Plus Two Political Science Question Paper March 2021 Malayalam Medium

Reviewing Kerala Syllabus Plus Two Political Science Previous Year Question Papers and Answers March 2021 Malayalam Medium helps in understanding answer patterns.

Kerala Plus Two Political Science Previous Year Question Paper March 2021 Malayalam Medium

Time: 21/2 Hours
Total Score: 80 Marks

1 മുതൽ 44 വരെയുള്ള ചോദ്യങ്ങൾക്ക് ഉത്തരമെഴുതുക. പരമാ വധി ലഭിക്കുക 80 സ്കോർ ആയിരിക്കും.
1 മുതൽ 13 വരെയുള്ള ചോദ്യങ്ങൾക്ക് ആകെ സ്കോർ 22.

Question 1.
ഭാഷാടിസ്ഥാനത്തിൽ സംസ്ഥാനങ്ങൾ രൂപീകരിക്കുന്നതിന് ശുപാർശ ചെയ്ത കമ്മീഷൻ ഏത്? (1)
Answer:
സംസ്ഥാന പുസംഘടനാ കമ്മീഷൻ, ഫസൽ അലി കമ്മീഷൻ

Question 2.
ദ്വിരാഷ്ട്ര സിദ്ധാന്തം മുന്നോട്ടുവച്ച രാഷ്ട്രീയ പാർട്ടിയുടെ പേരെക (1)
Answer:
മുസ്ലീം ലീഗ്

Question 3.
ചേരുംപടി ചേർക്കുക. (4)

a. സർദാർ വല്ലഭ്ഭായ് പട്ടേൽ	തൽസ്ഥിതി കരാർ
b. ബോധചന്ദ്രസിംഗ്	ആന്ധ്രാപ്രദേശിന്റെ രൂപീകരണം
c. നൈസാം	ലയനകരാർ
d. പോറ്റി ശ്രീരാമുലു	നാട്ടുരാജ്യങ്ങളുടെ സംയോജനം

Answer:

a. സർദാർ വല്ലഭ്ഭായ് പട്ടേൽ	നാട്ടുരാജ്യങ്ങളുടെ സംയോജനം
b. ബോധചന്ദ്രസിംഗ്	ലയനകരാർ
c. നൈസാം	തൽസ്ഥിതി കരാർ
d. പോറ്റി ശ്രീരാമുലു	ആന്ധ്രാപ്രദേശിന്റെ രൂപീകരണം

Question 4.
‘ഇന്ത്യയുടെ പാൽക്കാരൻ’ എന്നറിയപ്പെടുന്നത് ആര്? (1)
Answer:
വർഗീസ് കുര്യൻ

Question 5.
ചേരുംപടി ചേർക്കുക. (4)

നേതാക്കൾ	പാർട്ടികൾ
a. ആചാര്യ നരേന്ദ്രദേവ്	റിപ്പബ്ലിക്കൻ പാർട്ടി
b. രാജഗോപാലാചാരി	കമ്മ്യൂണിസ്റ്റ് പാർട്ടി
c. എ.കെ.ഗോപാലൻ	സ്വതന്ത്രാ പാർട്ടി
d. ബി.ആർ.അംബേദ്കർ	സോഷ്യലിസ്റ്റ് പാർട്ടി

Answer:

നേതാക്കൾ	പാർട്ടികൾ
a. ആചാര്യ നരേന്ദ്രദേവ്	സോഷ്യലിസ്റ്റ് പാർട്ടി
b. രാജഗോപാലാചാരി	സ്വതന്ത്രാ പാർട്ടി
c. എ.കെ.ഗോപാലൻ	കമ്മ്യൂണിസ്റ്റ് പാർട്ടി
d. ബി.ആർ.അംബേദ്കർ	റിപ്പബ്ലിക്കൻ പാർട്ടി

Question 6.
കിഴക്കൻ പാക്കിസ്ഥാനു മേൽ പടിഞ്ഞാറൻ പാക്കിസ്ഥാന്റെ ആധിപത്യത്തിനെതിരെയുള്ള ജനകീയ പ്രക്ഷോഭത്തിന് നേതൃത്വം നൽകിയ പാർട്ടിയേത്? (1)
Answer:
അവാമി ലീഗ്

Question 7.
1969 – ലെ രാഷ്ട്രപതി തെരഞ്ഞെടുപ്പിൽ വിജയിച്ചതാര്? (1)
a) എൻ.സഞ്ജീവറെഡ്ഡി
b) മൊറാർജി ദേശായ്
c) നിജലിംഗപ്
d) വി.വി.ഗിരി
Answer:
വി.വി.ഗിരി

Question 8.
ചേരുംപടി ചേർക്കുക.

a. ബംഗ്ലാദേശ്	ആയുബ്ഖാൻ
b. പഞ്ചശീല തത്വങ്ങൾ	മുജീബുർ റഹ്മാൻ
c. ഷിംല കരാർ	ചൗ എൻ ലാന്
d. താഷ്കെന്റ് കരാർ	സുൽഫിക്കർ അലി ഭൂട്ടോ

Answer:

a. ബംഗ്ലാദേശ്	മുജീബുർ റഹ്മാൻ
b. പഞ്ചശീല തത്വങ്ങൾ	ചൗ എൻ ലാത്
c. ഷിംല കരാർ	സുൽഫിക്കർ അലി ഭൂട്ടോ
d. താഷ്കെന്റ് കരാർ	ആയുബ്ഖാൻ

Question 9.
താഴെ തന്നിട്ടുള്ളവയിൽ സമരോത്സുക സംഘടന ഏത്? (1)
a) നർമ്മദാ ബച്ചാവോ ആന്ദോളൻ
b) ദളിത് പാന്തേഴ്സ്
c) ഭാരതീയ കിസാൻ യൂണിയൻ
d) ചിപ്കോ പ്രസ്ഥാനം
Answer:
ദളിത് പാന്തേഴ്സ്

Question 10.
ബ്ലൂ സ്റ്റാർ ഓപ്പറേഷനോടുള്ള പ്രതികാരമായി വധിക്കപ്പെട്ട ഇന്ത്യൻ പ്രധാനമന്ത്രി ആര്?
a) രാജീവ് ഗാന്ധി
b) മൊറാർജി ദേശായ്
c) സഞ്ജയ് ഗാന്ധി
d) ഇന്ദിരാ ഗാന്ധി
Answer:
ഇന്ദിരാഗാന്ധി

Question 11.
ബി.എസ്.പി.ക്ക് രൂപം നൽകിയ നേതാവാര്? (1)
a) കൻഷിറാം
b) ബി.പി.മണ്ഡൽ
c) കർപ്പൂരി താക്കൂർ
d) ഡോ.ബി.ആർ. അംബേദ്കർ
Answer:
കൻഷിറാം

Question 12.
ബോൾഷെവിക് കമ്മ്യൂണിസ്റ്റ് പാർട്ടിക്ക് രൂപം നൽകിയതാര്? (1)
Answer:
വ്ളാദിമിർ ലെനിൻ

Question 13.
1992-ലെ ഭൗമ ഉച്ചകോടി നടന്നത് എവിടെ വച്ചാണ്? (1)
a) പാരിസ്
b) ക്യോട്ടോ
c) റിയോ – ഡി ജനിറോ
d) മോൺട്രിയൽ
Answer:
റിയോ ഡി ജനിറോ

14 മുതൽ 23 വരെയുളള ചോദ്യങ്ങൾക്ക് 3 സ്കോർ വീതം. (10 × 3 = 30)

Question 14.
നാട്ടുരാജ്യങ്ങളെ ഇന്ത്യൻ യൂണിയനിൽ ലയിപ്പിക്കുന്നതിൽ ഗവൺമെന്റിനെ നയിച്ച മൂന്ന് പരിഗണനകളേതെല്ലാം?
Answer:

1. മിക്കവാറും നാട്ടുരാജ്യങ്ങളിലെ ജനങ്ങൾക്ക് ഇന്ത്യൻ യൂണി യനിൽ ചേരാനായിരുന്നു താല്പര്യം.
2. സ്വയംഭരണം നൽകാൻ ഗവൺമെന്റ് തയ്യാറായിരുന്നു.
3. രാജ്യത്തിന്റെ ഐക്വത്തിനും അഖണ്ഡതയ്ക്കുമാണ് പ്രാധാന്യം നൽകിയത്.

Question 15.
ഇന്ത്യൻ ജനാധിപത്യത്തിന്റെ ആരംഭഘട്ടത്തിലെ കോൺഗ്രസ്സ് ആധിപത്യത്തിനുള്ള കാരണങ്ങൾ ചുരുക്കി വിവരിക്കുക.
Answer:

1. സ്വാതന്ത്ര്വസമരം നയിച്ച പ്രസ്ഥാനമെന്ന നിലയിൽ ചരിത്രവും പാരമ്പര്യവും കോൺഗ്രസിനനുകൂലമായിരുന്നു.
2. ഇന്ത്യ മുഴുവനും സംഘടനാ സംവിധാനമുള്ള ഏകപാർട്ടി കോൺഗ്രസായിരുന്നു.
3. നെഹ്റു ഉൾപ്പെടെയുള്ള പ്രശസ്തരും പ്രഗത്ഭരുമായ നേതാ ക്കൾ കോൺഗ്രസിനുണ്ടായിരുന്നു.

Question 16.
ചൈന, ക്യൂബ എന്നിവടങ്ങളിലെ ഏകകക്ഷി വ്യവസ്ഥയിൽ 3 നിന്നും ഇന്ത്യയിലെ കോൺഗ്രസ്സ് ആധിപത്യം വ്യത്യസ്തമാകുന്ന തെങ്ങിനെ?
Answer:
ചൈനയിലും, ക്യൂബയിലും, പഴ സോവിയറ്റ് യൂണിയനിലും ജനാധിപത്യ വിരുദ്ധമായ രീതിയിലാണ് ഏകപാർട്ടി മേധാവിത്വം നിലനിന്നിരുന്നത്. എന്നാൽ ഇന്ത്യയിൽ ജനാധിപത്യവ്യവസ്ഥയിൽ നിന്നുകൊണ്ടാണ് കോൺഗ്രസ് അതിന്റെ മേധാവിത്വം നില നിർത്തിയിരുന്നത്. എല്ലാ പാർട്ടികളും തെരഞ്ഞെടുപ്പിൽ മത്സരി ച്ചിരുന്നു. പക്ഷേ, ആദ്യകാലങ്ങളിലെ എല്ലാ തെരഞ്ഞെടുപ്പുക ളിലും ആധിപത്യം പുലർത്താൻ കോൺഗ്രസിനു മാത്രമാണ് കഴി.

Question 17.
ഇന്ത്യൻ വിദേശ നയത്തിന്റെ പ്രധാന ലക്ഷ്യങ്ങൾ എന്തെല്ലാം?
Answer:

1. രാജ്യത്തിന്റെ ഐക്യവും അഖണ്ഡതയും സംരക്ഷിക്കുക.
2. ത്വരിതഗതിയിലുള്ള സാമ്പത്തിക വികസനം ഉറപ്പാക്കുക.
3. സാമ്രാജ്യത്വം, കോളനിവൽക്കരണം, വംശീയത എന്നിവയോ ടുള്ള എതിർപ്പ്
4. യു എൻ ഒ.യിലുള്ള വിശ്വാസം
5. സമാധാനപരമായ സഹവർത്തിത്വം
6. ചേരിചേരാനയം
7. ആഹാ – ഏഷ്യൻ ഐക്യം

Question 18.
‘ഷാ’ കമ്മീഷൻ’ റിപ്പോർട്ടിനെക്കുറിച്ച് ഒരു കുറിപ്പെഴുതുക.
Answer:
അടിയന്തിരാവസ്ഥക്കാലത്തുണ്ടായ ആരോപണങ്ങളെയും മറ്റും കുറിച്ച് പഠിക്കാൻ സുപ്രീംകോടതി റിട്ടയേർഡ് ചീഫ് ജസ്റ്റിസാ യിരുന്ന ജസ്റിസ് ജെ.സി.ഷായെ ജനത ഗവൺമെന്റ് നിയമിച്ചു. കമ്മീഷൻ രാജ്യത്തുടനീളം തെളിവെടുപ്പുകൾ നടത്തി. കമ്മി ഷന്റെ കണ്ടെത്തലുകളും നിരീക്ഷണങ്ങളും ശുപാർശകളും ഗവൺമെന്റ് അംഗീകരിക്കുകയുണ്ടായി. ഷാ കമ്മീഷന്റെ എല്ലാ റിപ്പോർട്ടുകളും ലോക്സഭയിലും രാജ്യസഭയിലും സമർപ്പിക്കു കയുണ്ടായി.

Question 19.
ചിപ്കോ പ്രസ്ഥാനം അഭിസംബോധന ചെയ്ത സാമൂഹിക – പാ രിസ്ഥിതിക പ്രശ്നങ്ങൾ വിശദീകരിക്കുക.
Answer:
ഉത്തർഖണ്ഡിലെ ഏതാനും മലയോര ഗ്രാമങ്ങളിലാണ് 1973 ൽ ചിപ്കോ പ്രസ്ഥാനം ആരംഭിക്കുന്നത്. തദ്ദേശീയരായ ആദിവാ സികളെ വനത്തിൽ പ്രവേശിക്കുന്നതിൽ നിന്നും വനവിഭവങ്ങൾ ശേഖരിക്കുന്നതിൽ നിന്നും വിലക്കിയ വനംവകുപ്പ് ഒരു സ്പോർട്സ് കമ്പനിക്ക് വാണിജ്യാവശ്യങ്ങൾക്കായി മരം മുറിക്കാൻ അനുമതി നൽകി. ഇത് ഗ്രാമീണരെ പ്രകോപ്പിക്കുകയും അവർ സംഘടിതരായി മരംമുറി തടയുകയും ചെയ്തു. സ്ത്രീകളും കുട്ടി കളും മരങ്ങളെ ആലിംഗനം ചെയ്തു നിന്നു. ഇത് ഉത്തർഖ ഡിൽ എമ്പാടും വ്യാപിച്ചു. സുന്ദർലാൽ ബഹുഗുണ, ചണ്ഡി പ്രസാദ് എന്നിവരായിരുന്നു . ചിപ്കോ പ്രസ്ഥാനത്തിന്റെ നേതാ ക്കൾ. പ്രതിഷേധത്തെത്തുടർന്ന് ഉത്തർഖണ്ഡ് മേഖലയിലെ മരം മുറി തടഞ്ഞുകൊണ്ട് ഗവൺമെന്റ് ഉത്തരവിറക്കി.

Question 20.
ചാരായ വിരുദ്ധ പ്രസ്ഥാനം ഒരു വനിതാ മുന്നേറ്റം കൂടിയായി രുന്നു. എന്തുകൊണ്ട്?
Answer:

• ആന്ധ്രാപ്രദേശിലെ നെല്ലൂരിൽ സ്ത്രീകളുടെ നേതൃത്വത്തിൽ നടന്ന ജനകീയ പ്രക്ഷോഭമാണ് ചാരായവിരുദ്ധ പ്രസ്ഥാനം.
• പിൽക്കാലത്ത് ഇത് ഗാർഹിക അതിക്രമങ്ങൾക്കും, സ്ത്രീധനം ഉൾപ്പെടെയുള്ള അനീതികൾക്കും എതിരായ പ്രസ്ഥാനമായി മാറി.
• ജോലി സ്ഥലത്തെ ലൈംഗിക അതിക്രമങ്ങളും, അസമ ത്വവും ചാരായ വിരുദ്ധ പ്രസ്ഥാനത്തിന്റെ പ്രതിശേധവിഷ യങ്ങളായിരുന്നു.
• നെല്ലൂരിൽ തുടങ്ങിയ പ്രക്ഷോഭം സംസ്ഥാനം മുഴുവൻ വ്യാപിക്കുകയും ശക്തമായ വനിതാ മുന്നേറ്റമായി മാറുകയും ചെയ്തു.

Question 21.
റഷ്യയുമായുള്ള ഇന്ത്യയുടെ ബന്ധം ചുരുക്കി വിവരിക്കുക.
Answer:

• ഇന്ത്യയുടെ റഷ്യയും കളക്ടീവ് സെക്യൂരിറ്റിയിലും ബഹു ധ്രുവ ലോകത്തിലും വിശ്വസിക്കുന്ന രാജ്യങ്ങളാണ്.
• എൺപതിലധികം ദ്വികക്ഷികരാറുകളിൽ രണ്ടു രാജ്യങ്ങളും ഒപ്പുവെച്ചിട്ടുണ്ട്.
• കാശ്മീർ, അന്തർദേശീയ ഭീകരതയ്ക്കെതിരായ സഹകരണം എന്നീ വിഷയങ്ങളിൽ റഷ്യയുമായുള്ള സഹകരണം ഇന്ത്യയ്ക്കും ഗുണകരമായിരുന്നു.
• റഷ്യയുടെ രണ്ടാമത്തെ വലിയ ആയുധ വിപണന പങ്കാളി യാണ് ഇന്ത്യ.
• റഷ്യയുമായി നീണ്ടകാലത്തെ സാമ്പത്തിക- വാണിജ്യ – സാം സ്കാരിക ബന്ധങ്ങൾ ഇന്ത്യയ്ക്കുണ്ട്.

Question 22.
ആഗോള രംഗത്തെ ഏതെങ്കിലും മൂന്ന് പുതിയ സുരക്ഷാ, ഭീഷ ണികളുടെ സ്രോതസ്സുകൾ വിശദീകരിക്കുക.
Answer:

• അന്തർദേശീയ തീവ്രവാദം ആഗോളസുരക്ഷയുടെ പ്രധാ നപ്പെട്ട ഭീഷണികളിലൊന്നാണ്.
• മനുഷ്യാവകാശ ലംഘനങ്ങൾ ആഗോള സുരക്ഷയുമായി ബന്ധപ്പെട്ട മറ്റൊരു സുരക്ഷാഭീഷണിയാണ്.
• ആഗോളതലത്തിലെ ദാരിദ്ര്യവും, ക്ഷാമങ്ങളും, അസമത്വവും ഭീഷണിയുടെ മറ്റൊരു മേഖലയാണ്.
• എയിഡ്സ്, സാർസ്, കോവിഡ് ഉൾപ്പെടെയുള്ള സാംക്രമിക രോഗങ്ങളും പകർച്ചവ്യാധികളും മറ്റൊരു രാജ്യാന്തര സുര ക്ഷാപ്രശ്നമാണ്.

Question 23.
ആഗോളവത്കരണം സംസ്കാരത്തെ എങ്ങനെ ബാധിക്കുന്നു എന്ന് വിശദമാക്കുക.
Answer:
ആഗോളവൽക്കരണം സാംസ്കാരിക ഏകീകരണത്തിലേക്കു വഴി തുറക്കുന്നു. നമ്മുടെ ഭക്ഷണം, വസ്ത്രം, വീട് എന്നു തുടങ്ങി ചിന്തകളെപ്പോലും സ്വാധീനിക്കുന്നു. ഒരൊറ്റ ലോകസം സ്കാരമെന്ന ആശയത്തിലേക്ക് അതു വഴി തുറക്കുമെന്ന് ഭയ പ്പെടുന്നു. ആഗോളവൽക്കരണം പടിഞ്ഞാറൻ സംസ്കാര ത്തിന്റെ ആധിപത്യത്തിനു വഴി തെളിയിക്കുമെന്നും പ്രാക്തന സംസ്കാരങ്ങളെ തകർക്കുമെന്നും വാദമുണ്ട്. സംസ്കാരം നിശ്ച ലമായി നിൽക്കുന്ന ഒന്നല്ലെന്നും, കൊടുക്കൽ വാങ്ങലുകളിലൂടെ മുന്നോട്ടു പോകുന്നതാണെന്നും ആഗോളവൽക്കരണത്ത അനുകൂലിക്കുന്നവർ വാദിക്കുന്നു.

24 മുതൽ 32 വരെയുളള ചോദ്യങ്ങൾക്ക് 4 സ്കോർ വീതം. (9 × 4 = 36)

Question 24.
1977ലെ ജനതാ ഗവൺമെന്റിന്റെ രൂപീകരണവും പരാജയവും വിശദീകരിക്കുക.
Answer:
1977 – ൽ നടന്ന പൊതുതെരഞ്ഞെടുപ്പ് അടിയന്തിരാവസ്ഥയുടെ ഹിതപരിശോധനയായിരുന്നു. യഥാർത്ഥത്തിൽ അടിയന്തിരാവ സ്ഥയ്ക്കു മുമ്പുതന്നെ പൊതുജനാഭിപ്രായം കോൺഗ്രസ് ഗവൺമെന്റിന് എതിരായിരുന്നു. അടിയന്തിരാവസ്ഥയും അതിന്റെ ഭാഗമായ കടുത്ത നടപടികളും ജനങ്ങളെ ഗവൺമെന്റി നെതിരാക്കി മാറ്റി. പ്രതിപക്ഷപാർട്ടികൾ ഒന്നിച്ചു ചേർന്ന് ജനതാ പാർട്ടിയ്ക്കു രൂപം നൽകി. അവർ ജയപ്രകാശ് നാരായണനു പിന്നിൽ അണിചേർന്നു. തുടർന്ന് പൊതുതെരഞ്ഞെടുപ്പിൽ ജന താപാർട്ടി അധികാരത്തിലെത്തുകയും മൊറാർജി ദേശായ് ആദ്യ കോൺഗ്രസിതര പ്രധാനമന്ത്രിയാവുകയും ചെയ്തു. ദുർബല മായ നേതൃത്വവും, ആഭ്യന്തര സംഘർഷങ്ങളും ജനതാ പരി ക്ഷണം പരാജയപ്പെടുന്നതിനിടയാക്കി.

Question 25.
ദളിത് പാന്തേഴ്സിന്റെ ഉൽഭവവും പ്രവർത്തനങ്ങളും വിശദീക രിക്കുക.
Answer:

• ഇന്ത്യയിലെ ദളിവ് വിഭാഗങ്ങളുടെ ക്ഷേമം ലക്ഷ്യമാക്കി 1970 കളിൽ രൂപംകൊണ്ട പ്രസ്ഥാനമാണ് ദളിത് പാന്തേഴ്സ്.
• മഹാരാഷ്ട്രയിലാണ് ഈ പ്രസ്ഥാനം ആരംഭിച്ചത്.
• ദളിത് വിഭാഗത്തിൽപെട്ടവർ കടുത്ത വിവേചനത്തിനും അക മങ്ങൾക്കും വിധേയരാകുന്ന പ്രദേശങ്ങളിലാണ് ദളിത് പാന്തേഴ്സ് പ്രവർത്തനം കേന്ദ്രീകരിച്ചത്.
• ജാതിവിവേചനം ഒഴിവാക്കി അവസരസമത്വവും, സാമൂഹ്യ നീതിയുമുള്ള ഒരു സമൂഹനിർമിതിയായിരുന്നു അവരുടെ ലക്ഷ്യം.
• എല്ലാത്തരത്തിലുമുള്ള ജാതി വിവേചനങ്ങൾക്കും, അതിക മങ്ങൾക്കുമെതിരായും, പട്ടികജാതി പട്ടികവർഗ്ഗ വിഭാഗങ്ങ ളുടെ സംവരണത്തിനു വേണ്ടിയും ദളിത് പാന്തേഴ്സ് നില കൊണ്ട്.
• പിൽക്കാലത്ത് നിരവധി ചെറുകഷണവുമായി പ്രസ്ഥാനം വിഭജിക്കപ്പെടുകയും ശക്തി ക്ഷയിക്കുകയും ചെയ്തു.

Question 26.
നർമ്മദാ ബച്ചാവോ ആന്ദോളനെക്കുറിച്ച് ഒരു കുറിപ്പ് തയ്യാറാ ക്കുക.
Answer:

• സർദാർ സരോവർ പദ്ധതിക്കെതിരായ പ്രസ്ഥാനമെന്ന നില യിലാണ് നർമ്മദ ബച്ചാവോ ആന്ദോളൻ വളർന്നു വന്നത്.
• മധ്യപ്രദേശിലും, ഗുജറാത്തിലും, മഹാരാഷ്ട്രയിലുമായി ചെറുതും വലുതുമായ നൂറുകണക്കിന് ഡാമുകൾ നിർമ്മി ക്കാൻ ലക്ഷ്യമിട്ടുള്ള പദ്ധതിയായിരുന്നു സർദാർ സരോവർ പദ്ധതി.
• വലിയ ഡാമുകൾക്കെതിരായും, ഡാമുകൾ നിർമ്മിക്കുന്ന തുമായി ബന്ധപ്പെട്ടുള്ള കുടിയൊഴിപ്പിക്കലിനെതിരായും നർമ്മദ ബച്ചാവോ ആന്ദോളൻ പ്രതിഷേധമുയർത്തി.
• സർദാർ സരോവർ പദ്ധതിയുടെ പദ്ധതിയുടെ ഭാഗമായി കിട പാടം നഷ്ടപ്പെട്ടവരുടെ കുടിയൊഴിപ്പിക്കൽ ഉൾപ്പെടെയുള്ള വിഷയങ്ങൾ സംഘടന ഏറ്റെടുക്കുകയുണ്ടായി.
• വനത്തിനും വെള്ളത്തിനും ഭൂമിയ്ക്കും മുകളിലുള്ള അധി കാരം തദ്ദേശീയ ജനവിഭാഗങ്ങൾക്കാണെന്ന ചിന്തയും പ്രവർത്തന പദ്ധതിയും മുന്നോട്ടു വയ്ക്കാൻ നർമ്മദ ബച്ചാവോ ആന്ദോളന് കഴിഞ്ഞു.

Question 27.
ഇന്ത്യൻ ദേശീയോദ്ഗ്രഥനത്തിന്റെ ഏതെങ്കിലും നാല് പാഠങ്ങൾ വിശദമാക്കുക.
Answer:

1. പ്രാദേശിക ഉൽക്കർഷേച്ഛകളും ആവശ്യകതകളും ജനാധി പതപ്രക്രിയയുടെ ഭാഗമാണ്.
2. ജനാധിപത്യത്തിൽ പ്രശ്നപരിഹാരങ്ങൾക്കുള്ള പോംവഴി അടിച്ചമർത്തലല്ല.
3. ജനാധിപത്യ ചർച്ചകളും, സംവാദങ്ങളും, കൂടിയാലോചന കളും പ്രസക്തവും പ്രധാനവുമാണ്.
4. സാമ്പത്തികവികസനത്തിലെ പ്രാദേശിക പ്രാതിനിധ്യമില്ലായ്മ പ്രാദേശിക പ്രശ്നങ്ങൾക്കും അസന്തുലിതാവസ്ഥയ്ക്കും വഴി തെളിയ്ക്കും.

Question 28.
കാശ്മീർ പ്രശ്നം വിശദീകരിക്കുക.
Answer:
ഇന്ത്യയുടെ സ്വാതന്ത്ര്യപ്രാപ്തിയുടെ ഘട്ടത്തിൽ ജമ്മു കാശ്മീർ ഒരു നാട്ടുരാജ്യമായിരുന്നു. തുടക്കത്തിൽ കാശ്മീർ രാജാവായ ഹരിസിംഗ് ഇന്ത്യയിലോ, പാകിസ്ഥാനിലോ ചേരാതെ സ്വതന്ത മായി നിൽക്കാനാണ് ആഗ്രഹിച്ചത്. എന്നാൽ 1947 ഒക്ടോബറിൽ പാകിസ്ഥാൻ പിന്തുണയോടെ ഗോത്രവർഗവിഭാഗങ്ങൾ കാശ്മീ രിലേക്ക് അതിക്രമിച്ചു കയറി. ഈ ഘട്ടത്തിൽ ഹരിസിംഗ് ഇന്ത്യ യുടെ സഹായമഭ്യർത്ഥിച്ചു. അദ്ദേഹം ലയനകരാറിൽ ഒപ്പുവ യ്ക്കുകയും ഇന്ത്യൻ സൈന്യം നുഴഞ്ഞു കയറ്റക്കാരെ പരാജ യപ്പെടുത്തി കാശ്മീരിനെ മോചിപ്പിക്കുകയും ചെയ്തു. തുടർന്ന് ആർട്ടിക്കിൾ 370 പ്രകാരം ജമ്മുകാശ്മീരിന് പ്രത്യേക പദവി നൽകുകയും ചെയ്തു.

Question 29.
സോവിയറ്റ് വ്യവസ്ഥയെക്കുറിച്ചും അതിന്റെ പോരായ്മകളെക്കു റിച്ചും ഒരു ലഘു കുറിപ്പെഴുതുക.
Answer:
1917ലെ റഷ്യൻ വിപ്ലവത്തിനുശേഷം യൂണിയൻ ഓഫ് സോവി യറ്റ് സോഷ്യലിസ്റ്റ് റിപ്പബ്ലിക് (യു.എസ്. എസ്. ആർ) എന്ന പുതിയ രാജ്യം രൂപം കൊണ്ടു. സോഷ്യലിസ്റ്റ് ആശയങ്ങളാൽ പ്രചോദിത രായി ഒരു സമത്വാധിഷ്ഠിത സമൂഹം നിർമ്മിക്കുകയെന്നതായി രുന്നു സോവിയറ്റ് യൂണിയന്റെ ലക്ഷ്യം. രാഷ്ട്രത്തിനും പാർട്ടിയ്ക്കും പ്രാധാന്യം നൽകുന്നതായിരുന്നു സോവിയറ്റ് വ്യവ സ്ഥ. സ്വകാര്യസ്വത്ത് ഒഴിവാക്കുകയും സമത്വത്തിലും തുല്യത യിലും അടിയുറച്ച ഒരു പാർട്ടി കേന്ദ്രീകൃത വ്യവസ്ഥയും സോവി യറ്റ് വ്യവസ്ഥയുടെ പ്രത്യേകതയായിരുന്നു.

ഉദ്യോഗസ്ഥ കേന്ദ്രീകൃതരീതിയും, ഏകകക്ഷി മേധാവിത്വവും സോവിയറ്റ് വ്യവസ്ഥയുടെ പരിമിതികളായിരുന്നു. ജനാധിപത്യ ത്തിന്റെയും അഭിപ്രായ സ്വാതന്ത്വത്തിന്റേയും അഭാവം സോവി യറ്റ് വ്യവസ്ഥയെ ഏകാധിപത്യ സമീപനമുള്ളതും ജനവിരുദ്ധ വുമാക്കി മാറ്റി.

Question 30.
9/11 ആക്രമണം, ഭീകരതക്കെതിരായ ആഗോള യുദ്ധം എന്നിവ യെക്കുറിച്ച് ഒരു കുറിപ്പ് തയ്യാറാക്കുക.
Answer:
2001 സെപ്തംബർ 11ന് 19 വിമാനറാഞ്ചികൾ നാല് അമേരിക്കൻ വിമാനങ്ങൾ റാഞ്ചി അമേരിക്കയുടെ തന്ത്രപ്രധാനമായ കേന്ദ്ര ങ്ങളിലേക്ക് തിരിച്ചു വിട്ടു. രണ്ടെണ്ണം വേൾഡ് ട്രേഡ് സെന്ററിൽ ഇടിച്ചിറക്കി. മൂന്നാമത്തേത് പെന്റഗൺ കെട്ടിടത്തിലും നാലാമ ത്തേത് പെൻസിൽവാനിയയിലെ പാടത്തേയ്ക്കും ഇടിച്ചിറിക്കി ഈ ആക്രമണം 9,11 എന്നറിയപ്പെടുന്നു. ഏകദേശം 3000 പേർ ആക്രമണത്തിൽ മരിച്ചു. 1776-ൽ അമേരിക്ക രൂപം കൊണ്ടതി നുശേഷം ആ രാജ്യത്തിനു നേരെയുണ്ടായ ഏറ്റവും വലിയ ആക്രമണമായിരുന്നു അത്. 9/11 നു ശേഷം അൽഖ്വയ്ദ, താലി ബാൻ എന്നിവരെ ലക്ഷ്യമാക്കി അമേരിക്ക നടത്തിയ പ്രത്യാക്രമ ണമാണ് ‘ഓപ്പറേഷൻ എൻറിംഗ് ഫ്രീഡം’.

Question 31.
ഒരു ബദൽ അധികാര കേന്ദ്രമായി മാറുവാൻ യൂറോപ്യൻ യൂണി യനുള്ള ശേഷി ചർച്ച ചെയ്യുക.
Answer:

• സോവിയറ്റ് യൂണിയന്റെ തിരോധാനത്തിനുശേഷം, മാസ്ട്രിച്ച് ഉടമ്പടിയിലൂടെയാണ് യൂറോപ്യൻ യൂണിയൻ നിലവിൽ വന്നത്.
• രാഷ്ട്രീയമായും സാമ്പത്തികമായും യൂറോപ്യൻ മേഖല യിലെ രാജ്യങ്ങളെ യോജിപ്പിക്കുകയെന്ന ലക്ഷ്യമാണ് യൂറോ പിൻ യൂണിയന്റെ രൂപീകരണത്തിലേക്കു നയിച്ചത്.
• ലോകത്തിലെ ഏറ്റവും വലിയ സാമ്പത്തിക വ്യവസ്ഥകളി ലൊന്നായി യൂറോപ്യൻ യൂണിയൻ മാറി.
• യൂറോപ്യൻ യൂണിയന്റെ കറൻസിയായ യൂറോ അമേരിക്കൻ ഡോളറിനേക്കാൾ മൂല്യമുള്ള കറൻസിയാണ്.
• യൂറോപ്യൻ യൂണിയന്റെ അംഗമായ ഫ്രാൻസ് ഐക്വരാഷ്ട്ര സഭയുടെ സ്ഥിരാംഗമാണ്.
• യൂറോപ്യൻ യൂണിയൻ സൈനികശക്തിയിൽ ലോകത്തെ രണ്ടാമത്തേതായി നിലകൊള്ളുന്നു.
• യൂറോപ്യൻ യൂണിയന് സ്വന്തമായി പതാകയും, ഗാനവും പൊതുവായ പാർലമെന്റും, പൊതുവായ വിസ സമ്പ്രദാ യവും ഉണ്ട്.

Question 32.
ബംഗ്ലാദേശിന്റെ രൂപീകരണത്തിൽ 1971 ലെ യുദ്ധത്തിനുള്ള പങ്ക് വിശദീകരിക്കുക.
Answer:
1970-ൽ പാകിസ്ഥാന് നിരവധി ആഭ്യന്തര പ്രശ്നങ്ങൾ നേരിടേണ്ടി വന്നു. ഈ ഘട്ടത്തിൽ നടന്ന തിരഞ്ഞെടുപ്പിൽ പടിഞ്ഞാ റൻ പാകിസ്ഥാനിൽ സുൾഫിക്കർ അലി ഭൂട്ടോയുടെ നേതൃത്വ ത്തിലുള്ള പാർട്ടി ഭൂരിപക്ഷം നേടി. എന്നാൽ കിഴക്കൻ പാകി സ്ഥാനിൽ അവാമി ലീഗിന്റെ മുജീബ് റഹ്മാനാണ് ഭൂരിപക്ഷം നേടി യത്. കിഴക്കൻ പാകിസ്ഥാനിലെ ജനങ്ങൾ പടിഞ്ഞാറൻ പാകി സ്ഥാനിൽ നിന്നു സ്വതന്ത്രമാകാൻ ആഗ്രഹിച്ചു. എന്നാൽ പടി ഞ്ഞാറൻ പാകിസ്ഥാനിലെ ഭരണാധികാരികൾ അവാമി ലീഗിനേ യോ, അവരുടെ വിജയത്തെയോ അംഗീകരിച്ചില്ല. 1971- ൽ പടി ഞ്ഞാറൻ പാകിസ്ഥാന്റെ സൈന്യം മുജിബുർ റഹ്മാനെ അറസ്റ്റു ചെയ്യുകയും കിഴക്കൻ പാകിസ്ഥാനെ ആക്രമിക്കാൻ തയ്യാറെടു ക്കുകയും ചെയ്തു. ഈ ഘട്ടത്തിൽ ഇന്ത്യ കിഴക്കൻ പാകി സ്ഥാനെ സഹായിക്കുകയും ഇത് ബംഗ്ലാദേശ് എന്ന പുതിയ രാജ്യ ത്തിന്റെ പിറവിയ്ക്കു കാരണമാവുകയും ചെയ്തു. തുടർന്ന് പാകിസ്ഥാൻ പഞ്ചാബ്, രാജസ്ഥാൻ, ജമ്മുകാശ്മീർ എന്നിവിട ങ്ങളിലെ അതിർത്തി പ്രദേശങ്ങൾ ആക്രമിച്ചു. ഇന്ത്യൻ സൈന്യം മൂന്നുവശങ്ങളിൽ നിന്നും ധാക്കയെ ആക്രമിക്കുകയും ഗത്യന്ത രമില്ലാതെ പാകിസ്ഥാൻ സൈന്യം കീഴടങ്ങുകയും ചെയ്തു. യുദ്ധാനന്തരം ഇന്ദിരാഗാന്ധിയും സുൾഫിക്കർ അലി ഭൂട്ടോയും ചേർന്ന് 1972 ജൂലൈ 3ന് സിംല കരാറിൽ ഒപ്പുവച്ചു.

33 മുതൽ 40 വരെയുള്ള ചോദ്യങ്ങൾക്ക് ഉത്തരമെഴുതുക. 5 സ്കോർ വീതം. (8 × 5 = 40)

Question 33.
സ്വതന്ത്രാ പാർട്ടിയുടെ ആശയവും പരിപാടികളും വിശദീകരി ക്കുക.
Answer:

1. 1959 ആഗസ്റ്റ് മാസത്തിലാണ് സ്വതന്ത്രാപാർട്ടി രൂപം കൊള്ളുന്നത്.
2. സി.രാജഗോപാലാചാരി, കെ.എം. മുൻഷി, മീനുമാനി എന്നിവരായിരുന്നു പ്രധാന നേതാക്കൾ.
3. കേന്ദ്രീകൃത ആസൂത്രണം, ഗവൺമെന്റ് ഇടപെടൽ, പൊതു മേഖല എന്നിവയെ സ്വതന്ത്രാപാർട്ടി എതിർക്കുകയുണ്ടായി.
4. വ്യക്തിസ്വാതന്ത്ര്യത്തിനും സ്വകാര്യവൽക്കരണത്തിനും വേണ്ടിയാണ് പാർട്ടി പ്രധാനമായും നിലകൊണ്ടത്.
5. ചേരിചേരാനയം, നികുതി സമീപനം എന്നിവയേയും പാർട്ടി എതിർക്കുകയുണ്ടായി.
6. ഇന്ത്യയെ ഒരു മുതലാളിത്ത രാജ്യമായി മാറ്റുകയെന്ന ലക്ഷ്യ ത്തോടെയാണ് സ്വതന്ത്രാപാർട്ടി പ്രവർത്തിച്ചിരുന്നത്.

Question 34.
ഇന്ത്യയുടെ ആണവനയം ചർച്ച ചെയ്യുക.
Answer:

• ഇന്ത്യയുടെ ആണവപദ്ധതികൾക്ക് തുടക്കം കുറിച്ചത് പ്രമുഖ ആണവശാസ്ത്രജ്ഞനായ ഹോമി ജഹാംഗീർ ഭാഭ യുടെ നേതൃത്വത്തിലാണ്.
• 1974ലും 1988ലും രാജസ്ഥാനിലെ പൊകാനിൽ ഇന്ത്യ ആണവപരീക്ഷണങ്ങൾ നടത്തുകയുണ്ടായി.
• ഐക്യരാഷ്ട്രസഭയുടെ ആണവനിരായുധീകരണത്തിന്റെ ഭാഗമായി ഇന്ത്യ നിലകൊള്ളുന്നു. ആണവ ഇന്ധനം യുദ്ധ ങ്ങൾ പോലെയുള്ള കാര്യങ്ങൾക്കായി ഉപയോഗിക്കുന്ന തിനെ ഇന്ത്യ എതിർക്കുന്നു.
• എന്നാൽ വിവേചനപരമായ എൻ.പി.ടി., സി.ടി.ബി.റ്റി. കരാ റുകളിൽ ഇന്ത്യ അംഗമായിട്ടില്ല.
• ആണവായുധങ്ങൾ ആദ്യം ഉപയോഗിക്കില്ല എന്നതിനൊപ്പം വിവേചനപരമല്ലാത്ത ആണവ നിരായുധീകരണത്തിനായും ഇന്ത്യ നിലകൊള്ളുന്നു.

Question 35.
1975- ലെ ദേശീയ അടിയന്തിരാവസ്ഥയുടെ പ്രത്യാഘാതങ്ങൾ വിമർശനാത്മകമായി വിലയിരുത്തുക.
Answer:
ആഭ്യന്തരപ്രശ്നങ്ങളെത്തുടർന്ന് രാജ്യത്ത് അടിയന്തിരാവസ്ഥ ഏർപ്പെടുത്തുകയും ജനജീവിതം കുഴപ്പത്തിലാകുകയും ചെയ്തു. ഭരണഘടനാപ്രകാരം, അടിയന്തിരാവസ്ഥ ഘട്ടത്തിൽ കേന്ദ്രഗവൺമെന്റിന് ചില പ്രത്യേക അധികാരങ്ങൾ ഉപയോഗി ക്കാൻ കഴിയും. എന്നാൽ ഇന്ത്യയിൽ ഇത് അമിതാധികാരമായി മാറുകയായിരുന്നു.
a) സർക്കാർ ജീവനക്കാരുടെ പ്രതിഷേധങ്ങളും പ്രക്ഷോഭ ങ്ങളും നിരോധിച്ചു.
b) പ്രതിപക്ഷ പാർട്ടി നേതാക്കൾ പലരും അറസ്റ്റിലായി.
c) പത്രസ്വാതന്ത്യം നിഷേധിക്കപ്പെടുകയും, പത്രമാധ്യമങ്ങൾ കർക്കശമായ നിയന്ത്രണത്തിനു വിധേയമാവുകയും ചെയ്തു.
d) മൗലികാവകാശങ്ങൾ സസ്പെന്റ് ചെയ്യപ്പെട്ടു.
e) മുൻകരുതൽ തടങ്കൽ വ്യാപകമായി ദുരുപയോഗിക്കപ്പെട്ടു.
f) പൊതുജന പ്രക്ഷോഭങ്ങൾക്ക് അനുമതി നിഷേധിച്ചു.

Question 36.
പഞ്ചാബ് പ്രശ്നം പരിഹരിക്കപ്പെട്ടതെങ്ങനെയെന്ന് വിവരിക്കുക.
Answer:

• ഭാഷാടിസ്ഥാനത്തിലുള്ള സംസ്ഥാന പുനഃസംഘടനയെത്തു ടർന്ന് 1966 – ൽ ഭാഷാടിസ്ഥാനത്തിൽ പഞ്ചാബ് രൂപംകൊ ണ്ടു.
• അകാലിദൾ ഒരു പഞ്ചാബി സുബയ്ക്കുവേണ്ടി വാദിക്കു കയും തുടർന്ന് പഞ്ചാബിലെ ഹിന്ദി സംസാരിക്കുന്ന പ്രദേ ശങ്ങൾ ചേർത്ത് ഹരിയാനയും പഞ്ചാബി പ്രദേശങ്ങൾ ചേർത്ത് പഞ്ചാബും പുനഃസംഘടിപ്പിച്ചു.
• രാഷ്ട്രീയ സ്വയംഭരണത്തിനായി അകാലിദളിലെ ഒരു വിഭാഗം ആവശ്യമുന്നയിച്ചു.
• 1973-ലെ അനന്ത്പൂർ സാഹിബ് സമ്മേളനത്തിൽ വെച്ച് ഒരു പ്രത്യേക സിഖ് പ്രദേശത്തിനായി അകാലിദൾ അവകാശവാ ദമുന്നയിച്ചു.
• അകാലിദളിലെ തീവ്രവാദി വിഭാഗം ‘ഖാലിസ്ഥാൻ’ എന്നു പേരിട്ടു വിളിച്ച സിഖ് രാഷ്ട്രത്തിനായി പ്രക്ഷോഭമാരംഭിച്ചു.
• ഇത് സുവർണ ക്ഷേത്രത്തിലെ സൈനിക നടപടിയായ ‘ബ്ലൂസ്റ്റാർ ഓപ്പറേഷനിലേക്കും’ ഇന്ദിരാഗാന്ധിയുടെ കൊല പാതകത്തിലേക്കും നയിച്ചു.
• ഇന്ദിരാഗാന്ധിയുടെ വധത്തിനുശേഷം നടന്ന തെരഞ്ഞെടു പ്പിൽ രാജീവ്ഗാന്ധി അധികാരത്തിലെത്തുകയും അകാലി ദളുമായുള്ള ചർച്ചകൾ പുനരാരംഭിക്കുകയും ചെയ്തു.
• 1985 – ൽ പ്രധാനമന്ത്രി രാജീവ്ഗാന്ധിയും അകാലി നേതാ വായ ഹർചന്ദ് സിംഗ് ലോംഗോ വാളും ചേർന്ന് ഒരു കരാ റിൽ ഒപ്പുവച്ചു. ഇത് പഞ്ചാബ് കരാർ അഥവാ രാജീവ്ഗാ ന്ധി- ലോംഗോവാൾ കരാർ എന്നറിയപ്പെട്ടു. ഇതേത്തുടർന്ന് പഞ്ചാബിലെ സാഹചര്യങ്ങൾ മെച്ചപ്പെടുകയും സാധാരണ നിലയിലേക്കു മടങ്ങുകയും ചെയ്തു.

Question 37.
വടക്കു കിഴക്കൻ മേഖലയിലെ പ്രാദേശിക അഭിലാഷങ്ങളുമായി ബന്ധപ്പെട്ട വിവിധ പ്രശ്നങ്ങൾ വിവരിക്കുക.
Answer:
വടക്കു കിഴക്കൻ സംസ്ഥാനങ്ങൾ ഭൂമിശാസ്ത്രപരമായ ചില പ്രത്യേകതകളുള്ളവയാണ്. ഇന്ത്യയുടെ മറ്റു ഭാഗങ്ങളുമായി വലിയ ബന്ധമില്ലാതെ കിടന്നിരുന്ന ഒരു ഭൂഭാഗമായിരുന്നു അത്. വളരെ വലിയ അന്താരാഷ്ട്ര അതിർത്തിയുള്ളതും, എന്നാൽ വാർത്താവിനിമയ സൗകര്യങ്ങൾ കുറവുമായിരുന്ന ഒരു ഭൂഭാഗ മായിരുന്നു ഈ സംസ്ഥാനങ്ങൾ. വികസന അവഗണനയും കുടി യേറ്റവും, വിഘടനവാദവും, സ്വയംഭരണാവശ്യവുമെല്ലാം ഇവിടെ നിന്നുയരുന്ന പ്രധാന പ്രശ്നങ്ങളാണ്.

1. സ്വയംഭരണാവശ്യം
സ്വാതന്ത്ര്യലബ്ധിയുടെ കാലത്ത് മണിപ്പൂരും ത്രിപുരയുമൊ ഴികെ മറ്റു വടക്കുകിഴക്കൻ സംസ്ഥാനങ്ങളെല്ലാം അസ മിന്റെ ഭാഗമായിരുന്നു. എന്നാൽ സ്വാതന്ത്ര്യാനന്തരം മറ്റു പ്രദേശങ്ങളിലുള്ളവർക്ക് അസാം അവരുടെ സംസ്കാരവും ഭാഷയും അടിച്ചേൽപ്പിക്കുന്നുവെന്ന തോന്നലുണ്ടായി. അതി നാൽ അവർ രാഷ്ട്രീയ സ്വയംഭരണം ആവശ്യപ്പെട്ടു. നീണ്ട കാലത്തെ സംഘർഷത്തിനു ശേഷം മേഘാലയ, മിസോറാം സംസ്ഥാനങ്ങൾ രൂപം കൊണ്ടു. എന്നാൽ തുടർന്നും സ്വയംഭരണാവശ്യം അവസാനിച്ചില്ല. ബോഡോകൾ, കൽബി കൾ, ദിമാസസ് എന്നിവർ പുതിയ സംസ്ഥാനങ്ങൾ ആവശ്യ പെട്ടു. തുടർന്ന് ഈ മൂന്നുവിഭാഗങ്ങൾക്കും സ്വയംഭരണ കൗൺസിൽ അനുവദിച്ചു.

2. വിഘടനവാദ പ്രസ്ഥാനങ്ങൾ
ഇന്ത്യൻ ഗവൺമെന്റിന് കുറേക്കാലമായി വിഘടനവാദം നേരിടേണ്ടി വന്ന രണ്ടു സംസ്ഥാനങ്ങളാണ് മിസോറാമും നാഗാലാന്റും. ലാൽ ഡങ്കയുടെ നേതൃത്വത്തിൽ മിസോ നാഷ ണൽ ഫ്രണ്ട്’ എന്ന സംഘടന രൂപീകരിക്കുകയും സായുധ പോരാട്ടം ആരംഭിക്കുകയും ചെയ്തു. നീണ്ടു ചെറുത്തു നിൽപ്പുകളുടെ അവസാനം ലാൽഡംഗ 1986 – ൽ രാജീവ് ഗാന്ധിയുമായി സമാധാനക്കരാർ ഒപ്പുവച്ചു. മിസോറാം പ്രത്യേക അധികാരങ്ങളുള്ള സംസ്ഥാനമായി.

നാഗാലാന്റിലെ പ്രശ്നവും മിസോറാമിനു സമാനമായിരുന്നു. അംഗമിസ പിസാ എന്ന നേതാവിന്റെ നേതൃത്വത്തിൽ നാഗൻമാർ നാഗാലാന്റിന്റെ സ്വാതന്ത്ര്യം പ്രഖ്യാപിച്ചു. ഏറെ ക്കാലത്തെ സായുധ വിപ്ലവത്തിനു ശേഷം നാഗാ നാഷണൽ കൗൺസിൽ ഗവൺമെന്റുമായി കരാറിലേർപ്പെട്ടു. എന്നാൽ മറ്റു വിപ്ലവകാരികൾക്ക് അത് സ്വീകാര്യമായില്ല. ഇപ്പോഴും നാഗൻമാരുടെ പ്രശ്നം പൂർണമായും പരിഹരിച്ചിട്ടില്ല.

3. അന്യർക്കെതിരായ പ്രസ്ഥാനങ്ങൾ
കുടിയേറ്റം വടക്കുകിഴക്കൻ മേഖലയിലെ ഗുരുതരമായ പ്രശ്നങ്ങളിലൊന്നാണ്. അസമിൽ കുടിയേറ്റക്കാർക്കെതി രായ നീക്കങ്ങൾ ശക്തമായിരുന്നു. 1979 – ൽ അസം സ്റ്റുഡന്റ്സ് യൂണിയൻ കുടിയേറ്റക്കാർക്കെരിതായ നീക്കം നടത്തി. നിയമപരമല്ലാത്ത കുടിയേറ്റങ്ങളെല്ലാം നിർത്തണ മെന്ന നിലപാടാണ് അവർ സ്വീകരിച്ചത്. 1985 ൽ രാജി വ്ഗാന്ധി അസം സ്റ്റുഡന്റ്സ് യൂണിയനുമായി ഉണ്ടാക്കിയ കരാർ പ്രകാരം ബംഗ്ലാദേശ് യുദ്ധത്തിനു ശേഷമെത്തിയ കുടിയേറ്റക്കാരെ പുറത്താക്കാമെന്ന വ്യവസ്ഥയുണ്ടായി.

Question 38.
ക്യൂബൻ മിസൈൽ പ്രതിസന്ധി വിശദമാക്കുക.
Answer:
അമേരിക്കയുടെ തൊട്ടടുത്തായി സ്ഥിതിചെയ്യുന്ന രാജ്യമാണ് ക്യൂബ. ക്യൂബയിലെ ഏകാധിപത്യ ഭരണത്തെ അട്ടിമറിച്ച് ഒരു സംഘം കമ്മ്യൂണിസ്റ്റ് വിപ്ലവകാരികൾ അധികാരം പിടിച്ചെടുത്തു. അമേരിക്കയെപ്പോലെ ഒരു വൻശക്തിക്ക് തൊട്ടടുത്ത രാജ്യം കമ്മ്യൂണിസ്റ്റ് ബന്ധമുള്ളതാകുന്നത് സഹിക്കാൻ കഴിയുമായിരു ന്നില്ല. അതുപോലെ റഷ്യ ക്യൂബയ്ക്കാവശ്യമായ സാമ്പത്തികവും നയതന്ത്രപരവുമായ സഹായങ്ങളും നൽകിയതോടെ ക്യൂബ ശക്തമായ ചെറുരാജ്യമായി മാറി. അമേരിക്കൻ ഭീഷണി ചെറു ക്കുന്നതിന്റെ ഭാഗമായി 1962 ൽ റഷ്യ ക്യൂബയിൽ മിസൈലുക ളും, ആയുധങ്ങളും സ്ഥാപിച്ചു. പ്രതിരോധത്തിനായി അമേരിക്ക യുദ്ധക്കപ്പലുകളെ ക്യൂബയിലേക്ക് അയച്ചു. ഈ സംഭവം ക്യൂബൻ മിസൈൽ പ്രതിസന്ധി എന്നറിയപ്പെടുന്നു. യുദ്ധസാ ഹചര്യം ഒഴിവായെങ്കിലും ക്യൂബൻ പ്രസിഡന്റിനെ വധിക്കാൻ അമേരിക്ക സി.ഐ.ഐ.യെ ചുമതലപ്പെടുത്തിയെന്ന് പിൽക്കാ ലത്ത് ആരോപണമുയർന്നു. ശീതസമരകാലത്തെ ഇരുധ്രുവര ഷ്ട്രീയത്തിന്റെ സംഘർഷ വേദികളിലൊന്നായിരുന്നു ക്യൂബ.

Question 39.
കമ്മ്യൂണിസ്റ്റാനന്തര ഭരണങ്ങളിലെ ഷോക്ക് തെറാപ്പി’ യെക്കു റിച്ചും അതിന്റെ പ്രത്യാഘാതങ്ങളെക്കുറിച്ചും വിശദീകരിക്കുക.
Answer:
സോവിയറ്റ് യൂണിയന്റെ പതനം കമ്മ്യൂണിസത്തിന്റെ പതനത്തിനും മുതലാളിത്തത്തിന്റെ ഉദയത്തിനും വഴി തെളിച്ചു. റഷ്യ, പൂർവ്വ യൂറോപൻ രാജ്യങ്ങൾ, ചില ഏഷ്യൻ രാജ്യങ്ങൾ എന്നിവ ലോക ബാങ്കിന്റെയും, ഐ.എം.എഫിന്റേയും വായ്പകൾ സ്വീകരിച്ച് മുതലാളിത്ത സാമ്പത്തികക്രമത്തിലേക്കു മാറി. ഈ മാറ്റമാണ് ഷോക് തെറാപ്പി എന്നറയിപ്പെടുന്നത്.

1. ഇതിന്റെ പ്രധാന ഉദ്ദേശ്യം കമ്മ്യൂണിസ്റ്റു രാജ്യങ്ങളെ മൂലധ നകേന്ദ്രീകൃത വ്യവസ്ഥയിലേക്കു മാറ്റുക എന്നതായിരുന്നു.
2. കൂട്ടുകൃഷി സമ്പ്രദായവും പൊതു ഉടമസ്ഥതയും ഇല്ലാ താക്കി.
3. വൻതോതിലുള്ള വിദേശനിക്ഷേപം, ഓപ്പൺമാർക്കറ്റ് സിസ്റ്റം, കറൻസി മാറ്റാനുളള സൗകര്യം എന്നിവയെല്ലാം ഇതിന്റെ ഭാഗമായിരുന്നു.
4. സോവിയറ്റ് ക്യാമ്പിലുള്ള രാജ്യങ്ങൾക്ക് യൂറോപ്യൻ രാജ്യ ങ്ങളുമായി സമ്പർക്കം പുലർത്താനും ക്രയവിക്രയം നട ത്താനും സാഹചര്യമൊരുങ്ങി.

പരിണിതഫലങ്ങൾ

1. ഗവൺ മെന്റ് നിയന്ത്രണത്തിലുള്ള വ്യവസായങ്ങൾ തകർന്നു.
2. റഷ്യൻ കറൻസിയായ റൂബിളിന്റെ വിലയിടിഞ്ഞു.
3. പണപ്പെരുപ്പത്തെത്തുടർന്ന് ജനങ്ങൾക്ക് സമ്പാദ്യം നഷ്ട മായി.
4. ജി.ഡി.പി. നിരക്ക് കുറഞ്ഞു.
5. സാമൂഹ്യക്ഷേമപദ്ധതികൾ ഇല്ലാതായി.
6. സബ്സിഡികൾ പിൻവലിച്ചതിലൂടെ ജനങ്ങൾ ദാരിദ്രത്തി ലായി.

Question 40.
ഐക്യരാഷ്ട്ര സഭാ സുരക്ഷാ സമിതിയിലെ സ്ഥിരാംഗത്വത്തിനു വേണ്ടിയുള്ള ഇന്ത്യയുടെ ആവശ്യത്തിന് അനുകൂലമായും പ്രതി കൂലമായുമുള്ള വാദഗതികൾ എഴുതുക.
Answer:
ഇന്ത്യയ്ക്ക് യു.എൻ. സെക്യൂരിറ്റി കൗൺസിലിൽ സ്ഥിരാംഗത്വം വേണമെന്നത് വളരെ യുക്തിപൂർണമായ ഒരാവശ്യമാണ്. സ്ഥിരാം ഗത്വം ലഭിക്കുന്നതിനുവേണ്ട മാനദണ്ഡങ്ങളെല്ലാം ഇന്ത്യയ്ക്കു ണ്ട്. താഴെ പറയുന്ന വാദങ്ങൾ ഇന്ത്യയുടെ യു.എൻ സ്ഥിരാം ഗത്വമെന്ന വാദത്തെ സാധൂകരിക്കുന്നവയാണ്.

1. ജനസംഖ്യയിൽ ലോകത്ത് രണ്ടാം സ്ഥാനമുള്ള രാജ്യമാണ് ഇന്ത്യ
2. ഇന്ത്യ, ലോകത്തെ ഏറ്റവും വലിയ ജനാധിപത്യ രാജ്യമാണ്.
3. യു.എൻ രൂപീകരണകാലം മുതൽ ഇന്ത്യ അതിൽ സജീവാം ഗമാണ്.
4. യു.എൻ നടത്തിയിട്ടുള്ള എല്ലാ സമാധാന സംരക്ഷണ ശ്രമ ങ്ങളിലും ഇന്ത്യ പങ്കാളിയായിട്ടുണ്ട്.
5. യു.എൻ. ബജറ്റിലേക്ക് കൃത്യമായി സംഭാവന നൽകുന്ന രാജ്യമാണ് ഇന്ത്യ.

എതിർവാദങ്ങൾ

1. ഇന്ത്യയെപ്പോലെ യു.എൻ. സെക്യുരിറ്റി കൗൺസിലിൽ സ്ഥിരാംഗത്വത്തിന് അർഹതയുള്ള മറ്റു രാജ്യങ്ങളും ലോക ത്തുണ്ട്.
2. ആഫ്രിക്കയിൽ നിന്നും തെക്കേ അമേരിക്കയിൽ നിന്നും ഒരു രാജ്യം പോലും യു.എൻ. സെക്യൂരിറ്റി കൗൺസിലിൽ സ്ഥിരാംഗമായി ഇല്ല.

41 മുതൽ 44 വരെയുള്ള ചോദ്യങ്ങൾക്ക് 8 സ്കോർ വീതം. (4 × 8 = 32)

Question 41.
ഇന്ത്യാ വിഭജനത്തിന്റെ പ്രക്രിയയും പ്രത്യാഘാതങ്ങളും വിശദ മാക്കുക.
Answer:
മുസ്ലിംലീഗിന്റെ രണ്ടു രാഷ്ട്രങ്ങൾ എന്ന പ്രമേയത്തെ ആധാര മാക്കിയാണ് വിഭജനം നടന്നത്. ആ സിദ്ധാന്തപ്രകാരം ഇന്ത്യയിൽ ഹിന്ദു ഭൂരിപക്ഷമുള്ള പ്രദേശങ്ങളും മുസ്ലീം ഭൂരിപക്ഷപ്രദേശ ങ്ങളും ഉണ്ടായിരുന്നു. അതിനാൽ മുസ്ലിങ്ങൾക്ക് സ്വന്തമായ രാഷ്ട്രം എന്ന വാദം മുസ്ലീം ലീഗ് ഉന്നയിക്കുകയുണ്ടായി. എന്നാൽ ഇന്ത്യയുടെ വിഭജനപ്രക്രിയ അത്ര സുഗമമായിരുന്നി ല്ല. പ്രധാനമായും നാലു സങ്കീർണമായ പ്രശ്നങ്ങൾ ഇക്കാര്യ ത്തിലുണ്ടായി.

ഒന്നാമതായി ബ്രിട്ടീഷിന്ത്യയിൽ മുസ്ലിങ്ങൾക്ക് മാത്രമായ ഒരു പ്രദേശം ഉണ്ടായിരുന്നില്ല. മുസ്ലീം ഭൂരിപക്ഷ പ്രദേശങ്ങൾ ഇന്ത്യയുടെ കിഴക്കും പടിഞ്ഞാറുമായാണ് സ്ഥിതി ചെയ്തി രുന്നത്. ഈ പ്രദേശങ്ങളെ ഒരുമിപ്പിക്കുക സാധ്യമായിരു ന്നില്ല.

രണ്ടാമതായി എല്ലാ മുസ്ലീം ഭൂരിപക്ഷപ്രദേശങ്ങളും പാകി സ്ഥാനിൽ ചേരാനാഗ്രഹിച്ചില്ല. വടക്കുപടിഞ്ഞാറൻ മേഖല യിലെ പ്രമുഖ നേതാവായ ഖാൻ അബ്ദുൾ ഗാഫർ ഖാനും അദ്ദേഹത്തിന്റെ അനുയായികളും പാകിസ്ഥാനോട് ചേരാൻ ഒരുക്കമായിരുന്നില്ല.

മുന്നാമതായി ബ്രിട്ടീഷിന്ത്യയിലെ പഞ്ചാബും ബംഗാളും മുസ്ലീം ഭൂരിപക്ഷമുള്ള പ്രദേശങ്ങളായിരുന്നു. എന്നാൽ ഈ പ്രദേശങ്ങളിൽ മുസ്ലീങ്ങളല്ലാത്തവരും ഉണ്ടായിരുന്നു. അതി നാൽ സ്വാതന്ത്ര്വത്തിന്റെ തലേ ദിവസം വരെ ഇന്ത്യയില ണോ, പാകിസ്ഥാനിലാണോ തുടർന്ന് ജീവിക്കേണ്ടതെന്ന് പ്രശ്നവുമുണ്ടായി.

നാലാമതായി അതിർത്തിയുടെ ഇരുപുറത്തുമുള്ള ന്യൂനപ ക്ഷങ്ങളുടെ പ്രശ്നമായിരുന്നു. വിഭജനം യാഥാർത്ഥ്യമായ തോടെ അതിർത്തി പ്രദേശങ്ങളിലെ ന്യൂനപക്ഷം ക്രൂരമായ അതിക്രമങ്ങൾക്കും ആക്രമണങ്ങൾക്കും ഇരയായി. പാകി സ്ഥാനിൽ നിന്ന് ഇന്ത്യയിലേക്കും, ഇന്ത്യയിൽ നിന്ന് പാകി സ്ഥാനിലേക്കും ന്യൂനപക്ഷങ്ങളുടെ വൻതോതിലുള്ള പാലായനമുണ്ടായി.

പ്രത്യാഘാതങ്ങൾ
1947 ലെ ഇന്ത്യ – പാകിസ്ഥാൻ വിഭജനം ചരിത്രത്തിലെ ഏറ്റവും ദുരിതപൂർണമായ സംഭവങ്ങളിലൊന്നായിരുന്നു. ജാതിയുടേയും മതത്തിന്റേയും പേരിൽ ആയിരക്കണക്കിന് മനുഷ്യരാണ് രണ്ടു രാജ്യങ്ങളിലുമായി കൊല്ലപ്പെട്ടത്.

ഇന്ത്യയിലെ നഗരങ്ങളായ ലാഹോർ, അമൃത്സർ, കൽക്കട്ട എന്നിവ ജാതിമേഖലകളായി മാറി. ഹിന്ദു മുസ്ലീം – സിഖ് സംഘർഷങ്ങൾ വ്യാപകമായി.

അഭയാർത്ഥി പ്രവാഹമായിരുന്നു വിഭജനത്തിന്റെ മറ്റൊരു പ്രത്യാഘാതം. അതിർത്തി പ്രദേശങ്ങളിലെ ന്യൂനപക്ഷങ്ങൾ ഇന്ത്യയിലേക്കും പാകിസ്ഥാനിലേക്കും പാലായനം ചെയ്തു. ലക്ഷക്കണക്കിനാളുകൾ കൊല്ലപ്പെടുകയും ആക്രമിക്കപ്പെ ടുകയും മാനഭംഗത്തിനിരയാവുകയും ചെയ്തു. കുടുംബ ത്തിന്റെ അന്തസ് നിലനിർത്താൻ സ്ത്രീകൾ കുടുംബാംഗ ങ്ങളാൽതന്നെ വധിക്കപ്പെടുന്ന സാഹചര്യമുണ്ടായി.

ഭൂസ്വത്തുക്കളും, സ്കൂളുകളും, ഓഫീസുകളും, മേശയും, കസേരയും വരെ ഭാഗിക്കപ്പെട്ടു. ഗവൺമെന്റ് ഉദ്യോഗ സ്ഥരും റയിൽവെ ജീവനക്കാരും വിഭജിക്കപ്പെട്ടു. ദുരന്ത പൂർണമായ ഈ അനുഭവത്തെ കവികളും നോവലിസ്റ്റുക ളുമുൾപ്പെട്ട എഴുത്തുകാർ വിശേഷിപ്പിച്ചത് ‘ഹൃദയങ്ങളുടെ വിഭജനം’ എന്നായിരുന്നു.

സ്വസ്ഥതയിലും സൗഹൃദത്തിലും കഴിഞ്ഞിരുന്ന ഒരു ജന തയാണ് ക്രൂരവും നിന്ദ്യവുമായ വിഭജനത്തിനിരയായത്. ഏതാണ്ട് അഞ്ചു ലക്ഷത്തിനും പത്തുലക്ഷത്തിനുമിടയിൽ ആളുകൾ വിഭജനവുമായി ബന്ധപ്പെട്ട് കൊല്ലപ്പെട്ടിട്ടുണ്ടാ കുമെന്ന് കണക്കാക്കുന്നു.

Question 42.
1975 – ലെ ദേശീയ അടിയന്തിരാവസ്ഥയിലേക്കു നയിച്ച് വിവിധ കാരണങ്ങൾ വിശദീകരിക്കുക.
സൂചനകൾ : സാമ്പത്തിക പശ്ചാത്തലം
: ഗുജറാത്ത്, ബീഹാർ പ്രസ്ഥാനങ്ങൾ
: നീതി ന്യായ വിഭാഗവുമായുള്ള ഏറ്റുമുട്ടൽ
: അലഹബാദ് ഹൈക്കോടതി വിധി
: പ്രതിപക്ഷ പ്രതിഷേധങ്ങൾ
Answer:
1975 ജൂൺ 25-ാം തീയതിയാണ് പ്രധാനമന്ത്രി ഇന്ദിരാഗാന്ധി യുടെ നിർദ്ദേശപ്രകാരം പ്രസിഡന്റ് ഇന്ത്യയിൽ ദേശീയ അടിയ ന്തിരാവസ്ഥ പ്രഖ്യാപിച്ചത്. അടിയന്തിരാവസ്ഥ പ്രഖ്യാപനത്തിന്റെ പ്രധാന കാരണങ്ങൾ ചുവടെ പറയുന്നവയാണ്.
a) സാമ്പത്തിക ഘടകങ്ങൾ
b) ഗുജറാത്തിലേയും ബിഹാറിലേയും പ്രസ്ഥാനങ്ങൾ
c) നീതിന്യായ വകുപ്പുമായുള്ള തർക്കങ്ങൾ
d) അലഹാബാദ് ഹൈക്കോടതി വിധിയും ജനകീയ പ്രക്ഷോ ഭങ്ങളും
e) പ്രതിപക്ഷ പ്രക്ഷോഭങ്ങൾ

a) സാമ്പത്തിക ഘടകങ്ങൾ
1971- ലെ തെരഞ്ഞെടുപ്പിൽ ഇന്ദിരാഗാന്ധി ഉയർത്തിയ മുദ്രാ വാക്യം ‘ഗരീബി ഹഠാവോ’ ആയിരുന്നു. എന്നാൽ അധി കാരത്തിലെത്തിയ ഇന്ദിര ഗവൺമെന്റിന് രാജ്യത്തെ സാമ്പ ത്തികാവസ്ഥ മെച്ചപ്പെടുത്താനാവില്ല. അതിനു നിരവധി യായ കാരണങ്ങളുമുണ്ടായിരുന്നു. ഒന്ന് ബംഗ്ലാദേശ് രൂപീ കരണവുമായി ബന്ധപ്പെട്ടുണ്ടായ അഭയാർത്ഥി പ്രശ്നമായി രുന്നു. രണ്ട് അമേരിക്ക യുദ്ധാനന്തരം ഇന്ത്യയ്ക്ക് ഭക്ഷ്യസാ ധനങ്ങൾ നൽകുന്നത് അവസാനിപ്പിച്ചതായിരുന്നു. മൂന്നാ മത് പെട്രോളിയം ഉല്പന്നങ്ങളുടെ ക്രമാതീതമായ വിലക്കു ടുതലായിരുന്നു. നാലാമത്തേത് പണപ്പെരുപ്പവും സാധാ രണ ജനങ്ങളുടെ താഴ്ന്ന ജീവിതനിലവാരവുമായിരുന്നു. അഞ്ച്, രാജ്യത്തെ വ്യവസായോല്പാദനത്തിലുണ്ടായ കുറ വായിരുന്നു. ആറാമതായി രാജ്യത്തെ ഗവൺമെന്റുദ്യോഗ സ്ഥരുടെ ശമ്പളം വെട്ടിക്കുറച്ച സംഭവമായിരുന്നു. ഏഴാമ തായി മൺസൂണിലെ കുറവുമൂലം രാജ്യത്തെ ഭക്ഷ്യോല്പാ ദനത്തിലുണ്ടായ ഇടിവായിരുന്നു. ഇവയെല്ലാം അടിയന്തി രാവസ്ഥ പ്രഖ്യാപനത്തിലേക്കു നയിച്ച സാമ്പത്തികഘടങ്ങ ളായിരുന്നു.

b) ഗുജറാത്തിലേയും ബീഹാറിലേയും പ്രസ്ഥാനങ്ങൾ
അടിയന്തിരാവസ്ഥയുടെ മറ്റൊരു കാരണം ഗുജറാത്തി ലേയും ബീഹാറിലേയും കോൺഗ്രസ് നേതൃത്വത്തിലുള്ള ഗവൺമെന്റുകൾക്കെതിരായ പ്രതിഷേധമായിരുന്നു. രാജ്യത്ത് വർധിച്ചു വരുന്ന തൊഴിലില്ലായ്മയും അഴിമതിയും വിദ്യാർത്ഥികളെ അസ്വസ്ഥരാക്കി. വിദ്യാർത്ഥി പ്രക്ഷോഭ ങ്ങളെ പ്രതിപക്ഷ പാർട്ടികൾ പിന്തുണച്ചു. ഗുജറാത്തിൽ പ്രസിഡന്റു ഭരണം പ്രഖ്യാപിച്ചു. എന്നാൽ ശക്തമായ ബഹു ജനപ്രക്ഷോഭങ്ങളെത്തുടർന്ന് തിരഞ്ഞെടുപ്പ് നടത്താൻ കേന്ദ്രസർക്കാർ നിർബന്ധിതമായി. ബീഹാറിലെ വിദ്യാർത്ഥി സമരത്തിന് ജയപ്രകാശ് നാരായൺ നേതൃത്വം നൽകുകയും ഒടുവിൽ ബീഹാർ ഗവൺമെന്റിന്റെ പതനത്തിനു കാരണ മാവുകയും ചെയ്തു. സമഗ്രവിപ്ലവം എന്ന ആശയം ഏറ്റെ ടുത്തുകൊണ്ട് ജയപ്രകാശ് നാരായൺ ഉയർത്തിയ പ്രതി ഷേധങ്ങൾ ശക്തമായ ജനകീയ പ്രക്ഷോഭമായി മാറി. ഏതാ ണ്ടിതേ കാലഘട്ടത്തിൽത്തന്നെ റെയിൽവേ തൊഴിലാളിക ളുടെ സമരവും ഇന്ത്യ മുഴുവൻ ആളിപ്പടർന്നു. ഇന്ദിരാഗാ ന്ധിയ്ക്കെതിരായ മുന്നേറ്റത്തിന്റെ നേതാവായി ജെ.പി.യെ ഇന്ത്യയിലെ ജനങ്ങൾ കണക്കാക്കി.

c) നീതിന്യായ വ്യവസ്ഥയുമായുള്ള തർക്കങ്ങൾ
ഇന്ദിരാഗാന്ധിയും നീതിന്യായവ്യവസ്ഥയുമായുള്ള തർക്ക ങ്ങൾ അടിയന്തിരാവസ്ഥയുടെ മറ്റൊരു പ്രധാന കാരണമാ യിരുന്നു. പ്രധാനമായും മൂന്ന് വിഷയങ്ങളിലാണ് തർക്കം ഉണ്ടായത്. ഒന്നാമതായി പാർലമെന്റിന് മൗലികാവകാശങ്ങൾ ഭേദഗതി ചെയ്യാൻ കഴിയുമോയെന്ന ചോദ്യം. രണ്ടാമതായി പാർലമെന്റിന് നിലനിൽക്കുന്ന ഭൂസ്വത്തവകാശ നിയമങ്ങൾ മാറ്റാൻ കഴിയുമോ? മൂന്നാമതായി മൗലികാവകാശങ്ങൾ വെട്ടിക്കുറയ്ക്കാൻ പാർലമെന്റിനുള്ള അധികാരം. ഇവ യെല്ലാം പാർലമെന്റും നീതിന്യായ വ്യവസ്ഥയുമായുള്ള പ്രധാന തർക്കമേഖലകളായിരുന്നു.

d) അലഹബാദ് ഹൈക്കോടതി വിധി
1975 ജൂൺ 12 ന് അലഹബാദ് ഹൈക്കോടതിയിലെ ജസ്റ്റിസ് ജെ.എൽ.സിൻഹ ഇന്ദിരാഗാന്ധിയുടെ തിരഞ്ഞ ടുപ്പ് അസാധുവാക്കി വിധി പുറപ്പെടുവിച്ചു. ഇന്ദിരാഗാന്ധി യുടെ എതിർ സ്ഥാനാർത്ഥിയായിരുന്ന രാജ് നാരായണൻ നൽകിയ കേസിനെത്തുടർന്നാണ് എതിർവിധിയുണ്ടായത്. തിരഞ്ഞെടുപ്പിൽ ഇന്ദിരാഗാന്ധി വ്യാപകമായി ഗവൺമെന്റ് ഉദ്യോഗസ്ഥരുടെ സഹായം തേടിയെന്നും അതിനാൽ തിര ഞെഞ്ഞെടുപ്പ് അസാധുവായി പ്രഖ്യാപിക്കുന്നുവെന്നുമായി രുന്നു വിധി. പിന്നീട് സുപ്രീം കോടതി ഹൈക്കോടതി വിധിക്ക് ഭാഗികമായ സ്റ്റേ അനുവദിച്ചു. ഇന്ദിരാഗാന്ധിയെ എം.പി.യായി തുടരാൻ അനുവദിച്ചെങ്കിലും പാർലമെന്റ് നട പടികളിൽ പങ്കെടുക്കാൻ അനുമതി നൽകിയില്ല.

e) പ്രതിപക്ഷ പ്രതിഷേധം
ജയപ്രകാശ് നാരായണന്റെ നേതൃത്വത്തിൽ പ്രതിപക്ഷ പാർട്ടി കൾ ഇന്ദിരാഗാന്ധിക്കെതിരെ രാജ്യവ്യാപകമായ പ്രതിഷേധം നടത്തുകയുണ്ടായി. രാജ്യവ്യാപക സത്യാഗ്രഹത്തിന് അവർ ആഹ്വാനം നൽകുകയും സൈനിക വിഭാഗങ്ങളോടും പോലീസ് ഉദ്യോഗസ്ഥരോടും നീതിവിരുദ്ധമായ ഉത്തരവു കളിൽ നിന്ന് മാറി നിൽക്കാൻ ആവശ്യപ്പെടുകയും ചെയ്തു. രാജ്യത്തെ രാഷ്ട്രീയാന്തരീക്ഷം ഇന്ദിരാ ഗാന്ധിക്കും കോൺഗ്രസിനും എതിരായിരുന്നു.

Question 43.
ഇന്ത്യൻ രാഷ്ട്രീയത്തിൽ ദൂരവ്യാപക പ്രത്യാഘാതങ്ങൾ ഉണ്ടാ ക്കുന്ന അഞ്ച് സംഭവങ്ങൾക്ക് 1989 – ന് ശേഷമുള്ള കാലഘട്ടം സാക്ഷ്യം വഹിച്ചു. അവ ചുരുക്കി വിവരിക്കുക.
Answer:
അപ്രതീക്ഷിതവും ദൂരവ്യാപക പ്രത്യാഘാതങ്ങൾക്കിടയാക്കുന്ന തുമായ നിരവധി സംഭവവികാസങ്ങൾ തൊണ്ണൂറുകളിൽ ഇന്ത്യൻ രാഷ്ട്രീയത്തിൽ സംഭവിക്കുകയുണ്ടായി. അവ ചുവടെ നൽകി യിരിക്കുന്നു.
a) കോൺഗ്രസിന്റെ പരാജയം
b) മണ്ഡൽ പ്രശ്നം
c) സാമ്പത്തികനയത്തിലുണ്ടായ മാറ്റങ്ങൾ
d) ബാബറി മസ്ജിദിന്റെ പതനം
e) രാജീവ്ഗാന്ധിയുടെ വധം

a) കോൺഗ്രസ്സിന്റെ പരാജയം
ഇന്ത്യൻ രാഷ്ട്രീയത്തിലെ സമകാലിക സംഭവവികാസങ്ങളിൽ ഏറ്റവും പ്രധാനം തെരഞ്ഞെടുപ്പുകളിലെ കോൺഗ്രസിന്റെ പരാജയമായിരുന്നു. 1989 ലെ തിരഞ്ഞെടുപ്പിലെ കോൺഗ സിന്റെ പരാജയം കോൺഗ്രസ് വ്യവസ്ഥയുടെ അന്ത്യത്തിനു തുടക്കം കുറിച്ചു. പ്രാദേശിക പാർട്ടികളുടെ വളർച്ചയും ഇതേ ത്തുടർന്നുണ്ടായ സംഭവമാണ്.

b) മണ്ഡൽ പ്രശ്നം
ദേശീയ രാഷ്ട്രീയത്തിലെ മറ്റൊരു പ്രധാന പ്രശ്നം മണ്ഡൽ കമ്മീഷൻ റിപ്പോർട്ടും അതേത്തുടർന്നുണ്ടായ സംഭവവികാസ ങ്ങളുമാണ്. 1990കളിൽ കേന്ദ്രഗവൺമെന്റ് മണ്ഡൽ കമ്മീഷൻ ശുപാർശകൾ നടപ്പിലാക്കാൻ തീരുമാനിച്ചു. മറ്റ് പിന്നോക്ക വിഭാ ഗങ്ങൾക്ക് 27% സംവരണം ഉറപ്പു വരുത്തുന്നതായിരുന്നു മണ്ഡൽ കമ്മീഷൻ റിപ്പോർട്ട്. മണ്ഡൽ കമ്മീഷൻ റിപ്പോർട്ട് നട പിലാക്കിയതിനെത്തുടർന്ന് രാജ്യവ്യാപകമായ പ്രതിഷേധങ്ങളും പ്രക്ഷോഭങ്ങളുമുണ്ടായി.

c) സാമ്പത്തിക നയത്തിലുണ്ടായ മാറ്റങ്ങൾ
കേന്ദ്രഗവൺമെന്റിലുണ്ടായ മാറ്റം രാജ്യത്തെ സാമ്പത്തിക നയ ത്തിലും മാറ്റങ്ങൾക്കു വഴിതെളിച്ചു. നരസിംഹറാവുവിന്റെ നേത ത്വത്തിലുള്ള കേന്ദ്രഗവൺമെന്റ് ഘടനാപരമായ പുനഃസംവിധാ നത്തിന് ഊന്നൽ നൽകി സാമ്പത്തിക നയങ്ങളിൽ വലിയ മാറ്റം വരുത്തി. ഇതേത്തുടർന്ന് ആഗോളവൽക്കരണ നയങ്ങളും സമീ പനങ്ങളും ഇന്ത്യയിലുമെത്തി.

d) ബാബ്റി മസ്ജിദിന്റെ പതനം
രാജ്യത്തുണ്ടായ വിവിധ സംഭവവികാസങ്ങൾ 1992 ഡിസംബർ മാസത്തിൽ ബാബറി മസ്ജിദിന്റെ പതനത്തിനു വഴി തെളിച്ചു. ബാബ്റി മസ്ജിദിന്റെ തകർച്ച ഇന്ത്യയുടെ മതേതരത്വം സ്വഭാവ ത്തിനേറ്റ ശക്തമായ തിരിച്ചടിയായിരുന്നു. ഇതേത്തുടർന്ന് രാജ വ്യാപകമായ വർഗീയ സംഘർങ്ങലും കലാപങ്ങളുമുണ്ടായി. ഇന്ത്യൻ രാഷ്ട്രീയം വർഗീയമായി ധ്രുവീകരിക്കപ്പെട്ടു.

e) രാജീവ് ഗാന്ധിയുടെ വധം
കോൺഗ്രസ്സിന്റെ നേതൃത്വത്തിലും രാജ്യത്തിന്റെ ഭാവിയിലും ഏറെ മാറ്റങ്ങളുണ്ടാക്കിയ സംഭവമായിരുന്നു രാജീവ് ഗാന്ധി വധം. തമിഴ്നാട്ടിലെ ശ്രീ പെരുമ്പത്തൂരിൽ ഇലക്ഷൻ പ്രചരണ ത്തിനെത്തിയ രാജീവ്ഗാന്ധി എൽടിടിഇ തീവ്രവാദികളാലാണ് വധിക്കപ്പെട്ടത്. രാജീവ്ഗാന്ധിയുടെ വധത്തെത്തുടർന്ന് നടന്ന 1991- ലെ തിരഞ്ഞെടുപ്പിൽ കോൺഗ്രസ് വീണ്ടും അധികാരത്തി ലെത്തി.

Question 44.
സോവിയറ്റ് യൂണിയന്റെ പതനത്തിനുള്ള കാരണങ്ങളും അതിന്റെ പ്രത്യാഘാതങ്ങളും കണ്ടെത്തുക.
Answer:
സോവിയറ്റ് യൂണിയന്റെ ശിഥിലീകരണത്തിലേക്കു നയിച്ച കാര ണങ്ങൾ നിരവധിയാണ്.
a) രാഷ്ട്രീയ കാരണങ്ങൾ
b) സാമ്പത്തിക കാരണങ്ങൾ
c) ദേശീയതയുടെ വളർച്ച
d) ഗോർബച്ചേവിന്റെ പരിഷ്കാരങ്ങൾ

a) രാഷ്ട്രീയ കാരണങ്ങൾ

1. ഭരണപരമായ കെടുകാര്യസ്ഥതയും അധികാര ദുർവിനി യോഗവും രാഷ്ട്രീയകാരണങ്ങളിലൊന്നായിരുന്നു.
2. കേന്ദ്രീകൃത അധികാര വ്യവസ്ഥ ജനങ്ങളുടെ ജീവിതം ദുരി തപൂർണമാക്കി മാറ്റി.
3. ജനാധിപത്യാവകാശങ്ങളും അഭിപ്രായസ്വാതന്ത്ര്യവും നിഷ ധിക്കപ്പെട്ടു.
4. കമ്മ്യൂണിസ്റ്റ് പാർട്ടി ഒഴികെയുള്ള മറ്റെല്ലാ പാർട്ടികളെയും നിരോധിച്ചു.
5. 15 റിപ്പബ്ലിക്കുകളുടെ ഏകീകൃത രൂപമായിരുന്നു സോവി യറ്റ് യൂണിയൻ. എന്നാൽ റഷ്യ മറ്റു റിപ്പബ്ലിക്കുകൾക്കു മേൽ ആധിപത്യം പുലർത്തി.

b) സാമ്പത്തിക കാരണങ്ങൾ

1. സൈനിക കാര്യങ്ങളിൽ യു.എസിനോടുള്ള മത്സരം സാമ്പ ത്തികമായി സോവിയറ്റ് യൂണിയനെ ക്ഷീണിപ്പിച്ചു.
2. പടിഞ്ഞാറൻ ടെക്നോളജിയെ അപേക്ഷിച്ച് സോവിയറ്റ് ടെക്നോളജി പഴഞ്ചനായിരുന്നു.
3. രാജ്യത്തെ സാമ്പത്തിക വ്യവസ്ഥ മുഴുവൻ സൈനികാവ ശ്വങ്ങൾക്ക് ഉപയോഗിക്കേണ്ടി വന്നു.
4. ഘന വ്യവസായങ്ങൾക്കു നൽകിയ പ്രാധാന്യവും ഉപ ഭോക്തൃ വസ്തുക്കൾക്ക് നൽകിയ പ്രാധാന്യമില്ലായ്മയും ജനങ്ങളുടെ എതിർപ്പിനിടയാക്കി.

c) ദേശീയതയുടെ വളർച്ച
വിവിധ സോവിയറ്റ് റിപ്പബ്ലിക്കുകളിലുണ്ടായ ദേശീയ മുന്നേ റ്റവും സ്വത്വപ്രതിസന്ധിയും തകർച്ചയ്ക്കുള്ള കാരണമായി. എസ്തോണിയ, ലാറ്റ്വിയ, ലിത്വാനിയ എന്നിവിടങ്ങളിലെയും ഉക്രെയിൻ, ജോർജിയ എന്നിവിടങ്ങളിലേയും ഭാഷാപരവും സാംസ്കാരികവുമായ പ്രശ്നങ്ങൾ സോവിയറ്റ് യൂണിയന്റെ തകർച്ചയ്ക്കു കാരണമായി.

d) ഗോർബച്ചേവിന്റെ പരിഷ്കാരങ്ങൾ
ഗോർബച്ചേവിന്റെ പരിഷ്കാരങ്ങളാണ് സോവിയറ്റ് യൂണി തന്റെ തകർച്ചയ്ക്കിടയാക്കിയ പ്രധാന ഘടകം. ഗോർബ ച്ചേവിന്റെ പരിഷ്കാരങ്ങളായ ‘ഗ്ലാാസ്ത്’, ‘പെരിസ്ട്രോ യിക്ക് എന്നിവയാണ് തകർച്ചയുടെ ആക്കം കൂട്ടിയത്. തുറന്ന സമീപനവും, സാമ്പത്തിക പുനഃസംഘടനയും രാജ്യ ത്തുണ്ടാക്കി പ്രതികരണങ്ങളാണ് സോവിയറ്റ് വ്യവസ്ഥയുടെ പെട്ടെന്നുള്ള ഇല്ലാതാകലിലേക്ക് വഴി തെളിച്ചത്.

പ്രത്യാഘാതങ്ങൾ
1. ശീതസമരത്തിന്റെ അന്ത്യം
സോവിയറ്റ് യൂണിയന്റെ തകർച്ച ശീതസമരത്തിന് അന്ത്യം കുറിച്ചു. ഇരു ധ്രുവ രാഷ്ട്രീയം എന്ന് അർനോൾഡ് ടോയൻബി വിശേഷിപ്പിച്ച പ്രത്യയശാസ്ത്രസമരത്തിന് അന്ത മായി. അമേരിക്ക ലോക പോലീസുകാരനായി മാറി. അതോടെ ലോക രാഷ്ട്രീയത്തിൽ അമേരിക്കൻ ആധിപത്യം പ്രകടമായി.

2. ശാക്തിക ചേരികളിലെ മാറ്റം
സോവിയറ്റ് യൂണിയന്റെ തിരോധാനം ശാക്തിക ചേരികളിൽ വലിയ മാറ്റമുണ്ടാക്കി. മുതലാളിത്ത സോഷ്യലിസ്റ്റ് ചേരികൾ തമ്മിലുള്ള സംഘർഷവും സൈനിക സഖ്യങ്ങളും അപ്രസ ക്തമായി. സോവിയറ്റ് തകർച്ചയോടെ കമ്മ്യൂണിസത്തെ സംബ ന്ധിക്കുന്ന മുതലാളിത്ത ചേരിയുടെ ഭയം ഇല്ലാതായി.

3. പുതിയ രാജ്യങ്ങളുടെ ആവിർഭാവം
ചില രാജ്യങ്ങൾ ഭൂപടത്തിൽ നിന്ന് മാഞ്ഞുപോവുകയും മറ്റു ചില പുതിയ രാജ്യങ്ങൾ ആവിർഭവിക്കുകയും ചെയ്തു. സോവിയറ്റ് റിപ്പബ്ലിക്കുകൾ 15 എണ്ണമായി ചിതറിപ്പോകു കയും സ്വതന്ത്ര രാജ്യങ്ങളാവുകയും ചെയ്തു. ഏതാനും പൂർവ്വ യൂറോപ്വൻ രാജ്യങ്ങളും പുതുതായി രൂപം കൊള്ളു കയുണ്ടായി.