Class 5

Practicing with Class 5 Malayalam Kerala Padavali Notes Pdf Unit 5 Chapter 15 പട്ടം പറപ്പിക്കട്ടെ Pattam Parappikkatte Notes Questions and Answers Pdf improves language skills.

Pattam Parappikkatte Class 5 Notes Questions and Answers

Class 5 Malayalam Kerala Padavali Notes Unit 5 Chapter 15 Pattam Parappikkatte Question Answer

Class 5 Malayalam Pattam Parappikkatte Notes Question Answer

കവിതയുടെ ഉള്ളറിയാം
കവിത ചൊല്ലിക്കേട്ടപ്പോൾ കുറേ കാര്യങ്ങൾ നിങ്ങൾക്ക് മനസ്സിലായിട്ടുണ്ടാകും.
ഇനി കവിത മൗനമായി വായിച്ച്, തുടർന്നു കൊടുത്തിരിക്കുന്ന ചോദ്യങ്ങളോടുള്ള പ്രതികരണം എഴുതൂ.

Question 1.
ആകാശത്തിന്റെ നോട്ടം എങ്ങനെയാണ്?
Answer:
താടി നരച്ച ഒരു അച്ഛന്റെ പോലെയാണ് താഴേക്ക് നോക്കി നിൽക്കുന്ന ആകാശം.

Question 2.
ഭൂമിയുടെ ഭംഗിയെ കുറിച്ച് കവി എന്താണ് പറയുന്നത്?
Answer:
പൊന്മകന് ആസിസ്സ് നേരുന്ന അമ്മയെപ്പോലെ ഭൂമി അഴകായി നിൽക്കുന്നു എന്ന്

Question 3.
മേഘം പട്ടത്തിനോട് പറഞ്ഞതെന്ത് ?
Answer:
സൂര്യ കരങ്ങളുടെ തലോടലേറ്റ് നിൽക്കുന്ന ഭൂമിയോട് മുകളിലേക്ക് പോരുമോ എന്നാണ് മേഘം പറഞ്ഞത്.

Question 4.
പട്ടത്തിന് പറവയെ പോലെ പാറാൻ കഴിയുന്നത് ആരുടെ സഹായത്താൽ ആണ്?
Answer:
പട്ടത്തിന് പറവയെ പോലെ പാറാൻ കഴിയുന്നത് കാറ്റിന്റെ സഹായത്താൽ ആണ്.

Question 5.
ആകാശത്ത് ഉയർന്നു പറക്കുന്ന പട്ടത്തിനുള്ള നേട്ടം എന്തായിരിക്കും?
Answer:
പാരിടത്തെ ഒന്നായി (മുഴുവനായി) കാണാൻ സാധിക്കുന്നു എന്നതാണ് നേട്ടം.

Question 6.
പാരിന്റെ കോലം കെട്ടതിന് എന്താണ് കാരണം?
Answer:
മാനവർ (മനുഷ്യർ) പരസ്പരം വഴക്കു കൂടിയാണ് പാരിന്റെ കോലം കെടുത്തിയത്.

വിശകലനം ചെയ്യാം
Question 1.
ഈ ലോകം വീക്ഷിക്കും നിൻ കരളിൽ
നൂലറ്റുപോകാതിരിക്കയെന്നും!
മാനവനെന്നും വഴക്കടിച്ചു
കോലംകെടുത്തിയ പാരിൽനിന്നും
പാവനചിന്താനഭസ്സിൽ, മീതെ
പാറട്ടെയെന്നുമെൻ കൊച്ചുപട്ടം.
ഈ വരികൾ ശ്രദ്ധിച്ചു വായിക്കൂ.

ലോകത്തെ വീക്ഷിക്കുന്ന പട്ടം, പട്ടത്തിന്റെ കരൾ, കരളിന്റെ നൂൽ, മാനവൻ വഴക്കടിച്ചു കോലം കെടുത്തിയ പാര്, പാവനചിന്താനഭസ്സ് (നല്ല ചിന്തകളുടെ ആകാശം)
പട്ടത്തെക്കുറിച്ചുമാത്രമാണോ ഈ വരികളിൽ പറയുന്നത്?
ഈ കൊച്ചുപട്ടം മറ്റെന്തെങ്കിലുമാണോ?
ഭൂമിയിലെ എല്ലാവരെയും ഒന്നായി കാണാൻ പട്ടത്തിനു കഴിയും. നമുക്കതിന് കഴിയുന്നുണ്ടോ? നമ്മുടെ മനസ്സും പട്ടം പോലെയായി മാറിയാലോ?
നിങ്ങളുടെ അഭിപ്രായങ്ങൾ ക്ലാസിൽ അവതരിപ്പിക്കൂ. തുടർന്ന് വരികൾ വിശകലനം ചെയ്ത് കുറിപ്പ് തയ്യാറാക്കൂ.
Answer:
ഈ വരികളിൽ പട്ടം മനുഷ്യമനസിനോട് ബന്ധപ്പെട്ട് നിൽക്കുന്നു. ഇവിടെ പാറിക്കളിക്കുന്നത് ഒരു കൊച്ചുപട്ടമാണ്. കളങ്കമില്ലാത്ത ചിന്തയുടെ ആകാശത്താണ് പട്ടം പറന്നു കളിക്കുന്നത്. പട്ടത്തിന്റെ കരൾ, കരളിന്റെ നൂൽ എന്നീ പ്രയോഗങ്ങൾ മനുഷ്യന്റെ ചിന്തകളുമായി ബന്ധപ്പെടുത്തുന്നു.

നിരവധി ജീവജാലങ്ങൾ വസിക്കുന്ന ഭൂമി മനുഷ്യരെ എങ്ങനെ വഴക്കടിച്ച് കോലം കെടുത്തിയെന്ന് കവി പറയുന്നുണ്ട്. മനുഷ്യന്റെ മനസ്സിലെ ഞാനെന്ന ചിന്തയും വേർതിരിവുകളും ആകാശത്ത് പറന്നു വിലസുന്ന പട്ടത്തിനില്ല. പട്ടത്തിന് എല്ലാവരെയും ഒന്ന് ഒന്നായി കാണാൻ കഴിയുന്നുണ്ട്. പട്ടത്തെപ്പോലെ സമഭാവനയും സമചിന്തയും എല്ലാ മനുഷ്യ മനസ്സുകളിലും ഉണ്ടാകട്ടെ എന്ന് കവി പ്രത്യാശിക്കുന്നു.

ഗുരുവചനം
Question 1.
ലോകം ഒന്നായിക്കാണമെന്നാണ് പട്ടം പറപ്പിക്കട്ടെ’ എന്ന കവിത നമ്മോട് പറയുന്നത്. പ്രപ ഞ്ചത്തെ ഒന്നായിക്കണ്ട ശ്രീനാരായണഗുരുവിന്റെ വാക്കുകൾ ശ്രദ്ധിക്കാം.

‘നരനും നരനും തമ്മിൽ
സാഹോദര്യമുദിക്കണം
അതിന് വിഘ്നമായുള്ള-
തെല്ലാമില്ലാതെയാകണം’
ഈ വരികളിലൂടെ ഗുരു നമുക്ക് നൽകുന്ന സന്ദേസമെന്ത്? ‘കടലോളം സ്നേഹം’ എന്ന യൂണി റ്റിന്റെ തലക്കെട്ടുമായി ചേർത്ത് ഈ ഗുരുവചനം ക്ലാസിൽ ചർച്ച് ചെയ്യൂ.
Answer:
തത്വചിന്തകനും സന്യാസിയും കേരള നവോത്ഥാന ചരിത്രത്തിലെ ഒരു സാമൂഹിക പരിഷ്കർത്താവും ആയിരുന്നു ശ്രീനാരായണഗുരു. കേരളത്തിൽ നിലനിന്നിരുന്ന സവർണമേൽക്കോയ്മ, തൊട്ടുകൂടായ്മ, തീണ്ടിക്കൂടായ്മ തുടങ്ങിയ സമൂഹ്യതിന്മകൾക്കെതിരെയും അന്ധവിശ്വാസങ്ങൾക്കെതിരെയും പോരാടിയ അദ്ദേഹം കേരളീയ സമൂഹത്തെയാകെ നവോത്ഥാനത്തിലേയ്ക്ക് നയിക്കുന്നതിൽ പങ്കു വഹിച്ചു.

അവനവന് ആത്മസുഹൃത്തിന് ആചരിക്കുന്നവ അപരന് സുഖത്തിനായി വരേണം എന്നുള്ള തായിരുന്നു ശ്രീനാരായണ ഗുരുവിന്റെ ആദർശം.
നരനും നരനും തമ്മിൽ
സാഹോദര്യമുദിക്കണം
അതിനു വ്യക്തമായുള്ളതെല്ലാം ഇല്ലാതെ ആവണം.
ജാതീയമായ വേർതിരിവുകൾ നിലനിന്നിരുന്ന കാലഘട്ടം ആയിരുന്നു ശ്രീനാരായണഗുരുവിന്റേത്. മനുഷ്യർ തമ്മിൽ അകലം പാലിക്കുന്ന സാഹോദര്യസ്നേഹം ഇല്ലാതിരുന്ന കാലത്ത് എഴുതപ്പെട്ട ഈ വരികൾ ഇന്നും പ്രാധാന്യമർഹിക്കുന്നു.

മനുഷ്യനും മനുഷ്യനും തമ്മിൽ (നരനും നരനും) സാഹോദര്യം ഉദിക്കണം തടസ്സമായി നിൽക്കുന്നത് എന്തൊക്കെയാണ് അതെല്ലാം ഇല്ലാതെ ആകണമെന്ന് ശ്രീനാരായണഗുരുവിനെ വരികളിൽ വ്യക്തമാണ്.

ഈ ജാതീയമായ അസമത്വം സാമ്പത്തികമായ ആശ്രമത്വം തൊഴിൽപരമായ അസുഖം വിദ്യാഭ്യാസപരമായ ആസ്വമൃതം ഇങ്ങനെ എന്തെല്ലാം തരത്തിൽ അസമത്വങ്ങളും അതിർവരമ്പുകളും തരം നിലനിൽക്കുന്നുണ്ടോ അതെല്ലാം ഇല്ലാതെയാക്കാൻ മാനവരാശിക്ക് കഴിയണമെന്നാണ് ഈ വരികളിൽ അർത്ഥമാക്കുന്നത്. ഇത്തരത്തിൽ വിവേചനങ്ങളെ ഇല്ലാതാക്കണമെങ്കിൽ കടലോളം സ്നേഹം ഓരോ മനുഷ്യഹൃദയങ്ങളിലും ഉണ്ടായിരിക്കണം.

സ്നേഹത്തിന്റെ ഭാഷ
Question 1.
ഈ യൂണിറ്റിലെ എല്ലാ പാഠഭാഗങ്ങളും പരിചയപ്പെടുത്തുന്നത് സ്നേഹമാണ്; സ്നേഹത്തിന്റെ
ഭാഷയാണ്.
സ്നേഹത്തെക്കുറിച്ചുള്ള കവിവാക്യങ്ങൾ, കഥാസന്ദർഭങ്ങൾ, ഗാനങ്ങൾ, ചൊല്ലുകൾ, മഹാന്മാ രുടെ വാക്കുകൾ തുടങ്ങിയവ അടുത്തുള്ള വായനശാലകളിൽ നിന്ന് ശേഖരിച്ച് നോട്ടുപുസ്തക ത്തിലെതിവ്.
Answer:

1. അവനവൻ ആത്മസുഹൃത്തിന് ആചരിക്കുന്നവ യപരന് സുഖത്തിനായി വരേണം – ശ്രീനാരായണ ഗുരു
2. സ്നേഹത്തിൽ നിന്നല്ലോ മറ്റൊന്നും ലഭിച്ചിടാൻ സ്നേഹത്തിൻ ഫലം ജ്ഞാനത്തിന്റെ ഫലം ജ്ഞാനം സ്നേഹമേ പരം സൗഖ്യം സ്നേഹഭംഗമേ ദു?ഖം സ്നേഹമേ ധിക്കാലാതി വർത്തിയായി ജ്വലിച്ചാവൂ – ജി. ശങ്കരപ്പിള്ള
3. സ്നേഹിക്കുകയില്ല ഞാൻ നോവും ആത്മാവിനെ സ്നേഹിച്ചിടാത്തൊരു തത്വശാസ്ത്രത്തെയും
   വയലാർ രാമവർമ്മ
4. ഒരൊറ്റ മതം ഉണ്ട് ലകിന്നുയരാം പ്രേമമതൊന്നല്ലോ പരക്കെ നമ്മെ പാലമൃതോട്ടും പാർവണ ശശിബിംബം – ഉള്ളൂർ എസ് പരമേശ്വരയ്യർ
5. സ്നേഹമാണഖിലസാരമൂഴിയില് സ്നേഹസാരമിഹ സത്യമേകമാം
6. “സ്നേഹിക്കയുണ്ണീ നീ നിന്നെ ദ്രോഹിക്കുന്ന ജനത്തെയും ദ്രോഹം ദ്വേഷത്തെ നീക്കിടാ സ്നേഹം നീക്കിടുമോർക്ക നീ!’ – എൻ. കുമാരനാശാൻ
7. നിരുപാധികമാം സ്നേഹം ബലമായി വരും ക്രമാൽ ഇതാണ് അഴകിതേ സത്യം ഇതു ശീലിക്കൽ ധർമ്മവും – അക്കിത്തം അച്യുതൻ നമ്പൂതിരിപ്പാട്.

Students can use 5th Standard Malayalam Kerala Padavali Notes and മരങ്ങളുടെ ഭാഷ Marangalude Bhasha Summary in Malayalam to grasp the key points of a lengthy text.

Class 5 Malayalam Marangalude Bhasha Summary

Marangalude Bhasha Summary in Malayalam

മരങ്ങളുടെ ഭാഷ Summary in Malayalam

പാഠസാരം

ഈ കഥ കുട്ടിയും അച്ഛനും സസ്യങ്ങളും തമ്മി – ലുള്ള സംഭാഷണത്തിലൂടെ പുരോഗമിക്കുന്നു. കുട്ടിയുടെ വീടിനു ചുറ്റും ധാരാളം സസ്യങ്ങൾ ഉണ്ടായിരുന്നു. അച്ഛൻ നട്ടു നനച്ചു വളർത്തി വളർന്നു വന്നവയും, താനേ മുളച്ചു വന്നവയും. ഒരിക്കൽ അച്ഛനോടൊപ്പം തൊടിയിൽ നിൽക്കു കയായിരുന്നു കുട്ടി കൈപ്പവള്ളിയെ പരിപാലിക്കുന്ന അച്ഛനെ കണ്ടു എന്നാൽ അത് തന്നോട് അല്ലാ സംസാരിക്കുന്നതൊന്നു മനസ്സിലാക്കിയ കുട്ടി അച്ഛൻ ആരോടാണ് വർത്തമാനം പറയുന്നത് എന്ന് ചോദിച്ചു.

കൈപ്പവള്ളിയോടാണ് താൻ സംസാരിക്കുന്നതെന്നുള്ള അച്ഛന്റെ മറുപടി കുട്ടിയെ അത്ഭുതപ്പെടുത്തി. നമ്മൾ മനുഷ്യർ സംസാരിക്കുന്നത് സസ്യങ്ങൾക്ക് മനസ്സിലാകുമോ എന്നതായിരുന്നു കുട്ടിയുടെ സംശയം. അച്ഛൻ പറഞ്ഞു, മനസ്സിലാവും. ഞാൻ പറയുന്നത് കൈപ്പ വള്ളിക്കും അവൾ പറയുന്നത് എനിക്കും മനസ്സിലാവും. തുടർന്ന് അച്ഛൻ പറഞ്ഞു, നാലുദിവസം മുമ്പ് കാറ്റിൽ തലയാട്ടി നിന്ന ഈ കൈപ്പ വള്ളി എന്നോട് പറഞ്ഞു എനിക്ക് മുകളിലോട്ട് കയറണം പന്തലിട്ടു തരണം പൂക്കണം കായ്ക്കണം എന്ന്. അന്ന് തൽക്കാലത്തേക്ക് ഒരു കമ്പ് താങ്ങായി നൽകാനേ കഴിഞ്ഞുള്ളൂ. മോളു കണ്ടോ കൈപ്പള്ളി വിരലുകൾ കൊണ്ട് കമ്പിയിൽ പിടിച്ചു മേലോട്ട് കയറിയത്. കുട്ടിക്ക് അച്ഛൻ എന്താണ് കൈപ്പവള്ളിയോട് സംസാരിച്ചത് എന്നറിയാൻ തിടുക്കമായി. കുട്ടി ചോദിച്ചു ഇപ്പൊ അച്ഛൻ എന്താ കൈപ്പവള്ളിയോട് പറഞ്ഞത്.

സുഖമായി കിടക്കാൻ പന്തൽ കെട്ടി തരണമെന്ന്. അച്ഛന്റെ മറുപടി വിശ്വസിക്കാൻ മകൾ തയ്യാറാകുന്നില്ല. ചെടികൾക്ക് മിണ്ടാൻ പറ്റില്ല നമ്മുടെ മലയാളവും അറിയില്ല. മകൾ പറഞ്ഞു, ശേഷം മരങ്ങൾ എങ്ങനെയാണ് സംസാരിക്കുന്നതെന്ന് അച്ഛൻ മകൾക്ക് മനസ്സിലാക്കി കൊടുക്കുകയാണ്. പ്ലാവിന്റെ കൊമ്പ് ഒരു കൈ തെങ്ങിന്റെ അടുത്തേക്ക് വരുന്നതും തലചരിച്ചു വെച്ച് തെങ്ങ് പ്ലാവിനോട് ഉപദ്രവിക്കാൻ വരല്ലേ എന്ന് പറയുന്നതും തെങ്ങിന്റെ ചുവട്ടിൽ നിൽക്കുന്ന പപ്പായ മരം വെയിലും മഴയും കൊള്ളാതെ തെങ്ങിന്റെ തണലിൽ നിൽക്കാൻ സുഖമാണെന്നു പറയുന്നതും ഓലകൈയിലൂടെ കുറെ വെളിച്ചം വിട്ടുതരണമെന്ന് അഭ്യർത്ഥിക്കുന്നതും എല്ലാം അച്ഛൻ മകൾക്ക് പറഞ്ഞു കൊടുക്കുന്നു. ഇതിനെല്ലാം തെങ്ങ് പറയുന്ന മറുപടി എന്താണെന്ന് അച്ഛൻ മകളോട് പറഞ്ഞുകൊടുക്കുന്നു. എന്റെ ആവശ്യം കഴിഞ്ഞ് ബാക്കിയുള്ള കാറ്റും വെളിച്ചവും താഴേക്ക് തരാം എന്നാകുമെന്ന് മകൾ മറുപടി പറയുന്നു. ഇവിടെ മകൾക്കും മരങ്ങളുടെ ഭാഷ മനസ്സിലാകുന്നു. മരങ്ങളുടെ ഭാഷ മനസ്സിലാക്കുക എന്നത് പ്രകൃതിയെ അറിയുക എന്നതാണ്.

അർത്ഥം
ഓലക്കെ – ഓലകളാകുന്ന കൈ
ചടുലനർത്തനം – അതിവേഗത്തിലുള്ള നൃത്തം
താങ്ങുകമ്പ് – വള്ളികൾക്ക് മേലോട്ട് വളരാൻ താങ്ങായി കൊടുക്കുന്ന കമ്പ്.
പിറുപിറുക്കുക – വ്യക്തമല്ലാത്ത രീതിയിൽ സംസാരിക്കുക
പുളു – നുണ
പെടുക്കുന്നു – മൂത്രമൊഴിക്കുന്നു
ദേഷ് – നന്നായി എന്നതിന് ഉപയോഗിക്കുന്ന പദം
മൊഴി – വാക്ക്
മോട്ടർ – ബസ്സ്, കാർ, തുടങ്ങിയ വാഹനങ്ങൾ
ലാളന – ഓമനിക്കൽ
വങ്ക് – പൊത്ത്
വീക്ഷിക്കുക – നോക്കുക
അകം തരിക്കുക – കുളിരണിയുക

പര്യായം
അച്ചൻ – പിതാവ്, താതൻ, ജനകൻ
അദ്ഭുതം – വിസ്മയം, വിചിത്രം
ഇല – ദലം, പർണ്ണം, പ്രതം
കർഷകൻ – കൃഷീവലൻ, കൃഷിക്കാരൻ
ചുത്രി – തനയ, നന്ദിനി, തനുജ ,മകൾ
പൂന്തോട്ടം – ആരാമം, ഉദ്യാനം, പുഷ്പവാടി
മണ്ണ് – മൃത്ത്, മൃത്തിക

വിപരീതം
ഉദയം × അസ്തമയം
ക്ഷമ × അക്ഷമ
അനുകൂലം × പ്രതികൂലം

പിരിച്ചെഴുതുക
പുഴുക്കേടുകൾ – പുഴു + കേടുകൾ
തലയുയർത്തി – തല + ഉയർത്തി
കാറ്റിലാടി – കാറ്റിൽ + ആടി

വിഗ്രഹിച്ചെഴുതുക
താങ്ങുകമ്പ് – താങ്ങുന്ന കമ്പ്
കൈവിരലുകൾ – കൈയിലെ വിരലുകൾ

Practicing with Class 5 Malayalam Kerala Padavali Notes Pdf Unit 5 Chapter 14 മരങ്ങളുടെ ഭാഷ Marangalude Bhasha Notes Questions and Answers Pdf improves language skills.

Marangalude Bhasha Class 5 Notes Questions and Answers

Class 5 Malayalam Kerala Padavali Notes Unit 5 Chapter 14 Marangalude Bhasha Question Answer

Class 5 Malayalam Marangalude Bhasha Notes Question Answer

രംഗവേദി
Question 1.
കഥ നാടകമായി അവതരിപ്പിക്കുക
Answer:
മരങ്ങൾ പറഞ്ഞ കഥ….
കഥാപാത്രങ്ങൾ : പ്ലാവ്, തെങ്ങ്, പപ്പായച്ചെടി.

രംഗം 1
കുട്ടിയുടെ വീട്ടിലെ പൂന്തോട്ടം, ചെടികൾ പരസ്പരം സംസാരിക്കുന്നു
തെങ്ങ് : ‘എടീ, പ്ലാവേ നീയങ്ങു വളർന്നു വലുതായി ലോ….എത്ര പെട്ടന്നാ നിന്റെ വളർച്ച.
പ്ലാവ് : ഹൊ എന്റെ തെങ്ങ് ചേച്ചി, ഈ വീട്ടിലെ ചേട്ടൻ നല്ല പോലെ എന്നെ നോക്കി വളർത്തുന്നുണ്ട്, എനിക്ക് ആവശ്യമായ വെള്ളവും വളവും നൽകാൻ എപ്പോഴും ശ്രദ്ധിക്കും. അതുകൊണ്ടാ ഞാൻ ഇത്രയും പെട്ടന്ന് വലുതായത്.
തെങ്ങ് : അതു ശരിയാ നമ്മളെയൊക്കെ സ്വന്തം മക്കളെ പോലെയാ അദ്ദേഹം പരിപാലിക്കുന്നെ. പപ്പായ മരം: തെങ്ങ് ചേച്ചീ, ചേച്ചിയും നന്നായി വളർന്നിട്ടുണ്ട്. ചേച്ചീടെ തണലിൽ നിൽക്കാൻ സുഖാ… വെയിലും മഴയും അധികം കൊള്ളണ്ടല്ലോ.. എന്നാൽ സൂര്യവെളിച്ചം മുഴുവൻ മറയ്ക്കല്ലേ..
തെങ്ങ് : അനിയത്തി പേടിക്കണ്ടാ എന്റെ ആവശ്യം കഴിഞ്ഞ് ബാക്കിയുള്ള കാറ്റും വെളിച്ചവും താഴേയ്ക്ക് തരാം.
പപ്പായമരം: നന്ദി തെങ്ങേച്ചീ….
തെങ്ങ് : ടീ പ്ലാവേ വളരുന്നതൊക്കെ കൊള്ളാം എന്നെ ഉപദ്രവിക്കാൻ വരല്ലേ ട്ടോ..
പ്ലാവ്: ഏയ് ഞാൻ ഉപദ്രവിക്കില്ല. എത്രയും പെട്ടന്ന് നമ്മുടെ കൃഷിക്കാരന് ആവശ്യമായ ഫലങ്ങൾ നൽകി അവരെ സന്തോഷിപ്പിക്കണം അതാണ് എന്റെ ആഗ്രഹം.
പപ്പായ മരം : എനിക്കും അത് തന്നെയാ ആഗ്രഹം.

ഞങ്ങളും പറയുന്നുണ്ട്
Question 1.
“ഭേഷ് … അതായത്, മോൾക്കും മരങ്ങളുടെ ഭാഷ വശമായി!”
അച്ഛൻ കുട്ടിയോടു പറഞ്ഞ ഈ വാക്യത്തോടെയാണ് കഥ അവസാനിക്കുന്നത്.
മരങ്ങളും ജീവികളും മനുഷ്യനെപ്പോലെ ഭാഷ ഉപയോഗിക്കുന്നവരാണോ?
മരങ്ങളുടെ ഭാഷ അച്ഛനെപ്പോലെ കുട്ടിയും പഠിച്ചു എന്നു പറയുന്നതുകൊണ്ട് കഥാകൃത്ത് എന്താ ണുദ്ദേശിച്ചത്?
ഗ്രൂപ്പുകളായി തിരിഞ്ഞ് ചർച്ച ചെയ്യൂ. നിങ്ങളുടെ അഭിപ്രായങ്ങളും കണ്ടെത്തലുകളും ചേർത്ത് കുറിപ്പ് തയാറാക്കൂ.
Answer:
ചെടികളെ സ്നേഹിക്കുകയും പരിപാലിക്കുകയും ചെയ്യുന്ന അച്ഛൻ അതിൽ ആനന്ദവും സന്തോഷവും കണ്ടെത്തുന്നുണ്ട്. മനുഷ്യരെ പോലെ അവയ്ക്കും ജീവനുണ്ടെന്നും, ചെടികളുടെ ഭാഷ അവരും സംസാരിക്കുന്നുണ്ടെന്നുള്ള പ്രകൃതി സ്നേഹത്തിന്റെ തിരിച്ചറിവാണ് അച്ഛൻ കുട്ടിയിലേക്കും പകർന്നു കൊടുക്കുന്നത്.

മരങ്ങളുടെ ഭാഷ കുട്ടിയും പഠിച്ചു എന്നു പറയുന്നതു കൊണ്ട് പ്രകൃതിയേയും പ്രകൃതി വിഭവങ്ങളേയും സ്നേഹിക്കാനും അടുത്തറിയാനുമുള്ള പ്രാപ്തി കുട്ടിക്കായി എന്നാണ് അച്ഛൻ പറയുന്നത്.

ഓർമ്മത്താളിലേയ്ക്ക്
Question 1.
പകലുണ്ടായ കാര്യങ്ങളെല്ലാം ഓർത്തുകൊണ്ടാണ് കുട്ടി അന്ന് ഉറങ്ങാൻ കിടന്നത്. കയ്പവ ള്ളിയും അച്ഛനും തമ്മിലുള്ള വർത്തമാനം അവളെ ഏറെ ചിന്തിപ്പിച്ചു. “മോൾക്കും മരങ്ങളുടെ ഭാഷ വശമായി’ എന്ന അച്ഛന്റെ വാക്കുകൾ അവളുടെ മനസ്സിൽ മുഴങ്ങിക്കൊണ്ടിരുന്നു. ഉറക്കം വരുന്നേയില്ല.
ജീവിതത്തിലെ മറക്കാനാവാത്ത ആ ദിവസത്തെക്കുറിച്ച് അവൾ ഡയറിയിൽ എഴുതാൻ തുടങ്ങി. നിങ്ങളും ഭാവനയ്ക്കനുസരിച്ച് ആ ഡയറി എഴുതൂ.
Answer:
ഡയറി
21/11/24
വ്യാഴം

ഇന്ന് എനിക്ക് ഏറെ ഇഷ്ടപ്പെട്ട ഒരു ദിവസമാണ്.
ഇന്ന് അച്ഛനോടൊപ്പം ഞാൻ തൊടിയിൽ പോയി, അവിടെ കുറേ പച്ചക്കറികളും, മരങ്ങളും പൂത്തും കായ്ച്ചും നിൽക്കുന്നുണ്ട്. നല്ല രസമായിരുന്നു അവിടെ…. അച്ഛൻ എത്ര ശ്രദ്ധയോടെയും സ്നേഹത്തോടെയുമാണ് അവയെ പരിപാലിക്കുന്നത്….. അച്ഛൻ അവയോട് സംസാരിക്കാറുണ്ട്. മരങ്ങളുടെ ഭാഷ അച്ഛനറിയാം.

നമ്മളെ പോലെ അവയ്ക്കും വേദനകളുണ്ട്, സന്തോഷവും സങ്കടങ്ങളും ഉണ്ട്. അതൊക്കെ അറിഞ്ഞും സ്നേഹിച്ചുമാണ് നമ്മൾ ചെടികൾ വളർത്തേണ്ടത്. ഈ തിരിച്ചറിവാണ് മരങ്ങളുടെ ഭാഷ അറിയുന്നതിലൂടെ അച്ഛൻ പറഞ്ഞു തന്നത്.

ഇതൊക്കെ അറിഞ്ഞപ്പോൾ എനിക്കും ഈ പ്രകൃതിയോട് ഒരുപാട് ഇഷ്ടം തോന്നി. അവരുടെ ഭാഷ ഇപ്പൊ എനിക്കും വശമായി.

പ്രകൃതിയുടെ ഭാഷ
Question 1.
പേജ് 95 കവിത വായിച്ച് കവി ഈ വരികളിലൂടെ എന്തെല്ലാം അനുഭവങ്ങൾ ആവിഷ്കരിക്കു ന്നുണ്ട്? ചർച്ച ചെയ്യുക.
Answer:
ഏറ്റുമാനൂർ സോമദാസന്റെ കവിത പ്രകൃതിയും ജീവജാലങ്ങളും എത്ര സുന്ദരമാണ് എന്ന് കാണിച്ചുതരുന്നു. ഇലകൾ കാറ്റിൽ ഉലയുന്നതും നിരവധി കിളികൾ അവയുടെ പൂ പോലെയുള്ള ചിറകുകൾ ഇളകുന്നതും കൊഞ്ചുന്ന മൊഴികളാൽ ശബ്ദിക്കുന്നതും കാണുമ്പോൾ നീല മലയിൽ ആകെ കുറിഞ്ഞിപ്പൂക്കൾ പൂത്തുനിൽക്കുന്നത് പോലെ മെയ് കുളിരു കോരുന്നു എന്ന് കവി പറയുന്നു. കുറിഞ്ഞിപ്പൂക്കൾ നല്ല തണുപ്പ് കാലങ്ങളിലാണ് പൂക്കാറുള്ളത് ഇങ്ങനെ പ്രകൃതി ജീവജാലങ്ങളാലും സസ്യങ്ങളാലും സമ്പന്നമാകുന്നതു കാണുമ്പോൾ മനസ്സ് നിറയുന്നു.

അകം ധരിച്ചു നിന്ന് ഉലയുന്ന മരവും അടിമുടി പൂവിടുന്നുണ്ട്. നിറയെ പൂത്തു നിൽക്കുന്ന മരങ്ങളും, കൊഞ്ചുന്ന മൊഴി, ശബ്ദിക്കുന്ന കിളികളും, കാറ്റും, ഇലകളും, പൂക്കളും എല്ലാം കൂടിയാണ് പ്രകൃതിയെ സമൃദ്ധം ആക്കുന്നത്. ഇങ്ങനെ സമൃദ്ധമായി നിൽക്കുന്ന പ്രകൃതിയെ അഥവാ ഭൂമിയെ കാണുമ്പോൾ മനം നിറഞ്ഞു ചിരിക്കുന്ന പെറ്റമ്മയെ പോലെയാണ് തോന്നുന്നത് എന്ന് കവി പറയുന്നു.

കൂടുതൽ ചോദ്യങ്ങൾ
Question 1.
അച്ഛൻ തൊടിയിൽ എന്താണ് ചെയ്തു കൊണ്ടിരുന്നത്?
Answer:
കയ്പ വള്ളികൾ ഒരോന്നായി കൈകൊണ്ട് പതുക്കെ പൊക്കിപ്പിടിച്ച് പുഴുക്കേടുകൾ നുള്ളിനീക്കുകയും ചെടികളോട് സംസാരിക്കുകയും ചെയ്യുകയായിരുന്നു.

Question 2.
അച്ഛൻ ആരോടാണ് സംസാരിച്ചിരുന്നത്?
Answer:
കയ്പ്പ വള്ളിയോട്

Question 3.
കയ്പ് വള്ളി അച്ഛനോട് എന്താണ് പറഞ്ഞത്?
Answer:
‘എനിക്ക് മുകളിലോട്ട് കയറണം, പന്തലിട്ടു തരണം, പൂക്കണം, കായ്ക്കണം. ഇതെല്ലാമാണ് ചെടി അച്ഛനോട് പറഞ്ഞത്.

Question 4.
തെങ്ങ് പ്ലാവിനോട് എന്താണ് പറഞ്ഞത്?’
Answer:
ഉപദ്രവിക്കാൻ വരല്ലേ എന്നാണ് തെങ്ങ് പറയുന്നത്.

Question 5.
പ്രകൃതി ഒരു സ്നേഹിത എന്ന രചന ആരുടേതാണ് ?
Answer:
യു. അരവിന്ദാക്ഷൻ

Students can use 5th Standard Malayalam Kerala Padavali Notes and എന്റെ അമ്മ Ente Amma Summary in Malayalam to grasp the key points of a lengthy text.

Class 5 Malayalam Ente Amma Summary

Ente Amma Summary in Malayalam

എന്റെ അമ്മ Summary in Malayalam

1910 ജൂലായ് 1-ാം തിയതി ആലപ്പുഴ ജില്ലയിലെ വർക്കി ജോസഫിന്റെയും അന്നമ്മയുടേയും മകനായി ജനിച്ചു. പിന്നീട് കുടുംബത്തോടൊപ്പം കോട്ടയം പൊൻകുന്നത്തേക്ക് താമസം മാറ്റുകയായിരുന്നു. ഹൈസ്കൂൾ വിദ്യാഭ്യാസത്തിനു ശേഷം മലയാളഭാഷയിൽ ബിരുദം പൂർത്തിയാക്കി. തുടർന്ന് ആലാം പള്ളി സ്കൂളിൽ അദ്ധ്യാപകനായി. 1939-ൽ എഴുതിയ തിരുമുൽക്കാഴ്ച എന്ന ഗദ്യകവിതയാണ് ആദ്യകൃതി. കർഷകരുടേയും, ദുഃഖിതരുടേയും ജീവിതങ്ങൾ അദ്ദേഹത്തിന്റെ കൃതികൾക്ക് വിഷയമായി. പുരോഗമന ചിന്താഗതിയിലൂടെ സമൂഹത്തെ നയിക്കാനാണ് അദ്ദേഹം ശ്രമിച്ചത്. കേരള സാഹിത്യ അക്കാദമി പ്രസിഡന്റ്, എക്സിക്യുട്ടീവ് അംഗം എന്നീ നിലകളിലും അദ്ദേഹം പ്രവർത്തിച്ചിട്ടുണ്ട്. 2004 ജൂലായ് 2-ാം തിയതി തന്റെ 94-ാം വയസ്സിൽ അദ്ദേഹം അന്തരിച്ചു.

കഥകൾ

• കഥകൾ,
• ഹൃദയാനന്ദം,
• മോഡൽ,
• ശബ്ദിക്കുന്ന കലപ്പ,
• ഡെമോക്രസി,
• ദാഹം
• ദൈവത്തേക്കാൾ ഞാൻ പേടിക്കുന്നത്,
• പൊട്ടിയ ഇഴകൾ,
• നാട്ടുവെളിച്ചം…

നാടകങ്ങൾ

• കതിരുകാണാക്കിളി,
• ഞാൻ ഒരധികപ്പറ്റാണ്,
• അൾത്താര,
• ഭർത്താവ്,
• വിശറിക്കു കാറ്റുവേണ്ട,
• സ്വർഗം നാണിക്കുന്നു,
• കർണൻ,

പുരസ്കാരങ്ങൾ
സ്വാതന്ത്ര്യസമര സേനാനിക്കുള്ള താമ്രപത്രം നേടി. കേരള സാഹിത്യഅക്കാദമി അവാർഡ്, വള്ളത്തോൾ സമ്മാനം, കലാദർശന അവാർഡ്, കൊടുപ്പുന്ന സ്മാരക പുരസ്കാരം, എഴുത്തച്ഛൻ പുരസ്കാരം, ലളിതാംബിക അന്തർജനം അവാർഡ്, മദ്രാസ് സർവകലാശാല പുരസ്കാരം, പദ്മപ്രഭാ പുരസ്കാരം.

കഥാസാരം

പൊൻകുന്നം വർക്കിയുടെ ആത്മകഥാംശമുള്ള കൃതിയാണ് “ഞാൻ കഥാകാരനായ കഥ’ അതിലെ ഒരു ഭാഗമാണ് “എന്റെ അമ്മ’ എന്ന പാഠഭാഗം. ഇതിൽ അദ്ദേഹം തന്റെ കുട്ടിക്കാല അനുഭവങ്ങളാണ് പങ്കുവെക്കുന്നത്. ഒരു പാവപ്പെട്ട കർഷക കുടുംബത്തിലാണ് അദ്ദേഹത്തിന്റെ ജനനം. ചെറുപ്രായത്തിൽ പിതാവ് മരണപ്പെട്ടു, അദ്ദേഹവും അനുജനും, മാതാവും അനാഥരായി, ജീവിത പ്രാരാബ്ധങ്ങൾ മൂലം മാതാവിൽ നിന്നും ലാളനയോ വാത്സല്യമോ അദ്ദേഹ ത്തിന് ലഭിച്ചിട്ടില്ല. ദാരിദ്രത്തിന്റെയും, ഒറ്റപ്പെടലിന്റെയും തിക്തമായ അനുഭവങ്ങളിലൂടെ അദ്ദേഹം കടന്നുപോയി.

അയൽക്കാരന്റെ സഹായത്താലാണ് അദ്ദേഹം സ്കൂളിൽ ചേർന്നത്. വിദ്യാർത്ഥിയായിരുന്നപ്പോൾ ഫീസും ആഹാരവും തരാൻ ബുദ്ധിമുട്ടുന്ന അമ്മയുടെ നിസ്സഹായാവസ്ഥ ആ കുട്ടിയുടെ കൊച്ചു ഹൃദയത്തിൽ ചിരട്ടത്തീ പോലെ കത്തിനിന്നു. ബാല്യകാലത്ത് മുഴുവൻ അനുഭവിച്ച വേദനയുടെയും, ദാരിദ്രത്തിന്റെയും, ഒറ്റപ്പെടലിന്റെയും അനുഭവകഥകൾ അദ്ദേഹം കൂടുകാരോട് പറയുമായിരുന്നു. നാലാം ക്ലാസ് ജയിച്ചശേഷം മറ്റ് കുട്ടികൾ ഇംഗ്ലീഷ് സ്കൂളിലേക്ക് പഠനത്തിനായി പോയി, തന്നെ ഇംഗീഷ് സ്കൂളിലേക്കയക്കാത്തത് എന്തുകൊണ്ടാണെന്ന് അമ്മയോട് ചോദിച്ച് നിരന്തരം ശല്യം ചെയ്തപ്പോൾ അടിക്കുകയും “പോയി വല്ല ജോലിയും നോക്ക് ‘, എന്നുമാണ് അമ്മ പറഞ്ഞത്. അടികൊണ്ട് ഏങ്ങലടിച്ച് കരഞ്ഞു കൊണ്ടിരുന്നപ്പോൾ തനിക്കൊപ്പം കരയുന്ന സ്നേഹ ഗംഭീരയായ അമ്മയേയും ആ കുട്ടി കണ്ടു.

അർത്ഥം
നിപുണർ – മിടുക്കർ
പരമാർത്ഥം – വാസ്തവം, ഏറ്റവും ശരിയായത്
ലാളന – ഓമനിക്കൽ
വിഷാദം – സങ്കടം
സ്നിഗ്ധഭാവം – സ്നേഹം നിറഞ്ഞ ഭാവം
സ്നേഹ ഗംഭീര – സ്നേഹവും ഗാംഭീര്യവും നിറഞ്ഞവൾ
സ്വാധീനശക്തി – സ്വാധീനിക്കാനുള്ള കഴിവ്

പര്യായം
അമ്മ – മാതാവ്, ജനനി, തായ
പുത്രൻ – തനയൻ, മകൻ, സുതൻ
പിതാവ് – താതൻ, ജനകൻ, അച്ഛൻ

വിപരീതം
ദരിദ്രമായ × സമ്പന്നമായ
ജനനം × മരണം
സമ്മതിക്കുക × വിസമ്മതിക്കുക.
ശക്തം × അശക്തം

മാതൃകപോലെ എഴുതുക

• കർഷകകുടുംബം – കർഷകരുടെ കുടുംബം
• സ്നിഗ്ധഭാവങ്ങൾ – സ്നിഗ്ധമായ ഭാവങ്ങൾ
• പരിഹാസ നിപുണൻ – പരിഹാസത്തിൽ നിപുണനായിട്ടുള്ളവൻ
• നിസ്സഹായാവസ്ഥ – നിസ്സഹായമായ അവസ്ഥ

Practicing with Class 5 Malayalam Kerala Padavali Notes Pdf Unit 5 Chapter 13 എന്റെ അമ്മ Ente Amma Notes Questions and Answers Pdf improves language skills.

Ente Amma Class 5 Notes Questions and Answers

Class 5 Malayalam Kerala Padavali Notes Unit 5 Chapter 13 Ente Amma Question Answer

Class 5 Malayalam Ente Amma Notes Question Answer

കുഞ്ഞുനൊമ്പരം
Question 1.
പൊൻകുന്നം വർക്കി തന്റെ കുട്ടിക്കാലത്തെ അനുഭവങ്ങൾ ഓർക്കുകയാണ്. എന്തെല്ലാം ഓർമ്മ കളാണ് കഥാകാരൻ പങ്കുവയ്ക്കുന്നത്? നിങ്ങളെ ഏറെ സ്പർശിച്ച അനുഭവം ഏതാണ്? പറയൂ.
Answer:
പങ്കുവയ്ക്കുന്ന ഓർമ്മകൾ

• കുട്ടിക്കാലത്ത് അനുഭവിച്ച ഒറ്റപ്പെടൽ.
• വീട്ടിലെ സാമ്പത്തിക ബുദ്ധിമുട്ട്.
• അമ്മയുടെ നിസ്സഹായാവസ്ഥ.
• പണമില്ലാത്തതിനാൽ ഉപരിപഠനത്തിന് അവസരം ലഭിക്കാതിരുന്നത്.

കഥയിൽ എന്നെ ഏറെ സ്പർശിച്ച സംഭവം
ഇംഗ്ലീഷ് സ്കൂളിലേക്കയക്കാത്തത് എന്തുകൊണ്ടാണെന്ന് കഥാകാരൻ നിരന്തരം അമ്മയോട് ചോദിച്ച് ശല്യം ചെയ്തപ്പോൾ അമ്മ നല്ലതു നാലെണ്ണം തുടക്കു വച്ചു തന്ന ശേഷം നിർദേശം നൽകി. എന്നാൽ കുട്ടിക്കൊപ്പം ആ അമ്മയും കരയുന്നുണ്ടായിരുന്നു.

എഴുത്തിന്റെ കരുത്ത്
Question 1.
അതുകൊണ്ട് പരുപരുപ്പുകളിൽക്കൂടി ഞങ്ങൾ വളർന്നു.
അടിവരയിട്ട് പ്രയോഗമെന്തിനെയാണ് സൂചിപ്പിക്കുന്നത്?
കുട്ടിക്കാലത്ത് സഹിച്ച കഷ്ടപ്പാടുകൾ….
മറ്റൊരു പ്രയോഗം നോക്കൂ.
ശേഷിയുള്ളത് ശേഷിക്കും എന്ന മട്ടിൽ ഞാൻ വളർന്നുകയറി.
പാഠത്തിൽ ഇതുപോലെയുള്ള പ്രയോഗങ്ങൾ ഇനിയുമുണ്ട്. അവ കണ്ടെത്തി അവയുടെ ആശയം വിശദമാക്കി നോട്ടുപുസ്തകത്തിൽ കുറിക്കുമല്ലോ.
Answer:

• പരുപരുപ്പുകളിൽക്കൂടി – ഈ പ്രയോഗം കുട്ടിക്കാലത്ത് സഹിച്ച കഷ്ടപ്പാടുകൾ സൂചിപ്പിക്കുന്നു. ഒട്ടും എളുപ്പമാല്ലാത്ത ജീവിത സാഹചര്യങ്ങളെ സൂചിപ്പിക്കുന്നു.
  വാക്കുകളുടെ ആവർത്തിച്ചുള്ള പ്രയോഗം അവസ്ഥയുടെ തീവ്രതയെ മനസ്സിലാക്കി തരുന്നു.
• ശേഷിയുള്ളത് ശേഷിക്കും – ഈ പ്രയോഗം സ്വന്തം കഴിവും അദ്ധ്വാനവും കൊണ്ട് ജീവിതം മുന്നോട്ടു കൊണ്ടു പോകുക എന്നാണ് സൂചിപ്പിക്കുന്നത്.
• ചിരട്ടത്തീ കത്തിക്കുക – ഈ പ്രയോഗം മനസിലേറ്റ വേദനയുടെ തീവ്രതയെ കാണിക്കുന്നു.

അമ്മയെക്കുറിച്ച്
Question 1.
താഴെ ചേർത്ത കവിതകൾ ഗ്രൂപ്പുകളിൽ വായിച്ച് ചർച്ച ചെയ്യൂ.
Answer:
അമ്മയെ കെട്ടിപ്പിടിച്ചു കിടക്കുമ്പോൾ
അപർണ പറഞ്ഞു
“അമ്മയ്ക്ക് നല്ല മണം”
“എന്തു മണം”
“അമ്മമണം”

അമ്മയും കുഞ്ഞും തമ്മിലുള്ള അടുപ്പത്തെയും അമ്മയുടെ ചാരെ കുഞ്ഞ് അനുഭവിക്കുന്ന കരുതലിന്റെയും ആഴങ്ങളാണ് ഈ വരികളിൽ വിഷ് കരിച്ചിരിക്കുന്നത്. ‘അമ്മ മണം’ സ്നേഹത്തിന്റെയും, വാത്സല്യത്തിന്റെയും മണമാണ്. സ്വന്തം ശരീരവും ജീവിതവും മക്കൾക്ക് വേണ്ടി നീക്കി വെക്കുന്ന അമ്മമാരെ ഈ കവിത ഓർമിപ്പിക്കുന്നു.
***
ഞാൻ ആദ്യമായി നീരുറവ കണ്ടത്
എന്റെ അമ്മയുടെ കണ്ണിൽ നിന്നാണ്
ഒരു വെയിലായി എനിക്കതിനെ
വറ്റിക്കാനാവുമോ?’

ഒരു കുട്ടിയുടെ കാഴ്ച്ചയായാണ് കവിത അവതരിപ്പിച്ചിരിക്കുന്നത്. കവിതയിൽ അമ്മ അനുഭവിക്കുന്ന വേദനകളുടെ ആഴത്ത അടയാളപ്പെടുത്തുന്നു. അമ്മയുടെ കണ്ണിലെ നീരുവ ജീവിത പ്രശ്നങ്ങളിൽ നിന്നും ഉണ്ടായതാവാം, ഇതിൽ നിന്നെല്ലാം ഒരു മോചനം അമ്മക്ക് നൽകണമെന്ന് കുട്ടി ആഗ്ര ഹിക്കുന്നുണ്ട്. ഒരു വെയിലായി അമ്മയുടെ കണ്ണീരിന്റെ നീരുറവ വറ്റിക്കണമെന്ന് കുട്ടി ആഗ്രഹിക്കുന്നു. അമ്മയുടെ ദുഃഖത്തിൽ വേദനിക്കുന്ന മക്കളുടെ മനസ്സിനേയും അമ്മയും മക്കളും തമ്മിലുള്ള ബന്ധത്തിന്റെ ആഴത്തെയും കവിത വരച്ചിടുന്നു.

‘കറിയുപ്പ് തീർന്നു
എങ്കിലും,
വിയർപ്പ് കുറുക്കിയെടുത്ത്
അമ്മ കഞ്ഞിയുണ്ടാക്കി.’

വീട്ടിലും അടുക്കളയിലുമായി ഉരുകി തീരുന്ന അമ്മമാരെ ഈ കവിത ഓർമിപ്പിക്കുന്നു. കുടുംബത്തിനും കുട്ടികൾക്കും വേണ്ടി അമ്മമാർ അക്ഷീണം പ്രവർത്തിക്കുന്നു എന്നാൽ അവരെ ആരും ശ്രദ്ധിക്കാറില്ല. സ്വയം ഉരുകി തീർന്നു കൊണ്ടാണ് അമ്മമാർ അവരുടെ കുടുംബങ്ങളെ പ്രകാശിപ്പിക്കുന്നത്.
***
അടുക്കളക്ക് കറുപ്പുനിറം
പുകയും വിറക്കിന്റെ കറുപ്പുനിറം
എത്ര തിരക്കിലുമെന്നെ കണ്ടാൽ
അമ്മ മനസ്സിൽ മുല്ലനിറം!

അടുക്കളകളിൽ ഒതുങ്ങി പോകുന്ന അമ്മമാരെ ഈ കവിത അടയാളപ്പെടുത്തുന്നു. കുടുംബത്തിന്റെ വിഷമതകൾക്കിടയിലും മക്കളെക്കാണുമ്പോൾ അവർ സന്തോഷം പങ്കിടുന്നു.

താരതമ്യം ചെയ്യാം
ഒരു ലേഖനഭാഗം വായിക്കാം.

സാധാരണ മട്ടിലുള്ള ഒരണുകുടുംബം. പ്രഭാതം. സ്കൂൾ വിദ്യാർഥിയായ മകൻ ഊൺമേശപ്പുറത്ത് പുസ്തകങ്ങൾ നിരത്തിവെച്ചു പഠിക്കുകയാണ്. ഇടയ്ക്കൊരു സമയത്ത് അവൻ അമ്മയെ വിളിച്ചു. ആദ്യം പതുക്കെ. പിന്നെ തെല്ലുറക്കെ. അങ്ങനെ മൂന്നോ നാലോ വട്ടം. അവർ വിളികേട്ടില്ല.

അമ്മ തൊട്ടപ്പുറത്ത് അടുക്കളയിലുണ്ട്. പുലർച്ചെ നാലുമണിക്കെഴുന്നേറ്റ് തുടങ്ങിയ പണിയാണ്. തിരക്കോടു തിരക്ക്. വീട്ടിൽ നാലാളുണ്ടെങ്കിൽ അവർക്ക് അഞ്ചുതരം വിഭവം വേണം. ഒരുകെ സിങ്കിലെ പാത്രങ്ങളിൽ, ഒരുകൈ കുക്കിങ് സ്റ്റൗവിൽ, ഒരു ചിരവയിൽ, ഒരുകെ മിക്സിയിൽ അങ്ങനെ ചടുല നർത്തനമാണ്. ഇതൊക്കെ കഴിഞ്ഞു വേണം, കുളിച്ചൊരുങ്ങി ഇറങ്ങി യോടാൻ. ബസ്സു പിടിച്ച് ആപ്പീസിലെത്തേണ്ടേ? ആരും നിർബന്ധിച്ചിട്ടല്ല. സമയത്ത് ജോലിക്കെത്തണമെന്ന ഒരു താൽപര്യം. ഉള്ളിലെ രോഷവും സങ്കടവും മകന്റെ വിളിയെ അവഗണിക്കാൻ അവരെ പ്രേരിപ്പിച്ചു.

സംഗീതാർദ്രമായ രണ്ടക്ഷരം അശോകൻ ചരുവിൽ
Question 1.
പൊൻകുന്നം വർക്കിയുടേയും അശോകൻ ചരുവിലിന്റേയും രചനകളിലെ അമ്മമാരുടെ ജീവി താവസ്ഥ കാണിച്ച് തരുന്ന ചില സൂചനകൾ നോക്കൂ.

പൊൻകുന്നം വർക്കിയുടെ അമ്മ	അശോകൻ ചരുവിലിന്റെ രചനയിലെ അമ്മ
• പാവപ്പെട്ട കുടുംബം	• ഇടത്തരം അണുകുടുബം
• മക്കളുടെ പഠനത്തിൽ ശ്രദ്ധിക്കാനാവുന്നില്ല.	• താല്പര്യമുണ്ടെങ്കിലും ശ്രദ്ധിക്കാനാവുന്നില്ല
• വിദ്യാഭ്യാസമില്ല, കൂലിപ്പണിയെടുക്കുന്നു.	• ഓഫീസ് ജോലിയുണ്ട്
•	•
•	•

സൂചനകളുടെയും നിങ്ങൾ കൂട്ടിച്ചേർത്തവയുടെയും സഹായത്തോടെ രണ്ട് അമ്മമാരുടേയും ജീവിതം താരതമ്യം ചെയ്ത് കുറിപ്പ് തയ്യാറാക്കുക.
Answer:

പൊൻകുന്നം വർക്കിയുടെ അമ്മ	അശോകൻ ചരുവിലിന്റെ രചനയിലെ അമ്മ
• പാവപ്പെട്ട കുടുംബം	• ഇടത്തരം അണുകുടുബം
• മക്കളുടെ പഠനത്തിൽ ശ്രദ്ധിക്കാനാവുന്നില്ല.	• താല്പര്യമുണ്ടെങ്കിലും ശ്രദ്ധിക്കാനാവുന്നില്ല
• വിദ്യാഭ്യാസമില്ല, കൂലിപ്പണിയെടുക്കുന്നു.	• ഓഫീസ് ജോലിയുണ്ട്
• നിസ്സഹായയായ അമ്മ	• ഒറ്റക്കാണ് എല്ലാം ചെയ്യുന്നത്.

പൊൻകുന്നം വർക്കിയുടെ രചനയിൽ കുടുംബിനിയായ, വിധവയായ ഒരു അമ്മയുടെ ദാരിദ്രാവസ്ഥയും നിസ്സഹായാവസ്ഥയും പറയുന്നു. ഭർത്താവിന്റെ മരണം സാമ്പത്തികാവസ്ഥയെ തകർക്കുകയും മകളുടെ വിദ്യാഭ്യാസ ത്തിന് പോലും സഹചര്യമില്ലാത്ത അവസ്ഥ ഉണ്ടാക്കുകയും ചെയ്യുന്നു. അശോകൻ ചെരുവിലിന്റെ കഥയിലെ അമ്മ പുതിയകാലത്തിലും അമ്മമാർ നേരിടുന്ന പ്രശ്നങ്ങളെയും ജോലി ഭാരത്തേയും അവതരിപ്പിക്കുന്നു. അമ്മമാർ പുറത്ത് ജോലിയുണ്ടെങ്കിൽ പോലും വീട്ടു ജോലികളുടേയും അടുക്കള പണികളുടേയും കുട്ടികളുടെ പരിപാലനത്തിന്റെയുമെല്ലാം ജോലി അവളിൽ തന്നെ നിലനിൽക്കുന്നു. ഏതു കാലഘട്ടത്തിലും വെന്തുരുകാൻ വിധിക്കപ്പെട്ട സ്ത്രീ അവസ്ഥകളെ രണ്ട് കൃതികളിലും അവതരിപ്പിക്കുന്നു.

1957-ൽ തൃശ്ശൂർ ജില്ലയിലെ കാട്ടൂരിൽ ജനിച്ചു. അച്ഛൻ സി.എ. രാജൻ മാസ്റ്റർ, അമ്മ വി. എ. ചന്ദ്രമോഹൻ, കാട്ടൂർ ഹൈസ്കൂൾ കാറളം ഹൈസ്കൂൾ, നാട്ടിക എസ്. എൻ. കോളേജ് എന്നിവിടങ്ങളിൽ പഠിച്ചു. കുറച്ചുകാലം സ്കൂൾ അധ്യാപകനായിരുന്നു. പിന്നീട് പഞ്ചായത്ത് വകുപ്പിലും രജിസ്ട്രേഷൻ വകുപ്പിലും ഉദ്യോഗം.

സൂര്യകാന്തികളുടെ നഗരം, പരിചിതഗന്ധങ്ങൾ, ഒരു രാത്രിക്ക് ഒരു പകൽ, മരിച്ചവരുടെ കടൽ, ദൈവവിശ്വാസത്തെക്കുറിച്ച് ഒരു ലഘുപന്യാസം, കാട്ടൂർക്കടവിലെ ക്രൂരകൃത്യം, ആമസോൺ, അശോകൻ ചരുവിലിന്റെ കഥകൾ, തെരഞ്ഞെടുത്ത കഥകൾ (കഥാസമാഹാരം) ജലജീവിതം, കടൽക്കരയിലെ വീട് (നോവലെറ്റ്) കങ്കാരുനൃത്തം, കറപ്പൻ (നോവൽ) കഥകളിലെ വീട്, ചിമ്മിനി വെളിച്ചത്തിൽ പ്രകാശിക്കുന്ന ലോകം, ദൈവം കഥ വായിക്കുന്നുണ്ട്, കഥയുടെ മറുകര, കഥയറിയാതെ, എഴുത്തിന്റെ വെയിലും നിലാവും (ഉപന്യാസം). ചെറുകാട് അവാർഡ്, ഇടശ്ശേരി അവാർഡ്, കേരള സാഹിത്യ അക്കാദമി അവാർഡ്, മുട്ടത്തുവർക്കി അവാർഡ് തുടങ്ങിയ പുരസ്കാരങ്ങൾ ലഭിച്ചിട്ടുണ്ട്.

കൂടുതൽ ചോദ്യങ്ങൾ
Question 1.
എന്റെ അമ്മ എന്ന പാഠഭാഗത്തിന് ആസ്വാദനം തയ്യറാക്കുക.
Answer:
പൊൻകുന്നം വർക്കിയുടെ ജീവിതാനുഭവം ആണ് “എന്റെ അമ്മ എന്ന പാഠഭാഗത്ത് വിവരിക്കുന്നത്. കർഷകരുടേയും, തൊഴിലാളികളുടെയും വേദനിക്കുന്നവരുടേയും കഥകളായിരുന്നു അദ്ദേഹം വായനക്കാർക്കായി പകർത്തിയിട്ടത്. സ്വന്തം ജീവിതത്തിൽ എഴുത്തുകാരൻ അനുഭവിച്ച ദാരിദ്രവും, ഒറ്റപ്പെടലും, അനാഥത്വവും എല്ലാം ഈ കഥകളിലും പ്രതിഫലിക്കുകയായിരുന്നു.

എന്റെ അമ്മ എന്ന ഭാഗത്ത് അനാഥത്വവും ദാരിദ്രവും കാരണം വിദ്യാഭ്യാസത്തിനു പോലും അവസരം ലഭിക്കാതെ പോകുന്ന കുട്ടിയെ നാം കാണുന്നു. ജീവിതാനുഭവങ്ങൾ അവനെ സ്വയംപര്യാപ്തനാക്കുന്നു. വേദനിക്കുന്ന ജീവിതാനുഭവങ്ങളെ കഥകളാക്കി മറ്റു കുട്ടികൾക്ക് മുന്നിൽ അവതരിപ്പിക്കുന്നു. നിസ്സഹായയായ അമ്മയെയാണ് കഥയിൽ അവതരിപ്പിക്കുന്നത്. ഭർത്താവിന്റെ മരണശേഷം ആ അമ്മയും രണ്ട് മക്കളും പട്ടിണിയിലൂടെയാണ് കടന്നു പോയത്. മക്കൾക്ക് ശരിയായ വിദ്യാഭ്യാസം നൽകുവാനാവാത്തതിൽ ആ അമ്മ വേദനിക്കുന്നുണ്ട്.

ദാരിദ്ര്യവും, അനാഥത്വവും അനുഭവിക്കുന്ന കുടുംബങ്ങളിലെ ദയനീയമായ അവസ്ഥകളാണ് ഈ പാഠഭാഗം പറയാൻ ശ്രമിക്കുന്നത്. പരിമിതമായ ജീവിതാവസ്ഥകളിൽ നിന്നും വളർന്നുവന്ന് ഏറെ പ്രശസ്തനായ കഥാകാരന്റെ ജീവിതവും വായനക്കാർക്ക് പ്രചോദനം നൽകുന്നു.

Question 2.
എന്റെ അമ്മ എന്ന പാഠഭാഗം പൊൻകുന്നം വർക്കിയുടെ ഏത് കൃതിയിൽ നിന്നും എടുത്തിട്ടു ള്ളതാണ് ?
Answer:
ഞാൻ കഥാകാരനായ കഥ

Question 3.
കഥാകൃത്തിന്റെ ജീവിത സാഹചര്യങ്ങൾ വിവരിക്കുക?
Answer:
പാവപ്പെട്ട കർഷക കുടുംബത്തിലാണ് അദ്ദേഹം ജനിച്ചത്. പിതാവ് മരണപ്പെട്ടു. അനുജനും അമ്മയുമടങ്ങിയ ആ കുടുംബം വളരെ കഷ്ടപെട്ടാണ് ജീവിച്ചിരുന്നത്.

Question 4.
ആരുടെ സഹായത്താലാണ് കഥാകാരൻ സ്ക്കൂളിൽ ചേർന്നത്.
Answer:
അയൽവാസിയുടെ

Question 5.
വിദ്യാർത്ഥിയായിരുന്നപ്പോൾ കഥാകാരന്റെ ഹൃദയത്തിൽ ചിരട്ടത്തീ ‘ കത്തിച്ച സംഭവം എന്തായിരുന്നു.
Answer:
ഫീസും ആഹാരവും തരാൻ വിഷാദ ഭാരത്തോടു കൂടി ബുദ്ധിമുട്ടുന്ന അമ്മയുടെ നിസ്സഹായാ വസ്ഥയാണ് ആ സംഭവം.

Question 6.
എന്തുകൊണ്ടാണ് കഥാകൃത്തിന് ഇംഗ്ലീഷ് സ്കൂളിൽ ഉപരിപഠനത്തിനായി പോകാൻ കഴിയാതിരുന്നത്?
Answer:
വീട്ടിലെ സാമ്പത്തിക ബുദ്ധിമുട്ട് കാരണമാണ് ഇംഗ്ലീഷ് സ്കൂളിൽ ഉപരിപഠനത്തിന് പോകാൻ കഴിയാതിരുന്നത്.

Class 5 Malayalam Kerala Padavali Notes Unit 5 കടലോളം സ്നേഹം

സനേഹബന്ധങ്ങളിലൂടെ മാനവികതാബോധം വളർത്താൻ ശ്രമിക്കുന്ന കൃതികളാണ് ഈ ഭാഗത്ത് ഉൾകൊള്ളിച്ചിരിക്കുന്നത്. പ്രകൃതി വിഭവങ്ങളിലും ജീവന്റെ അടരുകളെ മനസിലാക്കി അവയെ സ്നേഹിക്കുവാനും പരിചരിക്കുവാനുമുള്ള ചിന്തകൾ വളർത്താൻ ഈ കൃതികൾ സഹായിക്കുന്നു. മാതൃസ്നേഹത്തിന്റെയും, പ്രകൃതി മനുഷ്യരുടെ അമ്മയാണെന്നുള്ള തിരിച്ചറിവിന്റെയും ആഴങ്ങൾ ഈ കൃതികളിൽ ഉൾക്കൊള്ളുന്നു. പാരിസ്ഥിതിക ബോധത്തിന്റെ ചിന്തകൾ ഉണർത്തുന്നവയാണിവ. പൊൻകുന്നം വർക്കിയുടെ ‘ഞാൻ കഥാകാരനായ കഥ’ എന്ന കൃതിയിലെ ‘എന്റെ അമ്മ’ എന്ന പി. കുഞ്ഞിരാമൻ അനുഭവക്കുറിപ്പ്, യു. അരവിന്ദാക്ഷന്റെ പ്രകൃതി ഒരു സ്നേഹിത’ എന്ന കഥ, നായരുടെ ‘പട്ടം പറപ്പിക്കട്ടെ’ എന്നീ കൃതികളാണ് ഈ യൂണിറ്റിൽ ഉൾച്ചേർത്തിരിക്കുന്നത്.

പാഠസംഗ്രഹം

ഒരു കുട്ടിയും പൂവും തമ്മിലുള്ള അടുപ്പമാണ് ഈ തുടർക്കഥയിൽ അവതരിപ്പിച്ചിരിക്കുന്നത്. പ്രകൃതിയെ അറിഞ്ഞ് പ്രകൃതിയിൽ അലിഞ്ഞ് ജീവിക്കേണ്ടതിന്റെ ആവശ്യകതയെക്കുറിച്ച് ചിന്തിപ്പിക്കുന്നു ഈ കഥ. വിടർന്നു വരുന്ന ഒരു പൂവും, ആ പൂവിന് കിട്ടുന്ന കൂട്ടുകാരിയും ആണ് പ്രധാന കഥാപാത്രങ്ങൾ. പൂവ് കുട്ടിയോട് ഒരുപാട് കഥകൾ പറയുന്നു, മൊട്ടായിരുന്നപ്പോൾ തോന്നിയ വിടരാനുള്ള മോഹത്തെക്കുറിച്ച്, ആരും കേർക്കാതെ അമ്മ പാടുന്ന താരാട്ടിനെക്കുറിച്ച്, ഒരുപാടു കാര്യങ്ങൾ പറയുന്ന കാറ്റിനെക്കുറിച്ച്. സന്ധ്യവരെ കുട്ടിയും പൂവും ഒരുപാട് കഥകൾ പറഞ്ഞു. പറയാത്ത കഥകൾ ഇനിയും ഉണ്ടായിരുന്നു. കുട്ടി വീട്ടിലേക്ക് മടങ്ങി രാവിലെ തിരികെയെത്തി പൂവിനെ നോക്കിയ കുട്ടി കണ്ടത് അത് പൊഴിഞ്ഞു കിടക്കുന്നതായാണ്. അവൾക്ക് ഒരു പാട് സങ്കടമായി അമ്മച്ചെടി അവളെ സമാധാനിപ്പിച്ചു. കഥകൾ പറയാൻ ഇനിയും ചിലരുണ്ട് എന്ന് അമ്മച്ചെടി ആശ്വസിപ്പിച്ചു. പുതിയ പൂമൊട്ടുകൾ അത് ശരിവച്ചു.

പ്രകൃതിയും മനുഷ്യനും തമ്മിലുള്ള അടുപ്പത്തെ ഈ കഥ പകർത്തിയെഴുതുന്നു. പ്രകൃതി മനുഷ്യനു വേണ്ടി ചൊരിയുന്ന മാതൃസ്നേഹത്തിന്റെയും കരുതലിന്റെയും ആഴങ്ങളാണ് കഥയുടെ ഭാഷ. ഒരു ജീവന്റെ ജനനവും മരണവും അതിനിടയിൽ നാം ചെയ്തു തീർക്കേണ്ട കടമകളെക്കുറിച്ചും കഥ ഓർമപ്പെടുത്തുന്നു.

പ്രവേശക പ്രവർത്തനം
Question 1.
കുട്ടിയുടെ സങ്കടം തീർക്കാൻ അമ്മച്ചെടി പറഞ്ഞതെന്താണ്?
Answer:
‘കരയരുത്, കഥകൾ പറഞ്ഞു തരാൻ പൂവ് ചിലരെയൊക്കെ ഏൽപ്പിച്ചിട്ടുണ്ട്’ ഇതാണ് കുട്ടിയുടെ സങ്കടം തീർക്കാൻ അമ്മച്ചെടി പറഞ്ഞത്.

Question 2.
മൊട്ടുകൾ കുട്ടിയോട് പിന്നീട് പറഞ്ഞ കഥകൾ എന്തൊക്കെയാവാം?
Answer:
ഇളം കാറ്റിന്റെ തലോടലിനെ പറ്റി, ശക്തമായ കാറ്റിൽ ചെടികൾ ആടിയുലയുന്നതിനെ പറ്റി, ചില്ലകൾ ഒടിയുന്നതിനെപ്പറ്റി, ചിത്രശലഭങ്ങളും വണ്ടുകളും വന്ന് തേൻ കുടിക്കുന്നതിനെ പറ്റി, ചെറു പ്രാണികളും പുഴുക്കളും വന്ന് ഇലകളും പൂക്കളും തിന്നുന്നതിനെ പറ്റി, പൂവുകൾ കായുകൾ ആയും പിന്നീട് അവ വിത്തുകളായും വിത്തിൽ നിന്ന് പുതിയ ചെടികൾ ഉണ്ടാകുന്നതിനെയും പറ്റി.

Students can use 5th Standard Malayalam Kerala Padavali Notes and ഡാലിയമ്മൂമ്മയുടെ പുഴ Daliyammummayude Puzha Summary in Malayalam to grasp the key points of a lengthy text.

Class 5 Malayalam Daliyammummayude Puzha Summary

Daliyammummayude Puzha Summary in Malayalam

ഡാലിയമ്മൂമ്മയുടെ പുഴ Summary in Malayalam

തിരുവനന്തപുരം ജില്ലയിലെ നെടുമങ്ങാട് ജനിച്ചു. മലയാളത്തിലെ ഉത്തരാധുനിക സാഹിത്യകാര ന്മാരിൽ പ്രശസ്തനാണ് ഇദ്ദേഹം. പുതുകാലത്ത് മനുഷ്യനും പ്രകൃതിയും എങ്ങനെയെല്ലാം മലിനമാക്കപ്പെടുന്നു എന്ന് അദ്ദേഹം തന്റെ കൃതികളിൽ പറയാൻ ശ്രമിക്കുന്നു. വ്യത്യസ്തമായ ഭാഷാ ശൈലി അദ്ദേഹത്തിന്റെ എഴുത്തിന്റെ പ്രത്യേകതയാണ്. കാലിക പ്രധാന്യമുള്ള വിഷയങ്ങളോടുള്ള ശക്തമായ പ്രതികരണം കഥാകൃത്ത് തന്റെ കഥകളിലൂടെ പറയുന്നു. ഉടൽഭൗതികം, സമ്പർക്ക കാന്തി, 124, ബുദ്ധപദം, അടി, ഇരു, തുടങ്ങിയവ അദ്ദേഹത്തിന്റെ പ്രധാന കൃതികളാണ്. നോവലിനുള്ള 2022 ലെ കേരള സാഹിത്യ അക്കാദമി പുരസ്കാരം അദ്ദേഹത്തിന്റെ സമ്പർക്ക കാന്തിക്ക് ലഭിച്ചു.

പാഠസംഗ്രഹം

നദീതടങ്ങളിൽ നിന്നാണ് മനുഷ്യസംസ്കാരം രൂപപ്പെടുന്നത്. പുഴയുമായി ജൈവിക ബന്ധം മനുഷ്യനു ഉണ്ടായിരുന്നു. ലാഭ ചിന്തയോടെയുള്ള പ്രവർത്തനങ്ങൾ ഇന്ന് പുഴയുടെ രൂപഭാവങ്ങളെ മാറ്റി. രൂപഭാവങ്ങൾ മാറുന്ന പുഴയുമായി ഡാലി അമ്മൂമ്മക്കുള്ള ആത്മബന്ധത്തെക്കുറിച്ച് പറയുന്ന മനോഹരമായ കഥയാണ് “ഡാലിയമ്മൂമ്മയുടെ പുഴ’, വി ഷിനിലാലിന്റെ നരോദ പാട്യയിൽ നിന്നുള്ള ബസ് എന്ന കഥാസമാഹാരത്തിൽ നിന്നെ എടുത്തിട്ടുള്ളതാണ് ഡാലിയമ്മൂമ്മ-യുടെ പുഴ എന്ന കഥ.

തിരുവനന്തപുരം ജില്ലയിലെ നെടുമങ്ങാട് താലൂക്കിലെ കിള്ളിയാറിനെ ഉത്ഭവസ്ഥാനം ആണ് കഥാപാരിസരം. പ്രകൃതി സുന്ദരമായ ഗ്രാമാന്തരീക്ഷത്തിൽ കഥ നടക്കുന്നു. ആ ഗ്രാമത്തിൽ ജനിച്ചു വളർന്ന ഡാലി എന്ന അമ്മൂമ്മയും അമ്മൂമ്മയുടെ കൂട്ടുകാരിയായ കിള്ളിയാറുമാണ് കഥയിലെ പ്രധാന കഥാ പാത്രങ്ങൾ. ഡാലി അമ്മൂമ്മ സംസാരിച്ചു തുടങ്ങുന്ന പ്രായത്തിൽ കൂട്ടുകൂടിയതാണ് പുഴയുമായി വീട്ടിൽ നിന്നും നൂറുമീറ്റർ അകലെ – യായിരുന്നു പുഴ ഒഴുകിയിരുന്നത്. പിന്നീട് പുഴയിലെ മണ്ണെടുപ്പ് കാരണം പുഴ പരന്നൊഴുകി ഡാലിയമ്മൂമ്മയുടെ വീട്ടുപടി വരെ എത്തി – നിൽക്കുന്നു. കലിതുള്ളി ഒഴുകുന്ന അവസരങ്ങ – ളിൽ പുഴ തന്നെ ഡാലിയമ്മൂമ്മയോട് വീട്ടിൽ നിന്ന് മാറിപ്പോകാൻ പറയാറുള്ളതാണ് എന്നാൽ ഡാലിയമ്മൂമ്മ പോകാൻ കൂട്ടാക്കാറില്ല. എത്ര കലിതുള്ളി ഒഴുകിയാലും പുഴ ഡാലിയമ്മൂ മ്മയുടെ വീടിന് കേടുപാട് പറ്റാതെ ചുറ്റിവളഞ്ഞു മാത്രമേ ഒഴുകാറുള്ളൂ. ഒരിക്കൽ കവിഞ്ഞൊഴു – കുന്ന അവസരത്തിൽ ഒരു പെരുമ്പാമ്പിൻ കുഞ്ഞിനെ പുഴ, ഡാലിയമ്മൂമ്മയുടെ വീട്ടിലേക്ക് കയറ്റിവെച്ചു. ഡാലിയമ്മൂമ്മ ഒറ്റക്കായി പോയ പെരുമ്പാമ്പിന്റെ കുഞ്ഞിന് ആശ്രയമായി.

പുഴയുടെ വ്യാപ്തി വലുതായി വരുന്നത് കാരണം പരിസരവാസികൾ എല്ലാം വീട് ഒഴിഞ്ഞു പോയിരുന്നു. ശേഷിക്കുന്നത് ഡാലിയമ്മൂമ്മ മാത്രമാണ് അവിടെ താമസിക്കുന്നത്. ജീവനാപത്താണെന്ന് പലരും വിലക്കിയെങ്കിലും പുഴയുമായുള്ള ചങ്ങാത്തം ഉപേക്ഷിച്ചു പോകാൻ ഡാലിയമ്മൂമ്മ തയ്യാറായില്ല. വരാൻ പോകുന്ന കാലവർഷത്തെ മുന്നിൽ കണ്ട് തുരുത്തിൽ ഒറ്റപ്പെട്ടു താമസിക്കുന്നത് ജീവനാപത്താണെന്ന് കാരണത്താൽ ജില്ലാ കളക്ടറും സംഘവും ഡാലിയമ്മൂമ്മയെ അവിടെ നിന്ന് നഗരത്തിലെ ഫ്ളാറ്റിലേക്ക് നിർബന്ധപൂർവ്വം മാറ്റി. പതിമൂന്നാം നിലയിലെ അപ്പാർട്ട്മെന്റിന് കിള്ളി എന്ന് പേരും നൽകി.

കാലവർഷം തുടങ്ങിയപ്പോൾ വിഷാദിയായി ഒഴുകിയിരുന്ന പുഴയ്ക്ക് കലിയിളകി. പുഴ ഡാലിയമ്മൂമ്മയെ തേടിയിറങ്ങി. നഗരത്തിലെ എല്ലാ വഴികളിലൂടെയും പുഴയൊഴുകി. പുഴ നഗരത്തെ സമനികുതി പഠിപ്പിച്ചുകൊണ്ട് സമനിരപ്പിൽ ഒഴുകി. ഒടുവിൽ പുഴ ഡാലിയമ്മൂമ്മയെ കണ്ടെത്തി. ഡാലിയമ്മൂമ്മ പുഴയിലേക്ക് ചാടി പുഴയെ കെട്ടിപ്പിടിച്ചു ഇരുവരും പൊട്ടിച്ചിരിച്ചു.

ലാഭചിന്തയോടും സ്വാർത്ഥതയോടും കൂടിയ മനുഷ്യന്റെ പ്രവർത്തികൾ പുഴകളെ എങ്ങനെയെല്ലാം ബാധിച്ചു എന്ന് കഥപറയുന്നു. മണലൂറ്റുകാരണം കരകവർന്നതും പുഴയെ ആശ്രയിച്ച് ജീവിച്ചവർക്ക് പലായനം ചെയ്യേണ്ടി വന്നതും അതിവേഗം നശിച്ചുകൊണ്ടിരിക്കുന്ന ആവാസവ്യവസ്ഥയെ കുറിച്ചുള്ള ജാഗ്രതപ്പെടുത്തലും നഷ്ടപ്പെട്ടുപോയ മനുഷ്യന്റെ സമഭാവനയും തുല്യതയും അൽപനേരത്തേക്ക് എങ്കിലും തിരിച്ചുപിടിക്കാൻ മഹാപ്രളയം വേണ്ടി വന്നു എന്ന ഓർമ്മപ്പെടുത്തലിലേക്ക് കഥ വിരൽ ചൂണ്ടുന്നു.

അർത്ഥം
അപാർട്ട്മെന്റ് – ഒന്നിലധികം കുടുംബങ്ങൾ താമസിക്കുന്ന പല നിലകളുള്ള കെട്ടിടം
ഊടു വഴി – വീതികുറഞ്ഞ വഴി, ഇടവഴി
ഊറ്റുകാർ – ഊറ്റിയെടുക്കുന്നവർ
എമ്പാടും – എല്ലായിടത്തും
ഒടപ്പെറന്നാൾ – പെങ്ങൾ, സഹോദരി
ഒടവല മീൻ – ഒരിനം പുഴമീൻ
കലിയിളകുക – കോപം കൊണ്ട് സമനില തെറ്റുക
കിള്ളി – കിള്ളിയാറ് (കരമനയാറിന്റെ കൈവഴി)
കൂലം – കര (തീരം)
കൂലം കുത്തുക – കര തകർക്കുക
കെളവി – വൃദ്ധ
ചെലപ്പം – ചിലപ്പോൾ
തുണ – സഹായം, കൂട്ട്
തുരുത്ത് – പുഴയുടെ നടുവിലുള്ള ചെറിയ കര പ്രദേശം
തുവരുക – ഉണങ്ങുക (തോരുക)
തം താരിച്ച് – സംസാരിച്ച്
ദയനീയം – സങ്കടം തോന്നിക്കുന്നത്
നെല – നില
നെടുവങ്ങാട്ട് – നെടുമങ്ങാട്ട്
പാളി – പരാജയപ്പെട്ടു
പുള്ളാര് – കുട്ടികൾ (ചെറുപ്പക്കാർ)
പൊരുന്നിരിക്കുക – മുട്ട വിരിയാൻ അടയിരിക്കുക
മട്ടുപ്പാവ് – വീടിന്റെ മുകൾ നിലയിലെ തുറന്ന സ്ഥലം
മരിയാദിക്ക് – മര്യാദക്ക്
മുടുക്ക് – ഇടവഴി
മെനയൊള്ള – കൊള്ളാവുന്ന
വക് – പൊത്ത്

പര്യായം
പുഴ – ആറ്, നദി, സരിത്ത്, തടിനി
വെള്ളം – ജലം, നീര്,
കൈ – കരം, പാണി
അമ്മ – തായ, ജനനി

വിപരീതം
സമത്വം × അസമത്വം
ശുദ്ധം × അശുദ്ധം
ധർമ്മം × അധർമ്മം
നീതി × അനീതി

Practicing with Class 5 Malayalam Kerala Padavali Notes Pdf Unit 4 Chapter 12 ഡാലിയമ്മൂമ്മയുടെ പുഴ Daliyammummayude Puzha Notes Questions and Answers Pdf improves language skills.

Daliyammummayude Puzha Class 5 Notes Questions and Answers

Class 5 Malayalam Kerala Padavali Notes Unit 4 Chapter 12 Daliyammummayude Puzha Question Answer

Class 5 Malayalam Daliyammummayude Puzha Notes Question Answer

കഥയറിഞ്ഞ്
കഥ മൗനമായി വായിക്കൂ.
തുടർന്ന് ഭാവം ഉൾക്കൊണ്ട് ഉറക്കെ വായിച്ചവതരിപ്പിക്കുമല്ലോ.
കഥാപാത്രങ്ങൾ
Question 1.
കഥയിലെ കഥാപാത്രങ്ങൾ ആരെല്ലാം? അവരുടെ പ്രത്യേകതകൾ ഗ്രൂപ്പിൽ ചർച്ച ചെയ്തു. കഥാപാത്ര ങ്ങളെ പട്ടികപ്പെടുത്താം. നോട്ടുബുക്കിൽ ക്രമമായി എഴുതൂ.
ഇനി നമുക്ക് കഥയിലെ വ്യത്യസ്ത സന്ദർഭങ്ങൾ കണ്ടെത്താം. ഈ സന്ദർഭങ്ങൾക്ക് കഥയിലുള്ള പ്രാധാന്യം ചർച്ചചെയ്യൂ.
1. പെരുമ്പാമ്പിന്റെ കുഞ്ഞിനോടുള്ള ദയവ്
2. കലക്ടറുടെ വരവ്
3. ……………………………
Answer:
1. ഡാലിയമ്മൂമ്മ
2. കിള്ളി പുഴ
3. പെരുമ്പാമ്പിൻ കുഞ്ഞ്
4. കളക്ടർ

സംഭവങ്ങൾ

• ഡാലിയമ്മൂമ്മയും പുഴയും തമ്മിലുള്ള വഴക്ക്
• പുഴ കരയെ കാർന്നെടുത്തത്.
• ഫ്ളാറ്റിൽ എത്തിയത്
  ഡാലിയമ്മൂമ്മയുടെ നാടുകടത്തൽ
• പ്രളയം ഉണ്ടാകുന്നു
• കിള്ളിയും ഡാലിയമ്മൂമ്മയും പുനഃസമാഗമം.

വാക്കെടുക്കാം വരിയൊരുക്കാം
Question 1.
താഴെ രണ്ട് കോളങ്ങളിലായി കൊടുത്ത പദങ്ങൾ പരിചയപ്പെടൂ.

രണ്ടു കോളങ്ങളിൽ നിന്നും ഓരോ പദം ഉപയോഗിച്ച് ചെറുവാക്യങ്ങൾ നിർമ്മിക്കുക.
ഉദാ: ഞാൻ വേഗത്തിൽ നടന്നു.
Answer:

1. പുഴ പെട്ടന്ന് നിറഞ്ഞു
2. അമ്മുമ്മ വേഗത്തിൽ നടന്നു.
3. ഒരു ഭംഗിയുള്ള മീൻ
4. ഞാൻ മെല്ലെ ഇരുന്നു
5. വലിയ കറുത്ത പാമ്പ്

ഭാവത്തിനൊത്തു പറയാം
Question 1.
കഥയിലെ വിവിധ സന്ദർഭങ്ങളിൽ കഥാപാത്രങ്ങൾ തമ്മിൽ നടന്ന സംഭാഷണങ്ങൾ ഭാവമുൾക്കൊണ്ട് സംഘമായി ക്ലാസിൽ അവതരിപ്പിക്കുക.
Answer:
കള്ളിയാർ, ഡാലിയമ്മൂമ
കിള്ളിയാർ : ഡാലിയത്തുമേ എത്ര നാളായി കണ്ടിട്ട്. എന്നെ സ്നേഹിക്കാനും സംരക്ഷിക്കാനും നീ മാത്രമായിരുന്നു ഉണ്ടായിരുന്നത്. നീ കൂടി പോയപ്പോൾ ഞാൻ ഒറ്റയ്ക്കാണ്.
ഡാലിയത്തും : എന്തു ചെയ്യാനാ പുഴയേ.. അവർ എന്നെ പിടിച്ചു കെട്ടിയാ ഇവിടെ കൊണ്ട് വന്ന് ആക്കിയെ.
കിള്ളിയാർ : ഈ മനുഷ്യന്മാർ എത്ര ദുഷ്ടന്മാർ ആണ്, അവരുടെ ആർഭാട ജീവിതത്തിനു വേണ്ടി ഈ പ്രകൃതിയെ നശിപ്പിക്കുന്നു.
ഡാലിയമ്മൂമ : ‘അത് അവരുടെ നാശത്തിൽ തന്നെയാണ് അവസാനിക്കുന്നതെന്ന് ഇനിയെങ്കിലും അവർ മനസിലാക്കട്ടെ… കണ്ടോ പ്രളയം വന്ന് എല്ലാം നശിച്ചില്ലേ….
എല്ലാരും വെള്ളത്തിലായില്ലെ.
കിള്ളിയാർ : ‘ഹാ ഹാ ഇപ്പൊൾ അവർ കരഞ്ഞു വിളിക്കുന്നു….. എല്ലാം മലിനമായി നശിച്ചു കൊണ്ടിരിക്കുന്ന ഭൂമിയുടെ നിലവിളി അവർ കേൾക്കാഞ്ഞതെന്തേ…..
ഡാലിയമ്മുമ : ‘നാട് വികസിക്കുന്തോറും ഭൂമി നശിക്കുകയാണ്. നമ്മുടെ വായുവും വെള്ളവും ഭൂമിയും എല്ലാം മലിനമായി മാറിയിരിക്കുന്നു. കാലാവസ്ഥയിൽ മാറ്റം വന്നിരിക്കുന്നു . ഇതിനെല്ലാം കാരണം മനുഷ്യരും അവരുടെ പ്രവൃത്തികളുമാണ്
കിള്ളിയാർ : ‘ഇനിയെങ്കിലും അവർ തിരിച്ചറിഞ്ഞിരുന്നെങ്കിൽ, ഈ വളർന്നു വരുന്ന പുതു തലമുറയ്ക്ക് ഈ ഭൂമിയെ സംരക്ഷിക്കാൻ കഴിഞ്ഞെങ്കിൽ അവരിലാണ് ഇനി എന്റെ പ്രതീക്ഷ.

ഹൃദയപൂർവ്വം പറഞ്ഞത്
Question 1.
ഡാലിയമ്മൂമ്മയെയും കിള്ളിയാറിനെയും ഇഷ്ടമായില്ലേ?
അവർ ഒടുവിൽ കണ്ടുമുട്ടിയപ്പോൾ പറഞ്ഞകാര്യങ്ങൾ കേട്ടല്ലോ? ഇനിയും അവർ തമ്മിൽ എന്തെല്ലാം സംസാരിച്ചിട്ടുണ്ടാവും? ആ സംഭാഷണം എഴുതിനോക്കൂ.
Answer:
കൂട്ടുകാരെ ഇതു തന്നെ ഒന്നു എഴുതിനോക്കുമോ….

മൊഴിയഴക്
Question 1.
നോക്കാതേം പാക്കാതേം എറങ്ങി നടന്നോളൂം.
അടിവരയിട്ട് പ്രയോഗം ശ്രദ്ധിക്കൂ.
ഇതുപോലുള്ള പ്രയോഗങ്ങളും പ്രാദേശികപദങ്ങളും കഥയിൽ നിന്ന് കണ്ടെത്തി എഴുതു.
Answer:
ഒരോ നാട്ടിലേയും ജനങ്ങൾ അവിടെ സംസാരിക്കുന്ന ചില ഭാഷകളും പ്രയോഗങ്ങളുമാണ് പ്രാദേശിക പദങ്ങൾ, ഭാഷ മലയാളം തന്നെ ആണെങ്കിലും പദങ്ങളുടെ അർത്ഥത്തിലും പ്രയോഗ രീതികളിലും നാട്ടു ഭാഷകൾ തമ്മിൽ വ്യത്യാസം ഉണ്ട്.

പ്രാദേശിക പ്രചാരത്തിലുള്ള ചില സവിശേഷതകളും പ്രയോഗങ്ങളും കഥയിലുണ്ട്. അത് കഥക്ക് ഭാഷാപരമായ ഒരു സൗന്ദര്യം നൽകുന്നു

• മരിയാദിക്ക്
• നോക്കാതേം പാക്കാതേം
• തള്ളയില്ലാപ്പിള്ള
• കെളവി
• നെടുവങ്ങാട്ടെ
• കാണാൻ മെനയുള്ള
• തംതാരിച്ച്

Question 1.
ഭൂമി എല്ലാവരുടേതുമാണ് എന്ന സന്ദേശമുയർത്തി നടത്തുന്ന പരിസ്ഥിതി ബോധവൽക്ക രണജാഥയിൽ ഉപയോഗിക്കുന്നതിനുള്ള സന്ദേശവാക്യങ്ങൾ, മുദ്രാഗീതങ്ങൾ എന്നിവ തയ്യാറാക്കൂ.
Answer:

• ‘ഭൂമിയെ സംരക്ഷിക്കാം ഭാവിക്കായ് കൈ കോർക്കാം’.
• ‘കരുതാം പ്രകൃതിയെ നാളേയുടെ തലമുറക്കായി’.
• ‘ഞാനും നീയും മാത്രമല്ല ഈ ജീവജാലങ്ങളെല്ലാം ഭൂമിയുടെ അവകാശികൾ
• ‘ഭൂമി മനുഷ്യന്റെയല്ല മനുഷ്യൻ ഭൂമിയുടേതാണ്’ – സിയാറ്റിൻ മൂപ്പൻ
• എല്ലാവരും എന്നും വായിക്കേണ്ട രണ്ടു പുസ്തകമുണ്ട് അവനവനൊന്ന് ചുറ്റുമുളള പ്രകൃതി മറ്റേത് – കുഞ്ഞുണ്ണി മാഷ്

കൂടുതൽ ചോദ്യങ്ങൾ
Question 1.
ഡാലിയമ്മയുടെ പുഴ എന്ന പാഠഭാഗത്തിനൊരു ആസ്വാദനം തയ്യാറാക്കുക.
Answer:
പ്രകൃതിയും മനുഷ്യനും തമ്മിലുള്ള പാരസ്പര്യബന്ധത്തിന്റെ കഥ പറയുകയാണ് ഭീഷണി പാടിയതിൽ നിന്നുള്ള ബസ് എന്ന സമാഹാരത്തിൽ നിന്ന് എടുത്തിട്ടുള്ള ഡാലിയമ്മൂമ്മയുടെ പുഴ എന്ന പാഠഭാഗം. പുഴയും ഡാലിയമ്മൂമ്മയും തമ്മിലുള്ള സൗഹൃദത്തെ വളരെ മനോഹരമായി തന്നെ കഥ അവതരിപ്പിക്കുന്നു. മണൽ എടുപ്പു കാരണം കാലവർഷം കിടക്കുമ്പോൾ എത്ര കലിതുള്ളി ഒഴുകിയാലും പുഴ ഒരിക്കൽപോലും അമ്മൂമ്മയ്ക്കോ അമ്മൂമ്മയുടെ വീടിനോ കേടുപാട് വരുത്തിയിട്ടില്ല. അതിരു കവിഞ്ഞു ഒഴുകുകയും മഴക്കാലത്ത് അത് കൂടുതൽ ശക്തമാവുകയും ചെയ്യുന്നതിനാൽ ആളുകൾ ആ തുരുത്ത് വിട്ട് മറ്റിടങ്ങളിലേക്ക് താമസം മാറുന്നു. എന്നാൽ ഡാലിയമ്മൂമ്മ മാത്രം തന്റെ പുഴയെ വിട്ട് ദൂരേക്ക് മാറാൻ തയ്യാറാവുന്നില്ല.

എന്നാൽ അമ്മൂമ്മയുടെ ജീവന് ഭീഷണി നിലനിൽക്കുന്നതിനാലും മഴ കനക്കുകയും എന്ന മുന്ന റിയിപ്പുള്ളതിനാലും അധികാരികൾ അമ്മൂമ്മയെ അവിടെ നിന്നും നിർബന്ധപൂർവ്വം മാറ്റുന്നു. അങ്ങനെ മാറ്റി താമസിച്ച് അമ്മൂമ്മയെ അന്വേഷിച്ചിറങ്ങുകയാണ്. പുഴ നഗരത്തിലൂടെയും നഗരത്തിലെ ഇടവഴികളിലൂടെയും ഒക്കെ ഡാലിയമ്മൂമ്മയെ അന്വേഷിച്ച് ഒഴുകി. അങ്ങനെ നഗരത്തെയും സമത്വം പഠിപ്പിച്ചു കൊണ്ട് പുഴ സമനിരപ്പിൽ ഒഴുകി അവസാനം ഡാലിയമ്മൂമ്മ കണ്ടെത്തി. ഡാലിയമ്മ പുഴയിലേക്ക് എടുത്തു ചാടി കുശലം പറഞ്ഞു. അവർ ഒരുമിച്ച് അറബിക്കടലിലേക്ക് ഒഴുകി എന്ന് പറഞ്ഞു കൊണ്ടാണ് കഥ ഇവിടെ അവസാനിപ്പിക്കുന്നത്.

പ്രകൃതിക്ക് മേലെയുള്ള കടന്നുകയറ്റവും പ്രകൃതി വിഭവങ്ങളെ ചൂഷണം
ചെയ്യുന്നതും എല്ലാം കഥ വിഷയം ആകുമ്പോൾ പോലും പ്രകൃതിയും മനുഷ്യനും തമ്മിലുള്ള സ്നേഹത്തെയും എല്ലാത്തിനും ഒടുവിൽ പ്രകൃതിയിലേക്ക് തന്നെ ലയിക്കുകയാണ് വേണ്ടതെന്നും ഉള്ള ഓർമ്മപ്പെടുത്തൽ കൂടി കഥ പറഞ്ഞുവയ്ക്കുന്നു.

Question 2.
ഡാലിയമ്മൂമ്മയുടെ പുഴ എന്ന പാഠഭാഗം ഏതു കൃതിയിൽ നിന്നെടുത്തിട്ടുള്ളതാണ്?
Answer:
നരോദപാട്യയിൽ നിന്നുള്ള ബസ്സ്

Question 3.
ഡാലിയമ്മൂമ്മയുടെ കൂട്ടുകാരി ആയ പുഴയുടെ പേരെന്ത്?
Answer:
കിള്ളിയാർ

Question 4.
പുഴ ആരെ അന്വേഷിച്ചാണ് ഇറങ്ങിയത്?
Answer:
പുഴ ഡാലിയമ്മൂമ്മയെ അന്വേഷിച്ചാണ് ഇറങ്ങിയത്

Question 5.
പുഴ ഡാലിയമ്മൂമ്മയുടെ വീട്ടിലേക്ക് എന്തിനെയാണ് കയറ്റി വെക്കുന്നത്?
Answer:
പെരുമ്പാമ്പിൻ കുഞ്ഞിനെ

Question 6.
അവസാനം പുഴ ഡാലിയമ്മൂമ്മയെ കണ്ടെത്തിയപ്പോൾ ഉള്ള സന്ദർഭം എന്തായിരുന്നു?
Answer:
പുഴ കരകവിഞ്ഞ് ഒഴുകി, നഗരം വെള്ളത്തിൽ മുങ്ങി.

Students can use 5th Standard Malayalam Kerala Padavali Notes and ഇതാ ഒരു മായാലോകം Itha Oru Mayalokam Summary in Malayalam to grasp the key points of a lengthy text.

Class 5 Malayalam Itha Oru Mayalokam Summary

Itha Oru Mayalokam Summary in Malayalam

ഇതാ ഒരു മായാലോകം Summary in Malayalam

സ്വാതന്ത്ര്യസമരഭടനായിരുന്ന മണ്ഡപത്തിൽ ശങ്കരൻ നായരുടെ പുത്രനായി 1940 ഫെബ്രുവരി പത്തൊൻപതിന് വൈക്കത്ത് ജനിച്ചു. കേരള യൂണിവേഴ്സിറ്റിയിൽ നിന്നും രസതന്ത്രത്തിൽ എം. എസ്. സി. ബിരുദം നേടിയതിനുശേഷം കോട്ടയം സി. എം. എസ്. കോളേജിൽ അധ്യാപകനായി, കേരള ശാസ്ത്ര സാഹിത്യ പരിഷത്തിന്റെ കോട്ടയം ജില്ലാ കമ്മിറ്റിയുടെ സെക്രട്ടറിയായിരുന്ന പ്രൊഫ. ശിവദാസ് ദീർഘകാലം യുറീക്ക മാസികയുടെ എഡിറ്ററുമായിരുന്നു. ശാസ്ത്രപ്രചാരൻ, വിദ്യാഭ്യാസ പ്രവർത്തകൻ, എഡിറ്റർ, പരിസ്ഥിതി പ്രവർത്തകൻ, ഗ്രന്ഥകാരൻ, എന്നീ നിലകളിൽ പ്രവർത്തിച്ചുവരുന്നു.

ആരാ മാമാ ഈ വിശ്വമാനവൻ, ശാസ്ത്ര സല്ലാപം, വായിച്ചാലും വായിച്ചാലും തീരാത്ത പുസ്തകം, ആറ്റം പുരാണം, നിങ്ങളുടെ മക്കളെ എങ്ങനെ മിടുമിടുക്കരാക്കാം, കീയോ കീയോ, പുസ്തകക്കളികൾ, വിജയമന്ത്രങ്ങൾ കുട്ടികൾക്ക്, ബുദ്ധിയുണർത്തും കഥകൾ, ജയിക്കാൻ പഠിക്കാം, മണ്ണും മനുഷ്യനും, സ്നേഹക്കഥകൾ സ്വപ്നക്കഥകൾ തുടങ്ങി നൂറ്റിമുപ്പതിലേറെ ഗ്രന്ഥങ്ങളുടെ കർത്താവ്. കുട്ടികളിൽ ശാസ്ത്രബോധം വളർത്താനുള്ള നിരന്തരമായ പ്രവർത്തനങ്ങൾ വഴി മറ്റു ഭാഷകൾക്കും മാതൃകയായതിന് ഭാരത സർക്കാരിന്റെ നാഷണൽ കൗൺസിൽ ഫോർ സയൻസ് ടെക്നോളജി കമ്യൂണിക്കേഷന്റെ ദേശീയ അവാർഡ്, ബാലസാഹിത്യത്തിനുള്ള അവാർഡ്, കേരള ബാലസാഹിത്യ ഇൻസ്റ്റിറ്റ്യൂട്ടിന്റെ സമഗ്ര സംഭാവനാ അവാർഡ്, കേരള സാഹിത്യ അക്കാദമി അവാർഡ്, തുടങ്ങി അനേകം അംഗീകാരങ്ങൾ ലഭിച്ചിട്ടുണ്ട്.

പാഠസംഗ്രഹം

പ്രൊഫസർ എസ്. ശിവദാസന്റ മണ്ണു മനുഷ്യനും എന്ന ലേഖനത്തിൽ നിന്നും എടുത്തിട്ടുള്ളതാണ് പാഠഭാഗം. നൂറോളം വർഷങ്ങൾക്ക് മുമ്പ് നടന്ന സംഭവമാണിത്. ന്യൂയോർക്ക് സുവോളജിക്കൽ സൊസൈറ്റിയിലെ ശാസ്ത്രജ്ഞനായ ഡോക്ടർ വില്യം ബീബ് പക്ഷികളെ ശേഖരിക്കാൻ ആണ് ബ്രസീലിലെ ബലം എന്ന പ്രദേശത്തിലെ കാട്ടിലെത്തിയത്. അവിടെ കാട്ടുമരങ്ങൾക്കിടയിലൂടെയും വീണു കിടക്കുന്ന ഇലകൾക്ക് മുകളിലൂടെയും കാട്ടരുകളിലൂടെയും ഒക്കെ സഞ്ചരിച്ച് അദ്ദേഹം അവശ്യമായ പക്ഷികളെ ശേഖരിച്ചു. പക്ഷികളെ നിരീക്ഷിക്കുന്ന സമയത്തെല്ലാം കണ്ണ് മരത്തിലായിരുന്നു. അപ്പോഴൊന്നും നിലത്തു നോക്കുവാൻ സമയം കിട്ടിയിരുന്നില്ല.

ഇനി ന്യൂയോർക്കിലേക്ക് തിരിച്ചു പോകണം. അതിന് കാട്ടിൽ നിന്ന് തിരിച്ചിറങ്ങി കടലിലെ ത്തണം. കപ്പലിൽ കയറണം പിന്നെ കുറെ ദിവസങ്ങൾ നീളുന്ന കപ്പൽ യാത്ര നടത്തണം കപ്പലിൽ കാടും മരങ്ങളും പക്ഷികളും ഇല്ലാത്തതിനാൽ നേരം പോക്കിന് വഴിയൊന്നും ഇല്ലെന്ന് മനസ്സിലാക്കിയ ഡോക്ടർ വില്യം ബീബ് കാട്ടുമണ്ണ് പരിശോധിക്കാം എന്ന ചിന്തയിൽ എത്തി. അതിനായി അദ്ദേഹം കാട്ടുമണ്ണ് ശേഖരിച്ചു. നൂറു വർഷങ്ങൾക്കു മുമ്പ് മണ്ണ് പരിശോധിക്കുന്ന ആശയത്തെപ്പറ്റി ആരും ചിന്തിച്ചിരുന്നില്ല. അഥവാ ആരെങ്കിലും ചിന്തിച്ചിരുന്നുവെങ്കിൽ കിറുക്കാണെന്ന് പറയുമായിരുന്നു. എന്നാൽ നല്ല ശാസ്ത്രജ്ഞന്മാർക്കേ ഇത്തരത്തിൽ മറ്റാർക്കും തോന്നാത്ത ആശയങ്ങൾ തോന്നുകയുള്ളൂ.

അങ്ങനെ ഒരു വലിയ ചാക്കിൽ അദ്ദേഹം മണ്ണ് വാരിയിട്ടു. കാട്ടുമണ്ണ് കുത്തിയിളക്കി വാരാൻ കഴിയില്ല. കാട്ടിലെ മണ്ണിനു മുകളിൽ പാളികൾ ഉണ്ടാവും. അടിഭാഗത്തെ കരിയില ചീഞ്ഞളിഞ്ഞിരിക്കും. ഇത് മണ്ണിനെ മുകളിൽ ഒരു പാടയായി നിലനിൽക്കും.

മണ്ണുമായി കപ്പലിൽ എത്തിയ ഡോക്ടർ വില്യം ബീബ് തന്നെ ചാക്കഴിച്ച് കൂട്ടുകാരുമൊത്ത് മണ്ണ് പരിശോധന ആരംഭിച്ചു. മണ്ണിൽ നിരവധി ജീവികളെ കണ്ട് വില്യം ബീബും കൂട്ടുകാരും അത്ഭുതപ്പെട്ടു. ഇത് കുറച്ചു മണ്ണിൽ ഇത്രയേറെ ജീവികളോ എന്നതാണ് അദ്ദേഹത്തെ അത്ഭുതപ്പെടുത്തിയത്. ഉറുമ്പുകൾ, ചിതലുകൾ, വണ്ടുകൾ, തേളു കൾ,പുഴുക്കൾ മണ്ണിരകൾ ഒച്ചുകൾ എന്നിങ്ങനെ നിരവധി ജീവികളെ കണ്ട് ഈ മണ്ണിന് ജീവനുണ്ട് എന്ന് അദ്ദേഹം അറിയാതെ പറഞ്ഞു പോയി.

തുടർന്ന് ലെൻസ് ഉപയോഗിച്ചുള്ള പരിശോധനയിൽ വെറും കണ്ണുകൊണ്ട് കാണാൻ കഴിയാത്ത ജീവികളെയും അവർ കണ്ടു. നൂറുകണക്കിന് കൊച്ചു കൊച്ചു ജീവികൾ. ഈ പരിശോധന ദിവസങ്ങൾ നീണ്ടു. ഓരോ ദിവസവും പുതിയ പുതിയ ജീവികളെ കണ്ട് അവർ അത്ഭുതപ്പെട്ടു കൊണ്ടിരുന്നു. “വിശാലമായ ലോകത്തിൽ നിന്ന് കണ്ണുകളെ മണ്ണിനുള്ളിലേക്ക് ചുരുക്കിയപ്പോൾ ഞങ്ങൾ ഒരു മായാലോകത്തെ കണ്ടു ഡോക്ടർ വില്യംബീബും കൂട്ടുകാരും പറഞ്ഞു.

മണ്ണിലെ ഇരുട്ടിൽ ഇര തേടുന്നവർ, കൃഷി നടത്തുന്നവർ, കുമിളുകൾ വണ്ടുകൾ എന്നിങ്ങനെ തിന്നും തിന്നപ്പെട്ടും മത്സരിച്ചും സഹകരിച്ചും ജീവിക്കുന്ന നൂറുകണക്കിന് ജീവികളുടെ അത്ഭുത ലോകം. ഇങ്ങനെ ഈ അത്ഭുത ലോകത്തെ കണ്ടുകൊണ്ടിരുന്നപ്പോൾ ഡോക്ടർ വില്യം – ബീബും പുറംലോകത്തെപ്പറ്റി മറന്നു പോയി. താനും ചെറുതായി മണ്ണിനുള്ളിലെ മായാ ലോകത്തിൽ അകപ്പെട്ടതുപോലെ തോന്നി. ആലീസ് ഇൻ വണ്ടർലാൻഡ് എന്ന നോവലിൽ മായാ – ലോകത്ത് എത്തിപ്പെടുന്ന ആലീസിനെ പോലെ.

Practicing with Class 5 Malayalam Kerala Padavali Notes Pdf Unit 4 Chapter 11 ഇതാ ഒരു മായാലോകം Itha Oru Mayalokam Notes Questions and Answers Pdf improves language skills.

Itha Oru Mayalokam Class 5 Notes Questions and Answers

Class 5 Malayalam Kerala Padavali Notes Unit 4 Chapter 11 Itha Oru Mayalokam Question Answer

Class 5 Malayalam Itha Oru Mayalokam Notes Question Answer

കാണാക്കാഴ്ചകൾ
Question 1.
ലേഖനം വായിച്ച് ഓരോരുത്തരും ചോദ്യങ്ങൾ തയ്യാറാക്കുക.
ഉദാ: വില്ല്യം ബീബിന് തോന്നിയ വിചിത്രമായ ആശയം എന്തായിരുന്നു?
എന്തുകൊണ്ടാണ് അതിനെ വിചിത്രമായ ആശയം’ എന്ന് പറയുന്നത്?
ഗ്രൂപ്പിൽ ചോദ്യങ്ങൾ കൈമാറി വായിക്കുക. ഓരോ ഗ്രൂപ്പും മികച്ച പത്തുചോദ്യങ്ങൾ തെരഞ്ഞെടുക്കണം. ആവർത്തനങ്ങളൊഴിവാക്കി ചോദ്യങ്ങൾ ക്രമപ്പെടുത്തി എഴുതണം.
ഉത്തരങ്ങളും എഴുതി വയ്ക്കണം.
തുടർന്ന് രണ്ടു ഗ്രൂപ്പുകളായിത്തിരിഞ്ഞ് ചോദ്യോത്തരപ്പയറ്റ് നടത്തു.

ചോദ്യങ്ങൾ
1. ആരായിരുന്നു വില്യം ബീബ്
Answer:
ന്യൂയോർക്ക് സുവോളജിക്കൽ സൊസൈറ്റിയിലെ ശാസ്ത്രജ്ഞൻ ആയിരുന്നു വില്യം ബീബ്.

2. വില്യം ബിബിന് തോന്നിയ വിചിത്രമായ ആശയം എന്തായിരുന്നു?
Answer:
കാട്ടുമണ്ണ് പരിശോധിക്കണം എന്നായിരുന്നു ഡോക്ടർ വില്യം ബീബിനെ തോന്നിയ വിചിത്രമായ
ആശയം.

3. എന്തുകൊണ്ടാണ് ഡോക്ടർ വില്യം ചിന്തയെ വിചിത്രമായ ആശയം എന്ന് പറയുന്നത്?
Answer:
കാട്ടിൽ പക്ഷികളെ ശേഖരിക്കാൻ എത്തിയ ഡോക്ടർ വില്യം ബിബിൻ മണ്ണ് പരിശോധിക്കൻ തുടങ്ങിയതിനാലാണ് ഇത് വിചിത്രമായ ആശയം എന്ന് പറയുന്നത്

4. കാട്ടിലെ മണ്ണ് കാണപ്പെടുന്നത് എങ്ങനെ?
Answer:
കാട്ടിലെ മണ്ണിനു മുകളിൽ കരീയിലകളുടെ അനേകം അടുക്കുകൾ ഉണ്ടായിരിക്കും അവർ ചീഞ്ഞഴുകി മണ്ണിനു മുകളിൽ ഒരു പാളിയായി ഉണ്ടാകും അതിനും അടിയിലാണ് മണ്ണ്

5. മണ്ണ് പരിശോധിച്ച ഡോക്ടർ വില്യം ബിബിനും കൂട്ടുകാരും മണ്ണിൽ എന്തെല്ലാം ജീവികളെയാണ് കണ്ടത്?
Answer:
ഉറുമ്പുകൾ, ചിതലുകൾ, വണ്ടുകൾ, തേളുകൾ, പുഴുക്കൾ, മണ്ണിരകൾ, ഒച്ചുകൾ.

6. മണ്ണിലെ ജീവികളെ കണ്ട് ഡോക്ടർ വില്യം ബിബിൻ പറഞ്ഞതെന്ത്?
Answer:
ഈ മണ്ണിന് ജീവനുണ്ട്

7. ഡോക്ടർ വില്യം ബീബ് കണ്ട മായാ ലോകത്തെ കാഴ്ചകൾ എന്തെല്ലാമായിരുന്നു?
Answer:
മണ്ണിൽ ഇലകൾ വിശാലമായ പാഠങ്ങളായി മാറിയിരിക്കുന്നു. കാടുകളായി വളർന്നിരിക്കുന്നു. മണൽത്തരികൾക്കിടയിലൂടെ സൂപ്പർ ഹൈവേകൾ ഉണ്ടായിരിക്കുന്നു. അവിടെ ആരെയും അമ്പരപ്പിക്കുന്ന മിമിക്രി വീരന്മാർ അവരുടെ കലാപരിപാടികൾ അവതരിപ്പിച്ചു കൊണ്ടിരിക്കുന്നു. വളരെ ചെറിയ വണ്ടുകൾ വളഞ്ഞു ചുരുണ്ട് ചെറിയ വിത്തുകളുടെ രൂപത്തിലിരുന്ന് ശത്രുക്കളെ പറ്റിക്കുന്നു.വിത്തുകളുടെ പുറത്തെ ഡിസൈനുകൾ വരെ വണ്ടുകളുടെ പുറത്തു ഉണ്ടായിരിക്കുന്നു. ചെറിയ വിത്തുകളോ വണ്ടുകളുടെ രൂപത്തിലും മിമിക്രി കാണിക്കുന്നു.

8. മണ്ണിനുള്ളിലെ മായാലോകത്തിൽ അകപ്പെട്ടതുപോലെയെന്ന് ഡോക്ടർ ബീബിന് തോന്നിയത് എപ്പോൾ?
Answer:
തിന്നും തിന്നപ്പെട്ടും മത്സരിച്ചും സഹകരിച്ചും ജീവിക്കുന്ന നൂറുകണക്കിന് ജീവികളുടെ അത്ഭുതലോകം കണ്ടപ്പോഴാണ് മണ്ണിനുള്ളിലെ മായാലോകത്തിൽ അകപ്പെട്ടതായി ഡോക്ടർ ബിബിന് തോന്നിയത്.

9. എവിടെവച്ചാണ് ഡോക്ടർ വില്യം ബീബിനെ വിചിത്രമായ ആശയം തോന്നിയത്?
Answer:
ബ്രസീലിലെ കാട്ടിൽ വച്ച്.

10. എവിടെവച്ചാണ് ഡോക്ടർ വില്യം ബീബും കൂട്ടുകാരും മണ്ണ് പരിശോധന നടത്തിയത്?
Answer:
കപ്പലിൽ വച്ച്.

ആലീസിന്റെ അദ്ഭുതലോകം
Question 1.
“പണ്ടൊരു ആലീസ് അദ്ഭുതലോകത്തിലെത്തിയ കഥ കേട്ടിട്ടില്ലേ? താനും ഒരു ആലീസായതുപോലെ. മണ്ണിനടിയിലെ മായാലോകത്തിലെത്തിയ മറ്റൊരു ആലീസ്!”
ലൂയിസ് കരോൾ എഴുതിയ ‘ആലീസിന്റെ അദ്ഭുതലോകം’ എന്ന നോവൽ സ്കൂൾ ലൈബ്രറി യിൽനിന്നോ അടുത്ത വായനശാലയിൽനിന്നോ എടുത്ത് വായിക്കൂ. ആ പുസ്തകത്തെ പരിചയപ്പെടു ത്തുന്ന ഒരു കുറിപ്പ് തയ്യാറാക്കി ക്ലാസിൽ അവതരിപ്പിക്കൂ.
Answer:
ആലീസിന്റെ അത്ഭുതലോകം
ഇംഗ്ലീഷ് സാഹിത്യകാരനായ ലൂയിസ് കരോൾ എഴുതിയ പ്രശസ്തമായ ബാലസാഹിത്യ നോവലാണ് ആലീസ് ഇൻ വണ്ടർലാൻഡ് എന്ന ചുരുക്കപ്പേരിൽ അറിയപ്പെടുന്ന ആലീസ് അഡ്വഞ്ചേഴ്സ് ഇൻ വണ്ടർലാൻഡ്. 1865ൽ ഇംഗ്ലീഷ് ഭാഷയിൽ രചിച്ച ഈ കൃതി 174 ഭാഷകളിലേക്ക് വിവർത്തനം ചെയ്തു. നിരവധി ചലച്ചിത്രങ്ങൾ ഈ നോവലിനെ ആസ്പദമാക്കി നിർമ്മിക്കപ്പെട്ടിട്ടുണ്ട്. കുട്ടിയായ ആലീസ് ഒരു വെള്ളമുയലിനെ പിന്തുടർന്ന് വിചിത്ര ലോകത്തിലെത്തിച്ചേരുന്നതും അത്യന്തം വിസ്മയകരമായ അനുഭവത്തിൽ കൂടി കടന്നു പോകുന്നതുമായി സ്വപ്നം കാണുന്നതുമാണ് ഇതിലെ കഥ.

ഒരു ദ്രാവകം കുടിക്കുമ്പോൾ ചെറുതാകുന്നതും ഒരു കഷണം കേക്ക് കഴിക്കുമ്പോൾ വലുതാകുന്നതും പൂന്തോട്ടത്തിലെ പൂക്കൾ സംസാരിക്കുന്നത് കേൾക്കുന്നതും ഒക്കെ ആലീസിന്റെ അത്ഭുത ലോകത്തിലെ വിചിത്ര അനുഭവങ്ങളാണ്. ആലീസ് സ്വപ്നത്തിൽ നിന്ന് ഉണരുന്നതോടെ കഥ അവസാനിക്കുന്നു. മൗസ് ഡോടോ കാറ്റ് പില്ലർ താറാവ് എന്നിങ്ങനെ നിരവധി കഥാപാത്രങ്ങളെ ഈ കൃതിയിൽ കാണാം.

ജീവിക്കാം, പ്രകൃതിയെ നോവിക്കാതെ
Question 1.
ഈ ചിത്രം നോക്കൂ.

ഇതിലെന്തെല്ലാം ഉണ്ട്?
ഇത്തരം കാഴ്ചകൾ ഭൂമിക്കും ജീവജാലങ്ങൾക്കും ഗുണകരമാണോ? ആരെല്ലാമാണ് ഭൂമിയുടെ അവ കാശികൾ ചർച്ചചെയ്ത് കുറിപ്പ് തയ്യാറാക്കാം.
Answer:
ചിത്രത്തിൽ പച്ചപുതച്ചു കുന്നുകളും നെൽപ്പാടങ്ങളും അതിനരികിലൂടെ ഒഴുകുന്ന പുഴയും നിരവധി കുന്നുകളും കാണാം. എന്നാൽ ഈ പച്ചപ്പും മരങ്ങളും കുന്നുകളും പുഴകളും ഇല്ലായ്മ ചെയ്യുന്നതായും ചിത്രം വ്യക്തമാക്കുന്നു. മരങ്ങൾ മുറിച്ച് തടി കെട്ടിയടുക്കിയ ലോറി പുറപ്പെടാൻ തയ്യാറായി നിൽക്കുന്നു. മണ്ണുമാന്തി യന്ത്രമുപയോഗിച്ച് കുന്നിടിച്ച് മണ്ണാക്കി മാറ്റുന്നതും പാടങ്ങൾ നികത്തുന്നതും ഫാക്ടറിയിലെ മലിന ജലം ജലാശയത്തിലേക്കും കൃഷിയിടങ്ങളിലേക്കും ഒഴുകിയെത്തുന്നതും ചിത്രത്തിൽ കാണാം. ഇത്തരം പ്രവർത്തികൾ പ്രകൃതി വിഭവങ്ങളെ ഉന്മൂലനം ചെയ്യുന്നു. മനുഷ്യന്റെ ആവശ്യങ്ങൾക്ക് മാത്രമായി പ്രകൃതിയെ വെട്ടിനിരത്തുന്നതും ഇടിച്ചു പരത്തുന്നതുമായ കാഴ്ചയാണ് ചിത്രത്തിലുള്ളത് ഭൂമിയിൽ എല്ലാ ജീവജാലങ്ങൾക്കും അവകാശമുണ്ട് തുടർന്നു വരുന്ന തലമുറകൾക്ക് കൂടി അവകാശപ്പെട്ടതാണ് ഭൂമി എന്ന അവബോധം ഇല്ലായ്മയാണ് ചിത്രത്തിൽ കാണാനാവുന്നത്.

വായിക്കാം കണ്ടെത്താം
Question 1.
ചുവടെ കൊടുത്തിരിക്കുന്ന പദജോഡികൾ ശ്രദ്ധിക്കൂ. അവയിൽ എന്തു വ്യത്യാസമാണ് നിങ്ങൾക്ക് പറയാനുള്ളത്?
കണ്ടു – കണ്ട
തുറന്നു – തുറന്ന
ചിന്തിച്ചു – ചിന്തിച്ച
ഇതുപോലെ കൂടുതൽ പദജോഡികൾ പാഠഭാഗത്തുനിന്നും കണ്ടെത്തി എഴുതുക.
Answer:
കണ്ടു, തുറന്നു, ചിന്തിച്ചു, എന്നീ പദങ്ങൾ പൂർണക്രിയകളാണ്. കണ്ട, തുറന്ന, ചിന്തിച്ചു, എന്നീ പദങ്ങൾ അപൂർണ്ണ ക്രിയകളും.
കിടന്നു – കിടന്ന
പിടിച്ചു – പിടിച്ച
അലഞ്ഞു – അലഞ്ഞ
നടന്നു – നടന്ന
മറന്നു – മറന്ന
സഞ്ചരിച്ചു – സഞ്ചരിച്ച

മണ്ണറിവ് പൊന്നറിവ്
Question 1.
ചില പഴഞ്ചൊല്ലുകൾ വായിക്കാം
• മണ്ണറിഞ്ഞ് കൃഷി ചെയ്യണം
• മണ്ണ് പൊന്നാക്കണം
• ചേറു ചോറാകണം
• ചോറ് ചോക്കരുത്
മണ്ണിന്റെ പ്രാധാന്യത്തെക്കുറിച്ച് ഈ പഴഞ്ചൊല്ലുകൾ നമ്മോട് പറയുന്നത് എന്തെല്ലാം? പാഠഭാഗത്തുനിന്നും മണ്ണിനെക്കുറിച്ച് മനസ്സിലാക്കിയ കാര്യങ്ങൾ കൂടി ഉൾപ്പെടുത്തി ഒരു പ്രസംഗം തയ്യാറാക്കൂ. ലോകമണ്ണുദിന (ഡിസംബർ 5)ത്തോടനുബന്ധിച്ച് അവതരിപ്പിക്കുകയും ചെയ്യുമല്ലോ?
Answer:
നമസ്കാരം,
മനുഷ്യരുൾപ്പെടെ കോടിക്കണക്കിന് ജീവികളാണ് മണ്ണ് എന്ന ലോകത്ത് നിലനിന്നു പോരുന്നത്. ഒരു സെന്റീമീറ്റർ കനത്തിൽ മണ്ണുണ്ടാകാൻ ആയിരം വർഷം വേണമത്രേ. സൂക്ഷ്മാനുജീവികളായ ആൽഗെ ബാക്ടീരിയ വൈറസ് ഫംഗസ് പ്രോട്ടോസോവ എന്നിവയുടെ വിളനിലമാണ് മണ്ണ്. ആരോഗ്യകരമായ മണ്ണിന്റെ നിലനിൽപ്പിനാ സൂക്ഷ്മജീവികളുടെ പ്രവർത്തനങ്ങൾ അത്യാവശ്യമാണ്. സൂക്ഷ്മജീവികളെ നിലനിർത്തി മണ്ണ് സംരക്ഷിക്കുന്നതിന് ജൈവകൃഷിമാക്കേണ്ടതുണ്ട്. മാരക കീടനാശിനികൾ മണ്ണിൽ ഉപയോഗിക്കാതിരിക്കുക.

മണ്ണിനെ ചൂഷണം ചെയ്യുന്നത് തടയാനും മണ്ണിന്റെ സമൃദ്ധി നിലനിർത്താനും വൈവിധ്യമാർന്ന കൃഷി സമ്പ്രദായത്തിലേക്ക് നാം തിരിച്ചു പോകേണ്ടതുണ്ട്. മണ്ണറിഞ്ഞ് കൃഷി ചെയ്യണം, ചേറു ചോറാകണം എന്നിങ്ങനെയുള്ള ചൊല്ലുകൾ തന്നെ പണ്ടുകാലത്ത് മണ്ണിനു നൽകിയിരുന്ന പ്രാധാന്യത്തെ വെളിവാക്കുന്നു. ആരോഗ്യമുള്ള ജീവിതത്തിന് ആരോഗ്യമുള്ള മണ്ണ് വേണം. മണ്ണിനെ അതിന്റെ സ്വാഭാവികതയിൽ നിലനിർത്തിയാൽ മാത്രമേ വരും തലമുറയുടെ അതിജീവനം സാധ്യമാകൂ. അതിനാൽ മണ്ണിനെ സംരക്ഷിക്കേണ്ടത് നമ്മുടെ ഉത്തരവാദിത്തമായി കണ്ട് പ്രവർത്തിക്കേണ്ടതുണ്ട്. ചോറ് ആകരുത് എന്ന പഴമൊഴി ഓർമിപ്പിച്ചുകൊണ്ട് നിർത്തുന്നു.

നന്ദി

കണ്ടറിഞ്ഞ് കേട്ടറിഞ്ഞ്
Question 1.
ഒരിക്കൽ ഒരു ശാസ്ത്രജ്ഞന് ഒരു കിറുക്ക് തോന്നി. ആ കിറുക്ക് മണ്ണിനെക്കുറിച്ചും മണ്ണിനടിയിലെ ജീവജാലങ്ങളെക്കുറിച്ചുമുള്ള അന്വേഷണത്തിന് വഴിതെളിച്ചു.

നിങ്ങളുടെ ചുറ്റുപാടുമുള്ള മരങ്ങൾ, ചെടികൾ, പൂക്കൾ, കുളങ്ങൾ, വയൽ, പുഴ തുടങ്ങിയവയെക്കു റിച്ച് എന്തെല്ലാമറിയാം? ഏതെങ്കിലും ഒന്നിനെക്കുറിച്ചന്വേഷിച്ച് കുറിപ്പ് തയ്യാറാക്കൂ. അവതരിപ്പിക്കൂ.
Answer:
വീട്ടുമുറ്റത്തെ മാവ് എനിക്ക് ഏറെ പ്രിയപ്പെട്ടതാണ്. വേനൽ അവധിക്കാലത്താണ് മാവുമായി ഞാൻ ഏറെ ചങ്ങാത്തം കൂടാറുള്ളത്. വളർന്നു പന്തലിച്ചു നിൽക്കുന്ന മാവിൻ ചുവട്ടിലെ തണലാണ് എന്റെ കളിസ്ഥലം. എന്റെ മാത്രമല്ല അണ്ണാൻ കുരുവി മരംകൊത്തി കാക്ക എന്നിങ്ങനെ നിരവധി വേറെയും ഉണ്ട്. വേനലവധി ആയാൽ അതിന്റെ ബലമുറ്റ ശാഖയിൽ ഊഞ്ഞാൽ കെട്ടും. അവധിക്കാലത്തെ ഊഞ്ഞാലാട്ടം എന്റെയും കൂട്ടുകാരുടെയും പ്രിയ വിനോദമാണ്.ഇടവിട്ട് വീശുന്ന കാറ്റിനും കാറ്റിലിളകുന്ന ഇലകളുടെ ശബ്ദത്തിനും പുറമേ മാവിനോട് ചങ്ങാത്തം കൂടാൻ ഞങ്ങളെ ഏറെ പ്രേരിപ്പിക്കുന്നത് ഇടയ്ക്കിടയ്ക്ക് ഞെട്ടറ്റു വീഴാറുള്ള മാമ്പഴങ്ങൾ ആണ്. ഓരോ വേനലവധിക്കാലത്തെ കളിയോർമ്മയ്ക്കും അടുത്ത തവണത്തേക്കുള്ള കാത്തിരിപ്പിനും മധുരം കൂട്ടുന്നത് ഈ വീട്ടുമുറ്റത്തെ മാവ് തന്നെ.

Students can use 5th Standard Malayalam Kerala Padavali Notes and മഴ ചാറുമ്പോൾ Mazha Charumbol Summary in Malayalam to grasp the key points of a lengthy text.

Class 5 Malayalam Mazha Charumbol Summary

Mazha Charumbol Summary in Malayalam

മഴ ചാറുമ്പോൾ Summary in Malayalam

1924 ഒക്ടോബർ എട്ടിന് കൊല്ലം ജില്ലയിലെ പെരിനാട്ടിലാണ് ജനനം. പ്രാക്കുളം എൻ. എസ്. എസ്. ഹൈസ്കൂൾ, കൊല്ലം എസ്. എൻ, കോളേജ് (ബി. എ.), തിരുവനന്തപുരം യൂണിവേഴ്സിറ്റി കോളേജ് (എം.എ.) എന്നിവിടങ്ങളിൽ വിദ്യാഭ്യാസം പൂർത്തിയാക്കി. തിരുവനന്തപുരം യൂണിവേഴ്സിറ്റി കോളേജിൽ വളരെക്കാലം മലയാള വിഭാഗം അദ്ധ്യാപകനായിരുന്നു. പി. എസ്. സി അംഗം, ജനയുഗം പത്രാധിപർ എന്നീ നിലകളിലും സേവനമനുഷ്ടിച്ചിട്ടുണ്ട്.

സൗന്ദര്യത്തിന്റെ പടയാളികൾ, പ്രേമം മധുരമാണ് ധീരവുമാണ്, റാണി, മേഘസന്ദേശം (വിവർത്തനം), അന്തിമയങ്ങുമ്പോൾ, രാത്രി, അഭിജ്ഞാന ശാകുന്തളം (വിവർത്തനം), ജിപ്സികൾ, മലയാളഭാഷാ പരിണാമം-സിദ്ധാന്തങ്ങളും വസ്തുതകളും (പഠനം) എന്നിവയാണ് പ്രധാനകൃതികൾ.
ആശാൻ പുരസ്കാരം, വയലാർ അവാർഡ്, മൂലൂർ അവാർഡ്, കേരള സാഹിത്യ അക്കാദമി അവാർഡ്, ദുബായ് ശക്തി അവാർഡ് എന്നിവയാണ് തിരുനല്ലൂരിനു ലഭിച്ച പുരസ്കാരങ്ങൾ.

കവിതാസാരം

തിരുനെല്ലൂർ കരുണാകരന്റെ മഴ ചാറുമ്പോൾ എന്ന കവിത മഴയുടെ ഭാവമാറ്റങ്ങളെ ഭംഗിയായി അവതരിപ്പിക്കുന്നു. ചൂടിൽ കുളിരു പരത്തുന്ന മഴ എല്ലാവർക്കും ഇഷ്ടമാണ്. വളരെ ദൂരെ കിഴക്കേ ചക്രവാളത്തിന്റെ അറ്റത്ത് നിന്ന് വരുന്ന മഴമേഘങ്ങൾ ആകാശത്ത് അങ്ങിങ്ങായി ചിതറി നീങ്ങുന്നു. അവ മെല്ലെ മെല്ലെ മഴത്തുള്ളി കളായി താഴേക്ക് പതിക്കുന്നു. മഴത്തുള്ളികൾ ഭൂമിയിലേക്ക് പതിക്കുന്ന കാഴ്ചയെ കവി വെള്ളിക്കമ്പികളോട് സാദൃശ്യപ്പെടു ത്തുന്നു. പ്രകാശം മഴത്തുള്ളികളെ വെള്ളി നിറമുള്ളതാക്കി മാറ്റുന്നു.

ചെളിയിളകുന്ന വയലിൽ നിറയെ ഞാറു നടുന്ന കർഷക സ്ത്രീകളെ കണ്ടാൽ ആകാശത്തുനിന്ന് താഴെവീണ് ആകൃതി മാറിയ കാർമേഘ തുണ്ടുകൾ ആണെന്ന് തോന്നും. മണ്ണിൽ പൊരി വെയിലിൽ അധ്വാനിച്ച് കറുത്തുപോയ കർഷക സ്ത്രീകളെ കാർമേഘങ്ങളോട് കവി ഉപമിക്കുന്നു. കാർമേഘം മഴയായി പെയ്തിറങ്ങുമ്പോഴാണ് മണ്ണിന് കുളിരും സമൃദ്ധിയും ഉണ്ടാകുന്നത് അതുപോലെ കർഷകർ മണ്ണിൽ അധ്വാനിച്ചാണ് ഭൂമിയിലെ എല്ലാ മനുഷ്യർക്കും സമൃദ്ധി നൽകുന്നത്. തുടർന്ന് മഴയിൽ ശരീരവും മനസ്സും കുളിർത്തത് കൊണ്ടാണോ അതോ ക്ഷീണം മാറ്റുവാൻ ആണോ എന്നറിയില്ല മഴയിൽ കൃഷിപ്പണി ചെയുന്ന സ്ത്രീകൾ അവരുടെ ഓർമ്മയിൽ നിന്ന് ഉയർന്നുവന്ന തേന്മൊഴികളായ നാടൻ പാട്ടുകൾ പാടുന്നു. മനസ്സ് നിറയുമ്പോൾ നമ്മൾ അറിയാതെ പാട്ടുപാടി പോകാറുള്ളത് പോലെ ഇവിടെ കർഷക സ്ത്രീകളുടെ പാട്ടുകൾ തേൻ പോലുള്ള മധുരമൊഴികൾ നിറച്ചത് ആയിരുന്നു. ഇങ്ങനെ നല്ല മഴ ചാറ്റലും കാറ്റും മനസ് നിറഞ്ഞ് പുറത്തേക്കു ഒഴുകുന്ന പാട്ടും ഇപ്പോൾ വിടർന്നു സ്വപ്നം കാണുന്ന പൂവും എല്ലാം ഒന്നു ചേരുന്ന ഉന്മാദം, കാർഷിക സമൃദ്ധി, അത് പ്രകൃതിയുടെ സന്തോഷമാണ്.

അർത്ഥം
വാരിദം – മേഘം
ചേണ് – ഭംഗി
മൊഴി – വാക്ക്
ഉന്മാദം – സന്തോഷം
ഉന്മാദം – മനസ്സിന്റെ സ്ഥിരത നഷ്ടപ്പെടുന്ന അവസ്ഥ.
എമ്പാടും – എല്ലായിടത്തും
ചേണ് – അഴക്
പൊഴിയുന്നു – പെയ്യുന്നു.
മൊഴി – വാക്ക്
വിണ്ണ് – ആകാശം
വിഷാദം – സങ്കടം
ഞാറ് – നെല്ലിൻ തൈ

പര്യായം
മേഘം – വാരിദം,, ഘനം, മുദിരം
ആകാശം – ദ്യോവ്, വിഹായസ്സ്, വ്യോമം, അംബരം
മഴ – വർഷം, മാരി

വിപരീതം
മണ്ണ് × വിണ്ണ്
ദൂരെ × അരികെ
ക്ഷീണം × അക്ഷീണം
വിടരുക × പൊഴിയുക