Students can use Class 7 Malayalam Kerala Padavali Question Answer and കാവ്യനർത്തകി Kavyanarthaki Summary in Malayalam to grasp the key points of a lengthy text.
Class 7 Malayalam Kavyanarthaki Summary
Kavyanarthaki Summary in Malayalam
കാവ്യനർത്തകി Summary in Malayalam
ആമുഖം
മലയാള സാഹിത്യത്തിൽ പകരക്കാരില്ലാത്ത അമരക്കാരനാണ് ശ്രീ. ചങ്ങമ്പുഴ കൃഷ്ണപിള്ള. അദ്ദേഹത്തിന്റെ കാവ്യസപര്യയിൽ വാക്കുകളുടെ ഒരു കുത്തൊഴുക്ക് നമുക്ക് കാണാൻ സാധിക്കും. തുടങ്ങിയാൽ ഒടുങ്ങാത്ത അന്തമില്ലത്ത വെള്ളചാട്ടം പോലെ വാക്കുകൾ നിരന്തരമായി പ്രവഹിച്ചു കൊണ്ടിരിക്കും. അത്തരത്തിൽ കുറെയധികം സുന്ദര പദങ്ങളുടെ കൂടിച്ചേരലാണ് കാവ്യ നർത്തകി എന്ന കവിത. ഒരിക്കൽ വായിച്ചാൽ പിന്നീടൊരിക്കലും മലയാളത്തിന്റെ ഈ മഹാകവി വരച്ചിട്ട വാക്കുകൾ മനസ്സിൽ നിന്നും മായുന്നതല്ല. തന്റെ ഭാവനയിൽ വിരിയുന്ന വാക്കുകകളിൽ മഴവിൽ കൊടിയുടെ മുനമുക്കിയാണ് ഓരോ വാക്കുകളെയും കാവ്യ ദേവതയ്ക്കു മുന്നിൽ ചങ്ങമ്പുഴ സമർപ്പിക്കുന്നത്.
ആശയം
തന്നിൽ നിറയുന്ന കവിതയോടുള്ള ആദരവും ബഹുമാനവും സ്നേഹവുമാണ് കവി ഇവിടെ അവതരിപ്പിക്കുന്നത്. തന്നിൽ നിറഞ്ഞു കവിയുന്ന കവിതയുടെ സൗന്ദര്യവും പലരീതിയിൽ പല ഭാഷയിൽ വേറിട്ട പേരുകളിൽ ആശയങ്ങളുടെ നിറകുടമാകുന്ന കവിത എന്നും എന്റെ കൂടെ ഉണ്ടാകണം എന്നും ഒരിയ്ക്കലും എന്നിൽ നിന്നും അകന്നു പോകരുതെന്നും കവി ആഗ്രഹിക്കുന്നു. കവിതയെ സ്വർണ ചിലങ്ക കെട്ടി നടനമാടുന്ന മനോഹരിയായ സ്ത്രീയായും കാവ്യ നർത്തകിയായും കവി കാണുന്നു. തുഞ്ചന്റെ തത്തയായും, കുഞ്ചന്റെ തുള്ളലായും അവതരിച്ച കാവ്യ നർത്തകിയോടുള്ള അടങ്ങാത്ത സ്നേഹത്തിന്റെ തീവ്രതയാണ് ഈ വരികൾ.