ്രിതനായി കഴിയുന്ന കാല ത്തുപോലും നമ്പ്യാർ അവരുടെ ഏറാൻ മൂളിയാകാൻ തയ്യാറായിരുന്നില്ല. തന്റെ സഹജമായിട്ടുള്ള നർമ്മ ബോധം കൊണ്ട് ഭരണാധികാരിയെ സത്യം ബോധിപ്പിക്കാൻ അദ്ദേഹത്തിനു കഴിഞ്ഞിരുന്നു.
കുഞ്ചൻ നമ്പ്യാരുടെ സമകാലീനനായിരുന്ന എഴുത്തച്ഛനും ചെറുശ്ശേരിയും നമ്പ്യാരെപ്പോലെ തന്നെ മലയാള ഭാഷയിലെ ശ്രേഷ്ഠരായ കവിവര്യരാണ്. മലയാളഭാഷയുടെ പിതാവായ എഴുത്തച്ഛന്റെ അദ്ധ്യാത്മ രാമായണം കിളിപ്പാട്ടും ചെറുശ്ശേരിയുടെ കൃഷ്ണഗാഥയും മലയാള ഭാഷയിലെ ശ്രേഷ്ഠമായ കൃതി കളാണ്.

A. (a) ഒന്ന്: രാജാക്കന്മാരുടെ ആശ്രിതനായിക്കഴിയുന്ന കാലത്തുപോലും നമ്പ്യാർ അവരുടെ ഏറാൻ മൂളി യാകാൻ തയ്യാറായിരുന്നില്ല.
(b) രണ്ട്: തന്റെ സഹജമായിട്ടുള്ള നർമ്മബോധം കൊണ്ട് ഭരണാധികാരിയെ സത്യം ബോധിപ്പിക്കാൻ അദ്ദേഹത്തിനു കഴിഞ്ഞു.
ഈ പ്രസ്താവനകളിൽ ശരിയേത്?
A. ഒന്നാമത്തേതു മാത്രം ശരി
B. രണ്ടാമത്തേതു മാത്രം ശരി
C. രണ്ടും തെറ്റ്
D. രണ്ടും ശരി
Answer:
D. രണ്ടും ശരി

B. ചേരുംപടി ചേർത്ത് എഴുതുക.

1. കുഞ്ചൻനമ്പ്യാർ	a. കൃഷ്ണഗാഥ
2. എഴുത്തച്ഛൻ	b. തുള്ളൽ പ്രസ്ഥാനം
3. ചെറുശ്ശേരി	c. മലയാള ഭാഷയുടെ പിതാവ്

C. (i) കുഞ്ചൻ നമ്പ്യാരുടെ സമകാലീനനായിരുന്നു എഴുത്തച്ഛൻ.
(ii) എഴുത്തച്ഛന്റെ സമകാലീനനായിരുന്നില്ല. ചെറുശ്ശേരി.
A. ഒന്നാമത്തേത് ശരി
B. രണ്ടാമത്തേത് ശരി
C. ഒന്നാമത്തേത് തെറ്റ്
D. രണ്ടാമത്തേത് തെറ്റ്
Answer:
A. ഒന്നാമത്തേത് ശരി

D. ഗദ്യഭാഗത്തെ സൂചനപ്രകാരം ജനകീയ കവിയാര്?
A. എഴുത്തച്ഛൻ
B. കുഞ്ചൻ നമ്പ്യാർ
C. ചെറുശ്ശേരി
D. മേൽപ്പറഞ്ഞതിൽ എല്ലാം ശരി
Answer:
B. കുഞ്ചൻ നമ്പ്യാർ

Question 2.
(a) സംഭാഷണം
ഒടുവിൽ പുഴ ഡാലിയമ്മൂമ്മയെ കണ്ടെത്തി. അമ്മൂമ്മ പുഴയിലേക്ക് ചാടി. പുഴയെ കെട്ടിപ്പിടിച്ചു. പൊട്ടി ച്ചിരിക്കുകയും ചെയ്തു. ശേഷം അവർ എന്തെല്ലാമാകും സംസാരിച്ചിട്ടുണ്ടാവുക? ഡാലിയമ്മൂമ്മയും പുഴയും തമ്മിലുള്ള സംഭാഷണം തയ്യാറാക്കൂ.
Answer:
പുഴ : ഡാലിയമ്മൂമ്മ എത്ര നാളായി കണ്ടിട്ട്. നീ കൂടി പോയപ്പോൾ ഞാൻ ഒറ്റയ്ക്കായി.
ഡാലിയമ്മൂമ്മ : എന്തുചെയ്യാനാ….അവർ എന്നെ പിടിച്ചു കെട്ടിയാണ് കൊണ്ടുപോയത്.
പുഴ : ഈ മനുഷ്യർ എത്ര ദുഷ്ടരാണ്. അവരുടെ ആർഭാട ജീവിതത്തിനു വേണ്ടി ഈ പ്രകൃതിയെ നശിപ്പിക്കുന്നു.
ഡാലിയമ്മൂമ്മ : അത് അവരുടെ നാശത്തിൽ തന്നെ അവസാനിക്കും.
പുഴ : അതെ എല്ലാം മലിനമായി നശിക്കുകയാണ്.
ഡാലിയമ്മൂമ്മ : നാട് വികസിക്കുന്തോറും ഭൂമി നശിക്കുകയാണ്.
പുഴ : ഇനിയെങ്കിലും മനുഷ്യർക്ക് തിരിച്ചറിവുണ്ടാകട്ടെ. എങ്കിൽ ഭൂമിയെ സംരക്ഷിക്കു മായിരിക്കും.

(b) “ഞാൻ ആദ്യമായി നീരുറവ കണ്ടത് എന്റെ അമ്മയുടെ കണ്ണിൽ നിന്നാണ്. ഈ വാക്യം അർത്ഥമാ ക്കുന്നതെന്ത്?
A. അമ്മയുടെ കണ്ണിൽ നിന്നാണ് നീരുറവ കണ്ടത്.
B. അമ്മയാണ് നീരുറവ കണ്ടത്.
C. കുട്ടി ആദ്യം കണ്ട നീരുറവ അമ്മയുടെ കണ്ണിലാണ്.
D. കുട്ടിയുടെ കണ്ണിലാണ് നീരുറവ കണ്ടത്.
Answer:
C. കുട്ടി ആദ്യം കണ്ട നീരുറവ അമ്മയുടെ കണ്ണിലാണ്.

(c) “മിന്നുന്നതെല്ലാം പൊന്നല്ല.” ഈ പ്രയോഗത്തിന് അനുയോജ്യമായ ആശയം ഉൾക്കൊള്ളുന്ന വാക്യം ഏത്?
A. തിളങ്ങുന്നതെല്ലാം പൊന്നാണ്.
B. ആകർഷണീയമായതെല്ലാം ഗുണമുള്ളതാകില്ല.
C. പുറമേ കാണുന്നത് വച്ച് അകമളക്കാനാകില്ല.
D. പൊന്നിന് എപ്പോഴും തിളക്കമുണ്ടാകും.
Answer:
B. ആകർഷണീയമായതെല്ലാം ഗുണമുള്ളതാകില്ല.

ചുവടെ തന്നിരിക്കുന്ന 3A, 3B എന്നീ രണ്ടു ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതുക.

Question 3.
(A) ആസ്വാദനക്കുറിപ്പ്
താമരപ്പൂക്കളും ഞാനുമൊന്നിച്ചാണ്
താമസിക്കുന്നത് നാട്ടിൽ
കന്നി നിലാവുമിളം വെയിലും വന്നു
ചന്ദനം ചാർത്തുന്ന നാട്ടിൽ
ഒന്നിച്ചു ഞങ്ങളുറങ്ങുന്നു – മുറക്കത്തി
ലൊന്നേ മനസ്സിന്നു മോഹം
ഒന്നിച്ചുണരുമുണർന്നെഴുന്നേല
മ്പോളൊന്നേ മിഴികളിൽ ദാഹം
(വയലാർ രാമവർമ്മ)
Answer:
പ്രകൃതി സൗന്ദര്യത്തെ എത്ര മനോഹരമായാണ് കവി വർണ്ണിച്ചിരിക്കുന്നത്. പ്രകൃതിയോട് ചേർന്നു ജീവി ക്കുന്ന മനുഷ്യരുടെ ജീവിതം കവിതയിൽ അവതരിപ്പിക്കുന്നു.

ഞാൻ ജീവിക്കുന്ന നാട്ടിൽ താമരപ്പൂക്കളും കന്നി നിലാവും ഇളംവെയിലും ചേർന്ന് മനോഹരമായ കാഴ്ച ഒരുക്കുന്നു എന്ന് കവി പറയുന്നു. ഞങ്ങൾ ഇവിടെ ഒന്നിച്ച് ഉറങ്ങുകയും ഉണരുകയും ചെയ്യുന്നു. ഉറങ്ങു മ്പോൾ പോലും മനസ്സിൽ ഒരേ ഒരു ആഗ്രഹമേയുള്ളൂ. ഈ പ്രകൃതി ഭംഗിയെ എന്നും കാണുവാൻ കഴി യണം. കണ്ണുകൾക്ക് എന്നും ദാഹമാണ്. എന്തിനെന്നോ. ഈ മനോഹരമായ കാഴ്ചകളെ എന്നും കണ്ടു കൊണ്ടിരിക്കുവാൻ മനുഷ്യരും പ്രകൃതിയും വേറിട്ടു നിൽക്കുകയല്ല, മറിച്ച് ഒരുമിച്ച് ഇഴുകിച്ചേർന്ന് ജീവി ക്കുകയാണ്. നമ്മൾ മനുഷ്യർ കാണാനാഗ്രഹിക്കുന്ന കാഴ്ചകളെ പ്രകൃതി അതിമനോഹരമായി എന്നും ഒരുക്കിവയ്ക്കുന്നു.

അല്ലെങ്കിൽ

(B) വർണന
അമ്പലഗോപുര നടയിലൊരാന
കൊമ്പനെ ഞാൻ കണ്ട
മുമ്പുമുതൽക്കേ ആനയിലിത്തിരി
കമ്പമെനിയ്ക്കുണ്ട
മുമ്പിൽത്തുമ്പു തുളഞ്ഞു വളഞ്ഞൊരു
തുമ്പിക്കരമുണ്ടേ
കണ്ടമരത്തിൻ ചില്ലകൾ ചീന്താൻ
വേണ്ട കരുത്തുണ്ടേ
കവി അമ്പലനടയിൽ കണ്ട കൊമ്പനാനയെയാണ് കവിതയിൽ വർണ്ണിക്കുന്നത്. നിങ്ങൾ കണ്ടിട്ടുള്ള ആനയെ വർണ്ണിക്കുക.
Answer:
ആന വളരെ വലിയ ജീവിയാണ്. വലിയ കാലുകൾ, കൊമ്പുകൾ, ചെവികൾ, നീണ്ട തുമ്പിക്കൈ എന്നി ങ്ങനെ ആനയെക്കാണാൻ വളരെ ഭംഗിയാണ്. ആനയ്ക്ക് വലുപ്പമുണ്ടെങ്കിലും വേഗത്തിലോടാൻ സാധി ക്കും. ഞാൻ കണ്ട ആന അമ്പലത്തിൽ ഉത്സവത്തിനായി ഒരുങ്ങി നിൽക്കുകയായിരുന്നു. നെറ്റിപ്പട്ടം കെട്ടി, വലിയ മാല അണിഞ്ഞ്, കാലിൽ ചങ്ങലപ്പൂട്ടോടെ നിന്ന് തലയും ചെവിയുമിളക്കി തുമ്പിക്കൈയിൽ പന യോല എടുത്ത് കുടഞ്ഞ് തിന്നുകൊണ്ടിരിക്കുന്ന ആനയെയാണ് ഞാൻ കണ്ടത്.

ചുവടെ തന്നിരിക്കുന്ന 4A, 4B എന്നീ ചോദ്യങ്ങൾക്ക് ഏതെങ്കിലും ഒന്നിനു മാത്രം ഉത്തരം എഴുതുക.

Question 4.
(A) തിരുനെല്ലൂർ കരുണാകരന്റെ മഴ ചാറുമ്പോൾ എന്ന കവിത മഴ അനുഭവങ്ങളോടൊപ്പം നഷ്ടപ്പെട്ടു പോകുന്ന കൃഷിയുടേയും കൂട്ടായ്മയുടേയും ചിന്തകൾ വിവരിക്കുന്നു. നഷ്ടപ്പെട്ടു പോകുന്ന കൃഷിയെക്കുറിച്ച് നിങ്ങളുടെ ചിന്തകൾ എന്തെല്ലാമാണ്? കൃഷിയെ കുറിച്ച് എന്തെങ്കിലും ഓർമ്മകൾ നിങ്ങൾക്കുണ്ടോ? നിങ്ങളുടെ കൃഷി അനുഭവം കുറിപ്പായി എഴുതുക.
Answer:
എന്റെ കൃഷി അനുഭവം
കേരളം സുന്ദരമായ ഭൂപ്രകൃതികൊണ്ടും വ്യത്യസ്തമായ കൃഷി രീതികൾ കൊണ്ടും സമ്പന്നമാണ്. എന്നാൽ കാലഘട്ടത്തിനനുസരിച്ച് പ്രകൃതിയിലും കൃഷിയോടുമുള്ള സമീപനത്തിലും മാറ്റങ്ങൾ സംഭവിച്ചിട്ടുണ്ട്. വേഗതയേറിയ ഈ കാലഘട്ടത്തിൽ സ്വന്തമായി കൃഷി ചെയ്യേണ്ടതിന്റെ ആവശ്യകത നിരാകരിക്കപ്പെടു ന്നു. അതുകൊണ്ട് തന്നെ പ്രകൃതി ദുരന്തങ്ങളും ആരോഗ്യപ്രശ്നങ്ങളും ഏറി വരികയാണ്. ഈ സാഹച ര്യത്തിലാണ് കൃഷിയുടെ പ്രാധാന്യത്തെ മനസ്സിലാക്കേണ്ടത്. സ്വന്തം വീട്ടാവശ്യത്തിനുള്ള പച്ചക്കറികൾ വീടുകളിൽ തന്നെ കൃഷി ചെയ്തെടുക്കുവാനും പ്രകൃതിക്ക് അനുയോജ്യമായ രീതിയിലുള്ള ജൈവ കൃഷിയെ പ്രോത്സാഹിപ്പിക്കുകയും വേണം.

പുതുതലമുറ മാറ്റങ്ങളെ അംഗീകരിക്കുകയും കൃഷിയെ പ്രോത്സാഹിപ്പിക്കുകയും ചെയ്യുന്നു. വിദ്യാലയ ങ്ങളിൽ കൃഷി കൂട്ടായ്മയും അതിനോടൊപ്പം ചേർന്ന് ജൈവകൃഷി രീതികളെ അവലംബമാക്കി കര നെൽകൃഷി, പച്ചക്കറി കൃഷി എന്നിവ നടത്തുന്നുണ്ട്. സ്വയം കൃഷി ചെയ്തു ഉണ്ടാക്കിയ പച്ചക്കറികൾ കാണുന്നതും അവ പാകം ചെയ്യുന്നതുമെല്ലാം ഏറെ സന്തോഷം നൽകുന്നു.

അല്ലെങ്കിൽ

(B) ഓണം പിറന്നാലും ഉണ്ണിപിറന്നാലും
കോരനു കഞ്ഞി കുമ്പിളിൽ തന്നെ
ഓണവുമായി ബന്ധപ്പെട്ട ചൊല്ലാണിത്. ഈ ചൊല്ലിന്റെ ആശയം വിശകലനം ചെയ്ത് കുറിപ്പ് എഴുതുക.
Answer:
സമൃദ്ധിയുടെ ഉത്സവമാണ് ഓണം. ഓണവുമായി ബന്ധപ്പെട്ട നിരവധി ചൊല്ലുകൾ നമുക്കുണ്ട്. അതിൽ ഏറ്റവും ശ്രദ്ധേയമായ ഒന്നാണ് ഓണം പിറന്നാലും ഉണ്ണി പിറന്നാലും കോരന് കുമ്പിളിൽ തന്നെ കഞ്ഞി എന്ന ചൊല്ല്. ഒരിക്കലും തീരാത്ത ദാരിദ്ര്യത്തിന്റെ വേദനാജനകമായ അവസ്ഥയെ ഈ ചൊല്ല് അടയാള പ്പെടുത്തുന്നു. ഓണം ഏറ്റവും സമൃദ്ധമായി ആഘോഷിക്കുന്ന ഉത്സവമാണ്. സദ്യയും പുതുവസ്ത്രങ്ങളും സമ്പന്നമായ ചുറ്റുപാടുമാണ് ഓണത്തെ വരവേൽക്കുന്നത്. എന്നാൽ ഒരു നേരത്തെ ആഹാരത്തിന് പോലും വകയില്ലാതെ ഒട്ടിയ വയറുമായി കഴിയുന്നവർ കൂടി ഈ ഓണനാളുകളെ തള്ളി നീക്കുന്നുണ്ട്. അവരുടെ യാതനാജനകമായ ജീവിതത്തെയും ഒരിക്കലും അവസാനിക്കാത്ത ദാരിദ്ര്യത്തെയുമാണ് ഈ ശൈലി അർത്ഥമാക്കുന്നത്.

Question 5.
ലഘു ഉപന്യാസം
മാതൃഭാഷാ ദിനത്തോടനുബന്ധിച്ചു നടത്തുന്ന ആഘോഷപരിപാടിയിൽ മാതൃഭാഷയും വ്യക്തിവികാസവും എന്ന വിഷയത്തിൽ ഉപന്യാസം തയ്യാറാക്കുക.
Answer:
മാതൃഭാഷയുടെ ശക്തി
മാതൃഭാഷ നമ്മുടെ സംസ്കാരവും പാരമ്പര്യവുമാണ്. ഒരു വ്യക്തി ആദ്യമായി ആശയവിനിമയം നട ത്താൻ പഠിക്കുന്ന ഭാഷയെ മാതൃഭാഷയെന്നു പറയുന്നു. വ്യക്തിയുടെ മാനസികവും സാമൂഹികവും വൈകാരികവുമായ വികാസത്തിന് മാതൃഭാഷ വലിയ പങ്ക് വഹിക്കുന്നു. വ്യക്തിയുടെ സ്വത്വം രൂപീകരി ക്കുന്നതിലും മാതൃഭാഷയുടെ പങ്ക് വലുതാണ്. അതിനാലാണ് കവികൾ മാതൃഭാഷയുടെ പ്രാധാന്യത്തെ മുൻനിർത്തി കവിതകൾ രചിച്ചിട്ടുള്ളത്.
“മറ്റുള്ള ഭാഷകൾ കേവലം ധാത്രിമാർ
മർത്ത്യനു പെറ്റമ്മ തൻ ഭാഷതാൻ.”
എന്ന് വള്ളത്തോൾ രചിച്ചിരിക്കുന്നു. ഈ വരിയിൽ മാതൃഭാഷയെ പെറ്റമ്മയായി പറയുന്നതിൽ നിന്ന് മന സ്സിലാക്കാം മാതൃഭാഷയ്ക്ക് നമ്മളിലുള്ള സ്ഥാനം.
വ്യക്തിരൂപീകരണത്തിനും വികസനത്തിനും മാതൃഭാഷ അനിവാര്യമാണ്. വൈജ്ഞാനിക വികാസത്തിനും സാമൂഹികബന്ധങ്ങൾ ശക്തിപ്പെടുത്തുന്നതിലും മാതൃഭാഷ ആവശ്യമാണ്. മാതൃഭാഷയുടെ മാധുര്യം ആവോളം ആസ്വദിക്കുന്നതിനുള്ള ഭാഗ്യം എല്ലാവർക്കും ഉണ്ടാകട്ടെ. അന്യഭാഷകൾ അഭ്യസിക്കുന്നതി നോടൊപ്പം മാതൃഭാഷയുടെ മൂല്യം മനസ്സിലാക്കാനും അതിന്റെ മാധുര്യം നുണയാനും എല്ലാവർക്കും കഴിയട്ടെ.

Question 6.
കടങ്കഥ വ്യാഖ്യാനം
കാള കിടക്കും കയറോടും
ഈ കടങ്കഥയുടെ ഉത്തരം മത്തൻ വള്ളി എന്നാണ്. എന്തുകൊണ്ടാകാം ഈ കടങ്കഥയ്ക്ക് ഇങ്ങനെ ഉത്ത രമുണ്ടായത്. വ്യാഖ്യാനിച്ചെഴുതുക.
Answer:
മത്തൻ ചെടിയുടെ വളർച്ചയുടെ പ്രത്യേകതയാണ് ഇവിടെ സൂചിപ്പിക്കുന്നത്. ഒരു വള്ളിച്ചെടിയാണ് മത്തൻ. അതിന്റെ ഫലത്തിന് ഉരുണ്ട രൂപമാണ്. താരതമ്യേന വലുപ്പവും കൂടുതലാണ്. മത്തൻ ഉണ്ടാകുമ്പോൾ അത് പാകമാകുന്നതുവരെ ഒരു സ്ഥലത്തുതന്നെ നിലനിൽക്കുകയും വലുതാകുകയും ചെയ്യുന്നു. മത്തൻ വള്ളികൾ മണ്ണിൽ പടർന്നു മുന്നോട്ട് പോകുന്നു. ഈ കടങ്കഥയിൽ മത്തനെ കാളയോടും മത്തൻ വള്ളിയെ കയറിനോടും സാദൃശ്യപ്പെടുന്നു.

During exam preparation, Class 5 Malayalam Kerala Padavali Question Paper Set 4 guide students properly.

Class 5 Malayalam Kerala Padavali Model Question Paper Set 4

സമയം : 2 മണിക്കൂർ 15 മിനിറ്റ്

നിർദേശങ്ങൾ

• മൂല്യനിർണ്ണയ പ്രവർത്തനങ്ങൾ ആരംഭിക്കുന്നതിനു മുമ്പ് പതിനഞ്ചു മിനിട്ട് സമാശ്വാസ സമയമാണ്. ഈ സമയം ചോദ്യങ്ങൾ നന്നായി വായിച്ചു മനസ്സിലാക്കണം.
• ആറു ചോദ്യങ്ങൾക്ക് ഉത്തരമെഴുതിയാൽ മതി. എല്ലാ ഉപചോദ്യങ്ങൾക്കും ഉത്തരം എഴുതണം.
• രണ്ടു പ്രവർത്തനങ്ങൾ വീതം നൽകിയിട്ടുള്ള ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതി യാൽ മതി.

Question 1.
വായിക്കാം എഴുതാം.
സമൃദ്ധമായ അനേകം നദികളും പുഴകളും ഇതര ജലാശയങ്ങളും ഉൾക്കൊള്ളുന്ന ഭൂപ്രകൃതിയാണ് കേര ളത്തിനുള്ളത്. 15 കിലോമീറ്ററിലധികം ദൈർഘ്യമുള്ള പുഴകളെയാണ് നദികളുടെ ഗണത്തിൽ കണക്കാക്കു ന്നത്. കേരളത്തിലെ ഏറ്റവും വലിയ നദി 244 കിലോമീറ്ററുള്ള പെരിയാറും 16 കിലോമീറ്ററുള്ള മഞ്ചേശ്വരം പുഴ ഏറ്റവും ചെറിയ നദിയുമാണ്. 44 നദികളിൽ 41 എണ്ണം പടിഞ്ഞാറോട്ടും 3 എണ്ണം കിഴക്കോട്ടും ഒഴു കുന്നവയാണ്.
(a) ഒന്ന്. കേരളത്തിൽ 41 നദികളാണുള്ളത്.
(b) രണ്ട്: കേരളത്തിൽ 3 നദികൾ മാത്രമേ കിഴക്കേട്ടൊഴുകുന്നുള്ളൂ.
ഈ പ്രസ്താവനകളിൽ ശരിയേത്?
A. ഒന്നാമത്തേതു മാത്രം ശരി.
B. രണ്ടാമത്തേതു മാത്രം ശരി
C. രണ്ടും തെറ്റ്
D. രണ്ടും ശരി
Answer:
B. രണ്ടാമത്തേതു മാത്രം ശരി

B. നദികളും അവയുടെ സവിശേഷതകളും നൽകിയിരിക്കുന്നു. ചേരുംപടി ചേർത്ത് എഴുതുക.

1. കിഴക്ക്	a. 244 km
2. പടിഞ്ഞാറ്	b. 16 km
3. പെരിയാർ	c. 41 km
4. മഞ്ചേശ്വരം	d. 3 km

Answer:
B. (1-d, 2-c, 3-a, 4-b)

C. (i) 15 കിലോമീറ്ററിലധികം ദൈർഘ്യമുള്ള പുഴകളെ നദികളായി കണക്കാക്കുന്നു.
(ii) നദികൾക്ക് 244 കിലോമീറ്റർ നീളം ഉണ്ടായിരിക്കണം.
A. ഒന്നാമത്തേത് തെറ്റ്
C. ഒന്നാമത്തേത് ശരി
B. രണ്ടാമത്തേത് ശരി
D. ഒന്നും രണ്ടും തെറ്റ്
Answer:
C. ഒന്നാമത്തേത് ശരി

D. ഗദ്യഭാഗത്തെ സൂചനപ്രകാരം കേരളത്തിൽ പടിഞ്ഞാറോട്ടൊഴുകുന്ന നദികളുടെ എണ്ണമെത്ര?
A. 244
B. 14
C. 44
D. 41
Answer:
D. 41

Question 2.
(a) സംഭാഷണം
എനിക്ക് ഈ പക്ഷിയെ ആശ്വസിപ്പിക്കാൻ കഴിഞ്ഞെങ്കിൽ എന്ന് ഡെയ്സിച്ചെടി ആഗ്രഹിക്കുന്നുണ്ട്. ആ ആഗ്രഹം സത്യമായെങ്കിൽ അവർ എന്തെല്ലാമാണ് സംസാരിക്കുക. ഡെയ്സിച്ചെടിയും വാനമ്പാ ടിയും തമ്മിലുള്ള സംഭാഷണം എഴുതുക.
Answer:
വാനമ്പാടി : ഡെയ്സി ചെടി നീയും എനിക്കൊപ്പം ഈ കൂട്ടിൽ അകപ്പെട്ടു പോയല്ലോ?
ഡെയ്സി ചെടി : സാരമില്ല കൂട്ടുകാരീ. നീ ഒറ്റയ്ക്കായില്ലല്ലോ.
വാനമ്പാടി : ശരിയാണ്. കൂട്ടിനുള്ളിലെ അസ്വാതന്ത്ര്യം എന്നെ വല്ലാതെ വേദനിപ്പിക്കുന്നുണ്ടാ യിരുന്നു. ഒന്നുയർന്നു പറക്കുവാൻ ഞാൻ വല്ലാതെ ആഗ്രഹിക്കുന്നുണ്ട്.
ഡെയ്സി ചെടി : ശരിയാണ്. ഈ കുട്ടികൾ നമ്മുടെ ജീവിതം നശിപ്പിക്കുകയാണ് ചെയ്തത്. അവ രുടെ സന്തോഷത്തിനു വേണ്ടി നമ്മുടെ ജീവിതത്തെ നശിപ്പിക്കുന്നു.
വാനമ്പാടി : എനിക്ക് വല്ലാതെ ദാഹിക്കുന്നു. ഇവിടെ ഒരു തുള്ളി വെള്ളമില്ല.
ഡെയ്സി ചെടി : എന്തു ക്രൂരതയാണവർ ചെയ്യുന്നത്. പുറത്തിറങ്ങാൻ കഴിഞ്ഞിരുന്നെങ്കിൽ ജീവൻ നിലനിർത്താമായിരുന്നു.

(b) വിലാപം എന്ന പദത്തിന് മറ്റൊരു പദം എന്ത്?
A. ദുഃഖം
B. കരച്ചിൽ
C. നിരാശ
D. വേദന
Answer:
B. കരച്ചിൽ

(c) ഒരു പുൽനാമ്പ് എനിക്കിപ്പോൾ വൻമരമാണ്. നിന്റെ ഓരോ ഇതളും എനിക്കൊരു പൂവാണ്. ആരാണ് ഇങ്ങനെ പറഞ്ഞത്?
A. കുട്ടികൾ
B. വാനമ്പാടി
C. ഡെയ്സിച്ചെടി
D. മൈന
Answer:
B. വാനമ്പാടി

(d) ഡെയ്സിച്ചെടി എന്ന കഥാഭാഗം നൽകുന്ന സന്ദേശം എന്ത്?
A. പ്രകൃതിയുടെ സൗന്ദര്യം സംരക്ഷിക്കുക.
B. പരസ്പര സ്നേഹത്തിന്റെ പ്രാധാന്യം
C. ഒരുമയുടെ പ്രാധാന്യം
D. പ്രകൃതി സംരക്ഷണത്തിന്റെ പ്രാധാന്യം
Answer:
B. പരസ്പര സ്നേഹത്തിന്റെ പ്രാധാന്യം

ചുവടെ തന്നിരിക്കുന്ന 3A, 3B എന്നീ രണ്ടു ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതുക.

Question 3.
(A) ഓർമ്മക്കുറിപ്പ്
നീർനാഗത്തെ പിടിച്ച ബഷീറിന്റെ അനുഭവം നിങ്ങൾ പഠിച്ചുവല്ലോ? ഇത്തരത്തിൽ നിങ്ങൾ ചെയ്ത ഏതെ ങ്കിലും ഒരു കുസൃതിയെ കുറിച്ച് ഓർമ്മക്കുറിപ്പ് തയ്യാറാക്കുക.
Answer:
ഒരു ദിവസം ഞാനെന്റെ വീട്ടുമുറ്റത്ത് നിൽക്കുകയായിരുന്നു. അപ്പോഴാണ് ഞാനാക്കാര്യം ശ്രദ്ധിച്ചത്. വീട്ടുമുറ്റത്തെ മാവിൻ ചില്ലയിൽ ഒരു കാക്കക്കൂട്. ഇടയ്ക്കിടയ്ക്ക് അമ്മ കാക്ക തീറ്റയുമായി വന്നു പോകു ന്നുണ്ട്. അതു കണ്ടപ്പോൾ അതിലൊരു കുഞ്ഞുണ്ടാകുമെന്നു ഞാൻ ഊഹിച്ചു. കുഞ്ഞിനെ കാണാൻ എനിക്ക് അതിയായ ആഗ്രഹം തോന്നി. പറ്റുമെങ്കിൽ കുറച്ച് ഭക്ഷണവും കൊടുക്കണം. അതിനു എന്താണ് വഴി ഞാൻ ആലോചിച്ചു. ഒരു ബുദ്ധി ഉദിച്ചു. ഒരു കോലുമായി വന്ന് ആ കാക്കക്കൂടിനെ ചെറുതാ യൊന്ന് ഉന്തി. എന്റെ ദൈവമേ! അതുമാത്രമേ എനിക്കോർമ്മയുള്ളൂ. ഒരു പ്രദേശത്തെ മുഴുവൻ കാക്ക കളും അവിടെ ഒറ്റ നിമിഷം കൊണ്ടെത്തി. എവിടെയൊക്കെയോ എനിക്ക് കൊത്തുകിട്ടി. ഞാൻ ജീവനും കൊണ്ട് വീട്ടിനകത്തേക്കോടി രക്ഷപ്പെട്ടു. അതിനുശേഷം കാക്കകളെ എനിക്ക് വലിയ ഭയമാണ്.

അല്ലെങ്കിൽ

(B) കഥാപാത്ര നിരൂപണം തയ്യാറാക്കുക.
നീർനാഗം എന്ന കഥയിലെ കുട്ടിയുടെ സ്വഭാവസവിശേഷതകൾ ചേർത്ത് ഒരു കഥാപാത്ര നിരൂപണം തയ്യാറാക്കുക.
Answer:
വൈക്കം മുഹമ്മദ് ബഷീറിന്റെ ബാല്യകാലമാണ് “നീർനാഗം’ എന്ന കഥയിലെ വിഷയം. ഏഴു വയസ്സുള്ള കുട്ടിയാണ് ഇതിലെ നായകൻ. നാട്ടിലെ പാമ്പു പിടുത്തക്കാരന്റെ പ്രവർത്തികൾ കണ്ട് കൗതുകം തോന്നിയ കുട്ടി പാമ്പു പിടിക്കാനായി കച്ചകെട്ടിയിറങ്ങുന്നു. വലിയൊരു പച്ച ഈർക്കിലിയെടുത്ത് കുടുക്കുണ്ടാക്കി കുളത്തിലെ നീർക്കോലിയെ അവൻ പിടിക്കുന്നു. അവനെ വഹിച്ചുകൊണ്ട് അടുത്തുള്ള വീടുകളിൽ കയ റിയിറങ്ങി. സമപ്രായക്കാരും അതിൽ കുറഞ്ഞവരുമായ ഒട്ടു വളരെ ശിഷ്യൻമാരേയും ശിഷ്യകളേയും സമ്പാദിച്ചു. ശേഷം വീട്ടിൽ കൊണ്ടുപോയി കെട്ടിത്തൂക്കി. ഇതുകണ്ട്. ബാപ്പ ദേഷ്യപ്പെടുകയും അടിക്കു കയും ചെയ്തു. മുതിർന്നവരെപ്പോലെ പ്രവർത്തികൾ ചെയ്ത് മറ്റുള്ളവരുടെ ശ്രദ്ധയാകർഷിക്കാൻ ശ്രമി ക്കുന്ന വ്യക്തിയാണ് കഥയിലെ കുട്ടി. അവൻ മുതിർന്നവർക്ക് കിട്ടുന്ന പരിഗണന തനിക്ക് കിട്ടണമെന്ന് ആഗ്രഹിക്കുന്നു.

ചുവടെ തന്നിരിക്കുന്ന 4A, 4B എന്നീ ചോദ്യങ്ങൾക്ക് ഏതെങ്കിലും ഒന്നിനു മാത്രം ഉത്തരം എഴുതുക.

Question 4.
(A) നിങ്ങൾ വായിച്ചിട്ടുള്ള പുസ്തകത്തെ പരിചയപ്പെടുത്തിക്കൊണ്ട് ഒരു കുറിപ്പ് തയ്യാറാക്കുക:-
(സൂചനകൾ: രചയിതാവിന്റെ പേര്, കൃതിയുടെ പേര്, ഏത് വിഭാഗത്തിൽ ഉൾപ്പെടുന്നതാണ് കൃതി, ഉള്ള ടക്കത്തിന്റെ ചുരുക്കം, നിങ്ങളെ ആകർഷിച്ച ഭാഗം എന്നിവയെല്ലാം ഉൾപ്പെടുത്തണം.)
Answer:
ഖബർ കെ.ആർ. മീര
കെ.ആർ. മീരയുടെ ഖബർ’ എന്ന നോവൽ വ്യക്തിബന്ധങ്ങളിലെ സങ്കീർണതകളെ അവതരിപ്പിക്കുന്നു. ഇതിലെ പ്രധാന കഥാപാത്രം അഡീഷണൽ ഡിസ്ട്രിക്ട് ജഡ്ജിയായ ഭാവനയാണ്. കൂടാതെ ഭാവനയുടെ മകൻ, അച്ഛൻ, അമ്മ, കേസിന്റെ ആവശ്യമുമായി കണ്ടുമുട്ടുന്ന ഖയാലുദ്ദീൻ തങ്ങളും ഇതിലെ മറ്റ് കഥാ പാത്രങ്ങളാണ്.

ഒരു ഖബർ പൊളിച്ചു മാറ്റുന്നതുമായി ബന്ധപ്പെട്ട് ഉയർന്നുവരുന്ന മതപരമായ ചർച്ചകളും, പുരുഷാധിപ ത്യം, മാമൂലുകൾ, സാമൂഹിക വ്യവസ്ഥിതിയിലുള്ള കെട്ടുകഥകൾ എന്നീ വിഷയങ്ങളെല്ലാം നോവൽ ചർച്ച ചെയ്യുന്നു. നിയമവും വിശ്വാസവും തമ്മിലുള്ള സംഘർഷവും സത്യവും മിഥ്യയും തമ്മിലുള്ള പോരാട്ടവും നോവലിൽ വിഷയമാകുന്നു.

നോവലിൽ കൺകെട്ടു വിദ്യയെക്കുറിച്ച് പറയുന്ന ഭാഗമാണ് എന്നെ ഏറെ ആകർഷിച്ചത്. കെ.ആർ.മീര യുടെ എഴുത്തിലെ പതിവു വിഷയങ്ങളെ നോവൽ തിരുത്തുന്നില്ല. എങ്കിലും വളരെ ചെറിയ താളുകളി ലായി ഒരു കാവ്യം പോലെ ഖബറിനെ എഴുത്തുകാരി സ്പഷ്ടമായി അവതരിപ്പിച്ചിരിക്കുന്നു.

അല്ലെങ്കിൽ

(B) പള്ളിപ്പുറം ഗവ. യു.പി. സ്കൂളിലെ വായനശാലാ ഉദ്ഘാടനമാണ് നവംബർ 14-ന്. ഇതിലേക്ക് നാട്ടുകാ രേയും ജനസേവകരേയും ക്ഷണിക്കുന്നതിനായി നോട്ടീസ് തയ്യാറാക്കുക.
Answer:
നോട്ടീസ്

Question 5.

• ഭീഷണി
• അശ്രദ്ധ
• കീഴടങ്ങുക

മുകളിൽ നൽകിയിരിക്കുന്ന വാക്കുകൾ ഉപയോഗിച്ച് അർത്ഥവത്തായ വാക്യങ്ങൾ രചിക്കുക.
Answer:
(a) പ്ലാസ്റ്റിക് മാലിന്യങ്ങൾ പ്രകൃതിക്ക് ‘ഭീഷണി’ യാണ്.
(b) അശ്രദ്ധ അപകടം വിളിച്ചു വരുത്തും.
(c) ശത്രുക്കൾ രാജാവിനു മുന്നിൽ കീഴടങ്ങി.

Question 6.
ജലമലിനീകരണത്തിനെതിരെ പ്രചാരണം നടത്താൻ ഉചിതമായ പരസ്യ വാക്യങ്ങൾ എഴുതുക.
Answer:

During exam preparation, Class 5 Malayalam Kerala Padavali Question Paper Set 3 guide students properly.

Class 5 Malayalam Kerala Padavali Model Question Paper Set 3

സമയം : 2 മണിക്കൂർ 15 മിനിറ്റ്

നിർദേശങ്ങൾ

• മൂല്യനിർണ്ണയ പ്രവർത്തനങ്ങൾ ആരംഭിക്കുന്നതിനു മുമ്പ് പതിനഞ്ചു മിനിട്ട് സമാശ്വാസ സമയമാണ്. ഈ സമയം ചോദ്യങ്ങൾ നന്നായി വായിച്ചു മനസ്സിലാക്കണം.
• ആറു ചോദ്യങ്ങൾക്ക് ഉത്തരമെഴുതിയാൽ മതി. എല്ലാ ഉപചോദ്യങ്ങൾക്കും ഉത്തരം എഴുതണം.
• രണ്ടു പ്രവർത്തനങ്ങൾ വീതം നൽകിയിട്ടുള്ള ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതി യാൽ മതി.

Question 1.
വായിക്കാം എഴുതാം.
സംഘകാലഘട്ടത്തിൽ പ്രദേശങ്ങളെ ഭൂമിശാസ്ത്രപരമായ വിവിധ മേഖലകളായി തരംതിരിച്ചിരിക്കുന്നു. ഈ മേഖലകളാണ് പൊതുവായി തിണ എന്നറിയപ്പെടുന്നത്. കുറിഞ്ചിത്തിണ, പാലതിണ, മരുതം തിണ നെയ്തൽ തിണ, മുല്ലൈത്തിണ എന്നിങ്ങനെ തിണകൾ 5 വിധമാണുള്ളത്.

തിന്ന് 5 വിധമാണുള്ളത്. തിണ എന്നാൽ ധാന്യം എന്നും അർത്ഥമാക്കുന്നുണ്ട്. വനമേഖലയ്ക്ക് അടു ത്തുള്ള മലകളും കാടുകളും ഉൾപ്പെട്ടിരിക്കുന്ന സ്ഥലം കുറിഞ്ചിതി. കുറിഞ്ചിയെന്നാൽ തമിഴിൽ മല എന്നാണർത്ഥം. മലകളിൽ തന്നെ ജലദൗർലഭ്യമുള്ള പ്രദേശം പാലത്തിന്, ചെറിയ കുന്നുകളും കുറ്റി ക്കാടുകളും നിറഞ്ഞ മലയോരങ്ങൽ മുത്തിന്, ഏറ്റവും വളക്കൂറുള്ള പ്രദേശങ്ങൾ മരുതം തിണ തീരപ്രദേശം നെയ്തൽ തിണ്. ഇവ കൂടാതെ കൈക്കിളൈ, പെരുന്തിണൈ എന്നീ രണ്ടു തിണകളെക്കു റിച്ചു കൂടി ചില കൃതികളിൽ വിവരിക്കുന്നുണ്ടെങ്കിലും ഇവയ്ക്ക് ഭൂമിശാസ്ത്ര വിഭജനവുമായി ബന്ധമില്ല.

A. (a) ഒന്ന് തിണ എന്നാൽ ഭൂമിശാസ്ത്രപരമായ വിവിധ മേഖലകളുടെ തരംതിരിവുകളാണ്.
(b) രണ്ട്: ധാന്യം എന്ന് തിണയ്ക്ക് മറ്റൊരു അർത്ഥമുണ്ട്.
ഈ പ്രസ്താവനകളിൽ ശരിയേത്?
a. ആദ്യത്തേത് ശരി
b. രണ്ടാമത്തേത് മാത്രം ശരി
c. രണ്ടും ശരി
d. രണ്ടും തെറ്റ്
Answer:
c. രണ്ടും ശരി

B. ചുവടെ തന്നിരിക്കുന്നവ ചേരുംപടി ചേർത്ത് എഴുതുക.

A	B
1. പാലൈ	a. വനമേഖലയ്ക്ക് അടുത്തത്
2. മുല്ലൈ	b. തീരപ്രദേശം
3. നെയ്തൽ	c. ജലദൗർലഭ്യം ഉള്ളത്
4. മരുതം	d. കുറ്റിക്കാടുകൾ
5. കുറിഞ്ചി	e. വളക്കൂറ്

a. 1 – c, 2 – d, 3 – c, 4 – d, 5 – c
b. 1 – c, 2 – d, 3 – c, 4 – b, 5 – a
c. 1 – c, 2 – d, 3 – b, 4 – e, 5 – a
d. 1 – d, 2 – b, 3 – c, 4 – a, 5 – e
Answer:
c. 1 – c, 2 – d, 3 – b, 4 – e, 5 – a

C. (i) കക്കി ഒരു തിണയല്ല. എന്നാൽ പെരുന്തിണ തിണയാണ്.
(ii) കുറിഞ്ചി, മരുതം, പാല, മുല്ല, നെയ്തൽ എന്നിവയാണ് തിണകൾ.
A. ഒന്ന് മാത്രം ശരി
B. രണ്ട് മാത്രം ശരി
C. ഒന്ന് ഭാഗമായി ശരി
D. രണ്ടും തെറ്റ്
Answer:
B. രണ്ട് മാത്രം ശരി

D. തിണ സങ്കല്പം നിലനിന്നിരുന്ന കാലഘട്ടം ഏത്?
A. വേദകാലം
B. സംഘകാലം
C. ശിലാകാലം
D. പേർമിയൻ കാലം
Answer:
B. സംഘകാലം

Question 2.
നീലാകാശത്തിനു താഴെ അണക്കെട്ട് ഒരു സർപ്പശിരസ്സുപോലെ അവർ നാൽവരുടേയും തലയ്ക്കു മീതെ മറപിടിച്ചിരിക്കുകയായിരുന്നു. ഇരുവശത്തേക്കും താഴെനിന്നു മുകളിലേയ്ക്കും വളവുള്ള രീതിയിലാണ ല്ലോ അണക്കെട്ട് പണിതുയർത്തിയിരിക്കുന്നത്. അത് ശരിക്കും കാണാൻ ഏറ്റവും ചുവട്ടിൽ പോയി നിൽക്കുക തന്നെ വേണം. അഖിലും അമ്മുവും കണ്ണുകൾ അടച്ചു.
(a) ഇടുക്കിയുടെ താജ്മഹൽ എന്ന കഥയിൽ അമ്മുവിനും അഖിലിനും താജ്മഹൽ കാണാൻ കഴിഞ്ഞില്ല. എന്നാൽ സ്വന്തം നാട്ടിലെ ഹൃദ്യമായ അനുഭവമാണ് അവർക്ക് ലഭിച്ചത്. അമ്മുവിനും അഖിലിനും സ്വന്തം നാട്ടിൽ നിന്നും ലഭിച്ച ഹൃദ്യമായ അനുഭവം വിവരിച്ച് എഴുതുക.
Answer:
സുസ്മേഷ് ചന്ദ്രോത്ത് എഴുതിയ ഇടുക്കിയുടെ താജ്മഹൽ എന്ന കഥ വളരെ ഹൃദ്യമായ അനുഭവ ‘മാണ് നൽകുന്നത്. അമ്മുവിനും അഖിലിനും ആഗ്രയിലെ താജ്മഹൽ കാണുക എന്നത് വളരെ വല്യ ആഗ്രഹമായിരുന്നു. ഈ ആഗ്രഹം അവർ അവരുടെ അച്ഛനുമായി പങ്ക് വച്ചു. എന്നാൽ ഏറെ ദൂരം യാത്ര ചെയ്യാനുളള പണം അവരുടെ കൈവശം ഇല്ലായിരുന്നു. അതിനാൽ അച്ഛന് അവരുടെ ആഗ്രഹം സാധിച്ചു കൊടുക്കാൻ കഴിഞ്ഞില്ല. എന്നാൽ ഹൃദ്യമായ മറ്റൊരു കാഴ്ച കാണിക്കുവാൻ അച്ഛനവരെ കൂട്ടിക്കൊണ്ടു പോയി. ഇടുക്കി അണക്കെട്ട് കാണിക്കുവാനാണ് അച്ഛനവരെ കൊണ്ടുപോയത്. ഇടുക്കി അണക്കെട്ട് തലയുയർത്തി നിൽക്കുന്ന കാഴ്ചയാണ് കുട്ടികൾ കണ്ടത്. വിസ്മയിപ്പിക്കുന്ന കാഴ്ചയാ യിരുന്നു അത്. രണ്ട് കരിമ്പാറകൾക്കിടയിൽ നദിയെ തടഞ്ഞു നിർത്തുന്ന ഭിത്തിയായി അണക്കെട്ട് നിലകൊള്ളുന്നു.

(b) ‘സർപ്പശിരസ്സ്’ എന്ന പദത്തിന്റെ അർത്ഥം എന്ത്?
A. പാമ്പിന്റെ തല
B. തലവേദന
C. പാമ്പ്
D. തല
Answer:
A. പാമ്പിന്റെ തല

(c) അണക്കെട്ട് ഒരു സർപ്പശിരസ്സുപോലെ നിൽക്കുന്നു.’ ഈ പ്രയോഗത്തിനു സമാനമായി അണക്കെ ട്ടിനെ വിശേഷിപ്പിച്ചു കൊണ്ട് മറ്റൊരു പ്രയോഗം എഴുതുക.
Answer:
കൊമ്പനാനകളെ പോലെ നിലകൊള്ളുന്ന പാറകൾ

(d) ഇടുക്കിയുടെ താജ്മഹൽ എന്ന കഥ എഴുതിയത് ആര്?
Answer:
സുസ്മേഷ് ചന്ദ്രോത്ത്

ചുവടെ തന്നിരിക്കുന്ന 3A, 3B എന്നീ രണ്ടു ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതുക.

Question 3.
(A) നിങ്ങൾക്ക് യാത്ര ചെയ്യുന്നത് ഇഷ്ടമല്ലേ. പുതിയ സ്ഥലങ്ങളിലേക്കുള്ള യാത്രകൾ നമുക്ക് എന്തെല്ലാം അനുഭവങ്ങളാണ് നൽകുന്നത്. നിങ്ങളുടെ പ്രിയപ്പെട്ട ഒരു യാത്രാനുഭവം എഴുതുക.
Answer:
എന്റെ കോയമ്പത്തൂർ യാത്ര
കഴിഞ്ഞ വേനലവധിക്ക് അച്ഛനും അമ്മയ്ക്കും അനുജത്തിയ്ക്കുമൊപ്പം ഞാനൊരു കോയമ്പത്തൂർ യാത്ര നടത്തി. എന്റെ ജീവിതത്തിലെ ഏറ്റവും മനോഹരമായ യാത്രയായിരുന്നു അത്. കാറിലാണ് ഞങ്ങൾ യാത്ര ചെയ്തത്. രാവിലെ വളരെ നേരത്തെ ഉണർന്നു. യാത്ര പോകുന്ന ഉത്സാഹത്തിലായിരുന്നു ഞങ്ങ ളെല്ലാവരും. പുലർച്ചെ യാത്രയാരംഭിച്ചതിനാൽ റോഡിൽ സാധാരണപോലെ തിരക്കനുഭവപ്പെട്ടില്ല. തൃശ്ശൂർ പാലക്കാട് ജില്ലകൾ കടന്നാണ് ഞങ്ങൾ കോയമ്പത്തൂരിലെത്തിയത്. തൃശ്ശൂർ ജില്ലയിൽ കുതിരാനെന്ന തുരംഗപാതയിലൂടെ കടന്നുപോയി. വ്യത്യസ്തമായ അനുഭവമായിരുന്നു അത്. വലിയൊരു പാറയെ തുളച്ച് യാത്ര സമയം ലാഭിച്ച മനുഷ്യ തലച്ചോറിനെ നന്ദിപൂർവ്വം ഞാൻ സ്മരിച്ചു. തുരങ്കം കടന്ന് ചെന്നത് ഇരു വശവും മരങ്ങളാലും മലകളാലും നിറഞ്ഞു നിൽക്കുന്ന പാലക്കാടൻ പാതയിലേക്കാണ്. കേരളത്തിന്റെ ഭൂപ്രകൃതിയേയും പശ്ചിമഘട്ടത്തെക്കുറിച്ചും ചിന്തിച്ചു കൊണ്ടായിരുന്നു പിന്നീടുള്ള യാത്ര. പാലക്കാടൻ യാത്രയിൽ എന്നെ ആകർഷിച്ച മറ്റൊരു കാഴ്ച പനന്തോട്ടങ്ങളാണ്. റോഡിനിരുവശവും കാറ്റിലാടിയു ലഞ്ഞു നിൽക്കുന്ന കരിമ്പനകൾ.

നാലുമണിക്കൂർ യാത്ര ചെയ്താണ് കോയമ്പത്തൂർ എത്തിയത്. കോയമ്പത്തൂരിൽ എന്നെ ആകർഷിച്ചത് തമിഴ് അക്ഷരങ്ങളിൽ എഴുതിയിരിക്കുന്ന ബോർഡുകളാണ്. ഇംഗ്ലീഷ് അക്ഷരങ്ങളിൽ എഴുതിയിരിക്കുന്ന ബോർഡുകൾ നന്നേ കുറവാണ്. തമിഴർക്ക് മാതൃഭാഷയോടുള്ള സ്നേഹം അറിയാവുന്നതുകൊണ്ടു തന്നെ അത്ഭുതം ഒന്നും തോന്നിയില്ല. എന്നാൽ തമിഴരെ ഓർത്ത്, ഭാഷയോട് അവർക്കുള്ള സ്നേഹത്തെയോർത്ത് അഭിമാനം തോന്നി. കുറച്ച് സ്ഥലങ്ങൾ എല്ലാം കണ്ട് രണ്ടു ദിവസത്തിനു ശേഷം ഞങ്ങൾ നാട്ടിലേക്ക് മട ങ്ങി. കോയമ്പത്തൂരിനേക്കാൾ അവിടേക്കും തിരിച്ചുമുള്ള യാത്രയാണെന്നെ ആകർഷിച്ചത്.

അല്ലെങ്കിൽ

(B) വേനലവധിക്ക് നടത്തിയ യാത്രയെക്കുറിച്ച് സുഹൃത്തിന് ഒരു കത്ത് എഴുതുക.
Answer:
പ്രിയപ്പെട്ട അജു,
നിനക്കവിടെ സുഖമെന്നു കരുതുന്നു. എനിക്കിവിടെ സുഖം തന്നെ. വേനലവധിയ്ക്ക് തമിഴ്നാട്ടിൽ പോയി രുന്നു. കൊടൈക്കനാലിലേയ്ക്കാണ് പോയത്. കേരളം വിട്ട് തമിഴ്നാട്ടിൽ കയറിയപ്പോൾ വലിയ ചൂട് അനുഭവപ്പെട്ടു. അസഹനീയമായ ചൂടായിരുന്നു. എന്നാൽ കൊടൈക്കനാലിലെത്തിയതും തണുക്കാൻ തുടങ്ങി. മനോഹരമായ യാത്രയായിരുന്നു. പ്രകൃതി രമണീയമായ മലകൾ കൊണ്ട് അനുഗ്രഹീതമായ പ്രദേശം. കേരളത്തിലെ മൂന്നാർ പോലെ നീലക്കുറിഞ്ഞി പൂക്കുന്ന അപൂർവ്വം സ്ഥലങ്ങളിൽ ഒന്നാണിത്. നിനക്കറിയാമോ കൊടൈക്കനാൽ എന്ന പേര് എങ്ങനെ വന്നുയെന്ന്? എപ്പോഴും കോടമഞ്ഞിനാൽ ചുറ്റ പ്പെട്ടു കിടക്കുന്നതിനാലാണ് കൊടൈക്കനാൽ എന്ന പേരു വന്നത്. കൊടൈ കനാൽ എന്ന തമിഴ് വാക്കു കൾ ചേർന്നാണ് ഈ പേരുണ്ടായത്. അവിടെ നമ്മൾ സിനിമയിൽ കണ്ട ഗുണാകേവ് കാണാൻ പോയി ഭയം തോന്നി – അവിടുത്തെ പ്രകൃതിയും കാലാവസ്ഥയുമാണ് എന്നെയേറെ ആകർഷിച്ചത്. വേനലവ ധിയ്ക്ക് നീ എവിടെയെങ്കിലും പോയിരുന്നോ? അടുത്ത് അവധിയ്ക്ക് നമുക്ക് ഒരുമിച്ച് ഒരു യാത്ര പോയാലോ? മറുപടി എഴുതണോ?

സ്നേഹത്തോടെ,
ആമി

ചുവടെ തന്നിരിക്കുന്ന 4A, 4B എന്നീ ചോദ്യങ്ങൾക്ക് ഏതെങ്കിലും ഒന്നിനു മാത്രം ഉത്തരം എഴുതുക.

Question 4.
(A) ദൃക്സാക്ഷി വിവരണം
തൃശ്ശൂർ പൂരത്തിന് പൂരപ്പറമ്പിൽ നിന്ന് ഒരു വാർത്ത ചാനലിനായി ദൃക്സാക്ഷി വിവരണം (റിപ്പോർട്ടിംഗ്) നടത്തുക.
Answer:
അതിപ്രസിദ്ധമാണ് തൃശ്ശൂർ പൂരം. കൊച്ചി രാജാവായിരുന്ന ശക്തൻ തമ്പുരാൻ തുടക്കം കുറിച്ച് തൃശ്ശൂർ പൂരത്തിന് 200 വർഷത്തെ ചരിത്ര പാരമ്പര്യമുണ്ട്. പാറമേക്കാവ് തിരുവമ്പാടി വിഭാഗങ്ങൾ തമ്മിൽ മത്സ രങ്ങൾ നടക്കുന്നത് നമുക്കറിയാം. അത് ഏറ്റവും കൊടുമ്പിരി കൊള്ളുന്നത് കുടമാറ്റത്തിനാണ്. ഇത്തവണ വളരെ വ്യത്യസ്തമായ കുടകളാണ് നമുക്ക് കാണാൻ കഴിയുന്നത്. ദാ അങ്ങോട്ടു നോക്കൂ, വർണ്ണാഭമായ കൂടകൾ. ഓരോ കുട ഉയർത്തിയശേഷവും മൂന്നുപ്രാവശ്യം ആലവട്ടവും വെഞ്ചാമരവും ഉയർത്തിയ ശേഷമേ അടുത്ത കുടകൾ ഉയർത്തുന്നുള്ളൂ. 30 ആനകളുടേയും മസ്തകമലങ്കരിക്കുന്ന നെറ്റിപ്പട്ടങ്ങൾ പകലിന് സുവർണശോഭ സമ്മാനിക്കുന്നു. അങ്ങോട്ടുനോക്കൂ വർണ്ണങ്ങൾ മിന്നിമറയുന്നു. മാറിമറയുന്നു. എത്ര മനോഹരം – പൂത്തുലയുന്ന വെഞ്ചാമരങ്ങൾ, ആലവട്ടം, നിറങ്ങൾ മാറിമറിയുന്ന കുടകൾ നോക്കൂ കണ്ണിനെ മയക്കുന്ന മനോഹരമായ കാഴ്ച.

അല്ലെങ്കിൽ

(B) നിങ്ങൾ നേരിൽ കണ്ട പൂരനഗരിയേയും പൂരത്തേയും കുറിച്ച് അന്നേ ദിവസം എഴുതാൻ സാധ്യതയുള്ള ഡയറിക്കുറിപ്പ് എഴുതുക.
Answer:
തീയതി
ദിവസം
ഇന്ന് വളരെ സന്തോഷം നിറഞ്ഞ ദിവസമായിരുന്നു. തൃശ്ശൂർ പൂരം നേരിൽ കാണാൻ ആഗ്രഹിക്കാത്ത വർ ആരാണുള്ളത്. ജനത്തിരക്കാണെങ്കിലും ചെണ്ടകൊട്ടും, ഗജവീരൻമാരുടെ എഴുന്നെള്ളിപ്പുമെല്ലാം കണ്ടങ്ങനെ ലയിച്ചുനിന്നു. ഇത്തവണത്തെ കുടമാറ്റം വ്യത്യസ്തമായിരുന്നു. വലിയ മത്സരമായിരുന്നു നട ന്നത്. വ്യത്യസ്തത നിറഞ്ഞ പല വർണ്ണക്കുടകൾ.
നമ്മുടെ കേരളത്തിലല്ലാതെ വേറെയെവിടെയാണ് ഇങ്ങനെ വ്യത്യസ്തമായ ഉത്സവങ്ങളുള്ളത്. എന്താ യാലും ഈ വർഷത്തെ തൃശൂർ പൂരം ഒരിക്കലു മറക്കില്ല.

Question 5.

• സുഗതകുമാരി (1934 – ജനുവരി 22)
• അച്ഛൻ പ്രശസ്ത കവി ബോധേശ്വരൻ
• സംസ്ഥാന വനിതാ കമ്മീഷൻ ചെയർപേഴ്സൺ
• പാതിരാപ്പൂക്കൾ – കേരള സാഹിത്യ അക്കാദമി അവാർഡ്
• രാത്രിമഴ എന്ന കൃതിക്ക് കേന്ദ്രസാഹിത്യ അക്കാദമി അവാർഡ്
• അമ്പലമണി – വയലാർ അവാർഡ്

മുത്തുച്ചിപ്പി, ഇരുൾച്ചിറകുകൾ, സ്വപ്നഭൂമി, പാവം മാനവ ഹൃദയം, രാധയെവിടെ, അമ്പലമണി, കുറി ഞ്ഞിപ്പൂക്കൾ, തുലാവർഷപച്ച, ദേവദാസി പ്രധാന കൃതികൾ
തന്നിരിക്കുന്ന സൂചനകളുടെ അടിസ്ഥാനത്തിൽ ജീവചരിത്രക്കുറിപ്പ് തയ്യാറാക്കുക.

Answer:
സുഗതകുമാരി (1934 – 2020)
കാല്പനിക ഭാവഗീതങ്ങളിലൂടെ പ്രസിദ്ധി നേടിയ എഴുത്തുകാരി. 1934 ജനുവരി 22-ന് പ്രശസ്ത കവി ബോധേശ്വരന്റെ മകളായി തിരുവനന്തപുരത്തു ജനിച്ചു. സംസ്ഥാന വനിതാ കമ്മീഷൻ ചെയർപേഴ്സൺ പദവി വഹിച്ചിട്ടുണ്ട്. പാതിരാപ്പൂക്കൾ എന്ന കവിതാ സമാഹാരത്തിന് കേരള സാഹിത്യ അക്കാദമി അവാർഡും രാത്രിമഴയ്ക്ക് കേന്ദ്രസാഹിത്യ അക്കാദമി അവാർഡും ലഭിച്ചു. “അമ്പലമണി’ എന്ന കവിത വയലാർ അവാർഡു നേടി. പിൽക്കാല കവിതകളിൽ പരിസ്ഥിതി, സ്ത്രീ പ്രശ്നങ്ങളുമായി ബന്ധപ്പെട്ട സാമൂ ഹികബോധം വികസിച്ചു വരുന്നുണ്ട്. മുത്തുച്ചിപ്പി ഇരുൾച്ചിറകുകൾ, സ്വപ്നഭൂമി, രാത്രിമഴ, പാതിരാപ്പൂ ക്കൾ, പാവം മാനവ ഹൃദയം, അമ്പലമണി, കുറിഞ്ഞിപ്പൂക്കൾ, രാധയെവിടെ, തുലാവർഷപ്പച്ച, ദേവദാസി എന്നിവ കവിതാ സമാഹാരങ്ങൾ ആണ്. 2006-ൽ പത്മശ്രീ ലഭിച്ചു. 2020 ഡിസംബർ 23-ന് അന്തരിച്ചു.

Question 6.
സൂചനയുടെ സഹായത്തോടെ പദസൂര്യൻ പൂർത്തീകരിക്കുക.

Answer:

During exam preparation, Class 5 Malayalam Kerala Padavali Question Paper Set 2 guide students properly.

Class 5 Malayalam Kerala Padavali Model Question Paper Set 2

സമയം : 2 മണിക്കൂർ 15 മിനിറ്റ്

നിർദേശങ്ങൾ

• മൂല്യനിർണ്ണയ പ്രവർത്തനങ്ങൾ ആരംഭിക്കുന്നതിനു മുമ്പ് പതിനഞ്ചു മിനിട്ട് സമാശ്വാസ സമയമാണ്. ഈ സമയം ചോദ്യങ്ങൾ നന്നായി വായിച്ചു മനസ്സിലാക്കണം.
• ആറു ചോദ്യങ്ങൾക്ക് ഉത്തരമെഴുതിയാൽ മതി. എല്ലാ ഉപചോദ്യങ്ങൾക്കും ഉത്തരം എഴുതണം.
• രണ്ടു പ്രവർത്തനങ്ങൾ വീതം നൽകിയിട്ടുള്ള ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതി യാൽ മതി.

Question 1.
വായിക്കാം എഴുതാം.
തമിഴ്നാട്ടിലെ ഒരു പട്ടണത്തിൽ ഒരു സമ്പന്നകുടുംബത്തിൽ നിന്നുള്ള ഒരു മത്സ്യബന്ധന ബോട്ട് ഉടമ യുടെ മകനായി കലാം ജനിച്ചു. അഞ്ച് സഹോദരങ്ങളിൽ ഇളയവനായ കലാം, ദരിദ്ര സാഹചര്യങ്ങൾക്കി ടയിലും വിദ്യാഭ്യാസം തുടർന്നു. മദ്രാസ് ഇൻസ്റ്റിറ്റ്യൂട്ട് ഓഫ് ടെക്നോളജിയിൽ നിന്ന് എയറോനോട്ടിക്കൽ എഞ്ചിനീയറിംഗിൽ ബിരുദം നേടിയ അദ്ദേഹം 1958-ൽ ഡിഫൻസ് റിസർച്ച് ആൻഡ് ഡെവലപ്മെന്റ് ഓർഗ നൈസേഷനിലേക്ക് മാറി. ഇന്ത്യൻ ബഹിരാകാശ ഗവേഷണ സംഘടനയുടെ (ISRO) പ്രോജക്ട് ഡയറ ക്ടറായിരുന്നു. ആദ്യത്തെ ഉപഗ്രഹം, SLV – III ഇന്ത്യയിൽ രൂപകൽപ്പന ചെയ്ത് നിർമ്മിച്ചതാണ്. 1980-ൽ SLV – III രോഹിണി എന്ന ഉപഗ്രഹത്തെ ഭൂമിക്കു സമീപമുള്ള ഭ്രമണപഥത്തിലേക്ക് വിജയകരമായി വിക്ഷേ പിച്ചു. അദ്ദേഹത്തിന്റെ ശാസ്ത്രീയ നേട്ടങ്ങളും ജനപ്രീതിയും അദ്ദേഹത്തിന് മിസൈൽ മാൻ, ജനങ്ങളുടെ പ്രസിഡന്റ് എന്നീ വിശേഷണങ്ങൾ നേടിക്കൊടുത്തു.

A. (a) ഒന്ന്: എ.പി.ജെ. അബ്ദുൾ കലാം ഇന്ത്യൻ ബഹിരാകാശ ഗവേഷണ സംഘടനയുടെ (ISRO) പ്രോജക്ട് ഡയറക്ടറായിരുന്നു.
(b) രണ്ട്: കലാം മദ്രാസ് ഇൻസ്റ്റിറ്റ്യൂട്ട് ഓഫ് ടെക്നോളജിയിൽ അധ്യാപകനായിരുന്നു.
ഈ പ്രസ്താവനകളിൽ ശരിയേത്?
a. ഒന്നാമത്തേത് ശരി
b. രണ്ടാമത്തേത് ശരി
c. ഒന്നും രണ്ടും ശരി
d. ഒന്നും രണ്ടും തെറ്റ്
Answer:
a. ഒന്നാമത്തേത് ശരി

B. ഡോ. എ.പി.ജെ. അബ്ദുൾ കലാമിനു സവിശേഷമായി നൽകിയിരിക്കുന്ന മറ്റൊരു പേരെന്ത്?
a. ഉരുക്ക് മനുഷ്യൻ
b. ലോകമാന്യ തിലക്
c. മിസൈൽ മാൻ
d. ഇന്ത്യയുടെ വാനമ്പാടി
Answer:
c. മിസൈൽ മാൻ

C. രൂപകല്പന എന്ന വാക്കിന്റെ അർത്ഥം എന്ത്?
a. രൂപം കൊടുക്കുക
b. വെട്ടിയെടുക്കുക
c. വളർത്തുക
d. നശിപ്പിക്കുക
Answer:
a. രൂപം കൊടുക്കുക

D. റിസർച്ച്’ (Research) എന്നതിന്റെ മലയാള പദം.
a. അനുമതി
b. ഗവേഷണം
c. നിർമ്മാണം
d. ആനുകാലികം
Answer:
b. ഗവേഷണം

Question 2.
ഇലച്ചാർത്തുകൾ ഏറെനേരം പ്രതിരോധിച്ചു. പിന്നെ ആകാശവും ഇലകളും കാട്ടിലേക്ക് പെയ്തിറങ്ങി. ഇരുൾ വീണു തുടങ്ങിയ കാട്ടിൽ ഒളിയിടം കണ്ടെത്താൻ ഏറെ പണിപ്പെട്ടു. പുഴയോരത്തെ പാറക്കെട്ടു കൾക്കിടയിലുള്ള സാമാന്യം വലിയ ഗുഹ. അതിന്റെ സുരക്ഷിതത്വത്തിൽ ചുള്ളി വിറകുകൾ എരിഞ്ഞു തുടങ്ങിയപ്പോൾ പുറത്ത് കാറ്റിന് പേപിടിച്ചു തുടങ്ങിയിരുന്നു.
a. മഴ വന്നപ്പോൾ പ്രകൃതിയിൽ വന്ന മാറ്റങ്ങൾ വിവരിച്ചുകൊണ്ട് ഒരു കുറിപ്പ് തയ്യാറാക്കുക.
Answer:
കാട്ടിലെ മഴയെന്ന പാഠഭാഗത്തിൽ മഴയെക്കുറിച്ച് പറയുന്നു. മഴ പെയ്തപ്പോൾ പുതിയൊരു കാടിനു ജീവൻ നൽകി. മരങ്ങളിലും ഇലകളിലും മണ്ണിലും പുഴയിലും ജീവികളിലും മാറ്റം പ്രകടമായി. മഴയും കാറ്റും നിലാവും ചേർന്നുള്ള ദൃശ്യഭംഗിയിൽ കാട്ടിലെ സർവ്വചരാചരങ്ങളും അകമഴിഞ്ഞാനന്ദിച്ചു. ഇലച്ചാർത്തുകൾ ഏറെനേരം പ്രതിരോധിച്ചു. പുഴയ്ക്ക് ജീവൻ വച്ചു തുടങ്ങി. കുന്നിലും മേട്ടിലും നിന്നായി നീർച്ചാലുകൾ പുഴയിലേക്ക് അരിച്ചിറങ്ങി. കാട്ടിൽ കന്നി മഴ യൗവ്വനമാണ് കൊണ്ടുവന്നത്. പുഴ ഒറ്റരാത്രി കൊണ്ട് സുന്ദരിയായി, കരിഞ്ഞുണങ്ങിയിരുന്ന പുൽനാമ്പുകൾ കിളിർത്തു, വരൾച്ച വീണ്ടും പച്ചയായി. ഇതെല്ലാമാണ് മഴ വന്നപ്പോൾ പ്രകൃതിയിൽ വന്ന മാറ്റങ്ങൾ.

b. ഇലച്ചാർത്തുകൾ എന്ന പദത്തിന് പകരം മറ്റൊരു പദം എഴുതുക.
Answer:
ഇലകളുടെ കൂട്ടം

c. ആകാശവും ഇലകളും കാട്ടിലേക്ക് പെയ്തിറങ്ങി. ഈ വാക്യത്തിന്റെ ആശയം എന്താണ്?
A. ആകാശത്തുനിന്നും ഇലകൾ പൊഴിഞ്ഞു.
B. മഴത്തുള്ളികൾക്കൊപ്പം മരങ്ങളിലെ ഇലകളും പൊഴിഞ്ഞു.
C. കാട്ടിൽ ഇല മഴ പെയ്തു.
D. ഇവയെല്ലാം ശരി
Answer:
B. മഴത്തുള്ളികൾക്കൊപ്പം മരങ്ങളിലെ ഇലകളും പൊഴിഞ്ഞു.

ചുവടെ തന്നിരിക്കുന്ന 3A, 3B എന്നീ രണ്ടു ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതുക.

Question 3.
(A) മലരണിക്കാടുകൾ തിങ്ങിവിങ്ങി
മരതകക്കാന്തിയിൽ മുങ്ങിമുങ്ങി
കരളും മിഴിയും കവർന്നു മിന്നി
കറയറ്റൊരാലസൽ ഗ്രാമഭംഗി…
ചങ്ങമ്പുഴ-

ചങ്ങമ്പുഴ കൃഷ്ണപിള്ളയുടെ പ്രശസ്തമായ കവിത രമണനിലെ വരികളാണിവ. ഈ വരികൾക്ക് ആസ്വാ ദനം തയ്യാറാക്കുക.
Answer:
മലയാളത്തിലെ പ്രശസ്തനായ കവിയാണ് ചങ്ങമ്പുഴ കൃഷ്ണപിള്ള. കാല്പനിക കവിതകളാണ് അദ്ദേഹം രചിച്ചിരുന്നത്. അദ്ദേഹത്തിന്റെ വളരെ പ്രശസ്തമായ കവിതയായ രമണനിലെ വരികളാണ് ഇവിടെ നൽകി യിരിക്കുന്നത്. 1936-ൽ പ്രസിദ്ധീകരിച്ച ഈ കവിത മലയാളത്തിലെ ഭാവകാവ്യമാണ്. എല്ലാവരിലും ഒരേ പോലെ സ്വാധീനം ചെലുത്താൻ രമണൻ എന്ന കവിതയ്ക്കായി.

കവിതയുടെ ആരംഭത്തിൽ പ്രകൃതിയെ വർണ്ണിക്കുന്ന ഭാഗമാണ് ഇവിടെ തന്നിരിക്കുന്ന വരികൾ. പൂക്കൾ നിറഞ്ഞ് നിൽക്കുന്ന കാടുകൾ. അവ ഇടതൂർന്നു നിൽക്കുന്ന മരങ്ങളുടേയും ഇലകളുടേയും ഹരിതാഭയിൽ മരതകം പോലെ മിന്നി. മരതക ഭംഗിയിൽ മുങ്ങിനിൽക്കുന്ന ഈ കാഴ്ച ഏതോരാളുടേയും കരളും മിഴിയും കവരുന്നതാണ് ഒരു കുറവും പറയാനില്ലാത്ത ഈ പ്രകൃതിഭംഗി.

അല്ലെങ്കിൽ

(B) ചങ്ങമ്പുഴ കൃഷ്ണപിള്ളയുടെ പ്രശസ്തമായ വരികളാണ് മുകളിൽ നൽകിയിട്ടുള്ളത്. ഈ വരികളിൽ ഗ്രാമസൗന്ദര്യത്തെ വർണ്ണിക്കുന്നത് കാണാം. ഇതേപോലെ മനോഹരമാണോ നിങ്ങളുടെ ഗ്രാമവും. നിങ്ങളുടെ ഗ്രാമത്തെ നാടിനെ വർണിച്ച് ഒരു കവിത എഴുതുക.
(കുറഞ്ഞത് നാല് വരി)
Answer:
മരതകമണിയും പാടവരമ്പിൻ
മൺപാതയിലൂടോടി രസിച്ചു
തളർന്നെത്തുമ്പോൾ
ക്ഷീണം തീർക്കാനരയാൽത്തറയും
ദാഹമകറ്റാൻ കുളിരരുവികളും
കാറ്റായ് തഴുകാൻ മലർവാകകളും
സമ്മേളിപ്പൂയെന്നുടെ ഗ്രാമം.

ചുവടെ തന്നിരിക്കുന്ന 4A, 4B എന്നീ ചോദ്യങ്ങൾക്ക് ഏതെങ്കിലും ഒന്നിനു മാത്രം ഉത്തരം എഴുതുക.

Question 4.
(A) വർഷത്തിലൊരിക്കൽ തന്റെ പ്രജകളെ കാണാൻ വരുന്ന മഹാബലി ചക്രവർത്തിയെ സ്വീകരിക്കാൻ പ്രകൃതി എങ്ങനെയെല്ലാമാണ് ഒരുങ്ങുന്നതെന്ന് നിങ്ങൾ ശ്രദ്ധിച്ചിട്ടുണ്ടോ? നിങ്ങളുടെ നിരീക്ഷണം കുറിപ്പായി എഴുതു……
Answer:
ഓണം കേരളത്തിന്റെ വിളവെടുപ്പ് ഉത്സവമാണ്. ഓണക്കാലത്ത് മഹാബലി നമ്മെ കാണാൻ എത്തുന്നു എന്നതാണ് സങ്കൽപ്പം. ഇങ്ങനെ വർഷത്തിലൊരിക്കലെത്തുന്ന മഹാബലിയെ കാണാൻ നമ്മൾ നിരവധി ഒരുക്കങ്ങൾ നടത്താറുണ്ട്. സദ്യയൊരുക്കുന്നു, പൂക്കളമിടുന്നു, പുത്തൻ വസ്ത്രങ്ങൾ വാങ്ങുന്നു. ഇങ്ങനെ പലവിധത്തിൽ തയ്യാറെടുപ്പുകൾ നടത്താറുണ്ട്. എന്നാൽ പ്രകൃതിയെങ്ങനെയൊക്കെയാണ് തയ്യാറാകുന്ന തെന്ന് ശ്രദ്ധിക്കാൻ നമ്മൾ പലപ്പോഴും മറന്നു പോകും. ചിങ്ങമാസത്തിൽ മഹാബലിയെ വരവേൽക്കാൻ പ്രകൃതിയും തയ്യാറെടുക്കുന്നുണ്ട്. കേരളത്തിന്റെ വസ കാലമാണ് ഓണക്കാലമെന്ന് പറയാം. പ്രകൃതി പൂക്കളാൽ നിറഞ്ഞിരിക്കും. നട്ടുവളർത്തുന്ന ചെടിക ളിൽ മാത്രമല്ല തൊടിയിലെ പുൽച്ചെടികളിലും വള്ളിപ്പടർപ്പുകളിലും വരെ വിവിധ തരത്തിലുള്ള പൂക്കളെ കാണാം. പൂക്കളിൽ തേൻ കുടിക്കാൻ നിരവധി ഓണത്തുമ്പികളും എത്തുന്നു. തെളിഞ്ഞ കാലാവസ്ഥയും വിവിധ വർണ്ണത്തിലുള്ള പൂക്കളും ഓണത്തുമ്പികളുമെല്ലാം ചേർന്ന് മഹാബലിയെ വരവേൽക്കാൻ ഉത്സാ ഹത്തോടെ നിൽക്കുന്ന പ്രകൃതിയെയാണ് ഓണക്കാലത്ത് കാണുന്നത്.

അല്ലെങ്കിൽ

(B) ഇത്തവണത്തെ നിങ്ങളുടെ ഓണത്തെക്കുറിച്ച് സുഹൃത്തിന് ഒരു കത്തെഴുതുക.
Answer:
പ്രിയപ്പെട്ട (പേര്),
നിനക്ക് സുഖമല്ലേ?
എനിക്കിവിടെ സുഖമാണ്. ഈ ഓണത്തിന് നമ്മൾ ഒരുമിച്ച് കൂടണമെന്ന് ആഗ്രഹിച്ചിരുന്നു സാധിച്ചില്ല. നിന്റെ വടക്കേ ഇന്ത്യയിലേക്കുള്ള യാത്ര എങ്ങനെയുണ്ടായി. അതിനെക്കുറിച്ചുള്ള വിശേഷങ്ങളറിയാൻ എനിക്ക് തിടുക്കമായി. ഇവിടെ ഇത്തവണത്തെ ഓണത്തിന് ബന്ധുക്കൾ എല്ലാവരും ഒത്തുകൂടി. അതു കൊണ്ടുതന്നെ വലിയ ആഘോഷമായിരുന്നു ഇത്തവണത്തെ ഓണം.

ഓണസദ്യയും, പൂക്കളവും പുത്തനുടുപ്പും, ഊഞ്ഞാലുമായി ഒതുങ്ങിപ്പോയിരുന്ന ഓണം എല്ലാവരും ഉണ്ടായിരുന്നതു കൊണ്ടുതന്നെ വർണ്ണാഭമായിരുന്നു. ഇവിടെ നിരവധി കളികൾ ഞങ്ങൾ കളിച്ചു. നമ്മുടെ ഓൺലൈൻ ഗെയിംസ് പോലെ ഒറ്റയ്ക്ക് മുറിക്കകത്തിരുന്നുള്ള കളിയല്ല. മുറ്റത്ത് സംഘമായി ഓടിയും നടന്നുമെല്ലാമുള്ള കളികളായിരുന്നു. ഞാൻ ശരിക്കും ആസ്വദിച്ചു. നിനക്കറിയണ്ടേ എന്തെല്ലാം കളികളാ യിരുന്നുവെന്ന്. കൈകൊട്ടിക്കളി, കസേരകളി, ഉറിയടിക്കൽ, അമ്മമാരുടെ തിരുവാതിര, കുപ്പിയിൽ വെള്ളം നിറയ്ക്കൽ, ബലൂൺ പൊട്ടിയ്ക്കൽ അങ്ങനെ നിരവധി കളികൾ. നിനക്കറിയുമോ കുപ്പിയിൽ വെള്ളം നിറ യ്ക്കലിനും ബലൂൺ പൊട്ടിയ്ക്കലിനും എനിക്ക് ആയിരുന്നു ഒന്നാം സ്ഥാനം.
വല്യമ്മ എനിക്ക് സമ്മാനമായി ഒരു പാക്കറ്റ് കായവറുത്തത് തന്നു. നീ കൂടി ഉണ്ടായിരുന്നെങ്കിൽ നല്ലതായി രുന്നു എന്നു തോന്നി. അടുത്ത ഓണത്തിനു നമുക്ക് ഒരുമിച്ചുണ്ടാകാൻ ശ്രമിക്കാം. നിന്റെ യാത്രാവിശേ ഷങ്ങൾ എത്രയും വേഗം എഴുതി അറിയിക്കണേ. ഒത്തിരി സ്നേഹത്തോടെ,
ജാനി.

Question 5.
ഒരു തൈ നടാം
നമുക്കമ്മയ്ക്ക് വേണ്ടി
ഒരു തൈ നടാം
കൊച്ചുമക്കൾക്ക് വേണ്ടി
ഒരു തൈ നടാം
നൂറു കിളികൾക്കു വേണ്ടി
ഒരു തൈ നടാം
നല്ല നാളേക്കുവേണ്ടി
പ്രകൃതി സംരക്ഷണത്തിന്റെ പ്രാധാന്യത്തെ ഉയർത്തി പിടിച്ചുകൊണ്ട് സുഗതകുമാരി എഴുതിയ കവിതാ ഭാഗമാണ് മുകളിൽ കൊടുത്തിരിക്കുന്നത്. പ്രകൃതി സംരക്ഷണത്തിന്റെ പ്രാധാന്യം വിവരിച്ചു കൊണ്ട് ഒരു പ്രസംഗം തയ്യാറാക്കുക.
Answer:
ബഹുമാനപ്പെട്ട അദ്ധ്യക്ഷൻ വേദിയിലിരിക്കുന്നവരെ, എന്റെ പ്രിയപ്പെട്ട നാട്ടുകാരേ, ഏവർക്കും എന്റെ നമസ്കാരം.
നമ്മുടെ മഹത്തായ ഭൂമിയെ സംരക്ഷിക്കേണ്ടതിന്റെ ആവശ്യകതയെക്കുറിച്ച് സംസാരിക്കാൻ അവസരം ലഭിച്ചതിൽ എനിക്ക് അതിയായ സന്തോഷമുണ്ട്. എന്തെന്നാൽ പ്രകൃതി നമ്മുടെ നിലനിൽപ്പിന്റെ ഉറവിടമാ ണ്. നമ്മൾ ശ്വസിക്കുന്ന വായു, കുടിക്കുന്ന വെള്ളം, ഭക്ഷണം എല്ലാം പ്രകൃതി നമുക്ക് നൽകുന്നു. ജീവന്റെ നിലനിൽപ്പിന് നമ്മൾ പ്രകൃതിയെ സംരക്ഷിക്കേണ്ടതാണ്.

ഇതെല്ലാം അറിഞ്ഞിരുന്നുകൊണ്ടും നമ്മൾ എന്താണ് ചെയ്യുന്നത്? നഗരവൽക്കരണത്തിനായി മരങ്ങൾ വെട്ടി നശിപ്പിക്കുമ്പോൾ ഭാവിയിലേക്കുള്ള നമ്മുടെ വഴികൾ ഇല്ലാതാവുകയാണ്. മണൽ വാരി പുഴയുടെ സ്വാഭാവികത നഷ്ടപ്പെടുന്നു. പ്ലാസ്റ്റിക് മാലിന്യങ്ങൾ കൊണ്ട് പ്രകൃതിയുടെ സ്വാഭാവികത നഷ്ടപ്പെടുത്തി കൊണ്ട് വലിയ വലിയ പ്രകൃതി ദുരന്തങ്ങളെ വിളിച്ചു വരുത്തുന്നു.

നഷ്ടപ്പെട്ടുപോയ നന്മകളെ ഓർത്തു വിലപിക്കാതെ നമ്മൾ ഉണർന്നു പ്രവർത്തിക്കണം. പരിസ്ഥിതി മലി നീകരണത്തിന്റെ ഏറ്റവും രൂക്ഷമായ വശം നമ്മുടെ മാലിന്യ കൂമ്പാരമാണ്. ഈ മാലിന്യങ്ങളെ കൃത്യ മായി സംസ്ക്കരിക്കാനുള്ള ആധുനിക സാങ്കേതിക വിദ്യകളെ വികസിപ്പിച്ചെടുക്കേണ്ടതുണ്ട്. പ്രകൃതിയും മനുഷ്യനും മറ്റു ജീവജാലങ്ങളുമെല്ലാം അടങ്ങുന്ന മഹാശൃംഖലകളുടെ കണ്ണികൾ അഴിഞ്ഞ് മഹാനാശത്തിലേക്കു പോകാതെ പച്ചപ്പിലേക്ക് മടങ്ങാൻ ഉള്ള ശ്രമം നമ്മൾ വീടുകളിൽ നിന്നു തന്നെ തുട ങ്ങേണ്ടതുണ്ട്. നമുക്ക് ഒരുമിച്ച് പ്രകൃതിയെ സംരക്ഷിക്കാം ഒരു നല്ല നാളയെ സൃഷ്ടിക്കാം. പ്രകൃതിയെ സ്നേഹിക്കുക പരിപാലിക്കുക. ഭാവി നാളുകളിലേക്ക് കരുതി വയ്ക്കുക.

Question 6.
പ്രകൃതി സംരക്ഷണത്തിന്റെ ആവശ്യകത ഉയർത്തി കാട്ടി സ്ക്കൂൾ നോട്ടീസ് ബോർഡിൽ പ്രദർശിപ്പി ക്കാൻ ഒരു പോസ്റ്റർ തയ്യാറാക്കുക.
Answer:

During exam preparation, Class 5 Malayalam Kerala Padavali Question Paper Set 1 guide students properly.

Class 5 Malayalam Kerala Padavali Model Question Paper Set 1

സമയം : 2 മണിക്കൂർ 15 മിനിറ്റ്

നിർദേശങ്ങൾ

• മൂല്യനിർണ്ണയ പ്രവർത്തനങ്ങൾ ആരംഭിക്കുന്നതിനു മുമ്പ് പതിനഞ്ചു മിനിട്ട് സമാശ്വാസ സമയമാണ്. ഈ സമയം ചോദ്യങ്ങൾ നന്നായി വായിച്ചു മനസ്സിലാക്കണം.
• ആറു ചോദ്യങ്ങൾക്ക് ഉത്തരമെഴുതിയാൽ മതി. എല്ലാ ഉപചോദ്യങ്ങൾക്കും ഉത്തരം എഴുതണം.
• രണ്ടു പ്രവർത്തനങ്ങൾ വീതം നൽകിയിട്ടുള്ള ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതി യാൽ മതി.

Question 1.
വായിക്കാം എഴുതാം.
കേരളത്തിന്റേതു മാത്രമായ കാലഗണനാരീതിയാണ് കൊല്ലവർഷം. അതുകൊണ്ടു തന്നെ കൊല്ലവർഷം മലയാള വർഷം എന്നും അറിയപ്പെടുന്നു. എ.ഡി. 825-ൽ ആണ് കൊല്ലവർഷത്തിന്റെ തുടക്കം. ഭാരത ത്തിലെ മറ്റു പഞ്ചാംഗങ്ങൾ സൗരവർഷത്തെയും ചന്ദ്രമാസത്തെയും അടിസ്ഥാനമാക്കി കാലനിർണ്ണയം ചെയ്തപ്പോൾ കൊല്ലവർഷപ്പഞ്ചാംഗം സൗരവർഷത്തെയും സൗരമാസത്തെയും ഉപയോഗിച്ചു. വേണാ ട്ടിലെ രാജാവായിരുന്ന രാജശേഖരവർമ്മ തുടങ്ങിയതെന്ന് വിശ്വസിക്കപ്പെടുന്നു. ചിങ്ങം, കന്നി, തുലാം തുടങ്ങി പന്ത്രണ്ട് മലയാള മാസങ്ങളാണുള്ളത്. എ.ഡി. 825 ആഗസ്റ്റ് 25-ന് കൊല്ലവർഷം ആദ്യമായി കണ ക്കുകൂട്ടി തുടങ്ങിയത്.

A. (a) ഒന്ന്: കൊല്ലവർഷം കേരളത്തിന്റെ മാത്രം കാലഗണനാ രീതിയല്ല.
(b) രണ്ട്: മലയാളവർഷമെന്ന് കൊല്ലവർഷത്തിനു പേരുണ്ട്.
ഈ പ്രസ്താവനകളിൽ ശരിയേത്?
a. ആദ്യത്തേത് ശരി
b. ആദ്യത്തേതും രണ്ടാമത്തേതും തെറ്റ്
c. ആദ്യത്തേതും രണ്ടാമത്തേതും ശരി
d. രണ്ടാമത്തേത് ശരി
Answer:
d. രണ്ടാമത്തേത് ശരി

B. കൊല്ലവർഷം ആദ്യമായി കണക്കുകൂട്ടി തുടങ്ങിയത് എന്ന്?
a. AD 852
b. AD 825 ആഗസ്റ്റ് 25
c. AD 825
d. AD 852 ആഗസ്റ്റ് 25
Answer:
b. AD 825 ആഗസ്റ്റ് 25

C. കൊല്ലവർഷം ആരംഭിച്ച രാജാവ് ആരെന്നാണ് കരുതുന്നത്?
a. കുലശേഖരൻ
b. രാജശേഖരവർമ്മ
c. കൊച്ചി രാജാവ്
d. പഴശ്ശിരാജ
Answer:
b. രാജശേഖരവർമ്മ

D. കൊല്ലവർഷ പഞ്ചാംഗം എന്തിനെ അടിസ്ഥാനമാക്കി കാലനിർണ്ണയം ചെയ്തു?
a. സൗരവർഷവും ചന്ദ്രമാസവും
b. സൗരവർഷവും സപ്തർഷി വർഷവും
C. സപ്തർഷി വർഷവും സൗരരാശിയും
d. സൗരവർഷവും സൗരമാസവും
Answer:
d. സൗരവർഷവും സൗരമാസവും

Question 2.
ഉണ്ടിരിക്കുന്നവൻ വായും തുറന്നങ്ങു
മിണ്ടാതിരുന്നാനുരുളയും കൈക്കൊണ്ടു
കണ്ടിരിക്കുന്നവൻ കണ്ണു തുറന്നെങ്ങു
തണ്ടികപ്പാവയെപ്പോലിരുന്നീടുന്നു.

a. കുഞ്ചൻ നമ്പ്യാരുടെ വായുവില്ലാത്ത ലോകം എന്ന കവിതാ ഭാഗത്ത് ഒരു ദിവസം അപ്രതീക്ഷിതമായി ഭൂമിയിൽ വായു സഞ്ചാരം നിലച്ചപ്പോൾ ഉണ്ടായ അവസ്ഥകളാണ് അവതരിപ്പിക്കുന്നത്. വായു ഇല്ലാ തായപ്പോൾ എന്തെല്ലാം സംഭവിച്ചു എന്നാണ് കവി വർണ്ണിക്കുന്നത്?
Answer:
വായുവില്ലാതാകുന്ന ലോകത്തെ ഭാവനയിൽ കണ്ട് കുഞ്ചൻനമ്പ്യാർ രചിച്ചിരിക്കുന്ന കൃതിയാണ് വായു വില്ലാത്ത ലോകം. വായുവില്ലാതായാൽ കൊത്തിവെച്ച് മരപ്പാവകൾ പോലെ മനുഷ്യർ നിൽക്കും. ഉണ്ടു കൊണ്ടിരിക്കുന്നവർ പെട്ടെന്ന് മിണ്ടാതെയാകും. അതു കണ്ടുകൊണ്ടിരിക്കുന്നവർ കണ്ണു തുറന്ന് തൂക്കിയിട്ട പാവപോലെ ഇരിക്കും. എല്ലാവരോടും ദേഷ്യപ്പെട്ടു കിടക്കുന്നവർ ഏതെങ്കിലുമൊരു കുണ്ടിൽ വീണ് തടിപോലെ കിടക്കും. ചിലർ വെള്ളത്തിൽ തന്നെ മുങ്ങിക്കിടക്കും. എണ്ണ തേച്ചു കൊണ്ടിരുന്ന വർ അതേപടി നിൽക്കും. കണ്ണെഴുതുന്നവർ അതേപോലെ നിലനിൽക്കും. കഞ്ഞി കോരി കുടിച്ചു കൊണ്ടി രുന്നവരും പാട്ടുപാടിക്കൊണ്ടിരുന്നവരും മദ്ദളം കൊട്ടികൊണ്ടിരുന്നവരും കുഴൽ ഊതിക്കൊണ്ടിരു ന്നവരുമെല്ലാം ഏതവസ്ഥയിലാണോ ഉണ്ടായിരുന്നത് അതേ അവസ്ഥയിൽ നിലകൊള്ളും. ഇങ്ങനെ വായുവില്ലാതാകുന്ന ലോകത്ത് എല്ലാവരും നിശ്ചലരായി ഒരു ചിത്രം വരച്ചുവച്ചതുപോലെ വിസ്മയക രമാംവിധം കാണപ്പെടുമെന്ന് കുഞ്ചൻ നമ്പ്യാർ വർണ്ണിക്കുന്നു.

b. “തണ്ടികപ്പാവ’ എന്ന പദത്തിന് പകരം പദം എഴുതുക.
Answer:
കെട്ടിതൂക്കിയ പാവ

C. പ്രസ്താവന (1)
ഉണ്ടു കൊണ്ടിരുന്നവൻ വായും തുറന്നിരുന്നു സംസാരിച്ചു.
പ്രസ്താവന (2)
കണ്ടിരുന്നവൻ കണ്ണും തുറന്ന് തണ്ടിക പാവയെപ്പോലെയിരുന്നു.
ഇതിൽ കവിതയിലെ ആശയത്തോട് യോജിക്കുന്ന പ്രസ്താവന ഏത്?
A) പ്രസ്താവന ഒന്ന് ശരി
B) പ്രസ്താവന രണ്ട് ശരി
C) രണ്ട് പ്രസ്താവനകളും തെറ്റ്
D) രണ്ട് പ്രസ്താവനകളും ശരി
Answer:
പ്രസ്താവന (2) ശരി

d. കുഞ്ചൻ നമ്പ്യാരുടെ ഏത് തുള്ളൽ വിഭാഗത്തിൽ ഉൾപ്പെടുന്ന കൃതിയാണ് “വായുവില്ലാത്ത ലോകം’
എന്ന തുള്ളൽ കൃതി.
A) ശീതങ്കൻ തുള്ളൽ
B) പറയൻ തുള്ളൽ
C) ഓട്ടൻ തുള്ളൽ
D) ഇവയൊന്നുമല്ല
Answer:
A) ശീതങ്കൻ തുള്ളൽ

ചുവടെ തന്നിരിക്കുന്ന 3A, 3B എന്നീ രണ്ടു ചോദ്യങ്ങളിൽ ഏതെങ്കിലും ഒന്നിനു മാത്രം ഉത്തരമെഴുതുക.

Question 3.
(A) പൂക്കളെത്രയോ പൂക്കളീ ഭൂമിതൻ
മക്കളായിപ്പിറക്കുന്നു നിത്യവും
നീലവാനം മിഴികളിലുള്ളവർ
നീർക്കണങ്ങളാൽ മാല ചാർത്തുന്നവർ
ഏതു ചൂടിലും വാടാതെ നിൽപ്പവർ
ഏതിരുട്ടിലും മന്ദഹസിപ്പവർ.
പൂക്കളെക്കുറിച്ചുള്ള വർണ്ണനകൾ ആണ് മുകളിലത്തെ വരികളിൽ കാണുന്നത്. നിങ്ങൾക്ക് ഇഷ്ടപ്പെട്ട പൂവിന്റെ വർണ്ണന തയ്യാറാക്കുക.
Answer:
എനിക്ക് ഏറെ ഇഷ്ടമുള്ള പൂവാണ് ചെമ്പകം. ചെമ്പകം മരമാണ്. ചെമ്പകമരത്തിൽ ഉണ്ടാകുന്ന പൂവ് ആണ് ചെമ്പകപൂവ്. രണ്ട് വിധത്തിലുള്ള ചെമ്പകപ്പൂക്കളെ ഞാൻ കണ്ടിട്ടുണ്ട്. ഒന്ന് ഇളം മഞ്ഞനിറവും മറ്റൊന്ന് കടും മഞ്ഞനിറവുമാണ്. രാത്രി കാലങ്ങളിലാണിവ പൂക്കുന്നത്. നിങ്ങൾ ശ്രദ്ധിച്ചിട്ടുണ്ടോ രാത്രി കാലങ്ങ ളിൽ പൂക്കുന്ന ഒട്ടു മിക്ക പൂക്കൾക്കും സുഗന്ധമാണ്. ചെമ്പകപ്പൂവിനെ ഇഷ്ടപ്പെടാൻ കാരണവും അതിന്റെ സുഗന്ധം തന്നെ. ദൂരെയെവിടെ പൂത്താലും കാറ്റിലതിന്റെ മണം പരക്കും. കൈകളിലൊതുങ്ങുന്ന വലുപ്പമേ ഈ പൂക്കൾക്കുള്ളൂ. വാടിയാലും ചെമ്പകപ്പൂക്കളുടെ സുഗന്ധത്തിന് കുറവ് സംഭവിക്കില്ല.

അല്ലെങ്കിൽ

(B) ഏതെങ്കിലും ഒരു പൂവിനെ വർണ്ണിച്ചുകൊണ്ട് ഒരു കവിത എഴുതുക.
Answer:
എൻ ഓർമയിൽ ഉണ്ടൊരു വാടാമലർ
എൻ വല്ലിയിൽ വിടർന്ന ആദ്യമലർ
പനിനീർ പൂവെന്നതിന് പേരെങ്കിലും
കിനാകുഞ്ഞ് എന്നു ഞാൻ പേരു നൽകി
എൻ കിനാക്കളിൽ എന്നും വിടരും
ഈ കിനാമൊട്ടുകൾ എൻ സ്വപ്നങ്ങൾ

ചുവടെ തന്നിരിക്കുന്ന 4A, 4B എന്നീ ചോദ്യങ്ങൾക്ക് ഏതെങ്കിലും ഒന്നിനു മാത്രം ഉത്തരം എഴുതുക. 4(A) ഒരു പാട്ടു പിന്നെയും പാടിനോക്കുന്നിത

Question 4.
(A) ചിറകൊടിഞ്ഞുള്ളൊരീക്കാട്ടു പക്ഷി!
മഴു തിന്ന മാമരക്കൊമ്പിൻ തനിച്ചിരു
ന്നാടിയാച്ചിറകു ചെറുതിളക്കി
നോവുമെന്നോർത്തോ? പതുക്കെയനങ്ങാതെ
പാവം പണിപ്പെട്ടു പാടിടുന്നു.

ഇടറുമിഗ്ഗാനമൊന്നേറ്റു പാടാൻ കൂടെ
യിണയില്ല കൂട്ടിന്നു കിളികളില്ല.
പതിവുപോൽ കൊത്തിപ്പിരിഞ്ഞുപോയ് മെടി
ലഴിവച്ചുണർത്തിയ കൊച്ചുമക്കൾ

കുഞ്ഞിപ്പൂക്കൾ – സുഗതകുമാരി
പക്ഷിയുടെ ചിറകൊടിഞ്ഞത് എങ്ങനെയായിരിക്കാം? നിങ്ങളുടെ ഭാവനയ്ക്ക് അനുസരിച്ച് സങ്കൽപ്പിച്ചെ ഴുതുക.
Answer:
സുഗതകുമാരിയുടെ കുറിഞ്ഞിപ്പൂക്കൾ എന്ന കവിതയിൽ വനനശീകരണം മൂലം കൂടും കുട്ടികളേയും നഷ്ടപ്പെട്ട അമ്മക്കിളിയുടെ വേദന കാണാം. വെട്ടിയിട്ട മരത്തിന്റെ ചില്ലയിലായിരുന്നു ആ പക്ഷിയുടെ കൂട്. കൂട്ടിലുണ്ടായിരുന്ന തന്റെ കുഞ്ഞുങ്ങളേയും കൂടും അവൾക്ക് നഷ്ടമായി. നിസ്സഹായ ആയ ആ കിളിയുടെ ചിറകും ഒടിഞ്ഞു. മരംവെട്ടി വീഴ്ത്തിയപ്പോൾ കൂടോടെ താഴെ വീണ കിളിയുടെ ചിറകൊടി ഞ്ഞിരിക്കാം. അല്ലെങ്കിൽ മരം മുറിക്കാൻ വന്നവരെ അതിൽ നിന്ന് പിൻതിരിപ്പിക്കാനായി കൊത്തിയോടി ക്കാൻ ശ്രമിച്ചപ്പോൾ മരംവെട്ടുകാരുടെ പ്രത്യാക്രമണത്തിൽ ചിറക് നഷ്ടപ്പെട്ടതാകാം.

അല്ലെങ്കിൽ

(B) താരതമ്യം
ഇടറുമിഗ്ഗാനമൊന്നേറ്റു പാടാൻ കൂടെ
യിണയില്ല കൂട്ടിനും കിളികളില്ല.
പതിവുപോൽ കൊത്തിപ്പിരിഞ്ഞുപോയ്
മെയ്ച്ചൂടി-
ലടവച്ചുണർത്തിയ കൊച്ചുമക്കൾ
ഇവിടെ ഒറ്റപ്പെട്ടുപോയ ഒരമ്മക്കിളിയെയാണല്ലോ കാണുന്നത്. ഇതുപോലെ ഒറ്റപ്പെടുന്ന അമ്മമാർ മനു ഷ്യർക്കിടയിലുണ്ടോ? താരതമ്യം കുറിപ്പെഴുതുക.
Answer:
സുഗതകുമാരിയുടെ കുറിഞ്ഞിപ്പൂക്കൾ എന്ന കവിതയിൽ ഒറ്റപ്പെട്ടുപോയ ഒരു അമ്മക്കിളിയെ കാണാം. അമ്മക്കിളി തന്റെ പഴയ കാലത്തേയും കുഞ്ഞി മക്കളേയും കൂടിനേയും എല്ലാം ഓർത്ത് വേദനിക്കുന്നു. ഇതുപോലെ മക്കളാരും കൂടെയില്ലാതെ ഒറ്റപ്പെട്ടുപോയ നിരവധി അമ്മമാർ നമുക്കിടയിലുണ്ട്. ചിലപ്പോൾ മക്കൾ മരിച്ചുപോയതാകാം. അധികം അമ്മമാരും ഒറ്റയ്ക്കായി പോകുന്നതിനുള്ള പ്രധാന കാരണം മക്ക ളെല്ലാം ജോലിയ്ക്കും പഠനത്തിനുമായി വിദേശ രാജ്യങ്ങളിൽ പോകുന്നതാണ്. അമ്മമാരെ നോക്കാൻ കഴിയാതെ വൃദ്ധസദനങ്ങളിൽ ആക്കപ്പെടുന്ന അമ്മമാർ നിരവധിയാണ്. ഇങ്ങനെ നമ്മൾ മനുഷ്യർക്കിട യിൽ ഒറ്റപ്പെട്ടു പോകുന്നവർ ധാരാളമുണ്ട്.

Question 5.
വനം നശിക്കുന്നതു മൂലമുണ്ടാകുന്ന ദോഷങ്ങളെക്കുറിച്ച് ഉപന്യാസം തയ്യാറാക്കുക.

• ചുവടെ കൊടുത്തിരിക്കുന്ന സൂചനകൾ ഉപയോഗപ്പെടുത്തുക.
• അനേകം ജീവിവർഗ്ഗങ്ങൾ നശിക്കുന്നു.
• മണ്ണൊലിപ്പുണ്ടാകുന്നു.
• പുഴകൾ വറ്റിപ്പോകുന്നു.
• മഴക്കാലത്ത് വെള്ളപ്പൊക്കവും
• വേനൽക്കാലത്ത് വരൾച്ചയുമുണ്ടാകുന്നു.
• കാട്ടുമൃഗങ്ങൾ നാട്ടിലേക്ക് വരുന്നു.

Answer:
വനനശീകരണം നമ്മുടെ ആവാസവ്യവസ്ഥയുടെ താളം തെറ്റിക്കുന്നു. വനനശീകരണമെന്നാൽ എന്താണ്? കാടിനെ ഇല്ലാതെയാക്കി ആ പ്രദേശത്തെ കൃഷിയിടമാക്കി മാറ്റുകയോ മേച്ചിൽ സ്ഥലങ്ങളായി പരിവർത്തനം ചെയ്യുകയോ ചെയ്യുന്നതിനെ വനനശീകരണം എന്നുപറയാം.
മനുഷ്യർ എന്തിനു വേണ്ടിയാണ് മരങ്ങളെ മുറിച്ചു മാറ്റി കാടിനെ ഇല്ലായ്മ ചെയ്യുന്നത്? മനുഷ്യന്റെ പാത സുഗമമാക്കാൻ, റോഡു നിർമ്മാണത്തിന്, നഗരവൽക്കരണത്തിന്, അണകെട്ടുകൾ നിർമ്മിക്കാൻ ജനസംഖ്യാ വളർച്ചയിൽ സ്ഥലപരിമിതി അനുഭവിക്കുന്നതിനാൽ ഭവനനിർമ്മാണത്തിനുവേണ്ടി. ഇതിനെല്ലാം വേണ്ടി നമ്മൾ വനത്തെ മുറിച്ചു മാറ്റുന്നു.

വനനശീകരണം സംഭവിക്കുമ്പോൾ മരങ്ങൾ മാത്രമാണോ ഇല്ലാതെയാകുന്നത്? അല്ല. അവിടെയാണ് മാതൃക ചോദ്യപേപ്പർ – 5 അസന്തുലിതമായ ആവാസവ്യവസ്ഥ സൃഷ്ടിക്കപ്പെടുന്നത്. മരങ്ങളും, വനങ്ങളും, ജീവന്റെ നിലവറയാ ണ്. ഒരു മരത്തെ ആശ്രയിച്ച് നിരവധി ജീവജാലങ്ങൾ ജീവിക്കുന്നു. പക്ഷികൾ മുതൽ ചെറുപ്രാണികൾ വരെ. മരത്തിന്റെ വേര് പിടിച്ചു നിർത്തിയിരിക്കുന്ന മണ്ണ് മരമില്ലാതാകുന്നതോടെ ഒലിച്ചു പോകുന്നു. മഴ കുറയുന്നു. വരൾച്ച കൂടുന്നു. പുഴകൾ വറ്റുന്നു. ഇങ്ങനെ പരസ്പരാശ്രയത്തിൽ നിലനിൽക്കുന്ന പ്രകൃതി യുടെ താളം തെറ്റുന്നു. കാട്ടുമൃഗങ്ങൾക്ക് കാട് നഷ്ടമാകുന്നതോടുകൂടി ഭക്ഷണം ലഭ്യമല്ലാതാകുന്നു. പുഴകൾ വറ്റുന്നതോടെ ദാഹം ശമിപ്പിക്കാൻ കഴിയാതെ വരുന്നു. അങ്ങനെ കാട്ടുമൃഗങ്ങൾ നാട്ടിലേക്ക് വരുന്നു. കാട് വെട്ടി വെളുപ്പിച്ചുണ്ടാക്കിയ നാട് മൃഗങ്ങൾക്ക് കാട്ടുപരിധി തന്നെയായി നിലനിൽക്കുന്നതും കാട്ടുമൃഗങ്ങളുടെ വരവിന് കാരണമാണ്. വനനശീകരണം വായുമലിനീകരണത്തിനും കാരണമാണ്. ഇങ്ങനെ ഒരു മരം മുറിക്കുന്നതുപോലും വലിയ വ്യത്യാസങ്ങൾ പ്രകൃതിയിൽ ഉണ്ടാകുന്നുണ്ട്. വരും തലമുറകൾ വനനശീകരണമുണ്ടാകുന്ന ഗുരുതര പ്രശ്നങ്ങളെക്കുറിച്ച് ബോധമുള്ളവരാകട്ടെ.

Question 6.
“അക്കരെ നിൽക്കുമ്പോൾ ഇക്കരെപ്പച്ച” ഇതൊരു ചൊല്ലാണ്. ഇത്തരത്തിലുള്ള രണ്ട് ചൊല്ലുകൾ എഴുതുക.
Answer:

• അങ്ങാടിയിൽ തോറ്റതിന് അമ്മയോട്
• അഞ്ജനമെന്നതു ഞാനിറയും
• മഞ്ഞളുപോലെ വെളുത്തിരിക്കും.
• അടിതെറ്റിയാൽ ആനയും വീഴും.
• അടികൊള്ളാൻ ചെണ്ടയും പണം വാങ്ങാൻ മാരാരും.
• അണ്ണാൻ കുഞ്ഞും തന്നാലായത്.