9th Class Physics Chapter 7 Notes Solutions Malayalam Medium ധാരാവൈദ്യുതി

The comprehensive approach in Kerala SCERT Class 9 Physics Solutions Chapter 7 Notes Malayalam Medium ധാരാവൈദ്യുതി Questions and Answers ensures conceptual clarity.

Std 9 Physics Chapter 7 Notes Solutions Malayalam Medium ധാരാവൈദ്യുതി

Kerala Syllabus 9th Class Physics Notes Malayalam Medium Chapter 7 Questions and Answers ധാരാവൈദ്യുതി

Class 9 Physics Chapter 7 Notes Malayalam Medium Let Us Assess Answers

Question 1.
താഴെ കൊടുത്തവയിൽ രാസോർജത്തെ വൈദ്യുതോർജമാക്കുന്നത് ഏത്?
a) ഡ്രൈസെൽ
b) ഡൈനാമോ
c) സോളാർ സെൽ
Answer:
a) ഡ്രൈസെൽ

Question 2.
ഒരു അടഞ്ഞ സർക്കീട്ടിൽ വൈദ്യുതപ്രവാഹം ഉണ്ടാകണമെങ്കിൽ അതിലെ സെല്ലിന്റെ രണ്ട് ടെർമിനലുകൾ
a) ഉയർന്ന പൊട്ടെൻഷ്യലിൽ ആയിരിക്കണം
b) തമ്മിൽ ഒരു പൊട്ടെൻഷ്യൽ വ്യത്യാസം ഉണ്ടായിരിക്കണം
c) വ്യത്യസ്ത താപനിലയിൽ ആയിരിക്കണം
d) വ്യത്യസ്ത ഉയരത്തിൽ ആയിരിക്കണം
Answer:
b) തമ്മിൽ ഒരു പൊട്ടെൻഷ്യൽ വ്യത്യാസം ഉണ്ടായിരിക്കണം.

Question 3.
താഴെക്കൊടുത്തവയിൽ അമ്മീറ്ററും വോൾട്ട് മീറ്ററും ശരിയായ രീതിയിൽ ബന്ധിപ്പിച്ച സെർക്കീട്ട് ഏത്?

Answer:
(c)

Question 4.
A കോളത്തിലുള്ളവയ്ക് ചേരുന്നവ B, C എന്നീ കോളങ്ങളിൽ നിന്ന് എടുത്ത് എഴുതുക.

A	B	C
പൊട്ടെൻഷ്യൽ വ്യത്യാസം (V)	Q/t	ഓം (Ω)
കറന്റ് (I)	W/Q	വോൾട്ട് (V)
പ്രതിരോധം (R)	V/I	ആമ്പിയർ (A)

Answer:
പൊട്ടെൻഷ്യൽ വ്യത്യാസം (V) – W/Q – വോൾട്ട് (V)
കറന്റ് (I) – Q/t – ആമ്പിയർ (A)
പ്രതിരോധം (R) – V/I – ഓം (Ω)

Question 5.
ഒരു വൈദ്യുത സെർക്കീട്ടിലെ M എന്ന ബിന്ദുവിൽ നിന്ന് 5 C വൈദ്യുത ചാർജ് N എന്ന ബിന്ദുവിൽ എത്തിക്കാൻ 50 ) പ്രവൃത്തി ചെയ്തുവെങ്കിൽ M, N എന്നീ ബിന്ദുക്കൾക്കിടയിലെ പൊട്ടെൻഷ്യൽ വ്യത്യാസം എത്ര?
Answer:
പ്രവൃത്തി, W = 50 J
ചാർജ്, Q = 5 C
പൊട്ടെൻഷ്യൽ വ്യത്യാസം = W/Q = 50/5 =10 V

Question 6.
താഴെക്കൊടുത്തവയിൽ ബൾബുകളെ ശ്രേണീരീതിയിൽ ബന്ധിപ്പിച്ച സെർക്കീട്ടുകൾ ഏവ?

Answer:
(b), (c)

Question 7.
താഴെക്കൊടുത്ത സെർക്കീട്ട് വിശകലനം ചെയ്ത് ചോദ്യങ്ങൾക്ക് ഉത്തരം എഴുതുക.

a) സ്വിച്ച് ഓണാക്കിയാൽ സെർക്കീട്ടിലെ സഫലപ്രതിരോധം കണക്കാക്കുക.
b) സെർക്കീട്ടിലൂടെയുള്ള കറന്റ് എത്ര?
c) 2 Ω പ്രതിരോധകത്തിന് ലഭിക്കുന്ന പൊട്ടെൻഷ്യൽ വ്യത്യാസം എത്ര?
d) 1 Ω പ്രതിരോധകത്തിലൂടെ പ്രവഹിക്കുന്ന കറന്റ് എത്ര?
Answer:
a) R₁ = 1Ω
R₂ = 2Ω
സഫലപ്രതിരോധം R = R₁ + R₂ = 1 + 2 = 3 Ω

b) സെർക്കീട്ടിലൂടെയുള്ള കറന്റ്,
I = \(\frac{V}{R}\) = \(\frac{6}{3}\) = 2 A

C) V = I R₂= 2 × 2 = 4 V

d) I = 2 A (ശ്രേണീരീതിയിൽ കറന്റ് തുല്യം)

Question 8.
ഒരു വൈദ്യുത സെർക്കീട്ടിൽ ഫാനും ഫാനിന്റെ റെഗുലേറ്ററും തമ്മിൽ ബന്ധിപ്പിക്കുന്നത് ഏത് രീതിയിലാണ്? സമാന്തരം /ശ്രേണി
Answer:
ശ്രേണി.

Question 9.
താഴെക്കൊടുത്ത സെർക്കീട്ടുകളിൽ 10 V പൊട്ടെൻഷ്യൽ വ്യത്യാസം കാണിക്കുന്ന വോൾട്ട് മീറ്റർ ഏതെല്ലാം?

Answer:
(b), (d)

Question 10.
50 cm നീളമുള്ള ഒരു കമ്പിയുടെ പ്രതിരോധം 50 ആണ്. ഇതിനെ വലിച്ചു നീട്ടി നീളം ഇരട്ടിയാക്കുന്നു എങ്കിൽ
a) ചാലകത്തിന്റെ ഛേദതല പരപ്പളവിന് (വണ്ണത്തിന്) എന്ത് മാറ്റം സംഭവിക്കും?
b) ചാലകത്തിന്റെ പ്രതിരോധം എത്രയാകും?
Answer:
a) ചാലകത്തിന്റെ നീളം ഇരട്ടിയാക്കുമ്പോൾ, ഛേദതല പരപ്പളവ് പകുതിയായി കുറയുന്നു.
b) കമ്പിയുടെ നീളം ഇരട്ടിയാക്കുകയും അതിന്റെ ഛേദതല പരപ്പളവ് പകുതിയായി കുറയുകയും ചെയ്താൽ, അതിന്റെ പ്രതിരോധം നാല് മടങ്ങ് വർധിക്കും.

Question 11.
താഴെക്കൊടുത്തവയിൽ ഓം നിയമത്തെ സൂചിപ്പിക്കുന്ന ഗ്രാഫ് ഏതാണ്?

Answer: (c)

തുടർപ്രവർത്തനങ്ങൾ

Question 1.
ഓം നിയമത്തെ സൂചിപ്പിക്കുന്ന ഗ്രാഫ് ആണ് താഴെ കൊടുത്തത്. ഗ്രാഫ് വിശകലനം ചെയ്ത് ഗ്രാഫിൽ നിന്ന് പ്രതിരോധം കണ്ടുപിടിക്കുക.

Answer:
Answer: (സൂചന)
ഗ്രാഫിന്റെ രേഖീയ ഭാഗത്ത് രണ്ട് പോയിന്റുകൾ കണ്ടെത്തുക. ഈ പോയിന്റുകൾക്ക് കോർഡി നേറ്റുകൾ ഉണ്ടായിരിക്കും. (I₁, V₁), (I₂, V₂). ഓം നിയമത്തിന്റെ സമവാക്യം ഉപയോഗിച്ച്,
R = \(\frac{V}{I}\)
V-I ഗ്രാഫിന്റെ ചരിവ്, പ്രതിരോധം നൽകുന്നു. നിങ്ങൾക്ക് രണ്ട് പോയിന്റുകൾ ഉണ്ടെങ്കിൽ,
R = \(\frac{V_2-V_1}{I_2-I_1}\)
I₁ = 0.5 A, I₂ = 1.0 A
V₁ = 1.5 V, V₂ = 3 V,
R = \(\frac{V_2-V_1}{I_2-I_1}\)
R = \(\frac{3-1.5}{1-0.5}\) = \(\frac{1.5}{0.5}\)
R = 3 Ω

Question 2.
3v ന്റെ മൂന്ന് LED കൾ, 9 V ബാറ്ററി ഉപയോഗിച്ച് പ്രകാശിപ്പിക്കുന്നതിന്റെ സെർ ക്കീട്ട് ഡയഗ്രം വരച്ച്, സെർക്കീട്ട് നിർമ്മിച്ച് പ്രവർത്തിപ്പിക്കുക.
Answer:
(സൂചന)
3V ന്റെ മൂന്ന് LED കൾ 9V ബാറ്ററിയിൽ ഉപയോഗിക്കാൻ, ഓരോ LED-ക്കും മുൻപിൽ ശ്രേണി രീതിയിൽ ബന്ധിപ്പിക്കണം. 9V ബാറ്ററിയുടെ അധിക വോൾട്ടേജ് LED-കൾക്ക് ഉണ്ടാക്കാതിരിക്കാൻ, ഈ പ്രതിരോധകം ആവശ്യമാണ്.

• 9v ബാറ്ററിയുടെ പോസിറ്റീവ് ടെർമിനലിൽ നിന്ന് പ്രതിരോധകം കണക്റ്റ് ചെയ്യുക.
• റെസിസ്റ്ററിന് ശേഷം LED-കളുടെ പോസിറ്റീവ് ഭാഗം കണക്റ്റ് ചെയ്യുക.
• LED-കളുടെ നെഗറ്റീവ് ഭാഗം ബാറ്ററിയുടെ നെഗറ്റീവ് ടെർമിനലിൽ കണക്റ്റ് ചെയ്യുക.

Question 3.
ഉപയോഗശൂന്യമായ ടോർച്ച് സെല്ലിന്റെയും പുതിയ ടോർച്ച് സെല്ലിന്റെയും emf ഒരു മൾട്ടിമീറ്റർ ഉപയോഗിച്ച് അളക്കുക. അവയുടെ മൂല്യത്തിൽ എന്തെങ്കിലും വ്യത്യാസം കാണുന്നുണ്ടോ? എന്തായിരിക്കും കാരണം?
Answer:

(സൂചന)
ഉപയോഗശൂന്യമായ ടോർച്ച് സെല്ലിന്റെ emf കുറയും, എന്നാൽ പുതിയ emf സെല്ലിന് കൂടുതലായിരിക്കും. കാരണം സെല്ലിന്റെ ഒരു പഴയ കെമിക്കൽ ഊർജ്ജം കുറഞ്ഞതുകൊണ്ട് emf കുറയുന്നു.

Physics Class 9 Chapter 7 Questions and Answers Malayalam Medium

Question 1.
ഉരസൽ മൂലം വസ്തുക്കൾക്ക് ലഭിക്കുന്ന വൈദ്യുതചാർജുകൾ ഏതൊക്കെയാണ്?
Answer:
ഉരസൽമൂലം വസ്തുക്കൾക്ക് പോസിറ്റീവും നെഗറ്റീവും ചാർജുകൾ ലഭിക്കുന്നു.

Question 2.
ഇലക്ട്രോണുകളുടെ ചാർജ് ഏതാണ്?
Answer:
ഇലക്ട്രോണുകൾക്ക് നെഗറ്റീവ് ചാർജ് ആണ്.

Question 3.
വൈദ്യുതചാർജിന്റെ യൂണിറ്റ് എന്താണ്?
Answer:
വൈദ്യുത ചാർജിന്റെ യൂണിറ്റ് കൂളോം (C) ആണ്.
ചാർജ് ചെയ്യപ്പെട്ട ഒരു കപ്പാസിറ്റർ (6 V, 500 µF) LEDയുമായി ചിത്രത്തിൽ കാണുന്നതുപോലെ ബന്ധിപ്പിക്കുക.

Question 4.
നിങ്ങളുടെ നിരീക്ഷണം എന്ത്?
Answer:
LED അല്പസമയം പ്രകാശിക്കുന്നു.

Question 5.
LED യുമായി ബന്ധിപ്പിച്ചപ്പോൾ കപ്പാസിറ്ററിലെ വൈദ്യുതചാർജിന് എന്ത് സംഭവിക്കുന്നു?
Answer:
LED യിലൂടെ വൈദ്യുതചാർജ് ഒഴുകുന്നു.

Question 6.
ഈ ക്രമീകരണത്തിൽ LED തുടർച്ചയായി പ്രകാശിക്കാത്തതിന് കാരണമെന്തായിരിക്കും?
Answer:
കപ്പാസിറ്ററിന്റെ ചാർജ് പൂർണമായും നഷ്ടപ്പെട്ടത് കൊണ്ട്.
കാൽക്കുലേറ്ററിലും മറ്റും ഉപയോഗിക്കുന്ന ബട്ടൺ സെല്ലുമായി ഒരു LED ചിത്രത്തിൽ കാണുന്നതുപോലെ ബന്ധിപ്പിക്കുക.

Question 7.
നിങ്ങളുടെ നിരീക്ഷണം എന്ത്? ഇവിടെ LED തുടർച്ചയായി പ്രകാശിക്കുന്നുണ്ടോ?
Answer:
LED തുടർച്ചയായി പ്രകാശിക്കുന്നു. ചാർജുകളുടെ ചലനം സെർക്കീട്ടിലൂടെ തുടർച്ചയായ വൈദ്യുത പ്രവാഹം സൃഷ്ടിക്കുന്നു.
പ്രവർത്തനം

A, B എന്നീ രണ്ട് പാത്രങ്ങളിൽ ഒന്നിൽ ഏതെങ്കിലും നിറം ചേർത്ത ജലവും രണ്ടാമത്തേതിൽ സാധാരണ ജലവും ഒരേ അളവിൽ എടുക്കുക. ഒരു പ്ലാസ്റ്റിക്ക് ട്യൂബിൽ (സൈഫൺ) ജലം നിറച്ച ശേഷം ചിത്രത്തിൽ കാണുന്നതു പോലെ ട്യൂബ് പാത്രങ്ങളിലെ ജലത്തിൽ താഴ്ത്തുക.

Question 8.
A എന്ന പാത്രത്തിൽ നിന്ന് B എന്ന പാത്രത്തിലേക്ക് ജലം ഒഴുകുന്നുണ്ടോ?
Answer:
ഇല്ല, രണ്ട് പാത്രത്തിലെയും ജലനിരപ്പിന്റെ ഉയരത്തിൽ വ്യത്യാസമില്ലാത്തതിനാലാണ് ജലം ഒഴുകാത്തത്.

Question 9.
രണ്ട് പാത്രങ്ങളിലെയും ജലനിരപ്പിന്റെ ഉയരം കൊണ്ടുണ്ടാകുന്ന പൊട്ടെൻഷ്യൽ തുല്യമാണോ? തുല്യമാണ് വ്യത്യസ്തമാണ്
Answer:
തുല്യമാണ്.
A എന്ന പാത്രം അല്പം ഉയരത്തിൽ വച്ച് പരീക്ഷണം ആവർത്തിക്കുക.

Question 10.
A എന്ന പാത്രത്തിൽ നിന്ന് B എന്ന പാത്രത്തിലേക്ക് ഇപ്പോൾ ജലം ഒഴുകുന്നുണ്ടോ?
Answer:
ഉണ്ട്, ജലനിരപ്പിന്റെ ഉയരത്തിൽ വ്യത്യാസമുള്ളതുകൊണ്ടാണ് ജലം ഒഴുകിയത്. ആദ്യത്തെ പരീക്ഷണത്തിൽ രണ്ട് പാത്രത്തിലെയും ജലനിരപ്പിന്റെ വ്യത്യാസമില്ലാത്തതിനാലാണ് ജലം ഒഴുകാത്തത്. രണ്ടാമത്തെ പരീക്ഷണത്തിൽ ഉയരത്തിൽ വ്യത്യാസമുള്ളതുകൊണ്ടാണ് ജലം ഒഴുകിയത്. താഴെക്കൊടുത്ത രണ്ട് സന്ദർഭങ്ങൾ കൂടി നിരീക്ഷിക്കുക.
സന്ദർഭം 1
ഉയരത്തിൽ മെഴുകുതിരി ജ്വാലയിൽ ഒരു ഇരുമ്പ് ദണ്ഡ് സ്പർശിക്കുന്നതാണ് ചിത്രത്തിൽ കാണിച്ചത്.

Question 11.
മെഴുകുതിരി ജ്വാലയിൽ സ്പർശിച്ച ഉടൻ ദണ്ഡിന്റെ ഏതു ഭാഗത്തായിരിക്കും താപനില (temperature) ഉയരുന്നത്? (P/Q)
Answer:
Q

Question 12.
ദണ്ഡിലൂടെ താപം ഒഴുകുന്നത് എവിടെ നിന്ന് എങ്ങോട്ടായിരിക്കും?
P യിൽ നിന്ന് Q വിലേക്ക് | Q വിൽ നിന്ന് P യിലേക്ക്.
Answer:
റു വിൽ നിന്ന് P യിലേക്ക്
സന്ദർഭം 2
പരമാവധി കാറ്റ് നിറച്ച ഒരു ട്യൂബാണ് ചിത്രത്തിൽ കാണിച്ചത്.

Question 13.
വായു മർദം (pressure) കൂടുതൽ എവിടെയാണ്? ട്യൂബിനകത്ത് / ട്യൂബിന് പുറത്ത്
Answer:
ട്യൂബിനകത്ത്.

Question 14.
ട്യൂബിന്റെ വാൽവ് തുറന്നാൽ വായു എവിടെ നിന്ന് എങ്ങോട്ടായിരിക്കും പ്രവഹിക്കുക?
Answer:
ട്യൂബിനകത്തുനിന്ന് പുറത്തോട്ട്.

Question 15.
മുകളിൽ കൊടുത്ത പ്രവർത്തനങ്ങളിൽ നിന്ന് എത്തിച്ചേരുന്ന നിഗമനങ്ങൾ പട്ടികപ്പെടുത്തൂ
Answer:

സന്ദർഭം	പ്രവഹിക്കു
ജലം ഒഴുകുന്നത്	ഗ്രാവിറ്റേഷൻ പൊട്ടൻഷ്യൽ കൂടിയ ഭാഗത്ത് നിന്ന് കുറഞ്ഞ സ്ഥലത്തേക്ക്
താപം പ്രവാഹദിശ	ഉയർന്ന താപനിലയുള്ള ഭാഗത്തു നിന്ന് താഴ്ന്ന താപനിലയുള്ള ഭാഗത്തേക്ക്
വായു പ്രവഹിക്കുന്നത്	മർദം കൂടിയ ഭാഗത്ത് നിന്നും കുറഞ്ഞ ഭാഗത്തേക്ക്

ജലപ്രവാഹം ഉണ്ടായത് ഉയരവ്യത്യാസമുള്ള രണ്ട് സ്ഥാനങ്ങൾ ഉള്ളതു കൊണ്ടാണല്ലോ? അതുപോലെ താപപ്രവാഹം
വ്യത്യാസമുള്ള രണ്ട് സ്ഥാനങ്ങൾ ഉള്ളതിനാലും വായുപ്രവാഹം ഉണ്ടായത് മർദത്തിൽ വ്യത്യാസമുള്ള രണ്ട് മേഖലകൾ ഉണ്ടായതിനാലും ആണ്.
ചിത്രം നിരീക്ഷിക്കുക.

സൈഫൺ മാത്രം ഉപയോഗിക്കുമ്പോൾ പാത്രം A യിൽ നിന്ന് പാത്രം B യിലേക്കുള്ള ജലപ്രവാഹം, രണ്ട് പാത്രങ്ങളിലെയും ജലനിരപ്പ് തുല്യമാകുന്നത് വരെ മാത്രമല്ലേ സാധ്യമാവുകയുള്ളൂ.

Question 16.
പാത്രം A യിൽ നിന്ന് പാത്രം B യിലേക്ക് ഓരോ സെക്കന്റിലും എത്ര ജലം പ്രവഹിക്കുന്നുവോ, അത്രയും തന്നെ ജലം ഓരോ സെക്കന്റിലും B യിൽ നിന്നു തിരികെ A യിൽ എത്തിക്കാൻ സാധിക്കുന്ന ഒരു പമ്പ് ഉപയോഗിക്കുകയാണെങ്കിലോ? പാത്രം A യിൽ നിന്ന് പാത്രം B യിലേക്ക് ജലം തുടർച്ചയായി പ്രവഹിക്കുകയില്ലേ? എന്തായിരിക്കും കാരണം?
Answer:
പ്രവഹിക്കും, ഗ്രാവിറ്റേഷൻ പൊട്ടൻഷ്യൽ വ്യത്യാസം നിലനിർത്താൻ കഴിഞ്ഞതുകൊണ്ട്. ഇവിടെ ബാഹ്യ ഊർജസ്രോതസ്സായ പമ്പിന്റെ പ്രവർത്തനമാണ് A, B എന്നീ പാത്രങ്ങളിലെ ജലനിരപ്പുകൾ തമ്മിൽ ഉയരത്തിലുള്ള വ്യത്യാസം നിലനിർത്തിയതും അതുമൂലം ജലപ്രവാഹം തുടർച്ചയായി സാധ്യമാക്കിയതും.

Question 17.
ചിത്രത്തിലെ സർക്കീട്ട് നിരീക്ഷിക്കുക. സ്വിച്ച് ഓൺ ചെയ്താൽ ബൾബ് പ്രകാശിക്കുമോ? എന്തായിരിക്കും കാരണം?
Answer:
ഇവിടെ സ്വിച്ച് ഓൺ ചെയ്താൽ ചെയ്താൽ ബൾബ് പ്രകാശിക്കുകയില്ല. കാരണം C, D എന്നീ അഗ്രങ്ങൾക്കിടയിൽ ചാർജ് ഒഴുകത്തക്ക രീതിയിൽ ഒരു പൊട്ടൻഷ്യൽ വ്യത്യാസം ഇല്ല. സെർക്കീട്ടിലെ ബൾബ് തുടർച്ചയായി പ്രകാശിക്കണമെങ്കിൽ, ബൾബിലൂടെ വൈദ്യുതചാർജുകളുടെ പ്രവാഹം ഉണ്ടാകണം.

Question 18.
ഇതിന് C. D എന്നീ ബിന്ദുക്കൾ തമ്മിൽ പൊട്ടൻഷ്യൽ വ്യത്യാസം നിലനിർത്തുന്നതിന് പര്യാപ്ത മായ ഒരു ബാഹ്യ സ്രോതസ്സ് ആവശ്യമല്ലേ?
Answer:
ആവശ്യമാണ്.
ഒരു വൈദ്യുത സർക്കീട്ടിലെ രണ്ട് ബിന്ദുക്കൾക്കിടയിൽ പൊട്ടെൻഷ്യൽ വ്യത്യാസം നിലനിർത്താൻ ഉപയോഗിക്കുന്ന ഊർജസ്രോതസ്സിനെ വൈദ്യുതസ്രോതസ്സ് എന്നാണ് പറയുന്നത്.ഒരു വൈദ്യുതസ്രോതസ്സിൽ നിന്ന് സർക്കീട്ടിലേക്ക് വൈദ്യുത പ്രവാഹം ഇല്ലാത്ത സന്ദർഭത്തിൽ (open circuit) അതിന്റെ ടെർമിനലുകൾ തമ്മിലുള്ള പൊട്ടെൻഷ്യൽ വ്യത്യാസമാണ്വൈദ്യുതസ്രോതസ്സിന്റെ വിദ്യുത്ചാലകബലം (electromotive force emf).

ഇതായിരിക്കും ആ സ്രോതസ്സിൽ നിന്ന് ലഭിക്കാവുന്ന പരമാവധി പൊട്ടെൻഷ്യൽ വ്യത്യാസം. അതുകൊണ്ട്
വൈദ്യുതസ്രോതസ്സിനെ emf ന്റെ സ്രോതസ്സ് എന്നും പറയും.വൈദ്യുതപ്രവാഹമുള്ള സെർക്കീട്ടിലെ ഏതെങ്കിലും രണ്ട് ബിന്ദുക്കൾക്കിടയിലുള്ള പൊട്ടെൻഷ്യൽ വ്യത്യാസത്തെ വോൾട്ടേജ് എന്നും പറയാറുണ്ട്. emf ന്റെയും പൊട്ടെൻഷ്യൽ വ്യത്യാസത്തിന്റെയും യൂണിറ്റ് വോൾട്ട് (V) ആണ്. പൊട്ടെൻഷ്യൽ വ്യത്യാസം അളക്കുന്നത് വോൾട്ട്മീറ്റർ ഉപയോഗിച്ചാണ്.

ഒരു ബിന്ദുവിൽ നിന്ന് മറ്റൊരു ബിന്ദുവിലേക്ക് ഒരു കുളോം (1) വൈദ്യുത ചാർജ് എത്തിക്കുവാൻ ചെയ്യുന്ന പ്രവൃത്തി ഒരു ജൂൾ (1) ആണെങ്കിൽ ആ ബിന്ദുക്കൾ തമ്മിലുള്ള പൊട്ടെൻഷ്യൽ വ്യത്യാസം (potential difference) ഒരു വോൾട്ട് (1 V) ആയിരിക്കും.

പൊട്ടെൻഷ്യൽ വ്യത്യാസം (V) = \(\frac{\text { പ്രവൃത്തി (W) }}{\text { ചാർജ് (Q) }}\)
പൊട്ടെൻഷ്യൽ വ്യത്യാസത്തിന്റെ യൂണിറ്റ് = \(\frac{\text { പ്രവൃത്തിയുടെ യൂണിറ്റ് }}{\text { ചാർജിന്റെ യൂണിറ്റ് }}\) = \(\frac{J}{C}\)
ഇത് വോൾട്ട് volt (V) എന്ന് അറിയപ്പെടുന്നു.
അലസ്സാൻഡ്രോ വോൾട്ട് എന്ന ശാസ്ത്രജ്ഞനോടുള്ള ആദരസൂചകമായാണ് ഈ പേര് നൽകപ്പെട്ടത്.

Question 19.
emf ന്റെ ഒരു സ്രോതസ്സാണ് നമ്മൾ സാധാരണ ഉപയോഗിക്കുന്ന ടോർച്ച് സൈൽ. നിങ്ങൾക്കറിയാവുന്ന emf ന്റെ മറ്റു സ്രോതസ്സുകൾ എഴുതി നോക്കൂ.
Answer:

• ബട്ടൺ സെൽ
• ഡൈനാമോ
• സ്റ്റോറേജ് ബാറ്ററി

Question 20.
ഇവ ഓരോന്നിലും നടക്കുന്ന ഊർജമാറ്റം സയൻസ് ഡയറിയിൽ എഴുതൂ.
Answer:

emf ന്റെ സ്രോതസ്സ്	രാസോർജം
ടോർച്ച് സെൽ (ഡ്രൈ സെൽ)	ഊർജമാറ്റം വൈദ്യുതോർജമാകുന്നു
ജനറേറ്റർ	യാന്ത്രികോർജം വൈദ്യുതോർജമാകുന്നു
ബട്ടൺ സെൽ	രാസോർജം വൈദ്യുതോർജമാകുന്നു

Question 21.
emf ന്റെ സ്രോതസ്സായി ഉപയോഗിക്കാവുന്ന ആദ്യത്തെ ഉപകരണം രൂപകൽപ്പന ചെയ്തത് അലസ്സാൻഡ്രോ വോൾട്ടാ എന്ന ശാസ്ത്രജ്ഞനാണ്. ഇദ്ദേഹത്തെക്കുറിച്ച് കൂടുതൽ വിവരങ്ങൾ കണ്ടെത്തി സയൻസ് ഡയറിയിൽ എഴുതൂ.
Answer:
അലസ്സാൻഡ്രോ വോൾട്ടാ (Alessandro Volta)

ഒരു ലഘു വോൾട്ടാ സെൽ നിർമ്മിച്ചു നോക്കാം. ഒരു സിങ്ക് ദണ്ഡ്, കോപ്പർ ദണ്ഡ് എന്നിവ ചിത്രത്തിൽ കാണുന്നതുപോലെ ബീക്കറിലെടുത്ത ഇലക്ട്രോലൈറ്റായ നേർപ്പിച്ച സൾഫ്യൂരിക് ആസിഡിൽ ഇറക്കി വയ്ക്കുക. ഒരു വോൾട്ട് മീറ്റർ കോപ്പർ ദണ്ഡിനോടും സിങ്ക് ദണ്ഡിനോടും ബന്ധിപ്പിക്കുക.

Question 22.
നിങ്ങളുടെ നിരീക്ഷണം എന്ത്?
Answer:
വോൾട്ട്മീറ്റർ സൂചി വിഭ്രംശിക്കുന്നു.
ഇവിടെ നേർപ്പിച്ച സൾഫ്യൂരിക് ആസിഡുമായി സിങ്ക് രാസപ്രവർത്തനത്തിൽ ഏർപ്പെടുന്നതിന്റെ ഭാഗമായി കൈമാറ്റം ചെയ്യപ്പെടുന്ന ഇലക്ട്രോണുകൾ ബാഹ്യസെർക്കീട്ടിലൂടെ പ്രവഹിച്ചതു കൊണ്ടാണ് വോൾട്ട് മീറ്റർ സൂചി വിഭ്രംശിച്ചത്. കോപ്പർ ദണ്ഡ്, വൈദ്യുത ചാർജുകളുടെ ഉയർന്ന ഊർജനിലയിലും (positive potential) സിങ്ക് ദണ്ഡ് താഴ്ന്ന ഊർജ നിലയിലും (negative potential) ആണ് ഉള്ളത്. ആയതിനാൽ ബാഹ്യസെർക്കീട്ടിൽ കോപ്പർ ദണ്ഡിൽ നിന്ന് സിങ്ക് ദണ്ഡിലേക്കാണ് വൈദ്യുത പ്രവാഹം ഉണ്ടായത്.

Question 23.
ഇതിലെ Zn ന് പകരം Mg ഉപയോഗിച്ച്, വോൾട്ട് മീറ്ററിന് പകരം ഒരു LED ബന്ധിപ്പിക്കുക. നിരീക്ഷണം എന്ത്?
Answer:
Zn ന് പകരം Mg, വോൾട്ട്മീറ്ററിന് പകരം LED എന്നിവ ഉപയോഗിക്കുമ്പോൾ LED പ്രകാശിക്കുന്നു.

Question 24.
ഈ സെൽ അല്പനേരം പ്രവർത്തിപ്പിച്ചാൽ പ്രകാശ തീവ്രതയ്ക്ക് എന്താണ് സംഭവിക്കുന്നത്?
Answer:
പ്രകാശ തീവ്രത കുറയുന്നു.

Question 25.
എന്തായിരിക്കും കാരണം?
Answer:
ഇതിൽ നടക്കുന്ന രാസപ്രവർത്തനനിരക്ക് കുറയുന്നതിനാൽ പൊട്ടൻഷ്യൽ വ്യത്യാസം കുറയുന്നു. രാസപ്രവർത്തനനിരക്ക് കുറയുന്നതിനനുസരിച്ച് ലഭിക്കുന്ന വൈദ്യുതോർജവും കുറയുന്നു. കുറച്ച് കാലം ഉപയോഗിച്ച് കഴിഞ്ഞാൽ വീണ്ടും ഉപയോഗിക്കാൻ കഴിയാത്ത ഇത്തരം സെല്ലുകളാണ് പ്രൈമറി സെല്ലുകൾ.

Question 26.
പ്രൈമറി സെല്ലുകൾക്ക് ഉദാഹരണങ്ങൾ എഴുതൂ.
Answer:

• ഡ്രൈ സെൽ (ലെക്ലാൻഷെ സെൽ)
• വോൾട്ടാ സെൽ
• ബട്ടൺ സെൽ
  

ഉപയോഗിച്ച് കഴിഞ്ഞാൽ റീചാർജ് ചെയ്ത് വീണ്ടും ഉപയോഗിക്കാവുന്ന തരം സ്രോതസ്സുകൾ ആണ് സെക്കൻഡറി സെല്ലുകൾ (ഇവ സംഭരണ സെല്ലുകൾ എന്നും അറിയപ്പെടുന്നു). ഒന്നിലധികം സെല്ലുകളെ ക്രമീകരിച്ച് ഒറ്റ വൈദ്യുത സ്രോതസ്സായി ഉപയോഗിക്കുന്ന സംവിധാനമാണ് ബാറ്ററി.

Question 27.
സെക്കൻഡറി സെല്ലുകൾക്ക്/ബാറ്ററികൾക്ക് കൂടുതൽ ഉദാഹരണങ്ങൾ എഴുതുക.
Answer:

• മൊബൈൽ ബാറ്ററി
• ലിഥിയം അയോൺ ബാറ്ററി
• കാർ ബാറ്ററി
• എമർജൻസി ലാമ്പുകളിലെ ബാറ്ററി

Question 28.
ഒരു സെല്ലിന്റെ/ബാറ്ററിയുടെ ടെർമിനലുകൾ തമ്മിലുള്ള പൊട്ടെൻഷ്യൽ വ്യത്യാസം അളക്കുന്നത് എങ്ങനെയാണ്?
Answer:
പൊട്ടെൻഷ്യൽ വ്യത്യാസം അളക്കുന്നതിനുള്ള ഉപകരണം വോൾട്ട്മീറ്റർ ആണ്.
വോൾട്ട്മീറ്റർ സെല്ലുമായി ഘടിപ്പിച്ചതിന്റെ ചിത്രീകരണം നിരീക്ഷിക്കുക. ഒരു സെല്ലിന് പോസിറ്റീവ് (+), നെഗറ്റീവ് (-) എന്നീ രണ്ട് ടെർമിനലുകളാണ് ഉള്ളതെന്ന് അറിയാമല്ലോ. വോൾട്ട് മീറ്ററിനും രണ്ട് ടെർമിനലുകൾ ഉണ്ട്.

Question 29.
വോൾട്ട് മീറ്ററിന്റെ പോസിറ്റീവ് ടെർമിനൽ സെല്ലിന്റെ ഏത് ടെർമിനലുമായാണ് ഘടിപ്പിച്ചത്?
Answer:
വോൾട്ട്മീറ്ററിന്റെ പോസിറ്റീവ് ടെർമിനൽ സെല്ലിന്റെ പോസിറ്റീവും ആയാണ് ഘടിപ്പിച്ചത്.

Question 30.
നെഗറ്റീവ് ടെർമിനലോ?
Answer:
വോൾട്ട്മീറ്ററിന്റെ നെഗറ്റീവ് ടെർമിനൽ സെല്ലിന്റെ നെഗറ്റീവും ആയാണ് ഘടിപ്പിച്ചത്.

Question 31.
ഒരു വോൾട്ട് മീറ്റർ ഉപയോഗിച്ച് താഴെ കൊടുത്ത ഏതാനും വൈദ്യുതസ്രോതസ്സുകളുടെ ടെർമിനലുകൾക്കിടയിൽ ഉള്ള പൊട്ടെൻഷ്യൽ വ്യത്യാസം അളന്ന് പട്ടികപ്പെടുത്തുക.
Answer:

സ്രോതസ്സുകൾ	പൊട്ടെൻഷ്യൽ വ്യത്യാസം (V)
ടോർച്ച് സെൽ (ഡ്രൈ സെൽ)	1.5
ബട്ടൺ സെൽ	3
വോൾട്ടാ സെൽ	1.1
മൊബൈൽ ബാറ്ററി	3.6 to 3.8
കാർ ബാറ്ററി	12

Question 32.
ആദ്യകാല വോൾട്ടാൽ മുതൽ ഇന്നുപയോഗിക്കുന്ന സോളാർ പാനൽ വരെയുള്ള വിവിധതരം വൈദ്യുതസ്രോതസ്സുകൾ ഏതെല്ലാമെന്നും അവയുടെ പ്രത്യേകതകൾ എന്തെല്ലാമെന്നും, എവിടെയെല്ലാമാണ് അവ ഉപയോഗിക്കുന്നത് എന്നുമുള്ള വിവരങ്ങൾ ശേഖരിച്ച് സെമിനാർ പേപ്പർ തയ്യാറാക്കി അവതരിപ്പിക്കൂ.
Answer:
→ (സൂചനകൾ)
വോൾട്ടായിക് സെൽ (1800)
ആദ്യത്തെ ബാറ്ററി, സിങ്ക്, ചെമ്പ്, ഉപ്പ് ലായനി എന്നിവ ഉപയോഗിച്ച് നിർമ്മിച്ചത് .
ആദ്യകാല പരീക്ഷണങ്ങൾക്ക് ഉപയോഗിച്ചു.

→ ഡാനിയേൽ സെൽ (1836)
മെച്ചപ്പെട്ട ബാറ്ററി, തുരുമ്പ് പിടിക്കുന്നത് കുറയ്ക്കുവാനായി പ്രത്യേക ലായനികൾ ഉപയോഗിച്ചിരുന്നു.
ടെലിഗ്രാഫുകളിൽ ഉപയോഗിക്കുന്നു.

→ ലെഡ് ആസിഡ് ബാറ്ററി (1859)
ആദ്യത്തെ റീചാർജ് ചെയ്യാവുന്ന ബാറ്ററി, ലെഡും ആസിഡും ഉപയോഗിച്ച് നിർമ്മിച്ചത് ഇപ്പോഴും കാർ ബാറ്ററികളിൽ ഉപയോഗിക്കുന്നു.

→ ഡ്രൈ സെൽ (1886)
പോർട്ടബിൾ, റീചാർജ് ചെയ്യാൻ കഴിയാത്ത ബാറ്ററി (AA ബാറ്ററികൾ പോലെ).
ടോർച്ചുകൾ, റേഡിയോകൾ തുടങ്ങിയ ഉപകരണങ്ങളിൽ ഉപയോഗിക്കുന്നത്.

→ ലിഥിയം അയൺ ബാറ്ററി (1970)
റീചാർജ് ചെയ്യാവുന്ന, ഭാരം കുറഞ്ഞ ബാറ്ററി.

→ ഫോണുകൾ, ലാപ്ടോപ്പുകൾ, ഇലക്ട്രിക് വാഹനങ്ങൾ എന്നിവയിൽ ഉപയോഗിക്കുന്നു. സോളാർ പാനൽ (ആധുനികം)
സൂര്യപ്രകാശത്തെ വൈദ്യുതിയാക്കി മാറ്റുന്നു.
പുനരുപയോഗിക്കാവുന്ന ഊർജ സ്രോതസ്സാണ്. വീടുകൾക്കും വ്യവസായങ്ങൾക്കും വൈദ്യുതി നൽകുന്നു.

Question 33.
രണ്ട് ടോർച്ച് സെല്ലുകൾ ചിത്രത്തിൽ കാണുന്നതുപോലെ മൂന്ന് വ്യത്യസ്ത രീതിയിൽ ക്രമീകരിച്ച് അവയിൽ ഓരോന്നിലും ലഭിക്കുന്ന പൊട്ടെൻഷ്യൽ വ്യത്യാസം വോൾട്ട്മീറ്റർ ഉപയോഗിച്ച് അളന്ന് പട്ടികപ്പെടുത്തുക.

Answer:

സെർക്കീട്ട്	സെല്ലുകളുടെ എണ്ണം	വോൾട്ട്മീറ്റർ റീഡിങ് പൊട്ടെൻഷ്യൽ വ്യത്യാസം (V)
1	2	3
2	2	1.5
3	2	0

Question 34.
ഏത് ക്രമീകരണത്തിലാണ് കൂടുതൽ പൊട്ടെൻഷ്യൽ വ്യത്യാസം ലഭിച്ചത്?
Answer:
ചിത്രം 1

Question 35.
ശ്രേണീരീതിയിൽ സെല്ലുകൾ ബന്ധിപ്പിക്കുന്ന സന്ദർഭങ്ങൾ ഏതെല്ലാമെന്ന് സയൻസ് ഡയറിയിൽ എഴുതുക.
Answer:

• ടിവിയുടെ റിമോട്ട് കൺട്രോൾ
• വൈദ്യുത ഉപകരണങ്ങളുടെ റിമോട്ട് കൺട്രോൾ
• കളിപ്പാട്ടങ്ങൾ
• ടോർച്ച്
• റേഡിയോ
• 9 V വോൾട്ടിന്റെ ബാറ്ററി

Question 36.
നിങ്ങൾക്ക് 1.5 V emf – വീതം ഉള്ള നാല് സെല്ലുകൾ തന്നിരിക്കുന്നു. ഇവ ഉപയോഗിച്ചുണ്ടാക്കാവുന്ന പരമാവധി പൊട്ടെൻഷ്യൽ വ്യത്യാസം എത്ര? ഇതിന്റെ ക്രമീകരണ രീതി ചിത്രീകരിക്കുക.
Answer:
പൊട്ടെൻഷ്യൽ വ്യത്യാസം E = n × e = 4 × 1.5 = 6 V

Question 37.
9V ന്റെ ബാറ്ററിയിൽ സമാനമായ 6 സെല്ലുകൾ ശ്രേണീരീതിയിലാണ് ഘടിപ്പിച്ചത് എങ്കിൽ ഒരു സെല്ലിന്റെ emf എത്ര?
Answer:
e = \(\frac{E}{n}\)
= \(\frac{9}{6}\) = 1.5 V

സെല്ലുകൾ/ ബാറ്ററികൾ ഉപയോഗിക്കുമ്പോൾ ശ്രദ്ധിക്കേണ്ട സുരക്ഷാമാനദണ്ഡങ്ങൾ

• ബാറ്ററിയുടെ പോസിറ്റീവ് ടെർമിനലും നെഗറ്റീവ് ടെർമിനലും തമ്മിൽ ചാലകം വഴി നേരിട്ട് ബന്ധിപ്പിക്കരുത് (ഷോർട്ട് സെർക്കീട്ട്).
• സെൽ / ബാറ്ററി വായിൽ ഇടുകയോ ചവയ്ക്കുകയോ ചെയ്യരുത്.
• ഉപയോഗത്തിലുള്ള ബാറ്ററി കൂടുതൽ ചൂടാകുന്ന സന്ദർഭം ഉണ്ടായാൽ ഉപയോഗം ഒഴിവാക്കണം.
• വെള്ളം, തീ എന്നിവ ബാറ്ററിയുമായി സമ്പർക്കത്തിൽ വരാനുള്ള സാഹചര്യം ഒഴിവാക്കണം.
• വിവിധതരം ബാറ്ററികളിലുള്ള നിക്കൽ, കാഡ്മിയം, ലെഡ് തുടങ്ങിയ ലോഹങ്ങൾ
• ഹാനികരമായതിനാൽ ഇവ ശ്രദ്ധാപൂർവ്വം നിർമ്മാർജനം ചെയ്യണം.

Question 38.
ഒരു സെർക്കീട്ടിലൂടെ t സമയം കൊണ്ട് Q ചാർജ് ഒഴുകിയെങ്കിൽ ഒരു സെക്കൻഡിൽ ഒഴുകിയ ചാർജ് എത്രയായിരിക്കും?
Answer:
ഒരു സെക്കൻഡിൽ ഒഴുകിയ ചാർജ് = \(\frac{Q}{t}\)
കറന്റിന്റെ യൂണിറ്റ് = \(\frac{\text { ചാർജിന്റെ യൂണിറ്റ് }}{\text { സമയത്തിന്റെ യൂണിറ്റ് }}\)
കറന്റിന്റെ യൂണിറ്റ് C/s എന്ന് ലഭിച്ചല്ലോ. ഇത് ആമ്പിയർ (ampere – A) എന്നാണ് അറിയപ്പെടുന്നത്. ആന്ദ്രേ മാരി ആമ്പിയർ എന്ന ശാസ്ത്രജ്ഞനോടുള്ള ആദര സൂചകമായിട്ടാണ്വൈദ്യുതപ്രവാഹതീവ്രതയ്ക്ക് ആമ്പിയർ എന്ന യൂണിറ്റ് നൽകിയത്. ചെറിയ യൂണിറ്റുകൾ ആയ മില്ലി ആമ്പിയർ (mA), മൈക്രോ ആമ്പിയർ (µ A)) എന്നിവയും ഉപയോഗിക്കുന്നുണ്ട്.

Question 39.
ഒരു ചാലകത്തിലൂടെ 10 C ചാർജ് ഒഴുകാൻ 5 5 സമയം എടുത്തുവെങ്കിൽ കറന്റ് എത്ര ?
Answer:
I = \(\frac{Q}{t}\) = \(\frac{10 c}{5 c}\) = 2 A

Question 40.
ഒരു ചാലകത്തിലൂടെ 1.5 A കറന്റ് 35 പ്രവഹിക്കുന്നുവെങ്കിൽ ചാലകത്തിലൂടെ ഒഴുകിയ വൈദ്യുതചാർജിന്റെ അളവ് കണക്കാക്കുക.
Answer:
Q = I × t
= 1.5 × 3 = 4.5 C

Question 41.
ഒരു വൈദ്യുതസെർക്കീട്ടിൽ ബന്ധിച്ചിരിക്കുന്ന അമ്മീറ്ററിൽ 1 A റീഡിങ് കാണിക്കുന്നു എങ്കിൽ 1 s കൊണ്ട് അമ്മീറ്ററിലൂടെ ഒഴുകിയ ചാർജ് എത്ര?
Answer:
Q = I × t
= 1 × 1 = 1C

Question 42.
പട്ടിക ഉപയോഗപ്പെടുത്തി ഒരു സർക്കീട്ട് വരയ്ക്കുക. സർക്കീട്ടിലെ ഏതെങ്കിലും മൂന്ന് ഘടകങ്ങളുടെ പേരും ഉപയോഗവും എഴുതുക.

ബാറ്ററി – വൈദ്യുത സ്രോതസ്സായി പ്രവർത്തിക്കുന്നു.
സ്വിച്ച് -സെർക്കീട്ട് ഓണാക്കാനും ഓഫ് ആക്കാനും ഉപയോഗിക്കുന്നു.
ബൾബ് -വൈദ്യുതോർജത്തെ പ്രകാശോർജമാക്കുന്നു.

Question 43.
രണ്ട് ടോർച്ച് സെല്ലുകൾ, അനുയോജ്യമായ LED, വയറുകൾ, സ്വിച്ച്, പിവിസി പൈപ്പ് എന്നിവ ഉപയോഗിച്ച് ഒരു ചെറിയ ടോർച്ച് നിർമ്മിച്ചു നോക്കൂ.

Answer:
(സൂചനകൾ)
ടോർച്ച് സെല്ലുകളുടെ കണക്ഷൻ: രണ്ട് ടോർച്ച് സെല്ലുകൾ (1.5V AAA അല്ലെങ്കിൽ AA ബാറ്ററികൾ) ഉപയോഗിക്കുക. അവയെ പരസ്പരം സീരിയസ് കണക്ഷൻ (ഒരു സെല്ലിന്റെ + വശം മറ്റൊരു സെല്ലിന്റെ – വശത്തോടു) ആയി ബന്ധിപ്പിക്കുക.

വയറിംഗും LED ഉം: LED-യുടെ + വും ബാറ്ററികളുടെ + വും വയർ ഉപയോഗിച്ച് ബന്ധിപ്പിക്കുക. അതുപോലെ LED-യുടെ – വും ബാറ്ററികളുടെ – വും തമ്മിൽ ബന്ധിപ്പിക്കുക..

സ്വിച്ച്: ടോർച്ച് ഓണും ഓഫ് ചെയ്യാനായി ഒരു സ്വിച്ച് ചേർക്കുക. PVC പൈപ്പ്: ടോർച്ചിന്റെ പുറം ഘടകം LED ഉണ്ടാക്കാനായി PVC പൈപ്പും ഉപയോഗിക്കുക. ഇതിന്റെ അറ്റത്ത് LED ഫിറ്റ് ചെയ്യാം, സെല്ലുകളും പൈപ്പിനുള്ളിൽ ഫിറ്റ് ആകും വിധം ചേർക്കുക.

എല്ലാം ബന്ധിപ്പിച്ച ശേഷം സ്വിച്ച് ഓണാക്കി LED തെളിയുന്നുണ്ടോ എന്ന് പരിശോധിക്കുക.

Question 44.
ചിത്രത്തിൽ കാണിച്ച സെർക്കീട്ട് നിരീക്ഷിച്ച് അമ്മീറ്റർ, വോൾട്ട് മീറ്റർ എന്നിവയുടെ പ്രതീകം, ഉപയോഗം, സർക്കീട്ടിൽ ഘടിപ്പിക്കുന്ന രീതി എന്നിവ പട്ടികപ്പെടുത്തുക.

Answer:

Question 45.
പൊട്ടെൻഷ്യൽ വ്യത്യാസം, സെർക്കീട്ടിലൂടെയുള്ള കറന്റ് എന്നിവ അളന്ന് പട്ടികപ്പെടുത്തുക. ശ്രേണീരീതിയിൽ സെല്ലുകളുടെ എണ്ണം വർധിപ്പിച്ച് പ്രവർത്തനം ആവർത്തിക്കുക.

Answer

സെല്ലുകളുടെ എണ്ണം	വോൾട്ടേജ് (V) V	കറന്റ് (I) A	V/I
2	3	0.3	10
3	4.5	0.45	10
4	6	0.6	10

Question 46.
സെല്ലുകളുടെ എണ്ണം കൂടുമ്പോൾ വോൾട്ട് മീറ്റർ റീഡിങ്ങിൽ (പൊട്ടെൻഷ്യൽ വ്യത്യാസത്തിന്) എന്താണ് സംഭവിക്കുന്നത്?
Answer:
സെല്ലുകളുടെ എണ്ണം കൂടുമ്പോൾ പൊട്ടൻഷ്യൽ വ്യത്യാസം കൂടുന്നു.

Question 47.
കറന്റ് (അമ്മീറ്റർ റീഡിങ്ങ്) കൂടുന്ന സന്ദർഭങ്ങളിൽ പൊട്ടെൻഷ്യൽ വ്യത്യാസത്തിന് എന്ത് മാറ്റം നിരീക്ഷിക്കുന്നു?
Answer:
പൊട്ടൻഷ്യൽ വ്യത്യാസം കൂടുന്നു.

Question 48.
V/I യുടെ മൂല്യം ഏകദേശം തുല്യമല്ലേ?
Answer:
തുല്യമാണ്.
കറന്റ് കൂടുന്നതിനനുസരിച്ച് പൊട്ടെൻഷ്യൽ വ്യത്യാസവും കൂടുന്നു.
എന്നും \(\frac{V}{I}\) ഒരു സ്ഥിരസംഖ്യ ആണ് എന്നും മനസ്സിലാക്കാം .
അതായത്, I ∝ V or V ∝ I
V = ഒരു സ്ഥിരസംഖ്യ × I
\(\frac{V}{I}\) ഒരു സ്ഥിരസംഖ്യ
ഈ സ്ഥിരസംഖ്യ സെർക്കീട്ടിലെ പ്രതിരോധത്തിന് തുല്യമായിരിക്കും.
ഇത് R എന്ന അക്ഷരം കൊണ്ട് സൂചിപ്പിക്കുന്നു.
R = \(\frac{V}{I}\)

Question 49.
പ്രതിരോധത്തിന്റെ യൂണിറ്റ് എന്തായിരിക്കും?
Answer:
R = \(\frac{V}{I}\)
പ്രതിരോധത്തിന്റെ യൂണിറ്റ് = \(\frac{\text { പൊട്ടെൻഷ്യൽ വ്യത്യാസത്തിന്റെ യൂണിറ്റ് }}{\text { കറന്റിന്റെ യൂണിറ്റ് }}\)
= \(\frac{\text { വോൾട്ട് }}{\text { ആമ്പിയർ }}\)
പ്രതിരോധത്തിന്റെ യൂണിറ്റായ വോൾട്ട്/ആമ്പിയർ എന്നത് ഓം (Ω) എന്ന് അറിയപ്പെടുന്നു. ഉയർന്ന യൂണിറ്റുകൾ ആയ കിലോ ഓം (kΩ) മെഗാ ഓം (MΩ) എന്നിവയും ഉപയോഗിക്കാറുണ്ട്.

Question 50.
പ്രതിരോധം കൂടുമ്പോൾ സർക്കീട്ടിലൂടെയുള്ള കറന്റിന് എന്ത് സംഭവിക്കുന്നു?
കൂടുന്നു / കുറയുന്നു
Answer:
കുറയുന്നു.

Question 51.
പ്രതിരോധത്തിന്റെ SI യൂണിറ്റ് എന്ത്?
Answer:
SI യൂണിറ്റ് Ω

Question 52.
ഓം നിയമത്തിന്റെ അടിസ്ഥാനത്തിൽ പട്ടിക പൂർത്തിയാക്കി ഒരു ഗ്രാഫ് വരയ്ക്കുക. വോൾട്ടേജ് Y അക്ഷത്തിലും കറന്റ് X അക്ഷത്തിലും രേഖപ്പെടുത്തുക. നിങ്ങൾക്ക് ലഭിച്ച ഗ്രാഫിന്റെ പ്രത്യേകത എന്ത്?

Answer:

Question 53.
ഏത് സന്ദർഭത്തിലാണ് പ്രതിരോധം കൂടുതൽ ഉള്ളത്?
Answer:
ഹീറ്റർ ഓഫ് ആക്കിയ ഉടൻ പ്രതിരോധം കൂടുതലായിരിക്കും.

Question 54.
മറ്റേതെങ്കിലും ഘടകങ്ങൾ പ്രതിരോധത്തെ സ്വാധീനിക്കുന്നുണ്ടോ?
Answer:
ഉണ്ട്.
പ്രവർത്തനം
ചിത്രത്തിൽ കാണുന്നതുപോലെ ഒരു സെർക്കീട്ട് ക്രമീകരിക്കുക.

40 cm നീളമുള്ള നിക്രോം കമ്പിയാണ് CD. CD യുടെ അതേ നീളവും ഇരട്ടി വണ്ണവുമുള്ള നിക്രോം കമ്പിയാണ് EF. CD യുടെ അതേ നീളവും വണ്ണവുമുള്ള കോപ്പർ കമ്പിയാണ് GH. ഇവ മരപ്പലകയിൽ സ്ക്രൂ ചെയ്ത് ഉറപ്പിച്ചിരിക്കുന്നു. നിക്രോം കമ്പി (CD) യുടെ മധ്യഭാഗത്തുള്ള ബിന്ദുവാണ് M. ബാറ്ററിയുടെ നെഗറ്റീവ് ടെർമിനലുമായി ബന്ധിപ്പിച്ച ചാലകത്തിന്റെ ) എന്ന സ്വതന്ത്ര അഗ്രം M, D, F, H എന്നീ ബിന്ദുക്കളിൽ മാറി മാറി സ്പർശിക്കുക.

Question 55.
ബൾബിന്റെ പ്രകാശ തീവ്രതയിലും അമ്മീറ്റർ റീഡിങ്ങിലും ഉണ്ടാകുന്ന മാറ്റം നിരീക്ഷിക്കുക. നിരീക്ഷണ ഫലങ്ങൾ പട്ടികപ്പെടുത്തുക. നിരീക്ഷണത്തിന്റെയും പട്ടിക വിശകലനത്തിന്റെയും അടിസ്ഥാനത്തിൽ ചോദ്യങ്ങൾക്ക് ഉത്തരം എഴുതുക.
Answer:

എല്ലാ സന്ദർഭത്തിലും സെർക്കീട്ടിൽ നൽകിയ പൊട്ടെൻഷ്യൽ വ്യത്യാസം തുല്യമാണ്. നിയമമനുസരിച്ച് V = IR ആയതിനാൽ അമ്മീറ്റർ റീഡിങ്ങിൽ (I) വന്ന മാറ്റങ്ങൾക്ക് കാരണം ചാലകത്തിന്റെ പ്രതിരോധത്തിൽ (R) വന്ന മാറ്റമാണ്.

Question 56.
അമ്മീറ്റർ റീഡിങ്ങ് (കറന്റ്) ഏറ്റവും കുറവ് ഏത് സന്ദർഭത്തിൽ?
Answer:
സ്പർശിക്കുന്ന ബിന്ദു D ആകുമ്പോൾ കറന്റ് ഏറ്റവും കുറവ്.

Question 57.
കാരണം എന്ത്? പ്രതിരോധം കൂടുതൽ / പ്രതിരോധം കുറവ്
Answer:
പ്രതിരോധം കൂടുതൽ.

Question 58.
ഒരേ ചാലകത്തിന്റെ നീളം കൂടുമ്പോൾ പ്രതിരോധത്തിന് എന്ത് സംഭവിക്കുന്നു?
Answer:
പ്രതിരോധം കൂടുന്നു.

Question 59.
ഒരേ ചാലകത്തിന്റെ വണ്ണം കൂടുമ്പോൾ പ്രതിരോധത്തിന് എന്ത് സംഭവിക്കുന്നു?
Answer:
പ്രതിരോധം കുറയുന്നു.

Question 60.
ഒരേ നീളവും വണ്ണവുമുള്ള നിക്രോം, കോപ്പർ എന്നിവയിൽ പ്രതിരോധം കൂടുതൽ ഏതിനാണ്?
Answer:
നിക്രോമിന്

Question 61.
ഈ പ്രവർത്തനങ്ങളുടെ അടിസ്ഥാനത്തിൽ ഒരു ചാലകത്തിന്റെ സ്വാധീനിക്കുന്ന ഘടകങ്ങൾ ഏതെല്ലാം എന്ന് എഴുതി നോക്കൂ.
Answer:

• ചാലകം നിർമ്മിച്ച പദാർഥത്തിന്റെ സ്വഭാവം
• ചാലകത്തിന്റെ വണ്ണം (ഛേദതല പരപ്പളവ്)
• ചാലകത്തിന്റെ നീളം
• താപനില
• നീളം കൂടുമ്പോൾ ഒരു ചാലകത്തിന്റെ പ്രതിരോധം വർധിക്കുന്നു.
• വണ്ണം കൂടുമ്പോൾ പ്രതിരോധം കുറയുന്നു.
• വിവിധ പദാർഥങ്ങൾക്ക് വ്യത്യസ്ത പ്രതിരോധവും ആയിരിക്കും.
• ഒരേ നീളവും വണ്ണവുമുള്ള നിക്രോം, ടങ്സ്റ്റൺ, കോപ്പർ, അലുമിനിയം, സിൽവർ എന്നിവകൊണ്ട് നിർമ്മിച്ച കമ്പികൾ പരിഗണിച്ചാൽ നിക്രോമും ടങ്സ്റ്റണും താരതമ്യേന ഉയർന്ന പ്രതിരോധം ഉള്ളവയും, അലുമിനിയം, കോപ്പർ എന്നിവ പ്രതിരോധം വളരെ കുറഞ്ഞവയുമാണ്.
• സിൽവർ ഏറ്റവും പ്രതിരോധം കുറഞ്ഞ ലോഹമാണ്.

Question 62.
റിയോസ്റ്റാറ്റിന്റെ പ്രവർത്തനതത്വം എന്താണ് ?
Answer:
ഒരു ചാലകത്തിന്റെ വണ്ണത്തിൽ മാറ്റമില്ലാതെ നീളം വർധിക്കുമ്പോൾ അതിന്റെ പ്രതിരോധവും വർധിക്കുന്നു. ഈ തത്വത്തിന്റെ അടിസ്ഥാനത്തിൽ പ്രവർത്തിക്കുന്ന ഒരു ഉപകരണമാണ് റിയോസ്റ്റാറ്റ്.
റിയോസ്റ്റാറ്റിന്റെ പ്രവർത്തനം
ചിത്രം നിരീക്ഷിക്കുക.

AB – ഇൻസുലേറ്ററായ പൈപ്പിൽ ചുറ്റിയ പ്രതിരോധം കൂടിയ കമ്പിച്ചുരുൾ.
DC – പ്രതിരോധം വളരെ കുറഞ്ഞ ലോഹദണ്ഡ്.
s – സമ്പർക്കകം.
A യിൽ നിന്ന് പ്രവഹിക്കുന്ന വൈദ്യുതി കമ്പിച്ചുരുളിലൂടെ കടന്ന് 5 വഴി C എന്ന അഗ്രത്തിൽ എത്തുന്നു. സമ്പർക്കകം 5 ലോഹദണ്ഡിന്റെ D മുതൽ C വരെ നീക്കുന്നതിനനുസരിച്ച് വൈദ്യുതി കടന്നുപോകുന്ന
കമ്പിച്ചുരുളിന്റെ നീളം വ്യത്യാസപ്പെടുന്നു. ഇതുമൂലം സെർക്കീട്ടിലെ പ്രതിരോധവും അതുവഴി കറന്റും ആവശ്യാനുസരണം മാറ്റുവാൻ സാധിക്കുന്നു.

Question 63.
ഒരു റിയോസ്റ്റാറ്റിൽ പ്രതിരോധ കമ്പിയുടെ 100 ചുറ്റുകളാണ് ഉള്ളത്. ഒരു ചുറ്റിന്റെ പ്രതിരോധം 0.15 Ω ആണ്, എങ്കിൽ ഈ റിയോസ്റ്റാറ്റ് ഉപയോഗിച്ച് ഒരു സെർക്കീട്ടിൽ ഉൾപ്പെടുത്താൻ കഴി യാത്ത പ്രതിരോധത്തിന്റെ മൂല്യം താഴെ കൊടുത്തവയിൽ ഏതാണ്? നിങ്ങളുടെ ഉത്തരം സാധൂകരിക്കുക.
a) 3 Ω
b) 7.5 Ω
c) 4 Ω
d) 8.25 Ω
Answer:
c) 4 Ω
റിയോസ്റ്റാറ്റ് ഉപയോഗിച്ച് 0 മുതൽ പരമാവധി വരെ ഏതു മൂല്യം പ്രതിരോധവും ഉൾപ്പെടുത്തുവാൻ സാധിക്കുകയില്ല. റിയോസ്റ്റാറ്റിൽ സമ്പർക്കകം നിരക്കി നീക്കുമ്പോൾ ഉൾപ്പെടുന്നത് ഒരു കോയിൽ, രണ്ട് കോയിലുകൾ, മൂന്നു കോയിലുകൾ തുടങ്ങിയവയാണ്. ഓരോ ചുറ്റിന്റെയും പ്രതിരോധത്തിന്റെ ഗുണിതങ്ങൾ ആയിട്ടുള്ള പ്രതിരോധം മാത്രമേ ഉൾപ്പെടുത്താൻ സാധിക്കുകയുള്ളൂ (ഇവിടെ 1.5ന്റെ ഗുണിതങ്ങൾ). അതുകൊണ്ട് ഉത്തരം 4 Ω ആണ്.

Question 64.
രണ്ട് സെർക്കീട്ടുകളിലെയും 51, 52, ഓണാക്കുക. ഏത് സർക്കീട്ടിലെ ബൾബാണ് കൂടുതൽ. തീവ്രതയോടെ പ്രകാശിച്ചത്?
Answer:
ചിത്രം (f) ലെ ബൾബാണ് കൂടുതൽ ശോഭയോടെ പ്രകാശിച്ചത്.

Question 65.
രണ്ട് സെർക്കീട്ടുകളിലെയും 51 എന്ന സ്വിച്ച് മാത്രം ഓൺ ചെയ്യുക. നിരീക്ഷണം എന്ത്?
Answer:
51 മാത്രം ഓൺ ചെയ്താൽ ചിത്രം (e) സർക്കീട്ടിലെ ബൾബുകൾ പ്രകാശിക്കുകയില്ല. ചിത്രം, (f) സർക്യൂട്ടിൽ 51 നോട് ചേർന്നു വരുന്ന ബൾബ് മാത്രം പ്രകാശിക്കും.

Question 66.
രണ്ട് സെർക്കീട്ടുകളിലെയും എല്ലാ സ്വിച്ചുകളും ഓൺ ചെയ്താൽ ചിത്രം (f) ലെ ബൾബുകൾ താരതമ്യേന കൂടുതൽ ശോഭയോടെ പ്രകാശിക്കാൻ കാരണമെന്ത്?
Answer:
ചിത്രം (f) യിലെ ബൾബുകൾ കൂടിയ ശോഭയോടെ പ്രകാശിക്കാൻ കാരണം ബൾബുകൾക്ക് ഒരേ വോൾട്ടതയും കറന്റും ലഭിച്ചു. ബൾബുകൾക്ക് ലഭിക്കുന്ന വോൾട്ടേജിലും കറന്റിലുമുള്ള വ്യത്യാസമാണ് പ്രകാശതീവ്രത കൂടുന്നതിനും കുറയുന്നതിനുമുള്ള കാരണം.

ചിത്രം (2) യിൽ സൂചിപ്പിച്ചതുപോലെ ബൾബുകൾ ക്രമീകരിക്കുന്നതാണ് ശ്രേണീരീതി. ചിത്രം (1) ലുള്ളതുപോലെ ക്രമീകരിക്കുന്നതാണ് സമാന്തരരീതി. ബൾബുകൾക്ക് പകരം പ്രതിരോധകങ്ങൾ ഘടിപ്പിച്ച സെർക്കീട്ടുകൾ ഉപയോഗിച്ച് ശ്രേണീരീതിയുടെയും സമാന്തരരീതിയുടെയും കൂടുതൽ പ്രത്യേകതകൾ മനസ്സിലാക്കാം.

Question 67.
ശ്രേണീരീതിയിൽ പ്രതിരോധകങ്ങൾ ഘടിപ്പിക്കുമ്പോൾ ഉയർന്ന പ്രതിരോധം പ്രതിരോധകത്തിന്റെ അഗ്രങ്ങൾക്കിടയിൽ അനുഭവപ്പെടുന്ന പൊട്ടെൻഷ്യൽ എപ്രകാരമായിരിക്കും? കൂടുതൽ / കുറവ്
Answer:
കൂടുതൽ.

Question 68.
ഒരേ മൂല്യമുള്ള പ്രതിരോധകങ്ങളാണ് ശ്രേണീരീതിയിൽ ഘടിപ്പിക്കുന്നതെങ്കിൽ പ്രതിരോധകങ്ങളുടെ അഗ്രങ്ങൾക്കിടയിൽ അനുഭവപ്പെടുന്ന പൊട്ടെൻഷ്യൽ വ്യത്യാസം എപ്രകാരമായിരിക്കും? തുല്യം / വ്യത്യസ്തം
Answer:
തുല്യം.

Question 69.
8 Ω, 4 Ω എന്നീ രണ്ട് പ്രതിരോധകങ്ങളും 6 V ബാറ്ററിയും തന്നിരിക്കുന്നു.
a) ഇവയെ ശ്രേണീരീതിയിൽ ബന്ധിപ്പിക്കുന്നതിന്റെ സെർക്കീട്ട് ഡയഗ്രം വരയ്ക്കുക.
b) സെർക്കീട്ടിലെ സഫലപ്രതിരോധം കണ്ടുപിടിക്കുക.
c) സർക്കീട്ടിലൂടെയുള്ള കറന്റ് എത്രയെന്ന് കണക്കാക്കുക.
Answer:

b) R = R₁ + R₂ = 8Ω + 4Ω = 12 Ω
c) I = \(\frac{V}{R}\) = \(\frac{6}{12}\) = 0.5 A

Question 70.
2Ω വീതം പ്രതിരോധമുള്ള പത്ത് പ്രതിരോധകങ്ങൾ ശ്രേണീരീതിയിൽ ബന്ധിപ്പിച്ചാൽ ലഭിക്കുന്ന സഫലപ്രതിരോധം എത്ര?
Answer:
R = n × r = 10 × 2 = 20

Question 71.
6 Ω പ്രതിരോധമുള്ള എത്ര പ്രതിരോധകങ്ങൾ ശ്രേണീരീതിയിൽ ബന്ധിപ്പിച്ചാലാണ് 42 Ω സഫലപ്രതിരോധം ലഭിക്കുക?
Answer:
n = \(\frac{R}{r}\) = \(\frac{42}{6}\) = 7

Question 72.
6 2, 3 2 എന്നീ രണ്ട് പ്രതിരോധകങ്ങളും 6 V ബാറ്ററിയും തന്നിരിക്കുന്നു.
a) ഇവയെ സമാന്തരമായി ബന്ധിപ്പിക്കുന്നതിന്റെ സെർക്കീട്ട് ഡയഗ്രം വരയ്ക്കുക
b) സർക്കീട്ടിലെ സഫലപ്രതിരോധം കണ്ടുപിടിക്കുക.
c) ഓരോ പ്രതിരോധകത്തിലൂടെയുമുള്ള കറന്റ് എത്രയെന്ന് കണക്കാക്കുക.
Answer:

b) R = \(\frac{R_1 R_2}{R_1+R_2}\)
= \(\frac{6 \times 3}{6+3}\) = \(\frac{18}{9}\) = 2 Ω

c) 6 Ω ലൂടെയുള്ള കറന്റ് = I₁ = \(\frac{\mathrm{V}}{R_1}\) = \(\frac{6}{6}\) = 1 A
3 Ω ലൂടെയുള്ള കറന്റ് = I₂ = \(\frac{\mathrm{V}}{R_2}\) = \(\frac{6}{3}\) = 2 A

Question 73.
ഒരേ മൂല്യമുള്ള പ്രതിരോധകങ്ങളാണ് സമാന്തര രീതിയിൽ ഘടിപ്പിക്കുന്നതെങ്കിൽ ഓരോ പ്രതിരോധകത്തിലൂടെയുമുള്ള കറന്റ് എപ്രകാരമായിരിക്കും?
Answer:
തുല്യമായിരിക്കും.

Question 74.
100 വീതം പ്രതിരോധമുള്ള അഞ്ച് പ്രതിരോധകങ്ങൾ സമാന്തരമായി ഘടിപ്പിച്ചാൽ ലഭിക്കുന്ന സഫലപ്രതിരോധം എത്ര?
Answer:
\(\frac{R}{n}\) = \(\frac{10}{5}\) = 2 Ω

Question 75.
ചിത്രത്തിൽ കൊടുത്ത ക്രമീകരണത്തിന്റെ സഫലപ്രതിരോധം എത്രയെന്ന് കണ്ടുപിടിക്കുക.

Answer:
R = R₁ + \(\frac{R_2 R_3}{R_2+R_3}\) = 2 + 1 = 3 Ω

Question 76.
പ്രതിരോധകങ്ങൾ സെർക്കീട്ടിൽ ശ്രേണിയായി ഘടിപ്പിക്കുമ്പോഴും ഘടിപ്പിക്കുമ്പോഴും ഉള്ള വ്യത്യാസങ്ങൾ സയൻസ് ഡയറിയിൽ രേഖപ്പെടുത്തൂ.
Answer:

പ്രതിരോധകങ്ങൾ ശ്രേണി രീതിയിൽ	പ്രതിരോധകങ്ങൾ സമാന്തര രീതിയിൽ
സഫല പ്രതിരോധം കൂടുന്നു	സഫല പ്രതിരോധം കുറയുന്നു.
ഓരോ പ്രതിരോധകത്തിലൂടെയും ഒഴു ഓരോ പ്രതിരോധകത്തിലൂടെയും	ഓരോ പ്രതിരോധകത്തിനും ലഭിക്കുന്ന കറൻറ് പ്രതിരോധകത്തിലൂടെയും മൂല്യത്തിന് അനുസരിച്ച് വിഭജിക്കപ്പെടുന്നു.
ഓരോ പ്രതിരോധകത്തിനും ലഭിക്കുന്ന പൊട്ടൻഷ്യൽ വ്യത്യാസം പ്രതിരോധക ത്തിന്റെ മൂല്യത്തിനനുസരിച്ച് വിഭജിക്ക പ്പെടുന്നു.	ഓരോ പ്രതിരോധകത്തിന്റെ ഒഴുകുന്ന മൂല്യത്തിന് ഷ്യൽ വ്യത്യാസം തുല്യമായിരിക്കും.
പ്രത്യേകം പ്രത്യേകം സ്വിച്ച് ഉപയോഗിച്ച് നിയന്ത്രിക്കാൻ സാധിക്കുന്നില്ല.	പ്രത്യേകം പ്രത്യേകം സ്വിച്ച് ഉപയോഗിച്ച് നിയന്ത്രി ക്കാൻ സാധിക്കുന്നു.

Question 77.
ഗാർഹിക സെർക്കീട്ടുകളിൽ ബൾബ്, ഫാൻ തുടങ്ങിയ വൈദ്യുതോപകരണങ്ങൾ ഘടിപ്പിക്കുന്നത് ഏത് രീതിയിലാണ്?
Answer:
സമാന്തരമായി.

Question 78.
സമാന്തര രീതിയിൽ വൈദ്യുത ഉപകരണങ്ങൾ ഘടിപ്പിക്കുന്നത് കൊണ്ടുള്ള ഗുണങ്ങൾ എന്തെല്ലാം?
Answer:
ഓരോ ഉപകരണത്തിനും,

• ഒരേ വോൾട്ടേജ് ലഭിക്കുന്നു.
• ആവശ്യമായ കറൻറ് ലഭിക്കുന്നു.
• അതിൽ രേഖപ്പെടുത്തിയ പവറിൽ പ്രവർത്തിക്കാൻ സാധിക്കുന്നു.
• പ്രത്യേകം പ്രത്യേകം സ്വിച്ച് ഉപയോഗിച്ച് നിയന്ത്രിക്കാൻ സാധിക്കുന്നു.

3 V പൊട്ടെൻഷ്യൽ വ്യത്യാസത്തിൽ പ്രവർത്തിക്കുന്ന ബൾബ്, 12 Ω പ്രതിരോധകം, 9 V ബാറ്ററി എന്നിവ ഉൾപ്പെടുന്ന ഒരു സെർക്കീട്ടും ചിത്രം (a)] 12 Ω പ്രതിരോധകം ഉൾപ്പെടാത്ത മറ്റൊരു സെർക്കീട്ടുമാണ് [ചിത്രം (b)] നൽകിയിരിക്കുന്നത്. ബൾബിന്റെ പ്രതിരോധം 6 Ω ആണ്. സെർക്കീട്ട് വിശകലനം ചെയ്ത് ചോദ്യങ്ങൾക്കുത്തരം കണ്ടെത്തുക.

Question 79.
ഏത് സെർക്കീട്ടിലാണ് പ്രതിരോധം കൂടുതൽ?
Answer:
ചിത്രം (a)

Question 80.
ഏത് സെർക്കീട്ടിലാണ് ബൾബിന്റെ അഗ്രങ്ങൾക്കിടയിൽ 3 V പൊട്ടെൻഷ്യൽ വ്യത്യാസം ലഭിക്കുന്നത്?
Answer:
ചിത്രം (a) യിലെ കറന്റ് I = \(\frac{V}{R}\) = \(\frac{9}{6+12}\) = \(\frac{9}{18}\) = \(\frac{1}{2}\) A
അഗ്രങ്ങൾക്കിടയിലുള്ള പൊട്ടൻഷ്യൽ വ്യത്യാസം, V = I × R = (1/2) × 6 = 3 V
ചിത്രം (b) യിലെ കറന്റ് I = \(\frac{V}{R}\) = \(\frac{9}{6}\) = \(\frac{3}{2}\) A
അഗ്രങ്ങൾക്കിടയിലുള്ള പൊട്ടൻഷ്യൽ വ്യത്യാസം, V = I × R = (3/2) × 6 = 9V
ചിത്രം (a) സെർക്കിട്ടിലെ 6 Ω പ്രതിരോധകത്തിന്റെ (ബൾബിന്റെ) അഗ്രങ്ങൾക്കിടയിൽ ലഭിക്കുന്ന പൊട്ടെൻഷ്യൽ വ്യത്യാസം 3 V ആണ്. ബൾബിന്റെ അഗ്രങ്ങൾക്കിടയിൽ 3 V പൊട്ടൻഷ്യൽ വ്യത്യാസം ലഭിക്കുന്നതിനാൽ ബൾബ് പ്രകാശിക്കും.

Question 81.
സ്വിച്ച് ഓൺ ചെയ്താൽ ചിത്രം (b) സെർക്കീട്ടിലെ ബൾബിന് എന്താണ് സംഭവിക്കുക?
Answer:
ചിത്രം (b) യിൽ 9 V എന്ന അധിക പൊട്ടൻഷ്യൽ വ്യത്യാസം ലഭിക്കുന്നതിനാൽ കറന്റ് വർധിക്കുകയും ബൾബ് ഫ്യൂസ് ആവുകയും ചെയ്യുന്നു. ബൾബിന് ആവശ്യമായതിലും അധികം പൊട്ടെൻഷ്യൽ വ്യത്യാസം ലഭിക്കുന്നതിനാൽ കറന്റ് വർധിക്കുകയും ബൾബ് കേടാവുകയും ചെയ്യും.

Question 82.
സ്കൂൾ ശാസ്ത്രോത്സവത്തിൽ നിരീക്ഷിച്ച സെർക്കീട്ടിൽ LEDയോടൊപ്പം ബന്ധിപ്പിച്ച ഘടകം പ്രതിരോധകം ആണ്. ഇത് എന്തിനാണ് സെർക്കീട്ടിൽ ഉൾപ്പെടുത്തിയത്?
Answer:
9 വോൾട്ട് ബാറ്ററി ഉപയോഗിച്ച് LED പ്രകാശിപ്പിക്കണമെങ്കിൽ അതിന് ആവശ്യമായ പൊട്ടൻഷ്യൽ വ്യത്യാസം മാത്രം ലഭിക്കത്തക്ക രീതിയിൽ മൂല്യമുള്ള പ്രതിരോധകങ്ങൾ ശ്രേണിയിൽ ഘടിപ്പിക്കണം.

Question 83.
ബാറ്ററി/സെല്ല് എന്നിവയിൽ നിന്ന് ലഭിക്കുന്ന വൈദ്യുതിയും നമ്മുടെ വീടുകളിൽ ലഭിക്കുന്ന വൈദ്യുതിയും തമ്മിൽ എന്തെങ്കിലും വ്യത്യാസമുണ്ടോ?
Answer:
ഉണ്ട്.
ബാറ്ററിയിൽ നിന്ന് ലഭിക്കുന്ന വൈദ്യുതി ഒരേ ദിശയിൽ (Direct Current) മാത്രമാണ് പ്രവഹിക്കുന്നത്. എന്നാൽ വീടുകളിൽ ലഭിക്കുന്ന വൈദ്യുതി ക്രമമായ ഇടവേളയിൽ ദിശ മാറിക്കൊണ്ടിരിക്കുന്ന വൈദ്യുതിയാണ് (Alternating Current). കൂടാതെ ഉയർന്ന വോൾട്ടേജിലുള്ള (230 V) വൈദ്യുതിയും ആണ്. അതുകൊണ്ടുതന്നെ വൈദ്യുതിയുമായി ബന്ധപ്പെട്ട് നിങ്ങൾ പഠിച്ച പരീക്ഷണങ്ങളും സെർക്കീട്ടുകളും വീടുകളിലുള്ള വൈദ്യുതിയുമായി ബന്ധിപ്പിച്ച് ചെയ്യരുത്.

Class 9 Physics Chapter 8 Extra Questions and Answers Malayalam Medium ധാരാവൈദ്യുതി

Question 1.
12 Ω പ്രതിരോധം ഉള്ള ഒരു ചാലകത്തിൽ 6V പൊട്ടൻഷ്യൽ വ്യത്യാസം പ്രയോഗിക്കുന്നു. അതിലൂടെ എത്ര കറന്റ് കടന്നുപോകും? പ്രതിരോധകത്തിന്റെ നീളം പകുതിയായി കുറയുകയും പൊട്ടൻഷ്യൽ വ്യത്യാസം ഇരട്ടിയാക്കുകയും ചെയ്താൽ കറന്റ് എത്ര മടങ്ങ് വർദ്ധിക്കും?
Answer:
I = \(\frac{V}{R}\) = \(\frac{6}{12}\) 0.5 A
നീളം പകുതിയാവുമ്പോൾ R = 12 × \(\frac{1}{2}\) = 6
പൊട്ടൻഷ്യൽ വ്യത്യാസം V = 2 × 6 = 12 V
I = \(\frac{V}{R}\) = \(\frac{12}{6}\) = 2 A
കറന്റ് 4 മടങ്ങ് വർദ്ധിച്ചു.

Question 2.
ഒരു വോൾട്ട് നിർവചിക്കുക
Answer:
ഒരു ബിന്ദുവിൽ നിന്ന് മറ്റൊരു ബിന്ദുവിലേക്ക് ഒരു കുളോം (1 C) വൈദ്യുത ചാർജ് എത്തിക്കുവാൻ ചെയ്യുന്ന പ്രവൃത്തി ഒരു ജൂൾ (1 J ) ആണെങ്കിൽ ആ ബിന്ദുക്കൾ തമ്മിലുള്ള പൊട്ടെൻഷ്യൽ വ്യത്യാസം ഒരു വോൾട്ട് (1 V) ആയിരിക്കും.

Question 3.
ഒരു ചാലകത്തിന്റെ രണ്ട്
പോയിന്റുകൾക്കിടയിൽ വൈദ്യുത
പ്രവാഹം ഉണ്ടാകണമെങ്കിൽ
അവയ്ക്കിടയിൽ ……………
ഉണ്ടായിരിക്കണം.
Answer:
പൊട്ടൻഷ്യൽ വ്യത്യാസം.

Question 4.
ഒരു സെർക്കീട്ടിൽ 10 C ചാർജ് 5 സെക്കൻ ഡിൽ ഒഴുകുന്നുവെങ്കിൽ, ഒരു സെക്കൻ ഡിൽ സെർക്കീട്ടിലൂടെ എത്ര ചാർജ് ഒഴു കുന്നു?
Answer:
ചാർജ്, Q = 10 C
mawo, t = 5s
ഒരു സെക്കൻഡിൽ ഒഴുകുന്ന ചാർജ്ജ് = \(\frac{10}{5}\) = 2 C/s

Question 5.
ഒരു കൂളോം ചാർജിനെ ഒരു പോയിന്റിൽ നിന്ന് മറ്റൊന്നിലേക്ക് മാറ്റാൻ ഒരു ജൂൾ പ്രവൃത്തി ചെയ്താൽ, ഈ പോയിന്റുകൾ തമ്മിലുള്ള പൊട്ടൻഷ്യൽ വ്യത്യാസം എന്തായിരിക്കും? (2 V, 3V,1 V,4V)
Answer:
1V

Question 6.
100 Ω ഉള്ള പ്രതിരോധകത്തിലൂടെ 0.2 A കറന്റ് ഒഴുകുന്നുവെങ്കിൽ, പ്രതിരോധക ത്തിന്റെ അഗ്രങ്ങൾ തമ്മിലുള്ള പൊട്ടൻ ഷ്യൽ വ്യത്യാസം എന്തായിരിക്കും?
Answer:
I = 0.2 A
R = 100 Ω
V = IR
= 0.2 × 100
= 20 V

Question 7.
ആദ്യ പദ ജോഡിയിലെ ബന്ധം ഉപയോഗിച്ച് രണ്ടാമത്തേത് പൂർത്തിയാക്കുക. വോൾട്ടത : വോൾട്ട് മീറ്റർ
വൈദ്യുത പ്രവാഹം: …………
Answer:
അമ്മീറ്റർ

Question 8.
1.5 v ന്റെ 6 സെല്ലുകൾ ശ്രേണി രീതിയിൽ ബന്ധിപ്പിച്ചിരിക്കുന്നു.
a) ആകെ വോൾട്ടതാ എത്രയാണ്?
b) അവ സമാന്തരമായി ബന്ധിപ്പിച്ചിട്ടുണ്ട ങ്കിൽ, ആകെ വോൾട്ടത എത്രയാണ്?
c) 3 V ലഭിക്കാൻ 6 സെല്ലുകളെ എങ്ങനെ ബന്ധിപ്പിക്കാം?
Answer:
a) 9 V
a) 9 V
b) 1.5 V

Question 9.
താഴെപ്പറയുന്ന ഓരോന്നിലും വൈദ്യുത പ്രവാഹത്തിന്റെ വാഹകരെ കണ്ടെത്തുക.
a) ചെമ്പ് വയർ
b) സാധാരണ ഉപ്പ് ലായനി
c) വാതകങ്ങൾ
d) നിക്രോം വയർ
Answer:
a) ചെമ്പ് കമ്പി – ഫ്രീ ഇലക്ട്രോണുകൾ
b) സാധാരണ ഉപ്പ് ലായനി – അയോൺസ്
c) വാതകങ്ങൾ – അയോൺസ്
d) നിക്രോം വയർ – ഫ്രീ ഇലക്ട്രോണുകൾ

Question 10.
സമാന്തര രീതിയിൽ ക്രമീകരിച്ച പ്രധിരോധകങ്ങളുടെ നാല് പ്രധാന സവിശേഷതകൾ എഴുതുക.
Answer:
സഫല പ്രതിരോധം കുറയുന്നു.
ഓരോ പ്രതിരോധകത്തിലൂടെയും ഒഴുകുന്നകറൻറ് പ്രതിരോധകത്തിന്റെ മൂല്യത്തിന് അനുസരിച്ച് വിഭജിക്കപ്പെടുന്നു.
ഓരോ പ്രതിരോധകത്തിനും ലഭിക്കുന്ന പൊട്ടൻഷ്യൽ വ്യത്യാസം തുല്യമായിരിക്കും.
പ്രത്യേകം പ്രത്യേകം സ്വിച്ച് ഉപയോഗിച്ച് നിയന്ത്രിക്കാൻ സാധിക്കുന്നു.

Question 11.
ചിത്രം നിരീക്ഷിക്കുക.

a) മുകളിൽ ചിത്രീകരിച്ചിരിക്കുന്ന ഉപകരണത്തിന് പേര് നൽകുക.
b) എന്ത് ഉപകരണം രൂപകൽപ്പന ചെയ്തിരിക്കുന്നത് എന്ത് തത്വത്തിന്റെ അടിസ്ഥാനത്തിലാണ് ?
c) ഒരു സെർക്കീട്ടിൽ ഇത് ആവശ്യത്തിനാണ് ഉപയോഗിക്കുന്നത് ?
Answer:
a) റിയോസ്റ്റാറ്റ്
b) ഒരു ചാലകത്തിന്റെ നീളവും അതിന്റെ പ്രതിരോധവും പരസ്പരം ആനുപാതി കമാണ്.
c) പ്രതിരോധം ക്രമേണ മാറ്റിക്കൊണ്ട് ഒരു സെർക്കീട്ടിലെ കറന്റ് നിയന്ത്രിക്കാൻ ഇത് ഉപയോഗിക്കുന്നു.

Question 12.
10 സെന്റീമീറ്റർ നീളമുള്ള വയറിന്റെ പ്രതിരോധം 120 ആണ്. ഇത് തുല്യ നീളമുള്ള രണ്ട് ഭാഗങ്ങളായി മടക്കി ഒരു സെർക്കീട്ടിൽ ഉൾപ്പെടുത്തിയാൽ, പ്രതിരോധം ഉണ്ടാകും?
Answer:
എത്രത്തോളം
രണ്ട് ഭാഗങ്ങളായി മടക്കുമ്പോൾ, നീളം പകുതിയും ഛേദതല വിസ്തീർണ്ണം ഇരട്ടിയുമാകും. നീളം കുറയുന്നതിനാൽ പ്രതിരോധം പകുതിയായി കുറയുന്നു. ഛേദതല വിസ്തീർണ്ണം പ്രതിരോധം വീണ്ടും പകുതിയായി കുറയുന്നു. അതിനാൽ സഫല പ്രതിരോധം
R = 12 × \(\frac{1}{2}\) × \(\frac{1}{2}\) = 3 Ω

Question 13.
ചാലകങ്ങളുടെ പ്രതിരോധത്തെ ബാധിക്കുന്ന ഘടകങ്ങളിലൊന്നാണ് താപനില. മറ്റ് ഘടകങ്ങൾ എഴുതുക.
Answer:
ചാലകം നിർമ്മിച്ച പദാർഥത്തിന്റെ സ്വഭാവം, ചാലകത്തിന്റെ വണ്ണം (ഛേദതല പരപ്പളവ്), ചാലകത്തിന്റെ നീളം

Question 14.
റിയോസ്റ്റാറ്റിന്റെ പ്രവർത്തനതത്വം എന്താണ് ?
Answer:
ഒരു ചാലകത്തിന്റെ വണ്ണത്തിൽ മാറ്റമില്ലാതെ നീളം വർധിക്കുമ്പോൾ അതിന്റെ പ്രതി രോധവും വർധിക്കുന്നു. ഈ തത്വത്തിന്റെ അടിസ്ഥാനത്തിൽ പ്രവർത്തിക്കുന്ന ഒരു ഉപകരണമാണ് റിയോസ്റ്റാറ്റ്.

Question 15.
ധാരാവൈദ്യുതി നിയമത്തെ സൂചിപ്പിക്കുന്ന വരക്കുക.
Answer: