Students can use Adisthana Padavali Malayalam Standard 9 Notes Pdf ഭക്ഷണവും ആരോഗ്യവും Bhakshanavum Aarogyavu Summary in Malayalam to grasp the key points of a lengthy text.
Class 9 Malayalam Bhakshanavum Aarogyavu Summary
ഭക്ഷണവും ആരോഗ്യവും Summary in Malayalam
ആമുഖം
“ആഹാരമായിരിക്കട്ടെ നിങ്ങളുടെ ഔഷധം. ഔഷധം നിങ്ങളുടെ ആഹാരവും”. ആധുനിക വൈദ്യശാസ്ത്രത്തിന്റെ പിതാവായ ഹിപ്പോക്രാറ്റസിന്റെ വാക്കുകളാണിത്. നമ്മുടെ ഏറ്റവും വലിയ സമ്പത്ത് നമ്മുടെ ആരോഗ്യമാണ്. എന്നാൽ നാം ഏററവും അലസമായി കൈകാര്യം ചെയ്യുന്നതും നമ്മുടെ ആരോഗ്യകാര്യമാണ്. ആരോഗ്യമില്ലായ്മയുടെയും, ആരോഗ്യത്തിന്റെയും യഥാർത്ഥ കാരണം നമ്മുടെ ഭക്ഷണം തന്നെയാണ്. അടിസ്ഥാനപരമായി മനുഷ്യൻ സസ്യഭുക്കാണ് എങ്കിൽകൂടിയും മിതമായ അളവിലുള്ള മാംസാഹാരവും നല്ല ആരോഗ്യത്തിന് ഹാനികരമല്ല. നാം കഴിക്കുന്ന ഭക്ഷണത്തിൽ കൂടി കിട്ടുന്ന പോഷകങ്ങളാണ് നമ്മുടെ ആരോഗ്യത്തിന്റെ കാവൽക്കാർ മാംസ്യം, അന്നജം, കൊഴുപ്പ്, ജീവകങ്ങൾ, ധാതുലവണങ്ങൾ) ആഹാരത്തിൽ ഈ ഘടകങ്ങൾ എല്ലാം അടങ്ങിയിരിക്കണം. പലതരത്തിലുള്ള അമിനോ ആസിഡുകൾ ചേർന്നതാണ് മാംസം, മത്സ്യം, മുട്ട, പാൽ, ധാന്യങ്ങൾ, മാംസം മുതലായവകളിലെല്ലാം മാംസ്യമുണ്ട്.
അന്നജം ആഹാരത്തിലെ ഏറ്റവും പ്രധാനപ്പെട്ട ഘടകമാണ്. പഞ്ചസാര, ധാന്യങ്ങൾ, പയർ വർഗ്ഗങ്ങൾ കിഴങ്ങുവർഗ്ഗങ്ങൾ, പരിപ്പ് മുതലായവകളിൽ നിന്നും ലഭിക്കും. ധാതു ലവണങ്ങൾ, ഇരുമ്പ്, കാത്സ്യം, ഫോസ്ഫറസ്, പച്ചക്കറികൾ, ഇലവർഗ്ഗങ്ങൾ, മത്സ്യം, ധാന്യങ്ങൾ, പാല്, പയർ വർഗ്ഗങ്ങൾ ഇവയിലെല്ലാം ഉണ്ട്. ഇന്നത്തെ കാലഘട്ടത്തിൽ ആരോഗ്യ കാര്യത്തിൽ വളരെ ഏറെ ശ്രദ്ധിക്കേണ്ട തുണ്ട്. ആരോഗ്യവും ആഹാരവും തമ്മിൽ വളരെ ഏറെ ബന്ധമുണ്ട്, നമ്മുടെ ജീവിത ശൈലികളും തൊഴിൽ രീതികളും എല്ലാം മനുഷ്യന്റെ ഭക്ഷണ സംസ്കാരത്തിൽ വളരെ ഏറെ സ്വാധീനം ചെലുത്തിയിട്ടുണ്ട്, ഇത്തരത്തിൽ മാറിയ ഭക്ഷണ സംസ്കാരത്തിന്റെ പ്രതിഫലനങ്ങൾ മനുഷ്യ ആരോഗ്യത്തെ എങ്ങനെ ബാധിക്കും എന്നാണ് ഈ പാഠഭാഗം ചർച്ചചെയ്യുന്നത്
പാഠസംഗ്രഹം
നമ്മുടെ ഭക്ഷണം നമ്മുടെ നാട്ടിൽ എന്ന ഹെലേന നോർബെർഗിന്റെ ലേഖനത്തിന്റെ മലയാള വിവർത്തനമാണ് ഭക്ഷണവും ആരോഗ്യവും, എം. പി. പരമേശ്വരനാണ് വിവർത്തകൻ. ആഗോള ഭക്ഷ്യരംഗത്തു വന്ന മാറ്റം മനുഷ്യന്റെ ഭക്ഷ്യ സംസ്കാരത്തെയും ഭക്ഷണരീതികളെയും ആരോഗ്യത്തെ സാരമായി ബാധിക്കുകയുണ്ടായി എന്ന് പഠനങ്ങൾ തെളിയിക്കുന്നു. ഇത്തരം പഠനങ്ങളെ മുൻനിർത്തി മനുഷ്യന്റെ മാറിയ ജീവിതസംസ്കാരത്തെ വിലയിരുത്തുകയാണ് ഈ ലേഖനം. തലമുറകൾ പിന്നിലോട്ടു പോകുമ്പോൾ മനുഷ്യന്റെ ആരോഗ്യനില വളരെ മെച്ചപ്പെട്ടതായിരുന്നു എന്ന് കാണാം. അതത് പ്രദേശങ്ങളിൽ ഓരോ കാലത്തും ലഭ്യമായ പഴങ്ങളും പച്ചക്കറികളും മറ്റുൽപ്പന്നങ്ങളും ശരിയായ പോഷണം ആണ് ശരീരത്തിന് പ്രധാനം ചെയ്യുന്നത്. അതെ അളവിലുള്ള അധ്വാനവും ആകുമ്പോൾ തന്റെ ഊർജനില ക്രമപ്പെടുന്നു. എന്നാൽ ഇന്ന് മനുഷ്യന് കായികമായ അധ്വാനം വളരെ കുറവും, അമിതമായ നിറങ്ങളും, കൃത്രിമ വളങ്ങൾ പ്രയോഗിക്കുന്ന പച്ചക്കറികളും കിഴങ്ങു വർഗങ്ങളും, കൃത്രിമമായി എണ്ണകൾ അമിതമായി ഉപയോഗിച്ച് പാകം ചെയ്യുന്ന ഇൻസ്റ്റന്റ് പാക്കറ്റ് പദാർത്ഥങ്ങളോടുമാണ് ഇന്നെല്ലാവർക്കും പ്രിയം. ഇത് കുട്ടികൾ ഉൾപ്പടെ എല്ലാവരുടെയും ആരോഗ്യത്തെ ബാധിക്കുന്നു. ആരോഗ്യമില്ലത്ത ശരീരത്തിൽ ആരോഗ്യമുള്ള മനസും ഉണ്ടാകില്ല എന്നതാണ് ഈ പാഠം പങ്കുവെയ്ക്കുന്ന ആശയം.
അറിവിലേക്ക്
ഹെലീന നോർബെർഗ്ഹോഡ്ജ് : ലഡാക്കിലെ ഹിമാലയൻ പ്രദേശത്തെ പാരമ്പര്യത്തെയും മാറ്റത്തെയും കുറിച്ചുള്ള ഏൻഷ്യന്റ് ഫ്യൂച്ചേഴ്സ് (1991) എന്ന അന്താരാഷ്ട്രതലത്തിൽ ഏറ്റവും കൂടുതൽ വിറ്റഴിക്കപ്പെട്ട പുസ്തകത്തിന്റെ രചയിതാവാണ് നോർബർഗ് ഹോഡ്ജ്. ലോക്കൽ ഈസ് ഔവർ ഫ്യൂച്ചർ (2019) ന്റെ രചയിതാവ് കൂടിയാണ് അവർ. ആഗോള സമ്പദ്വ്യവസ്ഥയ്ക്ക് പ്രാദേശികവൽക്കരിച്ച ബദലുകൾക്കായി പ്രത്യേകിച്ചും സച്ഛാധിപത്യത്തെ ഫലപ്രദമായി പ്രതിരോധിക്കാൻ കഴിയുന്ന ശക്തമായ പ്രാദേശിക ഭക്ഷ്യ സംവിധാനങ്ങളും ജനാധിപത്യ ഘടനകളും സൃഷ്ടിക്കുന്നതെന്ന് അവർ വാദിക്കുന്നു. സാമ്പത്തിക ആഗോളവൽക്കരണത്തെക്കുറിച്ച് പരസ്യമായി വിമർശിക്കുന്ന അവർ ജെറി മാണ്ടർ, ഡഗ് ടോംപ്കിൻസ്, വന്ദന ശിവ, മാർട്ടിൻ ഖോർ എന്നിവരുമൊത്ത് 1994- ൽ ഇന്റർനാഷണൽ ഫോറം ഓൺ ഗ്ലോബലൈസേഷൻ (ഐ.എഫ്.ജി) സ്ഥാപിച്ചു. ആഗോളവൽക്കരണത്തിൽ നിന്ന് ഉണ്ടാകുന്ന പ്രശ്നങ്ങൾക്കുള്ള മറുമരുന്നായി പ്രാദേശികവൽക്കരണത്തിന്റെ പ്രധാന വക്താവാണ് അവർ. 2014 ൽ അവർ ഇന്റർനാഷണൽ അലയൻസ് ഫോർ ലോക്കലൈസേഷൻ (ഐ.എ.എൽ) സ്ഥാപിച്ചു.
എം പി പരമേശ്വരൻ: ആണവ ശാസത്രജ്ഞൻ (Nuclear Scientist), ശാസ്ത്രപ്രചാരകൻ, വൈജ്ഞാനിക സാഹിത്യകാരൻ, രാഷ്ട്രീയപ്രവർത്തകൻ, ചിന്തകൻ എന്നീ നിലകളിൽ പ്രശസ്തനായ വ്യക്തിയാണു് എം.പി.പരമേശ്വരൻ. പരിസ്ഥിതി, മാലിന്യസംസ്കരണം തുടങ്ങി വിവിധ വിഷയങ്ങളിൽ അദ്ദേഹത്തിന്റെ പഠനങ്ങൾ ശ്രദ്ധേയമാണ് കേരള സാഹിത്യ അക്കാദമി നൽകുന്ന സമഗ്ര സംഭാവനക്കുള്ള പുരസ്കാരം 2017 അദ്ദേഹത്തിന് ലഭിച്ചു.
എന്താണ് വിവർത്തനം
മറ്റൊരു ഭാഷയിലേക്ക് ആവിഷ്കരിക്കുന്നതിനെ വിവർത്തനം എന്നു പറയുന്നു. ഇങ്ങനെ നടത്തുന്ന മൊഴിമാറ്റം പരിഭാഷപ്പെടുത്തൽ, തർജ്ജമ, ഭാഷാന്തരം എന്നെല്ലാം വിളിക്കാറുണ്ട്. മൊഴിമാറ്റം എന്ന സംജ്ഞ ഇതിന്റെ സൂക്ഷ്മസ്വഭാവം വെളിപ്പെടുത്തുന്നു. പരിഭാഷകൾ തുല്യമായ പദാനുപദ പരിഭാഷയായോ, ഒരു വാക്യത്തിന്റെ ആശയം ഉൾകൊള്ളുന്ന പദവിന്യാസങ്ങളായോ ചെയ്യാറുണ്ട്. ഭാഷാമാറ്റം ഒഴികെ മറ്റൊരു മാറ്റവും കൂടാതെയുള്ള പുനരവതരണത്തെയാണ് വിവർത്തനം കൊണ്ടു വിവക്ഷിക്കുന്നത്. ഈ പ്രക്രിയയിലൂടെ രണ്ടാമതൊരു ഭാഷയിൽ അവതരിപ്പിക്കുന്ന പാഠത്തെക്കുറിക്കാനും ഈ സംജ്ഞകളെല്ലാം ഉപയോഗിച്ചുവരുന്നു. ആധുനികഭാഷാശാസ്ത്രകാരന്മാർ പല വിവർത്തന സിദ്ധാന്തങ്ങളും പ്രായോഗികമാർഗങ്ങളും നിർദ്ദേശിച്ചിട്ടുണ്ട്. ഈ സിദ്ധാന്തങ്ങളിൽ രചനയുടെ ആദ്യത്തെ മാധ്യമത്തെ സാതഭാഷ (മൂലഭാഷ) എന്നും രണ്ടാമത്തേതിനെ ലക്ഷ്യഭാഷ എന്നും വിശേഷിപ്പിക്കുന്നു. മൂലവും വിവർത്തനവും തമ്മിലുള്ള ബന്ധത്തെ സംബന്ധിച്ച് രൂപപരമായ പൊരുത്തം, ക്രിയാത്മകമായ പൊരുത്തം തുടങ്ങിയ സങ്കല്പങ്ങൾ ആവിഷ്കരിച്ചിട്ടുണ്ട്. വിവർത്തനം പ്രത്യേക പഠനശാഖയായി വികസിച്ചിട്ടുണ്ട്.
ഓർത്തിരിക്കൻ
- ആഹാരമാണ് ആരോഗ്യം, ആരോഗ്യമാണ് സമ്പത്ത് ..
- ആരോഗ്യത്തോടെ ഇരിക്കാൻ നല്ല ആഹാര ശീലം അനിവാര്യമാണ്.
- കൃത്രിമ ഭക്ഷണങ്ങൾ ആരോഗ്യത്തെ നശിപ്പിക്കുന്നു ..
- സീസണൽ പഴങ്ങളും പച്ചക്കറികളും ഉപയോഗിക്കുക.
- നമ്മുടെ പാരമ്പര്യ ഭക്ഷണ ശീലങ്ങൾ പിന്തുടരുക.