Practicing with Class 7 Malayalam Kerala Padavali Notes Pdf Unit 1 Chapter 2 ഒരു ദിനാന്തസഞ്ചാരം Oru Dinantha Sancharam Notes Questions and Answers Pdf improves language skills.
Oru Dinantha Sancharam Class 7 Notes Questions and Answers
Class 7 Malayalam Kerala Padavali Notes Unit 1 Chapter 2 Oru Dinantha Sancharam Question Answer
Class 7 Malayalam Oru Dinantha Sancharam Notes Question Answer
വായിക്കാം, പറയാം
Question 1.
കുന്ന് കണ്ണിന് കുളിരേകുന്നത് എങ്ങനെയാണ്?
Answer:
എല്ലായ്പ്പോഴും ഇലകൾ നിറഞ്ഞു തിളങ്ങിയ വള്ളികളാൽ ചുറ്റി നിൽക്കുന്ന പച്ചക്കുന്നിന്റെ മനോഹര മായ കാഴ്ചയാണ് കണ്ണുകൾക്ക് കുളിരേകുന്നത്.
Question 2.
കുന്നിന്റെ വിചിത്രവർണ്ണം ലഭിക്കുന്നത് എപ്രകാരമാണ്?
Answer:
മരങ്ങളുടെ പച്ചിലകളിലും തളിരുകളിലും പൂക്കളിലും പുല്ലിലുമെല്ലാം സന്ധ്യാസമയത്തെ പോക്കുവെ യിൽ പതിക്കുമ്പോഴാണ് കുന്നിന് വിചിത്രമായ നിറം ലഭിക്കുന്നത്.
Question 3.
ആഴിപോലെ കാണപ്പെടുന്നത് എന്താണ്?
Answer:
ഇലകൾ ഇളകുന്ന വൃക്ഷങ്ങളുടെയും വള്ളികളുടെയും ഇടയിലൂടെ ഇളം കറുപ്പ് കലർന്ന കിഴക്കൻ ചക വാളം കാണാം. ആ ദൃശ്യമാണ് കടലുപോലെ കാണപ്പെടുന്നതായി കവിക്ക് തോന്നുന്നത്.
സാദൃശ്വഭംഗി കണ്ടെത്താം
Question 1.
കാവ്യഭാഗത്ത് കുന്നിനെയും കോട്ടയെയും ‘പോലെ’ എന്ന പ്രയോഗം കൊണ്ട് സാദൃശ്യപ്പെടുത്തിയിരി ക്കുന്നു. ഈ രിതിയിൽ ‘പോലെ’ ഉപയോഗിച്ച് സാദൃശ്യപ്പെടുത്തിയ കൂടുതൽ വരികൾ കവിതയിൽ നിന്ന് കണ്ടെത്തി വിശദീകരിക്കുക.
നിങ്ങൾ കണ്ടെത്തിയ വരികളുടെ സാദൃശ്യഭംഗിയെക്കുറിച്ച് ഒരു കുറിപ്പ് തയ്യാറാക്കുക.
Answer:
‘ചക്രവാളത്തിൽ മുട്ടിച്ചൊരു കോട്ടപോലെ’ എന്നാണ് കവി കുന്നിനെ സാദൃശ്യപ്പെടുത്തിയിരിക്കുന്നത്. ദൂരെ നിന്ന് നോക്കുമ്പോൾ ആകാശം മുട്ടി നിൽക്കുന്ന കുന്ന് ഒരു കോട്ടപോലെയാണ് കാണപ്പെടുന്നത്. സഹ്യപർവ്വതത്തിന്റെ ഉയരവും രൂപവൈവിധ്യവും മഹിമയും ആവിഷ്കരിക്കാൻ പോന്ന പ്രയോഗമാ
ണിത്.
‘പോലെ’ ഉപയോഗിച്ച് സാദൃശ്യപ്പെടുത്തിയ കൂടുതൽ വരികൾ
• ആദ്യത്തിലാരാകുക പോലെ
ആകാശത്തിന്റെ കിഴക്കുഭാഗത്തായി
പരന്നു കിടക്കുന്ന കുന്ന് അകലെ നിന്നുള്ള ആദ്യത്തെ കാഴ്ചയിൽ ഒരു പുകപോലെ തോന്നും.
• ശില്പജ്ഞർ ചായപ്പണി ചെയ്തപോലെ
കുന്നിൻ പുറത്ത് പുല്ലുകൾക്കിടയിൽ കാണുന്ന ചുമന്ന മണ്ണ് ചിത്രകാരന്മാർ വരച്ച മനോഹരമായ ഒരു ചിത്രം പോലെ തോന്നുന്നു.
• കാണുന്നിതങ്ങേപ്പുറമൊഴുപോലെ
ഇലകൾ ഇളകുന്ന വൃക്ഷങ്ങളുടെയും വള്ളികളുടെയും ഇടയിലുള്ള ഇളം കറുപ്പ് കലർന്ന കിഴക്കൻ ചക്രവാളം അപ്പുറത്തായി കാണാം. അതൊരു കടലുപോലെ കാണപ്പെടുന്നതായി കവിക്ക് തോന്നുന്നു.
മേൽപ്പോട്ട് പടുത്തുയർത്തിയ കോട്ടപോലെ എന്നുള്ള സാദൃശ്യകൽപ്പന സഹ്യപർവതത്തിന്റെ ഉയരവും രൂപവൈവിധ്യവും മഹിമയും മനോഹരമായി ആവിഷ്കരിക്കുന്നു. ചിത്രകാരന്മാർ വരച്ച മനോഹര ചിത്രത്തിലെ ചായക്കൂട്ടുപോലെ ഇടകലർന്ന് കാണപ്പെടുന്ന ചുവന്നനിറവും, പച്ചനിറവും എന്ന പ്രയോഗ വും, വൃക്ഷങ്ങളുടെയും വള്ളികളുടെയും ഇടയിലൂടെ കാണുന്ന കറുപ്പ് നിറഞ്ഞ ചക്രവാളത്തെ കടലി നോട് സാദൃശ്യപ്പെടുത്തിയതുമെല്ലാം പ്രകൃതിയിലെ മനോഹര കാഴ്ചകൾ കാവ്യാത്മകമായ, ആവിഷ്ക രിക്കുന്നതിനുള്ള വള്ളത്തോളിന്റെ മികവിന് മികച്ച ഉദാഹരണങ്ങളാണ് പ്രകൃതിയുടെ സൗന്ദര്യത്തെ സാദൃ ശ്യകൽപ്പനകളാൽ ആവിഷ്കരിക്കുന്നതിലൂടെ കവിതയുടെ ആസ്വാദനവും സൗന്ദര്യവും വർദ്ധിക്കുന്നു. ഒരു കുന്നിന്റെ ദൃശ്യഭംഗിയെ ചലനാത്മകമായി ഏറെ ജൈവികമായി, സ്വാഭാവികമായി ചിത്രീകരിക്കുന്ന കാവ്യവൈഭവമാണ് ഈ കവിതയിലൂടെ കാണാൻ കഴിയുന്നത്.
വിശകലനം ചെയ്യാം
Question 1.
‘ഇപ്പോക്കുവെൽക്കുകയാൽ വിചിത്ര-
വർണ്ണം വഹിക്കുന്നിതു കുന്നിതേറ്റം’
സൂര്യപ്രകാശം കുന്നിലേൽക്കുമ്പോഴുള്ള മാറ്റം എങ്ങനെയാണ് കവി വർണ്ണിച്ചിരിക്കുന്നത്? കവിതയിലെ വരികൾ വിശകലനം ചെയ്ത് കുറിപ്പ് തയ്യാറാക്കുക.
Answer
പ്രകൃതിയിലെ മനോഹര കാഴ്ചകൾ കാവ്യാത്മകമായി ആവിഷ്കരിക്കുന്നതിനുള്ള വള്ളത്തോളിന്റെ മിക വിന് ഒരു ഉദാഹരണമാണ് ദിനാന്തസഞ്ചാരം എന്ന കവിത. അസ്തമയ സൂര്യന്റെ പൊൻകിരണങ്ങൾ ഏറ്റ് മനോഹരമായി ശോഭിക്കുന്ന സഹ്യപർവ്വതത്തിന്റെ ദൃശ്യചാരുത വാക്കുകൾ കൊണ്ട് കവി വരച്ചു കാണി ക്കുന്നു. വൃക്ഷങ്ങളാൽ നിറഞ്ഞ കുന്നുകളുടെ പച്ചപ്പ് അതീവ മനോഹരമാണ്.
മരങ്ങളിലും പച്ചിലകളിലും, തളിരിലകളിലും പുല്ലിലും പൂക്കളിലുമെല്ലാം പോക്കുവെയിൽ ഏൽക്കുമ്പോൾ കുന്നിന് വിചിത്രവർണ്ണങ്ങളുണ്ടാകുന്ന പുല്ലുകളിലും പൂവിലും പറ്റിപ്പിടിച്ചിരിക്കുന്ന മഞ്ഞുതുള്ളികൾ സൂര്യന്റെ രശ്മികളേറ്റ് ഒരു കിരീടം പോലെ ശോഭിക്കുന്നു. കുന്നിന്റെ നിറഭേദങ്ങളെ കവി ഇവിടെ സൂക്ഷ്മ മായി ചിത്രീകരിക്കുകയാണ്.
ആൽബം തയ്യാറാക്കാം.
Question 1.
കുന്നുകളുടെ വ്യത്യസ്ത സമയങ്ങളിലെ വിദൂരദൃശ്യങ്ങൾ, സമീപദൃശ്യങ്ങൾ എന്നിവ മൊബൈലിൽ പകർത്തി ഒരു ഡിജിറ്റൽ ആൽബം തയ്യാറാക്കുക.
Answer:
ഡിജിറ്റൽ ആൽബം തയ്യാറാക്കുന്ന വിധം
- ഈ PDF File desktop – ൽ Save ചെയ്യുക.
- ഏതേങ്കിലും Web browser-തുറക്കുക. ഇതിൽ Fliphtml.com എന്ന് type ചെയ്ത് enter ചെയ്യുക
- തുറന്നുവരുന്ന പേജിൽ Sign up ചെയ്യുക
- username ഉം password ഉം കൊടുത്തതിനുശേഷം login Button click ചെയ്യുക.
- തുറന്നുവരുന്ന Screen നു മുകളിൽ ഇടതുഭാഗത്തായി Quick upload എന്ന Option-ൽ ക്ലിക് ചെയ്യുക.
- തുടർന്ന് വരുന്ന സ്ക്രീനിൽ -Upload PDFൽ Click ചെയ്യുക
- PDF File തിരഞ്ഞെടുത്ത് Open button click ചെയ്യുക. ഇപ്പോൾ PDF Upload ചെയ്യുന്നത് കാണാം.
- Title, Description, Keyword, Category എന്നിവ തിരഞ്ഞെടുത്തശേഷം Apply button click ചെയ്യുക. തയ്യാ റായ Digital Album നമുക്ക് ലഭിക്കും.
Question 2.
കവിതയിലെ കാഴ്ചകളും നിങ്ങൾ പകർത്തിയ ദൃശ്യാനുഭവങ്ങളും ഉൾപ്പെടുത്തി കുറിപ്പ് തയ്യാറാക്കുക.
Answer:
മഹാകവി വള്ളത്തോൾ ദിനാന്തസഞ്ചാരം എന്ന കവിതയിൽ വർണ്ണിക്കുന്നത് പോലെ തികച്ചും മായിക മായ ഒരു അനുഭൂതിയാണ് അസ്തമയസമയത്തെ മലനിരകൾ എന്നിൽ ഉണ്ടാക്കിയത്. കുന്നുകളുടെ ചിത്ര ങ്ങൾ പകർത്താൻ നേരിൽ പോയപ്പോൾ സൂര്യൻ അസ്തമിക്കാൻ ഒരുങ്ങുമ്പോൾ, മലമടക്കുകളുടെ മുക ളിലെ വൃക്ഷങ്ങൾ സൂര്യന്റെ അവസാനകിരണങ്ങളെ സ്വീകരിക്കുന്നു. ഇലകൾ സ്വർണ്ണനിറത്തിൽ തിളങ്ങു ന്നു, മരങ്ങളുടെ നിഴലുകൾ നീങ്ങി നീങ്ങി പോകുന്നു. മലഞ്ചെരിവുകളിൽ വൃക്ഷങ്ങൾ ഒരു ഇരുണ്ട പച്ച പരവതാനി വിരിക്കുന്നു. ഇലകൾക്കിടയിലൂടെ സൂര്യന്റെ കിരണങ്ങൾ ഒളിച്ചു കളിക്കുന്നു, നിറങ്ങൾ മാറി മാറി വരുന്നു. മഞ്ഞ, ഓറഞ്ച്, ചുവപ്പ്…ഓരോ നിറവും മലമുകളിലെ ഭൂപ്രകൃതിയെ ഒരു പുതിയ വെളിച്ച ത്തിൽ കാണിക്കുന്നു. മരങ്ങൾക്കിടയിലൂടെ വരുന്ന കാറ്റ് ഇലകളെ തഴുകി കടന്നുപോകുന്നു. മരങ്ങളുടെ ഇലകൾക്കിടയിലൂടെ ആകാശം കാണാം. ചുവന്ന ആകാശത്തിൽ വെളുത്ത മേഘങ്ങൾ പതുക്കെ നീങ്ങു ന്നു. മേഘങ്ങൾക്കിടയിലൂടെ വീഴുന്ന സൂര്യകിരണങ്ങൾ ഒരു മാന്ത്രിക വെളിച്ചം സൃഷ്ടിക്കുന്നു. സൂര്യന്റെ അസ്തമയം, മരങ്ങൾ, കാറ്റ്, പ്രകാശം എന്നിവയുടെ സംഗമം നമ്മെ ഒരു നിർമ്മല ലോകത്തേക്ക് കൊണ്ടു പോകുന്നു. ഈ മായിക അനുഭവം നമ്മുടെ ആത്മാവിനെ പുനരുജ്ജീവിപ്പിക്കുകയും, പ്രകൃതിയുടെ അത്ഭു തങ്ങളാൽ നമ്മെ വിസ്മയിപ്പിക്കുകയും ചെയ്യുന്നു.
ചിത്രം വരയ്ക്കാം
Question 1.
‘പ്രായേണ, പത്രങ്ങൾ നിറഞ്ഞു തിങ്ങി-
നിൽക്കുന്ന വല്ലീ തരുമണ്ഡലത്താൽ
പരക്കെ നൽപ്പച്ചനിറം പെടുന്നീ-
ക്കുന്നത്രയും കൺകുളിരേകിടുന്നു
വരികളിലെ ആശയം, മനോഹാരിത എന്നിവ തിരിച്ചറിഞ്ഞ് ‘പരക്കെ നൽപ്പച്ചനിറം’ തൂകി നിൽക്കുന്ന കുന്നിന്റെ ചിത്രം വരയ്ക്കുക.
Answer:
ആസ്വാദനക്കുറിപ്പ് തയ്യാറാക്കാം
Question 1.
മലയാളം കേൾക്കാൻ വായോ……
മലയാളം കേൾക്കാൻ വായോ
മാമലകൾ കാണാൻ വായോ
മഴപെയ്യും നേരം പുഴയുടെ
മയിലാട്ടം കാണാൻ വായോ
മഞ്ജുളമീ നാട്ടിൽ മാധവ-
കാലങ്ങൾ കാണാൻ വായോ
മനസ്സിന്റെ തീരത്തഴകിൽ
കാവ്യങ്ങൾ തീർക്കാൻ വായോ
പൊന്നോണക്കാലം വയലിൽ
കിന്നാരം പറയും കാറ്റിൽ
ഒന്നിച്ചു നടക്കാൻ വായോ
ഒന്നല്ലോ മാനവർ നമ്മൾ കുട്ടിക്കവിതകൾ
(സത്യചന്ദ്രൻ പൊയിൽക്കാവ്)
ഈ കവിത വിശകലനം ചെയ്ത് ആശയഭംഗി പ്രയോഗഭംഗി തുടങ്ങിയവ ഉൾപ്പെടുത്തി ആസ്വാദനക്കു റിപ്പ് തയ്യാറാക്കുക. നിങ്ങൾ തയ്യാറാക്കിയ കുറിപ്പ് സഹപാഠികളുടെ രചനകളുമായി ഒത്തുനോക്കി ചർച്ചചെയ്ത് അധ്യാപകരുടെ സഹായത്തോടെ മെച്ചപ്പെടുത്തുക.
Answer:
സത്യചന്ദ്രൻ പൊയിൽക്കാവിന്റെ കുട്ടിക്കവിതകളിലെ മലയാളം കേൾക്കാൻ വായോ എന്ന കവിതയിലെ വരികളാണിവിടെ നൽകിയിരിക്കുന്നത്. മലയാളം എന്നത് കൊണ്ട് കവി ഉദ്ദേശിക്കുന്നത് കേരളം തന്നെ യാണ്. കവി കേരളത്തിന്റെ മനോഹാരിത കാണുവാനും ആസ്വദിക്കാനും കവിതയിലൂടെ നമ്മെ ക്ഷണി ക്കുകയാണ്. മഴ പെയ്യുന്ന നേരത്തു പുഴയുടെ മയിലാട്ടം കാണാൻ വായോ എന്നാണ് കവി പറയുന്നത്. പുഴയുടെ മയിലാട്ടം എന്ന പ്രയോഗത്തിലൂടെ മഴ പെയ്യുന്ന കാഴ്ചയാണ് കവി അർഥമാക്കുന്നത്. പുഴ യിൽ മഴ പെയ്യുന്ന കാഴ്ച മനോഹരമാണ് വെളളത്തുള്ളികൾ പുഴയുടെ പ്രതലത്തിൽ പതിക്കുമ്പോൾ മയിലുകൾ നൃത്തം ചെയ്യുന്നത് പോലെ തോന്നും. പിന്നീട് കവി കേരളനാടിന്റെ മാധവകാലം കാണാൻ ഏവരെയും ക്ഷണിക്കുകയാണ്. മാധവകാലം എന്നത് കൊണ്ട് വൈശാഖ മാസം അല്ലെങ്കിൽ വസന്തകാ ലത്തെയാണ് സൂചിപ്പിക്കുന്നത്. പൊന്നോണ കാലത്ത്, വയലുകൾ കിന്നാരം പറയുന്ന നേരത്ത് മാനവ രെല്ലാം ഒത്തുചേരാനാണ് കവി ആവശ്യപ്പെടുന്നത്. ഒത്തൊരുമയുടെ പ്രതീകമായ ഓണത്തെക്കുറിച്ച് നമ്മെ ഓർമ്മിപ്പിക്കുകയാണ് കവി.
ആശയത്താലും പ്രയോഗഭംഗിയാലും ഏറെ സുന്ദരമായ ഈ കവിത ഒരുമയുടെ മഹത്തായ സന്ദേശം കൂടി നൽകുന്നു.
കൂടുതൽ ചോദ്യങ്ങളും ഉത്തരങ്ങളും
Question 1.
കവിതയ്ക്ക് ആസ്വാദനക്കുറിപ്പ് തയ്യാറാക്കാം.
Answer:
മഹാകവി വള്ളത്തോളിന്റെ മനോഹരമായ കവിതയാണ് സാഹിത്യമഞ്ജരി ഒന്നാം ഭാഗത്തിലെ 1913-ൽ എഴുതിയ ഒരു ദിനാന്ത സഞ്ചാരം’ പ്രകൃതിയിലെ മനോഹര കാഴ്ചകൾ കാവ്യാത്മകമായി ആവിഷ്കരി ക്കുന്നതിനുള്ള വള്ളത്തോളിന്റെ മികവിന് ഒരു ഉദാഹരണം കൂടിയാണീ കവിത. ഒരു ദിനാന്തത്തിലെ / വൈകുന്നേരത്തിലെ പ്രകൃതിദൃശത്തിലൂടെയുള്ള കവിയുടെ ഭാവനാസഞ്ചാരം ഏറെ ആഹ്ലാദകരവും അനുഭൂതികരവും ആയിരുന്നു എന്നതിന്റെ വാങ്മയാവിഷ്കാരമാണിത്.
അസ്തമയ സൂര്യന്റെ പൊൻകിരണങ്ങൾ ഏറ്റ് മനോഹരമായി ശോഭിക്കുന്ന സഹ്യപർവ്വതത്തിന്റെ ദൃശ്യ ചാരുത വാക്കുകൾ കൊണ്ട് കവി വരച്ചിരിക്കുന്നു. കവി കാഴ്ചയ്ക്ക് അനുഭൂതി പകർന്ന പലതരം ദൃശ്യങ്ങ ളിൽ ഒന്നാണ് സായം കാലകുന്നിന്റെ ദൃശ്യ ആകാശത്തിന്റെ കിഴക്കുഭാഗത്തായി പരന്നു കിടക്കുന്ന കുന്ന്, പതിയെ പതിയെ ചക്രവാളത്തിൽ മുട്ടുന്ന തരത്തിൽ പടുത്തുയർത്തിയ കോട്ടപോലെ അനുഭവപ്പെടുന്നു.
ആദ്യത്തെ കാഴ്ചയിൽ അകലെ പുകപോലെ തോന്നും. അടുക്കും തോറും മരങ്ങളും പൂവള്ളികളും മറ്റും ഓരോന്നായി ക്രമേണ ഭംഗിയിൽ വേർതിരിഞ്ഞു നിൽക്കുന്നു. എല്ലായിപ്പോഴും ഇലകൾ നിറഞ്ഞുതി ങ്ങിയ വള്ളികളാൽ ചുറ്റി നിൽക്കുന്ന പച്ചക്കുന്ന് കണ്ണുകൾക്ക് എത്രയും കുളിരേകിടുന്നു. പച്ചനിറത്തിനി ടയിൽ, വിദഗ്ധരായ ശില്പികൾ ചായപ്പണി ചെയ്തപോലെ ചുവന്ന മണ്ണും കാണുന്നു. രണ്ടിനും ഏറെ ഭംഗിയുണ്ട്. മരങ്ങളുടെ പച്ചിലകൾ തളിരുകൾ പൂക്കൾ, പുല്ല് എന്നിവയിലെല്ലാം പോക്കുവെയിൽ പതി ക്കുന്നു. അങ്ങനെ കുന്ന് വിചിത്രമായ നിറം പോലെ അനുഭവപ്പെടുന്നു. ചില ഭാഗം മറയ്ക്കാതെ ശൂന്യ മായും ചില ഭാഗം മേഘങ്ങളാൽ മറഞ്ഞും താഴ്ന്നും ഉയർന്നും പലതരത്തിൽ ശോഭിക്കുന്നു. ഇലകൾ ഇള കുന്നും. വൃക്ഷങ്ങളുടെയും വള്ളികളുടെയും ഇടയിലൂടെ ഇളംകറുപ്പ് കലർന്ന കിഴക്കൻ ചക്രവാളം കടലു പോലെ കാണപ്പെടുന്നു. ഒരു കുന്നിന്റെ വിവിധ രൂപഭാവത്തിലുള്ള ദൃശ്യഭംഗി ആവിഷ്കരിക്കുന്ന കവിത യാണിത്. കാഴ്ചയിൽ അനുഭവപ്പെടുന്നവ കൽപനാചാരുതയോടെ വള്ളത്തോൾ വരച്ചിടുന്നു. മേൽപ്പാട്ട് പടുത്തുയർത്തിയ കോട്ടപോലെ എന്നുള്ള സാദൃശ്യകൽപ്പന ഏറെ മനോഹരമാണ്. സഹ്യപർവതത്തിന്റെ ഉയരവും രൂപവൈവിധ്യവും മഹിമയും ആവിഷ്കരിക്കാൻ പോന്ന പ്രയോഗമാണിത്.
അതിവിദൂരക്കാഴ്ചയും, സമീപക്കാഴ്ചയും ഒക്കെ കവി വാക്കുകൾ കൊണ്ട് വരച്ചിരിക്കുന്നത് ഹൃദ്യമായി ട്ടാണ്. അകലെ കണ്ടപ്പോൾ പുകപോലെ തോന്നിയ കുന്ന് സമീപക്കാഴ്ചയിൽ മരങ്ങളും പൂവള്ളികളു മായി വേർതിരിയുന്നതായി കൽപ്പിച്ചിരിക്കുന്നു. വൃക്ഷങ്ങളാൽ നിറഞ്ഞ കുന്നുകളുടെ പച്ചപ്പേറുന്ന ഭംഗി അതീവമനോഹരമാണ്. പച്ചപ്പിനിടയിൽ കാണുന്ന ചുവന്ന മണ്ണിനെ ശില്പികളുടെ ചായപ്പണിയായി കൽപ്പിക്കുന്നതിലെ ചമൽക്കാരം ഹൃദ്യമാണ്. മരങ്ങളിലും വള്ളികളിലും തളിരുകളിലും പൂക്കളിലും പുല്ലു കളിലും പോക്കുവെയിൽ പതിക്കുമ്പോൾ ഉണ്ടാവുന്ന നിറഭേദഭംഗി സൂക്ഷ്മമായി നിരീക്ഷിച്ച് കവി രേഖ പ്പെടുത്തിയിരിക്കുന്നു
കുന്നിന്റെ മറ്റൊരു ദൃശ്യഭംഗി ചിത്രീകരിക്കുന്നത്, മറഞ്ഞു കാണുന്ന ഭാഗവും മറയാതെ കാണുന്ന ഭാഗവും ഉയർന്ന ഭാഗവും താഴ്ന്ന ഭാഗവും ഒക്കെ വരച്ചിട്ടുകൊണ്ടാണ്. കുന്നുകളുടെ ഘടന ഇങ്ങനെയാണ്. അത് ഓരോ വ്യക്തിക്കും വ്യത്യസ്തമായ കാഴ്ചയാണ് നൽകുന്നത്. ഇളകുന്ന ഇല ചാർത്തികൾക്കിടിയുടെ ഇളം കറുപ്പ് കലർന്ന ചക്രവാളത്തെ കാണുമ്പോൾ തിരയിളകുന്ന സമുദ്രത്തിന്റെ ഭംഗി ദർശിക്കാൻ കഴിയും എന്ന് കവി വർണിക്കുന്നു. ആകാശവും കടലും ഇളം കറുപ്പിനാൽ ശോഭിക്കുമ്പോൾ ഉണ്ടാവുന്ന ചലനാ ത്മകതയെ സൂചിപ്പിക്കാൻ ഇളകുന്ന പച്ചിലച്ചാർത്തുകളെ കവി കൂട്ടുപിടിച്ചിരിക്കുന്നു. ഒരു കുന്നിന്റെ ദൃശ്യ ഭംഗിയെ ചലനാത്മകമായി ഏറെ ജൈവീകമായി, സ്വാഭാവികമായി ചിത്രീകരിക്കുന്ന കാവ്യവൈഭവമാണ് ഈ കവിതയിലൂടെ കാണാൻ കഴിയുന്നത്
2. ശീർഷകത്തിന്റെ ഔചിത്യം
അസ്തമയ സൂര്യന്റെ പൊൻകിരണങ്ങൾ ഏറ്റ് മനോഹരമായി ശോഭിക്കുന്ന സഹ്യപർവ്വതത്തിന്റെ ദൃശ്യ ഭംഗിയെ ചലനാത്മകമായി ഏറെ ജൈവീകമായി സ്വാഭാവികമായി ചിത്രീകരിക്കുന്ന കാവ്യ വൈഭവമാണ് ഈ കവിതയിലൂടെ കാണാൻ കഴിയുന്നത്. ഒരു ദിനാന്ത്യത്തിലെ പ്രകൃതി ദൃശ്യത്തിലൂടെയുള്ള കവി യുടെ ഭാവനാ സഞ്ചാരം ഏറെ ആഹ്ലാദകരവും അനുഭൂതികരവും ആയിരുന്നു എന്നതിന്റെ വാങ്മയാവി ഷ്കാരമായ ഈ കവിതയ്ക്ക് ‘ഒരു ദിനാന്ത സഞ്ചാരം’ എന്ന ശീർഷകം ഏറെ ഉചിതമാണ്.