Reviewing Kerala Syllabus Plus Two Political Science Previous Year Question Papers and Answers March 2020 Malayalam Medium helps in understanding answer patterns.
Kerala Plus Two Political Science Previous Year Question Paper March 2020 Malayalam Medium
Time: 21/2 Hours
Total Score: 80 Marks
1 മുതൽ 12 വരെയുള്ള ചോദ്യങ്ങൾക്ക് 16 സ്കോറുകൾക്ക് ഉത്തരം നൽകുക.
Question 1.
‘വിധിയുമായുള്ള കൂടിക്കാഴ്ച’ എന്ന പ്രശസ്തമായ പ്രസംഗം ആരുടെതാണ്? (1)
a) ലാൽ ബഹാദൂർ ശാസ്ത്രി
b) ഡോ. ബി. ആർ. അംബേദ്കർ
c) ഡോ. രാജേന്ദ്ര പ്രസാദ്
d) ജവഹർലാൽ നെഹ്റു
Answer:
d) ജവഹർലാൽ നെഹ്റു
Question 2.
ഇന്ത്യയിലെ ആദ്യത്തെ മുഖ്യ തിരഞ്ഞെടുപ്പ് കമ്മീഷണർ ആരാ യിരുന്നു? (1)
a) കല്യാണസുന്ദരം
b) സുകുമാർ സെൻ
c) എസ്.പി. സെൻ വെർ
d) നാഗേന്ദ്ര സിങ്ങ്
Answer:
b) സുകുമാർ സെൻ
Question 3.
“ഇന്ത്യയുടെ പാൽക്കാരൻ” എന്നറിയപ്പെടുന്നതു് ആരെയാണ്? (1)
a) ലാലുപ്രസാദ് യാദവ്
b) എം.എസ്. സ്വാമിനാഥൻ
c) വർഗ്ഗീസ് കുര്യൻ
d) ജെ.സി. കുമര
Answer:
c) വർഗ്ഗീസ് കുര്യൻ
Question 4.
അടിയന്തിരാവസ്ഥക്കാലത്ത് നടന്ന അതിക്രമങ്ങളെക്കുറിച്ച് അന്വേഷിക്കുവാൻ ജനതാ ഗവൺമെന്റ് 1977 ൽ നിയമിച്ച കമ്മീഷൻ (1)
a) ഷാ കമ്മീഷൻ
b) സർക്കാരിയ കമ്മീഷൻ
c) മണ്ഡൽ കമ്മീഷൻ
d) കോത്താരി കമ്മീഷൻ
Answer:
a) ഷാ കമ്മീഷൻ
Question 5.
പഞ്ചാബ് കരാർ ഒപ്പുവെച്ചത് …………………………. ഉം …………………………… ചേർന്നാണ്? (1)
a) ഇന്ദിരാഗാന്ധിയും ഭിന്ദ്രൻവാലയും
b) രാജീവ്ഗാന്ധിയും ഹർ ചന്ദ് സിംഗ് ലോംഗോവാളും
c) രാജീവ്ഗാന്ധിയും ലാൽഡെംതെയും
d) അംഗമിസപു ഫിസോയും ഖാസി ലെൻഡെപ് ഡോർജിയും
Answer:
b) രാജീവ്ഗാന്ധിയും ഹർ ചന്ദ് സിംഗ് ലോംഗോവാളും
Question 6.
ചേരുംപടി ചേർക്കുക.
| a) മിഖായേൽ ഗോർബച്ചേവ് |
i) സോവിയറ്റ് യൂണിയന്റെ പിൻഗാമി |
| b) ആഘാത ചികിത്സ |
ii) സോവിയറ്റ് യൂണിയൻ |
| c) റഷ്യ |
iii) പെരിസ്ട്രോയിക്ക |
| d) വാഴ്സാ ടെമ്പടി |
iv) പരിവർത്തന മാതൃക |
Answer:
| a) മിഖായേൽ ഗോർബച്ചേവ് |
i) സോവിയറ്റ് യൂണിയന്റെ പിൻഗാമി |
| b) ആഘാത ചികിത്സ |
ii) സോവിയറ്റ് യൂണിയൻ |
| c) റഷ്യ |
iii) പെരിസ്ട്രോയിക്ക |
| d) വാഴ്സാ ടെമ്പടി |
iv) പരിവർത്തന മാതൃക |
Question 7.
വിപുലൂകരിച്ചെഴുതുക :
* എ.എസ് .ഇ. എ.എൻ.
* എസ്.എ.എഫ്.റ്റി.എ. (1)
Answer:
* എ.എസ്.ഇ.എ.എൻ : അസോസിയേഷൻ ഓഫ് സൗത്ത് ഈസ്റ്റ് ഏഷ്യൻ നേഷൻസ്
* എസ്.എ.എഫ്.റ്റി.എ. : സൗത്ത് ഏഷ്യൻ ഫീ ട്രേഡ് എറിമെന്റ്.
Question 8.
ഐക്യരാഷ്ട്ര സംഘടനയുടെ ആദ്യത്തെ സെക്രട്ടറി ജനറലിന്റെ പേരെഴുതുക. (1)
Answer:
ട്രിഗ് വേ ചി
Question 9.
താഴെ കൊടുത്തിട്ടുള്ള പ്രസ്താവനകൾ അനുയോജ്യമായ കോള ങ്ങളിൽ ക്രമീകരിക്കുക.
* നിലവിലുള്ള ആയുധങ്ങൾ ഒഴിവാക്കുക.
* പുതിയ ആയുധങ്ങൾ വികസിപ്പിക്കുന്നതിനും ആർജ്ജിക്കു ന്നതിനും നിയന്ത്രണമേർപ്പെടുത്തുക. (2)
| ആയുധ നിയന്ത്രണം |
നിരായുധീകരണം |
|
|
Answer:
ആയുധ നിയന്ത്രണം
പുതിയ ആയുധങ്ങൾ വികസിപ്പിക്കുന്നതിനും ആർജ്ജിക്കുന്ന തിനും നിയന്ത്രണമേർപ്പെടുത്തുക.
നിരായുധീകരണം
നിലവിലുള്ള ആധങ്ങൾ ഒഴിവാക്കുക.
Question 10.
താഴെപ്പറഞ്ഞിരിക്കുന്നതിൽ ആഗോള പൊതു വസ്തുവല്ലാത്തത്ഏത്? (1)
a) ആന്റാർട്ടിക്ക
b) ബഹിരാകാശം
c) ഭൗമാന്തരീക്ഷം
d) നദികൾ
Answer:
d) നദികൾ
Question 11.
ചേരുപടി ചേർക്കുക. (4)
| a) ഇന്ത്യൻ ആണവനയം |
i) ടിബറ്റിലെ അത്മീയാചാര്യൻ |
| b) സിംല കരാർ |
ii) ആദ്യം ഉപയോഗിക്കില്ല |
| c) ബന്ദൂങ്ങ് സമ്മേളനം |
iii) ഇന്ത്യാ-പാക് ബന്ധങ്ങൾ |
| d) ദലൈ ലാമ |
iv) ചേരിചേരാനയം |
Answer:
| a) ഇന്ത്യൻ ആണവനയം |
i) ടിബറ്റിലെ അത്മീയാചാര്യൻ |
| b) സിംല കരാർ |
ii) ആദ്യം ഉപയോഗിക്കില്ല |
| c) ബന്ദൂങ്ങ് സമ്മേളനം |
iii) ഇന്ത്യാ-പാക് ബന്ധങ്ങൾ |
| d) ദലൈ ലാമ |
iv) ചേരിചേരാനയം |
Question 12.
ഇന്ത്യയുടെ രണ്ടാം പഞ്ചവത്സര പദ്ധതി തയ്യാറാക്കാൻ നേതൃത്വം നൽകിയ വ്യക്തിയുടെ പേരെഴുതുക.
(1)
Answer:
പി.സി. മഹലനോബിസ്
13 മുതൽ 18 വരെയുള്ള ഏതെങ്കിലും 4 ചോദ്യങ്ങൾക്ക് ഉത്തരം നൽകുക. ഓരോന്നിനും 3 സ്കോറുകൾ ഉണ്ട്. (4 × 3 = 12)
Question 13.
മാനവിക സുരക്ഷയ്ക്കും ആഗോള സുരക്ഷയ്ക്കും ഭീഷണിയു യർത്തുന്ന ആധുനിക വെല്ലുവിളികളുടെ സ്രോതസ്സുകൾ ഏതെല്ലാം? മൂന്ന് എണ്ണം എഴുതുക.
Answer:
തീവ്രവാദം : സുരക്ഷയുടെ പ്രധാന വെല്ലുവിളികളിൽ ഒന്നാണ് തിവ വാദം. തീവ്രവാദികൾ രാഷ്ട്രീയ പരിതസ്ഥിതി മാറിക്കാണാനാഗ്രഹി ക്കുന്നു. അക്രമം വഴിയോ ഭീഷണി വഴിയോ ആണ് അവർ മാറ്റത്തി നുള്ള ശ്രമം നടത്തുന്നത്. ജനങ്ങളെ ഭയപ്പെടുത്തുന്ന അക്രമങ്ങൾ ചെയ്ത് ജനങ്ങളെ അവർ അസ്വസ്ഥരാക്കുന്നു.
മനുഷ്യാവകാശ ലംഘനങ്ങൾ : ലോകമെമ്പാടും മനുഷ്യാവകാശ ലംഘനം നടക്കുന്നതായി നാം കാണുന്നുണ്ട്. മനുഷ്യാവകാശ ങ്ങൾ ഭക്ഷിക്കുന്നതിന് രാഷ്ട്രങ്ങളിൽ ഏകീകൃതമായ അഭിപ്രാ യമില്ല. മനുഷ്യാവകാശം ലംഘനത്തിൽ യു.എൻ. ഇടപെടുന്ന തിനെപ്പറ്റിയുള്ള തർക്കം ഇപ്പോഴുമുണ്ട്.
ഗ്ലോബൽ പോവർട്ടി (ആഗോള ദാരിദ്ര്യം) : സുരക്ഷാ ഭീഷണിയുടെ മറ്റൊരു ഘടകമാണിത്. അടുത്ത 50 വർഷത്തിനിടെ സാമ്പത്തി കമായി താഴ്ന്ന നിലവാരത്തിലുള്ള രാജ്യങ്ങളിലെ ജനസംഖ്യ മൂന്നി രട്ടിയാകുമെന്ന് കരുതുന്നു. ജനസംഖ്വാനിരക്ക് കുറവുള്ള രാജ്യ ങ്ങളിൽ ആളോഹരി വരുമാനം കൂടും. അതിനാൽ സാമ്പത്തിക മായി മുന്നിട്ടുനിൽക്കുന്ന രാജ്യങ്ങൾ കൂടുതൽ കൂടുതൽ മെച്ച പ്പെടുകയും മറുവശത്ത് ദരിദ്ര രാഷ്ട്രങ്ങൾ കൂടുതൽ ദാരിദ്ര്യ ത്തിലേക്ക് നീങ്ങുകയും ചെയ്യും. ഇതും മാനവ സുരക്ഷയുടെ കാര്യത്തിൽ കൂടുതൽ പ്രശ്നങ്ങൾ സൃഷ്ടിക്കുന്നു.
Question 14.
ലോകം നിരവധി പാരിസ്ഥിതിക വെല്ലുവിളികൾ നേരിടുന്നുണ്ട്. അവയിലേതെങ്കിലും 3 എണ്ണം എഴുതുക.
Answer:
* വനനശീകരണം : കാലാവസ്ഥയെ സന്തുലിതമാക്കുകയും ജല വിതരണത്തെ മിതപ്പെടുത്തുകയും ജൈവ വ വിധ്യത്തെ സംരക്ഷിക്കുകയും ചെയ്യുന്നത് വനങ്ങളാണ്. വന ങ്ങൾ വ്യാപകമായി വെട്ടി നശിപ്പിക്കപ്പെടുകയും വനവാസി കൾ പുറന്തള്ളപ്പെടുകയും ചെയ്യുന്നു. ജീവജാലങ്ങളാൽ സമ്പന്നമായ പ്രദേശങ്ങളിൽ സസ്യങ്ങളും ജന്തുക്കളും നശി പ്പിക്കപ്പെടുന്നതിനാൽ ജൈവവൈവിധ്വത്തിന്റെ നാശം തുട രുകയാണ്.
* ഓസോൺ ശോഷണം : അൾട്രാ വയലറ്റ് കിരണങ്ങളിൽനിന്ന് ഭൂമിയെ സംരക്ഷിക്കുന്നത് ഓസോൺ പാളിയാണ്. അതി നേൽക്കുന്ന ചെറിയൊരു ക്ഷതം പോലും മനുഷ്യ ശരീര ത്തിന്റെ പ്രതിരോധശേഷി തളർത്തുകയും കാൻസർ പോലെ യുള്ള രോഗങ്ങൾ പടർത്തുകയും ചെയ്യും. ഒപ്പം പരിസ്ഥിതി വ്യവസ്ഥയേയും അതു തകരാറിലാക്കും.
* ആഗോളതാപനം : മനുഷ്യന്റെ പ്രവർത്തനങ്ങൾ മൂലം അന്ത രീക്ഷ താപനില ഉയരുന്നു. ഹരിത ഗൃഹ വാതകങ്ങളാണ് (Green house gases), പ്രത്യേകിച്ച് കാർബൺ ഡൈ ഓക്സൈഡ്, ആഗോളതാപനത്തിന് കാരണമാവുന്നത്. ഇതു മൂലം സമുദ്രജലം ഉയർന്ന് ഏറെ പ്രദേശങ്ങൾ വെള്ളത്തിന ടിയിലാകും.
Question 15.
സ്വാതന്ത്ര്യാനന്തര ഇന്ത്യക്ക് 3 തരം വെല്ലുവിളികളെ തരണം ചെയ്യ ണമായിരുന്നു. അവ ഏതൊക്കെയെന്നു കണ്ടെത്തുക.
Answer:
സ്വതന്ത്ര ഭാരതത്തിന് പ്രധാനമായും മൂന്നുതരം വെല്ലുവിളികളെ നേരിടേണ്ടിവന്നു.
a. ഏകീകൃത രാഷ്ട്രത്തിന് രൂപം നൽകൽ,
b. സമൂഹത്തിന്റെയാകെ ക്ഷേമവും വികസനവും ഉറപ്പുവരു
c. ജനാധിപത്യ സംവിധാനം സ്ഥാപിക്കൽ
Question 16.
ജവഹർലാൽ നെഹ്റു ചില പ്രത്യേക ലക്ഷ്യങ്ങളെ ആധാരമാക്കി യാണ് ഇന്ത്യയുടെ വിദേശ നയത്തിനു രൂപം നൽകിയത്. പ്രസ്തുത ലക്ഷ്യങ്ങളെക്കുറിച്ച് ഒരു ലഘുവിവരണം തയാറാക്കുക.
Answer:
ഇന്ത്യയുടെ ആദ്യത്തെ പ്രധാനമന്ത്രിയായ ജവഹർലാൽ നെഹ്റു വാണ് ചേരിചേരാനയത്തിന്റെ ശില്പി. പ്രധാനമന്ത്രി പദത്തോടൊപ്പം വിദേശകാര്യമന്ത്രിയുടെ പദവിയും അദ്ദേഹം കൈകാര്യം ചെയ്തി രുന്നു. 1946 മുതൽ 1964 വരെയുള്ള ഇന്ത്യയുടെ വിദേശനയത്തെ രൂപീകരിക്കുന്നതിലും നടപ്പിലാക്കുന്നതിലും അദ്ദേഹം മുഖ്യ പങ്കു വഹിക്കുകയുണ്ടായി, നെഹ്റുവിന്റെ വിദേശനയത്തിന് മൂന്നു ലക്ഷ്യ ങ്ങൾ ഉണ്ടായിരുന്നു.
- പൊരുതി നേടിയ സ്വാതന്ത്ര്വവും പരമാധികാരവും കാത്തുസൂ ക്ഷിക്കുക.
- രാജ്യത്തിന്റെ ഭൂപരമായ ഐക്യം സംരക്ഷിക്കുക.
- ത്വരിതഗതിയിലുള്ള സാമ്പത്തിക വികസനത്തെ പരിപോഷിപ്പി ക്കുക.
Question 17.
‘നർമദാ ബചാവോ അന്ദോളൻ’ എന്ന ജനകീയ പ്രസ്ഥാനത്തിന്റെ ആവിർഭാവത്തിലേക്ക് നയിച്ച അടിസ്ഥാന കാരണങ്ങളിൽ ഏതെ ങ്കിലും 3 എണ്ണം എഴുതുക.
Answer:
സർദാർ സരോവർ പ്രൊജക്റ്റുമായി ബന്ധപ്പെട്ടാണ് നർമ്മദ ബചാവോ ആംദോളൻ രൂപംകൊണ്ടത്. ചിപ്കോ മുവ്മെന്റ് പോലെ ഇല്ല, ഇന്ത്യയുടെ സാമ്പത്തികനയത്തെവരെ ചോദ്യം ചെയ്തുകൊ ണ്ടാണ് ഈ സമരം പുരോഗമിച്ചത്. വൻവികസന പദ്ധതികൾക്കു വേണ്ടി കുടിയൊഴിപ്പിക്കലിനെതിരെ കൂടിയാണിത്.
നർമ്മദ ബചാവോ ആന്തോളൻ നർമ്മദയെ രക്ഷിക്കാനായി നില കൊള്ളുന്നു. ഈ നദിയിലെ നിർമ്മാണ പ്രവർത്തനങ്ങൾ നിറുത്തി വെക്കാനാവശ്യപ്പെടുന്നതാണിത്. ഈ പദ്ധതി നടപ്പായാൽ ഉദ്ദേശം 245 ഗ്രാമങ്ങൾ വെള്ളത്തിനടിയിൽ ആയിത്തീരും. ഏകദേശം 2.5 ലക്ഷം ജനങ്ങൾക്ക് വേറെ താമസസ്ഥലം കണ്ടെത്തേണ്ടതായി വരും. ആദ്യം ആ ഗ്രാമങ്ങളിൽ നിന്ന് തുടങ്ങി നർമ്മദാ ബചാവോ ആന്ദോളൻ വലുതായി, ശരിയായ രീതിയിൽ കിടപ്പാടം നഷ്ടപ്പെടു ന്നവരുടെ പുനരധിവാസം ആവശ്യപ്പെട്ടായിരുന്നു തുടക്കം. പ്രാദേ ശിക സമുദായങ്ങൾക്ക് വെള്ളം, ഭൂമി, വനം എന്നിവയുടെ മേൽ നിയന്ത്രണം വേണമെന്ന വാദവും ഉയർന്നുവന്നു. ജനാധിപത്യ ത്തിൽ കുറച്ചുപേരുടെ ലാഭത്തിനുവേണ്ടി കുറച്ചുപേർ എന്തിന് ബലി യാടാകണം എന്നുകൂടി അവർ ചോദിക്കുന്നു. രാജ്യത്ത് ധാരാളം വൻപദ്ധതികൾ നടപ്പിലായിട്ടുണ്ട്. വൻകിട കുടിയൊഴിപ്പിക്കലുകൾ ജനത്തെ മോശമായി ബാധിക്കുമെന്നവർ ഭയപ്പെടുന്നു. പരിസ്ഥി തിനാശം ഉണ്ടാക്കുന്നു. ഇതെല്ലാമാണ് നർമദാ ബചാവോ ആന്ദോ ളന് വഴിയൊരുക്കിയത്.
Question 18.
‘ക്യൂബൻ മിസൈൽ’ പ്രതിസന്ധി ചുരുക്കി വിവരിക്കുക. പ്രതിസ ന്ധിയുമായി ബന്ധപ്പെട്ട സോവിയറ്റ് അമേരിക്കൻ നേതാക്കളുടെ പേരെഴുതുക.
Answer:
അമേരിക്കൻ ഐക്യനാടുകളുടെ തീരദേശത്ത് സ്ഥിതിചെയ്യുന്ന ഒരു കൊച്ചു ദ്വീപാണ് കുബ 1959- ൽ ഫിഡൽ കാസ്ട്രോയുടെ നേതൃത്വ ത്തിലുള്ള യുവവിപ്ലവകാരികൾ ക്യൂബയുടെ അധികാരം പിടിച്ചെടു ക്കുകയും ഒരു സോഷ്യലിസ്റ്റ് ഭരണകൂടം സ്ഥാപിക്കുകയും ചെയ്തു. സോവിയറ്റു യൂണിയനുമായി മൈത്രീബന്ധം സ്ഥാപിച്ച ക്യൂബക്ക് സോവിയറ്റു നേതാവായ നികിത ക്രൂഷ്ചേവിൽനിന്ന് സാമ്പത്തികവും നയതന്ത്രപരവുമായ സഹായം ലഭിച്ചു.
ക്യൂബയിലെ സംഭവവികാസങ്ങൾ അമേരിക്കൻ ഭരണാധികാരിക ളിൽ പരിഭ്രാന്തിയുണ്ടാക്കി. കമ്മ്യൂണിസത്തിന്റെ പാത സ്വീകരിച്ച ക്യൂബൻ റിപ്പബ്ലിക്കിനെ അട്ടിമറിക്കാനും ഫിഡൽ കാസ്ട്രോയെ ബലം പ്രയോഗിച്ച് പുറത്താക്കാനും അമേരിക്ക തീരുമാനിച്ചു. ക്യൂബൻ ഗവൺമെന്റിനെ പുറത്താക്കാനുള്ള തന്ത്രങ്ങൾ പരാജയ പെട്ടപ്പോൾ കാസ്ട്രോയെ വധിക്കാനുള്ള ശ്രമങ്ങൾ അമേരിക്കൻ ചാര സംഘടനയായ സി.ഐ.എ (CIA) നടത്തുകയുണ്ടായി. ഈ സംഭവ വികാസങ്ങളാണ് 1962 ഒക്ടോബറിലെ ക്യൂബൻ മിസൈൽ പ്രതിസന്ധിക്ക് വഴിയൊരുക്കിയത്.
1961 ഏപ്രിലിൽ സോവിയറ്റു നേതാക്കന്മാരിൽ ക്യൂബയെക്കുറിച്ചുള്ള ഉൽകണ്ഠകൾ വളരാൻ തുടങ്ങി. സോവിയറ്റ് യൂണിയൻ ക്യൂബ യിൽ അണ്വായുധങ്ങൾ സ്ഥാപിച്ച് മൂന്നാഴ്ചകൾക്ക് ശേഷമാണ് അമേരിക്കക്കാർക്ക് ഇതിനെക്കുറിച്ച് വിവരം ലഭിക്കുന്നത് (അമേ രിക്കൻ ചാരവിമാനങ്ങൾ ക്യൂബയിലെ മിസൈൽ നിലയങ്ങളുടെ ചിത്രങ്ങൾ പകർത്തിയെടുത്തിരുന്നു. യു.എസ്. പ്രസിഡണ്ടായ ജോൺ എഫ്. കെന്നഡിയും അദ്ദേഹത്തിന്റെ ഉപദേഷ്ടാക്കളും ഈ പ്രശ്നത്തെ കരുതലോടെയാണ് നേരിട്ടത്. ഇരു രാജ്യങ്ങളും തമ്മിൽ ഒരു ആണവ യുദ്ധത്തിലേക്ക് നയിക്കുന്ന നടപടികളൊന്നും സ്വീക രിക്കാതിരിക്കാൻ അവർ പ്രത്യേകം ശ്രദ്ധിച്ചു. അതേ സമയം ക്രൂഷ്ചേവിനെക്കൊണ്ട് ക്യൂബയിൽ നിന്ന് മിസൈലുകളും അണ്യാ യുധങ്ങളും നീക്കം ചെയ്യിപ്പിക്കാൻ അവർ പ്രതിജ്ഞാബദ്ധ രായിരുന്നു.
ക്യുബയിലേക്ക് മിസൈലുകൾ കൊണ്ടുവന്നിരുന്ന 25 റഷ്യൻ കപ്പ ലുകളെ തടഞ്ഞുനിർത്താൻ കെന്നഡി അമേരിക്കൻ യുദ്ധകപ്പലു കളോട് കല്പിച്ചു. അമേരിക്ക ഏർപ്പെടുത്തിയ നാവിക ഉപരോധം സോവിയറ്റു യൂണിയനുമായുള്ള ഒരു ഏറ്റുമുട്ടൽ ആസന്നമാക്കി. ‘ക്യൂബൻ മിസൈൽ പ്രതിസന്ധി’ എന്നറിയപ്പെട്ട ഈ സംഭവം അങ്ങേയറ്റം പിരിമുറുക്കമുണ്ടായി. ലോകം ഒരു ആണവ യുദ്ധ ത്തിന്റെ ഭീഷണിയിലായി. പരസ്പരനാശത്തെ മുഖാമുഖം കണ്ട കെന്നഡിയും ക്രൂഷ്ചേവും ഒടുവിൽ യുദ്ധം ഒഴിവാക്കാൻ തീരു മാനിച്ചു. മിസൈലുകളുമായി ക്യൂബയിലേക്കു പുറപ്പെട്ടിരുന്ന സോവിയറ്റു കപ്പലുകൾ സ്വദേശത്തേക്ക് മടങ്ങി.
ലോകത്തെ ഉൽകണ്ഠയോടെ മുൾമുനയിൽ നിർത്തിയ ക്യൂബൻ മിസൈൽ പ്രതിസന്ധി ശീതസമരത്തിന്റെ ഒരു ഉയർന്ന ഘട്ടമായി രുന്നു.
19 മുതൽ 24 വരെയുള്ള ഏതെങ്കിലും 4 ചോദ്യങ്ങൾക്ക് ഉത്തരം നൽകുക. ഓരോന്നിനും 4 സ്കോറുകൾ ഉണ്ട്. (4 × 4 = 16)
Question 19.
സ്വാതന്ത്ര്യാനന്തര ഇന്ത്യയുടെ രാഷ്ട്രീയ മണ്ഡലത്തിൽ ആധിപത്യം പുലർത്താൻ കോൺഗ്രസിനെ സഹായിച്ച ഘടകങ്ങൾ ഏതൊക്കെ യാണെന്ന് കണ്ടെത്തുക.
Answer:
സ്വതന്ത്ര ഇന്ത്യയിലെ ആദ്യ മൂന്നു തെരഞ്ഞെടുപ്പുകളിലും കോൺഗ്രസ്സ് തൂത്തുവാരി. കാരണങ്ങൾ:-
- സ്വാതന്ത്ര്യസമരം നയിച്ചത് കോൺഗ്രസ്സായിരുന്നു.
- ഇന്ത്യ മുഴുവനും വ്യാപിച്ച ഒരേ ഒരു പാർട്ടി കോൺഗ്രസ് മാത്രമായിരുന്നു.
- ജവഹർലാർ നെഹ്റുവിന്റെ പ്രശസ്തി.
Question 20.
1967- ലെ 4-ാം പൊതുതെരഞ്ഞെടുപ്പ് കാലത്ത് ഇന്ത്യയിൽ നില നിന്നിരുന്ന സാഹചര്യങ്ങൾ വിശദീകരിക്കുക.
Answer:
1952 മുതൽ തെരഞ്ഞെടുപ്പുകളിൽ കേന്ദ്രത്തിലും നിയമസഭക ളിലും കോൺഗ്രസിന് വ്യക്തമായ ഭൂരിപക്ഷം നേടാൻ കഴിഞ്ഞിരു ന്നു. എന്നാൽ 4-ാം തെരഞ്ഞെടുപ്പ് വന്നപ്പോഴേക്കും സ്ഥിതി മാറി. സാമ്പത്തിക പ്രതിസന്ധി, ശാസ്ത്രിയുടെ മരണത്തെത്തുട ർന്ന് അന ന്തരാവകാശിയെ നിശ്ചയിക്കൽ, പൈസയുടെ മൂല്യം കുറഞ്ഞത്, വില വർദ്ധന ഇതെല്ലാം കോൺഗ്രസ്സിനെ പ്രതികൂലമായി ബാധി ച്ചു. മാത്രമല്ല, ജവഹർലാർ നെഹ്റുവിനു ശേഷമുള്ള ആദ്യ തെര ഞെഞ്ഞെടുപ്പുകൂടിയായിരുന്നു അത്. പ്രതിപക്ഷ പാർട്ടികൾ ഒന്നിച്ച് കോൺഗ്രസിന് വിരുദ്ധമായിത്തീരുകയും ചെയ്തു.
ഈ കാരണങ്ങളാൽത്തന്നെ തെരഞ്ഞെടുപ്പ് ഫലം ഒരു രാഷ്ട്രീയ ഭൂകമ്പം തന്നെയായിരുന്നു. ലോകസഭയിൽ ഭൂരിപക്ഷം നില നിർത്താൻ കഴിഞ്ഞെങ്കിലും ഇതുവരെ കിട്ടിയതിലേക്ക് ഏറ്റവും കുറഞ്ഞ ഭൂരിപക്ഷമായിരുന്നു അത്. ഇന്ദിരാഗാന്ധി മന്ത്രിസഭയിലെ പകുതിയോളം മന്ത്രിമാരും പരാജയപ്പെട്ടു. 7 സംസ്ഥാനങ്ങളിൽ കോൺഗ്രസിന് ഭൂരിപക്ഷം നഷ്ടമായി. മറ്റു രണ്ടു സംസ്ഥാനങ്ങ ളിൽ കാലുമാറൽ മൂലം ഗവൺമെന്റ് രൂപീകരിക്കാനായുമില്ല. ഈ 9 സംസ്ഥാനങ്ങളാണ് പഞ്ചാബ്, ഹരിയാന, ഉത്തർ പ്രദേശ്, മധ്യപ്ര ദേശ്, ബീഹാർ, പശ്ചിമബംഗാൾ, ഒറീസ്സ, മദ്രാസ്, കേരളം. മദ്രാസിൽ ഒരു പ്രാദേശിക പാർട്ടി (DMK) വ്യക്തമായ ഭൂരിപക്ഷത്തോടെ അധി കാരത്തിൽ വന്നു. ഇതായിരുന്നു ആദ്യത്തെ ഒറ്റയ്ക്കുള്ള കോൺഗ സിതര ഗവൺമെന്റ്, മറ്റ് 8 സംസ്ഥാനങ്ങളിൽ കൂട്ടുകക്ഷി ഭരണമാ യിരുന്നുണ്ടായിരുന്നത്. അങ്ങനെയാണ് ചോദ്യത്തിലെ പറച്ചിൽ രൂപം കൊണ്ടത്.
Question 21.
ആന്ധ്രാ പ്രദേശിൽ രൂപംകൊണ്ട ചാരായ വിരുദ്ധ പ്രസ്ഥാനം, ഗൗര വതരമായ ചില പ്രശ്നങ്ങളിലേക്ക് രാജ്യത്തിന്റെ ശ്രദ്ധയാകർഷിക്കു കയുണ്ടായി. അവയിൽ ഏതെങ്കിലും നാലെണ്ണം എഴുതുക.
Answer:
1990 കളിൽ ആന്ധ്രയിലെ നെല്ലൂരിൽ ധാരാളം സ്ത്രീകൾ സാക്ഷരതാ നേടി. ക്ലാസുകളിൽ സ്ത്രീകൾ കുടുംബങ്ങളിലെ പുരുഷന്മാരുടെ മദ്യപാനത്തെപ്പറ്റി പറഞ്ഞു. മദ്യപാനം അവരുടെ ശാരീരികമായും മാനസികമായുമുള്ള നാശത്തിന് വഴിതെളിക്കുന്നു. ആ ഭാഗത്തെ സാമ്പത്തികംതന്നെ തകരാറിലാക്കുന്നു. പുരുഷൻമാർ ജോലിക്കു പോകുന്നില്ല. മദ്യമുതലാളിമാർ അവ രുടെ മദ്യക്കച്ചവടം നടക്കുന്നതിന് നിയമപരമല്ലാത്ത വഴികളിലൂടെ ഓരോ പ്രവൃത്തികൾ ചെയ്യുന്നു മുതലായവയായിരുന്നു അവരുടെ പരാതികൾ. സ്ത്രീകളാണ് ഏറ്റവും കൂടുതൽ കഷ്ടം സഹിക്കേണ്ടിവരുന്നത്. കുടുംബജീവിതം താളംതെറ്റുന്നു. നെല്ലൂരിലെ സ്ത്രീകൾ മദ്യത്തിനെതിരായി പ്രതിഷേധിക്കുകയും ഒരു വൈൻ ഷോപ്പ് അടപ്പിക്കുകയും ചെയ്തു. ഈ വാർത്ത ഏകദേശം 5000 ഗ്രാമങ്ങളിലേക്ക് പടർന്നു. മീറ്റിംഗുകൾ കുടി പ്രമേയങ്ങൾ പാസ്സാക്കി കളക്ടർക്ക് അയച്ചുകൊടുക്കുകയും ചെയ്തു. നെല്ലൂരിലെ ചാരായലേലം 17 പ്രാവശ്യം നീട്ടിവെയ്ക്ക പെട്ടു. നെല്ലൂരിലെ പ്രക്ഷോഭം പതുക്കെപതുക്കെ സംസ്ഥാനം മൊത്തം വ്യാപിച്ചു.
ചുരുക്കിപ്പറഞ്ഞാൽ രാഷ്ട്രീയപാർട്ടികളും ഗവൺമെന്റും തോറ്റിടത്ത് ഇത്തരം നീക്കങ്ങൾ വിജയിച്ചു. ഗവൺമെന്റ്, രാഷ്ട്രീയപാർട്ടികൾ എന്നിവക്ക് ജയിക്കാനാവാത്ത കാര്യങ്ങളിൽ ഈ നീക്കങ്ങൾ വിജയിച്ചു.
Question 22.
ഷോക്ക് തെറാപ്പി നിർവ്വചിക്കുക. ഷോക്ക് തെറാപ്പിയുടെ പ്രത്യാ ഘാതങ്ങൾ ഏതൊക്കെയെന്ന് വിശദീകരിക്കുക.
Answer:
സോവിയറ്റ് യൂണിയനിലെ കമ്മ്യൂണിസത്തിന്റെ പതനം അതിലെ പല രാജ്യങ്ങളിലും ജനാധിപത്യ രീതിക്ക് വഴിവെച്ചു. റഷ്യ, ഏഷ്യ, കിഴക്കൻ യൂറോപ്പ് മുതലായവ ലോകബാങ്ക്, ഐ.എം.എഫ് മുതലായവയിൽ ആകർഷിക്കപ്പെട്ടു. ഈ മാറ്റത്തെയാണ് ഷോക്ക് തെറാപ്പി എന്നറിയപ്പെടുന്നത്.
പരിണിതഫലങ്ങൾ
- ഗവൺമെന്റ് നിയന്ത്രണത്തിലുള്ള പല വൻവ്യവസായ ങ്ങളും തകർന്നു.
- 90 ശതമാനം വ്യവസായങ്ങളും വ്യക്തികൾക്കും കമ്പനി കൾക്കും വില്പനയ്ക്ക് തയ്യാറായി.
- റഷ്യൻ കറൻസിയായ റൂബിളിന്റെ വില കുറഞ്ഞു.
- പണപ്പെരുപ്പം അധികമായി ജനങ്ങൾക്ക് അവരുടെ സമ്പാദ്യം നഷ്ടപ്പെട്ടു.
- കൂട്ടുകൃഷിയിൽ ജനങ്ങൾക്ക് ഭക്ഷ്യസുരക്ഷ ഉണ്ടായിരുന്നു. ഇപ്പോൾ അതില്ലാതെയായി. റഷ്യ ഭക്ഷ്യസാധനങ്ങൾ ഇറക്കു മതി ചെയ്യാനാരംഭിച്ചു.
- റഷ്യയിലെ 1999ലെ ജിഡിപി 1989 ലേക്കാൾ കുറവാ യിരുന്നു.
സാമൂഹികവ്യവസ്ഥ നശിപ്പിക്കപ്പെട്ടു.
- സബ്സിഡികൾ പിൻവലിച്ചതുമൂലം ജനങ്ങൾക്ക് ദാരിദ്ര്യം ഉണ്ടായി.
- വിദ്യാഭ്യാസപരവും ബുദ്ധിപരവുമായ മാനവികശേഷി ശിഥിലീ കരിക്കപ്പെടുകയും കുടിയേറ്റത്തിനിടയാവുകയും ചെയ്തു.
- സ്വകാര്യവത്കരണം ജനങ്ങളിൽ അസമത്വം ഉണ്ടാക്കി.
Question 23.
തെക്ക് കിഴക്കൻ രാജ്യങ്ങൾ തമ്മിലുള്ള സഹകരണം പരിപോഷി പ്പിക്കുന്ന സംഘടന എന്ന നിലയിൽ സാർക്ക് വഹിക്കുന്ന പങ്കും, അതിന്റെ പരിമിതികളും പരിശോധിക്കുക.
Answer:
സാർക്ക് എന്ന സംഘടന ഔദ്യോഗികമായി നിലവിൽ വന്നത്, 1985 ഡിസംബറിലാണ്. ദക്ഷിണ ഏഷ്യയിലെ ഏഴ് രാജ്യങ്ങളാണ് ഇതിലെ അംഗങ്ങളായിട്ടുള്ളത്. അവ യഥാക്രമം ഭൂട്ടാൻ, ഇന്ത്യ, ബംഗ്ലാദേശ്, മാലദ്വീപ്, നേപ്പാൾ, പാകിസ്ഥാൻ, ശ്രീലങ്ക. കാർഷിക മേഖലയിലും ഗ്രാമീണവികസനത്തിലും ശാസ്ത്ര സാങ്കേതിക മേഖലയിലും സംസ്കാരം, ആരോഗ്യം, ജനസംഖ്യാ നിയന്ത്രണം എന്നി മേഖലകളിലും സഹകരണം ഉറപ്പാക്കാൻ വേണ്ടിയാണ് പ്രസ്തുത സംഘടന നിലവിൽ വന്നത്.
സാർക്കിന്റെ പ്രധാന ലക്ഷ്യങ്ങൾ
a) ദക്ഷിണമേഖലയിലെ ജനങ്ങൾക്ക് ക്ഷേമം ഉറപ്പാക്കുക.
b) ഈ മേഖലയിൽ സാമ്പത്തികവളർച്ച, സാമൂഹികവളർച്ച, സാംസ്കാരിക പുരോഗതി എന്നിവയെ ദ്രുതഗതിയിലാക്കുക.
c) പ്രസ്തുത രാജ്യങ്ങളിൽ സ്വയംപര്യാപ്തത വരുത്താൻ കൂട്ടായി യത്നിക്കുക.
d) വിവിധ മേഖലകളിൽ അന്വോന്യ സഹായം
e) പരസ്പരസഹകരണം
f) അന്താരാഷ്ട്ര, പ്രാദേശിക സംഘടനകളുമായി യോജിച്ച് പ്രവർത്തിക്കുക.
Question 24.
ഐക്യരാഷ്ട്ര സഭയുടെ സുരക്ഷാ സമിതിയിൽ സ്ഥിരാംഗത്വം വേണമെന്ന ഇന്ത്യയുടെ അവകാശവാദം തികച്ചും ന്യായമാണ്. ഈ പ്രസ്താവന മതിയായ കാരണങ്ങൾ സഹിതം സാധൂകരിക്കുക.
Answer:
U.N.O, കാലോചിതമായി പരിഷ്കരിക്കേണ്ട ആവശ്വം അടിയന്തിര മായി പരിഗണിക്കണം. UNO. രൂപംകൊണ്ട കാലഘട്ടത്തിൽ നിന്നും ഏറെ വ്യത്യസ്തമാണ് ഇന്ന് ലോകരാഷ്ട്രങ്ങൾക്കിടയിൽ നില നിൽക്കുന്ന സാഹചര്യങ്ങൾ, മുഴുവൻ രാജ്യങ്ങളുടെയും ആവശ്യ ങ്ങൾക്ക് നിഷ്പക്ഷമായ പരിഹാരം ഉണ്ടാകേണ്ടിയിരിക്കുന്നു. ലോക പോലീസിന്റെ സ്ഥാനം ഒരു രാജ്യവും ഏറ്റെടുക്കരുത്.
ഭീകരവാദം തുടച്ചുനീക്കുംവിധം പരിഷ്കരിച്ച യു എന്നിൽ ഘട നാപരമായ മാറ്റങ്ങൾ ഉണ്ടാകണം. വികസ്വരരാജ്യങ്ങളുടെ സ്ഥാനം യു.എന്നിൽ പ്രത്യേകമായി ഉണ്ടാകണം.
ഇന്ത്യക്ക് യു.എൻ. സെക്യൂരിറ്റി കൗൺസിലിൽ സ്ഥിരാംഗത്വം വേണ മെന്നത് വളരെ യുക്തിപൂർണമായ ഒരാവശ്വമാണ്. സ്ഥിരാംഗമാ കുന്നതിന് വേണ്ട മാനദണ്ഡങ്ങളെല്ലാം ഇന്ത്യയ്ക്കുണ്ട്. ഇന്ത്യ യു.എൻ, കൗൺസിൽ സ്ഥിരാംഗത്വം ആവശ്യപ്പെടുന്നത് താഴെ പറ യുന്ന കാര്യങ്ങളാലാണ്.
- ജനസംഖ്യയിൽ ലോകത്തിൽ രണ്ടാം സ്ഥാനമുണ്ട്.
- ലോകത്തിലെ ഏറ്റവും വലിയ ജനാധിപത്വരാഷ്ട്രമാണ്.
- യു. എൻ. ന്റെ ആരംഭകാലം മുതലേ അതിന്റെ പ്രവർത്തനങ്ങ ളിൽ പങ്കെടുത്തിട്ടുണ്ട്.
- യു.എൻ. ന്റെ സമാധാന സംരക്ഷണസേനയുമായി ദീർഘകാ ലബന്ധമുണ്ട്.
- ഇന്ത്യയുടെ സാമ്പത്തികസ്ഥിതി മെച്ചപ്പെട്ടുവരികയാണ്.
- കൃത്യമായി യു.എൻ. ന് സാമ്പത്തിക സംഭാവനകൾ നൽകു ന്നുണ്ട്. പെയ്മെന്റിന് ഒരിക്കലും ഭംഗം വരുത്തിയിട്ടില്ല.
മേൽപ്പറഞ്ഞ കാരണങ്ങൾ ഇന്ത്യക്ക് യു എൻ കൗൺസിലിൽ അംഗത്വം കിട്ടുന്നതിന് മതിയായവയാണ്. സ്ഥിരാംഗത്വത്തിന് അതി ന്റേതായ പ്രധാന്വമുണ്ട്. ലോകരാജ്യങ്ങളിൽ ഇന്ത്യയുടെ പ്രാധാന്യം വർദ്ധിക്കും. നമ്മുടെ വിദേശനയവും മറ്റുള്ളവരെ സ്വാധീനിക്കും.
25 മുതൽ 30 വരെയുള്ള ഏതെങ്കിലും 4 ചോദ്യങ്ങൾക്ക് ഉത്തരം നൽകുക. ഓരോന്നിനും 5 സ്കോറുകൾ ഉണ്ട്. (4 × 5 = 20)
Question 25.
‘ഹരിത വിപ്ലവം’ എന്താണെന്ന് വിശദീകരിക്കുക. അതിന്റെ ഏതെ ങ്കിലും രണ്ട് ഗുണഫലങ്ങളും ദോഷഫലങ്ങളും എഴുതുക.
Answer:
ഹരിത വിപ്ലവം : ചുരുങ്ങിയ കാലയളവിൽ കൂടുതൽ കാർഷികോ ല്പാദനം ലക്ഷ്യമിട്ടുകൊണ്ടുള്ള ഇന്ത്യൻ ഗവൺമെന്റിന്റെ നയങ്ങ ളാണ് ഹരിതവിപ്ലവം എന്നറിയപ്പെടുന്നത്. 1960കളിൽ കാർഷിക മേഖല വളരെ ദയനീയമായ അവസ്ഥയിലായിരുന്നു. 1965 67ന് ഇടയ്ക്ക് ഇന്ത്യയുടെ പല ഭാഗത്തും കഠിനമായ വരൾച്ച ഉണ്ടായി. ഇതിനാൽത്തന്നെ രാജ്യത്ത് ദാല്പാദനം കുറയുകയും പലയി ടങ്ങളിലും ക്ഷാമത്തിന് സമാനമായ അവസ്ഥ ഉണ്ടാവുകയും ചെയ്തു.
ഈ ദുരവസ്ഥയെ നേരിടുന്നതിന് അമേരിക്കപോലുള്ള രാജ്യങ്ങ ളിൽനിന്ന് ഭക്ഷ്യസഹായം തേടുന്നതിനും രാജ്യം നിർബന്ധിതമായി. അമേരിക്കൻ നയങ്ങളുടെ ചുവടുപിടിച്ച് ചില സാമ്പത്തിക നയ ങ്ങൾ ആവിഷ്ക്കരിച്ചു. ഇത്തരമൊരവസ്ഥ നേരിടാൻ ഭക്ഷ്യപര്യാ പ്തത നേടുന്നതിനാവശ്യമായ ഒരു നയംതന്നെ കാർഷികമേഖല ക്കുവേണ്ടി ആവിഷ്ക്കരിച്ചു. ജലസേചനമുള്ള സ്ഥലങ്ങളിൽ കൂടു തൽ കൃഷിയിറക്കുക നല്ലതരം വിത്തുകൾ, വളങ്ങൾ മുതലായവ വിതരണം ചെയ്യുക, കീടനാശിനി പ്രയോഗത്തിനും ജലസേചന ത്തിനും സബ്സിഡി നല്കുക. ഇവയൊക്കെ കൂടാതെ ഉല്പന്ന ങ്ങൾ നിശ്ചയിക്കുന്ന വിലയിൽ ഗവൺമെന്റ് തന്നെ വാങ്ങുന്ന തിനും ഉറപ്പുനല്കി. ഇതാണ് ഹരിതവിപ്ലവം എന്നറിയപ്പെടുന്ന തിന്റെ തുടക്കം.
ഹരിതവിപ്ലവത്താൽ കാർഷിക വളർച്ചയിൽ ചെറിയൊരു മാറ്റം വന്നു. ഭക്ഷ്യസാധനങ്ങളുടെ ലഭ്യതയുണ്ടായി. ഇതുകൊണ്ട് ധനിക രായ കർഷകർക്കും ഭൂവുടമകൾക്കുമാണ് കൂടുതൽ ലാഭം കിട്ടിയ ത്. അതുകൊണ്ടുതന്നെ പണമുള്ളവർ, പാവപ്പെട്ടവർ എന്നീ ക്ലാസ്സു കളുടെ ധ്രുവീകരണം ദൃശ്യമായി. ഇത് ഇടതുപാർട്ടിക്ക് സാധാരണ ക്കാരെയും പാവപ്പെട്ട കർഷകരെയും സംഘടിപ്പിക്കാനുള്ള ഒരു അവസരമായി. അതിന്റെ ഫലമായി രാഷ്ട്രീയസ്വാധീനമുള്ള ഇട ത്തരം കർഷകവിഭാഗം രൂപംകൊള്ളുകയുണ്ടായി.
ഇത് ഒരു ഹരിത വിപ്ലവത്തിന് തുടക്കം കുറിച്ചു. കാർഷികരംഗത്ത് അനുകൂലവും പ്രതികൂലവുമായ പ്രത്യാഘാതങ്ങൾ അത് സൃഷ്ടി ക്കുകയും ചെയ്തു.
1) ഹരിത വിപ്ലവം മിതമായ കാർഷിക വളർച്ചയാണ് കൊണ്ടുവ ന്നത്. ഗോതമ്പ് ഉല്പാദനമാണ് മുഖ്യമായും വർദ്ധിച്ചത്. രാജ്യത്തെ ഭക്ഷ്യലഭ്യത ഉയരുകയും ചെയ്തു.
2) കാർഷിക വളർച്ച ഉണ്ടായെങ്കിലും വർഗങ്ങൾ തമ്മിലും പ്രദേ ശങ്ങൾ തമ്മിലും ഉള്ള അന്തരം വർദ്ധിക്കുന്നതിന് ഹരിതവി പ്ലവം ഇടയാക്കി. ഹരിതവിപ്ലവത്തിന്റെ ഏറ്റവും വലിയ ഗുണ ഭോക്താക്കൾ സമ്പന്ന കർഷകരും വൻഭൂവുടമകളും ആയി രുന്നു. ദരിദ്രരായ കർഷകർക്ക് അതിന്റെ ഗുണഫലങ്ങൾ ലഭി ചില്ല. സ്വാഭാവികമായും ദരിദ്രകർഷകരും ഭൂവുടമകളും തമ്മി ലുള്ള അന്തരം വർദ്ധിച്ചു.
Question 26.
ഇന്ത്യയിൽ അടിയന്തരാവസ്ഥ പ്രഖ്യാപിച്ചതിന്റെ പശ്ചാത്തലവും അതിനിടയാക്കിയ പ്രധാന കാരണങ്ങളും വിശദമാക്കുക.
Answer:
1971 – ലെ തെരഞ്ഞെടുപ്പ് കഴിഞ്ഞതോടെ ഇന്ദിരാഗാന്ധി വൻപിച്ച ജനപിന്തുണയോടെ പ്രമുഖ നേതാവായി. ഈ സമയത്ത് പാർട്ടി യിൽ രൂക്ഷമായ അഭിപ്രായവ്യത്വാസങ്ങൾ ഉണ്ടായിരുന്നു. കാരണ ങ്ങൾ പ്രധാനമായും മൂന്നാണ്.
1) സാമ്പത്തിക പ്രശ്നങ്ങൾ
2) ഗുജറാത്ത് 6 ബീഹാർ മൂവ്മെന്റ്
3) ജുഡിഷ്യറിയുമായുള്ള തർക്കം
1) സാമ്പത്തിക പ്രശ്നങ്ങൾ
1971 – ലെ തെരഞ്ഞെടുപ്പിലെ പ്രധാന മുദ്രാവാക്യം ഗരീബി ഹഠാവോ (ദാരിദ്ര്യം മാറ്റുക എന്നതായിരുന്നു. എന്നാൽ ഗവൺ മെന്റ് അധികാരത്തിൽ വന്നപ്പോൾ രാജ്യത്തെ സാമ്പത്തിക സാമൂ ഹിക സ്ഥിതി മെച്ചപ്പെടുത്താൻ സാധിച്ചില്ല. ഇതിനു പല കാരണ ങ്ങളുണ്ട്. ഒന്നാമതായി അഭയാർത്ഥിപ്രശ്നം, ബംഗ്ലാദേശ് പ്രതിസ ന്ധി, പിന്നെ ഇന്ത്യാപാക്കിസ്ഥാൻ യുദ്ധം മുതലായവ സാമ്പത്തിക പായി വളരെ ബുദ്ധിമുട്ടു വരുത്തി. രണ്ടാമതായി, യുദ്ധശേഷം അമേ രിക്ക ഇന്ത്യക്കുള്ള സഹായം നിർത്തി, മൂന്നാമതായി പെട്രോളിന്റെ അന്താരാഷ്ട്ര വിപണിയിലെ വിലവർദ്ധന. നാലാമതായി നാണയ പെരുപ്പവും വില വർദ്ധനയുംമൂലം ജനങ്ങൾക്ക് ജീവിതം ബുദ്ധി മുട്ടായി. അഞ്ചാമതായി, വ്യവസായ വളർച്ച കുറവായി, തൊഴിലി ല്ലായ്മ കൂടി പ്രത്യേകിച്ചും ഗ്രാമീണമേഖലകളിൽ, ആറാമതായി, ഗവർമെന്റ് ജീവനക്കാരുടെ ശമ്പളം നിർത്തിവെക്കുകയോ കുറ ക്കുകയോ ചെയ്യേണ്ടിവന്നു. ഏഴാമതായി, മഴയില്ലായ്മമൂലം ഭക്ഷ്യോൽപാദനങ്ങളുടെ ഗണ്യമായ കുറവ്.
മേല്പ്പറഞ്ഞ കാരണങ്ങൾ നാട്ടിൽ സാമ്പത്തിക പ്രതിസന്ധി ഉണ്ടാക്കി. മൊത്തമായും രാജ്യത്തിൽ ഒരു അതൃപ്തി വരാൻ കാര ണമായി. ഇത് പ്രതിപക്ഷ പാർട്ടികൾക്ക് പ്രതിഷേധം സംഘടിപ്പി ക്കാൻ അവസരം കൊടുത്തു.
2. ഗുജറാത്ത് ആന്റ് ബീഹാർ മുവ്മെന്റ്
രണ്ടാമത്തെ ഒരു വലിയ പ്രശ്നം കോൺഗ്രസ് ഭരിക്കുന്ന ഗുജറാ ത്തിലെയും ബിഹാറിലെയും വിദ്യാർത്ഥി പ്രക്ഷോഭമായിരുന്നു. പ്രക്ഷോഭത്തിന് പ്രധാന കാരണം അവശ്യസാധനങ്ങളുടെ വില വർദ്ധനയായിരുന്നു. ഭക്ഷ്യക്ഷാമം, തൊഴിലില്ലായ്മ, അഴിമതി എന്നി വയും വിദ്യാർത്ഥികളെ ചൊടിപ്പിച്ചു. ഈ രണ്ടു സംസ്ഥാനങ്ങളിലും പ്രതിപക്ഷത്തിന്റെ പിന്തുണ വിദ്യാർത്ഥികൾക്കുണ്ടായിരുന്നു. ഗുജ റാത്തിൽ പ്രസിഡണ്ട് ഭരണം നടപ്പിലാക്കി. ഈ സമയത്ത് ഇന്ദിരാ ഗാന്ധിയുടെ പ്രധാന എതിരാളിയും കോൺഗ്രസ്സ് (ഒ)യിലെ പ്രമുഖ നേതാവുമായിരുന്ന മൊറാർജി ദേശായി അനിശ്ചിതകാലനിരാഹാര ത്തിനൊരുങ്ങി. ആ സംസ്ഥാനത്ത് തെരഞ്ഞെടുപ്പ് നടത്തണമെ ന്നാവശ്യപ്പെട്ടുകൊണ്ടായിരുന്നു അത്. 1975 ജൂണിൽ കടുത്ത സമ്മർദ്ദത്തിനു വഴങ്ങി തെരഞ്ഞെടുപ്പു നടന്നു. കോൺഗ്രസ് പരാ ജയപ്പെട്ടു. ബീഹാറിൽ വിദ്യാർത്ഥികൾ ജയപ്രകാശ് നാരായണനെ സമരം നയിക്കാൻ ക്ഷണിച്ചു. അഹിംസാപരമായിരിക്കണം എന്ന ഉപാധിയോടെ അദ്ദേഹം ക്ഷണം സ്വീകരിച്ചു. ജയപ്രകാശ് നാരായ ണൻ കോൺഗ്രസ് ഗവൺമെന്റ് പിരിച്ചുവിടാൻ ആവശ്യപ്പെട്ടു.
എല്ലാ രംഗത്തും (സാമൂഹികം, സാമ്പത്തികം, രാഷ്ട്രീയം) ഒരു വിപ്ലവം വേണമെന്നും അത് ജനാധിപത്യത്തെ നിലനിർത്തുന്നതാവണ മെന്നും അദ്ദേഹം വാദിച്ചു. എന്നാൽ ബീഹാർ ഗവൺമെന്റ് രാജി വെക്കാൻ കൂട്ടാക്കിയില്ല. ദേശീയതലത്തിൽ ഇതിനെക്കുറിച്ച് ചലന മുണ്ടായി. ജയപ്രകാശ് നാരായണൻ മുഴുവൻ രാജ്യത്തും പ്രക്ഷോഭം സംഘടിപ്പിക്കാൻ ആഹ്വാനം ചെയ്തു. ഇതിനിടെ റെയിൽവേ ജോലി ക്കാർ പണി മുടക്കി. രാജ്യമാകമാനം സ്തംഭിക്കാവുന്ന രൂപത്തിലാ യിരുന്നു അത്. 1975 – ൽ ജയപ്രകാശ് നാരായണൻ പാർലിമെന്റി ലേക്ക് ഒരു മാർച്ച് നടത്തി. ഡൽഹിയിൽ ജനം കണ്ട ഏറ്റവും വലിയ റാലിയായിരുന്നു അത്. അതോടെ പ്രതിപക്ഷം ഇന്ദിരാഗാന്ധിക്ക് ബദലായി അദ്ദേഹത്തെ കണ്ടു. രണ്ടു പ്രക്ഷോഭങ്ങളും കോൺഗ്രസ് വിരുദ്ധമായി. ഇന്ദിരാഗാന്ധിയുടെ നേതൃത്വത്തിനെതിരായും ശബ്ദ ങ്ങളുയർന്നു. ഇതെല്ലാം തനിക്കെതിരെയുള്ള വ്യക്തിവൈരാഗ്യം മൂലമാണെന്ന് അവർ വിശ്വസിക്കുകയും ചെയ്തു.
3. ജുഡിഷ്യറിയുമായുള്ള സംഘർഷം
അടിയന്തിരാവസ്ഥ പ്രഖ്യാപിക്കാൻ മറ്റൊരു കാരണം ജൂഡീഷ്വറി യുമായുള്ള സംഘർഷമാണ്. ഇക്കാലത്ത് ഗവൺമെന്റിന്റെ ചില പ്രവർത്തികൾ ഭരണഘടന ലംഘനമാണെന്ന് സുപ്രീം കോർട്ട് കണ്ടെത്തി. കോർട്ട് വിധി ജനാധിപത്യത്തിനും പാർലിമെന്റ് അധി കാരത്തിനും എതിരാണെന്നായിരുന്നു കോൺഗ്രസ്സിന്റെ വാദം. പാവ ങ്ങൾക്കായി നടത്തുന്ന പദ്ധതികൾക്ക് കോടതി തടസ്സം നില്ക്കുക യാണെന്ന് പാർട്ടി ആരോപിച്ചു. തർക്കം മൂന്ന് പ്രധാന പ്രശ്നങ്ങ ളിലായിരുന്നു. ഒന്നാമതായി, പാർലിമെന്റിന് മൗലികാവകാശങ്ങൾ മാറ്റാൻ അവകാശമുണ്ടോ? കോർട്ട് വിധി ഇല്ല എന്നുതന്നെയായി രുന്നു രണ്ടാമതായി, പാർലിമെന്റിന് ഭൂമിയുടെ ഉടമസ്താവകാശം മാറ്റാൻ സാധ്യമാവുമോ? പാർലിമെന്റിന് മാറ്റാൻ അധികാരമില്ല എന്നാ യിരുന്നു കോടതിയുടെ വിധി. മൂന്നാമതായി പാർലിമെന്റ് അതിന് മൗലികാവകാശങ്ങൾ കുറക്കാൻ അധികാരമുണ്ടെന്നും പറഞ്ഞു. ഭരണഘടന ഭേദഗതി ചെയ്തു. എന്നാൽ സുപ്രീംകോർട്ട് ഇതു നിര സിച്ചു. ഇതാണ് കോടതിയും ഗവൺ മെന്റും തമ്മിലുള്ള സംഘർഷ ത്തിന് കാരണം.
ഇതു കൂടാതെ രണ്ടു കാരണങ്ങൾ കൂടിയുണ്ടായിരുന്നു. കേശവാ നന്ദഭാരതി കേസിൽ സുപ്രീംകോർട്ട് പ്രഖ്യാപിച്ചു പാർലിമെന്റിന് ഭരണഘടനയുടെ അടിസ്ഥാന നിബന്ധനകൾ മാറ്റാനധികാരമില്ല. എന്ന്. അതിനുശേഷം ചീഫ് ജസ്റ്റിസിന്റെ പോസ്റ്റിൽ ഒഴിവ് വന്നു. സാധാരണ ഏറ്റവും സീനിയർ ജഡ്ജിയാണ് ചീഫ് ജസ്റ്റീസായി നിയ മിക്കപ്പെടുക. എന്നാൽ ഗവൺമെന്റ് അർഹതയുള്ള മൂന്ന് ജഡ്ജി മാരെ തഴഞ്ഞുകൊണ്ട് എ.എൻ. റോയിയെ ചീഫ് ജസ്റ്റിസായി നിയ മിച്ചു. ഈ നിയമനം വിവാദമായി. അതിനും പുറമേ ഉത്തർപ്രദേശ് ഹൈക്കോർട്ട് ഇന്ദിരാഗാന്ധിയുടെ തെരഞ്ഞെടുപ്പ് അസാധുവായി പ്രഖ്യാപിച്ചു. 1975 ജൂണിൽ അടിയന്തിരാവസ്ഥ പ്രഖ്യാപിക്കാനു ണ്ടായ പ്രധാന കാരണങ്ങളാണിവ.
Question 27.
നിരവധി പ്രാദേശിക പ്രശ്നങ്ങൾക്ക് ഇന്ത്യ സാക്ഷ്യം വഹിച്ചിട്ടുണ്ട്. പ്രാദേശിക ഉൽക്കർഷങ്ങളിൽ നിന്നും നമ്മളുൾക്കൊണ്ട പാഠങ്ങൾ എന്തൊക്കെയാണ്?
Answer:
ജനാധിപത്യ രാഷ്ട്രീയത്തിന്റെ പ്രകൃതം മനസ്സിലാക്കുന്നതിന് ജന കിയ പ്രസ്ഥാനങ്ങളുടെ ചരിത്രം നമ്മെ സഹായിക്കുന്നു. കക്ഷിര ഹിതമായ ഈ പ്രസ്ഥാനങ്ങൾ സാന്ദർഭികമോ ഒറ്റപ്പെട്ടവയോ ആയി രുന്നില്ല. കക്ഷി രാഷ്ട്രീയത്തിലുള്ള പോരായ്മകൾ പരിഹരിക്കു ന്നതിനാണ് ഈ പ്രസ്ഥാനങ്ങൾ ഉയർന്നു വന്നത്. അതിനാൽ ജന കിയ പ്രസ്ഥാനങ്ങൾ ജനാധിപത്യ രാഷ്ട്രീയത്തിന്റെ അവിഭാജ്യ ഘട കങ്ങളാണ്.
* പുതിയ സാമൂഹിക ഗ്രൂപ്പുകളുടെ സാമ്പത്തികവും സാമൂഹി കവുമായ പരാതികൾ തെരഞ്ഞെടുപ്പു രാഷ്ട്രീയത്തിന്റെ മേഖ ലയിൽ പരിഹരിക്കപ്പെട്ടിരുന്നില്ല. അങ്ങനെ വന്നപ്പോൾ ജന കീയ പ്രസ്ഥാനങ്ങൾ അവരുടെ പ്രശ്നങ്ങൾ ഏറ്റെടുത്തു. അങ്ങനെ ജനകീയ പ്രസ്ഥാനങ്ങൾ പുതിയ സാമൂഹിക ഗ്രൂപ്പു കളെ പ്രതിനിധാനം ചെയ്തു.
* വ്യത്യസ്ത വിഭാഗങ്ങൾക്കും അവരുടെ ആവശ്വങ്ങൾക്കും ജന കീയ പ്രസ്ഥാനങ്ങൾ ഫലപ്രദമായ പ്രാതിനിധ്യം ഉറപ്പുവരുത്തി. എല്ലാ വിഭാഗങ്ങളുടേയും താല്പര്യങ്ങളെ അതു മാനിച്ചു. സ്വാഭാ വികമായും ഈ വിഭാഗങ്ങൾക്കിടയിലെ അസംതൃപ്തിയുടേയും സാമൂഹ്യ സംഘർഷത്തിന്റേയും സാധ്യതകൾ കുറയ്ക്കുന്നതിന് ജനകീയ പ്രസ്ഥാനങ്ങൾക്കു കഴിഞ്ഞു.
* ജനകീയ പ്രസ്ഥാനങ്ങൾ സജീവ പങ്കാളിത്തത്തിന്റെ പുതിയ രൂപങ്ങൾ നിർദ്ദേശിച്ചു. അങ്ങനെ ഇന്ത്യൻ ജനാധിപത്യത്തിലെ പങ്കാളിത്തം എന്ന ആശയത്തെ അത് വിപുലപ്പെടുത്തി.
ജനകീയ പ്രസ്ഥാനങ്ങൾ നടത്തുന്ന സമരങ്ങൾ, കുത്തിയിരിപ്പു സത്യാഗ്രഹം, റാലികൾ തുടങ്ങിയ സംഘടിത പ്രവർത്തനങ്ങൾ ഗവൺമെന്റിന്റെ ചുമതലകളെ തടസ്സപ്പെടുത്തുകയാണെന്ന് വിമർശകർ വാദിക്കുന്നു. അവ തീരുമാനങ്ങളെടുക്കുന്നതിൽ കാല താമസം വരുത്തുകയും ജനാധിപത്യക്രമത്തെ അസ്ഥിരപ്പെടുത്തു കയും ചെയ്യുകയാണെന്ന് അവർ ആരോപിക്കുന്നു. ഈ വിമർശനം ആഴത്തിലുള്ള ഒരു ചോദ്യം ഉയർത്തുന്നു: എന്തുകൊണ്ടാണ് ജന കീയ പ്രസ്ഥാനങ്ങൾ ഇത്തരത്തിലുള്ള ശക്തമായ സമരരൂപങ്ങൾ സ്വീകരിക്കുന്നത്? ഈ ചോദ്യത്തിന് വസ്തുനിഷ്ഠമായ ഒരുത്തരം കണ്ടെത്താൻ ശ്രമിക്കാം.
ജനകീയ പ്രസ്ഥാനങ്ങൾ ജനങ്ങളുടെ ന്യായമായ ആവശ്യങ്ങളാണ് ഉയർത്തിയിട്ടുള്ളത്. അവയിൽ പൗരന്മാരുടെ വൻതോതിലുള്ള പങ്കാളിത്തവുമുണ്ട്. സമൂഹത്തിന്റെ താഴെ തട്ടിലുള്ള ദരിദ്രരും, സാമൂഹികവും സാമ്പത്തികവുമായി അവശതയനുഭവിക്കുന്നവരു മായ സാമൂഹിക വിഭാഗങ്ങളെയാണ് ഈ പ്രസ്ഥാനങ്ങൾ സംഘടി പ്പിക്കുന്നത്. പാർശ്വവൽക്കരിക്കപ്പെട്ട ഈ വിഭാഗങ്ങളുടെ ശബ്ദ ത്തിന് ജനാധിപത്യത്തിൽ വേണ്ടത്ര ഇടം ലഭിച്ചിട്ടില്ലയെന്നത് ഒരു യാഥാർത്ഥ്യമാണ്. അതുകൊണ്ടായിരിക്കാം ഈ സംഘടനകൾ ബഹു ജന പ്രക്ഷോഭങ്ങളിലേക്കും തെരഞ്ഞെടുപ്പു രാഷ്ട്രിയത്തിനു പുറ ത്തുള്ള സംഘടിത പ്രവർത്തനങ്ങളിലേക്കും തിരിഞ്ഞത്. സമീപ കാലത്തെ പുത്തൻ സാമ്പത്തിക നയത്തിന്റെ വെളിച്ചത്തിൽ ഈ വസ്തുതയെ പരിശോധിക്കാം.
* പുത്തൻ സാമ്പത്തികനയം നടപ്പാക്കുന്നതിനെ സംബന്ധിച്ച് രാഷ്ട്രീയ പാർട്ടികൾക്കിടയിൽ അഭിപ്രായൈക്യം വളർന്നു വന്നിട്ടുണ്ട്. അതേ സമയം ഈ നയങ്ങൾ സമൂഹത്തിലെ താഴെ തട്ടിലുള്ള ജനങ്ങളെ പ്രതികൂലമായി ബാധിക്കുകയുണ്ടായി. പുതിയ സാമ്പത്തിക നയങ്ങളോട് യോജിപ്പു പ്രകടിപ്പിച്ചിട്ടുള്ള തിനാൽ രാഷ്ട്രീയ പാർട്ടികളും മാധ്യമങ്ങളും പാർശ്വവൽക്ക രിക്കപ്പെട്ട ഈ സാമൂഹിക വിഭാഗങ്ങളെ കണ്ടില്ലെന്ന് നടിക്കു കയാണ്. ഈ സാഹചര്വത്തിൽ ജനദ്രോഹകരമായ പുതിയ നയ ങ്ങൾക്കെതിരെ പ്രതിഷേധിക്കുന്നതിന് രാഷ്ട്രീയ പാർട്ടികളുടെ ചട്ടക്കൂടിനു വെളിയിലുള്ള ജനകീയ പ്രസ്ഥാനങ്ങൾക്ക് ജന ങ്ങളുടെ പ്രശ്നങ്ങൾ ഏറ്റെടുക്കേണ്ടിവരുന്നു.
ജനകീയ പ്രസ്ഥാനങ്ങൾ റാലികൾ നടത്തുകയും പ്രതിഷേധിക്കു കയും ചെയ്യുന്ന സംഘടനകൾ മാത്രമല്ല. സമാനമായ പ്രശ്നങ്ങളും ആവശ്യങ്ങളും പ്രതീക്ഷകളുമുള്ള ജനങ്ങളുടെ ഒരു കൂട്ടായ്മയാണ ത്. തങ്ങളുടെ അവകാശങ്ങളെപ്പറ്റി ജനങ്ങളെ അത് ബോധവാന്മാ രാക്കുന്നു. ജനാധിപത്യ സ്ഥാപനങ്ങളിൽ എന്തെല്ലാം പ്രതീക്ഷിക്കാ മെന്നും അതവരെ പഠിപ്പിക്കുന്നു. അങ്ങനെ ജനാധിപത്യത്തിന്റെ വികസനത്തിന് സംഭാവനയേകാൻ ഈ പ്രസ്ഥാനങ്ങൾക്കു കഴിഞ്ഞു.
വിവരാവകാശത്തിനു വേണ്ടിയുള്ള സമരങ്ങളും, ഇതിനെതുടർന്ന് ഗവൺമെന്റ് പാസ്സാക്കിയ വിവരാവകാശ നിയമവും ജനകീയ പ്രസ്ഥാനങ്ങൾ ജനാധിപത്യത്തിനു നൽകിയ ഏറ്റവും മികച്ച സംഭാ വനയാണ്.
Question 28.
1980 – കളുടെ അവസാനത്തോടെ ഇന്ത്യൻ രാഷ്ട്രീയത്തിൽ ദൂരവ്യാ പകങ്ങളായ പ്രത്യാഘാതങ്ങൾ സൃഷ്ടിച്ച അഞ്ച് സംഭവ വികാസ ങ്ങൾക്ക് രാഷ്ട്രം സാക്ഷ്യം വഹിച്ചു. ആ സംഭവ വികാസങ്ങൾ ഏതൊക്കെയാണെന്നെഴുതുക.
Answer:
1) 1989 – ൽ കോൺഗ്രസ് തെരഞ്ഞെടുപ്പിൽ പരാജയപ്പെട്ടു. ആ തെരഞ്ഞെടുപ്പോടെ കോൺഗ്രസ് സിസ്റ്റം തന്നെ അവസാനിച്ചു
2) മണ്ഡൽ പ്രശ്നം ദേശീയ രാഷ്ട്രീയത്തിൽ : 1990 കളിൽ ഗവൺമെന്റ് മണ്ഡൽ കമ്മീഷൻ ശുപാർശ ചെയ്ത തൊഴിൽ സംവരണം നടപ്പിലാക്കാൻ തീരുമാനിച്ചു. മറ്റു പിന്നോക്കജാതി ക്കാർക്ക് സംവരണം ഏർപ്പെടുത്തി. ഇത് മണ്ഡൽ കമ്മീഷനെ എതിർക്കുന്ന ഒരു നീക്കം രാജ്യമെമ്പാടും ഉണ്ടാക്കി.
3) സാമ്പത്തിക നയം ഗവൺമെന്റ് മാറുന്നതിനനുസരിച്ച് മാറിക്കൊ ണ്ടിരുന്നു പ്രക്ചറൽ അജസ്റ്റ്മെന്റ് എന്ന പേരിൽ ഒരു പുതിയ സാമ്പത്തിക നയം കൊണ്ടുവന്നു.
4) 1992- ൽ ബാബ്റി മസ്ജിദ് തകർക്കപ്പെട്ടത് ഒരുപാട് കാര്യങ്ങ ളുടെ ഫലമായിട്ടാണ്. ഇന്ത്യയുടെ ദേശീയതയേയും അഖണ്ഡ തയേയും വരെ ചോദ്യം ചെയ്യപ്പെട്ട ഒരു സംഭവമായിരുന്നു അത്. ഹിന്ദുത്വം എന്ന അജണ്ടയുമായി ബിജെപിയുടെ രംഗപ്രവേ ശത്തോടെയാണ് ഇങ്ങിനെയൊരു കാര്യം സംഭവിച്ചത്.
5) രാജീവ് ഗാന്ധിയുടെ വധം (1991), ഇതുമൂലം കോൺഗ്രസിന്റെ നേതൃത്വം തന്നെ മാറ്റി. തുടർന്നുണ്ടായ തെരഞ്ഞെടുപ്പിൽ കോൺഗ്രസ്സിന് ഏറ്റവും കൂടുതൽ സീറ്റുകിട്ടി.
Question 29.
ചേരിചേരാ നയം ശീതസമര പശ്ചാത്തലത്തിൽ ഉരുത്തിരിഞ്ഞു വന്ന ഒന്നാണ്. ഇന്ത്യയുടെ ചേരിചേരാനയം വിശദീകരിക്കുകയും അതി നെതിരെ ഉയർന്ന് വന്നിട്ടുള്ള പ്രധാന വിമർശനങ്ങൾ വിശദീകരി ക്കുകയും ചെയ്യുക.
Answer:
ഇരുധ്രുവ ലോകത്തോടുള്ള വെല്ലുവിളി : ചേരിചേര പ്രസ്ഥാനം (Challenge to Bipolarity: Non-alignment Movement) ശീതസമരം ലോകത്തെ പരസ്പരം ശത്രുത വെച്ചുപുലർത്തുന്ന രണ്ടു ശാക്തിക ചേരികളിലായി വിഭജിച്ചു. ഈ പശ്ചാത്തലത്തിലാണ് ഏഷ്യയിലും ആഫ്രിക്കയിലും ലാറ്റിനമേരിക്കയിലും കോളനിവാഴ്ച അവസാനിപ്പിച്ചുകൊണ്ട് അനേകം സ്വതന്ത്ര രാജ്യങ്ങൾ ഉയർന്നു വന്നത്. ഇവയെ മൂന്നാം ലോകരാജ്യങ്ങൾ അഥവാ വികസ്വര രാജ്യ ങ്ങൾ എന്നാണ് വിളിച്ചിരുന്നത്.
* ശാക്തിക ചേരികൾ തമ്മിലുള്ള ശീതസമരം തങ്ങളുടെ സ്വാത ത്വത്തിനും ലോകസമാധാനത്തിനും ഭീഷണിയാണെന്ന് മൂന്നാം ലോക രാജ്യങ്ങൾ തിരിച്ചറിഞ്ഞു. അതിനാൽ ശാക്തിക ചേരി കളിലും സഖ്യങ്ങളിലും ചേരാൻ അവർ തയ്യാറായില്ല.
* ശാക്തിക ചേരികളിൽനിന്ന് മാറിനിന്ന മൂന്നാം ലോക രാജ്യങ്ങൾ സ്വതന്ത്ര വീക്ഷണം ഉയർത്തിപ്പിടിക്കുന്ന ചേരിചേരാ പ്രസ്ഥാ നത്തിന് (NAM) രൂപം നൽകി. ഇതോടെ ഇരുധ്രുവ ലോകം ശക്തമായൊരു വെല്ലുവിളി നേരിട്ടു.
ഇന്ത്യയും ശീതസമരവും
ചേരിചേരാ പ്രസ്ഥാനത്തിന്റെ ഒരു നേതാവ് എന്ന നിലയിൽ ശീത സമരത്തോടുള്ള ഇന്ത്യയുടെ പ്രതികരണത്തിന് രണ്ടു തലങ്ങൾ ഉണ്ടായിരുന്നു. ഒന്നാമതായി, രണ്ടു സഖ്യങ്ങളിൽ നിന്നും മാറിനിൽക്കാൻ ഇന്ത്യ പ്രത്യേകം ശ്രദ്ധിച്ചു. രണ്ടാമതായി, കോളനി വാഴ്ചയിൽനിന്ന് സ്വാതന്ത്ര്വം നേടിയ രാജ്യങ്ങൾ ഈ സഖ്യങ്ങളിൽ ചേരുന്നതിനെതിരെ അതു ശബ്ദമുയർത്തുകയും ചെയ്തു.
* ഇന്ത്യയുടെ നയം നിഷേധാത്മകമോ നിഷ്ക്രിയമോ ആയിരു ന്നില്ല. നെഹ്റു ലോകത്തെ ഓർമ്മിപ്പിച്ചതുപോലെ ചേരിചേ രായ്മ എന്ന് പ്രശ്നങ്ങളിൽ നിന്ന് ഓടിയൊളിക്കുന്ന ഒരു നയ മല്ല, ശീതസമര മത്സരങ്ങൾക്ക് അയവുവരുത്തുന്നതിനുവേണ്ടി ലോകരാജ്യങ്ങളിൽ സജീവമായി ഇടപെടണമെന്ന നിലപാടാണ് അത് സ്വീകരിച്ചത്.
* ശാക്തിക ചേരികൾ തമ്മിലുള്ള ഭിന്നതകൾ കുറയ്ക്കാനും അതുവഴി ഒരു പൂർണ്ണയുദ്ധം ഒഴിവാക്കാനും ഇന്ത്യ പരിശ്രമി ച്ചു. ഇന്ത്യൻ നയതന്ത്രജ്ഞന്മാരും നേതാക്കന്മാരും ശീതസമര പ്രതിയോഗികളുമായി പലപ്പോഴും വിനിമയം നടത്തുകയും ഇരു വിഭാഗങ്ങളും തമ്മിലുള്ള തർക്കങ്ങളും യുദ്ധങ്ങളും തീർക്കു ന്നതിന് മധ്യസ്ഥത വഹിക്കുകയും ചെയ്തു. 1950 – കളിലെ കൊറിയൻ യുദ്ധം അവസാനിക്കുന്നതിൽ ഇന്ത്യയുടെ സമയോ ചിതമായ ഇടപെടൽ മുഖ്യ പങ്കുവഹിച്ചു.
ശീതസമര സംഘർഷങ്ങൾ ലഘുകരിക്കാനുള്ള മഹാദൗത്യത്തിൽ ഇന്ത്യ ചേരിചേരാ പ്രസ്ഥാനത്തിലെ മറ്റു രാജ്യങ്ങളേയും ഉൾപ്പെടു ത്തുകയുണ്ടായി. ശീതസമരകാലത്ത് ശാക്തിക ചേരികളുടെ ഭാഗമ ല്ലാത്ത പ്രാദേശികവും അന്തർദേശീയവുമായ സംഘടനകളെ പ്രവർത്തനക്ഷമമാക്കുന്നതിന് ഇന്നു തുടർച്ചയായി പരിശ്രമിച്ചു. ശീതസമരത്തെ ദുർബലപ്പെടുത്തുന്നതിൽ ക്രിയാത്മക പങ്കുവഹി ക്കുന്ന സ്വതന്ത്രവും ഒത്തൊരുമയുമുള്ള രാജ്യങ്ങളുടെ ഒരു കോമൺവെൽത്തിൽ നെഹ്റു വലിയ പ്രതീക്ഷ അർപ്പിച്ചിരുന്നു.
ചേരിചേരായ്മ മഹത്തായ ചില അന്തർദ്ദേശീയ ലക്ഷ്യങ്ങൾക്കുവേ ണ്ടിയാണ് നിലകൊള്ളുന്നതെന്നും ഇന്ത്യയുടെ യഥാർത്ഥ താലപ രങ്ങളുമായി അതിനു ബന്ധമില്ലെന്നുമുള്ള ചിലരുടെ വാദത്തിൽ കഴമ്പില്ല. ഇന്ത്യയുടെ ചേരിചേരാ നിലപാട് രാജ്യത്തിന്റെ താല്പര്യ ങ്ങളെ പ്രത്യക്ഷമായി സേവിക്കുന്നവയായിരുന്നു. ചുരുങ്ങിയപക്ഷം രണ്ടു വഴിക്കെങ്കിലും ഇത് രാജ്യതാല്പര്യത്തെ സംരക്ഷിച്ചു.
1) ചേരിചേരാനയം സ്വീകരിച്ചതുവഴി സ്വന്തം താല്പര്യങ്ങൾ സംര ക്ഷിക്കുന്ന അന്തർദ്ദേശിയ തീരുമാനങ്ങളും നിലപാടുകളുടെ ടുക്കാൻ ഇന്ത്യക്ക് സാധിച്ചു. വൻശക്തികളുടേയും അവരുടെ സഖ്യങ്ങളുടേയും താല്പര്യങ്ങൾക്കനുസരിച്ച് രാജ്യത്തിന് പ്രവർത്തിക്കേണ്ടിവന്നില്ല.
2) സ്വന്തം താല്പര്യങ്ങൾക്കനുസരിച്ച് മഹാശക്തികളെ മാറിമാറി ഉപയോഗപ്പെടുത്താൻ ഇന്ത്യക്ക് കഴിഞ്ഞിട്ടുണ്ട്. ഏതെങ്കിലും ഒരു മഹാശക്തി അവഗണിക്കുകയാണെന്നോ, അനാവശ്യ സമ്മർദ്ദം ചെലുത്തുകയാണെന്നോ ഉള്ള തോന്നൽ ഉണ്ടായപ്പോ ഴെല്ലാം ഇന്ത്യ മറുപക്ഷത്തോട് ചായ്വ് പ്രകടിപ്പിച്ചു. ഒരു സഖ്യ വ്യവസ്ഥക്കും ഇന്ത്യയെ മുഖവിലക്കെടുക്കാനോ നിഷേധി ക്കാനോ കഴിഞ്ഞിരുന്നില്ല.
ഇന്ത്യയുടെ ചേരിചേരാനയത്തെ പലരും രൂക്ഷമായി വിമർശിച്ചിട്ടു ണ്ട്. പ്രധാനപ്പെട്ട രണ്ടു വിമർശനങ്ങൾ പരിശോധിക്കാം.
1) ഇന്ത്യയുടെ ചേരിചേരാനയം തത്വദീക്ഷയില്ലാത്തതാണെന്ന് വിമർശകർ ആരോപിക്കുന്നു. ദേശീയ താല്പര്യങ്ങളുടെ പേരിൽ നിർണ്ണായകമായ പല അന്തർദ്ദേശീയ പ്രശ്നങ്ങളിലും ഇന്ത്യ ഉറച്ച നിലപാടുകളെടുക്കാൻ പലപ്പോഴും വിസമ്മതിച്ചു വെന്ന് അവർ ചൂണ്ടിക്കാട്ടി.
2) അസ്ഥിരവും പരസ്പരവിരുദ്ധവുമായ നിലപാടുകളാണ് ഇന്ത്യ പലപ്പോഴും എടുത്തിട്ടുള്ളതെന്ന് ആരോപിക്കപ്പെട്ടു. ശാക്തിക ചേരികളിലും സഖ്യങ്ങളിലും ചേർന്നതിന് മറ്റുള്ളവരെ വിമർശിച്ച ഇന്തതന്നെ 1971 ആഗസ്റ്റിൽ സോവിയറ്റു യൂണിയ നുമായി ഒരു ‘ഇരുപതു വർഷ സൗഹാർദ്ദ സഹകരണ ഉടമ്പ ടിയിൽ ഒപ്പുവെക്കുകയുണ്ടായി. പാശ്ചാത്യ നിരീക്ഷകർ ഇതിനെ നിശിതമായി വിമർശിച്ചു. ഇന്ത സോവിയറ്റ് സഖ്യത്തിൽ ചേർന്നു വെന്നും ചേരിചേരായ്മയെ അമേരിക്കയോടുള്ള ചേരിചേരാ യ്മയാക്കി മാറ്റിയെന്നും അവർ കുറ്റപ്പെടുത്തി. ബംഗ്ലാദേശ് പ്രതി സന്ധിയുടെ കാലത്ത് രാജ്യത്തിന് നയതന്ത്രപരവും സൈനി കവുമായ പിന്തുണ ആവശ്യമായിരുന്നുവെന്നാണ് ഇന്ത്യാ ഗവൺമെന്റിന്റെ വ്യാഖ്യാനം, അമേരിക്ക ഉൾപ്പെടെ മറ്റു രാജ്യ ങ്ങളുമായി ഇന്ത്യക്കുണ്ടായിരുന്ന നല്ല ബന്ധങ്ങളെ സോവിയറ്റു യൂണിയനുമായുള്ള ഉടമ്പടി ബാധിച്ചതുമില്ല.
Question 30.
അന്താരഷ്ട്ര രംഗത്ത്, സാമ്പത്തികവും രാഷ്ട്രീയപരവും, നയ തന്ത്രപരവും സൈനീകവുമായ ശക്തി ഏറെയുള്ള സംഘടനയാണ് യുറോപ്യൻ യുണിയൻ. പ്രാദേശിക മേഖലയിൽ ഏറ്റവും സ്വാധീന ശക്തിയുള്ള സംഘടനയായി യൂറോപ്വൻ യൂണിയൻ അറിയപ്പെടാ നുള്ള കാരണങ്ങൾ വിശദമാക്കുക.
Answer:
* യൂറോപ്പിനെ സാമ്പത്തികമായി സംയോജിപ്പിക്കുന്നതിൽ യൂറോ പ്രൻ നേതാക്കന്മാർ വിജയിച്ചു. ചില സാമ്പത്തിക സ്ഥാപനങ്ങ ളുടെ രൂപീകരണത്തിലൂടെയാണ് ഇതു സാധ്വമായത്. അതി ലൊന്നാണ് യൂറോപ്വൻ യൂണിയൻ.
* 1957-ൽ സ്ഥാപിതമായ ‘യൂറോപ്വൻ സാമ്പത്തിക സമൂഹമാണ് (European Econmic Community – EEC) is when പ്യൻ യൂണിയനായി മാറിയത്.
യൂറോപ്വൻ യൂണിയന്റെ രൂപീകരണത്തിലേക്കുള്ള പ്രധാന ചുവ ടുവെപ്പുകൾ ഏതൊക്കെയാണെന്ന് നോക്കാം. 1945-നുശേഷമുള്ള യൂറോപ്യൻ സംയോജനത്തെ ഏറ്റവുമധികം സഹായിച്ചത് ശീതസ മരമാണ്. കമ്മ്യൂണിസത്തിന്റെ വ്യാപനത്തെ തടയുന്നതിനായി അമേ മിക്ക രൂപകല്പന ചെയ്ത മാർഷൽ പദ്ധതിയും NATO എന്ന സൈനിക സഖ്യവും യൂറോപ്യൻ സംയോജനത്തിന് സംഭാവനയേ കി. മാർഷൽ പദ്ധതി പ്രകാരം വൻ ധനസഹായവും NATO വഴി സൈനിക സുരക്ഷയും യൂറോപ്യൻ രാജ്യങ്ങൾക്കു ലഭിച്ചു. മാർഷൽ പദ്ധതിയനുസരിച്ചാമ് ‘യൂറോപ്യൻ സാമ്പത്തിക സഹകരണത്തിനുള്ള സംഘടന’ (OEEC) രൂപീകരിക്കപ്പെട്ടത്. ഇത് യൂറോപ്യൻ യൂണി യന്റെ രൂപീകരണത്തിലേക്കുള്ള പ്രഥമ ചുവടുവെപ്പായിരുന്നു. കൗൺസിൽ ഓഫ് യൂറോപ്പ്, യൂറോപ്യൻ സാമ്പത്തിക സമൂഹം എന്നീ സ്ഥാപനങ്ങളുടെ രൂപീകരണവും യൂറോപ്യൻ യൂണിയന്റെ ആവിർഭാവത്തിനു കാരണമായി.
യൂറോപൻ സാമ്പത്തിക സഹകരണത്തിനുള്ള സംഘടന (OEEC) 1948 – ൽ രൂപീകൃതമായ OEEC യൂറോപ്പിൽ സാമ്പത്തിക സംയോ ജനത്തിനുള്ള ആദ്യത്തെ ചുവടുവെപ്പായിരുന്നുവെന്ന് സൂചിപ്പിച്ചു വല്ലൊ. മാർഷൽ പദ്ധതി പ്രഖ്യാപിച്ച ധനസഹായം യൂറോപ്യൻ രാജ്യ ങ്ങൾക്കിടയിൽ വിതരണം ചെയ്യുന്നതിനായി രൂപീകരിച്ച സംഘട നയാണ് OEEC. വ്യാപാര സംബന്ധവും സാമ്പത്തികവുമായ പ്രശ്ന ങ്ങളിൽ യൂറോപ്യൻ രാജ്യങ്ങൾക്ക് സഹകരിച്ച് പ്രവർത്തിക്കാനുള്ള ഒരു വേദിയായി OEEC മാറി.
കൗൺസിൽ ഓഫ് യൂറോപ്പ്
1949- ൽ സ്ഥാപിതമായ കൗൺസിൽ ഓഫ് യൂറോപ്പ് രാഷ്ട്രീയ സഹ കരണത്തിന്റെ മേഖലയിലെ മറ്റൊരു ചുവടുവെപ്പായിരുന്നു. യൂറോ പ്യൻ ഐക്യം മെച്ചപ്പെടുത്തുക, മനുഷ്യാവകാശങ്ങൾ സംരക്ഷി ക്കുക എന്നീ ലക്ഷ്യങ്ങളോടെ 40 – ലേറെ യൂറോപ്യൻ രാജ്യങ്ങൾ ചേർന്നാണ് ഈ സംഘടന രൂപീകരിച്ചത്.
യുറോപൻ സാമ്പത്തിക സമൂഹം അഥവാ പൊതു കമ്പോളം (EEC)
1957 – ൽ യൂറോപ്യൻ സാമ്പത്തിക സമൂഹം രൂപീകരിക്കപ്പെട്ടു. 1958 ജനുവരിയിൽ അതു നിലവിൽ വന്നു. അക്കൊല്ലം തന്നെ ഈ സംഘടനയ്ക്ക് ഒരു പാർലമെന്റും സ്ഥാപിച്ചു. യൂറോപ്യൻ പാർല മെന്റിന്റെ രൂപീകരണത്തോടെ യൂറോപ്യൻ സംയോജനപ്രക്രിയക്ക് ഒരു രാഷ്ട്രീയ മാനവും ലഭിച്ചു. EEC പൊതുകമ്പോളം എന്ന പേരിലും അറിയപ്പെട്ടു. അംഗരാജ്യങ്ങൾക്കിടയിലെ ചുങ്കങ്ങളും മറ്റു വ്യാപാര തടസ്സങ്ങളും ഒഴിവാക്കി ഒരു സ്വതന്ത്ര മത്സര കമ്പോ ളവും പൊതുവിപണിയും സൃഷ്ടിക്കുകയായിരുന്നു EEC യുടെ മുഖ്യലക്ഷ്യം.
സോവിയറ്റു യൂണിയന്റെ പതനം യൂറോപ്പിൽ സാമ്പത്തിക സംയോ ജനത്തെ ത്വരിതപ്പെടുത്തി. 1992- ൽ യൂറോപ്യൻ സമൂഹത്തിലെ അംഗങ്ങൾ ‘യൂറോപ്യൻ യുണിയൻ’ എന്ന സംഘടനയ്ക്കു രൂപം നൽകി. ഒരു പൊതു വിദേശ സുരക്ഷാ നയം, നീതി, ആഭ്യന്തര കാര്യങ്ങൾ എന്നിവയിലുള്ള സഹകരണം, ഒരു ഏക കറൻസിയുടെ രൂപീകരണം എന്നിവയ്ക്ക് ഇത് അടിത്തറ പാകി.
യൂറോപ്യൻ യൂണിയൻ ക്രമേണ ഒരു സാമ്പത്തിക സംഘടന എന്ന നിലയിൽ നിന്നും ഒരു രാഷ്ട്രീയ സംഘമായി പരിണമിച്ചു. ഒരു ദേശരാഷ്ട്രമായി അത് പ്രവർത്തിക്കാൻ തുടങ്ങി. ഇതിനിടെ യുറോ പ്യൻ യൂണിയന് ഒരു ഭരണഘടന നിർമ്മിക്കാനുള്ള ശ്രമങ്ങൾ നട ന്നുവെങ്കിലും പരാജയപ്പെടുകയാണുണ്ടായത്. എങ്കിലു സംഘട നയ്ക്ക് സ്വന്തമായ പതാകയും, ദേശീയഗാനവും, സ്ഥാപകദിനവും, കറൻസിയുമുണ്ട്. കൂടാതെ മറ്റു രാജ്യങ്ങളുമായി ഇടപെടുന്നതിനു പൊതുവായ ഒരു വിദേശ സുരക്ഷാ നയവും അതു രൂപീകരിച്ചി ട്ടുണ്ട്.
സഹകരണത്തിന്റെ മേഖലകൾ വിപുലപ്പെടുത്തുന്നതിന് യൂറോപ്യൻ യൂണിയൻ പരിശ്രമിച്ചു. മുൻ സോവിയറ്റു ചേരിയിലെ രാജ്യങ്ങളെ ഉൾപ്പെടെ പുതിയ അംഗങ്ങളെ ചേർക്കുന്നതിനും സംഘടന നട പടികൾ സ്വീകരിച്ചു. എന്നാൽ ഇതൊരു സുഗമമായ പ്രക്രിയയാ യിരുന്നില്ല. പല രാജ്യങ്ങളിലെ ജനങ്ങളും അവരുടെ ഗവൺമെന്റിന്റെ അധികാരങ്ങൾ യൂറോപ്യൻ യൂണിയന് കൈമാ റുന്നതിനോട് യോജിപ്പുള്ളവരായിരുന്നില്ല. കൂടാതെ ചില പുതിയ രാജ്യങ്ങളെ യൂറോപ്യൻ യൂണിയനിൽ ഉൾപ്പെടുത്തുന്ന കാര്യത്തിൽ ആശങ്കകളും നിലനിന്നിരുന്നു.
യൂറോപ്യൻ യൂണിയന്റെ വളർച്ച വിസ്മയകരമായിരുന്നു. ലോക ത്തിലെ ഏറ്റവും വലിയ വ്യാപാര സംഘമായി ഉയർന്നുവരാൻ അതിനു കഴിഞ്ഞു. സാമ്പത്തികവും രാഷ്ട്രീയവും നയതന്ത്രപ രവും സൈനികവുമായ സ്വാധീനമുള്ളൊരു സംഘടനയായി അതുമാറി.
* സാമ്പത്തിക മേഖലയിലെ മികച്ച പ്രകടനം യൂറോപ്യൻ യൂണി യനെ ഉയർന്ന സ്വാധീനമുള്ള ഒരു പ്രാദേശിക സംഘടനയാക്കി മാറ്റുന്നതിൽ ശ്രദ്ധേയ പങ്കുവഹിച്ചു.
ലോകത്തിലെ ഏറ്റവും വലിയ സമ്പദ്വ്യവസ്ഥ യൂറോപ്യൻ യൂണി യനാണ്. 2005-ൽ അതിന്റെ മൊത്തം ദേശീയോല്പാദനം (GDP) 12 ട്രില്യൺ ഡോളറാണ്. ഇത് യു.എസ്സിന്റെ GDP യേക്കാൾ നേരിയ തോതിൽ വലുതാണ്. യൂറോപ്യൻ യൂണിയന്റെ കറൻസി യായ ‘യൂറോയ്ക്ക് യു.എസ്. ഡോളറിന്റെ മേൽക്കോയ്മയെ വെല്ലു വിളിക്കാനുള്ള കഴിവുണ്ട്. ലോകവ്യാപാരത്തിലുള്ള അതിന്റെ പങ്ക് യു.എസിനേക്കാൾ മൂന്നിരട്ടിയാണ്. സ്റ്റീൽ ഉല്പാദനത്തിന്റെ കാര്യ ത്തിൽ യു എസ്സിന്റെ തൊട്ടുപിന്നിലുള്ള സ്ഥാനം യൂറോപ്യൻ യൂണി യനാണ്. കൂടാതെ ലോകത്തിലെ ഏറ്റവും കൂടുതൽ ഉല്പന്നങ്ങൾ | കയറ്റുമതി ചെയ്യുകയും അസംസ്കൃത വസ്തുക്കൾ വാങ്ങുകയും ചെയ്യുന്ന സ്ഥാപനമായി ഉയർന്നുവരാനും അതിനു കഴിഞ്ഞു. യൂറോപ്യൻ യൂണിയന്റെ സാമ്പത്തികശക്തി തൊട്ടടുത്ത അയൽ രാജ്യങ്ങളിലും ഏഷ്യ, ആഫ്രിക്ക എന്നിവിടങ്ങളിലും അതിനു സ്വാധി നമേകുന്നു. ലോകവ്യാപാര സംഘടനകളെപ്പോലുള്ള (WTO) അന്തർദ്ദേശീയ, സാമ്പത്തിക സംഘടനകളിൽ ഒരു പ്രധാന ചേരി യായി അതു പ്രവർത്തിക്കുന്നു.
യൂറോപ്യൻ യൂണിയന് വലിയ രാഷ്ട്രീയ നയതന്ത്ര സ്വാധീനമുണ്ട്. അതിലെ അംഗങ്ങൾ ഐക്യരാഷ്ട്രസഭയിൽ വഹിക്കുന്ന പങ്കാണ് സംഘടനയുടെ രാഷ്ട്രീയ സ്വാധീനത്തിന്റെ അടിസ്ഥാനം. യൂറോ പ്യൻ യൂണിയനിലെ അംഗങ്ങളായ ബ്രിട്ടനും ഫ്രാൻസും ഐക രാഷ്ട്രസഭയിലെ സുരക്ഷാസമിതിയിലെ സ്ഥിരാംഗങ്ങളാണ്. യു. എൻ. സുരക്ഷാസമിതിയിലെ അസ്ഥിരാംഗങ്ങളിൽ നിരവധി പേർ യൂറോപ്യൻ യൂണിയനിലേയും അംഗങ്ങളാണ്. യു.എസ്സിന്റെ ചില നയങ്ങളെ സ്വാധീനിക്കുന്നതിന് ഇത് യൂറോപ്യൻ യൂണിയനെ പ്രാപ്തമാക്കി. ഉദാഹരണമായി ഇറാന്റെ ആണവ പരിപാടിയെക്കു റിച്ചുള്ള യു.എസ്സിന്റെ സമകാലിക നിലപാടിൽ യൂറോപ്യൻ യൂണി യന്റെ സ്വാധീനമുണ്ട്.
31 മുതൽ 33 വരെയുള്ള ഏതെങ്കിലും 2 ചോദ്യങ്ങൾക്ക് ഉത്തരം നൽകുക. ഓരോന്നിനും 8 സ്കോറുകൾ ഉണ്ട്. (2 × 8 = 16)
Question 31.
ആഗോളവത്ക്കരണം ബഹുതലധാരണകളുള്ള ഒരു ആശയമാണ്. ആഗോളവത്ക്കരണത്തെ നിർവ്വചിക്കുകയും അത് വരുത്തിവച്ച രാഷ്ട്രീയവും സാമ്പത്തികവും സാംസ്കാരികവുമായ പ്രത്യാഘാത ങ്ങൾ വിശദമാക്കുകയും ചെയ്യുക.
Answer:
സാമ്പത്തിക ഫലങ്ങൾ
ആഗോളവൽക്കരണം സാമ്പത്തിക മേഖലയെ വളരെയധികം സ്വാധീ നിച്ചിരിക്കുന്നു. ലോകബാങ്ക്, ഐ.എം.എഫ്, ഡബ്ല്യു.ടി.ഒ, എന്നി വയുടെ പങ്ക് വളരെ വലുതാണ്. ഇവ നിയന്ത്രിക്കുന്നത് പ്രധാന മായും അമേരിക്കയും, അതിന്റെ സഖ്യകക്ഷികളുമാണ്. ലോക സാമ്പത്തികനയം തന്നെ ഇവരുടെ സ്വാധീനത്തിൽപ്പെട്ടിരിക്കുന്നു. ഈ കാര്യത്തിൽ ഒരു പുനഃപരിശോധന ആവശ്യമാണ്. ആഗോള വൽക്കരണത്തിലൂടെ ലാഭം ആർക്ക് കിട്ടുന്നുവെന്നും മറ്റും മനസ്സി ലാക്കേണ്ട സമയം അതിക്രമിച്ചിരിക്കുന്നു. ആഗോളവൽക്കരണ ഫല മായി വിവിധ രാജ്യങ്ങളിൽനിന്ന് ഇറക്കുമതിക്കുള്ള നിരോധനം കുറ ഞ്ഞിരിക്കുന്നു. ഇപ്പോൾ സാമ്പത്തികമായി മുന്നിൽ നിൽക്കുന്ന രാജ്യ ങ്ങൾക്ക് അവർക്ക് മറ്റു വികസ്വര രാഷ്ട്രങ്ങളിലും മുതൽ മുടക്കാ നുള്ള സൗകര്യങ്ങൾ ഉണ്ട്. വികസിച്ചുകൊണ്ടിരിക്കുന്ന രാജ്യങ്ങ ളിൽ മുതൽ മുടക്കുന്നത് കൂടുതൽ ലാഭത്തിന് സഹായിക്കും. പുതിയ സാങ്കേതികവിദ്യകൾ രാഷ് ട്രാതിർത്തികൾ ഭേദിച്ച് വികസി ച്ചുകൊണ്ടിരിക്കുന്നു. എന്നാൽ ജനങ്ങളുടെ നീക്കം സംബന്ധിച്ച് വികസിതരാജ്യങ്ങൾ ചില ചട്ടങ്ങൾ വെച്ചിരിക്കുന്നു. അവരുടെ അതിർത്തികൾ വിസാനയങ്ങളെക്കൊണ്ട് സുരക്ഷിതമാക്കുന്നു. അവരുടെ ജനങ്ങൾക്ക് ലഭിക്കേണ്ട തൊഴിൽ സാധ്യത മറ്റുള്ളവർക്ക് ലഭിക്കുന്നത് വിസാനയത്തിൽക്കൂടി തടയാനാകുന്നു.
സാംസ്കാരിക ഫലങ്ങൾ
ആഗോളവൽക്കരണം സംസ്കാരങ്ങളുടെയും ആഗോളീകരണ ത്തിന് വഴിതെളിക്കുന്നുണ്ട്. ഒരു രാജ്യത്തുനിന്നും മറ്റൊരു രാജ്യ ത്തേക്കുള്ള ഒഴുക്കിനെയാണ് ആഗോളവൽക്കരണം എന്നു പറയു ന്നത്. ഈ ഒഴുക്ക് പലത്തരത്തിലുള്ളതാണ്. ഒരു രാജ്യത്ത് നിന്നും മറ്റൊരു രാജ്യത്തേക്ക് ഒഴുകുന്ന ആശയങ്ങൾ ആകാം. അതിരു കൾക്ക് അപ്പുറത്തേക്കുള്ള സാധനങ്ങളുടെ ഒഴുക്കാകാം, മെച്ചപ്പെട്ട ജീവിതമാർഗ്ഗത്തിനായുള്ള ജനങ്ങളുടെ യാത്രയുമാകാം.
ആഗോളവൽക്കരണത്തിന്റെ അനന്തരഫലങ്ങൾ രാഷ്ട്രീയ സാമ്പ ത്തിക മേഖലയിൽ മാത്രം ഒതുങ്ങിനിൽക്കുന്ന ഒന്നല്ല. നമ്മുടെ ഭവ നത്തെയും നമ്മൾ കഴിക്കുന്ന ആഹാരത്തെയും നമ്മൾ കുടിക്കുന്ന പാനീയത്തെയും നമ്മൾ ധരിക്കുന്ന വസ്ത്രത്തെയും നമ്മുടെ ചിന്താ ഗതിയെപ്പോലും ബാധിക്കുന്ന ഒന്നാണ് ആഗോളവൽക്കരണം. ആഗോളവൽക്കരണം നമ്മുടെ ചിന്താരീതിയെപ്പോലും സ്വാധീനിക്കു ന്നു സാംസ്കാരികമേഖലയിലുള്ള ഇതിന്റെ കടന്നുകയറ്റം ലോക സംസ്കാരത്തിലേക്ക് നയിക്കപ്പെടുമോ എന്ന് ഭയപ്പെടുന്നവരും ഉണ്ട്. യഥാർത്ഥത്തിൽ ആഗോളസംസ്കാരം എന്നതുകൊണ്ട് അർത്ഥമാക്കുന്നത് പ്രായോഗികതലത്തിൽ ആവിഷ്ക്കരിക്കപ്പെടുന്ന പാശ്ചാത്യസംസ്കാരത്തെ തന്നെയാണ്. ഇത് ദരിദ്രരാഷ്ട്രങ്ങൾക്ക് മാത്രമല്ല വെല്ലുവിളി ഉയർത്തുന്നത്. മറിച്ച് മാനവരാശിയെതന്നെ ബാധിക്കും. കാരണം ഇതിന്റെ ഫലമായി ലോകത്തിന്റെ സമ്പന്ന മായ സാംസ്കാരിക പൈതൃകത്തിന്റെ വ്യാപ്തി ചുരുങ്ങാ നിടയുണ്ട്.
എന്നാൽ, മറ്റ് ചിലരുടെ അഭിപ്രായത്തിൽ, ആഗോളവൽക്കരണ ത്തിന്റെ സാംസ്കാരിക ഫലത്തെ തെറ്റായി മാത്രം വീക്ഷിക്കപ്പെട്ട തെന്നാണ്. സംസ്കാരം എന്നത് നിശ്ചലമായ ഒന്നല്ല. എല്ലാ സംസ്കാ രങ്ങളും പുറമേ നിന്നുള്ള നന്മകളെ സ്വാംശീകരിക്കാറുണ്ട്.
Question 32.
ഇന്ത്യാ വിഭജനം അതനും വേദനാജനകവും ദുഷ്കരവുമായ ഒരു പ്രക്രിയയായിരുന്നു. വിഭജന പ്രക്രിയയിലെ പ്രധാന ബുദ്ധിമുട്ടു കളും പരിണത ഫലങ്ങളും വിശദീകരിക്കുക.
Answer:
വിഭജന പ്രക്രിയ (Process of Partition)
ഇന്ത്യയെ രണ്ടു രാജ്യങ്ങളായി വിഭജിക്കാനുള്ള തീരുമാനം തികച്ചും വേദനാജനകമായിരുന്നു. അതു നടപ്പിലാക്കുകയെന്നത് അങ്ങേ യറ്റം ദുഷ്കരമാവുമായിരുന്നു. “മതപരമായ ഭൂരിപക്ഷം” എന്ന ആശ യത്തെ അടിസ്ഥാനമാക്കി ബ്രിട്ടീഷിന്ത്യയെ രണ്ടു രാജ്യങ്ങളായി വിഭ ജിക്കാമെന്ന് തീരുമാനിക്കപ്പെട്ടു. മുസ്ലീം ഭൂരിപക്ഷമുള്ള പ്രദേശ ങ്ങൾ ചേർത്ത് പാക്കിസ്ഥാൻ രൂപീകരിക്കുകയും ശേഷിക്കുന്നവ ഇന്ത്യയിൽ തന്നെ തുടരുകയും ചെയ്യുക എന്നതാണ് ഈ ആശയ ത്തിന്റെ അർത്ഥം.
മതഭൂരിപക്ഷത്തിന്റെ അടിസ്ഥാനത്തിൽ വിഭജനം നടത്തുകയെന്ന ആശയം പ്രത്യക്ഷത്തിൽ ലളിതമാണെന്ന് തോന്നാമെങ്കിലും പ്രയോ ഗത്തിൽ അത് എല്ലാതരത്തിലുള്ള പ്രയാസങ്ങളും സൃഷ്ടിച്ചു. പ്രധാ നമായും നാലു പ്രശ്നങ്ങളാണ് ഉയർന്നുവന്നത്.
1) ബ്രിട്ടീഷിന്ത്യയിൽ മുസ്ലീം ഭൂരിപക്ഷമുള്ള പ്രദേശങ്ങളുടെ ഒരു ഏകമേഖല ഉണ്ടായിരുന്നില്ല. ഇതായിരുന്നു ഒന്നാമത്തെ പ്രശ്നം, മുസ്ലീം ഭൂരിപക്ഷ മേഖലകൾ ഇന്ത്യയുടെ രണ്ടു ഭാഗ ങ്ങളിലാണ് കേന്ദ്രീകരിക്കപ്പെട്ടിരുന്നത്. ഒന്ന് പടിഞ്ഞാറും മറ്റൊന്ന് കിഴക്കും. ഈ മേഖലകളെ ബന്ധിപ്പിക്കുക ഏറെ ക്കുറെ അസാധ്യമായിരുന്നു. ഈ സാഹചര്യത്തിൽ പുതിയ രാജ്യ മായ പാക്കിസ്ഥാനിൽ രണ്ടു മേഖലകൾ ഉണ്ടായിരിക്കുമെന്ന് തീരുമാനിക്കപ്പെട്ടു: പടിഞ്ഞാറൻ പാക്കിസ്ഥാനും കിഴക്കൻ പാക്കിസ്ഥാനും, അങ്ങനെ 1500 കിലോമീറ്ററിലധികം ഭൂപ്രദേ ശമുള്ള ഇന്ത്യയുടെ ഇരുവശങ്ങളിലുമായി പരസ്പരം വേർപ്പെട്ട നിലയിൽ പാക്കിസ്ഥാൻ നിലവിൽവന്നു.
2) മുസ്ലീം ഭൂരിപക്ഷമുള്ള എല്ലാ പ്രദേശങ്ങളും പാക്കിസ്ഥാനിൽ ചേരാൻ ആഗ്രഹിച്ചിരുന്നില്ല. ഇതായിരുന്നു രണ്ടാമത്തെ പ്രശ്നം. വടക്കു പടിഞ്ഞാറൻ അതിർത്തി പ്രവിശ്യയിലെ (North Western Frontier Province) സ്വാതന്ത്ര്യസമര സേനാനിയും “അതിർത്തി ഗാന്ധി” എന്ന പേരിൽ വിഖ്യാതനു മായ ഖാൻ അബ്ദുൾ ഖാഫർ ഖാൻ ദ്വിരാഷ്ട്ര സിദ്ധാന്തത്തിന്റെ കടുത്ത വിമർശകനായിരുന്നു. തന്റെ രാജ്യത്തെ പാക്കിസ്ഥാന് വിട്ടുകൊടുക്കുന്നതിനെ അദ്ദേഹം ശക്തമായെതിർത്തു. എന്നാൽ ഖാൻ അബ്ദുൾ ഖാഫർ ഖാന്റെ എതിർപ്പ് അവഗണി ക്കപ്പെടുകയും NWFP പാക്കിസ്ഥാനിൽ ലയിപ്പിക്കുകയും ചെയ്തു.
3) ബ്രിട്ടീഷിന്ത്യയിലെ മുസ്ലീം ഭൂരിപക്ഷ പ്രവിശ്വകളായ പഞ്ചാ ബിലും ബംഗാളിലും അമുസ്ലിങ്ങൾക്ക് ഭൂരിപക്ഷമുള്ള അനേകം വലിയ പ്രദേശങ്ങൾ ഉണ്ടായിരുന്നു. ഇതായിരുന്നു മൂന്നാമത്തെ പ്രശ്നം. ഈ രണ്ടു പ്രവിശ്യകളെ പൂർണ്ണമായും പാക്കിസ്ഥാന് വിട്ടുകൊടുക്കുന്നത് ആത്മഹത്യാപരമായിരിക്കു മെന്ന് പലരും ചൂണ്ടിക്കാട്ടി. ഒടുവിൽ ഈ രണ്ട് സ്ഥാപനങ്ങ ളെയും വിഭജിക്കാൻ തീരുമാനിച്ചു. പഞ്ചാബിലേയും ബംഗാളി ലേയും 50 ശതമാനത്തിലധികം മുസ്ലീങ്ങളുള്ള ജില്ലകളും താലു ക്കുകളും പാക്കിസ്ഥാനിൽ ചേർക്കാൻ തീരുമാനിച്ചു. ഈ തീരു മാനം ആഗസ്റ്റ് 14 – 15 അർദ്ധരാത്രി കൈക്കൊണ്ടിരുന്നില്ല. അതി നാൽ സ്വാതന്ത്ര്വദിനത്തിന്റെ അന്ന് ഈ പ്രവിശ്വകളിലെ വലി യൊരു വിഭാഗം ജനങ്ങൾക്ക് അവർ ഇന്ത്യയിലാണോ പാക്കി സ്ഥാനിലാണോ എന്നറിയില്ലായിരുന്നു. ഈ രണ്ടു പ്രവിശ്വക ളുടെയും വിഭജനം ജനങ്ങളുടെ മനസ്സിൽ ആഴത്തിൽ മുറി വേല്പിച്ച ഒന്നായിരുന്നു.
4) വിഭജനപ്രക്രിയയിലെ നാലാമത്തേതും ഏറ്റവും അനിയന്ത്രി തവുമായ പ്രശ്നം അതിർത്തിയുടെ ഇരു വശങ്ങളിലുള്ള ന്യൂന പക്ഷങ്ങളുടേതായിരുന്നു. ലക്ഷക്കണക്കിന് ഹിന്ദുക്കളും സിക്കുകാരും പാക്കിസ്ഥാനിൽ ഉൾപ്പെട്ട പ്രദേശങ്ങളിൽ ഉണ്ടാ യിരുന്നു. അത്രതന്നെ മുസ്ലീങ്ങൾ ഇന്ത്യയിലെ പഞ്ചാബിലും ബംഗാളിലും ഡൽഹിയിലും അതിന്റെ ചുറ്റുപാടുകളിലുമായി ജീവിക്കുന്നുണ്ടായിരുന്നു. താമസിയാതെ തങ്ങൾ കെണിയില കപ്പെട്ടിരിക്കുകയാണെന്ന് അവർ മനസ്സിലാക്കി. സ്വന്തം നാട്ടിൽ, തങ്ങളും പൂർവ്വികരും ജനിച്ചുവളരുകയും നൂറ്റാണ്ടുകളായി ജീവിച്ചുപോരുകയും ചെയ്ത മണ്ണിൽ തങ്ങൾ അനഭിമതരും അന്യരുമായി മാറിയെന്ന് അവർ തിരിച്ചറിഞ്ഞു.
രാജ്യം വിഭജിക്കപ്പെടുമെന്നായപ്പോൾ ഇരു ഭാഗങ്ങളിലെയും ന്യൂന പക്ഷങ്ങൾ ക്രൂരമായി ആക്രമങ്ങൾക്കിരയായി. ഈ പ്രശ്നം ആരും തന്നെ മുൻകൂട്ടി കണ്ടിരുന്നില്ല. ഇത് പരിഹരിക്കാൻ ആരുടെ കയ്യിലും പദ്ധതികളൊന്നുമുണ്ടായിരുന്നില്ല. ന്യൂനപക്ഷങ്ങളുടെ നേരെയുള്ള അതിക്രമങ്ങൾ താൽക്കാലികമാണെന്നും താമസി യാതെ അവ കെട്ടടങ്ങുമെന്നുമാണ് തുടക്കത്തിൽ ജനങ്ങളും രാഷ്ട്രീയനേതാക്കന്മാരും പ്രതീക്ഷിച്ചത്. എന്നാൽ എല്ലാവരുടേയും കണക്കുകൂട്ടലുകൾ തെറ്റിച്ചുകൊണ്ട് അക്രമം നിയന്ത്രണാതീതമാ യി. അതിർത്തിയുടെ ഇരുഭാഗങ്ങളിലുള്ള ന്യൂനപക്ഷങ്ങൾക്ക് സ്വന്തം നാടും വീടും വിട്ട് ഓടിപ്പോവുകയല്ലാതെ മറ്റു മാർഗ്ഗങ്ങളൊ ന്നുമുണ്ടായിരുന്നില്ല.
Question 33.
ശീത യുദ്ധാനന്തര ലോക ക്രമം അമേരിക്കൻ ആധിപത്യത്തിന് സാക്ഷ്യം വഹിച്ചു. ലോകാധിപത്വം നേടിയെടുക്കാനും അത് നില നിർത്താനും അമേരിക്ക അവലംബിക്കുന്ന മൂന്ന് തന്ത്രങ്ങളെന്തൊ ക്കെയെന്ന് വിശദീകരിക്കുക.
Answer:
ലോകരാഷ്ട്രങ്ങൾ അധികാരം നേടാനും അധികം നിലനിർത്താനും സൈനികശക്തി, സാമ്പത്തിക ശക്തി, സാംസ്കാരിക മേധാവിത്വം എന്നിവയിൽക്കൂടി ശ്രമിക്കുന്നു. ശീതസമരകാലത്ത് അമേരിക്കയും സോവിയറ്റ് യൂണിയനും തമ്മിലായിരുന്നു മത്സരം. സോവിയറ്റ് യൂണിയന്റെ തകർച്ചമൂലം അധികാരമേധാവിത്വം അമേരിക്കയിൽ മാത്രം നിക്ഷിപ്തമായി. ഏക വൻശക്തിയായി അമേരിക്കയ്ക്ക് വില സാനുള്ള അവസരമായി സോവിയറ്റ് യൂണിയന്റെ പതനം. മേധാ വിത്വം അല്ലെങ്കിൽ ആധിപത്യം മൂന്ന് കാര്യങ്ങളിൽ കുടിയാണ് പര ക്കുന്നത്.
a) ഹാർഡ് പവർ
b) സ്ട്രക്ച്ചറൽ പവർ
c) സോഫ്റ്റ് പവർ
ഹാർഡ് പവർ : സൈനിക ശക്തി, രാഷ്ട്രങ്ങൾ തമ്മിലുള്ള ബന്ധ ങ്ങൾ മുതലായവ ഇതിൽപ്പെടുന്നു. ഇന്ന് അമേരിക്ക സൈനികശ ക്തിയിൽ മുൻപന്തിയിൽ നിൽക്കുന്നു. അമേരിക്കൻ സൈനിക മേധാവിത്വത്തെ വെല്ലുവിളിക്കാൻ ഇന്നാരുമില്ല. ഏതു നിമിഷ ത്തിലും ലോകത്തിന്റെ ഏത് കോണിലും എത്താനുള്ള കഴിവ് അവർ നേടിയിരിക്കുന്നു. ഈ ഉദ്ദേശത്തിനുവേണ്ടി ബജറ്റിന്റെ ഒരു നല്ല തുക അവർ ചെലവഴിക്കുന്നുണ്ട്. ഗവേഷണത്തിനും സാങ്കേ തികവിദ്യ വികസിപ്പിക്കുന്നതിനും വാരിക്കോരി പണം ചെലവിടു ന്നു. സാങ്കേതികവിദ്യയാണ് അമേരിക്കയെ വൻ ആജ്ഞാശക്തി യായി നിലനിൽക്കുന്നത്. സൈനികശക്തി ഉപയോഗിച്ച് കീഴ്പ്പെ ടുത്തുന്നതിനും ശിക്ഷിക്കുന്നതിനും പോലീസ് ചമയുന്നതിനും അവർ തയ്യാറാണ്.
സ്ട്രക്ച്ചറൽ പവർ : സാമ്പത്തികഘടനയെ അടിസ്ഥാനമാക്കിയാണ് ഈ മേധാവിത്വം. ആഗോള സാമ്പത്തികഘടന അമേരിക്കയെ ആധാ രമാക്കിയാണ് പ്രവർത്തിക്കുന്നത്. അമേരിക്ക ലോക സമ്പദ്ഘ ടനയെ സഹായിക്കുന്നുവെങ്കിൽ അത് അവരുടെ ഗുണത്തിനോ ലാഭത്തിനോ വേണ്ടി മാത്രമാണ്. രണ്ടാമത്തെ അർത്ഥത്തിൽ എടു ക്കുകയാണെങ്കിൽ അന്താരാഷ്ട്ര പൊതുനന്മയ്ക്കുള്ള കാര്യങ്ങൾ.
സോഫ്റ്റ് പവർ : ആശയപരമായും സാംസ്കാരികമായുമുള്ള മേധാ വിത്വം ആണ് ഇതുകൊണ്ടുദ്ദേശിക്കുന്നത്. അമേരിക്ക എല്ലാ വർക്കും മാതൃകയായി. മറ്റു രാഷ്ട്രങ്ങൾ അമേരിക്കയെ അനുസരി ക്കുന്നു. ദുർബലരാജ്യങ്ങളിൽ അവരുടെ സംസ്കാരമൂല്യങ്ങൾ ഇഷ്ട പ്പെടുത്താൻ അമേരിക്കയ്ക്ക് സാധിക്കുന്നു.
അമേരിക്കക്കാരുടെ ജീവിതരീതി, വ്യക്തിഗതവിജയം എന്നിവയിൽ നമ്മളെല്ലാം ഊറ്റംകൊള്ളുന്നു. ലോകരാഷ്ട്രങ്ങളിൽ അമേരിക്ക ഒന്നാംസ്ഥാനത്ത് നിൽക്കുന്നു. അത് സോഫ്റ്റ് പവർ പ്രേരണ യിൽക്കൂടി, ബലം പ്രയോഗിച്ചല്ല, മറ്റു രാജ്യങ്ങളിൽ ഭംഗിയായി നട പ്പിലാക്കുന്നു.
