Practicing with Class 7 Malayalam Kerala Padavali Notes Pdf Unit 3 Chapter 9 പടക്കളത്തിലേക്ക് Padakkalathilekk Notes Questions and Answers Pdf improves language skills.
Padakkalathilekk Class 7 Notes Questions and Answers
Class 7 Malayalam Kerala Padavali Notes Unit 3 Chapter 9 Padakkalathilekk Question Answer
Class 7 Malayalam Padakkalathilekk Notes Question Answer
വായിക്കാം, കണ്ടെത്താം
Question 1.
വെള്ളക്കുതിരകളെ ഈ കാവ്യഭാഗത്ത് എങ്ങനെയാണ് വിശേഷിപ്പിച്ചിരിക്കുന്നത്?
Answer:
പൊന്നണിഞ്ഞാനകൾ മുൾത്തടി കൈക്കൊണ്ടു
പൊന്നിന്മലകൾ നടക്കുന്നതുപോലെ.
വെള്ളത്തിലെ തിര തള്ളുന്നതുപോലെ തുള്ളിക്കളിക്കുന്ന വെള്ളക്കുതിരകൾ
Question 2.
യുദ്ധസന്നാഹത്തെ എങ്ങനെയൊക്കെയാണ് വർണ്ണിച്ചിരിക്കുന്നത്?
Answer:
വൻകടൽ പോലെ പരന്നും ഹുങ്കാര ശബ്ദത്തോടെ നിരന്നും ആണ് ഭയാനകമാം വിധം യുദ്ധ ഭൂമി കാണുന്നത്
• കൗരവപ്പടയ്ക്ക് ദ്രോണർ നൽകുന്ന നിർദേശങ്ങൾ എന്തെല്ലാം?
Answer:
എല്ലാവരുമൊരുമിച്ചു നിന്നീടുവിന്റെ നല്ല ഗജങ്ങളെ മുമ്പിൽ നിർത്തീടുവിൻ വല്ലാതെ ധൂളിപ്പടയകറ്റീടുവിൻ വല്ലഭമുള്ളവരൊന്നിച്ചു കൂടുവിൻ.
ആവർത്തനഭംഗി ആസ്വദിക്കാം
Question 1.
“വെള്ളത്തിലെ തിര തള്ളുന്നതുപോലെ
തുള്ളിക്കളിക്കുന്ന വെള്ളക്കുതിരകൾ”
ആവർത്തിച്ചു വരുന്ന പദങ്ങളും അക്ഷരങ്ങളും ഈ വരികൾക്ക് എത്രത്തോളം സൗന്ദര്യം നൽകുന്നു ഇതുപോലെ ഈ കവിതാഭാഗത്ത് ആവർത്തനഭംഗി നൽകുന്ന പ്രയോഗങ്ങളുള്ള വരികൾ കണ്ടെത്തി
എഴുതുക.
Answer:
മുമ്പിൽ കളിക്കുന്ന കാലാൾപ്പടകളും വമ്പോടലറും പടഹവും ഭേരിയും.
വില്ലാളിവീരനാം ദ്രോണരതു കണ്ടു ‘നില്ലാ പട നമുക്കെന്നുറച്ചീടിനാൻ.
ചൊല്ലിനാൻ മറ്റുള്ളവരോടിതു കാൺക നല്ല വരവു ഭയങ്കരമെത്രയും
തത്സമയവിവരണം തയ്യാറാക്കാം
Question 1.
കുരുക്ഷേത്രയുദ്ധഭൂമിയിൽ നിങ്ങൾ വാർത്താറിപ്പോർട്ടർ ആയി എത്തിയിരിക്കുന്നു എന്ന് സങ്കല്പി ക്കുക. അവിടെ നടക്കുന്ന കാര്യങ്ങൾ തത്സമയം റിപ്പോർട്ട് ചെയ്യുന്ന രീതിയിൽ അവതരിപ്പിക്കുക.
Answer:
പ്രിയ സുഹൃത്തുക്കളെ നമ്മളോരോരുത്തരും ആവേശകരമായ ഒരു യുദ്ധപ്പോരാട്ടം കാണുവാനാണ് എത്തിയിരിക്കുന്നത്. ആരാണ് വിജയ കിരീടം അണിയുന്നത് എന്ന് നമുക്ക് നോക്കി കാണാം പ്രിയ സുഹൃത്തുക്കളെ. യുദ്ധഭൂമിയിൽ ഇതാ കാലാൾ പടകളും ആനയും തേരും അണി നിരക്കുകയാണ് പോന്നണിഞ്ഞെത്തിയ ആനകൾ പൊന്നിൻ മലകൾ നിരന്നു വരുന്നത് പോലെയും. വെള്ളത്തിൽ തിര തള്ളുന്നത് പോലെ മനോഹരമായി കുതിരകൾ ചലിക്കുകയും ചെയ്യുന്നത് യുദ്ധത്തിന്റെ തീവ്രതയെ ആണ് നമ്മിൽ നിറയ്ക്കുന്നത് പ്രിയപെട്ടവരെ .. ഇതിനിടയിൽ ഇതാകടന്നു വരുന്നു വൻ കടൽ ഇളകുന്നത് പോലെ ഭീകര ഹുങ്കാരവുമായി പടയാളികൾ .. യുദ്ധത്തിന്ന് മുന്നിൽ നേതൃത്വം കൊടുക്കുന്നത് ആരാണെന്നു നിങ്ങൾ നോക്കുക പ്രിയരേ..
യുദ്ധവിരുദ്ധറാലി സംഘടിപ്പിക്കാം
Question 1.
കുരുക്ഷേത്രയുദ്ധത്തെയാണ് എഴുത്തച്ഛൻ വർണ്ണിച്ചിരിക്കുന്നത്. മനുഷ്യരാശിക്ക് ഭീഷണി ഉയർത്തുന്ന യുദ്ധങ്ങൾ ഇന്നും നടക്കുന്നു. ഇതിനെതിരെ യുദ്ധവിരുദ്ധറാലി സംഘടിപ്പിക്കുക. ഇതിനായി പോസ്റ്റ റുകളും പ്ലക്കാർഡുകളും മുദ്രാഗീതങ്ങളും തയ്യാറാക്കുക. ക്ലാസ്/സ്കൂൾ തല നവമാധ്യമ ഗ്രൂപ്പുകളിൽ അവ പങ്കുവയ്ക്കുക.
Answer:
സവിശേഷതകൾ കണ്ടെത്താം
Question 1.
മുകളിൽ കൊടുത്തിരിക്കുന്ന കവിതാഭാഗങ്ങളും പാഠഭാഗവും മുൻനിർത്തി എഴുത്തച്ഛന്റെ കാവ്യഭാഷയുടെ സവിശേഷതകളെക്കുറിച്ച് കുറിപ്പ് തയ്യാറാക്കുക.
• “ഭർത്താവേ കണ്ടീലയോ കനകമയമൃഗ-
മെത്രയും ചിത്രം ചിത്രം രത്നഭൂഷിതമിദം
പേടിയില്ലിതിനേതുമെത്രയുമടുത്തുവ-
ന്നീടുന്നു മെരുക്കമുണ്ടെത്രയുമെന്നുതോന്നും”
(അധ്യാത്മരാമായണം)
• “നല്ല മരതകക്കല്ലിനോടൊത്തൊരു
കല്യാണരൂപൻ കുമാരൻ മനോഹരൻ
ചൊല്ലെഴുമർജുനൻ തന്റെ തിരുമകൻ
വല്ലവീ വല്ലഭാ! നിന്റെ മരുമകൻ
(മഹാഭാരതം കിളിപ്പാട്ട്)
Answer:
താൻ ജീവിച്ചിരുന്ന സമൂഹത്തെ അപചയത്തിൽ നിന്ന് രക്ഷിക്കാനായി എഴുത്തച്ഛൻ രാമായണം കിളിപ്പാട്ട് രചിച്ചു. ഈ കൃതിയിലൂടെ രാമൻ എന്ന ഒരു രക്ഷകബിംബത്തെ എഴുത്തച്ഛൻ അവതരിപ്പിച്ചു.
ഭോഗലാലസതയിൽ വീണുപോയ സമൂഹത്തിനു ഭക്തിയിലൂടെ മാത്രമേ കരേറാനാവൂ എന്ന് അദ്ദേഹം വിശ്വസിച്ചു. അതിനാൽ വാൽമീകി രാമായണമല്ല, രാമനെ ഈശ്വരനാക്കി ചിത്രീകരിക്കുന്ന സംസ്കൃതത്തിലെ അദ്ധ്യാത്മരാമായണമാണ് അദ്ദേഹം കിളിപ്പാട്ടുരൂപത്തിൽ വിവർത്തനം ചെയ്തത്.
ധീരമായ ഒരു ശ്രമമായിരുന്നു അദ്ദേഹത്തിന്റേത്.ഭക്തിരസപ്രധാനമായ പ്രമേയത്തിന്റെ കാര്യത്തിൽ പാട്ട് ശാഖയെയാണദ്ദേഹം പിന്തുടർന്നത്. എന്നാൽ ഭാഷയുടെ കാര്യത്തിൽ സംസ്കൃതം കലർന്ന മണിപ്രവാള ശാഖയെ പിന്തുടർന്നു എഴുത്തച്ഛൻ.
പാട്ട് ശാഖയിലെ ഭക്തിക്ക് ഒരു മണിപ്രവാളഭാഷാ ശരീരം നൽകി എഴുത്തച്ഛൻ എന്ന് ചുരുക്കം. ഇത് വലിയൊരു വിപ്ലവമായിരുന്നു. പാട്ടിലെ ദ്രാവിഡ പാരമ്പര്യത്തെ (ഈണത്തിലും ഭാഷയിലും) വിടാതെ തന്നെ പ്രൗഢമായ മണിപ്രവാളഭാഷയുടെ സാദ്ധ്യതകൾ അദ്ദേഹം കാവ്യരചനക്ക് പ്രയോജനപ്പെടുത്തി. അങ്ങനെ ഏത് രസത്തെയും ഏത് ഭാവത്തെയും ആവിഷ്കരിക്കാൻ പര്യാപ്തമായ ഒരു കാവ്യഭാഷ എഴു ത്തച്ഛൻ അവതരിപ്പിച്ചു. ഇതിനാലാണ് അദ്ദേഹത്തെ ‘ഭാഷാപിതാവ്’ എന്ന് വിളിക്കുന്നത്. യഥാർത്ഥത്തിൽ ഭാഷയുടെ പിതാവല്ല പുതിയൊരു കാവ്യഭാഷയുടെ പിതാവാണ് അദ്ദേഹം.
ഉപന്യാസം എഴുതാം
Question 1.
‘മാതൃഭാഷയുടെ പ്രാധാന്യം’ എന്ന വിഷയത്തിൽ ലഘു ഉപന്യാസം തയ്യാറാക്കുക. ഈ യൂണിറ്റിലെ പാഠഭാഗങ്ങളിലെ ആശയങ്ങൾ കൂടി പ്രയോജനപ്പെടുത്തേണ്ടതാണ്.?
Answer:
മാതൃഭാഷ എന്നത് അമ്മയെ പോലെയാണ്. മനുഷ്യന് സ്വന്തം ഭാഷയാണ് പെറ്റമ്മ. മറ്റുള്ള ഭാഷകൾ കേവലം തൊഴില് മാത്രമാണ്. അവനവനുടെ സങ്കടവും, സന്തോഷവും, ദേഷ്യവും എല്ലാം പറഞ്ഞറിയിക്കാൻ മാത്യഭാഷയിലൂടെ സാധിക്കുമെന്നതിന് യാതൊരു സംശയവുമില്ല.
മാതൃഭാഷയെ വെറുക്കുന്ന ഇക്കാലത്ത് മലയാളം എന്ന കേരളീയരുടെ മാതൃഭാഷ നാട്ടിൻപുറത്തുകാര് സംസാരിക്കുന്ന ഒന്നായി മാറിക്കൊണ്ടിരിക്കുന്നു. ഉയർന്ന വിദ്യാഭ്യാസം മാത്രം നേടി വിദേശത്ത് പേകുന്നവരും, പോയി വന്നവരുമൊക്കെ തങ്ങളുടെ മാത്യഭാഷയായ മലയാളത്തിനെ മറന്ന് ഇംഗ്ലീഷ് സംസാരിക്കാൻ തയ്യാറാവുന്നു. മലയാളം പറയുന്നത് ഒരു കുറച്ചിലായും മലയാളം സംസാരിക്കുന്നവരോട് അവജ്ഞയുമൊക്കെ ഇക്കൂട്ടർക്ക് തോന്നുന്നു. പക്ഷേ മാതൃഭാഷ മുലപ്പാലിനൊപ്പം പകർന്നതാണെന്നും അതിനെ മറക്കുന്നത് ഊട്ടിവളർത്തിയ അമ്മയെ മറക്കുന്നതിന് തുല്യമാണെന്നും മാതൃഭാഷയെ നിന്ദിക്കുന്നത് അമ്മയെ നിന്ദിക്കുന്നതിന് തുല്യമാണെന്നും ഇവർ മനസ്സിലാക്കുന്നില്ല.
അങ്ങനെയൊക്കെയാണെങ്കിലും നമ്മുടെ സമൂഹത്തിൽ മാത്യഭാഷയ്ക്ക് പ്രാധാന്യം കൊടുക്കുന്നവരും ഉണ്ട്. മാതൃഭാഷയെ മറക്കാനുള്ളതല്ലെന്നും അത് സംസാരിച്ച് അടുത്ത തലമുറക്ക് കൈമാറേണ്ട ഒന്നാണെന്നും ഉള്ളത് ഏവർക്കും അറിയുന്ന കാര്യമാണ്. പക്ഷേ അത് അറിയാമായിട്ടും മാത്യഭാഷ നിന്ദിക്കുന്നവരുടെ സ്വഭാവം ഒന്നു വേറേ തന്നെയാണ്. പക്ഷേ അവരെക്കാൾ കൂടുതൽ മാത്യഭാഷയെ സ്നേഹിക്കുന്നവരും ഉണ്ട്. അങ്ങനെ മാതൃഭാഷയെ കഴിയുന്നതും പരിഘോഷിക്കുവാൻ എല്ലാവരും തയ്യാറാകണം. മാതൃഭാഷ അനശ്വരമായ ഒന്നായി നിലകൊള്ളണം.
ഭാഷോത്സവം സംഘടിപ്പിക്കാം
Question 1.
ക്ലാസ്സിൽ ചെയ്യുന്ന മികച്ച പ്രവർത്തനങ്ങളും മറ്റും കൂട്ടിച്ചേർത്തും പങ്കു വെച്ചും ഭാഷോത്സവം നടത്തുക.
ഭാഷോത്സവത്തിന് ഓൺലൈൻ സാധ്യതകൾ കൂടി പ്രയോജനപ്പെടുത്തുക.
Answer:
മുകളിൽ പറഞ്ഞ സൂചനകൾ ഉൾക്കൊള്ളിച്ച് ഭാഷോത്സവം പതിപ്പ് തയ്യാറാക്കി ക്ലാസ്സിൽ അവതരിപ്പി ക്കണേ കൂട്ടുകാരേ…
ഓർത്തിരിക്കാൻ
- മലയാള ഭാഷയുടെ പിതാവ് എന്ന് അറിയപ്പെടുന്നത് എഴുത്തച്ഛൻ ആണ്.
- മഹാഭാരതം കിളിപ്പാട്ട് എഴുത്തച്ഛന്റെ കൃതിയാണ്, കിളിയെ കൊണ്ട് കഥ പറയിക്കുന്ന രീതിയാണ് ഇത്.
- മഹാഭാരതത്തെ പല പർവങ്ങൾ ആയാണ് തിരിച്ചിരിക്കുന്നത്.
- യുദ്ധ പർവ്വത്തിലെ വരികളാണ് ഇത്.