Students can use Class 7 Malayalam Kerala Padavali Question Answer and ഒരു ദിനാന്തസഞ്ചാരം Oru Dinantha Sancharam Summary in Malayalam to grasp the key points of a lengthy text.
Class 7 Malayalam Oru Dinantha Sancharam Summary
Oru Dinantha Sancharam Summary in Malayalam
ഒരു ദിനാന്തസഞ്ചാരം Summary in Malayalam
കവിയെ പരിചയപ്പെടാം
വള്ളത്തോൾ നാരായണമേനോൻ : മലയാളത്തിലെ മഹാകവിയും, കേരളകലാമണ്ഡലത്തിന്റെ സ്ഥാപകനു മാണ് വള്ളത്തോൾ നാരായണമേനോൻ. ആധുനിക മലയാള കവിത്രയത്തിൽ കാവ്യശൈലിയിലെ ശബ്ദ സൗന്ദര്യം കൊണ്ടും സർഗ്ഗാത്മകതകൊണ്ടും അനുഗൃഹീതനായ മഹാകവിയായിരുന്ന വള്ളത്തോൾ നാരായ ണമേനോൻ. മഹാത്മജിയുടെ ആദർശങ്ങളിൽ അടിയുറച്ചു വിശ്വസിക്കുകയും, ഗാന്ധിജിയെ ഗുരുനാഥനായി സ്വീകരിക്കുകയും ചെയ്തു. വിവർത്തനം കൊണ്ട് ‘കേരള വാല്മീകി’ യെന്നും കഥകളിയുടെ സമുദ്ധാരകൻ എന്നനിലയിൽ ‘കേരള ടാഗോർ’ എന്നും വള്ളത്തോൾ വിളിക്കപ്പെട്ടു. 1878 ഒക്ടോബർ 16-ന് മലപ്പുറം ജില്ല യിലെ തിരൂരിൽ ജനിച്ചു. സംസ്കൃത പഠനത്തിനുശേഷം കൈക്കുളങ്ങര രാമവാര്യരിൽ നിന്ന് തർക്കശാസ്ത്രം പഠിച്ചു.
1908 -ൽ ഒരു രോഗബാധയെ തുടർന്ന് ബധിരനായി. ഇതേത്തുടർന്നാണ് ‘ബധിരവിലാപം’ എന്ന കവിത അദ്ദേഹം രചിച്ചത്. വാല്മീകി രാമായണം, അഭിജ്ഞാനശാകുന്തളം, ഋഗ്വേദം, മാതംഗലീല, പദ്മപുരാണം, മാർക്കണ്ഡേയ പുരാണം, വാമനപുരാണം, മത്സ്യപുരാണം, ഊരുരംഗം, മധ്യമവ്യായോഗം, അഭിഷേക നാട കം, സ്വപ്ന വാസവദത്തം തുടങ്ങിയവ സംസ്കൃത കൃതികൾ അദ്ദേഹം മലയാളത്തിലേക്ക് വിവർത്തനം ചെയ്തിട്ടുണ്ട്. എന്റെ ഗുരുനാഥൻ, ബന്ധനസ്ഥനായ അനിരുദ്ധൻ, ഇന്ത്യയുടെ കരച്ചിൽ, ഗണപതി, കൊച്ചു സീത, അച്ഛനും മകളും, കാവ്യാമൃത ചിത്രയോഗം തുടങ്ങിയവ പ്രധാനകൃതികളാണ്. പത്മഭൂഷൺ, പത്മവിഭൂഷൺ, കവിതിലകൻ, തുടങ്ങിയ പുരസ്കാരങ്ങളും ലഭിച്ചിട്ടുണ്ട്.
1958 മാർച്ച് 13ന് 79-ാം വയസ്സിൽ അന്തരിച്ചു
കവിതയുടെ ആശയം
ക്രമേണ മേല്പോട്ടു പടുത്തു, ചക്ര
…………………………………………..
ന്നായി കമാൽ വേർതിരിയുന്നു ഭംഗ്യാ
അസ്തമയ സൂര്യന്റെ പൊൻകിരണങ്ങൾ ഏറ്റ് മനോഹരമായി ശോഭിക്കുന്ന സഹ്യപർവ്വതത്തിന്റെ ദൃശ്യചാരുത വാക്കുകൾ കൊണ്ട് കവി വരച്ചു കാണിക്കുന്നു. കവിയുടെ കാഴ്ചയ്ക്ക് അനുഭൂതി പകർന്നു പല തര ദൃശ്യങ്ങളിൽ ഒന്നാണ് സന്ധ്യാസമയത്തെ കുന്നിന്റെ ദൃശ്യം. ആകാശത്തിന്റെ കിഴക്കുഭാഗത്തായി പരന്നു കിടക്കുന്ന കുന്ന്, പതിയെ പതിയെ ചക്രവാളത്തിൽ മുട്ടുന്ന തരത്തിൽ പടുത്തുയർത്തിയ കോട്ടപോലെ അനു ഭവപ്പെടുന്നു. അകലെ നിന്നുള്ള ആദ്യത്തെ കാഴ്ചയിൽ അതൊരു പുകപോലെ തോന്നും. അടുക്കുംതോറും മരങ്ങളും പൂവള്ളികളും മറ്റും ഓരോന്നായി ക്രമേണ ഭംഗിയിൽ വ്യക്തമായി വേർതിരിഞ്ഞു കാണാൻ കഴി യുന്നു.
പ്രായേണ പത്രങ്ങൾ നിറഞ്ഞു തിങ്ങി-
……………………………………………….
രണ്ടിന്നുമേറെ പ്രഭ ചേരുമാറായ്
എല്ലായ്പ്പോഴും ഇലകൾ നിറഞ്ഞു തിങ്ങിയ വള്ളികളാൽ ചുറ്റി നിൽക്കുന്ന പച്ചക്കുന്നിന്റെ കാഴ്ച കണ്ണുകൾക്ക് ഏറെ കുളിർമ നൽകുന്നു. പച്ചനിറത്തിനിടയിൽ, വിദഗ്ധരായ ശിൽപികൾ ചായപ്പണി ചെയ്ത പോലെ ചുവന്ന മണ്ണും കാണുന്നു. ഇടകലർന്ന് കാണപ്പെടുന്ന ചുവന്ന നിറവും, പച്ചനിറവും ഒന്നിനൊന്നു സുന്ദരമാണ്. രണ്ടിനും ഏറെ ഭംഗിയാണ്.
മരങ്ങൾ തൻ പച്ചില, പല്ലവങ്ങൾ
………………………………………….
നാനാപ്രകാരം വിലമ്പുന്നു ശൈലം.
മരങ്ങളുടെ പച്ചിലകളും തളിരുകളിലും പൂക്കളിലും പുല്ലിലുമെല്ലാം സന്ധ്യാസമയത്തെ ഇളംവെയിൽ പതിക്കു ന്നു. അങ്ങനെ കുന്ന് വിചിത്രമായ നിറം നേടിയപോലെ അനുഭവപ്പെടുന്നു. ചില ഭാഗം മറയ്ക്കാതെ ശൂന്യ മായും ചില ഭാഗം മേഘങ്ങളാൽ മറഞ്ഞും ചിലയിടത്ത് താഴ്ന്നും മറ്റൊരിടത്ത് ഉയർന്നും പലതരത്തിൽ കുന്ന് ശോഭിക്കുന്നു.
പത്രങ്ങളൊട്ടൊട്ടിളകുന്ന വൃക്ഷം
…………………………………………..
കാണുന്നിതപ്പുറമൊഴിപോലെ
ഇലകൾ ഇളകുന്ന വൃക്ഷങ്ങളുടെയും വള്ളികളുടെയും ഇടയിലുള്ള ഇളം കറുപ്പ് കലർന്ന കിഴക്കൻ ചക്രവാളം കാണാം. അതൊരു കടലുപോലെ കാണപ്പെടുന്നതായി കവിക്ക് തോന്നുന്നു. സന്ധ്യാസമയത്തെ കുന്നിന്റെ വിവിധരൂപഭാവത്തിലുള്ള ദൃശ്യഭംഗി ആവിഷ്കരിക്കുന്ന മനോഹരമായ ഒരു കവിതയാണിത്.
പദപരിചയം
ചക്രവാളം – ആകാശവും ഭൂമിയും തമ്മിൽ തൊടുന്നതായി തോന്നുന്ന ഇടം
വല്ലി – വള്ളി
ഭംഗ്യാ – ഭംഗിയായി
ക്രമാൽ – ക്രമമായി
പ്രായേണ – മിക്കവാറും
തരു – വൃക്ഷം
പ്രഭ – ശോദ
പല്ലവം – തളിര്
വിചിത്രവർണ്ണം – ആശ്ചര്യകരമായ നിറപ്പകിട്ട്
അച്ഛാദനശൂന്യം – മറവില്ലാത്തത്, തുറസ്സയായത്
ശൈമം – കുന്ന്, പർവതം
അംബരം – ആകാശം
ആഴി – കടൽ, സമുദ്രം
മത – വള്ളി
നാനാപ്രകാരം – പലവിധത്തിൽ
മുകിൽ – മേഘം
ഗണം – കൂട്ടം
പോക്കുവെയിൽ – വൈകുന്നേരത്തെ വെയിൽ
ശില്പജ്ഞർ – ശില്പികൾ
പത്രങ്ങൾ – ഇലകൾ
പൂവല്ലി – പൂത്തുനില്ക്കുന്ന വള്ളിച്ചെടി
കാൺമാൻ – കാണുന്നതിന്
പര്യായം
കുന്ന് – അചലം, പർവതം
മരം – തരു, പാദപം
പത്രം – ഇല, ദലം
മുകിൽ – ജലദം, വാരിദം
അംബരം – ഗഗനം ആകാശം
ആഴി – കടൽ, സമുദ്രം
പിരിച്ചെഴുതുക
വർണത്തിനിടയ്ക്ക് – വർണത്തിന് + ഇടയ്ക്ക്
ഇളങ്കറുപ്പ് – ഇളം + കറുപ്പ്
കാണുന്നതിങ്ങേപ്പുറം – കാണുന്നതിന് + അങ്ങേപ്പുറം
അകലെപ്പരന്ന് – അകലെ + പരന്ന്
ദിക്കുയർന്ന് – ദിക്ക് + ഉയർന്ന്
വിഗ്രഹിച്ചെഴുതാം.
ചായപ്പണി – ചായം കൊണ്ടുള്ള പണി
ശില്പജ്ഞർ – ശില്പവിദ്യയിൽ ജ്ഞാനമുള്ളവർ
വിചിത്രവർണം – വിചിത്രമായ വർണം
വൃക്ഷലതാഗണം – വൃക്ഷങ്ങൾ, ലതകൾ ഇവയുടെ ഗുണം
അംബരാന്തം – അംബരത്തിന്റെ അന്തം