Practicing with Class 7 Malayalam Kerala Padavali Notes Pdf Unit 2 Chapter 4 പ്രപഞ്ചം മുഴുവൻ പൂമ്പാറ്റകൾ Prapancham Muzhuvan Poombattakal Notes Questions and Answers Pdf improves language skills.
Prapancham Muzhuvan Poombattakal Class 7 Notes Questions and Answers
Class 7 Malayalam Kerala Padavali Notes Unit 2 Chapter 4 Prapancham Muzhuvan Poombattakal Question Answer
Class 7 Malayalam Prapancham Muzhuvan Poombattakal Notes Question Answer
വായിക്കാം, പറയാം
Question 1.
ഈ പാഠഭാഗത്ത് നിങ്ങളെ ആകർഷിച്ച മനോഹര ദൃശ്യങ്ങൾ എതെല്ലാമാണ്?
Answer:
ഷോളയാർ പുഴയോരത്തെ മഴക്കാടിന്റെ ഹൃദയഭാഗത്ത് ലക്ഷക്കണക്കിന് പൂമ്പാറ്റകൾ പറന്നുയരുന്ന അതി മനോഹരമായ കാഴ്ചയാണ് ലേഖനത്തിൽ വിവരിച്ചിരിക്കുന്നത്. ആദ്യം ഉണങ്ങിയ ഇലകളെന്ന് തെറ്റിദ്ധ രിച്ച കാഴ്ച പൂമ്പാറ്റകളുടെ സാന്നിധ്യം മനസ്സിലാക്കിയതോടെ അത്ഭുതകരമായ ഒരു കാഴ്ചയായി മാറു ന്നു. ലക്ഷക്കണക്കിന് പൂമ്പാറ്റകൾ ഒന്നിച്ച് പറന്നുയരുന്ന കാഴ്ചയും, ഇലച്ചാർത്തുകൾക്കിടയിലൂടെ അരി ച്ചിറങ്ങുന്ന പുലരിയിലെ സൂര്യപ്രകാശം മഴക്കാടിനെയും പൂമ്പാറ്റകളെയും പ്രകാശപൂരിതമാക്കുന്നതും, ‘പൂമ്പാറ്റക്കൂട്ടം ചിറകുവിരിച്ച് നൃത്തം ചെയ്യുന്നതും എല്ലാം നമ്മെ ആകർഷിക്കുന്ന മനോഹരമായ ദൃശ്യങ്ങ ളാണ്.
Question 2.
ഷോളയാർ പുഴയോരത്തെത്തിയ യാത്രികനെയും സുഹൃത്തുക്കളെയും പരിഭ്രാന്തരാക്കിയ കാഴ്ച എന്ത്?
Answer:
ഷോളയാർ പുഴയോരത്തെത്തിയ യാത്രികനെയും സുഹൃത്തുക്കളെയും പരിഭ്രാന്തരാക്കിയ കാഴ്ച മരങ്ങ ളിലെ ഇലകളെല്ലാം ഉണങ്ങി നിൽക്കുന്നതായിരുന്നു. കാട്ടുതീ വന്നതാണോ എന്നായിരുന്നു അവരുടെ ആദ്യ സംശയം. ഇലകളെല്ലാം ഉണങ്ങി നിൽക്കുന്നതായി തോന്നാൻ കാരണം, ലക്ഷക്കണക്കിന് പൂമ്പാ റ്റകൾ അവയിൽ പറ്റിപ്പിടിച്ചിരുന്നതാണ്.
Question 3.
“അന്നാദ്യമായി ആ അത്ഭുനാദം ഞാൻ കേട്ടു.” ഇവിടെ അത്ഭുതനാദം എന്നു വിശേഷിപ്പിച്ചത് എന്തി നെയാണ്?
Answer:
ഷോളയാർ പുഴയോരത്തെ മഴക്കാടിന്റെ ഹൃദയഭാഗത്ത് ലക്ഷക്കണക്കിന് പൂമ്പാറ്റകൾ ഒന്നിച്ചു പറന്നുയ രുമ്പോൾ ഉണ്ടാകുന്ന ചിറകടി ശബ്ദത്തെയാണ് ഇവിടെ അത്ഭുതനാദം എന്ന് വിശേഷിപ്പിച്ചിരിക്കുന്നത്.
കണ്ടെത്താം എഴുതാം
Question 1.
തീയ്ക്ക് മാറിനിൽക്കാനെ കഴിയൂ ഈ ഹരിത സാമ്രാജ്യത്തിൽ എന്നു പറഞ്ഞതെന്തുകൊണ്ടാകാം?
Answer:
മഴക്കാടുകളിൽ സാധാരണയായി തീപിടിത്തമുണ്ടാകാറില്ല. അതിനു പ്രധാന കാരണം അവിടെ എപ്പോഴും ഈർപ്പം നിറഞ്ഞ അന്തരീക്ഷമായിരിക്കും എന്നതാണ്. മഴക്കാടുകളിലെ മരങ്ങൾ ഇടതൂർന്ന ഇലച്ചാർത്തു കളാൽ സമ്പന്നമായിരിക്കും. ഇവ സൂര്യപ്രകാശത്തെ തടഞ്ഞുനിർത്തുന്നതിനാൽ തറയിൽ ഉണങ്ങിയ ഇലകൾ ഉണ്ടാകാനുള്ള സാധ്യത കുറവാണ്. എല്ലായിടത്തും ജലത്തിന്റെ സാന്നിധ്യമുള്ളതിനാലും, തീപി ടിത്തത്തിന് ആവശ്യമായ ഉണങ്ങിയ ഇലകൾ ഇല്ലാത്തതിനാലും മഴക്കാടുകൾക്ക് തീയെ പ്രതിരോധി ക്കാൻ കഴിയും.
Question 2.
ഷോളയാർ വനങ്ങളിലെ മരങ്ങളായ മരങ്ങളിലെ ഇലകളൊക്കെ ഉണങ്ങി നിൽക്കുന്നുവെന്ന് തോന്നിച്ച അത്ഭുത പ്രതിഭാസം എന്തായിരുന്നു?
Answer:
ഷോളയാർ വനങ്ങളിലെ മരങ്ങളിലെ ഇലകൾ ഉണങ്ങി നിൽക്കുന്നതായി തോന്നാൻ കാരണം. ലക്ഷക്ക ണക്കിന് പൂമ്പാറ്റകൾ അവയിൽ പറ്റിപ്പിടിച്ചിരുന്നതാണ്. കോമൺകോ, പ്ലെയിൻ ടൈഗർ എന്നീ ഇനങ്ങ ളിൽപെട്ട ഈ പൂമ്പാറ്റകൾ ചിറകുകൾ പൂട്ടിയാൽ ഉണങ്ങിയ ഇലകളുടെ നിറമായി തോന്നും. ഇലകളുടെ പച്ചനിറം മറച്ചുകൊണ്ട് അവ വൃക്ഷങ്ങളിലും ചെടികളിലുമൊക്കെ പറ്റിപിടിച്ചിരിക്കുന്ന കാഴ്ചയാണ് അത്ഭു പ്രതിഭാസമായി ലേഖകന് തോന്നുന്നത്.
Question 3.
യാത്രികനും കൂട്ടുകാരും പൂമ്പാറ്റകളുടെ വലയത്തിൽപ്പെട്ട കുഞ്ഞുങ്ങളായി മാറി എന്നു തോന്നിയതെപ്പോൾ?
Answer:
ഷോളയാർ പുഴയോരത്തെ മഴക്കാടിന്റെ ഹൃദയഭാഗത്ത്, എന്നതിയതാണ് ലേഖകനും കൂട്ടുകാരും. അവി ടെവച്ച് ലക്ഷക്കണക്കിന് പൂമ്പാറ്റകൾ പറന്നുയരുന്ന അത്ഭുതക്കാഴ്ച അവർ കണ്ടു. അന്നാദ്യമായി അവ രുടെ ചിറകടിയുടെ അത്ഭുതനാദം കേട്ടപ്പോൾ, അവയ്ക്കിടയിൽ സ്വയം മറന്ന് എല്ലാ ചിന്തകളെയും വിട്ട്, ആ സ്വപ്നലോകത്തിൽപ്പെട്ട് അവർ നിന്ന് പോകുന്നു. കണ്ണുകളിൽ വിടർന്ന കൗതുകവും അദ്ഭുതവു കൊണ്ട് തങ്ങൾ പൂമ്പാറ്റകളുടെ വലയിൽപ്പെട്ട് കുഞ്ഞുങ്ങളായി മാറി എന്ന് യാത്രികനും കൂട്ടുകാർക്കും തോന്നുന്നു.
പ്രയോഗഭംഗി കണ്ടെത്താം
Question 1.
പ്രഭാതം വിളിച്ചറിയിച്ചുകൊണ്ടെത്തുന്ന സൂര്യന്റെ സ്വർണ്ണനിറമുള്ള വെളിച്ചത്തെയാണ് പുലരി വെയി ലിന്റെ സ്വർണ്ണക്കീറുകൾ എന്നു പാഠഭാഗം പ്രയോഗങ്ങൾ പാഠഭാഗത്തു നിന്നും കണ്ടെത്തി വിശദീക രിക്കുക.
Answer:
പ്രയോഗഭംഗി / സവിശേഷ പ്രയോഗങ്ങൾ
വ്യത്യസ്താർഥമുള്ള രണ്ടോ അതിലധികമോ പദങ്ങൾ കൂട്ടിച്ചേർക്കുമ്പോൾ വാച്യാർഥത്തിന് ഉപരിയായ സവിശേഷമായ ഒരർഥലം / ഭാവതലം ഉണ്ടാക്കുവാൻ ശേഷിയുള്ള പ്രയോഗങ്ങളാണ് സവിശേഷ പ്രയോ ഗങ്ങൾ. അത്തരം പ്രയോഗങ്ങൾ ഭാഷയ്ക്ക് അഴകും ആഴവും നൽകുന്നു. അവയിലൂടെ സൗന്ദര്യാനുഭൂ തിയും ആസ്വാദകതയും സൃഷ്ടിക്കുക എന്നതാണ് ലക്ഷ്യം.
പുലരിവെയിലിന്റെ സ്വർണ്ണക്കീറുകൾ
പ്രഭാതം വിളിച്ചറിയിച്ചു കൊണ്ടെത്തുന്ന സൂര്യന്റെ സ്വർണ്ണനിറമുള്ള വെളിച്ചത്തെയാണ് ഈ പ്രയോഗം കൊണ്ട് അവതരിപ്പിച്ചിരിക്കുന്നത്. സ്വർണ്ണത്തിന്റെ തിളക്കവും നിറവുമുള്ള സ്വർണ്ണത്തിന്റെ കീറായി കല്പി ച്ചിരിക്കുന്നത് ഇതിനാലാണ്.
ഇരുളടഞ്ഞ മഴക്കാട്
ഇരുട്ട് നിറഞ്ഞ മഴക്കാട്. സൂര്യപ്രകാശം അധികം കടന്നുചെല്ലാത്ത വിധം ഇടതൂർന്ന് നിൽക്കുന്ന മര ങ്ങളും വള്ളികളും നിറഞ്ഞതാണ് മഴക്കാടുകൾ. മരങ്ങളുടെ ഇലച്ചാർത്തുകൾ സൂര്യപ്രകാശത്തെ മറ യ്ക്കുന്നതിനാൽ മഴക്കാടുകൾക്ക് ഇരുണ്ട അന്തരീക്ഷം നൽകുന്നു.
ചിറകുകളുടെ മൃദുമന്ത്രണം
പൂമ്പാറ്റകളുടെ ചിറകുകൾ പറക്കുമ്പോൾ ഉണ്ടാക്കുന്ന ശബ്ദത്തെയാണ് മൃദുമന്ത്രണം എന്ന് വിശേഷിപ്പി ക്കുന്നത് മന്ത്രങ്ങൾപോലെ മനോഹരവും മാസ്കരികവുമായ ശബ്ദമാണ് പൂമ്പാറ്റകളുടെ ചിറകുകളുടേത് എന്നാണ് ഈ പ്രയോഗം കൊണ്ട് അർത്ഥമാക്കുന്നത്.
ഈർപ്പമാർന്ന മണ്ണടരുകൾ
ഈർപ്പം നിറഞ്ഞ മണ്ണിന്റെ പാളികൾ. മഴക്കാടുകളിൽ മഴവെള്ളം ഭൂമിയിലേക്ക് ആഴത്തിൽ ഇറങ്ങുന്നത് തടസ്സം നിൽക്കുന്ന നിരവധി ഘടകങ്ങളുണ്ട്. ഇലകൾ, വേരുകൾ, മണ്ണിരകൾ എന്നിവ ഈർപ്പം നില നിർത്താൻ സഹായിക്കുന്നു. ഇങ്ങനെ ഈർപ്പം നിറഞ്ഞ മണ്ണിന്റെ പാളികളെയാണ് ഈ പ്രയോഗം കൊണ്ട് ഉദ്ദേശിക്കുന്നത്.
ലക്ഷക്കണക്കിന് പൂമ്പാറ്റകൾ മറ്റുജീവികൾക്ക് ഭക്ഷണമായി മാറുന്നതിനാൽ ഉണ്ടാവുന്ന ഭക്ഷണത്തിന്റെ സമൃദ്ധിയെ ഇത് സൂചിപ്പിക്കുന്നു. പൂമ്പാറ്റകൾ പൂക്കളിൽ നിന്ന് തേൻ നുകരുന്നതിനാൽ അവ ധാരാള മായി ഉണ്ടാകുന്നത് ചെറുപ്രാണികൾക്കും പക്ഷികൾക്കും ഭക്ഷണത്തിന്റെ സമൃദ്ധി ഉണ്ടാക്കുന്നു.
പൂമ്പൊടികൾ കൊണ്ടെന്ന് തഴുകി
പൂമ്പാറ്റകളുടെ ചിറകുകളിൽ പറ്റിപ്പിടിച്ചിരിക്കുന്ന പൂമ്പൊടികൾ ശരീരത്തിൽ പതിയുന്നതിനെയാണ് തഴു കൽ എന്ന വാക്കുകൊണ്ട് ഉപമിച്ചിരിക്കുന്നത്. പൂമ്പാറ്റകൾ പൂക്കളിൽ നിന്ന് തേൻ നുകരുമ്പോൾ ശരീര ത്തിൽ പൂമ്പൊടികൾ പറ്റിപ്പിടിക്കുന്നു. അവ പറന്നു നടക്കുമ്പോൾ ഈ പൂമ്പൊടികൾ ചുറ്റും വ്യാപിക്കു കയും മറ്റുള്ളവരുടെ ശരീരത്തിൽ പതിക്കുകയും ചെയ്യുന്നു. ഈ പ്രക്രിയയെയാണ് ഇവിടെ തഴുകൽ എന്ന് വിശേഷിപ്പിക്കുന്നത്.
ഇടശ്ശബ്ദം ചേർത്തും ചേർക്കാതെയും
Question 1.
| കാതിൽ വീണ്ടും ചിറകുകളുടെ മൃദുവായ മന്ത്രണം | കാതിൽ വീണ്ടും ചിറകുകളുടെ മൃദുമന്ത്രണം |
| മഴക്കാടിന്റെ ഹൃദയത്തിന്റെ ഭാഗത്തായിരിക്കണം | മഴക്കാടിന്റെ ഹൃദയഭാഗത്തായിരിക്കണം |
ഇപ്രകാരം പദങ്ങൾ ഇടശ്ശബ്ദം ചേർത്തും ചേർക്കാതെയും എഴുതിയപ്പോൾ പ്രയോഗത്തിൽ ഉണ്ടായ സവിശേഷതകൾ ചർച്ച ചെയ്യുക.
Answer:
രണ്ട് പദങ്ങളെ കൂട്ടിച്ചേർക്കുമ്പോൾ അർത്ഥം കിട്ടാൻ വേണ്ടി പദങ്ങൾക്കിടയിൽ ചേർക്കുന്ന ശബ്ദങ്ങൾ ആണ് ഇടശബ്ദം. സാധാരണ പ്രത്യയരൂപത്തിലുള്ളവയാണ് ചേർക്കുന്നത്. ഇടരൂപങ്ങൾ എന്നും പറയാം. എന്നാൽ ചില ഘട്ടങ്ങളിൽ പ്രത്യയങ്ങളല്ലാത്ത ശബ്ദങ്ങളും ചേർക്കും.
ഉദാ – ആയ, കൊണ്ടുള്ള, ആകുന്ന ഇടശബ്ദങ്ങൾ ചേർക്കുമ്പോൾ വരികൾക്ക് ഒരു താളബന്ധതയും സംഗീതവും അനുഭവപ്പെടുന്നു. ഉദാഹരണത്തിന്, ‘മൃദുവായ മന്ത്രണം’ എന്നതിനേക്കാൾ ‘മൃദുമന്ത്രണം എന്നത് കൂടുതൽ സംഗീതാത്മകമായി തോന്നുന്നു. ചിലപ്പോൾ, ഇടശബ്ദങ്ങൾ വാക്കുകളുടെ അർത്ഥ ത്തിൽ സൂക്ഷ്മമായ വ്യത്യാസങ്ങൾ സൃഷ്ടിച്ചേക്കാം. ഉദാഹരണത്തിന്, ഹൃദയത്തിന്റെ ഭാഗം എന്നത് ഹൃദയത്തിന്റെ ഒരു പ്രത്യേക ഭാഗത്തെ അർഥം കൂടി വരുമ്പോൾ ‘ഹൃദയഭാഗം’ എന്നത് ഹൃദയത്തോട് അടുത്തുള്ള ഒന്നിനെ സൂചിപ്പിക്കുന്നു. ഏത് രൂപമാണ് ഉപയോഗിക്കേണ്ടത് എന്നത് പലപ്പോഴും സന്ദർഭത്തെ ആശ്രയിച്ചിരിക്കുന്നു. കവിതയിലും മറ്റ് സാഹിത്യരൂപങ്ങളിലും താളബന്ധതയ്ക്ക് പ്രാധാന്യം നൽകുന്ന തിനാൽ ഇടശബ്ദങ്ങൾ കൂടുതലായി ഉപയോഗിക്കുന്നു.
വിശകലനം ചെയ്യാം
Question 1.
‘പൂമ്പാറ്റകളൊക്കെ കാറ്റിന് എന്നെ വിട്ടുകൊടുക്കാതെ വന്നു പൊതിഞ്ഞുനിന്നു’ ഈ വാക്യം കൊണ്ട് എഴുത്തുകാരൻ അർഥമാക്കുന്നതെന്താകാം? വിശകലനം ചെയ്ത് കുറിപ്പെഴുതുക.
Answer:
ഷോളയാർ പുഴയോരത്തെ മഴക്കാടിന്റെ ഹൃദയഭാഗത്ത് എത്തിയതാണ് ലേഖകനും കൂട്ടുകാരും. അവിടെ വച്ച് ലക്ഷക്കണക്കിന് പൂമ്പാറ്റകൾ പറന്നുയരുന്ന അദ്ഭുതക്കാഴ്ച കണ്ടപ്പോൾ അവ തനിക്കു ചുറ്റും ശരീ രത്തിൽ തൊട്ടുരുമ്മിക്കൊണ്ട് പറന്നു നടന്നപ്പോൾ ലേഖകനുണ്ടായ അനുഭൂതിയാണ് ഈ വാക്യത്തിന്റെ കാതൽ. പൂമ്പാറ്റകളുടെ ആധിക്യം കാരണം കാറ്റിനു പോലും തന്റെ അടുത്തെത്താൻ കഴിയുന്നില്ല എന്ന ദ്ദേഹത്തിനു തോന്നുന്നു. പ്രകൃതിയുടെ ഊഷ്മളത മനോഹാരിത എന്നിവ പൂമ്പാറ്റകളിലൂടെ അദ്ദേഹം അനുഭവച്ചറിയുന്നു.
മേൽപ്പറഞ്ഞതിനു പുറമെ ആഴത്തിലുള്ള മറ്റ് അർത്ഥതലങ്ങളും ഈ വാക്യത്തിനുണ്ട്. പൂമ്പാറ്റകൾ കാറ്റി നെതിരെ ഒരു കവചം തീർക്കുന്നത്, പ്രകൃതി മനുഷ്യനെ എങ്ങനെ സംരക്ഷിക്കുന്നു എന്നതിന്റെ ഒരു പ്രതീകമാണ് പൂമ്പാറ്റകൾ പൊതിഞ്ഞു നിൽക്കുന്നത് ഒരു അമ്മ കുഞ്ഞിനെ കെട്ടിപ്പിടിക്കുന്നതുപോലെ യാണ്. പ്രകൃതിയുടെ നിരുപാധിക സ്നേഹത്തെ, അതിന്റെ ഊഷ്മളമായ ആലിംഗനത്തെ ഇത് അടയാള പ്പെടുത്തുന്നു. ഒറ്റയക്കല്ല, പ്രകൃതിയുടെ ഭാഗമാണ് താൻ എന്ന തോന്നലാണ് എഴുത്തുകാരന് പൂമ്പാറ്റകൾ സമ്മാനിച്ചത്
നിരീക്ഷിക്കാം വർണ്ണിക്കാം.
Question 1.
ഇലകളുടെ പച്ചനിറം മറച്ചുകൊണ്ട് മരങ്ങളായ മരങ്ങൾ നിറയെ പറ്റിപ്പിടിച്ചിരുന്ന പൂമ്പാറ്റകളുടെ കാഴ്ച പാഠഭാഗത്ത് അവതരിപ്പിച്ചതു കണ്ടല്ലോ. നമ്മുടെ ചുറ്റും ഇതുപോലെ ധാരാളം ചെറുജീവികൾ ഭംഗികൾ കാഴ്ചകളൊരുക്കുന്നുണ്ട്. അവ നിരീക്ഷിച്ച് വർണ്ണന തയ്യാറാക്കുക.
Answer:
തുമ്പികളുടെ നീലക്കടൽ
എന്റെ വീടിനു പിറകിൽ ഒരു കുളമുണ്ട്. മഴക്കാലത്ത് മീനുകളും കൊറ്റികളും കളക്കോഴികളും അവരുടെ സാമ്രാജ്യമാകുന്ന കുളത്തിൽ വേനൽക്കാലമാകുന്നതോടെ മറ്റൊരു കൂട്ടർ കൂടി വന്നെത്തുന്നു. വെയി ലിന്റെ ചൂടേറ്റ് നീരാവി പൊങ്ങുന്ന ചെറുകുളത്തിന് ചുറ്റും പാറിപ്പറക്കുന്ന തുമ്പികളുടെ വർണ്ണക്കൂട്ടം. മഞ്ഞയും ചുവപ്പും നീലയും കറുപ്പും വെള്ളയും പച്ചയും നിറങ്ങളിലുള്ള തുമ്പികൾ. വെള്ളത്തിൽ തൊട്ട് തൊട്ടില്ല എന്ന മട്ടിൽ പറന്ന്, വീണ്ടും അന്തരീക്ഷത്തിലേക്ക് കുതിക്കുന്നു. ആയിരക്കണക്കിന് തുമ്പികൾ. അവയുടെ ചിറകുകൾ സൂര്യപ്രകാശത്തിൽ തിളങ്ങി, ഒരു മാന്ത്രിക പ്രഭാവലയം സൃഷ്ടിച്ചു. വെയിൽ ചായുന്ന നേരം പാടവരമ്പത്ത് ഞാൻ തനിച്ചിരുന്നു. ഒരു തുമ്പി, എന്റെ അടുത്തേക്ക് പറന്നുവന്നു, അതിന്റെ വലിയ കണ്ണുകൾ എന്നെ തന്നെ നോക്കുന്നതുപോലെ അതിന്റെ ശരീരത്തിലെ നീലയും കറുപ്പും വരകൾ ഞാൻ അദ്ഭുതത്തോടെ നോക്കി നിന്നു. ഓരോ തുമ്പിയും ഒരു ചെറിയ ആഭരണം പോലെ തോന്നി, പ്രകൃതിയുടെ കരകൗശലത്തിന്റെ തെളിവ്. കുറച്ചു നേരം എന്റെ ചുറ്റും പറന്നശേഷം അത് കുളത്തിലേക്ക് തിരിച്ചു പറന്നു. ഈ കൊച്ചുകുളം ഒരു തുമ്പി സാമ്രാജ്യമാണ്. ജീവിതചക്രം ഈ കുളത്തിനു ചുറ്റും കറങ്ങി ക്കൊണ്ടിരിക്കുന്നു.
താരതമ്യം ചെയ്യാം.
അട്ടപ്പാടി
മണ്ണാർക്കാട്ടുനിന്ന് സൈലന്റ് വാലി അട്ടപ്പാടി ഭാഗങ്ങളിലേക്ക് പുറപ്പെട്ടതാണ് ഞങ്ങൾ. കഴിഞ്ഞ വൈകുന്നേരങ്ങളിലെല്ലാം മലകളിൽ തിമിർത്ത മഴയായിരുന്നു. രാത്രിമഴയിൽ കുതിർന്ന പ്രകൃതി പ്രഭാതസൂര്യന്റെ ഇളംവെയിലിൽ ഈറൻ മാറി പ്രസരിച്ചുനിന്നു.
വൃശ്ചികം പിറന്നതേയുള്ളൂ. വൃശ്ചികക്കാറ്റ് ആഞ്ഞു വീശിത്തുടങ്ങി. അജ്ഞേയമായ ഒരു പ്രകൃതിപ്രതിഭാസമെന്നപോലെ എല്ലാ വൃശ്ചികം ഒന്നിനും കൃത്യമായി സഹ്യന്റെ മറുപുറത്തെ പീഠഭൂമിയിൽനിന്ന് പാലക്കാടൻ ചുരം വഴി ഈ കാറ്റ് കടന്നുവരുന്നു. മുണ്ടകൻ പാടങ്ങളിൽ ഹരിതവീചി പരമ്പരകളായി ലസിച്ചും തെങ്ങിൻ തലപ്പുകളിൽ ദിശാഭ്രമം സൃഷ്ടിച്ചും കാറ്റ് പടിഞ്ഞാറൻ കടൽത്തീരത്തെ ലക്ഷ്യമാക്കി വീശുന്നു. വള്ളുവനാടിന്റെ ഇടനാടൻ പ്രദേശങ്ങളിൽ ഏതാണ്ട് മുഴുക്കെ പാലക്കാടൻ കാറ്റ് അനുഭവപ്പെടുന്നുണ്ട്. തെക്ക് അതിന്റെ അതിർത്തി ചാലക്കുടിപ്പുഴയാണ്. പടിഞ്ഞാറ് കടൽത്തീരത്തിനു പത്തുനാഴിക മുമ്പ് കടൽക്കാറ്റിന്റെ സമ്മർദമേറ്റ് അതിന്റെ ശക്തി ക്ഷയിക്കുന്നു.
പാലക്കാടൻ കാറ്റ് അനഭിമതനായ ഒരതിഥിയാണ്. പീഠപ്രകൃതിയുടെ ഉഷ്ണവും പൊടിമണ്ണും ഏറ്റിവരുന്ന അത് രോഗകാരണമാവുന്നു. അതിന്റെ വരണ്ട ആശ്ലേഷം തെങ്ങും കവുങ്ങും പോലുള്ള ഫലവൃക്ഷങ്ങൾക്ക് ഒട്ടും പഥ്യമല്ല. പാലക്കാടൻ കാറ്റിന്റെ ഒരേയൊരു നന്മ അത് മുണ്ടകൻ പാടങ്ങളിൽനിന്ന് ചാഴിയെ തുരത്തുന്നുവെന്നതാണെന്ന് കൃഷിക്കാർ പറയും.
വൈകുന്നേരം ഉണ്ടായേക്കാവുന്ന മഴയെക്കുറിച്ചുള്ള ആശങ്കകൾ ഒഴിച്ചുനിർത്തിയാൽ, ഒരുപക്ഷേ, അട്ടപ്പാടിയിലേക്ക് യാത്രചെയ്യാവുന്ന ഏറ്റവും നല്ല ദിവസങ്ങളിൽ ഒന്നാവണമിത്. തുലാവർഷത്തിൽ കുളികഴിഞ്ഞ് വെടിപ്പായി വൃശ്ചികയിൽ. വനനാശകരാൽ നിരന്തരം ആക്രമിക്കപ്പെട്ടിട്ടും വീണ്ടും തളിർക്കുകയും പടരുകയും ചെയ്യുന്ന കാടിന്റെ അതിജീവനവ്യഗ്രത. ഇത് പ്രകൃതിയുടെ വശ്യവും അശ്യവുമായ നിഗൂഢതകളിലേക്ക് ഒരു കടന്നുകയറ്റം പോലെ ആകാംക്ഷാഭരിതമാവുന്നു.
എന്റെ കേരളം
(രവീന്ദ്രൻ)
Question 1.
‘പ്രപഞ്ചം മുഴുവൻ പൂമ്പാറ്റകൾ’ ‘അട്ടപ്പാടി’ എന്നീ യാത്രാവിവരണങ്ങളിലെ സവിശേഷതകൾ താരതമ്യം ചെയ്ത് കുറിപ്പ് എഴുതുക. കാഴ്ചാനുഭവങ്ങൾ, രചനാഭംഗി, വർണ്ണനാഭംഗി എന്നിവയും പരിഗണിക്കണം.
Answer:
കാടിന്റെ അതിശയിപ്പിക്കുന്നതും അപൂർവ്വവുമായ കാഴ്ചാനുഭവങ്ങൾ വൈകാരികവും കാവ്യാത്മകവു മായ രീതിയിൽ അവതരിപ്പിക്കുന്ന യാത്രാവിവരണമാണ് എൻ. എ. നസീറിന്റെ പ്രപഞ്ചം മുഴുവൻ പൂമ്പാ റ്റകൾ ഷോളയാർ പുഴയോരത്തെ മഴക്കാടിന്റെ ഹൃദയഭാഗത്ത് എത്തിയ ലേഖകന് അവിടെ വച്ച് ലക്ഷക്ക ണക്കിന് പൂമ്പാറ്റകൾ പറന്നുയരുന്ന അദ്ഭുതക്കാഴ്ച കണ്ടപ്പോൾ ഉണ്ടായ അനുഭൂതിയാണ് ഈ കൃതി യുടെ കാതൽ. ഈ വിവരണം വായനക്കാരന്റെ ഒരു സ്വപ്നതുല്യമായ അനുഭൂതിയിലേക്ക് കൊണ്ടുപോ കുന്നു, മഴക്കാടിന്റെ ഹൃദയഭാഗത്തെ കാഴ്ചകളും ശബ്ദങ്ങളും വായനക്കാരന്റെ മനസ്സിൽ പതിയുന്നു.
രവീന്ദ്രന്റെ അട്ടപ്പാടി എന്ന കൃതിയാകട്ടെ നാട്ടിലൂടെ ഉള്ള ഒരു യാത്രയുടെ വിവരണമാണ് മണ്ണാർക്കാട്ടു നിന്ന് അട്ടപ്പാടിയിലേക്കുള്ള യാത്രയിലാണ് ലേഖകനും കൂട്ടുകാരും. പ്രകൃതിയുടെ വ്യത്യസ്തമായ ഒരു ചിത്രം വരയ്ക്കുന്നതാണ് ഈ കൃതി. ഇവിടെ തുലാവർഷത്തിൽ കുളിച്ചു വൃത്തിയായ പ്രകൃതിയും വൃശ്ചിക വെയിലും ചേർന്ന് മനോഹരമായ ഒരു അന്തരീക്ഷം സൃഷ്ടിക്കുന്നു. എഴുത്തുകാരൻ പ്രകൃതിയുടെ അതി ജീവനത്തെക്കുറിച്ചും പാലക്കാടൻ കാറ്റിന്റെ സ്വാധീനത്തെക്കുറിച്ചും ചർച്ച ചെയ്യുന്നു. ഈ ഭാഗത്തിന്റെ രചനാശൈലി വസ്തുനിഷ്ഠവും ശാസ്ത്രീയവുമാണ് കാറ്റിന്റെ വരണ്ട സ്വഭാവം, അത് സസ്യങ്ങളിൽ ഉണ്ടാക്കുന്ന പ്രത്യാഘാതങ്ങൾ എന്നിവയെക്കുറിച്ചുള്ള വിശദാംശങ്ങൾ നൽകുന്നതിലൂടെ വായനക്കാ രന് അവിടുത്തെ ഭൂപ്രകൃതിയെയും കാലാവസ്ഥയെയും കുറിച്ച് വ്യക്തമായ ധാരണ ലഭിക്കുന്നു.
രണ്ട് യാത്രാവിവരണങ്ങളും വ്യത്യസ്തമായ രീതിയിൽ വായനക്കാരനെ ആകർഷിക്കുന്നു. ‘പ്രപഞ്ചം മുഴു വൻ പൂമ്പാറ്റകൾ’ ‘ എന്ന ഭാഗം വായനക്കാരനെ ഒരു മാന്ത്രിക ലോകത്തേക്ക് കൊണ്ടുപോകുന്നു, അതേ സമയം ‘അട്ടപ്പാടി’ എന്ന ഭാഗം പ്രകൃതിയുടെ യാഥാർത്ഥ്യത്തെക്കുറിച്ചും അതിന്റെ വെല്ലുവിളികളെക്കു റിച്ചും ഒരു ഉൾക്കാഴ്ച നൽകുന്നു. രണ്ട് ഭാഗങ്ങളിലെയും എഴുത്തുകാരന്റെ വർണ്ണനാ വൈഭവം വായന ക്കാരനെ ആകർഷിക്കുകയും അവരെ യാത്രയുടെ ഭാഗമാക്കുകയും ചെയ്യുന്നു
യാത്രാവിവരണം എഴുതാം
Question 1.
കാടിനെ ചെന്നുതൊട്ട അനുഭവവും കാറ്റ് നൽകിയ അനുഭൂതിയും രണ്ടു രചനകളിൽ നിന്നും ലഭിച്ചല്ലോ. ഇതുപോലുള്ള യാത്രാനുഭവങ്ങൾ നിങ്ങൾക്കും ഉണ്ടാവും. എഴുതി നോക്കൂ.
Answer:
ഈക്കഴിഞ്ഞ സ്കൂൾ അവധിക്കാലത്താണ് ഞാനും അച്ഛനും അമ്മയും കൂടി കൊടൈക്കനാലിലേക്ക് ഒരു യാത്ര നടത്തിയത്. പാലക്കാട് നിന്ന് രാവിലെ തന്നെ ഞങ്ങളുടെ യാത്ര ആരംഭിച്ചു. യാത്ര പുരോഗമി ക്കവേ, മലനിരകളുടെ ഹരിതാഭമായ കാഴ്ചകൾ ഞങ്ങളെ വരവേറ്റു. പൈൻ മരങ്ങളുടെയും യൂക്കാലി പ്റ്റസ് മരങ്ങളുടെയും സുഗന്ധം നിറഞ്ഞ തണുത്ത കാറ്റ് മുഖത്തടിച്ചപ്പോൾ, കൊടൈക്കനാലിലേക്ക് അടു ക്കുകയാണെന്ന തിരിച്ചറിവ് മനസ്സിനെ ആവേശം കൊളളടിച്ചു.
കൊടൈക്കനാലിൽ എത്തിയപ്പോൾ അവിടെക്കണ്ട കാഴ്ചകൾ അവർണ്ണനീയമായിരുന്നു. മൂടൽമഞ്ഞും ചാറ്റൽ മഴയും ചേർന്ന് കൊടൈക്കനാൽ ഒരു സ്വപ്നതുല്യമായ അനുഭവമായി. പച്ചപ്പ് നിറഞ്ഞ മലനിര കൾ, തടാകത്തിൽ പ്രതിഫലിക്കുന്ന മേഘങ്ങൾ, വെള്ളച്ചാട്ടങ്ങളുടെ സൗന്ദര്യം എന്നിവ കണ്ട് ഞങ്ങൾ അത്ഭുതപ്പെട്ടു. ഞങ്ങൾ കൊടൈക്കനാൽ തടാകത്തിൽ ബോട്ടിംഗ് നടത്തി. അവിടെ നിന്നുള്ള കാഴ്ചകൾ അതിമനോഹരമായിരുന്നു. കൂടാതെ ബ്രയന്റ് പാർക്ക്, പൈൻ ഫോറസ്റ്റ്, കുക്കാൽ ഗുഹകൾ, വാലി വ്യൂ പോയിന്റ് തുടങ്ങി നിരവധി സ്ഥലങ്ങൾ സന്ദർശിച്ചു. ഓരോ സ്ഥലത്തിനും അതിന്റേതായ പ്രത്യേകത കൾ ഉണ്ടായിരുന്നു.
ഞങ്ങൾ അവിടെ വച്ച് പല സഞ്ചാരികളുമായും നാട്ടുകാരുമായും പരിചയപ്പെട്ടു. അവരിൽ നിന്ന് കൊട ക്കനാലിന്റെ ചരിത്രത്തെക്കുറിച്ചും സംസ്കാരത്തെക്കുറിച്ചും ഞങ്ങൾ പല കാര്യങ്ങളും മനസ്സിലാക്കി. സമുദ്രനിരപ്പിൽ നിന്ന് ഏകദേശം 2, 133 മീറ്റർ ഉയരത്തിൽ സ്ഥിതി ചെയ്യുന്നതിനാൽ, അവിടുത്തെ കാലാ വസ്ഥ എപ്പോഴും സുഖകരമാണ്. യാത്രയിൽ എനിക്ക് പുതിയ സുഹൃത്തുക്കളെയും കിട്ടി. ഞങ്ങൾ ഒരു മിച്ച് കളിച്ചതും ചിരിച്ചതും എല്ലാം ഇന്നും എന്റെ ഓർമ്മയിലുണ്ട്.
എന്റെ ജീവിതത്തിലെ ഏറ്റവും മനോഹരമായ യാത്രകളിൽ ഒന്നായിരുന്നു കൊടൈക്കനാൽ യാത്ര. ഈ യാത്രയുടെ ഓർമ്മകൾ എന്നും എന്നോടൊപ്പം ഉണ്ടാകും.
കവിതയെഴുതാം
Question 1.
വർണ്ണച്ചിറകുകളുള്ള പൂമ്പാറ്റകളുടെ കാവ്യ വിഷയമാക്കി കവിത എഴുതി നോക്കൂ. കവിതകൾ ഒരു പതിപ്പാക്കി പ്രസിദ്ധീകരിക്കുമല്ലോ.
Answer:
എന്റെ സഞ്ചാരം – പ്ലോഗ്
Question 1.
നിങ്ങൾ നടത്തുന്ന ഒരു ലഘുയാത്രയുടെ വീഡിയോ തയ്യാറാക്കി ക്ലാസിലെ നവമാധ്യമ ഗ്രൂപ്പിൽ പങ്കു വെയ്ക്കുക.
Answer:
ഒരു ലഘുയാത്രയുടെ വീഡിയോ പ്ലോഗ്, നിങ്ങളുടെ അനുഭവങ്ങൾ മറ്റുള്ളവരുമായി പങ്കുവെക്കാനും ഓർമ്മകളെ സൂക്ഷിക്കാനും മികച്ച മാർഗമാണ്. ഇത് രസകരവും വിജ്ഞാന പ്രദവുമാക്കാൻ താഴെ പറ യുന്ന ഘട്ടങ്ങൾ പാലിക്കാം.
1. ആസൂത്രണം
ലക്ഷ്യം : പ്ലോഗിന്റെ ഉദ്ദേശ്യം എന്താണ്? യാത്രയുടെ ഹൈലൈറ്റുകൾ കാണിക്കുക, ഒരു പ്രത്യേക സ്ഥലം പരിചയപ്പെടുത്തുക അല്ലെങ്കിൽ വ്യക്തിപരമായ അനുഭവങ്ങൾ പങ്കിടുക എന്നിവയാകാം ഇത്.
ഉള്ളടക്കം : ഏതൊക്കെ സ്ഥലങ്ങൾ, പ്രവർത്തനങ്ങൾ, ഭക്ഷണങ്ങൾ എന്നിവ ഉൾപ്പെടുത്തണം എന്ന് തീരുമാനിക്കുക. ഒരു ഷോട്ട് ലിസ്റ്റ് ഉണ്ടാക്കുന്നത് നല്ലതാണ്.
ഉപകരണങ്ങൾ : ക്യാമറ, മൈക്രോഫോൺ, ടൈപാഡ്, പവർബാങ്ക് തുടങ്ങിയ ആവശ്യമായ ഉപകരണ
ങ്ങൾ ഒരുക്കുക.
2. ചിത്രീകരണം
വൈവിധ്യമാർന്ന ഷോട്ടുകൾ : ലോങ്ങ് ഷോട്ടുകൾ, ക്ലോസ്-അപ്പ് ഷോട്ടുകൾ ആക്ഷൻ ഷോട്ടുകൾ ടൈംലാപ്സ് തുടങ്ങി വ്യത്യസ്തതരം ഷോട്ടുകൾ ഉൾപ്പെടുത്തുക.
സ്ഥിരത : ഷൂട്ട് ചെയ്യുമ്പോൾ ക്യാമറ സ്ഥിരതയോടെ പിടിക്കുക, അല്ലെങ്കിൽ ട്രൈപോഡ് ഉപയോഗിക്കുക.
ശബ്ദം : വ്യക്തമായ ശബ്ദത്തിനായി നല്ലൊരു മൈക്രോഫോൺ ഉപയോഗിക്കുക. പശ്ചാത്ത ശബ്ദം കുറയ്ക്കാൻ ശ്രദ്ധിക്കുക.
വോയിസ് ഓവർ : യാത്രയ്ക്കിടയിൽ, അല്ലെങ്കിൽ പിന്നീട് വോയിസ് ഓവർ റെക്കോർഡ് ചെയ്യാം. വ്യക്ത മായി ആവേശത്തോടെയും സംസാരിക്കുക.
3. എഡിറ്റിംഗ്
മൊബൈൽ ആപ്പുകൾ : Kinemaster, Inshot, FilmoraGo പോലുള്ള മൊബൈൽ ആപ്പുകൾ ഉപയോഗിച്ച് വീഡിയോ എഡിറ്റ് ചെയ്യാം.
ക്രമീകരണം : ഷോട്ടുകൾ ക്രമീകരിച്ച് ഒരു കഥ പറയുന്ന രീതിയിൽ വീഡിയോ ക്രമീകരിക്കുക.
ശബ്ദം : വീഡിയോയിലെ ശബ്ദം ക്രമീകരിക്കുക. റെക്കോർഡ് ചെയ്തുവച്ച വോയിസ് ഓവർ കൂട്ടി ച്ചേർക്കുക. പശ്ചാത്തല സംഗീതം ചേർക്കാം.
ടെക്സ്റ്റ്, ഗ്രാഫിക്സ് : സ്ഥലത്തിന്റെ പേര്, വിശദാംശങ്ങൾ തുടങ്ങിയവ ടെക്സ്റ്റ് ആയും ഗ്രാഫിക്സ്
ആയും ചേർക്കാം.
4. അപ്ലോഡ് ചെയ്യലും പ്രൊമോഷനും :
ആകർഷകമായ ഒരു തംബയിലും ശ്രദ്ധേയമായ തലക്കെട്ടും വിവരണവും നൽകുക. തുടർന്ന് യൂട്യൂ ബ്, ഫേസ്ബുക്ക്, ഇൻസ്റ്റാഗ്രാം പോലുള്ള പ്ലാറ്റ് ഫോമുകളിൽ വീഡിയോ അപ്ലോഡ് ചെയ്യാം.
Question 1.
ശീർഷകത്തിന്റെ ഔചിത്യം
Answer:
ലക്ഷക്കണക്കിന് പൂമ്പാറ്റകളുടെ സാന്നിധ്യം കൊണ്ട് വനം നിറഞ്ഞുനിൽക്കുകയാണ്. പൂമ്പാറ്റകളുടേ തായ ഒരു ലോകത്തിൽ എത്തിപ്പെട്ട ലേഖകൻ മറ്റെല്ലാം മറന്നു പോകുന്നു, താൻ നിൽക്കുന്ന ആ വനത്തി നപ്പുറം ഒരു ലോകമുണ്ടെന്നുപോലും. ശീർഷകത്തിലെ പ്രപഞ്ചം എന്ന വാക്ക് എഴുത്തുകാരന്റെ അനുഭവ ത്തിന്റെ അതിരുകളില്ലായ്മയെ സൂചിപ്പിക്കുന്നു. ചിത്രശലഭങ്ങൾ അവയുടെ വർണ്ണവും ശബ്ദവും കൊണ്ട് ഒരു പുതിയ ലോകം സൃഷ്ടിക്കുകയും, എഴുത്തുകാരന്റെ മനസ്സിനെ ആ ലോകത്തേക്ക് കൊണ്ടുപോകു കയും ചെയ്യുന്നു. ‘പ്രപഞ്ചം മുഴുവൻ പൂമ്പാറ്റകൾ’ എന്ന ശീർഷകം ലേഖകന്റെ അനുഭൂതിയെ വളരെ ഭംഗി യായി പ്രതിഫലിപ്പിക്കുകയും ലോകം മുഴുവൻ ചിത്രശലഭങ്ങൾ കൊണ്ട് നിറഞ്ഞിരിക്കുന്നതായി തോന്നുന്ന ഒരു അനുഭവം വായനക്കാരന് നൽകുകയും ചെയ്യുന്നു.
Class 7 Malayalam Kerala Padavali Notes Unit 2 നീളുമീയാത്രതൻ വിസ്മയങ്ങൾ
Question 1.
ചിത്രങ്ങൾ നിരീക്ഷിച്ച് ദൃശ്യഭംഗി വിവരിക്കുക :
Answer:
പ്രകൃതി സൗന്ദര്യത്തിന്റെ വൈവിധ്യമാർന്ന കാഴ്ചകളാണ് ഈ ചിത്രങ്ങളിലെല്ലാം നമുക്ക് കാണാൻ കഴി യുന്നത്. പാറകളിൽ തട്ടി മന്ദമായൊഴുകുന്ന അരുവിയുടെ ശാന്തതയും, മരങ്ങളും, പൂച്ചെടികളും ജീവജാ ലങ്ങളും നിറഞ്ഞ വനത്തിന്റെ നിഗൂഢ സൗന്ദര്യവും നമ്മുടെ നാട്ടിൻ പുറങ്ങളിൽ കാണാവുന്ന പച്ചവിരിച്ച നെൽപ്പാടങ്ങളും അരുവികളും കൊതുമ്പു വള്ളവുമെല്ലാം പ്രകൃതിയെന്നത് എത്ര മനോഹരമാണെന്ന് നമ്മെ വീണ്ടും വീണ്ടും ഓർമ്മിപ്പിക്കുന്നു.