Students often refer to Kerala Syllabus SSLC History Notes Malayalam Medium Pdf and Class 10 History Chapter 7 Notes Question Answer Malayalam Medium സ്വതന്ത്ര ഇന്ത്യയുടെ വർത്തമാനം that include all exercises in the prescribed syllabus.
Class 10 History Chapter 7 Notes Malayalam Medium
Kerala Syllabus Class 10 Social Science History Chapter 7 Notes Question Answer Malayalam Medium
10th Class History Chapter 7 Notes Malayalam Medium
Question 1.
ഇന്ത്യ-പാക്കിസ്ഥാൻ വിഭജനവുമായി ബന്ധപ്പെട്ട ഒരു പത്രവാർത്ത തയ്യാറാക്കുക.
Answer:
- നമ്മുടെ രാജ്യം സ്വതന്ത്രമാകുന്നതിനൊപ്പം ഇന്ത്യ, പാക്കിസ്ഥാൻ എന്നിങ്ങനെ രണ്ട് സ്വത രാജ്യങ്ങളായി വിഭജിക്കപ്പെട്ടു.
- ബംഗാൾ, പഞ്ചാബ് എന്നീ പ്രവിശ്യകൾ വിഭ ജിക്കപ്പെട്ടു.
- പശ്ചിമബംഗാൾ ഇന്ത്യയിൽ നിലവിൽ വന്ന പ്പോൾ പൂർവബംഗാൾ കിഴക്കൻ പാക്കിസ്ഥാ നായി മാറി.
- പൂർവ പഞ്ചാബ് ഇന്ത്യയുടേയും പശ്ചിമ പ ഞ്ചാബ് പാക്കിസ്ഥാന്റെയും ഭാഗമായി.
- സിൽനെറ്റ് കിഴക്കൻ പാക്കിസ്ഥാന്റെ ഭാഗമായി.
- വിഭജനാന്തരം പാക്കിസ്ഥാന്റെ ഭാഗമായ പടി ഞ്ഞാറെ പഞ്ചാബിൽ നിന്ന് ഹിന്ദുക്കളും സിഖു കാരും ഇന്ത്യയിലേക്ക് പാലായനം ആരംഭിച്ചു.
- അതേസമയം, ഇന്ത്യൻ പഞ്ചാബിൽ നിന്ന് മുസ്ലീ ങ്ങൾ പാക്കിസ്ഥാനിലേക്കും നീങ്ങി.
- ബംഗാൾ വിഭജിതമായെങ്കിലും പഞ്ചാബിൽ സംഭവിച്ചതു പോലുള്ള ഒരു കൂട്ടപ്പാലായനം അവിടെ ഉണ്ടായില്ല.
Question 2.
വിഭജനത്തെത്തുടർന്ന് ഇന്ത്യയിലേയും പാക്കി സ്ഥാനിലേയും ജനങ്ങൾ അനുഭവിക്കേണ്ടി വന്ന വിവിധ പ്രശ്നങ്ങൾ ഉൾപ്പെടുത്തി ഒരു ഡിജിറ്റൽ പ്രസന്റേഷൻ തയ്യാറാക്കി ഗ്രൂപ്പടിസ്ഥാനത്തിൽ ക്ലാസിൽ അവതരിപ്പിക്കുക.
Answer:
- ലക്ഷക്കണക്കിന് അഭയാർത്ഥികൾ ഇന്ത്യയിൽ പാക്കിസ്ഥാനിലേക്കും പാക്കിസ്ഥാനിൽ നിന്ന് ഇന്ത്യയിലേക്കും പ്രവഹിച്ചു.
- വ്യാപകമായ അക്രമങ്ങളുണ്ടാവുകയും പതി നായിരങ്ങൾ കൊല്ലപ്പെടുകയും ചെയ്തു.
- കൊൽക്കത്ത, ഡൽഹി, ലാഹോർ തുടങ്ങിയ സ്ഥലങ്ങളിൽ വർഗീയ ലഹളകൾ പൊട്ടിപ്പുറ പ്പെട്ടു.
- ഒട്ടേറെ സ്ത്രീകൾക്ക് മാനഹാനി സംഭവിച്ചു.
- നിരവധി സ്ത്രീകളും കുട്ടികളും തട്ടിക്കൊണ്ടു പോകലിന് ഇരകളായി.
Question 3.
ഗാന്ധിജിയുടെ രക്തസാക്ഷിത്വവുമായി ബന്ധ പ്പെട്ട പത്രവാർത്തകളും ചിത്രങ്ങളും ശേഖരിച്ച് ഒരു പതിപ്പ് തയ്യാറാക്കി ക്ലാസിൽ അവതരിപ്പി ക്കുക.
Answer:
ഹിന്ദു-മുസ്ലീം ഐക്യത്തിനായി പ്രയത്നിച്ച ഗാന്ധി ജിയെ ന്യൂഡൽഹിയിലെ ബിർളാഹൗസ് അങ്കണ ണത്തിൽ വച്ച് 1948 ജനുവരി 30-ന് നാഥുറാം വിനാ യക് ഗോഡ്സെ വെടിവച്ച് കൊലപ്പെടുത്തി. ജനു വരി 30 രക്തസാക്ഷിത്വദിനമായി നാം ആചരി ക്കുന്നു.
Question 4.
ഇന്ത്യ യൂണിയനിലേക്കുള്ള നാട്ടുരാജ്യങ്ങളുടെ സംയോജനം എന്ന വിഷയത്തെ ആസ്പദമാക്കി ക്ലാസ്സിൽ ഒരു ചർച്ച സംഘടിപ്പിക്കുക.
Answer:
- 1947-ലെ ഇന്ത്യൻ സ്വാതന്ത്ര്യ നിയമപ്രകാരവും, ഇന്ത്യയിലെ 565 നാട്ടുരാജ്യങ്ങൾക്ക് ഇന്ത്യ യിലോ പാക്കിസ്ഥാനിലോ ചേരുവാനോ, സ്വത രാജ്യങ്ങളായി നിൽക്കാനോ അധികാരമു ണ്ടായിരുന്നു.
- നാട്ടുരാജ്യങ്ങളെ ഇന്ത്യൻ യൂണിയനിൽ ലയി പ്പിക്കുക എന്ന ശ്രമകരമായ ദൗത്യം വിജയക രമായി പൂർത്തിയാക്കിയത് ആഭ്യന്തരമന്ത്രിയാ യിരുന്ന സർദാർ വല്ലഭായ് പട്ടേലും സ്റ്റേറ്റ് ഡിപ്പാർട്ട്മെന്റിന്റെ സെക്രട്ടറിയായിരുന്ന വി. പി.മേനോനും നയിച്ച സംഘമായിരുന്നു.
- ലയനക്കരാറിൽ ഒപ്പുവച്ച് ഇന്ത്യൻ യൂണിയ നിൽ ചേരാൻ അവർ എല്ലാ നാട്ടുരാജ്യങ്ങ ളെയും ക്ഷണിച്ചു.
- എന്നാൽ ജനഗഡ്, കാശ്മീർ, തിരുവിതാംകൂർ, ഹൈദരാബാദ് എന്നീ നാട്ടുരാജ്യങ്ങളിലെ ഭര ണാധികാരികൾ ഇന്ത്യൻ യൂണിയനിൽ ചേരാൻ വിസമ്മതിച്ചു.
- ഈ നാട്ടുരാജ്യങ്ങളെ അനുരഞ്ജന ചർച്ചക ളിലൂടെയും സൈനികനടപടികളിലൂടേയുമാണ്
ഇന്ത്യൻ യൂണിയനിൽ ലയിപ്പിച്ചത്. - ഇന്ത്യ സ്വതന്ത്രമായതിനു ശേഷവും രാജ്യത്തെ ചില പ്രദേശങ്ങൾ പോർച്ചുഗീസു കാരുടെയും, ഫ്രഞ്ചുകാരുടേയും അധീനത യിലായിരുന്നു.
- 1954-ൽ ഫ്രാൻസ് ഇന്ത്യ വിട്ടുപോകാൻ തയ്യാ റായി.
- 1961-ൽ പോർച്ചുഗലും ഇന്ത്യ വിട്ടുപോയി.
Question 5.
ഭൂപടം 7.2ൽ നിന്നും ഫ്രഞ്ച് പോർച്ചുഗീസ് അധീ പ്രദേശങ്ങളെ കണ്ടെത്തി പട്ടികപ്പെടുത്തുക.
Answer:
പോർച്ചുഗീസ് അധീനപ്രദേശങ്ങൾ
- ഗോവ
- ദാമൻ
- ദിയു
- നഗർ
- ഹവേലി
ഫ്രഞ്ച് അധീന പ്രദേശങ്ങൾ
- പോണ്ടിച്ചേരി
- മാഹി
- യാനം
- കാരയ്ക്കൽ
- ചന്ദ്രനഗർ
- 1954-ൽ പോണ്ടിച്ചേരി, മാഹി, യാനം, കാരയ്ക്കൽ, ചന്ദ്രനഗർ എന്നീ ഫ്രഞ്ച് അധീന പ്രദേശങ്ങൾ ഇന്ത്യൻ യൂണിയനോട് കൂട്ടിച്ചേർത്തു.
- 1954-ൽ ദാദ്ര, നഗർ ഹവേലി എന്നീ പ്രദേശങ്ങളിലെ പോർച്ചുഗീസ് ആധിപത്യം അവസാനിച്ചു.
- 1961-ൽ ഗോവ, ദാമൻ, ദിയു എന്നീ പ്രദേശങ്ങൾ ഇന്ത്യൻ യൂണിയനോട് കൂട്ടിച്ചേർക്കപ്പെട്ടു.
Question 6.
1956-ൽ രൂപീകരിക്കപ്പെട്ട സംസ്ഥാനങ്ങൾ ഏതെല്ലാമാണ് ഓരോ സംസ്ഥാനത്തിന്റെയും ഭാഷകൾ കണ്ടെത്തി പട്ടികപ്പെടുത്തുക.
Answer:
- ആന്ധ്രപ്രദേശ് – തെലുങ്ക്
- ആസ്സാം – ആസാമീസ്, ബോഡോ
- ബീഹാർ – ഹിന്ദി
- ബോംബെ – മറാത്തി
- ജമ്മു കാശ്മീർ – കാശ്മീരി, ഹിന്ദി, ഉർദ്ദു
- കേരളം – മലയാളം
- മധ്യപ്രദേശ് – ഹിന്ദി
- മദ്രാസ് – തമിഴ്
- മൈസൂർ – കന്നഡ
- ഒറീസ്സ – ഒഡിയ
- പഞ്ചാബ് – പഞ്ചാബി
- ഉത്തർപ്രദേശ് – ഹിന്ദി
- രാജസ്ഥാൻ – ഹിന്ദി
- പശ്ചിമബംഗാൾ – ബംഗാളി
Question 7.
പഞ്ചവത്സര പദ്ധതികളിലൂടെ സ്വതന്ത്ര ഇന്ത്യ യുടെ സമ്പദ്ഘടന ഭദ്രമാക്കാൻ കഴിഞ്ഞാ ക്ലാസിൽ ഒരു പാനൽ ചർച്ച സംഘടിപ്പിച്ചു.
Answer:
- സ്വതന്ത്ര ഇന്ത്യയുടെ പ്രധാന പ്രശ്നങ്ങളായ ഭക്ഷ്യദൗർലഭ്യവും ദാരിദ്ര്യവും മറികടക്കുന്ന തിനായാണ് ഒന്നാം പഞ്ചവത്സര പദ്ധതി കാർഷിക വികസനത്തിന് ഊന്നൽ നൽകിയത്.
- സാമ്പത്തിക വികസനം ഉറപ്പുവരുത്തുന്നതിനും തൊഴിലില്ലായ്മ പരിഹരിക്കുന്നതിനുമായി രണ്ടാം പഞ്ചവത്സര പദ്ധതി ഊന്നൽ നൽകി യത് വ്യവസായ വികസനത്തിനായിരുന്നു.
- പൊതുമേഖലയെ ശക്തിപ്പെടുത്തിക്കൊണ്ടുള്ള രാജ്യപുരോഗതിയാണ് പഞ്ചവത്സര പദ്ധതിക ളിലൂടെ ഇന്ത്യ ലക്ഷ്യം വച്ചത്.
Question 8.
കാർഷിക മേഖല യിലുണ്ടായ വിപ്ലവങ്ങൾ ഭക്ഷ്യാൽപ്പാദനം വർദ്ധിപ്പിക്കാൻ സഹായകമാ യതെങ്ങനെ?
Answer:
- ഭക്ഷ്യോൽപ്പാദന മേഖലയിൽ സ്വയം പര്യാ പ്തത കൈവരിക്കാൻ 1960 മുതൽ ഇന്ത്യ നട പ്പാക്കിയ പദ്ധതികൾ ഈ മേഖലയിൽ വലിയ മാറ്റങ്ങൾ സൃഷ്ടിച്ചതിനാൽ അവയെ വിപ്ലവ ങ്ങൾ എന്നുവിളിക്കുന്നു.
- കാർഷിക മേഖലയുടെ പുരോഗതിയും ഭക്ഷ്യോൽപ്പാദനരംഗത്തെ സ്വയംപര്യാപ്ത തയും ലക്ഷ്യമാക്കിയാണ് ഹരിതവിപ്ലവം ആരം ഭിച്ചത്.
- അത്യുൽപ്പാദന ശേഷിയുള്ള വിത്തിനങ്ങൾ, ജലസേചന സൗകര്യങ്ങൾ, രാസവളം, കീടനാ ശിനികൾ, അത്യാധുനിക യന്ത്രങ്ങൾ എന്നിവ ഉപയോഗപ്പെടുത്തി ചുരുങ്ങിയ കാലംകൊണ്ട് കാർഷികമേഖലയിൽ കൈവരിച്ച് മാറ്റങ്ങൾ ഹരിതവിപ്ലവം എന്നറിയപ്പെടുന്നു.
- ഹരിതവിപ്ലവത്തെ തുടർന്ന് പാലിന്റെയും പാലുൽപ്പന്നങ്ങളുടെയം വർധനവ് ലക്ഷ്യമിട്ട് നടപ്പിലാക്കിയ ധവളവിപ്ലവവും മത്സ്യ ഉൽപ്പാ ദന മേഖലയുടെ പുരോഗതി ലക്ഷ്യമാക്കിയുള്ള നീല വിപ്ലവവും ഇന്ത്യയിൽ വിജയകരമായി നട പ്പിലാക്കി.
Question 9.
സ്വതന്ത്ര്യാനന്തര ഇന്ത്യയിൽ നടപ്പിലാക്കി വരുന്ന സാമ്പത്തിക പരിഷ്കാരങ്ങളുടെ ഗുണദോഷ ങ്ങൾ സംബന്ധിച്ച് ക്ലാസിൽ ഒരു സംവാദം സംഘടിപ്പിക്കുക.
Answer:
- ആസൂത്രിത സമ്പദ്ഘടന-പഞ്ചവൽസര പദ്ധതികൾ.
- മിശ്ര സമ്പദ്ഘടന – പൊതുമേഖലയ്ക്ക് പ്രാധാന്യം.
- വിദേശരാജ്യങ്ങളുടെ സഹായത്തോടെ ഇരു പുരുക്ക് വ്യവസായശാലകൾ.
- കാർഷിക-വ്യവസായ മേഖലകൾക്ക് പ്രാധാന്യം.
- ഭക്ഷ്യോൽപാദന വർധനവ്
- ഭൂപരിഷ്കരണം
- ബാങ്കുകളുടെ ദേശസാൽക്കരണം
- 1990-കൾക്ക് ശേഷം പ്രകടമായ മാറ്റം – ആഗോ ളവൽക്കരണം, സ്വകാര്യവൽക്കരണം, ഉദാര വൽക്കരണം.
Question 10.
സ്വതന്ത്ര ഇന്ത്യയുടെ വിദ്യാഭ്യാസ പുരോഗതി എന്ന വിഷയത്തെ ആസ്പദമാക്കി ക്ലാസിൽ ഒരു സെമി നാർ സംഘടിപ്പിക്കുക.
Answer:
ഇന്ത്യൻ വിദ്യാഭ്യാസത്തെക്കുറിച്ച് പഠിക്കുന്നതിനും ശിപാർശകൾ സമർപ്പിക്കുന്നതിനുമായി ഗവൺമെന്റ് പല ഘട്ടങ്ങളിലായി വിവിധ കമ്മീഷനുകളെ നിയമിച്ചു.
വിദ്വാഭ്യാസം
- ഇന്ത്യയിൽ ആധുനിക വിദ്യാഭ്യാസത്തിന് അടിത്തറ പാകിയത് ബ്രിട്ടീഷ് ഭരണകാലത്താണ്.
- സ്വാതന്ത്ര്യത്തിനു ശേഷം ഇന്ത്യൻ വിദ്യാഭ്യാസത്തെക്കുറിച്ച് പഠിക്കുന്നതിനും ശിപാർശകൾ സമർപ്പിക്കുന്നതിനുമായി ഗവൺമെന്റ് പല ഘട്ടങ്ങളിലായി വിവിധ കമ്മീഷനുകളെ നിയമിച്ചു.
- സ്വതന്ത്ര ഇന്ത്യയിലെ പ്രധാന വിദ്യാഭ്യാസ കമ്മീഷനുകളും അവ ഊന്നൽ നൽകിയ പ്രധാനമേഖലകളും ചുവടെ ചേർക്കുന്നു.
| വിദ്യാഭ്യാസ കമ്മീഷൻ / വിദ്യാഭ്യാസ നയം | വർഷം | ഊന്നൽ മേഖല |
| ഡോ. രാധാകൃഷ്ണൻ കമ്മീഷൻ | 1948 | സർവകലാശാല വിദ്യാഭ്യാസം |
| ഡോ. ലക്ഷ്മണ സ്വാമി മുതലിയാർ കമ്മീഷൻ | 1952 | സെക്കന്ററി വിദ്യാഭ്യാസം |
| ഡോ. ഡി.എസ്. കോത്താരി കമ്മീഷൻ | 1964 | വിദ്യാഭ്യാസത്തിന്റെ ദേശീയ ഘടന |
| ദേശീയ വിദ്യാഭ്യാസ നയം | 1986 | പ്രാഥമിക വിദ്യാഭ്യാസം, തൊഴിലധിഷ്ഠിത വിദ്യാഭ്യാസം |
| ദേശീയ വിദ്യാഭ്യാസ നയം | 2020 | പ്രീപ്രൈമറി മുതൽ ഹയർസെക്കന്ററി വരെയുള്ള വിദ്യാഭ്യാസം, ഉന്നതവിദ്യാഭ്യാസം |
അറിവിന്റെ വിപ്ലവം: ശാസ്ത്രസാങ്കേതികവിദ്യയിലൂടെ
സ്വതന്ത്ര ഇന്ത്യയിൽ അറിവിന്റെ വിപ്ലവം സൃഷ്ടിക്കാനുതകുന്ന തരത്തിലുള്ള നിരവധി സ്ഥാപനങ്ങൾക്ക് ഈ കാലഘട്ടത്തിൽ അടിത്തറയിട്ടു. അവയിൽ പ്രധാനപ്പെട്ടവ ചുവടെ ചേർക്കുന്നു.
- ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി (IIT)
- നാഷണൽ ഇൻസ്റ്റിറ്റ്യൂട്ട് ഓഫ് വൈറോളജി (NIV)
- ഭാഭാ അറ്റോമിക് റിസർച്ച് സെന്റർ (BARC)
- ആൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (AIIMS)
- ഡിഫൻസ് റിസർച്ച് ആന്റ് ഡെവലപ്മെന്റ് ഓർഗനൈസേഷൻ (DRDO)
- ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്മെന്റ് (IIM)
ബഹിരാകാശ ഗവേഷണം
ബഹിരാകാശ ഗവേഷണരംഗത്ത് മുന്നേറിക്കൊണ്ടിരിക്കുന്ന രാജ്യമാണ് ഇന്ത്യ. രാഷ്ട്രവികസനത്തിന് ബഹിരാകാശ സാങ്കേതികവിദ്യ ഉപയോഗിക്കാമെന്നുള്ള കാഴ്ചപ്പാടാണ് ഇന്ത്യൻ ബഹിരാകാശ ഗവേഷണത്തിന്റെ അടിസ്ഥാനം. ഹോമി ജെ. ഭാഭ, വിക്രം സാരാഭായി എന്നിവർ ബഹിരാകാശ ഗവേഷണ രംഗത്ത് സ്തുത്യർഹമായ സേവനം നൽകിയ പ്രധാന ഇന്ത്യൻ ശാസ്ത്രജ്ഞരാണ്.
ബഹിരാകാശ പര്യവേക്ഷണ ദൗത്യങ്ങളിൽ ഇന്ത്യയെ ലോകത്തിന്റെ നെറുകയിൽ എത്തിച്ച് അഭിമാനകരമായ നേട്ടങ്ങളിൽ പ്രധാനപ്പെട്ടവ ചുവടെ ചേർക്കുന്നു.
- 1975 ഏപ്രിൽ 19ലെ ഇന്ത്യയുടെ ആദ്യത്തെ കൃത്രി മോപഗ്രഹമായ ആര്യഭട്ട വിക്ഷേപണ ദൗത്യം.
- ചാന്ദ്രയാൻ I, ചാന്ദ്രയാൻ കക, ചാന്ദ്രയാൻ III എന്നീ ചാന്ദ്രപര്യവേക്ഷണ ദൗത്യങ്ങൾ.
- 2013 ലെ മംഗൾയാൻ ദൗത്യം.
- സൗരഗവേഷണ ദൗത്യം, ബഹിരാകാശ കാലാവസ്ഥാപഠനം എന്നിവ ലക്ഷ്യമാക്കിയുള്ള ആദിത്യ എൽ 1 വിക്ഷേപണ ദൗത്യം.
ദേശീയ ബഹിരാകാശ ദിനം: ചന്ദ്രോപരിതലത്തിൽ ചാന്ദ്രയാൻ III ന്റെ പര്യവേക്ഷണം വിജയകരമായി പൂർത്തീകരിച്ചതിന്റെ സ്മരണയ്ക്കായി ഇന്ത്യയിൽ എല്ലാവർഷവും ആഗസ്റ്റ് 23 ദേശീയ ബഹിരാകാശ ദിനമായി ആചരിച്ചുവരുന്നു.
Question 11.
ഇന്ത്യയിൽ ശാസ്ത്രസാങ്കേതിക മേഖലയിൽ പ്രവർത്തിക്കുന്ന പ്രധാന സ്ഥാപനങ്ങളുടെ ചിത്രങ്ങളും അവയെക്കുറിച്ചുള്ള വിവരണങ്ങളും ഉൾപ്പെടുത്തി ഒരു ഡിജിറ്റൽ മാഗസിൻ തയ്യാറാക്കുക.
Answer:
IIT, NIV, BARC, AIIMS, DRDO, IIM, ISRO എന്നിവയുടെ ചിത്രങ്ങൾ നൽകുക.
Question 12.
ബഹിരാകാശ ഗവേഷണരംഗത്തെ നൂതന സാധ്യതകളെക്കുറിച്ച് മനസ്സിലാക്കുന്നതിനായി ബഹിരാകാശ ശാസ്ത്രജ്ഞരുമായി അഭിമുഖം നടത്തുന്നതിന് ആവശ്യമായ ചോദ്യാവലി തയ്യാറാക്കുക.
Answer:
- AI-യുടെ കണ്ടുപിടിത്തം ബഹിരാകാശ ഗവേഷണത്തെ എങ്ങനെയെല്ലാം സ്വാധീനിക്കും?
- ഏതെല്ലാം ഗ്രഹങ്ങളിൽ മനുഷ്യന് ഇറങ്ങാൻ സാധിക്കും?
- ബഹിരാകാശ ഗവേഷണത്തെക്കുറിച്ച് വിദ്യാർത്ഥികൾക്ക് എങ്ങനെയെല്ലാം ബോധവൽക്കരണം നൽകാൻ കഴിയും?
Question 13.
ചേരിചേരാപ്രസ്ഥാനത്തിന്റെ പ്രധാന ശില്പികളുമായി ബന്ധപ്പെട്ട വിവരങ്ങൾ ശേഖരിച്ച് ഒരു പ്രൊഫൈൽ ആൽബം തയ്യാറാക്കുക.
Answer:
ജവഹർലാൽ നെഹ്റു: സ്വതന്ത്ര ഇന്ത്യയുടെ ആദ്യ പ്രധാനമന്ത്രി. ആധുനിക ഇന്ത്യയുടെ ശില്പി. ‘ഇന്ത്യയെ കണ്ടെത്തൽ’, ‘വിശ്വചരിത്രാവലോകനം’ എന്നിവ പ്രസിദ്ധ രചനകളാണ്.
ഗമാൽ അബ്ദുൾ നാസർ:- ഈജിപ്തിന്റെ രണ്ടാമത്തെ പ്രസിഡണ്ട്. സൂയസ് കനാൽ ദേശസാൽക്കരിച്ചു. ഈജിപ്തിൽ ഒരു ഭരണഘടന നടപ്പിലാക്കി.
അഹമ്മദ് പുക്കാർാ:- ഇന്തോനേഷ്യയുടെ ആദ്യ പ്രസിഡണ്ട്. PNI എന്ന പാർട്ടി സ്ഥാപിച്ചു. “മാർ നിസം” എന്ന തത്വശാസ്ത്രം രൂപവൽക്കരിച്ചു.
മാർഷൽ ടിറ്റൊ:- യുഗോസ്ലാവിയയുടെ പ്രസിഡണ്ട്. ചേരിചേരാപ്രസ്ഥാനത്തിന്റെ ആദ്യ സെക്രട്ടറി ജനറൽ.
ക്വാമേ എൻ കുമാർ: ഘാനയുടെ ആദ്യ പ്രസിഡണ്ട്. ഘാനയിൽ വ്യവസായവൽക്കരണം നടപ്പിലാക്കി.
Question 14.
ഐ.സി.ടി.യുടെ സഹായത്തോടുകൂടി കേരള സംസ്ഥാന രൂപീകരണവുമായി ബന്ധപ്പെട്ട് കൂടുതൽ വിവരങ്ങൾ ഉൾപ്പെടുത്തി ഒരു ഡിജിറ്റൽ പ്രസന്റേഷൻ തയ്യാറാക്കുക.
Answer:
- ലീലാതിലകത്തിലെ പരാമർശം
- ഐക്യകേരള പ്രസ്ഥാനം
- ഐക്യകേരള പ്രമേയങ്ങൾ
- കേരള പ്രദേശ് കോൺഗ്രസ് കമ്മിറ്റിയുടെ രൂപീകരണം
- തിരു-കൊച്ചി സംയോജനം
- ‘ഒന്നേകാൽ കോടി മലയാളികൾ’ എന്ന ഇ.എം.എസിന്റെ ഗ്രന്ഥം
- സംസ്ഥാന പുനസംഘടന
Question 15.
കേരളത്തിന്റെ സാമൂഹിക-സാമ്പത്തിക മേഖലകളിൽ ദൂരവ്യാപകമായ മാറ്റങ്ങൾക്ക് വഴിയൊരുക്കിയ ഭൂപരിഷ്ക്കരണ നിയമത്തിന്റെ നാൾവഴികൾ ചിത്രീകരിക്കുന്ന ഫ്ളോചാർട്ട് തയ്യാറാക്കുക.
Answer:
Question 16.
കേരളത്തിലെ ഉന്നതവിദ്യാഭ്യാസ രംഗം മറ്റ് സംസ്ഥാനങ്ങളിലെ ഉന്നതവിദ്യാഭ്യാസരംഗവുമായി താരതമ്യം ചെയ്ത് കുറിപ്പ് തയ്യാറാക്കുക.
Answer:
- പൊതുമേഖലാ സ്ഥാപനങ്ങൾ
- ഗവേഷണത്തിന് പ്രാധാന്യം
- തൊഴിൽ നൈപുണി വികാസം
- പ്രവർത്തന സ്വാതന്ത്ര്യം
- സാർവ്വത്രിക വിദ്യാഭ്യാസം
- വിഷയവൈവിധ്യം
- ജനാധിപത്യ പ്രവർത്തന രീതി
- അക്കാഡമിക് സമിതികൾക്ക് പ്രാധാന്യം
Question 17.
ചുവടെ നൽകിയിരിക്കുന്ന പട്ടിക വിശകലനം ചെയ്ത് ദേശീയ സാക്ഷരത നിരക്കുമായി കേരളത്തിന്റെ സാക്ഷരത നിരക്ക് താരതമ്യം ചെയ്ത് കുറിപ്പ് തയ്യാറാക്കുക.
| വർഷം | ഇന്ത്യ | കേരളം |
| 1951 | 27 | 47 |
| 1961 | 24 | 55 |
| 1971 | 29 | 70 |
| 1981 | 36 | 79 |
| 1991 | 43 | 90 |
| 2001 | 55 | 91 |
| 2011 | 74 | 94 |
| 2021 | 78 | 94 |
Source: Census of India, various years; except for the year 2021,
Economic Review, Government of Kerala
(Quoted in Thirthankar Roy and Ravi Raman K; Kerala 1956 to the
present India’s Miracle State, 2024)
Answer:
- കേരളം ഇന്ത്യയെക്കാൾ മുന്നിൽ – 1951 മുതൽ തന്നെ കേരളത്തിന്റെ സാക്ഷരതാ നിരക്ക് ഇന്ത്യയുടെ ശരാശരിയെക്കാൾ വളരെ ഉയർന്ന നിലയിലാണ്.
- കേരളത്തിന്റെ വേഗത്തിലുള്ള പുരോഗതി – 1971ൽ 70% പിന്നിട്ട് 1991ൽ തന്നെ 90% കൈവരിച്ചു.
- സ്ഥിരത – 2011ൽ കേരളം 94% എത്തി, 2021ൽ അതേ നിലയിൽ തന്നെ തുടരുന്നു.
- ഇന്ത്യയിലെ പുരോഗതി – 1951ലെ 27% മുതൽ 2021ൽ 78% വരെ ഇന്ത്യയും വളർച്ച കൈവരിച്ചു, പക്ഷേ കേരളത്തേക്കാൾ പിന്നിലാണ്.
- കേരളത്തിന്റെ നേട്ടം വിദ്യാഭ്യാസത്തിനുള്ള സർക്കാരിന്റെ മുൻഗണന, സാമൂഹിക നവോത്ഥാന പ്രസ്ഥാനങ്ങൾ, പൊതുവിദ്യാഭ്യാസ വ്യവസ്ഥയുടെ വ്യാപനം മുതലായ വയാണ് കേരളത്തിന്റെ മികച്ച സാക്ഷരതയ്ക്ക് പ്രധാന കാരണങ്ങൾ.
Question 18.
നിങ്ങളുടെ പ്രദേശത്തെ പ്രാഥമികാരോഗ്യ കേന്ദ്രം സന്ദർശിച്ച് ആരോഗ്യരംഗത്ത് സർക്കാർ നടപ്പിലാക്കി വരുന്ന പ്രധാന പ്രവർത്തനങ്ങളുടെ ലിസ്റ്റ് തയ്യാറാക്കുക.
Answer:
- ആർദ്രം മിഷൻ
- ദേശീയ ആയുഷ്മിഷൻ
- സദ്ഗമയ
- ആരോഗ്യ കേരളം
Question 19.
ഭൂപരിഷ്കരണം, വിദ്യാഭ്യാസം, പൊതുജനാരോഗ്യം തുടങ്ങിയ മേഖലകളിൽ കേരളം കൈവരിച്ച നേട്ട ങ്ങളെ സംബന്ധിച്ച് ക്ലാസിൽ ഒരു പാനൽ ചർച്ച സംഘടിപ്പിക്കുക.
Answer:
- ജന്മിത്ത സമ്പ്രദായം ഇല്ലാതായി.
- കൃഷിഭൂമിയിൽ കുടിയാന് സ്ഥിരാവകാശം ലഭിച്ചു.
- സാർവ്വത്രിക വിദ്യാഭ്യാസം
- കുറഞ്ഞ ശിശു മരണനിരക്ക്, കുറഞ്ഞ മാതൃ മരണ നിരക്ക്
- ഉയർന്ന ആയുർദൈർഘ്യം
Std 10 History Chapter 7 Notes Malayalam Medium – Extended Activities
Question 1.
ഇന്ത്യാവിഭജനവുമായി ബന്ധപ്പെട്ട സംഭവങ്ങളും ചിത്രങ്ങളും ശേഖരിച്ച് ഡിജിറ്റൽ പതിപ്പ് തയ്യാറാക്കുക.
Answer:
Question 2.
സ്വാതന്ത്ര്യാനന്തര ഇന്ത്യ എന്റെ ഭൂപടശേഖരം എന്ന തലക്കെട്ടിൽ പാഠഭാഗവുമായി ബന്ധപ്പെട്ട പ്രധാന ഭൂപടങ്ങൾ ഉൾപ്പെടുത്തി ഡിജിറ്റൽ അറ്റ്ലസ് തയ്യാറാക്കുക.
Answer:
Question 3.
കേരളസർക്കാർ വിദ്യാഭ്യാസരംഗത്തും ആരോഗ്യ രംഗത്തും നടപ്പിലാക്കിവരുന്ന പ്രധാന പദ്ധതി കളും അവയുടെ ലക്ഷ്യങ്ങളും ഉൾപ്പെടുത്തി ഡിജിറ്റൽ പ്രസന്റേഷൻ തയ്യാറാക്കുക.
Answer:
(സൂചനകൾ)
വിദ്യാജ്യോതി: വികലാംഗ വിദ്യാർത്ഥികൾക്ക് യൂണിഫോമുകൾക്കും പഠനോപകരണങ്ങൾക്കും സാമ്പത്തിക സഹായം നൽകുക, ഉന്നത വിദ്യാ ഭ്യാസത്തിനുള്ള ആനുകൂല്യങ്ങൾ വർദ്ധിക്കും.
വിദ്യാകിരണം: വികലാംഗ മാതാപിതാക്കളുടെ സാമ്പത്തികമായി പിന്നാക്കം നിൽക്കുന്ന കുട്ടി കൾക്ക് വിദ്യാഭ്യാസ സഹായം നൽകുക. കുട്ടി യുടെ അക്കാദമിക് നിലവാരത്തിനനുസരിച്ച് പ്രതി മാസ സ്കോളർഷിപ്പ് തുക വ്യത്യാസപ്പെടുന്നു.
ആരോഗ്യകിരണം: ജനനം മുതൽ 18 വയസ്സ് വരെയുള്ള കുട്ടികളുടെ എല്ലാ ആരോഗ്യ സംരക്ഷണ ആവശ്യങ്ങളും നിറവേറ്റുക, സൗജന്യ മരുന്നുകൾ, പരിശോധനകൾ, സർക്കാർ ആശുപ്രതികളിൽ ചികിത്സ എന്നിവ നൽകുക.
താലോലം: വൃക്കരോഗങ്ങൾ, ഹൃദയ സംബന്ധ മായ അസുഖങ്ങൾ, ഹീമോഫീലിയ തുടങ്ങിയ പ്രത്യേക വിട്ടുമാറാത്ത രോഗങ്ങളാൽ ബുദ്ധിമു ട്ടുന്ന 18 വയസ്സിന് താഴെയുള്ള കുട്ടികൾക്ക് സൗജന്യ ചികിത്സ നൽകുക.
ജനനി ശിശു സുരക്ഷാ കാര്യകരം: പൊതുജനാ രോഗ്യ സ്ഥാപനങ്ങളിൽ സിസെക്ഷൻ ഉൾപ്പെടെ സൗജന്യവും ചെലവില്ലാത്തതുമായ പ്രസവങ്ങൾ വാഗ്ദാനം ചെയ്യുക.
Question 4.
സ്വതന്ത്ര ഇന്ത്യയിൽ വിദ്യാഭ്യാസരംഗം മെച്ചപ്പെടു ത്തുന്നതിനായി നടപ്പാക്കിയ പ്രധാന പരിഷ്കാ രങ്ങൾ കാലഗണനാക്രമത്തിൽ പട്ടികപ്പെടുത്തുക.
Answer:
- യൂണിവേഴ്സിറ്റി വിദ്യാഭ്യാസ കമ്മീഷൻ (1948 – 49)
- സെക്കൻഡറി വിദ്യാഭ്യാസ കമ്മീഷൻ (1952 – 53)
- ഇന്ത്യൻ വിദ്യാഭ്യാസ കമ്മീഷൻ (1964-66)
- ദേശീയ വിദ്യാഭ്യാസ നയം (NPE) 1968
- ദേശീയ വിദ്യാഭ്യാസ നയം (NPE) 1986
- ജില്ലാ പ്രാഥമിക വിദ്യാഭ്യാസ പരിപാടി (DPEP) (1994)
- മധ്യദിന ഭക്ഷണ പദ്ധതി (1995)
- വിദ്യാഭ്യാസ അവകാശ നിയമം (RTE) (2009)
- രാഷ്ട്രീയ മാധ്യമിക് ശിക്ഷാ അഭിയാൻ (RMSA) (2009)
- 2020: ദേശീയ വിദ്യാഭ്യാസ നയം (NEP)
Question 5.
നിങ്ങളുടെ വിദ്യാലയത്തിലെ വിദ്യാഭ്യാസ പ്രവർത്തനങ്ങളെ മെച്ചപ്പെടുത്തുന്നതിൽ തദ്ദേശ സ്വയംഭരണ സ്ഥാപനങ്ങൾ വഹിക്കുന്ന പങ്കിനെക്കുറിച്ച് ചർച്ച സംഘടിപ്പിക്കുക.
Answer:
(താഴെ പറയുന്ന സൂചന അനുസരിച്ച് ചർച്ച സംഘടിപ്പിക്കുക.)
പഞ്ചായത്തുകളും മുനിസിപ്പാലിറ്റികളും പോലുള്ള തദ്ദേശ സ്വയംഭരണ സ്ഥാപനങ്ങൾ സ്കൂളുക ളുടെ മേൽനോട്ടം വഹിക്കുക, അടിസ്ഥാന സൗക ര്യങ്ങൾ കൈകാര്യം ചെയ്യുക, അധ്യാപകരുടെ ഹാജർ ഉറപ്പാക്കുക, സ്കൂൾ വികസനത്തിൽ സമൂഹത്തെ ഉൾപ്പെടുത്തുക എന്നിവയിലൂടെ വിദ്യാഭ്യാസം മെച്ചപ്പെടുത്തുന്നതിൽ നിർണായക പങ്ക് വഹിക്കുന്നു. ഒരു ചർച്ച സംഘടിപ്പിക്കു ന്നതിന്, വിദ്യാർത്ഥികൾക്ക് പ്രത്യേക പ്രാദേശിക പദ്ധതികളെക്കുറിച്ച് ഗവേഷണം നടത്താനും, തദ്ദേശ സ്വയംഭരണ പ്രതിനിധികളെ ക്ഷണി ക്കാനും, സ്കൂൾ മാനേജ്മെന്റ് കമ്മിറ്റി എങ്ങനെ മെച്ചപ്പെടുത്താം, അധ്യാപക പ്രകടനം നിരീക്ഷി ക്കുക, സ്കൂളിൽ ആവശ്യമായ അടിസ്ഥാന സൗകര്യ നവീകരണത്തിനായി വാദിക്കുക തുടങ്ങിയ വിഷയങ്ങൾ ചർച്ച ചെയ്യാനും കഴിയും.
Question 6.
ബഹിരാകാശ പര്യവേക്ഷണ ദൗത്യങ്ങളിൽ ഇന്ത്യ യുടെ അഭിമാനകരമായ നേട്ടങ്ങൾ ചിത്രീകരി ക്കുന്ന ഡിജിറ്റൽ ആൽബം തയ്യാറാക്കുക.
Answer:
(സൂചനകൾ)
SSLC History Chapter 7 Notes Pdf Malayalam Medium
ഓർമ്മിക്കേണ്ട വസ്തുതകൾ
- വിഭജനത്തെ തുടർന്ന് ചില ബ്രിട്ടീഷ് ഇന്ത്യൻ പ്രവിശ്യകൾ പാകിസ്ഥാന്റെ ഭാഗമായി മാറിയെങ്കിലും ബഹുഭൂരിപക്ഷം പ്രദേശങ്ങളും ഇന്ത്യയിൽ തന്നെ നിലനിന്നു.
- ബംഗാൾ, പഞ്ചാബ് എന്നീ പ്രവിശ്യകൾ മാത്രം വിഭജിക്കപ്പെട്ടു.
- ഹിന്ദുമുസ്ലീം ഐക്യത്തിനായി പ്രയത്നിച്ച ഗാന്ധിജിയെ ന്യൂഡൽഹിയിലെ ബിർളാ ഹൗസ് അങ്കണത്തിൽ വച്ച് 1948 ജനുവരി 30 വർഗീയവാദിയായ നാഥുറാം വിനായക് ഗോഡ്സെ വെടിവച്ച് കൊലപ്പെടുത്തി.
- 1947ലെ ഇന്ത്യൻ സ്വാതന്ത്ര്യനിയമപ്രകാരം ഇന്ത്യയിലെ 565 നാട്ടു രാജ്യങ്ങൾക്ക് സ്വതന്ത്ര ഇന്ത്യയിലോ പാകിസ്ഥാനിലോ ചേരുവാനോ, സ്വതന്ത്രരാജ്യങ്ങളായി നിലനിൽക്കാനോ അധികാരമുണ്ടായിരുന്നു.
- 1971ൽ ഇന്ദിരാഗാന്ധി പ്രധാനമന്ത്രിയായിരുന്ന കാലഘട്ടത്തിൽ ഭരണഘടനയുടെ 26-ാം ഭേദഗതി പ്രകാരം പ്രിവി പേഴ്സ് നൽകുന്നത് നിർത്തലാക്കി.
- ഇന്ന് നമ്മുടെ ഭൂരിഭാഗം സംസ്ഥാനങ്ങളും ഭാഷയുടെ അടിസ്ഥാനത്തിലാണ് രൂപീകരിക്കപ്പെട്ടത്
- യൂണിയന്റെ സാമ്പത്തി കാസൂത്രണ മാതൃകയിൽ ഇന്ത്യയിൽ ആസൂത്രണ കമ്മീഷൻ രൂപീകരിക്കാൻ നെഹ്റു മുൻ കൈയെടുത്തു. തൽഫലമായി സ്വാതന്ത്ര്യാനന്തര ഇന്ത്യ പൊതുമേഖലയ്ക്ക് പ്രാധാന്യം നൽകുന്ന ഒരു മിശ്ര സമ്പദ് വ്യവസ്ഥയാണ് പിന്തുടർന്നത്.
- ഇന്ത്യയുടെ പ്രധാനപ്രശ്നങ്ങൾ ഭക്ഷ്യ ദൗർലഭ്യവും ദാരിദ്ര്യവുമായിരുന്നു. ഇതിനെ മറികടക്കുന്നതിനായാണ് ഒന്നാം പഞ്ചവത്സര പദ്ധതി കാർഷികവികസനത്തിന് ഊന്നൽ നൽകിയത്.
- സാമ്പത്തികവികസനം ഉറപ്പുവരുത്തുന്നതിനും തൊഴിലില്ലായ്മ പരിഹരിക്കുന്നതിനുമായി രണ്ടാം പഞ്ചവത്സര പദ്ധതി ഊന്നൽ നൽകിയത് വ്യവസായ വികസനത്തിനായിരുന്നു.
- സ്വതന്ത്ര ഇന്ത്യയിൽ കാർഷികരംഗത്ത് ശ്രദ്ധേയമായ മാറ്റങ്ങൾക്ക് തുടക്കം കുറിച്ച് നടപടിയായിരുന്നു ഭൂപരിഷ്കരണം.
- സ്വതന്ത്ര ഇന്ത്യയിലെ ബാങ്കുകൾ വൻകിട വ്യവസായികളുടെയും സമ്പന്നരായ വ്യക്തികളുടെയും ഉടമസ്ഥതയിലായിരുന്നു. ബാങ്കുകൾ സമ്പന്നർക്ക് മുൻഗണന നൽകിയതിനാൽ കർഷകർക്കും സാധാരണക്കാർക്കും വായ്പയും മറ്റ് ബാങ്കുസേവനങ്ങളും ലഭിക്കാതെ വന്നു.
- ഇന്ത്യയിൽ ആധുനിക വിദ്യാഭ്യാസത്തിന് അടിത്തറ പാകിയത് ബ്രിട്ടീഷ് ഭരണകാലത്താണ്.
- ബഹിരാകാശ ഗവേഷണരംഗത്ത് മുന്നേറിക്കൊണ്ടിരിക്കുന്ന രാജ്യമാണ് ഇന്ത്യ.
- 1975 ഏപ്രിൽ 19ലെ ഇന്ത്യയുടെ ആദ്യത്തെ കൃത്രി മോപഗ്രഹമായ ആര്യഭട്ട വിക്ഷേപണ ദൗത്യം.
- ഇന്ത്യൻ വിദേശനയത്തിന്റെ മുഖ്യശില്പിയായ ജവഹർലാൽ നെഹ്റു നമ്മുടെ ദേശീയ താൽപര്യങ്ങൾ സംരക്ഷിക്കുന്ന തരത്തിലുള്ള ഒരു വിദേശനയത്തി നാണ് രൂപം നൽകിയത്.
- തിരുവിതാംകൂർ, കൊച്ചി, മലബാർ എന്നിങ്ങനെ മൂന്ന് രാഷ്ട്രീയ ഭൂവിഭാഗങ്ങളായി വേറിട്ട് കിടന്നിരുന്ന പ്രദേശങ്ങളെയും ദക്ഷിണ കർണ്ണാടക ജില്ലയിലെ കാസർഗോഡ് താലൂക്കും കൂടി ഉൾപ്പെടുത്തിയാണ് 1956 നവംബർ 1ന് കേരള സംസ്ഥാനം ഔദ്യോഗികമായി നിലവിൽ വന്നത്.
- 1994 ഏപ്രിൽ 23ന് കേരള പഞ്ചായത്തീരാജ് നിയമം നിലവിൽ വന്നതോടെ തദ്ദേശസ്വയംഭരണ സ്ഥാപനങ്ങൾക്ക് വിദ്യാഭ്യാസമേഖലയിൽ കൂടുതൽ അധികാരങ്ങൾ ലഭ്യമായി. ഇതോടെ ജനപങ്കാളിത്തത്തോടുകൂടി വിവിധ വിദ്യാഭ്യാസ പദ്ധതികൾ രൂപീകരിക്കാൻ തുടങ്ങി.
- കുറഞ്ഞ ചിലവിൽ പരിമിത മായ സാഹചര്യങ്ങളിൽ നിന്നുകൊണ്ടുതന്നെ ആരോഗ്യമേഖലയെ ലോക നിലവാരത്തിലേക്ക് എത്തിക്കുവാനും മികച്ച ആരോഗ്യപരിപാലനം ഉറപ്പാക്കാനും കേരളത്തിന് കഴിയുന്നുണ്ട്.
ആമുഖം
സ്വാതന്ത്ര്യാനന്തര ഇന്ത്യ നേരിട്ട പ്രതിസന്ധികളും അവയെ അതിജീവിക്കാനായി കൈക്കൊണ്ട് നടപടികളും വിവിധ രംഗങ്ങളിൽ കൈവരിച്ച പുരോഗതിയുമാണ് ഈ പാഠഭാഗത്ത് പരാമർശിക്കുന്നത്. ആധുനിക കേരളം, ഭൂപരിഷ്കരണം, അധികാര വികേന്ദ്രീകരണം എന്നീ രംഗങ്ങളിൽ കൈവരിച്ച നേട്ടങ്ങളും ഇവിടെ പ്രതിപാദിക്കു ന്നുണ്ട്. ദീർഘകാലം കൊളോണിയൽ ഭരണത്തിലായിരുന്ന ഇന്ത്യ എങ്ങനെയാണ് ഒരു സ്വതന്ത്രരാജ്യമായപ്പോൾ വിവിധ രംഗങ്ങളിൽ തങ്ങളുടെ നയങ്ങൾക്ക് രൂപം നൽകിയതെന്ന് പഠിതാക്കൾക്ക് മനസ്സിലാക്കാൻ ഈ പാഠ ഭാഗം സഹായകമാകും. ആധുനിക ഇന്ത്യ കെട്ടിപ്പടുക്കുന്നതിൽ തങ്ങളുടെ പൂർവ്വികർ വഹിച്ച പങ്കിനെക്കുറിച്ചും ഈ പാഠഭാഗം പഠിതാക്കൾക്ക് ധാരണയേകും.
വിഭജനാനന്തര ഇന്ത്യ
ജനത്തിന്റെ വിശദമായ ഭൂപടം തയ്യാറാക്കാനായി ലണ്ടനിലെ പ്രസിദ്ധ അഭിഭാഷകനായിരുന്ന സിറിൽ റാഡ്ക്ലിഫിനെ ആയിരുന്നു ചുമതലപ്പെടുത്തിയിരുന്നത്. വിഭജനത്തെ തുടർന്ന് ചില ബ്രിട്ടീഷ് ഇന്ത്യൻ പ്രവിശ്യകൾ പാകിസ്ഥാന്റെ ഭാഗമായി മാറിയെങ്കിലും ബഹുഭൂരിപക്ഷം പ്രദേശങ്ങളും ഇന്ത്യയിൽ തന്നെ നിലനിന്നു. എന്നാൽ ബംഗാൾ, പഞ്ചാബ് എന്നീ പ്രവിശ്യകൾ മാത്രം വിഭജിക്കപ്പെട്ടു. പശ്ചിമബംഗാൾ ഇന്ത്യയിൽ നിലനിന്നപ്പോൾ പൂർവബംഗാൾ കിഴക്കൻ പാകിസ്ഥാനായി മാറി. അതു പോലെ, പൂർവപഞ്ചാബ് ഇന്ത്യയുടെയും പശ്ചിമപഞ്ചാബ് പാകി സ്ഥാന്റെയും ഭാഗമായി. കൂടാതെ അസമിൽ നടത്തിയ ഇന്ത്യാവിഭഹിതപരിശോധനയെത്തുടർന്ന് സിൽ ഹെറ്റ് കിഴക്കൻ പാകിസ്ഥാന്റെ ഭാഗമായി.
വിഭജനാനന്തരം പാകിസ്ഥാന്റെ ഭാഗമായ പടിഞ്ഞാറൻ പഞ്ചാബിൽ നിന്ന് ഹിന്ദു ഇന്ത്യൻ സിഖുകാരും ഇന്ത്യയിലേക്ക് പലായനം ആരംഭിച്ചു. അതേസമയം, പഞ്ചാബിൽ നിന്ന് മുസ്ലീങ്ങൾ പാകിസ്ഥാനിലേക്കും നീങ്ങി. ബംഗാൾ വിഭജിതമായെങ്കിലും പഞ്ചാബിൽ സംഭവിച്ചതു പോലുള്ള ഒരു കൂട്ടപ്പലായനം അവിടെ ഉണ്ടായില്ല. ഇതിന് കാരണമായ പ്രധാന ഘടകങ്ങൾ ചുവടെ ചേർക്കുന്നു.
- 1905-ലെ ബംഗാൾ വിഭജനത്തിനെതിരായ മുന്നേറ്റത്തിലൂടെ വളർന്ന മതനിരപേക്ഷതയിലൂന്നിയ ദേശീയത
- ബ്രഹ്മപുത്രാനദിയും അവയുടെ പോഷകനദികളും ഇരുരാജ്യങ്ങളിലേക്കുമുള്ള പെട്ടെന്നുള്ള പലായനത്തിന് വിഘാതമായത്.
വിഭജനം നിരവധി പ്രശ്നങ്ങൾ സൃഷ്ടിച്ചു. അവ താഴെ നൽകിയിരിക്കുന്നു.
- ലക്ഷക്കണക്കിന് അഭയാർത്ഥികൾ ഇന്ത്യയിൽ നിന്ന് പാകിസ്ഥാനിനുധാരിയലേക്കും പാകിസ്ഥാനിൽ നിന്ന് ഇന്ത്യയിലേക്കും പ്രവഹിച്ചു.
- വ്യാപകമായ അക്രമങ്ങളുണ്ടാവുകയും പതിനായിരങ്ങൾ കൊല്ലപ്പെടുകയും ചെയ്തു.
- കൊൽക്കത്ത, ഡൽഹി, ലാഹോർ തുടങ്ങിയ സ്ഥലങ്ങളിൽ വർഗീയലഹളകൾ പൊട്ടിപ്പുറപ്പെട്ടു.
- ഒട്ടേറെ സ്ത്രീകൾക്ക് മാനഹാനി സംഭവിച്ചു.
- നിരവധി സ്ത്രീകളും കുട്ടികളും തട്ടിക്കൊണ്ടുപോകലിന് ഇരകളായി.
ഹിന്ദുമുസ്ലീം ഐക്യത്തിനായി പ്രയത്നിച്ച ഗാന്ധിജിയെ ന്യൂഡൽഹിയിലെ ബിർളാ ഹൗസ് അങ്കണത്തിൽ വച്ച് 1948 ജനുവരി 30 വർഗീയവാദിയായ നാഥുറാം വിനായക് ഗോഡ്സെ വെടിവച്ച് കൊലപ്പെടുത്തി.
സ്വതന്ത്ര ഇന്ത്യ നേരിട്ട വെല്ലുവിളികൾ
- അഭയാർത്ഥികളുടെ പുനരധിവാസം
- നാട്ടുരാജ്യങ്ങളുടെ സംയോജനം
- പോർച്ചുഗീസുഞ്ച് അധീന പ്രദേശങ്ങളുടെ കൂട്ടിച്ചേർക്കൽ
- ഭാഷാടിസ്ഥാനത്തിലുള്ള സംസ്ഥാനങ്ങളുടെ പുനഃസംഘടന
- ഇന്ത്യൻ സമ്പദ്ഘടന ശക്തിപ്പെടുത്തൽ
- സ്വതന്ത്രമായ ഒരു വിദേശനയം രൂപപ്പെടുത്തൽ
നാട്ടുരാജ്യങ്ങളുടെ സംയോജനം
1947ലെ ഇന്ത്യൻ സ്വാതന്ത്ര്യനിയമപ്രകാരം ഇന്ത്യയിലെ 565 നാട്ടുരാജ്യങ്ങൾക്ക് സ്വതന്ത്ര ഇന്ത്യയിലോ പാകി സ്ഥാനിലോ ചേരുവാനോ, സ്വതന്ത്രരാജ്യങ്ങളായി നിലനിൽക്കാനോ അധികാരമുണ്ടായിരുന്നു. നാട്ടുരാജ്യങ്ങളെ ഇന്ത്യൻ യൂണിയനിൽ ലയിപ്പിക്കുക എന്നത് രാജ്യത്തെ സംബന്ധിച്ചിടത്തോളം ശ്രമകരമായ ഒരു ദൗത്യമായിരുന്നു. ഈ ദൗത്യം വിജയകരമായി പൂർത്തിയാക്കിയത് ആഭ്യന്തരമന്ത്രിയായിരുന്ന സർദാർ വല്ലഭ്ഭായ് പട്ടേലും സ്റ്റേറ്റ് ഡിപ്പാർട്ട്മെന്റിന്റെ സെക്രട്ടറിയായിരുന്ന വി.പി മേനോനും നയിച്ച സംഘമായിരുന്നു. ലയനക്കരാറിൽ (Instrument of Accession) ഒപ്പുവച്ച് ഇന്ത്യൻ യൂണിയനിൽ ചേരാൻ അവർ എല്ലാ നാട്ടുരാജ്യങ്ങളെയും ക്ഷണിച്ചു. എന്നാൽ, ജുനഗഡ്, കാശ്മീർ, തിരുവിതാംകൂർ, ഹൈദരാബാദ് എന്നീ നാട്ടുരാജ്യങ്ങളിലെ ഭരണാധികാരികൾ ഇന്ത്യൻ യൂണിയനിൽ ചേരാൻ വിസമ്മതിച്ചു. ഈ നാട്ടുരാജ്യങ്ങളെ അനുരഞ്ജന ചർച്ചകളിലൂടെയും സൈനിക നടപടികളിലൂടെയുമാണ് ഇന്ത്യൻ യൂണിയനിൽ ലയിപ്പിച്ചത്. ഇന്ത്യൻ യൂണിയനിൽ ചേർക്കപ്പെട്ട നാട്ടുരാജ്യങ്ങളിലെ ഭരണാധികാരികൾക്ക് പ്രിവി പേഴ്സ് അനുവദിച്ചു നൽകി.
പ്രിവി പേഴ്സ്: ഇന്ത്യൻ യൂണിയനിൽ ലയിപ്പിക്കുന്നതിന്റെ ഭാഗമായി നാട്ടുരാജ്യങ്ങളിലെ രാജാക്കന്മാരുമായി ചില കരാറുകളിൽ ഇന്ത്യാഗവൺമെന്റ് ഒപ്പുവച്ചു. ഇതിനെത്തുടർന്ന് രാജാക്കന്മാർക്ക് അധികാരവും വരുമാനവും നഷ്ടപ്പെട്ടു. ഇത് പരിഹരിക്കുന്നതിനായി ഈ നാട്ടുരാജ്യങ്ങളിലെ ഭരണകുടുംബങ്ങൾക്ക് സർക്കാർ സാമ്പത്തികസഹായമായി ഒരു നിശ്ചിത തുക നൽകി. ഇതാണ് പ്രിവി പേഴ്സ് എന്നറിയപ്പെടുന്നത്. ഇതിനായി ഭീമമായ തുക സർക്കാരിന് ചെലവായിരുന്നു. 1971ൽ ഇന്ദിരാഗാന്ധി പ്രധാനമന്ത്രിയായിരുന്ന കാലഘട്ടത്തിൽ ഭരണഘടനയുടെ 26-ാം ഭേദഗതി പ്രകാരം പ്രിവി പേഴ്സ് നൽകുന്നത് നിർത്തലാക്കി.
ഫ്രഞ്ച് പോർച്ചുഗീസ് അധീനപ്രദേശങ്ങളുടെ മോചനം
1947ൽ ഇന്ത്യ ബ്രിട്ടീഷുകാരിൽ നിന്ന് സ്വതന്ത്രമായതിനുശേഷവും രാജ്യത്തെ ചില പ്രദേശങ്ങൾ വിദേശശക്തികളായ പോർച്ചുഗീസുകാരുടെയും ഫ്രഞ്ചുകാരുടെയും അധീനതയിലായിരുന്നു. ഇതിനെതിരെ അതത് പ്രദേശങ്ങളിൽ ജനകീയ സമരങ്ങൾ ശക്തമായി.
തുടർന്ന് ഇന്ത്യാഗവൺമെന്റിന്റെ അഭ്യർഥന മാനിച്ച് ഫ്രാൻസ് 1954ൽ ഇന്ത്യ വിട്ടു പോകാൻ തയ്യാറായി. തുടർന്ന് പോണ്ടിച്ചേരി, മാഹി, യാനം, കാരയ്ക്കൽ, ചന്ദ്രനഗർ എന്നീ ഫ്രഞ്ച് അധീന പ്രദേശങ്ങൾ കേന്ദ്രഗവൺമെന്റിന്റെ നേരിട്ടുള്ള ഭരണത്തിൻ കീഴിലാവുകയും ചെയ്തു. എന്നാൽ പോർച്ചുഗീസുകാർ ഇന്ത്യയിലെ തങ്ങളുടെ അധീനതയിലുണ്ടായിരുന്ന ഗോവ, ദാമൻ, ദിയു എന്നീ പ്രദേശങ്ങൾ വിട്ടുനൽകാൻ വിസമ്മതിച്ചു. 1954ൽ ജനകീയ സമരത്തെ തുടർന്ന് ദാദ്ര, നഗർ ഹവേലി പ്രദേശങ്ങളിലെ പോർച്ചുഗീസ് ആധിപത്യം അവസാനിച്ചു. തുടർന്ന് 1961ൽ സൈനിക നടപടിയിലൂടെ ഗോവ, ദാമൻ, ദിയു എന്നീ പ്രദേശങ്ങൾ മോചിപ്പിക്കപ്പെടുകയും അവയെ ഇന്ത്യൻ യൂണിയനിൽ ലയിപ്പിക്കുകയും ചെയ്തു.
ഭാഷാടിസ്ഥാനത്തിലുള്ള സംസ്ഥാനങ്ങളുടെ പുനഃസംഘടന
- ഇന്ന് നമ്മുടെ ഭൂരിഭാഗം സംസ്ഥാനങ്ങളും ഭാഷയുടെ അടിസ്ഥാനത്തിലാണ് രൂപീകരിക്കപ്പെട്ടത്.
- എന്നാൽ സ്വാതന്ത്ര്യം ലഭിക്കുന്നതിന് മുമ്പ് രാജ്യത്തെ ഭരണപ്രദേശങ്ങളിലെ അതിരുകൾ (പ്രവിശ്യകൾ) രൂപീകരിക്കപ്പെട്ടത് ഇത്തരം മാനദണ്ഡത്തിന്റെ അടിസ്ഥാനത്തിലായിരുന്നില്ല.
സ്വാതന്ത്ര്യാനന്തരം സംസ്ഥാനങ്ങളെ ഭാഷാടിസ്ഥാനത്തിൽ പുനഃസംഘടിപ്പിച്ചതുമായി ബന്ധപ്പെട്ട പ്രധാന ഘട്ടങ്ങൾ ചുവടെ ചേർക്കുന്നു.
- സംസ്ഥാന പുനഃസംഘടനയെപ്പറ്റി പഠിക്കാൻ എസ്.കെ.ധർ അധ്യക്ഷനായി 1948ൽ ഒരു ഭാഷാപ്രവിശ്യാ കമ്മീഷനെ ഭരണഘടനാ നിർമ്മാണ സമിതി നിയമിച്ചു.
- ഭാഷാസംസ്ഥാനങ്ങൾ വേണമെന്ന ശക്തമായ ആവശ്യത്തെ പരിശോധിച്ച് റിപ്പോർട്ട് സമർപ്പിക്കുന്നതിനായി ജവഹർലാൽ നെഹ്റു, സർദാർ വല്ലഭ്ഭായ് പട്ടേൽ, പട്ടാഭി സീതാരാമയ്യ എന്നിവർ ഉൾപ്പെട്ട (ജെ.വി.പി.) കമ്മിറ്റിയെ 1948ൽ ഇന്ത്യൻ നാഷണൽ കോൺഗ്രസ് നിയോഗിച്ചു.
- തെലുങ്ക് ഭാഷ സംസാരിക്കുന്നവർക്ക് പ്രത്യേക ആന്ധ്രാ സംസ്ഥാനം വേണമെന്ന ആവശ്യം ഉയർന്നുവരികയും 1952ൽ ഈ ആവശ്യമുന്നയിച്ച് പോട്ടി ശ്രീരാമലു നിരാഹാരസമരം ചെയ്ത് മരണം വരിക്കുകയും ചെയ്തു. തുടർന്നുണ്ടായ പ്രക്ഷോഭത്തിന്റെ ഫലമായി 1953 ഒക്ടോബർ 1 ന് ആന്ധ്രാ സംസ്ഥാനം നിലവിൽ വന്നു.
- ജസ്റ്റിസ് ഫസൽ അലിയുടെ നേതൃത്വത്തിൽ സർദാർ കെ.എം. പണിക്കർ, എച്ച്.എൻ. കുൻസു എന്നിവരെ ഉൾപ്പെടുത്തി സംസ്ഥാന പുനഃസംഘടന കമ്മീഷനെ (State Reorganisation Commission) 1953ൽ കേന്ദ്രസർക്കാർ നിയോഗിച്ചു.
1956 ൽ സംസ്ഥാന പുനഃസംഘടന ബിൽ പാർലമെന്റ് പാസാക്കിയ തിന്റെ അടിസ്ഥാനത്തിൽ 1956 നവംബർ ഒന്നിന് 14 ഭാഷാസംസ്ഥാനങ്ങളും ആറ് കേന്ദ്രഭരണ പ്രദേശങ്ങളും രൂപീകൃതമായി.
ഇന്ത്യൻ സമ്പദ്ഘടന ശക്തിപ്പെടുത്തൽ
1947ൽ നമുക്ക് സ്വാതന്ത്ര്യം ലഭിച്ചുവെങ്കിലും ഇന്ത്യയ്ക്ക് പരിഹരിക്കപ്പെടേണ്ടിയിരുന്ന നിരവധി സാമ്പത്തിക പ്രശ്നങ്ങൾ ഉണ്ടായിരുന്നു. യൂണിയന്റെ സാമ്പത്തികാസൂത്രണ മാതൃകയിൽ ഇന്ത്യയിൽ ആസൂത്രണ കമ്മീഷൻ രൂപീകരിക്കാൻ നെഹ്റു മുൻ കൈയെടുത്തു. തൽഫലമായി സ്വാതന്ത്ര്യാനന്തര ഇന്ത്യ പൊതുമേഖലയ്ക്ക് പ്രാധാന്യം നൽകുന്ന ഒരു മിശ്രസമ്പദ്വ്യവസ്ഥയാണ് പിന്തുടർന്നത്.
സ്വതന്ത്ര ഇന്ത്യയുടെ പ്രധാനപ്രശ്നങ്ങൾ ഭക്ഷ്യ ദൗർലഭ്യവും ദാരിദ്ര്യവുമായിരുന്നു. ഇതിനെ മറികടക്കുന്നതി നായാണ് ഒന്നാം പഞ്ചവത്സര പദ്ധതി കാർഷികവികസനത്തിന് ഊന്നൽ നൽകിയത്. കാർഷികവ്യാവസായിക മേഖലകളുടെ അഭിവൃദ്ധിക്കായി ജലസേചന സൗകര്യവും ഊർജോൽപാദനവും ആവശ്യമായിരുന്നു. അതിനായി രാജ്യത്തിന്റെ വിവിധ ഭാഗങ്ങളിൽ അണക്കെട്ടുകൾ നിർമ്മിക്കാൻ ശ്രമമാരംഭിച്ചു. സത്ലജ് നദിയിലെ ഭകാനംഗൽ, ദാമോദർ നദീതടപദ്ധതി, മഹാനദിയിലെ ഹിരാക്കുഡ് എന്നിവ ഇക്കാലത്ത് നിർമ്മിച്ച പ്രധാന നദീതട പദ്ധതികളാണ്. സാമ്പത്തികവികസനം ഉറപ്പുവരുത്തുന്നതിനും തൊഴിലില്ലായ്മ പരിഹരിക്കുന്നതിനുമായി രണ്ടാം പഞ്ചവത്സര പദ്ധതി ഊന്നൽ നൽകിയത് വ്യവസായ വികസനത്തിനായിരുന്നു. പൊതുമേഖലയെ ശക്തിപ്പെടുത്തിക്കൊണ്ടുള്ള രാജ്യപുരോഗതിയാണ് പഞ്ചവത്സര പദ്ധതികളിലൂടെ ഇന്ത്യ ലക്ഷ്യം വച്ചത്.
വിദേശരാജ്യങ്ങളുടെ സാമ്പത്തികസാങ്കേതിക സഹായത്തോടുകൂടി പൊതുമേഖലയിൽ ഇരുമ്പുരുക്ക് വ്യവസായശാലകൾ ആരംഭിച്ചു.
ഭൂപരിഷ്കരണം (Land Reforms)
- സ്വതന്ത്ര ഇന്ത്യയിൽ കാർഷികരംഗത്ത് ശ്രദ്ധേയമായ മാറ്റങ്ങൾക്ക് തുടക്കം കുറിച്ച് നടപടിയായിരുന്നു ഭൂപരിഷ്കരണം.
- വ്യക്തികൾക്ക് കൈവശം വയ്ക്കാവുന്ന ഭൂമിയുടെ പരിധി നിശ്ചയിക്കുക എന്നതായിരുന്നു ഇതിലൂടെ ലക്ഷ്യമിട്ടത്. സ്വാതന്ത്ര്യത്തിന് മുമ്പ് തന്നെ ഇന്ത്യയിൽ ഭൂപരിഷ്കരണം എന്ന ആശയം രൂപപ്പെട്ടിരുന്നു.
- നെഹ്റുവിന്റെ അധ്യക്ഷതയിൽ കൂടിയ ഒരു കമ്മിറ്റിയുടെ ശിപാർശ പ്രകാരം സാമ്പത്തികവികസനം ലക്ഷ്യമാക്കി ജെ.സി. കുമരപ്പയുടെ നേതൃത്വത്തിൽ ഒരു കാർഷിക പരിഷ്കരണ കമ്മിറ്റിയെ (Agrarian Reforms Committee) നിയോഗിച്ചു.
ഭക്ഷ്യാൽപാദനം വിപ്ലവങ്ങളിലൂടെ
- ഭക്ഷ്യോൽപാദനമേഖലയിൽ സ്വയംപര്യാപ്തത കൈവരിക്കാൻ 1960 മുതൽ ഇന്ത്യ നടപ്പാക്കിയ പദ്ധതികൾ ഈ മേഖലയിൽ വലിയ മാറ്റങ്ങൾ സൃഷ്ടിച്ചതിനാൽ അവയെ വിപ്ലവങ്ങൾ എന്നുവിളിക്കുന്നു.
- രാഷ്ട്രനേതാക്കളുടെയും ശാസ്ത്രജ്ഞരുടെയും കൂട്ടായ പരിശ്രമമാണ് ഭക്ഷ്യസ്വയംപര്യാപ്തത നേടുവാൻ ഇന്ത്യയെ സഹായിച്ചത്. കാർഷികമേഖലയുടെ പുരോഗതിയും ഭക്ഷ്യാൽപാദനരംഗത്തെ സ്വയം പര്യാപ്തതയും ലക്ഷ്യമാക്കിയാണ് ഹരിതവിപ്ലവം (Green Revolution) ആരംഭിച്ചത്.
- അത്യുൽപാദനശേഷിയുള്ള വിത്തിനങ്ങൾ, ജലസേചന സൗകര്യങ്ങൾ, രാസവളം, കീടനാശിനികൾ, അത്യാധുനിക യന്ത്രങ്ങൾ എന്നിവ ഉപയോഗപ്പെടുത്തി ചുരുങ്ങിയ കാലം കൊണ്ട് കാർഷിക മേഖലയിൽ കൈവരിച്ച് മാറ്റങ്ങൾ ഹരിതവിപ്ലവം എന്നറിയപ്പെടുന്നു. 1960 മുതൽ 1970 വരെയും 1970 മുതൽ 1980 വരെയുമായി രണ്ട് ഘട്ടങ്ങളിലായാണ് ഹരിതവിപ്ലവം നടന്നത്. ഡോ. എം.എസ്. സ്വാമി നാഥൻ ഇന്ത്യയിലെ ഹരിതവിപ്ലവത്തിന്റെ പിതാവായി അറിയപ്പെടുന്നു.
- ഹരിതവിപ്ലവത്തെ തുടർന്ന് പാലിന്റെയും പാലുൽപന്നങ്ങളുടെയും വർധനവ് ലക്ഷ്യമിട്ട് നടപ്പിലാക്കിയ ധവളവിപ്ലവവും (White Revolution) മത്സ്യ ഉൽപാദനമേഖലയുടെ പുരോഗതി ലക്ഷ്യമാക്കിയുള്ള നീല വിപ്ലവവും (Blue Revolution) ഇന്ത്യയിൽ വിജയകരമായി നടപ്പിലാക്കി.
ബാങ്കുകളുടെ ദേശസാൽക്കരണം (Nationalisation of Banks)
- സ്വതന്ത്ര ഇന്ത്യയിലെ ബാങ്കുകൾ വൻകിട വ്യവസായികളുടെയും സമ്പന്നരായ വ്യക്തികളുടെയും ഉടമസ്ഥതയിലായിരുന്നു. ബാങ്കുകൾ സമ്പന്നർക്ക് മുൻഗണന നൽകിയതിനാൽ കർഷകർക്കും സാധാരണക്കാർക്കും വായ്പയും മറ്റ് ബാങ്കുസേവനങ്ങളും ലഭിക്കാതെ വന്നു.
- തുടർന്ന് 1969ൽ ഇന്ദിരാഗാന്ധിയുടെ നേതൃത്വത്തിലുള്ള ഇന്ത്യാഗവൺമെന്റ് പതിനാല് പ്രധാന ബാങ്കുകളുടെ ഉടമസ്ഥത ഏറ്റെടുത്തു. ഇത് ബാങ്ക് ദേശസാൽക്കരണം എന്നറിയപ്പെടുന്നു. പിൽക്കാലത്ത് ആറ് ബാങ്കുകൾ കൂടി സർക്കാർ ഏറ്റെടുത്തു.
ഇന്ത്യയുടെ വിദേശനയം
ഇന്ത്യൻ വിദേശനയത്തിന്റെ മുഖ്യശില്പിയായ ജവഹർലാൽ നെഹ്റു നമ്മുടെ ദേശീയ താൽപര്യങ്ങൾ സംരക്ഷിക്കുന്ന തരത്തിലുള്ള ഒരു വിദേശനയത്തിനാണ് രൂപം നൽകിയത്.
ഇന്ത്യയുടെ വിദേശനയത്തിന്റെ അടിസ്ഥാന തത്വങ്ങൾ:
- സമാധാനപരമായ സഹവർത്തിത്വം
- കൊളോണിയലിസത്തിനും വർണ്ണവിവേചനത്തിനും എതിരായി നിലകൊള്ളുക.
- ദേശീയസുരക്ഷയും പരമാധികാരവും സംരക്ഷിക്കുക
- ചേരിചേരാനയം
- പഞ്ചശീലതത്വങ്ങൾ
പഞ്ചശീലതത്വങ്ങൾ
- രാജ്യങ്ങളുടെ അതിർത്തിയും പരമാധികാരവും പരസ്പരം അംഗീകരിക്കുക
- പരസ്പരം ആക്രമിക്കാതിരിക്കുക
- ആഭ്യന്തരകാര്യങ്ങളിൽ പരസ്പരം ഇടപെടാതിരിക്കുക
- സമത്വവും പരസ്പരസഹായവും പുലർത്തുക
- സമാധാനപരമായ സഹവർത്തിത്വം പാലിക്കുക
ചേരിചേരാ പ്രസ്ഥാനം (NonAligned Movement)
രണ്ടാം ലോക യുദ്ധത്തിനുശേഷം അമേരിക്കയും സോവിയറ്റ് യൂണിയനും രണ്ട് ആഗോള ശക്തികളായി മാറി. ഇവർ തമ്മിൽ ആരംഭിച്ച ശീതയുദ്ധം (Cold War) ലോകസമാധാനത്തിനുതന്നെ ഭീഷണിയായി. ഇരു ശാക്തിക ചേരികളിലും ചേരാതെ സ്വതന്ത്രമായി നിൽക്കുന്നതിനും രാജ്യതാൽപര്യങ്ങൾ സംരക്ഷിക്കുന്നതിനുമായി ഇന്ത്യയുടെ നേതൃത്വത്തിൽ രൂപപ്പെടുത്തിയ വിദേശനയത്തിന്റെ അടിസ്ഥാനത്തിൽ രൂപീകരിച്ചതാണ് ചേരിചേരാ പ്രസ്ഥാനം.
ലോകത്തിലെ എല്ലാ രാജ്യങ്ങളുമായും ആരോഗ്യകരമായ ബന്ധം പുലർത്താൻ ശ്രമിക്കുന്നതിനോടൊപ്പം ലോകരാഷ്ട്രങ്ങൾക്കിടയിൽ ഇന്ത്യയുടെ അന്തസ്സും താൽപര്യങ്ങളും ഉയർത്തിപ്പിടിക്കുന്നതിന് രാജ്യം പ്രത്യേകം ശ്രദ്ധിക്കുന്നു.
ലോകം ശ്രദ്ധിച്ച കേരളത്തിന്റെ വികസനാനുഭവങ്ങൾ
- തിരുവിതാംകൂർ, കൊച്ചി, മലബാർ എന്നിങ്ങനെ മൂന്ന് രാഷ്ട്രീയ ഭൂവിഭാഗങ്ങളായി വേറിട്ട് കിടന്നിരുന്ന പ്രദേശങ്ങളെയും ദക്ഷിണ കർണ്ണാടക ജില്ലയിലെ കാസർഗോഡ് താലൂക്കും കൂടി ഉൾപ്പെടുത്തിയാണ് 1956 നവംബർ 1ന് കേരള സംസ്ഥാനം ഔദ്യോഗികമായി നിലവിൽ വന്നത്.
- കേരള നിയമസഭയിലേക്കുള്ള ആദ്യത്തെ തിരഞ്ഞെടുപ്പ് 1957ലാണ് നടന്നത്. ഇ.എം.എസ്. നമ്പൂതിരിപ്പാട് കേരളത്തിന്റെ ആദ്യത്തെ മുഖ്യ മന്ത്രിയായി ഗവൺമെന്റ് രൂപീകരിച്ചു.
കേരളത്തിലെ ഭൂപരിഷ്കരണനിയമങ്ങളുടെ പ്രധാന ഫലങ്ങൾ
- കൈവശ ഭൂമിയുടെ മേലുള്ള പരിധി നിർണ്ണയിക്കപ്പെട്ടു
- ജന്മിത്ത സമ്പ്രദായം നിർത്തലാക്കപ്പെട്ടു
- കൃഷിഭൂമിയിൽ കുടിയാന് സ്ഥിരാവകാശം ലഭിച്ചു
- കാർഷിക മേഖലയിൽ നിലനിന്നിരുന്ന ചൂഷണവും അസമത്വവും ഒരുപരിധി വരെ ഇല്ലാതാക്കാൻ കഴിഞ്ഞു.
ഗ്രന്ഥശാല പ്രസ്ഥാനം: പി.എൻ. പണിക്കർ കേരളത്തിലെ ഏറ്റവും വലിയ സംഘടിത സാംസ്കാരിക പ്രസ്ഥാനമാണ് കേരള ഗ്രന്ഥശാല പ്രസ്ഥാനം. 1829ൽ തിരുവിതാംകൂർ രാജാവായ സ്വാതിതിരുനാൾ തിരുവന ന്തപുരത്ത് സ്ഥാപിച്ച് പബ്ലിക് ലൈബ്രറിയാണ് തിരുവിതാംകൂറിലെ ആദ്യത്തെ ഗ്രന്ഥശാല. 1945ൽ പി.എൻ. പണിക്കരുടെ നേതൃത്വത്തിൽ തിരുവിതാംകൂറിലെ ഗ്രന്ഥശാലകളുടെ സമ്മേളനത്തിൽ വച്ച് രൂപപ്പെട്ട കൂട്ടായ്മയാണ് ഗ്രന്ഥശാല പ്രസ്ഥാനത്തിന് തുടക്കം കുറിച്ചത്.
ഇന്ന് നിലനിൽക്കുന്ന സാർവത്രികവും സൗജന്യവുമായ സ്കൂൾ വിദ്യാഭ്യാസത്തിന്റെ വ്യാപനത്തെ സ്വാധീനിച്ച മറ്റുചില ഘടകങ്ങൾ:
- അച്ചടിയുടെ വ്യാപനം
- ഗ്രന്ഥശാല പ്രസ്ഥാനം
- സാക്ഷരത പ്രസ്ഥാനം
- അനൗപചാരിക വിദ്യാഭ്യാസ പ്രവർത്തനങ്ങൾ
- അധികാരവികേന്ദ്രീകരണം.
കേരളത്തിന്റെ വിദ്യാഭ്യാസ നേട്ടങ്ങൾ
ഭൂപരിഷ്കരണത്തിലൂടെ കൃഷിഭൂമി കർഷകന് ലഭ്യമായതോടെയാണ് കേരളത്തിൽ വിദ്യാഭ്യാസം ശക്തിപ്പെട്ടത്. ഭൂപരിഷ്കരണ നിയമങ്ങൾ, 1958ലെ കേരള വിദ്യാഭ്യാസനിയമം തുടങ്ങിയവയിലൂടെ പ്രാഥമിക വിദ്യാഭ്യാസം സൗജന്യവും സാർവത്രികവുമാക്കുവാൻ കേരളത്തിന് കഴിഞ്ഞു. ജനകീയ സാക്ഷരതാപ്രവർത്തനങ്ങളുടെ ഫലമായി 1991 ഏപ്രിൽ 18ന് കേരളം ഇന്ത്യയിലെ ആദ്യത്തെ സമ്പൂർണ്ണ സാക്ഷരത നേടിയ സംസ്ഥാനമായി മാറി.
1994 ഏപ്രിൽ 23ന് കേരള പഞ്ചായത്തീരാജ് നിയമം നിലവിൽ വന്നതോടെ തദ്ദേശസ്വയംഭരണ സ്ഥാപനങ്ങൾക്ക് വിദ്യാഭ്യാസമേഖലയിൽ കൂടുതൽ അധികാരങ്ങൾ ലഭ്യമായി. ഇതോടെ ജനപങ്കാളിത്തത്തോടുകൂടി വിവിധ വിദ്യാഭ്യാസ പദ്ധതികൾ രൂപീകരിക്കാൻ തുടങ്ങി.
കേരള സംസ്ഥാന രൂപീകരണവേളയിൽ ഒരു സർവകലാശാല (കേരള സർവകലാശാല) മാത്രമാണ് കേരളത്തിൽ ഉണ്ടായിരുന്നത്. എന്നാൽ ഇന്ന് ശാസ്ത്രസാങ്കേതിക കാർഷികആരോഗ്യ മേഖലകൾക്ക് പ്രാധാന്യം നൽകിക്കൊണ്ട് വിവിധ സർവകലാശാലകൾ കേരളത്തിൽ പ്രവർത്തിച്ചു വരുന്നു. കൂടാതെ തൊഴിൽ നൈപുണി വികസിപ്പിക്കുന്നതിന്റെ ഭാഗമായി പോളിടെക്നിക്കുകൾ, വ്യവസായ പരിശീലന സ്ഥാപനങ്ങൾ (ITI) തുടങ്ങി യവയും കേരളത്തിൽ പ്രവർത്തിക്കുന്നുണ്ട്. ഇത്തരത്തിൽ സംസ്ഥാനം രൂപീകൃതമായതുമുതൽ സാർവത്രിക വിദ്യാഭ്യാസത്തിനുനൽകിയ പ്രാധാന്യവും ആ മേഖലയിൽ കൈവരിച്ച നേട്ടങ്ങളുമാണ് കേരളത്തെ വിദ്യാഭ്യാസ രംഗത്ത് മാതൃകാസംസ്ഥാനമായി വളർത്തിയ പ്രധാനഘടകം.
ആരോഗ്യമേഖല
കുറഞ്ഞ ചിലവിൽ പരിമിതമായ സാഹചര്യങ്ങളിൽ നിന്നുകൊണ്ടുതന്നെ ആരോഗ്യമേഖലയെ ലോക നിലവാരത്തിലേക്ക് എത്തിക്കുവാനും മികച്ച ആരോഗ്യപരിപാലനം ഉറപ്പാക്കാനും കേരളത്തിന് കഴിയുന്നുണ്ട്. ആരോഗ്യമേഖലയിൽ നാം കൈവരിച്ച ചില നേട്ടങ്ങളുടെ ഫലങ്ങൾ ചുവടെ ചേർക്കുന്നു.
- സ്വതന്ത്ര ഇന്ത്യയുടെ വർത്തമാനം
- കുറഞ്ഞ ശിശുമരണനിരക്ക്
- കുറഞ്ഞ മാതൃമരണനിരക്ക്
- ഉയർന്ന ആയുർദൈർഘ്യം
- അതിവേഗം കുറയുന്ന ജനസംഖ്യ വളർച്ചാനിരക്ക്
വിദ്യാഭ്യാസം, ആരോഗ്യം എന്നീ മേഖലകളിൽ വരിച്ച നേട്ടങ്ങളിലൂടെയാണ് പ്രതിശീർഷവരുമാനം കുറവാ യിരുന്നിട്ടും മാനവ വികസന സൂചികയിൽ ആഗോള നിലവാരത്തിലേക്കുയരാൻ കേരളത്തിന് സാധിച്ചത്. 1965ൽ നടപ്പാക്കിയ സാർവത്രിക പൊതുവിതരണ സമ്പ്രദായത്തിലൂടെ ദാരിദ്ര്യലഘൂകരണത്തിൽ മറ്റ് സംസ്ഥാനങ്ങൾക്ക് കേരളം മാതൃകയായി. കൂടാതെ സ്ത്രീ ശാക്തീകരണരംഗത്ത് കുടുംബശ്രീയിലൂടെയും പ്രാദേശിക ഭരണത്തിൽ വികേന്ദ്രീകൃത ആസൂത്രണത്തിലൂടെയും സാക്ഷരതയിൽ കേരള സംസ്ഥാന സാക്ഷരത മിഷൻ അതോറിറ്റി (KSLMA) യുടെ പ്രവർത്തനങ്ങളിലൂടെയും മുന്നേറ്റങ്ങളുണ്ടാക്കാൻ കേരളത്തിന് കഴിഞ്ഞിട്ടുണ്ട്.